<b>சென்னை வெள்ள நிவாரண மைய ஜனநெரிசலில் 42 பேர் பலி</b>
<img src='http://newsimg.bbc.co.uk/media/images/41133000/jpg/_41133528_ambulanceshot203.jpg' border='0' alt='user posted image'> <img src='http://newsimg.bbc.co.uk/media/images/41133000/jpg/_41133536_stampedeafpindex203.jpg' border='0' alt='user posted image'>
தமிழகத்தின் தலைநகர் சென்னையில் இன்று வெள்ள நிவாரண விநியோக மையம் ஒன்றில் ஏற்பட்ட சன நெரிசலில் சிக்கி 42 பேர் உயிரிழந்திருக்கிறார்கள், 37 பேர் காயமடைந்திருக்கிறார்கள்.

எம்.ஜி.ஆர் நகர் பகுதியில் உள்ள உயர் நிலைப்பள்ளி ஒன்றே தமிழக அரசால் அப்பகுதிக்கான வெள்ள நிவாரண மையமாக அறிவிக்கப்பட்டு, அங்கு கடந்த இரண்டு தினங்களாக வெள்ள நிவாரணம் வழங்கப்பட்டு வந்தது.

கடந்த இரவு முழுவதும் சென்னையில் கடுமையான மழை பெய்தது, இன்று காலையிலும் மழை தொடர்ந்திருக்கிறது. அந்நிலையில் இன்று காலையில் அங்கு நிவாரணம் பெறுவதற்காக சுமார் 4500 பேர் காத்திருந்திருக்கிறார்கள். அப்போது மக்கள் முண்டியடித்துச் சென்றபோதே இந்த கோரம் நிகழ்ந்துள்ளது.

இன்று ஞாயிற்றுக்கிழமையே நிவாரணப் பொருட்கள் வழங்குவதற்கான இறுதி தினம் என்று பரவிய வதந்தி காரணமாகவே மக்கள் முண்டியடித்துச் சென்றதாக நேரில் கண்ட சிலர் தெரிவித்துள்ளனர்.

இறந்தவர்களுக்கு நஷ்ட ஈடாக ஒரு லட்சம் ரூபாயும், காயமடைந்தவர்களுக்கு பதினைந்தாயிரம் ரூபாயும் வழங்கப்படுமென தமிழக அரசு அறிவித்துள்ளது.

தமிழக முதல்வர் ஜெயலலிதா காயமடைந்தவர்களைச் சென்று பார்வையிட்டார். பாதிக்கப்பட்டோருக்கு ஆறுதல் தெரிவித்தபின், செய்தியாளர்களிடம் நெரிசல் சம்பவம் குறித்து விளக்கினார்.

தனது அரசிற்கு கெட்ட பெயர் வாங்கித்தரவென்றே சிலர், வதந்திகளை கிளப்பி இப்படிப்பட்ட சம்பவங்களுக்கு காரணமாயிருந்திருக்கின்றனர் என்றும் அவர் குற்றஞ்சாட்டினார்.

மற்ற அரசியல் கட்சிகள் மற்றும் தொண்டு நிறுவனங்களின் பிரதிநிதிகள் அடங்கிய நிவாரணக்குழுக்களை அமைக்காமல், அரசியல் ஆதாயத்திற்காக தான்தோன்றித்தனமாக முதல்வர் ஜெயலலிதா இச்சந்தர்ப்பத்தினை பயன்படுத்திக்கொள்ள முயன்றதால்தான் இத்தகைய விபத்துக்கள் மீண்டும் மீண்டும் நிகழ்கின்றன என ஜனநாயக முற்போக்கு கூட்டணித் தலைவர்களும் இன்று சென்னையில் கூடி குற்றம்சாட்டினர். ஜெயலலிதா பதவி விலகவேண்டும் எனவும் அவர்கள் கோரினர்.

இத்தகைய பிரச்சினைகளுக்கு முற்றுப்புள்ளி வைக்கும் விதமாக நிவாரணப்பொருட்கள் பெறுவதற்கான அடையாள சீட்டுக்களை வீடுவீடாக சென்று விநியோகிக்கலாமா என அரசு ஆலோசித்து வருவதாகக் கூறப்படுகிறது.

- பீபீசி தமிழ்

லாரி டிரைவர் சயனைட் சாப்பிட்டு தற்கொலை: தீவிரவாதியா? போலீஸ் விசாரணை
டிசம்பர் 18, 2005

கோயம்பத்தூர்:

மேட்டுப்பாளையத்தை சேர்ந்த லாரி டிரைவர் ஒருவரை போலீசார் விசாரணைக்காக அழைத்து சென்ற போது அவர் சயனைட் சாப்பிட்டு தற்கொலை செய்து கொண்டார். இது குறித்து போலீசார் தீவிர விசாரணை நடத்தி வருகின்றனர்.




சேலம் மாவட்டத்தை சேர்ந்த குமார் என்பவர் லாரியை விற்க வேண்டி மேட்டுப்பாளையத்தில் உள்ள ஒரு பெட்ரோல் பங்க்கிற்கு சென்றுள்ளார். ஆனால் அந்த பெட்ரோல் பங்க் ஊழியர்கள் அவரிடம் லாரி விற்பதற்கான சரியான பத்திரங்கள் இல்லாததால் சந்தேகமடைந்து போலீசில் புகார் கொடுத்தனர்.

உடனே சம்பவயிடத்துக்கு விரைந்து வந்த போலீசார் குமாரிடம் விசாரணை செய்வதற்காக காவல் நிலையம் அழைத்து சென்றனர். அப்போது காவல் நிலையம் செல்லும் வழியில் குமார் தன்னிடம் மறைத்து வைத்திருந்த சயனைட் எடுத்து சாப்பிட்டு தற்கொலை செய்து கொண்டார்.

குமாரின் இந்த தற்கொலையால், ஒரு லாரி டிரைவரோ அல்லது திருடனோ சயனைட் வைத்திருப்பதற்கு அவசியம் என்ன? என்று போலீசாருக்கு சந்தேகம் ஏற்பட்டுள்ளதால், குமார் ஏதாவது தீவிரவாத கும்பலுடன் தொடர்புடையவரா என்று விசாரிக்க போலீஸ் தனிப்படை சேலம் மாவட்டத்தில் அவன் குறிப்பிட்டிருந்த முகவரிக்கு சென்று விசாரித்தனர். ஆனால் குமார் என்ற பெயரில் பத்து வருடமாக அங்கு யாரும் இல்லை என்று விசாரணையில் தெரிய வந்துள்ளது.

எனவே இது குறித்து தொடர்ந்து போலீசார் விசாரணை செய்து வருகின்றனர்.

Thatstamil

கடந்த சில நாட்களாக லண்டனின் புறநகர் பகுதிகளான "கரோ, றெயினர்ஸ்லேன், பினர்,..." பகுதிகளில் எம்மவர்களின் வீடுகளைக் குறிவைத்து மீண்டும் களவுகள் ஆரம்பமாயிருக்கின்றனவாம். கடந்த ஒரு வருடத்திற்கு முன்னம் மிகப் பெரிய அளவில் இப்பகுதிகளில் களவுகள் நடைபெற்றன. முன்பு குறிப்பிட்ட பகுதிகளிலுள்ள பெரும்பான்மையான எம்மவர்களின் வீடுகள் மிக திட்டமிட்டு, வீட்டுரிமையாளர்கள் வெளியில் செல்வது அவதானிக்கப்பட்டு, அவ்வீடுகளிலுள்ள ஏறக்குறைய எல்லா விலையுயர்ந்த பொருட்களும் களவாடப்பட்டிருந்தன. மீண்டும் அதே பாணியிலான செயற்பாடுகள் ஆரம்பமாகியுள்ளன.

முன்பு நடைபெற்ற சம்பவங்களின் பின்னனி பற்றி எம்மவர்கள் மத்தியில் பல ஊகங்கள்/சந்தேகங்கள் வெளியிடப்பட்டிருந்தன. குறிப்பாக ஏனைய ஐரோப்பிய நாடுகளிலிருந்து வந்த "எம்மின வீரர்கள்" குறிப்பிடப்பட்ட பகுதிகலில் ஒரூரு வீடுகளை வாடகைக்கு எடுத்திருந்து இச்சம்பவங்களில் ஈடுபட்டார்கள் என்றும், வார இறுதி நாட்களில் இப்படியானவர்கள் வந்து செய்து போட்டு சென்று விடுகிறார்கள் என்றெல்லாம் வதந்திகள் அடிபட்டன. எவை எப்படியிருப்பினும் இக்களவுகள் நிச்சயமாக எம்மினத்தவர்களாலேயே நடைபெறுகின்றன.

ஆனால் இக்களவுகளுக்கு பின்னனியில் வேறுசில சக்திகளும் உள்ளனவா என்ற ஐயமும் மக்கள் மத்தியில் இருக்கின்றது. காரனாம் தேசியத்திற்கான நிதி சேகரிப்பு மும்முரமாக உள்ள நிலையில், அதனை எவ்விதத்திலாவது குழப்புவதற்கு தமிழ்த் தேசியத்திற்கெதிரான கூலிகள்/எதிரிகள்பெருமுயற்சியுடன் ஈடுபடுவது எல்லோரும் அறிந்ததே!! இதன் பின்னனியில் இக்களவுகள் ஆரம்பிக்கப்பட்டிருக்கக் கூடிய சாத்தியங்கள் இருக்கலாம்.

குறிப்பாக "ஜேர்மன்" நாட்டிலிருந்து சில கூலிகள் இதே பகுதிகளுக்கு கடந்த சில வாரங்களுக்கு முன்னம் வந்து, தமது எஜமானர்களுடனும் வலம் வந்தது மக்கள் மத்தியில் பலத்த சந்தேகங்களை எழுப்பியுள்ளது.

ஞாயிறு 18-12-2005 22:14 மணி தமிழீழம் [யாழ் நிருபர்]

யாழ் சுழிபுரத்தில் வீடொன்றில் 13 கைக்குண்டுகள் படையினரால் மீட்பு
சிறீலங்கா இராணுவத்தினரால் யாழ்ப்பாணம் சுழிபுரம் பகுதியில் அமைந்துள்ள வீடொன்றில் இருந்து 13 கைக்குண்டுகள் படையினரால் மீட்கப்பட்டன. இன்று திங்கட்கிழமை காலை இந்த சம்பவம் இடம்பெற்றுள்ளது.

அத்துடன் மானிப்பாய் பகுதியில் நீண்டகால பாவனையில் இல்லாத மோட்டார் குண்டு ஒன்று மீடகப்பட்டு செயழிழக்கச் செய்யப்பட்டதாக படைத்தரப்பினர் தெரிவித்துள்ளனர்.

பதிவு

<b>தமிழீழ தேசிய தொலைக் காட்சியில் இன்று நிலவரம் நிகழ்ச்சியைக் காணத் தவறாதீர்கள். .......................</b>

சைபர் கிரைம்: சாதித்த சென்னை போலீஸ்
டிசம்பர் 18, 2005

சென்னை:

மிரட்டல் இமெயில் எங்கிருந்து வந்தது என்பது தெரியாமல் டெல்லி போலீஸார் திணறிய நேரத்தில், அதை முதலில் கண்டுபிடித்து சாதனை படைத்தது சென்னை போலீஸார் என்று தற்போது தெரிய வந்துள்ளது.



நாடாளுமன்றத்திற்கு வெடிகுண்டு மிரட்டல் விடுத்த இமெயில் தகவலால் நாடே கதிகலங்கிப் போனது. இந்த இ மெயில் எங்கிருந்து வந்தது என்பதை அறிய டெல்லி போலீஸார் உடனடியாக களத்தில் இறங்கினர்.

மெயில் எங்கிருந்து அனுப்பப்பட்டது என்பது குறித்து அவர்கள் தீவிர ஆய்வு மேற்கொண்டனர். ஆனால் அவர்களால் மெயில் எங்கிருந்து வந்தது என்பதைக் கண்டுபிடிக்க ¬முடியவில்லை.

இதே நேரத்தில் சென்னை சைபர் கிரைம் பிரிவு உதவி ஆணையர் பாலு தலைமையில் சென்னை போலீஸார் களத்தில் குதித்தனர். சைபர் கிரைம் தொடர்பான, குறிப்பாக இமெயில் மிரட்டல், எஸ்.எம்.எஸ். குற்றங்களை மிகவும் லாவகமாக கண்டுபிடிக்கும் திறமை படைத்தவர் உதவி ஆணையர் பாலு.

சம்பந்தப்பட்ட மெயில் எங்கிருந்து வந்தது என்ற ஆய்வில் இறங்கிய சில நிமிடங்களிலேயே அதை பாலு தலைமையிலான குழு கண்டுபிடித்து சாதனை படைத்துள்ளது. சென்னையிலிருந்து வந்ததாக ¬முதலில் கூறப்பட்ட இமெயில், பாளையங்கோட்டை மற்றும் ¬முருகன்குறிச்சி ஆகிய இடங்களில் உள்ள இன்டர்நெட் மையங்களிலிருது சிபி இணையதளம் மூலம் அனுப்பப்பட்டதை பாலு கண்டுபிடித்து மாநகர ஆணையர் நடராஜிடம் தெரிவித்துள்ளார்.

உடனடியாக இந்தத் தகவலை வெளியிடாத நடராஜ், ¬முதலில் மத்திய அரசுக்கு மட்டும் தகவல் தெரிவித்தார். இதையடுத்தே மத்திய உள்துறை அமைச்சகத்திற்கு, மெயில் சென்னையிலிருந்து வரவில்லை, நெல்லையிலிருந்து வந்துள்ளது தெரிய வந்தது.

சென்னை சைபர் கிரைம் போலீஸாரின் உதவியுடன் தற்போது டெல்லியிலிருந்து வந்துள்ள சிறப்புப் படை அதிகாரிகள் குற்றவாளிகள் என சந்தேகப்படுபவர்களிட¬ம், சம்பந்தப்பட்ட இன்டர்நெட் மையங்களிலும் சோதனை மற்றும் விசாரணையில் ஈடுபட்டுள்ளனர்.

Thatstamil

மூன்றாம் தரப்பு முன் நிபந்தனை ஏற்றுக் கொள்ளப்படக் கூடியதா?

கலாநிதி எஸ்.ஜ.கீதபொன்கலன்

1990களில் யுத்தம் மும்முரமாக நடந்து கொண்டிருந்தபோது, மோதலை முடிவுக்குக் கொண்டுவரும் நோக்கில் ஒரு மூன்றாந்தரப்பாக உதவி செய்யப் பலர் முன்வந்திருந்தனர். இவர்களில் உள்ளூர்வாசிகளும் வெளிநாட்டவர்களும் காணப்பட்டிருந்தனர். வெளியூர்வாசிகளில் முக்கியமானவர்களாக நெல்சன் மண்டேலா மற்றும் யாசீர் அரபாத் போன்றோர் கூறப்படலாம். உள்ளூரில் இருந்து இவ்விதம் செயற்பட முன்வந்தவர்களில் முக்கியமான இருவர் பேராயர் கெனத் பெர்னாண்டோ மற்றும் வர்த்தகப் பிரமுகர் லலித் கொத்தலாவல ஆகியோராவர்.

இவர்களில் கொத்தலாவல தான் மூன்றாந்தரப்பாக செயற்படப் போவதாகப் பகிரங்கமாக அறிவித்தபோது நிபந்தனை ஒன்றை முன்வைத்திருந்தார். அதாவது, தான் இரு தரப்பிலுமிருந்து இரண்டாம் மட்டத் தலைமைகளுடன் மட்டும் தொடர்புகளை வைத்துக் கொள்ளவிரும்பவில்லை என்றும், அதன் காரணமாக உயர்மட்டத் தலைவர்களுடன் மட்டும் பேச்சுவார்த்தை நடாத்தவிருப்பதாக அறிவித்திருந்தார். இதன் கருத்தாய் அமைந்திருந்தது அரச தரப்பில் ஜனாதிபதி சந்திரிகா குமாரதுங்க மற்றும் புலிகள் தரப்பில் பிரபாகரன் ஆகியோருக்கிடையில் மட்டுமே செயற்பட விரும்பியிருந்தார் என்பதாகும்.

கொத்தலாவல சற்றுக் கடினமாக முயற்சி செய்திருந்திருப்பராயின் சந்திரிகா குமாரதுங்கவை சந்தித்து செயற்பட்டிருப்பது இயலாததாக இருந்திருக்க மாட்டாது. இருப்பினும், அன்றைய நிலையிலும் கூட புலிகளின் தலைவரை நேரடியாக சந்திப்பதும் அவரது செய்தியைக் கொழும்புக்குக் கொண்டு வருவதும் சாத்தியமானவை அல்ல என்பது பெரிதும் தெளிவானதாகவே காணப்பட்டிருந்தது. எனவே, அத்தகைய கடினமானதொரு விடயத்தை மூன்றாந்தரப்பு அல்லது மூன்றாந்தரப்பாக செயற்பட விரும்பிய ஒரு தரப்பு, நிபந்தனையாக முன்வைத்த போதே, அத்தரப்பின் முயற்சிகள் வெற்றியடையப் போவதில்லை என்பதை இவ்விடயத்தில் அறிவுடைய சிலர் தெரிந்து கொண்டிருந்தனர்.

கொத்தலாவலயின் இந்நிபந்தனையில் இரண்டு பிரச்சினைகள் காணப்பட்டிருந்தன. ஒன்று நடைமுறையில் சாத்தியமில்லாத ஒரு விடயத்தை அது அழுத்திக் கூறியமையினால் மேற்கொண்டு முன்னேறுவது சாத்தியமானதாக இருக்கவில்லை. இரண்டாவது மூன்றாந்தரப்பு ஒன்று மோதல் தீர்வு தொடர்பில் நிபந்தனைகளை முன்வைக்க முடியுமா என்பது. மோதல் தீர்வியலில் இன்று பொதுவாக ஏற்றுக் கொள்ளப்பட்டுள்ள ஒரு விடயம் என்னவெனில், ஒரு மூன்றாந்தரப்பின் உதவியுடனும் கூட மோதல் தீர்வு செயன்முறை ஒன்று முன்னெடுக்கப்படுகின்ற போது, அச்செயன்முறையின் உரிமையாளர்கள் மோதல் தரப்பினரே அன்றி, மூன்றாத்தரப்பு அல்ல என்பதாகும். இருந்தபோதும் மூன்றாந்தரப்பினர் விரும்பியவாறு நிபந்தனை முன்வைப்பது விரும்பப்படுவதில்லை. ஏனெனில், பொதுவாக சமாதான செயன்முறைகளில் நிபந்தனைகள் முன்னேற்றத்தின் தடைக்கற்களாகக் கருதப்படுகின்றன. எனினும் பேச்சுவார்த்தைகளின்போது மோதற் தரப்பினர் நிபந்தனைகளை முன்வைப்பது பொதுவாகக் காணப்படுகின்றது. இத்தகைய நிலையில் மூன்றாந்தரப்பும் நிபந்தனைகளை முன்வைப்பது பொதுவாகக் காணப்படுகின்றது. இத்தகைய நிலையில் மூன்றாந்தரப்பும் நிபந்தனைகளை முன்வைப்பது மேலதிக பிரச்சினைகளை ஏற்படுத்தும் என்பதனால் இது பெருமளவு விரும்பப்படுவதில்லை. அவ்வகையில் எதிர்பார்க்கப்பட்டது போல் கொத்தலாவலயின் முயற்சிகள் ஆரம்பிக்கப்படுவதற்கு முன்னரேயே இல்லாமற் செய்யப்பட்டிருந்தன.

நோர்வே

இருப்பினும், நோர்வேயைப் பொறுத்தவரை அது மோதற் தீர்வு மற்றும் மோதற் தீர்வியல் ஆகியவற்றில் அனுபவமுடைய ஒரு தரப்பாக இருந்தமையினால், இன்று வரை ஏற்றுக் கொள்ளப்பட்ட விதிகளுக்கமைய தனது செயற்பாடுகளை ஒழுங்கமைத்துக் கொள்ள பெரிதும் முயன்றிருந்தது. உண்மையில் இந்நடத்தையே அதற்கு குறிப்பாக தெற்கில் சில பிரச்சினைகளை ஏற்படுத்தியிருந்தது என்பது துரதிர்ஷ்டவசமானதே. எவ்வாறாயினும், ஏற்றுக்கொள்ளப்பட்ட விதிமுறைகளுக்கு ஏற்ப நடந்து கொள்ளும் ஒரு மூன்றாந் தரப்பு என்ற வகையில் பாரிய நிபந்தனைகளையோ அல்லது தனது சுய விருப்பு வெறுப்புகளையோ செயன்முறையினுள் கொண்டுவர முயற்சித்ததில்லை. இரண்டாயிரமாம் ஆண்டு முதன் முறையாக நோர்வேயின் உதவி நாடப்பட்ட போது இரு தரப்பினரும் அழைக்கும் பட்சத்திலேயே தனது பணிகளைத் தொடங்க முடியும் என்று கூறியமை ஒரு நிபந்தனையாகக் கருதப்பட முடியாது. ஏனெனில், அது இரு தரப்பினருக்கும் இடையிலான பக்கச் சார்பின்மையை உத்தரவாதப்படுத்திக் கொள்வதற்கு அவசியமான ஒன்றாக அமைந்திருந்தது. ஏனெனில், ஒரு தரப்பினால் மட்டும் விரும்பப்படுகின்ற அல்லது அழைக்கப்படுகின்ற மூன்றாந்தரப்புகளும் கூட வெற்றியடைவதில்லை.

ஆயினும், செயற்பாடு ஆரம்பிக்கப்பட்டதன் பின்னர் நோர்வே இரு பிரதானமான கோட்பாடுகளின் அடிப்படையில் செயற்பட ஆரம்பித்திருந்த முதலாவது இயலுமான ஒரு கட்டமைப்பினுள் பக்கச் சார்பற்ற ஒரு அனுசரணையாளராக நடந்து கொள்ளாதிருந்தது. இது ஒரு மத்தியஸ்த முயற்சியின் தவிர்க்க முடியாத ஒரு அம்சமாகும். அதேசமயம், முற்றுமுழுதாகப் பக்கச்சார்பற்ற முறையில் நடந்து கொள்வதென்பதும் நடைமுறையில் சாத்தியமற்றதாகும். இப்பொழுது இருக்கின்ற நிலையில் நோர்வேயை வெளியேற்றினாலும் கூட பூரணமாக பக்கச்சார்பற்ற வேறொரு மூன்றாந்தரப்பை அடையாளம் காண்பது சாத்தியமற்றதாகவே இருக்கும். எனவே, ஒப்பீட்டளவில் பக்கச்சார்பின்மையைப் பேணிக்கொள்ளக் கூடியதாக நோர்வே காணப்பட்டிருந்தது. இது தமிழ்த் தரப்பினருக்கு திருப்தியளிப்பதாக இருந்தபோதும் சிங்கள மக்களுக்கு போதுமானதாக இருக்கவில்லை.

சிங்கள மக்களின் அபிப்பிராயத்தின்படி அவர்களது நிலைப்பாடுகளை ஏற்றுக்கொள்கின்ற ஒரு மூன்றாந்தரப்பே மத்தியஸ்தராக இருக்க முடியும். ஏனெனில், அவர்களது நிலைப்பாடுகளே உண்மையான நிலைப்பாடுகளாகும். (இது மோதலில் ஈடுபடுகின்ற எல்லாத் தரப்பினருக்கும் பொருந்தும்) உதாரணமாக புலிகள் பயங்கரவாதிகள் என்பதை ஏற்றுக் கொள்கின்ற ஒரு மூன்றாந்தரப்பையே சிங்கள மக்கள் உண்மையில் பக்கச் சார்பற்ற அனுசரணையாளராகக் கருதுவர். அதன் காரணமாகவே அவர்களது விருப்பம் பெருமளவிற்கு இந்தியாவைச் சார்ந்து செல்வதாக அமைந்துள்ளது.

அதே சமயம், நோர்வேயை அடிப்படையாகக் கொண்டு இயங்கிய இன்னுமொரு கோட்பாடு சமாதான செயன்முறையின் உரிமையாளர்கள் மோதல் தரப்பினரே அன்றி மூன்றாந்தரப்பு அல்ல என்பதாகும். அதன் காரணமாக செயன்முறையினுள் தரப்பினரின் விருப்பங்களுக்கேற்ப அது நடந்து கொண்டிருந்த போதும், அவர்களது செயற்பாடுகளுக்கான பொறுப்பை ஏற்றுக்கொள்ளத் தயாராக இருக்கவில்லை. ஆயினும் சிங்கள மக்கள், புலிகளால் மேற்கொள்ளப்பட்டதாகக் கூறப்படும் யுத்த நிறுத்த மீறல் செயற்பாடுகளுக்கான பொறுப்பை மூன்றாந்தரப்பே ஏற்றுக் கொள்ள வேண்டும் என்ற நிலைப்பாட்டைக் கொண்டுள்ளனர். இது மூன்றாந்தரப்பு அனுசரணை என்பதால் அடிப்படை பற்றிய போதிய அறிவின்மையால் ஏற்படுகின்ற ஒரு விடயம் ஆகும். ஆயினும், அது சிங்கள மக்கள் மத்தியில் நோர்வே பற்றிய பாரிய ஒரு அதிருப்தியைத் தோற்றுவித்திருந்தது. இவ் அதிருப்தியும் அவநம்பிக்கையும் நோர்வேயின் அணுகுமுறையினால் மட்டும் ஏற்பட்டவை என்று கூற முடியாது.

எதிர்ப்பு

சிங்கள மக்கள் மத்தியில் நோர்வே தொடர்பில் ஏற்பட்டுள்ள அதிருப்திக்கான அடிப்படைக் காரணம் அதற்கு எதிராக கடும் போக்கு சிங்கள தேசிய வாத இயக்கங்களினால் மேற்கொள்ளப்பட்டு வந்த எதிர்ப்பு பிரசாரங்களே என்பதில் சந்தேகமில்லை. இதற்கு தலைமைத்துவத்தை வழங்கிய இரு முக்கியமான நிறுவனங்கள் ஜே.வி.பி.யும், ஹெல உறுமயவுமே என்பதில் சந்தேகமில்லை. இவ்விரு இயக்கங்களும் கூட உண்மையிலேயே நோர்வே எதிர்ப்பு உணர்வுகளைக் கொண்டிருந்தன என்பதிலும் பார்க்க இதனை ஒரு அரசியல் ஆயுதமாக பயன்படுத்திக் கொண்டிருந்தன என்பதே சரியானதாகும். யுத்த நிறுத்த உடன்படிக்கை கைச்சாத்திடப்பட்டதன் பின்னர், சிங்கள மக்களின் வாக்குகளைக் கவரக் கூடிய இயலுமை நோர்வே எதிர்ப்பு வாதத்திற்கு உள்ளதென்பது இவ்விரு கட்சிகளினாலும் சரியாகப் புரிந்து கொள்ளப்பட்டிருந்தது. இவர்களது உணர்வுகள் உண்மையானவையாக இருந்திருக்குமேயானால் "அவர்களது" ஜனாதிபதியிடம் நோர்வேயை வெளியேற்றுமாறு வற்புறுத்திக் கேட்டிருக்கலாம்.

எவ்வாறாயினும், கடந்த காலங்களில் நோர்வேக்கு எதிராக மிக மோசமான எதிர்ப்பிரசாரங்கள் மேற்கொள்ளப்பட்டிருந்தன. அதன் தேசிய கொடிகள் நாற்சந்திகளில் எரிக்கப்பட்டிருந்தன. அவர்கள் அமெரிக்கர்களின் கைக் கூலிகள் எனவும் நவ காலனித்துவவாதிகள் எனவும் குற்றம் சாட்டப்பட்டனர். இலங்கையில் காணப்படுகின்ற `கற்பனைவாத' எண்ணெய் வளத்தை சுரண்டுவதற்காகவும், வேறு பொருளாதார வளங்களுக்காகவும் ஒரு மூன்றாந்தரப்பாக செயற்பட வந்துள்ளாரென என விமர்சிக்கப்பட்டனர். ஆயினும், நோர்வே இதற்கு சர்வதேச ரீதியாக தர்ம சங்கடமான ஒரு நிலையை ஏற்படுத்தியமை அவர்கள் பயங்கரவாதத்திற்கு உதவுகின்றமையினால் அவர்களும் பயங்கரவாதிகளே என்ற தோரணையில் முன்னெடுக்கப்பட்ட பிரசாரங்களாகும். அதே சமயம், சவப்பெட்டிகளை நோர்வே தூதுவர் அலுவலகங்களின் முன் வைத்து மேற்கொள்ளப்பட்ட ஆர்ப்பாட்டங்களும் அதனைச் சர்வதேச ரீதியாக தர்மசங்கடமான ஒரு நிலைக்குத் தள்ளியிருந்தன.

அதன் காரணமாகவே, இப்போது புதிய ஜனாதிபதி ஒருவர் பதவியேற்றுள்ள நிலையில் அதிலும் தனக்கு எதிராக போராட்டத்தை முன்னெடுத்த இரு கட்சிகளை தன்னகத்தே கொண்டுள்ள அரசாங்கத்திடம் நோர்வே நிபந்தனைகளை முன் வைத்துள்ளது. அவற்றில் முக்கியமானது புதிய அரசாங்கத்தினால் மீண்டுமொருமுறை நோர்வே அழைக்கப்பட வேண்டுமென்பதாகும். இங்கு புலிகள் பற்றிய பேச்சுக்கு இடமில்லை. ஏனெனில், புலிகள் நோர்வேயை நிராகரித்ததுமில்லை. தமிழ் மக்கள் மத்தியில் நோர்வே தொடர்பில் பாரிய அதிருப்திகள் காணப்படவுமில்லை. எனவே, நோர்வேயின் நிபந்தனை குறிப்பாக அரசு பற்றியது. அவ்வகையில் நோர்வேயின் தலையீடு உண்மையிலேயே இந்நாட்டின் தேசிய ஒருமைப்பாட்டிற்கு குந்தகமானதாக இருந்திருப்பின் அதனை நிவர்த்தி செய்து கொள்வதற்கான சந்தர்ப்பம் புதிய அரசாங்கத்திற்கு ஏற்பட்டிருந்தது. எனினும், அது பயன்படுத்தப்படவில்லை.

மாறாக, ஜனாதிபதி உத்தியோக பூர்வமாக நோர்வேயை மீண்டும் அழைக்கின்ற அறிவிப்பை மேற்கொண்டிருந்தார். அவ்வகையில் சர்வதேச ரீதியாக இலங்கையில் தலையிட்டமை காரணமாக ஏற்பட்ட அவப்பெயரை துடைத்துக் கொள்வதற்கான ஒரு சந்தர்ப்பமாக அது நோர்வேக்கு அமைந்தது. உண்மையில் தனது நன்மதிப்பையும் கௌரவத்தையும் பணயம் வைத்து இலங்கையர்களுக்கு உதவ வேண்டியதொரு அவசியம் நோர்வேயிற்குக் காணப்பட்டிருக்கவில்லை. அதே சமயம், நோர்வேயின் இச் செயற்பாடு அது தொடர்பிலான இன்றைய அரசியல் தலைமையினதும் சிங்கள மக்களதும் அதிருப்தியைத் தூண்டியுள்ளது என்பதில் சந்தேகமில்லை. இது மூன்றாந்தரப்பு அனுசரணையின் வெற்றியைப் பாதிப்பதாக அமையலாம்.

Thinakural

http://www.thinakural.com/New%20web%20site...8/Article-3.htm

எதிர்வரும் உள்ளூராட்சி சபைத் தேர்தலிலும் ஏனைய தேர்தல்களின் போதும் இலங்கை தொழிலாளர் காங்கிரஸ், தமிழ் தேசிய கூட்டமைப்பு, மலையக மக்கள் முன்னணி, மேல்மாகாண மக்கள் முன்னணி ஆகிய நான்கு தமிழ் கட்சிகளும் ஒன்றிணைந்து கூட்டமைப்பாக போட்டியிட தீர்மானித்துள்ளதாக தெரிய வருகிறது.

இதற்கமைய எதிர்வரும் அனைத்து தேர்தல்களிலும் தமிழ் உறுப்பினர்கள் ஒரே கூட்டமைப்பாக புதிய சின்னத்துடன் போட்டியிடுவார்கள் என தமிழ் தேசிய கூட்டமைப்பு நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார். இது தொடர்பாக கட்சிகளின் தலைவர்களான ஆறுமுகன் தொண்டமான், பி. சந்திரசேகரன் ,மனோகணேஷன், ஆர். சம்பந்தன் ஆகியோர் பேச்சுவார்த்தைகளை நடத்தியுள்ளனர். எதிர்வரும் வாரத்தில் புதிய கூட்டமைப்பின் பெயர் சின்னம் குறித்து தீர்மானிக்கப்படும் என்றும் அவர் மேலும் தெரிவித்துள்ளார்.

`பொங்கியெழும் படை'யினரை தேடி குடாநாட்டில் இராணுவம் வேட்டை

எஸ்.அபிராமி

யாழ்.மாவட்டத்தில் தொடர்ச்சியாக இடம்பெற்ற கிளேமோர் குண்டுத் தாக்குதல்களை அடுத்து நகரின் பாதுகாப்பு அதிகரிக்கப்பட்டுள்ளது. படையினருக்கான விநியோகப் பாதையான பலாலி வீதி, கே.கே.எஸ்.வீதி மற்றும் பருத்தித்துறை வீதிகளில் படையினர் 24 மணி நேரமும் பாதுகாப்புக் கடமையில் ஈடுபடுத்தப்பட்டுள்ளனர்.

இவ் வீதிகளில் இரு மருங்கிலும் உள்ள மரங்கள் படையினரால் வெட்டப்படுகின்றன. எங்கு பார்த்தாலும் சீருடை அணிந்த படையினர் ஆயுதங்களைத் தயார் நிலையில் வைத்துக்கொண்டு ரோந்து நடவடிக்கையில் ஈடுபடுவதுடன் சந்தேகத்துக்கிடமான வாகனங்கள், மோட்டார் சைக்கிள்கள் படையினரால் துருவித் துருவி சோதனை இடப்படுகின்றன.

இதனால் குடாநாட்டில் பயணம் செய்யும் பொதுமக்கள் உயிரைக் கையில் பிடித்தபடியே தமது அன்றாட கருமங்களை மேற்கொள்ள வேண்டிய துர்ப்பாக்கிய நிலை இங்கு ஏற்பட்டுள்ளது.

நாட்டில் சமாதான சூழல் மெல்ல மெல்ல அகன்று செல்ல மீண்டும் போர் மேகம் சூழ்ந்துள்ளது. எந்த வேளையிலும் போர் வெடிக்கலாமென்ற அச்சத்தில் இலங்கை அரசும் அதனை எதிர்கொள்ளத் தயாரான நிலையில் தமிழ் மக்களும் உள்ளனர்.

கடந்த காலங்களில் இலங்கை அரச படைகளுக்கும் தமிழீழ விடுதலைப் புலிகளுக்குமிடையிலேயே யுத்தம் நடந்தது. ஆனால், தற்போது இந்நிலை மாறியுள்ளது. தமது தேசிய விடுதலைக்காக தமிழ் மக்கள் ஆயுதங்களை கையிலெடுக்கும் நிலை உருவாகியுள்ளது. உலக நாடுகளில் நடந்த விடுதலைப் போராட்டங்களெல்லாம் வீறுகொண்டெழுந்த மக்கள் படைகளினாலேயே வெற்றி கொள்ளப்பட்டன. அந்த வகையில் அடிமைகளாக வாழ்ந்த தமிழ் மக்களும் தமது விடுதலைக்காக ஆயுதங்களைக் கையிலெடுத்தனர். எனவே, விடிவு வெகு தொலைவில் இல்லை என்பதை இலங்கை அரசும் சர்வதேசமும் நன்கு உணரவேண்டும்.

யாழ்.மாவட்டத்தில் தொடர்ச்சியாக இராணுவத்திற்கெதிராக மேற்கொள்ளப்பட்ட கிளேமோர்த் தாக்குதல் சம்பங்களுக்கு `பொங்கியெழும் மக்கள் படை' என்னும் அமைப்பு உரிமை கோரியுள்ளது. இவ்வாறான தொடர் தாக்குதல்களை தாமே மேற்கொள்கின்றோம் என்பதற்கு காரணம் கூறி அவ்வமைப்பு கடந்த வாரம் அறிக்கை ஒன்றினை வெளியிட்டுள்ளது.

நீர்வேலியில் அப்பாவி விவசாயிகள் கொல்லப்பட்டமை மற்றும் பொது மக்களுக்கு எதிராக படையினர் மேற்கொள்ளும் அடாவடித்தனங்களுக்கு எதிராகவே இராணுவத்தினர் மீது இவ்வாறான தாக்குதல்களை தாம் மேற்கொள்வதாகவும் படையினர் இவ்வாறான செயற்பாடுகளை உடன் நிறுத்தாவிட்டால் இனி வரும் காலங்களில் இந்தத் தாக்குதல்கள் உச்சக் கட்டத்தை அடைவதுடன் இராணுவத்தினரின் இழப்புகளும் தவிர்க்கமுடியாத ஒன்றாகவே அமைந்து விடும் என்றும் `பொங்கியெழும் மக்கள் படை' என்ற அமைப்பு குடாநாட்டில் பரவலாக சுவரொட்டிகளை ஒட்டியுள்ளது.

இதனால் ஆத்திரம் கொண்ட படையினர் யாழ்.மாவட்டத்தில் மூலை முடுக்கெங்கிலும் பொங்கியெழும் படையினரைத் தேடி அலைந்து திரிகின்றனர். முன்பு புலியா...?, புலியா...? எனக் கேட்டுத் தாக்கிய படையினர் இன்று நீயா பொங்கியெழும் படையென? கேட்கும் நிலை யாகிவிட்டது.

இது இவ்வாறிருக்க பொங்கியெழும் படையைத் தேடி இராணுவம் வலை விரிக்க - அந்த அமைப்பைச் சேர்ந்த 50 இற்கும் மேற்பட்ட உறுப்பினர்கள் கடந்த வியாழக்கிழமை பிற்பகல் 4 மணிக்கு கோவில் வீதியிலுள்ள இலங்கை போர் நிறுத்த கண்காணிப்புக் குழு அலுவலகத்துக்குச் சென்று படையினரின் சுற்றிவளைப்புகள், பொதுமக்கள் மீதான தாக்குதல்களை உடன் நிறுத்துமாறு கோரி மகஜர் ஒன்றினை கையளித்துள்ளனர்.

இத்தகைய செயற்பாட்டினால் நிலை குழம்பிய படையினர் தமது சுற்றிவளைப்புக்கள், தேடுதல்களை மேலும் அதிகரித்துள்ளனர். கடந்த வியாழக்கிழமை யாழ்.நகரை அண்டிய நாவலர் வீதி, பிறவுண் வீதி மற்றும் மணிக்கூட்டு வீதிப் பகுதிகளையும் வெள்ளிக்கிழமை அரியாலை யின் முழுப் பகுதிகளையும் பாரியளவில் சுற்றிவளைத்த படையினர் வீடு வீடாகச் சென்று கடுமையான சோதனை நடவடிக்கைகளை மேற்கொண்டனர்.

மேலும் தென்மராட்சி, வடமராட்சி மற்றும் உயர் பாதுகாப்பு வலயங்களை அண்டிய பகுதிகளும் படையினரால் தீவிர சோதனைக்கு உட்படுத்தப்படுகின்றன. இதேவேளை, கோண்டாவில் பகுதியில் ஓர் இளைஞன் படையினரால் கைதுசெய்யப்பட்டு நீதிமன்றத்தில் ஆஜர்படுத்தப்பட்ட பின்னர் பிணையில் செல்ல அனுமதிக்கப்பட்டுள்ளார்.

வீடுகளில் உள்ளவர்களின் குடும்ப அட்டைகளை பார்வையிட்டு அங்கத்தவர்களின் எண்ணிக்கையை உறுதிப்படுத்தியதுடன் மேலதிகமாக உள்ளவர்களை வன்னியிலிருந்து மீண்டும் யாழ்ப்பாணம் திரும்பியவர்களின் விபரங்களையும் படையினர் பதிவுசெய்து கொண்டுசென்றதாக தெரிவிக்கப்படுகிறது.

அதுமட்டுமலக்கழக மாணவர்கள் தங்கியிருந்த வீடுகளைச் சுற்றிவளைத்த படையினர் அங்கு சல்லடைபோட்டு கடும் சோதனை நடவடிக்கைளை மேற்கொண்டதுடன் வன்னியிலிருந்து வந்த பல்கலைக்கழக மாணவர்களின் விபரங்களையும் பதிவுசெய்தனர்.

மேலும், இவர்களின் பல்கலைக்கழக அட்டைகளை பறித்த படையினர் அவற்றினை கிழித்தெறிந்ததாகவும் பல்கலைக்கழக மாணவர் ஒன்றியம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.

நாவலர் வீதியிலுள்ள நமது ஈழநாடு, பிறவுண் வீதியிலுள்ள வலம்புரி பத்திரிகை அலுவலகங்களும் படையினரால் கடும் சோதனைக்கு உட்படுத்தப்பட்டதுடன் அங்கு பணியாற்றும் ஊழியர்களையும் படையினர் சோதனை செய்தனர். ஊடகத்துறைக்கு பெரும் அச்சுறுத்தலை ஏற்படுத்தும் வகையில் இராணுவம் இவ்வாறான செயற்பாட்டில் இறங்கியுள்ளது.

படையினரை யாழ்.குடாநாட்டிலிருந்து உடன் வெளியேறுமாறு கோரிய பல கேளிக்கை சுவரொட்டிகளும் கடந்தவாரம் யாழ்ப்பாணத்தில் ஒட்டப்பட்டுள்ளன. எங்கு பார்த்தாலும் சீருடை தரித்த படையினர் 24 மணிநேர காவல் கடமையில் ஈடுபட்டிருக்கும் இந்த சூழ்நிலையிலும் கூட இராணுவத்தின் கண்களில் மண்ணைத் தூவிவிட்டு மக்கள் படை இந்த சுவரொட்டிகளை பரவலாக ஒட்டி வருகின்றது.

மக்கள் யார்?, மக்கள் படை யார்? என்ற நிலையில் தமிழ் மக்கள் அனைவரையுமே குரோதக் கண்களுடனே படையினர் நோக்குகின்றனர். காலையில் எழுந்தால் யாழ்.மாவட்ட மக்கள் விழிப்பது சீருடை தரித்த படையினர் மீது என்ற நிலை மீண்டும் யாழ்ப்பாணத்தில் ஏற்பட்டுள்ளது.

இது இவ்வாறிருக்க யாழ். நகரின் வீதிகளை திடீர், திடீரென தடை செய்யும் படையினர் காரணம் எதுவுமின்றி பொதுமக்களை கடுமையாகத் தாக்கி வருகின்றது. கடந்த வாரம் பலாலி வீதியிலுள்ள கெற்றப்போல் சந்தியில் படையினர் பொது மக்களை வழிமறித்து கடுமையாக தாக்கியுள்ளனர். இதனால் காயமடைந்த பலர் யாழ்.போதனா வைத்தியசாலையில் அனுமதிக்கப்பட்டுள்ளனர்.

இதனால், இப் பகுதியில் பெரும் பதற்ற நிலை உருவாகியது. இதனையடுத்து அப்பகுதிக்கு விரைந்த கண்காணிப்புக் குழுவினர் இந்நிலைமையை காட்டுப்பாட்டுக்குள் கொண்டுவந்தனர். இதற்கு படைத்தரப்பால் கண்காணிப்புக் குழுவிடம் கூறப்பட்ட காரணம் தமது காவலரண் மீது இனந்தெரியாத நபர்கள் கைக்குண்டுத் தாக்குதலை நடாத்திவிட்டு தப்பிச் சென்றதாகவும் அது வெடிக்கவில்லையெனவும் படைத்தரப்பால் கூறப்பட்டது. ஆனால், இது எந்தளவிற்கு உண்மையென்பது தெரியவில்லை.

இந்நிலை இவ்வாறிருக்க யாழ்.நகரில் 51 ஆவது படையணியின் கட்டளைத் தளபதி உடனடியாக இடமாற்றம் செய்யப்பட்டு அவரது இடத்திற்கு புதியவரொருவர் நியமிக்கப்பட்டுள்ளார். இதுவரையும் 51 ஆவது படையணித் தலைவரான மேஜர் ஜெனரல் பராக்கிரம பன்னிப்பிட்டிய இராணுவத் தலைமையகத்துக்கு இடமாற்றப்பட்டுள்ளார். இவரின் இடத்துக்கு கெமுனு படைப்பிரிவைச் சேர்ந்த பிரிகேடியர் லெனார் மார்க் நியமிக்கப்பட்டுள்ளார்.

மேஜர் ஜெனரல் தரத்திலிருந்த அதிகாரியை இடம் மாற்றிவிட்டு அதற்குக் குறைவான தர அதிகாரியை நியமித்ததற்கும் காரணம் உண்டு. முஸ்லிம் இனத்தைச் சேர்ந்த புதிய கட்டளைத் தளபதி மட்டக்களப்புப் பகுதியில் நீண்டகாலம் கடமையாற்றியவர். தமிழ் மக்களுக்கு எதிரான பல அட்டூழியங்களை இவர் மேற்கொண்டமை அனைவருக்கும் தெரிந்ததே.

மட்டக்களப்பில் இடம்பெற்ற இனப் படுகொலைகளுக்குப் பின்னணியிலிருந்து செயற்பட்ட இவர் கருணா குழுவிற்கும் பல உதவிகளை மேற்கொண்டவர். அத்துடன் ஊடுருவித் தாக்கும் படையணியின் கட்டளை அதிகாரியாகவும் இருந்து மட்டக்களப்புப் பகுதிகளில் விடுதலைப்புலிகளுக்கு எதிராக பல தாக்குதல்களை மேற்கொண்டவர்.

ரணில் பிரதமராக இருந்த காலத்தில் ஏற்பட்ட அரசியல் பின்னணியால் இவர் ராணுவத் தலைமையகத்துக்கு இடமாற்றம் செய்யப்பட்டார். மீண்டும் மகிந்த ஜனாதிபதியானதும் ஒரு படையணியின் கட்டளைத் தளபதியாக நியமிக்கப்பட்டு யாழ்ப்பாணம் அனுப்பப்பட்டுள்ளார். பதவியேற்றதன் பின் யாழ்.நகர் படைத்தளபதிகளை அழைத்து அவசர சந்திப்புகளையும் மேற்கொண்டார். மேலும், யாழ்.நகரில் அகற்றப்பட்ட காவலரண்களும் இவர்பதவியேற்றபின் மீண்டும் உயிர்பெற்றுவருகின்றன.

இனக்குரோதத்தைத் தூண்டும் வகையில் அனுப்பப்பட்டுள்ள இராணுவத் தளபதி யாழ்ப்பாணத்தில் என்ன செய்யப்போகின்றார் என்பதை பொறுத்திருந்துதான் பார்க்க வேண்டும்.

`பொங்கியெழும் மக்கள் படைக்கு' இந்தத் தளபதி என்ன செய்யப்போகிறார். வீறுகொண்ட யாழ்.மாவட்ட மக்கள்- படையினருக்கே கிளைமோர் வைப்பதற்கே துணிந்து நிற்கும் இந்நிலையில் இவர் எந்தளவிற்கு... அடுத்த வாரம் குடாநாட்டில் நிகழும் அதிரடி சம்பங்களுடன் சந்திப்போம்.

Thinakural
http://www.thinakural.com/New%20web%20site...8/Article-8.htm

<img src='http://tamiloviam.com/img/devan1.jpg' border='0' alt='user posted image'>
<b>திரு.தேவன் நாயர் மறைவு. </b>
<span style='color:blue'>- குமார் (சிங்கப்பூர்)

Quote:<img src='http://www.singapore-elections.com/pe/images/cvdnair.jpg' border='0' alt='user posted image'>
Mr Chengara Veetil DEVAN NAIR
பதவி வகித்த காலம்
23 October 1981 - July 1985