உலகச் செய்திகள்

பிபிசி தமிழ் தொலைக்காட்சி செய்தியறிக்கை 16/02/17

Thu, 16/02/2017 - 18:32

 

இன்றைய பிபிசி தமிழ் தொலைக்காட்சி செய்தியறிக்கையில்,

* இஸ்ரேலிய- பாலஸ்தீன பிரச்சினைக்கு தீர்வாக இரு நாட்டுக் கொள்கையை கைவிட்ட அமெரிக்க அதிபர் டொனால்ட் ட்ரம்ப் மீது ஐநா விமர்சனம்.

* காவலரால் பாலியல் வல்லுறவுக்கு உள்ளானதாக கறுப்பின இளைஞர் குற்றஞ்சாட்டியதை அடுத்து பாரிஸ் நகரில் பெரும் போராட்டம்; பல்லாயிரக்கணக்கானோர் தெருக்களில் குதித்தனர்.

* இங்கிலாந்தில் ஐம்பது ஆண்டுகளுக்குப்பின் மீண்டும் நீராவி ரயில் பயணம்.

Categories: merge-rss, yarl-world-news

காவல்துறைக்கு எதிராக பற்றி எரியும் பாரிஸ் புறநகர்

Thu, 16/02/2017 - 16:17

 

பாரிஸ் காவலர்கள் தன்னை பாலியல் துஷ்பிரயோகம் செய்ததாக புகார் செய்துள்ள கருப்பின இளைஞருக்கு ஆதரவாக ஆயிரக்கணக்கானவர்கள் பாரிஸ் நகர தெருக்களில் இறங்கி போராட்டம் நடத்திவருகிறார்கள்.


அந்த இருபத்தி இரண்டு வயது இளைஞர் கைது செய்யப்பட்டு தாக்கப்பட்டதாக கூறப்படும் புகார் வெளியானதில் இருந்து பாரிஸ் புறநகர் பகுதிகளில் பதட்டம் அதிகரித்து வருகிறது.


ஒரு காவலர் மீது பாலியல் புகாரும் மூவர் மீது தாக்குதல் புகாரும் பதியப்பட்டுள்ளது.


ஆனால் அதனால் பாரிஸ் தெருக்களில் வெளிப்படும் கோபத்தைக் குறைக்கமுடியவில்லை.

Categories: merge-rss, yarl-world-news

100 வருடத்தில் இல்லாமல் போகும் 10 நாடுகள்

Thu, 16/02/2017 - 07:19

100 வருடத்தில் இல்லாமல் போகும் 10 நாடுகள்

 

 


நெதர்லாந்து முதலிடத்தில்

Categories: merge-rss, yarl-world-news

இஸ்ரேல் பாலஸ்தீனம் பிரச்சனையில் தனி நாடு தீர்வு மட்டும் அமைதிக்கு வழியல்ல: டிரம்ப்

Wed, 15/02/2017 - 21:06
இஸ்ரேல் பாலஸ்தீனம் பிரச்சனையில் தனி நாடு தீர்வு மட்டும் அமைதிக்கு வழியல்ல: டிரம்ப்

இஸ்ரேல் பாலஸ்தீனம் இடையே நிலவி வரும் பிரச்சனையில், தனி நாடு தீர்வு மட்டும் அமைதிக்கு வழியல்ல என்று அமெரிக்க அதிபர் டிரம்ப் தெரிவித்துள்ளார்.

 
 
 டிரம்ப்
 
வாஷிங்டன்:
 
ஐ.நா. சபையில் கொண்டு வரப்பட்ட இஸ்ரேல்-பாலஸ்தீனம் பிரச்சனை தொடர்பான இரு மாநில தீர்வை பாதுகாக்க அனைத்தும் கண்டிப்பாக செய்யப்பட வேண்டும் என்று பொதுச் செயலாளர் அந்தோனிய கட்டாரஸ் வலியுறுத்தி இருந்தார்.
 
இந்நிலையில், இஸ்ரேல் பாலஸ்தீனம் இடையே நிலவி வரும் பிரச்சனையில், தனி நாடு தீர்வு மட்டும் அமைதிக்கு வழியல்ல என்று அமெரிக்க அதிபர் டிரம்ப் தெரிவித்துள்ளார். 
 
இஸ்ரேல், பாலஸ்தீனம் இடையே அமைதி கொண்டு வர ஒரே நாடு, இரண்டு நாடு தீர்வு எதுவாயினும் இரு நாடுகளும் ஏற்றுக் கொண்டால் தான் என்று அவர் தெரிவித்துள்ளார். அமெரிக்க அதிபர் டிரம்பின் இந்த கருத்தால் இஸ்ரேல் பாலஸ்தீனம் பிரச்சனையில் மேலும் குழப்பம் ஏற்பட்டுள்ளது. 
 
அமெரிக்க அதிபராக பொறுப்பேற்ற இரண்டாவது நாளே இஸ்ரேல் அதிபருடன் டிரம்ப் தொலைபேசியில் தொடர்பு கொண்டு பேசினார்.
 
இஸ்ரேல்-பாலஸ்தீனம் இடையே நீண்ட நெடுங்காலமாக பகை நிலவி வருகிறது. ஆக்கிரமிப்பு பாலஸ்தீன பகுதிகளில், குறிப்பாக கிழக்கு ஜெருசலேம் உள்ளிட்ட பகுதிகளில் இஸ்ரேல் வலுக்கட்டாயமாக குடியிருப்புகளை அமைத்து வருகிறது.
 
இதை தடுத்து நிறுத்தக்கோரி, ஐ.நா. பாதுகாப்பு கவுன்சிலில் கடந்த டிசம்பர் மாதம் (டிச.23) ஓட்டெடுப்பு மூலம் தீர்மானம் நிறைவேற்றப்பட்டது. அமெரிக்கா மட்டும் இந்த வாக்கெடுப்பை புறக்கணித்து இருந்தது.

http://www.maalaimalar.com/News/TopNews/2017/02/16021111/1068564/Trump-Two-state-solution-not-only-way-to-achieve-peace.vpf

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 15/02/17

Wed, 15/02/2017 - 19:18

 

இன்றைய பிபிசி தமிழ் தொலைக்காட்சி செய்தியறிக்கையில்,
* வடகொரிய தலைவரின் தந்தையின் மறுதார மகனான கிம் ஜாங் நாமின் மரணம் தொடர்பில் ஒரு பெண்ணை மலேசிய காவல்துறையினர் கைது செய்துள்ளனர்.
* அட்லாண்டிக் நாடுகளுக்கான ஒப்பந்தத்துக்கு அமெரிக்கா ஒப்புதல்; நேட்டோ நாடுகளின் இராணுவ செலவை அனைத்து உறுப்பு நாடுகளும் ஏற்க வேண்டுமென அமெரிக்கா வலியுறுத்தல்.
* லார்ஸ் மைதானத்தின் மெரில்போர்ன் கிரிக்கெட் கழகம் தனது மின்சாரத்தேவைக்கு நூறு சதவீதம் புதிப்பிக்கப்படக் கூடிய எரிசக்தியை பயன்படுத்தவுள்ளது.

Categories: merge-rss, yarl-world-news

பிரெக்சிற் குறித்து ஐரோப்பிய ஒன்றிய நாடுகளில் வசிக்கும் பெரும்பாலான பிரித்தானியர்கள் கவலை

Wed, 15/02/2017 - 18:35
பிரெக்சிற் குறித்து ஐரோப்பிய ஒன்றிய நாடுகளில் வசிக்கும் பெரும்பாலான பிரித்தானியர்கள் கவலை

braxit.jpg
பிரெக்சிற் விவகாரம் தாம் வசிக்கும் நாடுகளில் தமது உரிமைகளை கட்டுப்படுத்தும் என ஐரோப்பிய ஒன்றிய நாடுகளில் வசிக்கும் பெரும்பாலான பிரித்தானியர்கள் கவலை வெளியிட்டுள்ளனர்.

ஐரோப்பிய ஒன்றியத்திலிருந்து பிரித்தானியா விலகுவதானது ஐரோப்பிய ஒன்றியத்தின் ஏனைய நாடுகளில் வசிக்கும் பிரித்தானியர்களை பாதிக்குமா என்பது குறித்த கணக்கெடுப்பு ஒன்றின் மூலம்) இந்த தகவல் வெளியிடப்பட்டுள்ளது.

மேற்படி கணக்கெடுப்பின் பிரகாரம், 83 சதவீதமானோர் பெரும் கவலை வெளியிட்டுள்ள அதேவேளை 3.8 சதவீதமானோர் பாதிப்பு இல்லை எனத் தெரிவித்துள்ளனர்.

ஐரோப்பிய ஒன்றிய நாடுகள் , ஐஸ்லாந்து, மற்றும் நோர்வே போன்ற நாடுகளில் வசிக்கும் சுமார் 5 ஆயிரம் பிரித்தானியர்களிடம் இந்த கணக்கெடுப்பு மேற்கொள்ளப்பட்டது.

இதன்போது, 2 சதவீதமானோர் மாத்திரமே பிரித்தானியா ஐரோப்பிய ஒன்றியத்திலிருந்து விலக வேண்டும் என்று பதிலளித்துள்ளனர் என்பது குறிப்பிடத்தக்கது.

http://globaltamilnews.net/archives/17844

Categories: merge-rss, yarl-world-news

வானொலி நேரலை நிகழ்வின்போது இரு ஊடகவியலாளர்கள் சுட்டுக் கொலை

Wed, 15/02/2017 - 11:57
வானொலி நேரலை நிகழ்வின்போது இரு ஊடகவியலாளர்கள் சுட்டுக் கொலை
 

வானொலி நேரலை நிகழ்ச்சியொன்றின்போது ஊடகவியலாளர்கள் இருவர் சுட்டுக்கொல்லப்பட்ட சம்பவம் டொமினிக்கன் குடியரசு மக்களை அதிர்ச்சிக்குள்ளாக்கியுள்ளது. இக்கொலையுடன் தொடர்புடைய மூவரை பொலிஸார் கைது செய்துள்ளமை குறிப்பிடத்தக்கது.

5_RJ_Murdered.jpg

கொல்லப்பட்ட இருவரில் ஒருவர் நிகழ்ச்சியை நடத்திக்கொண்டிருந்தார். மற்றையவர் அதை முகநூல் பக்கம் மூலம் நேரலையாக ஒளிபரப்பிக்கொண்டிருந்தார்.

அப்போது திடீரென ஒலிபரப்பு அறைக்குள் புகுந்த மூவர் தொகுப்பாளரைச் சுடத் தொடங்கினர். திடீரென நடத்தப்பட்ட இந்தத் தாக்குதலால், முகநூலில் நேரலை ஒளிபரப்புச் செய்தவர் பயந்து அலறத் தொடங்கினார். இதனால், தாக்குதல்தாரிகள் அவர் பக்கம் திரும்பி துப்பாக்கியை இயக்கினர்.

இதையடுத்து, ஊடகவியலாளர்கள் இருவரும் நிலத்தில் சாய்ந்தனர். குறித்த நிகழ்ச்சியில் விருந்தினராகக் கலந்துகொண்ட பெண் ஒருவரும் இத்தாக்குதலில் காயமடைந்தார்.

உடனடியாக சம்பவ இடத்துக்கு விரைந்த பொலிஸார், தாக்குதல் நடத்திய மூவரையும் கைது செய்தனர்.

http://www.virakesari.lk/article/16671

Categories: merge-rss, yarl-world-news

ஒரு போனுக்கு இவ்வளவு அக்கப்போரா? அதிகாரிகளிடம் அடம் பிடிக்கும் ட்ரம்ப்

Tue, 14/02/2017 - 15:33
ஒரு போனுக்கு இவ்வளவு அக்கப்போரா? அதிகாரிகளிடம் அடம் பிடிக்கும் ட்ரம்ப்

லகமயமாக்கல் காரணமாக இன்று ஸ்மார்ட்போன்கள் கிராமங்களுக்கும் வந்துவிட்டன. மொபைல் வாங்கிய கொஞ்ச நாட்களில், அப்டேட்டோடு புதிதாக இன்னொரு மொபைல் சந்தைக்கு வந்து நம்மை கடுப்பேற்றும். இன்னும் சில பேர் கடன் வாங்கியாவது ஐபோன் வாங்கி விடவேண்டுமென்ற கொள்கையோடு இருப்பார்கள். நிலைமை இப்படியிருக்க, உலகின் வல்லமை பொருந்திய பதவியில் இருக்கும் அமெரிக்க அதிபர்களுக்கு, ஐபோன் மற்றும் ஆண்ட்ராய்டு போன்களைப் பயன்படுத்த அனுமதிக்கப்படுவதில்லை. பாதுகாப்புக் குறைபாடு காரணமாக மொபைல் எளிதாக ஹேக் செய்யப்படும் வாய்ப்புகள் இருப்பது தான் அதற்குக் காரணம்.

அமெரிக்க சீக்ரெட் சர்வீஸ் அளிக்கும் பலவிதமான என்க்ரிப்சன் சமாச்சாரங்கள் பொருத்தப்பட்டிருக்கும் ப்ளாக்பெர்ரி மொபைலை மட்டும் தான் அமெரிக்க அதிபர் பயன்படுத்த வேண்டும். இதன் மூலம் குறுந்தகவல்களிலிருந்து மெயில் வரை மொபைலில் இருக்கும் அத்தனை தகவல்களும் என்க்ரிப்ட் செய்யப்பட்டு பாதுகாக்கப்படுவதால் ஹேக்கர்களால் எளிதில் தகவல்களைத் திருட முடியாது.

ட்ரம்ப்

என்க்ரிப்ட் செய்யப்பட்ட மொபைலில் புகைப்படங்கள் எடுக்கவோ, சாட் செய்யவோ, மியூசிக் ப்ளேயரில் பாடல் கேட்கவோ முடியாது. சுருக்கமாக சொன்னால் அதிலிருந்து கால் பேச மட்டும் முடியும். மேலும் அவர் பயன்படுத்தும் மொபைல் எண் சிலரிடம் மட்டும்தான் இருக்கும். இதற்கு முன்பு பதவியில் இருந்த அமெரிக்க அதிபர்களான பில் க்ளின்டன், புஷ் மற்றும் ஒபாமாவுக்கும் இத்தனை கட்டுப்பாடுகளும் இருந்தன. ஜெர்மன் அதிபர், இங்கிலாந்து பிரதமர் ஆகியோரும் என்க்ரிப்ட் செய்யப்பட்ட ப்ளாக்பெர்ரி மொபைலைத்தான் பயன்படுத்துகின்றனர்.

ஆனால் சர்ச்சையை சட்டை பாக்கெட்டில் போட்டுக்கொண்டு அலையும் ட்ரம்ப் இன்னும் ஆண்ட்ராய்டில் இயங்கும் சாம்சங் மொபைலைத்தான் பயன்படுத்தி வருகிறார். அதிலிருந்து தான் தனது கணக்கில் ட்வீட் செய்கிறார். சமீபத்தில் ஒரு பேட்டியில் மிஸ்டர் கூலாக இதைத் தெரிவித்திருக்கிறார். இந்த விஷயம் அங்கே சர்ச்சையைக் கிளப்பியுள்ளது. உள்நாட்டு பாதுகாப்பு கமிட்டியில் உறுப்பினர்களாக இருக்கும் செனட் சபையின் உறுப்பினர்களான க்ளேர் மெக்காஸ்கில் மற்றும் டாம் கார்பர் ஆகியோர், அதிபர் எப்படி பாதுகாப்பற்ற மொபைலை பயன்படுத்தலாம் என்பது உள்பட சரமாரியான கேள்விகளுடன் பாதுகாப்புச் செயலருக்கு ஒரு கடிதம் அனுப்பியுள்ளனர்.  இது குறித்து மார்ச் மாதம் 9-ம் தேதிக்குள் விளக்கம் அளிக்கும்படியும் அவர்கள் வலியுறுத்தியுள்ளனர்.

ஆண்ட்ராய்டு மொபைலை ஹேக் செய்யும் ஒருவர் ரெக்கார்டிங் செய்யவும், கேமராவை பயன்படுத்தவும் முடியும். மைக்ரோபோன்கள் வழியாக மொபைலை பயன்படுத்துபவர் பேசுவதைக் கேட்க அவர்களால் முடியும். குறுந்தகவல்கள் மற்றும் மெயில்களை படிக்கவும் முடியும். அது மட்டுமின்றி 'லொக்கேஷன்' மூலமாக ஒருவர் தற்போது எங்கே இருக்கிறார் என்பதுவரை நோட்டமிட முடியும். இதனால் தான் பாதுகாப்பு அதிகாரிகள் அமெரிக்க அதிபரை பர்சனல் மொபைலை பயன்படுத்த அனுமதிப்பதில்லை. இந்நிலையில் அணு ஆயுதங்கள் கொண்ட, உலகின் மிகப்பெரிய ராணுவத்தின் ரகசியங்களைக் கையாளும் அதிபர் எப்படி பாதுகாப்பற்ற மொபைலை பயன்படுத்தலாம் என்பது செனட் உறுப்பினர்களின் கேள்வி. ஒரு சிறு தவறு நடந்தாலும் அது உலக நாடுகளையே பாதிக்கும் என்பதால், ட்ரம்பின் கவனக்குறைவால் நாம் கூட பாதிக்கப்படும் அபாயம் இருக்கிறது.

பில் கிளின்டன் அமெரிக்க அதிபராக இருந்தபோது தனது சொந்த செல்போனில் இருந்து இரண்டு முறையும், புஷ் ஜனவரி 2001-ம் ஆண்டு தனது சொந்த செல்போனில் இருந்து ஒரே ஒருமுறையும் இ-மெயில் அனுப்பினர். அதிபரின் பாதுகாப்பு அதிகாரிகள் இதை உடனடியாக கண்டுபிடித்து, செல்போனையே பறிமுதல் செய்துவிட்டனர். 'பொது வாழ்க்கையில் ஈடுபட்டதால் எனது தனிப்பட்ட வாழ்க்கை பறிபோய்விட்டது' என்று ஃபீல் ஆனார் புஷ். சோஷியல் மீடியாக்களை அதிகம் பயன்படுத்தி வந்த ஒபாமா, விடாப்பிடியாக தனது சொந்த மொபைலை பயன்படுத்தி வந்தார். பாதுகாப்பு அதிகாரிகள் கடும் கண்டிப்போடு பின்னர் அதைப் பறிமுதல் செய்தனர். இவ்வளவு ஸ்ட்ரிக்ட் பேர்வழிகள் கூட கேள்வி கேட்கமுடியாத எல்லையில் ட்ரம்ப் இருக்கிறார் என்பதுதான் சோகமான விஷயம்.

மொபைல்

 

அதிபர் மட்டும்தான் என்க்ரிப்ட் பண்ண முடியுமா என்ன?

அப்படியெல்லாம் இல்ல பாஸ். நாமே கூட நமது மொபைலை எளிதாக என்க்ரிப்ட் செய்யலாம். செட்டிங்ஸ் பகுதியில் ஸ்க்ரீன் லாக் ஆப்சனுக்குக் கீழ் ‘என்க்ரிப்ட்’ என்ற வசதி இருக்கும். இந்த வசதியைப் பயன்படுத்துவதன் மூலம் போனில் இருக்கும் முக்கியமான தகவல்கள் அனைத்தும் ‘என்கிரிப்ட்’ செய்யப்பட்டுவிடும். ஒவ்வொருமுறை போனை ஆன் செய்யும்போதும் நாம் ‘டிகிரிப்ட்’ செய்தால் மட்டுமே பயன்படுத்த முடியும். இதனால் நம் போன் தொலைந்துபோனாலும் முக்கியமான தகவல்களை யாராலும் திருட முடியாது. நம்பகமான Anti-Virus மென்பொருளை பயன்படுத்துவதன் மூலம் உங்கள் மொபைலை வைரஸ் தொல்லைகளில் இருந்து பாதுகாக்கலாம்.

இன்னும் சில விஷயங்களில் கூடுதலாக நீங்கள் கவனம் செலுத்துனா, உங்க போன் இன்னுமே பாதுகாப்பானதாக இருக்கும்.அது என்னென்னே தெரியுமா?

ஸ்க்ரீன் லாக் விஷயத்திலும் நீங்கள் கவனமாக இருக்க வேண்டும். ஏனெனில் சில வழிகள் மூலம் உங்கள் பேட்டர்ன் லாக்கை எளிதில் கண்டுபிடிக்கும் அபாயம் இருக்கிறது. அதேபோல பாஸ்வேர்ட் உருவாக்கும்போது செய்யக்கூடாத சில விஷயங்கள் இருக்கின்றன. அதில் மிக முக்கியமானது, பிறர் எளிதாக கண்டுபிடிக்கும் அளவு பாஸ்வேர்ட் வைக்கக் கூடாது. இதனால் சிலர் மிக எளிதான பாஸ்வேர்ட் வைத்து தகவல்களை பறிகொடுத்திருப்பார்கள். அதன்பின் வேறு எவராலும் கண்டுபிடிக்க முடியாத அளவுக்கு வலிமையான பாஸ்வேர்டை உருவாக்கியிருப்பார்கள். ஆனாலும் அவர்கள் ஒரு தவறு செய்வார்கள். அது என்னவென்றால் வலிமையான அந்த பாஸ்வேர்டை அனைத்து கணக்குகளுக்கும் பயன்படுத்துவார்கள். பொது இடங்களில் உள்ள வைஃபை வசதியை பயன்படுத்தும்போதோ, என்க்ரிப்சன் குறைவான தளங்களை பயன்படுத்தும்போதோ உங்கள் பாஸ்வேர்ட் திருடப்பட்டு, அதன் மூலமாக அனைத்து கணக்குகளும் ஹேக் செய்யப்படும் வாய்ப்பிருக்கிறது. எனவே பாஸ்வேர்ட் விஷயத்திலும், பேட்டர்ன் லாக் விஷயத்திலும் கவனம் தேவை. இதுபோன்ற சின்னச்சின்ன வழிகள் மூலமாக உங்கள் மொபைலின் தகவல்களையும் எளிதாக பாதுகாக்க முடியும் பாஸ்.

http://www.vikatan.com/news/information-technology/80813-american-senate-intelligence-committee-compels-trump-to-use-secured-mobile.html

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 14/02/16

Tue, 14/02/2017 - 15:32

 

இன்றைய பிபிசி தமிழ் தொலைக்காட்சி செய்தியறிக்கையில்,

டொனால்ட் டிரம்ப் பதவியேற்று ஒருமாதம்கூட ஆகவில்லை. ஆனால் அவரது தேசிய பாதுகாப்பு ஆலோசகர் பதவி துறக்கிறார்.

அதிபர் டிரம்புடன் பேச்சு நடத்த இஸ்ரேலிய பிரதமர் வாசிங்டன் வந்துள்ளார்.
சர்ச்சைக்குரிய இஸ்ரேலிய குடியிருப்புக்க்ள் குறித்தும் அவர்கள் பேசலாம்.

சட்டத்தை மீறும் நாய் உரிமையாளர். நாய்களின் அசுத்தங்களை அகற்றாத அதன் உரிமையாளர்களை கண்டுபிடிக்க புதிய டீ.என்.ஏ சோதனைத் திட்டம்.

Categories: merge-rss, yarl-world-news

வட கொரிய ஜனாதிபதியின் சகோதரர் படுகொலை

Tue, 14/02/2017 - 15:28
வட கொரிய ஜனாதிபதியின் சகோதரர் படுகொலை
 
 

article_1487085050-nnc.jpgவட கொரிய ஜனாதிபதி கிம் ஜோங் யுன்-இன் ஒன்றுவிட்ட சகோரதரான கிம் ஜாங் நாம், மலேசியாவில் வைத்து, இனந்தெரியாத நபர்களினால் படுகொலை செய்யப்பட்டுள்ளார் என்று, தென் கொரிய ஊடகங்கள், செய்தி வெளியிட்டுள்ளன.

கோலாலம்பூர் விமான நிலையத்திலிருந்து வைத்தியசாலைக்குக் கொண்டுசெல்லப்படும் வழிலேயே அவர் உயிரிழந்துள்ளார் என்று, மலேசியப் பொலிஸார் தெரிவித்துள்ளனர்.

- See more at: http://www.tamilmirror.lk/191556/வட-க-ர-ய-ஜன-த-பத-ய-ன-சக-தரர-பட-க-ல-#sthash.IYMKZXC0.dpuf
Categories: merge-rss, yarl-world-news

அமெரிக்க தேசிய பாதுகாப்பு ஆலோசகர் திடீரென பதவி விலகினார்

Tue, 14/02/2017 - 05:56
அமெரிக்க தேசிய பாதுகாப்பு ஆலோசகர் திடீரென பதவி விலகினார்

 

 

அமெரிக்க ஜனாதிபதி டொனால்ட் டிரம்பின் தேசிய பாதுகாப்பு ஆலோசகர் மைக்கேல் பிளின் தனது பதவியை ராஜினாமா செய்துள்ளார்.

fsf.jpg

அமெரிக்காவின் ரஷ்ய தூதரோடு மேற்கொண்ட தொலைபேசி தொடர்புகளில் நிர்வாகத்திற்குதவறான தகவல்களைத் வழங்கினார் என்று எழுந்த குற்றச்சாட்டுகளையடுத்து, அமெரிக்க ஜனாதிபதி டொனால்ட் டிரம்பின் தேசிய பாதுகாப்பு ஆலோசகர் மைக்கேல் பிளின் தனது பதவியை ராஜினாமா செய்துள்ளார்.

டொனால்ட் டிரம்ப் ஜனாதிபதியாக பதவியேற்பதற்கு முன்னரே, அமெரிக்கா, ரஷ்யா மீது விதித்திருக்கும் தடைகளை அகற்றுவது குறித்து அமெரிக்க சட்டத்திற்கு எதிரான வகையில், ரஷ்ய தூதரோடு கலந்துரையாடியதாக அவர் மீது குற்றஞ்சாட்டப்பட்டுள்ளது.

 

இதேவேளை, ஜெனெரல் கெய்த் கெல்லோக் தற்காலிக தேசிய பாதுகாப்பு ஆலோசகராக நியமிக்கப்பட்டுள்ளதாக வாஷிங்டனில் இருந்து வெளியாகும் தகவல்கள் தெரிவிக்கின்றன.

அமெரிக்க ஜனாதிபதி டொனால்ட் டிரம்ப் நிர்வாகம் பொறுப்பேற்று ஒரு மாதத்திற்குள் தேசிய பாதுகாப்பு ஆலோசகர் மைக்கேல் பிளின் இராஜிநாமா செய்துள்ளமை குறிப்பிடத்தக்கது.

http://www.virakesari.lk/article/16605

Categories: merge-rss, yarl-world-news

பிபிசி தமிழ் தொலைக்காட்சி செய்தியறிக்கை 13/02/16

Mon, 13/02/2017 - 18:02

 

இன்றைய பிபிசி தமிழ் தொலைக்காட்சி செய்தியறிக்கையில்,

வடகொரியாவின் ஏவுகணை சோதனை குறித்து ஐநா பாதுகாப்புச் சபை விவாதிக்க தயாராகிறது. அதேவேளை வடகொரியா குறித்த கொள்கை பற்றி அமெரிக்காவும் சீனாவும் பரஸ்பரம் குற்றஞ்சாட்டுகின்றன.

மத்திய கிழக்கின் மதக் கொள்கைகளுக்கு சவுதியின் புதிய சவால்.பெட்ரோலில் தங்கியிருப்பதையும் குறைக்க நினைக்கிறது அந்த நாடு.

அணு மின் உற்பத்தியை கைவிட நினைக்கிறது தாய்வான். பதிலாக தூய எரிசக்தியை நோக்கி அது பயணிக்கிறது.

Categories: merge-rss, yarl-world-news

எல்லைச் சுவர்: என்ன செய்யும் மெக்ஸிகோ?

Mon, 13/02/2017 - 14:54
எல்லைச் சுவர்: என்ன செய்யும் மெக்ஸிகோ?

 

mexico_3132107f.jpg
 
 
 

கடந்த ஒரு நூற்றாண்டாக, மெக்ஸிகோவின் ஊழல்கள், மனித உரிமை மீறல்கள், சர்வாதிகார ஆட்சி ஆகியவற்றில் அமெரிக்காவின் பங்கு அதிகம். ஆனால், மெக்ஸிகோவுக்குப் பொருளாதாரரீதியான ஆதரவளித்ததுடன், ஆட்சி மாற்றம் குறித்து அழுத்தம் தராமல் விலகியும் நின்றிருக்கிறது. அமெரிக்கா - மெக்ஸிகோ இடையிலான உறவு, இரு தரப்புக்கும் பலனளிக்கக்கூடியதாகவே இருந்தது. அந்த உறவின் சீர்குலைவு இரு தரப்புக்கும் மோசமாகவே அமையும்!

அமெரிக்க அதிபராகப் பதவியேற்ற சில நாட்களிலேயே, ராஜதந்திரரீதியிலான பிரச்சினைகளைக் கையில் எடுத்திருக்கிறார் ட்ரம்ப். முதலில், அமெரிக்காவுக்கும் மெக்ஸிகோவுக்கும் இடையில் சுவர் எழுப்பும் தனது திட்டத்துக்கான செலவை மெக்ஸிகோவே ஏற்றுக்கொள்ள வேண்டும் என்று சொன்னார். அதுவும், வெள்ளை மாளிகை அதிகாரிகளை மெக்ஸிகோ அதிகாரிகள் சந்திக்கவிருந்த அதே நாளில் அந்த அறிவிப்பை வெளியிட்டார். அதை ஏற்க மெக்ஸிகோ அதிபர் என்ரிக் பீனா நீட்டோ மறுத்ததை அடுத்து, அவரது அமெரிக்கப் பயணத்தை ரத்துசெய்வது குறித்து மறுபரிசீலனை செய்ய வேண்டும் என்று ட்வீட் செய்தார் ட்ரம்ப். என்ரிக் பீனா அதைத்தான் செய்தார்.

மெக்ஸிகோவைப் பொறுத்தவரை, அதிபரின் அமெரிக்கப் பயணம் ரத்து செய்யப்பட்டதும், அமெரிக்காவுடனான பதற்றங்களும், கவலையளிக்கிற பெரும் பிரச்சினைகள். இரு தரப்பு உறவில் பின்னடைவு ஏற்பட வேண்டும் என்று மெக்ஸிகோவில் யாருமே விரும்பவில்லை.

எல்லாமே கேள்விக்குறி

அமெரிக்காவுடனான உறவில் மெக்ஸி கோவின் முந்தைய ஐந்து அதிபர்களும் பல்வேறு பிரச்சினைகளுக்கு மத்தியில் ஆக்கபூர்வமாகச் செயல்பட்டனர். வட அமெரிக்காவின் தடையற்ற வர்த்தக ஒப்பந்தம், 1990-களில் ஏற்பட்ட பொருளாதார நெருக்கடியின்போது அமெரிக்கா தந்த ஆதரவு, குடியேற்றம் தொடர்பாக 2001-ல் நடந்த பேச்சுவார்த்தைகள், போதைப் பொருள் தடுப்பு நடவடிக்கைகள், பாதுகாப்புக் கூட்டு நடவடிக்கைகள், தொல்லை தருபவர்களாக அல்லாமல் ஆக்கபூர்வமான அண்டை நாட்டுக்காரர்கள்தான் மெக்ஸிகர்கள் எனும் மனப்பான்மை வளர்த்தெடுக்கப்பட்டது - இவை எல்லாமே கேள்விக்குரியவையாக ஆகிவிட்டன.

அமெரிக்காவுடன் தன்னைப் பிணைத்துக் கொண்டிருப்பதால், வட அமெரிக்க உறவு, தடையற்ற வர்த்தகம், ஜனநாயகம், மனித உரிமைகளுக்கான மரியாதை என்று பல விஷயங்களில் அமெரிக்காவையே சார்ந்திருக்கிறது மெக்ஸிகோ. ட்ரம்பின் உத்தரவுகளையும், இந்த அடிப்படைப் பிரச்சினைகள் தொடர்பான அவரது பார்வை யையும் பார்க்கும்போது, இவ்விஷயத்தில் மெக்ஸிகோவின் முடிவு தவறு என்றே எண்ணத் தோன்றுகிறது. அதனால்தான் இன்றைக்கு மெக்ஸிகோ இரண்டு கடினமான விஷயங்களில் ஒன்றைத் தேர்வுசெய்ய வேண்டிய நிலையில் இருக்கிறது. ஒன்று, ட்ரம்பைச் சகித்துக்கொண்டு சாத்தியமான, அத்தனை மோசமில்லாத விஷயங்களையும் அமெரிக்காவிடமிருந்து பெற்றுக்கொள்வது. இரண்டாவது, தன்னால் ஏற்றுக்கொள்ள முடியாத விஷயங்களில் அமெரிக்கா ஏற்படுத்தும் அழுத்தங்களுக்கு எதிராக, வலுவான எதிர்ப்புக் கொள்கையைக் கைக்கொள்வது. ட்ரம்பின் பதவிக்காலம் முடிவதற்கு மெக்ஸிகோ காத்திருக்க வேண்டியிருக்கலாம். அவரது நடவடிக்கைகள் காரணமாக அமெரிக்காவுக்குள்ளேயே அவருக்கு எதிர்ப்புகள் அதிகரிக்கும் என்பதும், விரைவில் இந்த ஏற்றத்தாழ்வு சீர்செய்வதில் அமெரிக்காவிலும் வெளியிலும் இருக்கும் மெக்ஸிகோ ஆதரவாளர்கள் ஈடுபடுவார்கள் என்றும் நம்பலாம்.

ஒப்பந்தத்தை மாற்றம் செய்வது தொடர்பாக ட்ரம்ப் வலியுறுத்துவார் என்று சில காலத்துக்கு முன்பே பீனா நீட்டோவுக்குத் தெரிந்திருந்தது. ‘நாஃப்டா’வில் (வட அமெரிக்க தடையற்ற வர்த்தக ஒப்பந்தம்) உறுப்பினர்களாக உள்ள அமெரிக்கா, கனடா, மெக்ஸிகோ என்று மூன்று நாடுகளுக்கும் நல்ல பலன் கிடைக்கும் என்று அவர் அறிந்திருந்தார். ஆனால், மூன்று நாடுகளின் நாடாளுமன்றத்திலும் இதற்கான திட்டமிடல் மேற்கொள்ளப்பட வேண்டும் என்று முடிவெடுக்கப்பட்டால், அது மெக்ஸிகோவுக்குப் பெரும் பின்னடைவைத் தரும்.

மெக்ஸிகோ பின்பற்ற வேண்டியவை

வர்த்தகத்தில் ஒரு எச்சரிக்கைக் கோட்டை மெக்ஸிகோ பின்பற்ற வேண்டும். மூன்று நாடுகளின் நாடாளுமன்ற ஒப்புதல் இல்லாமலேயே அனைத்தையும் செய்ய முடியும் என்பது நல்ல விஷயம்தான். எனினும், அதனால் மட்டும் பலன் இருக்கப்போவதில்லை. ஒரு நாடு விலகுவதாக இருந்தால், ஆறு மாத ‘நோட்டீஸ்’ கொடுத்துவிட்டு விலகிவிடலாம் என்று சொல்லும் நாஃப்டா பிரிவு 2205-ஐ அமெரிக்காவைப் பயன்படுத்தச் செய்வது நல்லது.

அமெரிக்கா - மெக்ஸிகோ எல்லையில் சுவர் எழுப்பும் விவகாரத்திலும் இதேபோன்ற ஒரு கட்டுப்பாட்டை மெக்ஸிகோ கடைப்பிடித்தாக வேண்டும். இதிலும்கூட இந்தச் சுவர் கட்டுவதற்கான செலவை ஏற்க முடியாது என்று பீனா பேசுகிறாரே தவிர, அந்தச் சுவரே வேண்டாம் என்று பேசவில்லை. சுவர் கட்ட யார் செலவு செய்வது என்பதல்ல விஷயம்; ஒரு நட்பு நாட்டின் மீது நிகழ்த்தப்படும் விரோத நடவடிக்கை இது. லத்தீன் - அமெரிக்கா முழுமைக்கும் மோசமான சமிக்ஞையை அனுப்பும் விஷயமும்கூட. சுவர் எழுப்புவது என்பது எல்லைப் பகுதியில் சமூகப் பிரச்சினைகள், கலாச்சார, சுற்றுச்சூழல் சார்ந்த பிரச்சினைகளை எழுப்பக்கூடியது. சட்டவிரோதமாக எல்லை தாண்டுவதை, அதில் இருக்கும் அபாயத்தை அதிகரிக்கச் செய்யக் கூடியது. முன்பைவிட அதிகமான குற்றச் சம்பவங்களுக்கும் வழிவகுக்கக் கூடியது. மெக்ஸிகோவிலிருந்து இறக்குமதி செய்யப்படும் பொருட்களுக்கு 20% வரி விதித்து அந்த நிதியை, சுவர் எழுப்பும் செலவுக்குப் பயன்படுத்துவது என்று வெள்ளை மாளிகை பரிசீலிப்பதும் பழிவாங்கும் எண்ணத்தைத் தூண்டாத விஷயம் அல்ல.

இரு தரப்புக்கும் மோசம்

அமெரிக்காவிலிருந்து மக்கள் அனுப்பப் படும் விஷயத்தில் தனது உறுதியான நிலைப்பாட்டை மெக்ஸிகோ தெரிவிக்க வேண்டும். குடியேற்ற அமலாக்க விஷயத்தில் அதிகமான முகவர்களையும் பணத்தையும் எதிர்பார்ப்பது, அகதிகளுக்கு அடைக்கலம் கொடுக்கும் நகரங்களுக்குத் தண்டனை அளிப்பது, குற்றவாளிகள் என்று சொல்லிப் பலரை மெக்ஸிகோவுக்கு அனுப்ப முயற்சிப்பது ஆகியவை நட்பார்ந்த நடவடிக்கைகள் அல்ல. 1990-களில் எல் சால்வடார் நாட்டின் மீது இதுபோன்ற நடவடிக்கைகளை அமெரிக்கா எடுத்ததை அடுத்து, உலகின் மிக வன்முறையான நாடாக அது மாறியது.

துரதிர்ஷ்டவசமான, தேவையற்ற பிரச்சினை நிலவும் இந்தச் சூழலில், மெக்ஸிகோவின் உறுதியான நிலைப்பாடு அமெரிக்காவின் தெற்குப் பிராந்தியத்தில் அது நடந்துகொள்ளும் விதத்தைப் பொறுத்து அமையும். கடந்த ஒரு நூற்றாண்டாக, மெக்ஸிகோவின் ஊழல்கள், மனித உரிமை மீறல்கள், சர்வாதிகார ஆட்சி ஆகியவற்றில் அமெரிக்காவின் பங்கு அதிகம். ஆனால், மெக்ஸிகோவுக்குப் பொருளாதார ரீதியான ஆதரவளித்ததுடன், ஆட்சி மாற்றம் குறித்து அழுத்தம் தராமல் விலகியும் நின்றிருக்கிறது அமெரிக்கா. அத்துடன், மெக்ஸிகோவிலிருந்து பெருமளவில் நிகழ்ந்த குடியேற்றத்தைப் பொறுத்துக்கொண்டதுடன், மெக்ஸிகோவை மரியாதையுடனேயே நடத்தியிருக்கிறது. அமெரிக்கா - மெக்ஸிகோ இடையிலான உறவு, இரு தரப்புக்கும் பலனளிக்கக்கூடியதாகவே இருந்தது. அந்த உறவின் சீர்குலைவு இரு தரப்புக்கும் மோசமாகவே அமையும்!

- ஜார்ஜ் ஜி. காஸ்டெனெடா, மெக்ஸிகோ வெளியுறவுத் துறை முன்னாள் அமைச்சர், நியூயார்க் பல்கலைக்கழகப் பேராசிரியர்.

© ‘தி நியூயார்க் டைம்ஸ்’, தமிழில் சுருக்கமாக: வெ.சந்திரமோகன்

http://tamil.thehindu.com/opinion/columns/எல்லைச்-சுவர்-என்ன-செய்யும்-மெக்ஸிகோ/article9537927.ece?homepage=true&theme=true

Categories: merge-rss, yarl-world-news

ஜேர்மனியின் புதிய ஜனாதிபதியாக பிரான்க் வால்ட்டர் ஸ்டெய்ன்மையர் தெரிவு

Mon, 13/02/2017 - 14:20
ஜேர்மனியின் புதிய ஜனாதிபதியாக பிரான்க் வால்ட்டர் ஸ்டெய்ன்மையர் தெரிவு

 

ஜேர்மனியின் புதிய ஜனாதிபதியாக பிரான்க் வால்ட்டர் ஸ்டெய்ன்மையர் (Frank-Walter Steinmeier ) தெரிவு செய்யப்பட்டுள்ளார். நேற்று ஞாயிற்றுக்கிழமை நாடாளுமன்ற உறுப்பினர்களைக் கொண்ட சிறப்புச் சபையால் இவர் தெரிவு செய்யப்பட்டுள்ளார்.

சமூக ஜனநாயகவாதியான இவர், ஜேர்மனியின் ஜனாதிபதியாக தெரிவு செய்யப்படுவதற்க முன்பு ஜேர்மனியின் வெளியுறவு அமைச்சராக கடமையாற்றியவர் என்பது குறிப்பிடத்தக்கது.

ஜேர்மனியின் 16 மாநிலங்களைச் சேர்ந்த நாடாளுமன்ற உறுப்பினர்கள் மற்றும் பிரதிநிதிகளிடையே நடத்தப்பட்ட வாக்கெடுப்பில், வால்ட்டருக்கு ஆதரவாக 931 வாக்குகள் கிடைக்கப்பெற்றுள்ளமை குறிப்பிடத்தக்கது.

இந்நிலையில், ஜேர்மனியின் தற்போதைய ஜனாதிபதி  ஜோச்சிம் கோக் எதிர்வரும் மார்ச் 18 ஆம் திகதி உத்தியோகபூர்வமாக வால்ட்டரிடம் பதவியை கையளிப்பார் என தெரிவிக்கப்பட்டுள்ளது.

http://globaltamilnews.net/archives/17563

Categories: merge-rss, yarl-world-news

வடகொரியா கண்டம் விட்டு கண்டம் தாவும் ஏவுகணை சோதனை வெற்றி

Mon, 13/02/2017 - 07:38

வடகொரியா பெரும் பொருளாதார நெருக்கடிகளுக்கு மத்தியிலும் உலகநாடுகளின் கடுமையான எதிர்ப்புகளை மீறியும், 2006–ம் ஆண்டு முதல் அணுகுண்டு மற்றும் கண்டம் விட்டு கண்டம் பாயக்கூடிய அதி நவீன ஏவுகணை சோதனைகளை நடத்தி வருகிறது.

கடந்த ஜனவரி மாத தொடக்கத்தில் ஹைட்ரஜன் குண்டு சோதனையை நடத்தியதாகவும் வடகொரியா அறிவித்தது. அதன்பின்பு கடந்த சில மாதங்களாக அமைதியாக இருந்து வந்த வடகொரியா 5–வது முறையாக கடந்த வெள்ளிக்கிழமை அணுகுண்டு சோதனை நடத்தி உலக நாடுகளை அதிர்ச்சிக்கு உள்ளாக்கியது.

வடகொரியாவின் இந்த செயலுக்கு தென்கொரியா, அமெரிக்கா, ஜப்பான் உள்ளிட்ட நாடுகளும், ஐ.நா. சபையும் கடும் கண்டனம் தெரிவித்தன.அமெரிக்கா, உள்ளிட்ட நாடுகள் பொருளாதார தடை விதித்துள்ளன.

இந்த நிலையில் தடையை மீறி நேற்று மீண்டும் வட கொரிய ஏவுகணை சோதனை நடத்தியது. வான் வெளியில் நடுத்தர தூரம் அதாவது 550 கி.மீ தூரம் (350 மைல்) பாய்ந்து சென்று தாக்கும் ‘புக்குக் சாங்-2’ என்ற ஏவுகணையை பரி சோதனை நடைபெற்றது.

இத்தகவலை தென் கொரியா அறிவித்தது. ஆனால் வட  கொரியா இது குறித்து எந்த விளக்கமும் அளிக்காமல் மவுனம் சாதித்தது. இந்த நிலையில் அதிபர் கிம் ஜாங்-யங் முன்னிலையில் ஏவுகணை சோதனை நடந்தது தெரிய வந்துள்ளது.

மேலும் இச்சோதனை வெற்றி பெற்றதாக அதிகார பூர்வமாக அறிவிக்கப்பட்டது. இந்த ஏவுகணை சோத னைக்கு அமெரிக்கா, ஜப் பான், தென்கொரியா, உள்ளிட்ட நாடுகள் கண்ட னமும், எதிர்ப்பும் தெரிவித் துள்ளன.

http://www.dailythanthi.com/News/World/2017/02/13125535/North-Korea-successfully-launches-BALLISTIC-missile.vpf

Categories: merge-rss, yarl-world-news

அமெரிக்காவின் ‘துரோகி’யை ட்ரம்புக்குப் பரிசளிக்கவிருக்கிறாரா புட்டின்?

Sat, 11/02/2017 - 19:02
அமெரிக்காவின் ‘துரோகி’யை ட்ரம்புக்குப் பரிசளிக்கவிருக்கிறாரா புட்டின்?

 

 

அமெரிக்காவுடனான நட்பைப் புதுப்பிக்கக் காத்திருக்கும் ரஷ்யா, அதற்குப் பரிசாக ரஷ்யாவில் அடைக்கலம் புகுந்திருக்கும் சர்ச்சைக்குரிய அமெரிக்க உளவாளி எட்வர்ட் ஸ்னோடென்னை அமெரிக்காவிடம் கையளிக்கவுள்ளதாகத் தகவல்கள் கசிந்துள்ளன.

4_Snowden.jpg

முன்னாள் சி.ஐ.ஏ. அதிகாரியான எட்வர்ட் ஸ்னோடென், அமெரிக்காவின் கண்காணிப்புப் பொறிமுறைகள் பற்றிய ஆயிரக்கணக்கான தகவல்களைக் கசியவிட்டவர். அமெரிக்க அரசின் தண்டனையில் இருந்து தப்புவதற்காக ரஷ்யாவில் அடைக்கலம் புகுந்தார் ஸ்னோடென்.

 தற்போது ரஷ்யாவிலேயே தங்கியிருக்கும் ஸ்னோடென் பற்றி தனது தேர்தல் பிரச்சாரத்தில் குறிப்பிட்ட ட்ரம்ப், ஸ்னோடென்னை துரோகி என்றும் தான் ஜனாதிபதியாக இருந்தால் ஸ்னோடென்னை ரஷ்யா அமெரிக்காவிடம் கையளித்திருந்திருக்கும் என்றும், ஸ்னோடென் தண்டிக்கப்படவேண்டியவர் என்றும் குறிப்பிட்டிருந்தார்.

இதன்படி, ரஷ்யாவுடன் இணக்கமான போக்கைக் கடைப்பிடிக்க விரும்பும் அமெரிக்காவின் முயற்சிக்குப் பரிசாக, ஸ்னோடென்னை அமெரிக்காவிடம் கையளிக்கவுள்ளதாகத் தகவல்கள் வெளியாகியுள்ளன.

ஸ்னோடென் அமெரிக்காவிடம் கையளிக்கப்பட்டால் அவருக்கு குறைந்தபட்சம் 30 ஆண்டுகள் சிறைத் தண்டனை வழங்கப்படலாம் எனத் தெரியவருகிறது.

எனினும் இதுபற்றி அமெரிக்காவோ, ரஷ்யாவோ உத்தியோகபூர்வமாக எவ்வித அறிக்கையையும் இதுவரை வெளியிடவில்லை.

http://www.virakesari.lk/article/16521

Categories: merge-rss, yarl-world-news

21 பில்லியன் டொலர் செலவில் உருவாகவுள்ள அமெரிக்க-மெக்ஸிக்கோ எல்லைச் சுவர்

Sat, 11/02/2017 - 06:15
21 பில்லியன் டொலர் செலவில் உருவாகவுள்ள அமெரிக்க-மெக்ஸிக்கோ எல்லைச் சுவர்

 

 

அமெரிக்க-மெக்ஸிக்கோ எல்லையில் தடுப்புச் சுவர் எழுப்பும் அமெரிக்க ஜனாதிபதி ட்ரம்ப்பின் திட்டத்திற்கு சுமார் 21 பில்லியன் டொலர் செலவாகும் என்று அமெரிக்க உள்நாட்டுப் பாதுகாப்பு அமைச்சு தகவல் வெளியிட்டுள்ளது.

2_Mexico_Wall.jpg

இந்தச் சுவரை நிர்மாணிக்கும் பணிகள் சுமார் மூன்றரை வருட காலங்கள் நீடிக்கும் என்றும், சுவர்கள் மட்டுமல்லாது, இடையிடையே முட்கம்பி உட்படப் பலதரப்பட்ட வேலிகளும்  அமைக்கப்படும் என்றும் தெரியவருகிறது.

சர்ச்சைக்குரிய சுவர் நிர்மாணம் பற்றி தனது தேர்தல் பிரசாரத்தின்போது குறிப்பிட்ட ட்ரம்ப், இதற்காக சுமார் 12 பில்லியன் டொலர்கள் செலவாகும் என்று அறிவித்திருந்தார். ஆனால், தற்போது இதற்கான செலவு சுமார் பத்து பில்லியன் டொலர்கள் அதிகமாகக் கணக்கிடப்பட்டுள்ளது.

குறித்த எல்லைப் பகுதியின் ஒட்டுமொத்த நீளமான சுமார் 2000 கிலோமீற்றர்கள் நீளத்துக்கு இந்தச் சுவர் அமைக்கப்படும் என்றும் தெரியவருகிறது.

http://www.virakesari.lk/article/16510

Categories: merge-rss, yarl-world-news

டிரம்ப் உத்தரவு மீதான தடையை நீக்க முடியாது: அப்பீல் கோர்ட்டு தீர்ப்பு

Fri, 10/02/2017 - 20:35
டிரம்ப் உத்தரவு மீதான தடையை நீக்க முடியாது: அப்பீல் கோர்ட்டு தீர்ப்பு

7 நாட்டினர் அமெரிக்கா வர தடை விதித்து டிரம்ப் பிறப்பித்த உத்தரவுக்கு சியாட்டில் கோர்ட்டு தடை விதித்தது. இந்த தடையை நீக்க முடியாது என அப்பீல் கோர்ட்டு தீர்ப்பு அளித்தது.

 
 
 அப்பீல் கோர்ட்டு தீர்ப்பு
 
வாஷிங்டன்:

அமெரிக்க ஜனாதிபதி டிரம்ப் கடந்த மாதம் 27-ந் தேதி அதிரடியாக சில நிர்வாக உத்தரவுகளை பிறப்பித்தார். அந்த உத்தரவில் ஒன்று, அகதிகள் அமெரிக்காவினுள் நுழைய தடை விதித்தது. மற்றொரு உத்தரவு ஈராக், சிரியா, ஈரான், லிபியா, சோமாலியா, சூடான், ஏமன் ஆகிய 7 நாடுகளை சேர்ந்தவர்கள் அமெரிக்காவிற்கு வர தடையாக அமைந்தது.

இந்த உத்தரவுகளுக்கு எதிராக அமெரிக்காவில் மட்டுமின்றி உலக நாடுகள் பலவற்றிலும் கண்டன ஆர்ப்பாட்டங்கள் நடந்தன. அமெரிக்க கோர்ட்டுகளில் வழக்குகளும் தொடரப்பட்டன.

டிரம்பின் நிர்வாக உத்தரவுகளுக்கு எதிராக சியாட்டில் மத்திய கோர்ட்டில் தொடுக்கப்பட்ட வழக்கை நீதிபதி ஜேம்ஸ் ராபர்ட் கடந்த வாரம் விசாரித்தார். அவர் டிரம்ப் உத்தரவுக்கு எதிராக அமெரிக்கா முழுவதும் தடை விதித்தார்.

இதன் காரணமாக அகதிகளும், தடை விதிக்கப்பட்ட 7 நாட்டினரும் அமெரிக்கா வர சட்டப்பூர்வமாக வழி பிறந்தது.

ஆனால் தடைக்கு எதிராக டிரம்ப் சார்பில் சான்பிரான்சிஸ்கோவில் உள்ள 9-வது மேல்முறையீடு சர்க்கியூட் கோர்ட்டில் மேல்முறையீடு செய்யப்பட்டது. அப்போது சியாட்டில் கோர்ட்டு உத்தரவுக்கு உடனடியாக தடை விதிக்க வேண்டும் என்ற டிரம்ப் தரப்பு கோரிக்கை நிராகரிக்கப்பட்டது.

இந்த நிலையில் மேல்முறையீட்டு வழக்கு, 9-வது மேல்முறையீடு சர்க்கியூட் கோர்ட்டில் 3 நீதிபதிகள் அமர்வு முன்னிலையில் நேற்று முன்தினம் முறைப்படி விசாரணைக்கு வந்தது. வாதங்கள் நடந்தன.

முடிவில் டிரம்ப் உத்தரவுக்கு சியாட்டில் கோர்ட்டு விதித்த தடையை நீக்க முடியாது என 3 நீதிபதிகளும் ஒருமித்த தீர்ப்பு வழங்கினர்.

தீர்ப்பில் நீதிபதிகள், “7 நாடுகள் மீது விதிக்கப்பட்ட தடைக்கு காரணம், பயங்கரவாத அச்சுறுத்தல்கள்தான் என்பதை அரசு தரப்பில் நிரூபிக்க முடியவில்லை” என்று கூறி உள்ளனர்.

தடை விதிக்கப்பட்ட 7 நாடுகளை சேர்ந்த எந்தவொரு நபரும் அமெரிக்காவில் பயங்கரவாத தாக்குதல்கள் நடத்தியதற்கு எந்தவொரு ஆதாரமும் இல்லை என நீதிபதிகள் தீர்ப்பில் தெரிவித்து உள்ளனர்.

இந்த தீர்ப்பின் காரணமாக, 7 நாடுகளை சேர்ந்தவர்கள் விசா இருக்கும் பட்சத்தில் அமெரிக்காவுக்கு வரலாம், இதுபோன்று அகதிகளும் அமெரிக்காவில் நுழைய முடியும் என்பது குறிப்பிடத்தக்கது.

இந்த தீர்ப்புக்கு எதிராக டிரம்ப் ஒரு அறிக்கை வெளியிட்டுள்ளார். தீர்ப்பு தொடர்பாக அவர் டுவிட்டரில், “உங்களை கோர்ட்டில் பார்க்கிறேன்” எனவும் கூறி உள்ளார்.

எனவே இந்த தீர்ப்புக்கு எதிராக சுப்ரீம் கோர்ட்டில் டிரம்ப் தரப்பில் மேல்முறையீடு செய்வதற்கான வாய்ப்புகள் பிரகாசமாக உள்ளன.

http://www.maalaimalar.com/News/TopNews/2017/02/11015516/1067558/Travel-ban-ruling-judges-refuse-to-reinstate-Trump.vpf

Categories: merge-rss, yarl-world-news

பிரான்சில் தீவிரவாத தாக்குதலுக்கு சதித்திட்டம் தீட்டியதாக 16 வயது யுவதி உட்பட 4 பேர் கைது

Fri, 10/02/2017 - 17:49
பிரான்சில் தீவிரவாத தாக்குதலுக்கு சதித்திட்டம் தீட்டியதாக 16 வயது யுவதி உட்பட 4 பேர் கைது

france-1024x680.jpg

பிரான்சில் தீவிரவாத தாக்குதலுக்கு சதித்திட்டம் தீட்டியதாக சந்தேகத்தின்பேரில் 16 வயது யுவதி உள்பட 4 பேர் கைது செய்யப்பட்டுள்ளனர்.

பிரான்சில் கடந்த இரண்டு ஆண்டுகளான  அடுத்தடுத்து நடைபெற்ற தீவிரவாத தாக்குதல்கள் காரணமாக  200க்கும் மேற்பட்ட பொதுமக்கள் கொல்லப்பட்டுள்ளதன் காரணமாக அங்கு  பாதுகாப்பு பலப்படுத்தப்பட்டுள்ளது.

அவ்வகையில், தெற்கு பிரான்சின் மோன்ட்பெல்லியரில் சந்தேகப்படும்படியான நபர்கள் இருப்பதாக காவல்துறைக்கு கிடைத்த தகவலை அடுத்து அப்பகுதியை சுற்றி வளைத்த காவல்துறையினர்  16 வயது இளம்பெண் உள்பட 4 பேரை கைது செய்தனர்.

கைது செய்யப்பட்டுள்ள நான்கு பேரும், வெடிகுண்டுகள் தயாரிக்கப் பயன்படுத்தப்படும் எளிதில் தீப்பற்றக்கூடிய, திரவத்தை வாங்கியதாகவும், இதன் முலம் வெடிபொருட்களை தயாரிக்க திட்டமிட்டிருந்ததாகவும் தெரிவித்த காவல்துறையினர்   தொடர்ந்தும் விசாரணைகளை மேற்கொண்டு வருகின்றனர்.

http://globaltamilnews.net/archives/17141

Categories: merge-rss, yarl-world-news

பிபிசி தொலைக்காட்சி செய்திகள் (10/02/2017)

Fri, 10/02/2017 - 17:46

 

இன்றைய நிகழ்ச்சியில்..
*அமெரிக்க அதிபராக பதவியேற்ற பின்னர், சீன அதிபருடன் முதன்முறையாக தொலைபேசியில் பேசிய டொனால்ட் ட்ரம்ப் தைவானும் சீனாவின் ஒரு அங்கம் என்று வலியுறுத்தும் ''ஒரே சீனம்” என்கிர கொள்கையை ஆதரிப்பதாக தெரிவித்திருப்பது குறித்த செய்திகள்.

* யேமனில் டொனால்ட் டிரம்ப் ஆணையிட்ட முதல் இராணுவ நடவடிக்கையின் பின்விளைவுகளை காட்டும் பிரத்யேகக் காணொளி.

* கடுமையான குளிர்காலத்துக்கு பேர் போனது மாஸ்கோவின் பெருங்குளிரில் அவதியுறும் வீடில்லாதோரின் அவலம் குறித்த பிபிசியின் நேரடி படப்பிடிப்பு ஆகியவற்றைக் காணலாம்.

Categories: merge-rss, yarl-world-news