தியாக தீபம் திலீபன்

தியாகி லெப்.கேணல் திலீபன் உண்ணாவிரத முதலாம் நாள் 15-09-1987

Aggregator

நாடு திரும்பும் இலங்கை அணியின் அடுத்த மோதல் இங்கிலாந்துடன்

2 hours 52 minutes ago
நாடு திரும்பும் இலங்கை அணியின் அடுத்த மோதல் இங்கிலாந்துடன் இலங்கைக்கு சுற்றுப் பயணம் மேற்கொள்ளவுள்ள இங்கிலாந்து அணி, இலங்கை அணியுடன் ஐந்து ஒருநாள் போட்டிகள், ஒரு இருபதுக்கு 20 போட்டி மற்றும் மூன்று டெஸ்ட் போட்டிகளில் விளையாடவுள்ளது. அதன்படி இவ்விரு அணிகளுக்குமிடையேயான இப் போட்டித் தொடரானது எதிர்வரும் ஒக்டோபர் மாதம் 10 ஆம் திகதி ஆரம்பமாகி நவம்பர் மாதம் 27 ஆம் திகதி வரை இடம்பெறவுள்ளது. இலங்கை மற்றும் இங்கிலாந்து அணிகளுக்கிடையில் முதலில் ஆரம்பமாகவுள்ள ஐந்து ஒருநாள் போட்டித் தொடரின் முதல் போட்டி எதிர்வரும் ஒக்டோபர் மாதம் 10 ஆம் திகதி (பகல் 2.30)தம்புள்ளை, ரங்கிரி சர்வதேச கிரிக்கெட் மைதானத்திலும் இரண்டாவது போட்டி 13 ஆம் திகதி (காலை 10.00) அதே மைதானத்திலும் இடம்பெறும். அத்துடன் ஒருநாள் தொடரின் மூன்றாவது போட்டி 17 ஆம் திகதி (பகல் 2.30) கண்டி, பல்லேகல சர்வதேச கிரிக்கெட் மைதானத்திலும் நான்காவது போட்டி 20 ஆம் திகதி (கலை 10.00) அதே மைதானத்திலும் இடம்பெறுவதுடன் ஒருநாள் போட்டித் தொடரின் ஐந்தாவதும் இறுதியுமான போட்டி 23 ஆம் திகதி (பகல் 2.30)கொழும்பு, ஆர்.பிரேமதாஸ சர்வதேச கிரிக்கெட் மைதானத்தில் இடம்பெறும். மேலும் இவ்விரு அணிகளுக்கிடையிலான ஒரேயொரு இருபதுக்கு 20 போட்டியானது ஒக்டோபர் மாதம் 27 ஆம் திகதி கொழும்பு, ஆர்.பிரேமதாஸ சர்வதேச கிரிக்கெட் மைதானத்தில் இரவு 7.00 மணிக்கு ஆரம்பமாகும். அத்துடன் இங்கிலாந்து, இலங்கை அணிகளுக்கான மூன்று டெஸ்ட் போட்டித் தொடர்களின் முதல் போட்டி நவம்பர் மாதம் 6 ஆம் திகதி முதல் 10 ஆம் திகதி வரை காலி, சர்வதேச கிரிக்கெட் மைதானத்தில் ஆரம்பமாகவுள்ளதுடன், இரண்டாவது டெஸ்ட் தொடர் நவம்பர் 14 ஆம் திகதி ஆரம்பமாகி 18 ஆம் திகதி வரை கண்டி பல்லேகல மைதானத்தில் இடம்பெறும். மேலும் கொழும்பு எஸ்.எஸ்.சி. மைதானத்தில் ஆரம்பமாகும் மூன்றாவதும் இறுதியுமான டெஸ்ட் தொடரானது நவம்பர் மாதம் 23 ஆம் திகதி ஆரம்பமாகி 27 ஆம் திகதி வரை இடம்பெறவுள்ளமை குறிப்பிடத்தக்கது. http://www.virakesari.lk/article/40642

நாடு திரும்பும் இலங்கை அணியின் அடுத்த மோதல் இங்கிலாந்துடன்

2 hours 52 minutes ago
நாடு திரும்பும் இலங்கை அணியின் அடுத்த மோதல் இங்கிலாந்துடன்

 

 

இலங்கைக்கு சுற்றுப் பயணம் மேற்கொள்ளவுள்ள இங்கிலாந்து அணி, இலங்கை அணியுடன் ஐந்து ஒருநாள் போட்டிகள், ஒரு இருபதுக்கு 20 போட்டி மற்றும் மூன்று டெஸ்ட் போட்டிகளில் விளையாடவுள்ளது.

அதன்படி இவ்விரு அணிகளுக்குமிடையேயான இப் போட்டித் தொடரானது எதிர்வரும் ஒக்டோபர் மாதம் 10 ஆம் திகதி ஆரம்பமாகி நவம்பர் மாதம் 27 ஆம் திகதி வரை இடம்பெறவுள்ளது.

englandtourofsrilanka2018__1_.jpg

இலங்கை மற்றும் இங்கிலாந்து அணிகளுக்கிடையில் முதலில் ஆரம்பமாகவுள்ள ஐந்து ஒருநாள் போட்டித் தொடரின் முதல் போட்டி எதிர்வரும் ஒக்டோபர் மாதம் 10 ஆம் திகதி (பகல் 2.30)தம்புள்ளை, ரங்கிரி சர்வதேச கிரிக்கெட் மைதானத்திலும் இரண்டாவது போட்டி 13 ஆம் திகதி (காலை 10.00) அதே மைதானத்திலும் இடம்பெறும்.

அத்துடன் ஒருநாள் தொடரின் மூன்றாவது போட்டி 17 ஆம் திகதி (பகல் 2.30) கண்டி, பல்லேகல சர்வதேச கிரிக்கெட் மைதானத்திலும்  நான்காவது போட்டி 20 ஆம் திகதி (கலை 10.00) அதே மைதானத்திலும் இடம்பெறுவதுடன் ஒருநாள் போட்டித் தொடரின் ஐந்தாவதும்  இறுதியுமான போட்டி 23 ஆம் திகதி (பகல் 2.30)கொழும்பு, ஆர்.பிரேமதாஸ சர்வதேச கிரிக்கெட் மைதானத்தில் இடம்பெறும்.

மேலும் இவ்விரு அணிகளுக்கிடையிலான ஒரேயொரு இருபதுக்கு 20 போட்டியானது ஒக்டோபர் மாதம் 27 ஆம் திகதி கொழும்பு, ஆர்.பிரேமதாஸ சர்வதேச கிரிக்கெட் மைதானத்தில் இரவு 7.00 மணிக்கு ஆரம்பமாகும்.

அத்துடன் இங்கிலாந்து, இலங்கை அணிகளுக்கான மூன்று டெஸ்ட் போட்டித் தொடர்களின் முதல் போட்டி நவம்பர் மாதம் 6 ஆம் திகதி முதல் 10 ஆம் திகதி வரை காலி, சர்வதேச கிரிக்கெட் மைதானத்தில் ஆரம்பமாகவுள்ளதுடன், இரண்டாவது டெஸ்ட் தொடர் நவம்பர் 14 ஆம் திகதி ஆரம்பமாகி 18 ஆம் திகதி வரை கண்டி பல்லேகல மைதானத்தில் இடம்பெறும். 

மேலும் கொழும்பு எஸ்.எஸ்.சி. மைதானத்தில் ஆரம்பமாகும் மூன்றாவதும் இறுதியுமான டெஸ்ட் தொடரானது நவம்பர் மாதம் 23 ஆம் திகதி ஆரம்பமாகி 27 ஆம் திகதி வரை இடம்பெறவுள்ளமை  குறிப்பிடத்தக்கது. 

http://www.virakesari.lk/article/40642

"இறுதிப் போரில் விடுதலைப் புலிகள் வீழ வேண்டும் என்று நினைத்தேன்" - தமிழ் இயக்குநர் ஜூட்

2 hours 54 minutes ago
தமிழர்கள் நட்புப் பாராட்டினாலும், துரோகிகளானாலும் நன்றி உள்ளவர்கள். நன்றிக்கு உதாரணம் வயிரவரின் வாகனம். ஆனால் அந்த வாகனத்திற்கு தன் இனத்தைப் பிடிக்காது. இதிலிருந்து தமிழ் இயக்குநர் யூட்டை மட்டும் பிரித்துப்பார்க்கவும் முடியாது.

இன்றைய நாணய மாற்று விகிதம்

2 hours 57 minutes ago
இன்றைய நாணய மாற்று விகிதம் - 18.09.2018 இலங்கை ரூபாவின் பெறுமதி, என்றும் இல்லாத அளவில் அமெரிக்க டொலருடன் பாரிய அளவில் வீழ்ச்சியடைந்துள்ளது. இன்று மத்திய வங்கி வெளியிட்டுள்ள நாணய மாற்று விகிதத்தின் அடிப்படையில் அமெரிக்க டொலரின் விற்பனை விலை ரூபா 166.6411 ஆக பதிவாகியுள்ளமை குறிப்பிடத்தக்கது. இலங்கை மத்திய வங்கியினால் வெளியிடப்பட்டுள்ள இன்றைய (18.09.2018) நாணய மாற்று விகிதங்கள் வருமாறு. நாணயம் கொள்வனவு விலை (ரூபா) விற்பனை விலை (ரூபா) அவுஸ்திரேலிய டொலர் 116.0021 120.9178 கனடா டொலர் 124.1635 128.7645 சீன யுவான் 23.4504 24.5704 யூரோ 189.3915 196.0237 ஜப்பான் யென் 1.4479 1.5012 சிங்கப்பூர் டொலர் 118.2660 122.2958 ஸ்ரேலிங் பவுண் 213.4913 220.3693 சுவிஸ் பிராங்க் 168.2395 174.5774 அமெரிக்க டொலர் 163.1038 166.6411 வளைகுடா நாணய மாற்று விகிதங்கள் (முந்தைய நாள் சந்தையின் அடிப்படையில்) நாடு நாணயம் மதிப்பு (ரூபா) பஹ்ரைன் தினார் 436.0329 குவைத் தினார் 542.7380 ஓமான் ரியால் 427.0180 கத்தார் ரியால் 45.1541 சவூதி அரேபியா ரியால் 43.8364 ஐக்கிய அரபு இராச்சியம் திர்ஹம் 44.7589 நாடு நாணயம் மதிப்பு (ரூபா) இந்தியா ரூபாய் 2.2664 http://www.thinakaran.lk/2018/09/18/பொருளாதாரம்/27040/இன்றைய-நாணய-மாற்று-விகிதம்-18092018

சரணடைந்தவர்கள் கொல்லப்பட்டதான எஸ்.பீயின் கருத்தை மறுத்தது இராணுவம்

2 hours 58 minutes ago
சரணடைந்த புலிகள் கொலை செய்யப்படவில்லை : அமைச்சர் மறுப்பு (எம்.ஆர்.எம்.வஸீம்) இறுதி யுத்தத்தின்போது சரணடைந்த விடுதலைப்புலிகள் மற்றும் பொதுமக்கள் கொலைசெய்யப்பட்டுள்ளனர் என தெரிவித்திருப்பதை முற்றாக நிராகரிக்கின்றேன் என துறைமுகங்கள் மற்றும் கப்பற்றுறை அமைச்சரும் சிறிலங்கா சுதந்திரக் கட்சியின் ஊடகப்பேச்சாளருமான மஹிந்த சமரசிங்க தெரிவித்தார். சிறிலங்கா சுதந்திரக் கட்சி தலைமையகத்தில் இன்று இடம்பெற்ற செய்தியாளர் சந்திப்பில் கலந்துகொண்டு கருத்து தெரிவிக்கையிலேயே அவர் மேற்கண்டவாறு தெரிவித்தார். பிரபாகரனின் தாய், தந்தை இருவரும் சரணடைந்ததால் அதுதொடர்பான பொறுப்பை நாங்கள் நிறைவேற்றினோம். இராணுவத்திடம் சரணடைந்த விடுதலைப்புலிகள் அமைப்பின் உறுப்பினர் கேர்ணல் ரமேஸ் உள்ளிட்ட சிலரை இராணுவத்தினர் கொலை செய்திருக்கலாம் என அண்மையில் முன்னாள் அமைச்சர் எஸ்.பி. திஸாநாயக்க தெரிவித்திருந்தார். இந்நிலையில் குறித்த கருத்து தொடர்பில் ஊடகங்களுக்கு கருத்துத் தெரிவிக்கும் போதே மஹிந்த சமரசிங்க மேற்கண்டவாறு தெரிவித்தார். அவர் அங்கு தொடர்ந்து கூறுகையில், யுத்தம் ஒன்று இடம்பெறும்போது இரண்டு தரப்பிலும் மரணித்திருப்பார்கள். அது சாதாரண விடயம். அதற்காக சரணடைந்தவர்களை கொலைசெய்யுமளவுக்கு இராணுவம் செயற்படவில்லை என்பதை நாங்கள் பகிரங்கமாக தெரிவிக்கின்றோம். சரணடைந்த விடுதலைப்புலிகள் மற்றும் பொதுமக்களை இராணுவத்தினர் கொலைசெய்ததாக இப்போது தெரிவிக்கின்றவர்கள். அந்தக் காலத்தில் ஏன் இதனை தெரிவிக்காமல் மறைத்தனர் என்று கேட்கின்றேன். இதனால் இந்த பிரசாரமானது மிகவும் பயங்கமானதாகும். அதனால் இது தொடர்பில் எதிர்காலத்தில் அவரிடம் வாக்குமூலம் எடுக்கலாம் என்றார். http://www.virakesari.lk/article/40646

இலங்கை தமிழரசுக் கட்சித் தலைமையின் தீர்மானத்துக்கு நீதிமன்றம் இடைக்காலத் தடை

2 hours 59 minutes ago
இலங்கை தமிழரசுக் கட்சித் தலைமையின் தீர்மானத்துக்கு நீதிமன்றம் இடைக்காலத் தடை வல்வெட்டித்துறை நகர சபை உறுப்பினர் கந்தசாமி சதீஸை, இலங்கை தமிழ் அரசுக் கட்சியின் உறுப்புரிமையிலிருந்து நீக்கும் கட்சித் தலைமையின் தீர்மானத்துக்கு யாழ்ப்பாணம் மாவட்ட நீதிமன்றம் இடைக்காலத் தடை விதித்து கட்டளை வழங்கியுள்ளது. தமிழரசுக் கட்சியின் தலைவர் மாவை சேனாதிராசா உட்பட கட்சியின் செயலாளர், பொருளாருக்கு எதிராக இந்த இடைக்கால தடைக் கட்டளையை வழங்கிய யாழ்ப்பாணம் மாவட்ட நீதிபதி வி.இராமகமலன், எதிர்வரும் 2 ஆம் திகதி பிரதிவாதிகளை மன்றில் முன்னிலையாகுமாறு அழைப்புக் கட்டளை வழங்கினார். தமிழர் விடுதலைக் கழகம் (ரெலோ) கட்சியைச் சார்ந்த கந்தசாமி சதீஸ், கடந்த உள்ளூராட்சி மன்றத் தேர்தலில் தமிழ் அரசுக் கட்சியின் சார்பில் போட்டியிட்டு வெற்றி பெற்றார். ரெலோவின் பரிந்துரையின் பேரில் கட்சியின் கட்டுப்பாடுகளிலிருந்து விலகிச் செயற்பட்டார் என்ற குற்றச்சாட்டில் க.சதீஸை தமிழ் அரசுக் கட்சியின் உறுப்புரிமையிலிருந்து அந்தக் கட்சி நீக்கியது. இந்த நடவடிக்கையின் ஊடாக அவரை நகர சபை உறுப்புறுமையிலிருந்து நீக்குமாறு யாழ்ப்பாண மாவட்ட உதவித் தேர்தல்கள் ஆணையாளருக்கும் தமிழ் அரசுக் கட்சி சார்பில் கடிதம் அனுப்பிவைக்கப்பட்டது. இந்த நிலையில் கட்சியின் தலைமை எடுத்துள்ள தீர்மானத்துக்கு ஆட்சேபனை தெரிவித்து கந்தசாமி சதீஸ் சார்பில் சட்டத்தரணி விஸ்வலிங்கம் மணிவண்ணனால், யாழ்ப்பாணம் மாவட்ட நீதிமன்றில் நீதிப் பேராணை மனுத் தாக்கல் செய்யப்பட்டது. மனுவின் பிரதிவாதிகளாக தமிழ் அரசுக் கட்சியின் தலைவர் மாவை சேனாதிராசா, செயலாளர் கி.துரைராசசிங்கம் மற்றும் பொருளாளர் பொ.கனகசபாபதி ஆகியோர் குறிப்பிடப்பட்டுள்ளனர். அந்த மனு இன்று யாழ்ப்பாணம் மாவட்ட நீதிமன்றால் ஏற்றுக்கொள்ளப்பட்டது. பிரதிவாதிகளுக்கு அறிவித்தல் அனுப்ப மாவட்ட நீதிபதி வி.இராமகமலன் கட்டளை வழங்கினார். மனுதாரரின் இடைக்கால நிவாரணமான, தமிழ் அரசுக் கட்சியின் உறுப்புரிமையிலிருந்து நீக்கும் பிரதிவாதிகளின் அறிவித்தலுக்கு இடைக்காலத் தடை வழங்கவேண்டும் என்ற கோரிக்கையை ஏற்ற மாவட்ட நீதிமன்றம், வரும் 14 நாள்களுக்கு இடைக்காலத் தடை உத்தரவை வழங்கியது. வழக்கு விசாரணை வரும் ஒக்டோபர் 2 ஆம் திகதிக்கு ஒத்திவைக்கப்பட்டது. அன்றைய தினம் பிரதிவாதிகள் மன்றில் முன்னிலையாகி தமது பதிலியை சமர்ப்பிக்க மன்று அழைப்புக் கட்டளை வழங்கியது. இதேவேளை, தமிழ் அரசுக் கட்சியின் வலிகாமம் தெற்கு பிரதேச சபை உறுப்பினர் ஜி.பிரகாஷை, கட்சி உறுப்புரிமையிலிருந்து நீக்கும் தமிழ் அரசுக் கட்சியின் நடவடிக்கைக்கு வரும் 25 ஆம் திகதிவரை யாழ்ப்பாண மாவட்ட நீதிமன்றம் இடைக்காலத் தடை விதித்துள்ளது. அந்த மனுவையும் தமிழ் தேசிய மக்கள் முன்னணியின் தேசிய அமைப்பாளர் சட்டத்தரணி வி.மணிவண்ணனே முன்வைத்திருந்தார் என்பது குறிப்பிடத்தக்கது. http://www.virakesari.lk/article/40651

இலங்கை தமிழரசுக் கட்சித் தலைமையின் தீர்மானத்துக்கு நீதிமன்றம் இடைக்காலத் தடை

2 hours 59 minutes ago
இலங்கை தமிழரசுக் கட்சித் தலைமையின் தீர்மானத்துக்கு நீதிமன்றம் இடைக்காலத் தடை

 

 
 

வல்வெட்டித்துறை நகர சபை உறுப்பினர் கந்தசாமி சதீஸை, இலங்கை தமிழ் அரசுக் கட்சியின் உறுப்புரிமையிலிருந்து நீக்கும் கட்சித் தலைமையின் தீர்மானத்துக்கு யாழ்ப்பாணம் மாவட்ட நீதிமன்றம் இடைக்காலத் தடை விதித்து கட்டளை வழங்கியுள்ளது.

itak.jpg

தமிழரசுக் கட்சியின் தலைவர் மாவை சேனாதிராசா உட்பட கட்சியின் செயலாளர், பொருளாருக்கு எதிராக இந்த இடைக்கால தடைக் கட்டளையை வழங்கிய யாழ்ப்பாணம் மாவட்ட நீதிபதி வி.இராமகமலன், எதிர்வரும் 2 ஆம் திகதி பிரதிவாதிகளை மன்றில் முன்னிலையாகுமாறு அழைப்புக் கட்டளை வழங்கினார்.

தமிழர் விடுதலைக் கழகம் (ரெலோ) கட்சியைச் சார்ந்த கந்தசாமி சதீஸ், கடந்த உள்ளூராட்சி மன்றத் தேர்தலில் தமிழ் அரசுக் கட்சியின் சார்பில் போட்டியிட்டு வெற்றி பெற்றார்.

ரெலோவின் பரிந்துரையின் பேரில் கட்சியின் கட்டுப்பாடுகளிலிருந்து விலகிச் செயற்பட்டார் என்ற குற்றச்சாட்டில் க.சதீஸை தமிழ் அரசுக் கட்சியின் உறுப்புரிமையிலிருந்து அந்தக் கட்சி நீக்கியது.

இந்த நடவடிக்கையின் ஊடாக அவரை நகர சபை உறுப்புறுமையிலிருந்து நீக்குமாறு யாழ்ப்பாண மாவட்ட உதவித் தேர்தல்கள் ஆணையாளருக்கும் தமிழ் அரசுக் கட்சி சார்பில் கடிதம் அனுப்பிவைக்கப்பட்டது.

இந்த நிலையில் கட்சியின் தலைமை எடுத்துள்ள தீர்மானத்துக்கு ஆட்சேபனை தெரிவித்து கந்தசாமி சதீஸ் சார்பில் சட்டத்தரணி விஸ்வலிங்கம் மணிவண்ணனால், யாழ்ப்பாணம் மாவட்ட நீதிமன்றில் நீதிப் பேராணை மனுத் தாக்கல் செய்யப்பட்டது.

மனுவின் பிரதிவாதிகளாக தமிழ் அரசுக் கட்சியின் தலைவர் மாவை சேனாதிராசா, செயலாளர் கி.துரைராசசிங்கம் மற்றும் பொருளாளர் பொ.கனகசபாபதி ஆகியோர் குறிப்பிடப்பட்டுள்ளனர்.

அந்த மனு இன்று யாழ்ப்பாணம் மாவட்ட நீதிமன்றால் ஏற்றுக்கொள்ளப்பட்டது. பிரதிவாதிகளுக்கு அறிவித்தல் அனுப்ப மாவட்ட நீதிபதி வி.இராமகமலன் கட்டளை வழங்கினார்.

மனுதாரரின் இடைக்கால நிவாரணமான, தமிழ் அரசுக் கட்சியின் உறுப்புரிமையிலிருந்து நீக்கும் பிரதிவாதிகளின் அறிவித்தலுக்கு இடைக்காலத் தடை வழங்கவேண்டும் என்ற கோரிக்கையை ஏற்ற மாவட்ட நீதிமன்றம், வரும் 14 நாள்களுக்கு இடைக்காலத் தடை உத்தரவை வழங்கியது.

வழக்கு விசாரணை வரும் ஒக்டோபர் 2 ஆம் திகதிக்கு ஒத்திவைக்கப்பட்டது. அன்றைய தினம் பிரதிவாதிகள் மன்றில் முன்னிலையாகி தமது பதிலியை சமர்ப்பிக்க மன்று அழைப்புக் கட்டளை வழங்கியது.

இதேவேளை, தமிழ் அரசுக் கட்சியின் வலிகாமம் தெற்கு பிரதேச சபை உறுப்பினர் ஜி.பிரகாஷை, கட்சி உறுப்புரிமையிலிருந்து நீக்கும் தமிழ் அரசுக் கட்சியின் நடவடிக்கைக்கு வரும் 25 ஆம் திகதிவரை யாழ்ப்பாண மாவட்ட நீதிமன்றம் இடைக்காலத் தடை விதித்துள்ளது. 

அந்த மனுவையும் தமிழ் தேசிய மக்கள் முன்னணியின் தேசிய அமைப்பாளர் சட்டத்தரணி வி.மணிவண்ணனே முன்வைத்திருந்தார் என்பது குறிப்பிடத்தக்கது.

http://www.virakesari.lk/article/40651

தியாக தீபம் தீலிபனுக்கு இன்று நினைவேந்தல்!!

3 hours 1 minute ago
ஈழம் ஈந்த ஈகம் திலீபன்!! தான் நேசித்த மக்­க­ளுக்­காக, தான் நேசித்த மண்­ணுக்­காக ஒரு­வன் எத்­த­கைய உயர்ந்த உன்­ன­த­மான தியா­கத்­தைச் செய்ய முடி­யுமோ அந்த அற்­பு­த­மான அர்ப்­ப­ணிப்­பைத் திலீ­பன் செய்­தி­ருக்­கி­றார். தியாகி லெப்­டி­னன் கேணல் திலீ­பன் தமி­ழீழ விடு­த­லைப் புலி­க­ளின் ஒரு முக்­கிய உறுப்­பி­ன­ராக இருந்­த­வர்.இந்தியப் படை­க­ளுக்­கெ­தி­ராக நீரா­கா­ரம் கூட அருந்­தாது பன்­னி­ரண்டு நாள்­கள் உண்ணா நோன்­பி­ருந்து வீரச்­சா­வ­டைந்­த­வர். 1987 ஆம் ஆண்டு செப்­ரெம்­பர் மாதம் 15ஆம் திகதி இந்­திய அமை­திப் படை­யி­ன­ரி­டம் ஐந்து அம்­சக் கோரிக்­கையை முன்­வைத்து உண்­ணா­வி­ர­தத்தை ஆரம்­பித்­தார். 1987ஆம் ஆண்டு செப்­ரெம்­பர் மாதம் 26ஆம் திகதி சனிக்­கி­ழமை காலை 10.48 மணிக்கு லெப்­டி­னன் கேண­லாக, விடுதலைப் புலிகளின் யாழ்.மாவட்ட அர­சி­யல் துறைப் பொறுப்­பா­ள­ராக, உரிமை விழிப்­பின் சாக­ர­மாகத் திலீ­பன் தியாகச் சாவு எய்­தி­னார். ஐந்து அம்­சக் கோரிக்கை •மீளக்­கு­டி­ய­மர்­தல் என்ற பெய­ரில் வடக்­கி­லும் கிழக்­கி­லும் புதி­தாகத் திட்­ட­மி­டும் குடி­யேற்­றங்­க­ளைத் தடுத்து நிறுத்­த­ வேண்­டும். •சிறைக் கூடங்­க­ளி­லும், இரா­ணுவ –பொலிஸ் தடுப்பு முகாம்­க­ளி­லும் தடுத்­து­வைக்­கப்­பட்­டுள்ள தமிழ் அர­சி­யல் கைதி­கள் யாவ­ரும் விடு­தலை செய்­யப்­ப­ட­வேண்­டும். •அவ­ச­ர­கா­லச் சட்­டம் முழு­மை­யாக நீக்­கப்­ப­ட­வேண்­டும். •ஊர்­கா­வல் படை­யி­ன­ருக்கு வழங்­கப்­பட்ட ஆயு­தங்­கள் முற்­றா­கக் களை­யப்­ப­ட­வேண்­டும்.•தமி­ழர் பிர­தே­சங்­க­ளில் புதி­தாகப் பொலிஸ் நிலை­யங்­க­ளைத் திறப்­ப­தற்கு மேற்­கொள்­ளப்­ப­டும் நட­வ­டிக்­கை­கள் முற்­றாக நிறுத்­தப்­ப­ட­வேண்­டும். போராட்­டத்­தின் குறி­யீடு தீலீ­ப­னின் தியாக வர­லாறு, தமிழ் மக்­க­ளின் விடு­த­லைப் போராட்­டத்­தின் ஒரு குறி­யீ­டாக விளங்­கு­வ­தோடு, தமி­ழீ­ழத் தேசி­யத் தலை­வ­ரின் இயல்­புக்­கும் ஒரு குறி­யீ­டா­க­த் திகழ்­கி­றது. தமி­ழீழ விடு­த­லைப் போராட்­டம் மிகப் பெரிய எழுச்சி கொண்­ட­தும், வளர்ச்சி கண்­ட­தும் தேசி­யத் தலை­வர் பிர­பா­க­ர னின் வழி­ந­டத்­த­லின் வழி­யே­தான்.இங்கே தமி­ழீ­ழத் தேசி­யத் தலை­வ­ருக்கு இருக்­கின்ற இயல்பு என்­ன­வென்­றால் அடக்­கு­மு­றை­க­ள் எவ்­வ­ள­வு­தான் பெரி­யவையாக இருந்­தா­லும் விட்­டுக் கொடுப்­ப­தில்லை. எவ்­வ­ள­வு­தான் பெரிய இழப்­புக்­க­ளைச் சந்­தித்­தா­லும், தன்­னு­டைய உயிரே போனா­லும் அடக்­கு­மு­றை­க­ளுக்கு அடி­ப­ணி­வ­தில்லை என்­பது தேசி­யத் தலை­வ­ரின் அடிப்­படை இயல்­பா­கக் காணப்­பட்­டது. இந்த இயல்­புத் தன்­மை­தான் தமி­ழீ­ழத் தேசி­யத் தலை­வ­ரை­யும் சாகும்­வரை உணவு ஒறுப்­புப் போராட்­டத்தை மேற்­கொள்ள முன்­னர் தூண்­டி­யது. 1986 ஆம் ஆண்டு நவம்­பர் மாதம் இந்­தி­யா­வில் தமிழ்­நாட்­டி­லி­ருந்த தலை­வர் பிர­பா­க­ர­னின் தொலைத் தொடர்­புச் சாத­னங்­கள் முத­லா­ன­வற்றை இந்­திய அரசு பறி­மு­தல் செய்­தது. இந்த அடக்­கு­ மு­றைக்கு எதி­ரா­கத் தலை­வர் கடும் சினம் கொண்­டார். இந்­தி­யா­வில் இருக்­கக்­கூ­டிய ஒரு போராட்ட வடி­வ­மாகச் சாகும் வரை­யி­லான உணவு ஒறுப்­புப் போராட்­டத்தைத் தேசி­யத் தலை­வர் பிர­பா­க­ரன் உடனே ஆரம்­பித்­தார். இந்­தச் சாகும் வரை­யி­லான உணவு ஒறுப்பு ஒரு போராட்ட வடி­வ­மா­கத் தமி­ழீழ விடு­த­லைப் போராட்ட வர­லாற்­றில் எமது தேசி­யத் தலை­வ­ரால்­தான் முதன்­மு­த­லில் செய்­யப்­பட்­டது. தேசி­யத் தலை­வர் முன்னெடுத்த தண்­ணீர்­கூட அருந்­தாத சாகும் வரை­யி­லான உணவு ஒறுப்­புப் போராட்­டமானது எந்­த­வி­த­மான முன்­ன­றி­வித்­த­லும் இன்றி அவரால் உட­னேயே ஆரம்­பிக்கப்பட்டது. இந்­தப் போராட்­டத்தை ஒரு­நாள் கழித்து, பின்­னர் ஆரம்­பிக்­கும்­படி இயக்­கப் போரா­ளி­க­ளும், பிர­மு­கர்­க­ளும் கேட்­டுக்­கொண்­ட­னர். ‘அந்த ஒரு­நாள் அவ­கா­சத்­தில் தமி­ழக அர­சுக்­கும், தமி­ழக அர­சி­யல்­வா­தி­க­ளுக்­கும், வெகு­சன ஊட­கங்­க­ளுக்­கும், தமி­ழக மக்­க­ளுக்­கும் உங்­க­ளது சாகும் வரை­யி­லான உண்ணா நோன்பை அறி­வித்து விட­லாம். அதன் பின்­னர் நீங்­கள் உங்­க­ளு­டைய உண்ணா நோன்பை ஆரம்­பிக்­க­லாமே” என்று கூறி­னர்.ஆனா­லும் அவர் மறுத்­து­விட்­டார். கற்­பி­தம் ‘‘இல்லை, நீங்­கள் சொல்­வது ஓர் அர­சி­யல் நாட­கம்..! எனக்கு அது தேவை­யில்லை. நான் இந்த நிமி­டம், இந்த விநா­டி­யி­லி ­ருந்து ஒரு சொட்­டுத் தண்­ணீர் கூட அருந்­தா­மல் சாகும் வரை­யி­லான என்­னு­டைய உண்­ணா­வி­ர­தத்தை ஆரம்­பித்­து­விட்­டேன். இந்­திய அரசு என்னிடமிருந்து பறித்­தெ­டுத்த தொலைத்­தொ­டர்­புச் சாத­னங்­கள் முத­லா­ன­வற்றை திருப்­பித் தரும் வரைக்­கும் ஏன்,என்­னு­டைய உயிர் போகும் வரைக்­கும் எனது போராட்­டம் தொடர்ந்து நடை­பெ­றும்” என்று கூறி­னார். இந்­தப் போராட்­டத்­தின் சக்­தியை உணர்ந்த இந்­திய அரசு 48 மணித்­தி­யா­லங்­க­ளுக்­குள் அடி பணிந்­தது. தான் பறித்­தெ­டுத்த தொலைத் தொடர்­புச் சாத­னங்­கள் முத­லா­ன­வற்­றைத் தலை­வர் தங்­கி­யி­ருந்த வீட்­டி­லேயே கொண்டு வந்து கொடுத்­தது. தலை­வர் தன்­னு­டைய உண்ணா நோன்பை முடித்­தார். தன்­னு­டைய உயிரே போனா­லும் அடக்­கு­மு­றைக்­குப் பணி­வ­தில்லை என்­கின்ற தேசி­யத் தலை­வ­ரின் இயல்­பின் வெளிப்­பா­டு­தான் திலீ­ப­னி­ட­மும் உள்ளூரப் படிந்­தி­ருந்­தது. தேசி­யத் தலை­வர் முன்­னின்று வழி­காட்­டிய பாதை­யில் திலீ­பன் பின் தொடர்ந்து போரா­டி­னான். திலீ­ப­னின் இந்த உண்ணா நோன்­புப் போராட்­டம் தமி­ழீ­ழத் தேசி­யத் தலை­வ­ரின் இயல்­பை­யும் சுட்டி நிற்­கின்­றது. தாகத்­தின் தியா­கம் இந்த இலட்­சிய உறு­தி­தான், தியாகி திலீ­ப­னி­ட­மும் படி­மம் கொண்­டி­ருந்­தது. தனது தலை­வன் முன்­னோ­டி­யாக நின்று வழி­காட்­டிப் போரா­டி­யதை 1987 ஆம் ஆண்டு நடாத்­தி­னான். ‘ஒரு சொட்­டுத் தண்ணீர் அருந்­தா­மல் நான் எனது உண்ணா நோன்பை ஆரம்­பிக்­கப் போகின்­றேன்” என்று திலீ­பன் அறி­வித்­த­போது தலை­வர் பிர­பா­க­ரன் திலீ­ப­னி­டம் ஒரு வேண்­டு­கோளை முன்­வைத்­தார். ‘‘தண்­ணீ­ரை­யா­வது குடித்­துப் போராட்­டத்­தைத் தொட­ர­லாம்” என்று திலீ­ப­னைக் கேட்­டுக்­கொண்­டார். ஆனால் திலீ­பனோ தலை­வ­ரி­டமே பதில் கேள்வி ஒன்­றைக் கேட்­டார். ‘‘அண்ணா…! நீங்­கள் அப்­ப­டிச் செய்­ய­வில்­லையே..? நீங்­க­ளும் ஒரு சொட்­டுத் தண்­ணீர் கூட அருந்­தா­மல்­தானே சாகும்­வரை உணவு ஒறுப்பை மேற்­கொண்­டி­ருந்­தீர்­கள். என்னை மட்­டும் ஏன் தண்­ணீர் அருந்­தச் சொல்­கின்­றீர்­கள்…?” ஆம்,அத்­த­கை­ய­தொரு தலைமை..! இத்­த­கை­ய­தொரு தியாகி…! தாயக தேசம் கண்­டு­கொண்ட மகத்­து­வம்.உயர்ந்­த­வர்­க­ளி­டம் மட்­டுமே காணக்­கூ­டிய இலட்­சிய உறுதி அது. இவ்­வாறு தமி­ழீ­ழத் தேசி­யத் தலை­வ­ரின் இயல்பின் ஒரு குறி­ யீ­டா­கத்­தான் தியாகி திலீ­பன் விளங்­கி­னார். https://newuthayan.com/story/13/ஈழம்-ஈந்த-ஈகம்-திலீபன்.html

யாழில் மாபெரும் தமிழ் விழா வெகு விமர்சையாக ஆரம்பம்

3 hours 34 minutes ago
இலங்கையில் சர்வாதிகார ஆட்சி இல்லை. மக்கள் ஆட்சி என்று சொல்கிறார்கள். அப்படியாயின் அனைத்தும் வெளிச்சத்துக்கு வரவேண்டும் என எண்ணுவதில் தவறில்லையே தேசிகரே.!!

"இறுதிப் போரில் விடுதலைப் புலிகள் வீழ வேண்டும் என்று நினைத்தேன்" - தமிழ் இயக்குநர் ஜூட்

4 hours ago
ஒரே இரவில் புகழ் பணக்காரன் ஆகணும் செல்வாக்கு பெறனும் என்றால் புலியை எதிர்த்து நாலு கவிதை அல்லது கட்டுரை அல்லது படம் எடுத்தால் காணும் இந்திய சொறிலங்கா இரண்டும் சேர்ந்து கொஞ்ச நாளைக்கு பல்லக்கில் வைத்து ஆட்டும் என்பது வழமையே .

யாழில் மாபெரும் தமிழ் விழா வெகு விமர்சையாக ஆரம்பம்

4 hours 25 minutes ago
தமிழர் விழா நிகழ்வில் ஏன் முதல்வர் விக்கினேசுவரனைக் காணவில்லை...? அவர் ஒதுங்கினாரா…?? அல்லது ஒதுக்கப்பட்டாரா...??? அல்லது அவருக்கு எப்படி வேட்டி உடுக்கவேண்டும் என்பதில் பிரச்சனையா...? இடப்பக்கமா வலப்பக்கமா…?

"இறுதிப் போரில் விடுதலைப் புலிகள் வீழ வேண்டும் என்று நினைத்தேன்" - தமிழ் இயக்குநர் ஜூட்

4 hours 40 minutes ago
"இறுதிப் போரில் விடுதலைப் புலிகள் வீழ வேண்டும் என்று நினைத்தேன்" - தமிழ் இயக்குநர் ஜூட்
"நான் தமிழன்... விடுதலை புலிகள் வீழ வேண்டும் என்று நினைத்தேன்"படத்தின் காப்புரிமைROBERT NICKELSBERG

தான் ஒரு "தேச துரோகி" என்று ஒப்புக்கொள்கிறார் திரைப்பட இயக்குநர் ஜூட் ரத்னம். இவர் ஒரு தமிழர். எனினும் இலங்கைப் போரின் போது நடந்த பல அட்டூழியங்களுக்கு காரணம் விடுதலை புலிகள் அமைப்புதான் என்று குற்றஞ்சாட்டுகிறார் இவர். இப்படி நினைப்பதற்கு என்ன காரணம் என்பதை பிபிசி செய்தியாளர் நளினி சிவதசனிடம் விளக்குகிறார் ஜூட்.

எச்சரிக்கை: இந்த செய்தியில் வரும் விவரங்கள் சிலருக்கு வருத்தமளிக்கும் வகையில் இருக்கலாம்.

"இலங்கைப் போர் இறுதி கட்டத்தில் இருக்கும்போது, விடுதலை புலிகள் வீழ வேண்டும் என்று நினைத்தேன். என் மக்கள் கொலை செய்யப்பட்டாலும் பரவாயில்லை, புலிகளுக்கு ஒரு முடிவு வேண்டும் என்று தோன்றியது" என கூறுகிறார் ஜுட் ரத்னம்.

Demons in Paradise திரைப்படத்தின் இயக்குனர் ஜூட் ரத்னம்படத்தின் காப்புரிமைJUDE RATNAM Image captionDemons in Paradise திரைப்படத்தின் இயக்குனர் ஜூட் ரத்னம்

2009ஆம் ஆண்டு போர் முடிவுக்கு வந்தது. இலங்கை அரசாங்கம், விடுதலை புலிகளை தோற்கடித்தது. ஆனால், அதற்கு ஒரு பெரிய விலை கொடுக்கப்பட்டது. 40,000 மக்கள், முக்கியமாக தமிழர்கள் இந்தப் போரின் இறுதியில் உயிரிழந்ததாக ஐ.நா கணக்கிட்டது.

போர் முடிந்து பல ஆண்டுகளான நிலையில், இலங்கை திரைப்பட இயக்குநர்கள் இதனை மறு ஆய்வு செய்கின்றனர்.

ஒரு முக்கிய சித்தரிப்பு

நிர்மலன் நடராஜா மற்றும் ஞானதாஸ் காசிநாதர் உள்ளிட்ட சில தமிழ் இயக்குநர்கள், பொதுமக்களை குறிவைத்து பலரை கொன்று அநீதி இழைத்ததாக இலங்கை அரசாங்கத்தை நுட்பமாக விமர்சித்துள்ளனர்.

ஆனால், தனது 'Demons in Paradise' திரைப்படத்தில் தமிழ் திரைப்பட இயக்குநரான ஜூட் ரத்னம், விடுதலைப்புலிகளை பகிரங்கமாக விமர்சித்துள்ளார்.

'Demons in Paradise'படத்தின் காப்புரிமைGETTY IMAGES

"வேறு பல படங்கள் உள்ளன… தமிழர்களை பாதிக்கப்பட்டவர்களாக மட்டுமே அவை சித்தரிக்கின்றன. இதில் பல சிக்கல் இருக்கிறது."

தற்கொலைப்படை தாக்குதல், சிறுவர்களை ராணுவத்தில் பயன்படுத்துவது என விடுதலைப் புலிகள் பல கொடூரமான சம்பவங்களை நிகழ்த்தியுள்ளனர். ஆனால், இலங்கையின் உள்ளேயும் வெளியேவும் உள்ள தமிழர்கள், புலிகளை கதாநாயகர்களாக பார்க்கின்றனர்.

சிங்கள கும்பல் நடத்திய வன்முறையில் இருந்து புலிகள் தங்களை பாதுகாப்பார்கள் என பலரும் நினைத்தனர். இந்நிலையில் இலங்கை அரசாங்கம் தமிழுக்கு எதிராக சட்டங்களை இயற்றியதோடு, 1956ஆம் ஆண்டு இலங்கையின் அதிகாரபூர்வமான மொழி சிங்களம்தான் என்றும் அறிவித்தது.

ஆனால், இயக்குநர் ரத்னத்தின் கருத்துபடி, தமிழர்களை பாதுகாக்கிறேன் என்று தன் சொந்த மக்களுக்கே பல கொடுமைகளை புலிகள் செய்ததாக கூறுகிறார்.

தமிழர்களுக்கு எதிராக நடத்தப்பட்ட வன்முறைக்கு பதிலளிக்கும் வகையில் 1970ஆம் ஆண்டு தொடங்கப்பட்ட தமிழ் தேசிய குழுக்கள் பற்றிய பார்வையில் இவரின் திரைப்படம் இயக்கப்பட்டுள்ளது.

இக்குழுவினர் ஒருவருக்கொருவர் கொலை செய்து கொண்டனர். இறுதியில் விடுதலை புலிகள் வென்றனர். ஒரு சம்பவத்தில் தமிழ் ஈழ விடுதலை அமைப்பான டெலோ அமைப்பின் நூற்றுக்கணக்கான உறுப்பினர்களையும் அவர்கள் கொன்றதாக கூறப்படுகிறது.

மற்றொரு எதிர் தமிழ் அமைப்பில் சண்டையிட்ட உறவினரை பின் தொடர்கிறார் ரத்னம். அவர் விடுதலைப் புலிகளின் விமர்சகர்கள் சிலரை சந்திக்கிறார்.

ஒரு காட்சியில், விடுதலை புலிகள் செய்த கொடுமை என்று கூறி ஒரு நபர் விவரிக்கிறார்.

"என் தந்தை தூங்கிக் கொண்டிருக்கும் போது கட்டிலோடு தூக்கிச் சென்றனர். இரும்புப் பெட்டியால் அவரை கொடுமை செய்தனர். அவர் பின்னால் இரும்புப் பெட்டி வைத்து தேய்த்து, அவரது கண்ணை குண்டூசியால் குத்தினார்கள். இதனை பலருக்கும் அவர்கள் செய்தார்கள்."

பிரிந்த எதிர்வினை

2017ஆம் ஆண்டு கேன்ஸ் திரைப்பட விழாவில் Demons in Paradise படம் திரையிடப்பட்டதில் இருந்து பல விமர்சனங்களையும், பாராட்டுகளையும் பெற்று வருகிறது.

இலங்கையில் சிங்கள மொழி ஊடகங்கள் இத்திரைப்படத்தை புகழ்ந்துள்ளனர். டெய்லி மிரர் நாளிதழ் இப்படத்தை " இலங்கையிலேயே இலங்கை நபரால் எடுக்கப்பட்ட நேர்மையான, தைரியமான மற்றும் முக்கியமான ஒரு திரைப்படம்" என்று விவரித்திருந்தது.

கேன்ஸ் திரைப்பட விழாவில் Demons in Paradise படம் திரையிடப்பட்டதுபடத்தின் காப்புரிமைJUDE RATNAM Image captionகேன்ஸ் திரைப்பட விழாவில் திரையிடப்பட்ட Demons in Paradise படம்

பெரும்பாலான விடுதலை புலிகளின் தலைவர்கள் 2009ஆம் ஆண்டு கொல்லப்பட்டனர். அதனால் இத்திரைப்படத்திற்கான அவர்களது எதிர்வினை என்ன என்பது மக்களுக்கு தெரிய வாய்ப்பில்லை. ஆனால், பரந்துபட்ட தமிழ் சமூகத்துக்கு இது கோபத்தையே ஏற்படுத்தியுள்ளது.

நார்வே நாட்டை அடிப்படையாகக் கொண்டு தமிழ் அடையாளத்தில் நிபுணத்துவம் பெற்ற கல்வியாளரான அதிதன் ஜெயபாலன், தமிழ் புலிகள் செய்த குற்றங்களை மறுக்கவில்லை.

எனினும், இலங்கை போர் குறித்து பெரிதும் தெரியாத வெளிநாட்டு மக்களை இந்தப் படம் தவறாக வழிநடத்தும் என்று நினைப்பதாக கூறுகிறார்.

இலங்கை அரசாங்கம் செய்த குற்றங்களை பார்க்கும்போது விடுதலை புலிகள் செய்தது குறைவாகவே கருதப்படுகிறது என்று நம்புகிறார் ஜெயபாலன்.

இத்திரைப்படம் சரியான சூழுலை காண்பிக்கவில்லை என்றும் அவர் கூறுகிறார்.

புலம் பெயர்ந்த தமிழர்களுக்கு ஓர் எச்சரிக்கை

விடுதலை புலிகள் மீது வேண்டுமென்றே கவனம் வைத்து எடுக்கப்பட்ட திரைப்படம் இது என்கிறார் இயக்குநர் ரத்னம். வெளிநாடு வாழ் தமிழர்களையும், புலிகளை நல்லவர்கள் என்று கற்பனை செய்து கொண்டிருப்பவர்களையும் எச்சரிப்பதற்கே இந்தப்படம் எடுக்கப்பட்டது என்றும் அவர் கூறுகிறார்.

தமிழ்படத்தின் காப்புரிமைGETTY IMAGES

"நீங்கள் உங்கள் சொந்த நிலத்தை விட்டு சென்றிருந்தாலும் அதன் நினைவுகள் உங்களிடம்தான் இருக்கும்… ஆனால், உண்மை என்னவென்றால் உங்கள் ஊரில் நிறைய விஷயங்கள் மாறியிருக்கும். போரினால் பாதிக்கப்பட்டவர்கள் இப்படத்தை அதிகமாக வரவேற்கலாம்" என்று ஜூட் ரத்னம் தெரிவித்தார்.

ஆனால், இதனை மறுக்கிறார் இலங்கையை அடிப்படையாக கொண்ட மனித உரிமை ஆர்வலர் மதுரி தமிழ்மாறன். கொழும்புவில் Demons in Paradise படத்தை பார்த்த மதுரி, இப்படத்தை தமிழ் மக்கள் வசிக்கும் பகுதிகளில் இயக்குனர் ரத்னம் ஏன் திரையிடவில்லை என்று கேள்வி எழுப்புகிறார்.

"இப்படம் தமிழ் மக்களுக்கானது. ஆனால், தமிழ் மக்களுக்கு இது திரையிடப்படவில்லை" என்கிறார் அவர்.

காயங்களை குணமாகி வருகிறதா?

கடந்த தசாப்தத்தில் இலங்கையில் அமைதி திரும்பியது. ஆனால், இலங்கை இன்னும் இனவெறியால் பிரிக்கப்பட்டுள்ளது என்பதை இப்படத்திற்கு வரும் எதிர்வினைகளே உதாரணம்.

இத்திரைப்படத்திற்கு வந்த பின்விளைவுகள் எதிர்பார்த்ததுதான் என்று கூறும் ஜூட் ரத்னம், இலங்கையில் தமிழர்கள், சிங்களர்களுக்கு இடையே சமரசம் ஏற்பட தன் படம் உதவும் என்கிறார்.

"தமிழ் சமூகத்தின் மேல் உள்ள களங்கத்தை ஒப்புக்கொண்டால் மட்டுமே அதிலிருந்து விடுபட முடியும். அதனை மறுத்து, இதில் நாம் பாதிக்கப்பட்டவர்கள் என்று கூறிக் கொண்டே இருந்தால் எப்போதும் அதே இடத்தில்தான் இருப்போம்" என்கிறார் ஜூட்.

https://www.bbc.com/tamil/sri-lanka-45551365

வடமராட்சியில் பதற்றம் – மீனவர்கள்- பொலிஸார் இடையே முறுகல்!!

4 hours 44 minutes ago
தென்னிலங்கை மீனவர்களை விடுவிக்கும் முயற்சி தோல்வி – கொட்டகைகளை அமைத்து மீனவர்கள் போராட்டம் குளோபல் தமிழ்ச் செய்தியாளர் வடமராட்சி பருத்தித்துறை கடலில் அத்துமீறி சட்டவிரோத தொழிலில் ஈடுபட்ட எட்டு மீனவர்களையும் விடுவிப்பதற்கு கடற்தொழில் நீரியல் வளம் திணைக்களம் பணிப்பாளர் வர வேண்டும் உள்ளிட்ட ஐந்து கோரிக்கைகளை வடமராட்சி பருத்தித்துறை மீனவர்கள் முன்வைத்துள்ளனர். மீனவர்களை விடுவிக்குமாறு கோரி நடைபெற்ற பேச்சு வார்த்தைகளும் தோல்வியில் முடிவடைந்த நிலையில் தமது கோரிக்கைகள் நிறைவேற்றப்படும் வரை தொடர்ச்சியான போராட்டத்தையும் மீனவர்கள் ஆரம்பித்து உள்ளனர். வடமராட்சி கிழக்கில் அத்து மீறி சட்ட விரோதமாகத தொழிலில் ஈடுபட்டு வருகின்ற மீனவர்கள் நேற்றிரவு வடமராட்சி பருத்தித்துறை கடற்பரப்பிற்குள் நுழைந்த போது வடமராட்சி பருத்தித்துறை மற்றவர்களால் மடக்கி பிடிக்கப்பட்டு தடுத்து வைக்கப்பட்டிருக்குன்றனர். இதனால் அப்பகுதியில் பெரும் பதற்றமும் பரபரப்பும் ஏற்பட்டடிருந்த நிலையில் பருத்தித்துறை காவல்துறையினர் பிரதேச செய்லர் மாவட்ட கடற்தொழில் நீரையும் வளம் திணைக்களம் பணிப்பாளர் உள்ளிட்ட மீனவர்களுக்கும் இடையில் அவசர சந்திப்பொன்று நடைபெற்றது.. ஆனாலும் மீனவர்களை விடுவிக்கும் பேச்சு வார்த்தைகள் தோல்வியில் முடிவடைந்துள்ளமை குறிப்பிடத்தக்கது. அதாவது தொடர்ந்தும் தாம் பாதிக்கப்பட்டு வருவதற்கு தீர்வு கிடைக்க வேண்டுமென்றும் கடற்தொழில் பணிப்பாளர் நேரடியாக வருகை தர வேண்டுமென்றும் ஐந்து கோரிக்கைகளை மீனவர்கள் முன்வைத்துள்ளனர். ஆயினும் அந்தப் கோரிக்கைக்கு சாதகமான பதில் அல்லது முடிவு கிடைக்காத நிலையில் தடுத்து வைக்கப்பட்டுள்ள மீனவர்களை விடுவிக்க முடியாதென்றும் தமது கோரிக்கைகள் ஏற்றுக்கொள்ள கொள்ளப்பட்டு அதனை நிறைவேற்றும் வரையில் தாம் கடலுக்கு செல்லக் போவதில்லை எனத் தெரிவித்துள்ள மீனவர்கள் கொட்டகைகளை அமைத்து போராட்டத்தை ஆரம்பித்துள்ளது. http://globaltamilnews.net/2018/96129/

‘அக்கா ஒரு நிமிஷம், அந்த பெட்ரோல் விலை’ : தமிழிசையிடம் கேள்வி கேட்ட ஆட்டோ ஓட்டுநருக்கு தர்ம அடி?-

4 hours 46 minutes ago
`நல்லா இருக்கீங்களா அப்பா..!' - தாக்கப்பட்ட ஆட்டோ டிரைவரிடம் நலம் விசாரித்த தமிழிசை `சாமானியர்களுக்கு நல்லது செய்ய வேண்டும் என்பதற்காகத்தான் என்னைப் போன்றவர்கள் அரசியலில் இருக்கிறார்கள்’’ என பா.ஜ.க-வின் தமிழகத் தலைவர் தமிழிசை சௌந்தரராஜன் தெரிவித்துள்ளார். சைதாப்பேட்டையில் நேற்றுமுன்தினம் நடந்த விநாயகர் சதுர்த்தி நிகழ்ச்சியில் கலந்துகொண்ட பின் செய்தியாளர்களிடம் பேசிக்கொண்டிருந்தார் தமிழிசை. அப்போது தமிழிசை பின்னால் நின்றுகொண்டிருந்த ஆட்டோ டிரைவர் கதிர் என்பவர், `பெட்ரோல் விலை இப்படி உயர்ந்துகொண்டே போகிறதே!' என்று கேள்வி எழுப்பவே, ஆட்டோ டிரைவரின் கேள்வியைக் கேட்டும் கேட்காததுபோல தமிழிசை இருந்தார். ஆட்டோ டிரைவர் விடவில்லை. மீண்டும் அவர் கேள்வி எழுப்ப, தமிழிசையின் அருகில் இருந்த பா.ஜ.க தொண்டர்கள் வயதான அந்த ஆட்டோ டிரைவரை அப்புறப்படுத்தித் தாக்கினர். தமிழிசை இதைக் கண்டுகொள்ளாமல் வெளியேறினார். தாக்கப்பட்ட ஆட்டோ டிரைவரோ, `தினசரி வருமானத்தில் பெரும்பகுதி பெட்ரோலுக்கே செலவழிக்க வேண்டியதா இருக்கிறது. பெட்ரோல் விலை குறித்து கேட்டால் வயதானவன் என்றுகூட பார்க்காமல் அடிக்கிறார்கள்" எனப் புகார் கூறினார். இது சர்ச்சையாக மாறியது. பலரும் தமிழிசைக்கு எதிராகக் கண்டனங்கள் தெரிவித்தனர். இந்த நிலையில், தாக்கப்பட்டதாகக் கூறப்பட்ட ஆட்டோ டிரைவர் கதிரை தமிழிசை இன்று நேரில் சந்தித்தார். இதன்பின் செய்தியாளர்களை அவர் சந்தித்தார். அப்போது, ``ஆட்டோ டிரைவர் கதிரை பா.ஜ.க தொண்டர்கள் தாக்கியதாகத் தவறாக வதந்தி பரப்பப்பட்டுள்ளது. அவரை யாரும் தாக்கவில்லை. அப்புறப்படுத்தவே செய்தார்கள். தவறாக வதந்தி பரவியதைத் தொடர்ந்து ஆட்டோ டிரைவர் கதிரின் வீட்டுக்கு இன்றைக்கு நான் சென்றேன். நட்புறவு பாராட்டவே அவரது வீட்டுக்குச் சென்றேன். அவரிடம் சம்பவம் குறித்துப் பேசினேன். அதற்கு, `நீங்கள் பேசிக்கொண்டிருக்கும்போது உணர்ச்சிவசப்பட்டு பேசிவிட்டேன். அதுக்கு நீங்கள் சிரித்துக்கொண்டே பதிலளித்தீர்கள்' எனக் கதிர் தெரிவித்தார். கதிரின் குழந்தைகளிடம் நான் பேசிவிட்டுத்தான் வந்தேன். ஒருவரை அடிக்க வைத்துச் சிரிக்கும் அளவுக்கு நாங்கள் ஒன்றும் கொடுங்கோலாக அரசியலில் பணிபுரியவில்லை. கதிர் கேட்ட கேள்வியை நான் ஸ்போர்ட்டிவாகவே எடுத்துக்கொண்டேன். எதற்கெடுத்தாலும் சிலர், பா.ஜ.க-வையே குறை சொல்கிறார்கள். சாமானியர்களுக்கு எதிரான கட்சி பா.ஜ.க என்பதுபோல அவதூறு பரப்பப்படுகிறது. சாமானியர்களுக்கு நல்லது செய்ய வேண்டும் என்பதற்காகத்தான் என்னைப் போன்றவர்கள் அரசியலில் இருக்கிறார்கள்" எனக் கூறினார். முன்னதாக கதிர் வீட்டுக்குச் சென்ற வீடியோவை தனது ட்விட்டர் பக்கத்தில் வெளியிட்டுள்ளார் தமிழிசை. அதில், ``நல்லா இருக்கீங்களா அப்பா" என அந்த ஆட்டோ டிரைவர் கதிரிடம் நலம் விசாரிக்கிறார். தொடர்ந்து அவரது குடும்பத்தினருக்கு இனிப்புகளை வழங்கி கதிருடன் அவர் பேசுகிறார். https://www.vikatan.com/news/tamilnadu/137269-tamilisai-visits-the-auto-driver-kathirs-house.html

இளமை புதுமை பல்சுவை

4 hours 47 minutes ago
எது அறிவு... யார் அறிவாளி... அறிவாளிகளைத் தீர்மானிப்பது யார்?! - உலக அறிவாளர்கள் தினம் ``டேய் அங்க பாரு உன் சட்டை மேல பல்லி!" என்று பதறவிட்டு, ``ஏமாந்துட்டியா... ஏப்ரல் ஃபூல்! ஏப்ரல் ஃபூல்" என்று மற்றவர்களை ஏமாற்றி சந்தோஷப்படும் `முட்டாள்கள் தினம்' பற்றி தெரியாத ஆள்களே இருக்க முடியாது. ஆனால், தினம் தினம் ஏதோ ஒருவகையில் நம் அறிவை மேம்படுத்தியவர்களுக்கு நன்றி கூறும் ஒரு நாளான `அறிவாளர்கள் தினம்' பற்றி எத்தனை பேருக்குத் தெரியும் (எனக்கே நேற்று தான் தெரியும் ). இந்த தினத்தன்று வெளிநாடுகளில், ஒருவருக்கொருவர் புத்தகங்களைப் பகிர்ந்துகொள்வார்களாம். இதன் முக்கியமான நோக்கம், அனைவருக்கும் படிக்கும் பழக்கத்தை ஊக்கப்படுத்துவதுதான். ஒருவரை அறிவாளி/முட்டாள் எனத் தீர்மானிப்பது யார். `முட்டாள்' என்று ஒதுக்கிவைக்கப்பட்ட எத்தனையோ பேரை பிற்காலத்தில், `தலைசிறந்த அறிவாளி' எனத் தம்பட்டம் அடிக்கப்பட்டிருக்கிறார்கள். சாக்ரடீஸ் முதல் பாரதியார் வரை, அவர்களின் குடும்பத்தாரிடமிருந்தே `முட்டாள்' பட்டம் பெற்ற பலரை, இன்று வரை நாம் கொண்டாடிவருகிறோம். இந்நிலையை என்னவென்று சொல்வது. இங்கு யார் அறிவாளி... யார் முட்டாள்? ஏன், எதனால், எப்படி, போன்ற கேள்விகளில் பிறந்த எத்தனையோ பதில்களை நாம் தினமும் பயன்படுத்திக்கொண்டிருக்கிறோம். முதல்முதலில் நெருப்பைக் கண்டறிதலிருந்து, தனிநபருக்கு எவ்வளவு IQ (Intelligent Quotient) இருக்கிறது என்பதை யூகிக்கும் அளவுக்கு வளர்ந்திருக்கிறோம். இப்படி ஒவ்வொரு நாளும் மனிதன், அறிவை வளர்த்துகொண்டேதான் இருக்கிறான். அப்படி உலகில் கண்டுபிடிக்கப்பட்ட எத்தனையோ வியப்பூட்டும் அத்தியாவசிய பொருள்களால்தான் இன்று நாம் அதிநவீன வாழ்க்கையை வாழ்ந்துகொண்டிருக்கிறோம். 2000`s கிட்ஸ்களுக்கு பெரிய விஷயமாகத் தோன்றாத பொருள்களெல்லாம், 90`s கிட்ஸ்களுக்கு வரப்பிரசாதம். இப்படிதான் ஒவ்வொரு தலைமுறையினரிடமும் பல `வாவ்!' கதைகள் இருக்கும். `ஆஹா!' என்று பலமுறை நம்மை பிரமிக்கவைத்த பல தொழில்நுட்ப உபகரணங்களைக் கண்டுபிடித்த மறக்க முடியாத விஞ்ஞானிகளில், தாமஸ் ஆல்வா எடிசன், கிரஹாம்பெல், அலெக்ஸ்சாண்டர் ஃபிளெம்மிங், ரைட் பிரதர்ஸ், நியூட்டன், ஜேம்ஸ் வாட், ஐன்ஸ்டீன், சார்லஸ் பாபேஜ், கலிலியோ, ஸ்டீஃபன் ஹாக்கிங் போன்றோர் என்றைக்கும் ஸ்பெஷல் இடம்பிடித்தவர்கள். ``அப்படினா ஏதாச்சும் கண்டுபிடிச்சாதான் அறிவாளியா?" என்கிற உங்கள் மைண்ட் வாய்ஸ் கேட்கிறது. இவர்கள் நம் கண்ணுக்குத் தெரிந்த அறிவாளிகள். அவ்வளவுதான். தொழில்நுட்ப வளர்ச்சி ஒருபக்கம் இருந்தாலும், அதை அனைவரும் பயன்படுத்தும் முறையைச் சொல்லிக்கொடுக்கும் அடிப்படை கல்வி முதல் எது சரி, எது தவறு என்பதைப் பகுத்தறிந்து செயல்பட வேண்டும் என்று போதிக்கும் நம் பெற்றோர்கள் மற்றும் சமூகப் பகுத்தறிவாளர்கள் வரை அனைத்திலும் அனைவரிடமும் `அறிவு' சார்ந்த விஷயங்கள் உள்ளன. ஹிட்லர் முதல் பெரியார் வரை ஒவ்வொருவரின் எண்ணங்களும் கருத்துகளும் மாறுபடுமே தவிர, தனிப்பட்ட நபரின் அறிவாற்றலை அவ்வளவு எளிதில் எடை போட்டுவிட முடியாது. சிறு வயதிலிருந்து, `ஒழுங்கா படி. அப்போதான் அறிவு வளரும்' என்ற வாசகத்தை நாம் அனைவரும் கேட்டிருப்போம். நானும் ஒருகட்டம் வரை அப்படித்தான் நம்பிக்கொண்டிருந்தேன். ஆனால், அதையும் மீறி எத்தனையோ உண்மை விஷயங்கள் இருக்கின்றன என்பதை வெளியுலகை தனியாய் நின்று போராடும்போதுதான் தெரிந்தது. இதேபோல் எத்தனையோ பேர் வெறும் பாடப்புத்தகத்தில் இருக்கும் வரிகளை மட்டுமே உண்மை என நம்பி விவாதிக்கின்றனர். நடைமுறை வாழ்க்கையைச் சொல்லித்தரும் `மனிதர்களை'விட சிறந்த புத்தகம் எதுவுமில்லை. மனிதர்களைப் படிப்பதும் அவ்வளவு எளிதல்ல. படிக்கப் படிக்க சுவாரஸ்யம் குறையாத எதிர்பார்ப்பை அதிகரிக்கச் செய்யும் ஒரே அழகிய புத்தகம். எங்க தேடினாலும் உலக அறிவாளிகள் தினம்னு ஒன்னு இல்லைன்னு உங்களுக்கு ஏதாவது தோணுதா பாஸ். எனக்கு இந்தக் கட்டுரையை எழுத ஆரம்பிச்சதுல இருந்து தோணுது. ஒருவேளை புத்திசாலிகள் எல்லாம் சேர்ந்து ஒருத்தர முட்டாளாக்க முட்டாள்கள் தினம் உருவாக்குன மாதிரி, முட்டாள்கள் எல்லாம் சேர்ந்து , புத்திசாலிகளுக்கும் ஒரு நாள உருவாக்கித் தொலைவோம்னு, இப்படி பண்ணியிருப்பாங்களோ? . என்னவோ போங்க !!! இதைப் படிக்கும் ஒவ்வொரு சக புத்திசாலிக்கும் வாழ்த்துகள் ! https://www.vikatan.com

தியாக தீபம் தீலிபனுக்கு இன்று நினைவேந்தல்!!

4 hours 50 minutes ago
தியாகி திலீபனுக்கு -மட்டக்களப்பில் அஞ்சலி!! தியாகதீபம் திலீபனின் 31 ஆண்டு நினைவு நாளின் நான்காவது நாளில் இன்று மட்டக்களப்பில் அஞ்சலி நிகழ்வு நடத்தப்பட்டது. கிரான் பிரதேச செயலகத்திற்கு உட்பட்ட முருக்கன்தீவு கிராமத்தில் அஞ்சலி நிகழ்வு நடைபெற்றது. தமிழ்த்தேசிய மக்கள் முன்னணியின் ஏற்பாட்டில் நடைபெற்ற நிகழ்வில், முருக்கன்தீவு கிராமத்தின் மாவீரர் குடும்பத்தின் பெற்றோர்கள், பொதுமக்கள் எனப் பலரும் கலந்து கொண்டு அஞ்சலி செலுத்தினர். https://newuthayan.com/story/14/தியாகி-திலீபனுக்கு-மட்டக்களப்பில்-அஞ்சலி.html