விளையாட்டுத் திடல்

பெயர் சொல்ல வைத்த சென்னைப் பசங்க!

9 hours 53 min ago
பெயர் சொல்ல வைத்த சென்னைப் பசங்க!

 

 
வாஷிங்டன் சுந்தர் - தினேஷ் கார்த்திக்
வாஷிங்டன் சுந்தர் - தினேஷ் கார்த்திக்
 
 

கடின உழைப்பும் விடாமுயற்சியும் கொண்ட கிரிக்கெட் வீரர் தினேஷ் கார்த்திக் சர்வதேச கிரிக்கெட்டுக்குத் திரும்பியிருக்கிறார். 18 வயதில் ஐபிஎல் அறிமுகத் தொடரில் விளையாடிக் கவனம் ஈர்த்திருக்கிறார் சுழற்பந்து வீச்சாளர் வாஷிங்டன் சுந்தர். தமிழகத்தைச் சேர்ந்த இந்த இரண்டு வீரர்களைப் பற்றித்தான் இப்போது பரபரப்பாகப் பேசுகிறார்கள்!

தினேஷ் கார்த்திக்

2004-ம் ஆண்டில் மகேந்திர சிங் தோனி இந்திய அணியில் காலடி எடுத்து வைப்பதற்கு முன்பு வரை சில ஆண்டுகள் இந்திய அணியின் விக்கெட் கீப்பிங் பேட்ஸ்மேனாக இருந்தவர் தினேஷ் கார்த்திக். நேர்த்தியான ஷாட்கள் அடிப்பதில் வல்லவர், தேவைக்குத் தகுந்தாற்போல ஆட்டத் திறனை மாற்றிக்கொண்டு விளையாடுவதில் கில்லாடி. தோனி இந்திய அணிக்குள் வந்த பிறகு இவரது இடம் ஆட்டம் கண்டது. அவ்வப்போது இந்திய அணிக்குள் தலைகாட்டுவார். மீண்டும் காணாமல்போய்விடுவார். கடைசியாக 3 ஆண்டுகளுக்கு முன்பு ஆப்கானிஸ்தான் அணிக்கு எதிராக தாகாவில் ஒரு நாள் போட்டியில் ஆடினார். அதன் பிறகு இப்போது இங்கிலாந்தில் நடைபெற உள்ள சாம்பியன் டிராபி அணியில் இடம்பிடித்திருக்கிறார்.

சாம்பியன் டிராபி போட்டியில் தோனி மட்டுமே விக்கெட் கீப்பராக இடம்பிடித்திருந்த நிலையில், இப்போது இன்னொரு வீரராகத் தினேஷ் கார்த்திக் இடம்பிடித்துள்ளார். ஐபிஎல் தொடரில் கவனம் ஈர்த்த ரிஷப் பன்ட், சஞ்சு சாம்சன் போன்ற இளம் விக்கெட் கீப்பர்களுக்குக் கிடைக்காத வாய்ப்பு தினேஷ் கார்த்திக்குக்குக் கிடைத்திருக்கிறது. இளம் வீரர்களுக்கு வீரர்களுக்கு இணையாக இந்த ஐபிஎல் தொடரில் தினேஷ் கார்த்திக் 361 ரன்களைக் குவித்து குஜராத் லயன்ஸ் வீரர்கள் ரன் குவிப்புப் பட்டியலில் இரண்டாமிடம் பிடித்தார். ஐபிஎல் தொடர் மட்டுமல்லாமல் உள்நாட்டுத் தொடர்களிலும் போதும்போதும் என்று சொல்லும் அளவுக்கு ரன் குவித்து அசத்தியுள்ளார் தினேஷ் கார்த்திக்.

உள்நாட்டு கிரிக்கெட்டின் முக்கியத் தொடரான ரஞ்சி டிராபியில் இந்த சீசனில் 54.15 என்ற சராசரியுடன் 704 ரன்களைக் குவித்தார் தினேஷ் கார்த்திக். இதில் ஒரு சதமும் 5 அரை சதங்களும் அடங்கும். விஜய் ஹசாரே டிராபி, தியோதர் டிராபி போட்டிகளில் மொத்தம் 854 ரன்களைக் குவித்துத் தேர்வாளர்களைத் தன் பக்கம் திருப்பினார். தோனி ஒரு நாள், 20 ஓவர் கிரிக்கெட் போட்டிகளையும், விருத்திமான் சகா டெஸ்ட் போட்டிகளையும் விளையாடிவரும் வேளையில் தினேஷ் கார்த்திக்குக்கான இடம் தள்ளாடிக்கொண்டிருந்தது. இருந்தாலும் தொடர்ச்சியான தன்னுடைய செயல்பாடுகள் மூலம் தற்போது தேசிய அணியில் இடம்பிடித்திருக்கிறார் இந்த சீனியர் வீரர்.

கடந்த 2007-ம் ஆண்டில் இங்கிலாந்து அணிக்கு எதிரான டெஸ்ட் தொடரை 21 ஆண்டுகளுக்குப் பிறகு இந்தியா வெல்ல, தினேஷ் கார்த்திக் முக்கியப் பங்காற்றினார். ஒரே நாளில் நான்கு விதமான காலநிலை நிலவும் இங்கிலாந்தில், ஏற்கெனவே அங்கே சாதித்த தினேஷ் கார்த்திக் சிறந்த தேர்வாக இருப்பார் என்று தேர்வுக் குழு நினைத்ததில் ஆச்சரியமில்லை. ஆனால், விளையாடும் அணியில் அவருக்கு இடம் கிடைக்குமா என்பதுதான் இப்போதைய கேள்வி.

வாஷிங்டன் சுந்தர்

இந்த ஐபிஎல் தொடரில் இறுதியாட்டத்தில் குறைந்த வயதில் விளையாடிய வீரர், ஐபிஎல்லில் விளையாடிய தமிழகத்தைச் சேர்ந்த குறைந்த வயதுடைய வீரர் எனப் பல சிறப்புகளோடு அறிமுகமாகியிருக்கிறார் வாஷிங்டன் சுந்தர். அத்துடன் 18 வயதிலேயே ஐபிஎல் தொடரில் அறிமுகமாகிக் கவனம் ஈர்த்திருக்கிறார் சுந்தர். தோனி, ஸ்மித், பென்ஸ்டோக், ரஹானே போன்ற நட்சத்திர வீரர்கள் நிறைந்த புனே அணியில், அவர்களைத் தாண்டி எல்லோரையும் ஈர்த்திருக்கிறார் இந்த இளம் சுழல் புயல்.

லீக் போட்டிகளில் சிக்கனமாகப் பந்துவீசி அணித் தலைவர் ஸ்மித்தைக் கவர்ந்த வாஷிங்டன் சுந்தர், அரையிறுதி, இறுதிப் போட்டிகளில் நுணுக்கமான பந்துவீச்சால் எதிரணியைத் திணறடித்து எல்லோரையும் கவர்ந்த வீரரானார். மும்பை அணிக்கு எதிரான அரையிறுதிப் போட்டியில் அபாயகரமான வீரர்களான ரோஹித் சர்மா, ராயுடு, பொல்லார்ட் ஆகியோரை விரைவில் பெவிலியன் அனுப்பிப் போட்டியை புனே பக்கம் திரும்பக் காரணமானார் சுந்தர். இறுதிப் போட்டியில் மும்பை அணிக்கு எதிராக விக்கெட் எதுவும் வீழ்த்தாதபோதும் 13 ரன்களை மட்டும் விட்டுக்கொடுத்தார். இந்திய அணியில் ரவிச்சந்திரன் அஸ்வின் ஏற்கெனவே கலக்கிக்கொண்டிருக்கும் நிலையில், அவரைப் போலவே வாஷிங்டன் சுந்தரும் ஜொலிப்பார் என்று ரசிகர்கள் ஆருடம் சொல்ல ஆரம்பித்துவிட்டார்கள். வாய்ப்புகள் கிடைக்கும்போது வாஷிங்டன் சாதிப்பார் என்பதில் சந்தேகமில்லை.

washington_3168356a.jpg

 

http://tamil.thehindu.com/society/lifestyle/பெயர்-சொல்ல-வைத்த-சென்னைப்-பசங்க/article9712194.ece?homepage=true&ref=tnwn

Categories: merge-rss

20 ஓவர் கிரிக்கெட்டிலும் டி.ஆர்.எஸ். முறை: ஐ.சி.சி. பரிந்துரை

13 hours 4 min ago

 ஐ.சி.சி. பரிந்துரை

 
20 ஓவர் கிரிக்கெட்டிலும் டி.ஆர்.எஸ். முறை: ஐ.சி.சி. பரிந்துரை

 

 
 
சர்வதேச கிரிக்கெட் கவுன்சிலின் (ஐ.சி.சி) கிரிக்கெட் கமிட்டியின் ஆண்டு பொதுக்குழு கூட்டம் நடந்தது.

அந்த கமிட்டியின் தலைவர் அனில் கும்ப்ளே தலைமையில் நடந்த கூட்டத்தில் உறுப்பினர்கள் பங்கேற்றனர்.

அதில் கிரிக்கெட்டில் புதிய விதிமுறைகளை கொண்டுவர பரிந்துரை செய்ய முடிவு செய்யப்பட்டது.

தற்போது டெஸ்ட் மற்றும் ஒருநாள் போட்டியில் நடுவரின் முடிவை மறுபரிசீலனை செய்யும் (டி.ஆர்.எஸ்) முறை உள்ளது. அதை 20 ஓவர் கிரிக்கெட்டிலும் நடைமுறைப்படுத்த பரிந்துரை செய்யப்பட்டுள்ளது.

ஒரு அணிக்கு டி.ஆர்.எஸ். முறையில் 2 வாய்ப்பு கொடுக்கப்படுகிறது.

அதை பயன்படுத்தும்போது அணிக்கு பாதகமாக தீர்ப்பு வந்தால் அந்த வாய்ப்பு குறையும். மாறாக அணிக்கு சாதகமாக முடிவு வந்தால் அந்த வாய்ப்பு அப்படியே இருக்கும்.

இதில் எல்.பி.டபிள்யூ அவுட்டுக்கு டி.ஆர்.எஸ் முறையில் அப்பீல் செய்யும் அணிக்கு பாதகமாக முடிவு வந்தாலும் அந்த வாய்ப்பை குறைக்க கூடாது என்றும் பரிந்துரை செய்துள்ளது .

களத்தில் ஒழுங்கீனமாக நடக்கும் வீரர்களை வெளியேற்ற நடுவர்களுக்கு அதிகாரம் உள்பட பல பரிந்துரைகளை செய்து உள்ளது.

இந்த பரிந்துரைகளை ஐ.சி.சி. ஏற்று கொண்டால் அக்டோபர் 1-ந் திகதி முதல் அமலுக்கு வரும்.

http://tamil.adaderana.lk/news.php?nid=91808

Categories: merge-rss

9 மில்லியன் டாலர் வரி ஏய்ப்பு?: சிக்கலில் கிறிஸ்டியானோ ரொனால்டோ

Fri, 26/05/2017 - 19:01
9 மில்லியன் டாலர் வரி ஏய்ப்பு?: சிக்கலில் கிறிஸ்டியானோ ரொனால்டோ

 

ரியல் மாட்ரிட்டின் கிறிஸ்டியானோ ரொனால்டோ 9 மில்லியன் டாலர் அளவில் வரி ஏய்ப்பு செய்துள்ளதாக கூறப்படுகிறது.

 
9 மில்லியன் டாலர் வரி ஏய்ப்பு?: சிக்கலில் கிறிஸ்டியானோ ரொனால்டோ
 
போர்ச்சுக்கல் நாட்டின் முன்னணி கால்பந்து வீரர் கிறிஸ்டியானோ ரொனால்டோ. இவர் ஸ்பெயின் நாட்டின் முன்னணி கிளப் அணியான ரியல் மாட்ரிட் அணிக்காக விளையாடி வருகிறார். அந்த அணியில் வாரத்திற்கு ஒரு கோடி ரூபாய்க்கு மேல் சம்பளம் வாங்குகிறார். மேலும், விளம்பரங்கள் மூலம் பலகோடி ரூபாய் சம்பாதித்து வருகிறார்.

இதுபோன்று சம்பாதித்த வருமானத்திற்கு உரிய வகையில் வரி கட்டவில்லை என்ற விமர்சனம் எழுந்தது. சமீபத்தில் இதே விவகாரத்தில் மெஸ்சியின் தண்டனையை குறைக்க உச்சநீதிமன்றம் மறுத்துவிட்டது.

இதனால் ரொனால்டோ விவகாரம் சூடுபிடித்துள்ளது. ஸ்பெயின் நாட்டின் வரித்துறை அதிகாரிகள் சுமார் 8.95 மில்லியன் டாலர் அளவிற்கு ரொனால்டோ மோசடி செய்துள்ளதாக கருதுகின்றனர்.

கிறிஸ்டியானோ ரொனால்டோ 2011-ல் இருந்து 2013-வரை தனது படத்தை விளம்பரத்துக்கு பயன்படுத்துவதற்கான உரிமை குறித்து சரியான தகவலை தெரிவிக்கவில்லை என்று ஸ்பெயின் பத்திரிகைகள் வெளியிட்டுள்ளன. அதனடிப்படையில் இந்த விவகாரம் வெளி வந்துள்ளது.

ஒருவேளை வருமான வரித்துறையினர் விசாரணை நடத்தி, ரொனால்டோ மீது குற்றம் நிரூபிக்கப்பட்டால் ஒரு வருடத்திற்கு நான்கு மாதம் என 12 மாதங்கள் சிறைத்தண்டனை அனுபவிக்க வேண்டியிருக்கும்.

http://www.maalaimalar.com/News/Sports/2017/05/26212946/1087386/Cristiano-Ronaldo-Defrauded-Nearly-9-Million-Dollar.vpf

Categories: merge-rss

100 மணி நேரம் சமூக சேவை: குடித்து விட்டு கார் ஓட்டிய நியூசி. வீரருக்கு நூதன தண்டனை

Fri, 26/05/2017 - 14:58
100 மணி நேரம் சமூக சேவை: குடித்து விட்டு கார் ஓட்டிய நியூசி. வீரருக்கு நூதன தண்டனை

 

குடித்து விட்டு கார் ஓட்டிய நியூசிலாந்து கிரிக்கெட் அணியின் வேகப்பந்து வீச்சாளர் டக் பிரேஸ்வெல்லுக்கு 100 மணி நேரம் சமூக சேவை செய்யும்படி உத்தரவிடப்பட்டுள்ளது.

 
 
 குடித்து விட்டு கார் ஓட்டிய நியூசி. வீரருக்கு நூதன தண்டனை
 
நியூசிலாந்து அணியின் வேகப்பந்து வீச்சு ஆல்ரவுண்டர் டக் பிரேஸ்வெல். 26 வயதான இவர் கடந்த மார்ச் மாதம் 18-ந்தேதி மது அருந்திய நிலையில் கார் ஓட்டிக் கொண்டு வந்துள்ளார். ஹாஸ்டிங்ஸ் பகுதியில் வரும்போது போலீசார் இவரது காரை வழிமறித்து சோதனை நடத்தினார்கள். அப்போது பிரேஸ்வெல் குடித்திருந்தது தெரியவந்தது.

இதனால் போலீசார் அவர் மீது வழக்குப்பதிவு செய்தனர். இந்த வழக்கு ஹாஸ்டிங்ஸ் மாவட்ட கவுன்சிலில் நடைபெற்றபோது தனது குற்றத்தை ஒப்புக்கொண்டார்.

இந்த வழக்கில் கோர்ட் இன்று தீர்ப்பு வழங்கியது. அப்போது, கார் ஓட்டுவதற்கு ஒருவருடம் தடைவிதித்ததுடன், 100 மணி நேரம் சமூக சேவை செய்ய வேண்டும் என்றும் தீர்ப்பு வழங்கியுள்ளது.

ஏற்கனவே, 2008 மற்றும் 2010-ல் மது அருந்தி கார் ஓட்டியதாக குற்றம்சாட்டப்பட்டுள்ளார் என்பது குறிப்பிடத்தக்கது.

இதுகுறித்து நியூசிலாந்து கிரிக்கெட் வாரியம் கூறுகையில் ‘‘ஏற்கனவே கடந்த பிப்ரவரி மாதம் காயம் ஏற்பட்டதால், அதன் பின் அவர் அணியில் இடம்பெறவில்லை. அடுத்த சீசன் வரை அவர் அணியில் இடம்பெற வாய்ப்பில்லை. இதனால் கூடுதல் தண்டனை வழங்கப்படமாட்டாது’’ என்று தெரிவித்துள்ளது.

http://www.maalaimalar.com/News/Sports/2017/05/26165006/1087344/Bracewell-sentenced-to-100-hours-of-community-service.vpf

Categories: merge-rss

பாகிஸ்தான் சூப்பர் லீக்: அடுத்த தொடரில் 8 போட்டிகளை பாகிஸ்தானில் நடத்த திட்டம்

Fri, 26/05/2017 - 14:57
பாகிஸ்தான் சூப்பர் லீக்: அடுத்த தொடரில் 8 போட்டிகளை பாகிஸ்தானில் நடத்த திட்டம்

 

பாகிஸ்தான் சூப்பர் லீக் தொடரின் அடுத்த சீசனில் (2018) எட்டு போட்டிகளை பாகிஸ்தான் மண்ணில் நடத்த அந்நாட்டு கிரிக்கெட் வாரியம் முடிவு செய்துள்ளது.

 
 
 அடுத்த தொடரில் 8 போட்டிகளை பாகிஸ்தானில் நடத்த திட்டம்
 
பாகிஸ்தான் கிரிக்கெட் வாரியம் சார்பில் பாகிஸ்தான் சூப்பர் லீக் டி20 கிரிக்கெட் தொடர் நடத்தப்பட்டு வருகிறது. இலங்கை அணி சுமார் 10 வருடங்களுக்கு முன் பாகிஸ்தான் மண்ணில் விளையாடும்போது வீரர்கள் மீது தீவிரவாதிகள் தாக்குதல் நடத்தினார்கள். இதனால் எந்த நாட்டு வீரர்களும் பாகிஸ்தான் மண்ணில் சென்று விளையாட விரும்பவில்லை.

இதனால் பாகிஸ்தான் சூப்பர் லீக் தொடர் துபாயில் நடைபெற்று வருகிறது. இந்த வருடம் இறுதிப்போட்டி மட்டும் பலத்த பாதுகாப்பிற்கிடையே கராச்சியில் நடைபெற்றது.

இந்நிலையில் வீரர்களிடையே உள்ள அச்சத்தைப் போக்கி, பாகிஸ்தான் மண்ணில் மற்ற நாடுகள் வந்து விளையாடுவதற்கு வழிவகை செய்யும் வகையில் அடுத்த வருடம் நடைபெறும் 3-வது சீசனில் 8 போட்டிகளை லாகூர் மற்றும் கராச்சியில் நடத்த பாகிஸ்தான் கிரிக்கெட் வாரியம் முடிவு செய்துள்ளது.

இதுகுறித்து பாகிஸ்தான் சூப்பர் லீக் தொடரின் சேர்மனான நஜம் சேதி கூறுகையில் ‘‘அடுத்தமுறை 8 போட்டிகளை பாகிஸ்தான் மண்ணில் நடத்தப்போகிறோம். கராச்சி மற்றும் லாகூரில் தலா நான்கு போட்டிகள் நடத்தப்பட இருக்கிறது.

3-வது தொடரில் அனைத்து வெளிநாட்டு வீரர்களும் கட்டாயம் பாகிஸ்தான் வந்து விளையாடுவார்கள். பாகிஸ்தான் வந்து விளையாட வேண்டும் என்பது அவர்களின் ஒப்பந்தத்தில் ஒரு பகுதியாக இருக்கும். பாகிஸ்தான் வந்து விளையாடும் வெளிநாட்டு வீரர்களுக்கு கூடுதலாக 50 சதவீதம் பணம் வழங்கப்படும். நட்சத்திர வீரர்களுக்கு 10 சதவீதம் கொடுக்கப்படும்’’ என்றார்.

http://www.maalaimalar.com/News/Sports/2017/05/26184850/1087371/Eight-PSL-matches-in-Pakistan-next-season-Sethi.vpf

Categories: merge-rss

மைதானத்துக்கு வரும் ஒவ்வொரு ரசிகர்களும் பாதுகாக்கப்படுவீர்கள் : ஐ.சி.சி!

Fri, 26/05/2017 - 08:15
மைதானத்துக்கு வரும் ஒவ்வொரு ரசிகர்களும் பாதுகாக்கப்படுவீர்கள் : ஐ.சி.சி!

 

 

சம்பியன்ஸ் கிண்ணத்தை மைதானத்தில் பார்வையிட வரும் ஒவ்வொரு ரசிகர்கள் மற்றும் வீரர்கள் சிறப்பாக பாதுகாக்கப்படுவீர்கள் என சர்வதேச கிரிக்கெட் சபையின் ஊழல் தடுப்பு மற்றும் பாதுகாப்பு பிரிவின் தலைவர் ரோனி பிளானகன் தெரிவித்துள்ளார்.

263446.jpg

இங்கிலாந்தின் மென்செஸ்டர் நகரில் இடம்பெற் தீவிரவாத தாக்குதல் காரணமாக சம்பியன்ஸ் கிண்ண தொடரின் பாதுகாப்பில் உறுதியற்ற தன்மை காணப்பட்டது.

எனினும் தற்போது பாதுகாப்பு தொடர்பில் கருத்து தெரிவித்துள்ள ரோனி பிளானகன், “ சம்பியன் கிண்ண தொடரை முழு பாதுகாப்புடன் நடத்துவதற்கான அனைத்து நடவடிக்கைகளையும் நாம் முன்னெடுத்துள்ளோம். போட்டிகளை பார்வையிட வரும் ரசிகர்கள் மற்றும் விளையாடும வீரர்களுக்கான முழு பாதுகாப்பை நாம் வழங்க தயாராகவுள்ளோம்”.

“மென்செஸ்டர் தாக்குதலுக்கு பின்னர் நாட்டின் பல பகுதிகளுககும் ஆயுதம் தாங்கிய இராணுவ அதிகாரிகள் அனுப்பிவைக்கப்பட்டுள்ளனர். இதனால் நாட்டில் இன்னுமொரு தீவிரவாத தாக்குதல் இடம்பெறாது அதுமாத்திரமின்றி சம்பியன்ஸ் கிண்ண தொடருக்கான உயர்தர பாதுகாப்பு வழங்கப்படும்” எனவும் அவர் சுட்டிக்காட்டியுள்ளார்.

http://www.virakesari.lk/article/20385

Categories: merge-rss

இங்கிலாந்து கால்பந்து அணியில் ரூனிக்கு இடமில்லை

Fri, 26/05/2017 - 06:22
இங்கிலாந்து கால்பந்து அணியில் ரூனிக்கு இடமில்லை

 

உலக கோப்பை கால்பந்து போட்டிக்கான தகுதி சுற்றில் இங்கிலாந்து அணியின் நட்சத்திர வீரர் வெய்ன் ரூனிக்கு அணியில் இடம் கிடைக்கவில்லை.

 
இங்கிலாந்து கால்பந்து அணியில் ரூனிக்கு இடமில்லை
 
லண்டன் :

உலக கோப்பை கால்பந்து போட்டிக்கான தகுதி சுற்றில் இங்கிலாந்து அணி அடுத்த மாதம் ஸ்காட்லாந்துடன் மோத இருக்கிறது. மேலும் பிரான்சுடன் நட்புறவு ஆட்டம் ஒன்றிலும் விளையாட உள்ளது.

இதற்கான இங்கிலாந்து அணி நேற்று அறிவிக்கப்பட்டது. நட்சத்திர வீரர் வெய்ன் ரூனிக்கு அணியில் இடம் கிடைக்கவில்லை. முந்தைய ஆட்டத்தின் போது காலில் ஏற்பட்ட காயத்தால் சேர்க்கப்படவில்லை. ஆனால் இப்போது முழு உடல்தகுதியை எட்டிய போதிலும் அணிக்கு அழைக்கப்படாதது ஆச்சரியம் அளிக்கிறது.

31 வயதான ரூனி தான் இங்கிலாந்து அணிக்காக அதிக கோல்கள் (53 கோல்) அடித்தவர் என்பது குறிப்பிடத்தக்கது.

http://www.maalaimalar.com/News/Sports/2017/05/26084913/1087220/Wayne-Rooney-is-not-in-the-England-football-team.vpf

Categories: merge-rss

50 ஓவர் போட்டியில் 320 ரன்கள் குவித்த பாகிஸ்தான் வீரர்: அணியின் ஸ்கோர் 556

Thu, 25/05/2017 - 15:15
50 ஓவர் போட்டியில் 320 ரன்கள் குவித்த பாகிஸ்தான் வீரர்: அணியின் ஸ்கோர் 556
 

பாகிஸ்தானில் நடைபெற்ற உள்ளூர் கிரிக்கெட் போட்டியில் பாகிஸ்தான் வீரர் 50 ஓவர் போட்டியில் 320 ரன்கள் குவித்து சாதனைப் படைத்துள்ளார்.

 
 அணியின் ஸ்கோர் 556
 
பாகிஸ்தானில் பாஸல் மெஹ்மூத் இண்டர்-கிளப் கிரிக்கெட் சாம்பியன்ஷிப் 50 ஓவர் கிரிக்கெட் தொடர் நடைபெற்று வருகிறது.

இதில் ஷாஹீத் அலாம் பக்ஸ் கிரிக்கெட் கிளப் மற்றொரு அணியுடன் மோதியது. இதில் ஷாஹீத் அலாம் பக்ஸ் கிரிக்கெட் கிளப் முதலில் பேட்டிங் செய்தது.

அந்த அணியின் பிலால் இர்ஷாத் தொடக்க வீரராக களம் இறங்கினார். இவர் அதிரடியாக விளையாடி சிக்ஸ், பவுண்டரிகளாக விளாசினார். 175 பந்துகளை சந்தித்து கடைசி வரை அவுட்டாகாமல் 9 சிக்ஸ், 42 பவுண்டரிகளுடன் 320 ரன்கள் குவித்தார்.

பிலால்- ஜாகீர் உசைன் ஆகியோர் இணைந்து 2-வது விக்கெட்டுக்கு 364 ரன்கள் குவித்தனர். பிலாலின் அதிரடியால் ஷாஹீத் அலாம் பக்ஸ் கிரிக்கெட் கிளப் 50 ஓவரில் 556 ரன்கள் குவித்தது.

பின்னர் விளையாடிய எதிரணி 145 ரன்னில் சுருண்டது. இதனால் ஷாஹீத் அலாம் பக்ஸ் கிரிக்கெட் கிளப் 411 ரன்கள் வித்தியாசத்தில் அபார வெற்றி பெற்றது.

இதற்கு முன் உள்ளூர் டி20 கிரிக்கெட் போட்டியில் டெல்லியின் மோகித் அலாவத் அவுட்டாகாமல் 300 ரன்கள் குவித்திருந்தார் என்பது குறிப்பிடத்தக்கது.

http://www.maalaimalar.com/News/Sports/2017/05/25160054/1087135/Pakistan-Cricketer-Slams-320-in-50-Over-Match.vpf

Categories: merge-rss

தென்னாப்பிரிக்காவுடன் முதல் ஒருநாள் போட்டி: மார்கன் சதத்தால் இங்கிலாந்து வெற்றி

Thu, 25/05/2017 - 10:42
தென்னாப்பிரிக்காவுடன் முதல் ஒருநாள் போட்டி: மார்கன் சதத்தால் இங்கிலாந்து வெற்றி

 

தென்னாப்பிரிக்க அணிக்கு எதிரான முதல் ஒருநாள் போட்டியில் இயன் மார்கன் சதத்தால் இங்கிலாந்து 72 ரன் வித்தியாசத்தில் வெற்றி பெற்றது.

 
 மார்கன் சதத்தால் இங்கிலாந்து வெற்றி
 
லீட்ஸ்:

தென்னாப்பிரிக்கா கிரிக்கெட் அணி இங்கிலாந்தில் சுற்றுப்பயணம் செய்து 3 ஒருநாள் போட்டியில் விளையாடுகிறது.

முதல் ஒருநாள் போட்டி நேற்று லீட்ஸ் நகரில் நடந்தது. முதலில் பேட்டிங் செய்த இங்கிலாந்து அணி 50 ஓவரில் 6 விக்கெட் இழப்புக்கு 339 ரன் குவித்தது. கேப்டன் இயன்மோர்கன் 93 பந்தில் 107 ரன் எடுத்தார்.

201705251220397286_enng._L_styvpf.gif

ஹால்ஸ் 61 ரன்னும், மொயின் அலி 77 ரன்னும் எடுத்தனர். 340 ரன் இலக்குடன் விளையாடிய தென்னாப்பிரிக்கா அணியில் தொடக்க வீரர் டி-காக் 5 ரன்னில் ஆட்டமிழந்தார்.

அடுத்த அம்லா - பாப் டு பிளிஸ்சிஸ் ஜோடி சிறப்பாக விளையாடி இருவரும் ஆட்டமிழந்த பிறகு விக்கெட்டுகள் சரிந்தன. அம்லா 73 ரன்னும், டு பிளிஸ்சிஸ் 67 ரன்னும், கேப்டன் டிவில்லியர்ஸ் 45 ரன்னும் எடுத்தனர்.

தென்னாப்பிரிக்கா 45 ஓவரில் 267 ரன்னுக்கு ஆல்-அவுட் ஆனது. இதனால் இங்கிலாந்து 72 ரன் வித்தியாசத்தில் அபார வெற்றி பெற்றது. 2-வது ஒருநாள் போட்டி வருகிற 27-ந்தேதி நடக்கிறது.

http://www.maalaimalar.com/News/Sports/2017/05/25122042/1087066/England-won-by-72-runs-against-South-Africa.vpf

Categories: merge-rss

3 நாடுகள் கிரிக்கெட்: வங்காளதேசத்திடம் நியூசிலாந்து தோல்வி

Thu, 25/05/2017 - 10:01
3 நாடுகள் கிரிக்கெட்: வங்காளதேசத்திடம் நியூசிலாந்து தோல்வி
 

3 நாடுகள் பங்கேற்ற கிரிக்கெட் போட்டியின் கடைசி லீக் ஆட்டத்தில் நியூசிலாந்து- வங்காளதேச அணிகள் மோதின. இதில் வங்காளதேசம் 5 விக்கெட் வித்தியாசத்தில் நியூசிலாந்தை வீழ்த்தியது.

 
 
 வங்காளதேசத்திடம் நியூசிலாந்து தோல்வி
 

நியூசிலாந்து, அயர்லாந்து, வங்காளதேசம் ஆகிய 3 நாடுகள் பங்கேற்ற கிரிக்கெட் போட்டி தொடர் அயர்லாந்தில் நடந்தது. இதன் 6-வது மற்றும் கடைசி லீக் ஆட்டத்தில் நியூசிலாந்து- வங்காளதேச அணிகள் மோதின.

முதலில் விளையாடிய நியூசிலாந்து 50 ஓவரில் 8 விக்கெட் இழப்புக்கு 270 ரன் எடுத்தது. அடுத்து விளையாடிய வங்காளதேசம் 48.2 ஓவரில் 5 விக்கெட்டை இழந்து 271 ரன் எடுத்து வெற்றி பெற்றது.

தமீம் இக்பால், சபீர் ரஹ்மான் தலா 65 ரன்னும், முஷ்பிகுர் ரகீம் 45 ரன்னும், மகமத்துல்லா 46 ரன்னும் எடுத்தனர். அந்த போட்டி தொடரில் 12 புள்ளிகள் பெற்ற நியூசிலாந்து கோப்பையை வென்றது.

http://www.maalaimalar.com/News/Sports/2017/05/25140144/1087098/3-Countries-Cricket-New-Zealand-defeat-to-Bangladesh.vpf

Categories: merge-rss

பந்து கழுத்தில் தாக்கியதில் நிலைகுலைந்த மெக்ஸ்வெல் (காணொளி இணைப்பு)

Thu, 25/05/2017 - 09:23
பந்து கழுத்தில் தாக்கியதில் நிலைகுலைந்த மெக்ஸ்வெல் (காணொளி இணைப்பு)

 

 

அவுஸ்திரேலிய அணியின் அதிரடி துடுப்பாட்ட வீரர் கிலேன் மெக்ஸ்வெல் துடுப்பாட்ட பயிற்சியில் ஈடுபட்டுக்கொண்டிருந்த போது, அவரது கழுத்தில் பந்து தாக்கியுள்ளது.

 

இதில் சற்று நிலைத்தடுமாறிய மெக்ஸ்வெல் தரையில் விழுந்துள்ளார்.

மைதானத்தில் இருந்த வீரர்கள் மற்றும் பயிற்சியாளர்கள் மெக்ஸ்வெலை ஓடிவந்து கவனிக்க, அதிஷ்டவசமாக அவருக்கு எவ்வித பாரிய உபாதைகளும் ஏற்படவில்லை.

எனினும் பந்து தாக்கியதற்கு பிறகு மெக்ஸ்வெல் அவரது அறைக்கு சென்றுவிட்டார்.

24maxi1.jpg

இதனால் அவர் சம்பியன்ஸ் கிண்ணத் தொடரில் விளையாடுவதில் சிக்கல் ஏற்படுமா என கேள்வி எழுந்துள்ள நிலையில், “அவருக்கு பெரிதான காயங்கள் எதுவும் ஏற்படவில்லை.  அவருக்கு சிகிச்சையளிக்கப்பட்டுள்ளது” என ஆஸி. அணித்தலைவர் ஸ்டீவ் ஸ்மித் ஊடகவியலாளர்களை சந்தித்து தெரிவித்துள்ளார்.

24maxi2.jpg

இதேவேளை அதே தினத்தில் வலைப்பயிற்சியின் போது ஆஸி. வீரர் மெத்தியுவ் வேடிற்கும் அபாயகரமான முறையில் பந்து ஹெல்மட்டில் தாக்கியிருந்தமை குறிப்பிடத்தக்கது.

asff.jpg

 
 

http://www.virakesari.lk/article/20348

Categories: merge-rss

தரவரிசையில் முன்னணி நாடுகளைப் பின்தள்ளி அதிர்ச்சி கொடுத்த பங்களாதேஷ்!

Thu, 25/05/2017 - 09:21
தரவரிசையில் முன்னணி நாடுகளைப் பின்தள்ளி அதிர்ச்சி கொடுத்த பங்களாதேஷ்!

 

 

சர்வரேச கிரிக்கெட் சபை இன்று வெளியிட்டுள்ள ஒருநாள் அணிகளுக்கான தரவரிசைப் பட்டியலில் பங்களாதேஷ் அணி 6வது இடத்துக்கு முன்னேறியுள்ளது.

asfasfsf.jpg

உலக் கிண்ணத்தை வென்றுள்ள மூன்று அணிகளை பின்தள்ளி 6வது இடத்துக்கு பங்களாதேஷ் அணி முன்னேறியுள்ளமை இதுவே வரலாற்றின் முதல் தடவையாகும்.

பங்களாதேஷ் அணி 93 புள்ளிகளுடன் 6வது இடத்தை பிடித்துள்ளதுடன்,  இலங்கை 93 புள்ளிகளுடன் 7வது இடத்தையும், 88 புள்ளிகளுடன் பாகிஸ்தான் 8வது இடத்தையும் பிடித்துள்ள அதேவேளை, மேற்கிந்திய தீவுகள் அணி 79 புள்ளிகளுடன் 9வது இடத்தை பிடித்துள்ளது.

Capture.JPG

பங்களாதேஷ் அணி முதன் முறையாக 6வது இடத்துடன் சம்பின்ஸ் கிண்ணத்தில் விளையாடவுள்ளமை குறிப்பிடத்தக்கது.

ஒருநாள் தரவரிசை பட்டியலில் தென்னாபிரிக்க அணி முதலிடத்தில் உள்ளதுடன், அவுஸ்திரேலியா மற்றும் இந்திய அணிகள் முறையே இரண்டாம், மூன்றாம் இடங்களை பிடித்துள்ளமை குறிப்பிடத்தக்கது.

http://www.virakesari.lk/article/20352

Categories: merge-rss

“உயிரிழந்த எமது உறவுகளுக்காகவே விளையாடினோம்” : யுரோப்பா கிண்ணத்தை கைப்பற்றிய மென்சென்ஸ்டர் யுனைட்டட்! (காணொளி இணைப்பு)

Thu, 25/05/2017 - 07:43
“உயிரிழந்த எமது உறவுகளுக்காகவே விளையாடினோம்” : யுரோப்பா கிண்ணத்தை கைப்பற்றிய மென்சென்ஸ்டர் யுனைட்டட்! (காணொளி இணைப்பு)

 

 

யுரோப்பா கிண்ண கால்பந்தாட்ட தொடரின் இறுதிப்போட்டியில் வெற்றிபெற்று மென்சென்ஸ்டர் யுனைட்டட் அணி இவருடத்திற்கான சம்பியன் பட்டத்தை சுவீகரித்தது.

 

இறுதிப்போட்டியில் எஜக்ஸ் அணியை எதிர்கொண்ட மென்சென்ஸ்டர் அணி 2-0 என்ற கோல் கணக்கில் வெற்றிபெற்றது.

போட்டி ஆரம்பித்த 18 ஆவது நிமிடத்தில் மென்செஸ்டர் அணியின் பௌல் பொக்பா முதலாவது கோலினை அணிக்கு பெற்றுக்கொடுக்க, 48 ஆவது நிமிடத்தில் ஹென்ரிக் மெக்கிட்டரியான் கோல் அடித்து அணியின் வெற்றியை உறுதிசெய்தார்.

nintchdbpict0003265122681.jpg

எஜக்ஸ் அணி கடும் முயற்சிகளை மேற்கொண்டும், எவ்வித கோல்களையும் பெறமுடியாமல் தோல்வியடைந்தது.

இந்த வெற்றி தொடர்பில் கருத்து தெரிவித்த மென்செஸ்டர் அணியின் பௌல் பொக்பா, “  மென்செஸ்டர் தாக்குதலில் உயிரிழந்த எமது உறவுகளுக்காகவே நாம் விளையாடினோம். அவர்களுக்கு இந்த வெற்றியை காணிக்கையாக்குகிறோம். இந்த சீசன் எங்களுக்கு மகவும் மோசமானதாக அமையும் என சிலர் தெரிவித்தனர். எனினும் நாம் சிறப்பாக விளையாடி வெற்றிபெற்றிருக்கிறோம். இதற்கு நாம் பெருமையடைகிறோம். நாம் இந்த வெற்றிக்காக மிகவும் கஷ்டப்பட்டு உழைத்தோம். அதற்காக நாம் இப்பொழுது சந்தோஷப்படுகிறோம் என தெரிவித்தார்.

nintchdbpict000326533038.jpg

nintchdbpict000326515339.jpg

nintchdbpict000326509898-e1495658773702.

nintchdbpict000326522186-e1495658899781.

nintchdbpict000326524719.jpg

nintchdbpict000326530366.jpg

nintchdbpict000326534791.jpg

nintchdbpict0003265153411.jpg

nintchdbpict0003265246151.jpg

nintchdbpict0003265339461.jpg

nintchdbpict000326542042-e1495661729459.

unnamed__1_.jpg

nintchdbpict000326536314.jpg

nintchdbpict000326536136.jpg

 

http://www.virakesari.lk/article/20344

Categories: merge-rss

வரி ஏய்ப்பு: மெஸ்சியின் 21 மாத சிறைத் தண்டனையை உறுதி செய்தது உச்ச நீதிமன்றம்

Wed, 24/05/2017 - 18:47
வரி ஏய்ப்பு: மெஸ்சியின் 21 மாத சிறைத் தண்டனையை உறுதி செய்தது உச்ச நீதிமன்றம்

வரி ஏய்ப்பு தொடர்பான வழக்கில் 21 மாத சிறைத்தண்டனையை எதிர்த்து கால்பந்து வீரர் மெஸ்சி தொடர்ந்த மேல்முறையீட்டு மனுவை ஸ்பெயின் உச்ச நீதிமன்றம் நிராகரித்து, தண்டனையை உறுதி செய்துள்ளது.

 
 
 மெஸ்சியின் 21 மாத சிறைத் தண்டனையை உறுதி செய்தது உச்ச நீதிமன்றம்
 
பார்சிலோனா:

உலக புகழ்பெற்ற கால்பந்து நட்சத்திரம் லியோனல் மெஸ்ஸி. இவர் அர்ஜென்டினா, பார்சிலோனா ஆகிய அணிகளுக்காக விளையாடி வருகிறார். இவர் வரி ஏய்ப்பில் ஈடுபட்டதாக அண்மையில் குற்றச்சாட்டு எழுந்தது. கடந்த 2007 முதல் 2009 - ஆம் ஆண்டு வரையிலான காலகட்டத்தில், 4.1 மில்லியன் யூரோ அளவுக்கு வரி ஏய்ப்பு செய்து ஸ்பெயின் அரசாங்கத்தை ஏமாற்றியதாக அவரது தந்தை ஜார்ஜ் மெஸ்ஸிக்கும் 21 மாதங்கள் சிறைத்தண்டனையும், அபராதமும் விதித்து பார்சிலோனா நீதிமன்றம் உத்தரவிட்டது.

இந்த உத்தரவை எதிர்த்து லியோனல் மெஸ்ஸி தரப்பில் அந்நாட்டு உச்ச நீதிமன்றத்தில் மேல் முறையீடு செய்யப்பட்டது. ஆனால், இந்த மேல் முறையீடு மனுவை உச்ச நீதிமன்றம் தள்ளுபடி செய்துள்ளது. இதன் மூலம் மெஸ்ஸிக்கு இந்த விவகாரத்தில் கடும் நெருக்கடி ஏற்பட்டுள்ளது.
201705242004586520_messi-one._L_styvpf.g
ஆனால் ஸ்பானிய சட்டத்தின்படி 2 ஆண்டுகளுக்குக் குறைவான சிறை தண்டனை விதிப்பு சோதனைக்கால விதிமுறைகளின் கீழ் வருவதால் மெஸ்ஸியும் அவரது தந்தையும் சிறை செல்ல வேண்டியதில்லை.

வன்முறையற்ற, 2 ஆண்டுகளுக்குக் குறைவான சிறைத் தண்டனைகளில் பெரும்பாலும் குற்றம்சாட்டப்பட்டோர் சிறைக்குச் செல்ல வேண்டியிருக்காது என்று அந்நாட்டு சட்ட நிபுணர்கள் தெரிவித்துள்ளனர்.

http://www.maalaimalar.com/News/Sports/2017/05/24200510/1086969/Messi-lose-Supreme-Court-appeal-over-21-month-prison.vpf

Categories: merge-rss

செல்சீ ரசிகனின் ரத்தத்தை நீலமாக மாற்றியவன்... மிஸ் யூ ஜான் டெர்ரி!

Wed, 24/05/2017 - 18:46
செல்சீ ரசிகனின் ரத்தத்தை நீலமாக மாற்றியவன்... மிஸ் யூ ஜான் டெர்ரி!
 
 

“அவருக்கு 32 வயது ஆகிறது. இது, இளம் வீரர்களுடன் போட்டியிடும் வயது அல்ல. வாரத்துக்கு இரண்டு போட்டிகளில் எல்லாம் அவரால் விளையாட முடியாது. வெளியே உட்கார அவர் பழகிக்கொள்ள வேண்டும்” இது, பிரீமியர் லீக் தொடரில் பங்கேற்கும் பிரபல அணியின் கேப்டனைப் பற்றி அந்த அணியின் பயிற்சியாளர் சொன்னது. அணியின் கேப்டனை பிளேயிங் லெவனில் எடுக்காததற்கு, பயிற்சியாளர் சொன்ன இந்த கமென்ட் வைரல்.

பயிற்சியாளர் சொன்னதுபோல் 38 போட்டிகள்கொண்ட பிரீமியர் லீக் தொடரில் 14 போட்டிகளில் மட்டுமே விளையாடினார் அந்த வீரர். அவரது கால்பந்து வாழ்க்கை முடிந்தது என்றே நினைத்தனர். அதற்கடுத்த சீஸன்களில் நடந்தது சரித்திரத் திருப்பம்!

ஜான் டெர்ரி

அந்த அணியின் மேனேஜர் (பயிற்சியாளர்) மாற்றப்படுகிறார். முன்னாள் மேனேஜர் ஒருவரே மீண்டும் பதவியேற்கிறார். மீண்டும் அணியின் கருவாய் உருவெடுக்கிறார் அந்த கேப்டன். அடுத்த ஆண்டு பிரீமியர் லீக் தொடரின் 38 போட்டிகளிலும் 90 நிமிடங்களும் களத்தில் நின்று, அணிக்கு கோப்பையை வென்று தருகிறார் அந்த 34 வயது இளைஞர்! கோப்பையை முத்தமிட்டுக்கொண்டே, “என்னால் வாரம் இரண்டு போட்டிகளில் விளையாட முடியாது என்றார் ஒருவர். இதோ இன்னும் போராடிக்கொண்டிருக்கிறேன். இதற்காகத்தான் வாழ்ந்துகொண்டிருக்கிறேன். இங்கு பந்து பொறுக்கும் சிறுவனாக, அணியின் சின்னமாக இருந்துள்ளேன். இந்த மைதானத்துக்கு வண்ணம் சேர்த்தவன் நான். அணிக்காக அனைத்தும் செய்துள்ளேன்” என்று அவர் சொல்லி முடிக்கையில் அவர் ரத்தத்தினுள் இருந்த கால்பந்து வெறி, கண்களின் வழியே தெரிந்தது.

யார் அவர்?

ஜான் டெர்ரி! - கால்பந்து உலகம் மெச்சும் முக்கிய டிஃபண்டர். செல்சீ அணியின் ஈடுஇணையற்ற கேப்டன், லீடர், லெஜண்ட்.

பிரீமியர் லீக் ரசிகர்களுக்கு மட்டுமே இந்தப் பெயர் பரிச்சயம். 723 போட்டிகள், 67 கோல்கள், 16 கோப்பைகள் என செல்சீ அணியின் தன்னிகரற்றத் தலைவனாக விளங்கியவர் ஜான் டெர்ரி. வயது 36. இருபது ஆண்டுகளுக்கும் மேலாக பம்பரமாகச் சுழன்ற கால்கள் அமைதியாக அமர மறுக்கின்றன.

ஓய்வுபெறும் ஐடியாவே இப்போது இந்த ‘இளைஞனி’டம் இல்லை! அப்புறம்..? அந்த மனுஷன் செல்சீ அணியைவிட்டுப் போகிறார். அதுதான் விஷயம்.

ஜான் டெர்ரி செல்சீயைவிட்டுப் பிரிவது, பேசுபொருளாக இருக்கக் காரணம் இல்லாமல் இல்லை. ஒரு வீரன் 22 ஆண்டுகள் விளையாடிவிட்டு அந்த அணியைவிட்டுப் போகிறார் என்றால், அது பெரிய விஷயம். கிரிக்கெட்டில் இன்று ஓர் அணிக்காக விளையாடும் வீரர், நாளை வேறோர் அணிக்காக விளையாடினால் ரசிகர்கள் ஏற்றுக்கொள்வார்கள். ஆனால், கால்பந்தில் அப்படியில்லை. ஒருசில வீரர்கள் வேறு அணிக்கு மாறும்போது வில்லனாகத் தெரிவர். பத்து ஆண்டுகளில் பத்து அணிகளில் விளையாடியவர்கள்  இருக்கிறார்கள். ஆனால், ஒரே அணியில் 22 ஆண்டுகள் என்பது அசாதாரணம். ஜான் டெர்ரி அசாதாரணன். அதுவும் 12 ஆண்டுகளில் 580க்கும் மேற்பட்ட போட்டிகளில் ஓர் அணிக்குத் தலைமை என்பது பெரிய விஷயம். அப்படியொரு வரலாற்றுச் சிறப்புமிக்க வீரர் டெர்ரி. 

ஜான் டெர்ரி

2008-ம் ஆண்டு சாம்பியன்ஸ் லீக் ஃபைனல். எதிர் அணி மான்செஸ்டர் யுனைடெட். மழை வெளுத்துவாங்க, பெனால்டி கிக் வரை சென்றது போட்டி. யுனைடெட் அணிக்காக கிறிஸ்டியானோ ரொனால்டோ வாய்ப்பை மிஸ்செய்துவிட்டார். கடைசி ஷாட். டெர்ரியின் வாய்ப்பு. அடித்தால் வெற்றி. இல்லையேல், சடன் டெத். மழையில் கால்கள் சறுக்க, டெர்ரியின் ஷாட் இலக்கின்றி சென்றது. சடன் டெத்தில் வென்று சாம்பியனானது யுனைடெட். இன்றும்கூட ஒருவர் பெனால்டியில் சறுக்கினால் ‘லைக் ஜான் டெர்ரி’ என்பதுதான் வர்ணனையாளர்கள் சொல்லும் உதாரணம். டெர்ரியின் மிஸ், அந்த அளவுக்குப் பேசப்பட்டது. தன்னால் ஒரு மாபெரும் கோப்பை நழுவுகிறது என்ற குற்ற உணர்ச்சியில் கலங்கினார் டெர்ரி. ஆறாத வடுவாக இருந்தது அந்த வலி. ஆனால், அந்த வடுவை அழிக்க, தன் அணியை 2012-ம் ஆண்டு மீண்டும் ஃபைனலுக்குள் அழைத்துச் சென்றார். கோப்பையை முத்தமிட்டார்!

2010-ம் ஆண்டில் டெர்ரியின் சொந்த வாழ்க்கையில் பிரச்னை. அடுத்தடுத்து  வழக்குகள். ஒருபுறம் மன உளைச்சல். மறுபுறம் தூற்றல்கள். டெர்ரியின் மதிப்பு செல்சீ ரசிகர்களிடையே குறையும் என்று கால்பந்து உலகம் கணித்தது. நடந்தது வேறு. அந்த வழக்குக்குப் பின்பு ஸ்டாம்ஃபோர்டு பிரிட்ஜில் நடந்த முதல் போட்டி. ‘வெல்கம் டெர்ரி ஆர்மி’ என மைதானம் முழுவதும் பதாகைகள். எங்கெங்கும் நிறைந்திருந்தது டெர்ரியின் முகம் (மாஸ்க்). அணியை டெர்ரி வழிநடத்தி வந்தபோது மைதானம் எங்கும் ஆதரவுக் குரல். உலகமே அதிசயத்தது. அணியின் மீது வீரன்கொண்ட காதலுக்கான மரியாதை அது!

சமீபமாகத்தான் மீம்ஸ்கள் பிரசித்தி. ஆறு ஆண்டுகளுக்கு முன்பே டெர்ரியைப் பற்றிய மீம்ஸ்கள் வைரல். 2012-ம் ஆண்டு சாம்பியன்ஸ் லீக் ஃபைனலில் விளையாட டெர்ரிக்குத் தடை. பேயர்ன் மூனிச் அணியை வீழ்த்தி சாம்பியன் ஆனது செல்சீ. கேலரியில் அமர்ந்திருந்த அவர், வெற்றிக் கொண்டாட்டத்தின்போது முழு ‘கிட்’டுடன் வந்து கலந்துகொண்டார். மீம்ஸ்கள் தெறித்தன. `ஆடாமலேயே கொண்டாட்டத்தில் ஜெர்சியுடன் கலந்துகொண்டார்' என உலகமே கேலி செய்தது. அவர் பதில் சொல்லவே இல்லை. 2013-ம் ஆண்டு யூரோபா லீக் ஃபைனல்.

அதே சூழ்நிலை. டெர்ரி இல்லை. லாம்பார்ட் தலைமையிலான அணி சாம்பியன். மீண்டும் அதேபோலத்தான் கொண்டாட வந்தார் டெர்ரி. ஆம், அந்த ஆயிரக்கணக்கான மீம்ஸ்களில் ஒன்றுகூட அவரை அசைக்கவில்லை. ‘என் அணி, என் வீரர்கள். என் அணியின் கோப்பை, நான் கொண்டாடுவேன்’ என்பது டெர்ரியின் வாதம். இந்த முறை மீம்ஸ்கள் பறக்கவில்லை. 

டெர்ரி அணியை வழிநடத்திய விதம் மாஸ்டர் க்ளாஸ். தடுப்பாட்டத்தில் மாபெரும் அரண். 2004-05 ஆண்டு சீஸனில் மேனேஜராகப் பொறுப்பேற்றதும் 24 வயது டெர்ரியை நிரந்தர கேப்டனாக்கினார் ஜோஸே மொரினியோ. 14 வீரர்கள் விலகல். ஒன்பது புதிய வீரர்கள் சேர்க்கை என அணியிலும் மாபெரும் மாற்றம். புதிய பயிற்சியாளர், புதிய அணி. இப்படியான சூழ்நிலையில் ஒரு கேப்டனாக அணியைப் பக்காவாக வழிநடத்தினார் டெர்ரி. அதனால்தான் 50 ஆண்டுகள் கழித்து செல்சீ அணி கோப்பை வென்றது. பிரீமியர் லீக்கில் இது வரலாற்றுச் சாதனை. அடுத்த ஆண்டும் செல்சீ சாம்பியன். ‘கேப்டன்’ டெர்ரி மாபெரும் தலைவன் ஆன தருணம் அது.

ஜான் டெர்ரி

களத்தில் அவர் காட்டும் கமிட்மென்ட் ஈடுஇணையற்றது. தான் பிரைம் ஃபார்மில் இருந்த காலங்களில் அனைத்து ஃபார்வேர்டுகளுக்கும் டெர்ரி சிம்மசொப்பனம். எந்த ஒரு தருணத்திலும் அவர் பின்தங்கியதே இல்லை. 2007-08ம் ஆண்டு சீஸன்களில் அடிக்கடி காயமடைந்தார். ஆனால், உடனடியாக மீண்டு வந்தார். 2008-ம் ஆண்டு சாம்பியன்ஸ் லீக் ஃபைனல் சமயம் டெர்ரிக்கு முழங்கையில் காயம். விளையாடுவாரா என்ற கேள்வி. காயம் முழுமையாகக் குணமடையாத நிலையிலும் விளையாடினார். அந்தப் போட்டியில் அவர் பெனால்டியை மீம்ஸ் செய்தது மட்டும்தான் பலருக்கும் தெரியும். காயத்தோடு 120 நிமிடங்கள் அணியை வழிநடத்தியதை அறிந்தவர் சொற்பமே! 

நெகட்டிவ் மீம்ஸ் மட்டுமல்ல, டெர்ரியைப் புகழ்ந்தும் மீம்ஸ்கள் வரத்தான் செய்தன. 2010-ம் ஆண்டு உலகக்கோப்பையில் ஸ்லோவேனியாவுக்கு எதிரான போட்டியில் கீழே விழுந்து பந்தை பிளாக் செய்திருப்பார் டெர்ரி. அந்த ரீ-பெளண்டை ஸ்லோவேனிய வீரர் மீண்டும் கோல் நோக்கி செலுத்த, உடனே எழுந்து தரையை நோக்கி ஹெடிங் செய்யப் பாய்வார் டெர்ரி. அது மிகவும் ஆபத்தான மூவ். அவ்வளவு வேகத்தில் முழங்கால் உயரத்தில் மட்டுமே வரும் பந்தைத் தடுக்க சற்றும் யோசிக்காமல் அவர் டைவ் அடித்ததெல்லாம் வேற லெவல். ‘ஜான் டெர்ரி டால்பின் டைவ்’ என மீம்ஸ் தட்டியிருந்தார்கள் நெட்டிசன்ஸ். 

2006-ம் ஆண்டு உலகக்கோப்பையில் டிரிடாட் அணிக்கு எதிரான போட்டியில் கோல் நோக்கிச் சென்ற பந்தை கோல் லைன் அருகே க்ளியர் செய்ததெல்லாம் ‘வேர்ல்டு க்ளாஸ்’.   டெர்ரி ஸ்பெஷல்களில் அதுவும் ஒன்று. இளம் வீரர்களாக இருந்தாலும் சரி, மூத்த ஸ்டார்களாக இருந்தாலும் சரி, அனைவரிடமும் ஒரே மாதிரி பழகக்கூடியவர். இந்த சீஸனில் பெரிதாக அவர் களம் காணவில்லை. ஆனால், அணியில் அவர் இருப்பது அனைவருக்கும் மாபெரும் பலம், நம்பிக்கை.  

`பிரீமியர் லீக் தொடரில் அதிக கோல்கள் அடித்த டிஃபண்டர்' என்ற பெருமையும் இவருக்கு உண்டு. 2012-ம் ஆண்டு தேசிய அணி நிர்வாகத்துடனான கருத்துவேறுபாடு காரணமாக தேசிய அணியிலிருந்து ஓய்வுபெற்றார். ஆனால், 2016-ம் ஆண்டு யூரோ கோப்பை வரை டெர்ரியின் இங்கிலாந்து கம்-பேக்குக்காக வேண்டியவர்கள் ஏராளம். இந்த சீஸனோடு செல்சீ அணியைவிட்டுப் போகிறார் டெர்ரி. 

செல்சீயை ஐரோப்பாவின் ஒரு பெரிய அணியை மாற்றியதில் டெர்ரியின் பங்கு அதிகம். இதோ இந்த சீஸனின் பிரீமியர் லீக் தொடரில் செல்சீ அணி சாம்பியன் பட்டம் வென்று விட்டது.  FA கோப்பையின் இறுதிப்போட்டியிலும் காலடி எடுத்துவைத்துவிட்டது. டெர்ரியின் மகுடத்தை அழகாக்க இன்னும் ஒரு முத்து காத்திருக்கிறது. 

சண்டர்லேண்ட் அணிக்கு எதிரான கடைசி பிரீமியர் லீக் போட்டியில் டெர்ரி அணியைக் கடைசி முறையாக வழிநடத்தினார். அவரது ஜெர்சி எண் 26. தான் ஒவ்வொரு நாளும் ஓடிய மைதானத்திலிருந்து, தன்னைத் தலைவனாகப் பார்த்த ரசிகர்களிடமிருந்து, தான் மெருகேற்றிய வீரர்களிடமிருந்து, தன்னை உருவாக்கிய, தான் உருவாக்கிய அணியிடமிருந்து கடைசியாக ஒருமுறை விடைபெற்றார் டெர்ரி. கண்ணீர், அனைவரின் கண்களிலிருந்தும் அந்த வீரனைப் பார்க்க விரைந்தது. போட்டி முடிந்ததும் கோப்பையைக் கையில் ஏந்திவிட்டு கண்ணீர் மல்க ரசிகர்களிடம் தன் கடைசி உரையை அவர் ஆற்றும்போது, ஒவ்வொரு ரசிகனின் ரத்தமும் நீலமாய் வழிந்தது!

இந்த ஞாயிறு நடக்கும் FA கோப்பைக்கான போட்டியில் அவர் விளையாடுவது சந்தேகமே. செல்சீ ரசிகர்கள் பெறப்போவது வேண்டுமானால் ஒரு கோப்பையாக இருக்கலாம்; ஆனால் இழக்கப்போவது ஒரு மாபெரும் சகாப்தத்தை!

 

மிஸ் யூ JT!

http://www.vikatan.com/news/sports/90246-john-terry-leave-from-chelsea.html

Categories: merge-rss

உலகப் புகழ்பெற்ற மோட்டார் பந்தய வீரர் நிக்கி விபத்தில் பலி

Wed, 24/05/2017 - 07:17
உலகப் புகழ்பெற்ற மோட்டார் பந்தய வீரர் நிக்கி விபத்தில் பலி

 

 

அமெ­ரிக்­காவைச் சேர்ந்த முன்னாள் மோட்­டோ­ஜிபி சம்­பி­ய­னான மோட்டார் பந்­தய வீரர் நிக்கி ஹேடன் சாலை விபத்தில் உயி­ரி­ழந்தார். 

150908_nicky_hayden_1.jpg

அமெ­ரிக்­காவைச் சேர்ந்த மோட்டார் சைக்கிள் பந்­தய வீரர் நிக்கி ஹேடன், அவ­ருக்கு வயது 35. அவர் 2006ஆ-ம் ஆண்டின் மோட்­டோ­ஜிபி சம்­பியன் பட்­டத்தை வென்றவராவார். 

அவர் கடந்த ஐந்து தினங்­க­ளுக்கு முன்னர் இத்­தாலி நாட்டில் விபத்­துக்­குள்­ளானார். கடந்த மே 17ஆ-ம் திகதி நிக்கி ஹேடன் இத்­தாலி நாட்டின் ரிமினி கடற்­க­ரையில் சைக்­கிளில் சென்று கொண்­டி­ருந்த போது திடீ­ரென அவர்­மீது ஒரு கார் மோதி­யது. அந்த விபத்தில் பலத்த காய­ம­டைந்த அவர் மௌரி­ஸியோ புஃப­லானி என்ற மருத்­து­வ­ம­னையில் அனு­ம­திக்­கப்­பட்டார். 

மருத்­து­வ­ம­னையில் அவர் தீவிர சிகிச்சைப் பிரிவில் அனு­ம­திக்­கப்­பட்டார். நிக்கி ஹேடனின் பெரு­மூளைப் பகுதி கடு­மை­யாக சேத­ம­டைந்­துள்­ளது என்று மருத்­து­வ­மனை நிர்­வாகம் தெரி­வித்­தி­ருந்­தது. 

இந்நிலையில் தீவிர சிகிச்சைப் பிரிவிலிருந்த ஹேடன், சிகிச்சை பலனின்றி நேற்று உயிரிழந்தார்.

http://www.virakesari.lk/article/20292

Categories: merge-rss

முதல்தர கிரிக்கெட்டில் இருந்து ஓய்வுபெறவுள்ளதாக சங்கா அறிவிப்பு

Tue, 23/05/2017 - 06:36
முதல்தர கிரிக்கெட்டில் இருந்து ஓய்வுபெறவுள்ளதாக சங்கா அறிவிப்பு

 

 

இலங்கை கிரிக்கெட் அணியின் முன்னாள் தலைவரும் உலகின் தலைசிறந்த கிரிக்கெட் ஜாம்பவானுமாகிய குமார் சங்கக்கார, முதல்தர கிரிக்கெட் போட்டிகளில் இருந்து ஓய்வுபெறத் தீர்மானித்துள்ளதாக அறிவித்துள்ளார்.

_96164886_gettyimages-671778380.jpg

எதிர்வரும் செப்டெம்பர் மாதம் இடம்பெறவுள்ள இங்கிலாந்து பிராந்திய அணிகளுக்கிடையிலான கிரிக்கெட் தொடரின் பின்னர், முதல்தர கிரிக்கெட் போட்டிகளில் இருந்து ஓய்வுபெற எண்ணியுள்ளதாக குமார் சங்கக்கார தெரிவித்துள்ளார்.

_96166147_sanga.jpg

கடந்த 2015 ஆம் ஆண்டு சர்வதேச டெஸ்ட்  கிரிக்கெட் போட்டிகளில் இருந்து ஓய்வுபெற்ற 39 வயதான குமார் சங்கக்கார, இங்கிலாந்தின் பிராந்திய அணியான சரே அணிக்காக தற்போது விளையாடி வருகின்றார்.

“ நான் லோட்ஸ் மைதானத்தில் 4 நாள் போட்டியொன்றில் கலந்துகொள்வது இதுவே இறுதி சந்தர்ப்பமாகும். இன்னும் சில மாதங்களில் எனக்கு 40 வயதாகின்றது. பிராந்திய கிரிக்கெட் தொடரிலிருந்து விலகுவதற்கான சரியான நேரமும் இதுதான். ஒவ்வொரு கிரிக்கெட், அல்லது விளையாட்டு வீரர்களுக்கும் ஓய்வுக்கான நாளொன்றுள்ளது. அதுவரும்போது விலகிச்செல்ல வேண்டும்” என கிரிக்கெட் ஜாம்பவான் குமார் சங்கக்கார தெரிவித்துள்ளார்.

 

முதல்தர போட்டிகளில் சரே அணிக்காக விளையாடிவரும் குமார் சங்கக்கார, இந்த சீசனில் 1000 ஓட்டங்களுக்கு மேல் குவித்துள்ளதுடன் மிடில்செக்ஸ் அணிக்கெதிராக இரு சதங்களையும் பெற்றுள்ளார். 

 

இந்நிலையில் எதிர்வரும் செப்டெம்பர் மாதம் இடம்பெறவுள்ள இங்கிலாந்து பிராந்திய அணிகளுக்கிடையிலான தொடரையடுத்த முதல்தர கிரிக்கெட்டில் இருந்து ஓய்வுபெறவுள்ளதாக சங்கக்கார அறிவித்துள்ளமை குறிப்பிடத்தக்கது.

http://www.virakesari.lk/article/20240

Categories: merge-rss

லாலிகா கால்பந்து: 33-வது முறையாக பட்டம் வென்றது ரியல்மாட்ரிட்

Tue, 23/05/2017 - 06:14
லாலிகா கால்பந்து: 33-வது முறையாக பட்டம் வென்றது ரியல்மாட்ரிட்
 

லாலிகா கால்பந்து போட்டியின் புள்ளி பட்டியலில் முன்னிலையில் இருந்த நட்சத்திர வீரர்களை உள்ளடக்கிய ரியல்மாட்ரிட் அணி தனது கடைசி லீக்கில் மலாகாவுடன் மோதியது. இதில் ரியல்மாட்ரிட் அணி 2-0 என்ற கோல் கணக்கில் மலாகாவை வீழ்த்தியது.

 
 
 
 
 33-வது முறையாக பட்டம் வென்றது ரியல்மாட்ரிட்
வெற்றி கொண்டாட்டத்தில் ரியல்மாட்ரிட் கிளப் வீரர்கள்.
ரோசாலிடா :

லா லிகா, ஸ்பெயின் நாட்டில் புகழ்பெற்ற கிளப் அணிகளுக்கான கால்பந்து போட்டியாகும். இந்த சீசனில் (2016-17) மொத்தம் 20 அணிகள் பங்கேற்றன. ஒவ்வொரு அணியும் உள்ளூர்-வெளியூர் அடிப்படையில் தலா 2 முறை மோத வேண்டும்.

புள்ளி பட்டியலில் முன்னிலையில் இருந்த நட்சத்திர வீரர்களை உள்ளடக்கிய ரியல்மாட்ரிட் அணி நேற்று முன்தினம் இரவு தனது கடைசி லீக்கில் மலாகாவுடன் மோதியது. இதில் டிரா செய்தாலே பட்டத்தை உறுதி செய்து விடலாம் என்ற நிலையில் ஆடிய ரியல்மாட்ரிட் அணி 2-0 என்ற கோல் கணக்கில் மலாகாவை வீழ்த்தியது.

கிறிஸ்டியானா ரொனால்டோ (2-வது நிமிடம்), கரிம் பென்ஜிமா (55-வது நிமிடம்) ரியல் மாட்ரிட் அணியில் கோல் அடித்து அமர்க்களப்படுத்தினர். மற்றொரு ஆட்டத்தில் நடப்பு சாம்பியன் பார்சிலோனா 4-2 என்ற கோல் கணக்கில் எபார் கிளப்பை தோற்கடித்தது. லீக் சுற்று முடிவில் ரியல்மாட்ரிட் அணி 38 ஆட்டங்களில் 29 வெற்றி, 6 டிரா, 3 தோல்வி என்று மொத்தம் 93 புள்ளிகளுடன் முதலிடத்தை பிடித்து சாம்பியன் பட்டத்தை கைப்பற்றியது.

201705231017142869_12La-Liga-Football._L
ரியல்மாட்ரிட் கிளப்பின் தலைமை பயிற்சியாளர் ஜிடேனை தூக்கிப்போட்டு மகிழும் வீரர்கள்.

அந்த அணி 2012-ம் ஆண்டுக்கு பிறகு முதல் முறையாக இந்த பட்டத்தை வென்றிருக்கிறது. ஒட்டுமொத்தத்தில் ரியல்மாட்ரிட் அணி லா லிகா பட்டத்தை சுவைப்பது இது 33-வது முறையாகும். தான் விளையாடிய அனைத்து ஆட்டங்களிலும் ரியல் மாட்ரிட் அணி கோல் போட்டது.

இதன் மூலம் ஒரு சீசனில் எல்லா ஆட்டங்களிலும் கோல் அடித்த முதல் அணி என்ற சிறப்பு அந்த அணிக்கு கிடைத்தது. பார்சிலோனா 38 ஆட்டங்களில் 28 வெற்றி, 6 டிரா, 4 தோல்வி என்று 90 புள்ளிகளுடன் 2-வது இடத்தை பெற்றது. ரியல்மாட்ரிட் அணியின் தலைமை பயிற்சியாளர் ஜிடேன் நிருபர்களிடம் கூறுகையில், ‘எனது கால்பந்து விளையாட்டு வாழ்க்கையில் மிகவும் மகிழ்ச்சிகரமான நாள் இது. இங்கு எழுந்து நின்று நடனம் ஆட வேண்டும் போல் இருக்கிறது’ என்றார்.

வெற்றியை கொண்டாடும் விதமாக ரியல்மாட்ரிட் கிளப் வீரர்கள் திறந்தபஸ்சில் நகரில் வெற்றி உலா வந்தனர். ரியல்மாட்ரிட் அணி ஐரோப்பிய சாம்பியன்ஸ் லீக் கிளப் அணிக்கான போட்டியில் ஏற்கனவே இறுதிப்போட்டிக்கு முன்னேறி இருக்கிறது. இதன் இறுதி ஆட்டம் வருகிற 3-ந்தேதி கார்டிப்பில் வருகிறது. இதில் இத்தாலியை சேர்ந்த யுவென்டஸ் கிளப்புடன் மோத உள்ளது.

http://www.maalaimalar.com/News/Sports/2017/05/23101709/1086654/La-Liga-Football-Real-Madrid-won-the-33rd-time.vpf

Categories: merge-rss

பிரீமியர் லீக் சாம்பியனின் கதை..! செல்சீ ரசிகனின் வெறித்தன பதிவு

Mon, 22/05/2017 - 12:27
பிரீமியர் லீக் சாம்பியனின் கதை..! செல்சீ ரசிகனின் வெறித்தன பதிவு
 
 

லண்டன், விழாக்கோலம் காணப்போகிறது. பிரிட்டனின் தலைநகரம் எங்கும் நீலமயமாகப்போகிறது. வீதிதோறும் ‘ப்ளூ இஸ் தி கலர்...’ என்னும் பாடல் ஒலிக்கப்போகிறது. ‘ஆன்டோனியோ’, ‘டெர்ரி’, ‘ஹசார்ட்’ என ஃபுல்ஹாம் பகுதி ரசிகர்கள் துதிபாடிக்கொண்டே இருப்பார்கள். மொத்த பிரிட்டனும் பொறாமையில் பொங்கும். முக்கியமாக, மான்செஸ்டர் பகுதி இருளில் மூழ்கும். பிரிட்டன் முழுவதும் ‘செல்சீ’ என்ற வார்த்தையே இன்னும் சில நாள்கள் நிறைந்திருக்கும்.

செல்சீ


காரணம், உலகின் மிகப் பிரசித்திபெற்ற பிரீமியர் லீக் கால்பந்து தொடரின் 2016-17 சீஸன் முடிந்துவிட்டது. பிரீமியர் லீக் கோப்பை எங்கிருந்து எடுக்கப்பட்டதோ, அங்கேயே கொடுக்கப்பட்டுள்ளது. ஆம், தலைநகர் லண்டனில் 2014-15ம் ஆண்டு சாம்பியனான செல்சீ அணியிடமே மீண்டும் தஞ்சமடைந்துள்ளது. 38 போட்டிகள்கொண்ட தொடரில் 30 போட்டிகளில் வென்று, 93 புள்ளிகளுடன் புதிய பிரீமியர் லீக் சாதனையோடு கோப்பையை வென்றுள்ளது செல்சீ ஃபுட்பால் க்ளப்! செல்சீ ரசிகர்களின் கொண்டாட்டம் இப்போதைக்கு ஓயப்போவதில்லை.

சொதப்பல் to சாம்பியன்

2014-15ம் ஆண்டு பிரீமியர் லீக் சீஸனில், 87 புள்ளிகள் எடுத்து சாம்பியனாக மகுடம் சூடியது செல்சீ அணி. ரசிகர்கள், கால்பந்து வல்லுநர்கள் என அனைவரும் `செல்சீதான் மீண்டும் சாம்பியன்' என்றார்கள். கால்பந்து புக்கிகளும் ‘ப்ளூஸ்’ என அழைக்கப்படும் இந்த செல்சீ எனும் குதிரையின் மீதுதான் பந்தயம் கட்டியிருந்தார்கள். ஆனால், நடந்ததோ வேறு. வீரர்கள் பலரும் ஃபார்ம் அவுட், பயிற்சியாளர் வீரர்களுக்கிடையேயான உறவில் விரிசல் என அணி தத்தளித்தது. ஒருகட்டத்தில் 16-வது இடத்துக்குத் தள்ளப்பட்டு கடைசி மூன்று இடங்களைத் தவிர்க்கப் போராடியது. அந்த அணியின் மரியாதைக்குரிய பயிற்சியாளர், ‘தி ஸ்பெஷல் ஒன்’ ஜோசே மொரினியோ பாதியிலேயே நீக்கப்பட்டார்.

ஒருவழியாக போராடி, வெறும் ஐம்பது புள்ளிகளோடு பத்தாம் இடத்தைப் பிடித்தது. ஒரு சாம்பியன் அணி இப்படி விளையாடியது பெரும் அதிர்ச்சியானது. காரணம், கோப்பையை வென்றது வேறு முன்னணி அணிகள் அல்ல, `லெய்செஸ்டர்' எனும் கத்துக்குட்டி அணி. சரி மீண்டு வர வேண்டுமே, என்ன செய்வது? இத்தாலி அணியின் பயிற்சியாளராக அப்போது பதவியிலிருந்த ஆன்டோனியோ கான்டேவை (ANTONIO CONTE) செல்சீ அணியின் மேனேஜராக்கினார் க்ளப் உரிமையாளர் ரோமன் ஆப்ரமோவிச். ஆரம்பத்தில் சறுக்கினாலும், சில அட்டகாச உத்திகளைக் கையாண்டு தொடர் முடிவதற்கு இரண்டு சுற்றுகளுக்கு முன்னரே அணியை சாம்பியனாக்கிவிட்டார் கான்டே. இங்கு செல்சீ அணி கண்ட மாற்றங்களும், அந்த மாற்றங்களைக் கையாண்டு அவர்கள் புரிந்த சாதனைகளும் ஏராளம்!

செல்சீ

புலி பதுங்கித்தான் பாயும்


இந்த பிரீமியர் லீக் சீஸன், எந்த வருடமும் இல்லாத அளவுக்கு எதிர்பார்ப்புகளோடு தொடங்கியது. ரியல் மாட்ரிட் – பார்சிலோனா அணிகளுக்காக மல்லுக்கட்டிய பயிற்சியாளர்கள் மொரினியோவும் கார்டியாலோவும் இப்போது மான்செஸ்டர் யுனைடெட் மற்றும் மான்செஸ்டர் சிட்டி அணிகளின் பயிற்சியாளர்கள். அதுமட்டுமின்றி கான்டே, கிளாப், வெங்கர் என ஸ்டார் பயிற்சியாளர்கள் பிரீமியர் லீகில் குவிய உச்சகட்ட உஷ்ணத்தோடு தொடங்கியது லீக். அனைவரின் எதிர்பார்ப்பும் மான்செஸ்டர் அணிகள் மீதே இருந்தது. செல்சீ அணி, ஒருகட்டத்தில் ஆறு போட்டிகளில் பத்து புள்ளிகளோடு எட்டாவது இடத்துக்குத் தள்ளப்பட்டது.

லிவர்பூல் மற்றும் ஆர்சனல் அணிகளிடம் தொடர் தோல்வி வேறு. கடந்த சீஸன்போல் ஆகிவிட்டால்? பரபரப்பாகத் தொடங்கிய மான்செஸ்டர் சிட்டி, ஆர்சனல் அணிகளெல்லாம் ஓயத்தொடங்கிய நேரம், செல்சீ அணியின் கடிவாளத்தை இறுகக்கட்டி, முழு வீச்சில் பாய்ச்சினார் கான்டே. ஃபார்மேஷனில் மாற்றம், ஆச்சர்யப்படுத்திய வீரர் தேர்வு என ஒரு கிங் மேக்கராக விளங்கினார் கான்டே. தொடர்ந்து 13 போட்டிகளில் வெற்றிபெற்று, முதல் இடத்தில் அமர்ந்தது செல்சீ அணி. அதன் பிறகும் அதே கன்சிஸ்டன்சியோடு செயல்பட்டு ஒரு தொடரில் தொடர்ச்சியாக அதிக வெற்றிகள் (13, ஆர்சனோலோடு சமன்), ஒரு சீஸனில் அதிக வெற்றிகள் (30/38) போன்ற சாதனைகளும் செல்சீ அணி படைத்தது.

கான்டே – தி காட்ஃபாதர்

செல்சீ

`மொரினியோ... மொரினியோ...' என உரக்கக் கத்தும் செல்சீ ரசிகர்களை, ‘மொரினியோ யாரு?’ என்று கேட்கும் அளவுக்குக் கட்டிப்போட்டார் கான்டே. அவர் ரசிகர்களைக் கட்டிப்போட்டது, தனது உத்திகளாலும் கால்பந்து மீது அவர் காட்டிய காதலாலும்தான். ஆர்சனலுக்கு எதிரான போட்டியில் செல்சீ அணி தோற்றதும், மாபெரும் மாற்றத்தைச் செய்தார் கான்டே. அதுதான் செல்சீ அணியின் இந்த அசாத்திய வெற்றிப் பயணத்துக்கு அதிமுக்கியக் காரணம்..  

பிரீமியர் லீக் தொடரில் ஆடும் அணிகள், பெரும்பாலும் நான்கு டிஃபண்டர்களுடன்தான் களம் இறங்கும். குறிப்பாக, 4-2-3-1 ஃபார்மேஷன்தான் பல அணிகளுக்கு டிஃபால்ட் ஃபார்மேஷன். கான்டேவோ இத்தாலியில் 3-5-2 ஃபார்மேஷனில் அணிகளை விளையாடவைத்தவர். அது இத்தாலி கால்பந்துக்குத்தான் பொருந்தும். அந்த உத்திகள் இங்கிலாந்தில் செட்டாகாது. அதனால் கான்டேவும் 4-2-3-1 மற்றும் 4-2-4 ஃபார்மேஷன்களைத்தான் தொடக்கத்தில் கையாண்டார். ஆனால் அது பலனளிக்காதுபோனதால், அணியை சரிவிலிருந்து மீட்க 3-4-3 ஃபார்மேஷனை நடைமுறைக்குக் கொண்டுவந்தார். இந்த ஃபார்மேஷனுக்குப் பழக்கப்படாத செல்சீ வீரர்களை, அதற்குத் தகுந்தபடி பயிற்றுவித்தார். கோல்களை வாரி வழங்கிய செல்சீ அணியின் தடுப்பாட்டம், அரணாக மாறியது. திணறிய முன்களம் கோல் மெஷின் ஆனது. செல்சீ அணியைத் தோற்கடிக்க முடியாமல் எதிரணிகள் எல்லாம் இதே 3-4-3 உத்தியைக் கையாளத் தொடங்கின. ஆனானப்பட்ட கார்டியாலோ, மொரினியோ, வெங்கர் போன்றோரே தங்கள் அணி தடுமாறுகையில் இந்த ஃபார்மேஷனைக் கடைப்பிடித்ததெல்லாம் தனிக்கதை!

செல்சீ

மற்ற பயிற்சியாளர்கள் தன் அணி கோல் அடித்துவிட்டால், சென்டம் எடுத்த மாணவியைப்போல் சற்றே ஆர்ப்பரிப்பார்கள். ஆனால், கான்டே வேற லெவல்!  35 மார்க் எடுத்து பார்டரில் பாஸ் ஆன கடைசி பெஞ்ச் மாணவனைப்போல் ஆர்பரிப்பார் மனுஷன். இதெல்லாம் பரவாயில்லை, கேலரியில் இருக்கும் ரசிகர்கள் மீது பாய்ந்து அவர்களைக் கட்டிப்பிடித்து, அவர்களோடு கோலைக் கொண்டாடுவார் பாருங்கள், “யாருயா இந்த மனுஷன்?” என வர்ணனையாளர்களே ஆனந்தக்கண்ணீர் வடிப்பர். அணியின் வெற்றிக்குப் பிறகு இவரைத் தேடத் தேவையில்லை, ‘காஞ்சனா’ ராகவா லாரன்ஸைப்போல், வீரர்களின் இடுப்பில்தான் தலைவர் அமர்ந்திருப்பார். இப்படியான ஒரு பயிற்சியாளர் இருந்தால் போதாதா? “இந்த மனுஷனுக்காகவாவது ஜெயிக்கணும்” என்று ஒவ்வொரு வீரனும் பட்டையைக் கிளப்ப மாட்டானா? எல்லா வகைகளிலும் செல்சீ அணியின் வெற்றிக்கு மாபெரும் உந்து சக்தியாக விளங்கி, இன்று செல்சீ ரசிகர்களுக்கெல்லாம் மகானாகக் காட்சி தருகிறார் மனுஷன்!

என்ன ரூபம் எடுப்பான் எவனுக்குத் தெரியும்?

செல்சீ அணி, போட்டிகளின் 90 நிமிடமும் ஆதிக்கம் செலுத்தும் அணி அல்ல; இன்றைய ரசிகர்கள் விரும்பும் ‘tiki taka’ ஆட்டம் ஆடும் அணியும் அல்ல. எப்போது எப்படி ஆடும் என யூகிக்க முடியாத வகையில் இந்த முறை செல்சீ வீரர்கள் செயல்பட்டனர். சட்டென வெடிக்கும் எரிமலையைப்போல ‘கவுன்டர்-அட்டாக்’கில் எதிரணியைச் சீர்குலைத்தனர். டீகோ கோஸ்டா, ஈடன் ஹசார்டு, பெட்ரோ ஆகியோர் அடங்கிய முன்களக் கூட்டணியின் மேஜிக்கால் தோற்கவேண்டிய போட்டிகளைக்கூட செல்சீ அணி வென்றது.
கார்டியாலோவின் மான்செஸ்டர் சிட்டி அணியுடன் கான்டேவின் செல்சீ முதல்முறையாக மோதுகிறது. முதல் பாதியில் 1-0 என சிட்டி முன்னிலை வகிக்கிறது. இரண்டாம் பாதியிலும் ஆதிக்கம் செலுத்துகிறது. ஆனால், மூன்றே மூன்று மேஜிக்கல் மொமன்ட்ஸ் – கண் இமைக்கும் நொடியில் ஒவ்வொன்றையும் கோலாக்கி 3-1 என அதிர்ச்சி தந்தது செல்சீ. சிட்டியுடனான இரண்டாவது ஆட்டத்திலும் கடைசிக் கட்டத்தில் கோலடித்து 2-1 என வென்றது செல்சீ. பேயர்ன் மூனிச், பார்சிலோனா என மாபெரும் அணிகளின் பயிற்சியாளர் கார்டியாலோ ஒரு சீஸனில் ஓர் அணியிடம் இரண்டு முறையும் தோற்றது சரித்திரத்தில் இதுவே முதன்முறை. அதை நிகழ்த்தியது செல்சீ அணி.

அதுவரை கா……ர்டியாலோ என மாஸாக வலம் வந்தவர், கான்டேவின் முன் ஒரு சாதாரண பயிற்சியாளராகத் தெரிந்த தருணம் அது. பட்டையைக் கிளப்பிக்கொண்டிருந்த டாட்டன்ஹாம் அணிக்கும் இதே நிலை. அதுவரை இந்த சீஸனில் தோற்கவே இல்லை. செல்சீயுடன் 1-0 என 40 நிமிடம் வரை முன்னிலை வேறு. ஆட்டம் முழுக்க அவர்கள் கன்ட்ரோலில்தான். ஆனால், மீண்டும் கம்-பேக் கொடுத்தார்கள் ப்ளூஸ். 2-1 என வெற்றியும் பெற்று அசைக்க முடியாத அணியாக உருவெடுத்தனர். எதிர் அணியின் பயிற்சியாளராக ஸ்டாம்ஃபோர்டு பிரிட்ஜ் மைதானத்துக்குள் நுழைந்த மொரினியோ யாரும் நினைக்காதவண்ணம் 4-0 என மாபெரும் தோல்வியைச் சந்தித்தார். அந்த நேரத்தில்தான் செல்சீ ரசிகர்கள் மனதில் பல்வாள்தேவனின் நூறு அடி சிலை பின் தோன்றிய பாகுபலியின் சிலையைப்போல் உயர்ந்து நின்றார் கான்டே!

லிட்டில் மெஜிஷியன்!

செல்சீ


இதற்கெல்லாம் மையப்புள்ளி ஈடன் ஹசார்டு. ‘லிட்டில் மெஜிஷியன்' என்று வர்ணிக்கப்படும் ஹசார்டுதான் செல்சீ அணியின் உந்து சக்தி. எதிர் அணியினர் தங்கள் கோலை முற்றுகையில், யாரேனும் பந்தைக் கடத்தி இவரிடம் தந்துவிட்டால்போதும். இந்த பாக்ஸிலிருந்து அந்த மூலைக்குச் சென்று கோலாக்கிவிடுவார் இந்த பெல்ஜியன். இவரது வேகமும் ஆட்ட நுணுக்கமும் தற்போதுள்ள எந்த பிரீமியர் லீக் வீரர்களிடமும் இல்லை. இந்த சீஸினில் பதினாறு கோல்களும் ஒன்பது அசிஸ்டுகளும் செய்து செல்சீ அணியின் வெற்றிக்கு மாபெரும் பங்காற்றினார் ஹசார்டு. கிறிஸ்டியானோ ரொனால்டோவின் இடத்தை இவரைக்கொண்டு நிரப்ப ரியல் மாட்ரிட் அணி இரண்டு ஆண்டுகளாக கடும் முயற்சி செய்துவருகிறது. அவரின் திறமையைப் பறைசாற்ற, இந்த ஒரு விஷயம் போதும். அவருக்குப் பெட்ரோவின் வேகமும் பெரிதும் உதவியது.

''என்னைத் தாண்டி கோல் அடி பாப்போம்!''

இப்படிப்பட்ட ஹசார்டையே தூக்கிச் சாப்பிட்டார் கான்டே. இது பயிற்சியாளர் ஆன்டோனியோ அல்ல; பிரான்ஸைச் சேர்ந்த நடுகள வீரர் கான்டே (N’GOLO KANTE). கடந்த முறை லெய்செஸ்டர் அணி கோப்பை வெல்ல மாபெரும் காரணமாக விளங்கியவர், இந்த முறை செல்சீ அணிக்கு கோப்பை வாங்கித் தந்தார். “என்ன மனுஷன்யா இவன்!” என்று மொத்த கால்பந்து உலகமும் அவரைப் பார்த்து வியந்தது. “இரண்டு கான்டேக்கள் களத்தில் விளையாடுவதுபோல் இருக்கிறது”, “கான்டேவை க்ராஸ் செய்து, அவரே ஹெடர் கோலும் அடித்தாலும் அடிப்பார்” என்று கால்பந்து ஜாம்பவான்கள் எல்லோரும் புகழ்ந்து தள்ளிவிட்டனர். தனது அசாத்திய ஆட்டத்தால் பிரீமியர் லீக்கின் சிறந்த வீரர் விருதை வென்றார் KANTE.

இவரைப் பற்றிச் சொல்ல வேண்டுமென்றால், கொரில்லா க்ளாஸுக்கு ஸ்க்ரீன் கார்டு போடுவதைப்போலத்தான். அணியின் பாதுகாப்பு அரண் இவர். கோலடிப்பது, அசிஸ்ட் செய்வதெல்லாம் அவரது சிலபஸிலேயே கிடையாது. ஆனால், எதிரணி வீரர்கள் இவரைத் தாண்டி அவற்றைச் செய்வது மிகக்கடினம். “கோல் அடிக்கணும்னா என்னைத் தாண்டி தொடுறா பார்க்கலாம்” என்று நிப்பார். ஓயாத மெஷின் இவர். டேக்கில்ஸ் செய்ததில் மொத்த லீகிலும் இவர்தான் இரண்டாம் இடம். இவரோடு களம் காண்பது உண்மையிலேயே 12 வீரர்களோடு களம் காண்பதைப்போலத்தான். எந்த அணிக்கும் KANTE மிகப்பெரிய பலம். இவரோடு அதிக விலைக்கு வாங்கப்பட்ட மான்செஸ்டர் யுனைடெட் வீரர் பால் போக்பாவை ஒப்பிட்டு கலாய்த்துத் தள்ளினர் நெட்டிசன்ஸ்.

ஃபீனிக்ஸ் பறவைகள்

ஹசார்டு, பெட்ரோ, கோஸ்டா, கோர்டுவா, ஆஸ்பிலிகியூடா, ஃபேப்ரகாஸ், வில்லியன், மேடிச், காஹில் என அனைத்து நட்சத்திரங்களும் இந்தத் தொடரில் பிரகாசமாகவே ஜொலித்தனர். அவர்களைவிட டேவிட் லூயிஸ், விக்டர் மோசஸ் இருவரும் அணியின் பலத்தை அதிகம் கூட்டி, பலரையும் ஆச்சர்யப்படவைத்தனர். லிவர்பூல், ஸ்டோக், வெஸ்ட் ஹாம் எனப் பல அணிகளுக்கு லோனில் ஆடிக்கொண்டிருந்த மோசஸ், பெரிய அளவுக்கு சோபிக்கவில்லை. ஹசார்டு, பெட்ரோ, வில்லியன் போன்றோர் நல்ல ஃபார்மில் இருந்ததால் `விங்கரான மோசஸின் செல்சீ எதிர்காலம் முடிந்தது' என்றே அனைவரும் நினைத்தனர். ஆனால், கான்டே 3-4-3க்கு அணியை மாற்றியபோது மோசஸை வலது விங்-பேக்கில் ஆடவைத்தார். அனைவரும் மூக்கின் மீது விரல் வைக்கும்வண்ணம் பட்டையைக் கிளப்பினார் மோசஸ். முன்களத்திலும் சரி, தடுப்பு ஆட்டத்திலும் சரி, அணிக்கு பெரும்பலம் சேர்த்தார். மோசஸ் சோபிக்கத் தவறியிருந்தால் 3-4-3 ஃபார்மேஷனே ஒட்டுமொத்தமாக ஃபிளாப் ஆகியிருக்கும்.

செல்சீ

டேவிட் லூயிஸ் – செல்சீ அணியிலிருந்து பி.எஸ்.ஜி அணிக்கு மொரினியோவால் விற்கப்பட்டவர். CONTE இவரை மீண்டும் வாங்கியபோது உலகமே சிரித்தது. நெட்டிசன்கள் கலாய்த்துத் தள்ளினர். ஆனால், அவர்களுக்கெல்லாம் தன் ஆட்டத்தால் பதிலளித்தார் லூயிஸ். செல்சீ அணியின் மாபெரும் வீரரான கேப்டன் ஜான் டெரியின் இடத்தில் அணியின் தூணாகச் செயல்பட்டார். முன்பு தான் செய்த தவறுகளையெல்லாம் திருத்திக்கொண்டு, செல்சீ அணிக்கு மாபெரும் பலம் சேர்த்தார். இத்தனைக்கும் இரண்டு மாத காலம் முழங்கால் காயத்துடனேயே விளையாடி, தன்னை ஏளனம் செய்தவர்களுக்கெல்லாம் பாடம் புகட்டினார் இந்த பிரேசில் டிஃபண்டர். காஹில் மற்றும் ஆஸ்பிலிகியூடாவுடனான இவர்களது தடுப்பாட்டக் கூட்டணியை மீறி எதிரணி வீரர்கள் கோலடிக்கச் சிரமப்பட்டனர். இவர்களின் அற்புதமான தடுப்பாட்டமும் செல்சீ கோப்பையை வெல்வதற்கு முக்கியக் காரணம்.

காரணங்கள் வெல்லாது… காரியங்களே வெல்லும்!

“செல்சீ அணி சாம்பியன்ஸ் லீக்கில் இந்த முறை ஆடவில்லை. அவர்களுக்குப் போதுமான ரெஸ்ட் கிடைத்தது, எங்களுக்கு அப்படியில்லை. நாங்கள் வாரம் இரண்டு போட்டிகளில் ஆடுகிறோம்”, “செல்சீ அணியின் டெக்னிக் சரியில்லை. அவர்களால் பந்தை தங்கள் கட்டுப்பாட்டில் வைத்திருக்க முடியவில்லை” என்றெல்லாம் விமர்சனம் செய்தனர் எதிரணி பயிற்சியாளர்கள்.  காரணம் எதுவேண்டுமானாலும் சொல்லலாம். ஆனால், உண்மையில் செல்சீ எல்லாவிதங்களிலும் 100 சதவிகிதம் பெர்ஃபெக்டாகச் செயல்பட்டதுதான் வெற்றிக்குக் காரணம்.

மொரினியோ, 89 மில்லியன் பவுண்டுக்கு போக்பாவை வாங்கினார். கார்டியாலோவோ ஜீசஸ், சனே, நொலிடோ என நிறைய முன்கள வீரர்களை வாங்கினார். வெங்கரோ அதுவும் செய்யவில்லை. வழக்கம்போல் இந்த சீஸனும் நல்ல ஸ்டிரைக்கர் இல்லாமலேயே களம் கண்டார். லிவர்பூலின் ஜோர்ஜான் க்ளாப் தன் சார்பில் விய்னால்டம், சேடியோ மனே என அட்டாகிலேயே கவனம் செலுத்தினார். எந்த முன்னணி பயிற்சியாளர்களும் தடுப்பாட்டத்தில் கவனம் செலுத்தவே இல்லை. அதன் விளைவே அவர்கள் புள்ளிப்பட்டியலில் சறுக்க நேரிட்டது. இந்த வகையில் ஓரளவு பேலன்ஸோடு இருந்த அணி டாட்டன்ஹாம் மட்டுமே. செல்சீக்குக்கூட தடுப்பாட்டம் தொடக்கத்தில் கொஞ்சம் சுமாராகத்தான் இருந்தது. 3-4-3க்கு மாறிய பிறகு அது வேறு லெவலுக்கு மாறிவிட்டது.

விடைபெறும் டெரி

செல்சீ

இதன் விளைவால், பிற அணிகள் சிறு அணிகளுக்கு எதிராக பல புள்ளிகளை இழந்தன. புள்ளிப்பட்டியலில் 8 முதல் 20-ம் இடம் வரை உள்ள அணிகளுக்கு எதிரான போட்டிகளில் மட்டும் சிட்டி அணி 11 புள்ளிகளையும், ஆர்சனல் அணி 15 புள்ளிகளையும், லிவர்பூல் 28 புள்ளிகளையும், யுனைடெட் அணி 19 புள்ளிகளையும், ஸ்பர்ஸ் அணி 9 புள்ளிகளையும் இழந்தன. இதில் பெஸ்ட் சாம்பியன் செல்சீதான். அந்த அணிகளிடம் செல்சீ அணி இழந்தது வெறும் ஏழு புள்ளிகள்தான். இந்த ஒழுக்கம்தான் செல்சீயின் வெற்றிக்குக் காரணம். எதிராளி எப்படிப்பட்டவனாக இருந்தாலும் தனது ஆட்டத்தை மாற்றிக்கொள்ளாமல், அப்படியே விளையாடியதால்தான் செல்சீ அணியால் சாம்பியன் ஆக முடிந்தது. இனியும் இது தொடரும்பட்சத்தில் அடுத்த ஆண்டும் செல்சீயின் ஆதிக்கம் தொடரும். பிற அணிகள் `வெறும் செலவு செய்து வீரர்களை வாங்குவதால் மட்டும் வென்றுவிடலாம்' என்று நினைக்கிறார்கள். அப்படியில்லை என்பதற்கு செல்சீ ஓர் உதாரணம். படுத்துக்கிடந்த அணியை ஒரு நல்ல வழிகாட்டியால் பட்டைதீட்ட முடியும் என்பதற்கு CONTE ஒரு நல்ல உதாரணம்.

எப்படியோ பிரீமியர் லீக்கை மீண்டும் கைப்பற்றிவிட்டார்கள். விடைபெறவிருக்கும் தங்கள் கேப்டன் டெரிக்கு மிகச்சிறந்த செண்ட்-ஆஃப் ஆக இது அமைந்துவிட்டது. அடுத்த சீஸனில் செல்சீ அணி ஆதிக்கம் செலுத்துமா, கோப்பையைத் தக்கவைக்குமா எனக் கேள்விகள் எழலாம். ஆனால், அதையெல்லாம் லண்டன்வாசிகள் காதில் போட்டுக்கொள்ளப்போவதில்லை. அவர்கள் இன்னும் இரண்டரை மாதங்கள் செல்சீ புகழ்பாடுவதில் பிஸி!

http://www.vikatan.com/news/sports/90016-chelsea-club-success-story.html

Categories: merge-rss

மண்டியிட்டது இலங்கை ; வரலாற்று வெற்றியை பதிவு செய்தது ஸ்கொட்லாந்து

Mon, 22/05/2017 - 11:09
மண்டியிட்டது இலங்கை ; வரலாற்று வெற்றியை பதிவு செய்தது ஸ்கொட்லாந்து

 

 

இலங்கை அணியுடனான உத்தியோகபூர்வமற்ற கிரிக்கெட் போட்டியில் 7 விக்கெட்டுக்களினால் அபார வெற்றி பெற்ற ஸ்கொட்லாந்து அணி, தனது கிரிக்கெட் வரலாற்றில் சிறப்புமிக்க வெற்றியைப் பதிவு செய்துள்ளது.

249945.4.jpg

சம்பியன்ஸ் கிண்ணத் தொடரில் பங்கேற்று விளையாடுவதற்காக இங்கிலாந்திற்கு கிரிக்கெட் சுற்றுப்பயணம் மேற்கொண்டுள்ள அஞ்சலோ மெத்தியூஸ் தலைமையிலான இலங்கை அணி, ஸ்கொட்லாந்து அணியுடன் இரண்டு போட்டிகள் கொண்ட பயிற்சிப் போட்டிகளில் விளையாடி வருகின்றது.

இப் பயிற்சிப் போட்டியின் முதல் போட்டி நேற்றைய தினம் இடம்பெற்றது.

இப் போட்டியில் நாணய சுழற்சியில் வெற்றி பெற்ற இலங்கை அணித் தலைவர் அஞ்சலோ மெத்தியூஸ் முதலில் துடுப்பெடுத்தாடத் தீர்மானித்தார்.

 

இதன்படி முதலில் களம் இறங்கிய இலங்கை அணி 49.5 ஓவர்கள் நிறைவில் சகல விக்கெட்டுக்களையும் இழந்து 287 ஓட்டங்களைப் பெற்றுக்கொண்டது. 

துடுப்பாட்டத்தில் இலங்கை அணி சார்பில் தினேஷ் சந்திமால் 79 ஓட்டங்களையும் சாமர கப்புகெதர 71 ஓட்டங்களையும் குசல் ஜனித் பெரேரா 57 ஓட்டங்களையும் பெற்றுக்கொடுத்தனர்.

 

ஸ்கொட்லாந்து அணி சார்பாக பந்து வீச்சில் எவன்ஸ் மற்றும் விதின்காம் ஆகியோர் தலா 3 விக்கெட்டுக்களைக் கைப்பற்றினர்.

 

அதன் பின்னர் 288 என்ற வெற்றி இலக்கினை நோக்கித் துடுப்பெடுத்தாட களம் இறங்கிய ஸ்கொட்லாந்து அணியின் ஆரம்பத் துடுப்பாட்ட வீரர்களின் இணைப்பை உடைப்பதற்கு இலங்கை பந்து வீச்சாளர் பெரிதும் சிரமப்பட்டனர்.

 

இறுதியில் ஸ்கொட்லாந்து அணி 42.5 ஓவர்கள் நிறைவில் 3 விக்கெட்டுக்களை மாத்திரமே இழந்து 291 ஓட்டங்களைப் பெற்று 7 விக்கெட்டுக்களினால் வெற்றி பெற்று இலங்கை அணிக்கு அதிர்ச்சியளித்தது வரலாற்று வெற்றியினை பதிவுசெய்தது.

 

 

துடுப்பாட்டத்தில் ஸ்கொட்லாந்து அணி சார்பில் ஆரம்பத் துடுப்பாட்ட வீரர் கைல் கோட்சர் அதிரடியாக ஆடி 118 ஓட்டங்களை விளாசினார். மற்றைய ஆரம்பத் துடுப்பாட்ட வீரரான மெத்திவ் குரோஸ் ஆட்டமிழக்காமல் 106 ஓட்டங்களைப் பெற்று இறுதி வரை களத்தில் இருந்தார்.

 

பந்து வீச்சைப் பொறுத்தவரையில் இலங்கை அணி சார்பில் எந்த பந்து வீச்சாளரும் பிரகாசிக்கவில்லை எனலாம். லக்மால் தவிர்ந்த அனைவரும் ஓட்டங்களை அதிகமாகவே கொடுத்தனர். இந்த வெற்றியின்மூலம் இரண்டு போட்டிகள் கொண்ட தொடரில் ஸ்கொட்லாந்து அணி 1-0 என முன்னிலையில் உள்ளது.

http://www.virakesari.lk/article/20223

Categories: merge-rss