சங்கரன் கோயில் எழுச்சி உரை .

அகிம்சையாவது,திலீபனாவது,ஈழமாவது,மண்ணாங்கட்டி மக்களை இசை என்னும் இன்ப வெள்ளத்தில் மூழ்க விடுங்கள்

அச் சிறுமியின் தகப்பனையும் சுவீடனுக்கு ஒரேடியாய் மகளோடு சேர்த்து கூட்டிக் கொண்டு போயிருக்கலாமே!

நெல்சன் மண்டேலா பயணித்த பாதையில் நாமும் பயணிப்போம் : ஐக்கிய நாடுகள் சபையின் 73ஆவது பொதுச்சபை கூட்டத்தொடருக்கு சமாந்தரமாக இடம்பெறும் நெல்சன் மண்டேலா சமாதான உச்சி மாநாட்டில் ஜனாதிபதி மைத்ரிபால சிறிசேன ஆற்றிய உரை – 24.09.2018 அனைவருக்கும் வணக்கம். மதிப்புக்குரிய அவையினரே, நெல்சன் மண்டேலா சமாதான உச்சி மாநாட்டை ஐநா சபை நடத்த தீர்மானித்த்தையிட்டு அதன் செயலாளர் நாயகம் உள்ளிட்ட பணிப்பாளர் சபைக்கு இலங்கை அரசினதும் மக்களினதும் மதிப்புக்குரிய நன்றியினைத் தெரிவித்துக் கொள்கிறேன். நெல்சன் மண்டேலா போன்ற சிரேஷ்ட மனிதநேயம் மிக்க, உலகிற்கு நல்லிணக்கத்தை ஏற்படுத்த முயன்ற தலைவர்கள், உலகின் மனித சமுதாயத்திற்கு தலைசிறந்த பாதையில் செல்வதற்கு வழிகாட்டியாக இருந்திருக்கறார்கள். அவர்களைப்பற்றி கதைப்பதற்கு காரணம், அவ்வாறான தலைவர்கள் இன்று இந்த உலகில் இல்லாமையே ஆகும். நெல்சன் மண்டேலா அவர்கள் இந்த உலகிற்கு அதிகாரங்களை மட்டுப்படுத்துதல் பற்றியும், அதிகாரங்களை துறப்பது தொடர்பிலும், மனித நேயத்துடன் எவ்வாறு செயற்பட வேண்டுமென்பதற்கும் முன்தாரணமாக திகழ்ந்தவராவார். இன்றைய இந்த உலகம் நெல்சன் மண்டேலா அவர்கள் சென்ற பாதையில் செல்வதாக இல்லை. அதனாலேயே மண்டேலா அவர்களின் அந்தப் பயணத்தைப் பற்றி உலகிற்கு ஞாபகமூட்ட வேண்டியிருக்கின்றது. இன்று இந்த உலகில் வாழும் இனங்கள் மத்தியிலும் அரச தலைவர்கள் மத்தியிலும் உலகிற்கு அரசியல் வழிகாட்டிகளாகயிருக்கும் வழிகாட்டிகள் மத்தியிலும், நெல்சன் மண்டேலா அவர்களின் வாழ்க்கையின் குணாதிசயங்கள் எந்தளவுக்கு இருக்கின்றது கேள்வி எழுகின்றது. ஆகையினால் சமாதானம், நல்லிணக்கம், இனங்களுக்கிடையிலான ஒற்றுமை, மனிதநேயம் மிக்க தலைசிறந்த ஒரு பயணம் ஆகியவை பற்றி இந்த உலகிற்கு எடுத்துரைத்த, அவ்வாறான உன்னதமான தலைவர்களின் சுய சரிதங்களை இன்றை உலகத் தலைவர்கள் கற்றறிய வேண்டுமென்பதே என்னுடைய கருத்தாகும். அன்னாரது வாழ்க்கையில் உள்வாங்கப்பட்டிருந்த மனிதர்கள் மீதான அன்பு, அதிகாரம் மீது பற்றுக் கொண்டிராத தன்மை ஆகிய தலைமைத்துவ பண்புகளுக்காக இலங்கை அரசாங்கத்தினதும் மக்களினதும் நன்மதிப்பையும் கெளரவத்தையும் மண்டேலா அவர்களுக்கு தெரிவிப்பதுடன், நெல்சன் மண்டேலா போன்ற தலைசிறந்த தலைவர்கள் சென்ற பாதையில் நாமும் பயணிப்போமென கூறி விடைபெறுகிறேன். http://globaltamilnews.net/2018/96953/

நெல்சன் மண்டேலா பயணித்த பாதையில் நாமும் பயணிப்போம் :

உதில வரேக்க விழுந்து போனம்... காயம்.... தெரியுதோ எண்டு பார்த்து சொல்லுவியளே...

அடுத்த அத்தியாயத்தை கொண்டு வந்து இணையுங்கோ...நல்லாய் சலாப்பி இருக்கிறார்...இனி மேல் வரும் பகுதியும் அப்படித் தான் சலாப்புவார்😎

இந்தியாவிற்கு போய் வந்தவர்...நல்லாய் படிப்பிச்சசு அனுப்பி இருக்கினம் போல😂

நான் ஒவ்வொரு நாளும் வேலைக்குப் போகும் நவீனன் இணைப்பதை வாசித்திட்டு தான் போறனான்....தமிழசிறி இணைக்கும் கொமடிகளையும் ஒவ்வொரு நாள் காலமையில் விரும்பி வாசிப்பேன்

இலங்கை தனது பிரஜைகளின் மனித உரிமைகளை பாதுகாத்துள்ளது! ஐ.நாவில் வலியுறுத்து இலங்கை அரசாங்கம் 2009ம் ஆண்டு போர் முடிவடைந்த பின்னர் தனது அனைத்து பிரஜைகளின் மனித உரிமைகளையும் பாதுகாக்க நடவடிக்கை எடுத்துள்ளதாக ஆபிரிக்க பசுமை நிதியம் சர்வதேச அமைப்பின் சார்பில் ஐக்கிய நாடுகள் மனித உரிமை பேரவையில் இன்று உரையாற்றிய சேனக ராஜபக்ச தெரிவித்துள்ளார். சர்வதேச கட்டமைப்பின் உதவியின்றி இலங்கை அரசாங்கம் மனித உரிமைகளை மேம்படுத்த நடவடிக்கை எடுத்துள்ளது எனவும் அவர் குறிப்பிட்டுள்ளார். இங்கு அவர் தொடர்ந்தும் கருத்துத் தெரிவிக்கையில், போரின் முடிவில் சரணடைந்த 12 ஆயிரம் போராளிகள் புனர்வாழ்வு பயிற்சியளிக்கப்பட்டு விடுதலை செய்யப்பட்டுள்ளனர். இவர்களில் 594 சிறார்களும் அடங்குகின்றனர். இவர்கள் பல்வேறு தேசிய மட்டத்திலான செயற்பாடுகளுடன் சம்பந்தப்பட்டுள்ளனர். அரசாங்கம் 2017ம் ஆண்டு இராணுவம் கையகப்படுத்தியிருந்த 24 ஏக்கர் தனியார் காணிகளை விடுவித்துள்ளது. விடுதலைப் புலிகள் அமைப்பில் சிறார் போராளிகளாக இருந்த ஆயிரத்திற்கும் மேற்பட்டவர்கள் சாதாரண தரம் மற்றும் உயர்தரப் பரீட்சைகளுக்கு தோற்றியுள்ளனர். சர்வதேச முகவர்களின் தலையீடு இன்றி இலங்கை தனது மனித உரிமை நடவடிக்கைகளை அனுமதிக்க வேண்டும் எனவும் சேனக ராஜபக்ச தெரிவித்துள்ளார். https://www.tamilwin.com/politics/01/194213?ref=home-feed புலிகளின் ஆதரவாளர்களுக்கு ஜெனிவாவில் விருந்தளித்த இலங்கை தூதுவர் இலங்கை படையினர் இனப்படுகொலை செய்ததாக குற்றம் சுமத்தி ஆர்ப்பாட்டம் நடத்திய புலம்பெயர் புலிகளின் அரசசார்பற்ற அமைப்புகளின் பிரதிநிதிகளுக்கு ஜெனிவாவுக்கான இலங்கை தூதுவர் எல்.ஏ. அசீஸ் இராபோசன விருந்தளித்துள்ளார். இதனை தாம் கடுமையாக எதிர்த்ததாக உலக தேசப்பற்றுள்ள இலங்கை பேரவை தெரிவித்துள்ளது. விடுதலைப் புலிகளின் ஆதரவாளர்கள் இலங்கைக்கு எதிராக மனித உரிமை பேரவையில் பொய்யான குற்றச்சாட்டுக்களை முன்வைத்து வரும் வேளையில் ஜெனிவாவில் உள்ள இலங்கை தூதரக அதிகாரிகள் அமைதிக் காத்து வருவதாகவும் அந்த அமைப்பு குற்றம் சுமத்தியுள்ளது. அரசாங்கம் முன்னெடுத்து்ள வேலைத்திட்டத்தின் ஒரு பகுதியாக நல்லிணக்க செயற்பாடுகளை ஊக்குவிக்கும் வகையில் இவ்வாறான நடவடிக்கைகளை எடுக்குமாறு கொழும்பில் இருந்து தமக்கு ஆலோசனை வழங்கப்பட்டுள்ளதாக இலங்கை தூதரக அதிகாரிகள் தெரிவித்துள்ளனர். எவ்வாறாயினும் இலங்கை தூதுவரின் இந்த நடவடிக்கைக்கு ஐரோப்பாவில் வாழும் சிங்களவர்கள் கடும் எதிர்ப்பை வெளியிட்டுள்ளனர். எது எப்படி இருந்த போதிலும் புலம்பெயர் தமிழ் அமைப்புகளை சிங்கள இனவாத அமைப்புகள் புலம்பெயர் புலிகளின் அமைப்புகள் என்றே கூறி வருகின்றன என்பது குறிப்பிடத்தக்கது. https://www.tamilwin.com/politics/01/194228?ref=home-top-trending

இன்றைய நாணய மாற்று விகிதம் குறிப்பீட்டு நாணய மாற்று வீதங்கள் - 2018-09-24மு.ப 11:28:44 PMஇல் உள்ளவாறு Currency TC's Drafts Telegraphic Transfers Import Bills Exchange Rates Buying Rate Selling Rate Buying Rate Selling Rate Buying Rate Selling Rate Selling Rate US Dollar 166.8565 171.3834 166.2057 170.0823 166.8732 170.0823 171.0178 Great Britain Pound 217.855 228.3518 219.5021 227.3288 220.4944 227.3288 228.3518 Euro 193.0849 203.426 194.6645 202.2128 195.2502 202.2128 203.426 Australian Dollar 119.1901 126.0905 119.3346 125.3385 120.4184 125.3385 126.0905 Singapore Dollar 121.0722 127.0049 122.2828 125.8721 122.2828 125.8721 127.0049 Canadian Dollar 127.6126 133.2647 127.6512 132.9324 128.7455 132.9324 133.2647 UAE Dirhams 41.3822 46.902 0 46.4422 45.5225 46.4422 47.6032 New Zealand Dollar 109.5021 115.4837 110.9005 114.8512 110.9005 114.8512 115.1383 Saudi Riyals 40.7736 45.9353 0 45.4849 44.5842 45.4849 46.6221 Hongkong Dollar 21.0467 21.9396 0 21.8849 21.2593 21.8849 21.9396 Norweigian Kroner 20.0611 21.1661 20.3666 21.1133 20.3666 21.1133 21.1661 Japanese Yen 1.4659 1.54 1.4669 1.5285 1.4782 1.5285 1.54 Danish Kroner 25.9462 27.2367 0 27.1688 26.1818 27.1688 27.2367 Swiss Franc 172.2022 179.2055 172.2595 178.7586 173.6487 178.7586 179.2055 Swedish Kroner 18.7178 19.6408 18.9179 19.5918 18.9179 19.5918 19.6408 https://www.peoplesbank.lk/ta/foreign-exchange-rates

குடும்பநலம் மற்றும் தொற்றுநோய்களுக்கான தீர்வு!!

இந்திய வம்சாவளியைச் சேர்ந்த மலையகத் தமிழர்களின் இன்றைய நிலை என்ன? இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைLAKRUWAN WANNIARACHCHI / GETY IMAGES Image captionகோப்புப்படம் இலங்கையின் மத்திய மலையகத்தில் உள்ள தோட்டத் தொழிலாளர்களுக்கு நியாயமான சம்பள உயர்வு கோரி தலவாக்கலை நகரில் ஞாயிறன்று ஆர்ப்பாட்டமொன்று நடத்தப்பட்டது. மலையக அரசியல் கட்சிகளின் கூட்டணியான தமிழ் முற்போக்கு கூட்டணி இந்த ஆர்ப்பாட்டத்தை ஏற்பாடு செய்திருந்தது. மலைநாட்டு புதிய கிராமங்கள், உட்கட்டமைப்பு சமுதாய அபிவிருத்தி அமைச்சர் பழனி திகாம்பரம், கல்வி இராஜாங்க அமைச்சர் வே.ராதாகிருஷ்ணன், கண்டி மாவட்ட பாராளுமன்ற உறுப்பினர் வேலுகுமார், வடமாகண பாராளுமன்ற உறுப்பினர் எஸ்.ஸ்ரீதரன், மத்திய மாகாண சபை உறுப்பினர்களான சதாசிவம், சோ.ஸ்ரீதரன், உதயகுமார், பெருந்தோட்ட மனிதவள நிதியத்தின் தலைவர் வீ.புத்திரசிகாமணி என பல கட்சி முக்கயஸ்தர்களும் இந்த ஆர்ப்பாட்டத்தில் பங்கெடுத்தனர். தோட்டத் தொழிலாளர்களுக்கு இலங்கை ரூபாயில் சராசரியாக நாளொன்றுக்கு 500 வழங்கப்படுகிறது. இந்தத் தொகை மிகவும் குறைவு என்பதால், தோட்டத் தொழிலாளர்கள் தமது வாழ்வாதாரத்தை முன்னெடுப்பதில் பின்தங்கியுள்ளனர். இலங்கையின் பொருளாதாரத்தில், தேயிலை, ரப்பர் தொழில் அதிக வலு சேர்த்துள்ளது. அதிகளவிலான அந்நியச்செலாவணியையும் பெற்றுத் தருகிறது. நிறுவனங்களுக்கும், தொழிற்சங்கங்களுக்கும் இடையிலான சம்பள கூட்டு ஒப்பந்தத்தில் இந்த சம்பளத் தொகைத் தீர்மானிக்கப்படுகிறது. இந்தக் கூட்டு ஒப்பந்தம் இரண்டு வருடங்களுக்கு ஒருமுறை செய்யப்படுகிறது. வரும் அக்டோபர் மாதம் 14ஆம் தேதியன்று, தற்போது நடைமுறையில் உள்ள கூட்டு ஒப்பந்தம் கலாவதியாகிறது. ஒவ்வொரு முறை கூட்டு ஒப்பந்தம் கையெழுத்திடும் காலப்பகுதி வரும் போதும் தோட்டத் தொழிலாளர்கள் நியாயமான சம்பளம் கோரி ஆர்ப்பாட்டம் நடத்தி வருகின்றனர். யார் இந்த மலையகத் தமிழர்கள்? 1820 - 1840 காலப்பகுதியில் இந்தியாவின் தென்மாநிலத்தில் சாதிக்கொடுமையும், பஞ்சமும் தலைவிரித்தாடியது. பலர் பட்டினியால் செத்து மடிந்தனர். இச்சூழலை தமக்கு சாதகமாகப் பயன்படுத்திக்கொண்ட ஆங்கிலேயர்கள், அங்குவாழ்ந்த அப்பாவி மக்களை கூலித்தொழிலாளர்களாக கண்டி சீமைக்கு (இலங்கைக்கு) அழைத்துவந்தனர். 1815ஆம் ஆண்டு கண்டி இராஜ்ஜியத்தை பிரித்தானியர் கைப்பற்றிய பின்னர் மலையகமெங்கும் வெள்ளையர்களின் ஆதிக்கம் கோலோச்சியது. 1820 ஆம் ஆண்டில் கோப்பி பயிர்ச்செய்கை அறிமுகப்படுத்தப்பட்டது. தற்போதைய பேராதனை பூங்கா அமைந்துள்ள பகுதியிலேயே முதன்முதலாக கோப்பி (காஃபி) பயிரிடப்பட்டது. பின்னர் அது கம்பளை வரை விரிவுபடுத்தப்பட்டது. படத்தின் காப்புரிமைMICHEL BARET / GETTY IMAGES 1867இல் ஒருவகையான நோய்காரணமாக கோப்பி பயிர்செய்கை பெரும் பாதிப்புக்குள்ளானது. இதையடுத்து ஜேம்ஸ் டெய்லர் என்பவரால் நூல் கந்துர எனும் இடத்தில் தேயிலை பயிர்செய்கை ஆரம்பிக்கப்பட்டது. மலையக பிரதேசங்களில் பெருந்தோட்ட வர்த்தக பயிர்ச் செய்கையை (தேயிலை, ரப்பர்) மேற்கொள்ள மனித வளம் கிடைக்காததால், தென் இந்தியாவில் இருந்து ஒப்பந்த அடிப்படையில் தொழிலாளர்கள் இறக்குமதி செய்யப்பட்டனர். வரும்வழியும், வந்துகுடியேறிய பின்னரும் அவர்கள் அதிகமான இன்னல்களை எதிர்கொண்டனர். ஆதிலெட்சுமி என்ற கப்பல் கடலில் மூழ்கியதால் 120 பேர் செத்துமடிந்தனர் என்ற வரலாறும் இருக்கின்றது. இவ்வாறு வலிசுமந்த பயணம் மேற்கொண்டவர்கள் மலைப்பாங்கான பிரதேசங்களில் குடியமர்த்தப்பட்டதால் - மலையகத் தமிழர் என்றும், இந்திய வம்சாவளித் தமிழர் என்றும் அடையாளப்படுத்தப்பட்டனர். ( மாத்தளை, கண்டி, நுவரெலியா, பதுளை, இரத்தினபுரி, கேகாலை மாவட்டங்களில் பெரும்பாலான மலையகத் தமிழர்கள் வசித்து வருகின்றனர். தமிழகத்தில் இருந்து அழைத்துவரப்பட்ட தமிழர்களுடன், தெலுங்கர், மலையாளிகளும் தொழில் நிமித்தம் இங்குவந்தனர்) காடுமேடாகவும், கல்லுமுல்லாகவும் காட்சியளித்த மலைநாட்டை - தமது கடின உழைப்பால் எழில்கொஞ்சும் பூமியாக மாற்றியதுடன், இலங்கையின் பொருளாதாரத்தையும் தோளில் சுமந்தனர். ஆனாலும், அவர்கள் வசிப்பதற்கு அடிப்படை வசதிகள்கூட இல்லாத நிலையில் ஆரம்பத்தில் வழங்கப்பட்ட லயன் அறைகளிலேயே பல தசாப்தங்களை கடந்தனர். இன்றைய 21ஆம் நூற்றாண்டிலும் இந்நிலைமை முழுமையாக மாறவில்லை என்பது கசப்பான உண்மையாகும். நாடற்றவர்களான மலையகத் தமிழர் 1931ஆம் ஆண்டு டொனமூர் சீர்திருத்தம் மூலம் வாக்குரிமை பெற்ற போதும் அது 1947 - 1948 களில் கொண்டுவரப்பட்ட இந்திய - பாகிஸ்தானிய ஒப்பந்தம், சிறிமா - சாஸ்திரி ஒப்பந்தம், பிரஜாவுரிமைச் சட்டங்களினால் பறிக்கப்பட்டது. இதன்பின்னர் 3 தசாதப்தங்களுக்கு மேலாக நாடற்றவர்களாகவே அவர்கள் வாழ்ந்தனர். இலங்கைக்கு சுதந்திரம் வழங்கிவிட்டு வெள்ளையர்கள் வெளியேறிய பின்னர், சிங்களத்தேசிய வாதிகள், மலையகத் தமிழர்களை இந்தியாவுக்குத் திருப்பி அனுப்பவேண்டும் என்ற கோரிக்கையை முன்வைத்தனர். இவர்களது நெருக்குதல்களினால் 1948 ஆம் ஆண்டு நவம்பர் 15 ஆம் தேதி இலங்கைக் குடியுரிமைச் சட்டம் நிறைவேற்றப்பட்டது. இதை தமிழ் நாடாளுமன்ற உறுப்பினர்கள் கடுமையாக எதிர்த்தனர். இச்சட்டத்தின் படி 1948 ஆம் ஆண்டு நவம்பர் 15ஆம் தேதிக்கு முன் இலங்கையில் பிறந்திருப்பதுடன் அவருடைய இரண்டு தலைமுறையினரும் இலங்கையில் பிறந்திருந்தால் மட்டுமே இலங்கைக் குடியுரிமைக்கு ஒருவர் உரித்துடையவர் என்று வரையறுக்கப்பட்டது. படத்தின் காப்புரிமைGEOGRAPHY PHOTOS / GETTY IMAGES மலையகத் தமிழர்களில் பலர் தமக்கு முன் இரண்டு தலைமுறையினர் இலங்கையில் பிறந்திருந்தாலும் கூட அதை நிரூபிப்பதற்கான ஆவணங்கள் அவர்களிடம் இருக்கவில்லை. இதனால் 7 லட்சம் வரையான மலையகத் தமிழர் நாடற்றவர் என்னும் நிலைக்குத் தள்ளப்பட்டனர். 1949 ஆம் ஆண்டில் நிறைவேற்றப்பட்ட இலங்கை நாடாளுமன்றத் தேர்தல்கள் திருத்தச் சட்டம் இல. 48 இன் மூலம் அவர்களது வாக்குரிமையும் பறிக்கப்பட்டது. இந்திய அரசுடன் பேச்சுவார்த்தைகள் நடத்தப்பட்டு, ஏற்றப்பட்ட ஒப்பந்தங்களின் அடிப்படையில் பெருமளவு மலையகத் தமிழரை இந்தியாவுக்கு திருப்பியனுப்ப இலங்கை அரசு முயற்சித்தது. அப்போதைய இந்திய பிரதமர் லால் பகதூர் சாஸ்திரிக்கும், இலங்கையின் அப்போதைய பிரதமர் சிறிமாவோ பண்டாரநாயக்கவுக்கும் இடையே 1964ஆம் ஆண்டு அக்டோபர் 30ஆம் தேதி (சிறிமா - சாஸ்திரி) ஒப்பந்தம் கையெழுத்தானது. இதன்படி 525,000 பேரை இந்தியா ஏற்றுக்கொள்வதாக அறிவித்தது. இவர்கள் அனைவரும் இலங்கையில் இருந்து நாடு கடத்தப்பட்டனர். இந்த ஒப்பந்தத்தால் 150,000 பேர் விடுபட்டுப் போயினர். 1967ஆம் ஆண்டு அமலுக்கு வந்த இந்த ஒப்பந்தத்தால் இந்தியக் குடியுரிமை பெறுவோர், இலங்கை குடியுரிமை பெறுவோர், நாடற்றவர் என மூன்றாக பிரிக்கப்பட்டனர். போராட்டமும், அரசியல் அங்கீகாரமும் கவ்வாத்து வெட்டப்படுவதுபோல் இலங்கையின் வரலாற்றிலிருந்து வெட்டப்பட்டு, வஞ்சிக்கப்பட்ட - தோட்டப் புறங்களில் வாழ்ந்த இந்திய சமுதாயத்தினருக்கு குடியுரிமை, வாக்குரிமை உள்ளிட்ட அடிப்படை உரிமைகளைப் பெறுவதற்கு பெரும் போராட்டங்கள் நடத்தப்பட்டன. 1952ஆம் ஆண்டு இலங்கை தொழிலாளர் காங்கிரஸ், 7 பாராளுமன்ற உறுப்பினர்களுடன் நடத்திய மூன்று மாத சத்தியாக்கிரக போராட்டம் அன்றிருந்த அரசாங்கத்தின் கவனத்தை ஈர்த்தது. 1958ஆம் குடியுரிமை சட்டத்தின் பிரகாரம் பிரஜாவுரிமை பெற்றவர்களைத் தவிர ஏனைய "நாடற்றவர்களாக" கருதப்பட்ட இந்திய வம்சாவளியினருக்கு குடியுரிமை வழங்கும் விசேஷ சட்டம் 1988 நவம்பர் 9ம் தேதி நிறைவேற்றப்பட்ட சட்ட மூலமாகவே வழங்கப்பட்டது. இதனால் நாற்பது வருடங்களாக அரசியல் இழுபறிகளால் தீர்வு காணாத பெரும் பிரச்னைக்குத் தீர்வு கிடைத்தது. இந்திய சமுதாயத்தினர் "நாடற்றவர்" என்ற பதத்தில் இருந்து விடுபட்டனர். படத்தின் காப்புரிமைEYESWIDEOPEN / GETTY IMAGES இதைத் தொடர்ந்து 1989 ஏப்ரல் 26ம் தேதி பாராளுமன்றத்தில் நிறைவேற்றப்பட்ட "வாக்குரிமை வழங்குவதற்கான திருத்தச்சட்டம்" புதிதாக பிரஜாவுரிமை பெற்ற இந்திய வம்சாவளியினரை தம்மை வாக்காளர்களாக பதிவு செய்ய கொண்டு வரப்பட்ட சட்டமாகும். இந்த சட்டத்தின் பிரகாரமே இந்திய சமுதாயத்தினர் - விசேடமாக தோட்டப்புற மக்கள் இன்று வாக்குரிமை பெற்று ஏனைய சமூகத்தோடு அரசியல் நீரோட்டத்தில் சங்கமித்துள்ளனர். இதுவே இம்மக்களின் பிரதிநிதிகள் இன்று பாராளுமன்றத்திலும், மாகாண சபைகளிலும், பிரதேச சபைகளிலும் ஏனைய உள்ளூராட்சி சபைகளிலும் அரசியல் பிரவேசம் செய்ய வழிசமைத்துக்கொடுடத்தது. வாழ்க்கைத் தரத்தில் பின்தங்கிய மலையக சமூகம் 1970கள் வரை இலங்கையின் பொருளாதாரமானது, பெருந்தோட்டப் பொருளாதாரத்திலேயே தங்கி இருந்தது. நேர,காலம் பாராது கடின உழைப்பின்மூலம் இலங்கையின் பொருளாதாரத்துக்கு அவர்கள் உரமூட்டினார்கள். இருந்தும் கைக்கூலிகள் என்ற கண்ணோட்டம் மாறவில்லை. நாட்சம்பளம் பெறும்தொழிலாளர்களாகவே நாட்களை நகர்த்துகின்றனர். கல்வி, சுகாதாரம், போக்குவரத்து, வீட்டு வசதி உள்ளிட்ட அடிப்படை வசதிகள் மிகக் குறைந்த மட்டத்திலேயே காணப்பட்டன. மலையக மக்களின் வாழ்க்கைத் தரம் நாட்டின் ஏனைய பொது மக்களது வாழ்க்கைத் தரத்துடன் ஒப்பிடுகையில் கீழ் மட்டத்திலேயே இருந்தது. இந்நிலைமை இன்று முழுமையாக மாறிவிட்டது என பெருமிதம்கொள்ளமுடியாது. ஒரு சில பகுதிகளில் அந்த அவலக்காட்சிகள் அப்படியே தொடரத்தான்செய்கின்றன என்று மலையக மக்கள் சார்பாக குரல்கொடுக்கும் சமூக ஆர்வலர்கள் சுட்டிக்காட்டுகின்றனர். இந்திய அரசாங்கத்தின் கரிசணை மலையக மக்களின் நிலையைக் கருத்திக் கொண்டு, வீட்டுத்திட்டமொன்றின் ஊடாக நேசக்கரம் நீட்டியது இந்திய அரசு. அந்தவீட்டுத் திட்டம் தற்போது முன்னெடுக்கப்பட்டுவருகின்றது. மலையக மக்களின் சுகாதாரத்துறை, கல்வித்துறை என்பவற்றை மேம்படுத்துவதிலும் அந்நாட்டு அரசு அக்கறைக் கொண்டுள்ளது. படத்தின் காப்புரிமைTOPICAL PRESS AGENCY / GETTY IMAGES Image captionபிரிட்டிஷ் ஆட்சிக் காலத்தில் அன்றைய சிலோனில் ஒரு ரப்பர் மரம் இதற்காக பல மருத்துவமனைகளை அமைக்க இந்திய அரசாங்கம் நிதியுதவிகளைச் செய்துள்ளதுடன், மலையக மாணவர்களுக்கான புலமைப்பரீசில் உதவிகயையும் வழங்கிவருகின்றது. மாறிவரும் மலையக சமூகம் பெரும் போராட்டத்திற்கு மத்தியில் மாறிவரும் மலையக சமூகம் இன்று அனைத்துத் துறைகளிலும் தலைதூக்க ஆரம்பித்துள்ளது. சட்டத்தரணிகள் முதல் தலைநகரில் பெரும் வர்த்தகர்கள் வரை மலையகத் தமிழ்ச் சமூகத்தில் இருந்து இணைந்து வருகின்றனர். கல்வியிலும் மலையக சமூகம் முன்னேறி வருகின்றது. அண்மைய ஆண்டு புள்ளிவிபரங்களின்படி பல்கலைக்கழக பிரவேசமும் வரவேற்கும் வகையில் அமைந்துள்ளன. வளர்ந்து வரும் சமூகமாக மலையக சமூகம் பார்க்கப்பட்டாலும், கொழுந்து பறிக்கும், இறப்பர் வெட்டும் தொழிலாளர்கள் தோட்டங்களில் வேலை செய்கின்றனர். இவரகளின் அடிப்படைச் சம்பளம் நாளொன்றுக்கு இலங்கை ரூபாவில் 500ஆகவே இருக்கிறது. வாழ்க்கைச் செலவுடன் ஒப்பிடும் போது இது மிகவும் குறைந்திருப்பதால் இன்றும் சம்பள உயர்வைக் கோரிய ஆர்ப்பாட்டங்கள் மலையகத்தில் நடந்து வருகின்றன. https://www.bbc.com/tamil/sri-lanka-45620953

இந்திய அணியை ஆப்கான் வீழ்த்த வாய்ப்புள்ளதா? ஒரு பார்வை படம். | ஏ.எஃப்.பி. நாளை நடைபெறும் ஆப்கானுக்கு எதிரான ஆசியக் கோப்பை போட்டி வெற்றுப் போட்டியாக இருந்தாலும் ஆப்கான் அணி மிகவும் பொறுப்பாக, சீரியஸாக ஆடவே முயற்சிக்கும். இந்திய அணியைப் பொறுத்தவரையில் இன்னொரு வெற்றியுடன் கிளீனாக இறுதிக்குள் நுழைவதை முனைப்பாக கொண்டிருக்கும். ஆப்கானிஸ்தானின் ஸ்பின் மூவர் கூட்டணியான ரஷீத் கான், முஜீப் உர் ரஹ்மான், மொகமது நபி ஆகியோர் நினைத்தால் அன்றைய தினத்தில் எந்த ஒரு அணியையும் தங்களது துல்லியமான பந்து வீச்சினால் கவிழ்க்கும் திறமை கொண்டவர்கள். இந்திய வீரர்கள் முன்னைப்போல் ஸ்பின் பந்து வீச்சை அவ்வளவு சிறப்பாக ஆடுவதில்லை, ரோஹித் சர்மாவே லெக்ஸ்பின்னுக்குத் திணறுபவர், சில முறை ஆட்டமிழந்திருப்பவர், கோலியின் ஸ்பின் பலவீனத்தை ஐபிஎல் முதலாகவே பார்த்து வருகிறோம் இப்போது இங்கிலாந்து தொடரில் மொயின் அலியிடம் மடிந்ததையும் நேதன் லயனிடம் ஆஸி.யிலும் சமீபத்தில் இந்தியாவிலும் திணறியதைப் பார்த்து வருகிறோம். இந்நிலையில் ஒன்று மேலதிக ஆக்ரோஷமாக ஆடப்போய் விக்கெட்டுகளை இந்திய அணி இழக்கலாம். அல்லது மேலதிக எச்சரிக்கையின் காரணமாகவும், பம்மலாட்டம் மூலமாகவும் காலியாக வாய்ப்புள்ளது, எனவே இதை ஆப்கான் பயன்படுத்த வாய்ப்புள்ளது. 2வதாக இந்திய மிடில் ஆர்டர்கள் இதுவரை சரியான சோதனைக்கு உட்படுத்தப்படவில்லை. அம்பாத்தி ராயுடு மட்டுமே கொஞ்சம் பார்மில் உள்ளார். மற்றபடி கேதார் ஜாதவ், தோனி, கார்த்திக், ஆகியோருக்கு அதிக ஓவர்கள் பேட் செய்ய வாய்ப்பு கிடைப்பதில்லை.. இந்நிலையில் நாளை முஜிபுர், ரஷீத் இணைந்து தவணையும், ரோஹித்தையும் விரைவில் வீழ்த்திவிட்டால், இந்திய அணியின் மிடில் ஆர்டர் சிக்கலில்லாமல் ஆடுமா என்பது சோதிக்கப்படவில்லை. 3வதாக இது வெற்றுப் போட்டியாக இருப்பதால் இந்திய அணி தன் பெஞ்ச் வலுவைச் சோதிக்கும் முயற்சியில் கலீல் அகமட், மணீஷ் பாண்டே, தீபக் சாஹர் என்று சோதனை முயற்சி மேற்கொண்டால் ஆப்கான் இவர்களுக்கு நெருக்கடி கொடுக்க வாய்ப்புள்ளது, இதன் மூலம் இந்திய அணியை மட்டுப்படுத்தும் வாய்ப்புள்ளது. இவையெல்லாம் நடக்குமா என்பது நாளைய போட்டி தொடங்கிய பிறகுதான் தெரியும், ஆனால் இந்த வாய்ப்புகள் ஆப்கானுக்கு எதிரான போட்டியையும் ரசிகர்களுக்கு சுவாரசியமாக்கியுள்ளது. https://tamil.thehindu.com/sports/article25031002.ece?utm_source=HP&utm_medium=hp-tsothers ஆசிய கிண்ண தொடரின் இரண்டாவது சுற்றில் இடம்பெற்ற 5 ஆவது போட்டியில் பாகிஸ்தானை இந்தியா ஊதித்தள்ளியது. ஆசிய கிண்ண தொடரின் இரண்டாவது சுற்றில் இடம்பெற்ற 6 ஆவது போட்டியில் ஆப்கானிஸ்தானை பலி தீர்த்த பங்களாதேஷ்.

விடுதலைப் புலிகளை தோற்கடித்த படையினர் இலக்கு வைக்கப்பட்டுள்ளனர்! ஐ.நாவில் சரத் வீரசேகர இலங்கையில் விடுதலைப்புலி பயங்கரவாதிகளை தோற்கடித்த இராணுவத்தினர் இலக்கு வைக்கப்பட்டிருப்பதாகவும் அவர்களில் முக்கிய இராணுவ அதிகாரிகளும் அடங்குவதாகவும் ரியர் அத்மிரல் சரத் வீரசேகர குறிப்பிட்டுள்ளார். ஐக்கிய நாடுகள் மனித உரிமை பேரவையில் இன்று உரையாற்றும் போதே அவர் இதனை கூறியுள்ளார். இராணுவ உயர் அதிகாரிகள் மற்றும் பொலிஸ் உயர் அதிகாரிகள் மேற்குலக நாடுகளுக்கு விஜயம் செய்வதற்கான வீசா அனுமதிகள் மறுக்கப்பட்டுள்ளன. இவர்களுக்கு எதிராக போர் குற்றங்களோ ஏனைய குற்றச்சாட்டுக்களோ சுமத்தப்படவில்லை. இவர்கள் தமது தாய் நாட்டை காக்க போராடியவர்கள். ஐக்கிய நாடுகள் அமைதிப்படையில் இணைந்து கொள்ள உள்ள இராணுவத்தினருக்கு இலங்கை மனித உரிமை ஆணைக்குழு இன்னும் நற்சான்றிதழை வழங்கவில்லை. இவர்கள் கடந்த மார்ச் மாதத்தில் இருந்து இந்த நற்சான்றிதழை பெற காத்திருக்கின்றனர். பயங்கரவாதிகளுக்கு எதிராக போரிட்டதே இவர்கள் செய்த ஒரே குற்றம். அமெரிக்கா மற்றும் பிரித்தானிய படையினர் பயங்கரவாதத்திற்கு எதிராக போரிட்ட போதிலும் இலங்கையர்களான எம்மை போல் நடத்தப்படவில்லை எனவும் சரத் வீரசேகர குறிப்பிட்டுள்ளார். https://www.tamilwin.com/politics/01/194218?ref=home-feed

பப்பிம்மா... இன்னும் வாழ்ந்துகொண்டே இருப்பார்! பத்மினி அ+ அ- திருவாங்கூர் சகோதரிகள் என்று அவர்களைச் சொல்லுவார்கள். கேரளாவில் பிறந்தார்கள். ஒரு குடும்பத்தில் ஒருவர் பிரபலம் அடைவதே பெரும்பாடு. அப்படிப் பிரபலமாவதற்கு திறமை ரொம்பவே முக்கியம். அந்த வீட்டில் உள்ள சகோதரிகள் மூவருமே, நடனத்திறமையுடன் திகழ்ந்தார்கள். நாட்டிய சகோதரிகள் என்றே அறியப்பட்டார்கள். அவர்களை எல்லோருக்கும் தெரியும். லலிதா, பத்மினி, ராகினியைத் தெரியாதவர் உண்டா என்ன? இதில் பத்மினிக்கு, கடவுள் இன்னொரு வரத்தையும் தந்திருந்தார். நாட்டியத்துடன் நடிப்பும் ஒருசேர அமைந்தது அவருக்கு. எடுத்ததும் இந்திப் படம். கல்பனா எனும் படத்தில் நடித்தார். சின்னச் சின்ன கேரக்டர்கள்தான். பிறகு 1949ம் ஆண்டு, ஏவிஎம்மின் வாழ்க்கை எனும் படத்தில் நடித்தார். அன்று தொடங்கிய கலையுலக வாழ்க்கை, இவரை உச்சத்துக்குக் கொண்டு சென்றது. ஒவ்வொரு படமும் இவரைத் தனித்துக் காட்டின. இவரின் திறமையைக் கண்டு எல்லோரும் சிலிர்த்தார்கள். சிவாஜிகணேசனுடன் முதன்முதலாக தூக்குத்தூக்கி என்கிற படத்தில் நடித்தார். உண்மையிலேயே பத்மினியை இந்தப் படம், ஒரு தூக்குத்தூக்கித்தான் ஏற்றிவைத்தது. ராஜாராணி, உத்தமபுத்திரன் என்று சிவாஜிக்கு ஏற்ற ஜோடி என்று பேசப்பட்டார். சிவாஜியும் நடிப்புல அசத்துறாரு. பத்மினியும் நடிப்புல பிரமாதம் பண்றாங்க என்று ரசிகர்கள் விமர்சித்தார்கள். அப்படியே எம்ஜிஆருடன் ஜோடி சேர்ந்தார். ராணி சம்யுக்தா, மன்னாதி மன்னன், மதுரைவீரன், அரசிளங்குமரி என்று பல படங்களில் நடித்தார். ஆனாலும் இல்லற ஜோதி, அமரதீபம், எதிர்பாராதது, கல்யாணம் பண்ணியும் பிரம்மச்சாரி, தங்கப்பதுமை, இருதுருவம், இருமலர்கள், தேனும்பாலும் என ஏகப்பட்ட படங்கள் பண்ணினார். ஒவ்வொரு படத்திலும் நடிப்பில் முத்திரை பதித்தார். நாட்டியப்பேரொளி பத்மினி, நடிப்பிலும் சுடர்விட்டார். ஆனாலும் சிவாஜிகணேசனுடன் இவர் நடித்த தில்லானா மோகனாம்பாள், பத்மினிக்காகவே எடுக்கப்பட்ட படம். அவரைத் தவிர எவரும் நடிக்கவே முடியாத நாட்டியக் கதாபாத்திரம். பிரமாதப்படுத்தியிருப்பார். மோகனாம்பாளாகவே வாழ்ந்திருப்பார். அந்தக் காலகட்டத்தில், கடைகண்ணிக்குச் செல்லும்போது, விழாக்களில் கலந்துகொள்ளும்போது, பத்மினியை எல்லோரும் மோகனாம்பாள் என்றே அழைத்து ரசித்தார்கள். 250 படங்களில் நடித்த பத்மினி, சிவாஜியுடன் மட்டுமே 57 படங்களில் நடித்தார். அடுத்து... வியட்நாம்வீடு. பிரஸ்டீஜ் பத்மநாபனையும் அவரின் மனைவி சாவித்திரியையும் மறந்துவிடமுடியுமா என்ன? மடிசார் புடவையும் தொணத்தொணப் பேச்சும் டாலடிக்கும் மூக்குத்தியுமாக வாழ்ந்திருப்பார் பத்மினி. இயக்குநர் கே.எஸ்.கோபாலகிருஷ்ணன் இயக்கத்தில், சித்தி படத்தில் பத்மினியின் நடிப்பைக் கண்டு மிரண்டு போனார்கள். எம்.ஆர்.ராதாவின் மனைவியாக, அவரின் குழந்தைகளுக்கு சித்தியாக பத்மினி அதகளம் பண்ணியிருப்பார். பல இடங்களில் பத்மினியின் நடிப்பைக் கண்டு, நடிப்பால் மிரட்டியெடுக்கும் எம்.ஆர்.ராதாவே பாராட்டி வியந்தார். வியந்து பாராட்டினார். இப்படி எத்தனையோ படங்கள். ஐம்பதுகளில், அறுபதுகளில், எழுபதுகளில் என்று தொடர்ந்து நடித்து அசத்தினார் நாட்டியப்பேரொளி. எண்பதுகளில்... பூங்காவனத்தம்மாள் எனும் கதாபாத்திரத்தில் ஒரு பாட்டியாகவே வாழ்ந்திருப்பார். பூவேபூச்சூடவா எனும் படத்தை, அடுத்தடுத்த தலைமுறைக்கும் தெரிந்து உணர்ந்து பூரித்தது. பாட்டிக்கும் பேத்திக்குமான அன்பைப் பொழியவிட்டிருப்பார். கேரளாவில் பிறந்து, தமிழகத்தில் வளர்ந்து, அமெரிக்கா சென்று செட்டிலானார். அங்கே நாட்டியப்பள்ளி ஒன்றைத் தொடங்கி, நடத்திவந்தார். கடந்த 2006ம் ஆண்டு மாரடைப்பு ஏற்பட்டு இறந்தார். திருவாங்கூர் சகோதரி, பத்மினி, நாட்டியப்பேரொளி என்றெல்லாம் அழைக்கப்பட்டாலும் அவரை அன்புடன் எல்லோரும் பப்பி என்றே அழைத்தார்கள். வயதான போதும் பப்பிம்மா என்றே கூப்பிட்டார்கள். கலை என்பதே உன்னதம். கலையில் ஒரு துரும்பைக் கிள்ளிப்போட்டவர்களைக் கூட, கலை ஸ்வீகரித்துக் கொள்ளும். ஒரு கோட்டையையே எழுப்பி, கொடியை நாட்டிய பப்பிம்மாவை, கலை உள்ளவரைக்கும் வாழச் செய்துகொண்டே இருக்கும். பப்பிம்மா என்கிற பத்மினியின் நினைவு நாளில் (24.9.18) அவரைப் போற்றுவோம்! https://www.kamadenu.in/news/special-articles/6541-padmini-pappimma.html

https://www.kamadenu.in/news/special-articles/6541-padmini-pappimma.html

சிவந்தி ஆதித்தனார் நினைவு நாள் ..

ஜனாதிபதிக்கும், கனேடிய பிரதமருக்கும் இடையில் சந்திப்பு! அமெரிக்க தலைநகர் நியூயோர்க்கிற்கு விஜயம் செய்துள்ள ஜனாதிபதி மைத்திரிபால சிறிசேனவிற்கும், கனேடிய பிரதமர் ஜஸ்ரின் ரூடோவிற்கும் இடையில் சந்திப்பொன்று இடம்பெற்றுள்ளது. ஐக்கிய நாடுகள் சபையின் 73ஆவது பொதுச்சபை கூட்டத்தொடருக்கு சமாந்தரமாக இடம்பெறும் நெல்சன் மண்டேலா சமாதான மாநாடானது அனைத்து அரச தலைவர்களின் பங்குபற்றலுடன் இன்று(திங்கட்கிழமை) நியூயோர்க் நகரில் அமைந்துள்ள ஐக்கிய நாடுகள் சபையின் தலைமையகத்தில் ஆரம்பமானது. இதன்போதே குறித்த சந்திப்பு இடம்பெற்றுள்ளதாக ஜனாதிபதியின் ஊடகப்பிரிவு தெரிவித்துள்ளது. எனினும், குறித்த சந்திப்பின் போது பேசப்பட்ட விடயங்கள் தொடர்பிலான தகவல்கள் எவையும் இதுவரையில் வெளியிடப்படவில்லை. http://athavannews.com/ஜனாதிபதிக்கும்-கனேடிய-ப/

ஜனாதிபதிக்கும், கனேடிய பிரதமருக்கும் இடையில் சந்திப்பு!

http://athavannews.com/ஜனாதிபதிக்கும்-கனேடிய-ப/