தமிழகச் செய்திகள்

மதுரை மீனாட்சி அம்மன் கோயில் தீ விபத்து..! பொருள்கள் எரிந்து நாசம்

Fri, 02/02/2018 - 18:49
மதுரை மீனாட்சி அம்மன் கோயில் தீ விபத்து..! பொருள்கள் எரிந்து நாசம்
 

மதுரை மீனாட்சி அம்மன் கோயில் சன்னதிக்குச் செல்லும் வழியில் உள்ள கடைகளில் தீ விபத்து ஏற்பட்டது. அதனால், பெருமளவிலான பொருள்கள் எரிந்து நாசமாயின. 

b3f400ef-2833-4118-bfa5-317a554d3345_232

 

மதுரையிலுள்ள பிரசித்திப்பெற்ற மீனாட்சி அம்மன் கோயில் சன்னதியில் கோயிலுக்குச் சொந்தமான ஏராளமான கடைகள் இருக்கும். அம்மன் சந்நிதிக்கு செல்லும் வழியில் ஆயிரங்கால் மண்டம் உள்ளது. அப்பகுதியில் விளையாட்டு பொருட்கள், கைவினைப்பொருட்கள், வளையல்கள் விற்கும் கடைகள் ஐம்பதுக்கும் மேற்பட்டது உள்ளது. 10 மணி அளவில் கோயில் நிர்வாகம், நடையைச் சாத்திவிட்டு சென்றனர்.

596974bd-d08f-4e48-8dfb-416f7c9837f0_235

அதன்பின்னர், கோயிலுக்குள் இருந்து புகை மூட்டமாக வந்துள்ளது. அதனையடுத்து, அருகிலிருந்தவர்கள் காவல்துறைக்கு தகவல் அளித்தனர். அதன்பிறகு, கோயில் நடையை திறந்துப் பார்த்தப்போது, கடைகள் தீ பிடித்து எரிந்துள்ளது. மூன்று கடைகளுக்கு தீ பரவியுள்ளது. அந்தக் கடைகளிலுள்ள பொருள்கள் எரிந்து நாசமாயின.

30f3c37b-60c6-4bd0-9aca-22598295adce_232

அந்தக் கடைகளில் குழந்தைகளுக்கான விளையாட்டு பொருள்கள், பிளாஸ்டிக் பொருள்கள் இருந்துள்ளன. அதனால், தீ விடாமல் எரிந்து வருகிறது. 5 தீயணைப்பு வாகனங்களில் சுமார் 30-க்கும் மேற்பட்ட தீயணைப்பு வீரர்கள் தீயணைக்கும் பணியில் ஈடுபட்டனர். சுமார் ஒரு மணி நேரத்துக்கு மேல் தீயணைக்கும் பணி நடைபெற்றுவருகிறது. மின் கசிவின் காரணமாக தீ பற்றியிருக்கலாம் என்று கருதப்படுகிறது. லாரி அதிகம் வர முடியாத நிலையால் குடங்கள் மூலம் தண்நீர் கொண்டு செல்லப்பட்ய்கிறது. மாவட்ட ஆட்சியர் வீரராகவராவ் உடனே ஸ்பாட்டுக்கு வந்து தீயை அணைக்கும் பணியை பார்வையிட்டு, பணியை விரைவுப்படுத்தினார்.

https://www.vikatan.com/news/tamilnadu/115298-fire-at-madurai-meenakshi-amman-temple.html

Categories: Tamilnadu-news

விஜய் மக்கள் இயக்கம் என்ற இணையதளம் ஆரம் பம் – அரசியல் பிரவேசத்துக்கான அடித்தளமா?

Fri, 02/02/2018 - 18:42
விஜய் மக்கள் இயக்கம் என்ற இணையதளம் ஆரம் பம் – அரசியல் பிரவேசத்துக்கான அடித்தளமா?

vijai3.jpg?resize=600%2C450

உலகளவில் ரசிகர்களை ஒன்றிணைக்க நடிகர் விஜய், விஜய் மக்கள் இயக்கம் என்ற இணையதளத்தை ஆரம்பித்துள்ளார். அண்மைக்காலமாக ரஜினி, கமல், விஷால் என நடிகர்கள் பலரும் அரசியல் பிரவேசம் மேற்கொண்டுள்ளனர். அந்தவகையில் ஏராளமான வெற்றிப்படங்களை கொடுத்துள்ள விஜய் தனது படங்களின் அரசியல் பேச்சுக்கள் மூலம் பல சர்ச்சைகளிலும் சிக்கியுள்ளார்.

இவரது படங்களான தலைவர, மெர்சல் ஆகியவை பெரும் சர்ச்சைக்குள்ளனாது.  இந்நிலையில் உலகளாவிய ரசிகர்களை ஒருங்கிணைக்கும் வகையில் விஜய் புதிய இணையதளத்தை தொடங்கியுள்ளார். ஏற்கனவே தனது இயக்கத்திற்கு என தனி கொடியை அறிமுகம் செய்து அரசியல் ஆசையை வெளிப்படுத்தியவர் விஜய். இந்நிலையில் நடிகர் விஜயின், விஜய் மக்கள் இயக்கத்திற்கு http://www.vijaymakkaliyyakam.in  என்ற புதிய இணையதளம் தொடங்கப்பட்டுள்ளது.

ஏற்கனவே ரஜினி, கமல் ஆகியோர் அரசியல் அறிவிப்பை வெளியிட்ட கையோடு உறுப்பினர் சேர்க்கைக்காக தனி இணையத்தளங்களை ஆரமப்பித்திருந்தனர். இந்நிலையில் நடிகர் விஜயும் அதே வேலையை செய்திருப்பது அவரும் அரசியலில் கால் பதிக்கப்போகிறாரா என்ற கேள்வியை எழுப்பியுள்ளது

vijaynewq.jpg?resize=700%2C400

http://globaltamilnews.net/2018/64933/

Categories: Tamilnadu-news

ரஜினி, கமல் அரசியல் செய்யட்டும் – நான் கடைசி வரைக்கும் கலைஞனாகவே இருப்பேன் – பாரதிராஜா

Wed, 31/01/2018 - 10:49
ரஜினி, கமல் அரசியல் செய்யட்டும் – நான் கடைசி வரைக்கும் கலைஞனாகவே இருப்பேன் – பாரதிராஜா

Barathyrajah-3.jpg?resize=301%2C167
ரஜினி, கமல் இருவரும் கடைசி காலத்தில் நாட்டுக்கு நல்லது செய்யலாம் என அரசியலுக்கு வரட்டும்;. ஆனால் நான் கடைசி வரைக்கும் கலைஞனாகவே இருப்பேன் என இயக்குநர் பாரதிராஜா தெரிவித்துள்ளார்.  புதுச்சேரியில் படப்பிடிப்பு நடத்த திட்டமிட்டுள்ள பாரதிராஜா அதற்காக நேற்று புதுச்சேரிக்கு சென்று சில இடங்களை பார்வையிட்ட பின்னர் முதல்வர் நாராயணசாமியை மரியாதை நிமித்தமாக சந்தித்து பேசியிருந்தார். இதனைத் தொடர்ந்து செய்தியாளர்களிடம் கருத்து தெரிவிக்கையிலேயே இவ்வாறு தெரிவித்துள்ளார்.

ரஜினி, கமல் இருவருக்கும் கடைசி காலத்தில் நாட்டுக்கு ஏதாவது செய்யலாம் என்ற எண்ணம் வந்திருக்கலாம். அதனால் அவர்கள் அரசியலுக்கு வந்திருப்பார்கள்.

ரஜினி, கமல் ஆகியோர் தங்கள் அரசியல் கொள்கைகளை அறிவித்த பிறகே எனது கருத்தை தெரிவிப்பேன். கமல் தனிக்கட்சி தொடங்குவது அவரது தனிப்பட்ட விருப்பம். ஜனநாயக நாட்டில் யார் வேண்டுமானாலும் அரசியலுக்கு வரலாம். நான் கடைசி வரை கலைஞனாகவே இருப்பேன் எனத் தெரிவித்தார்

Barathyrajah-2.jpg?resize=300%2C168Barathyrajah.jpg?resize=315%2C160Barathyrajah6.jpg?resize=800%2C450

http://globaltamilnews.net/2018/64440/

Categories: Tamilnadu-news

முந்தும் ‘தம்பி சார்’... பிந்தும் ‘மாப்பிள்ளை சார்’

Wed, 31/01/2018 - 08:33
மிஸ்டர் கழுகு: முந்தும் ‘தம்பி சார்’... பிந்தும் ‘மாப்பிள்ளை சார்’
 

 

p44a_1517316907.jpg

‘முந்தும் தம்பி சார்... பிந்தும் மாப்பிள்ளை சார்’ என்று காகிதத்தில் எழுதி எடுத்துவந்து காண்பித்தார் கழுகார். முதலில் நமக்குப் புரியவில்லை. அதன்பிறகு, ‘தி.மு.க’ என்று எழுதி அதைக் காண்பித்தார். ‘புரிந்துவிட்டது’ என்று தலையசைத்தோம். சிரித்தபடியே செய்திகளைச் சிதறவிட்டார் கழுகார்.

“தி.மு.க-வில், ‘தலைவர்’ என்றால் கலைஞர்; ‘தளபதி’ என்றால் ஸ்டாலின். இது அனைவருக்கும் தெரியும். நெருங்கியவர்களுக்கு மட்டும்தான், ‘தம்பி சார்’ என்றால் உதயநிதி, ‘மாப்பிள்ளை சார்’ என்றால் சபரீசன் என்று தெரியும்.”

‘‘ஓஹோ!”

‘‘அதனால்தான், ‘தம்பி சார் முந்துகிறார்’ என்று சொன்னேன். உதயநிதி ஸ்டாலினின் அரசியல் பிரவேசம் குறித்து இரண்டு இதழ்களுக்கு முன்பு நான் கொடுத்த விஷயங்களெல்லாம் அச்சுப்பிசகாமல் அப்படியே நடக்கின்றன. மா.சுப்பிரமணியன் நடத்திய பொங்கல் விழாவில் உதயநிதி பங்கெடுத்ததுகூட ஆச்சர்யம் இல்லை. பேருந்துக் கட்டண உயர்வை எதிர்த்து தாம்பரத்தில் நடந்த ஆர்ப்பாட்டத்திலும் கலந்துகொண்டு அதிர்ச்சியைக் கொடுத்தார் உதயநிதி. அந்த நிகழ்ச்சிதான், அவரது அரசியல் பயணத்தின் தொடக்கமாக அமைந்தது.’’

‘‘தாம்பரத்திலிருந்து புதிய தலைவர் புறப்பட்டுவிட்டார் என்கிறீரா?”

‘‘அப்படித்தான் சொல்கிறார்கள் தி.மு.க-வில். மு.க.ஸ்டாலினின் மகன் என்ற அளவிலும், திரைப்பட நடிகர் என்ற அளவிலும்தான் உதயநிதி ஸ்டாலினை வெளியில் எல்லோருக்கும் தெரியும். ஆனால், முரசொலி அறக்கட்டளையின் தலைவர் பொறுப்பில் உதயநிதிதான் இருக்கிறார். ‘முரசொலி’ பத்திரிகையின் நிர்வாக இயக்குநரும் உதயநிதிதான். கடந்த ஏழு வருடங்களாக அவர் இந்தப் பொறுப்பில் இருக்கிறார். முரசொலி அலுவலகத்தை நவீனப்படுத்தியது அவர்தான். ஆனாலும், நேரடி அரசியலிலிருந்து அவர் ஒதுங்கியே இருந்தார். முரசொலி பவள விழா நிகழ்ச்சிகளில்தான், மேடைக்கு வந்து முன்வரிசையில் அமர்ந்தார். முரசொலியின் நிர்வாக இயக்குநர் என்ற வகையில், அவர் உட்கார வைக்கப்பட்டதாக அப்போது சொன்னார்கள். இந்த நிலையில், கையில் கொடி பிடிக்கவும் ஆரம்பித்துவிட்டார் உதயநிதி.”

‘‘ஏன் இந்தத் திடீர் ஆசை?”

‘‘ரஜினி, கமல், விஷால் என நட்சத்திரப் பட்டாளம் மொத்தமும் அரசியலை நோக்கி நகர்ந்துவருவதைப் பார்த்துத்தான், உதயநிதியும் உள்ளே இறங்கத் தயாராகிவிட்டதாகச் சொல்லப்படுகிறது. பொங்கல் தினத்தன்று ஸ்டாலினிடம் ஆசீர்வாதம் வாங்கிவிட்டு, அரசியல் பற்றிப் பேசிக்கொண்டிருந்தார் உதயநிதி. அப்போது, அரசியலுக்கு நடிகர்கள் வருவது பற்றிப் பேச்சு வந்தது. ‘அவங்க அரசியலுக்கு வர்றாங்க. நான் அரசியல்லயே இருக்கேன். இனி, நானும் எல்லா கூட்டங்களுக்கும் வர்றேன்’ என்று உதயநிதி சொல்ல... அதற்கு ஸ்டாலினும் தலையாட்ட... அரசியல் பிரவேசம் நடந்துள்ளது.”

p44d_1517316938.jpg

‘‘ஸ்டாலினின் மருமகன் சபரீசன்தானே இதுவரை ஆக்டிவாக இருந்தார்?”

‘‘ஸ்டாலினின் ‘நமக்கு நாமே’ பயணம் தொடங்கி, கடந்த ஐந்து ஆண்டுகளாக அவருக்கு ‘ஆல் இன் ஆல்’ ஆக இருந்தவர் சபரீசன். ‘ஸ்டாலினின் கட்டளையே சாசனம்’ என்று செயல்பட்டவர் அவர். ‘உதயநிதிக்கு அரசியல் ஆர்வம் இல்லை. அதனால், சபரீசனைக் கொண்டுவருகிறார்கள்’ என்று அப்போது பேச்சு எழுந்தது. இப்போது, உதயநிதிக்கே அந்த ஆசை வந்துவிட்டது. அதனால், சபரீசன் வழக்கம்போல் பின்னால் இருந்து செயல்படுவாராம். உதயநிதியையும் சபரீசனையும் ஒன்றாக உட்கார வைத்து ஸ்டாலின் பேசியுள்ளார். சபரீசனின் சம்மதத்துடன்தான், உதயநிதியின் செயல்பாடுகள் இருப்பதாகவும் சொல்லப்படுகிறது. அதை வைத்துத்தான், ‘தம்பி சார் முந்துகிறார்... மாப்பிள்ளை சார் பிந்துகிறார்’ என்று சொன்னேன்.”

‘‘ஓஹோ!”

‘‘உதயநிதி ஸ்டாலினின் அரசியல் பிரவேசம், பொங்கல் நாளன்றே ஒத்திகை பார்க்கப்பட்டது என்கிறார்கள்.”

‘‘என்ன ஒத்திகை?”

‘‘ஒவ்வோர் ஆண்டும் பொங்கல் திருநாளன்று, கட்சிக்காரர்களை வீட்டில் வைத்து மு.க.ஸ்டாலின் சந்திப்பார். அப்போது, ஒவ்வொருவருக்கும் புதிய 20 ரூபாய் நோட்டை ஸ்டாலின் கொடுப்பார். இந்த ஆண்டும் அந்த நிகழ்வு நடைபெற்றது. மு.க.ஸ்டாலின் வழக்கம்போல், 20 ரூபாய் நோட்டைக் கொடுத்துக் கொண்டிருந்தார். அவருக்குப் பக்கத்தில் நின்று, நோட்டுகளை எடுத்துக்கொடுத்தவர் மகேஷ் பொய்யாமொழி. திடீரென்று மகேஷ் பொய்யாமொழி இடத்துக்கு உதயநிதி வந்தார். அவரே 20 ரூபாயை எடுத்துக்கொடுத்தார். அப்போதே அங்கிருந்தவர்களின் புருவங்கள் ஆச்சர்யத்தில் உயர்ந்தன. உதயநிதி, சபரீசன், மகேஷ் பொய்யாமொழி, கார்த்திக் மோகன் ஆகிய நால்வர் அணி உருவாகிவிட்டது. இதுதான், இனி தி.மு.க-வின் புதிய படையாகச் செயல்படப் போகிறது.”

‘‘ம்!”

‘‘சமீபத்தில் நாளிதழ் ஒன்றுக்கு ஸ்டாலின் பேட்டியளித்தார். அப்போது, ‘உங்களுக்கு அடுத்த நிலையில் வலுவான அடுத்த தலைமுறைத் தலைவர்கள் வரிசை ஒன்று வெளியே தெரியவில்லையே. அப்படி இருக்கிறார்களா? இருந்தால், அவர்களை எப்போது எப்படி வெளியே கொண்டுவரப் போகிறீர்கள்?’ என்று கேட்கப்பட்டது. அதற்கு ஸ்டாலின், ‘ஒரு படையே இருக்காங்க. சீக்கிரம் பார்ப்பீங்க’ என்று சொல்லியிருந்தார் ஸ்டாலின். அவர் சொல்லும் படை இதுதான் போலும்!”

‘‘சென்னையின் அடுத்த மேயர் உதயநிதி என இப்போதே தி.மு.க-வில் ஒரு குரூப் கிளம்பிவருகிறதே?”

‘‘உதயநிதியை முதலில் சென்னை மேயராகக் கொண்டுவருவதுதான் இவர்களது திட்டமாம். அதனால்தான், அவருக்கு அரசியல் பயிற்சி கொடுக்கும் பொறுப்பை சென்னை மாநகர முன்னாள் மேயரும், தற்போதைய எம்.எல்.ஏ-வுமான மா.சுப்பிரமணியன் வசம் ஒப்படைத்துள்ளனர். மாநகராட்சி நிர்வாக வேலைகள் பற்றித் துல்லியமாகத் தெரிந்தவர் மா.சுப்பிரமணியன். ‘சென்னை மாநகராட்சி என்பது தமிழக அரசாங்கத்தின் ‘மினி மாடல்’. அது ஒரு குட்டி அரசாங்கம். அங்கு மேயராக இருப்பவருக்கு, ஏறத்தாழ தமிழக முதலமைச்சருக்கு இருப்பதைப்போலவே நிர்வாக வேலைகள் இருக்கும். பட்ஜெட் போடுவது முதல் மற்ற நடைமுறைகளும் தமிழக அரசாங்கத்தைப் போலத்தான் சென்னை மாநகராட்சியிலும். அதனால், அந்தப் பதவியில் இருந்து உதயநிதி முதலில் பயிற்சி எடுக்கட்டும் என நினைக்கின்றனர்’ என்று சொல்கிறார்கள் தி.மு.க-வில்!” என்றபடி எழுந்தார் கழுகார்.

டேபிளில் இருந்த அல்வா பொட்டலத்தை அவர் பக்கம் திருப்பினோம். பார்த்துச் சிரித்தவர், ‘‘நடராசன் அனுப்பி வைத்த ‘அல்வா நியூஸ்’ பற்றிச் சொல்கிறேன் கேளும்...’’ என்றார்.

‘‘சொல்லும்’’ என்றோம்.

p44e_1517316961.jpg

‘‘சென்னையில் ஜனவரி 27 மற்றும் 28 ஆகிய நாள்களில் உலக கல்லீரல் மாற்று அறுவை சிகிச்சை நிபுணர்கள் மாநாடு நடைபெற்றது. உலகம் முழுவதுமிருந்து வந்திருந்த கல்லீரல் மாற்று அறுவை சிகிச்சை நிபுணர்கள் கலந்துகொண்டனர். சமீபத்தில், கல்லீரல் மற்றும் கிட்னி மாற்று அறுவை சிகிச்சை செய்துகொண்ட சசிகலாவின் கணவர் நடராசனும் அதில் கலந்துகொண்டார். அவருக்கு, அந்த அறுவை சிகிச்சையை வெற்றிகரமாக செய்து காப்பாற்றிய டாக்டர் முகமது ரீலாவும் அதில் கலந்து கொண்டார். இரண்டாவது நாள் நிகழ்ச்சியில், தமிழக முதல்வர் எடப்பாடி பழனிசாமி கலந்துகொள்வதாக இருந்ததால், அன்று நடராசன் போகவில்லை. முதல் நாள் நிகழ்ச்சியில் காலை 10.30 மணிக்கு கலந்துகொள்ள வந்தவர், மதியம் 1.30 வரை இருந்தார். அதன்பிறகு, டாக்டர் ரீலா வீட்டில் விருந்து நடைபெற்றது. அந்த விருந்தில், நடராசன் சார்பில் அனைவருக்கும் திருநெல்வேலி அல்வா, தூத்துக்குடி மக்ரூன், கோவில்பட்டி கடலை மிட்டாய், பண்ருட்டி முந்திரி ஆகியவை அடங்கிய பை ஒன்று வழங்கப்பட்டது. அந்தப் பைகளில் ஒன்றை, பெங்களூரு பரப்பன அக்ரஹாரா சிறையில் இருக்கும் சசிகலாவுக்கும் அனுப்பிவைத்தார் நடராசன்’’ என்றபடி பறந்தார்.

படம்: கே.குணசீலன்

‘‘அமைச்சர் மிரட்டவில்லை!’’

31
.1.18 ஜூ.வி இதழில் ‘நிர்மலா சீதாராமனை மிரட்டினாரா வேலுமணி?’ என்ற கட்டுரை வெளியாகியிருந்தது. அதில் நம்மிடம் பேசிய பி.ஜே.பி-யின் எஸ்.ஆர்.சேகர், ‘‘அமைச்சர் எஸ்.பி.வேலுமணி, கொடீசியா உள்ளிட்ட தொழில் அமைப்புகளை மிரட்டினார்’’ என்று கூறியிருந்தார். இதையடுத்து நம்மைத் தொடர்புகொண்ட கோவை கொடீசியா அமைப்பின் தலைவர் சுந்தரம், ‘‘அமைச்சர் எஸ்.பி.வேலுமணி எங்களை மிரட்டவில்லை. அமைச்சர் நிர்மலா சீதாராமன் எங்கள் அமைப்பின் உறுப்பினர்களுடன் ஒரு கலந்துரையாடலுக்கு வந்திருந்தார். அதன் முடிவில் அவர் 20 கோடி ரூபாய் நிதி ஒதுக்கீடு அறிவித்தது, நாங்களே எதிர்பார்க்காதது. மத்திய அரசும் மாநில அரசும் எங்களின் எல்லா முயற்சிகளுக்கும் ஆதரவாக உள்ளன” என்றார்.

‘‘உங்களைப் பார்க்கத்தான் வந்தேன்!’’

 

p44ee_1517316843.jpg

மிழகத்துக்கு கர்நாடகாவிடமிருந்து காவிரி நீர் பெற்றுத் தர வலியுறுத்தி,  அனைத்து விவசாய சங்கங்கள் மற்றும் அனைத்துக் கட்சிகள் சார்பில், தஞ்சாவூரில் வைகோ தலைமையில் ரயில் மறியல் போராட்டம் நடைபெற்றது. உடல்நலக் குறைவுடன் இருந்த எல்.கணேசன், வைகோ வந்திருப்பதைக் கேள்விப்பட்டு அவரைச் சந்திப்பதற்காகவே போராட்டத்துக்கு வந்தார். ம.தி.மு.க-விலிருந்து விலகி தி.மு.க-வில் சேர்ந்த எல்.கணேசன், பல ஆண்டுகளுக்குப் பிறகு இப்போதுதான் வைகோவைச் சந்தித்தார். ‘‘எப்படிண்ணே இருக்கீங்க, உடம்பு இப்ப பரவாயில்லையா! இந்த நிலையில் நீங்க ஏன் இங்க வந்தீங்க?’’ என எல்.கணேசன் கைகளைப் பற்றிக்கொண்டு வைகோ, நா தழுதழுக்க வாஞ்சையுடன் விசாரித்தார். ‘‘நான் உங்களைப் பார்க்கத்தான் வந்தேன்’’ என்றார் எல்.கணேசன். இருவரும் கொஞ்சம் நேரம் ஒருவருக்கொருவர் பார்த்துக்கொண்டு கண் கலங்கினர்.

p44c_1517316880.jpg

‘மக்கள் சந்திப்பு புரட்சிப் பயணம்’ என்று பிப்ரவரி 2-ம் தேதியிலிருந்து மாவட்டவாரியாக சுற்றுப்பயணம் செல்கிறார் தினகரன். தஞ்சை வடக்கு மாவட்டத்தில் தனது பயணத்தைத் தொடங்குகிறார். ‘‘நான் இந்தப் பயணத்தை முடிக்கும்போது இந்த ஆட்சி கலைந்திருக்கும்’’ என்று தனக்கு நெருக்கமானவர்களிடம் சொல்லியிருக்கிறார் தினகரன்.

தமிழ்நாடு மற்றும் புதுச்சேரி பார் கவுன்சில் தேர்தலை நடத்த, கடந்த 25-ம் தேதி அறிவிக்கை வெளியிடப்பட்டது. அரசியல் கட்சிகளை மிஞ்சும் அளவுக்கு இப்போதே களேபரங்கள் ஆரம்பித்துவிட்டன. பல கோடிக்கு பணப்புழக்கம் இருக்கும் என்று சொல்கிறார்கள்.

‘கடந்த சில வருடங்களில் ரஜினி குடும்பத்தினர் பல ஃபைனான்சியர்களுடன் நிகழ்த்திய கொடுக்கல் வாங்கல்களில் பிரச்னையானது எத்தனை, இன்னும் நிலுவையில் உள்ளவை எவை எவை?’ என்று தமிழக உளவுத்துறையினர் தகவல் சேகரித்து வருகிறார்கள்.

கோவை மாநகர் மற்றும் புறநகர்ப் பகுதிகளில் சூதாட்ட கிளப்கள் ஜெகஜோதியாக நடக்கின்றன. அந்தந்த ஏரியா ஆளுங்கட்சிப் பிரமுகர்களுக்குத் தினமும் பத்தாயிரம் ரூபாயை வங்கிக்கணக்கில் போடுகிறார்களாம். கப்பம் கட்டாத ஒரு சூதாட்ட கிளப்பில் 12 லட்ச ரூபாயை போலீஸார் பிடித்தார்களாம். போலீஸ் கல்லா களைகட்டுகிறதாம்.

https://www.vikatan.com

Categories: Tamilnadu-news

2017-ம் ஆண்டுக்கான சிறந்த பெண் அரசியல் தலைவர் விருது தமிழிசை சவுந்தரராஜனுக்கு

Tue, 30/01/2018 - 16:32
2017-ம் ஆண்டுக்கான சிறந்த பெண் அரசியல் தலைவர் விருது தமிழிசை சவுந்தரராஜனுக்கு

thamilisai.jpg?resize=600%2C450
2017-ம் ஆண்டுக்கான சிறந்த பெண் அரசியல் தலைவர் விருதை பாரதிய ஜனதா மாநில தலைவர் தமிழிசை சவுந்தரராஜனுக்கு சர்வதேச மனித உரிமைகள் ஆணையம் இன்று வழங்கியுள்ளது. இன்றைதினம் சென்னையில் நடைபெற்ற சர்வதேச மனித உரிமைகள் ஆணையகத்தின் விழாவில் இந்த விருது வழங்கப்பட்டுள்ளது. 2017-ம் ஆண்டு சிறப்பாக அரசியல் மற்றும் பொதுநலச் சேவைகள் பணியாற்றிதாக தெரிவித்தே அவருக்கு இந்த விருது வழங்கப்பட்டுள்ளதாக தெரிவிக்கப்பட்டுள்ளது

http://globaltamilnews.net/2018/64307/

தமிழிசை செளந்தரராஜனுக்கு பொதுநல சேவைக்கான விருது

 

 
tamilisai

2017ஆம் ஆண்டுக்கான சிறந்த பொதுநல சேவைக்கான விருது தமிழக பாஜக தலைவர் தமிழிசை செளந்தரராஜனுக்கு வழங்கப்பட்டது.

சென்னையில் நடைபெற்ற விழாவில், சர்வதேச மனித உரிமைகள் ஆணையம் சார்பில் தமிழிசை செளந்தரராஜனுக்கு விருது வழங்கப்பட்டது 

http://www.dinamani.com/latest-news/2018/jan/30/தமிழிசை-செளந்தரராஜனுக்கு-பொதுநல-சேவைக்கான-விருது-2854026.html

Categories: Tamilnadu-news

ஹார்வார்டு பல்கலை.யில் தமிழ் இருக்கை.. ஏழை கவிஞன் என்பதால் ரூ.5 லட்சம்தான் தர முடிந்தது: வைரமுத்து

Tue, 30/01/2018 - 12:28

ஹார்வார்டு பல்கலை.யில் தமிழ் இருக்கை.. ஏழை கவிஞன் என்பதால் ரூ.5 லட்சம்தான் தர முடிந்தது: வைரமுத்து

eelaoi70aca1eb5043edf6.md.jpg

 

சென்னை: ஹார்வார்டு பல்கலைக்கழகத்தில் தமிழ் இருக்கை அமைய கவிஞர் வைரமுத்து ரூ.5 லட்சம் நிதி உதவி அளித்துள்ளார். சென்னையில், இன்று மாலை நடைபெற்ற, ஹார்வர்டு தமிழ் இருக்கைக்கு நிதி வழங்கும் விழாவில் பேசிய வைரமுத்து, மேலும் கூறியதாவது: சீன மொழிக்கு இணையாக இருக்கும் மொழிதான் தமிழ் மொழி. இந்தியாவின் சரிபாதி பண்பாடு தமிழ் பண்பாடு .

எல்லாத் தகுதியும் உடைய தமிழ் மொழியை ஹார்வர்டு பல்கலைக்கு தாமதமாக கொண்டு சென்றுள்ளோம் என்பதே என் ஆதங்கம். அறிவுலகம் வகுத்த தகுதிக்கும் மேல் தகுதி கொண்டது தமிழ் மொழி . ஹார்வர்ட் தமிழ் இருக்கை தமிழின் பெருமையை உலகறியச் செய்யும் என நம்புகிறேன். தமிழ் செம்மொழி என்ற அறிவிப்புக்கு காரணமாக இருந்த கருணாநிதி, மன்மோகன் சிங் ஆகியோருக்கு நன்றி தெரிவிக்கிறேன். இவ்வாறு வைரமுத்து தெரிவித்தார். சென்னை புத்தக காட்சியில் விற்பனையான தமது புத்தகங்களின் முழுத்தொகையை ஹார்வார்டு பல்கலைக்கழகத்திற்கு தமிழ் இருக்கை அமைக்க நிதியாக வழங்கினார். ஏழைக் கவிஞன் என்பதால்தான் ஹார்வர்டு தமிழ் இருக்கைக்கு ரூ.5 லட்சம் கொடுத்துள்ளேன் என்று வைரமுத்து அப்போது குறிப்பிட்டார்.

நன்றி : தட்ஸ்தமிழ்


டிஸ்கி:

நம்பிட்டம்!!
ellai22d953f76a57f38c9.md.jpg

 

 

Categories: Tamilnadu-news

ஜெயலலிதா பிறந்த நாளுக்குள் புதியக் கட்சி தொடங்குகிறார் தினகரன்: தங்க தமிழ்ச்செல்வன் பேட்டி

Tue, 30/01/2018 - 06:13
ஜெயலலிதா பிறந்த நாளுக்குள் புதியக் கட்சி தொடங்குகிறார் தினகரன்: தங்க தமிழ்ச்செல்வன் பேட்டி

 

 
thangatamilselvan

தேனி: ஜெயலலிதாவின் பிறந்த நாளான பிப்ரவரி 24-ஆம் தேதிக்குள் டி.டி.வி. தினகரன் அணியில் அனைத்து நகர, ஒன்றிய, பேரூர் கிளை கழகங்களுக்கும் நிர்வாகிகள் நியமிக்கப்படுவார்கள் என்று, தகுதி நீக்கம் செய்யப்பட்ட ஆண்டிபட்டி தொகுதி அதிமுக சட்டப்பேரவை உறுப்பினர் தங்க. தமிழ்ச்செல்வன் தெரிவித்தார்.

தேனியில் டி.டி.வி. தினகரன் அணி சார்பில் நேற்று திங்கள்கிழமை நடைபெற்ற மாவட்ட செயல் வீரர்கள் கூட்டத்தில் அவர் மேலும் பேசியது: 

தேனி மாவட்டத்தில் சசிகலா, டி.டி.வி.தினகரன் ஆகியோருக்கு ஆதரவாக செயல்பட்ட அதிமுக நகர, ஒன்றிய, பேரூர் நிர்வாகிகளில் பெரும்பாலானோர் பதவியில் இருந்தும், கட்சியில் இருந்தும் நீக்கப்பட்டுள்ளனர். என்னை மாவட்டச் செயலர் பதவியில் இருந்து நீக்குவதாக அறிவித்தவர்கள், கட்சியில் இருந்து நீக்குவதாகக் கூறவில்லை.

டி.டி.வி. தினகரன் உத்தரவுப்படி, அதிமுகவிலிருந்து நீக்கப்பட்ட கட்சி நிர்வாகிகளை அழைத்து இங்கு செயல்வீரர்கள் கூட்டம் நடத்தி வருகிறேன். இதற்காக, என்னையும், கூட்டத்தில் கலந்துகொண்ட ஆயிரத்துக்கும் மேற்பட்ட தொண்டர்களையும் அதிமுக விலிருந்து நீக்கிவிடுவார்களா?.

ஆர்.கே.நகர் தொகுதி வெற்றி மூலம் அதிமுக தொண்டர்களும், மக்களும் எங்கள் பக்கம் உள்ளனர் என்பதை நிரூபித்துள்ளோம். உள்ளாட்சித் தேர்தலை விரைவில் சந்திக்க உள்ளோம். வெற்றி பெற்று இரட்டை இலை சின்னத்தையும் மீட்போம். அதுவரைக்கும் தான் இந்த திட்டம் என்றவர் இந்த அரசு பாஜகவின் கைப்பாவையாக செயல்பட்டு வருவதே நாங்கள் அடைந்த வெற்றிக்கும், அடையப் போகும் வெற்றிக்கும் முக்கிய காரணம். பேருந்து கட்டணத்தை 60 சதவிகிதம் வரை உயர்த்தியிருப்பது அரசின் நிர்வாகத் திறமையின்மையை காட்டுகிறது. இந்த நிலையில் உள்ளாட்சித் தேர்தல் வந்தால், அமைச்சர்கள் தொகுதி பக்கம் தலை காட்ட முடியாத நிலை ஏற்படும்.

அதிமுக கட்சி மற்றும் இரட்டை இலை சின்னம் மீண்டும் நமக்கு வந்து சேருவது உறுதி. அதிமுக அம்மா அணி என்ற பெயரில் கட்சி தொடங்க திட்டமிடப்பட்டுள்ளது. இந்தக் கட்சியில் கிளை நிர்வாகிகளை நியமிக்க சம்பந்தப்பட்ட நகர, ஒன்றிய, பேரூர் செயலர்களிடம் படிவம் வழங்கப்பட்டுள்ளது. ஜெயலலிதாவின் பிறந்த நாளான பிப்ரவரி 24-ஆம் தேதிக்குள் அனைத்து கிளைகளுக்கும் நிர்வாகிகளை நியமித்து, புதிய நிர்வாகிகள் பட்டியல் வெளியிடப்பட்டு விடும் என்றார்.

செல்வாக்கை நிரூபிப்பாரா ஓ.பி.எஸ்.?: இந்தக் கூட்டத்தில் பேசிய தகுதி நீக்கம் செய்யப்பட்ட பெரியகுளம் அதிமுக சட்டப் பேரவை உறுப்பினர் கதிர்காமு, சட்டப்பேரவையில் அதிமுக அரசின் பெரும்பான்மையை நிரூபிக்க அரசுக்கு ஆதரவாக வாக்களித்த அதிமுக எம்.எல்.ஏ.கள் 18 பேரை சட்டப்பேரவைத் தலைவர் தகுதி நீக்கம் செய்துள்ளார். இந்த வழக்கின் மீதான நீதிமன்ற தீர்ப்பு சில நாள்களில் வர உள்ளது.

அந்தத் தீர்ப்பில் எம்.எல்.ஏ.கள் தகுதி நீக்கம் செல்லாது என்று தெரிவிக்கப்பட்டால், நாங்கள் அனைவரும் பதவியை ராஜிநாமா செய்துவிட்டு, அதே தொகுதியில் மீண்டும் போட்டியிடுவோம். தனக்கு மக்கள் செல்வாக்கு இருப்பதாகக் கூறிக்கொள்ளும் ஓ.பன்னீர்செல்வம் தனது பதவியை ராஜிநாமா செய்துவிட்டு, அதே தொகுதியில் தேர்தலில் போட்டியிட்டு செல்வாக்கை நிரூபிப்பாரா? என்றவர் எங்களுக்கு சாதகமாக தீர்ப்பு வரும். அனைவரும் தினகரனுடன் பேரவைக்குள் செல்வோம். தினகரன் தலைமையில் ஆட்சி மாற்றம் விரைவில் வரும் என்றார்.

http://www.dinamani.com/latest-news/2018/jan/30/ஜெயலலிதா-பிறந்த-நாளுக்குள்-புதியக்-கட்சி-தொடங்குகிறார்-தினகரன்-தங்க-தமிழ்ச்செல்வன்-பேட்டி-2853959.html

Categories: Tamilnadu-news

கச்சத்தீவு திருவிழாவில் கலந்துகொள்ள தமிழகத்தில் வசிக்கும் இலங்கை அகதிகளுக்கு அனுமதி மறுப்பு

Mon, 29/01/2018 - 18:02
கச்சத்தீவு திருவிழாவில் கலந்துகொள்ள தமிழகத்தில் வசிக்கும் இலங்கை அகதிகளுக்கு அனுமதி மறுப்பு

 

 
கச்சத்தீவு திருவிழாவில் கலந்துகொள்ள தமிழகத்தில் வசிக்கும் இலங்கை அகதிகளுக்கு அனுமதி மறுப்பு
 

தமிழகத்தில் வசிக்கும் இலங்கை அகதிகள் கச்சத்தீவு புனித அந்தோனியார் ஆலயத் திருவிழாவில் கலந்துகொள்ள அனுமதி மறுக்கப்பட்டுள்ளது.

கச்சத்தீவு அந்தோனியார் ஆலயத் திருவிழா பெப்ரவரி மாதம் 23 ஆம் 24 ஆம் திகதிகளில் நடைபெறவுள்ளது.

இந்தத் திருவிழாவில் வருடாந்தம் இலங்கை மற்றும் இந்தியாவைச் சேர்ந்த பக்தர்கள் கலந்துகொள்கின்றமை வழமையாகும்.

கச்சத்தீவு செல்வதற்கு தமிழக பக்தர்கள் பொலிஸ் அனுமதி மற்றும் மத்திய அரசின் ஆதார் அட்டை ஆகியவற்றைப் பெற்றிருக்க வேண்டியது கட்டாயமாக்கப்பட்டுள்ளது.

பக்தர்களின் பாதுகாப்பு விதிமுறைகள் குறித்த ஆலோசனைக் கூட்டம் இராமேஸ்வரத்தில் நடைபெற்றதாக தமிழக ஊடகங்கள் செய்தி வௌியிட்டுள்ளன.

தமிழக அகதி முகாம்களில் வசித்து வருகின்ற இலங்கை அகதிகள் திருவிழாவில் பங்கேற்பதற்கு அனுமதி வழங்காதிருக்கவும் இதன்போது தீர்மானிக்கப்பட்டுள்ளது.

திருவிழாவிற்கு செல்லும் பக்தர்கள் தமிழகத்திலிருந்து தடை செய்யப்பட்ட பிளாஸ்டிக் பொருட்கள், போதைப்பொருட்களை எடுத்துச்செல்லக் கூடாது என்றும் அறிவுறுத்தப்பட்டுள்ளது.

இந்திய பக்தர்களைப் பதிவு செய்யும் நடவடிக்கை நாளைய தினத்துடன் நிறைவுபெறவுள்ளதாகவும் தமிழக செய்திகள் கூறுகின்றன.

கச்சத்தீவிலிருந்து மீண்டும் இந்தியாவிற்குத் திரும்பும் படகுகளில் இலங்கையைச் சேர்ந்த எவரையும் அழைத்து வரக்கூடாது எனவும் பக்தர்களுக்கு ஆலோசனை வழங்கப்பட்டுள்ளது.

கச்சத்தீவு புனித அந்தோனியார் ஆலயத் திருவிழாவில் பங்கேற்குமாறு இந்திய பக்தர்களுக்கு யாழ்ப்பாணம் மறைமாவட்ட ஆயர் அண்மையில் அழைப்பு விடுத்திருந்தமை குறிப்பிடத்தக்கதாகும்.

http://newsfirst.lk/tamil/2018/01/கச்சத்தீவு-திருவிழாவில-3/

Categories: Tamilnadu-news

நித்யானந்தாவை கைது செய்ய நேரிடும்: உயர் நீதிமன்றம் எச்சரிக்கை

Mon, 29/01/2018 - 10:54
நித்யானந்தாவை கைது செய்ய நேரிடும்: உயர் நீதிமன்றம் எச்சரிக்கை

 

 

download%202

நித்யானந்தா, உயர் நீதிமன்றம்   -  கோப்புப் படம்

மதுரை ஆதீன மடத்தின் இளைய மடாதிபதியாக தன்னைத் தானே அறிவித்துக் கொண்ட நித்யானந்தாவை கைது செய்ய உத்தரவிட நேரும் என சென்னை உயர் நீதிமன்றம் எச்சரிக்கை விடுத்துள்ளது.

மதுரை ஆதீனத்தின் 293-வது மடாதிபதியாக நித்யானந்தா பொறுப்பு ஏற்றுக் கொண்டார். இதை எதிர்த்து, ஜெகதலபிரதாபன் என்பவர், மதுரை உயர் நீதிமன்ற கிளையில் வழக்கு தொடர்ந்தார். இந்த வழக்கு நிலுவையில் இருந்து வருகிறது.

நித்யானந்தா மடாதிபதியாக அறிவித்துக் கொண்டது சட்டவிரோதம் என்று தமிழக அரசு பதில் அளித்தது. மடாதிபதி உயிருடன் இருக்கும்போது, மற்றொருவர், மடாதிபதியாக பொறுப்பு ஏற்க முடியாது என்று அரசு சார்பில் தெரிவிக்கப்பட்டது.

அப்போது நித்யானந்தா சார்பில், தான் இளைய மடாதிபதியாகத்தான் பொறுப்பு ஏற்றுக் கொண்டேன். அதில் இருந்து விலக முடியாது என்று தெரிவிக்கப்பட்டது. அதற்கு, பொறுப்பில் இருப்பது செல்லாது. அந்தப் பதவியை விட்டு விலகியதாக அறிவித்துவிட்டு, பதில் மனு தாக்கல் செய்யும்படி நித்யானந்தாவுக்கு நீதிபதி ஆர். மகாதேவன் உத்தரவிட்டிருந்தார்.

இந்நிலையில், நீதிபதி சகாதேவன் மதுரை உயர் நீதிமன்றத்தில் இருந்து சென்னை உயர் நீதிமன்றத்திற்கு மாற்றலானார். இந்த வழக்கு இன்று நீதிபதி சகாதேவன் முன்னிலையில் விசாரணைக்கு வந்தது. இந்த வழக்கை, சிறப்பு வழக்காக எடுத்து இன்று விசாரித்தார்.

நித்யானந்தா சார்பில் இவ்வழக்கில் பதில் மனு தாக்கல் செய்யப்படவில்லை. இதை கேட்ட நீதிபதி ஈராயிரம் பழமை வாய்ந்த மடத்தின் பெயரை கெடுக்கக் கூடாது. இந்த வழக்கில், பிப்ரவரி 2 ஆம் தேதிக்குள் நித்யானந்தா பதில் மனு தாக்கல் செய்ய வேண்டும் . இல்லையேல், அவரை கைது செய்ய உத்தரவிட நேரிடும் என்று நீதிபதி எச்சரித்தார்.

http://tamil.thehindu.com/tamilnadu/article22550204.ece?homepage=true

Categories: Tamilnadu-news

நிச்சயமற்ற தமிழக அரசியல் களம்: யார் வேண்டுமானாலும் இறங்கி வெல்ல முடியுமா?

Sun, 28/01/2018 - 12:48
நிச்சயமற்ற தமிழக அரசியல் களம்: யார் வேண்டுமானாலும் இறங்கி வெல்ல முடியுமா?
 

(கட்டுரையில் இடம் பெற்றிருப்பவை கட்டுரையாளரின் சொந்தக் கருத்துகள். பிபிசி-யின் கருத்துகள் அல்ல)

தமிழக அரசியல் களம் முன்பு எப்போதும் இல்லாத அளவுக்கு நிச்சயமற்று காணப்படுகிறது. இரு துருவ அரசியல் காலகட்டம் விடை பெறப்போகிறதா? எப்போது தேர்தல் வந்தாலும் அரியணை நமக்குதான் என தி.மு.க மகிழ்ந்திருக்க முடியுமா?

ரஜினிகாந்த்படத்தின் காப்புரிமைGETTY IMAGES Image captionரஜினிகாந்த்

அமைப்பு பலம், வாக்கு வங்கி பலத்தில் தி.மு.க இன்றுள்ள நிலையில் முன்னணியில் உள்ளது. 2016 சட்டசபை தேர்தலில் அ,தி.மு.க. எதிர்ப்பு வாக்குகள் தி.மு.கவுக்கே அதிகம் கிடைத்தன. இப்போது ரஜினிகாந்த், கமல்ஹாசன் அரசியல் பிரவேசம் முடிவாகிவிட்டது.

இந்த நிலையில் ஆட்சிக்கு எதிரான வாக்குகள் எங்கே போகும்? அப்படிப் பார்க்கும்போது, ஊசலாடும் அல்லது அலைபாயும் மக்கள் வாக்குகள் தாறுமாறாக பிரிய வாய்ப்புள்ளது என்றே தோன்றுகிறது.

கமலும் ரஜினியும் எம்.ஜி.ஆர் என்ற மக்கள் தலைவருடன் ஒப்பிடத்தகுந்தவர்கள் அல்ல. திடீர் அரசியல்வாதி அல்ல எம்.ஜி.ஆர். அவர் கட்டமைத்த கதாநாயக பிம்பமும் ஒப்பீட்டுக்குள் அடங்காதது. ஆன்மிக அரசியல் பேசும் ரஜினியின் வாக்காளர்கள் யார்? ஆன்மிக வாக்குகள் எனத் தனியாக ஒன்றும் இல்லை.

பிரிப்பதானால், அவர் அ.தி.மு.க சார்பு வாக்குகளைத்தான் பிரிக்க வேண்டும். ஆனால், "ஜெயலலிதா கூட ஆன்மிக அரசியலைத்தான் செய்து கொண்டிருந்தார். அதனால் ரஜினி வருகை எங்களுக்கு பாதிப்பை ஏற்படுத்தாது," என்று அமைச்சர் கடம்பூர் ராஜூ சொல்கிறார்.

கமல்ஹாசன்படத்தின் காப்புரிமைGETTY IMAGES Image captionகமல்ஹாசன்

கமலைப் பொறுத்தவரை அவரது அரசியல் தத்துவம் பிடிபடாததாக உள்ளது. மக்களுடன் நெருங்கி உரையாடி தன் கருத்துகளை கமல் புரியவைப்பாரா என்பதும் சந்தேகம். திராவிட அரசியலையும் சேர்த்துப்பேசுவதால் மட்டும் தி.மு.க ஆதரவு வாக்குகளை கமலால் ஈர்க்க முடியுமா?

சில கருத்துக் கணிப்புகள், கமல் அதிக வாக்குகளை ஈர்க்க முடியாது என்று தெரிவிக்கின்றன. காவி என் நிறம் அல்ல என்று சொன்ன கமல் கருப்புக்குள் காவி உட்பட பல நிறங்கள் அடக்கம் என்றும் சொன்னார். சமீபத்தில் திராவிடம் தமிழ்நாடு தழுவியது மாத்திரமல்ல என்றார். ``சிலர் கூறுவது போல் திராவிடத்தை அழிக்க வேண்டிய அவசியம் கிடையாது.

தேவையின்றி தலையில் தூக்கிவைத்து கொண்டாட வேண்டியதும் இல்லை'' இப்படியெல்லாம் பேசுவது மூலம் எல்லாத் தரப்புக்கும் சமிஞைகளை கமல் அனுப்புகிறாரா? அல்லது மாற்றி மாற்றி பேசுகிறாரா? திட்டவட்டமாக கொள்கையை வெளிப்படுத்திவிட விரும்பவில்லையா? என்பது போன்ற கேள்விகள் எழுகின்றன.

சினிமா கவர்ச்சி, புகழ் மட்டுமே போதுமானதா? சினிமாப் புகழ்தான் அடிப்படை என்றால் விஜய், சூர்யா, அஜித், விக்ரம், விஜய் சேதுபதி ரசிகர்கள் யாரை ஆதரிப்பார்கள்? ரசிகர்கள் கட்சி சார்பற்றவர்கள் என எப்படி முடிவுக்கு வர முடியும்?

தமிழக அரசியல்

கமல், ரஜினி ரசிகர்களாக இருப்பவர்களின் வாக்குகள் அவர்களுக்கு மட்டுமே கிடைக்கும் என்பது நிச்சயமல்ல. 1996ல் ரஜினிக்கு அதிக செல்வாக்கு இருந்த காலத்திலேயே 7 சதவீத வாக்குகளே கிடைக்க வாய்ப்புள்ளது என ஒரு சர்வே வெளிப்படுத்தியது.

ஆனால் சமீபத்திய ( இந்திய டுடே) சர்வே ஒன்று ரஜினிக்கு 16 சதவீத வாக்குகளும் 33 இடங்களும் கிடைக்கலாம் எனக் கூறியுள்ளது. இதுவும் சாத்தியமில்லாதது என்றே தோன்றுகிறது.

திமுக, அதிமுக மீது பெருமளவில் அதிருப்தி இருந்தால் 2016 சட்டசபையில் குறிப்பிட்ட சதவீத வாக்குகளையாவது மக்கள் நல கூட்டணி பெற்றிருக்க வேண்டும். திமுக, அதிமுகவும் இணைந்து மொத்தத்தில் 80 சதவீத வாக்குகளை பெற்றது ஏன்?

மற்றொரு சர்வே (REPUBLIC TV ) 2019 மக்களவைத் தேர்தலில் 33.7 சதவீத வாக்குகளையும் 23 இடங்களையும் ரஜினி பிடிப்பார் என்று கூறுகிறது. இது எதார்த்த நிலைக்கு சற்றும் தொடர்பு இல்லாதது. சில சக்திகள் ரஜினியை உயர்த்திப் பிடிக்க முழுநேரமும் செயல்படுகின்றன.

டி.டி.வி.தினகரன்படத்தின் காப்புரிமைAIADMK Image captionடி.டி.வி.தினகரன்

வேறு வேறு குரலில் பேசினாலும் ரஜினியும் கமலும் திமுக, அதிமுக, வாக்குகளைப் பிரித்து பாஜகவுக்கு தளம் அமைக்க முயற்சிக்கின்றனர் என்று ஆரூடமும் சொல்லப்படுகிறது. இருவரும் இணைவதை சிலர் விரும்புகிறார்கள்.

ரஜினியுடன் கமல் கைகோர்க்க வேண்டும் என்று தமிழருவி மணியன் வலியுறுத்துகிறார். ரஜினி அரசியலுக்கு வருவதை பாஜக வரவேற்கிறது. ஆனால் பாஜகவுடன் கூட்டுச் சேரக் கூடாது என தமிழருவி மணியன் ரஜினியிடம் வலியுறுத்தி வருகிறார்.

அதுமட்டுமில்லை ரஜினியின் கட்சிக்கு வேறு கட்சிகளின் பிரபலங்களை அனுமதிக்கக் கூடாது என்றும் நிபந்தனை விதிக்கிறார். வெகுஜனக் கட்சியாக மாறும் எந்தக் கட்சியும் வடிகட்டியே தொண்டர்களைச் சேர்ப்பேன் என்பது நடக்காத காரியம்.

அரசியலில் சில காலமாவது பணியாற்றாமல் முதல்வர் கனவில் வருபவர்களை ஏற்கும் அளவுக்குத்தான் தமிழக மக்களின் அரசியல் புரிதல் இருக்கிறதா? குறிப்பாக ஆட்சி அதிகாரத்தை நெருங்க வாய்ப்புள்ள தி.மு.க. வெறுமனே அடையாளப் போராட்டங்களை தவிர்த்து களத்தில் மக்களுடன் நிற்க வேண்டும்.

ஊசலாட்டமற்ற கொள்கை உறுதி அந்தக் கட்சிக்கு இப்போது தேவை. அ.தி.மு.கவில் உள்ளது போல யார் வேண்டுமென்றாலும் உயர் பொறுப்புக்கு வர முடியும் என்ற நிலையை உருவாக்க வேண்டும். அப்போதுதான் கட்சியினர் முழுமூச்சுடன் பணியாற்றுவார்கள்.

தமிழக அரசியல்

அ.தி.மு.க அணிகளைப் பொறுத்தவரை மக்கள் ஆதரவை திரட்ட என்ன செய்யப் போகின்றன என்பதை யூகிக்க முடியவில்லை. அதிமுக-எடப்பாடி-ஓபிஎஸ் அணி பலம் பெற வேண்டுமென்றால் தினகரனையும் சேர்த்துக் கொள்ள வேண்டும். அப்போதுதான் ஆட்சியையும் தக்க வைக்க முடியும் என்று உள்ளுக்குள் கருத்துகள் வலியுறுத்தப்படுகின்றன. தினகரனை சேர்ப்பதில் ஓபிஎஸ் தரப்புக்கு ஆட்சேபம் நீடிக்கிறது.

எனினும் பிளவுபட்டு நின்றால் ஆட்சிக்கும் ஒட்டுமொத்த எதிர்காலத்துக்கும் ஆபத்து என்றால் நிபந்தனைகளும் ஆட்சேபங்களும் கைவிடப்படலாம்.

ஆட்சியைக் கவிழ்க்கும் அளவுக்கு கடும் நிலையை தினகரனும் எடுப்பதாகத் தெரியவில்லை. நீதிமன்றத்தில் எம்எல்ஏ-க்கள் தகுதி நீக்க வழக்கு காலவரையின்றி நீடித்தால் தேர்தல் உடனடியாக வராது என்று சொல்லலாம்.

நீண்டகால அரசியல் அனுபவம் பெற்ற அதிமுக, திமுகவும் தங்கள் வசம் உள்ள பணபலம் ஆள்பலம் உள்ளிட்ட வழிகளை - உத்திகளைப் பயன்படுத்துவார்கள். அவர்கள் போடும் கணக்கு வித்தியாசமாகவே இருக்கும். தமிழக அரசியலில் களம் யாரும் புகுந்து விளையாட முடிகிற களமாக காட்சியளிக்கிறது.

ஆனால் மக்கள் யாருக்கு எத்தகைய அதிர்ச்சி வைத்தியம் வைத்திருக்கிறார்களோ?

http://www.bbc.com/tamil/india-42845369

Categories: Tamilnadu-news

கடந்த காலத் தவறுகளிலிருந்து திமுகவை மீட்டெடுக்க விரும்புகிறேன்! - மு.க.ஸ்டாலின் பேட்டி

Sun, 28/01/2018 - 05:47
கடந்த காலத் தவறுகளிலிருந்து திமுகவை மீட்டெடுக்க விரும்புகிறேன்! - மு.க.ஸ்டாலின் பேட்டி

 

 
stalin%20photo

படம்: பிரபு காளிதாஸ்   -  படம்: பிரபு காளிதாஸ்

திமுகவின் செயல் தலைவராகப் பொறுப்பேற்று ஓராண்டு நிறையும் சூழலில், தன்னுடைய அரசியல் வாழ்விலும் ஐம்பதாவது ஆண்டைக் கடக்கிறார் மு.க.ஸ்டாலின். ஒற்றையாட்சி முறையை நோக்கி நாட்டை பாஜக நகர்த்திவரும் நிலையில், தமிழகத்தில் வரலாற்று நெருக்கடி காலகட்டம் ஒன்றில் இருக்கிறது திமுக. தனிப்பட்ட கனவுகள், கட்சிக்குள்ளான மாற்றங்கள், உருவாகிவரும் அரசியல் சவால்கள், அவர் மீதான விமர்சனங்கள் என்று எல்லாக் கேள்விகளையும் எதிர்கொண்ட ஸ்டாலின் மனம் திறந்து பதில் அளித்தார்.

திரும்பிப் பார்க்கையில் இந்த 50 ஆண்டு அரசியல் வாழ்வில் எதை முக்கியமானது என்று சொல்வீர்கள்?

அரசியல் குடும்பத்துலேயே பிறந்து வளர்ந்தவன். இந்த 50 வருஷங்களைத் தனிச்சு பார்க்க முடியுமான்னு தெரியலை. ஆனா, தனியா ஒரு தொடக்கம்னு வரையறுக்கணும்னா, கோபாலபுரம் சண்முகம் அண்ணன் சலூன்ல உருவாக்கின ‘இளைஞர் திமுக’ மன்றமும் 1967 செப்டம்பர் 15 அன்னைக்கு நடத்தின அண்ணா பிறந்த நாள் கூட்டமும்தான் தொடக்கம். அங்கிருந்து பார்த்தா கட்சி கூடவே உயரங்கள்லேயும் பள்ளங்கள்லேயும் மாத்தி மாத்தி பயணிக்கிறதாவே என் வாழ்க்கையும் இருந்திருக்கு. கொஞ்ச காலம் முன்னாடி இதே கேள்வியைக் கேட்டிருந்தீங்கன்னா, நெருக்கடிநிலைக் காலகட்டத்தை முக்கியமானதா சொல்லியிருப்பேன். அப்போதான் கல்யாணம் ஆகிருந்துச்சு. ஒரு புது வாழ்க்கையில நுழைஞ்சிருந்தோம். கைது நடந்துச்சு. துர்கா மிரண்டுட்டாங்க. சிறைக்குள்ள எப்பவும் ஒழிச்சுக்கட்டப்படலாம்கிற நிலைமை. ஒவ்வொரு நாளும் அடிச்சு நொறுக்கப்படுற கட்சித் தோழர்களோட மரண ஓலம் அறையில கேட்டுக்கிட்டே இருக்கும். வெளியே திமுகவை நிர்மூலமாக்குற முயற்சிகள். எல்லா அடக்குமுறைகளையும் எதிர்த்துப் போராடிக்கிட்டிருந்தார் தலைவர். மறக்கவே முடியாத நாட்கள். ஆனா, அதையெல்லாம் பின்னுக்குத் தள்ளிடுச்சு, தலைவர் உடல் நலம் குறைஞ்சு வீட்டோட முடங்கின பிறகான இந்த ஒரு வருஷம். களத்துல எவ்வளவு சுமையையும் சுமந்துடலாம். முடிவு எடுக்குறது எவ்வளவு பெரிய சுமைன்னும் கிட்டத்தட்ட ஐம்பது வருஷம் இந்தச் சுமையை அவர் சுமந்திருக்கிறது எவ்வளவு பெரிய வலிங்கிறதும் இப்போதான் புரியுது!

 

முடிவெடுப்பதில் நெருக்கடிகளை எதிர்கொள்கிறீர்களா?

கோடி பேரைக் கொண்ட இயக்கம் இது. எந்த முடிவையும் எடுக்கும்போது எட்டு கோடி மக்களைக் கணக்குல எடுத்துக்கணும். தேர்தல் அரசியலுக்கு வந்து ஓட்டுக்காக சமூக சீர்திருத்தம் பேசுற இயக்கம் இல்லை இது; சமூக சீர்திருத்தத்துக்காகத் தேர்தல் அரசியலுக்கு வந்த இயக்கம். இந்த இரண்டுக்குமான இடைவெளி நிச்சயமா பெரிய சவால். எல்லோரையும் கலந்து, ஒவ்வொரு முடிவையும் நாலு முறை பரிசீலிச்சுட்டுதான் எடுக்குறேன். தப்பாயிடக்கூடாதுங்கிற எண்ணம்தான் பெரிய நெருக்கடி!

 

இந்த ஓராண்டில் தமிழகத்தில் அதிகம் பேசப்பட்ட ஒன்று, ‘கருணாநிதி நல்ல உடல்நிலையில் இருந்திருந்தால் இந்தந்த விஷயங்களில் எப்படி முடிவெடுத்திருப்பார்?’ என்பது! முடிவெடுப்பதில் உங்களுக்கும் உங்கள் அப்பாவுக்கும் இடையே ஒரு பெரிய வேறுபாடு தெரிகிறது…

பெரியார், அண்ணா, கலைஞர் வகுத்த பாதைதான் இன்னைய திமுகவோட பாதை. மூணு பேரோட லட்சியங்களும் வேறுபட்டதில்லை. ஆனா, அணுகுமுறைகள் வேறுபடும். ஆளுமை சம்பந்தமான விஷயம் மட்டும் இல்லை அது. எதிர்கொள்ற காலகட்டம், உடனிருக்குற ஆட்கள், சூழல் எல்லாம் சேர்ந்து தீர்மானிக்குறது. தலைவரோடான ஒப்பீட்டை எப்பவும் நான் விரும்பினதில்லை. அவரோட உயரம் வேறு. நீங்க சமகாலத் தலைவர்களோட என் செயல்பாட்டை ஒப்பிடுங்கன்னு கேட்டுக்குவேன். விமர்சனங்களைத் திறந்த மனதோடதான் அணுகுறேன். ஆனா, நீங்க சொல்ற விமர்சனங்கள் வேற வகை. அதுக்குப் பின்னாடி சூட்சமமான திட்டங்கள் உண்டு. என் காதுக்கும் அதெல்லாம் வராம இல்லை. ‘கலைஞர் நல்லா இருந்திருந்தா இந்நேரம் இந்த ஆட்சியைக் கலைச்சிருப்பார்!’ அப்படிங்கிறதும் அதுல ஒண்ணு. குறுக்கு வழியில ஆட்சிக்கு வர்றதுல எனக்கு உடன்பாடு இல்லை. தலைவரும்கூட அப்படி எந்தக் கட்சியையும் உடைச்சு என்னைக்கும் ஆட்சிக்கு வந்ததில்லை. உள்ளபடி அவரோட ஆட்சிதான் இரண்டு முறை கலைக்கப்பட்டிருக்கு. இந்த பினாமி ஆட்சியை மக்கள் மூலமாத்தான் தூக்கியெறியணும்னு நான் நெனைக்கிறேன்.

 

சித்தாந்தத்தை அணுகுவதிலும் மாற்றம் இருக்கிறதா? ஏன் இதைக் கேட்கிறேன் என்றால், நாட்டின் மையச் சரடுகளில் ஒன்றான மதச்சார்பின்மையை அணுகும் பார்வைகளே இன்று மோடியின் காலத்தில் மாறுகின்றன. ராகுல் காந்தி கோயில் கோயிலாக ஏறி இறங்குவதை ஒரு உதாரணமாகச் சொல்லலாம். பெரியார் ‘கடவுள் இல்லை’ என்றார். அண்ணா ‘ஒன்றே குலம் ஒருவனே தேவன்’ என்றார். இருவருமே மதச்சார்பின்மையின் பாதுகாவலர்கள்கள்தான்; ஆனால், அணுகுமுறைகள் வேறாக இருந்தன. உங்கள் அப்பா பெரியார் பாதையைத் தேர்ந்தெடுத்தார். உங்கள் பாதை அண்ணா பாதையா, பெரியார் பாதையா?

என் பாதை அண்ணா பாதை. அதேசமயம், அண்ணாவோட பாதையே பெரியார் பாதையோட நீட்சிதான்கிறதைச் சுட்டிக்காட்ட விரும்புறேன். நாத்திகராக இருந்த பெரியார்தான் ஆன்மிக உரிமைகள் எல்லா சமுகங்களுக்கும் கிடைக்கணும்னு இங்கே இறுதி வரைக்கும் போராடினார். என்னோட மனைவி கோயிலுக்குப் போற படங்களைப் போட்டு என்னை விமர்சிக்கிறாங்க. கல்யாணம் ஆன நாள்லேர்ந்து இது நடக்குது. ஒருநாளும் நான் தடுத்தது இல்லை. அது அவங்க நம்பிக்கை. விருப்பம். ஒரு பெண் கல்யாணம் பண்ணிக்கிட்டாங்கங்கிறதுக்காகவே அவங்களோட விருப்பங்களைக் கைவிடணும்கிறது அடக்குமுறை. நான் அதைச் செய்ய மாட்டேன். எங்கம்மா சாமி கும்பிடுவாங்க. தலைவர் தடையா இருந்தது இல்லை. குன்றக்குடி அடிகளாரைப் பார்க்கப் போனப்போ திருநீறு பூசிக்கிட்டிருக்கார் பெரியார்; அடிகளார் நம்பிக்கையைக் குலைக்கக் கூடாதுங்கிறதுக்காக! தனிப்பட்ட மத உணர்வுகளை மதிக்கிறது; வழிபாட்டு உரிமையில சம உரிமையை நிலைநாட்டுறது, மதவாத அரசியலை எதிர்த்து உறுதியா நிக்குறது… திமுகவோட இந்தப் பாதையில் மாற்றம் இருக்காது.

 

ஆனால், உங்கள் உறுதிப்பாட்டின் மீது வெளியே ஒரு சந்தேகம் இருக்கிறது. உதாரணமாக பாஜகவுடனான உறவு. தினகரன் சொன்னதுபோலகூட இதுவரை ‘எந்தக் காலத்திலும் பாஜக கூட்டணி இல்லை’ என்று திட்டவட்டமாக நீங்கள் அறிவிக்கவில்லை…

பல முறை சொல்லிருக்கேன். ஒரு முறை தவறு செஞ்சுட்டோம், இனி எந்தக் காலத்திலும் பாஜக கூட்டணி கிடையாது. ஆனா, தினகரனோட என்னை ஒப்பிடாதீங்க. பாஜக ஒப்புக்கிட்டா கூட்டணிக்குப் போயிருக்கக் கூடியவர்தான் அவர். அவங்க இவரை ஏத்துக்கலை. சுத்தி வழக்குகள் அழுத்துதுங்கிறதால இந்த அறிவிப்பை வெளியிட்டிருக்கார். நான் மதவாத அரசியலைத் தொடர்ந்து எதிர்த்துக்கிட்டிருக்கேன்.

 

உங்கள் பார்வையில் இன்றைய திமுகவின் பெரிய பலம் என்ன, பலவீனம் என்ன?

திமுகவின் பெரிய பலம், அதன் தொண்டர்கள் – மிக வலுவான கட்சியோட கட்டமைப்பு. பலவீனம், மூணு தளங்கள்ல இயங்குற அந்தக் கட்டமைப்பின் தளங்களுக்கு இடையில இருக்குற இடைவெளி. மேலே தலைமைக் கழகத்துக்கும் மாவட்ட கழகத்துக்கும் இடையில ஒரு நெருக்கமான தொடர்பு இருக்கு. ஆனா, மாவட்டக் கழகத்துக்கும் கீழ்நிலை நிர்வாகிகளுக்கும் இடையில ஒரு இடைவெளி இருக்குறதை உணர முடியுது. அதைக் குறைக்கணும். கட்சியோட அடித்தளமா இருக்குற கீழ்நிலை நிர்வாகிகள், தொண்டர்களோட குரல் கட்சியோட செயல்பாட்டுல அதிகம் எதிரொலிக்கணும். அவங்க எண்ணங்களுக்கு ஏற்ப கட்சியைப் பலப்படுத்தணும். இதுக்காகத்தான் ஒரு பயணத்தைத் தொடங்குறேன். மாநிலம் முழுக்க எல்லா நிர்வாகிகளையும், தொண்டர்களையும் அடுத்த ஒரு மாசம் முழுக்க சந்திக்கிறேன். மக்கள் விரும்புற மாற்றத்துக்குக் கட்சிக்காரங்களும் தயாராகணும்!

 

மக்கள் உங்களிடமிருந்து பெரிய மாற்றங்களை எதிர்பார்க்கிறார்கள். முக்கியமாக திமுக தன்னுடைய தவறுகளிலிருந்தும் குறைகளிலிருந்தும் சீக்கிரம் வெளியே வர வேண்டும் என்று பலர் நினைக்கிறார்கள்…

ஒரு பெரிய இயக்கத்தில் நடக்குற எந்த ஜனநாயகபூர்வ மாற்றமும் மெல்லதான் நடக்கும். ஜெயலலிதா தன் மேல உள்ள தவறுகளை மறைக்க ஆட்களைக் கொத்துக்கொத்தா பதவியிலிருந்து தூக்குவாங்க. உடனே ‘அதிரடி நடவடிக்கை’ன்னு பத்திரிகைகள் எழுதும். ஆறு மாசம் கழிச்சு கமுக்கமா ஒவ்வொருத்தருக்கா பதவியைத் திரும்பக் கொடுப்பாங்க. அது இல்லை மாற்றம். இங்கே நிறைய நடந்துக்கிட்டிருக்கு. சின்ன விஷயங்கள்லகூட. துண்டு போர்த்துற கலாச்சாரத்துக்குப் பதிலா புத்தகங்கள் கொடுக்குறதைக் கொண்டுவந்திருக்கோம். ஆடம்பர வரவேற்பு வளைவுகளைத் தவிர்த்திருக்கோம். திமுகவுலேர்ந்து பிரிஞ்சதாலேயே பங்காளிச் சண்டை மாதிரி திமுக – அதிமுக இடையில ஒட்டுறவு இல்லாத கலாச்சாரம் இருந்துச்சு. ‘அவங்க எப்படி வேணும்னாலும் நடந்துகட்டும்; நாம ஆக்கபூர்வமா நடந்துக்குவோம்; மக்கள் நலன் சம்பந்தப்பட்ட எல்லா விஷயங்கள்லேயும் அதிமுகவோட கலந்துப்போம்’னு முடிவெடுத்தோம். ஆர்.கே.நகர் இடைத்தேர்தல்ல தினகரன், மதுசூதனன் ரெண்டு பேரும் ஓட்டுக்குக் கட்டுகட்டாப் பணம் கொடுத்தப்போ திமுக உறுதியா அந்தத் தப்பைச் செய்யுறதில்லைனு நின்னுச்சு. தவறு செய்யாத மனிதர்கள்னு யார் இருக்கா? இயக்கங்களுக்கும் அது பொருந்தும். திமுக தன்னோட தவறுகளிலிருந்து வெளியே வந்துட்டுருக்கு. அதை முழுசா மீட்டெடுக்கத்தான் மெனக்கெட்டுக்கிட்டு இருக்கேன். இனி பழைய தவறுகள் திரும்ப நடக்காதுன்னு சொல்வேன்!

 

ஆர்.கே.நகர் தேர்தல் தோல்வியை உங்களுடைய தோல்வி என்றும் சொல்லலாமா?

ஆர்.கே.நகரில் திமுக களமிறக்கின மருதுகணேஷ் சாதாரண குடும்பப் பின்னணியில வந்தவர். மக்கள்கிட்ட ஓடி ஓடி வேலை செஞ்சவர். மக்களோட அபிமானம் இருந்தும் அவர் தோற்கக் காரணம் பணம். மருதுகணேஷோட தோல்வின்னு அதை முடிச்சுட முடியாது. நம்ம தேர்தல் அமைப்போட தோல்வி அது. ஜனநாயகத்தோட தோல்வி. அது என் தோல்வின்னும் சொன்னீங்கன்னா ஏத்துக்குறேன்!

 

தலை தூக்கிவரும் சாதியம் மதவியத்தை எதிர்கொள்ள திமுக என்ன செயல்திட்டத்தை வைத்திருக்கிறது?

சாதி, மதத்தைத் தாண்டி சக மனுஷனை நேசிக்கிறதுங்குறதைக் கட்சி எல்லைகளைத் தாண்டி தமிழ்நாட்டுக்குப் பெரியாரும் அண்ணாவும் கற்பிச்சுட்டு போயிருக்காங்க. ‘தமிழ், தமிழர்’ங்கிற உணர்வுதான் சாதி, மத எல்லைகளைத் தாண்டி நம்மளை ஒன்றிணைக்குற உயிர் நரம்பு. தமிழை வெச்சு சாதி - மத வெறியாட்டத்தை அடிச்சுத் துரத்துவோம்.

 

ஆனால், தமிழ்த் தேசியம் பேசுபவர்களும்கூட

இப்போது ‘தமிழ்ச் சாதிகள்’ என்று பேசும் காலம்

உருவாகியிருக்கிறது…

திமுகவுக்கும் அவங்களுக்கும் இங்கேதான் வித்தியாசம் வருது. திராவிட இயக்கம்ங்கிறது பிராமணரல்லாதோர் இயக்கமா தொடங்கப்பட்டாலும் பிராமணர்கள் உள்பட எல்லாச் சமூகங்களையும் தமிழுக்குக் கீழ உள்ளடக்கின இயக்கமா திமுகவை உருமாத்திக் கட்டமைச்சார் அண்ணா. தமிழ்ங்கிறது எல்லோரையும் ஒன்றிணைக்கணும்; யாரையும் வெளித்தள்ளக் கூடாது.

 

திராவிடக் கட்சிகளைத் தங்கள் பாதுகாவலர்களாகக் கருதும் தலித்துகள், இஸ்லாமியர்கள் இரு சமூகத்தினரிடத்திலுமே இளைய தலைமுறையினரிடம் ஒரு விலகலைப் பார்க்க முடிகிறது. அவர்களுக்கான உரிய பிரதிநிதித்துவம் இங்கே இல்லை என்று நினைக்கிறார்கள். சமூகநீதி அரசியல் பேசும் திமுக இதற்கு என்ன தீர்வை வைத்திருக்கிறது?

நாட்டிலேயே ஜனநாயகப்படி உட்கட்சித் தேர்தலை நடத்தி நிர்வாகிகளைத் தேர்ந்தெடுக்குற கட்சி திமுக. ஆனா, அதிலேயும் விளிம்புநிலைச் சமூகங்களைச் சேர்ந்தவங்க பாதிக்கப்பட்டப்போதான் கட்சி பதவிகள்லேயும் இடஒதுக்கீட்டைக் கொண்டுவந்தார் தலைவர். ஒவ்வொரு மாவட்டச் செயலாளருக்கும் அடுத்த நிலையில் மூன்று துணைச் செயலாளர் பதவிகளை உருவாக்கினோம். மூணுல ஒண்ணு பெண்களுக்கானது, ஒண்ணு பட்டியல் இனத்தவருக்கானது, ஒண்ணு பொது. இப்படி ஒன்றியம், வட்டம், கிளைக் கழகம் வரைக்கும் ஒதுக்கீடு உண்டு. இந்தியாவுல வேறு எந்தக் கட்சியிலேயும் இப்படிக் கிடையாது. அடுத்து, சிறுபான்மையினர் அணி, ஆதிதிராவிடர் குழுக்கள் இப்படின்னு மட்டும் இல்லாமல் தொழில்வாரியாகூட அணிகளை உண்டாக்கினோம். இதெல்லாம் பிரதிநிதித்துவத்தை எப்படியாவது அதிகரிக்கணும்கிற அக்கறையோட வெளிப்பாடுதான். ஆனா, அது முழுமை பெறலைங்கும்போது, இதையெல்லாம் தாண்டியும் கீழே தொடர்ந்து வேலை செய்ய வேண்டி இருக்குங்கிறது புரியுது. அதை முடுக்கிவிடற வேலையிலதான் இப்போ இறங்கியிருக்கோம்.

 

இன்றைய திமுகவின் பெரிய பலகீனங்களில் ஒன்று, உங்களுக்கு அடுத்த நிலையில் வலுவான அடுத்த தலைமுறைத் தலைவர்கள் வரிசை என்று ஒன்று வெளியே தெரியவில்லை என்பது. இருக்கிறார்களா? இருந்தால், அவர்களை எப்போது, எப்படி வெளியே கொண்டுவரப்போகிறீர்கள்?

ஒரு படையே இருக்குறாங்க. சீக்கிரம் பார்ப்பீங்க.

 

அதிமுக அரசுக்கு எதிரான அதிருப்தி அப்பட்டமாகப் பொதுவெளியில் தெரிகிறது. இது எந்த அளவுக்கு உண்மையோ அதே அளவுக்கான உண்மை இன்னும் அந்த அதிருப்தி அலை திமுகவுக்கான ஆதரவு அலையாக மாறவில்லை என்பது. அப்படி மாற்ற என்ன செய்யப்போகிறீர்கள்?

தேர்தல் நெருங்குறப்போதான் அப்படி மாறும். நான் உங்களுக்கு 1996 தேர்தலை ஞாபகப்படுத்துறேன். இப்ப மாதிரியே அப்பவும் அதிமுக ஆட்சி மேல கடுமையான அதிருப்தி இருந்துச்சு. ஆனா, தேர்தல் அறிவிக்கப்படுற வரைக்கும் திமுகவுக்கான ஆதரவா அது வெளியே தெரியவே இல்லை. பின்னாடி எல்லாம் தலைகீழா மாறுனுச்சு. முந்தின தேர்தல்ல 164 இடங்கள்ல ஜெயிச்ச அதிமுக வெறும் 4 இடத்துக்குத் தள்ளப்பட்டுச்சு. மக்களோட உணர்வு எப்பவும் நீறுபூத்த நெருப்பாதான் இருக்கும். தமிழ்நாட்டுக்கு இன்னைய அதிமுக இழைக்கிற துரோகங்களைப் பார்த்து மக்கள் கொந்தளிச்சுட்டு இருக்காங்க. நான் தேர்தலைக் கணக்கு வெச்சு எதையும் செய்யணும்னு நெனைக்கலை. மக்களுக்கு நாம செய்யுறதைச் சரியா செஞ்சா தேர்தல் வெற்றிகள் தானா வரும்.

 

இன்றைய அதிமுக அரசின் பெரிய வீழ்ச்சி என்று எதைக் கருதுகிறீர்கள்?

பதவிக்காகத் தமிழ்நாட்டு உரிமைகளைப் பறிகொடுத்துக்கிட்டே இருக்குறது. எல்லா விமர்சனங்களையும் தாண்டி ஒரு பெண்ணாக எல்லாச் சவால்களையும் எதிர்த்துத் துணிஞ்சு நின்னவங்கங்கிற மரியாதை ஜெயலலிதா மேல எப்பவும் உண்டு. அரசியல்ல அவங்க மேல அப்படி இருந்த மரியாதை, தமிழ்நாட்டோட உரிமைகளைப் பாதுகாக்குறதுல அவங்க காட்டின உறுதி. நீட் தேர்வு, உதய் திட்டம், ஜிஎஸ்டி எதையும் அவங்க ஏத்துக்கலையே? பதவிக்காக இவங்க எல்லாத்தையும் அடமானம் வெச்சிட்டுல்ல நிக்கிறாங்க?

 

ஆனால், இவ்வளவு பலகீனப்பட்டும் அதிமுகவிலிருந்து யாரும் திமுக பக்கம் வரவில்லையே, என்ன காரணம்?

ஆனமட்டும் சுருட்டிடணும்கிற ஒரே எண்ணம்தான். அப்புறம் வெறும் பணத்துக்காக அரசியல்ல நீடிக்கிற யாரையும் நாங்க இங்கே எதிர்பார்க்கவும் இல்லை.

 

அதிமுகவின் எதிர்காலத் தலைமை யார் கையில் இருக்கும் என்று நினைக்கிறீர்கள்?

அது அதிமுகவோட உட்கட்சி விவகாரம். வேணாம்னு நெனைக்கிறேன்.

 

சரி, அடுத்த தேர்தலில் நீங்கள் எதிர்கொள்ளக் கூடிய பெரிய எதிரி யாராக இருப்பார் என்று நினைக்கிறீர்கள்?

மதவியம், பணநாயகம்!

 

ரஜினி - கமல் இருவரின் அரசியல் அறிவிப்புகளையும் எப்படிப் பார்க்கிறீர்கள்?

இரண்டு பேருமே தனிப்பட்ட முறையில் எனக்கு நல்ல நண்பர்கள். சினிமா இல்லை அரசியல். களத்துக்கு வரும்போது பார்க்கலாம்.

 

ஆன்மிக அரசியல் எனும் பதத்தை எப்படிப் பார்க்கிறீர்கள்?

ஆன்மிகத்தை நிறுவனமாக்க முற்படுறப்போதான் மதம் பிறக்குது. நிறுவனப்படுத்தப்பட்ட மதம் ஆட்சியதிகாரத்தைத் தன் கையில வெச்சிக்கிட்டு மக்களை வதைக்கிறப்போதான் மதச்சார்பின்மைங்கிற தத்துவம் பிறக்குது. ஆன்மிகத்தைத் தனியாகவும் அரசியலைத் தனியாகவும் பார்க்க அது நமக்கு கத்து தருது. ரஜினி மறுபடி தலைகீழாக்கப் பார்க்கிறார். நாட்டுக்கு அது நல்லது இல்லை!

 

எதிர்க்கட்சிகளே கூடாது என்று முன்னகரும் பாஜகவை எப்படி எதிர்கொள்ளப்போகிறது திமுக?

எதிர்க்கட்சின்னு ஒண்ணே இருக்கக் கூடாதுன்னு பாஜக நினைக்குது. காங்கிரஸோட மாநிலக் கட்சிகளையும் அது பெரிய எதிரியா பார்க்குது. மாநிலக் கட்சிகளை அப்படியெல்லாம் அழிச்சுட முடியாது. திமுக, அதிமுகவையே எடுத்துக்குவோம். எப்படி ஐம்பது வருஷமா தேசிய கட்சிகளைப் பின்னுக்குத் தள்ளி இந்த இரு கட்சிகளும் நிற்குது? தமிழ்நாட்டு மக்களோட குரல் அதுல அடங்கியிருக்கு. மக்களோட தேவையை நிறைவேத்தாம அவங்களோட குரலை அமுக்கிட முடியாது. மாநில சுயாட்சிக்காக அறுபது வருஷமா திமுக குரல் கொடுத்துக்கிட்டு இருக்கு. இன்னும் அது நாடு தழுவின தேசிய விவாதம் ஆகலை. பாஜகவோட இந்த அகங்காரமும் சதி வேலைகளும் அதை தேசிய விவாதம் ஆக்கும். ‘கூட்டாட்சி முறையை ஓரரசு முறையாக்கும் முயற்சிக்குக் கிளம்பியுள்ள எதிர்ப்பின் ஈட்டிமுனையாக திமுக செயல்படும்’னு சொன்னார் அண்ணா. அதுக்கான நேரம் இப்போ உருவாகியிருக்குன்னு நெனைக்கிறேன்.

 

இப்படியெல்லாம் பேசுகிறீர்கள்… ஆனால், டெல்லியில் திமுகவின் குரலையே கேட்க முடியவில்லையே?

டெல்லியில இன்னைக்கு திமுகவோட பலம் என்ன? மக்களவையில ஒரு இடம்கூட கிடையாது. மாநிலங்களவையில நாலு பேர். கொஞ்சம் பொறுங்க... பாருங்க!

 

சித்தாந்தரீதியாக திமுக ஒரு சரிவைக் கண்டிருக்கிறது; அதன் விளைவே தேர்தல் அரசியலில் அது அடைந்துவரும் பின்னடைவு என்பதை திமுகவின் சித்தாந்திகளே ஒப்புக்கொள்கிறார்கள். இதை எப்படிச் சீரமைக்கப்போகிறீர்கள்?

தேர்தல் முடிவுகளையும் சித்தாந்த சரிவையும் ஒப்பிடுறது சரியான ஒப்பீடா எனக்குப் படலை. ஏன்னா ‘எங்களுக்கு எந்தச் சித்தாந்தமும் இல்லை’னு சொல்ற ஆம்ஆத்மி கட்சியும் பெரிய வெற்றியைப் பெற்றிருக்காங்க. தமிழ்நாட்டை எடுத்துக்குவோம். அதிமுகவோட சித்தாந்த பலம் என்ன? சித்தாந்தரீதியா திமுக தன்னைப் பலப்படுத்திக்க வேண்டியிருக்கு; எதிர்வர்ற காலத்துக்குத் தயாராக வேண்டியிருக்கு. ஒப்புக்குறேன். ஆனா, தேர்தலோட அதை ஒப்பிட வேண்டியதில்லை. ரொம்ப சீக்கிரம் தமிழக மக்கள் விருப்பப்படி திமுக நிமிர்ந்து நிற்கும்!

http://tamil.thehindu.com/opinion/columns/article22540197.ece?homepage=true

Categories: Tamilnadu-news

’’எதுவும் பேசக்கூடாது என்பது ஜனநாயகமா?’’ - மாணவர்கள் மத்தியில் கமல் பளீச்

Sat, 27/01/2018 - 11:56
’’எதுவும் பேசக்கூடாது என்பது ஜனநாயகமா?’’ - மாணவர்கள் மத்தியில் கமல் பளீச்
 
 

தலைவனாக வரவில்லை; தலைவர்களைச் சந்திக்க வந்திருக்கிறேன் என்று மாணவர்கள் மத்தியில் நடிகர் கமல்ஹாசன் பேசினார். 

Kamal_16284.jpg

 

ராமநாதபுரம் மாவட்டத்திலிருந்து வரும் பிப்ரவரி 21-ம் தேதி `நாளை நமதே’ என்ற பெயரில் அரசியல் பயணத்தைத் தொடங்க இருப்பதாகக் கமல் அறிவித்து, அதற்கான களப்பணிகளில் தீவிரமாக ஈடுபட்டு வருகிறார்கள். சென்னை ஆழ்வார்பேட்டையில் உள்ள, தனது இல்லத்தில் ரசிகர்மன்ற நிர்வாகிகளைச் சந்தித்து ஆலோசனை நடத்தினார். இந்தநிலையில், சென்னையை அடுத்த தாம்பரத்தில் உள்ள தனியார் கல்லூரி நிகழ்ச்சி ஒன்றில் கலந்துகொண்டார். 

அங்கு மாணவர்கள் கேட்ட கேள்விகளுக்குப் பதிலளித்த கமல்ஹாசன், ‘‘நான் இங்கு தலைவனாக வரவில்லை; தலைவர்களைச் சந்திக்கவே வந்திருக்கிறேன். நான் அரசியலுக்கு வருகிறேன் என்று கூற வரவில்லை. நீங்கள் வாருங்கள் என்று கூறவே வந்துள்ளேன். நாட்டு நடப்பைக் கவனிப்பது மாணவர்களின் கடமை. சும்மா இருங்கள், எதுவும் பேசக் கூடாது என்பது ஜனநாயகமா. வாக்குகள் என்பது வியாபாரம் செய்வதற்கல்ல. அவற்றை சரியான முறையில் பயன்படுத்த வேண்டும். திரையுலகில் கால்பதிக்கும்போது நான் இயக்குநராக ஆசைப்பட்டேன். ஆனால், இயக்குநர் பாலச்சந்தர் என்னை மாற்றினார். அனைவருக்கும் தரமான கல்வி கிடைப்பதை மாணவர்கள் பார்க்க வேண்டும். நான் தனியாக நிற்க மாட்டேன். நீங்கள்தான் நான்.  

 

அமைதியான முறையில் அரசியல் மாற்றத்தை ஏற்படுத்தியவர் என்ற முறையில் காந்திதான் எனக்குப் பிடித்த தலைவர். அதேபோல், கமராஜர், பெரியார், கருணாநிதி, எம்.ஜி.ஆர் போன்ற தலைவர்களையும் எனக்குப் பிடிக்கும். சாத்தியம் என்பது சொல் அல்ல செயல். அன்பே சிவம், வறுமையின் நிறம் சிவப்பு மற்றும் தேவர் மகன் போன்ற படங்களை இப்போது எடுக்க முடியாது. பத்மாவத் படத்தின் பெயரால் குழந்தைகள் மீது தாக்குதல் நடத்தப்பட்டுள்ளது’’ என்று பேசினார்

https://www.vikatan.com/news/tamilnadu/114692-kamalhassan-speech-in-tambaram-college-function.html

Categories: Tamilnadu-news

ஆட்சியைக் கலைக்க ரஜினி நிபந்தனை! - காய் நகர்த்தும் கவர்னர்

Sat, 27/01/2018 - 06:16
மிஸ்டர் கழுகு: ஆட்சியைக் கலைக்க ரஜினி நிபந்தனை! - காய் நகர்த்தும் கவர்னர்
 
 

 

p42dd_1516988849.jpg

குடியரசு தினத்தன்று காலையில், நெஞ்சில் தேசியக்கொடியைக் குத்திக்கொண்டு கம்பீரமாக வந்தார் கழுகார். எழுந்து நின்று சல்யூட் அடித்து, ‘‘ரஜினி தனது முதலாவது மக்கள் மன்றத்தைத் தைக் கிருத்திகை நாளன்று சென்னையில் ஆரம்பிக்கச் சொல்லியிருக்கிறாரே... ஏதாவது விசேஷம் உண்டா?’’ என்று கேட்டோம்.

‘‘ரஜினி படு ஸ்பீடில் போகிறார் என்றுதான் சொல்ல வேண்டும். ‘இது வழக்கமான குடியரசு தினம் என்று நினைக்கவேண்டாம். தமிழக மக்களைச் சுரண்டும் குறுநில மன்னர்களிடமிருந்து விடுதலை வாங்கித்தர சபதம் எடுக்கும் நாள்’ என்று ரஜினி மன்ற முக்கிய நிர்வாகி ஒருவர் சொன்னாராம். இப்போது, மன்றத்தில் உறுப்பினர் களைச் சேர்க்கும் வேலைகள் ஜரூராக நடந்துவருகின்றன. வருகிற தமிழ்ப் புத்தாண்டு நேரத்தில், மக்களைச் சந்திக்க சுற்றுப்பயணம் போகிறார் ரஜினி. அதற்கான டூர் புரோகிராம் ரெடியாகிவருகிறது. ரஜினியுடன் இணைய பி.ஜே.பி தயார். ஆனால், சில நிபந்தனைகளை மத்திய அரசிடம் ரஜினி வைத்திருப்பதாக பி.ஜே.பி வட்டாரத்தில் பேசப்படுகிறது. அதற்கும் தமிழக கவர்னர் பன்வாரிலால் புரோஹித் சூறாவளிச் சுற்றுப்பயணம் செய்வதற்கும் தொடர்பு இருக்கிறது.’’

‘‘என்ன அது?’’

‘‘கவர்னரின் நடவடிக்கைகளில் ஓர் அவசரம் தெரிவதை உணர்ந்திருப்பீர். தமிழக மக்கள் மத்தியில் அவர் நன்றாக அறிமுகமாகிவருகிறார். ஆங்காங்கே, மக்கள் பிரச்னைகளைக் காதுகொடுத்துக் கேட்கிறார். ஆட்சியாளர்களுக்கு இணக்கமாக இருந்து தப்புச் செய்யும் அதிகாரிகள் யார் யார் என விசாரிக்கிறார். உதாரணத்துக்கு ஒன்றைச் சொல்கிறேன்... கடந்த ஆறு ஏழு வருடங்களாக மாவட்ட கலெக்டர் பதவியில் இருப்பவர்கள் சுமார் 10 பேர். அதேபோல், மாவட்ட எஸ்.பி-யாகப் பல வருடங்களை ஓட்டிக்கொண்டிருப்பவர்கள் எட்டு பேர். இவர்கள் மட்டும் ஏன் இப்படித் தொடர்ச்சியாக பதவிகளில் இருக்கிறார்கள் எனத்  தலைமைச் செயலாளரிடமும் தமிழக டி.ஜி.பி-யான ராஜேந்திரனிடமும் கேட்டாராம். இந்தமாதிரி தகவல்களை கவர்னருக்கு யார் சொல்கிறார்கள் தெரியுமா? எந்தக் கட்சியிலும் இல்லாத நடுநிலை யாளர்கள்தான். தன் கவனத்தை ஈர்த்த சில பிரமுகர்களின் பெயர்களைத் தன் லேப்டாப்பில் பதிவுசெய்து வைத்திருக்கிறார். ‘நான் தமிழ் கற்று வருகிறேன். நீங்கள் பேசுவதைப் புரிந்து கொள்ள முடிகிறது. நான் அடுத்தமுறை உங்களிடம் தமிழில் பேசுவேன்’ என்று சொல்கிறார் கவர்னர்.’’ 

p42_1516988811.jpg

‘‘இவர்களை கவர்னரின் ஸ்லீப்பர் செல் என்று சொல்லலாமா?’’

‘‘அப்படித்தான் வைத்துக்கொள்ளும்! தமிழக சட்டசபை முடங்கி, ஆட்சி கலைக்கப்படுவதற்கான அறிகுறிகள் தெரிய ஆரம்பித்துவிட்டன. அந்த நேரத்தில், தமிழகத்தை ஆளப் போவது கவர்னர்தான். அப்போது, இந்த ஸ்லீப்பர் செல்தான் கவர்னருக்கு உதவப்போகிறது. தமிழக அமைச்சர்கள் பற்றிய ஊழல் புகார்கள் மலைபோல கவர்னரிடம் குவிந்துவிட்டன. ‘தமிழக மக்கள் எரிச்சலில் இருக்கிறார்கள்’ என்பதைப் பல்வேறு வகையில் மத்திய அரசிடம் கவர்னர் தெரிவித்துவிட்டாராம். இவருக்குத் தகவல் உதவியை சென்னையில் உள்ள மத்திய உளவுத் துறையின் உச்ச அதிகாரி எடுத்துத் தருகிறாராம். ‘நான் ரெடி’ என்கிற நிலையில்தான் கவர்னர் இருக்கிறார்.’’

‘‘அப்படியானால், எடப்பாடி அரசு அவ்வளவுதானா?’’

‘‘அநேகமாக நாடாளுமன்றத் தேர்தலுடன் தமிழக சட்டமன்றத் தேர்தலும் நடக்கும். அதற்கு ஆறு மாதங்களுக்கு முன்பே, ஜனாதிபதி ஆட்சி வந்துவிடும். ‘சட்டசபையில் யாருக்கு மெஜாரிட்டி?’ என்றெல்லாம் சீட்டுக்குலுக்கிப் போட்டுப் பார்க்க கவர்னர் விரும்பவில்லை. தினகரன் ஆதரவு எம்.எல்.ஏ-க்கள் 18 பேரின் தகுதிநீக்கம் குறித்த வழக்கு, ஓ.பன்னீர்செல்வம் உள்ளிட்ட 11 எம்.எல்.ஏ-க்கள் எடப்பாடி அரசுக்கு எதிராக வாக்களித்தது தொடர்பான வழக்கு ஆகியவற்றின் தீர்ப்பை சென்னை உயர் நீதிமன்றம் விரைவில் வழங்கும் என்ற எதிர்பார்ப்பு இருக்கிறது. இந்தத் தீர்ப்புகளையொட்டி, ஆட்சியைக் கலைப்பதற்கான வேலைகள் டெல்லியிலிருந்து வேகம் பிடிக்கும். அநேகமாக, மார்ச் மாதத்தில் தமிழகத்தை டெல்லி க்ளியர் செய்து கொடுக்கும் என்று எதிர்பார்க்கப்படுகிறது.’’

‘‘இதுவும் ரஜினி வைத்த நிபந்தனைகளில் ஒன்றா?’’ 

‘‘ஆமாம்! பஸ் கட்டண உயர்வை எதிர்த்து பி.ஜே.பி நடத்திய போராட்டத்தில், வழக்கத்தைவிட கடுமையான வார்த்தைகளில் தமிழக ஆட்சியாளர்கள் விமர்சிக்கப்பட்டனர். ‘தமிழக பி.ஜே.பி தலைவர்களுக்கு டெல்லியிலிருந்து சில ரகசிய அறிவுரைகள் சொல்லப்பட்டுள்ளன’ என்கிறார்கள். பி.ஜே.பி-யில் பலரும் ரஜினியை ஆதரித்துப் பேசிவருகிறார்கள். ரஜினியும் ஒரு விஷயத்தில் தெளிவாக இருக்கிறார். ரஜினி நற்பணி மன்ற முக்கியப் பிரமுகர்களின் குடும்பத்தினருக்கு இப்போதே மறைமுகத் தொந்தரவுகள் ஆரம்பித்துவிட்டனவாம். ‘ரஜினி பிரசாரம் கிளம்பினால், போலீஸ் அனுமதி மறுக்கும். நீதிமன்றத்துக்கு அலைந்து திரிந்துதான் அனுமதி வாங்கவேண்டிவரும்’ என்று டெல்டா மாவட்ட ஆளும்கட்சிப் புள்ளி ஒருவர் வெளிப்படையாக மன்ற நிர்வாகியை எச்சரித்தார். இந்தத் தகவல் ரஜினியின் கவனத்துக்கு உடனே போனது. கொஞ்சம் கலவரமானார். ‘இப்படியெல்லாம் டார்ச்சர் கொடுக்கத் திட்டமிடும் அரசாங்கம் இருக்கவே கூடாது. ரஜினி பிரசாரத்துக்குச் செல்லும்போது, கவர்னர் ஆட்சிதான் தமிழகத்தில் இருக்கவேண்டும்’ என்று ரஜினி தரப்பில் விவாதிக்கப்பட்டதாம். இதுபற்றி மத்திய அரசின் தூதுவர்களிடம் தகவல் சொல்லப்பட்டிருக்கிறது. பலத்த யோசனைக்குப் பிறகு, டெல்லியிலிருந்து கிரீன் சிக்னல் கிடைத்து விட்டதாம்.’’

‘‘அந்த நேரத்தில் அதிகாரிகளின் கை ஓங்கி யிருக்குமே! அவர்கள் ரஜினிக்கு ஆதரவாக இருப்பார்களா?’’

‘‘சென்னை தலைமைச் செயலகத்தில் லஞ்ச் நேரத்தில், ஐ.ஏ.எஸ் அதிகாரிகள் யாராவது ஒருவரின் அறையில் இணைந்து அமர்ந்து சாப்பிட்டபடி, நடப்பு அரசியல் பற்றிப் பேசுவார்கள். இப்போதெல்லாம் அவர்கள் பேசும் சப்ஜெக்ட், ‘சிஸ்டம் மாறவேண்டும்’ என்று ரஜினி சொன்ன டயலாக். இவர்களில் பலர் ரஜினியின் அனுதாபிகளாக மாறிவிட்டார்கள். இவர்கள் தினமும் ஒரு பிரச்னையை முன்னிறுத்தி விவாதம் நடத்துகிறார்கள். இப்படி ஒரு நிகழ்வு நடப்பது, அதிகாரிகளுடன் தொடர்பில் உள்ள மன்றப் பிரமுகர் மூலம் ரஜினிக்கு அடிக்கடி போகிறது. இதைக் கேட்டு ரஜினி ரொம்ப சந்தோஷப்பட்டாராம். இதேபோல, ஓய்வுபெற்ற அதிகாரிகளையும் ஒருங்கிணைக்க ஏற்பாடுகள் நடக்கின்றன. தமிழகம் முழுவதும் உள்ள ஆறு லட்சம் ஓய்வுபெற்ற அரசு ஊழியர்களை ரஜினி மன்றத்தின் செயல்பாடுகளில் பங்குபெற வைக்கப் பேச்சுவார்த்தைத் தொடங்கிவிட்டது.’’

‘‘எடப்பாடி பழனிசாமி என்ன செய்கிறார்?’’

‘‘அவர் இதற்கெல்லாம் கவலைப்படாமல், தன்னை முன்னிலைப்படுத்தும் வேலைகளுக்காக மிகவும் மெனக்கெடுகிறார்; ஒவ்வொன்றிலும் தன் பெயரைப் பதிக்கும் வேலைகளைப் பார்த்துப் பார்த்துச் செய்கிறார். ஜனவரி 22-ம் தேதி, புதிய இன்னோவா காரில் அவர் கோட்டைக்கு வந்தார். அந்தக் காரின் பதிவு எண் TN07 CM2233. அதுதான் தற்போது கோட்டை வட்டாரத்தில் பரபரப்பைக் கிளப்பியுள்ளது.’’

p42b_1516988879.jpg

‘‘இதில் என்ன இருக்கிறது?’’

‘‘காரின் நம்பரை ஒருமுறை நன்றாகப் பாருங்கள். அதில் ‘சி.எம்’ என்று இருக்கிறது. எந்த நேரத்தில் ஆட்சி கவிழும் என்று யாருக்கும் தெரிய வில்லை. ஆனால், இவர் ‘நான் சி.எம்’ என்பதை எல்லா விஷயங்களிலும் அடையாளப்படுத்தும் வேலைகளுக்கு இவ்வளவு மெனக்கெடுகிறார். இதற்கு முன்பு தமிழகத்தை ஆட்சிசெய்த முதல்வர்களில், எம்.ஜி.ஆர் அவருடைய இனிஷியலைப் பதிவுஎண்ணாகக் கொண்ட காரைத்தான் பயன்படுத்தினார். ஜெயலலிதாவின் கார் ‘ஜெ’ என்ற எழுத்துடன் இருந்தது. ஆனால், ‘சி.எம்’ என்று முன்னிலைப்படுத்துவதில், அவர்களையெல்லாம் எடப்பாடி பழனிசாமி மிஞ்சிவிட்டார். கோட்டை வட்டாரத்தில் சுற்றிக் கொண்டிருக்கும் அவருடைய ஆதரவாளர்கள், ‘தமிழக முதல்வர்களில் யாருக்கும் வராத துணிச்சலும், யோசனையும் கொண்டவர் எங்கள் முதல்வர் எடப்பாடி’ என்று பெருமையாகப் பேசிக்கொள்கிறார்கள்.’’ 

‘‘அரசியல்வாதிகள் என்ன செய்தாலும், அதற்குப் பின்னால் ஒரு உள்குத்தும் இருக்குமே?’’

‘‘ஆம். எடப்பாடி பழனிசாமியின் கார் எண்ணிலும் அப்படி ஓர் உள்குத்து இருப்பதாகச் சொல்கிறார்கள். ‘கட்சியிலும் ஆட்சியிலும் எல்லாமே நான்தான்’ என்று துணை முதல்வர் ஓ.பன்னீர்செல்வத்துக்கும், ‘ஆட்சி எந்த நேரத்திலும் கவிழும்’ என்று காத்திருக்கும் தி.மு.க செயல் தலைவர் ஸ்டாலினுக்கும், தினகரனுக்கும், ‘நான்தான் நிரந்தர முதலமைச்சர்’ என்று எடப்பாடி மெசெஜ் சொல்வதாகவும் அரசியல் வட்டாரத்தில் பேச்சு அடிபடுகிறது. சமீபகாலமாக கட்சி சார்பிலும், தமிழக அரசின் சார்பிலும் நடக்கும் நிகழ்ச்சிகளில், எடப்பாடியின் படமே பிரதானமாக இடம்பெறுகிறது. எம்.ஜி.ஆர் மற்றும் ஜெயலலிதா படங்கள் சிறிய சைஸில் ஓர் ஓரத்தில் ஒதுங்கிவிட்டன. ஜனவரி 24-ம் தேதி சென்னை நேரு ஸ்டேடியத்தில் ‘ஸ்போர்ட்ஸ் மீட்’ நடை பெற்றது. அதற்கான வரவேற்பு பேனர்களில் எடப்பாடியின் படம் மட்டுமே இருந்தது.’’

‘‘குட்கா விவகாரத்தில் புதிது புதிதாக திருப்பங்கள் நிகழ்கின்றனவே?’’

‘‘அதில் அவ்வளவு வில்லங்கங்கள் இருக்கின்றன. அதனால், புதுப்புது திருப்பங்கள் நிகழ்கின்றன. இரண்டு இதழ் களுக்கு முன்பே, ‘அந்த விவகாரம் சி.பி.ஐ வசம் போகப்போகிறது’ என்று ஜூ,வி நிருபர் குறிப்பிட்டி ருந்தாரே... அது நிஜமாகப் போகிறது. இப்போது ‘சட்டம்-ஒழுங்கு டி.ஜி.பி., சென்னை போலீஸ் கமிஷனர், சென்னையின் கூடுதல் போலீஸ் கமிஷனர்களை இடம்மாற்றும் ஃபைல், முதல்வர் எடப்பாடியின் டேபிளில்  இருக்கிறது’ என்றெல்லாம் தகவல்கள் வெளியாக ஆரம்பித்துள்ளன. இவற்றை அடிப்படையாக வைத்து, ‘அடுத்த டி.ஜி.பி யார், சென்னை போலீஸ் கமிஷனர் யார்?’ என ஆரூடம் சொல்லும் ‘வாட்ஸ்அப்’  குரூப் ஒன்றும் வேகமாக இயங்கிக்கொண்டிருக்கிறது.’’

‘‘அப்படியா?’’

‘‘இப்போது கூடுதல் டி.ஜி.பி.ரேங்கில் இருக்கும் கருணாசாகர் அந்தப் பதவியைப் பிடிக்க டெல்லியில் லாபி செய்துகொண்டிருக்கிறாராம். இதையடுத்து, கருணாசாகர் மீதான குற்றச்சாட்டுகளின் பட்டியலையும், தற்போதைய சென்னை போலீஸ் கமிஷனர் ஏ.கே.விஸ்வநாதனின் ஆளுமைகளையும் ஒப்பீடு செய்து பரபரப்பாகத் தகவல்கள் வலம்வந்து கொண்டிருக்கின்றன. இந்த நேரத்தில், ‘2017 ஜனவரி 1 முதல் 31 டிசம்பர் வரை பான் குட்கா, கஞ்சா உள்ளிட்ட போதைப்பொருள்களை விற்ற 3,281 பேரைப் பிடித்து, வழக்குகள் போடப்பட்டுள்ளன’ என்று சென்னை போலீஸ் கமிஷனர் அலுவலகத்திலிருந்து செய்திக்குறிப்பு வெளியானது. இதையடுத்து, ‘ஏ.கே.விஸ்வநாதன் மே 15-ம் தேதிதான் கமிஷனராக வந்தார். அதற்குமுன்பு குட்கா வழக்குகளைப் பிடித்தது யார்... அதையும் சொல்லப்பா’ என்று இன்னொரு குரூப் கேள்வி கேட்டது. இந்தக் களேபரங்களுக்கு நடுவில், டி.ஜி.பி பதவிக்குத் தகுதியுள்ள அதிகாரிகள் என கே.பி.மகேந்திரன், ஜே.கே.திரிபாதி உள்ளிட்ட ஐந்து ஐ.பி.எஸ்-களின் பெயர்கள், வாட்ஸ்அப் குரூப்பில் சுற்றிக்கொண்டிருக்கின்றன.’’

‘‘போலீஸ் உயர் அதிகாரிகளும் அரசியல் வாதிகளைப்போலாகிவிட்டனர். அப்படியானால், அரசியல்வாதிகள் எந்த அளவுக்குப் போவார்கள்?’’

‘‘அதற்கு உதாரணமாகவும் ஒரு மேட்டர் இருக்கிறது. அமைச்சர் ஜெயக்குமாரின் ஆதரவாளர்கள் முன்னாள் அமைச்சர் மதுசூதன னையும், மதுசூதனனின் ஆதரவாளர்கள் ஜெயக்குமாரையும் கடந்த ஒரு மாதமாக வாட்ஸ்அப் குரூப்பில் மாற்றி மாற்றிக் காய்ச்சி எடுத்துக் கொண்டிருக்கிறார்கள். அச்சிலேற்ற முடியாத அந்த ‘வசைகளின் தொகுப்பு’ இப்போது கட்சிக்காரர்களுக்கும், வடசென்னைவாசி களுக்கும் மனப்பாடமாகிவிட்டது. இதுதான் அரசியலில் இப்போதைய ட்ரெண்ட்.’’

p42a_1516988787.jpg

‘‘உதயநிதி ஸ்டாலின் அரசியலுக்கு வருவது பற்றிப் பரபரப்பாக விவாதிக்கப்படுகிறதே?’’

‘‘ஆம். கடந்த ஜூ.வி-யில் நான் சொல்லியிருந்தேனே. சரியாக அந்த இதழ் கடைகளில் வெளியான அன்று, சைதாப்பேட்டை எம்.எல்.ஏ-வான  மா.சுப்பிரமணியன் தலைமையில் நடைபெற்ற பொங்கல் விழாவில், உதயநிதியும் அதையே வழிமொழிந்தார். ‘மு.க.ஸ்டாலினின் சில வேலைகளைப் பகிர்ந்துகொள்வதற்கு நம்பிக்கையான ஆள் வேண்டும்’ என ஸ்டாலின் மனைவி துர்க்கா நினைப்பதுதான் காரணம். அதுபோல், ரஜினி, கமல் அலையைச் சமாளிக்க தி.மு.க-வுக்கு ஒரு ஸ்டார் வேல்யூவும் தேவைப் படுகிறது என்று நினைக்கின்றனர். அதனால்தான், இந்த அரசியல் பிரவேசம். எல்லா ஊடகங்களும் சமூக வலைதளங்களும் உதயநிதி பற்றி பேசுகின்றன. ஆனால், தி.மு.க-வின் அதிகாரபூர்வ ஏடான ‘முரசொலி’ அதுபற்றி ஒன்றும் சொல்லவில்லை. இதில் ஸ்டாலினும் துர்க்காவும் கவனமாக இருக்கின்றனர்’’ என்ற கழுகார் பறந்தார்.

படங்கள்: தி.விஜய், கே.ஜெரோம், வி.ஸ்ரீனிவாசுலு
அட்டை ஓவியம்: கார்த்திகேயன் மேடி

p42c_1516988765.jpg

பாதை அமைத்தவரைப் பறித்த காலன்!

மிழகமே பதறித்துடித்த உடுமலை சங்கர் கொலை வழக்கில், தேசத்தையே திரும்பிப்பார்க்க வைத்த தீர்ப்புக்குச் சொந்தக்காரர் நீதிபதி அலமேலு நடராஜன். 2016-ம் ஆண்டு மார்ச் மாதம் நிகழ்ந்தது உடுமலைப் பேட்டை சங்கரின் கொடூரக் கொலை. சாதிய ஆணவக் கொலையாளிகளின் கூட்டம் சங்கரின் படுகொலையைக் கொண்டாடியபோது, சாதி மறுப்புத் திருமணம் செய்ய நினைப்பவர்க்கெல்லாம் இனி சங்கரின் நிலைமைதான் என்று கொக்கரித்தபோது, ஆணவக் கொலைக் கும்பல்களின் கொட்டத்தை அடக்கும் வகையில் மகத்தான தீர்ப்பை வழங்கி அறம் காத்தவர் நீதிபதி அலமேலு நடராஜன்.

அவருடைய திடீர் மரணம் தமிழகத்தையே அதிர்ச்சிக்கு உள்ளாக்கி யிருக்கிறது. 52 வயதான அலமேலு நடராஜன், சில வருடங்களாகவே சர்க்கரை நோய் மற்றும் ரத்த அழுத்தப் பிரச்னைக்குச் சிகிச்சை எடுத்துவந்தார். இந்த நிலையில், ஜனவரி 20-ம் தேதியன்று மூச்சுத் திணறல் காரணமாக மருத்துவமனையில் அவர் அனுமதிக்கப்பட்டார். அவருக்கு நிமோனியா பாதிப்பு இருந்தது அப்போது கண்டுபிடிக்கப்பட்டது. 25-ம் தேதியன்று காலை சிகிச்சை பலனின்றி மரணமடைந்தார்.

சாதிய ஆணவக் கொலை வழக்குகளை இனி இந்திய நீதித்துறை எவ்வாறு விசாரிக்க வேண்டும் என்பதற்குப் பாதை அமைத்தவரை, காலன் இன்னும் சில காலம் வாழ வைத்திருக்கலாம்.

ஓமந்தூராருக்கு அரசு விழா!

செ
ன்னை மாகாணத்தின் முதல் முதலமைச்சர் பொறுப்பை வகித்தவர் ஓமந்தூர் ராமசாமி ரெட்டியார். அவருடைய பிறந்த நாளை அரசு விழாவாகக் கொண்டாட வேண்டும் என 21.01.18-தேதியிட்ட ஜூ.வி-யில் செய்தி வெளியாகியிருந்தது. இந்த நிலையில், ஜனவரி 23-ம் தேதி தமிழக முதல்வர் எடப்பாடி பழனிசாமி, ‘ஓமந்தூராரின் பிறந்த நாள் அரசு விழாவாகக் கொண்டாடப்படும்’ என்று அறிவித்துள்ளார். பிப்ரவரி 1-ம் தேதி ஓமந்தூராரின் பிறந்த நாள். அன்று, விழுப்புரம் மாவட்டத்தில் அரசு விழாவாக அந்த நாள் கொண்டாடப்படும்.

p42d_1516988650.jpg

dot_1516988669.jpgஉணவுத்துறை சார்பில் விநியோகிக்கப்பட்ட ஸ்மார்ட் கார்டுகளில் சென்னை மற்றும் காஞ்சிபுரம் மாவட்டங்களில் மட்டும் ஒன்றரை லட்சம் கார்டுகளில் பல்வேறு குளறுபடிகள். சரியான ஆவணங்களை மக்கள் கொடுத்தும், அவற்றை அச்சிட்டதில் நிறைய தவறு செய்திருக்கிறார்கள். சம்பந்தப்பட்ட துறையின் பெண் அதிகாரியிடம் சொன்னால், ‘‘ஆன்லைனில் பிரச்னையைச் சரிசெய்துகொள்ளுங்கள்’’ எனச் சாதாரணமாகச் சொல்கிறாராம். இதைச் செய்யத்தெரியாமல், மக்கள் தவிக்கிறார்கள். 


dot_1516988669.jpgஇந்து சமய அறநிலையத்துறை கமிஷனராக இருக்கும் ஜெயா ஐ.ஏ.எஸ்., நிர்வாகத்தில் கறாரானவர். ஆனால், அவருக்கு மீடியா என்றாலே ஆகாது. துறைரீதியான கருத்து கேட்கப் போகிறவர்களை, பலமுறை அலையவிட்டுத் திருப்பி அனுப்புகிறாராம். இதை மீடியாக்காரர்கள் சம்பந்தப்பட்ட துறை அமைச்சர் சேவூர் ராமச்சந்திரனிடம் சொல்லிப் புலம்புகிறார்கள்.    

dot_1516988669.jpg தமிழகத்தில் மதுபானத் தயாரிப்பு நிறுவனங்கள் 11 இயங்குகின்றன. இவர்கள் ஆட்சியாளர்களுக்கு முறையாக ‘தட்சணை’ தருவது வழக்கம். இவற்றில் இரண்டு நிறுவனங்களைத் தவிர, மற்றவை இதைத் தவணை முறையில் தருகின்றனவாம். இதில் நிறைய பாக்கி உள்ளதாம். ‘இனி காத்திருக்க முடியாது. பாக்கியை செட்டில் செய்யுங்கள். அதன்பிறகுதான், புதிதாக ஆர்டர் தருவோம்’ எனக் கறாராக ஆளும்கட்சி மேலிடம் சொல்லிவிட்டதாம். எல்லாம் ஆட்சிக் கலைப்பு பீதியின் விளைவாம். இதே கோணத்தில்தான் மதுபான நிறுவனங்களும் தயங்குகின்றனவாம்.

dot_1516988669.jpg தலைமைச் செயலகத்தில் சார்பு செயலர், துணைச் செயலர் பதவிகளில் அமர புரமோஷனில் வருகிறவர்கள், கண்டிப்பாக தமிழகத்தில் உள்ள கிராம அளவிலான அரசு அலுவலகம் ஏதாவது ஒன்றில் ஆறு மாதங்கள் பணிபுரிந்து ஃபீல்டு அனுபவம் பெற்று வரவேண்டும். சென்னையிலேயே பழகிவிட்ட ஒரு தரப்பினருக்கு இதில் விருப்பம் இல்லை. அதனால், மாற்றுத் திட்டம் ஒன்றைத் தயாரித்துவிட்டார்களாம். இதற்கு சில ஐ.ஏ.எஸ் அதிகாரிகளும் உடந்தை. 

dot_1516988669.jpgதமிழக காங்கிரஸ் தலைவர் திருநாவுக்கரசரின் சொந்த சட்டமன்றத் தொகுதி அறந்தாங்கி. இது, ராமநாதபுரம் நாடாளுமன்றத் தொகுதியில் வருகிறது. அந்த வகையில், இரண்டு முறை அங்கு போட்டியிட்டுத் தோற்றுப்போனார். அதனால், வருகிற தேர்தலில் மீண்டும் அங்கே போட்டியிடத் தயங்குகிறாராம். அவர் குறிவைப்பது, திருச்சி தொகுதியை! ஒருவேளை தி.மு.க கூட்டணி அமைந்தால், திருச்சி அவருக்கு நிச்சயம். இதைக் கேள்விப்பட்ட, திருச்சி தி.மு.க-வினர் ஏகத்துக்கும் கடுப்பில் இருக்கிறார்கள்.

https://www.vikatan.com

Categories: Tamilnadu-news

கச்சதீவை மீட்டுத்தருமாறு “சிவசேனா” கடலில் இறங்கி போராட்டம்

Fri, 26/01/2018 - 09:03
கச்சதீவை மீட்டுத்தருமாறு “சிவசேனா” கடலில் இறங்கி போராட்டம்

 

கச்சதீவை மீட்டுத் தரக்கோரி சிவசேனா கட்சியினர் கடலில் இறங்கி போராட்டத்தில் ஈடுபட்டனர்.

sivasena.jpg

சிவசேனா கட்சியின் மாநில துணைதலைவர் புலவன் போஸ் தலைமையில் ஊர்வலமாகச் சென்ற சிவசேனா கட்சியினர், மீனவர் நலனுக்காகவும் பாரம்பரிய தீவுகளில் ஒன்றான  கச்சத்தீவை மீட்டுதரக்கோரி இராமேஸ்வரம் அக்னிதீர்த்த கடற்கரையில் இறங்கி கண்டன போராட்டத்தில் ஈடுபட்டனர்.

 

இந்த ஆர்ப்பாட்டத்தில் இந்து அமைப்பினர்கள் வருடம் தோறும் கச்சத்தீவை மீட்டுத்தரக்கோரி கடலில் இறங்கி தங்களது எதிர்பை தெரிவித்து வருகின்றமை குறிப்பிடத்தக்கது.

http://www.virakesari.lk/article/29939

Categories: Tamilnadu-news

ரஜினியும் கமலும் தெருவுக்கு வந்தால் தான் உண்மை நிலை தெரியும்: துரைமுருகன் அதிரடி பேட்டி

Fri, 26/01/2018 - 05:35
ரஜினியும் கமலும் தெருவுக்கு வந்தால் தான் உண்மை நிலை தெரியும்: துரைமுருகன் அதிரடி பேட்டி

 

 
duraimurugan

கோவை: ரஜினியும் கமலும் தெருவுக்கு இறங்கி வந்தால் தான் உண்மை நிலை தெரியும். இப்போது அவர்கள் குறித்து எந்த கருத்தும் கூற முடியாது என்று திமுக முதன்மை செயலாளர் துரைமுருகன் கூறினார். 

கோவையில் நேற்று நடைபெற்ற மொழிப்போர் தியாகிகள் பொதுக்கூட்டத்தில் கலந்து கொள்ள திமுக முதன்மை செயலாளர் துரைமுருகன் விமானம் மூலம் கோவை வந்தார். அப்போது அவர் செய்தியாளர்களுக்கு பேட்டியளித்தார்.
 
அப்போது, தேசிய கீதம் பாடும்போது எழுந்து நிற்க உடலில் வலுவும், உள்ளத்தில் உணர்ச்சியும் இருந்த காஞ்சி விஜயேந்திரருக்கு, தமிழ்த்தாய் வாழ்த்து பாடும் போது உள்ளத்திலும் உணர்விலும் வலு இல்லாமல் போனது ஏன்? இதற்கு காஞ்சி சங்கர மடம் தரும் விளக்கங்கள் ஏற்றுக்கொள்ள முடியாதவை என்றும் தமிழுக்கு காஞ்சி மட விஜயேந்திரர் கொடுக்கும் மரியாதை அவ்வளவுதான் எனவும் தெரிவித்தார்.

நடிகர்களான ரஜினிகாந்த், கமல்ஹாசன் அரசியல் வருகை குறித்த கேள்விக்கு, சினிமாவை விட அரசியல் கவர்ச்சியாக இருப்பதால் நடிகர்கள் அரசியலுக்கு வருகின்றனர். 

அரசியலுக்கு வந்த பின்னர் பொதுமக்கள் அவர்களுக்கு கொடுக்கும் மரியாதை வைத்துதான் கூற முடியும். அதே நேரத்தில் யாரும் இன்னும் தெருவிற்கு வரவில்லை; தாழ்வாரத்தில்தான் நிற்கின்றனர். அவர்கள் மக்களோடு இணைந்தால் தான் அவர்கள் முழு அரசியல்வாதி ஆக முடியும் என்று கூறினார்.

பேருந்துக் கட்டண உயர்வுக்கு எதிராக மாணவர்கள், மக்கள், அரசியல் கட்சிகள் என யார் போராடினாலும் அதை பற்றிய கவலை இந்த அரசுக்கு இல்லை எனவும், எவ்வளவு சுருட்டலாம், கொள்ளையடிக்கலாம் என்பதிலேயே அவர்கள் கவனமாக இருக்கின்றனர்.

மேலும் பாஜக ஒரு மாதிரியான கட்சி. அது செயல்படும் நிலையிலேயே இல்லை ஆனால், அவர்கள் பேச்சுக்கு மட்டும் குறையில்லை என்று தெரிவித்தார்.

ஜெயலலிதா உயிரோடு இருந்த வரை இருக்கும் இடம் தெரியாமல் இருந்த அமைச்சர்களுக்கு தற்போது தாங்கள் என்ன செய்கிறோம் என்று தெரியாத அளவிற்கு நடந்து கொள்கிறார்கள். தில்லியில் இருந்து வரும் உத்தரவுகளுக்கு பொம்மலாட்டம் ஆடி வருகிறார்கள். இது எங்கு போய் முடியுமோ என்று தெரியவில்லை. 

உதயநிதி ஸ்டாலின் முழுமையாக அரசியலுக்கு வருவது பற்றி எனக்குத் தெரியாது. சூழ்நிலைகள் மாறும். திமுகவிற்கு தலைமையேற்க ஸ்டாலினால் மட்டுமே முடியும் என்று துரைமுருகன் தெரிவித்தார்.

http://www.dinamani.com/latest-news/2018/jan/26/rajini-kamal-might-have-found-politics-more-attractive-durai-murugan-2851759.html

Categories: Tamilnadu-news

இளையராஜாவிற்கு... பத்ம விபூஷண் அறிவிப்பு!

Thu, 25/01/2018 - 17:18

Ilaiyaraaja gets 2018 Padma Vibhushan

இசையமைப்பாளர், இளையராஜாவிற்கு... பத்ம விபூஷண் அறிவிப்பு!

இசையமைப்பாளர் இளையராஜாவிற்கு பத்ம விபூஷண் விருதுஅறிவிக்கப்பட்டு இருக்கிறது.

2018ஆம் ஆண்டுக்கான பத்ம விருதுகள் அறிவிக்கப்பட்டு இருக்கிறது. பல்வேறு துறைகளில் சிறந்து விளங்கியவர்களுக்கு விருதுகள் அறிவிக்கப்பட்டுள்ளது. 

இதில் இசையமைப்பாளர் இளையராஜாவிற்கு பத்ம விபூஷண் அறிவிப்பு. இசைத்துறையில் சிறந்து விளங்கியதால் இந்த விருது வழங்கப்பட்டுள்ளது.

Read more at: https://tamil.oneindia.com/news/tamilnadu/ilaiyaraaja-gets-2018-padma-vibhushan-309460.html

Categories: Tamilnadu-news

ரஜினி, கமல், வைரமுத்து, விஜயேந்திரர்.... பின்னணி தெரியுமா?

Thu, 25/01/2018 - 16:29
ரஜினி, கமல், வைரமுத்து, விஜயேந்திரர்.... பின்னணி தெரியுமா?
 
 
Chennai: 

ஜெயலலிதா மறைவு அதையொட்டிய அரசியல் மாற்றங்கள் மற்றும் நீட் தேர்வு, ஹைட்ரோ கார்பன் என மக்கள் பிரச்னைகளில் ஆரம்பித்து, தற்போது நடிகர்களின் அரசியல் பிரவேச அறிவிப்புகள் வரை தொடர்ந்து செய்திகளால் பரபரத்துக் கொண்டேயிருக்கிறது தமிழகம். சமீபமாய் தமிழகத்தை தடதடக்க வைத்துக்கொண்டிருக்கும் இந்தச் செய்தி நிலவரங்கள் குறித்தும் அதன் பின்னணிகள் குறித்தும் கீழே காண்போம்.... 

டி.டி.வி தினகரன்

 

ஆர்.கே நகர் இடைத்தேர்தல் சர்ச்சைகள்

ஜெயலலிதா மறைவையடுத்து, கடந்த வருடம் ஏப்ரல் மாதம் நடைபெறுவதாக அறிவிக்கப்பட்ட ஆர்.கே. நகர் தொகுதி இடைத்தேர்தலானது பணப்பட்டுவாடா குற்றச்சாட்டைத் தொடர்ந்து ரத்து செய்யப்பட்டது. மீண்டும் கடந்த டிசம்பர் மாதம் நடைபெற்ற இடைத்தேர்தலில், சுயேச்சை வேட்பாளரான டி.டி.வி தினகரன் அமோக வெற்றி பெற்றார். இரட்டை இலை, கட்சி அங்கீகாரம் என இரண்டு பலமான அஸ்திரங்களைக் கொண்டிருந்தும் ஓ.பி.எஸ் - ஈ.பி.எஸ் தரப்பு வேட்பாளரான மதுசூதனன் தோல்வியடைந்தார். மக்கள் செல்வாக்குப் பெற்ற அ.தி.மு.க தலைமை யார்... என்ற கேள்விக்கு விடைதேடும் களமாகப் பார்க்கப்பட்ட ஆர்.கே.நகர் தேர்தல் முடிவுகள் நாடு முழுவதும் பலத்த அதிர்வலையை ஏற்படுத்தியுள்ளன. தமிழக ஆளுங்கட்சியினருக்கு ஆதரவாகவும் சசிகலா தரப்புக்கு எதிராகவும் மத்திய பி.ஜே.பி அரசு செயல்படுவதாகக் குற்றம் சுமத்தப்பட்டுவந்த நிலையில், டி.டி.வி தினகரனின் இந்த இமாலய வெற்றி அவரது தரப்புக்கு மிகப்பெரிய உத்வேகத்தைக் கொடுத்துள்ளது. புது கட்சி, தமிழகச் சுற்றுப்பயணம் என டாப் கியரில் தினகரன் பயணிக்கவிருப்பதாக வெளிவரும் செய்திகள் எதிர்தரப்பை அதிர்ச்சிக்குள்ளாக்கியுள்ளன.

ரஜினிகாந்த்

ரஜினி அரசியல் பிரவேசம்

'வருவாரா, வரமாட்டாரா...' என்று 20 வருடங்களுக்கும் மேலாக எதிர்பார்ப்புகளை மட்டுமே ஏற்படுத்திக்கொண்டிருந்த நடிகர் ரஜினிகாந்த், தனது அரசியல் பிரவேச அறிவிப்பை கடந்த ஆண்டின் கடைசி நாளில் அறிவித்தார். 'ஆன்மிக அரசியல்' 'காவலர் படை' மற்றும் 'போராட்டங்கள்' குறித்த ரஜினியின் அறிவிப்பு ஆகியவை பல்வேறு கேள்விகளை எழுப்பியுள்ளன. 'பி.ஜே.பி பின்னணியில் வருகிறார் ரஜினி, தமிழரல்லாத ரஜினி தமிழர்களை ஆள்வதற்கு ஆசைப்படக் கூடாது' என்று அவரது அரசியல் பிரவேசத்துக்கு எதிராக காரணங்களும் சொல்லப்படுகின்றன. ஆனால், தன்னைப்பற்றிய செய்திகளுக்கு மட்டுமல்ல... தமிழகப் பிரச்னைகள் குறித்தும்கூட எந்தவித நிலைப்பாடோ, கருத்தோ தெரிவிக்காமல், வழக்கம்போல் மௌனமாக வேடிக்கை பார்த்துக்கொண்டிருக்கிறார் ரஜினிகாந்த்; ஆனாலும் அதிர்ந்துகொண்டிருக்கிறது தமிழகம்!

கமல்ஹாசன்
 

கமல் அரசியல் பிரவேசம்

ரஜினியின் அறிவிப்புக்கு முன்பே, தமிழக அரசியலுக்குள் தான் வந்துவிட்டதாக அறிவிப்பு செய்த நடிகர் கமல்ஹாசன், அடுத்தடுத்து அதற்கான முன்னேற்பாடுகளிலும் கவனம் செலுத்தத் தொடங்கிவிட்டார். ஆளும் கட்சிக்கு எதிரான அவரது விமர்சனங்கள் தினசரி செய்திகளாயின. பிப்ரவரி 21 ஆம் தேதி தனது அரசியல் கட்சிப் பெயரை அறிவிக்கப்போவதாகச் சொல்லியிருக்கும் கமல்ஹாசன், தனது அரசியல் பயணத்தின் முதற்கட்டமாக கிராமங்களைத் தத்தெடுக்கவிருப்பதாகவும் தெரிவித்துள்ளார். 'நாளை நமதே' என்ற பெயரில் மக்களைச் சந்திக்கவும் தயாராகிவிட்டார் உலகநாயகன்!

ஆளுநர் பன்வாரிலால் புரோஹித்
ஆளுநர் ஆய்வு

தமிழக அரசியலில், சமீபகாலமாக மத்திய பி.ஜே.பி அரசின் தலையீடு அதிகரித்துள்ளதாக குற்றச்சாட்டு வைக்கப்பட்டுவருகிறது. இந்நிலையில், தமிழக ஆளுநராக நியமிக்கப்பட்டுள்ள பன்வாரிலால் புரோகித், தமிழகத்தின் முக்கிய நகரங்களுக்கு விசிட் செய்து ஆட்சி அதிகாரத்தில் உள்ள அதிகாரிகளோடு ஆலோசனை செய்த விவகாரம் பலத்த சர்ச்சையை ஏற்படுத்திவருகிறது. ஆனாலும் ஆளுநரின் ஆய்வு தொடர்கிறது. 'மரபு மீறுகிறார் ஆளுநர்' எனச் சொல்லி கறுப்புக்கொடி ஏந்தி எதிர்ப்புத் தெரிவிக்கிறது எதிர்க்கட்சியான தி.மு.க. ஆனால், ஆளுநரின் செயல்பாடுகளுக்கு 'பச்சைக் கொடி' காட்டி வரவேற்கிறது அ.தி.மு.க.!

பேருந்து கட்டண உயர்வு

பேருந்துக் கட்டண உயர்வு

தமிழகப் போக்குவரத்துத் துறை ஊழியர்களுக்கான ஊதிய உயர்வு மற்றும் பணபலன்கள் சரிவர கிடைப்பதில்லை என்பது உள்ளிட்ட கோரிக்கைகளை முன்வைத்து ஏற்கெனவே தொழிற்சங்கங்கள் பல்வேறு போராட்டங்களை நடத்தியுள்ளன. ஆனாலும் தீர்வு கிடைக்காத நிலையில், இம்மாத ஆரம்பத்திலேயே மீண்டும் தங்களது போராட்டத்தைத் தொடங்கினர். பெரும்பான்மையான ஊழியர்களை உள்ளடக்கிய தொழிற்சங்கங்கள் போராட்டத்தில் உறுதியுடன் இருந்ததால், ஒட்டுமொத்தமாக தமிழகமெங்கும் அரசுப் போக்குவரத்து முடங்கிப்போனது. பின்னர், சில நிபந்தனைகளோடு தொழிற்சங்கங்கள் போராட்டத்தை தளர்த்தியதையடுத்து நிலைமை சீரானது. ஆனால், அடுத்த அதிரடியாகப் பேருந்துக் கட்டணத்தை உயர்த்தி அறிவித்த தமிழக அரசு, 'போக்குவரத்து ஊழியர்களின் ஊதிய உயர்வுகளைச் சமாளிக்க கட்டண உயர்வு அவசியம்' என்பதையும் காரணமாகச் சொல்லி ஒரே கல்லில் இரண்டு மாங்காய் அடிக்க, கட்டண உயர்வினைத் தாக்குப்பிடிக்க முடியாத பொதுமக்கள் அரசுக்கு எதிராகப் போராட்டங்களை நடத்திக்கொண்டேயிருக்கிறார்கள்.

வைரமுத்து

ஆண்டாள் சர்ச்சை

தமிழுக்குத் தொண்டு செய்த ஆழ்வார்களில் ஒருவரான ஆண்டாள் குறித்து, ஒரு நாளிதழில் கவிஞர் வைரமுத்து எழுதியிருந்த கட்டுரை பலத்த சர்ச்சையைக் கிளப்பியது. இதைத்தொடர்ந்து, 'ஆண்டாளை அசிங்கப்படுத்திவிட்ட வைரமுத்து மன்னிப்பு கேட்க வேண்டும்' என்று இந்து அமைப்புகள் எதிர்ப்பு தெரிவித்தன. இதையடுத்து வைரமுத்து தனது வருத்தத்தினைப் பதிவுசெய்தார். ஆனாலும் வைரமுத்துவுக்கு எதிராகப் போராட்டங்கள் நடைபெற்று வருகின்றன. 'வைரமுத்து பேசியதில் தவறிருப்பதாகத் தெரியவில்லை' என உயர்நீதிமன்றம் கருத்துத் தெரிவித்துள்ளது. ஆனாலும், இந்து அமைப்புகளுக்கும் தமிழார்வலர்களுக்கும் இடையே தொடர்ந்து பற்றி எரிகிறது இவ்விவகாரம்.

விஜயேந்திரர்
 

விஜயேந்திரரின் தியானமும் சர்ச்சையும்

சென்னையில் நடைபெற்ற நிகழ்ச்சி ஒன்றில் பங்கேற்ற, காஞ்சி இளைய மடாதிபதி விஜயேந்திரர், தமிழ்த்தாய் வாழ்த்துப் பாடலின்போது எழுந்து நின்று மரியாதை செலுத்தவில்லை. மாறாக அதே நிகழ்ச்சியில் தேசிய கீதம் இசைக்கப்பட்டபோது, எழுந்து நின்று மரியாதை செலுத்தினார். அவரது இந்தச் செயல்பாடு, பொதுமக்களிடையே கடும் அதிருப்தியை ஏற்படுத்தியுள்ளது. தமிழ் ஆர்வலர்களும், அரசியல் தலைவர்களும் தங்களது கண்டனங்களைப் பதிவு செய்திருப்பதோடு விஜயேந்திரர் மன்னிப்பு கோரவேண்டும் என்ற கோரிக்கையோடு போராட்டங்களையும் நடத்தி வருகின்றனர். 'தமிழ்த்தாய் வாழ்த்துப் பாடல் ஒலிக்கப்பட்டபோது, விஜயேந்திரர் தியான நிலையில் இருந்ததால், எழுந்து நிற்கவில்லை' என விளக்கம் சொல்லியிருக்கிறது காஞ்சி மடம்!

 

'காரணம் இல்லாமல் காரியம் இல்லை' என்பார்கள். தமிழகத்தை ஒருவித படபடப்புக்குள்ளேயே வைத்திருக்கும் இப்பிரச்னைகளுக்குப் பின்னேயும் பலதரப்பட்ட 'அரசியல் கணக்குகள்' ஒளிந்துகிடக்கின்றன என்று கருத்துத் தெரிவிக்கின்றனர் அரசியல் விமர்சகர்கள். எது எப்படியோ.... எல்லாச் செயல்பாடுகளையும் தீர ஆராய்ந்து, பகுத்தறிவோடு சிந்திப்பது மட்டுமே தெளிவு கிடைப்பதற்கான ஒரே வழி! சிந்திப்பார்களா தமிழக மக்கள்?

https://www.vikatan.com/news/tamilnadu/114554-rajini-kamal-vairamuthu-vijayendran-do-you-know-the-background.html

Categories: Tamilnadu-news

அரசியல் பயணத்தின் முதல்கட்டமாக கிராமங்களை தத்தெடுக்க கமல்ஹாசன் திட்டம்

Thu, 25/01/2018 - 06:10
அரசியல் பயணத்தின் முதல்கட்டமாக கிராமங்களை தத்தெடுக்க கமல்ஹாசன் திட்டம்  
அ-அ+

`நாளை நமதே' என்ற பெயரில் மக்களை சந்திக்க திட்டமிட்டுள்ள கமல்ஹாசன், அவரது அரசியல் பயணத்தின் முதல்கட்டமாக கிராமங்களை தத்தெடுக்க இருப்பதாக தெரிவித்துள்ளார். #KamalHaasan #KamalHaasanPoliticalEntry

 
 
 
 
அரசியல் பயணத்தின் முதல்கட்டமாக கிராமங்களை தத்தெடுக்க கமல்ஹாசன் திட்டம்
 
கிராமங்களை தத்து எடுத்து, அனைத்து வித வசதிகளையும் செய்து கொடுக்க நடிகர் கமல்ஹாசன் புதிய திட்டம் ஒன்றை வகுத்துள்ளார்.
 
இது தொடர்பாக அவர் வார இதழில் எழுதி வரும் கட்டுரையில் கூறி இருப்பதாவது:-
 
‘மக்களைக் களத்தில் சந்திக்க, வரும் பிப்ரவரி 21-ந்தேதி பயணம் கிளம்புகிறேன்’ என்று சொல்லியிருந்தேன். இந்தப் பயணத் திட்டத்துக்கு ஒரு பெயர் வைத்துள்ளோம். ‘நாளை நமதே’. ஆம், அந்தப் பயணத்திட்டத்துக்கு நாங்கள் வைத்துள்ள பெயர் இது தான்.
 
அவர் ஞாபகம் வந்தாலும் பரவாயில்லை, அவை நல்ல ஞாபகங்கள் என்பதால் இந்தப் பெயரை வைத்துள்ளோம்.
 
நான் ஏதோ சக்கரத்தைப் புதிதாக வடிவமைத்தவன் போல் பேசுவதாக நினைக்க வேண்டாம். ஏற்கெனவே அதைக் கண்டுபிடித்துச் சுழலவிட்டுக் கொண்டிருந்தவர்களிடம் போய்ப் பாடம் கற்றேன்.
 
201801251018074174_1_KamalHaasan-Naalai-Namathe1._L_styvpf.jpg
 
லயன்ஸ் கிளப், ரோட்டரி கிளப்புகளுக்குச் சென்று அவர்களின் நற்பணிகள் என்னென்ன என்று தெரிந்து கொண்டு அதை அப்படியே நகலெடுத்து என் மன்றத்தின் நற்பணிகளாக மடைமாற்றினேன். ரத்த தானம், கண்தானங்கள் எல்லாம் அப்படித் தொடங்கியவைதாம்.
 
ஒரு கட்டத்தில் அந்த கிளப்புகளே வியந்து, ‘இங்கு வந்து செயல்படுத்துங்கள்’ என்று அழைக்கும் அளவுக்கு தானத்தில் உச்சம் தொட்டோம்.
 
அடுத்த கட்டமாக, ‘உங்கள் ஊரில் என்ன பிரச்சினைகள்’ என்று மக்களிடம் கேள்விகளை முன் வைத்தோம். ‘தெருவிளக்கு சரியாக எரியவில்லை’ என்பது தொடங்கி, ‘தெருவே இல்லை’ என்பது வரை விண்ணப்பங்கள் வந்து குவிந்தன. அப்படி வந்ததில் ஒன்று தான், ‘சாக்கடை அடைத்துக் கொள்வதால் அதைக் கடந்து பிள்ளைகளால் பள்ளிக்குச் செல்ல முடியவில்லை. அதைச் சரிசெய்து தரமுடியுமா’ என்ற ஒரு வேண்டுகோள்.
 
நேரில் போய்ப் பார்த்துவிட்டு வந்த நற்பணிமன்ற நிர்வாகிகள், ‘இடுப்பளவு சாக்கடையில் இறங்கி சுத்தம் செய்யணும்’ என்றும் ‘பிள்ளைகள் போக அதன் மீது பாலம் கட்டணும்’ என்றும் இருவேறு யோசனைகளை முன் வைத்தனர். ‘பாலம் கட்டுகிறோம் என்று அணில் விளையாட்டு விளையாட முடியாது. அணிலும் வராது. மனிதர்கள் நாம்தான் செய்ய வேண்டும்’ என்றேன். அடுத்தடுத்த நாள்களில் வந்த சம்பந்தப்பட்ட நற்பணி மன்ற மாவட்ட நிர்வாகி ஒரு போட்டோவைக் காட்டி, ‘அந்தச் சாக்கடையைச் சுத்தம் செய்துவிட்டோம்’ என்றார்.
 
இடுப்பளவு சாக்கடையில் வரிசையாக கழிவுகளை ஏந்திய பக்கெட்டுகளுடன் நின்ற நற்பணிக் காட்சியைப் பார்த்ததும் கண்கள் கலங்கிவிட்டன.
 
201801251018074174_2_KamalHaasan-Naalai-Namathe2._L_styvpf.jpg
 
நண்பர்களின் இத்தகைய நற்பணி என்னை அடுத்தடுத்த கட்டங்களுக்கு அழைத்துச் சென்றன.
 
ஏழை வள்ளல்களால் கட்டமைக்கப்பட்டதுதான் என் நற்பணி இயக்கம். இப்படி அடுக்கடுக்கான தேவைகளும், எங்களுக்கான கனவுகளும் நிறைய உண்டு. அதை நோக்கிய பயணத்தில் அங்கும் இங்குமாக நின்று நிறைய செய்து கொண்டிருந்ததை இப்போது நடுவில் மையத்தில் நின்று செய்யப் போகிறோம்.
 
ஆமாம், நாங்கள் என்ன செய்ய விழைகிறோம் என்பதற்கு முன்னுதாரணமாக, எங்கள் பானையில் எவ்வகைச் சோறு இருக்கிறது என்பதைப் பதம் பார்ப்பதற்கு ஏதுவாக முதல்கட்டமாகச் சில கிராமங்களைத் தத்தெடுக்கவிருக்கிறோம். ஒரு சோறு பதம்போல இது, நாங்கள் செய்து காட்டும் எங்களுடைய செயல்திறனுக்கான அடையாளத்திட்டம்.
 
இது என் நம்பிக்கை மட்டுமன்று, எங்களுள் விதைக்கப்பட்ட நம்பிக்கை. இந்தியாவின் பலம் கிராமங்களில்தான் இருக்கிறது என்று காந்தியார் விதைத்தது. நகரத்தை நோக்கிப் புலம் பெயர்பவர்கள் எல்லாம் தேவைக்காகத்தான் நகர்கிறார்கள் என்பதைப் புரிந்து கொண்டு, அந்தத் தேவைகள் அவர்களைச் சென்றடையும் பட்சத்தில், அவர்கள் நகரம் நோக்கி நகரமாட்டார்கள். அப்படிப்பட்ட முன்மாதிரி கிராமங்களை நிஜமாகவே உருவாக்கிக் காட்டுவதற்கான முனைப்புதான் இது.
 
ஆனால், ‘மாவட்டத்துக்கு ஒன்று, மாநகராட்சிக்கு ஒன்று’ என்று ஏகப்பட்ட கிராமங்களைத் தேர்ந்தெடுத்து அகலக்கால் வைக்கப்போவது இல்லை. முதலில் ஒரே ஒரு கிராமம். அதற்காக நாங்கள் போடும் திட்டத்தைச் செயல்படுத்துவதற்கான எல்லா ஏற்பாடுகளையும் செய்து கொண்டிருக்கிறோம்.
 
201801251018074174_3_KamalHaasan-Naalai-Namathe3._L_styvpf.jpg
 
விரைவில் ஹார்வேர்டு பல்கலைக்கழகத்துக்குப் பயணமாகும் நான், அங்கு பேசப்போவதும் இதைப் பற்றித்தான். ஆம், நான் போவதே, திறமைகளைச் சேர்க்கத்தான். அவர்களை என் தமிழகக் கிராமங்களை நோக்கி அழைக்கப் போகிறேன்.
 
எத்தனை பேர் வருவார்கள் என்று தெரியாது. ஆனால், அந்த உதவி நமக்கு அதி அவசியம். நிச்சயம் ஆர்வத்துடன் வருவார்கள் என்ற நம்பிக்கை எனக்கு உள்ளது.
 
இது நாட்டுக்குச் செய்யும் மரியாதை. ஏனெனில், கிராமங்களில்தான் நம் பலமிருக்கிறது. நகரங்களில் புற்றீசல் போல் எல்லோரும் ஓரிடத்தில் அடைந்து கொண்டு க்யூ கட்டுவது மட்டுமே மிச்சமிருக்கிறது.
 
சரி, கிராமத்தானுக்கு என்ன வேண்டும்? ‘ஏழு கடல் கடந்து வண்டுக்குள் இருக்கும் அரக்கனின் உயிர்’ என்று சொல்லும் பழங்கதைபோல் காடு, மலை கடந்து ஏழுமலை தாண்டிப் போய்க் கற்கும் ஒரு பொருள்தான் கல்வி என்ற நிலைமாறி நவீனக் கல்வி கிடைக்க வழிவகை செய்ய வேண்டும். பல லட்சம் ரூபாய் செலவு செய்து அமெரிக்கன் பள்ளியிலும், பிரிட்டீஷ் கல்விக் கூடங்களிலும் சேர்க்கிறார்களே அந்தக் கல்வியை நம் கிராமங்களுக்குள் கொண்டு போய்ச் சேர்க்க வேண்டும்.
 
இதற்கான முன் விதைகளை காமராஜர் போன்றோர் விதைத்துவிட்டார்கள். அவ்வளவு ஏன் ஜஸ்டீஸ் பார்ட்டி காலத்திலேயே அந்த விதை விதைக்கப்பட்டுவிட்டது. அதை அடுத்த கட்டத்துக்கு வளர்த்தெடுக்க வேண்டிய கடமை எனக்கு இருக்கிறது. நான் மூத்தோர்களைப் பார்த்து வியந்தும் நிற்க முடியாது, வரப் போகும் இளைஞர்களைப் பார்த்து இகழவும் முடியாது. அவர்களின் அறிவையும் இவர்களின் பலத்தையும் சேர்த்து கிராமத்துக்குள் பாய்ச்ச வேண்டும்.
 
201801251018074174_4_KamalHaasan-Naalai-Namathe4._L_styvpf.jpg
 
அடுத்து நல்ல குடிநீர் வேண்டும், சுற்றம் சுத்தம், சுகாதாரம் வேண்டும், கலை நயம் கொண்ட பொழுது போக்கு வேண்டும், வெளியே போய் ஊர் திரும்ப நல்ல போக்குவரத்து வசதி வேண்டும், நீர்நிலை ஆதாரங்களை மேம்படுத்த வேண்டும். இப்படி அரசாங்கம் செய்யத் தவறியதை நாங்கள் செய்யப் போகிறோம்.
 
ஆம், ‘முற்றும் கோணல்’ என்று சொல்லிக் கொண்டே இருப்பதில் அர்த்தமே இல்லை. ஆடிக்காட்டு என்றால் ஆடிக்காட்ட வேண்டும். இப்போது நாங்கள் ஆடிக்காட்டப் போகிறோம். முதலில் ஒரு கிராமம். அதை மேம்படுத்துவதன் மூலம் கிடைக்கும் அனுபவப் பாடத்தைக் கொண்டு அடுத்தடுத்த கிராமங்களில் பணி முடிக்கப் போகிறோம்.
 
இந்த ‘நாளை நமதே’வுக்கான முதல் கிராமத்தேடலுக்காகச் சென்ற நம் குழுவினர், ‘‘ஒவ்வொரு கிராமமுமே அந்த முதல் கிராமத்துக்கான ‘லட்சணங்களுடன்’ இருக்கின்றன’’ என்ற அதிர்ச்சியை சொன்னார்கள்.
 
முக்கியமாக, தமிழாசிரியர்கள் இல்லை என்றார்கள். மொழிப்பாடம் கற்றுத்தரத் தமிழாசிரியர்கள் இல்லாமல் எதிர்காலத் தமிழகத்தை எப்படிக் கட்டமைக்கப் போகிறோம் என்ற கவலை எனக்கு.
 
மடிக்கணினியையும் கைப் பேசியையும் சாப்பிட முடியாது. ஆனால், அவை தாம் பலருக்கும் போய்ச் சேர்ந்திருக்கின்றன. மடிக் கணினி கொடுத்துவிட்டதாலேயே அறிவு வந்துவிடும் என்பதை நான் ஒப்புக் கொள்ளமாட்டேன்.
 
201801251018074174_5_KamalHaasan-Naalai-Namathe5._L_styvpf.jpg
 
அதை இயக்குவதற்கே தனி அறிவு வேண்டுமே. அது ஒரு கருவிதானே. மீன் இருக்கும் இடம் வேறு, தூண்டில் இருக்கும் இடம் வேறு எனும் போது அதைக் கொண்டு போய்ப் போட்டு எப்படி மீன் பிடிக்க வேண்டும் என்பதைக் கற்றுத் தந்தால்தானே அவன் சுயமரியாதையுடன் சுயமாக வாழ்க்கை நடத்த முடியும்.
 
டுவிட்டரில் போட்டு பார்த்துவிட்டேன். ட்வீட் மழையே பொழிந்து விட்டேன். ஆனால் பெய்வது, தோல் கனத்தில் அவர்களுக்கு உறைக்கவே இல்லை. அப்படியிருக்க நான் மழை பொழிந்து என்ன பயன்? அதனால்தான் களம் காணத் தயாராகிவிட்டேன். அதற்கான முயற்சிதான் இந்த ‘நாளை நமதே.’
 
ஆம், நாளை நிச்சயம் நமதே. களத்தில் சந்திப்போம், கரம் கோர்ப்போம், தமிழகம் காப்போம்.
 
இவ்வாறு நடிகர் கமல்ஹாசன் கூறியுள்ளார். #KamalHaasan #KamalHaasanPoliticalEntry

http://www.maalaimalar.com/News/TopNews/2018/01/25101808/1142101/Kamalhaasan-People-meet-titled-Naalai-Namthe.vpf

Categories: Tamilnadu-news

சல்லிக்கட்டு போராட்டம்: மெரினாவில் நடந்தது புரட்சியா அல்லது கேம்ப்பிங்கா?

Wed, 24/01/2018 - 20:15
சல்லிக்கட்டு போராட்டம்: மெரினாவில் நடந்தது புரட்சியா அல்லது கேம்ப்பிங்கா? பகுதி 1
T3 Lifeஜனவரி 18, 2018

ப. ஜெயசீலன் 

“ஓடுகின்ற காளையின்மேல்
லாவகமாய்
தாவுகின்ற வித்தையை
வீரமென்று பிதற்றுகின்ற மூடரே
காளையின் கூர்கொம்பு
குதத்தை கிழிக்க தேடுகையில்
புழுதியில் புரள்வது எதனாலோ ?”

மெரினாவில் நிகழ்ந்த தமிழக மக்களின் கும்பமேளா போன்ற ஒன்று கூடல் தீவிரமாக ஆராயப்பட வேண்டிய ஒன்று. மக்களின் உணர்வுகளை எவ்வளவு எளிதாக ஊடகங்களால் தூண்டிவிடமுடியும் என்பதற்கும், மக்களின் தர்க்கமில்லாத அரசியல்மயப்படுத்தப்படாத  உணர்ச்சிவேகத்தை சில தற்குறிகள் சில்லறைகள் எவ்வளவு எளிதாக பயன்படுத்திக்கொள்ளமுடியும் என்பதற்கும்(திருமுருகன் காந்தி போன்ற மக்கள்  போராளிகளை சொல்லவில்லை), மக்களின் உணர்ச்சிவேகத்தை ஆட்சி அதிகார மையம் எப்படி ஒரு குரங்கை போல ஆட்டுவித்து கடைசியில் வேலை முடிந்ததும் கூட்டத்தை கலைத்து விடும் என்பதற்கும், ஆதிக்கசாதிகளின் அரிப்புக்கு எப்படி அப்பாவி தலித்துகள் சொரிந்து விட தமிழ் தேசிய போர்வையில் நிர்பந்திக்கப்பட்டார்கள் என்றும், மறுத்தவர்கள் எப்படி தலித் சாதி வெறியர்களாவும்!!!!!!, தமிழ் தேசிய விரோதிகளாவும் கட்டமைக்கப்பட்டார்கள் என்றும், எப்படி வெகு சிலரின் பில்டர் காபியும்,கர்நாடக இசையும் தமிழக அடையாளம் என்று நம்பப்படுகிறோதோ, அதே போலவே சில ஊர்களில் சில சாதிகளின் நவீனமடையாதா சல்லிக்கட்டு alias ஏறு தழுவுதல்(தக்காளி ஏறுக்கு தமிழ் புரிஞ்சா மேல ஏறி ஜம்ப் பண்றத தழுவுதல் அப்படினு சொல்றதுக்கே குதத்தில் குத்தி கிழிக்கும்) தமிழரின் கலாச்சாரமாக!!!!!! நிறுவப்பட்டதும் என ஜல்லிக்கட்டு போராட்டத்தை சுற்றிலும் நடந்த கோமாளித்தனங்களை, பொறுமையாக அசைபோட்டல் அயற்ச்சியாகவும், அதிர்ச்சியாகவும் இருக்கும்.

மெரினா கேம்ப்பிங்கில் கலந்து கொண்டவர்களின் வாதம் பொதுவில் “தமிழரின் வீர விளையாட்டு” “தமிழரின் கலாச்சாரம்” “தமிழக விவசாயத்தை/கால்நடைகளை அழிக்க துடிக்கும் மேற்கத்திய சதி” என்பதை சுற்றியிருந்தது. மூன்று வாதங்களிலும்  பொதுவாகயிருக்கும் “தமிழர்/தமிழக” என்ற சொல்லாடல் கவனத்துக்குக்குரியது. ஒரே வெங்காயம்,தக்காளி,இஞ்சி,பூண்டு,மிளகாய்,கொத்தமல்லி தூள்,உப்பு வைத்து சமைக்கபடும் பதார்த்தங்கள் கொங்கு நாட்டு சமையல் என்றும், செட்டிநாடு சமையல் என்றும், நாடார் சமையல் என்றும் வெவ்வேறு பெயர்களில் அழைப்பதை நாம் அறிவோம்.  நமது தாய்  செய்யும் ரசமே இன்று ஒரு மாதிரியும் நாளை ஒருமாதிரியும் இருக்கிறது. இப்படி இருக்க எதோ ஒரு பிராந்தியத்தில் ஒரு சாதியினர் சமைக்கும் பதார்த்தம் எல்லா வீடுகளிலும் ஒரே சுவையோடு standard operating procedure கொண்டு இருப்பதைபோன்றும், என்னவோ red wine, asparagus, thyme,rosemary போன்ற வித்தியாசமான ingredients பயன்படுத்தி தமிழகத்தில் இருக்கும் ஒவ்வொரு சாதியும் சமைப்பதைபோன்றும் திங்கும் சோற்றுக்கே வட்டார/சாதிய லேபிளோடு உலாவ விட கூடிய “தமிழர்”, ஏன் சல்லிக்கட்டு போராட்டத்தில் டக்கென்று சீமானை போல “நாம் தமிழர்” என்று எல்லோரும் ஒன்றாக கைகள் உயர்த்தினார்கள்? பின்னால் இதைப்பற்றி பேசுவோம்.

அதற்கு முன்பு வீரம்(valour) என்றால் என்ன ? ஆங்கில டிக்ஸ்னரி தரும் விளக்கம் “ஆபத்தான நேரத்தில்/இடத்தில வெளிப்படும் தைரியம்”. நூற்றுக்கணக்கான பேர் கரோ  முரோ என்று கத்தி கொண்டு கூடி நிற்க, ஒற்றையாளாக அந்த ஆபத்தை சந்திக்க வெளிப்படும் காளையினுடையது வீரமா அல்லது மிரண்டு ஓடும் அந்த காளையின் பக்கவாட்டில் வம்படியாக எகிறி குரங்கு சேஷ்டை செய்து சில நொடிகள் தொங்கிவிட்டு விடுவதோ,இதற்கிடையில் கொம்பில் குத்துவாங்குவதும், குத்துவாங்குவதை தவிர்க்க தரையில் விழுந்து புரள்வதும் வீரமா? தமிழருக்கு “வீரத்தின்” மீது அப்படி என்ன ஒரு பிடிப்பு பற்று சிலிர்ப்பு? இந்த சிலிர்ப்பு ஏன் அறிவின் மீதோ நீதியின் மீதோ, சமத்துவத்தின் மீதோ, ஜனநாயகத்தின் மீதோ ஏற்படுவதில்லை? எந்த பெயர்/வினை  சொல்லாகயிருந்தாலும் முன்னாடி வீரத்தை சேர்த்து கொள்வது என்ன மாதிரியான மன நோய் ? வீர வன்னியர், வீர மறவர், வீர கவுண்டர் என்று விளிப்பதிற்கு பதில்  ஏன் அறிவு வன்னியர் என்றோ,  நீதி தேவர் என்றோ, சமத்துவ கவுண்டர் என்றோ அடைமொழி இட்டுக்கொள்வது அவர்களுக்கு ஒரு கிளுகிளுப்பாக இல்லை? anyway இட்லியில் பொடி தொட்டு சாப்பிடுவர்கள் கூட வீர இட்லி பொடி சாப்பிடுவோர் சாதி என்று பிதற்றும் நம் ஊரில் குரங்கு வித்தை வீர விளையாட்டு என்று நம்பப்படுவதில் ஆச்சரியம் இல்லை.

உண்மையில் சல்லிக்கட்டு விளையாட்டு ஒரு பொழுதுபோக்கு சார்ந்த சாகச விளையாட்டு. சல்லிக்கட்டு போலவே ஸ்பெயினிலும், மெக்ஸிக்கோவிலும், போர்ச்சுகல் போன்ற நாடுகளிலும் நடக்கும் bull fight அப்படித்தான் அந்த நாடுகளில் பார்க்கப்படுகிறது/அணுகப்படுகிறது/முன்னிறுத்தப்படுகிறது. பஸ்சில் ஓடிவந்து ஏறுவதும், கிட்னி guard போடாமல் தெருவோர கிரிக்கெட்டில் ஸ்வீப் ஷாட் முயற்சிப்பதும், எக்ஸாமில் பிட் அடிப்பதும் என்று சின்ன சின்ன சாகசங்களும் , ஸ்கை டைவிங், பங்கி ஜம்ப் போன்றான கொஞ்சம் பெரிய சாகசங்களையும் போல bull  fight என்பது ஒரு நிகழ்த்து சாகச கலை.எப்படி பஸ்சில் ஓடி வந்து ஏறும் சாகசம் ஒரு போதும் வீரம் என்ற வகைமைக்குள் வராதோ அதே போல காளை மாட்டின் மீது ஜம்பிங் செய்வதும் வீரம் என்ற வகைமைக்குள் வராது. ஆனால் காட்டுமிராண்டி கூட்டம் கூடி நின்று திகுலூட்டிய பின்னாலும் தைரியமாக ஒற்றையாளாக களமாடும் காளையின் வீரம் போற்றுதலுக்குக்குரியது.

Global Association of International Sports Federations அளித்திருக்கும் விளக்கத்தின்படி/வரையரையின்படி ஒரு விளையாட்டு என்பது மனித உடல் வலிமை சார்ந்தோ/மூளை சார்ந்தோ/வாகனங்கள் சார்ந்தோ/விலங்குகள் சார்ந்தோ
1) போட்டியிடுதலுக்கான/போட்டிக்கான வாய்ப்பிருக்கவேண்டும்
2) உயிருள்ளவை எதற்கும் தீங்கிழைக்கா தன்மை கொண்டிருக்க வேண்டும்
3) ஒரே ஒரு குறிப்பிட்ட நபரோ/நிறுவனமோ அளிக்கும் உபகரணங்களை சார்ந்திருக்காமல் இருக்க வேண்டும்
4) “அதிர்ஷ்டம்” சார்ந்த எந்த காரணிகளும் அந்த விளையாட்டின் ஒரு பகுதியாக இருக்க கூடாது. மேல் சொன்ன வரையரையின்படி சல்லிக்கட்டில் இரண்டு இளைஞர்கள் கலந்து கொள்கிறார்கள் என்றால் அவர்களுக்கிடையில் போட்டியிடுதலுக்கான வாய்ப்பு என்ன? ஒரு இளைஞன் 90 கிலோவும் 6.5 அடி உயரமும் இருக்கிறார் என்றால் இன்னொருவர் 100 கிலோ 5 அடி உயரமும் இருக்கிறார். ஒரு காளை வெளிவந்தவுடன் நான்கைந்து பேர் அந்த 100 கிலோ இளைஞர் முதற்கொண்டு அதன் மீது தாவ வழுக்கி ஓடும் காளையின் மேல் நல்ல வசதியாக கிடைத்த ஒரு வாய்ப்பை பயன்படுத்தி 6.5 அடி இளைஞர் நான்கைந்து வினாடி தொங்கிவிட்டால் அவர் வெற்றிபெற்றவர் என முடிவு செய்யும் ஒரு விளையாட்டு கோமாளிகளின் விளையாட்டா இல்லையா? பாக்ஸிங் போல உயரம் எடை எல்லாம் பார்த்தா வீரர்கள் களமிறக்க படுகிறார்கள்? ஒட்டப்பந்தயத்தை போல குலுக்கல் முறையில யார் எங்கு நிற்பது என்று முடிவெடுத்தா வாடிவாசலில் ஆட்கள் நிறுத்த படுகிறார்கள்?

சரி இரண்டாவது விதியான “உயிருள்ளவை எதற்கும் தீங்கிழைக்கா தன்மை கொண்டிருக்க வேண்டும்” என்ற விதியையாவது சல்லிக்கட்டு மீட் செய்கிறதா என்றால் அதுவும் இல்லை. 155 கிராம் எடையுள்ள பந்து அடித்துவிடக்கூடாது என்று உடல் முழுவதும் கவசங்கள் அணிந்து விளையாடும் கிரிக்கெட் விளையாட்டா அல்லது மிரண்டு ஓடும் காளை மாட்டை சீண்டி குடல் கிழிந்து 20 வயது இளைஞர்கள் செத்து போகிறார்களே அது விளையாட்டா? 2 ஆயிர வருடத்திற்கு  மேலான பழக்கம் என்று பெருமை படும் சான்றோர் 2 ஆயிரம் ஆண்டுகள் ஆகியும் ஒரு அடிப்படை பாதுகாப்பான மௌத் கார்ட், கிட்னி  கார்ட், தலைக்கவசம் குறைந்தபட்சம் ஜட்டிக்குள் வைக்கப்போரை சொருகி செல்ல கூட தோன்றாமல் பதின்வயதின் தின்னத்திலும், போலி கற்பிதங்களை நம்பியும் மாட்டிடம் இளைஞர்கள் குத்துவாங்கும், இது ஒரு விளையாட்டா? பாக்ஸிங் போன்ற,f 1 போன்ற விளையாட்டில் ஈடுபடுபவர்கள் அதற்கென கடுமையான பயிற்சி எடுத்து, தங்களது திறனை நிருபித்து, அதெற்கென உள்ள அமைப்புகளிடம் லைசென்ஸ் வாங்கி பின்புதான் போட்டிகளில் தகுந்த பாதுகாப்பு கவசங்களோடு, கடுமையான விதிகளுக்கு உட்பட்ட போட்டிகளில் பங்கேற்கிறார்கள். இதுபோன்ற எதாவது ஒரு விஷயம் “வீர விளையாட்டு” சல்லிக்கட்டில் காணக்கிடைக்கிறதா? சல்லிக்கட்டு விளையாட்டு என்று வாதிட்டால் நரபலி கொடுப்பதும் கூட ஒரு விளையாட்டு தான்.

திடிரென்று வீர விளையாட்டு சல்லிக்கட்டின் மேல் பற்று ஏற்பட்டு பொங்கிய தமிழ் பியர்களை கேட்கிறேன். உங்களுக்கு பிடித்த சல்லிக்கட்டு வீரர்கள் ஒரு 5 பேர் பேரை சொல்லுங்கள். அவர்கள் எத்தனை வருடமாக காளை பிடிக்கிறார்? எத்தனை காளை பிடித்திருக்கிறார்கள் ? அவர்களுடைய game technique என்ன? சல்லிக்கட்டு வீரர்கள் குறித்தான எதாவது ranking method அல்லது statistics எங்காவது கிடைக்குமா? தமிழகத்தின் சிறந்த சல்லிக்கட்டு வீரர் என்று கடந்த 2 ஆயிரம் வருடத்தில் அறியப்படுபவர் யார்? அவருடைய பிள்ளைகள் இப்போது என்ன செய்து கொண்டிருக்கிறார்கள்? சல்லிக்கட்டு வீரர்களுக்கு அரசு வேலைவாய்ப்பில் இடமளிக்க வேண்டும் என்று ஏன் யாரும் இன்றுவரை கோரிக்கை வைக்கவில்லை/போராடவில்லை? jallikattu federation of tamilandu 2 ஆயிரம் ஆண்டுகளில் ஏன் உருவாகாமல் போனது? தமிழர்கள் அனைவரும் தக்காளி எங்க வீர விளையாட்டு பார்த்துக்கோ என்று பொங்கும் போது ஏன் ஒரு 5 சல்லிக்கட்டு வீரர்களின் பெயர்கள் கூட 90 சதவீதமானவர்களுக்கு தெரியவில்லை? 5 விளையாட்டு வீரர் பெயர் கூட தெரியாத விளையாட்டின் மேல் ஏன் இந்த முரட்டுத்தனமான பற்று? ஏன் எல்லா அங்கீகரிக்கப்பட்ட விளையாட்டுகளிலும் பெண்களின் பங்கேற்பு இருக்கும் போது சல்லிக்கட்டில் பெண்கள் பங்கேற்பு இல்லை? மெக்ஸிகோவிலும் ஸ்பெயினிலும் பெண்கள் காளைகளை அடக்கும்பொழுது ஏன் ஏறுகளை தமிழ் பெண்கள் குறைந்தபட்சம் தழுவக்கூடாதா? சல்லிக்கட்டு விளையாட்டை ஏன் ஒரு விளையாட்டு அங்கீகாரத்திற்கு நம்மால் நகர்த்த முடியவில்லை? குறைந்தப்பட்சம் ஆசிய விளையாட்டிலாவது சேர்க்க முடியுமா? சல்லிக்கட்டு பயிற்சி மையங்கள் அமைத்தால் கராத்தே கிளாஸ் அனுப்புவது போல கிரிக்கெட் பயிற்சி அனுப்புவது போல உங்களுடைய பிள்ளைகளை அனுப்புவீர்களா? மேலிருக்கும் கேள்விகளில் ஒன்றிரண்டு கேள்விகளாவது உங்களுக்கு நியாமான கேள்விகள் என்று தோன்றினால் அவற்றிற்கான விடை உங்களுக்கு தெரியுமா என்று யோசியுங்கள். உங்களுக்கு விடை தெரியவில்லை என்றால் நீங்கள் எதன் அடிப்படையில் சல்லிக்கட்டு தமிழர் “விளையாட்டு” என்று உரிமை கோறுகிறீர்கள்.

ஸ்டாலின் பாணியில் சொன்னால் “ஆக சல்லிக்கட்டில் வீரமும் இல்லை விளையாட்டும் இல்லை”.

ப. ஜெயசீலன், சமூக – அரசியல் விமர்சகர்.

 

https://thetimestamil.com/2018/01/18/சல்லிக்கட்டு-போராட்டம்/

Categories: Tamilnadu-news

"தமிழ்த் தாய் வாழ்த்துக்கு"   மரியாதை தராத விஜயேந்திரர்... தமிழ் ஆர்வலர்கள் கொந்தளிப்பு. 

Wed, 24/01/2018 - 18:42

வழக்குப்பதிவு செய்யனும்

"தமிழ்த் தாய் வாழ்த்துக்கு"   மரியாதை தராத விஜயேந்திரர்... தமிழ் ஆர்வலர்கள் கொந்தளிப்பு. 

சென்னை: சென்னையில் நூல் அகராதி வெளியீட்டு விழாவில் தமிழ்தாய் வாழ்த்து இசைக்கப்பட்ட போது காஞ்சி இளைய மடாதிபதி விஜயேந்திரர் எழுந்து நிற்காமல் அமர்ந்திருந்தது பெரும் சர்ச்சையை ஏற்படுத்தியுள்ளது. சமூக வலைத்தளங்களில் விஜயேந்திரருக்கு எதிராக தமிழ் ஆர்வலர்கள் கருத்துக்களை பதிவிட்டு வருகின்றனர்.

பேராசிரியர் ஹரிஹரன் எழுதிய தமிழ்- சமஸ்கிருதம் அகராதி நூல் வெளியீட்டு விழா நடைபெற்றது. ஆளுநர் பன்வாரிலால் புரோகித் நூலை வெளியிட்டார். விழாவின் போது தொடக்கத்தில் தமிழ்தாய் வாழ்த்து இசைக்கப்பட்டது. அப்போது ஆளுநர் உடபட அனைவரும் எழுந்து நின்று மரியாதை செய்தனர்.

இதில் பங்கேற்ற காஞ்சி இளைய மடாதிபதி விஜயேந்திர சரஸ்வதி மட்டும் எழுந்து நிற்காமல் தனது இருக்கையில் உட்கார்ந்திருந்தார். விழா முடிந்ததும் தேசிய கீதம் இசைக்கும்போது மட்டும் விஜயேந்திரர் எழுந்து நின்று மரியாதை செய்தார்.

விஜயேந்திரரின் செயல் அங்கிருந்தவர்களை அதிர்ச்சி அடையச் செய்தது. தமிழ்தாய் வாழ்த்து என்ன அவ்வளவு அவமானமானதா என அங்கிருந்த தமிழ் ஆர்வலர்கள் கொந்தளித்தனர். தமிழை அவமரியாதை செய்த விஜயேந்திரர் மன்னிப்புக் கேட்க வேண்டும் என வலியுறுத்தினார்.

தமிழ்த்தாய் வாழ்த்தை அவமதித்த செயல் கடும் கண்டனத்திற்குறியது என்று பதிவிட்டுள்ளார் ஒருவர். விஜயேந்திரரின் செயல் குறித்து அங்கிருந்த எச். ராஜாவிடம் கருத்து கேட்ட போது அவர் கருத்து கூறாமல் சென்றுவிட்டாராம்.

மேடையில் இன்னொரு மேடை!!! பிரிவினையின் உச்சம் ! இந்த மாதிரி ஆட்களையும் நம்பி ஒரு கூட்டம். வெட்கக்கேடு #TamilThaiVazhatu என்று பதிவிட்டுள்ளார் ஒரு வலைஞர். தமிழுக்கு அவமரியாதை செய்வதா என்றும் கேட்டுள்ளனர்.

தற்ஸ்  தமிழ்.

Categories: Tamilnadu-news