தியாக தீபம் திலீபன்

தியாகி லெப்.கேணல் திலீபன் உண்ணாவிரத முதலாம் நாள் 15-09-1987

Aggregator

இளமை புதுமை பல்சுவை

1 day ago
14 நாள்கள் கடந்த இரண்டு வாரங்களில் பெண்கள் உலகில் நிகழ்ந்தவற்றின் தொகுப்பு...பெண்கள் உலகம் மூன்று மில்லியன் டாலர் விருது பெறும் பெண் விண்வெளி ஆய்வாளர்! 1974-ம் ஆண்டு இயற்பியலுக்கான நோபல் பரிசைத் தன் பிஹெச்.டி வழிகாட்டியான ஆன்டனி ஹீவிஷிடம் தவறவிட்டார் ஜாஸ்லின் பெல் பர்னல். ஹீவிஷின் மேற்பார்வையில், கேம்ப்ரிட்ஜ் பல்கலைக்கழக ஆய்வுக்கூடத்தில், `பல்சர்' எனப்படும் நட்சத்திரங்கள் எழுப்பும் ரேடியோ ஒலியை முதன்முதலில் கண்டுபிடித்துச் சொன்னவர் ஜாஸ்லின். பூமியின் ரேடியோ அதிர்வுகள்தாம் அவை என்றும், விண்ணிலிருந்து எந்த சமிக்ஞையும் இல்லை என்றும் ஜாஸ்லினின் கண்டுபிடிப்பை மறுத்த ஹீவிஷ், அதே ஆய்வைத் தனியே தொடர்ந்து, நோபல் பரிசைத் தட்டிச் சென்றார். பிரிட்டிஷ் விண்வெளி ஆய்வாளர் சர் ஃப்ரெட் ஹாய்ல் கடும் கண்டனம் தெரிவித்தும், பரிசு ஹீவிஷ் கைக்கே சென்றது. அன்றைய ஆணாதிக்க அறிவியல் உலகில், இந்தத் துரோகத்தை யாரும் பெரிதாக எண்ணவும் இல்லை. தொடர்ந்து 40 ஆண்டுகள் ஆக்ஸ்ஃபோர்டு பல்கலைக்கழகத்தில் பணியாற்றி வந்த ஜாஸ்லினுக்கு இந்த ஆண்டு உயரிய `ப்ரேக்த்ரூ' விருதை வழங்கி கௌரவிக்கவிருக்கிறது உலகின் தலைசிறந்த அறிவியல் வல்லுநர்களைக் கொண்ட குழு. இக்குழுவில் மார்க் சக்கர்பர்க்கும் இடம்பெற்றிருக்கிறார். பரிசுப் பணமான மூன்று மில்லியன் டாலரில், 2.3 மில்லியன் டாலரை இயற்பியல் ஆய்வு செய்ய விரும்பும் பெண் ஆய்வாளர்கள் மற்றும் நலிந்த வகுப்பினருக்கு உதவும் வகையில் ஊக்கத் தொகையாக அளிக்கப்போவதாகத் தெரிவித்துள்ளார் ஜாஸ்லின். இன்னமும் இயற்பியல் ஆய்வுக்கூடங்களில் உள்ள பிரிவினை மற்றும் அடக்குமுறையைத் தடுக்க இந்தப் பணம் உதவட்டும் என்கிறார் அவர். `பொறுத்தார் பூமியாள்வார்'னு சும்மாவா சொன்னாங்க! தோல்வியிலும் நிமிர்ந்து நின்ற செரீனா! சமீபத்தில் நடந்து முடிந்த அமெரிக்க ஓபன் டென்னிஸ் போட்டிகளில் மகளிர் இறுதிச் சுற்றில் தோல்வியைத் தழுவினார் நடப்பு சாம்பியனான செரீனா வில்லியம்ஸ். ஜப்பானைச் சேர்ந்த நவோமி ஒசாகாவிடம் 2-6, 4-6 என்ற செட் கணக்கில் தோற்றார் செரீனா. ஆட்டம் முழுக்கப் பதற்றத்துடனே ஆடிய செரீனா, இரண்டாவது கேமில் அவரின் பயிற்சியாளர், கோச்சிங் சைகை செய்ததாக அம்பயர் கார்லோஸ் ராமோஸ் சுட்டிக்காட்ட, ஒரு பாயின்ட் இழந்தார் செரீனா. கோபத்தில் டென்னிஸ் மட்டையைத் தரையில் ஓங்கி அடிக்க, அது உடைந்ததால் மீண்டும் ஒரு புள்ளியை அவரிடமிருந்து பறித்தார் அம்பயர். உடனே செரீனா அம்பயரிடம் சென்று வாக்குவாதம் செய்தார். இந்த வாக்குவாதத்துக்கும் ஒரு புள்ளியைப் பறித்தார் ராமோஸ். இறுதியில் 4-6 என்ற செட் கணக்கில் தோற்றார் செரீனா. அரங்கம் அதிர்ச்சியில் உறைந்தாலும், வெற்றி பெற்ற நவோமியை ஏளனம் செய்து கோஷமிட ஆரம்பித்தனர் ரசிகர்கள். கண்ணில் நீர் மல்க செய்வதறியாமல் நின்றார், செரீனாவை தன் ஆதர்ச ஆட்ட நாயகியாக வரித்துக்கொண்ட நவோமி. “நவோமி அருமையாக விளையாடினார். வெற்றி பெற்றவருக்கு உரிய மரியாதையை நாம் தர வேண்டும். அவருக்கெதிராகச் சத்தம் எழுப்ப வேண்டாம்” என்று செரீனா கூற, அரங்கம் அமைதியானது. இந்தப் போட்டியில் வென்றதன் மூலம், கிராண்ட் ஸ்லாம் டென்னிஸ் கோப்பை ஒன்றைக் கைப்பற்றியிருக்கும் முதல் ஜப்பானியர் ஆகிறார் நவோமி! ஹ்ம்ம்ம்…அமெரிக்காவுலயும் இப்படி! மனம் போற்றும் மனிதம்! மும்பை நகரில் இரண்டு மனநல கிளினிக்குகள் தொடங்கி நடத்தி வருகிறார் நீரஜா. “உலக சுகாதார அமைப்பின் ஆய்வில் 7.5% இந்தியர் பல்வேறு மன நோய்களால் அவதியுறுகிறார்கள் என்பது தெரியவந்திருக்கிறது. பெரும்பாலானோர் இதுபோன்ற நோய்கள் குறித்த சரியான மருத்துவ அறிவு இல்லாததாலும், இது குறித்து வெளிப்படையான விவாதங்கள் இல்லாததாலும், பேசத் தயங்கி, நோய் முற்றிய பிறகே சிகிச்சை எடுத்துக்கொள்கிறார்கள். வெளிப்படையாக மன நோய் குறித்த விவாதங்கள் வேண்டும் என்பதாலும், அது பற்றிய விழிப்பு உணர்வை மக்களுக்குத் தர வேண்டும் என்பதாலும்தான் `எம்பவர்' என்ற அமைப்பைத் தொடங்கினோம். சைக்கிள் பயணம், இசை நிகழ்ச்சி போன்றவற்றின் மூலம் விழிப்பு உணர்வு அளித்துவருகிறோம். சிறந்த கவுன்சலர்கள் மற்றும் மனநல மருத்துவர்களைக் கொண்டு எம்பவர் கிளினிக்குகளில் சிகிச்சை தரப்படுகிறது. இந்தியாவின் மிகப் பிரபல மருத்துவமனைகளில்கூட மன நல வார்டுகள் தனியாக இல்லை. பிட்ஸ் பிலானி நிறுவனத்தின் கோவா கேம்பஸில் எம்பவர் செல் ஒன்று தொடங்கியிருக்கிறோம். பிரதம் ஃபவுண்டேஷன் மூலம் மும்பையை அடுத்த தானே நகரின் காவல் நிலையங்களில் தனி செல்கள் தொடங்க உள்ளோம். பிற நகரங்களிலும் கிளைகள் தொடங்கும் எண்ணம் உள்ளது. அதைவிட முக்கியமாகச் சிறு கிராமங்களில் கிளைகள் தொடங்கவே எனக்கு ஆசை” என்று கூறுகிறார், பெரும் தொழிலதிபர் குமாரமங்கலம் பிர்லாவின் மனைவியான நீரஜா. நல்ல முயற்சிகள் சிறக்கட்டும்! சாதனை மேல் சாதனை! இலங்கை கல்லேயில் நடைபெறும் ஒருநாள் மகளிர் கிரிக்கெட் போட்டிகளில் இந்திய கிரிக்கெட் அணி இரண்டு உலகச் சாதனைகள் புரிந்துள்ளது. அணியின் தலைவர் மித்தாலி ராஜ், உலகிலேயே அதிக எண்ணிக்கையிலான சர்வதேச மகளிர் ஒருநாள் கிரிக்கெட் போட்டிகளில் தலைமையேற்று விளையாடியிருக்கிறார். மொத்தம் 118 மேட்சுகள்! அதேபோல ஜுலான் கோஸ்வாமி சர்வதேச மகளிர் கிரிக்கெட்டில் 300 விக்கெட்டுகளை வீழ்த்திய முதல் வீராங்கனை என்ற பெருமையைப் பெறுகிறார். ஸ்ரீலங்காவின் கல்லே நகரில் செப்டம்பர் 11 அன்று நடைபெற்ற இலங்கைக்கு எதிரான ஒருநாள் போட்டியில், இந்தச் சாதனைகள் நிகழ்த்தப்பட்டுள்ளன. மித்தாலி ராஜ் சென்னையைச் சேர்ந்தவர் என்பது கூடுதல் மகிழ்ச்சி! அடிச்சு ஆடுங்க அம்மணிகளே! கிட்னியும் தருவாள் தோழி! கடந்த செப்டம்பர் 3 அன்று கொல்கத்தா ஃபோர்டிஸ் மருத்துவமனையில் 32 வயதே ஆன மார்ஷ்னில் சின்ஹா என்ற பெண்ணுக்கு மாற்று சிறுநீரகம் பொருத்தும் அறுவை சிகிச்சை நடைபெற்றது. ஜார்க்கண்ட் மாநிலத்தைச் சேர்ந்த மார்ஷ்னில், பெங்களூரில் உள்ள ஐ.டி கம்பெனி ஒன்றில் பணிபுரிந்தபோது அவரின் சீனியராக அதே நிறுவனத்தில் பணியாற்றியவர் 40 வயதான தித்தி லஹிரி. திடீர் உடல்நலக் குறைவால் மார்ஷ்னில், சொந்த ஊரான பொகாரோவுக்குத் திரும்ப, அவரது உடல்நலம் குறித்த தகவல்களைக் கண்காணித்து வந்தார் தித்தி. மார்ஷ்னிலுக்குச் சிறுநீரகங்கள் சுருங்கிவிட்டதாகவும், தற்காலிகமாக பிளட் டிரான்ஸ்ஃப்யூஷன் செய்யப்படுவதாகவும் தித்திக்குத் தகவல் கிடைத்தது. நிலைமை இன்னும் மோசமாக, மாற்று சிறுநீரகம் பொருத்துவதே ஒரே தீர்வு என்று மருத்துவர்கள் குழு அறிவித்தது. மார்ஷ்னிலின் பெற்றோர் வயது முதிர்ந்தவர்களாகவும், மருத்துவச் சிக்கல்களுடனும் இருந்ததால், அவர்களால் தானம் செய்ய முடியவில்லை. திருமணத்துக்குக் காத்திருக்கும் மார்ஷ்னிலின் தங்கை வழங்க முன்வந்ததையும் மார்ஷ்னில் தடுத்துவிட்டார். மனம் சோர்ந்திருந்த குடும்பத்தினரைத் தொடர்புகொண்டு பேசினார் தித்தி. தான் சிறுநீரகம் தானம் செய்ய முன்வருவதாகவும் தெரிவித்த கையோடு, கொல்கத்தாவுக்கு பயணமானார். சில அடிப்படை மருத்துவத் தேர்வுகள், சட்டச் சிக்கல்கள் எல்லாவற்றையும் சமாளிக்க ஒன்பது மாதங்கள் பிடித்தன. உறவினர் அல்லாதோர் உறுப்பு தானம் செய்வதை இன்று அனுமதிக்கும் ஒரே மாநிலமாக மேற்கு வங்கம் இருப்பது தோழிகளுக்கு மிகவும் வசதியாகிவிட்டது. ஒரு வழியாக அறுவை சிகிச்சை முடிந்து, தோழிகள் இருவரும் கொல்கத்தா மருத்துவமனையில் உடல்நலம் தேறிவருகின்றனர். சிறிய பொருள்களைக்கூட கொடுத்து உதவத் தயங்கும் காலத்தில் கிட்னி தானம்... பேஷ்! மிகவும் மதிப்புள்ள விளையாட்டு வீரர்! சமீபத்தில் இந்தோனேசியா நாட்டின் ஜகார்த்தா நகரில் நடைபெற்ற ஆசிய விளையாட்டுப் போட்டிகளில், `எம்.வி.பி' எனப்படும் மிகவும் மதிப்புள்ள விளையாட்டு வீரர் என்ற சிறப்பு அங்கீகாரத்தைப் பெற்றிருக்கிறார் ஜப்பானைச் சேர்ந்த நீச்சல் வீராங்கனை ரிகாகோ ஐக்கீ. நடந்து முடிந்த ஆசிய விளையாட்டுப் போட்டிகளில், நீச்சல் தனிநபர் பிரிவில் ஆறு தங்கப்பதக்கங்களும், ரிலே என்ற குழுப் போட்டியில் இரண்டு வெள்ளிப் பதக்கங்களும் வென்றிருக்கிறார் ரிகாகோ. இந்த எம்.வி.பி. பரிசைப் பெறும் முதல் பெண் இவரே. ஆசிய விளையாட்டுப் போட்டிகளில் தனிநபராக அதிகப் பதக்கங்களை வென்றதும் ரிகாகோதான். பான் பசிஃபிக் போட்டிகளில் ஒரு தங்கம், இரண்டு வெள்ளி, ஒரு வெண்கலப் பதக்கங்களை வென்ற கையோடு ஜகார்த்தாவில் இந்தச் சாதனையை நிகழ்த்தியிருக்கிறார், 18 வயதான ரிகாகோ. விளையாட்டுப் போட்டிகளின் இறுதி நாளன்று இந்தப் பரிசை அறிவித்தது ஆசிய ஒலிம்பிக் கவுன்சில். “எம்.வி.பி விருது இந்த ஆண்டு இல்லை என்று முதலில் தெரியவந்ததும் வருத்தமாக இருந்தது. இந்த முடிவு மறுபரிசீலனை செய்யப்படுகிறது என்ற தகவலை அடுத்து, இந்த அருமையான விருது எனக்குக் கிடைத்தது, மிகுந்த மகிழ்வைத் தருகிறது” என்று தெரிவித்தார் ஐக்கீ. சுழற்கோப்பையும், ஐம்பதாயிரம் டாலர் பரிசுப் பணத்துக்கான காசோலையும் அவருக்கு வழங்கப்பட்டது. இன்னும் இரண்டாண்டுகளில் நடைபெறவிருக்கும் டோக்கியோ ஒலிம்பிக் போட்டிகள்தாம் தன் அடுத்த இலக்கு என்று அறிவித்திருக்கும் ஐக்கீ, இந்த இரண்டு ஆண்டுகளுக்குள் தன்னைப் பலப்படுத்திக்கொண்டு சொந்த மண்ணில் பதக்கங்கள் வெல்லப்போவதாகவும் தெரிவித்தார். வாழ்த்துகள் ரிகாகோ! - நிவேதிதாலூயிஸ் https://www.vikatan.com

ஆசிய கிண்ண கிரிக்கெட் போட்டி செய்திகள்

1 day ago
ஆசியக்கிண்ண கிரிக்கெட் படுதோல்வி – ரசிகர்களிடம் மன்னிப்பு கோரினார் மத்தியூஸ் ஆசியக்கிண்ண கிரிக்கெட் தொடரில் பங்களாதேஷ் மற்றும் ஆப்கானிஸ்தான் அணிகளிடம் தோல்வியடைந்த இலங்கை அணி மீது கடும் விமர்சனங்களைத் தோற்றுவித்துள்ளது. இந்நிலையில் இலங்கை அணித்தலைவரான அஞ்சலோ மத்தியூஸ் ரசிகர்களிடம் மன்னிப்புக் கோரியுள்ளார். இது தொடர்பில் அவர் தெரிவிக்கையில் “எமது இந்தத் தோல்வி முழு நாட்டுக்கும் இழுக்கு. அதற்காக மன்னிப்புக் கோருகிறேன். நாம் சிறப்பாக விளையாடவில்லை. முதல் போட்டியிலும் நாம் 150 ஓட்டங்களுக்குள் ஆட்டமிழந்தோம். இந்தப் போட்டியிலும் அவ்வாறே. துடுப்பாட்டத்தில் பிரகாசிக்காத காரணத்தாலேயே நாம் இந்தத் தோல்விகளை சந்தித்தோம். பந்து வீச்சாளர்கள் சிறப்பாக பந்து வீசினார்கள். களத்தடுப்பில் நாம் உயர் மட்டத்தில் செயற்படாவிட்டாலும் இரண்டு போட்டிகளிலும் எம்மால் 250 ஓட்டங்களை எட்டியிருக்க முடியும். ஆகவே, இந்த இரண்டு போட்டிகளிலும் தோல்வியடைய துடுப்பாட்ட வீரர்களே காரணம்.” என மத்தியூஸ் குறிப்பிட்டுள்ளார். http://athavannews.com/ஆசியக்கிண்ண-கிரிக்கெட்-ப/

14 வீரர்களுடன் சென்ற ரஷ்ய போர் விமானம் சிரியாவில் மாயம்

1 day ago
ரஷ்ய விமான ஊழியர் சாவுக்கு சிரியா மீது குற்றம் சுமத்தும் இஸ்ரேல் இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைGETTY IMAGES ரஷ்ய விமான ஊழியர்கள் 15 பேர் உயிரிழப்புக்கு சிரியா படையினரின் தாக்குதலே காரணம் என்று இஸ்ரேல் குற்றம் சாட்டியுள்ளது. லடாகியா நகரின் மீது இஸ்ரேல் படையினர் வான்வழித் தாக்குதல் நடத்திய நேரத்தில் இந்த சம்பவம் நடந்துள்ளது. ரஷ்ய ஊழியர்களின் உயிரிழப்பு குறித்து கவலை வெளியிட்டுள்ள இஸ்ரேல், சிரியாவின் விமான எதிர்ப்பு பீரங்கிகளின் உக்கிரமான மற்றும் இலக்கில்லாத தாக்குதலே காரணம் என்று இஸ்ரேல் கூறியுள்ளது. ரஷ்ய விமனம் II-20, திங்கள்கிழமை மாலை, மத்திய தரைக்கடல் பகுதியில் சுட்டு வீழ்த்தப்பட்டது. முதலில், இஸ்ரேலின் பொறுப்பற்ற நடவடிக்கையே காரணம் என ரஷ்யா குற்றம் சாட்டியிருந்தது. பின்னர், ரஷ்ய அதிபர் விளாதிமிர் புதின், செவ்வாய்க்கிழமை இதுபற்றிப் பேசும்போது, துக்ககரமான விபத்துக்குரிய தொடர் சூழ்நிலைகள் காரணமாக இது நடந்ததாக தெரிவித்தார். சிரியாவில் நடக்கும் உள்நாட்டுப் போரில், அதிபர் பசார் அல் - அசத் அரசுக்கு ரஷ்யா ஆதரவளித்து வருகிறது. இஸ்ரேல் சொன்னது என்ன? ரஷ்ய விமான ஊழியர்களின் உயிரிழப்பு கவலையளிப்பதாகக் கூறியுள்ள இஸ்ரேல் பாதுகாப்புப் படை, மிகவும் அரிதான அறிக்கை ஒன்றில், ரஷ்ய விமானத்தின் மீதான தாக்குதலுக்கு அசாத் அரசே பொறுப்பு என்று கூறியுள்ளது. அதே நேரத்தில், ரஷ்ய விமானங்களை தாக்குதலுக்கான கவசமாக இஸ்ரேல் பயன்படுத்திக் கொண்டது என்ற ரஷ்யாவின் குற்றச்சாட்டுக்கும் இஸ்ரேல் பதிலளித்துள்ளது. லடாகியாவில் குறிப்பிட்ட இலக்கின் மீது தாக்குதல் நடத்தப்பட்டபோது, தாக்குதல் இலக்கில் ரஷ்ய விமானம் இல்லை. சிரியா ஏவுகணை தாக்குல் நடத்தி, எந்த ரஷ்ய விமானத்தின் தாக்குதலுக்கு காரணமாக இருந்ததோ, அந்த நேரத்தில் இஸ்ரேலியப் படைகள் இஸ்ரேலிய எல்லைக்குள் வந்து சேர்ந்துவிட்டதாக இஸ்ரேல் பாதுகாப்புப் படை தனது அறிக்கையில் சுட்டிக்காட்டியுள்ளது. உண்மையில்என்ன நடந்தது? கடந்த திங்கட்கிழமையன்று, இல்யூஷின் Il-20 விமானம், வட மேற்கு நகரமான லடாக்கியாவிற்கு அருகில் உள்ள ரஷ்யாவின் ஹிமேமீம் விமான தளத்திற்கு திரும்பிக்கொண்டிருக்கையில் சிரியா கடற்கரையிலிருந்து சுமார் 35 கிமீ (22 மைல்) தொலைவில் இந்த சம்பவம் நடந்ததாக அறிக்கைகள் கூறுகின்றன. Il-20 விமானம், லடாக்கியா மாகாணத்தில் உள்ள சிரியாவின் இடங்களில் நான்கு இஸ்ரேலிய எஃப் -16 ஜெட் விமானங்கள் தாக்குதல் நடத்தியபோது காணாமல் போனதாக ரஷ்யாவின் டாஸ் செய்தி நிறுவனம் தெரிவித்துள்ளது. ''கடலில் இருந்து லடாக்கியா நகரத்திற்கு வருகிற எதிரி ஏவுகணைகளை தடுத்துள்ளதாக சிரிய ராணுவம் தெரிவித்துள்ளது'' என்று சானா செய்தி நிறுவனம் கூறுகிறது. உள்ளூர் நேரப்படி இரவு ஒன்பது மணிக்கு முன்பு லடாக்கியாவில் வான் தாக்குதல்கள் நடந்ததாக சிரிய தொலைக்காட்சி பதிவு செய்தது. அரை மணி நேரத்திற்கு பிறகு, சிரியாவின் விமான பாதுகாப்பு படைகள், எதிரிகளின் ஏவுகணைகளுக்கு பதிலளித்ததாக சனா தொலைக்காட்சியின் பேஸ்புக் பக்கத்தில் பதிவிடப்பட்டது. திங்களன்று லடாக்கியா பகுதியில் சில இடங்களை இலக்கு வைத்தது பற்றி கருத்து தெரிவிக்க மறுத்து இஸ்ரேலிய ராணுவம், "நாங்கள் வெளிநாட்டு அறிக்கைகள் குறித்து கருத்து தெரிவிக்க மாட்டோம்" என்றது. ஆரம்பத்தில் விமானம் காணாமல் போனது குறித்து பலர் மீது குற்றம் சாட்டப்பட்டது; ஆனால் செவ்வாயன்று, விமானம் தற்செயலாக சிரியாவால் சுடப்பட்டதாக ரஷ்ய பாதுகாப்பு அமைச்சகம் கூறியது. இஸ்ரேலின் எந்த செயலுக்கு ரஷ்யா குற்றம் சாட்டுகிறது? இஸ்ரேலின் "பொறுப்பற்ற செயல்கள்" தவறானவை என்றும், தாக்குதல்கள் நடப்பதற்கு ஒரு நிமிடத்திற்கு முன்னரே எச்சரிக்கை விடப்பட்டதனால், ராணுவகண்காணிப்பு விமானத்தை வெளியேற்றுவதற்கு போதுமான நேரம் கிடைக்கவில்லை என்றும் அறிக்கை ஒன்றில் ரஷ்யா கூறியுள்ளது படத்தின் காப்புரிமைREUTERS "இஸ்ரேலிய விமானங்கள் வேண்டுமென்றே அந்த பகுதியில் போர்க்கப்பல்கள் மற்றும் விமானங்களுக்கு ஆபத்தான சூழ்நிலையை உருவாக்கியுள்ளனர்," என்று பாதுகாப்பு அமைச்சகத்தின் செய்தித் தொடர்பாளர் கூறினார். பின்னர் ரஷ்யா அதன் வெளியுறவு அமைச்சகத்திற்கு இஸ்ரேலிய தூதரை வரவழைத்தது. விமான பயணிகளின் தேடுதல் மற்றும் மீட்பு பணிகள் தற்போது நடைபெற்று வருகின்றன. https://www.bbc.com/tamil/global-45564574

வெலிக்கடைக்கும் பரவியது தமிழ் அரசியல் கைதிகளின் உண்ணாவிரதப் போராட்டம்

1 day ago
இலங்கை தமிழ் கைதிகள் சாகும்வரை உண்ணாவிரதம்: எதற்காக இந்த போராட்டம்? இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைSENA VIDANAGAMA பயங்கரவாதத் தடைச் சட்டத்தின் கீழ் சந்தேகத்தின் பேரில் கைது செய்யப்பட்டு இலங்கையின் அனுராதபுரம் சிறைச்சாலையில் தடுத்துவைக்கப்பட்டுள்ள தமிழ் அரசியல் கைதிகள் எட்டு பேர் கடந்த வெள்ளிக்கிழமை முதல் சாகும் வரையிலான உண்ணா விரதப் போராட்டத்தை ஆரம்பித்துள்ளனர். எதற்காக இந்த போராட்டம்? கைது செய்யப்பட்டு நீண்ட நாட்கள் தடுத்துவைக்கப்பட்டுள்ள போதிலும், தமக்கெதிராக எவ்வித வழக்குகளும் தொடுக்கப்படவில்லை எனக் கூறியும், தமக்கெதிரான சட்ட நடவடிக்கைகளை துரிதப்படுத்தக் கோரியும் அனுராதபுரம் சிறையில் உள்ள தமிழ் அரசியல் கைதிகள் எட்டு பேர் இந்தப் போராட்டத்தை நடத்துகின்றனர். போராட்டத்தில் ஈடுபட்டு, உடல் நலக்குறைவுடன் இருந்த ஒரு சிறைக்கைதி, கடந்த ஞாயிற்றுக்கிழமை கொழும்பு வைத்தியசாலைக்கு மாற்றப்பட்டுள்ளார். தற்போது அவர் கொழும்பிலுள்ள சிறைச்சாலைகள் வைத்தியசாலையில் சேர்க்கப்பட்டுள்ளார். படத்தின் காப்புரிமைNIROJ Image captionஅருட்தந்தை மா.சக்திவேல் இந்தப் போராட்டம் குறித்து, அரசியல் கைதிகளை விடுவிப்பதற்கான தேசிய அமைப்பின் செயற்பாட்டாளர் அருட்தந்தை மா.சக்திவேலுடன் பிபிசி தமிழ் பேசியது. ''அனுராதபுரம் சிறையில் உள்ள தமிழ் அரசியல் கைதிகள் எட்டு பேர் கடந்த வெள்ளிக்கிழமை உண்ணாப் போராட்டத்தை ஆரம்பித்துள்ளனர். இவர்களில் ஒரு கைதி நோய்வாய்ப்பட்டதாகக் கூறி கொழும்புவுக்கு அனுப்பப்பட்டுள்ளார். அனுராதபுர சிறைச்சாலை வைத்தியசாலையில் சிகிச்சையளிக்க முடியாது எனக் கூறியே இந்த சிறைக்கைதி கொழும்புவிற்கு மாற்றப்பட்டுள்ளார். ஆனால், கொழும்பு வைத்தியசாலையில் இருந்து சிறைச்சாலை வைத்தியசாலைக்கு அவர் மாற்றப்பட்டுள்ளார். இந்த சிறைக்கைதிக்கு ஏன் அனுராதபுரத்தில் உள்ள ஒரு வைத்தியசாலையில் சிகிச்சையளிக்கவில்லை என்ற கேள்வி எழுக்கிறது. சிறைக்கைதியை கொழும்புவிற்கு அனுப்பி, இந்த போராட்டத்தை தடுக்க முயற்சிக்கின்றனர்.'' என்றார் அருட்தந்தை சக்திவேல். வாக்குறுதியை ஜனாதிபதி நிறைவேற்றவில்லை ''அரசியல் கைதிகள் விடுக்கப்படவேண்டும் என தாம் பிரதமர் ரணில் விக்ரமசிங்கவிடம் விடுத்த கோரிக்கையை பிரதமர் ஏற்றதாக எதிர்க்கட்சித் தலைவர் ஆர்.சம்பந்தன் கூறியிருந்தார். வழங்கிய வாக்குறுதிக்கமைய ஜனாதிபதி, பிரதமர், எதிர்க்கட்சித் தலைவர் ஆகியோர் கூடி, இந்தப் பிரச்சனைக்கு விரைவில் தீர்வு காண்பதாகவும் எதிர்க்கட்சித் தலைவர் கூறியிருந்தார். எனினும், இந்த வாக்குறுதிகள் நிறைவேற்றப்படவில்லை. வெளிநாடுகளுக்கு செல்லும் ஜனாதிபதி, இலங்கையில் அரசியல்கைதிகள் எவரும் இல்லையென்று கூறுகிறார். 'சாவதற்கு அன்றி வாழ்வதற்கே' அரசியல் கைதிகள் போராட்டம் நடத்துகின்றனர்.'' என்றும் அருட்தந்தை சக்திவேல் கூறினார். ''அனுராதபுரம் சிறையில் உள்ள தமிழ் அரசியல் கைதிகளின் போராட்டத்திற்கு ஆதரவாக கொழும்புவில் உள்ள அரசியல் கைதிகளும் அடையாள உண்ணாப் போராட்டத்தை ஆரம்பிக்கவுள்ளனர். அரசியல் கைதிகளின் பிரச்சனை, குறிப்பிட்ட கால எல்லைக்குள் தீர்க்கப்படாவிட்டால், சாகும்வரையிலான உண்ணா விரதப் போராட்டத்தை ஆரம்பிக்கப் போவதாக கொழும்புவிலுள்ள அரசியல் கைதிகள் அறிவித்துள்ளனர். இந்த அரசாங்கம் தமக்கு நியாயத்தை வழங்கும் என்று அரசியல் கைதிகள் வைத்திருந்த நம்பிக்கை குறைந்ததன் அறிகுறியாகவே அவர்கள் மீண்டும் போராட்டத்தை ஆரம்பித்துள்ளனர்.'' என்றார் அருட்தந்தை சக்திவேல். சட்டமா அதிபரின் ஆலோசனை கிடைக்கவில்லை அரசியல் கைதிகள் ஆரம்பித்துள்ள போராட்டம் குறித்து சிறைக்கைதிகளின் உரிமைகளைக் காக்கும் அமைப்பின் செயலாளர் சுதேஷ் நந்திமால் சில்வாவைத் தொடர்புகொண்டு பேசினோம். ''சட்டமா அதிபரின் ஆலோசனை கிடைக்கவில்லை எனக் கூறி இந்தக் கைதிகளின் வழக்குகள் தாமதப்படுத்தப்படுகின்றன. இதற்கு எதிர்ப்பு தெரிவித்து அநுராதபுரத்தில் உள்ள எட்டு சிறைக்கைதிகள் உண்ணா விரதப் போராட்டத்தை ஆரம்பித்துள்ளனர். போராட்டத்தில் ஈடுபட்டிருந்த எஸ்.செல்வராஜ் என்ற சிறைக்கைதி கொழும்புவிற்கு மாற்றப்பட்டுள்ளார். இதன் மூலம் அரசியல் கைதிகளின் உரிமைகளை முடக்க முயற்சிக்கின்றனர். இதனை ஏற்க முடியாது. இவர்களுக்கெதிரான வழக்குகளைத் துரிதப்படுத்த வேண்டும் என்பதே இந்த சிறைக்கைதிகளின் கோரிக்கை'' என்றார் நந்திமால். பொது மன்னிப்பு வழங்குவதே சிறந்த தீர்வு இந்தப் பிரச்சனைக்கு பொது மன்னிப்பு வழங்குவதே சிறந்த தீர்வு என அரசாங்கத்தில் அமைச்சர் பதவி வகிக்கும் ஜாதிக ஹெல உறுமய என்ற கட்சியின் பொதுச் செயலாளர் பாட்லி சம்பிக்க ரணவக்க தெரிவித்தார். தமிழ் அரசியல் கைதிகள், பாதுகாப்புப் படையினருக்கு பொது மன்னிப்பு வழங்க வேண்டும். இவ்வாறு பொது மன்னிப்பளித்து, இந்த நாடு தேசிய ரீதியிலும் சர்வதேசரீதியிலும் எதிர்கொண்டுள்ள பிரச்சனைகளுக்கு முழுமையாக முற்றுப்புள்ளி வைப்பதன் மூலமே எதிர்காலத்தை சுபிட்சமாக்க முடியும். சமாதானத்தையும் சகவாழ்வையும் கட்டியெழுப்புவதற்கான ஒரே வழி, மன்னிப்பளிப்பதாகும்'' என்றார். Image captionபாட்லி சம்பிக்க ரணவக்க ஜாதிக்க ஹெல உறுமய கட்சியின் அலுவலகத்தில், நடந்த செய்தியாளர் சந்திப்பில் அவர் இதனைத் தெரிவித்தார். ''தமிழீழ விடுதலைப் புலிகள் பிரிவினைவாத முயற்சியில் தோல்வியடைந்து, அடுத்த மே மாதத்துடன் 10 வருடங்கள் பூர்த்தியாகிறது. அதனால் ஏற்பட்ட சட்ட, சமூக, சர்வதேசப் பிரச்சினைகளுக்கு இதுவரை தீர்வு காணப்படவில்லை. இப்பிரச்சினைகள், ஒன்றோடொன்று பிணைந்த வகையில், வேறு தோற்றத்துடன், வேறு பிரச்சினைகளாக உருவெடுத்துள்ளன.'' ''புலிகள் இயக்கத்தின் முதல்நிலைத் தலைவர்களான ராம், நகுலன், கே.பி. போன்றவர்கள் விடுவிக்கப்பட்ட நிலையில், இன்று சுதந்திரமாக உள்ளனர். அண்மைக் காலமாக, பலர் கைதுசெய்யப்பட்டு வருகின்றனர். மேற்சொன்ன புலி உறுப்பினர்களுக்கு எதிராக, சட்டம் தன் கடமையைச் செய்யவில்லை. சட்டம் அனைவருக்கும் ஒரே விதத்தில் கடமையைச் செய்ய வேண்டும்.'' "இலங்கையில் விடுதலைப் புலிகள் மட்டும் பிரிவினைவாத செயற்பாடுகளில் ஈடுபடவில்லை. ஜே.வி.பி.யினரும், இவ்வாறு செயற்பட்டனர். ஆனால், அவர்களுக்கு இறுதியில் அரசாங்கம் மன்னிப்பு வழங்கியது. அவர்களும், தமது தவறைப் புரிந்து ஏற்றுக்கொண்டனர். யுத்த இலக்குகளைக் கொண்டு செயற்பட்ட பாதுகாப்புத் தரப்பினர், படையினருக்கு ஒத்தாசை வழங்கிய தமிழ் அமைப்புகளின் உறுப்பினர்கள், பொது மன்னிப்பின் பேரில் விடுவிக்க வேண்டும். அதேபோன்று, தற்போது சிறையிலுள்ள விடுதலைப் புலி உறுப்பினர்களில், யுத்த இலக்குகளைக் கொண்டு செயற்பட்டவர்களுக்கும், பொதுமன்னிப்பு வழங்க வேண்டும். அவர்கள் குறித்து நாட்டு மக்களுக்கு வெளிப்படுத்த வேண்டும். காரணம், அவர்கள் சுமார் 60 பேர் மாத்திரம் தான் உள்ளனர். போர் நிறைவின் போது கைதுசெய்யப்பட்டு, புனர்வாழ்வளிக்கப்பட்டு 12,600 பேர் விடுவிக்கப்பட்டனர். இவர்களைவிட, பாரிய குற்றங்களைச் செய்தவர்கள், சுதந்திரமாகத் தற்போது வெளியில் உள்ளனர். இதனால், பல தசாப்தங்களாக அவர்களைத் தடுத்து வைத்திருப்பதில், எந்தவொரு பயனும் இல்லை. இதனால், பாதுகாப்புப் படையினரோடு சேர்த்து, மேற்படி 60 பேரையும் விடுவிக்க வேண்டும்.'' என்றார் அமைச்சர் சம்பிக்க ரணவக்க. https://www.bbc.com/tamil/sri-lanka-45562118

தமிழர்களை அடக்கி வாய் வார்த்தையில் நல்லிணக்கம் பேசுவது பயனில்லை - சிறிதரன்

1 day ago
தமிழர்களை அடக்கி வாய் வார்த்தையில் நல்லிணக்கம் பேசுவது பயனில்லை - சிறிதரன் (எம் .எம்.மின்ஹாஜ், ஆர்.யசி ) நீண்டகாலமாக சிறையில் உள்ள தமிழ் அரசியல் கைதிகளை பொது மன்னிப்பின் பேரிலோ அல்லது புனர்வாழ்வளித்தோ உடனடியாக விடுதலை செய்ய வேண்டும். ஜனாதிபதிக்கும் பிரதமருக்கும் அவர்களின் நிலைமை இன்னும் விளங்கவில்லையா என தமிழ் தேசியக் கூட்டமைப்பின் யாழ் மாவட்ட பாராளுமன்ற உறுப்பினர் ஸ்ரீதரன் கேள்வி எழுப்பினார். தமிழர்களை அடக்குமுறைக்கு உள்ளாக்கி வாய் வார்த்தையில் நல்லிணக்கம் பேசி எந்தப்பயனும் இல்லை எனவும் அவர் குறிப்பிட்டார். பாராளுமன்றத்தில் இன்று நடைப்பெற்ற வானூர்தி மூலம் ஏற்றிச்செல்லல் சட்டமூலம் மற்றும் குடியியல் வான்செலவு சட்ட விவாதத்தின் போது உரையாற்றும் போதே அவர் இதனைக் குறிப்பிட்டார். http://www.virakesari.lk/article/40682

தமிழர்களை அடக்கி வாய் வார்த்தையில் நல்லிணக்கம் பேசுவது பயனில்லை - சிறிதரன்

1 day ago
தமிழர்களை அடக்கி வாய் வார்த்தையில் நல்லிணக்கம் பேசுவது பயனில்லை - சிறிதரன்  

 

 

(எம் .எம்.மின்ஹாஜ், ஆர்.யசி )

நீண்டகாலமாக சிறையில் உள்ள தமிழ் அரசியல் கைதிகளை பொது மன்னிப்பின் பேரிலோ அல்லது புனர்வாழ்வளித்தோ உடனடியாக  விடுதலை செய்ய வேண்டும். 

 

 

sritharan.jpg

 

 

ஜனாதிபதிக்கும் பிரதமருக்கும் அவர்களின் நிலைமை இன்னும் விளங்கவில்லையா என தமிழ் தேசியக் கூட்டமைப்பின் யாழ் மாவட்ட பாராளுமன்ற உறுப்பினர் ஸ்ரீதரன் கேள்வி எழுப்பினார். தமிழர்களை அடக்குமுறைக்கு உள்ளாக்கி வாய் வார்த்தையில் நல்லிணக்கம் பேசி எந்தப்பயனும் இல்லை எனவும் அவர் குறிப்பிட்டார். 

பாராளுமன்றத்தில் இன்று நடைப்பெற்ற வானூர்தி மூலம் ஏற்றிச்செல்லல் சட்டமூலம் மற்றும் குடியியல் வான்செலவு சட்ட விவாதத்தின் போது உரையாற்றும் போதே அவர் இதனைக் குறிப்பிட்டார்.

http://www.virakesari.lk/article/40682

கொக்கிளாய் அக்கரவெளி பகுதியினை மகாவலி எனும் பெயரில் அபகரிக்க முயற்சி : பொதுமக்களினால் முறியடிப்பு

1 day ago
கொக்கிளாய் அக்கரவெளி பகுதியினை மகாவலி எனும் பெயரில் அபகரிக்க முயற்சி : பொதுமக்களினால் முறியடிப்பு கொக்கிளாய் அக்கரவெளி பிரதேசத்தில் வயல் செய்வதற்கேன விவசாய அமைச்சர் க.சிவனேசன் அவர்களின் முயற்சியில் அப்பகுதியை துப்பரவு செய்து அதனை வயல் செய்வதற்கு ஏற்ற இடமாக மாற்றுவதற்கு ஒதுக்கப்பட்ட நிதியில் கடந்த சில நாட்களாக வேலைகள் நடைபெற்று வருகிறது. இதனை அறிந்த "மகாவலி அபிவிருத்தி" என்ற போர்வையில் சிலர் இன்று அப் பிரதேசத்தில் புகுந்து வேலை செய்த மக்களை தடுத்து நிறுத்தியிருந்தனர். இதனையடுத்து கரைதுறைப்பற்று தவிசாளர் க.தவராசா , கரைதுறைப்பற்று பிரதேச சபை உறுப்பினர்களான இ.கவாஸ்கர் , கி.சிவலிங்கம் ஆகியோருடன் பிரதேச செயலக காணி பகுதியினர் மற்றும் கமநல சேவை திணைக்கள உதவி ஆணையாளர் இவர்களுடன் அப் பிரதேச ஊர் மக்கள் அனைவருமாக அணி திரண்டு வாக்குவாதத்தின் பின்னர் அவர்களை அங்கிருந்து வெளியேற்றினர். http://www.virakesari.lk/article/40684

கொக்கிளாய் அக்கரவெளி பகுதியினை மகாவலி எனும் பெயரில் அபகரிக்க முயற்சி : பொதுமக்களினால் முறியடிப்பு

1 day ago
கொக்கிளாய் அக்கரவெளி பகுதியினை மகாவலி எனும் பெயரில் அபகரிக்க முயற்சி : பொதுமக்களினால் முறியடிப்பு

 

கொக்கிளாய் அக்கரவெளி பிரதேசத்தில் வயல் செய்வதற்கேன  விவசாய அமைச்சர் க.சிவனேசன்  அவர்களின் முயற்சியில் அப்பகுதியை துப்பரவு செய்து அதனை வயல் செய்வதற்கு ஏற்ற இடமாக மாற்றுவதற்கு ஒதுக்கப்பட்ட நிதியில் கடந்த சில நாட்களாக வேலைகள் நடைபெற்று வருகிறது.01.jpg

04.jpg

இதனை அறிந்த "மகாவலி அபிவிருத்தி" என்ற போர்வையில் சிலர் இன்று அப் பிரதேசத்தில் புகுந்து வேலை செய்த மக்களை தடுத்து நிறுத்தியிருந்தனர். 02.jpg

03.jpg

இதனையடுத்து கரைதுறைப்பற்று  தவிசாளர் க.தவராசா , கரைதுறைப்பற்று பிரதேச சபை உறுப்பினர்களான இ.கவாஸ்கர் , கி.சிவலிங்கம் ஆகியோருடன் பிரதேச செயலக காணி பகுதியினர் மற்றும் கமநல சேவை திணைக்கள உதவி ஆணையாளர்  இவர்களுடன் அப் பிரதேச ஊர் மக்கள்  அனைவருமாக அணி திரண்டு வாக்குவாதத்தின் பின்னர் அவர்களை அங்கிருந்து வெளியேற்றினர்.

http://www.virakesari.lk/article/40684

இலங்கையின் அடுத்த ஜனாதிபதி – யாருக்கு அந்த அதிஷ்டம்?

1 day ago
இலங்கையின் அடுத்த ஜனாதிபதி – யாருக்கு அந்த அதிஷ்டம்? இலங்கையின் அடுத்த ஜனாதிபதி யார்? என்ற கேள்விக்கு இன்னும் தெளிவற்ற பதில்களே கிடைக்கப்பெறுகின்றன. அன்மையில் இந்தியாவுக்குச் சென்றிருந்த முன்னாள் ஜனாதிபதி மகிந்த ராஜபக்ச இதுதொடர்பில் கருத்துத் தெரிவிக்கையில், மீண்டும் தாம் ஆட்சிக்கு வருவது உறுதி என்றும், அடுத்த ஜனாதிபதி வேட்பாளராக தமது சகோதரன் ஒருவரே போட்டியிடுவார் என்றும். எனினும் இதுவிடயமாக கூட்டு எதிர்க்கட்சியுடன் கலந்துரையாடி இறுதி முடிவு எடுக்கப்படும் என்றும் இந்தியாவின் ‘இந்து’ பத்திரிகைக்கு வழங்கிய பேட்டியில் தெரிவித்திருந்தார். மகிந்த ராஜபக்சவின் இந்திய பயணத்தின்போது அவரது மூத்த மகன் நாமல் ராஜபக்சவையும் கூடவே அழைத்துச் சென்றிருந்தார். நாமல் ராஜபக்சவும் இன்னொரு மகிந்தராஜ பக்சவைப் போன்று தோற்றமளித்தார். அவற்றைப் பார்க்கும் போது மகிந்த ராஜபக்சவின் அடுத்த அரசியல் வாரிசாக நாமல் ராஜபக்சவை இந்தியாவுக்கு அறிமுகம் செய்து வைக்கும் ஒரு ராஜதந்திர நகர்வாகவே இருந்தது. தனது மகனுக்கு வயது போதாமை காரணமாக அடுத்த ஜனாதிபதி வேட்பாளராக தனது சகோதரன் ஒருவரையே களமிறக்கப்போவதாக கூறியிருந்தார். மகிந்த ராஜபக்சவின் சகோதரர்கள் மூன்று பேர் தற்போது அரசியலில் இருக்கின்றார்கள். மூத்த சகோதரர் சமல் ராஜபக்ச, அடுத்து கோட்டபாய ராஜபக்ச, அடுத்து பசில் ராஜபக்ச இவர்களில் ஒருவரை ஜனாதிபதி வேட்பாளராக நிறுத்துவதற்கான சமிக்ஞையை மகிந்த ராஜபக்ச வெளியிட்டுள்ளார். இவர்களில் சமல் கடந்த ஆட்சிக்காலத்தில் சபாநாயகராக இருந்த அனுபவம் இருந்தாலும் ஜனாதிபதி வேட்பாளராக மிளிர்வதற்கு போதுமான மக்கள் ஆதரவைத் திரட்டக்கூடியவரல்ல. கோட்டபாய முன்னாள் பாதுகாப்புச் செயலாளராக செயற்பட்டவர், விடுதலைப் புலிகளுடனான யுத்தத்தை முடிவுக்கு கொண்டு வந்ததில் இவரின் துணிச்சலான தீர்மானங்களும், தந்திரோபாயங்களும் மிகப்பெரிய பங்கு வகித்தது என்பதால், அந்த வரலாற்று வெற்றியின் கதாநாயகனாக சிங்கள மக்கள் கொண்டாடும் ஒருவர். யுத்தம் முடிவுக்கு கொண்டுவரப்பட்ட பின்னர் நகர அபிவிருத்திப் பணிகளை பாதுகாப்பு அமைச்சின் கீழ் கொண்டுவந்து நாட்டின் அபிவிருத்திக்கு முக்கிய பங்காற்றியவர் என்ற நற்பெயரும் இவருக்கு இருக்கின்றது. இறுதியாக பசில் இவர் கடந்த ஆட்சியில் முக்கிய அமைச்சுப் பொறுப்பான பொருளாதார அபிவிருத்தியையும், திட்டமிடல் அமைச்சையும் தன்னகத்தே வைத்துக்கொண்டு விரைவுச்சாலைகள் அமையவும், 50 வருடங்களாக ஒட்டுப்போட்டு பாவிக்கப்பட்டு வந்த நாட்டின் முக்கிய பிரதான வீதிகளை காப்பற் வீதிகளாக மாற்றியமைத்தது மட்டுமல்லாமல் நாட்டிலுள்ள நிர்வாகக் கட்டிடங்களை மீளக்கட்டி எழுப்பியவர், சமுர்த்தி, மற்றும் வாழ்வாதாரத் திட்டங்களை ஏற்படுத்தி கிராமங்களின் எழுச்சிக்கு திட்டம் வகுத்தவர். இந்த ராஜபக்சக்கள் கொள்ளையடித்தார்கள், அதிகாரத்துஷ்பிரயோகத்தில் ஈடுபட்டார்கள் என்றெல்லாம் ஆயிரம் குற்றச்சாட்டுகள் சுமத்தப்பட்டாலும், அதையெல்லாம் தாண்டி நாட்டின் பல நல்ல காரியங்கள் நடத்தேறியது அவர்களின் ஆட்சிக்காலத்தில் என்பதே இன்றளவும் பேசப்படுகின்றது. இவர்களில் கோட்டபாய ராஜபக்சவுக்கு யுத்தத்தை வெற்றிகொண்ட கதாநாயகன் என்ற மதிப்பும், படைகளின் பாதுகாவலனாக இருக்கக்கூடியவர் என்பதால், முப்படையினர் மத்தியிலும் ஒரு எதிர்பார்ப்பும், அத்துடன் பௌத்த இனவாதிகளின் ஆசிர்வாதத்திற்கும் தகுதியானவர் என்ற கருத்துக்கள் நிலவகின்றது. அதற்கு பலம் சேர்க்கும் வகையில் கூட்டு எதிரணியினர் ஒன்றினைந்து பிரச்சாரப் பணிகளை முன்னெடுத்தால் அவரது வெற்றி நிச்சயிக்கப்படும். இதேபோல் பசில் ஜனாதிபதி வேட்பாளராக நிறுத்தப்பட்டால் அவரின் பிரதான பலமாக இருப்பது அவர் ஒழுங்கமைத்து வழிநடத்திய கூட்டு எதிரணியின் பொதுஜன பெரமுன கட்சியானது மக்களிடம் பெரும் ஆதரவைப் பெற்றுள்ளது. அந்த பலம் ஒருபக்கமாகவும், கோட்டபாயவைவிட ராஜபக்ச குடும்பத்திலிருப்பவர்களில் பசில் ராஜபக்ச இனவாதியாகவோ, சிறுபான்மையினங்களின் வெறுப்புக்குரியவராகவோ இல்லாதவர் ஆகையால் சிறுபான்மை இனங்களின் வாக்குகளை ஓரளவு பெறக்கூடிய ராஜபக்ச குடும்பத்தில் ஒருவராக இருக்கின்றார். எனவே பசிலுக்கும் வெற்றிவாய்ப்பு இருக்கின்றது. இதில் சர்ச்சைக்குரிய விடயம் என்னவென்றால் அடுத்த ஜனாதிபதி வேட்பாளராக ராஜபக்ச குடும்பத்தைச் சேர்ந்தவர்தானா வேட்பாளராக இருக்க வேண்டும். கூட்டு எதிரணியில் இருக்கும் மூத்த அரசியல்வாதிகளுக்கு ஏன் அந்த வாய்ப்பு வழங்கப்படக் கூடாது என்பதுதான் பொது எதிரணியிலுள்ள சிரேஷ்ட தலைவர்களின் கேள்வியாக இருக்கின்றது. அவர்களில் தற்போது பொது எதிரணியின் தலைவராக இருக்கும் தினேஸ் குணவர்தன முதன்மையானவராக இருக்கின்றார். இந்தியாவில் மகிந்த ராஜபக்ச தெவித்த கருத்துத் தொடர்பில் பொது எதிரணியின் மூத்த உறுப்பினரில் ஒருவரான குமார வெல்கம கருத்துத் தெரிவித்த போது, மகிந்தவின் சகோதரர் ஒருவர்தான் அடுத்த ஜனாதிபதி வேட்பாளராக நிறுத்தப்படுவதற்கு முடிவு செய்யப்படுமாக இருந்தால், அவர்கள் இன்னொரு மைத்திரிபால சிறிசேனவை உருவாக்கப்போகின்றார்கள் என்று கூறியிருந்தார். இன்னொரு சிறிசேன என்று கூறப்படுவது எதுவெனில் கூடவே இறுதிவரை இருந்துவிட்டு இறுதியில் ஒரே இரவில் அந்தக் கூட்டத்திலிருந்து விலகி நன்பர்களுக்கு துரோகியாக எதிரணியில் நிற்பது என்றுதான் அவர்கள் வரைவிலக்கணம் கொடுக்கின்றார்களால் என்றால், மகிந்த ராஜபக்ச அல்லாத வேறு ராஜபக்சக்களில் ஒருவர் முன்னிலைப்படுத்தப்படுவாராக இருந்தால் அதற்கு எதிராக நண்பர்களும் எதிரியாக மாறுகின்ற நிலைமை உறுவாகும் என்பதையே அவ்வாறு கூறுகின்றார்கள். இவ்வாறான சர்ச்சைகளுக்கு பிரதான காரணமாக இருப்பது, அடுத்து நடைபெறவிருக்கும் ஜனாதிபதித் தேர்தலில் நிச்சயமாக தற்போதுள்ள ஆட்சியாளர்களால் மக்களின் பெரும்பான்மை பலத்தை பெறமுடியாது என்ற கணிப்பும், பொது எதிரணிக்கு நாளாந்தம் மக்கள் ஆதரவு பெறுகிவருவதும்தான் என்கின்றார்கள் நோக்கர்கள். இதற்கிடையே நல்லாட்சி நடத்தும் இரு கட்சியினரும், ஒற்றுமையையும், தமக்கிடையேயான நம்பிக்கையீனத்தையும் இழந்து ஆளுக்கொரு திசையில் பயணித்துக்கொண்டு இருக்கின்றார்கள். அதில் சுதந்திரக்கட்சியினரைப் பொருத்தவரை அடுத்த ஜனாதிபதியாகவும் தற்போதைய ஜனாதிபதி மைத்திரிபாலதான் தேர்ந்தெடுக்கப்படுவார் என்ற நம்பிக்கையில் இருக்கின்றார்கள். ஒருவேளை அடுத்த தேர்தலில் மைத்திரிபால தோற்றுப்போய்விட்டால் அவர்களின் அரசியல் எதிர்காலம் எவ்வாறு அமையப்போகின்றது என்பதை அவர்களால் சிந்திக்கவும் முடியவில்லை. அந்த அணியினரைப் பொறுத்தவரை இருளான பாதையில் மைத்திரிபால எனும் ஒரு கைவிளக்கை மட்டும் பிடித்துக்கொண்டு பயணித்துக்கொண்டு இருக்கின்றார்கள். ஐக்கிய தேசியக் கட்சியைப் பொறுத்தவரை, அவர்களும் அடுத்த ஜனாதிபதித் தேர்தலில் தமது தலைவர் ரணில் விக்ரமசிங்கவே மக்களால் தெரிவு செய்யப்படுவார் என்று திட்டவட்டமாக நம்புகின்றார்கள். ஆனாலும் கடந்த மூன்று ஆண்டுகளில் நல்லாட்சி அரசாங்கம் மீது ஏற்பட்டுள்ள அதிருப்தியின் காரணமாக ஜனாதிபதித் தேர்தலில் பெரும்பான்மை வாக்குகளை பெற்றுக்கொள்வார்களா? என்பது கேள்விக்குரியாகத்தான் இருக்கின்றது. இந்த இரு கட்சிகளும் யதார்த்தத்தைப் புரிந்துகொண்டு கடந்த தேர்தலைப்போன்று இடையிலுள்ள அனைத்து முரண்பாடுகளையும், நம்பிக்கையீனங்களையும் ஒதுக்கி வைத்துவிட்டு பொது வேட்பாளர் ஒருவரை நிறுத்தி முயற்சி செய்வார்களாக இருந்தால் பொது எதிரணிக்கு கடும்போட்டியைக் கொடுக்கவும், வெற்றியைப் பெறவும் முடியுமாக இருக்கலாம். ஆனால் அதற்கான புறச்சூழலை இம்முறை யார் தோற்றுவிப்பார்கள் என்பதே கேள்வியாகும். -ஈழத்துக் கதிரவன்- http://athavannews.com/இலங்கையின்-அடுத்த-ஜனாதி-3/

இந்திய பங்குச் சந்தையில் கடும் சரிவு – 2 நாட்களில் 2.72 லட்சம் கோடி ரூபாயை முதலீட்டாளர்கள் இழந்தனர்.

1 day ago
இந்திய பங்குச் சந்தையில் கடும் சரிவு – 2 நாட்களில் 2.72 லட்சம் கோடி ரூபாயை முதலீட்டாளர்கள் இழந்தனர். இந்தியாவில் ரூபாய் மதிப்பு வீழ்ச்சியை தொடர்ந்து பங்குச்சந்தையில் தளம்பல் ஏற்பட்டு வரும் நிலையில், கடந்த 2 நாட்களில் முதலீட்டாளர்கள் 2.72 லட்சம் கோடியை இழந்துள்ளதாக தெரிவிக்கப்பட்டுள்ளது.சர்வதேச அளவில் அமெரிக்க டொலருக்கு நிகரான நாணய மதிப்பில் பல்வேறு நாட்டு நாணயங்கள் சரிவினை சந்தித்து வருகின்ற நிலையில் , இந்திய ரூபாய் மதிப்பும் இதுவரை இல்லாத வகையில் வீழ்ச்சி கண்டுள்ளது. சர்வதேச அளவில் ஏற்பட்டுள்ள பொருளாதாரப் பாதிப்பு மற்றும் இந்திய ரூபாய் மதிப்பு சரிவு போன்ற காரணங்களால் இந்திய பங்குச்சந்தைகள் கடந்த வாரம் கடும் சரிவைச் சந்தித்துள்ளன. இந்த நிலையில், இந்திய பங்குச்சந்தைகள் கடந்த இரண்டு நாட்களாக மீண்டும் சரிவை சந்தித்து வருகின்றன. சர்வதேச சந்தையில் கச்சா எண்ணெய் விலை உயர்வு, இந்திய ரூபாய் மதிப்பு சரிவு போன்ற காரணங்களால் பங்குச்சந்தைகள் பெரும் சரிவைச் சந்தித்துள்ளதாக நிபுணர்கள் தெரிவித்துள்ளனர். மேலும் டொலர் மதிப்பு உயர்வால், முதலீட்டு நிறுவனங்கள் பலவும் லாபத்தைப் பதிவு செய்யும் நோக்கத்துடன் தங்கள் பங்குகளை விற்பனை செய்தன. இதன் காரணமாக இந்திய பங்குச்சந்தைகள் அதிகஅளவில் சரிவைச் சந்தித்துள்ளதாக தெரிவிக்கப்படுகிறது. http://globaltamilnews.net/2018/96176/

இலங்கையின் அடுத்த ஜனாதிபதி – யாருக்கு அந்த அதிஷ்டம்?

1 day ago
இலங்கையின் அடுத்த ஜனாதிபதி – யாருக்கு அந்த அதிஷ்டம்?

 

 

இலங்கையின் அடுத்த ஜனாதிபதி யார்? என்ற கேள்விக்கு இன்னும் தெளிவற்ற பதில்களே கிடைக்கப்பெறுகின்றன.

அன்மையில் இந்தியாவுக்குச் சென்றிருந்த முன்னாள் ஜனாதிபதி மகிந்த ராஜபக்ச இதுதொடர்பில் கருத்துத் தெரிவிக்கையில், மீண்டும் தாம் ஆட்சிக்கு வருவது உறுதி என்றும், அடுத்த ஜனாதிபதி வேட்பாளராக தமது சகோதரன் ஒருவரே போட்டியிடுவார் என்றும். எனினும் இதுவிடயமாக கூட்டு எதிர்க்கட்சியுடன் கலந்துரையாடி இறுதி முடிவு எடுக்கப்படும் என்றும் இந்தியாவின் ‘இந்து’ பத்திரிகைக்கு வழங்கிய பேட்டியில் தெரிவித்திருந்தார்.

மகிந்த ராஜபக்சவின் இந்திய பயணத்தின்போது அவரது மூத்த மகன் நாமல் ராஜபக்சவையும் கூடவே அழைத்துச் சென்றிருந்தார். நாமல் ராஜபக்சவும் இன்னொரு மகிந்தராஜ பக்சவைப் போன்று தோற்றமளித்தார்.

அவற்றைப் பார்க்கும் போது மகிந்த ராஜபக்சவின் அடுத்த அரசியல் வாரிசாக நாமல் ராஜபக்சவை இந்தியாவுக்கு அறிமுகம் செய்து வைக்கும் ஒரு ராஜதந்திர நகர்வாகவே இருந்தது. தனது மகனுக்கு வயது போதாமை காரணமாக அடுத்த ஜனாதிபதி வேட்பாளராக தனது சகோதரன் ஒருவரையே களமிறக்கப்போவதாக கூறியிருந்தார்.

மகிந்த ராஜபக்சவின் சகோதரர்கள் மூன்று பேர் தற்போது அரசியலில் இருக்கின்றார்கள். மூத்த சகோதரர் சமல் ராஜபக்ச, அடுத்து கோட்டபாய ராஜபக்ச, அடுத்து பசில் ராஜபக்ச இவர்களில் ஒருவரை ஜனாதிபதி வேட்பாளராக நிறுத்துவதற்கான சமிக்ஞையை மகிந்த ராஜபக்ச வெளியிட்டுள்ளார்.

இவர்களில் சமல் கடந்த ஆட்சிக்காலத்தில் சபாநாயகராக இருந்த அனுபவம் இருந்தாலும் ஜனாதிபதி வேட்பாளராக மிளிர்வதற்கு போதுமான மக்கள் ஆதரவைத் திரட்டக்கூடியவரல்ல. கோட்டபாய முன்னாள் பாதுகாப்புச் செயலாளராக செயற்பட்டவர், விடுதலைப் புலிகளுடனான யுத்தத்தை முடிவுக்கு கொண்டு வந்ததில் இவரின் துணிச்சலான தீர்மானங்களும், தந்திரோபாயங்களும் மிகப்பெரிய பங்கு வகித்தது என்பதால், அந்த வரலாற்று வெற்றியின் கதாநாயகனாக சிங்கள மக்கள் கொண்டாடும் ஒருவர்.

யுத்தம் முடிவுக்கு கொண்டுவரப்பட்ட பின்னர் நகர அபிவிருத்திப் பணிகளை பாதுகாப்பு அமைச்சின் கீழ் கொண்டுவந்து நாட்டின் அபிவிருத்திக்கு முக்கிய பங்காற்றியவர் என்ற நற்பெயரும் இவருக்கு இருக்கின்றது.

இறுதியாக பசில் இவர் கடந்த ஆட்சியில் முக்கிய அமைச்சுப் பொறுப்பான பொருளாதார அபிவிருத்தியையும், திட்டமிடல் அமைச்சையும் தன்னகத்தே வைத்துக்கொண்டு விரைவுச்சாலைகள் அமையவும், 50 வருடங்களாக ஒட்டுப்போட்டு பாவிக்கப்பட்டு வந்த நாட்டின் முக்கிய பிரதான வீதிகளை காப்பற் வீதிகளாக மாற்றியமைத்தது மட்டுமல்லாமல் நாட்டிலுள்ள நிர்வாகக் கட்டிடங்களை மீளக்கட்டி எழுப்பியவர், சமுர்த்தி, மற்றும் வாழ்வாதாரத் திட்டங்களை ஏற்படுத்தி கிராமங்களின் எழுச்சிக்கு திட்டம் வகுத்தவர்.

இந்த ராஜபக்சக்கள் கொள்ளையடித்தார்கள், அதிகாரத்துஷ்பிரயோகத்தில் ஈடுபட்டார்கள் என்றெல்லாம் ஆயிரம் குற்றச்சாட்டுகள் சுமத்தப்பட்டாலும், அதையெல்லாம் தாண்டி நாட்டின் பல நல்ல காரியங்கள் நடத்தேறியது அவர்களின் ஆட்சிக்காலத்தில் என்பதே இன்றளவும் பேசப்படுகின்றது.

இவர்களில் கோட்டபாய ராஜபக்சவுக்கு யுத்தத்தை வெற்றிகொண்ட கதாநாயகன் என்ற மதிப்பும், படைகளின் பாதுகாவலனாக இருக்கக்கூடியவர் என்பதால், முப்படையினர் மத்தியிலும் ஒரு எதிர்பார்ப்பும், அத்துடன் பௌத்த இனவாதிகளின் ஆசிர்வாதத்திற்கும் தகுதியானவர் என்ற கருத்துக்கள் நிலவகின்றது. அதற்கு பலம் சேர்க்கும் வகையில் கூட்டு எதிரணியினர் ஒன்றினைந்து பிரச்சாரப் பணிகளை முன்னெடுத்தால் அவரது வெற்றி நிச்சயிக்கப்படும்.

இதேபோல் பசில் ஜனாதிபதி வேட்பாளராக நிறுத்தப்பட்டால் அவரின் பிரதான பலமாக இருப்பது அவர் ஒழுங்கமைத்து வழிநடத்திய கூட்டு எதிரணியின் பொதுஜன பெரமுன கட்சியானது மக்களிடம் பெரும் ஆதரவைப் பெற்றுள்ளது. அந்த பலம் ஒருபக்கமாகவும், கோட்டபாயவைவிட ராஜபக்ச குடும்பத்திலிருப்பவர்களில் பசில் ராஜபக்ச இனவாதியாகவோ, சிறுபான்மையினங்களின் வெறுப்புக்குரியவராகவோ இல்லாதவர் ஆகையால் சிறுபான்மை இனங்களின் வாக்குகளை ஓரளவு பெறக்கூடிய ராஜபக்ச குடும்பத்தில் ஒருவராக இருக்கின்றார். எனவே பசிலுக்கும் வெற்றிவாய்ப்பு இருக்கின்றது.

இதில் சர்ச்சைக்குரிய விடயம் என்னவென்றால் அடுத்த ஜனாதிபதி வேட்பாளராக ராஜபக்ச குடும்பத்தைச் சேர்ந்தவர்தானா வேட்பாளராக இருக்க வேண்டும். கூட்டு எதிரணியில் இருக்கும் மூத்த அரசியல்வாதிகளுக்கு ஏன் அந்த வாய்ப்பு வழங்கப்படக் கூடாது என்பதுதான் பொது எதிரணியிலுள்ள சிரேஷ்ட தலைவர்களின் கேள்வியாக இருக்கின்றது.

அவர்களில் தற்போது பொது எதிரணியின் தலைவராக இருக்கும் தினேஸ் குணவர்தன முதன்மையானவராக இருக்கின்றார். இந்தியாவில் மகிந்த ராஜபக்ச தெவித்த கருத்துத் தொடர்பில் பொது எதிரணியின் மூத்த உறுப்பினரில் ஒருவரான குமார வெல்கம கருத்துத் தெரிவித்த போது, மகிந்தவின் சகோதரர் ஒருவர்தான் அடுத்த ஜனாதிபதி வேட்பாளராக நிறுத்தப்படுவதற்கு முடிவு செய்யப்படுமாக இருந்தால், அவர்கள் இன்னொரு மைத்திரிபால சிறிசேனவை உருவாக்கப்போகின்றார்கள் என்று கூறியிருந்தார்.

இன்னொரு சிறிசேன என்று கூறப்படுவது எதுவெனில் கூடவே இறுதிவரை இருந்துவிட்டு இறுதியில் ஒரே இரவில் அந்தக் கூட்டத்திலிருந்து விலகி நன்பர்களுக்கு துரோகியாக எதிரணியில் நிற்பது என்றுதான் அவர்கள் வரைவிலக்கணம் கொடுக்கின்றார்களால் என்றால், மகிந்த ராஜபக்ச அல்லாத வேறு ராஜபக்சக்களில் ஒருவர் முன்னிலைப்படுத்தப்படுவாராக இருந்தால் அதற்கு எதிராக நண்பர்களும் எதிரியாக மாறுகின்ற நிலைமை உறுவாகும் என்பதையே அவ்வாறு கூறுகின்றார்கள்.

இவ்வாறான சர்ச்சைகளுக்கு பிரதான காரணமாக இருப்பது, அடுத்து நடைபெறவிருக்கும் ஜனாதிபதித் தேர்தலில் நிச்சயமாக தற்போதுள்ள ஆட்சியாளர்களால் மக்களின் பெரும்பான்மை பலத்தை பெறமுடியாது என்ற கணிப்பும், பொது எதிரணிக்கு நாளாந்தம் மக்கள் ஆதரவு பெறுகிவருவதும்தான் என்கின்றார்கள் நோக்கர்கள்.

இதற்கிடையே நல்லாட்சி நடத்தும் இரு கட்சியினரும், ஒற்றுமையையும், தமக்கிடையேயான நம்பிக்கையீனத்தையும் இழந்து ஆளுக்கொரு திசையில் பயணித்துக்கொண்டு இருக்கின்றார்கள். அதில் சுதந்திரக்கட்சியினரைப் பொருத்தவரை அடுத்த ஜனாதிபதியாகவும் தற்போதைய ஜனாதிபதி மைத்திரிபாலதான் தேர்ந்தெடுக்கப்படுவார் என்ற நம்பிக்கையில் இருக்கின்றார்கள்.

ஒருவேளை அடுத்த தேர்தலில் மைத்திரிபால தோற்றுப்போய்விட்டால் அவர்களின் அரசியல் எதிர்காலம் எவ்வாறு அமையப்போகின்றது என்பதை அவர்களால் சிந்திக்கவும் முடியவில்லை.

அந்த அணியினரைப் பொறுத்தவரை இருளான பாதையில் மைத்திரிபால எனும் ஒரு கைவிளக்கை மட்டும் பிடித்துக்கொண்டு பயணித்துக்கொண்டு இருக்கின்றார்கள்.

ஐக்கிய தேசியக் கட்சியைப் பொறுத்தவரை, அவர்களும் அடுத்த ஜனாதிபதித் தேர்தலில் தமது தலைவர் ரணில் விக்ரமசிங்கவே மக்களால் தெரிவு செய்யப்படுவார் என்று திட்டவட்டமாக நம்புகின்றார்கள். ஆனாலும் கடந்த மூன்று ஆண்டுகளில் நல்லாட்சி அரசாங்கம் மீது ஏற்பட்டுள்ள அதிருப்தியின் காரணமாக ஜனாதிபதித் தேர்தலில் பெரும்பான்மை வாக்குகளை பெற்றுக்கொள்வார்களா? என்பது கேள்விக்குரியாகத்தான் இருக்கின்றது.

இந்த இரு கட்சிகளும் யதார்த்தத்தைப் புரிந்துகொண்டு கடந்த தேர்தலைப்போன்று இடையிலுள்ள அனைத்து முரண்பாடுகளையும், நம்பிக்கையீனங்களையும் ஒதுக்கி வைத்துவிட்டு பொது வேட்பாளர் ஒருவரை நிறுத்தி முயற்சி செய்வார்களாக இருந்தால் பொது எதிரணிக்கு கடும்போட்டியைக் கொடுக்கவும், வெற்றியைப் பெறவும் முடியுமாக இருக்கலாம். ஆனால் அதற்கான புறச்சூழலை இம்முறை யார் தோற்றுவிப்பார்கள் என்பதே கேள்வியாகும்.

-ஈழத்துக் கதிரவன்-

http://athavannews.com/இலங்கையின்-அடுத்த-ஜனாதி-3/

இந்திய முப்படைகளுக்காக 9,100 கோடி ரூபாய்க்கு ஆயுதங்கள், ராணுவ தளவாடங்கள் வாங்க ஒப்புதல்

1 day ago
இந்திய முப்படைகளுக்காக 9,100 கோடி ரூபாய்க்கு ஆயுதங்கள், ராணுவ தளவாடங்கள் வாங்க ஒப்புதல் இந்திய முப்படைகளுக்காக 9,100 கோடி ரூபாய் பெறுமதியில் ஆயுதங்கள், ராணுவ தளவாடங்கள் ஆகியவற்றினை வாங்க பாதுகாப்புத்துறை அமைச்சர் நிர்மலா சீதாராமன் தலைமையிலான பேரவை இன்று ஒப்புதல் அளித்துள்ளது. பாதுகாப்புத்துறை அமைச்சர் நிர்மலா சீதாராமன் தலைமையிலான பாதுகாப்பு தளவாடங்கள் கொள்முதல் பேரவைக் கூட்டம் கூட்டம் இன்று நடைபெற்றுள்ள நிலையிலேயே இவ்வாறு இந்தக் கூட்டத்தில், 9,100 கோடி பெறுமதியிலான ஆயுதங்கள் மற்றும ஒப்புதல் வழங்கப்பட்டுள்ளது. இந்த வகையில், ராணுவத்தின் இரண்டு பிரிவுக்கு ஆகாஷ் ஏவுகணைகள் வாங்கவும் கூட்டத்தில் முடிவெடுக்கப்பட்டுள்ளதாக தெரிவிக்கப்படுகிறது. http://globaltamilnews.net/2018/96179/

"இறுதிப் போரில் விடுதலைப் புலிகள் வீழ வேண்டும் என்று நினைத்தேன்" - தமிழ் இயக்குநர் ஜூட்

1 day ago
நிதர்சனமாக இருக்கும் யாருக்கும் வளையாத, தமிழ் தேசத்தில், தேசியத்தில் ஊறிய அவரது கட்சி சகாக்களின் நரித்தனத்தை வேட்டையாடி, யதார்த்தமாக உரிமைக்கு குரல் எழுப்பும் தற்போதைய முதலமைச்சர்.

நண்பனுக்கு வக்கீல் நோட்டீஸ் கொடுப்பது சரியல்ல - எஸ்.பி.பாலசுப்பிரமணியம் வேதனை

1 day 1 hour ago
இதைப்பற்றி ஏற்கனவே நிறைய அலசிவிட்டோம். எஸ்.பி பாலசுப்பிரமணியம் ஒன்றும் தெரியாத அப்பாவி போல வேடம் போடுகிறார். இளையராஜா பாடல்களுக்கான ராயல்டி பற்றி ஆரம்பத்தில் அறிவித்தபோது , பாலசுப்ரமணியமும் இன்னும் பல இசை துறை விற்பனார்களும் சேர்ந்தே ஆலோசித்தார்கள், முடிவெடுத்தார்கள். ரஜனியை எப்படி அவரின் இரு மகள்களும் உபயோகப் படுத்திக்கொள்கிறார்களோ அதே போல எஸ்.பி சரண் அவரின் தந்தையாரை உலகம் பூராக கூட்டிச்சென்று பணம் சம்பாதித்தார். குறைந்த பட்ச டிக்கெட் விலை $80 - $300 வரை, 10 இருக்கும் மேற்பட்ட நாடுகள் , 30 மேற்பட்ட நகரங்கள் என இசைக் கச்சேரி நடத்தினார்கள். ஒரு சல்லிகாசையும் படைப்பாளிக்கு கொடுக்காது, அனுமதியும் பெறாராதது படைப்பாளியை அவமதிப்பதற்கு சமம். தவிர இளையராஜா வரும் பணத்தை பாடலாசிரியர், தயாரிப்பாளர், இசை கலைஞர்களோடு பகிர்ந்து கொடுப்பதாகவே கூறியிருந்தார்.

விடுதலை புலிகளிடம் இருந்து தற்காத்து கொள்ளவே ஆயுதங்களை வைத்திருந்தோம்|

1 day 1 hour ago
ஊர்மிளாவுக்கும் உமாவுக்கும் ஒரு தொடர்பும் இல்லையாம்.😥 உட்கட்சியில் நடந்த கொலைகளையும் வெளியில் நடந்த கொலைகளையும் இவர் அறிந்தவர், உடந்தையாக இருந்தவர்.

14 வீரர்களுடன் சென்ற ரஷ்ய போர் விமானம் சிரியாவில் மாயம்

1 day 1 hour ago
இங்கே படத்தில் காட்டப்பட்டுள்ள விமானம் சண்டை விமானம் ஆகும். ஆனால், சுட்டு வீழ்த்தப்பட்டதோ 1950 களில் ரஷ்ஷியாவினால் உருவாக்கப்பட்ட உளவுபார்க்கும் விமானம் ஒன்று. சிரியாவினுள் ஆளமாக கால்பதிக்கும் ஈரானின் ராணுவ இலக்குகள் மீது இஸ்ரேல் விமானத் தாக்குதல்களை மேற்கொண்டபோது, ரஷ்ஷியாவினால் செலுத்தப்பட்ட விமானம், சிரியாவின் விமான எதிர்ப்பு ஏவுகணைகளின் வீச்சுக்குள் இஸ்ரேல் விமானங்களால் பலவந்தமாக அனுப்பிவைக்கப்பட, ஏவுகணைத் தாக்குதலுக்கு உள்ளாகி அது நொருங்கியிருக்கிறது. இதில் வேடிக்கை என்னவென்றால், ரஷ்ஷிய விமானத்தைச் சுட்டு வீழ்த்திய ஏவுகணை கூட ரஷ்ஷியாவினால் சிரியாவுக்கு வழங்கப்பட்டதுதான். அதுமட்டுமல்லாமல், சுட்டு வீழ்த்தப்பட்ட ரஷ்ஷிய விமானம் கூட, சிரியாவின் ராணுவ நடவடிக்கைகளுக்காக உளவு பார்ப்பதற்காகவே அங்கு அனுப்பிவைக்கப்பட்டது. சொந்தக் காசில் சூனியம் வைப்பது என்று கேள்விப்பட்டிருக்கிறேன், இப்போதுதான் பார்க்கிறேன். https://www.bbc.com/news/world-europe-45563304