Aggregator

மடு ஆலயத்தில்- குடும்பத்துடன் மைத்திரி!!

1 month 3 weeks ago
மடு ஆலயத்தில்- குடும்பத்துடன் மைத்திரி!! மன்னார் மடு ஆலயத்தில் இன்று இடம்பெற்ற சிறப்பு வழிபாட்டு ஆராதனையில் அரச தலைவர் மைத்திரிபால சிறிசேன தனது குடும்பத்தினருடன் கலந்து கொண்டார். இதில் மன்னார் மாவட்ட ஆயர் கலாநிதி இம்மானுவேல் பெர்னாண்டோ , மன்னார் மாவட்ட குருமுதல்வர் விக்டர் சோசை மற்றும் மடுத்திருத்தலத்திற்கு பொறுப்பாக உள்ள பங்குத் தந்தையர்களும் கலந்து கொண்டனர். ஆலயத் திருவிழா எதிர்வரும் ஓகஸ்ட் மாதம் ஆரம்பிக்கப்பட உள்ள நிலையில், அதற்கான பாதுகாப்பு மற்றும் சுகாதார முன்னேற்பாடுகள் செய்யப்பட்டுள்ள்ளன. http://newuthayan.com/story/13/மடு-ஆலயத்தில்-குடும்பத்துடன்-மைத்திரி.html

மடு ஆலயத்தில்- குடும்பத்துடன் மைத்திரி!!

1 month 3 weeks ago
மடு ஆலயத்தில்- குடும்பத்துடன் மைத்திரி!!

 

 

DSC8758-750x430.jpg

 
 
 

மன்னார் மடு ஆலயத்தில் இன்று இடம்பெற்ற சிறப்பு வழிபாட்டு ஆராதனையில் அரச தலைவர் மைத்திரிபால சிறிசேன தனது குடும்பத்தினருடன் கலந்து கொண்டார்.

இதில் மன்னார் மாவட்ட ஆயர் கலாநிதி இம்மானுவேல் பெர்னாண்டோ , மன்னார் மாவட்ட குருமுதல்வர் விக்டர் சோசை மற்றும் மடுத்திருத்தலத்திற்கு பொறுப்பாக உள்ள பங்குத் தந்தையர்களும் கலந்து கொண்டனர்.

ஆலயத் திருவிழா எதிர்வரும் ஓகஸ்ட் மாதம் ஆரம்பிக்கப்பட உள்ள நிலையில், அதற்கான பாதுகாப்பு மற்றும் சுகாதார முன்னேற்பாடுகள் செய்யப்பட்டுள்ள்ளன.

http://newuthayan.com/story/13/மடு-ஆலயத்தில்-குடும்பத்துடன்-மைத்திரி.html

டெஸ்ட் தொடரில் சாதித்த இலங்கை ஒரு நாள் தொடரிலும் சாதிக்குமா?

1 month 3 weeks ago
193 ஓட்டங்களுடன் சுருண்டது இலங்கை ; வெற்றியிலக்கு 194 தென்னாபிரிக்க அணிக்கு எதிரான முதலாவது சர்வதேச ஒரு நாள் போட்டியில் இலங்கை அணி 34.3 ஓவர்களுக்கு சகல விக்கெட்டுக்களையும் பறிகொடுத்து 193 ஓட்டங்களை மாத்திரம் பெற்று, தென்னாபிரிக்க அணிக்கு வெற்றியிலக்காக 194 ஓட்டங்களை நிர்ணயித்து உள்ளது. அந்த வகையில் இன்று தம்புள்ளை ரங்கிரி மைதானத்தில் இலங்கை மற்றும் தென்னாபிரிக்க அணிகளுக்கிடையில் ஆரம்பமான ஐந்து ஒருநாள் போட்டிகள் கொண்ட முதல் போட்டியில் நாணய சுழற்சியில் வெற்றி பெற்ற இலங்கை அணி முதலில் துடுப்பெடுத்தாட தீர்மானித்தது. இதன் பிரகாரம் களமிறங்கிய இலங்கை அணியினர் தென்னாபிரிக்க அணியின் பந்துகளை எதிர்கொண்டு ஓட்டங்களை சேகரிப்பதற்கு பதிலாக விக்கெட்டுக்களை வாரி வழங்கினர். முதலாவது களமிறங்கிய நிரோஷன் திக்வெல்ல, உபுல் தரங்க ஜோடி முதலாவது ஓவரின் மூன்று பந்துகளை எதிர்கொண்டபோதே பிரிவடைந்தது. இதற்கிணங்க நிரோஷன் திக்வெல்ல மூன்று பந்துகளை மாத்திரம் எதிர்கொண்டு 2 ஓட்டங்களுடன் ரபடாவின் பந்து வீச்சில் ஆட்டமிழந்தார். இவரையடுத்து துடுப்பெடுத்தாட களம்புகுந்த குசல் மெண்டீஸ் ரபடாவின் இரண்டாவது ஓவரில் டீகொக்கிடம் பிடிகொடுத்து ஆட்டமிழந்தார். அடுத்தபடியாக உபுல் தரங்க 10 ஓட்டங்களை பெற்று ரன் அவுட் முறையிலும் இவரையடுத்து அணித் தலைவர் அஞ்சலோ மெத்தியூஸ் 8 பந்துகளை எதிர்கொண்டு 5 ஓட்டங்களுடனும் ஆட்டமிழந்தனர். 10 ஓவர்கள் நிறைவடையும் போது இலங்கை அணி ஐந்து விக்கெட்டுக்களை இழந்து 45 ஓட்டங்களை மாத்திரம் பெற்றுக் கொண்டது. இதன் பிறகு இணைந்த குசல், திஸர ஜோடி தென்னாபிரிக்க அணிக்கு ஆட்டம் காட்ட ஆரம்பித்தது. இதன் பிரகாரம் தென்னாபிரிக்க அணியின் பந்து வீச்சாளர்களை வெளுத்து வாங்கிய குசல் மற்றும் திஸர ஜோடி 13.2 ஓவர்கள் இருக்கும்போது இருவருமாக இணைந்து 28 பந்துகளில் 50 ஓட்டங்களை பெற்றுக் கொண்டனர். அதைத் தொடர்ந்து 15.2 ஓவர்கள் இருக்கும் போது இலங்கை அணி 100 ஓட்டங்களை பெற்றுக் கொண்டனது. இதன் பின்னர் அதிரடியாக ஆட்டம் காட்டிய திஸர பெரேரா 30 பந்துகளுக்கு எட்டு நான்கு ஓட்டங்கள் அடங்களாக 49 ஓட்டங்களை பெற்றிருந்தபோது சம்ஸியின் பந்து வீச்சில் ஆட்டமிழந்தார். குசல் பெரோ மற்றும் திஸர பெரேரா ஆகியோர் இணைந்து இலங்கை அணிக்காக 55 பந்துகளை எதிர்கொண்டு 92 ஓட்டங்களை பெற்றுக் கொடுத்தனர். இதன் பின்னர் குசலுடன் ஜோடி சேர்ந்தார் அகில தனஞ்சய 11 ஓட்டங்களுடன் ஆட்டமிழந்து வெளியேறினார். ஆரம்பத்தில் 100 ஓட்டங்களை இலங்கை அணி தாண்டுமா? என்ற கேள்வி இரசிகர்கள் மத்தியில் இருந்தது இருப்பினும் இந்த கேள்வியை இரசிகர்கள் மனதிலிருந்து தனது துடுப்பாட்டம் மூலமாக அழித்தார் குசல் இறுதியாக 30.3 ஓவரில் 72 பந்துகளை எதிர்கொண்டு 11 நான்கு ஓட்டங்கள் ஒரு ஆறு ஓட்டங்கள் அடங்களாக 81 ஓட்டங்களை பெற்றிருந்தபோது குசல் பெரேரா சம்சியுடைய பந்தில் மில்லரிடம் பிடிகொடுத்து ஆட்டமிழந்தார். இதனையடுத்து இலங்கை அணி அடுத்துடுத்து விக்கெட்டுக்களை இழக்க இறுதியாக 34.3 ஓவர்களுக்கு சகல விக்கெட்டுக்களையும் இழந்து 193 ஓட்டங்களை மாத்திரம் பெற்றுக் கொண்டது. இதன்பிரகாரம் தென்னாபிரிக்க அணிக்கு வெற்றி இலக்காக 194 ஓட்டங்கள் நிர்ணயிக்கப்பட்டது. தென்னாபிரிக்க அணி சார்பாக பந்து வீச்சில் ரபடா 41 ஒட்டங்களுக்கு 4 விக்கெட்டுக்களையும் சம்சி 33 ஒட்டங்களுக்கு 4 விக்கெட்டுக்களையும் லுங்கி நிட்ஜி 29 ஓட்டங்களுக்கு ஒரு விக்கெட்டினையும் வீழ்த்தினர். http://www.virakesari.lk/article/37460

இன்றைய மாவீரர் நினைவுகள் ..

1 month 3 weeks ago
தமிழீழம் என்னும் உயரிய இலட்சியத்திற்காக தமது இன்னுயிரை இந்நாளில் ஈகம் செய்த வீரவேங்கைகளுக்கு எனது வீரவணக்கங்கள்!!! மாவீரர்கள் எந்த இலட்சியத்துக்காக தம்மை ஈகம் செய்தார்களோ அவ் இலட்சியத்தை அடையும் வரை ஓயாது அதற்காக உழைப்போம் என்று உறுதி கொள்வோம்.

இல‌ங்கையின் முத‌ல் பூர்வீக‌ம் முஸ்லிம்க‌ளே

1 month 3 weeks ago
Mubarak Abdul Majeeth 23 hrs · முபாற‌க் அப்துல் ம‌ஜீத் எழுதிய‌ இல‌ங்கையின் முத‌ல் பூர்வீக‌ம் முஸ்லிம்க‌ளே என்ற‌ நூலை காத்தான்குடியில் பின்வ‌ரும் முக‌வ‌ரியில் பெற‌லாம். யுனிக‌ம் புக் ஷொப் பிர‌தான‌ வீதி காத்தான்குடி. 0779114100

அடுத்த முதலமைச்சர் வேட்பாளர் யார்?: பகிரங்கமாக அறிவிக்க தமிழரசுக்கட்சிக்கு 10ம் திகதிவரை காலக்கெடு!

1 month 3 weeks ago
அடுத்த முதலமைச்சர் வேட்பாளர் யார்?: பகிரங்கமாக அறிவிக்க தமிழரசுக்கட்சிக்கு 10ம் திகதிவரை காலக்கெடு! July 29, 2018 தமிழ் தேசியக்கூட்டமைப்பின் தலைவர் இரா.சம்பந்தனிற்கும், ரெலோ, தமிழரசுக்கட்சி தலைவர்களிற்கிடையிலுமான உயர்மட்ட சந்திப்பொன்று நேற்று திருகோணமலையில் நடந்தது. தேசியப்பட்டியல் நியமனம், வடக்கு முதலமைச்சர் வேட்பாளர் உள்ளிட்ட பல்வேறு விடயங்களை பேசுவதற்காக தமிழ் தேசிய கூட்டமைப்பு, தமிழரசுக்கட்சி தலைவர்களை சந்திக்க ரெலோ அமைப்பு நேரம் கோரியிருந்த நிலையில், நேற்று இந்த சந்திப்பு நடந்தது. ரெலோ சார்பில் செல்வம் அடைக்கலநாதன், சிறீகாந்தா, சிவாஜிலிங்கம், இந்திரகுமார் பிரசன்னா, நித்தியானந்தம் ஆகியோர் கலந்துகொண்டனர். நேற்றைய சந்திப்பு தொடர்பில், இன்றைய பத்திரிகைகளில் செய்தி வெளியாகியுள்ளது. வழக்கமான சந்திப்பு, கூட்டமைப்பின் ஒற்றுமையை பலப்படுத்தும் விதமாக பேசினோம் என வழக்கமான பாணியில் தலைவர்கள் பத்திரிகைகளிடம் சொல்ல, பத்திரிகைகளும் அப்படியே செய்தி வெளியிட்டுள்ளன. நேற்றைய சந்திப்பில் இதை தவிர்த்த பல முக்கிய விடயங்கள் பேசப்பட்டுள்ளன என்பதை தமிழ்பக்கம் அறிந்துள்ளது. இந்த சந்திப்பில் தீர்க்கமான பல விடயங்கள் பேசப்பட்டதாக, சந்திப்பில் கலந்துகொண்ட முக்கியஸ்தர் தெரிவித்தார். ஏற்கனவே ரெலோவிற்குரிய தேசியப்பட்டியலை தமிழரசுக்கட்சி தன்னிடம் வைத்திருக்கிறது. இந்த அதிருப்தியை தெரிவித்த ரெலோ, ஓகஸ்ட் 10ம் திகதிக்குள் தமக்குரிய தேசியப்பட்டியல் நியமனத்தை வழங்க வேண்டுமென நிபந்தனை விதித்துள்ளது. அது கிடைக்காத பட்சத்தில் ரெலோ வேறுவிதமான முடிவுகளை எடுக்குமென எச்சரித்துள்ளது. வரும் 10ம் திகதி தமிழ் தேசிய கூட்டமைப்பின் ஒருங்கிணைப்புகுழு கூட்டத்தை கூட்டி, தேசியப்பட்டியல் தொடர்பான நிலைப்பாட்டை அறிவிக்க வேண்டுமென ரெலோ அறிவித்துள்ளது. வடக்கு முதலமைச்சர் வேட்பாளர் விடயமும் பேசப்பட்டது. விக்னேஸ்வரன் தொடர்பான தமிழரசுக்கட்சியின் நிலைப்பாடு என்ன? தமிழரசுக்கட்சியின் அடுத்த முதலமைச்சர் வேட்பாளர் யார்? இந்த இரண்டு விடயங்களையும் 10ம் திகதிய ஒருங்கிணைப்புகுழு கூட்டத்தில் தமிழரசுக்கட்சி பகிரங்கமாக அறிவிக்க வேண்டும், தேர்தல் நெருங்கும் சமயத்தில் இப்படியே இழுபறிப்பட்டுக் கொண்டிருக்க முடியாதென ரெலோ தெரிவித்தது. இந்த சந்தர்ப்பத்தில்- விக்னேஸ்வரன் தொடர்பான ரெலோவின் நிலைப்பாடு என்னவென மாவை சேனாதிராசா இடைமறித்து கேட்டார். அதற்கு ரெலோ தரப்பு- “வழக்கமாக இப்படியான முக்கிய வேட்பாளர் தெரிவில் நீங்கள்தான் முடிவுகள் எடுப்பீர்கள். எங்களை கலந்துரையாடியதும் இல்லை. இம்முறை மட்டும் எமது அபிப்பிராயத்தை கேட்க வேண்டாம். உங்கள் நிலைப்பாட்டை 10ம் திகதி அறிவியுங்கள். அதன்பின்னர் எமது நிலைப்பாட்டை அறிவிப்போம்“ என ரெலோ பிரதிநிதிகள் தெரிவித்தனர். 10ம் திகதி முதலமைச்சர் வேட்பாளர் குறித்து அறிவிப்பதாக சம்மந்தன், மாவை சம்மதம் தெரிவித்தனர். கூட்டமைப்பை பதிவு செய்து, புரிந்துணர்வு உடன்படிக்கையொன்று உருவாக்கப்பட வேண்டுமென்றும் ரெலோ வலியுறுத்தியது. ஏற்கனவே யாப்பு ஒன்று உருவாக்கப்பட்டுள்ளதை மாவை குறிப்பிட்டார். அது சகல கட்சிகளின் பங்களிப்புடன் உருவாக்கப்படவில்லை, நடைமுறையிலும் இல்லை. அதனால் புதிதாக உருவாக்க வேண்டுமென ரெலோ வலியுறுத்தியது. கூட்டமைப்பில் புதிய கட்சிகளை உள்ளீர்ப்பது பற்றியும் ரெலோ பேசியது. ஈ.பி.ஆர்.எல்.எவ், வரதர் அணி எண்பவற்றை உள்ளீர்க்க வேண்டுமென பேசப்பட்டது. இது தவிர, வேறு விரும்பும் கட்சிகளையும் இணைத்து பலப்படுத்த வேண்டுமென்றார்கள். அதற்கு அனைவரும் ஆதரவு தெரிவித்தனர். இதற்கு காலம் தேவைப்பட்டாலும், ஈ.பி.ஆர்.எல்.எவ் அமைப்பை உடனடியாக மீளிணைக்க வேண்டுமென ரெலோ வலியுறுத்தியது. இதற்கு பதிலளித்த சம்பந்தன்- “அவர்களை வெளியில் போகுமாறு நானோ, தமிழரசுக்கட்சியோ கூறவில்லை. அவர்களாகத்தான் போனார்கள். அவர்கள் மீள வருவதில் எந்த ஆட்சேபணையும் இல்லை“ என குறிப்பிட்டார். இரண்டு நாட்களின் முன்னர் ரெலோ அனுட்டித்த வெலிக்கடை நினைவுநாள் நிகழ்வில் வரதராஜபெருமாளையும் பேச்சாளராக அழைத்திருந்தது குறிப்பிடத்தக்கது. அடுத்ததாக, இந்த வருட இறுதிக்குள் அரசியல் தீர்வு முயற்சிகளை பூர்த்தி செய்து விட வேண்டும் என வலியுறுத்தியது. புதிய அரசியலமைப்பு உருவாக்க பணிகளிலோ, தீர்வு முயற்சிகளிலோ தமிழரசுக்கட்சி மட்டுமே பங்குபற்றுகிறது. அவர்கள் உரிய தரப்புக்களிற்கு அழுத்தம் கொடுத்து, இந்த காலஅவகாசத்திற்குள் அதை முடித்துக் கொள்ள வேண்டும். புதிய அரசியலமைப்பு வரைபிலோ, வேறு தீர்வு முயற்சியிலோ ரெலோவும் பங்கெடுப்பதென்றால் கூட- இந்த வருட இறுதிக்குள் முழுமையடைய வேண்டும்- அதற்கும் தயாராக இருக்கிறோம் என நேற்று தெரிவித்துள்ளனர். http://www.pagetamil.com/12328/

அடுத்த முதலமைச்சர் வேட்பாளர் யார்?: பகிரங்கமாக அறிவிக்க தமிழரசுக்கட்சிக்கு 10ம் திகதிவரை காலக்கெடு!

1 month 3 weeks ago
அடுத்த முதலமைச்சர் வேட்பாளர் யார்?: பகிரங்கமாக அறிவிக்க தமிழரசுக்கட்சிக்கு 10ம் திகதிவரை காலக்கெடு!
July 29, 2018
ssddff.jpeg

தமிழ் தேசியக்கூட்டமைப்பின் தலைவர் இரா.சம்பந்தனிற்கும், ரெலோ, தமிழரசுக்கட்சி தலைவர்களிற்கிடையிலுமான உயர்மட்ட சந்திப்பொன்று நேற்று திருகோணமலையில் நடந்தது. தேசியப்பட்டியல் நியமனம், வடக்கு முதலமைச்சர் வேட்பாளர் உள்ளிட்ட பல்வேறு விடயங்களை பேசுவதற்காக தமிழ் தேசிய கூட்டமைப்பு, தமிழரசுக்கட்சி தலைவர்களை சந்திக்க ரெலோ அமைப்பு நேரம் கோரியிருந்த நிலையில், நேற்று இந்த சந்திப்பு நடந்தது. ரெலோ சார்பில் செல்வம் அடைக்கலநாதன், சிறீகாந்தா, சிவாஜிலிங்கம், இந்திரகுமார் பிரசன்னா, நித்தியானந்தம் ஆகியோர் கலந்துகொண்டனர்.

நேற்றைய சந்திப்பு தொடர்பில், இன்றைய பத்திரிகைகளில் செய்தி வெளியாகியுள்ளது. வழக்கமான சந்திப்பு, கூட்டமைப்பின் ஒற்றுமையை பலப்படுத்தும் விதமாக பேசினோம் என வழக்கமான பாணியில் தலைவர்கள் பத்திரிகைகளிடம் சொல்ல, பத்திரிகைகளும் அப்படியே செய்தி வெளியிட்டுள்ளன. நேற்றைய சந்திப்பில் இதை தவிர்த்த பல முக்கிய விடயங்கள் பேசப்பட்டுள்ளன என்பதை தமிழ்பக்கம் அறிந்துள்ளது. இந்த சந்திப்பில் தீர்க்கமான பல விடயங்கள் பேசப்பட்டதாக, சந்திப்பில் கலந்துகொண்ட முக்கியஸ்தர் தெரிவித்தார்.

 

ஏற்கனவே ரெலோவிற்குரிய தேசியப்பட்டியலை தமிழரசுக்கட்சி தன்னிடம் வைத்திருக்கிறது. இந்த அதிருப்தியை தெரிவித்த ரெலோ, ஓகஸ்ட் 10ம் திகதிக்குள் தமக்குரிய தேசியப்பட்டியல் நியமனத்தை வழங்க வேண்டுமென நிபந்தனை விதித்துள்ளது. அது கிடைக்காத பட்சத்தில் ரெலோ வேறுவிதமான முடிவுகளை எடுக்குமென எச்சரித்துள்ளது.

வரும் 10ம் திகதி தமிழ் தேசிய கூட்டமைப்பின் ஒருங்கிணைப்புகுழு கூட்டத்தை கூட்டி, தேசியப்பட்டியல் தொடர்பான நிலைப்பாட்டை அறிவிக்க வேண்டுமென ரெலோ அறிவித்துள்ளது.

வடக்கு முதலமைச்சர் வேட்பாளர் விடயமும் பேசப்பட்டது. விக்னேஸ்வரன் தொடர்பான தமிழரசுக்கட்சியின் நிலைப்பாடு என்ன? தமிழரசுக்கட்சியின் அடுத்த முதலமைச்சர் வேட்பாளர் யார்? இந்த இரண்டு விடயங்களையும் 10ம் திகதிய ஒருங்கிணைப்புகுழு கூட்டத்தில் தமிழரசுக்கட்சி பகிரங்கமாக அறிவிக்க வேண்டும், தேர்தல் நெருங்கும் சமயத்தில் இப்படியே இழுபறிப்பட்டுக் கொண்டிருக்க முடியாதென ரெலோ தெரிவித்தது.

இந்த சந்தர்ப்பத்தில்- விக்னேஸ்வரன் தொடர்பான ரெலோவின் நிலைப்பாடு என்னவென மாவை சேனாதிராசா இடைமறித்து கேட்டார். அதற்கு ரெலோ தரப்பு- “வழக்கமாக இப்படியான முக்கிய வேட்பாளர் தெரிவில் நீங்கள்தான் முடிவுகள் எடுப்பீர்கள். எங்களை கலந்துரையாடியதும் இல்லை. இம்முறை மட்டும் எமது அபிப்பிராயத்தை கேட்க வேண்டாம். உங்கள் நிலைப்பாட்டை 10ம் திகதி அறிவியுங்கள். அதன்பின்னர் எமது நிலைப்பாட்டை அறிவிப்போம்“ என ரெலோ பிரதிநிதிகள் தெரிவித்தனர்.

 

10ம் திகதி முதலமைச்சர் வேட்பாளர் குறித்து அறிவிப்பதாக சம்மந்தன், மாவை சம்மதம் தெரிவித்தனர்.

கூட்டமைப்பை பதிவு செய்து, புரிந்துணர்வு உடன்படிக்கையொன்று உருவாக்கப்பட வேண்டுமென்றும் ரெலோ வலியுறுத்தியது. ஏற்கனவே யாப்பு ஒன்று உருவாக்கப்பட்டுள்ளதை மாவை குறிப்பிட்டார். அது சகல கட்சிகளின் பங்களிப்புடன் உருவாக்கப்படவில்லை, நடைமுறையிலும் இல்லை. அதனால் புதிதாக உருவாக்க வேண்டுமென ரெலோ வலியுறுத்தியது.

கூட்டமைப்பில் புதிய கட்சிகளை உள்ளீர்ப்பது பற்றியும் ரெலோ பேசியது. ஈ.பி.ஆர்.எல்.எவ், வரதர் அணி எண்பவற்றை உள்ளீர்க்க வேண்டுமென பேசப்பட்டது. இது தவிர, வேறு விரும்பும் கட்சிகளையும் இணைத்து பலப்படுத்த வேண்டுமென்றார்கள். அதற்கு அனைவரும் ஆதரவு தெரிவித்தனர். இதற்கு காலம் தேவைப்பட்டாலும், ஈ.பி.ஆர்.எல்.எவ் அமைப்பை உடனடியாக மீளிணைக்க வேண்டுமென ரெலோ வலியுறுத்தியது.

இதற்கு பதிலளித்த சம்பந்தன்- “அவர்களை வெளியில் போகுமாறு நானோ, தமிழரசுக்கட்சியோ கூறவில்லை. அவர்களாகத்தான் போனார்கள். அவர்கள் மீள வருவதில் எந்த ஆட்சேபணையும் இல்லை“ என குறிப்பிட்டார்.

 

இரண்டு நாட்களின் முன்னர் ரெலோ அனுட்டித்த வெலிக்கடை நினைவுநாள் நிகழ்வில் வரதராஜபெருமாளையும் பேச்சாளராக அழைத்திருந்தது குறிப்பிடத்தக்கது.

அடுத்ததாக, இந்த வருட இறுதிக்குள் அரசியல் தீர்வு முயற்சிகளை பூர்த்தி செய்து விட வேண்டும் என வலியுறுத்தியது. புதிய அரசியலமைப்பு உருவாக்க பணிகளிலோ, தீர்வு முயற்சிகளிலோ தமிழரசுக்கட்சி மட்டுமே பங்குபற்றுகிறது. அவர்கள் உரிய தரப்புக்களிற்கு அழுத்தம் கொடுத்து, இந்த காலஅவகாசத்திற்குள் அதை முடித்துக் கொள்ள வேண்டும். புதிய அரசியலமைப்பு வரைபிலோ, வேறு தீர்வு முயற்சியிலோ ரெலோவும் பங்கெடுப்பதென்றால் கூட- இந்த வருட இறுதிக்குள் முழுமையடைய வேண்டும்- அதற்கும் தயாராக இருக்கிறோம் என நேற்று தெரிவித்துள்ளனர்.

 

http://www.pagetamil.com/12328/

இராணுவ சீருடையில் ஜி- 3 யுடன் நின்ற பிரபாகரனும் யன்னலால் விடுப்புபார்த்தவரை சிங்களத்தில் அதட்டிய விக்டரும்

1 month 3 weeks ago
விக்டரும்,செல்லக்கிளியும் ஒரே வீட்டுக் கூரை மேலே நின்றார்களாம்...செ.கிளியை குண்டு துளைத்து போனது கூட நின்ற விக்டருக்கே தெரியாதாம்

ராஜபக்ஷ சம்­பந்தன் சந்­திப்பின் பின்­னணி

1 month 3 weeks ago
ஒருக்கால் கையை சுட்டுக்கொண்ட சம்பந்தனுக்கு ரோசம் மானம் சூடு சுரணையே இல்லையா? குரங்கு கொப்புக்கொப்பாய் அங்கையும் இஞ்சையும் தாவுற மாதிரி........

ஈழப்போர்: இறுதி யுத்தத்தில் நடந்தது என்ன?

1 month 3 weeks ago
இறுதி யுத்தத்தில் முழுமையாக என்ன நடந்தது என்று ஒருத்தருக்கும் தெரியாது தான்...நான் கேட்டது அதற்கு முதல் நடந்தது பற்றி அது கூட அவருக்கு தெரியவில்லை.😃 கிருபன்,உப்ப உங்களுக்கு விளங்கி இருக்கும் கருணாவின் அடிமையைப் பற்றி 😜

வடக்கில் அதிகரிக்கும் வன்முறைக் கலாச்சாரத்தை கட்டுப்படுத்துவது பெரிய விடயமல்ல: முதலமைச்சர்

1 month 3 weeks ago
கோயில்கள் அமைதியான இடம் தான்...குறிப்பிட கொஞ்ச நாள் திரு விழாக்கள் நடக்கிறது.., நீங்களும் திரு விழா செய்யுங்கோ...வருமானம் ஈட்டுங்கோ யார் வேண்டாம் எண்டது...உங்களுக்கு அது தானே பொறாமை .

அரளிக்கொட்டை

1 month 3 weeks ago
அரளிக்கொட்டை நீட் தேர்வு ரிசல்ட் இன்னும் கொஞ்ச நேரத்தில் வந்துவிடும். கமலாவின் நெஞ்சு "பட பட' வென்று அடித்துக் கொண்டிருந்தது. மாரியம்மன் கோயிலில் சாமி கும்பிட்டு வேண்டிக் கொண்டு விட்டுத் திரும்பிக் கொண்டிருந்தாள். அந்தக் கிராமத்தில் நாம் தான் முதல் டாக்டர் என்ற கற்பனை அவளை வானத்தில் பறக்க விட்டுக் கொண்டிருந்தது. டாக்டர் ஆகி இதே கிராமத்தில் இலவச வைத்தியம் பண்ணினால் எப்படி இருக்கும் என்று எண்ணிப் பார்த்தாள். ஊரில் வைத்திய வசதி இல்லாததால்தான் தன் அப்பா திடீர் நெஞ்சு வலியில் செத்துப் போனதையும், அது போல் இங்குள்ள யாரும் செத்துப் போகாமல் காப்பாற்றினால் எப்படி இருக்கும் என்றும் கற்பனை செய்து பார்த்தாள். வீடு வீடாகச் சென்று கூலிக்கு வீட்டு வேலை செய்து கஷ்டப்படும் அம்மாவை, தான் டாக்டராகி வேலைக்குப் போக வேண்டாம் என்று தடுத்து ஓய்வு கொடுக்க வேண்டும் என்ற ஆசையும், ஊனமான தன் தங்கச்சியின் காலைச் சரியாக்கி நடக்க வைக்க வேண்டும் என்ற ஆசையும் கமலாவைத் தெருவில் நடக்கிறோம் என்ற உணர்வே இல்லாமல் நடக்க வைத்துக் கொண்டிருந்தது. அந்தச் சின்னக் கிராமத்தில் வீதி பெரும்பாலும் நடமாட்டம் இல்லாமல் தான் இருக்கும். எனவே அவளால் கற்பனை செய்து கொண்டே நடந்து வர முடிந்தது. வீட்டுக்குள் வந்த உடனே அவளுக்குத் திடீர் என்று ஒரு பயம் உடம்பைச் சற்று நடுங்க வைத்தது. "ஒரு வேளை மார்க் வராமல் போனால்?' என்ற எண்ணம் கற்பனைகளையெல்லாம் நொடி நேரத்தில் சிதற அடித்தது. தான் கூலி வேலை செய்யும் வீடுகளில் எல்லாம் மகளை டாக்டருக்குப் படிக்க வைக்கப் போவதாகப் பெருமையாகச் சொல்லி, கூடவே காலேஜுக்குக் கட்ட கடனும் கேட்டு வைத்திருக்கும் அம்மாவுக்கு அந்த அதிர்ச்சி? கமலாவுக்கு அதை நினைக்கவே முடியவில்லை... மீண்டும் மீண்டும் கடவுளை வேண்டிக்கொண்டாள். கமலாவின் குடும்பம் ஓர் ஏழைக் குடும்பம் தான். ஆறு வருஷத்துக்கு முன்னால் கூலி வேலை செய்து வந்த அப்பா திடீர் நெஞ்சு வலியால் துடித்தபோது உள்ளுரில் ஆஸ்பத்திரி வசதி இல்லாததால் காப்பாற்ற முடியாமல் போன அன்று அம்மா, ""ஐயோ... எ சாமி...என்னை அனாதியா உட்டுட்டுப் போயிட்டீயே...ரண்டு பொட்டப் புள்ளகள வச்சிக் கிட்டு நா என்ன செய்வேன்?'' என்று நெஞ்சில் அடித்துக் கொண்டு அழுத அழுகையை நினைத்த போதெல்லாம் கமலா கண்கலங்கி விடுவாள். அதன் பிறகு, ஊனமான தங்கையை இடுப்பில் தூக்கி வைத்துக் கொண்டு அம்மா கூலிவேலைக்குச் சென்றதால்தான் தான் பள்ளிக்கூடம் செல்ல முடிந்தது என்பதையும் அவள் மறந்து விடவில்லை. பகலில் கூலி வேலை இரவில் வெகுநேரம் வரை தையல் மெஷினில் ஜவுளிக்கடைக்குப் பை தைத்துக் கொடுத்துக் கூலி வாங்கியது... இப்படி அம்மா பட்ட கஷ்டம் கொஞ்சநஞ்சம் அல்ல என்பதும் அவளுக்குத் தெரியும். இந்த நிலைமையில் தான் ஒரு டாக்டரானால் அம்மாவுக்கு எவ்வளவு பெருமையாக இருக்கும் என்பதையும் எண்ணிப் பார்த்தாள். சைக்கிளை எடுத்துக் கொண்டு பக்கத்து ஊரில் இருந்த புரெளசிங் சென்டருக்கு ஒன்பது மணிக்கே வந்து விட்டாள். மணி பத்தை நெருங்க நெருங்க கமலா நெஞ்சு முன்பை விட வேகமாக அடித்துக் கொண்டது. மீண்டும் கடவுளை வேண்டிக் கொண்டு கம்ப்யூட்டரை ஆன் பண்ணினாள். இன்னும் ஐந்து நிமிடங்கள்! உடல் நடுக்கத்தைவிட மனம் அதிகமாக நடுங்கியது. அவளைப் போலவே அவளது தோழிகள் சிலரும் அதற்காக வந்திருந்த போதும் அவர்கள் எல்லாம் அவள் கவனத்தில் இல்லை. மணி பத்தானது. நடுக்கத்தில் தடுமாறித் தடுமாறித் தன் பதிவு எண்ணைத் தேடினாள். ஒரு வழியாகக் கண்டு பிடித்தபோது அவளால் நம்ப முடியவில்லை! அவள் பயந்தது போலவே குறைவான மதிப்பெண்! அதிர்ச்சியில் தான் பார்த்த எண் தப்பாகப் போயிருக்க வேண்டும் என்று கடவுளை வேண்டிக் கொண்டு நடுக்கத்தோடு மீண்டும் தன் ஹால் டிக்கெட்டை எடுத்துப் பார்த்தாள். அதே எண் தான்! கமலாவுக்கு மயக்கமே வந்து விடும் போல் ஆகிவிட்டது. கண்கள் கலங்கி விட்டன. அழுகை வந்தும் கட்டுப்படுத்திக் கொண்டு மீண்டும் இரண்டு மூன்று முறை போட்டுப் பார்த்தாள். அதே தான் மார்க்! அதற்கு மேல் அவளால் அங்கு இருக்க முடியவில்லை. பணத்தைக் கொடுத்து விட்டுத் தோழிகளைக் கூடப் பார்க்கப் பிடிக்காதவளாய், அதிர்ச்சி நீங்காதவளாய், எப்படியோ சைக்கிளை எடுத்துக் கொண்டு வீடு வந்து சேர்ந்தாள். ஓடிப்போய்ப் பாயில் குப்புறப் படுத்துக் கொண்டு அழுதாள். அம்மா வேலைக்குப் போய் விட்டிருக்க, விவரம் தெரியாத தங்கச்சி தவழ்ந்து வந்து ""ஏக்கா அழுவுற?'' என்று கேட்ட போது கமலா பதில் ஏதும் சொல்லாமல் அழுதுகொண்டே இருந்தாள். தன் கனவும், அம்மாவின் கனவும் நொறுங்கிப் போனதை அவளால் தாங்கிக்கொள்ள முடியவில்லை. பொதுவாகக் கமலா நன்றாகப் படிப்பவள் தான், வகுப்பில் எப்போதும் முதல் ரேங்க் தான். ஆனாலும் நீட் தேர்வில் தோற்றுப் போன அதிர்ச்சி... இனி எப்படி ஊரார் முகத்தில் விழிப்பது? தோழிகள் முகத்தில்? அம்மாவின் டாக்டர் கனவு நொறுங்கிப் போய் விட்டதே! அம்மாவைக் கஷ்டத்திலிருந்து காப்பாற்ற முடியாமல் போய் விட்டதே, தங்கச்சியின் ஊனத்தைச் சரிபண்ண முடியாதே, ஊராருக்கு இலவச வைத்தியம் என்பதெல்லாம் வெளியே சொல்லவே கேவலமாகப் போய்விட்டதே! இனி அம்மாவுக்குப் பாரமாக இருந்து கெட்ட பெயர் வாங்கிக் கொடுப்பதா? அவளால் சமாதானம் பண்ணிக் கொள்ளவே முடியவில்லை. தோல்வி என்ற இடி அவளைத் தொடர்ந்து தாக்கிக் கொண்டே இருந்தது. புரண்டு புரண்டு அழுது பார்த்தாள். தாங்கிக் கொள்ளவே முடியவில்லை. நினைத்து நினைத்து அழுது கொண்டே இருந்தாள். அவமானம்...அவமானம்... "இது வரை நீ வாங்கிய மார்க்கெல்லாம் காப்பியடித்து வாங்கியதா?' என்று கேட்பார்களே, என்ன சொல்வது? அம்மா வேலைக்குப் போகும் வீட்டிலெல்லாம் கேட்பார்களே... அம்மா எப்படிக் கேவலப்படப் போகிறாள். கோச்சிங் வகுப்புக்குப் போயிருந்தால் அந்த நான்கு மார்க்கையும் வாங்கியிருக்கலாமோ? பணம் இருந்தால் போயிருக்கலாம், பணமில்லையே என்ன செய்வது? இன்னும் கொஞ்சம் படித்திருக்க வேண்டும் தான். "ஐயோ, ஏமாந்து போய் விட்டோமே. ஆயிரம் கனவுகளோடு வரும் அம்மாவின் முகத்தில் இனி எப்படி முழிப்பது? தன் வகுப்புத் தோழி மாலதி தன் அம்மா திட்டியதற்கே அவமானம் தாங்காமல் தற்கொலை செய்து கொண்டாளே, நாம் இத்தனை அவமானத்தையும் கேவலத்தையும் தாங்கிக்கொண்டு எப்படி உயிரோடிருப்பது? ஊரார் கேவலமாகப் பார்ப்பார்களே...இப்படிப் பல கேள்விகள் மின்னலைப் போல் வந்து கொண்டே இருந்தன. உலகமே அவளைப் பார்த்துச் சிரிப்பதைப் போல் அவளுக்குத் தோன்றியது. செல்போனில் அவள் தோழிகள் சிலர் அழைத்த போதிலும் எடுத்துப் பேச விரும்பவில்லை. எப்படிச் சொல்வது, அவர்கள் எல்லாம் பாஸாகி இருப்பார்களே, பொழுது சாய்ந்து கொண்டிருந்தது. அம்மா வருவதற்குள் ஒரு முடிவு செய்தாக வேண்டும் என்றும் அக்கம் பக்கத்தாரின் கேவலத்தை விடச் செத்துப் போவதே மேல் என்றும் தோன்றியது. ஏற்கெனவே அதே கிராமத்துப் பெண்கள் சிலர் செய்த செயல் அவளுக்கு நினைவுக்கு வந்தது. எழுந்து கதவைச் சாத்தி விட்டுப் பக்கத்துத் தோட்டத்துக்குப் போனாள். அங்கு வேலி ஓரம் இருந்த தங்க அரளி மரத்தில் இருந்து ஐந்தாறு கொட்டைகளைப் பறித்துத் தாவணியில் முடிந்து கொண்டாள். அதை அரைத்துக் குடித்தால் செத்துப் போகலாம் என்று கேள்விப்பட்டிருக்கிறாள். கூடவே அது மிகவும் கசக்கும் என்றும் கேள்விப்பட்டிருக்கிறாள். யோசித்துக் கொண்டே மாரியம்மன் கோயிலுக்கு வந்து சாமியிடம் அம்மாவுக்காகவும் தங்கச்சிக்காகவும் வேண்டிக் கொண்டாள். வெளியே வரும்போது எதிர் வீட்டுப் பையன் கதிர்வேலு நொண்டி நொண்டி வந்து கொண்டிருந்தான். அவனுடைய ஒரு கால் பிறவியிலேயே போலியோவால் ஊனம். அவன் ஐந்தாம் வகுப்புப் படித்துக் கொண்டிருப்பது கமலாவுக்குத் தெரியும். எப்போவாவது சந்தேகம் கேட்க வருவான். ""என்ன அக்கா, எப்பவும் உங்க அம்மாவோடதான் கோயிலுக்கு வருவே, இப்போ தனியா வந்திருக்கே?'' என்று கேட்டான். ""எங்கம்மா வர லேட் ஆகும், அதனாலே நானே வந்தே?'' என்று சொல்லிவிட்டுப் போக நடந்தவளுக்கு ஒரு யோசனை வந்தது. ""ஏங் கதிர்வேலு, நீ எங்க போறே?'' ""கடைக்குப் போறேங்க்கா'' ""சரி கதிர்வேலு, எனக்கு ஒரு உதவி பண்றயா ?'' ""என்னக்கா, சொல்லக்கா'' ""இந்தா, இந்த ரண்டு ரூபாய்க்குக் கடலை முட்டாய் ரண்டு வாங்கிட்டு வந்து தர்றயா?'' ""சரிக்கா'' பணத்தை வாங்கிக்கொண்டு கதிர்வேலு போனான். அவன் திரும்பி வரும் வரை கமலா கோயில் திண்ணையில் உட்கார்ந்து கொண்டாள். அரளி விதையை அரைத்துக் கடலை மிட்டாயைக் கடித்துக் கொண்டு குடித்துவிடலாம் என்று முடிவு செய்து கொண்டாள். இது தான் அந்தக் கிராமத்துத் தற்கொலைக் கலாசாரம்! கொஞ்ச நேரத்தில் நொண்டி நொண்டி நடந்து வந்த கதிர்வேலு கொஞ்சம் களைத்துப் போனதால் கடலை மிட்டாயைக் கமலாவிடம் கொடுத்து விட்டுக் கோயில் திண்ணையில் உட்கார்ந்தான். உதவி செய்த நன்றிக்காக ஏதாவது பேசவேண்டுமென்று கமலாவுக்குத் தோன்றியது. ""ஏங் கதிர்வேலு, ஊனமானவங்களுக்குன்னு இருக்கற பள்ளிக்கூடத்திலேயும் ஹாஸ்டல்லேயும் உனக்கு இலவச எடங்கெடச்சுதாமே, அங்கே போனாக் கஷ்டப்படாமே படிக்கலாமே, ஏன் போகலே?'' ""போக்கா, இங்க எங்கம்மாவையும் தங்கச்சியையும் அனாதையாக் கஷ்டப்பட வுட்டுட்டு, என்னய் மட்டு சொர்க்கத்துக்கு வான்னு கடவுளே கூப்பிட்டாலும் நா போக மாட்டேக்கா, நா கஷ்டப்பட்டுப் படிச்சு வேலைக்குப் போயி, சம்பாரிச்சு, ஒரு வேள சோத்தக் கூட வயிறாரத் திங்காத எங்கம்மாவைக் கஷ்டப்படாமே காப்பாத்தணும், எந் தங்கச்சியப் படிக்க வச்சு, நகை போட்டுக் கல்யாணம் பண்ணி வெக்கணும். அப்பத்தா நா மனுச! நீ வென்னா பாரக்கா, இந்த நொண்டி செய்து காட்றானா இல்லையான்னு!'' சொல்லிவிட்டுத் திண்ணையிலிருந்து வேகமாக இறங்கிய கதிர்வேலு வேக வேகமாக நொண்டி நொண்டி நடந்து போனான். அது கோபமா, வீறாப்பா என்று புரியவில்லை! விக்கித்துப் போன, வாயடைத்துப் போன கமலா தன் பார்வையிலிருந்து மறையும் வரை கதிர்வேலுவையே கண் இமைக்காமல் பார்த்துக் கொண்டிருந்தாள். பத்து வயசுப் பையன் கதிர்வேலு! முட்டாள்தனமும் வெட்கமும் மண்டையில் இடிக்க மடியிலிருந்த அரளிக் கொட்டைகளைத் தூக்கி வீசிவிட்டு வீட்டை நோக்கி வேகமாக நடந்தாள் கமலா. http://www.dinamani.com/

இளமை புதுமை பல்சுவை

1 month 3 weeks ago
எடை 375 கிராம் - உள்ளங்கை அளவே பிறந்த குழந்தை அரை கிலோ கூட இல்லாமல் உள்ளங்கை அளவே பிறந்த குழந்தை. கர்ப்பத்தின் 25ஆம் வாரத்தில் பிறந்தபோது இந்தக் குழந்தையின் எடை 375 கிராம்.

இங்கிலாந்து எதிர் இந்தியா டெஸ்ட் தொடர் செய்திகள்

1 month 3 weeks ago
`இங்கிலாந்து மண்ணில் விளையாடுவது சவாலானது!’ - டெஸ்ட் தொடரை எதிர்நோக்கும் தினேஷ் கார்த்திக் இங்கிலாந்து மண்ணில் விளையாடுவது சவாலானது என இந்திய அணியின் விக்கெட் கீப்பர் - பேட்ஸ்மேன் தினேஷ் கார்த்திக் கருத்துத் தெரிவித்திருக்கிறார். Photo Credit: BCCI இங்கிலாந்து சென்றுள்ள விராட் கோலி தலைமையிலான இந்திய அணி டி20 மற்றும் ஒருநாள் தொடர்களை முடித்துவிட்டு, டெஸ்ட் தொடருக்குத் தயாராகி வருகிறது. இவ்விரு அணிகள் இடையிலான முதல் டெஸ்ட் போட்டி எட்ஜ்பாஸ்டன் மைதானத்தில் ஆகஸ்ட் 1ம் தேதி தொடங்குகிறது. கடந்த 2007ம் ஆண்டுக்குப் பின்னர் இங்கிலாந்து மண்ணில் டெஸ்ட் தொடரை வென்றதில்லை என்ற நிலையை மாற்ற விராட் கோலி படைத் தீவிரமாகத் தயாராகி வருகிறது. இந்தநிலையில், டெஸ்ட் தொடர் குறித்து இந்திய அணியின் விக்கெட் கீப்பர் - பேட்ஸ்மேன் தினேஷ் கார்த்திக் மனம் திறந்துள்ளார். ராகுல் டிராவிட் தலைமையிலான இந்திய அணி, கடந்த 2007ம் ஆண்டில் 1-0 என்ற கணக்கில் டெஸ்ட் தொடரை வென்றது. அந்த அணியில் இடம்பெற்றிருந்த வீரர்களில் தினேஷ் கார்த்திக் மட்டுமே தற்போதைய இந்திய அணியில் இடம்பிடித்திருக்கிறார். அவர் கூறுகையில், ``டெஸ்ட் தொடர் குறித்து எண்ணுகையில் பதற்றமும், உற்சாகத்தையும் நான் உணர்கிறேன். நீண்ட நாள்களுக்குப் பின்னர் டெஸ்ட் போட்டிகளில் விளையாட இருக்கிறேன். அந்த அனுபவத்தை எதிர்நோக்கி இருக்கிறேன். இங்கிலாந்து மண்ணில் விளையாடுவது மிகப்பெரிய சவால். அணியின் மற்ற வீரர்களைப் போலவே, நானும் உற்சாகத்துடன் அதை எதிர்க்கொள்ளத் தயாராக இருக்கிறேன்’’என்று கருத்துத் தெரிவித்திருக்கிறார். கேப்டன் விராட் கோலி மற்றும் பயிற்சியாளர் ரவி சாஸ்திரி ஆகியோரைப் புகழ்ந்துள்ள தினேஷ் கார்த்தில், ஒரு அணியாக இங்கிலாந்து டெஸ்ட் தொடரை நாங்கள் எதிர்க்கொள்ள ஆயத்தமாகி விட்டோம். நேர்மறை எண்ணங்களுடன் கேப்டன் மற்றும் பயிற்சியாளர் ஆகியோர் முன்னின்று வழிநடத்தத் தயாராகி இருக்கின்றன. வீரர்களிடம் நம்பிக்கை தெரிகிறது’’ என்று கூறினார். https://www.vikatan.com/news/sports/132363-dinesh-karthik-speaks-about-england-test-series.html

முக்கிய இந்திய நாளிதழ்களில் இன்று ....“கட்டியை கர்ப்பம் எனக் கூறி சிகிச்சை அளித்த அரசு டாக்டர்கள்”

1 month 3 weeks ago
“கட்டியை கர்ப்பம் எனக் கூறி சிகிச்சை அளித்த அரசு டாக்டர்கள்” இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க முக்கிய இந்திய நாளிதழ்களில் இன்று வெளியான சில செய்திகளைத் தொகுத்து வழங்குகிறோம். அனைத்து தமிழ் நாளிதழ்களிலும் முன்னாள் முதல்வர் கருணாநிதி காவேரி மருத்துவமனையில் சிகிச்சை பெற்றுவரும் செய்திதான் முதல் பக்கத்தில் இடம்பிடித்துள்ளது. தினத்தந்தி: "கட்டியை கர்ப்பம் என கூறி சிகிச்சை அளித்த அரசு டாக்டர்கள்" படத்தின் காப்புரிமைGETTY IMAGES வயிற்றில் உள்ள கட்டியை கர்ப்பம் எனக் கூறி சிகிச்சை அளித்த அரசு டாக்டர்களுக்கு எதிராக ஒரு பெண் வழக்கு தாக்கல் செய்து உள்ளார். இதில் தமிழக அரசுக்கு நோட்டீஸ் அனுப்ப சென்னை உயர்நீதிமன்றம் உத்தரவிட்டது என்கிறது தினத்தந்தி நாளிதழ் செய்தி. "எனக்கு கடந்த 2009-ம் ஆண்டு திருமணம் நடந்தது. 2016-ம் ஆண்டு மார்ச் மாதம் கர்ப்பம் அடைந்ததற்கான அறிகுறி தெரிந்ததால், அதே ஆண்டு ஏப்ரல் 11-ந்தேதி திருவல்லிக்கேணியில் உள்ள கஸ்தூரிபா அரசு மகப்பேறு ஆஸ்பத்திரிக்கு சென்றேன். என்னை பரிசோதித்த டாக்டர்கள் நான் கர்ப்பம் அடைந்துள்ளதாக தெரிவித்தனர். எனக்கு நவம்பர் 18-ந்தேதி பிரசவம் நடைபெற வாய்ப்புள்ளது என்று டாக்டர்கள் கூறினார்கள். தொடர்ந்து கஸ்தூரிபா மருத்துவமனைக்கு பரிசோதனைக்கு சென்றேன்.சீமந்தம் செய்து மகிழ்ந்தனர். குறிப்பிட்ட நாட்களுக்கு பின்னரும் எனக்கு பிரசவ வலி எதுவும் ஏற்படவில்லை. 2016-ம் ஆண்டு நவம்பர் 21-ந்தேதி என்னை பரிசோதித்த கஸ்தூரிபா அரசு ஆஸ்பத்திரி டாக்டர்கள், நான் கர்ப்பம் அடையவில்லை. அடிவயிற்றில் கட்டி ஒன்று இருப்பதாக கூறினார்கள். இதைக் கேட்டு எனது குடும்பமே அதிர்ச்சியடைந்தது.கர்ப்பம் அடைந்ததாக கூறியதால், டாக்டர்கள் பரிந்துரை செய்த மாத்திரை, மருந்துகளை 8 மாதங்களாக சாப்பிட்டு வந்தேன்.தவறான பரிசோதனையால், எனக்கும், என் குடும்ப உறுப்பினர்களுக்கும் மனரீதியான பாதிப்புக்களை ஏற்படுத்திய டாக்டர்கள், ஆஸ்பத்திரி ஊழியர்கள் மீது தகுந்த நடவடிக்கை எடுக்கவேண்டும். எனக்கு உரிய இழப்பீடு வழங்க உத்தரவிட வேண்டும்." என்று சென்னை, ஒக்கியம் துரைப்பாக்கத்தை சேர்ந்த அசினா பேகம் சென்னை ஐகோர்ட்டில் தாக்கல் செய்துள்ள வழக்கில் குறிப்பிடப்பட்டிருப்பதாக விவரிக்கிறது அந்நாளிதழ் செய்தி. "ரஜினியை அ.தி.மு.க தலைவராக்க பா.ஜ.க முயற்சி செய்கிறதா?" ஹலோ எப்.எம்.மில் ஒலிபரப்பாகும் 'ஸ்பாட் லைட்' நிகழ்ச்சியில் பேசிய தமிழக பா.ஜனதா தலைவர் தமிழிசை சவுந்தரராஜன் தங்களை பொறுத்தவரை மோடிதான் சூப்பர் ஸ்டார் என்று கூறி உள்ளார் என்கிறது தினத்தந்தி நாளிதழ் படத்தின் காப்புரிமைGETTY IMAGES தமிழகத்தில் நடந்து வரும் வருமான வரி சோதனைகள் குறித்து தமிழிசை, வருமான வரித்துறை தன்னிச்சையாக செயல்படும் அமைப்பு என்றும் மத்திய அரசின் வழிகாட்டுதலின்பேரில் சோதனைகள் நடப்பதாக கூறுவது தவறு" என்று கூறினார் என்கிறது அச்செய்தி. துணை முதல்-அமைச்சர் ஓ.பன்னீர்செல்வத்தை, பாதுகாப்பு துறை மந்திரி சந்திக்க மறுத்தது குறித்த கேள்விக்கு பதில் அளித்த தமிழிசை இதுபற்றி தனக்கு ஒன்றும் தெரியாது என்றும் ஓ.பன்னீர்செல்வம் முறையான அனுமதி பெற்றுத்தான் மந்திரியை சந்திக்க சென்றாரா? என்பதற்கு அவர்தான் பதில் சொல்ல வேண்டும் என தெரிவித்தார் என்று விவரிக்கும் அந்நாளிதழ் செய்தி, நடிகர் ரஜினிகாந்தை அ.தி.மு.க. தலைவராக்க பா.ஜனதா முயற்சி செய்கிறதா? என வெளியாகும் தகவல் குறித்த கேள்விக்கு, நாங்கள் யாரையும் அழைக்கவில்லை. யாரையும் வெளியே போகவும் சொல்லவில்லை. தங்களை பொறுத்தவரை சூப்பர் ஸ்டாராக மோடி இருக்கிறார். எதற்கு இன்னொரு சூப்பர் ஸ்டார் என தமிழிசை கூறினார் என்கிறது அந்நாளிதழ். படத்தின் காப்புரிமைDINAMALAR தினமணி: 'தா. பாண்டியன் அரசு மருத்துவமனையில் அனுமதி' சிறுநீரக பாதிப்பு காரணமாக இந்திய கம்யூனிஸ்ட் கட்சியின் மூத்தத் தலைவர் தா.பாண்டியன் (85) சனிக்கிழமை சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்டார். மூச்சுத் திணறல் பிரச்சனை காரணமாக மருத்துவமனைக்கு பகல் 12 மணியளவில் அவர் கொண்டு வரப்பட்டார். பரிசோதனைக்குப் பிறகு அவர் தீவிர மருத்துவ சிகிச்சைப் பிரிவில் அனுமதிக்கப்பட்டுள்ளார். அவருக்குத் தொடர்ந்து சிகிச்சை அளிக்கப்பட்டு வருகிறது என்கிறது தினமணி நாளிதழ் செய்தி. தா.பாண்டியன் நாள்பட்ட சிறுநீரக நோயால் ஏற்கெனவே பாதிக்கப்பட்டுள்ளார். தற்போது அரசு பொது மருத்துவமனையில் அவருக்கு ரத்த சுத்திகரிப்பு (டயாலிசிஸ்) சிகிச்சை நடைபெற்று வருகிறது. சிகிச்சைக்குப் பிறகு அவரது உடல்நிலையில் முன்னேற்றம் ஏற்பட்டு வருகிறது.டயாலிசிஸ் சிகிச்சைக்குப் பிறகு சிறுநீரக மருத்துவ நிபுணர்களின் இரண்டு அல்லது மூன்று நாள்கள் கண்காணிப்புக்குப் பிறகு அவர் மருத்துவமனையில் இருந்து வீடு திரும்புவார் என்று சென்னை மருத்துவக் கல்லூரி முதல்வர் டாக்டர் ஜெயந்தி கூறியதாக விவரிக்கிறது அந்நாளிதழ் செய்தி. தி நியூ இந்தியன் எக்ஸ்பிரஸ்: 'தனியார் பள்ளிகள் நன்கொடைக்கு வற்புறுத்த முடியாது' தனியார் பள்ளிகள் நன்கொடை கட்டணத்திற்கு கட்டாயப்படுத்தக் கூடாது என்று தனியார் பள்ளிகளுக்கான இயக்குநர் எஸ் கண்ணப்பன் கூறியுள்ளதாக செய்தி வெளியிட்டுள்ளது தி நியூ இந்தியன் எக்ஸ்பிரஸ் நாளிதழ். அண்மையில் எஸ்எஸ்எம் தனியார் பள்ளி இரண்டு லட்சம் வைப்பு தொகை கேட்டுள்ளது. அப்படி தரவில்லை என்றால் பள்ளியை மூடிவிடுவோம் என்று பெற்றோர்களை எச்சரித்துள்ளது, அதனை தொடர்ந்தே இவ்வாறான அறிக்கை வந்துள்ளதாக விவரிக்கிறது அந்நாளிதழ் செய்தி. இந்து தமிழ்: 'மரபணு மாற்றம் செய்த உணவுகளை புறக்கணிப்போம்: ரோஹிணி' நமது உடலுக்கு தீங்கு செய்யும் மரபணு மாற்றப்பட்ட உணவுப் பொருட்களை நாம் அடியோடு புறக்கணிக்க வேண்டும் என்று நடிகர் ரோஹிணி தெரிவித்தார் கூறுகிறது இந்து தமிழ் நாளிதழ். இந்து தமிழ்' நாளிதழின் 'நிலமும் வளமும்' இணைப்பிதழ் சார்பில் இயற்கை வேளாண்மை திருவிழாவில் பேசியபோது இவ்வாறாக அவர் கூறியதாக விவரிக்கிறது அந்நாளிதழ். மரபணு மாற்றப்பட்ட உணவுப் பொருட்கள் தற்போதும் அதிகமாக புழங்கிக் கொண்டு இருக்கின்றன. அவற்றை நாம் அடியோடு புறக் கணிக்க வேண்டும். அதற்கான விழிப்புணர்வை நாம் கையில் எடுக்க வேண்டி உள்ளது. பால் உட்பட 21 உணவு வகைகளில் கலப்படம் இருப்பதாக சொல்கிறார்கள். ஆட்சியாளர்களிடம் இயற்கை விவசாயத்தை பற்றி சொல்லிக் கொண்டே இருக்க வேண்டும். கேரளாவைபோல் தமிழகத்திலும் இயற்கை விவசாயம் செழிக்க வாய்ப்புள்ளது என்று அவர் கூறியதாக அந்நாளிதழ் செய்தி விவரிக்கிறது. https://www.bbc.com/tamil/india-44996063

முக்கிய இந்திய நாளிதழ்களில் இன்று ....“கட்டியை கர்ப்பம் எனக் கூறி சிகிச்சை அளித்த அரசு டாக்டர்கள்”

1 month 3 weeks ago
“கட்டியை கர்ப்பம் எனக் கூறி சிகிச்சை அளித்த அரசு டாக்டர்கள்”

முக்கிய இந்திய நாளிதழ்களில் இன்று வெளியான சில செய்திகளைத் தொகுத்து வழங்குகிறோம்.

அனைத்து தமிழ் நாளிதழ்களிலும் முன்னாள் முதல்வர் கருணாநிதி காவேரி மருத்துவமனையில் சிகிச்சை பெற்றுவரும் செய்திதான் முதல் பக்கத்தில் இடம்பிடித்துள்ளது.

தினத்தந்தி: "கட்டியை கர்ப்பம் என கூறி சிகிச்சை அளித்த அரசு டாக்டர்கள்"

"கட்டியை கர்ப்பம் என கூறி சிகிச்சை அளித்த அரசு டாக்டர்கள்"படத்தின் காப்புரிமைGETTY IMAGES

வயிற்றில் உள்ள கட்டியை கர்ப்பம் எனக் கூறி சிகிச்சை அளித்த அரசு டாக்டர்களுக்கு எதிராக ஒரு பெண் வழக்கு தாக்கல் செய்து உள்ளார். இதில் தமிழக அரசுக்கு நோட்டீஸ் அனுப்ப சென்னை உயர்நீதிமன்றம் உத்தரவிட்டது என்கிறது தினத்தந்தி நாளிதழ் செய்தி.

"எனக்கு கடந்த 2009-ம் ஆண்டு திருமணம் நடந்தது. 2016-ம் ஆண்டு மார்ச் மாதம் கர்ப்பம் அடைந்ததற்கான அறிகுறி தெரிந்ததால், அதே ஆண்டு ஏப்ரல் 11-ந்தேதி திருவல்லிக்கேணியில் உள்ள கஸ்தூரிபா அரசு மகப்பேறு ஆஸ்பத்திரிக்கு சென்றேன். என்னை பரிசோதித்த டாக்டர்கள் நான் கர்ப்பம் அடைந்துள்ளதாக தெரிவித்தனர். எனக்கு நவம்பர் 18-ந்தேதி பிரசவம் நடைபெற வாய்ப்புள்ளது என்று டாக்டர்கள் கூறினார்கள். தொடர்ந்து கஸ்தூரிபா மருத்துவமனைக்கு பரிசோதனைக்கு சென்றேன்.சீமந்தம் செய்து மகிழ்ந்தனர். குறிப்பிட்ட நாட்களுக்கு பின்னரும் எனக்கு பிரசவ வலி எதுவும் ஏற்படவில்லை. 2016-ம் ஆண்டு நவம்பர் 21-ந்தேதி என்னை பரிசோதித்த கஸ்தூரிபா அரசு ஆஸ்பத்திரி டாக்டர்கள், நான் கர்ப்பம் அடையவில்லை. அடிவயிற்றில் கட்டி ஒன்று இருப்பதாக கூறினார்கள். இதைக் கேட்டு எனது குடும்பமே அதிர்ச்சியடைந்தது.கர்ப்பம் அடைந்ததாக கூறியதால், டாக்டர்கள் பரிந்துரை செய்த மாத்திரை, மருந்துகளை 8 மாதங்களாக சாப்பிட்டு வந்தேன்.தவறான பரிசோதனையால், எனக்கும், என் குடும்ப உறுப்பினர்களுக்கும் மனரீதியான பாதிப்புக்களை ஏற்படுத்திய டாக்டர்கள், ஆஸ்பத்திரி ஊழியர்கள் மீது தகுந்த நடவடிக்கை எடுக்கவேண்டும். எனக்கு உரிய இழப்பீடு வழங்க உத்தரவிட வேண்டும்." என்று சென்னை, ஒக்கியம் துரைப்பாக்கத்தை சேர்ந்த அசினா பேகம் சென்னை ஐகோர்ட்டில் தாக்கல் செய்துள்ள வழக்கில் குறிப்பிடப்பட்டிருப்பதாக விவரிக்கிறது அந்நாளிதழ் செய்தி.

Presentational grey line

"ரஜினியை அ.தி.மு.க தலைவராக்க பா.ஜ.க முயற்சி செய்கிறதா?"

ஹலோ எப்.எம்.மில் ஒலிபரப்பாகும் 'ஸ்பாட் லைட்' நிகழ்ச்சியில் பேசிய தமிழக பா.ஜனதா தலைவர் தமிழிசை சவுந்தரராஜன் தங்களை பொறுத்தவரை மோடிதான் சூப்பர் ஸ்டார் என்று கூறி உள்ளார் என்கிறது தினத்தந்தி நாளிதழ்

"ரஜினியை அ.தி.மு.க தலைவராக்க பா.ஜ.க முயற்சி செய்கிறதா?"படத்தின் காப்புரிமைGETTY IMAGES

தமிழகத்தில் நடந்து வரும் வருமான வரி சோதனைகள் குறித்து தமிழிசை, வருமான வரித்துறை தன்னிச்சையாக செயல்படும் அமைப்பு என்றும் மத்திய அரசின் வழிகாட்டுதலின்பேரில் சோதனைகள் நடப்பதாக கூறுவது தவறு" என்று கூறினார் என்கிறது அச்செய்தி.

துணை முதல்-அமைச்சர் ஓ.பன்னீர்செல்வத்தை, பாதுகாப்பு துறை மந்திரி சந்திக்க மறுத்தது குறித்த கேள்விக்கு பதில் அளித்த தமிழிசை இதுபற்றி தனக்கு ஒன்றும் தெரியாது என்றும் ஓ.பன்னீர்செல்வம் முறையான அனுமதி பெற்றுத்தான் மந்திரியை சந்திக்க சென்றாரா? என்பதற்கு அவர்தான் பதில் சொல்ல வேண்டும் என தெரிவித்தார் என்று விவரிக்கும் அந்நாளிதழ் செய்தி, நடிகர் ரஜினிகாந்தை அ.தி.மு.க. தலைவராக்க பா.ஜனதா முயற்சி செய்கிறதா? என வெளியாகும் தகவல் குறித்த கேள்விக்கு, நாங்கள் யாரையும் அழைக்கவில்லை. யாரையும் வெளியே போகவும் சொல்லவில்லை. தங்களை பொறுத்தவரை சூப்பர் ஸ்டாராக மோடி இருக்கிறார். எதற்கு இன்னொரு சூப்பர் ஸ்டார் என தமிழிசை கூறினார் என்கிறது அந்நாளிதழ்.

Presentational grey line கார்ட்டூன்படத்தின் காப்புரிமைDINAMALAR Presentational grey line Presentational grey line

தினமணி: 'தா. பாண்டியன் அரசு மருத்துவமனையில் அனுமதி'

சிறுநீரக பாதிப்பு காரணமாக இந்திய கம்யூனிஸ்ட் கட்சியின் மூத்தத் தலைவர் தா.பாண்டியன் (85) சனிக்கிழமை சென்னை ராஜீவ் காந்தி அரசு பொது மருத்துவமனையில் அனுமதிக்கப்பட்டார். மூச்சுத் திணறல் பிரச்சனை காரணமாக மருத்துவமனைக்கு பகல் 12 மணியளவில் அவர் கொண்டு வரப்பட்டார். பரிசோதனைக்குப் பிறகு அவர் தீவிர மருத்துவ சிகிச்சைப் பிரிவில் அனுமதிக்கப்பட்டுள்ளார். அவருக்குத் தொடர்ந்து சிகிச்சை அளிக்கப்பட்டு வருகிறது என்கிறது தினமணி நாளிதழ் செய்தி.

தா. பண்டியன்

தா.பாண்டியன் நாள்பட்ட சிறுநீரக நோயால் ஏற்கெனவே பாதிக்கப்பட்டுள்ளார். தற்போது அரசு பொது மருத்துவமனையில் அவருக்கு ரத்த சுத்திகரிப்பு (டயாலிசிஸ்) சிகிச்சை நடைபெற்று வருகிறது. சிகிச்சைக்குப் பிறகு அவரது உடல்நிலையில் முன்னேற்றம் ஏற்பட்டு வருகிறது.டயாலிசிஸ் சிகிச்சைக்குப் பிறகு சிறுநீரக மருத்துவ நிபுணர்களின் இரண்டு அல்லது மூன்று நாள்கள் கண்காணிப்புக்குப் பிறகு அவர் மருத்துவமனையில் இருந்து வீடு திரும்புவார் என்று சென்னை மருத்துவக் கல்லூரி முதல்வர் டாக்டர் ஜெயந்தி கூறியதாக விவரிக்கிறது அந்நாளிதழ் செய்தி.

Presentational grey line

தி நியூ இந்தியன் எக்ஸ்பிரஸ்: 'தனியார் பள்ளிகள் நன்கொடைக்கு வற்புறுத்த முடியாது'

தனியார் பள்ளிகள் நன்கொடை கட்டணத்திற்கு கட்டாயப்படுத்தக் கூடாது என்று தனியார் பள்ளிகளுக்கான இயக்குநர் எஸ் கண்ணப்பன் கூறியுள்ளதாக செய்தி வெளியிட்டுள்ளது தி நியூ இந்தியன் எக்ஸ்பிரஸ் நாளிதழ். அண்மையில் எஸ்எஸ்எம் தனியார் பள்ளி இரண்டு லட்சம் வைப்பு தொகை கேட்டுள்ளது. அப்படி தரவில்லை என்றால் பள்ளியை மூடிவிடுவோம் என்று பெற்றோர்களை எச்சரித்துள்ளது, அதனை தொடர்ந்தே இவ்வாறான அறிக்கை வந்துள்ளதாக விவரிக்கிறது அந்நாளிதழ் செய்தி.

Presentational grey line

இந்து தமிழ்: 'மரபணு மாற்றம் செய்த உணவுகளை புறக்கணிப்போம்: ரோஹிணி'

நமது உடலுக்கு தீங்கு செய்யும் மரபணு மாற்றப்பட்ட உணவுப் பொருட்களை நாம் அடியோடு புறக்கணிக்க வேண்டும் என்று நடிகர் ரோஹிணி தெரிவித்தார் கூறுகிறது இந்து தமிழ் நாளிதழ்.

இந்து தமிழ்' நாளிதழின் 'நிலமும் வளமும்' இணைப்பிதழ் சார்பில் இயற்கை வேளாண்மை திருவிழாவில் பேசியபோது இவ்வாறாக அவர் கூறியதாக விவரிக்கிறது அந்நாளிதழ்.

மரபணு மாற்றப்பட்ட உணவுப் பொருட்கள் தற்போதும் அதிகமாக புழங்கிக் கொண்டு இருக்கின்றன. அவற்றை நாம் அடியோடு புறக் கணிக்க வேண்டும். அதற்கான விழிப்புணர்வை நாம் கையில் எடுக்க வேண்டி உள்ளது. பால் உட்பட 21 உணவு வகைகளில் கலப்படம் இருப்பதாக சொல்கிறார்கள். ஆட்சியாளர்களிடம் இயற்கை விவசாயத்தை பற்றி சொல்லிக் கொண்டே இருக்க வேண்டும். கேரளாவைபோல் தமிழகத்திலும் இயற்கை விவசாயம் செழிக்க வாய்ப்புள்ளது என்று அவர் கூறியதாக அந்நாளிதழ் செய்தி விவரிக்கிறது.

https://www.bbc.com/tamil/india-44996063