விளையாட்டுத் திடல்

UEFA தொடரில் முதல் வெற்றியை சுவைத்த பார்சிலோனா, செல்சி, ரியல் மட்ரிட்

Thu, 14/09/2017 - 19:52
UEFA தொடரில் முதல் வெற்றியை சுவைத்த பார்சிலோனா, செல்சி, ரியல் மட்ரிட்
Untitled-collage-231-696x464.jpg Getty
TP-BB-Website-Banner-visit-the-hub-728.jpg

UEFA சம்பியன் கிண்ணத்திற்கான கால்பந்து சுற்றுப்போட்டியானது இவ்வாரம் 13ஆம் மற்றும் 14ஆம் திகதிகளில் ஆரம்பமாகியது. போட்டியின் ஆரம்பம் முதலே ஒவ்வொரு அணியும் தமக்கு கிடைக்கப்பெறும் வாய்ப்புக்களை சிறந்த முறையில் பயன்படுத்தி அதிக எண்ணிக்கையிலான கோல்களைப் பெறும் முயற்சியில் ஈடுபட்டதை காணக்கூடியதாக இருந்தது.   

ஜரோப்பாவின் சிறந்த கால்பந்து கழகங்களிற்கிடையிலான UEFA இன் சம்பியன் கிண்ணத்திற்கான கால்பந்து சுற்றுப்போட்டி இவ்வாரம் 13ஆம் திகதி ஆரம்பமாகியது. இப்பருவகாலத்திற்கான சம்பியன்ஸ் கிண்ண சுற்றுப் போட்டியில் 13ஆம் திகதி 8 போட்டிகளும், 14ஆம் திகதி 6 போட்டிகளுமாக மொத்தம் 14 போட்டிகள் நடைபெற்றன. இதில் முதல் நாளன்று நடைபெற்ற போட்டிகளில் மாத்திரம் மொத்தமாக 24 கோல்கள் பெறப்பட்டன.

13ஆம் திகதி நடைபெற்ற போட்டிகளில் செல்சி கால்பந்து கழகம், கிரபாக் கால்பந்து கழகத்துடன் (Qarabag FC) மோதிய போட்டியிலேயே அன்றைய தினத்திற்கான அதிக எண்ணிக்கையிலான கோல்கள் பெறப்பட்டன. இப்போட்டியிலே செல்சி கழகம் 6-0 என்ற கோல்கள் கணக்கில் அபார வெற்றியீட்டியது.

அன்றைய தினம் நடைபெற்ற போட்டியில் பார்வையாளர்கள் ஆவலுடன் எதிர்பார்த்திருந்த போட்டியாக, பார்சிலோனா கழகம் ஜுவன்டஸ் கழகத்துடன் மோதிய போட்டியை குறிப்பிடலாம். இப்போட்டியிலே பார்சிலோனா அணி 3-0 என்ற கோல்கள் கணக்கில் இலகுவான வெற்றியை பெற்றது. மேலும் லயனல் மெஸ்சி ஜுவன்டஸ் அணியின் கோல் காப்பாளர் பவுனிற்கு எதிராக தனது முதல் கோலை இப்போட்டியில் பெற்றார். போட்டியின் ஆரம்பம் முதலே பார்சிலோனா அணி ஜுவன்டஸ் அணிக்கு சவால் கொடுத்தது. அதன் விளைவாக போட்டியின் முதல் பாதியின் இறுதி தருணமான 45ஆவது நிமிடத்தில் மெஸ்சி  தனது அணிக்கான முதல் கோலை பெற்றுக் கொடுத்தார். அதனை தொடர்ந்து ஜுவன்டஸ் அணியின் பின்களத்திலிருந்த பலவீனத்தை பயன்படுத்தி அய்வன் ரெகடிச் (Ivan Rakitic) 56ஆவது நிமிடத்திலும் மீண்டும் மெஸ்சி 69ஆவது நிமிடத்திலும் கோல்களை பெற்றனர். ஜுவன்டஸ் அணியின் முன்கள வீரர்கள் இப்போட்டியில் சிறப்பாக விளையாடத் தவறியதால் அவ்வணி இப்போட்டியில் தோல்வியுற்றது.

பீ.எஸ்.ஜீ (PSG) கால்பந்து கழகம் மற்றும் செல்டிக் (Celtic) கால்பந்து கழகம் மோதிய போட்டியில் பீ.எஸ்.ஜீ அணி 5-0 என்ற கோல்கள் கணக்கில் வெற்றி பெற்றது. இப்போட்டியில் கெய்லன் எம்பாப்பே (Kylian Mbappe) பீ.எஸ்.ஜீ அணியுடனான தனது முதல் கோலை பெற்றார். மேலும் இப்போட்டியில் நெய்மர் மற்றும் கவானி (Cavani) ஆகியோரும் தமது அணி வெற்றிபெற வழிவகுத்தனர்.

அத்துடன் மென்சஸ்டர் யுனைடட் மற்றும் பாசல் (Basel) கழகங்கள் மோதிய போட்டியில் மென்சஸ்டர் யுனைடட் அணி 3-0 என்ற கோல் கணக்கில் வெற்றி பெற்றது. அதேவேளை அட்லடிகோ மட்றிட் மற்றும் ரோமா (Roma) கழகங்கள் மோதிய போட்டி வெற்றி தோல்வியின்றி முடிவுற்றது.

பலம் மிக்க ப்ரில்லியன்டை வீழ்த்தி கிண்ணத்தை வென்றது சனிமவுண்ட்

 

அத்துடன் லெவன்டோஸ்கீ (Lewandoski) தியாகோ(Thiago) மற்றும் கீமிச்(Kimmich) ஆகியோர் பெற்ற கோல்களின் மூலம் பயர்ண் மூனிச (Bayern Munich) அணி அன்டர்ல்சட் (Anderlecht) அணிக்கு எதிரான போட்டியில் 3-0 என்ற கோல்கள் வித்தியாசதததில் வெற்றி பெற்றது. அதேவேளை பென்பிசியா (Benficia) மற்றும் மொஸ்கோ (Moscow) அணிகள் மோதிய போட்டியில் மொஸ்கோ அணி 2-1 என்ற கோல்கள் கணக்கிலும், ஸ்போர்டிங் (Sporting) மற்றும் ஒலிம்பியாஸஸ் (Olympiacos) அணிகள் மோதிய போட்டியில் ஸ்போர்டிங் அணி 3-2 என்ற கோல்கள் கணக்கிலும் வெற்றி பெற்றன.

14ஆம் திகதி நடைபெற்ற ஆறு போட்டிகளில் டொட்டென்ஹம் (Tottenham) கால்பந்து கழகம் மற்றும் டோர்ட்மன்ட் (Dortmund) கால்பந்து கழகங்களுக்கிடையில் நடைபெற்ற போட்டியில் டொட்டென்ஹம் கழகம் எதிர்பாராத வகையில் வெற்றி பெற்றது. போட்டியின் இறுதிவரை ஆட்டத்தில் கூடுதலாக ஆதிக்கம் செலுத்திய டோர்ட்மன்ட் அணியால் டொட்டென்ஹம் கழகத்திற்கு எதிராக ஒரு கோல் மாத்திரமே பெறமுடிந்தது. அதேவேளை டோர்ட்மன்ட் கழகத்திற்கு இப்போட்டியில் தனது பந்துப் பரிமாற்றம் மூலம் டொட்டென்ஹம் கழகம் சவால் கொடுக்கத் தவறினாலும் அவ்வணிக்கு கிடைத்த வாய்ப்புக்களை சிறந்த முறையில் பயன்படுத்தி மூன்று கோல்களை பெற்றது. டொட்டென்ஹம் கழகத்திற்காக கேன் (Kane) இரண்டு கோல்களையும் ஹியுங் மின் சன் (Heung Min Son) ஒரு கோலையும் பெற்றார். அதேவேளை டோர்ட்மன்ட் கழகத்திற்காக அன்ட்ரே யார்மலேன்கோ (Andre Yarmolenko) ஒரு கோலைப் பெற்றுக் கொடுத்தார்.

மரீபோர் (Maribor) மற்றும் ஸ்பார்டக் மொஸ்க்வா (Spartak Moskva) அணிகள் மோதிய போட்டியானது 1-1 என்ற சமநிலையில் முடிவுற்றது. அத்துடன் றியல் மட்றிட் கால்பந்து கழகம் மற்றும் அபோயில் (Apoel) கால்பந்து கழகம் மோதிய போட்டியில் றியல் மட்றிட் கழகம் 3-0 என்ற கோல்கள் வித்தியாசத்தில் வெற்றி பெற்றது. றியல் மட்றிட் அணிக்காக ஸர்ஜீயோ ராமோஸ் (Sergio Ramos)  ஒரு கோலையும் கிறிஸ்டியானோ ரொனால்டோ இரண்டு கோல்களையும் பெற்றனர். மேலும் லிப்சிக் (Leipzig) கழகம் மற்றும் மோனோகோ (Monaco) கழகம் மோதிய போட்டியானது 1-1 கோல் அடிப்படையில் வெற்றி தோல்வியின்றி நிறைவு பெற்றது.

14ஆம் திகதி நடைபெற்ற விறுவிறுப்பான போட்டிகளில் ஒன்றாக லிவர்பூல் அணி மற்றும் செவில்லா அணி மோதிய போட்டியைக் குறிப்பிடலாம். போட்டியின் 5ஆவது நிமிடத்திலே லிவர்பூல் கழகத்தின் பின்கள வீரர்களினால் விடப்பட்ட தவறைப் பயன்படுத்தி செவில்லா அணியின் விஸ்ஸாம் பென் யெட்டர் (Wissam Ben Yedder) முதல் கோலை பெற்றார். அதனை தொடர்ந்து விரைவாக செயற்பட்ட லிவர்பூல் அணிக்கு ரொபேடோ பெர்மீனோ (Roberto Firmino) 21ஆவது நிமிடத்திலும் மொஹமட் ஸலாஹ் (Mohammed Salah) 37ஆவது நிமிடத்திலும் இரு கோல்களைப் பெற்று தமது அணியை முதல் பாதியில் முன்னிலைப்படுத்தினர்.

அத்துடன் போட்டியின் 42ஆவது நிமிடத்தில் லிவர்பூல் கழகத்திற்கு கிடைக்கப்பெற்ற பெனால்டி வாய்ப்பை பெற்ற பெர்மீனோ அதனை கோலை நோக்கி உதைந்த போது பந்து கோல் கம்பத்தில்பட்டு வெளியே சென்றது. அதனைத் தொடர்ந்து போட்டியின் இரண்டாம் பாதியிலே லிவர்பூல் அணிக்கு சிறந்த வாய்ப்புக்கள் கிட்டியபோதும் அதனை கோலாக்கும் முயற்சியில் தோல்வியடைந்தனர். எனினும் போட்டியின் 72ஆவது நிமிடத்தில் செவில்லா அணியின் ஜோகீன் கோரேயா (Joaquin Correa) தனக்கு கிடைத்த வாய்ப்யை சிறப்பாக பயன்படுத்தி கோலாக்கினார். இதன் மூலம் போட்டி 2-2 என்ற கோல்கள் அடிப்படையில் வெற்றி தோல்வியின்றி நிறைவுற்றது.

அன்றைய தினம் நடைபெற்ற மற்றுமொரு போட்டியான போர்டொ (Porto) அணி மற்றும் பெஸிக்டாஸ் (Besiktas) அணி மோதிய போட்டியில் பெஸிக்டாஸ் அணி 3-1 என்ற கோல்கள் வித்தியாசத்தில் வெற்றி பெற்றது. இவ்வாரத்திற்கான 13 மற்றும் 14ஆம் திகதில்ளில் நடைபெற்ற மேற்கூறப்பட்ட 14 போட்டிகளின் அடுத்தகட்டப் போட்டிகள் இம்மாதம் 27ஆம் மற்றும் 28ஆம் திகதிகளில் நடைபெறும்.

http://www.thepapare.com

Categories: merge-rss

"ஐ.பி.எல் ஃபைனலில் டிரெஸிங் ரூமில் பேசியது என்ன?" - கலகல ரோஹித் ஷர்மா

Thu, 14/09/2017 - 19:28
"ஐ.பி.எல் ஃபைனலில் டிரெஸிங் ரூமில் பேசியது என்ன?" - கலகல ரோஹித் ஷர்மா
 

‛புனே அணிக்கு எதிரான ஐ.பி.எல் இறுதிப்போட்டியில் குறைவான ஸ்கோரே எடுத்திருந்தாலும், பாசிட்டிவ் சிந்தனையும் ஸ்கோர் போர்டை பற்றிக் கவலைப்படாத மனநிலையுமே, மும்பை அணி சாம்பியன் பட்டம் வெல்லக் காரணம்’ என்றார் மும்பை இந்தியன்ஸ் கேப்டன் ரோஹித் ஷர்மா. 

ரோஹித்

சென்னையின் எக்ஸ்பிரஸ் அவென்யு ஷாப்பிங் மாலில் உள்ள அடிடாஸ் நிறுவனத்தின் 'ஹோம் கோர்ட்' (home court) திறப்பு விழாவில் இந்திய அணியின் துணைக் கேப்டன் ரோஹித் ஷர்மா பேசியது:

‛‛சென்னைக்கு வருவது என் வீட்டுக்கு வருவதைப் போன்றது. இங்கு வருவதை நான் மிகவும் விரும்புகிறேன்" என்று சென்னையில் விளையாடுவதைப் பற்றி நெகிழ்வாகப் பேசினார்.                                                    

ஆஸ்திரேலிய கேப்டன் ஸ்டீவ் ஸ்மித்தை வெளியேற்றுவதற்கு என்ன மாதிரியான திட்டங்களை ஓர் அணியாக மேற்கொண்டுள்ளீர்கள்?
இப்போதுதான் சென்னை வந்துள்ளேன். சென்னை நகரம் தரும் அனுபவங்களை உணர வேண்டும். இந்திய அணியிலேயே நான்தான் முதல் ஆளாக இங்கு வந்தூள்ளேன். இன்னும் திட்டங்கள் ஏதும் தீட்டப்படவில்லை. ஓரிரு நாட்களில் போட்டி பற்றி திட்டமிடுவோம். ஸ்மித் சிறந்த வீரர். அவரை விரைவில் அவுட்டாக்க முயற்சிப்போம்.

2013-ம் ஆண்டு ஆஸ்திரேலியாவுக்கு எதிராக மிகவும் சிறப்பாக விளையாடினீர்கள். அதையே இம்முறையும் தொடர்வீர்களா?
நிச்சயமாக. அதுபோன்று சிறப்பாக விளையாடவே விரும்புகிறேன். அந்தத் தொடருக்குப் பிறகு நிறைய மாற்றங்கள் ஏற்பட்டுள்ளது. அன்று விளையாடிய ஆஸி அணியிலிருந்து தற்போதைய அணி முற்றிலும் மாறுபட்டுள்ளது. அந்த அணியின் அணுகுமுறை மாறியுள்ளது. இந்திய அணியின் அணுகுமுறையிலும் மாற்றம் உள்ளது. ஒவ்வொரு புதிய தொடரிலும், வித்தியாசமான சூழல் இருக்கும். என்னைப் பொறுத்தவரை இத்தொடரை புதிதாகத் தொடங்கவே விரும்புகிறேன். கடந்த காலத்தைப் பற்றி யோசிப்பது பலன் தராது. இந்த அணுகுமுறை எனக்கு எப்பொழுதும் கைகொடுத்துள்ளது.

தொடர்ந்து கிரிக்கெட் போட்டிகளில் ஆடிக்கொண்டே இருக்கும் நிலையில், உங்கள் உடலை சீராக வைத்துக்கொள்ள என்ன செய்கிறீர்கள்?
தொடர்ச்சியாக விளையாடிக்கொண்டிருப்பது என்பது இப்போது தொடங்கியதல்ல. சில ஆண்டுகளாகவே தொடர்ச்சியான போட்டிகளில் விளையாடிப் பழகிவிட்டோம். உடல்நிலையை எப்படிக் காப்பது என்பதை நன்கு அறிந்துள்ளோம். பிசியோக்கள், டாக்டர்கள், டிரெய்னர்கள் எங்களுக்காகக் கடுமையாக உழைக்கிறார்கள். அதற்காகத்தான் தற்போது வீரர்களுக்கும் சுழற்சி முறையில் ஓய்வளிக்கப்பட்டு வருகிறது. எங்களால் 60-70 வயது வரை விளையாட முடியாது. அதனால் முடிந்த வரை சிறப்பாக விளையாட வேண்டும். அதற்கு ஃபிட்னெஸ் ரொம்ப முக்கியம். 

ரோஹித்

ஷிகர் தவான் முதல் 3 போட்டிகளில் ஆடமாட்டார் என்று சற்று முன்னர்  அறிவிக்கப்பட்டுள்ளதே?
 (பலமாக சிரித்துக்கொண்டே) அப்படியா?... எனக்கு அதைப் பற்றி எதுவும் தெரியாது. நான் கேப்டனோ, அணியின் மருத்துவரோ, பயிற்சியாளரோ கிடையாது. 

அஷ்வின் - ஜடேஜா கூட்டணியிலிருந்து, இப்போது அக்சர் படேல் போன்ற இளம் வீரர்களுடன் இந்திய சுழல் கூட்டணி களமிறங்கப் போகிறது. ஆஸ்திரேலிய அணிக்கு எதிராக இது எப்படியான மாற்றத்தை ஏற்படுத்தும்?
ஒவ்வொருவருடைய அணுகுமுறையும் வித்தியாசமானது. அக்சர் இன்னும் நிறைய கற்றுக்கொள்ளப்போகிறார். இதுவரை மிகவும் சிறப்பாகவே செயல்பட்டுள்ளார். சஹால் மற்றும் குல்தீப் நம்பிக்கையான இளம் வீரர்கள். 'ரிஸ்ட் ஸ்பின்னர்ஸ்' (wrist spinners) அணிக்கு எப்போதுமே உதவிகரமாக இருப்பார்கள். அவர்கள் நாளுக்கு நாள் வளர்ச்சி அடைந்துகொண்டே இருக்கிறார்கள்.

நீங்கள் மிகவும் நேசிக்கும் கிரிக்கெட் தவிர்த்து, ரிலாக்ஸ் ஆவதற்கு நீங்கள் விளையாடும் விளையாட்டு எது?
சிறுவயது முதல் கால்பந்து பார்ப்பேன். நிறைய போட்டிகளை நேரடியாக மைதானத்துக்கு சென்று ரசித்துள்ளேன். அவ்வப்போது நண்பர்களுடன் விளையாடுவேன். நண்பர்களுடன் வேடிக்கையாக பொழுதைக் கழிப்பது மிகவும் பிடிக்கும்.

பெர்சனலாக ஓய்வு வேண்டுமென்று எப்போதாவது நினைத்ததுண்டா?
நிச்சயமாக இல்லை. நான் இப்போதுதான் ஓய்விலிருந்து மீண்டு வந்துள்ளேன். என்னால் முடிந்தளவு நிறையப் போட்டிகளில் விளையாட வேண்டும். 

பத்திரிகையாளர்களின் கேள்விகளுக்கு ரோஹித் பதிலளித்துக்கொண்டிருக்கையில் ரசிகர் கூட்டத்திலிருந்த ஒரு சிறுவன் மைக்கை வாங்கி அவரிடம் ஒரு கேள்வி கேட்டான். சுமார் 12 வயது மதிக்கத்தக்க அச்சிறுவனின் கேள்வி ரோஹித் உட்பட அங்கு கூடியிருந்த அனைவரையும் ஆச்சரியப்படுத்தியது. அச்சிறுவனின் கேள்வி:-

ரோஹித்

ஐ.பி.எல் ஃபைனலில் மிகவும் குறைவான ஸ்கோர் தான் எடுத்தீர்கள். ஆனால் வெற்றி பெற்றீர்கள். இன்னிங்ஸ் இடைவெளியில் வீரர்கள் அறையில் என்ன பேசினீர்கள். அந்த அசாத்திய வெற்றியை சாத்தியமாக்கிய உரையாடல் என்ன?
மிகவும் அற்புதமான கேள்வி. முதலில் பேட் செய்யும்போது எந்த ஸ்கோருமே நல்ல ஸ்கோர் தான். இரண்டாவதாக பந்து வீசும்போது ஸ்கோர் போர்டை பார்க்காமலே இருக்க வேண்டும். நான் வீரர்களிடம் சொன்னது - ' இந்தத் தொடரின் மிகச்சிறந்த செயல்பாட்டை இப்போது நாம் கொடுக்க வேண்டும்' என்பதுதான். ஒரு கேப்டனாக, அணியின் வீரர்கள் அனைவரையும் நான் உற்சாகப்படுத்திக்கொண்டே இருப்பேன். குறைவான ஸ்கோர் தான். ஆனால் எங்களிடம் பூம்ரா, பாண்டியா சகோதரர்கள் போன்ற சிறந்த வீரர்கள் இருந்தனர். கடைசி வரை பாசிடிவாக இருந்தோம். வெற்றி வசமானது என்றார். 

 

ரியல் மாட்ரிட் அணியின் தீவிர ரசிகரான ரோஹித்துக்கு அவரது செல்லப்பெயர் (Hitman) பொறிக்கப்பட்ட ஒரு ரியல் மாட்ரிட் ஜெர்ஸி பரிசளிக்கப்பட்டது. அதன்பின்னர் அடிடாஸ் ஹோம் கோர்ட் ஷோரூமில் அமைக்கப்பட்டிருந்த மினி கால்பந்து கோர்டில் ரசிகர்களுடன் சிறிது நேரம் விளையாடிவிட்டு விடைபெற்றார் ரோஹித்.

http://www.vikatan.com/news/sports/102259-rohit-sharma-shares-about-ipl-final.html

Categories: merge-rss

பிரிமா கிண்ணத்திற்கான மோதலுக்கு வடக்கு, கிழக்கு அணிகளும் தயார்

Thu, 14/09/2017 - 18:33
பிரிமா கிண்ணத்திற்கான மோதலுக்கு வடக்கு, கிழக்கு அணிகளும் தயார்
Prima Champions Cup 2017
பிரிமா கிண்ணத்திற்கான மோதலுக்கு வடக்கு, கிழக்கு அணிகளும் தயார்
TP-BB-Website-Banner-visit-the-hub-728.jpg

பாடசாலை மட்ட கிரிக்கெட் வீரர்களின் திறமைகளை மேலும் வலுப்படுத்தும் நோக்கில் தேசிய மட்டத்திற்கு சிறந்த வீரர்களை உருவாக்கும் எண்ணக்கருவுக்கு அமைய இலங்கை கிரிக்கெட் நிறுவனத்தின் பூரண ஒத்துழைப்புடன் 11ஆவது தடவையாக நடைபெறவுள்ள 15 வயதிற்குட்பட்ட பிரிமா கிண்ண கிரிக்கெட் போட்டிகளின் மாகாண மட்டப் போட்டிகள் எதிர்வரும் 20ஆம் திகதி முதல் நாடளாவிய ரீதியில் ஆரம்பமாகவுள்ளன.  

 

இதன்படி, செப்டம்பர் முதலாம் திகதி முதல் நாடளாவிய ரீதியில் இருந்து சுமார் 600இற்கும் அதிகமான பாடசாலை வீரர்களின் பங்குபற்றலுடன் 39 மாவட்ட மட்ட அணிகளின் பங்குபற்றலுடன் ஆரம்பமாகிய இம்முறைப் போட்டித் தொடரின், மாவட்ட மட்டப் போட்டிகள் அனைத்தும் தற்போது நிறைவுக்கு வந்துள்ளன.  இந்நிலையில், அப்போட்டிகளில் திறமைகளை வெளிப்படுத்திய வீரர்களை உள்ளடக்கிய 12 அணிகள் மோதும் மாகாண மட்டப் போட்டிகள் அடுத்த வாரம் முதல் கொழும்பு உள்ளிட்ட நாட்டின் பல்வேறு பகுதிகளில் நடைபெறவுள்ளன.   

இதில் கடந்த முறையைப் போல வடக்கு, கிழக்கு மாகாணங்களைப் பிரிதிநிதித்துவப்படுத்தி அணிகள் களமிறங்கவுள்ளதுடன், வட மாகாணத்தைப் பிரதிநிதித்துவப்படுத்தி யாழ்ப்பாணம், மன்னார், வவுனியா, முல்லைத்தீவு, கிளிநொச்சி ஆகிய மாவட்டங்களிலிருந்து இம்முறை 5 அணிகள் களமிறங்கவுள்ளமை குறிப்பிடத்தக்கது.

இந்நிலையில், 2 பிரிவுகளாக நடைபெறவுள்ள மாகாண மட்டப் போட்டிகளின் இறுதிப் போட்டி எதிர்வரும் ஒக்டோபர் மாதம் 6ஆம் மற்றும் 7ஆம் திகதிகளில் கொழும்பு எஸ்.எஸ்.சி மைதானத்தில் நடைபெறவுள்ளது.

இலங்கை கிரிக்கெட்டுக்கு அண்மைக்காலமாக பல நட்சத்திர வீரர்களை பெற்றுக்கொடுத்த இத்தொடரின் மூலம் இலங்கை தேசிய அணிக்குள் இடம்பெற்று குசல் மெண்டிஸ், தனஞ்சய டி சில்வா, நிரோஷன் திக்வெல்ல, பினுர பெர்ணான்டோ ஆகிய வீரர்கள் தற்போது விளையாடி வருவதுடன், இலங்கை 19 வயதிற்குட்பட்ட தேசிய அணியில் சதீர சமரவிக்ரம, அனுக் பெர்ணாந்து மற்றும் பிரியமால் பெரேரா ஆகிய வீரர்களும் விளையாடியமை குறிப்பிடத்தக்கது.

இதுதொடர்பில் ஊடகங்களை தெளிவுபடுத்தும் விசேட செய்தியாளர் மாநாடு கொழும்பில் நடைபெற்றது. இதில் இலங்கை கிரிக்கெட் நிறுவனத்தின் உயர் அதிகாரிகள், பிரிமா நிறுவன அதிகாரிகள் மற்றும் பாடசாலை மாணவர்கள், பயிற்றுவிப்பாளர்கள் உள்ளிட்ட பலரும் கலந்துகொண்டனர்.

 

 

இப்போட்டித் தொடர் குறித்து இலங்கை கிரிக்கெட் நிறுவனத்தின் உப தலைவர் கே.மதிவாணன் கருத்து வெளியிடுகையில், ”இலங்கை கிரிக்கெட் எதிர்காலத்துக்கு சிறந்த வீரர்களை உருவாக்குவதே எமது நோக்கமாகும். இதன்படி இலங்கை கிரிக்கெட் நிறுவனத்தின் பங்களிப்புடன் 15 வயதிற்குட்பட்ட பாடசாலை வீரர்களுக்கான பிரிமா கிண்ண கிரிக்கெட் தொடர் ஒவ்வொரு வருடமும் நடைபெற்று வருகின்றன. கடந்த காலங்களில் இத்தொடர் மூலம் பல நட்சத்திர வீரர்களை அடையாளம் காணமுடிந்தது. எனவே கடந்த 10 வருடங்களாக பிரிமா நிறுவனம் இத்தொடரை சிறப்பாக நடத்த முன்வந்தமை தொடர்பில் முதலில் நன்றிகளைத் தெரிவித்துக் கொள்கிறேன்” எனத் தெரிவித்தார்.

இதேவளை, இப்போட்டித் தொடரில் பங்குபற்றவுள்ள வட மாகாண அணியின் உப தலைவரும், யாழ். புனித பத்திரிசியார் கல்லூரி மாணவனுமான டெனிசியஸ் இப்போட்டித் தொடர் குறித்து ThePapare.com இணையத்தளத்துக்கு கருத்து வெளியிடுகையில், ”நான் சிறு வயது முதல் கிரிக்கெட் விளையாடி வருகின்றேன். பாடசாலை மட்ட கிரிக்கெட் போட்டிகளில் திறமைகளை வெளிப்படுத்திய காரணத்தால் தற்போது 15 வயதிற்குட்பட்ட பிரிமா கிண்ணத் தொடரில் வட மாகாண அணியில் இடம்பெற்றுள்ளேன்.எனவே அடுத்த வாரம் முதல் நடைபெறவுள்ள மாகாண மட்டப் போட்டிகளில் சிறப்பாக விளையாடி எதிர்காலத்தில் தேசிய அணியில் இடம்பெறுவதே எனது எதிர்பார்ப்பாகும்” என தெரிவித்தார்.

 

http://www.thepapare.com

Categories: merge-rss

பாடசாலை கிரிக்கெட் வியூகத்தில் மஹேல, சிதத் வெத்தமுனி, திலின கன்தம்பி

Thu, 14/09/2017 - 18:31
பாடசாலை கிரிக்கெட் வியூகத்தில் மஹேல, சிதத் வெத்தமுனி, திலின கன்தம்பி
Mahela Jayawardene
TP-BB-Website-Banner-visit-the-hub-728.jpg

இலங்கை கிரிக்கெட் அணி அண்மைக் காலமாக சந்தித்து வருகின்ற தொடர் தோல்விகளுக்கு பாடசாலை மட்ட கிரிக்கெட்டில் காணப்படுகின்ற குறைபாடுகளே காரணம் என முன்னாள் வீரர்கள் பலர் கருத்துக்களை வெளியிட்டு வருகின்றனர்.

அதிலும் குறிப்பாக, இலங்கை அணி அண்மைக்காலமாக சந்தித்து வருகின்ற தோல்விகளுக்கு பாடசாலை கிரிக்கெட்டும் பொறுப்புக்கூற வேண்டும் எனவும், பாடசாலை மட்டத்தில் விளையாடுகின்ற வீரர்கள் பொருத்தமான முறையில் திறமைகளை அடிப்படையாகக் கொண்டு அடையாளம் காணப்படாமை போன்ற காரணிகள் கிரிக்கெட் விளையாட்டு இவ்வாறு பின்னடைவை சந்திக்க காரணியாக இருப்பதாகவும் தெரிவிக்கப்பட்டு வந்தன.

இந்நிலையில், இலங்கை கிரிக்கெட்டை அபிவிருத்தி செய்யும் நோக்கிலும், பின்டைவை எதிர்நோக்கியுள்ள பாடசாலை கிரிக்கெட்டை முன்னேற்றுவதற்காகவும் கல்வி அமைச்சர் அகில விராஜ் காரியவசமின் ஆலோசனைக்கமைய முன்னாள் கிரிக்கெட் வீரர்கள் மற்றும் பயிற்சியாளர்களைக் கொண்ட விசேட குழுவொன்று கடந்த சில தினங்களுக்கு முன் நியமிக்கப்பட்டது. 

 

இதனையடுத்து பாடசாலை கிரிக்கெட் சங்கம் மற்றும் கல்வி அமைச்சரினால் நியமிக்கப்பட்ட குழுவினருடனான விசேட சந்திப்பு நேற்று கல்வி அமைச்சரின் தலைமையில் கொழும்பில் இடம்பெற்றது. இதன்போது இலங்கை கிரிக்கெட் அணியின் முன்னாள் வீரர்களான சிதத் வெத்தமுனி, மஹேல ஜயவர்தன, திலின கண்டம்பி உள்ளிட்ட பலர் கலந்துகொண்டனர்.

பின்னடைவைச் சந்தித்துள்ள இலங்கை கிரிக்கெட்டை முன்னேற்றமடையச் செய்யும் நோக்கில், எந்தவொரு நபருக்கும் பக்கச்சார்பின்றி பாடசாலை மட்டத்தில் மேற்கொள்ள வேண்டிய அனைத்து தீர்மானங்களையும் மேற்கொள்வதற்கு நடவடிக்கை எடுக்கப்படும் என கல்வி அமைச்சர் இதன்போது தெரிவித்தார். அத்துடன் பாடசாலை கிரிக்கெட்டின் முன்னேற்றத்துக்காகவும் இதன்போது பல்வேறு யோசனைகளும் முன்வைக்கப்பட்டன.  

அவற்றில்,

  1. தேசிய அணிக்கு 19 வயதிற்குட்பட்ட வீரர்களை தெரிவு செய்கின்ற குழுவில் பாடசாலை கிரிக்கெட் சங்க உறுப்பினர்கள் கலந்துகொள்வதற்கு முன் அந்த வாய்ப்பை மீண்டும் தெரிவுக்குழுவுக்கு வழங்குதல்.
  1. நாட்டிலுள்ள அனைத்து மாகாணங்களுக்கும் சகல வசதிகளையும் கொண்ட உயர் தொழில்நுட்பத்தைக் கொண்ட விளையாட்டு பயிற்சிக் கூடமொன்றை நிர்மானிக்க நடவடிக்கை எடுக்கப்படும்.
  2. கிரிக்கெட் குழாமில் இணைத்துகொள்ளப்படுகின்ற ஒவ்வொரு வீரருக்கும் மாதாந்தம் தலா 2,500 ரூபா ஊக்குவிப்பு பணத்தை வழங்கல்.
  3. முதல்தர கிரிக்கெட் பயிற்சியாளர்களின் தகுதி மற்றும் தரத்தை உயர்த்துவதற்குத் தேவையான நடவடிக்கைகளை மேற்கொள்ளல்.
  4. பாடசாலை பயிற்சியாளர்கள் மற்றும் விளையாட்டு ஆசிரியர்கள், மாணவர்களின் நன்னடத்தை தொடர்பில் விசேட கவனம் செலுத்துவதற்குத் தேவையான உரிய நடவடிக்கைகளை மேற்கொள்ளல்.
  5. வீரர்களின் போசாக்கு மட்டம் மற்றும் உடற்தகுதியினை பேணுவதற்கு விசேட கவனம் செலுத்தல்.
  6. பாடசாலை மாணவர்களின் நன்னடத்தை தொடர்பில் ஒழுக்கக் கோவையொன்றை நடைமுறைப்படுத்தவும், தற்போதுள்ள தண்டனைகளை மேலும் வலுப்படுத்தவும் நடவடிக்கை எடுத்தல்.

8.பெற்றோர்கள் மற்றும் பழைய மாணவர்களின் தலையீடுகளை குறைப்பதற்கு நடவடிக்கை எடுத்தல்.

 

  1. 13 வயதிற்குட்பட்ட மாணவர்களுக்காக நடாத்தப்படுகின்ற கிரிக்கெட் போட்டிகளைக் குறைத்து வீரர்களிடையே அனுபவத்தைப் பெற்றுக்கொடுக்க நடவடிக்கை  எடுத்தல்.
  2. பாடசாலை கிரிக்கெட்டுக்காக புதிய யாப்பொன்றை அறிமுகப்படுத்தி புதிய சட்டங்களை விரைவில் நடைமுறைப்படுத்தல்.

11.பாடசாலை வீரர்களுக்காக தெரிவு செய்யப்பட்ட கிரிக்கெட் போட்டிகளை மாத்திரம் நடத்துவதற்கு அனுமதி வழங்கல்.  

  1. பயிற்சியாளர்களை தெரிவு செய்வதில் புதிய நடைமுறைகளை கொண்டுவருதல்.
  2. நாட்டிலுள்ள சகல வசதிகளையும் கொண்ட கிரிக்கெட் மைதானங்களில் மாணவர்களுக்கு பயிற்சிகளைப் பெற்றுவதற்கான வாய்ப்பினை இலவசமாகப் பெற்றுக்கொடுத்தல்.
  3. பாடசாலை கிரிக்கெட் வீரர்கள் பயன்படுத்துகின்ற விலை உயர்ந்த விளையாட்டு உபகரணங்களுக்கு வரிச்சலுகைளைப் பெற்றுக்கொடுத்தல்.
  4. கிரிக்கெட் விளையாடாமல் உள்ள பகுதிகளைச் சேர்ந்த மாணவர்களை உள்ளடக்கிய ஒன்றிணைந்த அணிகளை ஒவ்வொரு கல்வி வலயங்களிலும் உருவாக்க நடவடிக்கை எடுத்தல் உள்ளிட்ட பல்வேறு விடயங்கள் தொடர்பில் இதன்போது கலந்துரையாட்டப்பட்டடன.

இதன்படி, இலங்கை கிரிக்கெட் அணிக்குத் தேவையான திறமையான வீரர்களை பாடசாலை மட்டத்திலிருந்து உருவாக்கும் நோக்கில் குறித்த வேலைத்திட்டத்தை விரைவில் நடைமுறைப்படுத்தவும் இதன்மூலம் எதிர்பார்க்கப்பட்டுள்ளது.

அதன்படி முன்னாள் வீரர்களின் முன்மொழிவுகள் மற்றும் கருத்துக்களை உள்ளடக்கிய அறிக்கையொன்றைப் பெற்றுக்கொள்ள விசேட ஆலோசனைக் குழுவொன்று இதன்போது கல்வி அமைச்சினால் நியமிக்கப்பட்டது. இக்குழுவில் சிதத் வெத்தமுனி, ரொஜர் விஜேசூரிய, மஹேல ஜயவர்தன, ஜயந்த செனவிரத்ன, கால்டன் பேர்னார்ட் உள்ளிட்ட முன்னாள் வீரர்களுடன், பாடசாலை கிரிக்கெட் சங்க உறுப்பினர்களும் இடம்பெற்றுள்ளனர்.

 

எனவே, எதிர்வரும் காலங்களில் இவ்விசேட குழுவினால் முன்வைக்கப்படவுள்ள திட்ட வரைபுகளை செயல்பாட்டுக்கு கொண்டு வந்து பாடசாலை மட்ட கிரிக்கெட்டை முன்னேற்றுவதற்கு நடவடிக்கை எடுக்கப்படவுள்ளதாக கல்வி அமைச்சர் உறுதியளித்தார்.

இந்நிலையில் குறித்த கலந்துரையாடலில் பிறகு மஹேல ஜயவர்தன ஊடகங்களுக்குக் கருத்து வெளியிடுகையில், ”நாட்டிலுள்ள அனைத்துப் பாடசாலைகளுக்கும் சகல வசதிகளையும் பெற்றுக்கொடுத்து தேசிய மட்டத்தில் சிறந்த வீர்ரகளை உருவாக்குவதே எமது நோக்கமாகும். கிரிக்கெட் எதிர்காலத்திற்கு பாடசாலை கிரிக்கெட் தான் சிறந்த இடமாகும். அங்குதான் அத்திவாரத்தைப் போட வேண்டும். அந்த வேலைத்திட்டத்தை மேலும் உறுதிப்படுத்துவதற்கு கல்வி அமைச்சு முன்னெடுக்கவுள்ள செயற்றிட்டங்களுக்கு நிச்சயம் ஒத்துழைப்பு வழங்குவோம்” என்றார்.

இதேவேளை, இலங்கை அணியின் மற்றுமொரு முன்னாள் வீரரான சிதத் வெத்தமுனி கருத்து வெளியிடுகையில், ”தற்போது பாடசாலை கிரிக்கெட்தான் முக்கியம். எனவே அதை முன்னேற்றப் பாதையில் கொண்டு சொல்வதுதான் காலத்தின் தேவையாகும். அங்குதான் சிறந்த கிரிக்கெட் வீரர்களை உருவாக்க முடியும்” என்றார்.

http://www.thepapare.com

Categories: merge-rss

கோலியைச் சீண்டிய ஆஸ்திரேலிய பத்திரிகையாளர்... பதிலடிகொடுத்த இந்தியா, பாகிஸ்தான் ரசிகர்கள்!

Thu, 14/09/2017 - 05:50
கோலியைச் சீண்டிய ஆஸ்திரேலிய பத்திரிகையாளர்... பதிலடிகொடுத்த இந்தியா, பாகிஸ்தான் ரசிகர்கள்!
 
 

பாகிஸ்தானில், நீண்ட இடைவெளிக்குப் பிறகு ஐ.சி.சி அனுமதியுடன் சர்வதேசப் போட்டிகள் நடைபெறுகின்றன. இந்நிலையில், இந்திய அணியின் கேப்டன் கோலியை, ஆஸ்திரேலிய பத்திரிகையாளர் ஒருவர் துப்புரவுப் பணியாளர் எனச் சீண்ட, அதற்கு இந்தியா, பாகிஸ்தான் ரசிகர்கள் இணைந்து தக்க பதிலடிகொடுத்துவருகின்றனர். 
பாகிஸ்தானில் நடைபெற்ற தீவிரவாதிகளின் தாக்குதலுக்குப் பிறகு, அங்கு சர்வதேசப் போட்டிகள் நடைபெறாமல் இருந்துவந்தது. இந்நிலையில், அங்கு மீண்டும் போட்டிகளை நடத்துவதற்கு பாகிஸ்தான் கடுமையான முயற்சி எடுத்தது. இதன் பலனாக, தற்போது பாகிஸ்தானில் அந்த அணிக்கு எதிராக, டுபிளெசிஸ் தலைமையில் உலக லெவன் அணி டி20 தொடரில் பங்கேற்றுவருகிறது. 

kholi_08584.jpg

அதே வேளை, ஆஸ்திரேலிய அணி இந்தியாவில் சுற்றுப்பயணம் மேற்கொண்டு, ஒருநாள் மற்றும் டி20 தொடரில் பங்கேற்க உள்ளது. இந்நிலையில், ஆஸ்திரேலியப் பத்திகையாளர் டென்னிஸ் ஃப்ரீட்மேன் என்பவர், கொல்கத்தா ஈடன் கார்டன் மைதானத்தைக் கோலி சுத்தப்படுத்தும் புகைப்படம் ஒன்றை ட்விட்டரில் பதிவிட்டு, “உலக லெவன் போட்டிக்காகத் துப்புரவுப் பணியாளர்கள் மைதானத்தைச் சுத்தப்படுத்துகிறார்கள்” என ட்வீட் செய்ய, கோலி ரசிகர்கள் கொதித்துவிட்டனர். 
உண்மையில், அந்தப் புகைப்படம் தூய்மை இந்தியா திட்டத்துக்காக, கடந்த ஆண்டு காந்தி ஜெயந்தி அன்று நடைபெற்ற விழிப்புஉணர்வு நிகழ்ச்சியில், கோலி உள்ளிட்ட இந்திய வீரர்கள் ஈடன் கார்டன் மைதானத்தைச் சுத்தம்செய்தபோது எடுக்கப்பட்டது. 

இதனால் கோபமடைந்த இந்தியா, பாகிஸ்தான் ரசிகர்கள் ஒன்றாக இணைந்து, ஆஸ்திரேலியப் பத்திரிகையாளருக்கு ட்விட்டரில் தக்க பதிலடிகொடுத்துவருகின்றனர். பாகிஸ்தான் ரசிகர்கள், நாங்கள் கோலி மீது மிகுந்த மரியாதை வைத்துள்ளோம். இதுபோன்ற விமர்சனங்களை நாங்கள் ஆதரிக்கவில்லை என்றும், இந்திய வீரர்கள் பாகிஸ்தான் வந்து விளையாடுவதை ஆர்வமாக எதிர்நோக்கி உள்ளோம் என்றும் கூறியுள்ளனர். 

 

இந்திய ரசிகர் ஒருவர், ”அவர் வளர்ந்து வந்த இடத்தை அவர் சுத்தம்செய்கிறார். நீங்கள் உங்கள் மனதை சுத்தம்செய்யுங்கள்” என ட்வீட் செய்துள்ளார். இதுபோன்று பல ரசிகர்களும் பல விதமாக அவர்களைத் திட்டித்தீர்த்துள்ளனர். டென்னிஸ் ஃப்ரீட்மேன், இதுபோன்று இந்திய வீரர்களைப் பலமுறை சீண்டியுள்ளார். அவை அனைத்துக்கும் சேர்த்து, தற்போது ரசிகர்கள் தக்க பதிலடி கொடுத்துள்ளனர். பாகிஸ்தான் ரசிகர்கள், பாகிஸ்தான் மண்ணில் இந்திய வீரர்கள் விளையாடுவதை எதிர்நோக்கி உள்ளனர் என்பதை இதன்மூலம் தெரியப்படுத்தி உள்ளனர். 

http://www.vikatan.com/news/sports/102187-india-pakistan-fans-angry-on-australian-journalist-for-making-fun-on-kholi.html

Categories: merge-rss

சங்காவின் சதத்துடன் முதல் இன்னிங்சில் வலுவடைந்திருக்கும் சர்ரே கழகம்

Wed, 13/09/2017 - 19:43
சங்காவின் சதத்துடன் முதல் இன்னிங்சில் வலுவடைந்திருக்கும் சர்ரே கழகம்
 
TP-BB-Website-Banner-visit-the-hub-728.jpg

இங்கிலாந்து கவுன்டி கிரிக்கெட் தொடரின் இந்தப் பருவகாலத்திற்கான போட்டியொன்றில், இலங்கை அணியின் முன்னாள் நட்சத்திர துடுப்பாட்ட வீரர் குமார் சங்கக்கார பெற்றுக்கொண்ட சதத்துடன் சர்ரே (Surrey) அணி யோர்க்ஷையர் (Yorkshire) அணிக்கு எதிராக தமது முதல் இன்னிங்சில் 592 ஓட்டங்களைக் குவித்துள்ளது.

டிவிஷன் – I அணிகளான சர்ரே மற்றும் யோர்க்ஷையர் அணிகளுக்கு இடையிலான இந்தப் போட்டி லண்டன் ஓவல் மைதானத்தில் செவ்வாய்க்கிழமை (12) ஆரம்பமாகியிருந்தது.

போட்டியின் நாணய சுழற்சியில் வெற்றி பெற்ற சர்ரே அணி தமது முதல் இன்னிங்ஸ் துடுப்பாட்டத்தை ஆரம்பித்தது. சர்ரே அணிக்கு ஆரம்ப துடுப்பாட்ட வீரர்களான ரோரி பர்ன்ஸ் மற்றும் மார்க் ஸ்டோன்மேன் ஆகியோர் உறுதியான அடித்தளம் ஒன்றை வழங்கினர். ஏனெனில் முதல் விக்கெட்டிற்காக 178 ஓட்டங்கள் இவர்களால் இணைப்பாட்டமாக பகிரப்பட்டது.

 

 

இதில் ரோரி பர்ன்ஸ் 75 ஓட்டங்களைக் குவித்து சர்ரே அணியின் முதல் விக்கெட்டாக ஓய்வறை திரும்பினார். அவருக்கு அடுத்தபடியாக மார்க் ஸ்டோன்மேனும் சதமொன்றை கடந்து 131 ஓட்டங்களுடன் ஓய்வறை நோக்கி நடக்க, இன்னுமொரு விக்கெட்டையும் விரைவாக பறிகொடுத்த சர்ரே அணி நல்லதொரு ஆரம்பத்தை பெற்றிருப்பினும் சற்று தடுமாற்றத்தை வெளிக்காட்டியது.

இவ்வாறனதொரு தருணத்தில் களம் நுழைந்திருந்த இலங்கை அணியின் முன்னாள் அணித் தலைவர் குமார் சங்கக்கார சர்ரே அணியின் விக்கெட் காப்பாளர் பென் போக்ஸ் உடன் இணைந்து தனது அழகிய துடுப்பாட்டத்தின் மூலம் சரிவுப்பாதை ஒன்றில் விழ இருந்த அணியை மீட்டெடுத்தார்.

இதனால் போட்டியின் முதல் நாள் நிறைவில், சங்காவின் அரைச் சதத்துடன் சர்ரே அணி 3 விக்கெட்டுகளை பறிகொடுத்து 398 ஓட்டங்களைப் பெற்றிருந்தது.

போட்டியின் இரண்டாம் நாளில், தமது முதல் இன்னிங்சை  மீண்டும் தொடங்கிய சர்ரே அணியில், குமார் சங்கக்கார தனது 63 ஆவது முதல்தர சதத்தை பூர்த்தி செய்தார். இதனால், மேலும் வலுவடைந்த சர்ரே அணி 500 ஓட்டங்களை எட்டியது.  

யோர்க்ஷையர் அணிக்கு மிகவும் நெருக்கடியாக காணப்பட்டிருந்த சங்கக்காரவின் விக்கெட்டை ஜேக் புருக்ஸ் கைப்பற்றியிருந்தார். அடுத்து வந்த ஏனைய துடுப்பாட்ட வீரர்களை ஓய்வறை அனுப்புவது யோர்க்ஷையர் கழக பந்து வீச்சாளர்களுக்கு இலகுவாக காணப்பட 137.2 ஓவர்களில் சர்ரே அணி அனைத்து விக்கெட்டுகளையும் இழந்து 592 ஓட்டங்களை தமது முதல் இன்னிங்சுக்காக குவித்தது.

சர்ரே அணிக்காக அபார சதம் கடந்த குமார் சங்கக்கார 187 பந்துகளில் 3 சிக்ஸர்கள் மற்றும் 21 பவுண்டரிகளை விளாசி மொத்தமாக 164 ஓட்டங்களைப் பெற்று தனது திறமையை மீண்டும் வெளிக்காட்டினார். அத்தோடு மறுமுனையில் பென் போக்ஸ் சதம் விளாசி 110 ஓட்டங்களைப் பெற்றிருந்தமை குறிப்பிடத்தக்கது.

 

 

தற்போது நடைபெற்று முடிந்திருக்கும் கரீபியன் பிரிமியர் லீக் தொடரிலும் சிறப்பாக செயற்பட்டிருந்த சங்கக்கார இந்த போட்டியிலும் சதம் கடந்ததன் மூலம், இந்தப் பருவகாலத்திற்கான கவுண்டி கிரிக்கெட் தொடரில் அதிக ஓட்டங்கள் குவித்த மூன்று வீரர்களில் ஒருவராகவும் மாறியுள்ளார் என்பது குறிப்பிடத்தக்கது.

சங்காவின் விக்கெட்டைக் கைப்பற்றிய ஜேக் புருக்ஸ் 5 விக்கெட்டுகளை யோர்க்ஷையர் அணி சார்பாக கைப்பற்றினார்.

போட்டியின் சுருக்கம்

சர்ரே (முதல் இன்னிங்ஸ்) – 592 (137.2) – குமார் சங்கக்கார 164, மார்க் ஸ்டோன்மேன்  131, பென் போக்ஸ் 110, ஜேக் புருக்ஸ் 113/5, ஸ்டீவன் பெட்டர்சன் 120/3

யோர்க்ஷையர் (முதல் இன்னிங்ஸ்) – 171/1 (51) – ஷோன் மார்ஷ் 77*, டொம் கோஹ்லர் 78

 

http://www.thepapare.com

Categories: merge-rss

மெஸ்ஸிக்கு இது முதல் கோல்... நம்பமுடிகிறதா? சாம்பியன்ஸ் லீக் அப்டேட்!

Wed, 13/09/2017 - 19:17
மெஸ்ஸிக்கு இது முதல் கோல்... நம்பமுடிகிறதா? சாம்பியன்ஸ் லீக் அப்டேட்!
 

பல்வேறு நாடுகளைச் சேர்ந்த, உலகின் டாப் மோஸ்ட் கால்பந்து க்ளப்புகள் கலந்துகொள்ளும் 2017-18 சீஸனுக்கான சாம்பியன்ஸ் லீக் தொடரின் முதல் சுற்று நேற்று தொடங்கியது. ஸ்பெயினின் பார்சிலோனா, ஃபிரான்சின் பாரீஸ் செயிண்ட் ஜெர்மைன் (பிஎஸ்ஜி), ஜெர்மனியின் பேயர்ன் முனிச், இங்கிலாந்தின் மான்செஸ்டர் யுனைடெட் மற்றும் செல்சீ அணிகள் தொடக்க ஆட்டத்திலேயே பட்டையைக் கிளப்பின. மிகவும் எதிர்பார்க்கப்பட்ட இத்தாலியின் யுவெண்டஸ் அணி, பார்சிலோனாவிடம் மண்ணைக் கவ்வியது.ஸ்பெயினின் அட்லெடிகோ மாட்ரிட் மற்றும் இத்தாலியின் ரோமா அணிகளுக்கிடையான ஆட்டம் டிராவில் முடிந்தது. பார்சிலோனா சூப்பர் ஸ்டார் லியோனல் மெஸ்ஸி, தன் கரியரில் முதன்முறையாக யுவென்டஸ் கோல் கீப்பரான ஜாம்பவான் புஃபோனுக்கு எதிராக கோல் அடித்து முத்திரை பதித்தார். 

மெஸ்ஸி

மெஸ்ஸி மேஜிக்... வீழ்ந்த யுவென்டஸ்!

மற்ற ஆட்டங்களை விட பார்சிலோனா - யுவென்டஸ் அணிகள் மோதிய ஆட்டமே முக்கியமானது. ஏனெனில் இரு அணிகளுமே சம பலம் வாய்ந்தவை. முந்தைய 2016-17 சாம்பியன்ஸ்லீக் சீசனில் கடைசியாக இரு அணிகளும் காலிறுதியின் முதல் லெக் ஆட்டத்தில் மோதிக்கொண்ட போது யுவென்டஸ், பார்சிலோனாவை 3-0 என்ற கோல்கணக்கில் தோற்கடித்திருந்தது. அதற்கு பழிதீர்க்கும் விதமாக நேற்று நடந்த போட்டியில் பார்சிலோனா, யுவெண்டஸை 3-0 என்ற கோல் கணக்கில் வீழ்த்தி பழிதீர்த்தது. 

ஆட்டத்தின் தொடக்கத்திலிருந்தே பந்தை அதிக நேரம் கட்டுப்பாட்டில் வைத்திருந்த பார்சிலோனா அணி, தேவையான நேரத்தில் கவுன்ட்டர் அட்டாக்கில் ஈடுபடத் தவறவில்லை. இருந்தாலும் யுவென்டஸ் கீப்பரான அனுபவ புஃபோனை தாண்டி பந்து செல்லவில்லை. காயத்தால் ஆடாத கெலினி, சம்மர் டிரான்ஸ்பரில் மிலன் அணிக்கு மாறிவிட்ட பொனூச்சி இல்லாத யுவென்டஸின் தடுப்பு அரணில் இருந்த ஓட்டைகளை பயன்படுத்திய பார்சிலோனா வீரர்கள் ஈசியாக கோல் பாக்சிற்கு முன்னேறினர். கோல் இன்றி கழிந்த முதல் பாதியின் இறுதி நிமிடத்தில் யுவென்டஸின் டெட்லாக்கை உடைத்து பந்தோடு முன்னேறிய மெஸ்ஸிக்கு சுவாரஸ் சூப்பராக அசிஸ்ட் செய்ய, பந்தை வலையின் வலது கீழ் மூலையில் திணித்து மெர்சல் செய்தார் மெஸ்ஸி. இதுதான் புஃபோனுக்கு எதிராக மெஸ்ஸி தனது கரியரில் அடித்த முதல் கோல்.

 

 

இரண்டாம் பாதியில் 57-வது நிமிடத்தில் மெஸ்ஸி மீண்டும் யுவென்டஸ் டிஃபெண்டர்களை ஏமாற்றி விட்டு பந்தோடு பாக்சிற்குள் நுழைந்தார். ஆனால் இம்முறை பந்தை சுவாரஸுக்கு பாஸ் செய்ய, அதை யுவென்டஸ் டிஃபெண்டர் கிளியர் செய்தார். ஆனாலும் பாக்ஸை விட்டு வெளியேறாமல் இருந்த பந்தை சூப்பராக வலைக்குள் அனுப்பி ,அற்புதமான கோலாக மாற்றினார் பார்சிலோனா மிட்ஃபீல்டர் இவான் ராகிடிச். தொடர்ந்து அருமையாக விளையாடிய மெஸ்ஸி 69-வது நிமிடத்தில் மூன்று டிபெண்டர்களை ஏமாற்றி விட்டு பந்தை அதே வலையின் வலது கீழ் மூலையில் திணித்து தன் இரண்டாவது கோலை பதிவுசெய்து அட்டகாசப்படுத்தினார்.

கடைசி நேரத்தில் விழித்துக் கொண்டாலும் முன்னதாக பல வாய்ப்புகளை வீணடித்த யுவென்டஸ் அணியின் ஸ்டிரைக்கர்களால் கடைசிவரை கோல் அடிக்க முடியவில்லை. அதனால் யுவென்டஸ் வெற்றி வாய்ப்பை நழுவவிட்டது. 105 மில்லியன் யூரோக்களுக்கு வாங்கப்பட்ட பார்சிலோனாவின் டெம்பல்லே முழு திறமையைக் காட்டவில்லை. பார்சிலோனாவின் நெல்சன் செமடூ, ஜோர்டி ஆல்பா, புஸ்கட்ஸ், ராகிடிச் மற்றும் இனியஸ்டா சிறப்பான ஆட்டத்தை வெளிப்படுத்தினர். சுவாரஸ் தடுமாறினாலும், மெஸ்ஸி சிறப்பாக ஆட்டத்தை முடித்து வைத்தார். நெய்மாரின் விலகலுக்கு பின் சிறிது தடுமாறிய பார்சிலோனா மீண்டும் தன் பழைய பலத்தைக் காட்டியுள்ளது.

Neymar - PSG

நெருப்பாய் எரித்த பிஎஸ்ஜி

ஸ்காட்லாந்த்தைச் சேர்ந்த செல்டிக் அணியை அதன் சொந்த மண்ணிலேயே  5-0 என்ற கோல் கணக்கில் பொசுக்கியது பாரிஸ் செயின்ட் ஜெர்மைன். பி.எஸ்.ஜி-யின் டெட்லி அட்டாக்கிங் கூட்டணியான நெய்மார், எடின்சன் கவானி மற்றும் கிலியன் எம்பாப்பே ஆகிய மூவருமே கோல் அடித்து அசத்தினர். 19-வது நிமிடத்தில் செல்டிக் அணியின் கோல் கீப்பரை ஏமாற்றி ஆட்டத்தின் முதல் கோலை அடித்தார் நெய்மார். 34-வது நிமிடத்தில் கவானி மிஸ் செய்த பந்தை கோலாக்கி அசத்தினார் இளம் எம்பாப்பே.  41-வது நிமிடத்தில் கிடைத்த பெனால்டி வாய்ப்பை அனுபவ கவானி தவற விடவில்லை. 83-வது நிமிடத்தில் செல்டிக் வீரர் லுஸ்டிக் தவறுதலாக ஓன் கோல் அடித்து விட, ஆட்டத்தின் ஐந்தாவது மற்றும் கடைசி கோலை 85-வது நிமிடத்தில் பதிவுசெய்தார் கவானி. பெருந்தொகை கொடுத்து நெய்மாரையும், கிலியன் எம்பாப்பேவையும் வாங்கியதிலிருந்தே பி.எஸ்.ஜி- யின் அட்டாக் ரேட்டிங் இரு மடங்காக உயர்ந்திருக்கிறது. அது இந்த ஆட்டத்திலும் தெளிவாகவே தெரிந்தது. மேலும் கவானியுடன் சேர்ந்து இருவரும் தீயாக வேலை செய்து பிரெஞ்சு லீக்- 1 தொடரிலும் கோல் மழை பொழிந்து வருகின்றனர்.

தெறிக்கவிட்ட செல்சீ

கடந்த வருடம் சாம்பியன்ஸ் லீக்கில் கலந்து கொள்ளாத செல்சீ, இம்முறை வெற்றியுடன் முதல் அடியை எடுத்து வைத்தது. அந்த அணியின் பெட்ரோ, ஜப்பகோஸ்டா, ஆஸ்பிளிக்யூட்டா, பாகயோகோ மற்றும் பாட்ஷுவாயி கோல் அடித்துக் கைகொடுக்க 6-0 என்ற கோல் கணக்கில் அஜெர்பெய்ஜான் நாட்டின் காராபாக் அணியை சூறையாடி அபார வெற்றி பெற்றது பிரீமியர் லீகின் நடப்பு சாம்பியன்!

மான்செஸ்டர் யுனைடெட் வெற்றிநடை

ஸ்விட்சர்லாந்தின் எஃப்.சி பேசல் அணியை எதிர்கொண்ட மான்செஸ்டர் யுனைடெட் அணி 3-0 என்ற கோல்கணக்கில் வெற்றி பெற்றது. கேப்டனாக அணியை வழிநடத்திய பால் போக்பா காயத்தால் வெளியேறினாலும், அவருக்கு மாற்று வீரராக வந்த ஃபெலாய்னி 35-வது நிமிடத்தில் சூப்பர் ஹெடர் மூலம்  ஆட்டத்தின் முதல் கோலை பதிவுசெய்தார். பிறகு லுகாகுவும் தன் பங்குக்கு 53-வது நிமிடத்தில் கோல் அடிக்க, இறுதியில் இளம் ராஷ்ஃபோர்டு ஆட்டத்தின் இறுதி கோலை 84 வது நிமிடத்தில் அடித்து சுபம் போட்டார்.

பேயர்ன் முனிச் வெற்றி

Bayern Munich Vs Anderlecht

பெல்ஜியத்தின் ஆண்டர்லெக்ட் அணியை 3-0 என்ற கோல்கணக்கில் வீழ்த்தியது பேயர்ன் முனிச். அந்த அணியின் ராபர்ட் லெவண்டோஸ்கி, ஜோஷ்வா கிம்மிச் மற்றும் தியாகோ கோல் அடித்தனர். பதில் கோல் திருப்ப பல வழிகளிலும் போராடிய ஆண்டர்லெக்ட் இறுதிவரை கோல் அடிக்காமல் தோல்வியைத் தழுவியது.

அட்லெடிகோ மாட்ரிட் டிரா

அட்லெடிகோ மாட்ரிட் மற்றும் ரோமா அணிகளுக்கிடையேயான ஆட்டம் கோல் ஏதுமின்றி டிராவில் முடிவடைந்தது.

 

இன்று நள்ளிரவு ரியல் மாட்ரிட், லிவர்பூல், செவியா, டார்ட்மண்ட், நேபொலி, மொனாகோ உள்ளிட்ட முன்னனி அணிகள் தங்களின் 2017 சாம்பியன்ஸ் லீக் பயணத்தைத் தொடங்குகின்றன.

http://www.vikatan.com/news/sports/102143-messi-hits-his-first-goal-in-champions-league.html

Categories: merge-rss

எத்தனை காயம், எத்தனை தோல்வி... ஆனாலும், இவன் ஓய்வதில்லை... நடால் எனும் கம்பேக் நாயகன்! #FedalSlam #Nadal

Wed, 13/09/2017 - 16:56
எத்தனை காயம், எத்தனை தோல்வி... ஆனாலும், இவன் ஓய்வதில்லை... நடால் எனும் கம்பேக் நாயகன்! #FedalSlam #Nadal
 
 

ரஃபேல் நடால் - டென்னிஸ் உலகம் போற்றும் ஒரு மாபெரும் வீரன். 16-வது கிராண்ட் ஸ்லாம் பதக்கத்தை வென்று, சரித்திரம் படைக்க முன்னேறிக்கொண்டிருக்கிறான் அந்தப் போராளி. சீனியர் டென்னிஸ் போட்டிகளில் கால் பதித்து 16 ஆண்டுகளில் 16 பட்டங்கள். போதாக்குறைக்கு 2 ஒலிம்பிக் தங்கங்கள் வேறு! மொத்த உலகமும் இன்று அவரின் வெற்றியை உச்சிமுகர்ந்து கொண்டிருக்கிறது. நாமும் வெறும் வெற்றிப் பாடல்கள் பாடிக்கொண்டிருந்தால் அந்த நாயகனின் வலியும் போராட்டமும் கண்காணாமல் போய்விடும். காரணம் நடாலின் வாழ்க்கை டென்னிஸ் வீரர்களுக்கு மட்டுமல்ல, காயமும் தோல்வியும் ஆட்கொண்ட ஒவ்வொருத்தரும் நடாலின் வாழ்க்கையை  'கேஸ்-ஸ்டடி' செய்து பார்ப்பது அவசியம்.

நடால்

2 ஆண்டுகளுக்கு முன்பு நடால் என்னும் பெயர் டென்னிஸ் விளையாட்டின் வரலாற்றுப் பக்கங்களுக்கு மாற்றப்பட்டிருந்தது. ஃபெடரரின் பெயரும் கூட. 2011 விம்பிள்டன் தொடங்கி 2012 அமெரிக்க ஓபன் வரை 3 கிராண்ட் ஸ்லாம் ஃபைனலிலும் நடாலை வென்று சாம்பியனாகிறார் ஜோகோவிச். 2012 ஒலிம்பிக் தங்கம், அமெரிக்க ஓபன் போட்டிகளை ஆண்டி முர்ரே கைப்பற்றுகிறார். 2012 விம்பிள்டனோடு ஃபெடரரின் 'எவர்கிரீன்' ஆட்டம் சோடைபோகிறது. நடாலின் சீற்றமும் 2014 ஃபிரெஞ்சு ஓபனோடு முற்றிலும் அடங்கிப்போகிறது. பல ஆண்டுகள் டென்னிஸ் கோர்ட்டின் ராஜாக்களாக வலம் வந்தவர்கள் காலத்தின் பிடியாலும் காயத்தின் நெடியாலும் தங்கள் ஆதிக்கத்தை இழக்கிறார்கள். மரின் சிலிச், வாவ்ரிங்கா போன்றோரும் கிராண்ட் ஸ்லாம் பட்டங்கள் மீது கைவைக்க, "இனி அடுத்த தலைமுறையின் ஆதிக்கம் தான்" என அடித்துச் சொன்னார்கள் டென்னிஸ் நிபுனர்கள். ஃபெடெரர், நடால் பெயர்களுக்கு முன்னால், 'முன்னாள்' வீரர்கள் என்ற பட்டம் மறைமுகமாகக் கொடுக்கப்பட்டது. கடந்த 2 ஆண்டுகளும் அந்த ஜாம்பவான்களின் ஆதிக்கமின்றியே கடந்துபோக, டென்னிஸ் ரசிகர்களும் மனமுடைந்து போயினர்.  

எத்தனை நேரம்தான் மேகத்தின் பின்னால் கதிரவன் மறைந்திருப்பான்? தமிழக மண்ணில், ஜல்லிக்கட்டுக்காக நம் இனம் வெகுண்டெழுந்த நேரத்தில்தான், அந்த வயதான இரண்டு முரட்டுக் காளைகளும் சீறிப்பாயந்தன. 'இளம் நாயகர்கள்', 'அடுத்த தலைமுறை நட்சத்திரங்கள்' என்றெல்லாம் கொண்டாடப்பட்ட அனைவரையும் முட்டித்தள்ளி இறுதிப்போட்டிக்குள் நுழைந்தனர். கோமாவில் கிடந்த டென்னிஸ் ரசிகர்களெல்லாம் மீண்டும் விழித்துக்கொண்டனர். 6 ஆண்டுகளுக்குப் பிறகு மீண்டும் ஃபெடரர் - நடால் மோதும் கிரண்ட்ஸ்லாம் பைனல். அதுவும் ஆண்டின் முதல் கிராண்ட் ஸ்லாமிலேயே...

'தி கிங்ஸ் ஆர் பேக்' என்று ஆர்ப்பரித்தனர். அவர்களின் எதிர்பார்ப்புகள் அணுவளவும் வீணாகவில்லை. இந்த ஆண்டின் 4 ஸ்லாம்களையும் இவர்கள் இருவருமே 'கிளீன் ஸ்வீப்' செய்து மெர்சல் செய்துள்ளனர். இந்த இரண்டு ஆண்டுகளாக அவர்களைப் புறம்தள்ளிய உலக மீடியாக்கள் இப்போது பிராய்சித்தம் தேடிக்கொண்டிருக்கின்றன. இவர்களின் இந்த எழுச்சி இதோடு ஓயப்போவதில்லை. மீண்டும் ஒரு நடால் - ஃபெடரர் அத்தியாயம் தொடங்கப்போகிறது. அதற்கு 2017ம் ஆண்டு ஒரு தொடக்கமே!

Rafael Nadal

சரி, நடாலைப் பற்றிய கட்டுரையில் ஏன் ஃபெடரரைப் புகழ வேண்டும்? காரணம் இருக்கிறது. "நீயும் நானும் இதை செய்துகொண்டே இருக்க வேண்டும் என்பதுதான் விதி. நான்தான் உன்னை முழுமையாக்குகிறேன்" என்று ‛தி டார்க் நைட்’ திரைப்படத்தில் பேட்மேனிடம் ஜோக்கர் சொல்வான். அதுபோலத்தான் இவர்கள் இருவரும். நடால் இல்லையேல் ஃபெடரர் இல்லை. ஃபெடரர் இல்லையேல் நடால் இல்லை. அவர்களின் போட்டி ரசிகர்களுக்கு விருந்து. அவர்கள் மற்றவர் மீது கொண்டிருந்த நட்பும் மரியாதையும் அனைத்து விளையாட்டுகளைச் சார்ந்த வீரர்களுக்கும் பெரிய பாடம். ஃபெடரரின் வாழ்க்கை கொஞ்சம் முன்னதாகவே தொடங்கியிருக்கலாம். அவர் அப்போதே உச்சத்தைத் தொட்டிருக்கலாம். ஆனால் ஒரு கடினமான எதிர்ப்பை அவருக்கு அளித்தது நடால்தான். 19 கிராண்ட்ஸ்லாம் பதக்கங்களுடன் உலகின் தலைசிறந்த டென்னிஸ் வீரர் என்ற அந்தஸ்தைக் கொண்டிருக்கும் ஃபெடரரை 37 போட்டிகளில் 23 முறை தோற்கடிக்க ஒருவனால் முடிகிறதென்றால் அவன் டென்னிஸை உயிருக்கும் மேலாய் நேசிக்கிறவனாய் இருக்க வேண்டும். அது நடாலைத் தவிர வேறு யாராக இருக்க முடியும். ஆம், நடாலின் வளர்ச்சி எவரும் எதிர்பாராதது.

பிப்ரவரி 2,2004 - முதன்முதலாக உலகின் நம்பர் -1 வீரர் என்ற அந்தஸ்தைப் பெறுகிறார் ரோஜர் ஃபெடரர். அப்போது நடால் டாப் 40-யில் கூட இல்லை. அடுத்த மாதம் மியாமி மாஸ்டர்ஸ் தொடர்.  நம்பர் -1 வீரர் ஃபெடரரை முதன்முறையாக எதிர்கொண்டு நேர் செட்களில் வீழ்த்தினார் 18 வயது நடால். ஆண்டு இறுதியில் டேவிஸ் கோப்பை. நம்பர் -2 வீரர் ஆன்ட்டி ரோடிக்கை வீழ்த்தி ஸ்பெயினின் வெற்றிக்கு வித்திட்ட  நடால், அந்த ஆண்டு இறுதியில் பிடித்திருந்த இடம் 51. அடுத்த 6 மாதங்களில் நடந்ததெல்லாம் ஆச்சர்ய அற்புதங்கள். 19 வயதில் ஃபிரெஞ்சு ஓபனை தன் முதல் முயற்சியேலேயே வென்று ஜூலை 25, 2005-ல் உலக தரவரிசையில் இரண்டாம் இடத்துக்கு முன்னேறினார் நடால். அதன்பிறகு ஃபிரெஞ்சு ஒபனைத் தன் செல்லப் பிள்ளையாக்கிக்கொண்டார்.

 

நடாலின் இந்த வெற்றிகள் அவரின் வேகத்துக்கும், பலத்துக்குமான பரிசு. 'நெவர் எவர் கிவ் அப்' - நடாலின் மந்திரம். எப்போதும் எந்த சூழ்நிலையிலும் நடால் பின்வாங்கியது இல்லை. இரண்டு செட்களை இழந்த பிறகு போராடி போட்டியை வென்ற தருணங்கள் பல. களிமண் தரையின் ராஜாவான நடால், கிராஸ் கோர்டிலும், ஹார்ட் கோர்டிலும் சளைத்தவரல்ல என்று நிரூபித்தார். புல்தரை மைதானங்களில் பட்டையைக்கிளப்பிய ஃபெடரரையும் அசாதாரணமாக எதிர்கொண்டார். ஆனால், நடாலின் டென்னிஸ் வாழ்க்கை எப்பொழுதும் சீராகச் சென்றதில்லை. ஒவ்வொரு கட்டத்திலும் காயங்கள் நடாலின் காலைப் பிடித்து இழுத்தது. எதிராளிகளை எளிதாக எதிர்கொண்ட நடால், காயங்களிடம் சற்று தடுமாறினார்.

2005ம் ஆண்டு தன் முதல் ஃபிரெஞ்சு ஓபனை வென்ற நடாலைத்தான் நமக்குத் தெரியும். ஆனால், 2004 ஃபிரெஞ்சு ஓபனிலிருந்தும் கூட அவர் காயத்தால் வெளியேற நேரிட்டது. ஆம், அவ்வளவு இளம் வயதிலும் காயத்தால் அவதிப்பட்டார். அதற்காக அவரது உடல் பலவீனமானது என நினைத்துவிட வேண்டாம். மற்ற டென்னிஸ் வீரர்களை ஒப்பிடும்போது நடாலின் உடல்வாகு பிரமிப்பானது. அப்படியிருந்தும் ஏன் அவ்வளவு காயங்கள்? காரணம், நடால் தன் உடல்திறனையே தன் ஆயுதமாகப் பயன்படுத்தினார். நடாலின் ஃபோர்ஹேண்ட் ஷாட்களுக்கு ஈடு கொடுத்து ஆடும் ஆட்டக்காரர்கள் சொற்பம். களத்தின் இரண்டு முனைகளையும்  நொடியில் கவர் செய்துவிடுவார். இவை எல்லாமுமே அவரின் பிரச்னைகளை வலுவாக்கியது.

சான் ஃபிரான்சிஸ்கோவை சேர்ந்த டென்னிஸ் ஆராய்ச்சியாளர் ஜான் யாண்டெல், ஃபோர்ஹேண்ட் ஷாட்களின்போது பந்து சராசரியாக ஒரு நிமிடத்துக்கு எத்தனை முறை சுழல்கிறது என்று ஆராய்ந்தார். முன்னாள் ஜாம்பவான்களான பீட் சாம்ப்ரஸ், ஆந்த்ரே அகாசியின் ஃபோர்ஹேண்ட் ஷாட்களால் பந்து முறையே நிமிடத்துக்கு 1800, 1900 முறை சுழன்றுள்ளது. ஃபெடரரின் ஃபோர்ஹேண்ட்கள் நிமிடத்துக்கு 2700 முறை சுழன்றுள்ளன. ஆனால், நடாலின் ஃபோர்ஹேண்ட் ஷாட்களால் பந்து சராசரியாக நிமிடத்துக்கு 3,200 முறை சுழன்றுள்ளது. அதிலும் ஒருமுறை உச்சகட்ட வேகமாக 4,900 முறை சுழன்றுள்ளது! நடாலின் இந்த மிகப்பெரிய பலம்தான் கடந்த 2 ஆண்டுகள் அவரை ஓய்வில் அமர்த்தியது. மணிக்கட்டு பிரச்சனை, ஒட்டுக்குடல் பிரச்னை என எதுவும் எளிதில் ஓயவே இல்லை. அதிலிருந்து மீண்டார்; மிரட்டினார்.

Rafael Nadal

கையை விட நடாலைப் பெரிதும் தொந்தரவு செய்தது அவருடைய கால்களே. பிறவியிலேயே ஏற்படக்கூடிய கோஹ்லர்ஸ் நோயால் பாதிக்கப்பட்டார். காலில் அடிக்கடி வீக்கமும் வலியும் ஏற்படுத்தக்கூடிய இந்நோய் நடாலின் டென்னிஸ் வாழ்க்கையையே பாதித்திருக்கும். ஆனால், நடால் விடுவதாய் இல்லை. அப்போதுதான் உண்மையில் நடாலின் போராட்டங்கள் தொடங்கின. கடந்த 12 ஆண்டுகளாக அடிக்கடி காலில் காயம் ஏற்பட்டு ஓய்வறையில் முடங்கியிருந்தார். காயத்தின் வலிக்கு வெற்றிகளால் மருந்திட்டார். 2005-ம் ஆண்டு பலத்தமான காயத்தால் அவதிப்பட்ட நடால், முழுமையாகக் குணமடையாமலே மீண்டும் விளையாடினார். அந்தக் காயம் அவரை 2 ஆண்டுகளுக்கும் மேலாகத் துரத்தியது. 2005-ல் காயம் காரணமாக ஆஸ்திரேலிய ஓபனிலிருந்து விலகிய அந்த இளைஞன் மீண்டு வந்து ஃபிரெஞ்சு ஓபனை வென்றான். 2007-ல் அமெரிக்க ஒபனின்போதும் காயம், 2009 விம்பிள்டன் தொடரிலிருந்து காயத்தால் விலகல், 2010 ஆஸ்திரேலிய ஓபனில் காயம், 2011 ஆஸ்திரேலிய ஓபன் காலிறுதியில் காயம், 2012 ஒலிம்பிக் தொடரில் இருந்து விலகல், அமெரிக்க ஓபனிலிருந்து விலகல், வயிற்றுப் பிரச்சனையால் 2013 ஆஸ்திரேலிய ஓபனிலிருந்து விலகல் என நடால் பங்கேற்றதற்கு இணையான எண்ணிக்கையைக் கொண்டிருக்கிறது அவர் நிராகரித்த தொடர்களின் எண்ணிக்கை. 

வேறு ஒருவராக இருந்தால் இத்தனை காயங்களுக்குப் பிறகு டென்னிஸில் இருந்தே விலகியிருப்பார்கள். ஆனால் போராட மட்டுமே தெரிந்த இந்த ஸ்பெயின் வீரனுக்கு அப்படி அமைதியாக இருக்க மனமில்லை. 2009 விம்பிள்டனிலிருந்து விலகியவர் அடுத்த கிராண்ட் ஸ்லாம் தொடரான  அமெரிக்க ஓபனை அசால்டாகத் தூக்கினார். 2010 ஆஸ்திரேலிய ஓபன் காலிறுதியில் முர்ரேவுடன் மோதிய நடால், காயத்தைப் பொருட்படுத்தாமல் இரண்டு செட்கள் ஆடினார். இருப்பினும் வலியின் வீரியம் அதிகமாகவே, போட்டியிலிருந்து விலகினார். அதன்பிறகு மீண்டும் வாரக் கணக்கில் ஓய்வு. ஆனால், அவருக்குள் இருந்த பதக்க வெறி மட்டும் ஓயவே இல்லை. விளைவு அந்த ஆண்டின் மற்ற 3 கிராண்ட் ஸ்லாம்களும் நடாலிடம் செல்லமாய்க் கடிபட்டன. அடுத்த ஆண்டும் 'சேம் சிசுவேஷன்'. ஆஸ்திரேலிய ஓபன் விலகல் - ஃபிரெஞ்சு ஓபன் சாம்பியன்!

நடால்

இப்படி ஒவ்வொரு முறையும் மாஸாக கம்பேக் கொடுத்துக்கொண்டிருந்ததால், 'கிங் ஆஃப் கிளே' என்னும் பட்டம் ' கம்பேக் கிங்' என்று மாறியது. ஆனால் 2014-ல் தான் நடாலின் பிரச்னைகள் உச்சத்தை அடைந்துவிட்டன. மீண்டும் முழங்கால் பிரச்னை. அதிலிருந்து சில மாத ஓய்வுக்குப் பிறகு மீண்டு வந்தாலும், பழைய வேகம் இல்லை. அவரால் மீண்டுமொரு கம்பேக்கைத் தர முடியவில்லை. கிராண்ட் ஸ்லாம் தொடர்களில் நான்காம் சுற்றுக்குக் கூட முன்னேற முடியாமல் தடுமாறினார். 2016-ல் அவர் ஆடிய இரண்டு கிராண்ட் ஸ்லாம் போட்டிகளான ஆஸ்திரேலிய ஓபனிலும், அமெரிக்க ஓபனிலும் முறையே முதல் மற்றும் நான்காம் சுற்றுகளிலேயே வெளியேறி ரசிகர்களை புலம்பவைத்தார் நடால். ஆனால் புத்தாண்டு யாருக்கு விடிவாக அமைந்ததோ இல்லையோ நடாலுக்கு மாபெரும் மாற்றத்தைக் கொண்டுவந்தது.

 

இதோ... இப்போது 16 கிராண்ட் ஸ்லாம்கள் வென்றாகிவிட்டது. ஃபெடரருக்கு 35 வயதாகிவிட்டது. அவர் எப்போது வேண்டுமானாலும் ஓய்வு முடிவை அறிவிக்கலாம். அவரின் 19 ஸ்லாம்களை நெருங்க இன்னும் 3 வெற்றிகள் தான். 2018-ன் ஃபிரெஞ்சு ஓபனில் அவரது பெயரை இப்போதே பொறித்துவிடலாம். அதுபோக இன்னும் 2 ஸ்லாம்கள் மட்டுமே பாக்கி. இன்னும் இரண்டு ஆண்டுகள் நடால் தன் ஃபிட்னஸை பாதுகாத்தால் நிச்சயம் ஃபெடரரை அவர் ஓவர்டேக் செய்து தலைசிறந்த டென்னிஸ் வீரனாக அரிதாரம் எடுப்பார். அதில் எந்த சந்தேகமுமில்லை. காரணம், நடாலைப் போன்று கம்பேக் கொடுத்த ஒரு விளையாட்டு வீரன் இதுவரை பிறந்ததில்லை. இந்த கம்பேக் கிங் ஒருநாள் மொத்த டென்னிஸ் உலகிற்கும் ராஜாவாய் முடிசூட்டுவான்!

http://www.vikatan.com/news/sports/102049-story-about-rafael-nadal-comeback.html

Categories: merge-rss

தென் ஆபி­ரிக்­காவின் மூவகை கிரிக்கெட் அணி­க­ளுக்கும் டு ப்ளெசிஸ் தலைவர்

Wed, 13/09/2017 - 16:47
தென் ஆபி­ரிக்­காவின் மூவகை கிரிக்கெட்  அணி­க­ளுக்கும் டு ப்ளெசிஸ் தலைவர்

மூவகை சர்­வ­தேச கிரிக்கெட் போட்­டி­க­ளிலும் தென் ஆபி­ரிக்க கிரிக்கெட் அணித் தலை­வ­ராக பவ் டு ப்ளெசிஸ் பதவி வகிக்­க­வுள்ளார். ஏ. பி. டி வில்­லிர்ஸைத் தொடர்ந்து சர்­வ­தேச ஒருநாள் கிரிக்­கடெ் அணியின் தலை­வ­ராக டு ப்ளெசிஸ் நிய­மிக்­கப்­பட்­டதை அடுத்து இது உறு­தி­யா­கி­யுள்­ளது.

faf-du-plessis

 

ஏற்­க­னவே தென் ஆபி­ரிக்­காவின் டெஸ்ட் அணித் தலை­வ­ராக கடந்த வருடம் ஆகஸ்ட் மாதத்­திலும் சர்­வ­தேச இரு­பது 20 கிரிக்கெட் அணியின் தலை­வ­ராக 2013 பெப்­ர­வ­ரி­யி­லி­ருந்தும் பவ் டு ப்ளெசிஸ் பதவி விகித்­து­வ­ரு­கின்றார்.

2019 உலகக் கிண்ண கிரிக்கெட் போட்­டி­க­ளிலும் தென் ஆபி­ரிக்கா அணியைத் தலை­வ­ராக டு ப்ளெசிஸ் வழி­ந­டத்­த­வுள்ளார். இதற்கு அமைய பங்­க­ளா­தே­ஷுக்கு எதி­ரான மூவகை தொடர்­களே அவர் முதல் தட­வை­யாக தென் ஆபி­ரிக்­காவின் தலை­வ­ராக விளை­யா­ட­வுள்ள தொடர்­க­ளாக அமை­ய­வுள்­ளன.

இம் மாத பிற்­ப­கு­தியில் ஆரம்­ப­மா­க­வுள்ள இந்தத் தொடரில் இரண்டு டெஸ்ட் போட்­டி­கள், மூன்று சர்­வ­தேச ஒருநாள் கிரிக்கெட் போட்­டி­கள், மூன்று சர்­வ­தேச இரு­பது 20 கிரிக்கெட் போட்­டிகள் இடம்­பெ­ற­வுள்­ளன.

உலக இரு­பது 20 கிரிக்கெட் லீக் போட்­டியில் பங்­கு­பற்றும் ஸ்டெல்­லென்பொஷ் அணியில் பிர­தான வீர­ராக டு ப்ளெசிஸ் இடம்­பெ­று­கின்றார். உலக இருபது 20 கிரிக்கெட் லீக் நவம்பர் 3 ஆம் திகதி முதல் டிசம்பர் 16ஆம் திகதிவரை நடைபெறவுள்ளது.
 

http://metronews.lk/?p=13504

Categories: merge-rss

பாகிஸ்தானுக்கு வீரர்களை அனுப்பி பலிக்கடாவாக்க ஒருபோது தயாரில்லை ; தயாசிறி

Wed, 13/09/2017 - 13:32
பாகிஸ்தானுக்கு வீரர்களை அனுப்பி பலிக்கடாவாக்க ஒருபோது தயாரில்லை ; தயாசிறி

 

 

பாகிஸ்தானுடான இலங்கையின் கிரிக்கெட் தொடரானது  டுபாயிலேயே நடைபெறவுள்ளது. எமது வீரர்களை  அங்கு பலிக்கடாவாக்க நாங்கள் ஒருபோதும் தயாரில்லையென இணை அமைச்சரவைப்பேச்சாளரும் விளையாட்டுத்துறை அமைச்சருமான தயாசிறி ஜயசேகர தெரிவித்தார்.

dayasiri-jayasekara.jpg

அரசாங்கத் தகவல் திணைக்களத்தில் இன்று நடைபெற்ற வாராந்த அமைச்சரவை முடிவுகளை அறிவிக்கும் செய்தியாளர் சந்திப்பில் கலந்துகொண்டு ஊடகவியலாளர்கள் எழுப்பிய கேள்விகளுக்கு பதிலளிக்கும் போது  இணை அமைச்சரவைப் பேச்சாளர் மேற்கண்டவாறு தெரிவித்தார்.

  

அவர் அங்கு மேலும் குறிப்பிடுகையில்,

 

கேள்வி: பாகிஸ்தான் அணியுடன் விளையாட இலங்கை பாகிஸ்தான் செல்லுமா?

 

பதில்: பாகிஸ்தானுடான இலங்கையின் கிரிக்கெட் தொடரானது  டுபாயிலேயே நடைபெறவுள்ளது. 

 

பாகிஸ்தான் செல்வது தொடர்பில் இதுவரை தீர்மானம் எடுக்கவில்லை. ஏற்கனவே அந்த நாட்டில் பாதுகாப்பு தொடர்பில் கசப்பான அனுபவங்களை எமது வீரர்கள் பெற்றுள்ளனர்.  

எனவே பாதுகாப்பு தொடர்பான நூறுவீத உத்தரவாதம் கிடைத்தால் மட்டுமே நாங்கள் பாகிஸ்தான் போகலாம். 

எமது வீரர்களை பலிக்கடாவாக்க நாங்கள் ஒருபோதும் தயாரில்லை.  ஆனால் பாகிஸ்தானுடனான இருதரப்பு உறவை நாங்கள் பலப்படுத்தவேண்டும்.   அந்த நாடு  எமக்கு அவசரத்துக்கு உதவுகின்றது. தற்போது  கூட  உதவி வருகின்றது.  

கேள்வி:   ஒரு இருபதுக்கு இருபது  போட்டி பாகிஸ்தானில் நடைபெறவுள்ளதே அதற்கு வீரர்களை அனுப்புவீர்களா?

பதில்: அது தொடர்பில் நாங்கள் இன்னும் முடிவெடுக்கவில்லை. நூறுவீதம் பாதுகாப்பு உறுதிப்படுத்தப்பட்டால் பரிசீலிக்கலாம். 

கேள்வி: கிரிக்கெட் தெரிவு குழு இராஜினாமா செய்துள்ள நிலையில் எவ்வாறு  இந்தப் போட்டிக்கான வீரர்களை தெரிவுசெய்வீர்கள்?

பதில்: கிரிக்கெட் தெரிவுக்குழு இராஜினாமா செய்தபோதும் 25 பேர் கொண்ட குழுவை  தெரிவு செய்து தருமாறு நாம் அவர்களிடம்  கேட்டுக்கொண்டோம். அதற்கேற்ப தெரிவு நடைபெற்றது.

http://www.virakesari.lk/article/24388

Categories: merge-rss

ஸ்ரீலங்கா கிரிக்கெட் நிறுவனத்துடன் தொடர்பு இல்லையாம்; மஹேல, ப்ரெண்டன், மஹாநாம ஆகியோர் தெரிவிப்பு

Wed, 13/09/2017 - 06:37
ஸ்ரீலங்கா கிரிக்கெட் நிறுவனத்துடன் தொடர்பு இல்லையாம்; மஹேல, ப்ரெண்டன், மஹாநாம ஆகியோர் தெரிவிப்பு

mahela-jayawardenaதிலங்க சுமதி­பால தலை­மை­யி­லான ஸ்ரீலங்கா கிரிக்கெட் நிறு­வ­னத்­துடன் தங்­க­ளுக்கு தொடர்பு இருப்­ப­தாக வெளி­யான தக­வலை மஹேல ஜய­வர்­தன, ப்ரெண்டன் குருப்பு, ரொஷான் மஹ­நாம ஆகியோர் நிரா­க­ரித்­துள்­ளனர்.


இந்த மூவ­ருடன் அர­விந்த டி சில்வா, க்ரேம் லெப்ரோய் ஆகி­யோரை தெரிவுக் குழுவில் இணைப்­ப­தற்கு ஸ்ரீலங்கா கிரிக்கெட் நிறு­வனம் கடும் பிர­யத்­தனம் எடுத்­து­வ­ரு­வ­தாக தக­வல்கள் வெளி­யா­கி­யி­ருந்­தது.


வீழ்ச்சிப் பாதையில் சென்று கொண்­டி­ருக்கும் இலங்கை கிரிக்கெட் விளை­யாட்டை மீள் எழுச்சி அடையச் செய்யும் முயற்­சி­யா­கவே இந்த முயற்­சியில் ஹலங்கா கிரிக்கெட் நிறு­வனம் ஈடு­பட்டு வரு­வ­தாக கடந்த சில தினங்­க­ளாக தக­வல்கள் வெளி­யாகி வரு­கின்­றன.


brendon-kuruppu-(1)இதனை அடுத்து மஹேல, ப்ரெண்டன், மஹ­நாம  ஆகியோர் தங்­க­ளுக்கு ஸ்ரீலங்கா கிரிக்கெட் நிறு­வ­னத்­துடன் தொடர்பு இல்லை எனத் தெரி­வித்­துள்­ளனர்.


இது தொடர்­பாக ஊட­க­மொன்­றுக்கு இலங்­கையின் முன்னாள் விக்கெட் காப்­பா­ளரும் ஆரம்பத் துடுப்­பாட்ட வீர­ரு­மான ப்ரெண்டன் கருத்து வெளி­யி­டு­கையில், ‘‘ஏதேனும் ஒரு பொறுப்பை ஏற்க நான் எண்­ணிய போதிலும், ஸ்ரீலங்கா கிரிக்கெட் நிறு­வ­னத்­தினால் பிரே­ரிக்­கப்­பட்ட தெரி­வாளர் பத­வியை ஏற்­ப­தற்கு விரும்­ப­வில்லை’’ என்றார்.


இது இவ்­வா­றி­ருக்க, இண்­டியன் ப்ரீமியர் லீக் அணி­களில் ஒன்­றான மும்பை இண்­டியன்ஸ் அணியின் பயிற்­று­ந­ராக 3 வரு­டங்­க­ளுக்கு மஹேல ஜய­வர்­தன ஒப்­பந்­த­மா­கி­யுள்ளார்.


‘‘நான் இன்­னு­மொரு பயிற்­றுநர் பத­வியை ஏற்றால் அது நலன்­களில் முரண்­பா­டாக அமைந்­து­விடும்’’ என மஹேல ஜய­வர்­தன தெரி­வித்தார்.


roshan-mahanamaஎந்­த­வொரு விட­யத்­திற்­கா­கவும் மஹே­லவை ஸ்ரீலங்கா கிரிக்கெட் நிறு­வனம் அணு­க­வில்லை என ஸ்ரீலங்கா கிரிக்கெட் நிறு­வ­னத்தின் சிரேஷ்ட அதி­காரி ஒருவர் தெரி­வித்தார்.


தேசிய அணியின் பயிற்­று­ந­ரா­வ­தற்கு மஹேல இன்னும் முதிர்ச்சி அடை­ய­வில்லை என ஊட­க­வி­ய­லா­ளர்கள் மத்­தியில் சில வாரங்­க­ளுக்கு முன்னர் திலங்க சும­தி­பால தெரி­வித்­தி­ருந்தார். இது இவ்­வா­றி­ருக்க, ஸ்ரீலங்கா கிரிக்கெட் நிறுவனம் தன்னை அணு­கி­ய­தாக ரொஷான் மஹ­நாம கூறினார்.

 

எனினும் ஸ்ரீலங்கா கிரிக்கெட் நிறு­வ­னத்­துடன் இணைந்து செயற்­படும் எண்ணம் இல்லை என அவரும் குறிப்­பிட்டார்.


எந்­த­வொரு விளை­யாட்­டிலும் அர­சியல் தலை­யீடு, விளை­யாட்டு வீரர்­க­ளது பெற்­றோரின் தலை­யீடு, பயிற்­று­நர்கள், பொறுப்­பா­சி­ரி­யர்கள் பக்க சார்­பாக செயற்­ப­டு­வது அனைத்­தையும் விரும்­பா­தவர் ரொஷான் மஹ­நாம ஆவார். இதனை அவர் எத்­த­னையோ சந்­தர்ப்­பங்­களில் மேடை­களில் தெரி­வித்­தமை குறிப்பிடத்தக்கது..

http://metronews.lk/?p=13465

Categories: merge-rss

அயர்லாந்து - மேற்கிந்தியத் தீவுகள் அணிக்கு இடையிலான ஒருநாள் கிரிக்கெட் போட்டி தொடர்

Wed, 13/09/2017 - 06:33
அயர்லாந்துடன் இன்று மோதல்:புத்துயிர் பெறுமா மே.இ.தீவுகள் அணி; மீண்டும் களமிறங்குகிறார் அதிரடி வீரர் கிறிஸ் கெயில்

 

 
13CHRELGAYLE

கிறிஸ் கெயில்   -  படம்: விவேக் பென்ரே

அயர்லாந்து - மேற்கிந்தியத் தீவுகள் அணிக்கு இடையிலான ஒருநாள் கிரிக்கெட் போட்டி பெல்பாஸ்ட் நகரில் இன்று நடக்கிறது. இப்போட்டியில் மேற்கிந்தியத் தீவுகள் அணிக்காக கிறிஸ் கெயில் நீண்ட நாட்களுக்குப் பிறகு களம் இறங்குகிறார்.

மேற்கிந்தியத் தீவுகள் கிரிக்கெட் அணி, தற்போது இங்கிலாந்தில் சுற்றுப்பயணம் செய்து விளையாடி வருகிறது. இங்கிலாந்துக்கு எதிரான டெஸ்ட் தொடரை அந்த அணி இழந்தபோதிலும், ஒரு டெஸ்ட் போட்டியில் வெற்றி பெற்றது கிரிக்கெட் உலகில் சற்று தாக்கத்தை ஏற்படுத்தியது. நட்சத்திர வீரர்கள் யாரும் இல்லாத நிலையிலும், வலுவான இங்கிலாந்து அணியை மேற்கிந்தியத் தீவுகள் வென்றதை கிரிக்கெட் வல்லுநர்கள் பாராட்டி வருகிறார்கள்.

இந்நிலையில் இங்கிலாந்துக்கு எதிரான டி20 மற்றும் ஒருநாள் போட்டிகளுக்கு முன்னதாக, அயர்லாந்து அணிக்கு எதிரான ஒருநாள் கிரிக்கெட் போட்டியில் மேற்கிந்தியத் தீவுகள் அணி இன்று விளையாடுகிறது. இப்போட்டியில் கிறிஸ் கெயில், மார்லன் சாமுவேல்ஸ், ஜெரோம் டெய்லர் ஆகிய நட்சத்திர வீரர்கள் மீண்டும் இடம்பெற்றுள்ளது மேற்கிந்தியத் தீவுகள் அணியின் தன்னம்பிக்கையை அதிகரித்துள்ளது.

அந்த அணியைப் பொறுத்தவரை உள்ளூர் தொடர்களில் விளையாடும் வீரர்கள் மட்டுமே, சர்வதேச போட்டிகளுக்கு தேர்ந்தெடுக்கப்படுவார்கள் என்ற நிலை இருந்தது. ஆனால் ஐபிஎல் போன்ற போட்டிகளில் பங்கேற்கச் செல்வதால் உள்ளூர் தொடர்களை நட்சத்திர வீரர்கள் புறக்கணித்து வந்தனர். இதனால் அவர்கள் சர்வதேசப் போட்டிகளுக்கான அணியில் சேர்க்கப்படவில்லை. இந்நிலையில் மேற்கிந்தியத் தீவுகள் கிரிக்கெட் வாரியம் மன்னிப்பு வழங்கியதால், 2015-ம் ஆண்டு உலகக் கோப்பை தொடருக்குப் பிறகு இன்றைய ஆட்டத்தில் கிறிஸ் கெயில் விளையாடுகிறார்.

கிறிஸ் கெயிலைப் போலவே சாமுவேல்ஸ், ஜெரோம் டெய்லர் ஆகியோரும் 2016-ம் ஆண்டுக்குப் பிறகு அணிக்கு திரும்பியுள்ளனர். அவர்களின் வருகையும் அணிக்கு பலம் சேர்க்கும் என்று கருதப்படுகிறது. இதுகுறித்து மேற்கிந்தியத் தீவுகள் அணியின் தேர்வுக்குழு தலைவர் கோர்ட்னி பிரவுனி கூறும்போது, “கிறிஸ் கெயில், சாமுவேல்ஸ் ஆகிய இருவரையும் மீண்டும் அணிக்கு வரவேற்கிறோம். அவர்களின் வருகை அணியின் பேட்டிங் வரிசையை வலுப்படுத்தும். மற்ற வீரர்களுக்கும் அவர்களின் அனுபவம் உதவியாக இருக்கும்” என்றார்.

அயர்லாந்து அணிக்கு எதிரான ஒரு போட்டியிலும், இங்கிலாந்துக்கு எதிரான 5 போட்டிகளில் நான்கிலும் வெற்றி பெற்றால்தான் மேற்கிந்தியத் தீவுகள் அணியால் உலகக் கோப்பை போட்டிக்கு நேரடியாக தகுதி பெற முடியும் என்ற நிலை உள்ளது. இந்த சூழ்நிலையில் கிறிஸ் கெயில் அணியில் இருப்பது, உலகக் கோப்பைக்கு நேரடியாக தகுதிபெற உதவியாக இருக்கும் என்று மேற்கிந்தியத் தீவுகள் அணியின் நிர்வாகிகள் கருதுகின்றனர்.

மாறாக இந்தத் போட்டிகளில் தேவையான அளவுக்கு வெற்றிகளைக் குவிக்காவிட்டால், வரும் மார்ச் மாதம் நடக்கவுள்ள தகுதிச் சுற்றுப் போட்டியில், அயர்லாந்து, ஆப்கானிஸ்தான், ஜிம்பாப்வே ஆகிய அணிகளுடன் தகுதிச் சுற்றுப் போட்டியில் அந்த அணி ஆட நேரிடும். இதில் முதல் 2 இடங்களைப் பெறும் அணிகள் உலகக் கோப்பைக்கு தகுதிபெறும்.

இந்நிலையில் இந்தத் தொடரில் ஆடுவது பற்றி கிறிஸ் கெயில் கூறும்போது, “நான் மீண்டும் மேற்கிந்தியத் தீவுகள் அணிக்காக ஆடுவதில் ரசிகர்கள் மகிழ்ச்சி அடைந்துள்ளனர். அடுத்த உலகக் கோப்பை கிரிக்கெட் போட்டியிலும் மேற்கிந்தியத் தீவுகள் அணிக்காக ஆட விரும்புகிறேன். கிரிக்கெட் வாரியத்துக்கும் வீரர்களுக்கும் இடையிலான பிரச்சினைகள் தீர்ந்து வருகின்றன. இந்த நல்லுறவை மேலும் வலுப்படுத்த வேண்டும்” என்றார்.

இதற்கிடையே இன்றைய போட்டியின்போது மழையின் குறுக்கீடு இருக்கலாம் என்று வானிலை ஆராய்ச்சி மையம் எச்சரித்துள்ளது. - ஏஎப்பி

http://tamil.thehindu.com/sports/article19675155.ece?homepage=true

Categories: merge-rss

லாலிகா தொடரில் முன்னிலை வகிக்கும் பார்சிலோனா

Tue, 12/09/2017 - 20:22
லாலிகா தொடரில் முன்னிலை வகிக்கும் பார்சிலோனா
LaLiga Third Matches
TP-BB-Website-Banner-visit-the-hub-728.jpg

உலகக் கிண்ண தகுதிகாண் போட்டிகளின் பின்னரான லாலிகா சுற்றுப் போட்டிகளின் மூன்றாம் கட்டப்போட்டிகள் 9ஆம் திகதி தொடக்கம் 12ஆம் திகதி வரை நடைபெற்றது. போட்டியின் முடிவில் பார்சிலோனா கழகம் புள்ளிப்பட்டியலில் முன்னிலை பெற்றுக் கொண்டது. பல அணிகளின் எதிர்பாராத போட்டி முடிவுகள் ஆதரவாளர்களை மகிழ்ச்சியிலும் அதேபோல் அதிருப்தியிலும் ஆளாக்கியுள்ளது.

உலக கிண்ண கால்பந்து போட்டிகளுக்கான தகுதிகாண் போட்டிகளின் பின்னரான ஸ்பெய்னின் லாலிகா சுற்றுப்போட்டிகள் 9ஆம் திகதி ஆரம்பமாகியது. ஓருவார கால இடைவெளியின் பின்னர் ஆதரவாளர்கள் தமது அணியின் வீரர்களை உற்சாகப்படுத்த திரள் திரளாக மைதானத்திற்கு சமூகமளித்திருந்தனர். அதற்கு ஏற்றாற்போல் போட்டிகளும் மிகவும் சூடுபிடித்தே காணப்பட்டன. எது எவ்வாறாயினும் கால்பந்து ரசிகர்களுக்கு இவ்வாரப் போட்டிகள் சிறந்த விருந்தாகவே அமைந்தன. அத்துடன் இவ்வாரம் அனைத்து அணிகளும் மோதும் மூன்றாவது போட்டியாகும்.

நடைபெற்று முடிந்த மூன்று போட்டிகளிலுமே அனைத்து போட்டிகளையும் வெற்றி பெற்ற அணியாக பார்சிலோனா மற்றும் ரியல் சொசிடட் கழகங்கள் திகழ்கின்றன.

இவ்வாரம் முதற்கட்ட போட்டிகளாக 9ஆம் திகதி நடைபெற்ற போட்டிகளைக் குறிப்பிடலாம். கெடாபே கால்பந்து கழகம் (Getafe CF), இவ்வாரம் லெகனாஸ் கழகத்திற்கு எதிராக நடைபெற்ற போட்டியில் 2-1 என்ற கோல்கள் வித்தியாசத்தில் வெற்றி பெற்று இப்பருவகாலத்திற்கான லாலிகா சுற்றின் முதல் வெற்றியை பதிவு செய்தது. கெடாபே அணிக்காக மோரோ அரம்பர்ரீ (Mauro Arambarri) 39ஆவது நிமிடத்திலும் மற்றும் அல்வாரோ (Álvaro Jiménez) 83ஆவது நிமிடத்திலும் கோல்களை பெற்றுக் கொடுத்தனர். அதேபோல் லெகனாஸ் அணிக்காக மீகுவெல் குரேரா (Miguel Ángel Guerrero) 65ஆவது நிமிடத்தில் ஓரு கோலை பெற்றார். இதில் முக்கிய விடயம் யாதெனில் லெகனாஸ் அணிக்கு போட்டியின் 72ஆவது நிமிடத்தில் கிடைக்கப்பெற்ற பெனால்டி வாய்ப்பை பயன்படுத்தி மீகுவெல் குரேரா கோலாக்க முயன்றபோது அதனை கெடாபே அணியின் கோல் காப்பாளர் சிறந்த முறையில் தடுத்து வெற்றிக்றகு வழி வகுத்தார்.

அதேதினம் நடைபெற்ற றியல் மட்றிட் மற்றும் லெவன்டே (Levante) கழகங்கள் மோதிய போட்டியின் முடிவால் றியல் மட்றிட் கழக ஆதரவாளர்கள் ஏமாற்றமடைந்துள்ளனர். றியல் மட்றிட் கழகத்தின் மைதானமான பர்னாபீயூவில் (Santiago Bernabéu) நடைபெற்ற இப்போட்டியில் றியல் மட்றிட் கழகத்தால் வெற்றியீட்ட முடியவில்லை. அத்துடன் 1-1 என்ற கோல் கணக்கில் போட்டியை வெற்றி தோல்வியின்றி சமநிலையிலேயே நிறைவு செய்தனர். மேலும் தொடர்ந்து இரு போட்டிகளையும் சமநிலையில் நிறைவு செய்த றியல் மட்றிட் அணியின் முக்கிய வீரர்கள் போட்டியை ஆரம்பிக்காததும், றியல் மட்றிட் அணியின் இரண்டாவது தலைவர் மார்சலோவிற்கு போட்டியின் 89ஆவது நிமிடத்தில் வழங்கப்பட்ட சிவப்பு அட்டை மூலமும் ஆதரவாளர்கள் அதிருப்தியிலுள்ளனர். லெவான்டே கழகத்திற்காக லோபெஸ் (López Álvarez) 12ஆவது நிமிடத்திலும் றியல் மட்றிட் கழகத்திற்காக லுகாஸ் வாஸ்கஸ் (Lucas Vázquez) 36ஆவது நிமிடத்திலும் கோல்களைப் பெற்றுக் கொடுத்தனர்.

 

 

மேலும் வெலன்ஸியா மற்றும் அட்லடிகோ மட்றிட் கழகங்கள் மோதிய போட்டியானது இரு அணிகளும் எவ்வித கோலையும் பெறாத நிலையில் சமநிலையில் முடிவுற்றது. அன்றைய தினம் நடைபெற்ற இறுதிப் போட்டியில் செவில்லா அணி எய்பர் (Eibar) அணிக்கு எதிரான போட்டியில் 3-0 என்ற கோல்கள் வித்தியாசத்தில் வெற்றி பெற்றது.

10ஆம் திகதி நடைபெற்ற போட்டியில் ஜீரோனா கழகம் அத்லடிக் பில்பாகு (Ath. Bilbao) கழகத்திடம் 2-0 என்ற கோல்கள் கணக்கில் தோல்வியுற்றதன் மூலம் லாலிகா சுற்றுப் போட்டியில் தனது முதல் தோல்வியை சந்தித்தது. மேலும் அலவெஸ் (Alaves) மற்றுன் செல்டாவிகோ கழகங்களுக்கிடையிலான போட்டியில் 1-0 என்ற கோல் வித்தியாசத்தில் செல்டாவிகோ கழகம் வெற்றி பெற்று இப்பருவகாலத்தின் முதல் வெற்றியை பெற்றுக்கொண்டது.

டிபோர்டிவோ மற்றும் றியல் சொசிடட் கழகங்கள் மோதிய போட்டி இறுதிவரை விறுவிறுப்பான போட்டியாகவே அமைந்தது. போட்டியின் முதல் 5 நிமிடங்களுக்குள் அசியர் இல்லரமன்டே (Asier Illarramendi) மற்றும் ஜீவான்மி ஆகியோரின் கோல்களினால் 2-0 என்ற கோல்கள் கணக்கில் றியல் சொசிடட் கழகம் முன்னிலை வகித்தது. அதனைத் தொடர்ந்து முதல் பாதி முடிவடைவதற்குள் டிபோர்டிவோ கழகம் சார்பாக போட்டியின் 27ஆவது நிமிடத்தில் அட்ரியன் லோபெஸ் ஓரு கோலைப் பெற்றார்.

போட்டியின் இரண்டாம் பாதியில் விரைவாக செயற்பட்ட டிபோர்டிவோ கழகம், 50ஆவது நிமிடத்தில் பொலோரின் அன்டோன் (Florin Andone) பெற்ற கோலினால் போட்டியை சமநிலைப்படுத்தியது. எனினும் போட்டியின் இறுதித்தருவாயில், 83ஆவது மற்றும் 86ஆவது நிமிடங்களின் முறையே டியோகே லோரன்டே (Diego Llorente) மற்றும் அசியர் இல்லரமன்டே ஆகியோர் தலா ஒவ்வொரு கோலை தமது அணிக்காக பெற்றதன் மூலம் றியல் சொசிடட் கழகம் 4-2 என்ற கோல்கள் கணக்கில் வெற்றியை தமதாக்கியது.

அடுத்ததாக பார்சிலோனா மற்றும் ஸ்பான்யோல் (Espanyol) கழகங்கள் மோதிய போட்டியில் பார்சிலோனா கழகத்தின் நட்சத்திர வீரர் லயனல் மெஸ்சியின் ஹட்ரீக் கோலினால் இப்போட்டியை 5-0 என்ற கோல்கள் கணக்கில் அபார வெற்றியீட்டியது பார்சிலோனா அணி. போட்டியின் ஆரம்பம் முதலே ஆதிக்கம் செலுத்திய பார்சிலோனா அணிக்காக லயனல் மெஸ்சி 26, 35 மற்றும் 67 ஆவது நிடங்களிலும் ஜெராட் பீகே 87ஆவது நிமிடத்திலும், லுயிஸ் ஸுவாரேஸ் 90ஆவது நிமிடத்திலும் கோல்களை பெற்றுக் கொடுத்தனர். பார்சிலோனா கழகத்துடன் இப்பருவகாலம் முதல் இணைந்த ஓஸ்மானே டேம்பல்லே (Ousmane Dembele) போட்டியின் 68ஆவது நிமிடத்தில் களமிறங்கினார். அத்துடன் பார்சிலோனா அணி ஒரு கோலை பெறவும் உதவி செய்தார். ஸ்பான்யோல் கழகத்திற்கு சிறந்த வாய்ப்புக்கள் கிட்டியும் அதனை சரிவர பயன்படுத்த தவறியமையால் பார்சிலோனா அணியிடம் இப்போட்டியில் தோல்வியுற்றது.

 

11ஆம் திகதியன்று நடைபெற்ற போட்டியில் றியல் பெடிஸ் (Real Betis) மற்றும் விலரல் கழகங்கள் மோதின. இப்போட்டியில் விலரல் கழகம் 3-1 என்ற கோல்கள் கணக்கில் வெற்றி பெற்றது.

மூன்றாம் கட்டப்போட்டியின் இறுதிப்போட்டியானது மலாகா மற்றும் லஸ் பல்மாஸ் (Las Palmas) கழகங்களுக்கிடயே நடைபெற்றது. இப்போட்டியில் லஸ் பல்மாஸ் கழகம் 3-1 என்ற கோல்கள் கணக்கில் வெற்றி பெற்றது.

இறுதியாக இன்றுவரை (12/09/2017) நடைபெற்று முடிந்துள்ள போட்டிகளின் அடிப்படையில் புள்ளிப்பட்டியல்            

நிலை அணி போட்டிகள் வெற்றி சமநிலை தோல்வி புள்ளிகள் 1 பார்சிலோனா 3 3 0 0 9 2 றியல் சொசிடட் 3 3 0 0 9 3 செவில்லா 3 2 1 0 7 4 அத். பில்பாகு 3 2 1 0 7 5 லெகனஸ் 3 2 0 1 6 6 அட். மட்றிட் 3 1 2 0 5 7 றியல் மட்றிட் 3 1 2 0 5 8 லெவன்டே 3 1 2 0 5 9 வெலன்சியா 3 1 2 0 5 10 கேடாவேய் 3 1 1 1 4 11 ஜீரோனா 3 1 1 1 4 12 செல்டாவிகோ 3 1 0 2 3 13 விலரல் 3 1 0 2 3 14 றியல் பெடிஸ் 3 1 0 2 3 15 ஏய்பர் 3 1 0 2 3 16 டிபோர்டிவோ 3 0 1 2 1 17 ஸ்பான்யல் 3 0 1 2 1 18 மலாகா 2 0 0 2 0 19 அலவஸ் 3 0 0 3 0 20 லஸ் பல்மாஸ் 2 0 0 2 0

http://www.thepapare.com

Categories: merge-rss

போட்டித் தடைக்கு உள்ளாகியுள்ள ரியல் மெட்ரிடின் மூன்று தலைவர்கள்

Tue, 12/09/2017 - 20:20
போட்டித் தடைக்கு உள்ளாகியுள்ள ரியல் மெட்ரிடின் மூன்று தலைவர்கள்
prv_1505035654-696x458.jpg
TP-BB-Website-Banner-visit-the-hub-728.jpg

புதிய பருவகாலத்திற்கான அனைத்து கால்பந்தாட்ட சுற்றுப்போட்டிகளும் ஆரம்பமாகியுள்ள நிலையில் ஸ்பெய்னின் ரியல் மெட்ரிட் கழகத்தின் முதல் மூன்று தலைவர்களும் கடந்த ஒருமாத காலத்திற்குள் சிவப்பு அட்டை காண்பிக்கப்பட்டு வெளியேற்றப்பட்டது மட்டுமன்றி, பல போட்டிகள் தடைவிதிக்கப்பட்டுமுள்ளன. இந்நிகழ்வால் அவ்வணியின் ஆதரவாளர்கள் அதிருப்தியடைந்துள்ளதை காணக்கூடியதாக உள்ளது.

இப்பருவகாலத்திற்கான லாலிகா சுற்றுப்போட்டி முதல் பிரீமியர் லீக் வரையிலான அனைத்து சுற்றுப்போட்டிகளும் ஆரம்பிக்கப்பட்டு, நடைபெற்றுவருகின்றது. போட்டி முடிவுகள் தமது அணிக்கு சாதகமாக அமையாத நிலையில் வீரர்கள் முதற்கொண்டு, ஆதரவாளர்களும் அதிருப்தி அடைவதை காணக்கூடியதாக உள்ளது. இதற்கு நடுவர்களின் முடிவுகளே காரணிகளாக அமைகின்றன.

ஸ்பெய்னின் லாலிகா சுற்றுப்போட்டியில் விளையாடிவரும் றியல் மட்றிட் கால்பந்து கழகம் இப்பருவகாலத்தின் முதற்கட்ட போட்டிகளில் பின்னடைவை அடைந்துள்ளதை லாலிகா சுற்றுப்போட்டியின் புள்ளிப்பட்டியல் எடுத்துக்காட்டுகிறது. கடந்த பருவகாலத்திற்கான லாலிகா சம்பியன் கிண்ணத்தை தனதாக்கிய ரியல் மெட்ரிட் அணி, தற்போது நடைபெற்று முடிந்துள்ள மூன்று போட்டிகளின் பின்னர் புள்ளிப்பட்டியலில் 7ஆவது இடத்திலுள்ளது.

அத்துடன் இப்பருவகாலத்திற்கான சுற்றுப்போட்டிகள் ஆரம்பிக்கப்பட்டு குறுகிய காலத்திற்குள் ரியல் மெட்ரிட் அணியின் முக்கிய வீரர்கள் பலர் போட்டி விதிமுறைகளை மீறி விளையாடிய குற்றத்திற்காக போட்டியின் இடைநடுவே சிவப்பு அட்டை காட்டப்பட்டு வெளியேற்றப்பட்டுள்ளனர். இந்நிகழ்வுகளால் அவ்வணியின் ரசிகர்கள் அதிருப்தியிலுள்ளனர்.

கடந்த ஒருமாத காலத்திற்குள் ரியல் மெட்ரிட் கழகத்தின் முதல் மூன்று தலைவர்களுமே இவ்வாறு சிவப்பு அட்டை காட்டப்பட்டவர்களாவர். பார்சிலோனா கழகத்துடன் நடைபெற்ற ஸ்பெய்னின் சூப்பர் கிண்ணத்திற்கான இறுதியாட்டத்தின் முதற்கட்ட போட்டியில், ரியல் மெட்ரிட் கழகத்தின் தற்போதைய மூன்றாவது தலைவரான கிறிஸ்டியானோ ரோனால்டோ போட்டியின் 82ஆவது நிமிடத்தில் சிவப்பு அட்டை காட்டப்பட்டு வெளியேற்றப்பட்டார்.

இவர் போட்டியின் 80ஆவது நிமிடத்தில் தான் பெற்ற கோலின்போது தனது மேலாடையை (T-Shirt) கழற்றியதற்காக ஒரு மஞ்சள் அட்டையும், போட்டியின் 82ஆவது நிமிடத்தில் பார்சிலோனாவின் பெனால்டி எல்லையில் டைவ் (Dive) பண்ணிய குற்றத்திற்கு இரண்டாவது மஞ்சள் அட்டையும் காண்பிக்கப்பட்டு பின்னர் சிவப்பு அட்டை காண்பிக்கப்பட்டு வெளியேற்றப்பட்டார்.

இரண்டாவது சிவப்பு அட்டையின் போது நடுவரை தள்ளிய குற்றத்தையும் இணைத்து இவருக்கு 5 போட்டிகள் தடை விதிக்கப்பட்டது. அதனைத் தொடர்ந்து ரியல் மெட்ரிட் கழகம் டிபோர்டிவோ கழகத்துடன் மோதிய தனது முதல் லாலிகா போட்டியில் றியல் மட்றிட் கழகத்தின் முதல் தலைவரும், சிறந்த பின்கள வீரருமான ஸர்ஜீயோ ராமோஸிற்கு போட்டியின் 92ஆவது நிமிடத்தில் இரண்டு மஞ்சள் அட்டை காண்பிக்கப்பட்டு வெளியேற்றப்பட்டார். அத்துடன் இவருக்கு ஒரு லாலிகா போட்டித் தடையும் விதிக்கப்பட்டது.

இதில் முக்கிய விடயம் யாதெனில் இவர்கள் இருவருடைய சிவப்பு அட்டை சம்பந்தமாகவும் ரியல் மெட்ரிட் கழகம் மேன்முறையீடு செய்த போதும், தண்டனைகள் எந்த விதத்திலும் குறைக்கப்படவில்லை.

 

கடந்த வாரம் நடைபெற்ற லாலிகா சுற்றுப் போட்டியில் லெவன்டே மற்றும் றியல் மட்றிட் கழகங்கள் மோதின. இப்போட்டியில் ரியல் மெட்ரிட் அணி தனது சிறப்பாட்டத்தை வெளிப்படுத்த தவறியது. இப்போட்டியில் றியல் மட்றிட் அணியின் இரண்டாம் தலைவர் மார்சலோவிற்கு போட்டியின் 88ஆவது நிமிடத்தில் நேரடியாக சிவப்பு அட்டை காண்பிக்கப்பட்டு வெளியேற்றப்பட்டார்.

போட்டியின் 88ஆவது நிமிடத்தில் மார்சலோ கோலை நோக்கி வேகமாக அடித்த பந்தை, லெவன்டே (Levante) கோல் காப்பாளர் சிறப்பாக தடுத்ததன் பின்னர், லெவன்டே பின்கள வீரர் பெட்ரோ லோபெஸ் (Pedro Lopez) உடன் நிலை தடுமாறி மோதிய போது அவரை வேண்டுமேன்றே காலால் உதைத்ததாக குற்றம் சாட்டப்பட்டு மார்சலோவிற்கு சிவப்பு அட்டை காண்பிக்கப்பட்டது. ரியல் மெட்ரிட் கழக தற்போதைய பயிற்றுவிப்பாளர் ஸினடினின் ஸிடேன் (Zinedine Zidane) இது பற்றி பின்வருமாறு தெரிவித்துள்ளார். ”நான் எதுவும் கூறப்போவதில்லை. அவர் (நடுவர்) அவருடைய கடமையை செய்துள்ளார்.”

மேலும் ரியல் மெட்ரிட் கழகத்தின் நட்சத்திர வீரரும், மார்சலோவின் சிறந்த நண்பராகவும் கருதப்படும் ரொனால்டோ இந்நிகழ்வு சம்பந்தமாக பின்வருமாறு கருத்து தெரிவித்துள்ளார். ”மார்சலோ சிறந்த ஒரு கால்பந்து வீரர். அவர் எதிரணி வீரர்களை மதிப்பவராகவும் உள்ளார். அவர் வேண்டுமென்றே அவ்வாறு உதைந்து இருக்க மாட்டார்.” இவர்கள் இவ்வாறு கருத்து தெரிவித்துள்ள அதேவேளை நேற்றைய தினம் (11) மார்சலோவிற்கு நான்கு போட்டிகள் தடை விதிக்கப்பட்டுள்ளதாக அறிவிக்கப்பட்டுள்ளது. இவ்வாறான நிகழ்வுகளை இனிவரும் காலங்களில் ரியல் மெட்ரிட் கழகம் எவ்வாறு எதிர் கொள்ளும் என பொறுத்திருந்தே பார்க்க வேண்டும்.

http://www.thepapare.com

Categories: merge-rss

இலங்கை கிரிக்கெட் மைதானத்தில் இருந்து முரளீதரன் பெயர் நீக்கம்

Tue, 12/09/2017 - 19:17
இலங்கை கிரிக்கெட் மைதானத்தில் இருந்து முரளீதரன் பெயர் நீக்கம்
முத்தையா முரளீதரன் (வலது)படத்தின் காப்புரிமைLAKRUWAN WANNIARACHCHI/AFP/GETTY IMAGES Image captionமுத்தையா முரளீதரன் (வலது)

இலங்கையில் கண்டி மாவட்டத்திலுள்ள பல்லேகல சர்வதேச கிரிக்கெட் மைதானத்தில் பொறிக்கப்பட்டிருந்த முன்னாள் இலங்கை சுழல் பந்து வீச்சாளர் முத்தையா முரளிதரனின் பெயர் அகற்றப்பட்டுள்ளதாக அவரது தந்தை சி.முத்தையா தெரிவித்துள்ளார்.

இன்று செவ்வாய்கிழமை மல்வத்து மகாநாயக்கர் திப்பட்டுவாவே ஶ்ரீ சித்தார்த்த சுமங்கல தேரரை சந்தித்த முத்தையா இதற்கான தீர்வை பெற்றுத் தருமாறு கேட்டுள்ளார்.

மகிந்த ராஜபக்ச ஆட்சிக் காலத்தில் இந்த மைதானத்திற்கு முத்தையா முரளிதரன் பெயர் வைக்கப்பட்டது.

தற்போது அந்த மைதானத்தில் இருந்து தனது மகனின் பெயர் நீக்கப்பட்டுள்ளதாக முத்தையா முரளிதரனின் தந்தை கூறுகின்றார்.

விளையாட்டுத்துறை அமைச்சருடன் கலந்துரையாடி இந்த பிரச்சினைக்கு தீர்வை பெற்றுத் தருவதாக மகாநாயக்க தேரர் தம்மிடம் கூறியதாகவும் முத்தையா கூறினார்.

http://www.bbc.com/tamil/sri-lanka-41246960

Categories: merge-rss

குத்துச்சண்டையில் வரலாற்று சாதனை படைத்த வித்தியானந்தா கல்லூரி

Tue, 12/09/2017 - 16:13
குத்துச்சண்டையில் வரலாற்று சாதனை படைத்த வித்தியானந்தா கல்லூரி

 

பாடசாலை குத்துச்சண்டை சங்கத்தினரால் நடாத்தப்படும் அகில இலங்கை பாடசாலைகளுக்கிடையிலான 48 ஆவது டி.பி ஜெயா ஞாபகார்த்த தேசிய குத்துச்சண்டை போட்டியில் முல்லைத்தீவு முள்ளியவளை வித்தியானந்தா கல்லூரி  நான்கு தங்க பதக்கங்களை கைப்பற்றி அகில இலங்கை ரீதியில் முதலிடம் பெற்று வரலாற்று சாதனையை நிலைநாட்டியுள்ளது.

Local_News.jpg

நாடு பூராகவும் 48 பாடசாலைகளை சேர்ந்த 267 வீரர்கள் பங்குபற்றிய 16 பிரிவுகளைக் கொண்ட இந்த தேசிய போட்டித்தொடர் கடந்த 8 ஆம் திகதி ஆரம்பமாகி தொடர்ந்து நான்கு நாட்கள் முள்ளியவளை வித்தியானந்தா கல்லூரியின் குத்துச்சண்டை திடலில் இடம்பெற்றுவந்தது.

முல்லைத்தீவு மாவட்டத்தில் முதன்முறையாக இந்த போட்டி இடம்பெற்றதோடு முல்லைத்தீவு மாவட்டத்தை பிரதிநிதித்துவப்படுத்தி 6 பாடசாலைகள் கலந்துகொண்டிருந்தன.

இதில் முள்ளியவளை வித்தியானந்தாக்கல்லூரியை சேர்ந்த வி.சாம்சன் 35 கிலோ - 37 கிலோ  எடைப்பிரிவில் தங்கம், 52கிலோ  -56கிலோ  எடைப்பிரிவில் எம்.தனுஜன் தங்கம், 56கிலோ - 60கிலோ  எடைப்பிரிவில் வை.ஜனனன் தங்கம், 60 கிலோ - 64 கிலோ  எடைப்பிரிவில் வை.கிரிதுரன் தங்கம் என நான்கு தங்கப்பதக்கங்களை சுவீகரித்து தேசிய சாதனையை நிலை நாட்டினர்.

IMG_1631.JPG

இந்த போட்டியில் முல்லைத்தீவு மாவட்டத்தைசேர்ந்த  முத்தையன்கட்டு வலதுகரை (அ. த. க) பாடசாலை வீரர் ஏ .தமிழரசன் 43 கிலோ - 45 கிலோ எடைப்பிரிவில் தங்கப்பதக்கத்தினையும்  முத்தையன்கட்டு இடதுகரை (அ. த.க) பாடசாலை வீரர் பி.ரூபன் வெள்ளிப் பதக்கத்தினையும் பெற்றுக்கொண்டனர். 

வடக்கில் குறிப்பாக முல்லைத்தீவு மாவட்டத்தில் பாடசாலைகளுக்கிடையில் குத்துச்சண்டைப் போட்டி கடந்த 2012 ஆம் ஆண்டுக்குப் பின்னரே ஆரம்பித்துள்ளது.

இந்நிலையில், தேசிய மட்டத்தில் பல்வேறு வகையான சாதனைகளை நிலைநாட்டும் வீரர்கள் இந்த மாவட்டத்தில் அதிகமாகவுள்ளனர் என்பது தற்போது  வெளிப்படுத்தப்பட்டுள்ளது.

IMG_1604.JPG

முல்லைத்தீவு மாவட்டத்தில் குறிப்பாக குத்துச்சண்டை பயிற்சியின் பிரதம ஆசிரியர் மதுசங்க மற்றும் வள்ளுவன் மாஸ்ரர் ஆகியோரின் பயிற்சியால் வளர்க்கப்படுகின்ற இம் மாணவர்கள் சிறந்த மாணவர்களாக மாவட்டத்திற்கு பெருமை சேர்த்து வருகின்றார்கள்.

கடந்த காலங்களில் இடம்பெற்ற தேசிய மாவட்ட போட்டிகளிலும் தங்கப் பதக்கங்களை பெற்று முன்னிலை வகித்தவர்கள். இந்த ஆண்டுக்கான தேசிய குத்துச்சண்டை போட்டி முதல்முதலாக வடமாகாணாத்தில் நடைபெறுவது என்பது பெருமைக்குரியது.

வடக்கில் உள்ள மாணவர்களின் திறமைகளை விளையாட்டில் வெளிக்கொணர இதுவொரு நல்ல சந்தர்ப்பமாக அமைந்துள்ளமை குறிப்பிடத்தக்கது.

http://www.virakesari.lk/article/24330

Categories: merge-rss

ஆஸி. வீரர்களின் சிக்ஸர் மழைக்கு மத்தியில் கில்லி போல பந்துவீசிய வாஷிங்டன் சுந்தர்!

Tue, 12/09/2017 - 12:26
ஆஸி. வீரர்களின் சிக்ஸர் மழைக்கு மத்தியில் கில்லி போல பந்துவீசிய வாஷிங்டன் சுந்தர்!

 

 
Washington_Sundar1

 

11 சிக்ஸர்கள். 50 ஓவர்களில் 347 ரன்கள்.

இந்த ரன் மழைக்கு மத்தியில் வாஷிங்டன் சுந்தர் மட்டும் தன்னிரகற்ற பந்துவீச்சாளராக விளங்கினார். அட என்று அத்தனை பேரும் ஆச்சர்யப்படும் பந்துவீச்சு. 

இந்தியா - ஆஸ்திரேலியா அணிகள், 5 போட்டிகள் கொண்ட ஒரு நாள் கிரிக்கெட் தொடர், 3 போட்டிகள் டி20 தொடர் ஆகியவற்றில் மோதுகின்றன. ஒரு நாள் தொடரின் முதல் ஆட்டம் வரும் ஞாயிற்றுக்கிழமை சென்னையில் நடைபெறுகிறது. அதை முன்னிட்டு ஆஸ்திரேலியா-இந்திய கிரிக்கெட் கட்டுப்பாட்டு வாரிய (பிசிசிஐ) தலைவர் லெவன் அணிகள் மோதும் ஒரு நாள் பயிற்சி (50 ஓவர்) ஆட்டம் சென்னையில் இன்று தொடங்கியுள்ளது.

டாஸ் வென்று முதலில் பேட்டிங் செய்த ஆஸ்திரேலிய அணி, 50 ஓவர்களில் 7 விக்கெட் இழப்புக்கு 347 ரன்கள் குவித்தது. 

பிசிசிஐ தலைவர் அணி சார்பில் 8 பேர் பந்துவீசினார்கள். ஐபிஎல்-லில் கவனம் பெற்ற சந்தீப் சர்மா, இந்திய அணியில் தேர்வான குர்கீரத் மன் ஆகியோரும் அதில் உள்ளனர். 8 பேரில் 6 பேரின் பந்துவீச்சை ஆஸ்திரேலிய பேட்ஸ்மேன்கள் பதம் பார்த்தார்கள். கர்னேஸ்வர், கேடி படேல் ஆகியோர் சராசரியாக ஒரு ஓவருக்கு 9 ரன்களுக்கு மேல் கொடுத்தார்கள். சந்தீப் சர்மா, குர்கீரத், குல்வந்த் ஆகியோர் 7 ரன்களுக்கு மேல். எகானமி ரேட் 6 ரன்களுக்குள் இருந்தது இருவருக்குத்தான். இருவரும் தமிழக வீரர்கள். வாஷிங்டன் சுந்தர்,  ரஹில் ஷா.

7 ஓவர்கள் வீசி 32 ரன்கள் மட்டும் கொடுத்தார் ரஹில் ஷா. ஆனால் அவரால் விக்கெட் எதுவும் எடுக்கமுடியவில்லை. இந்திய பந்துவீச்சாளர்களில் அசத்தியவர் வாஷிங்டன் சுந்தர்தான். 8 ஓவர்கள் வீசி 23 ரன்கள் மட்டுமே கொடுத்து 2 விக்கெட்டுகளை வீழ்த்தினார். ஆஸி. கேப்டன் ஸ்மித் மற்றும் மேக்ஸ்வெல் என இரு முக்கியமான விக்கெட்டுகளை வீழ்த்தி ஆஸ்திரேலிய அணியின் ரன் குவிப்பைத் தன்னால் முடிந்தளவுக்கு கட்டுப்படுத்தினார். பேட்டிங்குக்குச் சாதகமான ஆடுகளத்திலும் தன்னால் ரன்களைக் கட்டுப்படுத்தமுடியும் என்று வாஷிங்டன் நிரூபித்த மற்றொரு போட்டி இது. 

ஐபிஎல், டிஎன்பில்-லில் மட்டுமல்ல சர்வதேச அணிக்கு எதிராகவும் தன்னால் சிறப்பாகப் பங்களிக்க முடியும் என்பதை இந்தப் போட்டியின் மூலம் நிரூபித்துள்ளார் 17 வயது வாஷிங்டன் சுந்தர். 

சமீபத்தில் முடிந்த ஐபிஎல்-லில் சிறந்த சுழற்பந்துவீச்சாளராகவும் டிஎன்பிஎல்-லில் சிறந்த ஆல்ரவுண்டராகவும் விளங்கினார். இதையடுத்து இன்றைய போட்டியின் மூலம் அடுத்தக் கட்டத்துக்குச் செல்லவுள்ளார்.

கடந்த ஐபிஎல்-லில் புணே அணிக்காக விளையாடிய வாஷிங்டன் சுந்தர், 11 ஆட்டங்களில் 8 விக்கெட்டுகளை வீழ்த்தினார். எகானமி - 6.16 என்பதுதான் இவரை அனைவர் மத்தியிலும் புகழ்பெற வைத்தது. அதிலும் ஆரம்ப ஓவர்களில் பந்துவீசியும் அதிக ரன்கள் கொடுக்காமல் அணிக்குப் பக்கபலமாக விளங்கினார். எனினும் இந்த ஐபிஎல்-லில் வாஷிங்டனின் பேட்டிங் திறமையை பார்க்கும் வாய்ப்பு கிடைக்கவில்லை. 

இதன்பிறகு டிஎன்பிஎல்-லில் விளையாடினார். இங்கு இவருடைய பேட்டிங் ரசிகர்களை அதிகமாகக் கவர்ந்தது. 9 போட்டிகளில் 459 ரன்கள் குவித்தார். சதமடித்தது மட்டுமல்லாமல் 15 பந்துகளில் அரை சதம் எடுத்தும் கவனம் ஈர்த்தார். அதேபோல 15 விக்கெட்டுகளையும் வீழ்த்தி (எகானமி - 6.16) தன்னை ஒரு ஆல்ரவுண்டர் என அழுத்தம்திருத்தமாக நிரூபித்தார்.  

பாண்டியா போல இந்திய ஒருநாள் அணிக்கு மற்றொரு ஆல்ரவுண்டர் அவசியம். அந்த இடத்துக்குத் தகுதியானவராக உள்ளார் வாஷிங்டன் சுந்தர். இந்த இளைஞன், இந்திய அணியில் எப்படி, எவ்வளவு சீக்கிரம் இடம்பிடிக்கப் போகிறார் என்பதே அடுத்தக்கட்ட சுவாரசியமாக இருக்கப் போகிறது. 

http://www.dinamani.com/sports/sports-news/2017/sep/12/washington-sundar-shines-with-the-ball-for-board-presidents-xi-2771931.html

Categories: merge-rss

பாகிஸ்தான் சென்று இலங்கை ஒரு டி20 கிரிக்கெட்டில் விளையாடுகிறது

Mon, 11/09/2017 - 21:40
பாகிஸ்தான் சென்று இலங்கை ஒரு டி20 கிரிக்கெட்டில் விளையாடுகிறது

பாகிஸ்தான் மண்ணில் மீண்டும் சர்வதேச போட்டிகள் துளிர்விட ஆரம்பித்துள்ளது. இலங்கை அணி ஒரு டி20 கிரிக்கெட்டில் விளையாட இருக்கிறது.

 
பாகிஸ்தான் சென்று இலங்கை ஒரு டி20 கிரிக்கெட்டில் விளையாடுகிறது
 
இலங்கை அணி கடந்த 2009-ம் ஆண்டு பாகிஸ்தான் சென்று விளையாடியது. அப்போது தீவிரவாதிகள் இலங்கை வீரர்கள் சென்ற வாகனம் மீது தாக்குதல் நடத்தினார்கள். இதில் 6 இலங்கை வீரர்கள் காயம் அடைந்தனர். 6 பாதுகாப்பு அதிகாரிகள் மற்றும் இரண்டு பொதுமக்கள் உயிரிழந்தனர்.

இச்சம்பவத்தால் இலங்கை அணி உடனடியாக பாகிஸ்தான் தொடரை ரத்து செய்து சொந்த நாடு திரும்பியது. அதன்பின் எந்த நாடும் பாகிஸ்தான் சென்று விளையாடவில்லை. கடந்த 2015-ம் ஆண்டு ஜிம்பாப்வே அணி மட்டும் டி20 கிரிக்கெட் தொடரில் விளையாடியது.

தற்போது பாகிஸ்தானில் சர்வதேச போட்டிகள் தொடங்குவதற்கான காலம் கனிந்துள்ளது. ஐ.சி.சி. உலக லெவன் அணியை பாகிஸ்தான் அனுப்ப சம்மதம் தெரிவித்துள்ளது. பாகிஸ்தான் - ஐ.சி.சி. உலக லெவன் அணிகளுக்கு இடையிலான மூன்று போட்டிகள் கொண்ட டி20 கிரிக்கெட் தொடர் நடைபெற இருக்கிறது.

அதன்பின் பாகிஸ்தான் - இலங்கை அணிகளுக்கு இடையில் இரண்டு டெஸ்ட், ஐந்து ஒருநாள் மற்றும் மூன்று டி20 கிரிக்கெட் போட்டிகள் நடைபெற இருக்கிறது.

இதில் கடைசி டி20 போட்டி அக்டோபர் 29-ந்தேதி நடக்கிறது. இந்த போட்டி பாகிஸ்தானில் உள்ள லாகூரில் நடைபெற இருக்கிறது. இதன்மூலம் பாகிஸ்தான் மண்ணில் மீண்டும் சர்வதேச போட்டிகள் தொடர உள்ளது.

http://www.maalaimalar.com/News/Sports/2017/09/10195652/1107338/Sri-Lanka-to-play-T20I-match-in-Pakistan.vpf

Categories: merge-rss

உலக லெவன் கிரிக்கெட் அணி பாகிஸ்தான் சென்றடைந்தது: வரலாறு காணாத பாதுகாப்பு

Mon, 11/09/2017 - 21:38
உலக லெவன் கிரிக்கெட் அணி பாகிஸ்தான் சென்றடைந்தது: வரலாறு காணாத பாதுகாப்பு

 

பாகிஸ்தானுக்கு எதிராக டி20 கிரிக்கெட் தொடரில் விளையாடுவதற்காக ஐ.சி.சி.யின் உலக லெவன் அணி பாகிஸ்தான் சென்றடைந்துள்ளது.

 
 வரலாறு காணாத பாதுகாப்பு
 
இலங்கை அணி கடந்த 2009-ம் ஆண்டு பாகிஸ்தான் சென்று விளையாடியது. அப்போது தீவிரவாதிகள் இலங்கை வீரர்கள் சென்ற வாகனம் மீது தாக்குதல் நடத்தினார்கள். இதில் 6 இலங்கை வீரர்கள் காயம் அடைந்தனர். 6 பாதுகாப்பு அதிகாரிகள் மற்றும் இரண்டு பொதுமக்கள் உயிரிழந்தனர்.

இச்சம்பவத்தால் இலங்கை அணி உடனடியாக பாகிஸ்தான் தொடரை ரத்து செய்து சொந்த நாடு திரும்பியது. அதன்பின் எந்த நாடும் பாகிஸ்தான் சென்று விளையாடவில்லை. கடந்த 2015-ம் ஆண்டு ஜிம்பாப்வே அணி மட்டும் டி20 கிரிக்கெட் தொடரில் விளையாடியது.

தற்போது பாகிஸ்தானில் சர்வதேச போட்டிகள் தொடங்குவதற்கான காலம் கனிந்துள்ளது. ஐ.சி.சி. உலக லெவன் அணியை பாகிஸ்தான் அனுப்ப சம்மதம் தெரிவித்துள்ளது. பாகிஸ்தான் - ஐ.சி.சி. உலக லெவன் அணிகளுக்கு இடையிலான மூன்று போட்டிகள் கொண்ட டி20 கிரிக்கெட் தொடர் நடத்த திட்டமிட்டது.

201709111553060195_1_1wolrdXI002-s._L_st

அதன்படி முதல் போட்டி நாளை தொடங்குகிறது. 2-வது போட்டி 13-ந்தேதியும், 3-வது மற்றும் கடைசி போட்டி 15-ந்தேதியும் நடக்கிறது. மூன்று போட்டிகளும் லாகூர் மைதானத்தில் நடக்கிறது. இதற்கான உலக லெவன் அணி ஏற்கனவே அறிவிக்கப்பட்டிருந்தது.

இந்த அணி கடந்த சில தினங்களாக துபாயில் பயிற்சி எடுத்துக் கொண்டிருந்தது. இந்நிலையில் இன்று அதிகாலை 2 மணியளவில் 13 வீரர்கள் பாகிஸ்தான் சென்றடைந்தனர். பாகிஸ்தான் சென்றடைந்த அவர்கள் வரலாறு பலத்த போலீஸ் பாதுகாப்புடன் ஹோட்டலுக்கு அழைத்துச் செல்லப்பட்டனர்.

201709111553060195_2_1wolrdXI003-s._L_st

போட்டி நடைபெறும் மைதானத்திற்கும் வீரர்கள் தங்கும் ஹோட்டலுக்கும் வரலாறு காணாத பாதுகாப்பு அளிக்கப்படுகிறது. போலீசார் மற்றும் துணை ராணுவத்தினர் உள்பட 9 ஆயிரம் வீரர்கள் பாதுகாப்பு பணியில் ஈடுபட உள்ளனர்.

201709111553060195_3_1wolrdXI004-s._L_st

இந்த தொடர் வெற்றிகரமாக முடிவடைந்தால் இலங்கை, வெஸ்ட் இண்டீஸ் போன்ற அணிகள் பாகிஸ்தான் சென்று விளையாட வாய்ப்பு இருக்கிறது. இலங்கை அணி ஒரு டி20 கிரிக்கெட் போட்டியில் விளையாட ஒப்புக் கொண்டுள்ளது.

http://www.maalaimalar.com/News/Sports/2017/09/11155303/1107483/Pakistan-Braces-For-a-Revival-as-World-XI-Arrive.vpf

Categories: merge-rss

ஸ்லெட்ஜிங் செய்த பவுலரை பேட்டிங்கால் நோகடித்து பழிக்குப்பழி வாங்கிய பேட்ஸ்மேன்

Mon, 11/09/2017 - 21:04
வீடியோ... ஸ்லெட்ஜிங் செய்த பவுலரை பேட்டிங்கால் நோகடித்து பழிக்குப்பழி வாங்கிய பேட்ஸ்மேன்

 

கரீபியன் பிரிமீயர் லீக் தொடரில் ஸ்லெட்ஜிங் செய்த பவுலரை, பேட்ஸ்மேன் தனது பேட்டிங்கால் நோகடித்து பழிக்குப்பழி வாங்குவது தொடர்பான வீடியோவை பார்த்து மகிழுங்கள்.

 
 
வீடியோ... ஸ்லெட்ஜிங் செய்த பவுலரை பேட்டிங்கால் நோகடித்து பழிக்குப்பழி வாங்கிய பேட்ஸ்மேன்
 
வெஸ்ட் இண்டீஸில் கரீபியன் பிரிமீயர் லீக் தொடர் சமீபத்தில் நடைபெற்றது. ஆறு அணிகள் இடம்பிடித்த இந்த தொடரில் ஒரு அணி மற்ற அணிகளுடன் தலா இரண்டு முறை மோத வேண்டும்.

அதன்படி ஜமைக்கா தல்லாவாஸ் - கயானா அமேசான் வாரியஸ் அணிகள் மோதின. கயானா அமேசான் வாரியர்ஸ் அணியின் சாட்விக் வால்டன் பேட்டிங் செய்து கொண்டிருந்தார். அப்போது ஜமைக்கா தல்லாவாஸ் அணியின் கேஸ்ரிக் வில்லியம்ஸ் பந்து வீசினார். இவரது பந்து வீச்சில் வால்டன் சொற்ப ரன்களில் ஆட்டம் இழந்தார்.

உடனே வால்டனிடம் சென்று இந்த ஷாட்டை குறித்து வைத்துக்கொள் என்பதுபோல் கையெழுத்திடும் வகையில் ஸ்லெட்ஜிங் செய்தார். வால்டன் பொறுமையாக வெளியில் சென்றுவிட்டார்.

இரு அணிகளும் மீண்டும் செப்டம்பர் 1-ந்தேதி மோதியது. அப்போது வால்டன் பேட்டிங் செய்து கொண்டிருந்தார். கேஸ்ரிக் வில்லியம்ஸ் பந்து வீசினார். முந்தைய போட்டிக்கு பழிக்குப்பழி வாங்க வால்டன் நினைத்தார்.

கேஸ்ரிக் வீசிய முதல் பந்தை பவுண்டரிக்கு விரட்டினார். அப்போது கேஸ்ரிக்கை பார்த்து உனது டைரியில் எழுதி வைத்துக் கொள் என்ற தொனியில் ஸ்லெட்ஜிங் செய்தார். அடுத்த பந்தை சிக்சருக்கு தூக்கினார். மேலும் இரண்டு பந்துகளை எல்லைக்கோட்டுக்கு அனுப்பினார். தொடர்ந்து எழுதி வைத்துக் கொள்ளுங்கள் என ஸ்லெட்ஜிங் செய்ய, கேஸ்ரிக் வில்லியம்ஸ் அப்படியே துவண்டுவிட்டார். ஒரே ஒவரில் நான்கு பந்துகளை விரட்டி பழி தீர்த்துக் கொண்டார்.

https://www.youtube.com/watch?v=DkT_8xmLg6A

 

http://www.maalaimalar.com/News/Sports/2017/09/11205020/1107530/Batsman-Takes-Revenge-in-Style-After-Being-Sledged.vpf

Categories: merge-rss