◆ ஒரு பனை ஓலைக் குடிசை...!!!

வாசலில் இரண்டு வேப்பமரங்கள்...!!!

வெளியே ஒரு விசுவாசமான நாய்.

◆ பால் கறக்கும் ஒரு பசுமாடு . இரண்டு உழவு எருதுகள்..

ஒரு ஏர்...இரண்டு மண்வெட்டி...

பத்து ஆடுகள்...ஒரு சேவல்...ஐந்து கோழி...+30 குஞ்சுகள்

◆ இரண்டு ஏக்கர் நிலம்.... அதிலொரு கிணறு....

சுற்றிலும் பத்து தென்னை மரங்கள்..

◆ ஒரு முருங்கை ஒரு கருவேப்பிலை மரமும்;பக்கத்தில் பத்து வாழைமரம்...!

அடுத்து ஒரு புளியமரம்...!!!

◆ பிரண்டைக் கொடியும் தூதுவளையும் படர்ந்த

ஒரு அகத்திமரம்..

◆ விளைநிலத்தின் ஓரத்தில் ஆங்காங்கே தானாகவே ஏராளமாய் வளரும் கீ்ரைச் செடிகளும்...

◆ மண் சட்டி கழுவும் இடத்தில் நாலைந்து மிளகாய்ச் செடிகளும்...!!!!!

◆ மீதமுள்ள விளை நிலத்தில் விளையும் கம்பும்...சோளமும்... கேழ்வரகும்.. .

தானியக்குதிருக்குள் சேமிக்கப்படும்.இவை மட்டுமே போதும்...

எவனையும் எதிர் பாராமல் உலகின் மிக அழகிய வாழ்வை பேரரசனைப் போல் நலமோடு அமைதியாய் வாழ்ந்து அனுபவிக்க.

■ உலகின் சிறந்த தற் சாற்புப் பொருளாதாரம் இதுதான்!

நன்றி .........முக நூல் .

எலி பிடிக்கிறேன் சிஞ்ஞோரே
----------------------------------------------

என்ன சத்தம் அது

எலியாக இருக்குமோ

இரவிரவாக விறாண்டியதே என்று

பல வருடங்களின் பின்

பரணுக்குள் ஏறினேன்

எலி என்றில்லை

ஏழு எட்டு டைனோசர்கள் 

அங்கே நின்றாலும்

கண்டே பிடிக்க முடியாத

ஒரு காடு அது என்று

அங்கே நான் விக்கித்து நிற்க

'என்ன, மேலே எதுவும் தெரியுதோ............' என்றார்

காடு வளர்த்து

எலி பிடிக்க என்னை மேலே ஏற்றிய

என்னுடைய கங்காணி

முப்பது வருடங்களுக்கு முந்தி இருந்த

வாழ்க்கையின் அடையாளம் கூட

அங்கே தெரிந்தது

பழைய சாமான்களாகவும் சட்டி பெட்டிகளாகவும்

இந்தப் பூகம்ப தேசத்தில்

தலைக்கு மேல கத்தி

பரண் தான் போல

மொத்தத்தையும் அள்ளி விற்றாலும்

சில பணம் கூட தேறாது

அள்ளுகிற கூலி நூறு

அது அவ்வளவும் நட்டம்

ஒரு மூலையில் கிடந்த முதலாவது சூட்கேசை

இன்னும் இது இருக்குதே என்று

நினைவில் உருகி

மெல்லிதாக தொட

இரண்டு சாம்பல் எலிகள் பாய்ந்து பறந்தன

சூட்கேசின் அடுத்த பக்கத்தில்

அவை போட்டு வைத்திருந்த ஓட்டையால்

'என்னப்பா, அங்கே சத்தம்............

ஏதோ ஓடுதோ.................'

'காலில் தடக்கி

ஏதோ சாமான் உருளுது..................'

புலியையே முறத்தால் 

அடித்துக் கலைத்தவர்கள் அவர்கள்

நான் எலியையே ஓடவிட்டவன் ஆகக் கூடாது 

சிஞ்ஞோரே.