உலகச் செய்திகள்

சோமாலியாவில் லொறி குண்டுத் தாக்குதல்; முப்பது பேர் பலி!

Sun, 15/10/2017 - 10:04
சோமாலியாவில் லொறி குண்டுத் தாக்குதல்; முப்பது பேர் பலி!

 

 

சோமாலியா தலைநகர் மொகாதிஷுவில் சற்று முன் இடம்பெற்ற பாரிய குண்டுத் தாக்குதலில் சுமார் முப்பது பேர் கொல்லப்பட்டிருக்கலாம் எனத் தெரிவிக்கப்பட்டுள்ளது.

14_Mogashishu1.jpg

ஹோட்டல் ஒன்றின் முற்புறம், முழுவதும் வெடிகுண்டுகளால் நிரப்பப்பட்ட லொறியொன்று வெடிக்கச் செய்யப்பட்டே இத்தாக்குதல் நடத்தப்பட்டுள்ளது.

தாக்குதல் நடத்தப்பட்டது முதல் சிறிது நேரத்துக்கு அப்பகுதியில் இருந்த வாகனங்கள், கட்டடங்கள் என்பனவற்றில் தீ பரவியதாகவும், கடும் முயற்சியின் பின் அவை கட்டுக்குள் கொண்டுவரப்பட்டதாகவும் தெரிவிக்கப்பட்டது.

இதேவேளை, மதீனாவில் நடத்தப்பட்ட மற்றொரு குண்டுத் தாக்குதலில் இருவர் உயிரிழந்தனர்.

இத்தாக்குதல்கள் யாரால் நடத்தப்பட்டது என்பது குறித்து தகவல்கள் எதுவும் வெளிவரவில்லை. எனினும், இங்கு அல் கைதா மற்றும் அல் ஷாபாப் ஆகிய இரண்டு இயக்கங்களின் ஆதிக்கமே அதிகமாக இருப்பதால், இவ்விரு இயக்கங்களில் ஒன்று இத்தாக்குதல்களை அரங்கேற்றியிருக்கலாம் என்று நம்பப்படுகிறது.

http://www.virakesari.lk/article/25820

Categories: merge-rss, yarl-world-news

ஜிஹாதிகளுக்கு எதிராகப் பயன்படுத்தப்பட்ட விமானம் கடலில் விழுந்து விபத்து

Sun, 15/10/2017 - 09:18
ஜிஹாதிகளுக்கு எதிராகப் பயன்படுத்தப்பட்ட விமானம் கடலில் விழுந்து விபத்து

 

 

பிரான்ஸ் இராணுவத்தால் வாடகைக்கு அமர்த்தப்பட்டிருந்த சரக்கு விமானம் ஒன்று சற்றுமுன் கடலில் விழுந்து விபத்துக்குள்ளானதில், அதில் பயணித்த நான்கு பேர் உயிரிழந்தனர். ஏனைய ஆறு பேர் பலத்த காயங்களுடன் மருத்துவமனையில் அனுமதிக்கப்பட்டுள்ளனர்.

13_Plane.jpg

உக்ரேனியத் தயாரிப்பான இந்த ‘அண்டனோவ்’ ரக விமானம், ஐவரி கோஸ்ட் நகரின் கடற்பகுதியில் விழுந்து விபத்துக்குள்ளானது. கடும் மழை மற்றும் இடி-மின்னல் நிறைந்த சூழலில் தரையிறங்க முயற்சித்தபோதே விமானம் விபத்துக்குள்ளானதாக ஐவரி கோஸ்ட் இணையதளம் ஒன்று தெரிவித்துள்ளது.

13_Plane1.jpg

விபத்துக்குள்ளான சில மணி நேரங்களில் விமானத்தின் சிதைவுகள் கரையொதுங்கியதாகவும், விமானத்தினுள் இருந்த ஆறு பேருக்கு கடற்கரையில் வைத்து முதலுதவிகள் அளித்த பின்னர் அவர்கள் மருத்துவமனைக்கு எடுத்துச் செல்லப்பட்டதாகவும் தெரிவிக்கப்பட்டுள்ளது.

13_Plane2.jpg

ஜிஹாதிகளுக்கு எதிரான ‘ஒபரேஷன் பார்க்கானே’ என்ற இராணுவ நடவடிக்கைக்காகவே இந்த விமானம் வாடகைக்கு அமர்த்தப்பட்டிருந்ததாக பிரான்ஸ் இராணுவத்தின் தரப்பில் தெரிவிக்கப்பட்டுள்ளது.

http://www.virakesari.lk/article/25819

Categories: merge-rss, yarl-world-news

உலகில் பாதுகாப்பான நகரங்கள் பட்டியலில் முதல் இடம் பிடித்த டோக்கியோ - புதுடெல்லிக்கு 43-வது இடம்

Sat, 14/10/2017 - 19:04
உலகில் பாதுகாப்பான நகரங்கள் பட்டியலில் முதல் இடம் பிடித்த டோக்கியோ - புதுடெல்லிக்கு 43-வது இடம்

புதுடில்லி: உலகம் முழுதும் பாதுகாப்பான நகரங்கள் பட்டியலில், டில்லி 43வது இடத்திலும், மும்பை 45வது இடத்திலும் உள்ளது.
 

ஆய்வு
பொருளாதார உளவுப்பிரிவு என்ற அமைப்பு உலகின் பாதுகாப்பான நகரங்கள் குறித்து ஆய்வு நடத்தியது. டிஜிட்டல், சுகாதாரம், உள்கட்டமைப்பு தனிநபர் பாதுகாப்பு ஆகியவற்றின் அடிப்படையில் நடத்தப்பட்டது. பயங்கரவாத அச்சுறுத்தல்கள், லண்டன், பாரீஸ் மற்றும் பார்சிலோனா நகரில் நடந்த பயங்கரவாத தாக்குதல் குறித்தும் கவனத்தில் கொள்ளப்பட்டது.
ஆய்வு வெளியிட்ட கிறிஸ் க்ளாக் என்பவர் கூறுகையில், உலகில் பெரும்பாலான நகரங்கள் பொருளாதார ரீதியான நடவடிக்கையை அதிகரிக்கும் நிலையில், மக்கள் தொகை அதிகரிப்பு காரணமாக பயங்கரவாத அச்சுறுத்தல்களையும் எதிர்கொள்ள வேண்டிய நிலையில் உள்ளதாக கூறினார்.
 

gallerye_151330429_1875366.jpg

http://www.dinamalar.com/news_detail.asp?id=1875366

Categories: merge-rss, yarl-world-news

இரான் அணு ஒப்பந்தம்; டிரம்ப் எதிர்த்தாலும் உலக நாடுகள் ஆதரவு

Sat, 14/10/2017 - 12:34
இரான் அணு ஒப்பந்தம்; டிரம்ப் எதிர்த்தாலும் உலக நாடுகள் ஆதரவு

இரான் அணு ஒப்பந்தம் தொடர்ந்து நீடிப்பதற்கு அமெரிக்க அதிபர் ஒப்புதல் வழங்க மறுத்திருந்தாலும், அமெரிக்காவின் கூட்டாளி நாடுகள் உள்பட உலகின் சக்திமிக்க நாடுகள் இந்த ஒப்பந்தத்திற்கு ஆதரவளிப்பதாக தெரிவித்துள்ளன.

தெரீசா மே, ஏங்கெலா மெர்கல், இம்மானுவெல் மக்ரங்படத்தின் காப்புரிமைGETTY IMAGES

2015ம் ஆண்டு இரானுக்கும் அமெரிக்கா உள்ளிட்ட 6 நாடுகளுக்கும் இடையில் ஏற்பட்ட அணு ஒப்பந்தத்துக்கு ஒப்புதல் அளிப்பதை நிறுத்தப்போவதாக வெள்ளிக்கிழமை டிரம்ப் அறிவித்துள்ளார்.

இந்த ஒப்பந்தம் "எங்கள் பொதுவான தேசிய பாதுகாப்பு நலன் சார்ந்தது" என்று பிரிட்டன், பிரான்ஸ் மற்றும் ஜெர்மனி நாடுகள் பதிலளித்துள்ளன.

"நடைமுறையில் இருக்கும் ஒரு ஒப்பந்தத்தை "எந்த தனியொரு நாட்டாலும் நிறுத்திவிட முடியாது" என்று ஐரோப்பிய ஒன்றியம் கூறியுள்ளது.

"அமெரிக்கா இதுவரை இல்லாத அளவுக்கு தனிமைப்படுத்தப்பட்டுள்ளது" என்று இரான் அதிபர் ஹசான் ரூஹானி தெரிவித்துள்ளார்.

"ஒரு அதிபர் பலதரப்பு ஒப்பந்தம் ஒன்றை செல்லுபடியாகாது என்று தாமாக அறிவிக்க முடியுமா? என்று அவர் கேள்வி எழுப்பியுள்ளார்.

டிரம்ப்படத்தின் காப்புரிமைAFP

"இரானுக்கும், அமெரிக்காவுக்கும் இடையிலான ஓர் இருதரப்பு ஒப்பந்தமாக இது இல்லை என்பது அவருக்கு தெரியவில்லை என்றே தோன்றுகிறது" என்று அவர் குறிப்பிட்டுள்ளார்.

2015 ஆம் ஆண்டு பிரிட்டன், அமெரிக்கா, ரஷ்யா, பிரான்ஸ் ஜெர்மனி, சீனா என சர்வதேச அளவில் அதிக சக்தி வாய்ந்த 6 நாடுகளுக்கும் இரானுக்கும் இடையில் இந்த ஒப்பந்தம் கையெழுத்தானது.

அதன்படி, இரான் தன்னுடைய அணு ஆயுத ஆய்வைக் கைவிடுவதற்குப் பதிலீடாக இரான் மீதான பொருளாதாரத் தடைகள் தளர்த்தப்பட்டன.

வெள்ளிக்கிழமை ஆற்றிய ஆவேசமான உரையில், இரான் பயங்கரவாத்த்திற்கு துணைபோகிறது என்றும் அங்கு நடப்பது (மத)வெறி ஆட்சி என்றும் குற்றஞ்சாட்டியுள்ள டிரம்ப், புதிய தடைகளை முன்மொழிந்துள்ளார்.

ஹசான் ரூஹானிபடத்தின் காப்புரிமைAFP

2015 ஆம் ஆண்டு அணு சக்தி ஒப்பந்தத்தை அந்த நாடு ஏற்கெனவே மீறிவிட்டது என்றும் அவர் கூறியுள்ளார்.

"முடிவில் அதிக வன்முறை, அதிக பயங்கரம் நிறைந்ததாக இருக்கும் என கணிக்கத்தகுந்த பாதையில், இரான் அணு ஆயுத அச்சுறுத்தலுக்கு இட்டுச்செல்லும் பாதையில் தொடரப்போவதில்லை" என்று அவர் கூறியுள்ளார்.

இந்த ஒப்பந்தத்தை முழு இணக்கத்தோடு இரான் கடைபிடித்து வருவதாக சர்வதேச கண்காணிப்பாளர்கள் கூறுகின்றனர்.

டிரம்ப் பேசிய பின்னர் இதுவரை சீனா எதுவும் தெரிவிக்கவில்லை.. ஆனால், இந்த ஒப்பந்தத்தை பாதுகாக்கவேண்டும் என்று அது முன்னதாக அமெரிக்காவை கேட்டு கொண்டுள்ளது.

டிரம்பின் இந்த முடிவு வருத்தமளிப்பதாக தெரிவித்துள்ள ரஷ்ய வெளியுறவு அமைச்சகம், இந்த ஒப்பந்தம் செயல்படுவது நிறுத்தப்படும் என்று எதிர்பார்க்கவில்லை என்றும் கூறியுள்ளது.

http://www.bbc.com/tamil/india-41620363

Categories: merge-rss, yarl-world-news

தலிபான்கள் பிடியில் ஐந்து வருடங்கள்: விவரிக்கும் பணயக் கைதி

Sat, 14/10/2017 - 08:03
தலிபான்கள் பிடியில் ஐந்து வருடங்கள்: விவரிக்கும் பணயக் கைதி

 

 

ஐந்து வருடங்களாக தலிபான்கள் பிடியில் பணயக் கைதிகளாக வைக்கப்பட்டிருந்து விடுவிக்கப்பட்ட கனேடிய-அமெரிக்க தம்பதியர் கனடா சென்று சேர்ந்தனர். தமது பணயக் காலத்தில் இடம்பெற்ற சோகச் சம்பவங்களையும் அவர்கள் விவரித்துள்ளனர்.

5_Afghanistan.jpg

ஜோஷுவா பொய்லே மற்றும் அவரது மனைவி கெய்ட்லன் கோல்மன் ஆகிய இருவரும், தமது மூன்று குழந்தைகளுடன் ஐந்து வருடங்களுக்கு முன் குறுகிய பயணம் ஒன்றை மேற்கொண்டு ஆப்கானிஸ்தான் சென்றிருந்தனர். அங்கு, தலிபான்கள் கட்டுப்பாட்டில் இருந்த குக்கிராமங்களில் வசித்துவரும் மக்களுக்கு தம்மாலான உதவிகளைச் செய்து கொடுத்து வந்தனர்.

அப்போது ஒருநாள், தலிபான்களின் வலையமைப்பில் உள்ள கடும்போக்கு இயக்கமான ஹக்கானி குழுவினர், ஜோஷுவா குடும்பத்தினரைப் பணயக் கைதிகளாகப் பிடித்துச் சென்றனர்.

அப்போது கர்ப்பிணியாக இருந்த கெய்ட்லன் பிரசவித்த பெண் குழந்தையை அவர்கள் ஈவு இரக்கமின்றிக் கொலை செய்துள்ளனர்.

மேலும், ஹக்கானி குழுவின் தலைவரின் உதவியுடன் காவலர் ஒருவர் கெய்ட்லனை வல்லுறவுக்கும் உட்படுத்தியுள்ளார்.

பாகிஸ்தானிய இராணுவத்தின் தலையீட்டையடுத்து இத்தம்பதியினர் அவர்களது குழந்தைகள் சகிதம் விடுவிக்கப்பட்டு கனடாவுக்கு அனுப்பி வைக்கப்பட்டனர்.

http://www.virakesari.lk/article/25773

Categories: merge-rss, yarl-world-news

20 பெண்களை பலாத்காரம் செய்து கொன்ற சயனைடு கொலையாளிக்கு தூக்கு ரத்து: கர்நாடக உயர் நீதிமன்றம் உத்தரவு

Sat, 14/10/2017 - 06:46
20 பெண்களை பலாத்காரம் செய்து கொன்ற சயனைடு கொலையாளிக்கு தூக்கு ரத்து: கர்நாடக உயர் நீதிமன்றம் உத்தரவு
 
13chskomohan%203

மோகன் குமார்

திருமணம் செய்துகொள்வதாக கூறி 20 பெண்களை பலாத்காரம் செய்து, சயனைடு கொடுத்து கொன்ற 'சீரியல் கில்லர்' மோகன்குமாருக்கு வழங்கப்பட்ட தூக்கு தண்டனையை கர்நாடக உயர் நீதிமன்றம் ரத்து செய்துள்ளது.

கர்நாடக மாநிலம் தக்ஷின கன்னட மாவட்டத்தில் உள்ள மங்களூருவை சேர்ந்தவர் மோகன் குமார் (53). அங்குள்ள தனியார் பள்ளியில் உடற்கல்வி ஆசிரியராக பணியாற்றி வந்தார். இவர் 2009-ம் ஆண்டு பண்டுவலாவை சேர்ந்த அனிதாவை (22) திருமணம் செய்துகொள்வதாக கூறி, பலாத்காரம் செய்துள்ளார். கருக்கலைப்பு மாத்திரை எனக் கூறி அவருக்கு சயனைடு மாத்திரையை கொடுத்துள்ளார். அதை சாப்பிட்ட அனிதா, ஹாசன் பேருந்து நிலையத்தில் பிணமாக கிடந்தார்.

இது தொடர்பாக தனிப்படை போலீஸார் வழக்குப்பதிவு செய்து விசாரித்தபோது, இதே பாணியில் மங்களூரு பஸ் நிலையத்தில் 2008-ல் ஹேமாவதி என்பவர் பிணமாக கிடந்தது தெரியவந்தது. கர்நாடகாவில் சயனைடு கொடுத்து கொல்லப்பட்ட பெண்களின் வழக்குகளை தனிப்படை போலீஸார் ஆராய்ந்தனர். அதில் 2003-ல் இருந்து 2009-ம் ஆண்டு வரை கடலோர கர்நாடகாவில் மட்டும் 20 பெண்கள் சயனைடு கொடுத்து கொல்லப்பட்டது கண்டுபிடிக்கப்பட்டது.

கடந்த 2007 அக்டோபர் 17-ம் தேதி சுள்ளியா பேருந்து நிலையத்தில் ஒரு பெண்ணை சயனைடு கொடுத்து கொல்ல முயற்சித்த மோகன் குமாரை கைது செய்தனர். அவரிடம் விசாரித்தபோது 2003-ம் ஆண்டிலிருந்து 2009-ம் ஆண்டு வரை 20 பெண்களை பலாத்காரம் செய்து, சயனைடு கொடுத்து கொன்றதை ஒப்புக்கொண்டார்.

20 பெண்களை சயனைடு கொடுத்து கொன்ற வழக்கை மங்களூரு விரைவு நீதிமன்றம் விசாரித்தது. கடந்த 2013-ம் ஆண்டு நீதிபதி பி.கே.நாயக், அனிதாவை கொன்ற வழக்கில் மோகன்குமாருக்கு தூக்கு தண்டனை வழங்கினார்.

லீலாவதி, ரீனா ஆகியோரின் வழக்கிலும் மங்களூரு விரைவு நீதிமன்றம் தூக்கு தண்டனை விதித்தது. பேபி நாயக், காவேரி, புஷ்பா, வினுதா ஆகிய 4 பேரின் வழக்குகளில் மோகன் குமாருக்கு ஆயுள் தண்டனை விதிக்கப்பட்டது. அனிதா வழக்கில் தனக்கு வழங்கப்பட்ட தூக்கு தண்டனையை ரத்து செய்யக்கோரி கர்நாடக உயர் நீதிமன்றத்தில் மோகன் குமார் மேல்முறையீடு செய்தார்.

இவ்வழக்கை நேற்று விசாரித்த நீதிபதிகள் ரவி மாலித், ஜான் மைக்கேல் டி'குன்ஹா ஆகியோர் அமர்வு, “அரசு தரப்பில் போதிய சாட்சியங்களும், ஆதாரங்களும் இல்லாததால் மோகன் குமாருக்கு வழங்கப்பட்ட தூக்கு தண்டனை ரத்து செய்யப்படுகிறது. அவருக்கு ஆயுள் தண்டனை வழங்கப்படுகிறது. வாழ்நாள் முழுவதும் அவரை சிறையில் அடைக்க வேண்டும்'' என உத்தரவிட்டனர்.

ஷாரதா, ஹேமாவதி ஆகியோரின் வழக்கில் வழங்கப்பட்ட தூக்கு தண்டனையை ரத்து செய்யக்கோரி மோகன் குமார் தாக்கல் செய்த மனு உயர் நீதிமன்றத்தில் நிலுவையில் உள்ளது. இதுவரை 7 வழக்குகளில் மட்டுமே தீர்ப்பு வழங்கப்பட்டுள்ளது. மீதமுள்ள 13 பெண்களின் வழக்குகள் மங்களூரு விரைவு நீதிமன்றத்தில் நடைபெறுகிறது.

ஆசிரியர், சயனைடு கில்லர் ஆன கதை:

கர்நாடக மாநிலம் த‌க்ஷின கன்னட மாவட்டம் மங்களூருவை சேர்ந்தவர் மோகன் குமார், தனியார் பள்ளியில் உடற்கல்வி ஆசிரியராக பணியாற்றினார். 1987-ல் மஞ்சுளாவை திருமணம் செய்த இவருக்கு 2 மகன்கள் இருக்கின்றனர். முதல் மனைவியை பிரிந்த மோகன்குமார், ஸ்ரீதேவி ராய் என்பவரை 1993-ல் 2-வது திருமணம் செய்துள்ளார். இந்த தம்பதிக்கு ஒரு மகள் இருக்கிறார். குடும்ப வாழ்வில் ஒழுக்கக்கேட்டுடன் இருந்ததால் பள்ளியில் இருந்து மோகன் குமார் பணி நீக்கம் செய்யப்பட்டுள்ளார்.

கடந்த 2003-ல் 2-வது மனைவியையும் பிரிந்த மோகன் குமார், பெண்களை திருமண வலையில் சிக்க வைத்திருக்கிறார். அவரின் ஆசை வார்த்தைகளில் மயங்கிய பெண்களை வெளியூருக்கு அழைத்துசென்றுள்ளார். பிறகு கருத்தடை மாத்திரை என ஏமாற்றி, சயனைடு மாத்திரைகளை கொடுத்துள்ளார். இதை சாப்பிட்ட சில நிமிடங்களில் பெண்கள் உயிரிழந்துள்ளனர்.

மோகன்குமார் மாட்டிக்கொண்டதற்கு முக்கிய காரணம் 20 பெண்களையும் ஒரே பாணியில் கொலை செய்ததுதான். 2009-ம் ஆண்டு பண்டுவலாவை சேர்ந்த அனிதா (22) கொன்றதை போலவே, 6 மாதத்துக்கு முன்பு ஹேமாவதி என்ற பெண்ணை கொலை செய்துள்ளார். இருவரின் செல்போன் எண்ணையும் ஆராய்ந்தபோது மோகன் குமாரின் தொலைபேசி எண் சிக்கியது. இதை தொடர்ந்து கர்நாடகாவில் சயனைடு கொடுத்து கொல்லப்பட்ட பெண்களின் வழக்குகளை தோண்டியபோது, மோகன் குமாரின் தொடர்பு கண்டுபிடிக்கப்பட்டது.

http://tamil.thehindu.com/india/article19851353.ece

Categories: merge-rss, yarl-world-news

ஐரோப்பிய ஒன்றியத்திற்கு செலுத்த வேண்டிய கடன்களை பிரித்தானியா செலுத்த வேண்டும்

Sat, 14/10/2017 - 05:47
ஐரோப்பிய ஒன்றியத்திற்கு செலுத்த வேண்டிய கடன்களை பிரித்தானியா செலுத்த வேண்டும்

Jean-Claude-Juncke.jpg

குளோபல் தமிழ்ச் செய்தியாளர்

ஐரோப்பிய ஒன்றியத்திற்கு செலுத்த வேண்டிய கடன்களை பிரித்தானியா செலுத்த வேண்டுமென தெரிவிக்கப்பட்டுள்ளது. ஐரோப்பிய ஒன்றியத்திலிருந்து விலகிக் கொண்டதன் பின்னர் கொடுக்க வேண்டியவற்றை செலுத்தாது, அதற்கு முன்னதாகவே செலுத்த வேண்டுமென கோரிக்கை விடுக்கப்பட்டுள்ளது.

ஐரோப்பிய ஆணைக்குழுவின் தலைவர் ஜீன்-க்ளூட் ஜங்கர்  ( Jean-Claude Juncker   ) இதனைத்  தெரிவித்துள்ளார். நாளுக்கு நாள் புதிய புதிய பிரச்சினைகளை எதிர்நோக்க நேரிட்டுள்ளதாகவும் பிரச்சினைகள் காரணமாகவே எதிர்பார்க்கப்பட்டதனை விடவும் பிரிடெக்ஸிற்கு நீண்ட காலம் தேவைப்படுகின்றது என அவர் குறிப்பிட்டுள்ளார்.

http://globaltamilnews.net/archives/45236

Categories: merge-rss, yarl-world-news

ராகுல் விரைவில் காங்கிரஸ் தலைவராவார்: சோனியா காந்தி

Sat, 14/10/2017 - 05:19
ராகுல் விரைவில் காங்கிரஸ் தலைவராவார்: சோனியா காந்தி

 

 
soniagandhi3

காங்கிரஸ் கட்சியின் தலைவராக ராகுல் காந்தி விரைவில் பொறுப்பேற்பார் என்று தனியார் தொலைக்காட்சி ஒன்றுக்கு அளித்த பேட்டியில் சோனியா காந்தி தெரிவித்துள்ளார். இதன் மூலம் பாரம்பரிய தேசியக் கட்சியான காங்கிரஸ், இனி ராகுல் காந்தி தலைமையில் பயணிக்கப் போவது ஊர்ஜிதமாகியுள்ளது.
விரைவில் கட்சியின் செயற்குழு கூடி அதிகாரப்பூர்வமாக அவரைத் தலைவராகத் தேர்ந்தெடுக்கும் எனத் தகவலறிந்த வட்டாரங்கள் தெரிவிக்கின்றன. தீபாவளிக்குப் பிறகு இதுதொடர்பான அறிவிப்பு வெளியாகும் என்றும் எதிர்பார்க்கப்படுகிறது.
மத்தியில் பாஜக ஆட்சிக்கு வந்த பிறகு காங்கிரஸ் கட்சி தொடர் பின்னடைவைச் சந்தித்து வருகிறது. பல்வேறு சட்டப் பேரவைத் தேர்தல்களில் அக்கட்சி அடைந்த தோல்விகளால் தொண்டர்கள் மத்தியிலும் உத்வேகம் குறைந்திருப்பதாகத் தெரிகிறது.
இதையடுத்து, கட்சியை அமைப்புரீதியாக வலுப்படுத்தத் திட்டமிடப்பட்டுள்ளது. விரைவில் உள்கட்சி நிர்வாகிகளுக்கான தேர்தலையும் காங்கிரஸ் நடத்தவுள்ளது. இந்த சூழலில் சோனியாவின் உடல் நிலையைக் கருத்தில் கொண்டு கட்சித் தலைவர் பொறுப்பை ராகுலுக்கு வழங்க வேண்டும் என்ற கோரிக்கை காங்கிரஸாரிடையே எழுந்து வந்தது.
இதுதொடர்பான ஊகச் செய்திகளும் தொடர்ந்து வெளியாகி வந்தன. இந்நிலையில் தனியார் தொலைக்காட்சி ஒன்றுக்கு சோனியா காந்தி வெள்ளிக்கிழமை பேட்டியளித்தார். அப்போது ராகுல் காந்திக்கு கட்சித் தலைவர் பொறுப்பு அளிக்கப்படுமா? என்ற கேள்வி முன்வைக்கப்பட்டது. அதற்கு சோனியா அளித்த பதில்:
பல ஆண்டுகளாகவே இந்தக் கேள்வி எழுப்பப்பட்டு வருகிறது. தற்போது அந்த நிகழ்வு (ராகுல் தலைமை) நடக்கப் போகிறது என்று புன்னகையுடன் பதிலளித்தார் சோனியா. 
விரைவில் நடைபெற உள்ள ஹிமாசலப் பிரதேசம் மற்றும் குஜராத் மாநில சட்டப் பேரவைத் தேர்தல்களில் காங்கிரஸ் கட்சி தனது வெற்றியைப் பதிவு செய்ய வேண்டிய நிர்பந்தத்தில் உள்ளது. மேலும், நாடு முழுவதும் இழந்த செல்வாக்கை மீட்டெக்க வேண்டிய கட்டாயமும் அக்கட்சிக்கு ஏற்பட்டுள்ளது.
இத்தகைய சவாலான சூழலில்தான் கட்சித் தலைமைப் பொறுப்பை ராகுல் ஏற்க உள்ளார். அதை திறம்பட வகித்து காங்கிரûஸ மீண்டும் அரியணையில் அவர் அமரவைப்பாரா? என்பதை பொறுத்திருந்தே பார்க்க வேண்டும்.

http://www.dinamani.com/india/2017/oct/14/ராகுல்-விரைவில்-காங்கிரஸ்-தலைவராவார்-சோனியா-காந்தி-2790049.html

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 13/10/17

Fri, 13/10/2017 - 17:53

 

குர்துக்களுக்கு எதிராக திரும்புகிறதா இராக் இராணுவம்? இராக் பிரதமர் மறுப்புக்கு மத்தியில் அணிதிரளும் இராணுவம்! குவியும் குர்துப்படைகள்!! பாகிஸ்தானில் இந்துப்பெரும்பான்மை கிராமம்! அன்றாட நிகழ்வாகும் இந்து முஸ்லிம் கூட்டுப்பிரார்த்தனைகள்!! மற்றும் எரிமலை வெடிப்பை முன்கூட்டியே கணிக்க முடியுமா? ஐஸ்லாந்தின் வானத்தில் பறந்து விடைதேடும் விஞ்ஞானிகள் குறித்த செய்தித் தொகுப்பு ஆகியவை இன்றைய பிபிசி தமிழ் சர்வதேச தொலைக்காட்சி செய்தியறிக்கையில் இடம்பெறுகின்றன.

Categories: merge-rss, yarl-world-news

பள்ளிச் சீருடையுடன் தங்கையைச் சுமந்தவாறு வங்கதேசம் வந்த சிறுவன்!

Fri, 13/10/2017 - 15:29
பள்ளிச் சீருடையுடன் தங்கையைச் சுமந்தவாறு வங்கதேசம் வந்த சிறுவன்!
 

மியான்மரில் ரோஹிங்யா மக்களை ராணுவம் தாக்கி வருகிறது. லட்சக்கணக்கானோர் மியான்மரிலிருந்து அண்டை நாடுகளில் தஞ்சமடைந்துள்ளனர். வங்கதேசத்தை நோக்கி சென்றவர்களில் ரதேன்டாங் நகரத்தைச் சேர்ந்த யாசர் ஹூசைன் என்ற 7 வயது சிறுவனும் ஒருவன். யாஷரின் தந்தை ராணுவத்தால் சுட்டுக் கொல்லப்பட்டதையடுத்து, மியான்மரில் வசிக்க முடியாத நிலையில் தாய் ஃபிரோஷா பேகம் குழந்தைகளுடன் வங்கதேசத்துக்குத் தப்பிச் செல்ல முடிவெடுத்தார். 

தங்கையை சுமக்கும் ரோகிங்யா சிறுவன்

 

ஃபிரோஷா பேகத்தின் தலையில் மூட்டை முடிச்சுகள் இருந்தது. இதனால், யாஷரின் தங்கை நோயிம் ஃபாத்திமாவை இடுப்பில் சுமந்தவாறு நடக்க அவர் சிரமப்பட்டார். தாயின் சிரமத்தை அறிந்துகொண்ட யாஷர், தங்கையைத் தன் தோளில் சுமந்துகொண்டான். தங்கையைச் சுமந்தவாரே சகதி நிறைந்த பாதை, வயல்வெளிகள், ஆறுகளைக் கடந்து இரு வாரங்கள் கழித்து வங்கதேசத்துக்கு அக்டோபர் 2-ம் தேதி சிறுவன் வந்தடைந்தான். 

 

பள்ளிச் சீருடையில் வங்கதேசத்துக்குள் நுழைந்த சிறுவனைப் பார்த்த அதிகாரிகள் அதிர்ச்சியடைந்தனர். சிறுவனின் குடும்பத்துக்குத் தேவையான வசதிகளைச் செய்து தந்தனர். தற்போது, வங்கதேசத்தில் உறவினர்களிடம் யாஷர் குடும்பத்தினர் தங்கியுள்ளனர். தங்கையைச் சுமந்தவாறு, சகதி நிறைந்த பாதைகளில் யாஷர் நடப்பது போன்ற புகைப்படம் இணையத்தில் வெளியாகி அதிர்ச்சியை ஏற்படுத்தியுள்ளது. 

http://www.vikatan.com/news/tamilnadu/104937-7yearold-rohingya-boy-carried-sister-to-reach-bangladesh.html

Categories: merge-rss, yarl-world-news

ஆசிய கண்டத்தில் அதிக பட்டினியாளர்களைக் கொண்ட நாடாக இந்தியா..

Fri, 13/10/2017 - 08:22
ஆசிய கண்டத்தில் அதிக பட்டினியாளர்களைக் கொண்ட நாடாக இந்தியா..

India-100th-on-global-hunger-300x171.jpg

இந்தியா பட்டினியால் வாடுபவர்களின் பட்டியலில் 100வது இடத்துக்கு சென்றுள்ளதாக அறிவிக்கப்பட்டுள்ளது.  கடந்த ஆண்டுடன் ஒப்பிடுகையில் இந்தியா மேலும் 3 இடங்கள் பின் தங்கியுள்ளமை குறிப்பிடத்தக்கது.

உலக அளவில் வளர்ந்து வரும் நாடுகள் பட்டியலில் உள்ள 119 நாடுகளில்  சர்வதேச உணவு கொள்கை ஆராய்ச்சி கழகம் மேற்கொண்ட ஆய்வுகளின் இது தெரிய வந்துள்ளது. இந்தநாடுகளில்  பெரும்பாலானவற்றில் உணவு தானியங்கள் உற்பத்தி குறைவு காரணமாக   பட்டினி  நிலை தோன்றியுள்ளது.

நேற்றையதினம் வெளியிடப்பட்ட இந்த ஆய்வுகளின் முடிவுகளின்படி  இந்தியாவில் பட்டினியாக கிடப்பவர்கள் எண்ணிக்கை கடந்த ஆண்டை விட இந்த ஆண்டு அதிகரித்துள்ளமையானது சுட்டிக்காட்டப்பட்டுள்ளது.

இந்த ஆய்வுகளின் அடிப்படையில் ஆசிய கண்டத்தில் இந்தியா அதிக பட்டினியாளர்களைக் கொண்டதாக இருப்பது தெரிய வந்துள்ளது. இந்தியாவின் அண்டை நாடுகளான சீனா, இலங்கை, நேபாளம், மியான்மர்,  பங்களாதேஸ்  ஆகியவை இந்தியாவை விட குறைவான சராசரி பட்டினியாளர்களைக் கொண்டுள்ளன. இதன் படி இலங்கை 84வது இடத்திலும்  சீனா 29வது இடத்திலும், நேபாளம் 72, மியான்மர் 77, பங்களாதேஸ் 88-வது இடங்களில் உள்ளன.

பாகிஸ்தானும், ஆப்கானிஸ்தானும் மட்டுமே இந்தியாவையும் விட பின்னால் உள்ளன என்பது குறிப்பிடத்தக்கது

http://globaltamilnews.net/archives/45118

Categories: merge-rss, yarl-world-news

கட்­ட­லோ­னியா தனி­நாடு குறித்து 5 நாட்­களில் முடி­வெ­டுக்கக் கெடு

Fri, 13/10/2017 - 05:42
கட்­ட­லோ­னியா தனி­நாடு குறித்து 5 நாட்­களில் முடி­வெ­டுக்கக் கெடு

 

 

ஸ்பெய்ன் நாட்டின் ஒரு பகு­தி­யான கட்­ட­லோ­னியா, தனி­நாடு கோரிக்கை தொடர்­பான இறுதி முடிவை எடுக்க ஐந்து நாட்கள் அவ­காசம் அளிப்­ப­தாக ஸ்பெய்ன் அறி­வித்­துள்­ளது.

ஸ்பெய்ன் நாட்டில் வளம் மிகுந்த பகு­தி­யான கட்­ட­லோ­னியா, தொடர்ந்து தனி­நாடு கோரிக்­கையை முன்­வைத்­து­வந்­தது. ஸ்பெய்ன் நாட்டின் பொரு­ளா­தா­ரத்தில் ஐந்தில் ஒரு பங்கு கட்­ட­லோ­னியா பகு­தி­யி­லி­ருந்து கிடைக்­கி­றது. ஸ்பெய்ன் அர­சாங்கம், இவர்­க­ளது கோரிக்­கையை நிரா­க­ரித்­து­வந்­தது. இந்­நி­லையில், கட்­ட­லோ­னிய மாநில அரசு, தனி­நா­டு ­கு­றித்து  ஸ்பெய்னின் தடை­யையும் மீறி பொது வாக்­கெ­டுப்பு நடத்­தி­யது. ஆனால், இந்த வாக்­கெ­டுப்பில், ஸ்பெய்னின் அரசு காவல்­துறை மூலம் முடக்க, வாக்­க­ளிக்க வந்­த­வர்­கள்­ மீது தாக்­குதல் நடத்­தி­யது. வாக்­கெ­டுப்பில், 90 சத­வி­கித கட்­ட­லோ­னிய மக்கள், தனி நாடு வேண்டும் என்ற கோரிக்­கைக்கு ஆத­ர­வாக வாக்­க­ளித்­துள்­ள­தாக அந்த மாநில அரசு தெரி­வித்து, தனி­நாடு வாக்­கெ­டுப்பில் வெற்­றி­பெற்­றுள்­ள­தா­கவும் அறி­வித்­தது.

இந்­நி­லையில், ஸ்பெய்ன் பாரா­ளு­மன்­றத்தில் நேற்­று­முன்­தினம் நடை­பெற்ற கூட்­டத்தில் பேசிய அந்­நாட்டு பிர­தமர் மரி­யானோ ரஜாய், கட்­ட­லோ­னியா தனி நாடாகப் பிரி­வ­து­கு­றித்த முடிவை இன்னும் ஐந்து நாட்­களில் உறு­தி­யாகத் தெரி­யப்­ப­டுத்த வேண்டும். எதிர்­வரும் 19ஆம் திகதி காலை 10 மணிக்குள் கட்­ட­லோ­னியா தனது முடிவை ஸ்பெய்ன் மக்­க­ளுக்கு அறி­விக்க வேண்டும் எனக் கூறினார். ஸ்பெய்ன் நாட்டின் ஒற்­று­மைக்­காகப் பல்­லா­யி­ரக்­க­ணக்­கான மக்கள் அமைதிப் பேரணி நடத்­தி­வ­ரு­கின்­றனர். அதேவேளையில் கட்­ட­லோ­னியா மக்கள், தனி­நாடு கோரிக்­கை­யுடன் போராட்டம் நடத்­தி­வ­ரு­கின்­றனர் என்­பது குறிப்­பி­டத்­தக்­கது.

http://www.virakesari.lk/article/25701

Categories: merge-rss, yarl-world-news

எங்கள் ஆயுதங்களால் உலக நாடுகளுக்கு முன்னால் அமெரிக்கா தலைகுனியும் நிலை ஏற்படும்: வடகொரியா

Fri, 13/10/2017 - 05:26
எங்கள் ஆயுதங்களால் உலக நாடுகளுக்கு முன்னால் அமெரிக்கா தலைகுனியும் நிலை ஏற்படும்: வடகொரியா
 
kimAP

நியாமாக செயல்படவில்லை என்றால் எங்கள் ஆயுத பலத்தால் உலக நாடுகளின் முன்னால் தலைகுனியும் நிலை ஏற்படும் என்று வடகொரியா அமெரிக்காவை எச்சரித்துள்ளது.

இதுகுறித்து வடகொரிய வெளியுறவுத் துறை அமைச்சர் ரி யாங் ஹோ, ரஷ்யாவின் டாஸ் செய்தி நிறுவனத்திடம் பேசும்போது, "அமெரிக்க அதிபர் ட்ரம்ப் வடகொரிய அதிபர் கிம்முடன் போருக்கான வார்த்தைகளை பயன்படுத்துகிறார். ஐக்கிய நாடுகள் சபையில் வடகொரியவுக்கு எதிரான கருத்துகள், பொருளாதார தடைகள் விதித்து போருக்கான நெருப்பை ட்ரம்ப்தான் உருவாக்கினார். எங்கள் அதிபர் கிம் ஜோங் முன்னரே எச்சரித்திருந்தார் அமெரிக்கா நியாயமாக நடந்து கொள்லவில்லை என்றால் எங்கள் ஆயுதபலத்தில் அமெரிக்கா உலக நாடுகளின் முன் தலைகுனியும் நிலை ஏற்படும்" என்றார்.

முன்னதாக ஐக்கிய நாடுகள் சபையில் பேசிய அமெரிக்க அதிபர், அணுஆயுத சோதனைகளிலிருந்து வடகொரியா பின்வாங்காவிட்டால் அந்த நாடு அழிக்கப்படும் என்று கூறியிருந்தார்.

கடந்த பிப்ரவரி மாதம் முதல் உலக நாடுகளின் எதிர்ப்பை மீறி, வடகொரியா 22 ஏவுகணை சோதனைகளை நடத்தியுள்ளது. இதில் இரண்டு சோதனைகள் ஜப்பான் கடலுக்கு அருகில் நடத்தப்பட்டது.

வடகொரியாவின் இந்த நடவடிக்கையை அமெரிக்கா, ஜப்பான், தென்கொரியா ஆகிய நாடுகள் கடுமையாக எதிர்த்து வருவது குறிப்பிடத்தக்கது.

http://tamil.thehindu.com/world/article19845804.ece

Categories: merge-rss, yarl-world-news

ஐ.நா-வின் யுனெஸ்கோ அமைப்பிலிருந்து வெளியேறியது அமெரிக்கா!

Thu, 12/10/2017 - 17:49
ஐ.நா-வின் யுனெஸ்கோ அமைப்பிலிருந்து வெளியேறியது அமெரிக்கா!

ஐ.நா சபையின் யுனெஸ்கோ அமைப்பிலிருந்து அமெரிக்கா வெளியேறியது.

UNESCO

 

'யுனெஸ்கோ, இஸ்ரேலுக்கு எதிராக எடுத்திருக்கும் நிலைப்பாடுதான் இதற்குக் காரணம்' என்று அமெரிக்கா தரப்பில் விளக்கம் அளிக்கப்பட்டுள்ளது. இது உலக அளவிலும், ஐ.நா அமைப்புக்கு உள்ளும் பெரும் அதிர்ச்சியை ஏற்படுத்தி இருப்பதாக கூறப்படுகிறது. 

அமெரிக்காவின் இந்த திடீர் முடிவு குறித்து யுனெஸ்கோவின் டைரக்டர் ஜெனரல் இரினா போகோவா, 'யுனெஸ்கோவிலிருந்து வெளியேறுகிறோம் என்று எனக்கு அமெரிக்காவிடமிருந்து அதிகாரபூர்வமாக கடிதம் வந்துவிட்டது. இது எனக்கு மிகவும் மன வருத்தத்தை கொடுக்கிறது. இந்த முடிவு யுனெஸ்கோவுக்கு இழப்பு, அமெரிக்காவுக்கும் இழப்பு' என்று வேதனையுடன் தெரிவித்துள்ளார். 2011-ம் ஆண்டு யுனெஸ்கோ அமைப்பு, பாலஸ்தீனத்தை அதன் முழு நேர உறுப்பினராக அங்கீகரித்தது. அப்போதே இந்த முடிவுக்கு கடுமையான எதிர்ப்பைத் தெரிவித்த அமெரிக்கா, யுனெஸ்கோவுக்கு கொடுக்கும் நிதியையும் நிறுத்திக்கொண்டது. பின்னர், அமெரிக்காவுக்கும் யுனெஸ்கோவுக்கும் தொடர்ந்து மோதல் போக்கு நிலவி வந்தது. இந்நிலையில், யுனெஸ்கோவிலிருந்து வெளியேறுவதாக அமெரிக்கா அதிகாரபூர்வமாக அறிவித்துள்ளது.

http://www.vikatan.com/news/world/104866-us-quits-un.html

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 12/10/17

Thu, 12/10/2017 - 17:31

 

கெலிஃபோரினியா காட்டுத்தீயின் வேகத்தைக்கூட்டும் சூறைக்காற்று! இதுவரை இருபத்தி மூன்றுபேர் பலி!! நூற்றுக்கும் அதிகமானவர்கள் காணவில்லை!!! ஆயிரக்கணக்கானவர்கள் வீடின்றி தவிப்பு!!!! உலக அளவில் வேகமாக குறையும் கழுதைகள் எண்ணிக்கை! மரபு மருத்துவத்துக்காக இவை காணாமலே போகுமா? மற்றும் அமிலவீச்சு பாதிப்பைக்கடந்த ஆடை அலங்காரபோட்டி! முகம் சிதைந்தாலும் உறுதிகுலையாமல் உலகை எதிர்கொள்ளும் வங்கதேசப்பெண்கள் குறித்த செய்தித் தொகுப்பு ஆகியவை இன்றைய பிபிசி தமிழ் சர்வதேச தொலைக்காட்சி செய்தியறிக்கையில் இடம்பெறுகின்றன.

Categories: merge-rss, yarl-world-news

டெல்லி முதல்வரின், கார் திருட்டு.

Thu, 12/10/2017 - 16:39

Delhi CM Aravind Kejriwal's car theft in Secretariat

தலைமை செயலகத்தில் நிறுத்தப்பட்டிருந்த டெல்லி முதல்வர் கார் அபேஸ்.

டெல்லி முதல்வர் அரவிந்த் கேஜ்ரிவாலின் காரை மர்மநபர்கள் திருடி சென்றுவிட்டனர். இது தொடர்பாக விசாரணை நடைபெற்று வருகிறது.

டெல்லி முதல்வராக இருப்பவர் ஆம் ஆத்மி ஒருங்கிணைப்பாளர் அரவிந்த் கேஜ்ரிவால். இவர் நீல நிற வேகன் ஆர் காரை பயன்படுத்தி வந்தார்.

இந்நிலையில் இன்று தலைமை செயலகத்துக்கு வந்த முதல்வர் தனது காரை நிறுத்திவிட்டு உள்ளே சென்றார். பின்னர் பணிகளை முடித்துக் கொண்டு அவர் வீடு செல்ல காரை எடுக்கச் சென்ற போது அவரது காரை அங்கு காணவில்லை.

அக்கம்பக்கங்களில் தேடியம் கிடைக்கவில்லை. இதைத் தொடர்ந்து முதல்வரின் காரை திருடியவர்கள் குறித்து போலீஸார் தேடி வருகின்றனர். பாதுகாப்பு நிறைந்த தலைமை செயலகத்தில் மர்ம நபர்கள் காரை திருடிச் சென்றது அதிர்ச்சியை ஏற்படுத்தியுள்ளது.

நன்றி தற்ஸ் தமிழ்.

Categories: merge-rss, yarl-world-news

பாலஸ்தீனம்: ஹமாஸ் - ஃபதா இடையே சமரச ஒப்பந்தம்

Thu, 12/10/2017 - 16:16
பாலஸ்தீனம்: ஹமாஸ் - ஃபதா இடையே சமரச ஒப்பந்தம்

பாலஸ்தீனத்தில் கடந்த பத்து ஆண்டுகளுக்கும் மேலாக, தங்களுக்குள் நீடிக்கும் பிரச்னையைத் தீர்த்துக்கொள்ளும் வகையில், தங்கள் எதிராளி அமைப்பான ஃபதாவுடன் சமரச ஒப்பந்தம் மேற்கொண்டுள்ளதாக ஹமாஸ் அமைப்பு தெரிவித்துள்ளது.

பாலஸ்தீனத்தில் காஸா பகுதி ஹமாஸின் கட்டுப்பாட்டிலும், மேற்குக் கரைப் பகுதி ஃபடாவின் கட்டுப்பாட்டிலும் உள்ளனபடத்தின் காப்புரிமைAFP Image captionபாலஸ்தீனத்தில் காஸா பகுதி ஹமாஸின் கட்டுப்பாட்டிலும், மேற்குக் கரைப் பகுதி ஃபதாவின் கட்டுப்பாட்டிலும் உள்ளன

காஸா மற்றும் மேற்குக்கரை என்ற இரு பகுதிகளிலும் பாலஸ்தீனியர்களே இருந்தாலும், கடந்த 2007-ஆம் ஆண்டு இந்த இரு அமைப்புகளுக்கும் இடையே வெடித்த மோசமான மோதலுக்குப் பிறகு, காஸாவை ஹமாசும், மேற்குக் கரையை ஃபதாவும் தனித்தனியே ஆண்டு வருகின்றன.

அதற்கு முந்தைய ஆண்டு, ஆக்கிரமிக்கப்பட்ட பகுதிகளில் நடைபெற்ற நாடாளுமன்றத் தேர்தலில் வெற்றிபெற்ற ஹமாஸ், அப்பகுதியில் இருந்து ஃபதா அமைப்பினரை வெளியேற்றிய பின்னர், காஸா பகுதியில் தன் அதிகாரத்தை மீண்டும் நிலைநாட்டியது.

காஸா பகுதியைத் தங்கள் கட்டுப்பாட்டுக்குள் வைத்திருக்கும் ஹமாஸ், இந்த ஒப்பந்தம் குறித்த விவரங்கள் வியாழனன்று வெளியிடப்படும் என்று கூறியுள்ளது. இந்த விவகாரத்தில், ஃபதா இதுவரை எந்தக் கருத்தும் கூறவில்லை.

பாலஸ்தீன அதிபர் மஹ்மூத் அப்பாஸ் இந்த ஒப்பந்தத்தை வரவேற்பதாகக் கூறியுள்ளார். "என்னவெல்லாம் ஒப்புக்கொள்ளப்பட்டுள்ளது என்பது பற்றி ஃபதா குழு விளக்கமாக அறிக்கை அனுப்பியுள்ளது. பிரிவினையை முடிவுக்குக் கொண்டுவரும் இறுதி உடன்பாடு இது என்று நம்புகிறேன்," என்று அவர் கூறியுள்ளார்.

எகிப்து தலைநகர் கெய்ரோவில் நடைபெற்றுவந்த பேச்சுவார்த்தைகளுக்கு, எகிப்து அரசு மத்தியஸ்தம் செய்து வந்தது.

 ஹமாஸ் மற்றும் ஃபடா இடையே சமரச ஒப்பந்தம்

ஹமாஸ் அமைப்புக்கு ஆதரவான பாலஸ்தீன தகவல் மையம், ஒப்பந்தம் பற்றித் தெரிவித்ததுடன், கெய்ரோவில் வியாழக்கிழமை நடைபெறவுள்ள செய்தியாளர் சந்திப்பில் ஒப்பந்த விவரங்கள் வெளியிடப்படும் என்று கூறியுள்ளது.

கெய்ரோவில் நடைபெற்ற பேச்சுவார்த்தைகள் 'தீவிரமானதாகவும் ஆழமானதாகவும்' இருந்ததாக ஹமாஸ் செய்தித் தொடர்பாளர் சமி அபு சூரி புதனன்று தெரிவித்தார்.

"பேச்சுவார்த்தைகள் நேர்மறையாக இருந்ததாகவும், எகிப்து தரப்பு நடுநிலையுடன் நடந்துகொண்டதாகவும்" பாலஸ்தீன தகவல் மையம் கூறியுள்ளது. காஸாவை நிர்வகித்து வரும் ஆட்சிக் குழுவைக் கலைக்க கடந்த மாதம் ஹமாஸ் ஒப்புக்கொண்டிருந்தது.

மேற்குக் கரையை நிர்வகித்து வரும், ஃபதாவைச் சேர்ந்த பாலஸ்தீன அதிபர் மஹ்மூத் அப்பாஸ் தலைமையிலான பாலஸ்தீன நிர்வாகத்தின் முக்கியக் கோரிக்கையாக இது இருந்தது.

அதன் பின்னர், பாலஸ்தீனப் பிரதமர் ரமி ஹம்தல்லா அப்போது காஸாவுக்கு ஒரு அரிதான பயணத்தை மேற்கொண்டார்.

அப்போது காஸாவின் நிர்வாகம் மற்றும் பாதுகாப்புக்கான பொறுப்புக்களை பாலஸ்தீன நிர்வாகம் ஏற்றுக்கொள்ளத் தொடங்கும் என்று அவர் கூறியிருந்தார்.

ஹமாஸ் அமைப்பும், சில இடங்களில் அதன் ராணுவப் பிரிவும் இஸ்ரேல், அமெரிக்கா, ஐரோப்பிய ஒன்றியம், பிரிட்டன் மற்றும் பிற நாடுகளால் தீவிரவாத அமைப்பாக அறிவிக்கப்பட்டுள்ளது.

http://www.bbc.com/tamil/global-41593644

Categories: merge-rss, yarl-world-news

அணு ஆயுத செய்தி சர்ச்சை: தொலைக்காட்சி உரிமம் ரத்து செய்யப்படலாம் என மிரட்டும் ட்ரம்ப்

Thu, 12/10/2017 - 10:29
அணு ஆயுத செய்தி சர்ச்சை: தொலைக்காட்சி உரிமம் ரத்து செய்யப்படலாம் என மிரட்டும் ட்ரம்ப்

அமெரிக்கா வசமுள்ள அணு ஆயுதங்களின் அளவை பத்து மடங்கு அதிகரிக்க அந்நாட்டு அதிபர் டிரம்ப் விரும்புவதாக செய்தி வெளியிட்ட என்.பி.சி. தொலைக்காட்சியின் உரிமத்தை ரத்து செய்யும் வாய்ப்பு பற்றி அமெரிக்க அதிபர் டொனால்டு டிரம்ப் டிவிட்டரில் ஒரு கருத்தைப் பதிவு செய்துள்ளார்.

ஊடகங்களிடம் பேசும் டிரம்ப்.படத்தின் காப்புரிமைALEX EDELMAN/AFP/GETTY IMAGES Image captionதொலைக்காட்சிக்கு எச்சரிக்கை.

அந்தச் செய்தியை "பொய்ச் செய்தி", "முழுக் கற்பனை" என்று வருணித்தார் டிரம்ப். "என்.பி.சி. மற்றும் தொலைக்காட்சிகளில் இருந்து எல்லாம் பொய்ச் செய்தியாக வந்துகொண்டிருக்கும் நிலையில், அவர்களது உரிமத்தைக் கேள்விக்கு உட்படுத்துவதற்கு எது உகந்த நேரம்? நாட்டுக்கு கெடுதி," என்று புதன்கிழமை தமது டிவிட்டர் பதிவு ஒன்றில் தெரிவித்துள்ளார் டிரம்ப்.

இதே தொலைக்காட்சிதான், டிரம்ப் ஒரு மூர்க்கர் என்று அந்நாட்டு ராஜீயத்துறை செயலாளர் ரெக்ஸ் டில்லர்சன் குறிப்பிட்டதாக செய்தி வெளியிட்டது. இதன் மூலம் ஏற்கெனவே வெள்ளை மாளிகையின் கோபத்துக்கு இந்த ஊடகம் இலக்காகி இருந்தது.

கனடாவின் பிரதமர் ஜஸ்டின் ட்ருடோ புதன்கிழமை அமெரிக்கா வந்திருந்தார். அவரை வரவேற்ற பிறகு வெள்ளை மாளிகையில் பேசியபோதும் என்.பி.சி.யின் செய்தியை அவர் மறுத்தார்.

"பராமரிக்கவே விரும்புகிறேன்"

அவர் உண்மையில் அணு ஆயுதங்களின் அளவை அதிகரிக்க விரும்புகிறாரா என்று கேட்டதற்கு, "அணு ஆயுதங்களை, முழுமையாக, சிறப்பாக பராமரிக்கவேண்டும் என்று நான் விரும்புகிறேன். அது நடந்துகொண்டும் இருக்கிறது.

ஆனால் இப்போது இருப்பது போல பத்து மடங்கு வேண்டும் என நான் விரும்புவதாக அவர்கள் தெரிவித்திருப்பது முழுக்க தேவையற்றது, என்னை நம்புங்கள்" என்று தெரிவித்தார் டிரம்ப்.

"நவீனமயமாக்க விரும்புகிறேன், அவற்றுக்கு புத்துயிரூட்ட விரும்புகிறேன்," என்றும் அவர் தெரிவித்தார். பாதுகாப்புச் செயலாளர் ஜிம் மேட்டிசும் என்.பி.சி. செய்தியை மறுத்தார்.

பேச்சுரிமை சிக்கல்

அதே நேரம், தொலைக்காட்சிகளின் உரிமம் தொடர்பாக டிரம்ப் வெளியிட்ட கருத்து, பேச்சுரிமை தொடர்பான பிரச்சினையாகவும் உருவெடுத்துள்ளது.

கனடியப் பிரதமருடன் டிரம்ப்படத்தின் காப்புரிமைAFP Image captionகனடா நாட்டுப் பிரதமரை வரவேற்ற பிறகு என்.பி.சி. வெளியிட்ட அணு ஆயுத எண்ணிக்கை தொடர்பான செய்தியை மறுத்தார் டிரம்ப்.

"என்.பி.சி.யின் உரிமம் கேள்விக்குள்ளாகும் என்ற டிரம்பின் கருத்து, பிற அரசுகளுக்கும் எதேச்சதிகாரப் போக்குகளைக் கைக்கொள்வதற்கான துணிச்சலை வழங்கும்," என்று சிபிஜே என்னும் பத்திரிகையாளர் பாதுகாப்பு அமைப்பு டிவீட் செய்துள்ளது.

பராக் ஒபாமா அதிபராக இருந்தபோது அமெரிக்க 'அரசாங்க அறம்' தொடர்பான அலுவலகத்துக்குத் தலைமை வகித்த வால்டர் ஷூப் என்பவர் "இது நம்நாடு ஜனநாயகமாகவே இல்லாமல் போகும் நிலைக்கு இட்டுச் செல்லக்கூடும்" என்று அச்சம் தெரிவித்துள்ளார்.

எவ்வளவு அணு ஆயுதம்?

கடந்த ஜூலை மாதம் அமெரிக்க ராணுவத் தலைமையகமான பெண்டகனில் நடந்த உயர்மட்டக்கூட்டம் ஒன்றில் பேசிய டிரம்ப், 1960ம் ஆண்டு முதல் அமெரிக்கா வைத்துள்ள அணு ஆயுதங்களின் எண்ணிக்கை படிப்படியாக குறைந்துவருவதைக் காட்டும் வரைபடத்தைப் பார்த்துவிட்டு அணு ஆயுதங்களின் எண்ணிக்கையை அதிகரிக்கவேண்டும் என்று தெரிவித்ததாக என்.பி.சி. செய்தி வெளியிட்டிருந்தது.

அமெரிக்காவிடம் 7,100 அணு ஆயுதங்களும், ரஷ்யாவிடம் 7,300 அணு ஆயுதங்களும் இருப்பதாக அமெரிக்காவின் பக்கச்சார்பற்ற ஆயுதக் கட்டுப்பாட்டு சங்கம் என்னும் அமைப்பு தெரிவித்துள்ளது.

உரிமம் ரத்து செய்ய முடியுமா?

உண்மையில் தொலைக்காட்சி உரிமத்தை ரத்துசெய்யவேண்டும் என்று டிரம்ப் விரும்பினால், அவர் அதற்காகப் போராடவேண்டியிருக்கும் என்று பார்வையாளர்கள் கருத்துத் தெரிவிக்கின்றனர். ஃபெடரல் கம்யூனிகேஷன்ஸ் கமிஷன் என்ற அமைப்பே அமெரிக்காவில் ஒளிபரப்பு நிறுவனங்களை ஒழுங்குபடுத்துகிறது.

அந்நிறுவனம் ஒரு தொலைக்காட்சிக்கென ஒட்டுமொத்தமாக உரிமம் தருவதில்லை. அதற்குப் பதிலாக ஒரு தொலைக்காட்சியின் தனித்தனி ஒளிபரப்பு நிலையங்களுக்கே உரிமம் வழங்குகிறது. என்.பி.சி. தொலைக்காட்சிக்கு 30 ஒளிபரப்பு நிலையங்கள் உள்ளன.

செய்தி முறையாக இல்லை என்று காரணம் காட்டி உரிமத்தை ரத்து செய்வது எளிமையில்லை என்கிறார்கள் வல்லுநர்கள்.

http://www.bbc.com/tamil/global-41591006

Categories: merge-rss, yarl-world-news

நிர்மலா சீதாராமனின் நட்பை வரவேற்கிறோம்: சீன அரசு ஊடகம் கருத்து 

Thu, 12/10/2017 - 10:29
நிர்மலா சீதாராமனின் நட்பை வரவேற்கிறோம்: சீன அரசு ஊடகம் கருத்து YouTube
 
11CHSKONIRMALA

அமைச்சர் நிர்மலா சீதாராமன் அண்மையில் நாதுலா எல்லைக்கு சென்றார். அப்போது அவரும் சீன ராணுவ வீரர்களும் பரஸ்பரம் கைகூப்பி வணக்கம் தெரிவித்தனர்.   -  PTI

இந்தியாவின் சிக்கிம் மாநிலம், சீனாவின் திபெத் பகுதி சந்திப்பான நாதுலா எல்லைப் பகுதிக்கு பாதுகாப்பு அமைச்சர் நிர்மலா சீதாராமன் அண்மையில் சென்றார். அப்போது அங்கு முகாமிட்டுள்ள சீன ராணுவ வீரர்களை சந்தித்துப் பேசினார். நிர்மலாவும் சீன அதிகாரிகளும் பரஸ்பரம் (நமஸ்தே) கைகூப்பி வணக்கம் தெரிவித்தனர்.

இந்த வீடியோ சமூக வலைதளங்களில் அதிவேகமாக பரவியது. குறிப்பாக சீனாவில் லட்சக்கணக்கானோர் வீடியோவை விரும்பி பார்த்தனர். இதுதொடர்பாக சீன அரசு ஊடகமான ‘குளோபல் டைம்ஸ்’ நாளிதழின் நேற்றைய தலையங்கத்தில் கூறியிருப்பதாவது: டோக்லாம் விவகாரத்தில் சீனாவுக்கும் இந்தியாவுக்கும் இடையே மோதல் போக்கு நீடித்தது. இந்த இறுக்கத்தை நிர்மலா சீதாராமன் உடைத்துள்ளார். அவரது நட்பை வரவேற்கிறோம். இரு நாடுகளும் நட்புறவை பேண வேண்டும். அமெரிக்கா, ஜப்பானின் தூண்டுதலால் சீனாவுக்கு எதிராக இந்தியா செயல்படுகிறது. அந்த நிலைப்பாட்டை இந்தியா கைவிட வேண்டும் என்று தெரிவிக்கப்பட்டுள்ளது.

 
Categories: merge-rss, yarl-world-news

“போருக்கான திரியை அமெரிக்கா பற்றவைத்துவிட்டது”

Thu, 12/10/2017 - 09:58
“போருக்கான திரியை அமெரிக்கா பற்றவைத்துவிட்டது”

 

“வடகொரியாவுடன் போருக்கான திரியை அமெரிக்கா பற்றவைத்துவிட்டது. இதற்கான நட்ட ஈட்டை அந்நாடு கடும் தீச்சுவாலைகளால் செலுத்தும்” என்று வடகொரிய வெளிநாட்டு அலுவல்கள் அமைச்சர் தெரிவித்துள்ளதாக ரஷ்ய ஊடகம் ஒன்று செய்தி வெளியிட்டுள்ளது.

மேற்படி இரு நாடுகளுக்கும் இடையிலான முறுகல் நிலை விடாமல் அதிகரித்து வருகிறது. அண்மைய வாரங்களில் வடகொரியா ஏழு ஏவுகணைகளைப் பரிசோதனை செய்ததும், ஹைட்ரஜன் குண்டு ஒன்றைப் பரிசோதனை செய்ததும் அமெரிக்காவைக் கடுமையாகச் சீண்டியுள்ளது.

இதையடுத்து, வடகொரியா மீதான பொருளாதாரத் தடைகள் உள்ளிட்ட பல நடவடிக்கைகளை அமெரிக்கா மேற்கொண்டு வருகிறது.

இந்நிலையில், ரஷ்ய ஊடகம் ஒன்றுக்குக் கருத்துத் தெரிவித்துள்ள வடகொரிய வெளிநாட்டு அலுவல்கள் அமைச்சர் ரி யோங் ஹோ, வடகொரியாவின் அணுவாயுதத் திட்டம் பற்றிக் கலந்துரையாடுவதற்கு ஒன்றுமில்லை என்றும், அத்திட்டத்தால் பிராந்தியத்தில் நிலவும் அமைதிக்கு எந்தப் பங்கமும் வந்துவிடாது என்றும் தெரிவித்துள்ளார்.

“எவ்வாறெனினும், ஐ.நா.வில் அமெரிக்க ஜனாதிபதி பேசிய பேச்சு அந்நாட்டுடனான போரின் திரியைப் பற்றவைத்துவிட்டது. இனி நாம் வார்த்தைகளால் பதில் சொல்லப் போவதில்லை. தீக்குவியல் மூலமே பதில் கூறுவோம்” என்று அவர் கூறினார்.

அமெரிக்காவின் பலத்துக்கு நிகரான பலத்தை அடைய இன்னும் ஒரு சிறு முயற்சியே செய்யப்படவேண்டியிருப்பதாகவும், தமது அணுவாயுத பலத்தை விட்டுத் தரும் எந்தவொரு சமாதானப் பேச்சுவார்த்தைக்கும் நாம் சம்மதிக்கப்போவதில்லை என்றும் அவர் மேலும் குறிப்பிட்டுள்ளார்.

http://www.virakesari.lk/article/25666

Categories: merge-rss, yarl-world-news