முல்லைத்தீவில் மாணவிகளுக்கு முன்பாக அநாகரிகமாக நடந்த இராணுவ சிப்பாய்க்கு விளக்கமறியல் குளோபல் தமிழ்ச் செய்தியாளர் முல்லைத்தீவில் பாடசாலை மாணவிகளுக்கு முன்பாக அநாகரிகமாக நடந்து கொண்ட கோப்பரல் தர இராணுவ சிப்பாயை விளக்கமறியலில் தடுத்து வைக்குமாறு உத்தரவிட்ட முல்லைத்தீவு நீதிவான் நீதிமன்ற நீதிவான், மற்றைய இராணுவ வீரரை பிணையில் செல்ல அனுமதித்தார். முல்லைத்தீவு கரைச்சி குடியிருப்பு பகுதியில் பாடசாலை முடிந்து வீடு திரும்பிய பாடசாலை மாணவிகளுக்கு அப்பகுதியால் சென்ற 59 ஆவது படைப்பிரிவை சேர்ந்த இரு இராணுவ சிப்பாய்கள் தமது அந்தரங்க உறுப்பை காட்டியுள்ளனர். அதனை அங்கிருந்த சிலர் அவதானித்து இரு இராணுவ சிப்பாய்களையும் மடக்கி பிடித்து முல்லைத்தீவு காவல்துறையினரிடம் ஒப்படைத்தனர். இதனையடுத்து காவல்துறையினர் குறித்த இரு இராணுவ சிப்பாய்க்களையும் , முல்லைத்தீவு நீதிவான் முன்னிலையில் முற்படுத்தினர். அதனை அடுத்து வழக்கினை விசாரணை நடத்திய நீதிவான் கேப்பரல் தர இராணுவ சிப்பாயை எதிர்வரும் 02ஆம் திகதி வரையில் விளக்கமறியலில் வைக்குமாறு உத்தரவிட்டதுடன் , மற்றைய சிப்பாயை ஒரு இலட்சம் ரூபாய் ஆள் பிணையில் செல்ல நீதிவான் அனுமதித்தார் http://globaltamilnews.net/2018/96510/

இரத்தினபுரி கொலை சம்பவம் தொடர்பில் இரு இளைஞர்கள் கைது - பொலிஸ் பலத்த பாதுகாப்பு இரத்தினபுரி – பாமன்கார்டன் பகுதியில் போதைப்பொருளுக்கு எதிராக போராட்டங்களை நடத்தி வந்த தனபால் விஜேரத்னம், மர்மமாக கொலை செய்யப்பட்ட சம்பவம் தொடர்பில் இரண்டு சந்தேகநபர்கள் கைதுசெய்யப்பட்டுள்ளனர். குறித்த சந்தேகநபர்களை நேற்று மாலை கைது செய்துள்ளதாக பொலிஸார் தெரிவித்தனர். கைது செய்யப்பட்ட சந்தேகநபர்கள் வசமிருந்து வெளிநாட்டில் தயாரிக்கப்பட்ட கைக்குண்டொன்று கைப்பற்றப்பட்டுள்ளதுடன், சந்தேகநபர்கள் பயன்படுத்தியதாக கூறப்படும் முச்சக்கரவண்டியொன்றும் மீட்கப்பட்டுள்ளது. பாமன்கார்டன் பகுதியிலுள்ள ஒரே முகவரியில் வசிக்கும் 24 மற்றும் 23 வயதான இருவரே சம்பவம் தொடர்பில் சந்தேகத்தின் பேரில் கைது செய்யப்பட்டுள்ளனர். சட்டவிரோத போதைப்பொருள் வர்த்தகத்திற்கு எதிராக செயற்பட்டதே, இந்த கொலைக்கான காரணமாக அமைந்திருக்கலாம் என பொலிஸார் சந்தேகம் வெளியிடுகின்றனர். http://www.virakesari.lk/article/40871

சிரமமான சிறை வாழ்க்கையை சிதறடிக்க உதவுங்கள் : ராஜீவ் கொலை வழக்கு : சாந்தன் கடிதம்

 

http://www.virakesari.lk/article/40874

சிரமமான சிறை வாழ்க்கையை சிதறடிக்க உதவுங்கள் : ராஜீவ் கொலை வழக்கு : சாந்தன் கடிதம் இந்திய முன்னாள் பிரதமர் ராஜீவ் காந்தி கொலை வழக்கில் கைது செய்யப்பட்டு 27 ஆண்டுகளாக சிறைத்தண்டனை அனுபவித்து வரும் சாந்தன் மத்திய உள்துறை அமைச்சர் ராஜ்நாத் சிங்கிற்கு கடிதம் எழுதியுள்ளார். குறித்த வழக்கில் கைது செய்யப்பட்டு 27 ஆண்டுகளாக சிறைத்தண்டனை அனுபவித்து வரும் நளினி உள்ளிட்ட எழுவரும் விடுதலைக்காக போராடி வருகின்றனர். இந் நிலையிலேயே சாந்தன் தன்னை விடுதலை செய்ய கோரி தனது வழக்கறிஞர் ராஜகுரு மூலமாக மத்திய உள்துறை அமைச்சருக்கு 4 பக்கங்கள் அடங்கிய கடிதம் ஒன்றை அனுப்பி வைத்துள்ளார். சாந்தன் கடிதத்தில், “நான் சுதேந்திரராஜா என்கிற சாந்தன் நான் உண்மையை சொல்கிறேன் ராஜீவ்காந்தி கொலை சதி திட்டத்தோடு இந்தியாவிற்குள் நுழையவில்லை. அவுஸ்திரேலியாவிற்கு போவது தான் என் நோக்கம். அக் காலக்கட்டத்தில் இலங்கை தமிழர்கள் வெளிநாடுகளுக்கு கொழும்பு வழியாக செல்லாது இந்தியாவிற்கு வந்து செல்வதை தான் வழக்கமாக கொண்டிருந்தனர். அப்படித்தான நானும் வந்தேன். இங்கு வரும் போது இலங்கையில் என் மீது எதுவித குற்ற வழக்குகளும் இல்லை என்று இலங்கை அதிகாரிகளால் சான்றழிக்கப்பட்ட பிறகு எனக்கு அளிக்கப்பட்ட கடவுச்சீட்டுடன் தான் இங்கு வந்தேன். இங்கு வந்த பின் எனது கடவுச்சீட்டை சி.பி.ஐயினர் பெற்றுக்கொண்டனர். சர்வதேச அளவில் பிரபலமான ஒரு தலைரை கொலை செய்ய வரும் வெளிநாட்டவன் யாராவது தன்னைப் பற்றிய உண்மையான தகவல்கள் அடங்கிய கடவுச்சீட்டை கொண்டு வருவானா? இக் கொலை வழக்கில் இன்னுமொரு சாந்தனும் குற்றவாளியாக அடையாளம் காட்டப்பட்டுள்ளார். தடா நீதிமன்றத்தில் சி.பி.ஐ வழக்கறிஞர் வாதிடும் போது விடுதலைப்புலிகள் அமைப்பின் ஆதரவாளருக்கு நான் பணம் கொடுத்ததாக தெரிவித்தார். ஆனால் பணத்தை பெற்றுக்கொண்ட விடுதலைப்புலிகள் ஆதரவாளர் நீதி மன்றில் சாட்சியம் அளிக்கும் போது என்னை அடையாளம் காட்டவில்லை. வேறொரு சாந்தனின் புகைப்படத்தைNயு காட்டினார். உச்சநீதிமன்ற தீர்ப்பில் பக்கம் 558இல், இந்த வழக்கில் 19ஆவது எதிரியாக சேர்க்கப்பட்டு பிறகு விடுதலை செய்யப்பட்ட ஒருவரிடம் விரைவில் ஒரு முக்கிய தலைவரை கொலை செய்யப்போவதாக நான் கூறியதாக பதிவு செய்யப்பட்டுள்ளது. ஆனால் பக்கம் 157இல் அது அடுத்த சாந்தன் என்றிருக்கும். இப்படி பல குளறுபடிகள் தீர்ப்பில் உள்ளன. புலனாய்வு அதிகாரிகள் இப்போது சொல்லும் உண்மையை பற்றியோ 1999இல் உச்ச நீதிமன்றம் வழங்கிய தீர்ப்பில் உள்ள தவறுகள் பற்றியோ நான் இப்போது வெளிக்கொணர விரும்பவில்லை. பழையவற்றை புறந்தள்ளிவிட்டு புறப்படவே விரும்புகிறேன். 2011ஆம் ஆண்டில் தூக்குத் தண்டனை உறுதி செய்யப்பட்ட போது நோயாளியாக இருந்த என் அப்பா 2014ஆம் ஆண்டு வழங்கப்பட்ட தீர்ப்பை அறியம் முன்னரே இறந்துவிட்டார். வயோதிப தாய்க்காவது மகனுக்குரிய கடமைகளை செய்ய விரும்புகிறேன். என்னை என்னுடைய உறவுகளுடன் சேர்த்து வைக்க மத்திய அரசால் முடியம். என்னுடைய சிரமமான சிறை வாழ்க்கையை சிதறடிக்க உதவுங்கள்." என எழுதியுள்ளார். http://www.virakesari.lk/article/40874

மாவீரர்களை சாட்சியாக வைத்து நடந்த விசித்திர திருமணம்!( காணொளி) புலம் பெயர் நாடுகளில் எமது உறவுகள் வாழ்ந்தாலும் இன்றும் எமது கலாசாரத்தையும் பண்பாட்டையும் மறக்கவில்லை என்பதற்கு முன்னுதாரணமாக சுவிஸ்சர்லாந்தில் ஒரு நிகழ்வு நடந்துள்ளது. தமிழ் மொழிக்காகவும் மறைந்த மாவீரர்களை நினைவு கூரும் வகையிலும் ஒரு திருமணம் நடந்துள்ளது. சுவிஸ் வாழ் தமிழ் இளைஞன் சுவஸ்சர்லாந்து ஞானலிங்கேஸ்வரர் கோவிலில் தொடர்பு கொண்டு தமிழ் முறைப்படி திருமணம் செய்ய வேண்டுகோள் விடுத்துள்ளார். இவரது இவ் வேண்டுகோளை ஏற்றுக் கொண்ட ஆலய நிர்வாகமும் அதற்கேற்ற முன் ஆயத்தங்களையும் மேற் கொண்டுள்ளது. அதற்கமைய குறித்த இளைஞனின் திருமணம் மறைந்த மாவீரர்களை சாட்சியாக வைத்து தமிழ் முறைப்படி நடந்துள்ளது. இவ்வாறான செயற்பாட்டைக் காணும்போது புலம்பெயர் வாழ் எமது உறவுகள் பலர் தமிழின் மீதும் மறைந்த மாவீரர்கள் மீதும் வைத்துள்ள மரியாதை தெள்ளத்தெளிவா வெளிபடுகிறது. https://www.ibctamil.com/swiss/80/106425

மாவீரர்கள் சாட்சியாக நடந்த திருமணம்! நெகிழ்ந்துபோன ஈழத் தமிழ் மக்கள்!! (காணொளி)

 

https://www.ibctamil.com/swiss/80/106425

உயிர் வளர்க்கும் திருமந்திரம் 49: மன்மனத்து உள்ளே மனோலயம் வணிகம் செய்கிறவர்கள் வரவுசெலவுகளைக் கணக்கிட்டு, ஆகமொத்தம் இந்த வணிகத்தால் நமக்கு வந்த ஊதியம் அல்லது இழப்பு இவ்வளவு என்று மதிப்பிட்டுக் கொள்வதைப்போல, வாழ்வின் வரவுசெலவுகளைக் கணக்கிட்டு இந்த முறையிலான வாழ்வினால் நமக்கு வந்த ஊதியம் அல்லது இழப்பு இவ்வளவு என்று மதிப்பிட்டுக்கொள்ள முடியுமா? தாயுமானவர் ஒரு கணக்கெடுக்கிறார்: ...யோசிக்கும் வேளையில் பசிதீர உண்பதும் உறங்குவதும் ஆகமுடியும்; உள்ளதே போதும்நான் நான்எனக் குளறியே ஒன்றைவிட்டு ஒன்றுபற்றிப் பாசக் கடற்குளே வீழாமல் மனதுஅற்ற பரிசுத்த நிலையைஅருள்வாய், பார்க்கும்இடம் எங்கும்ஒரு நீக்கம்அற நிறைகின்ற பரிபூரணானந்தமே. (தாயுமானவர், பரிபூரணானந்தம், 10) கணக்கெடுத்துப் பார்த்தால், பசி தீரச் சாப்பிட்டிருக்கிறோம்; படுத்து உறங்கியிருக்கிறோம். அல்லாமல் வேறென்ன? உள்ளதே போதும் என்று ஒரு பொழுதேனும் தோன்றியிருக்கிறதா? ‘நான், நான்’ என்னும் அறிவற்ற குளறல் என்றைக்காவது அற்றுப் போயிருக்கிறதா? அதை விடுவோம், தாவி இதைப் பிடிப்போம்; இதை விடுவோம், தாவி வேறொன்றைப் பிடிப்போம்; தாவித் தாவிப் பிடித்துக் கடைசியில் பிடிமானமில்லாமல் பற்றாகிய பழங்கடலுக்குள் விழுந்து அமிழ்வோம். அல்லாமல் வேறென்ன? அவ்வாறெல்லாம் ஆகிவிடாமல், இனி என்னைப் புதிய உயிர் ஆக்கி, மனம் தன்னை மிகத் தெளிவு செய்து, என்றும் ஆனந்தம் கொண்டிருக்கச் செய்வாய் என்று பரிபூரண ஆனந்தத்தை வேண்டுகிறார் தாயுமானவர். முற்றத் துறக்கும் முன் அரசக் கணக்கெழுதியவர் தாயுமானவர். பட்டினத்தாரும் அவ்வாறே. முற்றத் துறக்கும் முன் வணிகக் கணக்கெழுதியவர். தாயுமானவரைப்போலவே பட்டினத்தாரும் வாழ்க்கைக் கணக்கெடுக்கிறார்: உண்டதே உண்டும், உடுத்ததே உடுத்தும், அடுத்து அடுத்து உரைத்ததே உரைத்தும், கண்டதே கண்டும், கேட்டதே கேட்டும் கழிந்தன கடவுள் நாள் எல்லாம்; விண்டதா மரைமேல் அன்னம்வீற்று இருக்கும் விழவுஅறா வீதிவெண் காடா, அண்டரே போற்ற அம்பலத்து ஆடும் ஐயனே, உய்யுமாறு அருளே. (பட்டினத்தார், திருவெண்காட்டுத் திருவிசைப்பா) உண்டதைத்தான் உண்கிறோம்; உடுத்ததைத்தான் உடுக்கிறோம்; பேசியதையே திரும்பத் திரும்பப் பேசுகிறோம்; பார்த்ததையே பார்க்கிறோம்; கேட்டதையே கேட்கிறோம். திரும்பிப் பார்த்தால், ஐயோ, கடவுளைக் கண்டுகொள்வதற்காக வழங்கப்பட்ட நாட்களை அல்லவா வீணாக்கியிருக்கிறோம்? திருவெண்காட்டு ஈசா, இவ்வாறு உழற்றாமல், என்னைச் சரியான திசைக்குத் திருப்பி ஆட்கொள்ள மாட்டாயா? அறிந்ததைக் கணக்கெடுக்கும் திருமூலர் தாயுமானவரைப் போலவும் பட்டினத்தாரைப் போலவும் கணக்கெழுதும் பயிற்சி உள்ளவரா திருமூலர் என்று தெரியவில்லை. என்றாலும் அவரும் கணக்கெடுக்கிறார். ஆனால், இவர் போடும் கணக்கு கொஞ்சம் வேறாக இருக்கிறது. தாயுமானவரும் பட்டினத்தாரும் உண்டதை, உடுத்தியதைக் கணக்கெடுக்கிறார்கள். திருமூலர் அறிந்ததைக் கணக்கெடுக்கிறார்: உற்றுஅறிவு ஐந்தும், உணர்ந்துஅறிவு ஆறுஏழும், கற்றுஅறிவு எட்டும், கலந்துஅறிவு ஒன்பதும், பற்றிய பத்தும், பலவகை நாழிகை அற்றது அறியாது அழிகின்ற வாறே (திருமந்திரம் 741) மெய், வாய், கண், மூக்கு, செவி என்று புலன்களின் வழியாக உற்று அறிந்த வகையில் அறிவு ஐந்து; புலன்களால் உற்று அறிந்தவற்றையெல்லாம் மனத்தினுள் வாங்கிக் கொண்ட வகையில் அறிவு ஆறு; வாங்கிக் கொண்டவற்றையெல்லாம் வகைப்படுத்தித் தொகுத்து, உணர்ந்துகொண்ட வகையில் அறிவு ஏழு; முற்றறிவு பெறுவதற்கு, உற்றும் உணர்ந்தும் அறிந்தவை போதாதென்று, அறிஞர் பெருமக்கள் உணர்ந்து சொன்னவற்றைக் கசடறக் கற்று அறிந்த வகையில் அறிவு எட்டு; கசடறக் கற்று, அறிந்தவற்றுக்குத் தக நின்று, தானே பட்டும் அறிந்த வகையில் அறிவு ஒன்பது; பட்டு அறிந்தவற்றையெல்லாம் ‘தனது’ என்று பற்றிக்கொண்ட வகையில் அறிவு பத்து. அறிந்தாலும் என்ன, அறியாவிட்டாலுந்தான் என்ன என்று கருதத்தக்க அற்பங்களையெல்லாம் அறிவதிலேயும் அவற்றைத் தனதாக்கிப் பற்றிக் கொள்வதிலேயும் காலம் கழிகிறது. காலம் கழிகிறது என்பதையே அறியாமல், ஐயோ, வாழ்வு அழிகிறதே? தளைப்படுத்துவது எது? அறிவுதான் விடுதலை செய்யும். விடுதலை செய்ததா என்று கணக்குப் பார்த்தால் செய்யவில்லை. என்றால் என்ன கோளாறு? விடுதலை தருவது எதுவோ அதை அறிந்து அதில் ஈடுபடாமல், தளைப்படுத்துவது எதுவோ அதை அறிந்து அதில் ஈடுபட்டது. கொங்குபுக் காரொடு வாணிபம் செய்தது அங்குபுக் கால்அன்றி ஆய்ந்துஅறி வார்இல்லை; திங்கள்புக் கால்இருள் ஆவது அறிந்திலர்; தங்குபுக் கார்சிலர் தாபதர் ஆமே. (திருமந்திரம் 2930) கொங்கு எனப்படும் மேற்குத் தொடர்ச்சி மலையின் காடும் காடு சார்ந்த நாடுமாகிய பகுதியில் அகிலும் சந்தனமும் மிளகும் கிராம்பும் ஏலமும் பெரும் வருவாயை ஈட்டித்தரும் வணிகப் பொருள்கள். அவை எந்த வகையில் கொள்முதல் செய்யப்படுகின்றன, என்ன விலைக்கு விற்கப்படுகின்றன என்னும் வணிக விவரங்களை வேறு பகுதியில் வாழ்கிறவர் ஒருவர் அறிய வேண்டுமானால் அவர் கொங்குப் பகுதிக்குப் போய்த்தான் அறிய வேண்டும். என் இடத்திலிருந்தே அறிவேன் என்றால் கதை நடக்காது. நீச்சல் கற்றுக்கொள்ள விரும்புகிறவர் குளத்தில் இறங்குவது கட்டாயம் இல்லையா? மாலை மயங்கி நிலா வரும்வரையில் இருள்தான்; நிலா வந்துவிட்டால் இருள் ஒடுக்கப்பட்டுவிடுகிறது இல்லையா? அவ்வாறே ஒன்றை அறியப் புகுந்துவிட்டால் அறியாமை நீங்குகிறது. ஆனால் அறியப் புகுந்தது எதுவோ அதை அறியாமல் விடுவதில்லை என்ற விடாமுயற்சியும் அங்குமிங்கும் விலகாத நேர்க்கோட்டு நினைவும் உள்ளவர்கள் மட்டுமே அதை அறிகிறார்கள். விடுதலை விளையுமிடத்தைக் கண்டறியவும் விலகாத நேர்க்கோட்டு நினைவு, விடாமுயற்சி வேண்டும். அக்கா வந்து கொடுக்கச் சுக்கா மிளகா சுதந்திரம்? அங்குமிங்குமாக அலைக்கழிக்கும் மனம் என்னும் மாடு அடங்கினால் நேர்க்கோட்டு நினைவு இயல்வதாகும். மனம் என்கிற மாட்டை அடக்கும் வகை என்ன? கொம்பைப் பிடித்து மடக்க வேண்டும். மன மாட்டின் கொம்புகள் எங்கே இருக்கின்றன? அவை நம் மூக்கிலிருந்து மூச்சாக நீள்கின்றன. மூச்சைப் பிடித்தால் மாட்டை மடக்கலாம். கூற்றை உதைக்கலாம். மன்மனம் எங்குஉண்டு வாயுவும் அங்குஉண்டு; மன்மனம் எங்குஇல்லை வாயுவும் அங்குஇல்லை; மன்மனத்து உள்ளே மகிழ்ந்துஇருப் பார்க்கு மன்மனத்து உள்ளே மனோலயம் ஆமே. (திருமந்திரம் 620) மனம் புறப்பொருள்களை நத்தித் திரியும்போது, உயிர்க் காற்று அலைகிறது. மனம் ஒடுங்குகிறபோது, உயிர்க் காற்று தன் அலைச்சல் மாறிக் கட்டுப்பட்டு ஒழுங்குக்கு வருகிறது. புறப்பொருள்களைப் பற்றித் திரிகிற மனத்தையே பற்றித் திரிக. மனம் மனத்துக்குள்ளேயே ஒடுங்கும். நஞ்சுக்கு நஞ்சே மருந்தாவதுபோல, மனத்தை மனமே வசப்படுத்தும் என்ற பாட்டால் மனத்துக்கும் உயிர்க் காற்றுக்கும் உள்ள நேரடித் தொடர்பு சொன்ன திருமூலர் மற்றொரு பாட்டால் அதை உறுதிப்படுத்துகிறார்: பிராணன் மனத்தொடும் பேராது அடங்கிப் பிராணன் இருக்கில் பிறப்புஇறப்பு இல்லை; பிராணன் மடைமாறிப் பேச்சுஅறி வித்துப் பிராணன் நடைபேறு பெற்றுஉண்டீர் நீரே. (திருமந்திரம் 567) பிராணன் என்கிற உயிர்க்காற்றும் மனமும் நேர்த் தொடர்புள்ளவை. உயிர்க்காற்றுப் பெயர்ந்தால் மனம் பெயரும்; மனம் பெயர்ந்தால் உயிர்க்காற்றின் நடை மாறும். உயிர்க்காற்று நடைமாறாமல் நிலைகுத்திவிட்டால் பிறப்பு இறப்பு அச்சத்திலிருந்து விடுதலை கிடைக்கும். உயிர்க்காற்றை நிலைநிறுத்துக. பேச்சுப் பேச்சென்றும் உங்கள் பெரும்பேச்சின் பயனின்மையை உங்களுக்கு நீங்களே அறிவித்துக்கொண்டு பேச்சடக்குக. உயிர்க்காற்று கதி மாறாமல் நடைபழகும். அந்தச் சிதறா நடையின் பேறாக விடுதலை வந்து முன்னிற்கும். காற்று மெலிய தீயை அவித்துவிடும்; வலிய தீயை வளர்க்கும். காற்றின் தோழமை நன்று. காற்றை நித்தமும் வாழ்த்துக (பாரதி, வசன கவிதை, காற்று). வாழ்வைக் கணக்கெடுக்க விரும்புகிறவர்கள் காற்றைக் கணக்கெடுங்கள். காற்றில் இருக்கிறது வாழ்வு. (வாழத் தொடங்குவோம்) கட்டுரையாசிரியர், https://tamil.thehindu.com/society/spirituality/article24992612.ece

ஆசியக் கோப்பை கிரிக்கெட் - `சூப்பர் 4’ சுற்றுகள் இன்று தொடக்கம் ஆசியக் கோப்பை கிரிக்கெட் போட்டியில் ‘சூப்பர் 4’ சுற்று ஆட்டங்கள் இன்று தொடங்குகின்றன. ஆசியக் கோப்பை கிரிக்கெட் போட்டி துபாயில் நடைபெற்று வருகிறது. இந்தியா, பாகிஸ்தான், ஹாங்காங் அணிகள் ‘ஏ’பிரிவிலும், இலங்கை, வங்கதேசம், ஆப்கானிஸ்தான் அணிகள் ‘பி’ பிரிவில் இடம்பெற்றுள்ளன. இதில் லீக் சுற்றுப் போட்டிகளில் முதல் இரு இடங்களைப் பிடித்த அணிகள் ‘சூப்பர் 4’ சுற்றில் மோதவுள்ளன. லீக் சுற்றில் இரண்டு போட்டிகளிலும் தோல்வியடைந்த ஹாங்காங் மற்றும் இலங்கை அணிகள் ஆசியக்கோப்பை தொடரில் இருந்து வெளியேறின. இந்தியா, பாகிஸ்தான், வங்கதேசம், ஆப்கானிஸ்தான் அணிகள் ‘சூப்பர் 4’ சுற்றுக்கு முன்னேறின. இன்று நடைபெறும் ஆட்டத்தில் இந்திய அணி வங்கதேசத்தையும், பாகிஸ்தான் அணி ஆப்கானிஸ்தானையும் எதிர்கொள்கிறது. இந்தப் போட்டிகள் இந்திய நேரப்படி மாலை 5 மணிக்குத் தொடங்குகிறது. https://www.vikatan.com/news/sports/137578-asia-cup-2018-india-vs-bangladesh-super-four.html

ரணில் விக்ரமசிங்க ஜனாதிபதியாகியிருந்தால் பிரபாகரன் உயிருடன் இருந்திருப்பார்: டக்ளஸ்

கடந்த 24 மணித்தியாலத்தில், "தமிழக அரசியல் மீம்சை" 550 பார்வையாளர்கள், பார்வையிட்டுள்ளார்கள். வருகை தந்த, அனைவருக்கும் நன்றி. 🙂

அரசுக்குத் தொடர்ந்தும் – ஆதரவை வழங்க வேண்டுமா கூட்டமைப்பு? கூட்­ட­ர­சுக்­குத் தொடர்ந்­தும் கூட்­ட­மைப்பு ஆத­ரவு வழங்க வேண் டுமா? என்ற கேள்வி தமிழ் மக் கள் மத்தியில் தற்­போது தோன்­றி­யுள்­ளது. தாம் பல வகை­களிலும் இந்த அர­சால் ஏமாற்­றப்­பட்டு, நடுத்­தெ­ரு­வில் நிற்­ப­தாக நாடா­ளு­மன்ற உறுப்­பி­னர் மாவை சேனா­தி­ராஜா வெளிப்­ப­டை­யா­கவே குற்­றம் சாட்­டி­யி­ருந்­தார். அது அர­சின் மீதான கூட்­ட­மைப்­பின் வெறுப்­பைத் துலாம்­பா­ர­மா­கவே எடுத்­துக்­காட்­டி­விட்­டது. மாவை சேனா­தி­ரா­ஜா­வின் கருத்­தில் நியா­யம் இல்­லா­ம­லில்லை. இறு­தி­யாக இடம்­பெற்ற அரச தலை­வர் தேர்­த­லில் மைத்­தி­ரி­பால சிறி­சே­ன­வின் வெற்­றியை உறுதி செய்­த­தில் கூட்­ட­மைப்­புக்­குப் பெரும் பங்­குண்டு. கூட்­ட­மைப்­பின் தலை­வ­ரான சம்­பந்­த­னின் ஆணையை ஏற்று வடக்­குக் கிழக்­கில் வாழ்­கின்ற தமி­ழர்­கள் மைத்­தி­ரி­பால சிறி­சே­ன­வுக்கு வாக்­க­ளித்து அவர் அரச தலை­ வர் பத­வி­யில் அமர்த்­த­வ­தற்­குப் பெரி­தும் உத­வி­னார். கடந்த ஆட்­சி­யில் அவர்­கள் அனு­ப­வித்த துன்­பங்­கள் அவர்­க­ளைப் புதிய தெரிவு நோக்­கிச் சிந்­திக்க வைத்திருந்தது. அரச தலை­வர் தேர்­த­லைத் தொடர்ந்து இடம்­பெற்ற நாடா­ளு­மன்­றத் தேர்­த­லி­லும் மைத்­திரி ரணில் இணைந்த நல்­லாட்சி என்ற பெய­ரி­லான புதிய அரசு உத­ய­மா­னது. மகிந்­த­வின் மாற்­ற­மும் கூட்­ட­மைப்­பின் ஆத­ர­வும் ஒரு மகான் போன்று சகல அதி­கா­ரங்­க­ளு­ட­னும் ஆட்சி புரிந்த மகிந்­த­வால் தேர்தல் முடிவில் ஒரு நாடா­ளு­மன்ற உறுப்­பி­ன­ராக வரு­வ­தற்கு மட்­டுமே முடிந்­தது. ஒரு நாட்­டின் அதி­யு­யர் பத­வி­யில் அமர்ந்­தி­ருந்த ஒரு­வர் சாதா­ரண நாடா­ளு­மன்ற உறுப்­பி­ன­ராக நாடா­ளு­மன்­றத்­தில் அமர்ந்த காட்­சியை இங்கு காண முடிந்­தது. அதே­வேளை வரவு– செல­வுத் திட்­டம் உட்­பட அர­சின் சகல நட­வ­டிக்­கை­க­ளுக்­கும் கூட்­ட­மைப்பு ஆத­ரவை வழங்­கியே வந்­துள்­ளது. இத­னால் தமிழ் மக்­க­ளில் ஒரு சாரா­ரின் வெறுப்­புக்­கும் அது ஆளா­னது. கூட்­ட­மைப்­புக்கு எதி­ரா­ன­வர்­கள் அதை மோச­மாக விமர்ச்­சிப்­ப­ தற்கு இதுவே கார­ண­மா­க­வும் அமைந்­து­விட்­டது. காணா­மல் ஆக்­கப்­பட்­ட­வர்­க­ளின் உற­வு­கள், படை­யி­ன­ரின் காணி­களை இழந்து நிற்­ப­வர்­கள் எனப் பல­ரும் கூட்­ட­மைப்பு, அர­சு­டன் ஒட்­டிக் கொண்­டி­ருந்­தும் தமது பிரச்­சி­னை­க­ளுக்­குத் தீர்­வைப் பெற்­றுத் தர­வில்­லை­யென ஆத்­தி­ர­முற்­ற­னர். கூட்­ட­மைப்பு மீதான மக்­க­ளின் ஆத்­தி­ர­மும் ஆதங்­க­மும் கூட்­ட­மைப்­பின் தலைமை மீது தமது ஆத்­தி­ரத்தை வெளிப்­ப­டை­யா­கவே மக்­கள் காண்­பித்­த­னர். நடை­பெற்று முடிந்த உள்­ளூ­ராட்­சித் தேர்­த­லில் கூட்­ட­மைப்­பின் வாக்கு வங்­கி­யில் ஏற்­பட்ட சரி­வுக்கு மக்­க­ளின் வெறுப்பே கார­ண­மாக இருந்­தது. தமிழ்­க­ளின் வாக்­கு­க­ளால் பத­வி­யில் அமர்ந்த மைத்­தி­ரி­பால சிறி­சேன அதை முற்­றா­கவே மறந்­து­விட்­ட­வ­ராக நடந்து கொள்­கின்­றார். இனப்­பி­ரச்­சினை உட்­ப­டத் தமி­ழர்­க­ளின் பிரச்­சி­னை­கள் தொடர்­பாக அவர் எள்­ள­ள­வும் அக்­கறை காட்­டு­வ­தா­கத் தெரி­ய­வில்லை. புதிய அர­ச­மைப்­பின் உரு­வாக்­க­மும் இடை­ந­டு­வில் கைவி­டப்­பட்­ட­தா­கவே கருத வேண்­டி­யுள்­ளது. மகா­நா­யக்க தேரர்­கள் எதிர்ப்­புத் தெரி­வித்­த­தால் அர­ச­த­லை­வர் அந்த முயற்­சி­யி­லி­ருந்து பின் வாங்­கி­ய­தா­கக் கூறப்­ப­டு­வதை ஏற்­றுக் கொள்ள முடி­யாது. மாறி மாறி ஆட்­சிக்கு வரு­கின்­ற­வர்­க­ளால் தமி­ழர்­கள் ஏமாற்­றப்­ப­டு­கின்­றமை புதி­ய­தொரு விட­ய­மல்ல. இது தொடர்ந்­தும் இடம்­பெ­றவே செய்­கின்­றது. கூட்­ட­மைப்­பின் தலை­மைக்கு இது தெரி­யாத விட­ய­மல்ல. கூட்­ட­மைப்­பின் சம கால நகர்வு? தற்­போது புதிய அர­ச­மைப்­பின் உரு­வாக்­கம் தொடர்­பாக மகிந்த ராஜ­பக்­ச­வு­டன் பேசி­யி­ருப்­ப­தா­கக் கூட்­ட­மைப்­பின் சார்­பில் கூறப்­ப­டு­கின்­றது. இதில் பயன் கிடைக்­குமா? என்­பது சந்­தே­கத்­துக்­கி­ட­மா­னது. ஏனென்­றால் பௌத்த தேரர்­க­ளின் பாதத்­தைப் பற்­றிப் பிடித்­தி­ருக்­கும் மகிந்த அவர்­க­ளு­டைய விருப்­பத்­துக்கு மாறா­கச் செயற்­ப­டு­வா­ரென எதிர்­பார்க்க முடி­யாது. அத்­து­டன் இன­வா­தி­களை எதிர்ப்­ப­தற்­கும் மகிந்த விரும்­ப­மாட்­டார். தேர்­தல்­கள் நெருங்­கு­கின்ற இந்த வேளை­யில் தமி­ழர்­க­ளுக்கு எதை­யா­வது செய்­யப்­போய்த் தனக்கு இருக்கின்ற சிங்கள ஆதரவுத் தளத் தைக் குறைப்பதற்கு அவர் விரும்­ப­மாட்­டார். எல்­லா­வற்­றுக்­கும் மேலாக தமி­ழர்­க­ளுக்­குப் புதிய அர­ச­மைப்பை வழங்­கு­வ­தன் மூல­மாக தனி­நாட்­டையே அரசு வழங்­கப்­போ­வ­தா­கச் சிங்­கள மக்­கள் மத்­தி­யில் பரப்­புரை செய்­த­வர்­க­ளும் மகிந்த அணி­யி­னர்­தான். ஆகவே இவர்­களை நம்­பிக் கூட்­ட­மைப்பு பேச்­சில் ஈடு­ப­டு­வ­தால் எத்­த­கைய பய­னும் கிடைக்­க­மாட்­டாது. ஒரு தீர்க்­க­மான கால­கட்­டத்தை கூட்­ட­மைப்பு கடந்து கொண்­டி­ருக்­கின்­றது. அர­சுக்­குத் தொடர்ந்­தும் இந்­தப் போக்­கி­லேயே ஆத­ரவு வழங்­கு­வதா? இல்லை மாற்று நட­டி­வக்­கை­க­ளில் இறங்­குவதா? என்­பதை உட­ன­டி­யா­கவே அது தீர்­மா­னிக்க வேண்­டும். தென்­னி­லங்கை அர­சி­யல்­வா­தி­களை நம்­பு­வ­தால் இனி­யும் பயன் கிடைக்­கப் போ­வ­தில்லை என்­ப­தை­யும் கூட்­ட­மைப்­பின் தலைமை புரிந்து கொள்ள வேண்­டும். https://newuthayan.com/story/09/அரசுக்குத்-தொடர்ந்தும்-ஆதரவை-வழங்க-வேண்டுமா-கூட்டமைப்பு.html

பணத்தை அரசாங்கம் வழங்குமாயின் 6 மாதத்தில் காணிகளை கையளிக்க தயார் (ரி.விரூஷன்) யாழ்.மாவட்ட இராணுவ தளபதி ஹெட்டியாரச்சி வடக்கில் படைத்­த­ரப்­பா­னது கைய­கப்­ப­டுத்­தி­யுள்ள பொது மக்­க­ளது காணி­களை மீள மக்­க­ளிடம் கைய­ளிப்­ப­தற்கு ஏற்ற வகையில் படைத் தரப்­பி­ன­ரது முகாம் மற்றும் படைக்­க­லன்­களை இட­மாற்றம் செய்­வ­தற்கு தேவைப்­படும் பணத்தை அரசாங்கம் வழங்­கு­மாயின் ஆறு மாத காலத்தில் மக்­களின் நிலங்­களை மீள கைய­ளிப்­ப­தற்கு தாம் தயா­ராக இருப்­ப­தாக யாழ்.மாவட்ட இரா­ணுவ கட்­டளை தள­பதி தர்ஷன ஹெட்­டி­யா­ரச்சி தெரி­வித்­துள்ளார். தெற்கில் ஜே.வி.பி யினர் போரா­டிய காலத்­திலும் அவர்கள் தனி நாட்­டினை கோர­வில்லை. ஆனால் தனி­நாடு கோரிய போராட்­ட­மா­னது வடக்­கி­லேயே ஆரம்­பிக்­கப்­பட்­டது. தற்­போதும் புலம்­பெயர் மக்கள் அதனை செயற்­ப­டுத்த வேண்டும் என்­பதில் உற்­சா­க­மாக உள்­ளார்கள். எனவே தான் வடக்­கினை தொடர்ந்து இரா­ணுவம் கண்­கா­ணிக்க வேண்­டிய தேவை ஏற்­பட்­டுள்­ளது எனவும் அவர் தெரி­வித்தார். யாழ்ப்­பாணம் பலா­லியில் அமைந்­துள்ள இரா­ணுவ தலை­மை­ய­கத்தில் நேற்­றைய தினம் இடம்­பெற்ற விஷேட செய்­தி­யா­ளர்கள் சந்­திப்பில் கலந்­து­கொண்டு செய்­தி­யா­ளர்­க­ளது கேள்­வி­க­ளுக்கு பதி­ல­ளிக்கும் போதே அவர் இதனை தெரி­வித்தார். இங்கு அவர் மேலும் தெரி­வித்­தி­ருப்­ப­தா­வது, இந்­நாட்டில் இனங்­க­ளுக்­கி­டையில் நல்­லி­ணக்­கத்தை ஏற்­ப­டுத்த வேண்டும் என்­பதில் ஜனா­தி­ப­தியும் பிர­த­மரும் செயற்­பட்டு வரு­கின்­றனர். வடக்­கிற்கு பல்­வேறு தட­வை­களில் விஜயம் செய்த ஜனா­தி­பதி, பிர­தமர் ஆகியோர் இங்கு இடம்­பெறும் அபி­வி­ருத்தி செயற்­பா­டு­களை அவ­தா­னித்து சென்­றி­ருக்­கின்­றனர். இது தவிர தற்­போது வடக்கு, கிழக்கு அபி­வி­ருத்தி செய­லணி ஒன்­றையும் ஜனா­தி­பதி அமைத்­துள்ளார். இவ்­வாறு வடக்கின் அபி­வி­ருத்­தி­களில் இரா­ணு­வமும் கவனம் செலுத்தி வரு­கின்­றது. நாம் பல்­வேறு வேலைத்­திட்­டங்­களை இங்கு செய்து வரு­கின்றோம். எதிர் காலத்­திலும் பல்­வேறு வேலைத் திட்­டங்­களை மேற்­கொள்­ள­வுள்ளோம். இவற்றை நாம் யாரையும் ஏமாற்ற செய்­ய­வில்லை. நாம் உண்­மை­யா­கவே இதனை செய்­கின்றோம். இத்­த­கைய வேலைத் திட்­டங்­களை செய்­து­விட்டு பின்னர் இதனை காண்­பித்து அர­சி­யலில் இறங்கும் எண்­ணமும் எமக்கு இல்லை. நீண்ட கால அழி­வு­களில் இருந்து மீண்ட மக்­க­ளுக்கு நல்ல பொரு­ளா­தார ரீதி­யி­லான கட்­ட­மைப்­புடன் கூடிய வாழ்க்­கையை வழங்க வேண்டும் என்­ப­தற்­காவே நாம் இதனை மனப்­பூர்­வ­மாக செய்து வரு­கின்றோம். நாம் கூறு­வதை கேளுங்கள். நாம் சொல்லும் சரி­யான விட­யங்­களை மக்­க­ளுக்கு சொல்­லுங்கள். நாம் தவ­றி­ழைக்கும் போது அதனை செய்­தி­யாக வெளி­யி­டு­வ­தற்கு நாம் தடை­யாக இல்லை. வடக்கில் உள்ள மக்­களும் எமது மக்­களே. ஒரு முறை ஓர் செவ்­வி­யொன்றில் இதனை நான் குறிப்­பிட்­டி­ருந்தேன். வடக்­கி­லுள்ள மக்­க­ளது பிரச்­சி­னை­களை நாம் தீர்த்து வைக்க வேண்டும். எமது மனதில் வைராக்­கி­யங்­களை வைத்து செயற்­ப­டக்­கூ­டாது என்­பதை தெற்கு மக்­க­ளுக்கு ஒர் தொலைக்­காட்சி செவ்­வியின் போது குறிப்­பிட்டேன். இரா­ணு­வமும் மனி­தர்­களே. நாம் சீரு­டையில் இருக்­கின்றோம். நீங்கள் சிவிலில் இருக்­கின்­றீர்கள். இதுவே வித்­தி­யாசம் என்றார். கேள்வி : இரா­ணு­வத்­தினர் மக்­க­ளது காணி­களை மீள கைய­ளிப்­பதில் ஆரம்­பத்தில் அதி­க­ளவில் காணி­களை விடு­வித்த போதும் தற்­போது அதன் அளவு குறைந்­துள்­ளதே ? ஏன் இவ்­வாறு தாம­த­மா­கின்­றது ? பதில் : இரா­ணு­வத்­தினர் மக்­களின் நிலங்­களை விடு­விப்­பதில் நாட்டின் பாது­காப்­பி­னையும் கவ­னத்தில் கொள்ள வேண்டும். இதற்கு முன்னர் விடு­விக்­கப்­பட்ட பகு­தி­களில் அதி­க­ள­வான பாது­காப்பு பிரச்­சினை இருக்­க­வில்லை. தற்­போது மீத­மா­க­வுள்ள பகு­தி­களில் அதி­க­ளவு பாது­காப்பு தேவை இருக்­கின்­றது. இவை தவிர யாழில் தற்­போது ஆவா குழு போன்ற பல குழுக்கள் மக்­களை அச்­சு­றுத்தும் வகையில் உள்­ளது. எனவே இவை தொடர்­பிலும் மற்றும் நாட்டின் தேசிய பாது­காப்பு தொடர்­பிலும் கவனம் செலுத்­தியே இந் நிலங்­களை விடு­விக்க முடியும். கேள்வி : இரா­ணுவம் முன்னால் போரா­ளி­களை கண்­கா­ணிப்­பதால் அவர்­க­ளுக்கு தொழில் வாய்ப்­புக்­களை பெற்­றுக்­கொள்ள முடி­யாமல் இருக்­கின்­றது என்ற குற்­றச்­சாட்­டுள்­ளதே ? பதில் : முன்னால் போரா­ளிகள் 5ஆயிரம் பேருக்கு வேலை வாய்ப்பு வழங்­கப்­பட்­டுள்­ளது. மேலும் இது தொடர்­பாக அர­சாங்­கத்தால் நட­வ­டிக்கை எடுக்­கப்­பட்டு வரு­கின்­றது. கேள்வி : தேசிய பாது­காப்­புக்கு அச்­சு­றுத்தல் விடுக்கும் எதேனும் நிலைமை யாழில் உள்­ளதா ? பதில் : மக்­க­ளிற்கு அச்­சு­றுத்­த­லான குழுக்கள் உள்­ளன. இவற்றை நாம் கவ­னிக்­காது படை முகாம்­களை அகற்­றினால் அவர்கள் அந்த இடங்­க­ளுக்கும் சென்று அச்­சு­றுத்தல் செய்­வார்கள். எனவே இவற்­றையும் அவ­தா­னித்து தான் நாம் எமது நட­வ­டிக்­கை­க­ளையும் மேற்­கொள்ள வேண்டும். கேள்வி : யாழ்ப்­பா­ணத்தில் இரா­ணுவம் விடு­வித்­துள்ள காணிகள் எவ்­வ­ளவு ? இன்னும் விடு­விக்­கப்­பட வேண்­டிய காணி எவ்­வ­ளவு ? பதில் : யாழில் 25,986.67 ஏக்கர் கைய­கப்­ப­டுத்­தப்­பட நிலையில் அவற்றில் 23,078.36 ஏக்கர் நிலம் மீள கைய­ளிக்­கப்­பட்­டுள்­ளது. தற்­போது இன்னும் விடு­விக்­கப்­ப­டாத நில­மாக 2880.08 ஏக்கர் நிலமே உள்­ளது. இதில் அரச காணிகள் உள்­ள­டக்­கப்­பட்­டுள்­ளது. யாழ்ப்­பா­ணத்தின் மொத்த நிலப்­ப­ரப்பில் 1.39 வீத­மான நிலமே படைத்­த­ரப்பு வசம் உள்­ளது. மேலும் விரைவில் 500 ஏக்கர் காணிகள் மீள மக்­க­ளிடம் கைய­ளிக்­கப்­ப­ட­வுள்­ளது. கேள்வி : அவ்­வாறு விடு­விக்க தீர்­மா­னித்­துள்ள பகு­திகள் எவை ? பதில் : இரா­ணுவ சிறு சிறு முகாம்கள் பல வெவ்­வேறு இடங்­களில் உள்ள நிலையில் அவற்றை அங்­கி­ருந்து அகற்றி தலை­மை­ய­கத்­திற்கு கொண்டு வந்த பின்­னரே அவற்றை விடு­விக்­க­வுள்ளோம். எனவே தற்­போது அது தொடர்­பான சரி­யான தக­வல்­களை கூற முடி­யா­துள்­ளது. கேள்வி : குடா­நாட்டில் படைத்­த­ரப்பு வச­முள்ள மக்­க­ளது காணி­களை மீள கைய­ளிக்க எவ்­வ­ளவு காலம் தேவை ? பதில் : மக்­க­ளது காணி­களில் உள்ள படை­க­லன்­களை படை முகாம்­களை அகற்றி அவற்றை இட­மாற்றம் செய்­வ­தற்கு தேவைப்­படும் பணத்தை அர­சாங்கம் வழங்­கினால் ஆறு மாத காலத்­தி­லேயே அந் நிலங்­களை விடு­விக்க தயா­ரா­க­வுள்ளோம். கேள்வி : அவ்­வா­றாயின் நீங்கள் கோரி­யி­ருக்கும் பணம் எவ்­வ­ளவு ? பதில் : அது ஒவ்­வொரு படை முகா­மிற்கு ஒவ்­வொரு வித­மாக காணப்­படும். கேள்வி : அப்­ப­டி­யா­யினும் தலை­மைப்­பீடம் என்ற வகையில் உங்­க­ளிடம் அதன் கணக்­கீடு இருக்­கு­மல்­லவா ? பதில் : அனைத்து படை முகாம்­களின் அகற்­று­வ­தற்­கான பணத்தின் தொகை பெறப்­பட்டு உங்­க­ளிற்கு ஒரு சில நாட்­களில் அறியத் தரு­கின்றேன். கேள்வி : தொல்­லியல் ஆதா­ர­மான யாழ்ப்­பாணம் கோட்­டையை இரா­ணுவம் கைய­கப்­ப­டுத்­த­வுள்­ள­தாக கூறப்­ப­டு­கின்­றதே ? பதில் : அக் கோட்­டையை முழு­மை­யாக இரா­ணு­வத்­திடம் வழங்­கினால் அங்கு எமது படை முகாம்­களை நகர்த்தி விட்டு பொது மக்­க­ளது காணி­களை விடு­விக்க கூடி­ய­தாக இருக்கும். இது தொடர்­பாக நாம் தொல்­லியல் திணைக்­க­ளத்­துடன் பேசி வரு­கின்றோம். கேள்வி : வடக்கு மாகாண சபையும் யாழ்ப்­பா­ணத்தின் சில உள்­ளூ­ராட்சி சபை­களும் யாழ்ப்­பா­ணத்தில் இரா­ணுவம் ஈடு­ப­டக்­கூ­டாது என தீர்­மானம் நிறை­வேற்­றிய போதும் நீங்கள் தொடர்ந்தும் மக்­க­ளுக்­கான சிவில் நட­வ­டிக்­கையில் ஈடு­ப­டு­கின்­றீர்­களே ? பதில் : நாம் செய்­வ­தனை யார் கூறி­னாலும் நிறுத்த போவ­தில்லை. அது மக்­க­ளுக்­கான தேவை. எனவே யார் கூறி­னாலும் நாம் அதனை நிறுத்த மாட்டோம். கேள்வி : வடக்கில் வாள்­வெட்டு குழுக்­களே உள்ள நிலையில் தெற்­கி­லேயே துப்­பாக்கி சூட்டு சம்­ப­வங்கள் போன்­றன இடம்­பெ­று­கின்­றன. ஆனால் வடக்­கி­லேயே தேசிய பாது­காப்பு அச்­சு­றுத்தல் இருப்­ப­தாக கூறப்­ப­டு­கின்­றதே ? பதில் : அவ்­வாறு காணப்­பட்­டாலும் ஆயுத ரீதி­யான போராட்டம் என்­பது வடக்­கி­லேயே தோற்றம் பெற்றிருந்தது. அதனை தொடர்ந்து இடம்பெற்ற முப்பதாண்டு கால போராட்டம் காரணமாக வடக்கு அதிகளவில் பாதிக்கப்பட்டுள்ளது. எனவே தான் இங்கு அதிகளவு கவனத்தை வைத்துள்ளோம். கேள்வி : ஆனால் தெற்கிலும் ஜே.வி.பி போன்ற போராட்டங்கள் இடம்பெற்றிருந்தனவே. அதன் பின்னர் அதில் ஈடுபட்டிருந்தவர்களுக்கு பொது மன்னிப்பு வழங்கப்பட்டிருந்ததே ? பதில் : ஜே.வி.பி யினர் தனிநாட்டு கோரிக்கையை முன்வைக்கவில்லையே. தனி நாட்டு கோரிக்கையை முன்வைத்த போராட்டம் வடக்கிலேயே ஆரம்பமாகியது. தற்போதும் கூட புலம்பெயர்ந்துள்ளவர்களில் சிலர் இக் கோரிக்கையை செயற்படுத்துவதில் ஆர்வமாக உள்ளார்கள். எனவே தான் வடக்கினை நாம் தொடர்ச்சியான கண்காணிப்பில் வைத்திருக்க வேண்டியுள்ளது. http://epaper.virakesari.lk/newspaper/Daily/main/2018-09-21#page-1

இன்­னமும் உங்­களை நம்­பு­கிறேன் அர­சியல் கைதி­களை விடு­வி­யுங்கள் (நமது நிருபர்) ஜனா­தி­ப­திக்கு விக்­கினேஸ்­வரன் கடிதம் சிறைச்­சா­லை­களில் தடுத்­து­வைக்­கப்­பட்­டுள்ள தமிழ் அர­சியல் கைதி­களை விடு­விப்­ப­தற்கு நட­வ­டிக்கை எடுக்க வேண்டும் என்று கோரி ஜனா­தி­பதி மைத்­தி­ரி­பால சிறி­சே­ன­வுக்கு வட­மா­காண முத­ல­மைச்சர் சி.வி.விக்கினேஸ்­வரன் கடிதம் எழு­தி­யுள்ளார். நாட்டில் சமா­தா­னத்­தையும் நல்­லெண்­ணத்­தையும் உண்­டு­பண்ண நல்­லாட்சி அர­சாங்கம் மிகப்­பெ­ரிய நட­வ­டிக்­கை­களை எடுத்து வரு­கின்­றது என்று கூறப்­படும் கூற்று, மேற்­படி அர­சியல் சிறைக்­கை­திகள் சம்­பந்­த­மாக நீங்கள் காட்டும் தாம­தத்தின் நிமித்தம் வெறும் கண்­து­டைப்போ என்று எண்­ண­வேண்­டி­யுள்­ளது என்றும் இந்தக் கடி­தத்தில் முத­ல­மைச்சர் சுட்­டிக்­காட்­டி­யுள்ளார். இந்தக் கடி­தத்தின் பிர­திகள் பிர­தமர் ரணில் விக்­கி­ர­ம­சிங்க, முன்னாள் ஜனா­தி­பதி சந்­தி­ரிகா குமா­ர­துங்க, சபா­நா­யகர் கரு ஜய­சூ­ரிய, எதிர்க்­கட்சித் தலைவர் இரா.சம்­பந்தன் ஆகி­யோ­ருக்கும் அனுப்பி வைக்­கப்­பட்­டுள்­ளன. இது குறித்து ஜனா­தி­ப­திக்கு அனுப்பி வைத்­துள்ள கடி­தத்தில் மேலும் தெரி­விக்­கப்­பட்­டுள்­ள­தா­வது, சாகும் வரை உண்­ணா­வி­ரதம் இருக்கும் தமிழ் அர­சியல் கைதிகள் சம்­பந்­த­மான முன்­னைய பல கடி­தங்­களின் தொடர்ச்­சி­யாக இந்த அவ­சர கடி­தத்தை உங்­க­ளுக்கு அனுப்பி வைக்­கின்றேன். அந்தக் கடி­தங்­களின் பிர­திகள் இத்­துடன் இணைக்­கப்­பட்­டுள்­ளன. வட­மா­கா­ணத்­திற்கு நீங்கள் உத்­தி­யோ­க­பூர்வ விஜயம் மேற்­கொண்ட பல தரு­ணங்­களில் (தமிழ்) அர­சியல் கைதிகள் பற்றி உடனே நட­வ­டிக்கை எடுப்­ப­தாக வாக்­க­ளித்­தி­ருந்­தீர்கள். வழக்குப் பதி­யப்­ப­டாமல் சிறையில் தொடர்ந்து விளக்­க­ம­றி­யலில் இருப்­போர்க்கு எதி­ராக உடனே வழக்­குகள் தாக்கல் செய்­யப்­படும் என்றும் போது­மான சாட்­சி­யங்கள் இல்­லா­த­வரை உடனே விடு­விக்­கப்­போ­வ­தா­கவும் நீங்கள் வாக்­கு­று­திகள் அளித்தும் அவை இற்­றை­வரை நடை­மு­றைப்­ப­டுத்­தப்­ப­ட­வில்லை. இது சம்­பந்­த­மாக முன்­னைய ஜனா­தி­பதி சந்­தி­ரிகா அம்­மை­யா­ருக்கும் அவரின் நேரடி உள்­ளீட்டை வேண்டிக் கடிதம் எழு­தி­யி­ருந்தேன். அவ­ருக்கு அனுப்­பிய கடி­தத்தின் பிரதி தங்­க­ளுக்கு இத்தால் அனுப்­பப்­ப­டு­கின்­றது. தமிழ் பாரா­ளு­மன்ற உறுப்­பி­னர்­க­ளாலும் மற்­றை­யோ­ராலும் என்­னாலும் இது சம்­பந்­த­மாக இது­வரை எடுக்­கப்­பட்ட பிர­யத்­த­னங்கள் எவையும் பய­ன­ளிக்­க­வில்லை. இதன் கார­ணத்­தால்தான் அனு­ரா­த­புரம் அர­சியல் சிறைக்­கை­திகள் சாகும் வரை உண்­ணா­வி­ரதப் போராட்­டத்தில் ஈடு­பட வேண்டி வந்­துள்­ளது. கொழும்பு, பூசா போன்ற சிறைச்­சா­லை­களில் அடைக்­கப்­பட்­டி­ருக்கும் இவ்­வா­றான கைதி­களும் மேற்­படி போராட்­டங்­களில் ஈடு­ப­டு­வது பற்றிக் கருத்­துக்கள் பரி­மா­றிக்­கொண்­டி­ருப்­ப­தாகத் தெரிய வரு­கின்­றது. 2018 ஆம் ஆண்டு மார்ச் மாதம் 29 ஆம் திக­திய கடி­தத்தின் மூலம் உங்­களின் செய­லாளர் சட்­டத்­துறைத் தலைமை அதி­ப­திக்கு ஒரு கடிதம் அனுப்­பி­யி­ருந்தார். அதில் உங்­க­ளுக்கு அனுப்­பப்­பட்ட எனது கடி­தத்தில் கண்­ட­வாறு சட்­டத்­த­ர­ணி­களைக் கொண்ட ஒரு குழு அமைக்­கப்­பட வேண்டும் என்றும் கைதிகள் சம்­பந்­த­மான நீதி­மன்ற நட­வ­டிக்­கைகள் துரி­தப்­ப­டுத்­தப்­பட வேண்டும் என்றும் கூறப்­பட்­டி­ருந்­தது. வழக்­க­மாக நீதி­மன்ற வழக்­குகள் தாம­தப்­ப­டு­வது பற்­றியும் அதில் குறிப்­பி­டப்­பட்­டி­ருந்­தது. இவை சம்­பந்­த­மான உரிய நட­வ­டிக்­கைகள் நேரத்­துக்கு எடுத்து சிறைக் கைதிகள் விடு­தலை செய்­யப்­ப­டா­மை­யா­லேயே சிறைக் கைதிகள் உங்கள் வாக்­கு­று­தி­களில் நம்­பிக்கை இழந்து மேற்­படி சாகும் வரை உண்­ணா­வி­ரத போராட்­டங்­களில் இறங்­கி­யுள்­ளார்கள் என்­பது உங்­க­ளுக்கு இப்­பொ­ழுது தெரிந்­தி­ருக்கும். நாட்டில் சமா­தா­னத்­தையும் நல்­லெண்­ணத்­தையும் உண்­டு­பண்ண நல்­லாட்சி அர­சாங்கம் மிகப்­பெ­ரிய நட­வ­டிக்­கை­களை எடுத்து வரு­கின்­றது என்று கூறப்­படும் கூற்று, மேற்­படி அர­சியல் சிறைக்­கை­திகள் சம்­பந்­த­மாக நீங்கள் காட்டும் தாம­தத்தின் நிமித்தம் வெறும் கண்­து­டைப்போ என்று எண்­ண­வேண்­டி­யுள்­ளது. இரா­ணுவப் போர்க்­குற்­ற­வா­ளி­க­ளுக்கு எதி­ராக கட்­டா­ய­மாக நட­வ­டிக்­கைகள் எடுக்க வேண்­டி­வரும் போது மேற்­படி தமிழ்ச் சிறைக் கைதி­களைப் பகடைக் காய்­க­ளாகப் பயன்­ப­டுத்­தவே அவர்கள் சம்­பந்­த­மாக நட­வ­டிக்­கைகள் எடுக்­காது தாம­திக்­கின்­றீர்­களோ என்று எண்ண வேண்­டி­யுள்­ளது. என்றாலும் உங்கள் மீதான நம்பிக்கையை இன்னமும் நான் இழக்கவில்லை. நீங்கள் உங்கள் வாக்குறுதிகளை நிலைநாட்டுவீர்கள் என்று இன்னமும் நம்புகின்றேன். மிக உயர்ந்த அரசியல் மட்டத்தில் சம்பந்தப்பட்ட பல தரப்பினரின் கருத்துக்களை அறிந்து உடனேயே தமிழ் அரசியல் கைதிகள் தொடர்பாக உரிய நடவடிக்கை எடுக்க வேண்டியது கட்டாயமாகியுள்ளது. கருத்துக்களை அறிந்த பின் தமிழ் அரசியல் கைதிகளுக்கு உகந்த நிவாரணங்களை உடனேயே வழங்குவது உங்கள் தலையாய கடமை என்பதை உங்களுக்கு கூறி வைக்கின்றேன். http://epaper.virakesari.lk/newspaper/Daily/main/2018-09-21#page-1

http://epaper.virakesari.lk/newspaper/Daily/main/2018-09-21#page-1

10 ரன்கள் மட்டுமே விட்டுக்கொடுத்து 8 விக்கெட் வீழ்த்தி ஜார்கண்ட் வீரர் ஷபாஸ் நதீம் உலக சாதனை அ-அ+ விஜய் ஹசாரே கிரிக்கெட் போட்டியில் ஜார்கண்ட் வீரர் ஷாபாஸ் நதீம் 10 ரன்கள் மட்டுமே விட்டுக்கொடுத்து 8 விக்கெட்டுகளை கைப்பற்றி புதிய உலக சாதனை நிகழ்த்தி உள்ளார். #VijayHazareTrophy #ShahbazNadeem சென்னை : விஜய் ஹசாரே கோப்பைக்கான உள்ளூர் ஒரு நாள் கிரிக்கெட் போட்டி இந்தியாவில் பல்வேறு நகரங்களில் நடந்து வருகிறது. இதில் சென்னை முருகப்பா மைதானத்தில் நேற்று நடந்த ஒரு ஆட்டத்தில் ராஜஸ்தான்- ஜார்கண்ட் அணிகள் மோதின. முதலில் பேட் செய்த ராஜஸ்தான் அணி, இடக்கை சுழற்பந்து வீச்சாளர் ஷபாஸ் நதீமின் பந்து வீச்சுக்கு ஈடுகொடுக்க முடியாமல் 28.3 ஓவர்களில் 73 ரன்னில் சுருண்டது. சுழற்பந்து வீச்சாளர் ஷபாஸ் நதீம் 10 ஓவர்களில் 4 மெய்டனுடன் 10 ரன்கள் மட்டுமே விட்டுக்கொடுத்து 8 விக்கெட்டுகளை அள்ளினார். இதில் 5 பேட்ஸ்மேன்களை கிளீன் போல்டு ஆக்கியதும் அடங்கும். லிஸ்ட் ‘ஏ’ வகை போட்டியான ஒரு நாள் கிரிக்கெட் வரலாற்றில் சர்வதேசம் மற்றும் உள்ளூர் போட்டி ஒரு வீரரின் சிறந்த பந்து வீச்சாக இது அமைந்துள்ளது. இதற்கு முன்பு 1997-98-ம் ஆண்டு இமாச்சலபிரதேச அணிக்கு எதிராக டெல்லி பவுலர் ராகுல் சாங்வி 15 ரன்னுக்கு 8 விக்கெட் வீழ்த்தியதே சிறந்த பந்து வீச்சாக இருந்தது. சர்வதேச போட்டியில் இலங்கை வேகப்பந்து வீச்சாளர் சமிந்தா வாஸ் 2001-ம் ஆண்டு ஜிம்பாப்வேக்கு எதிராக 19 ரன்களுக்கு 8 விக்கெட் கைப்பற்றியது சாதனையாக இருக்கிறது. அவற்றை எல்லாம் 29 வயதான ஷபாஸ் நதீம் முந்தியுள்ளார். இந்த ஆட்டத்தில் ஜார்கண்ட் அணி 14.3 ஓவர்களில் இலக்கை அடைந்து 7 விக்கெட் வித்தியாசத்தில் எளிதில் வெற்றி பெற்றது. #VijayHazare #ShahbazNadeem https://www.maalaimalar.com/News/Sports/2018/09/21011645/1192712/Vijay-Hazare-Trophy-Shahbaz-Nadeem-breaks-List-A-record.vpf

10 ரன்கள் மட்டுமே விட்டுக்கொடுத்து 8 விக்கெட் வீழ்த்தி ஜார்கண்ட் வீரர் ஷபாஸ் நதீம் உலக சாதனை  

https://www.maalaimalar.com/News/Sports/2018/09/21011645/1192712/Vijay-Hazare-Trophy-Shahbaz-Nadeem-breaks-List-A-record.vpf

உலக அமைதி நாள் (செப்.21, 2002) ஐக்கிய நாடுகளின் பொது அவையின் பிரகடனத்தின் மூலம் ஒவ்வோர் ஆண்டும் செப்டம்பர் 21-ம் தேதி அனைத்து ஐநா உறுப்பு நாடுகளிலும் உலக அமைதி நாள் கொண்டாடப்பட்டு வருகிறது. இந்நாள் 1981-இல் இருந்து ஓவ்வோர் ஆண்டும் செப்டம்பர் மாதத்தில் வரும் மூன்றாம் செவ்வாய்க்கிழமையிலேயே கொண்டாடப்பட்டு வந்தது. ஆனாலும் 2002-ம் ஆண்டு முதல் செப்டம்பர் 21-ம் தேதி கொண்டாடப்பட்டு வருகிறது. • 1942 - மேற்கு உக்ரைனில் 2500 யூதர்கள் நாசிகளினால் கொல்லப்பட்டனர். • 1990 - மட்டக்களப்பு ஆரையம்பதியில் புதுக்குடியிருப்பு கிராமத்தில் 17 தமிழர்கள் படுகொலை செய்யப்பட்டனர். • 1995 - விநாயகரின் சிலைகள் பால் குடிக்கும் அதிசயம் உலகின் பல இடங்களில் இடம்பெற்றது. துபாயில் உலகிலேயே உயரமான ‘புர்ஜ் கஃலிபா’ கட்டிடத்தின் கட்டுமானப் பணி தொடங்கியது : செப்.21, 2004 ஐக்கிய அரபு அமீரகத்தின் துபாயில் அமைந்துள்ள வானளாவிய கட்டிடமான புர்ஜ் கலிஃபா கட்டிடத்தின் கட்டுமானப் பணிகள் 2004-ம் ஆண்டு இதே தேதியில் ஆரம்பிக்கப்பட்டன. இதன் கட்டுமானப் பணிகள் முடிவடைந்து 2010-ஆம் ஆண்டு ஜனவரி மாதம் 4-ஆம் தேதி இந்த கட்டிடம் திறந்து வைக்கப்பட்டது. 2684 அடி உயரம் கொண்ட இந்த கட்டிடத்தில் 160 மாடிகள் அமைந்துள்ளன. இதுவே உலகின் உயரமான கட்டிடமும் ஆகும். இக்கட்டிடத்தின் உரிமை ‘இமார்’ என்ற சர்வதேச ரியல் எஸ்டேட் நிறுவனத்தைச் சார்ந்தது. இக்கட்டிடம் திறக்கப்படுவதற்கு கடைசி நிமிடம் வரை புர்ஜ் துபை என்றே அனைவராலும் அழைக்கப்பட்டது. அப்போது, துபை வேர்ல்டன் கடன் சுமையை அபுதாபி கலிஃபா 10 பில்லியன் அளவில் பைல் அவுட் செய்ததன் நன்றிக்கடனாக ‘புர்ஜ் கலிஃபா’ என பெயர் சூட்டப்பட்டுள்ளதாக கூறப்படுகிறது. https://www.maalaimalar.com

ஈழத்தின் அகிம்சைப் பயிர் தரித்த- தியாக நெய்தல் பயணம்!! பசித் தீயின் தகிப்பு விடு­த­லை­யின்றி அகிம்­சை­யின் கரங்­களை இறு­கப் பற்­றி­ய­ப­டியே நீள் பய­ணம் கொண்­டது.ஆறா­வது நாளின் விழிகை அங்­க­லாய்ப்­போடு அந்­த­ரித்­தது.இயற்­கை­யின் இருள் புல­ரும் முன்பே உரி­மை­யின் பருக்கை உண்­ணப் புறப்­பட்ட பிள்­ளை­ய­வன் திலீ­பன் அதி­கா­லைப் பொழு­தி­லேயே தாயக விடு­த­லையை எண்­ணிப் படுக்­கையை விட்டு எழுந்­தி­ருந்­தான். நீரா­கா­ரம் கூட இல்­லாத தியா­கப் பய­ணம் அவ­னி­டத்­தில் அதிக சோர்­வைத் தந்­தி­ருந்­தது.ஆனா­லும் வீர­மும் இலட்­சிய வேள்­வி­யும் வத­னத்­தில் பொதிந்­தி­ருந்­த­து.ஈழப் பயி­ராக செந்­த­ளிப்­பாய் கொழித்­தி­ருந்­தது. ஆறா­வது நாள் புனிதப் பய­ணத்­தின் ஐந்­தாம் நாள் இருள் கவி­தல் என்­பது திலீ­ப­னின் தியாக ஒளி­யால் பிர­கா­சித் துக்­கொண்­டி­ருந்­தது. ஆறா­வது நாள் ஆரம்­ப­மும் அவ­னது உருக்­க­மும் ஏதோ ஒன்றைச் சுட்டி நின்­றது.ஆறா­வது நாள் காலை­யி­லி­ருந்து நல்­லூர்க் கந்­த­சாமி கோவி­லில் திலீ­பன் பெய­ரில் நூற்­றுக் கணக்­கான அர்ச்­ச­னை­கள் செய்­யப்­பட்டு அவை பொது­மக்­கள் மூலம் மேடைக்கு வந்­த­வண்­ண­மி­ருந்­தன. பிற்­ப­கல் மூன்று மணி­யி­லி­ருந்து யாழ் .குடா­நாட்­டின் பல பாகங்­க­ளி­லும் இருந்து அதி­க­ள­வான மக்­கள் பேருந்து களில் வந்து நல்­லூர் ஆல­யச் சூழ­லில் ஒன்­று­தி­ரண்­ட­னர்.எங்கு பார்த்­தா­லும் மக்­கள் அலை கரை­பு­ரண்­டது. தள­பதி கிட்டு அண்­ணா­வின் தாய், திலீ­பனை வாரி அணைத்து உச்சி முகர்ந்­தாள்.அவள் அழுத காட்சி நெஞ்சை உருக்­கின. துரோ­கி­கள் வீசிய வெடி­குண்டு மூலம் தன் மகன் ஒரு காலை இழந்து போனது பற்றி அந்­தத் தாய் கூறிய வார்த்­தை­கள் மகத்­தா­னவை. “ஒரு கால் போனால் என்ன..? இன்­னும் ஒரு கால் இருக்கு. இரண்டு கையி­ருக்கு. அவன் கடைசி வரை­யும் போரா­டு­வான்.” என்ற உத்­வே­கம் இன்­ன­மும் எம் செவி­க­ளில் ஒலித்­துக் கொண்­டி­ருக்­கின்­றன. அகிம்­சை­யின் விளைவு ஆம்,முப்­பது வரு­டங்­க­ளாக எமது மூத்த அர­சி­யல் தலை­வர்­கள் தந்தை ‘செல்வா’ தலை­மை­யில் முயன்­றும் முடி­யாத நிலை­யில் தானே தமி­ழி­னத்தை அழி­வி­லி­ருந்து காப்­பாற்ற வேறு வழி­யின்றி ஆயு­தம் ஏந்­தி­னோம் என்று பொருள் உரைத்­தி­ருந்­தது. உண்­மை­யில் நாம் அகிம்­சைக்கு எதி­ரா­ன­வர்­கள் அல்­லர். ஆனால் எம் எதிரி அகிம்­சை­யைப் பற்றி ஒன்­றுமே தெரி­யா­த­வன். அவ­னுக்கு அது புரி­யா­தது. அவன் தெரிந்து கொண்­ட­தெல்­லாம் கத்­தி­யும், துப்­பாக்­கி­யும்­தான்.ஒரு­வன் கத்­தி­யை­யும், துப்­பாக்­கி­யை­யும் தான் பல­மாக எண்­ணும்­போது அவ­னெ­தி­ரில் நிற்­ப­வ­னால் என்ன செய்ய முடி­யும். நீண்ட கசப்­பான அனு­ப­வங்­கள் தான் எமது கரங்­க­ளில் துப்­பாக்­கி­க­ளைத் தந்­தன. 1948 ஆண்டு இலங்கை சுதந்­தி­ரம் அடைந்­த­தா­கக் கூறப்­ப­டும் நாளில் இருந்து, சிங்­கள இன­வா­தி­க­ளால் தமி­ழர்­கள் காலத்­துக்­குக் காலம் அழிக்­கப்­பட்டு வரு­கின்ற கொடு­மை­கள் தீர­வில்லை. இன்­ன­மும் முடிந்­த­பா­டில்லை. எப்­பொ­ழுது முடி­யும்? தங்­கத் தமி­ழர் தம் வாழ்­வில் பொங்­கும் மகிழ்­வும்,பூரிப்­பும் எப்­பொ­ழுது மல­ரும்? மனி­த­நே­ய­மற்ற காந்தி தேசம் அண்­ணல் காந்தி அகிம்­சைப் போரிலே வெற்றி கண்­டார் என்­றால், அதற்கு அவர் கையாண்ட அகிம்­சைப் போராட்­டங்­கள் மட்­டும் கார­ண­மல்ல. காந்­தி­யின் போராட்­டத் தளம் இந்­திய மண்­ணிலே அமை­வு­பெற்­றி­ருந்­தது. காந்­தி­யின் போராட்­டத் தளத்­திலே மனி­த­நே­யம் மிக்க ஆங்­கி­லே­யர்­கள் இருந்­தார்­கள்.ஆகவே அகிம்­சை­யைப் புரிந்து கொள்­வ­தற்கு அந்த வெள்­ளைக்­கா­ரர்­க­ளால் முடிந்­தது. ஆனால் எமது மண்­ணில் அப்­ப­டியா? எத்­தனை சந்­தர்ப்­பங்­க­ளில் எமது தலை­வர்­கள் குண்­டாந்­த­டி­க­ளால் தாக்­கப்­பட்­டி­ருப்­பார்­கள்? எத்­தனை இனக்­க­ல­வ­ரங்­க­ளில் எம் இனத்­த­வர்­க­ளின் தலை­கள் வெட்­டப்­பட்டுத் தார்ப் பீப்­பாக்­க­ளுக்­குள் போடப்­பட்­டி­ருக்­கும்? எத்­தனை பெண்­கள் தம் உயி­ரி­னும் மேலான கற்பை இழந்­தி­ருப்­பர்? அப்­போ­தெல்­லாம் நாம் ஆயு­தங்­க­ளையா தூக்­கி­னோம்? இல்­லையே! விடு­தலை வேண்­டும் அகிம்சை! அகிம்சை! அகிம்சை! இந்த வார்த்­தை­கள் தான் எங்­கள் தாரக மந்­தி­ர­மாக இருந்­தன.திலீ­பன் என்ற தாய­கத்­துப் பிள்­ளை ­யவன் தியாக தீப­மாய் சுடர்­கொண்டு பற்­றிய வாச­க­மும் அதுவே. இந்­தக் தாரக மந்­தி­ரத்­தைத் தூக்கி எறிந்து விட்டு எமது கைக­ளிலே ஆயு­தங்­க­ளைத் தந்­த­வர்­கள் யார்? நாமா­கப் பெற்­றுக்­கொள்­ள­வில்­லையே. அவர்­க­ளா­கத்­தான் தந்­தார்­கள். மாறி மாறி ஆட்­சிக்கு வந்த சிங்­கள அர­சு­கள் தான் தந்­தன. தலை­வர் பிர­பா­க­ர­னின் பின்னே ஆயி­ர­மா­யி­ரம் வேங்­கை­கள் அணி­தி­ரண்டு வீர­மாய் வீறு­கொண்டு எழுந்­த­தற்கு கார­ணம் யார்? சிங்­க­ளப் பேரி­ன­வா­தம்­தான். https://newuthayan.com/story/09/123007.html

59% தீவிரவாத தாக்குதல்கள் இந்தியா, பாக். உள்பட 5 நாடுகளில் நடந்துள்ளன: அமெரிக்க அறிக்கையில் பகீர் தகவல் YouTube 2017-ம் ஆண்டில் பெரும்பாலான தீவிரவாதத் தாக்குதல்களில் 59 சதவீதம் இந்தியா, பாகிஸ்தான் உள்ளிட்ட 5 நாடுகளில் நடந்துள்ளன என்று அமெரிக்க அறிக்கையில் தெரிவிக்கப்பட்டுள்ளது. தீவிரவாதத் தாக்குதல்கள் குறித்த ஆண்டு அறிக்கையை அமெரிக்காவின் பாதுகாப்புத் துறை அமைச்சகத்தின் தீவிரவாத தடுப்புப் பிரிவின் ஒருங்கிணைப்பாளர் நாதன் சேல்ஸ் இன்று வெளியிட்டார். அது குறித்து அவர் கூறியதாவது: ''கடந்த 2017-ம் ஆண்டு நடந்த தீவிரவாதத் தாக்குதல்களில் 59 சதவீதம் இந்தியா, பாகிஸ்தான், ஆப்கானிஸ்தான், ஈராக், மற்றும் பிலிப்பைன்ஸ் ஆகிய 5 ஆசிய நாடுகளில் நடந்துள்ளன. ஆனால், கடந்த 2016-ம் ஆண்டோடு ஒப்பிடும் போது, கடந்த 2017-ம் ஆண்டு தீவிரவாதத் தாக்குதல்கள் எண்ணிக்கை அளவு குறைந்திருக்கிறது. ஈராக்கில் தீவிரவாதத் தாக்குதல்களும், அதனால் நடக்கும் உயிரிழப்புகளும் குறைந்துள்ளன. கடந்த 2017-ம் ஆண்டில் 100 நாடுகளில் தீவிரவாதத் தாக்குதல்கள் நடந்திருக்கின்றன. தீவிரவாதிகள் பூகோள ரீதியாக கவனம் செலுத்தி தாக்குதல் நடத்தி வருகின்றனர். 59 சதவீதம் ஆசிய நாடுகளில் நடந்துள்ளன. இந்த 5 நாடுகளில் நிகழ்ந்த இயற்கை மரணங்கள் தவிர்த்து மற்ற மரணங்களில் 70 சதவீதம் தீவிரவாதத் தாக்குதலில் ஏற்பட்டுள்ளது. ஆப்கானிஸ்தான் மட்டுமல்லாமல் ஈராக், நைஜீரியா, சோமாலியா, சிரியாவும் அடக்கம். சர்வதேச அளவில் தீவிரவாதத் தடுப்பு குறித்து பல்வேறு நாடுகளுடன் தகவல்களைப் பகிர்ந்து கொள்கிறோம். சட்டங்களை வலுப்படுத்தி வருகிறோம். விமானப் போக்குவரத்து பாதுகாப்பைப் பலப்படுத்தி இருக்கிறோம். தீவிரவாதத் தாக்குதல்கள் குறித்த கண்காணிப்பை தீவிரப்படுத்தி இருக்கிறோம். இதன் காரணமாக 2017-ம் ஆண்டு தீவிரவாதத் தாக்குதல்கள் குறையத் தொடங்கி இருக்கின்றன. தீவிரவாதச் செயல்களுக்கு உள்நாட்டவர்களைத் தவிர்த்து, வெளிநாடுகளில் இருந்து ஐஎஸ் அமைப்பினரால் ஈர்க்கப்பட்டு தீவிரவாத அமைப்பில் சேர்ந்துள்ளனர். பமாகோ, பார்சிலானோ, பெர்லின், லண்டன், மராவி, நியூயார்க் நகரம், உகாடோகுவு உள்ளிட்ட நகரங்கள் தீவிரவாதக் குழுக்களின் பார்வையாக இருக்கிறது. உலக அளவில் தீவிரவாதத்தைப் பரப்பி வரும் நாடாக தற்போது ஈரான் இருந்து வருகிறது''. இவ்வாறு சேல்ஸ் தெரிவித்தார். https://tamil.thehindu.com/world/article24998798.ece

59% தீவிரவாத தாக்குதல்கள் இந்தியா, பாக். உள்பட 5 நாடுகளில் நடந்துள்ளன: அமெரிக்க அறிக்கையில் பகீர் தகவல்

https://tamil.thehindu.com/world/article24998798.ece