தமிழகச் செய்திகள்

ஆர்.கே.நகரில் ரவுடிகள் குவிப்பு கலவரம் வெடிக்கும் அபாயம்

Tue, 28/03/2017 - 20:15
ஆர்.கே.நகரில் ரவுடிகள் குவிப்பு
கலவரம் வெடிக்கும் அபாயம்
 
 
 

ஆர்.கே.நகர் தொகுதியில், இரு சமூகத்தைச் சேர்ந்த ரவுடிகள், சசிகலா மற்றும் பன்னீர் அணி ஆதரவாளர்கள் என்ற போர்வையில் குவிக்கப்பட்டு உள்ளனர். தேர்தல் நாளன்று, அவர்களுக்குள் மோதல் உருவாகி, கலவரம் வெடிக்கும் அபாயம் உள்ளது என, தமிழக அரசுக்கும், போலீசுக்கும், மத்திய உளவுத் துறை எச்சரிக்கை விடுத்துள்ளது.

 

Tamil_News_large_174016120170329001624_318_219.jpg

ஆர்.கே.நகர் சட்டசபை தொகுதியில், ஏப்., 12ல் இடைத்தேர்தல் நடைபெற உள்ளது. சகிகலா அணி சார்பில் தினகரன்; பன்னீர் அணி சார்பில் மதுசூதனன் போட்டியிடுகின்றனர்.இத் தொகுதி யில், முக்குலத்தோர் சமுதாயத்தினருக்கு, 10 ஆயிரம் ஓட்டுகள் உள்ளன. அதில், மறவர் சமுதாயத்தைச் சேர்ந்தவர்களின் ஓட்டுகள், 6,000; அகமுடையார், 2,000; கள்ளர், 2,000 ஓட்டுகள் உள்ளன. இந்த ஓட்டுகளை பெற, இரு தரப்பினரும் பகீரத முயற்சில் ஈடுபட்டுள்ளனர்.

தேர்தல் பிரசாரத்தில், பன்னீர் அணிக்கு, பொது மக்களிடம் அமோக வரவேற்பு கிடைத்து வருகிறது. தினகரனுக்கு பணம் கொடுத்து, ஆட்கள் அழைத்து வரப்படுகின்றனர்.
 

கள்ள ஓட்டு:


தேர்தலில், வாக்காளர்களுக்கு பணம் கொடுக்க திட்டமிட்டு உள்ளனர். பணத்தை பெற்றுக் கொண்டு, ஓட்டுப் போடாமல் இருந்துவிட்டால் சிக்கல் ஏற்படும்.இதை தவிர்க்க, ரவுடிகள் உதவியுடன், ஓட்டுச்சாவடிகளை கைப்பற்றி, கள்ள ஓட்டு போட திட்டமிட்டுள்ளதாக கூறப்படுகிறது.

இதற்காக, காவிரி டெல்டா மாவட்டங்களில் இருந்து, குறிப்பிட்ட சமூகத்தைச் சேர்ந்த ரவுடிகள், அமைச்சர் ஒருவரின் ஆசியோடு, சென்னைக்கு அழைத்து வரப்பட்டுள்ளனர். அவர்கள் அனை வரும், சசிகலாவின் ஆதரவாளர்கள் என்ற போர்வையில், வீடுகளை வாடகைக்கு எடுத்து தங்கியுள்ளனர்.

இந்த தகவல் பன்னீர் அணிக்குதெரிய வந்ததும், முன்னாள் அமைச்சர் ஒருவரின் ஏற்பாட்டில், தென் மாவட்டங்களைச் சேர்ந்த, மற்றொரு சமூகத்தைச் சேர்ந்த ரவுடி கள், சென்னைக்கு வரவழைக்கபட்டு உள்ளனர். இரு அணிகளின் ரவுடிகளும், கட்சியினர் போர்வையில், ஆர்.கே.நகர் தொகுதியில் முகாமிட்டு உள்ளனர். தேர்தல் அன்று, ரவுடிகளை

 

களத்தில் இறக்கி, பொதுமக்கள் ஓட்டுப் போட விடாமல் செய்து, கள்ள ஓட்டுப் போட திட்டமிட்டு உள்ளனர்.

நடவடிக்கை தேவை


இரு அணியினரும் களத்தில் குதிக்கும் போது, மோதல் ஏற்படுவதுடன், கலவரம் வெடிக்கும் அபாயம் உருவாகி உள்ளது. எனவே, ரவுடி களை போலீசார் தேடி பிடித்து, உடனடி யாக சென்னையை விட்டு வெளியேற்ற வேண்டும். சட்டம் - ஒழுங்கை பாதுகாக்க, போலீஸ் அதி காரிகள் உரிய நடவடிக்கை எடுக்க வேண்டும் என, மாநில போலீசாருக்கு, மத்திய உளவுத் துறை எச்சரிக்கை விடுத்துள்ளதாக, தகவல் வெளியாகி உள்ளது.
- நமது நிருபர் -

http://www.dinamalar.com/news_detail.asp?id=1740161

Categories: Tamilnadu-news

‘‘அக்காவுக்கு துரோகம் செய்தவர்களை.....?!" சசிகலா மன்னிப்பு கேட்ட நாள் இன்று

Tue, 28/03/2017 - 17:44
‘‘அக்காவுக்கு துரோகம் செய்தவர்களை.....?!" சசிகலா மன்னிப்பு கேட்ட நாள் இன்று

சசிகலா

ஜெயலலிதாவின் ஆட்சியை சசிகலா குடும்பம் இப்போது பங்கு போட்டுக்கொண்டிருக்கிறது. 2011-ம் ஆண்டிலும் இதேபோல சதித் திட்டம் தீட்டப்பட்டதால் சசிகலா உள்பட அவரது குடும்பத்தினரைக் கட்சியில் இருந்து ஜெயலலிதா கட்டம் கட்டினார். 2011 டிசம்பர் 19-ம் தேதி இது அரங்கேறியது. மூன்று மாதங்களில் சசிகலாவை மட்டும் ஜெயலலிதா சேர்த்துக்கொண்டார். அந்த நேரத்தில், அதாவது 2012 மார்ச் 28-ம் தேதி சசிகலா வெளியிட்ட அறிக்கை, அரசியல் முக்கியத்துவம் வாய்ந்தது. ‘'அரசியல் ஆசை இல்லை... கட்சிப் பதவிக்கு வர விரும்பவில்லை... எம்.பி. எம்.எல்.ஏ-வாக வேண்டும் என்ற எண்ணம் இல்லை... அமைச்சர் பதவி வேண்டாம்'' என்றெல்லாம் அந்த அறிக்கையில் உருகிய சசிகலா, சொன்னது அத்தனையும் பச்சைப் பொய்கள். அறிக்கையில் ஜெயலலிதாவுக்காகச் சொன்ன ஒன்றைக்கூட நிறைவேற்றாமல் சசிகலா இன்று துரோகத்தைச் செய்திருப்பது காலத்தின் கோலம். 

சரியாக ஐந்தாண்டுகளுக்கு முன்பு, இதே மார்ச் மாதத்தில் வெளியிடப்பட்ட அந்த அறிக்கை அப்படியே ரிப்பீட்! 

''கடந்த மூன்று மாத காலமாகப் பலதரப்பட்ட பத்திரிகைகளில் என்னைப் பற்றிய பலவிதமான செய்திகள் தொடர்ந்து வந்துகொண்டிருப்பதால், இந்த அறிக்கையை வெளியிட வேண்டிய கட்டாயம் எனக்கு ஏற்பட்டுள்ளது. 1984-ம் ஆண்டில் முதன்முறையாக அக்காவை நான் சந்தித்தேன். அதன் பின்னர் எங்களுக்குள் நட்பு வளர்ந்தது. அவரும், என்னைத் தனது தங்கையாக ஏற்றுக்கொண்டார். 1988-ம் ஆண்டிலிருந்து அக்காவின் போயஸ் கார்டன் இல்லத்திலேயே அவருடன் வசித்துவந்தேன். அ.தி.மு.க-வின் பொதுச்செயலாளராகவும், தமிழகத்தின் முதல்வராகவும் இரவு பகல் பாராமல் கடுமையாக உழைத்து வந்த அக்காவின் பணிச்சுமையை ஓரளவுக்காவது குறைக்கும் வகையில் அவருக்கு உதவியாக இருந்து என்னால் இயன்ற பணிகளைச் செய்யவேண்டும் என்றுதான் விரும்பினேனே தவிர, வேறு எந்தவிதமான எண்ணங்களும் எனக்கில்லை. போயஸ் கார்டன் இல்லத்தில் அக்காவுடன் இருந்தவரை, வெளியில் என்ன நடக்கிறது என்பது குறித்து ஓரளவுக்குத்தான் தெரிந்ததே தவிர, முழு விபரம் தெரியவில்லை. 24 ஆண்டுகள் அக்காவுடன் ஒரே வீட்டில் வாழ்ந்துவந்த நான், கடந்த டிசம்பர் மாதம் (2011 டிசம்பர்) அவரைப் பிரிந்து வீட்டைவிட்டு வெளியே வந்து வேறு இடத்தில் வசிக்கவேண்டிய சூழ்நிலை உருவான பின்னர்தான் நடந்த உண்மைகள் முழுமையாக எனக்குத் தெரியவந்தன.

கடந்த டிசம்பர் மாதம் அக்கா மேற்கொண்ட சில ஒழுங்கு நடவடிக்கைகளுக்குப் பிறகுதான் அதற்கு என்ன காரணம், அதன் பின்னணி என்ன என்பதெல்லாம் எனக்குத் தெரியவந்தது. என்னுடைய உறவினர்கள் மற்றும் நண்பர்கள் சிலர், நான் அக்காவுடன் ஒரே வீட்டில் வாழ்ந்து வந்ததை அடிப்படையாகவைத்து எனது பெயரைத் தவறாகப் பயன்படுத்திச் சில விரும்பத்தகாதச் செயல்களில் ஈடுபட்டனர் என்பதையும், அதனால் கட்சிக்குப் பாதிப்புகள் ஏற்படுத்தப்பட்டன என்பதையும் அவர்களின் தவறான நடவடிக்கைகளால் பல குழப்பங்கள் உண்டாக்கப்பட்டன என்பதையும், கட்சியின் நற்பெயருக்குக் களங்கம் விளைவிக்கப்பட்டது என்பதையும், அக்காவுக்கே எதிரான சில சதித் திட்டங்கள் தீட்டப்பட்டன என்பதையும் அறிந்தபோது நான் பெரிதும் அதிர்ச்சியுற்றேன்; மிகுந்த வேதனை அடைந்தேன்.

தந்தியில் வந்த செய்தி

இவை எல்லாம் எனக்கே தெரியாமல் நடந்தவை என்பதுதான் உண்மை. அக்காவைச் சந்தித்த நாள் முதல் அவர் நன்றாக இருக்க வேண்டும் என்றுதான் ஒவ்வொரு வினாடியும் நான் நினைத்திருக்கிறேனே தவிர, கனவிலும் அக்காவுக்கு நான் துரோகம் நினைத்ததில்லை. என்னுடைய உறவினர்கள், நண்பர்கள் என்று சொல்லிக்கொண்டு அக்காவுக்கு எதிரான நடவடிக்கைகளில் ஈடுபட்டவர்கள் செய்தது மன்னிக்க முடியாத துரோகம். அக்காவுக்குத் துரோகம் புரிந்தவர்கள் யாராக இருந்தாலும், அவர்கள் எனக்கு வேண்டாதவர்கள்தான். இவ்வாறு அக்காவுக்கு எதிரான நடவடிக்கைகளில் ஈடுபட்டு அவருக்குத் துரோகம் புரிந்தவர்களுடனான தொடர்புகளை நான் துண்டித்துவிட்டேன். அக்காவுக்குத் துரோகம் செய்தவர்கள் யாராக இருந்தாலும் இனிமேல் அவர்களுடன் எனக்கு எந்தவித ஒட்டுமில்லை; உறவுமில்லை.

என்னைப் பொறுத்தவரை அரசியலில் ஈடுபட வேண்டும் என்றோ, கட்சியில் பெரிய பொறுப்பு வகிக்க வேண்டும் என்றோ, சட்டமன்ற, நாடாளுமன்ற உறுப்பினர் ஆகவேண்டும் என்றோ, அமைச்சர் பதவியை அடைய வேண்டும் என்றோ, ஆட்சியில் பங்கேற்க வேண்டும் என்றோ எனக்குத் துளியும் ஆசையில்லை. பொது வாழ்வில் பங்கு பெறவேண்டும் என்ற விருப்பமும் இல்லை. அக்காவுக்கு உண்மையான தங்கையாக இருக்கவே நான் விரும்புகிறேன். என் வாழ்க்கையை ஏற்கெனவே அக்காவுக்கு அர்ப்பணித்துவிட்டேன். இனியும் எனக்கென வாழாமல், அக்காவுக்காக என்னால் இயன்ற அளவுக்கு பணி செய்து அக்காவுக்கு உதவியாக இருக்கவே நான் விரும்புகிறேன்''.

அவ்வளவுதான் அறிக்கை. இதை ஏற்று மார்ச் 31-ம் தேதி சசிகலாவை மட்டும் கட்சியில் சேர்த்துக்கொண்ட ஜெயலலிதா, ‘'நடராசன், திவாகரன், தினகரன், பாஸ்கரன், சுதாகரன், டாக்டர் வெங்கடேஷ், ராமச்சந்திரன், ராவணன், மோகன், குலோத்துங்கன், ராஜராஜன், மகாதேவன், தங்கமணி, கலியப்பெருமாள், பழனிவேலு, தோட்டக்கலை கிருஷ்ணமூர்த்தி, சந்தானலட்சுமி, சுந்தரவதனம், வைஜெயந்தி மாலா ஆகியோர் மீதான ஒழுங்கு நடவடிக்கையில் எந்த மாற்றமும் இல்லை'’ என்று சொன்னார். 

'‘அக்காவுக்குத் துரோகம் செய்தவர்களுடன் தொடர்புகளைத் துண்டித்துவிட்டேன். அவர்களுடன் எனக்கு எந்தவித உறவுமில்லை'' என்று சொன்ன சசிகலாதான், அவர்களை மீண்டும் கட்சிக்குள் கொண்டுவந்துவிட்டு சமாதியில் சபதம் போடுகிறார். சபாஷ் சசிகலா!

http://www.vikatan.com/news/tamilnadu/84793-this-is-the-day-when-sasikala-apologised-to-jayalalithaa.html

Categories: Tamilnadu-news

ஜெயலலிதாவை ஒருதலையாக காதலித்தேன்: மனம் திறக்கிறார் சுப்ரீம் கோர்ட் முன்னாள் நீதிபதி

Tue, 28/03/2017 - 08:17
ஜெயலலிதாவை ஒருதலையாக காதலித்தேன்: மனம் திறக்கிறார் சுப்ரீம் கோர்ட் முன்னாள் நீதிபதி

 

பிரபல நடிகையாக இருந்தபோது ஜெயலலிதாவை ஒருதலையாக காதலித்ததாகவும் சென்னை ஐகோர்ட் நீதிபதியாக பதவி ஏற்ற நிகழ்ச்சியின்போது அவரை நேருக்கு நேராக பார்த்தபோதும் அவர் அழகாகவே காட்சி அளித்ததாகவும் சுப்ரீம் கோர்ட் முன்னாள் நீதிபதி ஒருவர் குறிப்பிட்டுள்ளார்.

 
 
 
 
 மனம் திறக்கிறார் சுப்ரீம் கோர்ட் முன்னாள் நீதிபதி
 
புதுடெல்லி:

ஜல்லிக்கட்டு நடத்த அவசர சட்டம் இயற்றுவது சுப்ரீம் கோர்ட்டின் உத்தரவை மீறும் செயலாகாது என முன்னர் சட்டரீதியாக விளக்கம் அளித்த சுப்ரீம் கோர்ட்டு முன்னாள் நீதிபதி மார்கண்டேய கட்ஜுவை சமூக வலைத்தளங்கள் மூலமாக தமிழக மக்கள் பாராட்டு மழையில் குளிப்பாட்டினர்.

தமிழக முன்னாள் முதல்வர் மறைந்த ஜெயலலிதா பற்றி தற்போது மறுபதிவு செய்துள்ள ‘மலரும் நினைவுகள்’ மென்மேலும் பாராட்டு மழையில் அவரை நனைவிக்குமா? அல்லது, ரத்தத்தின் ரத்தங்களின் கோபப் பார்வையால் காய்ச்சி எடுக்குமா?.. என்பதை பொறுத்திருந்துதான் பார்க்க வேண்டும்.

தமிழக முன்னாள் முதல்வர் ஜெயலலிதா மறைவின்போது இரங்கல் செய்தி வெளியிட்டிருந்த மார்கண்டேய கட்ஜு, அவரை வெகுவாக புகழ்ந்திருந்த நிலையில், தனது இளமைக் காலத்தில் ஜெயலலிதா மீது ஒருதலையாக காதல் கொண்டிருந்ததாக தற்போது குறிப்பிட்டுள்ளார்.

நாட்டில் நடைபெறும் அதிமுக்கியத்துவம் வாய்ந்த சம்பவங்கள் எதுவாக இருந்தாலும் அவ்வப்போது சமூக வலைத்தளங்களின் வாயிலாக தனது கருத்துகளை பதிவிட்டுவரும் மார்கண்டேய கட்ஜுவை பேஸ்புக்கில் 70 லட்சத்துக்கும் அதிகமான அபிமானிகளும் டுவிட்டரில் சுமார் 2 லட்சம் அபிமானிகளும் பின்தொடர்ந்து வருகின்றனர்.

இந்நிலையில் ஜெயலலிதாவை முன்னர் ஒருதலையாக காதலித்த ரகசியத்தை தனது 70-வது வயதில் வெளிப்படுத்தியுள்ள கட்ஜுவின் பதிவு தற்போது வைரலாக பரவி வருகிறது.

201703281220152873_katju-2._L_styvpf.gif

இதுதொடர்பாக அவர் வெளியிட்டுள்ள பேஸ்புக் பதிவில், ‘நான் 1946-ம் ஆண்டில் பிறந்தவன், ஜெயலலிதா 1948-ல் பிறந்தவர். சினிமாவில் பிரபலமாகி வந்த ஜெயலலிதா மீது எனது இளம் வயதில் ஒருவித ஈர்ப்பு ஏற்பட்டது. அவர்மீது நான் காதல் கொண்டிருந்தேன், இது அவருக்கு தெரியாது. அதனால், கைமாறு செய்யப்படாத ஒருதலை காதலாகவே அது இருந்தது.

சென்னை ஐகோர்ட்டின் தலைமை நீதிபதியாக நியமிக்கப்பட்ட பின்னர் 2004-ம் ஆண்டு நவம்பர் மாதம் சென்னை கவர்னர் மாளிகையில் நடைபெற்ற பதவி ஏற்பு விழாவின்போதுதான் முதன்முதலாக ஜெயலலிதாவை நான் நேரில் சந்தித்தேன்.
201703281220152873_mark._L_styvpf.gif
எனது இளமைக் காலத்தில் அவர்மீது நான் கொண்டிருந்த ஈர்ப்பைப் பற்றி தெரிவிப்பது நாகரிகமாக இருக்காது என்று கருதிய வேளையில், அப்போதும் அவர் அழகாகவே இருந்தார் என்பதை நான் கண்டேன்’ என்று குறிப்பிட்டுள்ளார்.

அவரது இந்த பதிவு தற்போது வைரலாக பரவி வருவதுடன் ஆயிரக்கணக்கான ‘லைக்’களையும், விமர்சனங்களையும் பெற்று வருகிறது. இந்த பதிவுடன் ஜெயலலிதா நடித்த பாடல் என்று ஒரு யூடியூப் லிங்கையும் அவர் பதிவிட்டுள்ளார்.

துரதிர்ஷ்டவசமாக அந்த லிங்க், ஜெயலலிதா நடிக்காத வேறொரு பாடலை நோக்கி நம்மை அழைத்து செல்கிறது.

http://www.maalaimalar.com/News/TopNews/2017/03/28122014/1076522/Markandey-Katju-had-a-crush-on-Jayalalitha.vpf

Categories: Tamilnadu-news

ஆர்.கே. நகரில் அள்ளி வீச ரூ.50 கோடி பணம்: தேர்தல் ஆணையம் அதிர்ச்சி

Tue, 28/03/2017 - 08:04
ஆர்.கே. நகரில் அள்ளி வீச ரூ.50 கோடி பணம்: தேர்தல் ஆணையம் அதிர்ச்சி

ஆர்.கே.நகரில் வாக்காளர்களுக்கு விநியோகிப்பதற்காக ரூ. 50 கோடி பணம் தயாராக இருப்பதும், கொட்டப்போகிறது பண மழை என்ற ரகசிய தகவலும் தேர்தல் ஆணையத்துக்கு தெரிய வந்துள்ளது.

 
 
 
 
 தேர்தல் ஆணையம் அதிர்ச்சி
 
சென்னை:

இடைத்தேர்தல் என்றாலே பணம்தான் என்று சொல்லும் அளவுக்கு ஓட்டுக்கள் விலை பேசப்படுவது தெரிந்ததுதான்.

பிரபலமாக பேசப்படும் திருமங்கலம் பார்முலாதான் பண விநியோகத்தை பரவலாக்கியது. அதன் பிறகு நடைபெற்ற தேர்தல்களில் ஓட்டுக்கு ஆயிரம், இரண்டாயிரம் என்று விலை கூடுதலாகவே நிர்ணயிக்கப்பட்டு வருகிறது.

ஓட்டுக்கு பணம் கொடுப்பதும் குற்றம். வாங்குவதும் குற்றம் என்று தேர்தல் கமி‌ஷன் சொல்லும் சட்டம் செல்லுபடியாவதில்லை.

50 ஓட்டுக்கு ஒரு பொறுப்பாளரை நியமித்து தேர்தல் பணியை செய்யும் அரசியல் கட்சிகள் மிக எளிதாக பணத்தை விநியோகித்து விடுகின்றன. அதை தடுப்பது அவ்வளவு சுலபமல்ல என்று தேர்தல் கமி‌ஷன் தனது இயலாமையை ஒத்துக் கொண்டுள்ளன.

ஒரே ஒரு தொகுதியில் நடக்கும் தேர்தலை கட்டுப்பாட்டுக்குள் வைத்து நடத்த முடியவில்லை என்றால் நிர்வாகம் செயலற்று போனதாகத்தான் மக்களால் கருதப்படும்.

201703281220205215_election-rk-nagar._L_

ஆர்.கே.நகரில் அரசியல் கட்சிகள் வீடு வீடாக கணக்கெடுக்கும் பணியை முடித்து விட்டனர். அவர்களில் எந்தெந்த கட்சியினர் எவ்வளவு பேர்? பணத்தால் எத்தனை பேரை மாற்ற முடியும்? என்ற கூடுதல் விபரங்களையும் சேகரித்து வைத்து இருக்கிறார்கள்.

வாக்காளர்களுக்கு விநியோகிப்பதற்காக ரூ.50 கோடி பணம் அரசியல் கட்சியினரிடம் தயாராக இருப்பதாக மாநில உளவுப் பிரிவு போலீசார் தகவல் அறிந்து உயர் அதிகாரிகளுக்கு தகவல் கொடுத்துள்ளார்கள்.

201703281220205215_rk%20money._L_styvpf.

ரூ.3 ஆயிரம் முதல் ரூ.5 ஆயிரம் வரை வாக்காளர்களுக்கு கொடுக்க திட்டமிட்டு இருப்பதாகவும் கூறப்படுகிறது.

குறைந்தபட்சம் 70 ஆயிரம் வாக்காளர்களை பணம் கொடுத்து வளைக்க முக்கியமான கட்சிகள் முடிவு செய்துள்ளன.

மொத்தம் 2 லட்சத்து 62 ஆயிரம் வாக்காளர்கள் இருக்கிறார்கள். இதில் 75 சதவீதம் வாக்குகள் பதிவாகும் என்று எதிர்பார்க்கிறார்கள். 70 ஆயிரம் வாக்குகள் பெறுபவர் வெற்றி வாகை சூடுவார்.

கட்சிகளுக்கு குறிப்பிட்ட சதவீதம் ஓட்டுகள் கிடைக்கும். அதற்கு மேல் ஒரு குறிப்பிட்ட சதவீதம் வாக்குகளை பெற்றுவிட்டால் வெற்றி பெற்றுவிடலாம் என்பதுதான் இந்த கட்சிகள் போடும் கணக்கு. அதற்காகத்தான் குறிப்பிட்ட சதவீத வாக்காளர்களை பணத்தை கொடுத்து கணக்கு பண்ணுகிறார்கள்.

சாமானிய மக்கள் பலர் பணத்தை எதிர்பார்க்கும் மனநிலையிலேயே இருக்கிறார்கள். யார் எவ்வளவு தருவார்கள் என்ற எண்ணம் அவர்களிடம் இருக்கத்தான் செய்கிறது. ஒரு வீட்டில் 5 ஓட்டுகள் இருந்தால் குறைந்தபட்சம் 25 ஆயிரம் வரை கிடைப்பதாக இருந்தால் சாதாரண ஏழைகள் எப்படி மறுப்பார்கள்?

கண்டிப்பாக பணம் கொடுப்பார்கள் என்பதும், ரூ. 50 கோடி பணம் தயாராக இருக்கிறது என்பதும், கொட்டப்போகிறது பண மழை என்ற ரகசிய தகவலும் தேர்தல் ஆணையத்துக்கு தெரிந்து விட்டது.

நான் கொடுக்கிறேன். நீ தடுத்துப் பார் என்ற ரீதியில் கட்சிகள் களம் இறங்கி இருக்கின்றன. தேர்தல் ஆணையத்தால் தடுக்க முடியுமா? என்பதுதான் இப்போதைய சூடான விவாதமாகி இருக்கிறது.

http://www.maalaimalar.com/News/TopNews/2017/03/28122019/1076523/RK-Nagar-constituency-Rs-50-crore-money-ready-to-supply.vpf

Categories: Tamilnadu-news

வெள்ளம் வந்தபோது யாரும் வரவில்லையே’- டிடிவி தினகரனை முற்றுகையிட்ட மக்கள்

Tue, 28/03/2017 - 07:16
வெள்ளம் வந்தபோது யாரும் வரவில்லையே’- டிடிவி தினகரனை முற்றுகையிட்ட மக்கள்

 

 
  •  எல்.சீனிவாசன்.
    அதிமுக தலைமைக் கழகத்தில் டிடிவி தினகரன் | கோப்புப் படம்: எல்.சீனிவாசன்.
  • ஆர்.கே.நகர் தொகுதிக்குட்பட்ட கொடுங்கையூர் எழில் நகரில் ஆட்டோவில் சென்று வாக்குசேகரித்த அதிமுக (அம்மா) வேட்பாளர் டிடிவி தினகரன்.
    ஆர்.கே.நகர் தொகுதிக்குட்பட்ட கொடுங்கையூர் எழில் நகரில் ஆட்டோவில் சென்று வாக்குசேகரித்த அதிமுக (அம்மா) வேட்பாளர் டிடிவி தினகரன்.
 

ஆர்.கே.நகர் தொகுதி அதிமுக அம்மா கட்சி வேட்பாளர் டிடிவி தினகரன், கொடுங்கையூர் எழில் நகர் பகுதியில் நேற்று பிரச்சாரத் தில் ஈடுபட்டார். அவருடன் அமைச் சர்கள் திண்டுக்கல் சீனிவாசன், பா.பெஞ்சமின் உள்ளிட்டோர் வீடு வீடாகச் சென்று வாக்கு சேகரித் தனர்.

அப்போது பெண்கள் சிலர் தினகரனை முற்றுகையிட்டு, ‘‘வெள்ளத்தின்போது எங்கள் உடை மைகள் உட்பட ரூ.1 லட்சத்துக்கும் அதிகமான மதிப்புடைய பொருட் கள் அழிந்தன. ஆனால், எங்க ளுக்கு அரசின் நிவாரணம் ரூ.5 ஆயிரம்கூட கிடைக்கவில்லை. எங்க ளுக்கு ஆறுதல் கூறக் கூட கட்சிக் காரர்கள் யாரும் வர வில்லை’’ என கோபமாகக் கூறினர். அவர்களை தினகரனுடன் வந்தவர்கள் சமாதானப்படுத்த முயன்றனர்.

குடிசை பகுதி மக்கள்

பின்னர், ஆட்டோவில் பிரச்சாரம் செய்த தினகரனை அப்பகுதி குடிசைவாசிகள் வழிமறித்து, ‘‘ஜெயலலிதா மருத்துவமனையில் அனு மதிக்கப்பட்ட பிறகு, எங்களை யாரும் கண்டுக்கொள்ளவில்லை. எங்களுக்கு குடிசைமாற்று வாரிய குடியிருப்பு கொடுப்பதாக ஜெய லலிதா உறுதி அளித்திருந்தார். அதற்கான கோப்புகளும் தயார் செய்யப்பட்டன.

முதல்வர் மறைவுக்குப் பிறகு அந்த திட்டம் கிடப்பில் போடப்பட்டுள்ளது’’ என்றனர். ‘‘ஜெயலலிதா அறிவித்த திட்டத்தை முடித்துக் கொடுக்கிறேன்’’ என தினகரன் உறுதியளித்தார்.

பின்னர் நிருபர்களிடம் தினகரன் கூறியதாவது:

இந்த தொகுதியில் உள்ள பொதுமக்கள், ஜெயலலிதாவிடம் 57 ஆயிரம் கோரிக்கை மனுக்களைக் கொடுத்துள்ளனர். அதன் மீது உரிய நடவடிக்கை எடுப்பேன். சொந்தமாக வீடு வேண்டும் என்று பலர் கோரிக்கை விடுத்துள்ளனர். இன்னும் 4 ஆண்டுகள் ஆட்சியில் இருப்போம். அதனால், அவர் களின் கோரிக்கைகளை நிறை வேற்றுவோம்.

பொதுமக்களுக்கு இடையூறாக உள்ள கொடுங்கையூர் குப்பை மேட்டை, சுற்றுச்சூழல் பாதிக்காத வகையில் அகற்றி, அங்கு குடி யிருப்பு, பூங்காக்களை கட்டித் தருவேன். அதிக இளைஞர்கள் உள்ள தொகுதி என்பதால் தொடர்ந்து வேலைவாய்ப்பு முகாம் கள் நடத்தப்படும். இந்த தொகு தியை,முன்மாதிரி தொகுதியாக ஜெயலலிதா மாற்ற விரும்பினார். அதை நிறைவேற்றுவேன்.

மதுசூதனன் மீது புகார்

மதுசூதனனுக்கு மின்கம்பம் சின்னம்தான் வழங்கப்பட்டது. ஆனால், அந்தக் கட்சியினர் இரட்டை விளக்கு மின்கம்பம் என பொய் பிரச்சாரம் செய்து வருகின்றனர். இது தொடர்பாக தேர்தல் ஆணையத்தில் புகார் அளிக்க இருக்கிறோம்.

இவ்வாறு தினகரன் கூறினார்.

தேர்தல் வாக்குறுதிகள்

அதிமுக அம்மா கட்சி சார்பில் ஆர்.கே.நகர் தொகுதிக்கான தேர்தல் அறிக்கை நேற்று வெளியிடப்பட்டது. தேர்தல் அறிக்கையை முன்னாள் அமைச்சர் பண்ருட்டி ராமச்சந்திரன் வெளியிட முதல்வர் எடப்பாடி பழனிசாமி பெற்றுக் கொண்டார்.

வீடில்லா 57 ஆயிரம் பேருக்கு வீடு, தண்டையார்பேட்டையில் அனைத்து வசதிகளுடன் கூடிய பல்நோக்கு உயர் சிறப்பு மருத்துவமனை, 10 நடமாடும் மருத்துவமனைகள், வேலைவாய்ப்பு ஆலோசனை மையம், புதிய மீன் அங்காடி, முக்கிய பேருந்து நிறுத்தங்கள், சாலையோர பூங்காக்களில் கைபேசி சார்ஜிங் மற்றும் கட்டணமில்லா வைபை இணைய வசதி என்பன உள்ளிட்ட பல வாக்குறுதிகள் அதில் வழங்கப்பட்டுள்ளன.

http://tamil.thehindu.com/tamilnadu/வெள்ளம்-வந்தபோது-யாரும்-வரவில்லையே-டிடிவி-தினகரனை-முற்றுகையிட்ட-மக்கள்/article9603526.ece?homepage=true

Categories: Tamilnadu-news

கிரிமினல் ஒருவர் கட்சிக்கு தலைவராகக் கூடாது; சசிகலாவுக்கு அடுத்த அடிக்கு ஏற்பாடு

Mon, 27/03/2017 - 20:08
கிரிமினல் ஒருவர் கட்சிக்கு தலைவராகக் கூடாது; சசிகலாவுக்கு அடுத்த அடிக்கு ஏற்பாடு

 

 

கிரிமினல் வழக்கில் தண்டனைப் பெற்றவர்கள், வாழ்நாள் முழுவதும், தேர்தலில் போட்டியிட முடியாது என்றும், அவர் சாகும் வரை வாக்காளராக இருக்கவே தகுதி அற்றவராக அறிவிக்க வேண்டும் என்றும் கேட்டு, உச்ச நீதிமன்றத்தில்,டில்லி, பா.ஜ., நிர்வாகியும், வழக்கறிஞருமான அஸ்வினி உபாத்யாயா சார்பில் பொது நல வழக்கு தாக்கல் செய்யபப்பட்டுள்ளது.

அந்த வழக்கு, இந்திய அரசியல்வாதிகள் மத்தியில் பரபரப்பாக பேசப்பட்டு வரும் நிலையில், அந்த வழக்கில், தன்னையும் ஒரு தரப்பாக இணைத்துக் கொண்டு, என்னுடைய தரப்பு வாதத்தையும் கேட்க வேண்டும் என, தமிழகத்தைச் சேர்ந்த முன்னாள் எம்.பி.,யான பழனிச்சாமி, உச்ச நீதிமன்றத்தில் மனு போடவிருக்கிறார்.

முன்னாள் முதல்வர் பன்னீர்செல்வம் அணியில் இருக்கும் அவர், ஏற்கனவே, தேர்தல் கமிஷனில், அ.தி.மு.க.,வின் பொதுச் செயலராக சசிகலா தேர்ந்தெடுக்கப்பட்டது செல்லாது என அறிவிக்கக் கோரி மனு கொடுத்து, அது விசாரணையில் உள்ளது. அந்த மனுவிலேயே, இதே மாதிரி போடப்பட்ட ஒரு வழக்கில், தேர்தல் கமிஷனின் எண்ணங்களை மேற்கோள்காட்டி, சசிகலாவுக்கு, வாழ் நாள் முழுவதும், கட்சித் தலைமைப் பொறுப்பில் இருக்க தடை விதித்து உத்தரவு போட வேண்டும் என்று, தேர்தல் கமிஷனில் மனு கொடுத்துள்ளார்.
அதற்குத் தோதாக இப்படியொரு வழக்கு விசாரணைக்கு வரவும், அந்த வழக்கில் தன்னையும், ஒரு தரப்பாக இணைத்து விசாரிக்க வேண்டும் என்று, மனு போடப்போவதாக கூறினார்.அவர் கூறியதாவது. தேர்தலில், தண்டனை பெற்ற குற்றவாளிகள் போட்டியிடுவதை தடுக்கவும், குற்றவாளிகளின் கையில், அரசியல் போவதை தடுக்கவும், தண்டனை பெற்றவர்கள், தேர்தலில் போட்டியிட வாழ்நாள் தடை விதிக்க வேண்டும் என்று, உச்ச நீதிமன்றத்தில் வழக்கு தாக்கல் செய்யப்பட்டு, அது சீரியஸாகி இருக்கிறது.

இந்த வழக்கில், தேர்தல் கமிஷன் தரப்பில் ஆஜரான வழக்கறிஞர், தாங்கள் ஏற்கனவே இதுபோலவே தாக்கல் செய்யப்பட்டிருக்கும் வேறொரு வழக்கிற்கு பதில் தயார் செய்திருக்கிறோம். இந்த மனுவில் சொல்லப்பட்டிருக்கும் அனைத்து விஷயங்களிலும், தேர்தல் கமிஷனுக்கும் உடன்பாடான விஷயம்தான் என்பதாகவே குறிப்பிடப்பட்டுள்ளது. அந்த வகையில் பார்க்கும்போது, தண்டனை பெற்ற குற்றவாளிகளுக்கு, வாழ்நாள் முழுக்க தேர்தலில் போட்டியிடுவதில் தடை விதிப்பதில் தவறில்லை என சொல்லியிருக்கிறார்.

இதே விஷயங்களை வலியுறுத்தித்தான், நான் ஏற்கனவே சசிகலா, அ.தி.மு.க.,வின் பொதுச் செயலராக தேர்ந்தெடுக்கப்பட்டது செல்லாது என, அறிவிக்கக் கோரி, தேர்தல் கமிஷனுக்குக் கொடுத்த மனுவில் குறிப்பிட்டுள்ளேன். அதில், கிரிமினல் வழக்கில் சிக்கி, தண்டனை பெற்றவர், கட்சியின் தலைமைப் பொறுப்பையும் வகிக்கக் கூடாது என உத்தரவிடுமாறும் கேட்டுள்ளேன்.

இப்படி கிரிமினல் வழக்கில் குற்றவாளி என அறிவிக்கப்பட்டவர், கட்சியின் தலைமைப் பொறுப்பில் இருக்கும்போது, அவர்தான், கட்சியின் அனைத்து நடவடிக்கைகளுக்கும் அங்கீகாரம் அளிக்கிறார். அதாவது, மக்கள் பிரதிநிதியாக வாய்ப்பளிக்கும் தேர்தலில், கட்சி சார்பில் யார் போட்டியிட வேண்டும் என தீர்மானிக்கிறார். அவர்தான், கட்சி சின்னம் தொடர்பாக தேர்தல் கமிஷனுக்கு, பி-பாரம் அளிக்கிறார்.

அதன்பின், தேர்ந்தெடுக்கப்படும் மக்கள் பிரதிநிகள் மூலம், யார் முதல்வர் என்பதை, கிரிமினல் வழக்கில் தண்டிக்கப்பட்ட ஒருவர் தீர்மானிக்கிறார். ஆக, அப்படிப்பட்டவர் பரிந்துரையின் பேரில், ஒருவர் முதல்வராக வந்து, அவரால், அவரது ஒப்புதல் இல்லாமல் எந்த காரியத்தையும் செய்ய முடியாத நிலை ஏற்படுகிறது. அதாவது, கிரிமினல் ஒருவரின் பினாமி ஆட்சி நடத்தப்படுகிறது.

அதுமட்டுமல்ல, ஒரு சட்டம் நிறைவேற வேண்டும் என்றால், அதை ஆதரித்தோ, எதிர்த்தோ ஓட்டளிக்க வேண்டிய நிர்பந்தம், கட்சியின் எம்.எல்.ஏ.,க்கள் அல்லது எம்.பி.,க்களுக்கு, குறிப்பிட்ட அந்த கிரிமினல் தலைவரிடம்தான் வரும் நிலைமை உள்ளது. இல்லையில்லை, சட்டசபையோ, பார்லிமெண்ட்டோ, கொறடா சொல்கிறபடிதான் செயல்பட வேண்டும் என்றாலும் கூட, அந்த கொறடாவையும் நியமிப்பது, கிரிமினல் வழக்கில் குற்றம்சாட்டப்பட்ட குற்றவாளிதான்.

அதுமட்டுமல்ல… இப்படி தேர்ந்தெடுக்கப்படும் மக்கள் பிரதிநிதிகளான எம்.பி.,க்களும், எம்.எல்.ஏ.,க்களும் சேர்ந்து, ஓட்டளித்துத்தான், இந்த நாட்டின் முதல் குடிமகன் ஜனாதிபதி தேர்வு செய்யப்படுகிறார்.

சமீபத்திய உதாரணமாக, சொத்துக் குவிப்பு வழக்கில் சிக்கி, குற்றவாளி என தீர்ப்பளிக்கப்பட்டிருக்கும் சசிகலாதான், அ.தி.மு.க.,வின் நியமன பொதுச் செயலராக இருந்து, கட்சிக்கு அனைத்து வழிகளிலும் வழிகாட்டியாக இருக்கிறார். எடப்பாடி பழனிச்சாமி, முதல்வராக இருந்து, சசிகலாவின் பினாமி ஆட்சியை நடத்திக் கொண்டிருக்கிறார்.

இந்த நிலை தொடர்ந்தால், லஞ்சம், ஊழல் அற்ற மக்களாட்சியை அமைக்க வேண்டும் என்ற, ஜனநாயகத்தின் அடிப்படை கட்டமைப்பே தகர்ந்து விடும் போல இருக்கிறது. அதனால், கிரிமினல் வழக்கில் தண்டிக்கப்பட்ட ஒருவர், தேர்தலில் போட்டியிடக் கூடாது; வாக்காளராக இருக்கவே தகுதியில்லாமல் செய்யப்பட வேண்டும் என்பதோடு, கட்சியின் தலைமைப் பொறுப்பில் இருந்து, கட்சியை வழி நடத்தவும் தடை விதிக்க வேண்டும். அப்போதுதான், தேர்தல், அரசியல் ஜனநாயகம் நேர்மையானதாக இருக்கும்.

அதனாலேயே, சசிகலாவை மனதில் வைத்து, தேர்தல் கமிஷன் விதிகளில் திருத்தத்தைக் கொண்டு வருவதற்கு, உச்ச நீதிமன்றம் உத்தரவிடக் கோரி, சமீபத்தில் உச்ச நீதிமன்றத்தில் தாக்கல் செய்யப்பட்ட பொது நல வழக்கில் என்னையும் ஒரு தரப்பாக இணைத்துக் கொண்டு, எனது தரப்பு வாதத்தையும் கேட்க வேண்டும் என, உச்ச நீதிமன்றத்தில் மனு தாக்கல் செய்யவிருக்கிறேன்.

ஏற்கனவே இது தொடர்பாக, தேர்தல் கமிஷனில் மனுக்கள் என் சார்பில் கொடுக்கப்பட்டிருப்பதால், எந்த தகுதியின் அடிப்படையில் நான், என்னையும் ஒரு தரப்பாக சேர்க்க முறையிடுகிறேன் என்பதை, நீதிபதிகள் புரிந்து கொண்டு, ஏற்பர்.

இனி, சசிகலா எந்த ரூபத்தில் கட்சி மற்றும் ஆட்சியில் அதிகாரத்தை செலுத்த முயன்றாலும், விட மாட்டோம். இவ்வாறு பழனிச்சாமி கூறினார்.-நமது நிருபர்-

http://www.dinamalar.com/news_detail.asp?id=1738402

Categories: Tamilnadu-news

விரட்டப்பட்டவர் தினகரன் பன்னீர் விளாசல்

Mon, 27/03/2017 - 19:53
 
 
விரட்டப்பட்டவர் தினகரன் பன்னீர் விளாசல்
 
 
 

சென்னை: ''ஜெயலலிதாவால், 2007ல் விரட்டப்பட்டவர் தினகரன். அவரை, நீங்களும் புறக்கணிக்க வேண்டும்,'' என, முன்னாள் முதல்வர் பன்னீர்செல்வம் பிரசாரம் செய்தார்.

 

Tamil_News_large_1739500_318_219.jpg

சென்னை, ஆர்.கே.நகர் தொகுதியில், அ.தி.மு.க., புரட்சித் தலைவி அம்மா அணி சார்பில், முன்னாள் அமைச்சர் மதுசூதனன் போட்டியிடுகிறார். இவரை ஆதரித்து, முன்னாள் முதல்வர் பன்னீர்செல்வம், நாகூரான் தோட்டம் பகுதியில், நேற்று பிரசாரம் செய்தார்.
 

ஜெ.,ஆன்மா வழிநடத்தும்



அவருக்கு மலர் துாவியும், ஆரத்தி எடுத்தும், வீடுகள் முன் வண்ண கோலங்கள் போட்டும், கட்சியினர் மற்றும் பொதுமக்கள் வரவேற்பு

அளித்தனர். அ.தி.மு.க., தொண்டர்களின், இரு குழந்தைகளுக்கு, ஜெயராமன், ஜெயராமச்சந்திரன் என, பெயர் சூட்டினார்.பிரசாரத்தில், பன்னீர்செல்வம்பேசியதாவது:

எம்.ஜி.ஆரால், தளபதி என, பாராட்டப்பட்ட மதுசூதனன் போட்டியிடுகிறார். இங்கு, ஜெ., போட்டியிட்ட போது, மதுசூதனன் மாற்று வேட்பாளராக இருந்தார். ஜெ., மறைந்தாலும், அவரது ஆன்மா நம்மை வழிநடத்தும்.
நம் அணியை, எந்த கொம்பன் வந்தாலும், அசைக்க முடியாது; இது, எக்கு கோட்டை.ஜெ., மரணம், 10 கோடி உலகத்தமிழர்கள் மனதில் வடுவாக உள்ளது. இது குறித்து, விசாரணை கமிஷன் அமைக்கப்பட வேண்டும். மரணத்தில் உள்ள, மர்ம முடிச்சுகள் அவிழும் வரை, என் தர்ம யுத்தம் தொடரும்.

 

ஒரு குடும்பத்தின் கூட்டு சூழ்ச்சி


மதுசூதனனை எதிர்த்து நிற்கும் தினகரன், 2007ம் ஆண்டிலேயே, ஜெயலலிதாவால் விரட்டப்பட்டனர். 'தினகரன் அரசியலில் தலையிடக் கூடாது; பார்லிமென்டிற்கு போகக்

 

கூடாது' என, ஜெ., ஒதுக்கினார். அவரை நீங்களும் புறக்கணிக்க வேண்டும். ஒரு குடும்பத்தின் கூட்டு சூழ்ச்சி, கட்சி, ஆட்சியை கபளீகரம் செய்துள்ளது. கட்சியை மீட்க, மதுசூதனனை வெற்றி பெற செய்யுங்கள்.இவ்வாறு அவர் பேசினார்.
வேட்பாளர் மதுசூதனன் பேசுகையில், ''21 ஆண்டுகளுக்கு பின், இத்தொகுதியில் போட்டியிடுகிறேன். ஜெ., விட்டு சென்ற பணிகளை, ஓ.பி.எஸ்., நிறைவேற்றுவார். கமிஷனுக்கு அலையாமல், மக்கள் தொண்டே, மகேசன் தொண்டு என, பணியாற்றுவார் அவர்,'' என்றார்.

http://www.dinamalar.com/news_detail.asp?id=1739500

Categories: Tamilnadu-news

ரஜினி என்னும் கோமாளி

Mon, 27/03/2017 - 16:28
ரஜினி என்னும் கோமாளி

சூப்பர் ஸ்டார் ரஜினி தனது  இலங்கை பயணம், அரசியல் ஆக்கப்பட்டதால் தனது பயணத்தை கைவிடுவதாக கூறி நீண்ட நெடிய மூன்று பக்க அறிக்கை ஒன்றை வெளியிட்டு இருக்கிறார். யாரை  முட்டாள் ஆக்க இந்த முயற்சி ரஜினி சார் !  தலைவா ! தலைவா ! என்ற சரணாகதி கோசம் போட்ட தலைமுறை எல்லாம் போயே போய் விட்டது. டிஜிட்டல் தலைமுறைகளின் காலம் இது.

 

raji.jpg

 

அட கிளம்புங்க ஜி ! காத்து வரட்டும் !

வவுனியாவில் வீடுகளை இழந்து தவிக்கும் தமிழ் மக்களுக்காக  லைக்கா  நிறுவன தலைவர் சுபாஷ்கரன், 150 வீடுகளை கட்டி, தனது தாயார் பெயரில் அர்பணிக்கிறார். நீங்கள் சொல்லி தான் எங்களுக்கு தெரிய வேண்டியது இல்லை ! அவர் அன்பானவர் ! கருணை உள்ளவர் தான். ஆனால் நீங்கள் சொல்ல மறந்தது, மறைத்தது,  சுபாஷ்கரனுடன் பெரும் கருணை உள்ளம் கொண்ட ராஜபக்சேவின் மருமகன் கிமல் கெட்டியின் வணிக தொடர்புகள் ?
அது சரி சுபாஷ்கரன் செய்கிறார் ! நீங்கள் என்ன செய்தீர்கள் ! நீங்க உங்க பாக்கெட் இருந்து ஒரு செங்கலாவது எடுத்து வச்சு இருப்பிங்களா ? அட போக ஜி ! காத்து வரட்டும்.

சினிமா வசனம் டா ஸ்வாமி

காலம் காலமாய் வாழ்ந்த, தங்களின் பூமிக்காக, உரிமைக்காக, கவுரவத்திற்காக, லட்சக்கணக்கில் ரத்தம் சிந்தி மடிந்த,  தங்களை தாங்களே சுய சமாதியாக்கிக் கொண்டு பூமிக்குள் புதைந்து கிடக்கும் அந்த வீர மண்ணை வணங்கி, அந்த மாவீரர்கள் வாழ்ந்து மடிந்த இடங்களை பார்த்து, அவர்கள் சுவாசித்த காற்றை சுவாசிக்க விருப்பம். அடேங்கப்பா என்ன வசனம் ! என்ன நடிப்பு ! உலக மகா நடிப்பு டா ஸ்வாமி !  ரஜினி சார் ! உங்களுக்கு இப்போது தான் தெரிந்ததா வீர பூமியை ? போராளிகளை ? இனம் காக்க தன் உயிர் தந்த மாவீரர்களின் சரித்திர பூமியை ? இப்போது தான் தெரிந்ததா ?

கடல் கடந்து, கண்ணீர் கடந்து, படகு இழந்து, உயிர் துறந்த, மீனவர்கள் பற்றி எல்லாம் நீங்கள் திடீர் ஞானோதயம் கொண்டு பேசுவது எல்லாம் நம்புர மாதிரியா இருக்கு ? அத விடுங்க 100 மீனவர்கள்  நடு கடலில்  வீர மரணம் அடைந்த போது பேசாத நீங்கள், தற்போது மீனவர் நலம் பற்றி, சிறிசேனா விடம் பேச போகிறேன் என்று. ஏன் ரஜினி சார் ! சிறிசேனாவிடம்  பேசுமாறு நேற்று தான் பாபா கனவில் சொன்னாரா ?  

இதுவும்  வீர பூமி தான்

முல்லை  வாயில் முற்றம் மற்றும் வவுனியாவின்  யுத்தம் நடந்த போது நீங்கள் எங்கு போய் இருந்தீர்கள் இமய மலைக்கா ? வயிறு எரியுது சார் ! நீங்க எல்லாம் மா வீரர்கள் பூமி பற்றியும்,  மாவீரர்கள் சரித்திரம் பற்றியும், பேசுவதும். நெடுவாசல் போராட்ட களம் கூட மா வீரர்களின்   களம் தான். டெல்லியில் 13 வது நாளாக போராடுகிறானே அந்த வயதான விவசாயிகள் கூட போராளிகள் தான். வலைத்தளங்களில் மூலம் அறிந்தேன், கண்ணீர் விட்டு அழுத, வயதான அந்த  பெண் விவசாயி கூட போராளி தான். நீங்கள் இலங்கை எல்லாம் போக வேண்டாம் ! இந்த விவசாயிகளுக்கு ஆதரவாக ஏதேனும் ஒரு வார்த்தை பேசி இருப்பீர்களா என்ன ?

நீ நடிகன் டா

கலைஞன் என்பவன் மக்களை மகிழ்விப்பவன் மட்டும் அல்ல, சிந்திக்க வைப்பவன். அவன் ஜனங்களின் எண்ணங்களை பிரதிபலிப்பவன். நீங்கள் பேசும் அனைத்திற்கும் கை தட்டு கிடைக்கும் என நினைப்பது முட்டாள்தனம். இந்த உலகம் ஒரு நாடக மேடை என்பதையும், நாம் அனைவரும் நடிகர்கள் என்பதையும்,  மறுபடியும் நீங்கள்  எங்களுக்கு சொல்லி காட்டி இருக்கிறீர்கள்.  வைகோ, திருமா, ராமதாஸ் இவர்கள் சொல்லி தான் நீங்கள் போக வில்லையா என்ன ? அறிக்கை விட்ட  நீங்கள் கோமாளியா ? அறிக்கை கேட்டு சிந்தித்த நாங்கள் கோமாளியா ?

நன்றி :தமிழ்வெப்துனியா

Categories: Tamilnadu-news

ஜெயலலிதா மகன் என்று கூறியவருக்கு நேர்ந்த சிக்கல்! அதிரடி காட்டிய உயர்நீதிமன்றம்

Mon, 27/03/2017 - 11:09
ஜெயலலிதா மகன் என்று கூறியவருக்கு நேர்ந்த சிக்கல்! அதிரடி காட்டிய உயர்நீதிமன்றம்

முன்னாள் முதல்வர் ஜெயலலிதா மகன் என்றுக் கூறியவரை கைது செய்ய சென்னை உயர் நீதிமன்றம் அதிரடி உத்தரவு பிறப்பித்துள்ளது.

jaya_son-_chennai_high_court_16326_14560

ஈரோடு மாவட்டம், காஞ்சிகோவில் கிராமத்தைச் சேர்ந்த ஜெ.கிருஷ்ணமூர்த்தி (32) என்பவர், தான் மறைந்த முதல்வர் ஜெயலலிதாவின் மகன் என்றும், தனக்கு பாதுகாப்பு வழங்க வேண்டும் என்றும் சென்னை உயர் நீதிமன்றத்தில் மனு தாக்கல் செய்திருந்தார். அந்த மனுவில், "தத்து எடுக்கப்பட்ட ஆவணங்களின் அடிப்படையில், நான் மறைந்த நடிகர் சோபன்பாபு, மறைந்த முதலமைச்சர் ஜெயலலிதா ஆகியோரது மகன் ஆவேன். 1985-ம் ஆண்டு பிப்ரவரி 15-ம் தேதி நான் பிறந்தேன். நான் குழந்தையாக இருந்தபோது, என் தாய்-தந்தைக்கு இடையே கருத்து வேறுபாடு ஏற்பட்டதால், 1986-ம் ஆண்டு காஞ்சிகோவில் கிராமத்தைச் சேர்ந்த வசந்தாமணி என்பவருக்கு, மறைந்த முதலமைச்சர் எம்.ஜி.ஆர். முன்னிலையில் என்னை தத்துக்கொடுத்துவிட்டனர். இதற்கான ஒப்பந்தத்தில், என் பெற்றோர் சோபன்பாபு, ஜெயலலிதா மற்றும் எம்.ஜி.ஆர். ஆகியோர் கையெழுத்திட்டுள்ளனர்.

ஈரோட்டில் தத்து எடுத்த பெற்றோருடன் வசித்தாலும், அடிக்கடி சென்னை வந்து என் தாயார் ஜெயலலிதாவைச் சந்திப்பேன். கடந்த மார்ச் மாதம் அவரை சந்தித்தபோது, என்னை தன் மகன் என்று செப்டம்பர் மாதம் அறிவிக்கப்போவதாக ஜெயலலிதா கூறினார். இதற்கான நடவடிக்கைகளை அவர் எடுத்துவந்தார். இவையெல்லாம் தற்போது கர்நாடக மாநிலச் சிறையில் இருக்கும் சசிகலாவுக்கு நன்றாகத் தெரியும். இதனால், ஜெயலலிதாவுடன் அவர் தகராறு செய்தார். இந்த நிலையில், என் தாயார் அப்போலோ மருத்துவமனையில், கடந்த ஆண்டு செப்டம்பர் 22-ம் தேதி அனுமதிக்கப்பட்டார். பின்னர் டிசம்பர் 5-ம் தேதி அவர் மரணம் அடைந்தார்.

என் தாயாருக்கு இறுதிச்சடங்கு செய்வதற்கு சசிகலாவும், அவரது உறவினர்களும் என்னை அனுமதிக்கவில்லை. டி.டி.வி.தினகரனின் தூண்டுதலின்பேரில், அடையாளம் தெரியாத சிலர் என்னைக் கடத்திச்சென்று, சிறுதாவூர் பங்களாவில் அடைத்துவைத்துக் கொடுமைப்படுத்தினர். அந்த பங்களாவில் வேலை செய்யும் காவலாளியின் உதவியுடன் அங்கிருந்து தப்பி வந்தேன். அதன் பின்னர், என்னுடைய நலவிரும்பிகள் கொடுத்த யோசனையின் அடிப்படையில், டிராபிக் ராமசாமியைக் கடந்த மாதம் இறுதியில் சந்திக்கச் சென்றேன். இதைத் தெரிந்துகொண்ட சசிகலாவின் ஆட்கள், என்.எஸ்.சி.போஸ் சாலையில் வைத்து என்னைத் தாக்கினார்கள். இதில் நான் படுகாயம் அடைந்தேன்.

இதன் பின்னர், கடந்த 11-ம் தேதி டிராபிக் ராமசாமியைச் சந்தித்து, சசிகலாவுக்கு எதிராகப் போராடி, என்னுடைய உரிமையையும், என் தாயாரின் சொத்துக்களையும் மீட்டுத் தரும்படிக் கேட்டேன். அவர் கொடுத்த அறிவுரையின்படி, தமிழகத் தலைமைச் செயலாளர், உள்துறை செயலாளர், தமிழக டி.ஜி.பி. உள்ளிட்டோருக்கு கடந்த 12-ம் தேதி புகார் மனுவை அனுப்பினேன். தேனாம்பேட்டை போலீஸாருக்கும் தனியாக புகார் மனு அனுப்பப்பட்டது. ஆனால், இதுவரை எந்த நடவடிக்கையும் எடுக்கவில்லை. எனக்கும், என்னை தத்து எடுத்துள்ள பெற்றோருக்கும் போலீஸ் பாதுகாப்பு வழங்கப்படவில்லை. தற்போது, சசிகலாவின் ஆட்களால் என் உயிருக்கு ஆபத்து உள்ளது. அவர்கள் தற்போதைய முதலமைச்சரிடம் செல்வாக்குப் பெற்றவர்கள். எனவே, எனக்குத் தகுந்த போலீஸ் பாதுகாப்பை வழங்கும்படி தமிழக அரசுக்கு உத்தரவிட வேண்டும்" என்று கூறியிருந்தார்.

இந்த மனுவை விசாரித்த உயர்நீதிமன்றம், அதற்கான உரிய அசல் ஆவணங்களைத் தாக்கல் செய்ய கிருஷ்ணமூர்த்திக்கு உத்தரவிட்டிருந்தது. இதைத்தொடர்ந்து அவர் கடந்த 18-ம் தேதி ஆவணங்களைத் தாக்கல் செய்திருந்தார். இதனையடுத்து, அவர் தாக்கல் செய்திருந்த ஆவணங்களை  காவல்துறையினர் விசாரணை நடத்தி வந்தனர். இந்நிலையில், இந்த வழக்கு சென்னை உயர் நீதிமன்றத்தில் இன்று விசாரணைக்கு வந்தது. அப்போது,  கிருஷ்ணமூர்த்தி போலி ஆவணங்களைத் தாக்கல் செய்திருப்பதாக, காவல்துறை தரப்பில் தெரிவிக்கப்பட்டது. இதையடுத்து, கிருஷ்ணமூர்த்தியைக் கைது செய்ய உயர் நீதிமன்றம் உத்தரவிட்டுள்ளது.

மேலும், அவரைக் கைது செய்வதற்காக எடுக்கப்பட்ட நடவடிக்கை குறித்து, வருகின்ற ஏப்ரல் 10-ம் தேதி அறிக்கை தாக்கல் செய்ய காவல்துறையினருக்கு உயர்நீதிமன்றம் உத்தரவிட்டுள்ளது.

http://www.vikatan.com/news/tamilnadu/84676-hc-orders-to-arrest-krishnamurthy-who-claims-to-be-jayalalithaas-son.html

Categories: Tamilnadu-news

அன்னிய செலாவணி வழக்குகளை தள்ளிவைக்க கோரி வழக்கு: டிடிவி தினகரனின் மனு தள்ளுபடி

Mon, 27/03/2017 - 09:03
அன்னிய செலாவணி வழக்குகளை தள்ளிவைக்க கோரி வழக்கு: டிடிவி தினகரனின் மனு தள்ளுபடி

அன்னிய செலாவணி வழக்குகளை தள்ளிவைக்க கோரிய டி.டி.வி. தினகரனின் மனுவை எழும்பூர் கோர்ட்டு தள்ளுபடி செய்தது.

 
 
 டிடிவி தினகரனின் மனு தள்ளுபடி
 
சென்னை:

டி.டி.வி. தினகரன் மீதான 2 அன்னிய செலாவணி மோசடி வழக்குகள், சென்னை எழும்பூர் பொருளாதார குற்றவியல் நீதிமன்றத்தில் விசாரணையில் உள்ளது.

இந்த வழக்குகள் கடந்த முறை விசாரணைக்கு வந்தபோது, ஆர்.கே.நகர் இடைத்தேர்தலில் தான் போட்டியிடுவதாகவும், அதனால் தேர்தல் நடவடிக்கை முடியும் வரை, இந்த வழக்கு விசாரணையை தள்ளிவைக்க வேண்டும்’ என்று டி.டி.வி. தினகரன் சார்பில் ஒரு மனு தாக்கல் செய்யப்பட்டது.

இந்த மனுவுக்கு மத்திய அமலாக்கத்துறை தரப்பில் கடும் எதிர்ப்பு தெரிவிக்கப்பட்டது. இந்த வழக்குகள் எல்லாம் 20 ஆண்டுகளுக்கு மேலாக நிலுவையில் இருந்து வருகிறது. அதனால், இந்த வழக்கை விரைவாக விசாரித்து தீர்ப்பு அளிப்பது இந்த நீதிமன்றத்தின் கடமையாகும்.

மேலும், தேர்தலுக்கும், இந்த வழக்கு விசாரணைக்கும் சம்பந்தம் இல்லை. இந்த வழக்கை இழுத்தடிப்பதற்காக டி.டி.வி. தினகரன் இந்த மனுவை தாக்கல் செய்துள்ளார். இந்த மனுவை தள்ளுபடி செய்யவேண்டும்’ என்று கூறப்பட்டு இருந்தது.

B5F4C9CD-874A-453F-9E19-C12C7F5035CB_L_s
எழும்பூர் நீதிமன்றம்

இந்த இரு வழக்குகளையும் தினந்தோறும் என்ற முறையில், தினமும் விசாரணை நடத்தி விரைவாக தீர்ப்பு வழங்கவேண்டும் என்றும் மற்றொரு மனுவை அமலாக்கத்துறை தாக்கல் செய்திருந்தது.

இந்த மனுக்களை எல்லாம், நீதிபதி மலர்மதி விசாரித்தார். அப்போது, ஆர்.கே.நகர் தேர்தல் முடியும் வரை இந்த வழக்குகளின் விசாரணையை தள்ளிவைக்க வேண்டும் என்ற டி.டி.வி. தினகரனின் கோரிக்கையை நிராகரித்தார்.

இது தொடர்பாக அவர் தாக்கல் செய்திருந்த மனுவையும் தள்ளுபடி செய்து நீதிபதி உத்தரவிட்டார். பின்னர், அமலாக்கத் துறை தரப்பில் தாக்கல் செய்யப்பட்ட வழக்கை நீதிபதி விசாரித்து வருகிறார்.

http://www.maalaimalar.com/News/TopNews/2017/03/27131006/1076301/Foreign-exchange-cases-TTV-Dinakaran-petition-rejected.vpf

Categories: Tamilnadu-news

ராஜிவ் கொலை குற்றவாளி முருகனிடமிருந்து 2 மொபைல்போன்கள் பறிமுதல்

Mon, 27/03/2017 - 08:38
 
Tamil_News_large_1739372_318_219.jpg
 
ராஜிவ் கொலை குற்றவாளி முருகனிடமிருந்து 2 மொபைல்போன்கள் பறிமுதல்

 

 

வேலூர் : முன்னாள் பிரதமர் ராஜிவ் கொலை குற்றவாளியான முருகனிடம் இருந்து, இரண்டு மொபைல் போன்கள், மூன்று சிம் கார்டுகள், சார்ஜர்களை சிறை அதிகாரிகள் பறிமுதல் செய்துள்ளனர்.

 

மொபைல் போன்கள் பறிமுதல் :

 

ராஜிவ் கொலை வழக்கில் தண்டனை விதிக்கப்பட்டு கடந்த 25 ஆண்டுகளுக்கும் மேலாக சிறையில் இருந்து வருபவர் முருகன். இவர், மற்றொரு குற்றவாளியான நளினியின் கணவர் ஆவார். இவர்கள் இருவரும் தற்போது வேலூர் மத்திய சிறையில் அடைக்கப்பட்டுள்ளனர். இந்நிலையில், நேற்று மாலை சிறை அதிகாரிகள் அதிரடி ஆய்வு நடத்தினர். அப்போது முருகனின் அறையில் இருந்த சுவாமி படங்களுக்கு பின் மறைத்து வைக்கப்பட்டிருந்த, இரண்டு மொபைல் போன்கள், மூன்று சிம் கார்டுகள், சார்ஜர்கள் ஆகியவற்றை அதிகாரிகள் பறிமுதல் செய்தனர்.

 

சலுகைகள் ரத்து :

 

அதிக பாதுகாப்பு நிறைந்த கைதிகள் அடைக்கப்பட்டுள்ள பிளாக்கில் இருந்து மொபைல் போன்கள் பறிமுதல் செய்யப்பட்டுள்ளது பலரையும் அதிர்ச்சி அடைய வைத்துள்ளது. தடை செய்யப்பட்ட பொருட்களை சிறைக்குள் வைத்திருந்தது தொடர்பாக முருகன் மீது வழக்குப்பதிவு செய்யப்பட்டுள்ளது. இது தொடர்பாக உரிய நடவடிக்கை எடுக்கப்படும் என சிறை உயரதிகாரிகள் தெரிவித்துள்ளனர். மேலும் சிறை கேன்டீனில் இருந்து தேவையான பொருட்களை வாங்கிக் கொள்ளலாம் என்பது உள்ளிட்ட முருகனுக்கு அளிக்கப்பட்டிருந்த சில சிறப்பு சலுகைகள் ரத்து செய்யப்படுவதாகவும் கூறப்படுகிறது.

 

பல ஆண்டுகளாக தொடருது :

 

மொபைல் போன்கள், சிம் கார்டுகள் எப்படி கிடைத்தது என முருகனிடம் விசாரிக்கப்பட்டு வருகிறது. யார் உதவியுடன் அப்பொருட்களை கிடைத்தது என கூற முருகன் மறுத்து வருவதாக கூறப்படுகிறது. இந்த விவகாரம் காரணமாக முருகனுக்கு வாரத்திற்கு ஒருமுறை தனது மனைவி நளினியை சந்திப்பதற்கு வழங்கப்பட்டிருந்த அனுமதியும் மறுக்கப்படலாம் என கூறப்படுகிறது. 2010 ம் ஆண்டு ஏப்ரல் மாதம் நளினியின் சிறை அறையில் இருந்தும் மொபைல் போன்கள் பறிமுதல் செய்யப்பட்டது குறிப்பிடத்தக்கது. கடந்த, இரண்டு நாட்களுக்கு முன் சரவணன் என்ற ரவுடி அடைக்கப்பட்டுள்ள அறையில் இருந்தும் மொபைல் போன்கள் பறிமுதல் செய்யப்பட்டுள்ளது. இது தொடர்பாக சிறை காவலர்கள் சிலர் சஸ்பெண்ட் செய்யப்பட்டுள்ளது குறிப்பிடத்தக்கது.
பாதுகாப்பு கெடுபிடிகள் அதிகம் நிறைந்தது என கூறப்படும் வேலூர் மத்திய சிறையில் கைதிகளிடம் இருந்து மொபைல் போன்கள் பறிமுதல் செய்யப்படுவது தொடர்கதையாகி வருவது பலரையும் அதிர்ச்சி அடைய வைத்துள்ளது.

http://www.dinamalar.com/news_detail.asp?id=1739372

Categories: Tamilnadu-news

"100 மடங்கு வேகத்துடன் போராடுவோம்".... நெடுவாசல் மக்களை இதை விட கேவலப்படுத்த முடியாது!

Mon, 27/03/2017 - 05:19

100 மடங்கு வேகத்துடன்

"100 மடங்கு வேகத்துடன் போராடுவோம்".... நெடுவாசல் மக்களை இதை விட கேவலப்படுத்த முடியாது!

சென்னை: எங்களது கோரிக்கைகள் நிறைவேற்றப்படாவிட்டால் தற்போதைய போராட்டத்தை விட 100 மடங்கு வேகத்துடன் போராடுவோம் என்று நெடுவாசல் மக்கள் எச்சரித்த நிலையிலும், அதைப் புறம் தள்ளும் வகையில் மத்திய அரசு நெடுவாசல் ஹைட்ரோகார்பன் திட்ட ஒப்பந்தத்தில் இன்று கையெழுத்திடவுள்ளது. 

22 நாட்கள் மிகப் பெரிய வீரியத்துடன் நெடுவாசல் மக்கள் ஹைட்ரோகார்பன் திட்டத்தை எதிர்த்து போராடி வந்தனர். ஜல்லிக்கட்டுக்காக வீரத்துடன் போராடியது போலவே விவசாயிகள், கிராமத்தினரின் இந்தப் போராட்டமும் மிகப் பெரிய ஆதரவைப் பெற்று நடந்தது. 

கடைசியில் பொன். ராதாகிருஷ்ணனை வைத்து அந்தப் போராட்டத்தைக் கலைத்தது மத்திய அரசு. மத்திய இணை அமைச்சர் பொன்.ராதாகிருஷ்ணன் போராட்டக்குழுவினரை சந்தித்து மார்ச் 9ம் தேதி பேச்சு நடத்தினார். அப்போது மக்கள் விருப்பம் இல்லாத எந்த திட்டத்தையும் மத்திய அரசு திணிக்காது என்றும் நெடுவாசல் மக்களின் உணர்வுகளை மத்திய அரசிடம் எடுத்துரைப்பதாகவும் அவர் கூறினார்.

அவர் அளித்த உறுதிமொழியை ஏற்று போராட்டத்தைத் தற்காலிகமாக ஒத்திவைப்பதாக நெடுவாசல் மக்கள் அறிவித்தனர். அதேசமயம், எங்களது கோரிக்கைகளை மத்திய, மாநில அரசுகள் முழுமையாக நிறைவேற்றாவிட்டால் 100 மடங்கு வேகத்துடன் போராட்டம் மீண்டும் தொடங்கும் எனவும் போராட்டக் குழுவினர் தெரிவித்தனர்.

நன்றி தற்ஸ் தமிழ்.

Categories: Tamilnadu-news

ரூ.100 கோடியை வசூலிக்காம விடமாட்டாங்க போல...!

Sun, 26/03/2017 - 20:49
ரூ.100 கோடியை வசூலிக்காம விடமாட்டாங்க போல...!

கறார் கர்நாடகா

 

‘சொத்துக் குவிப்பு வழக்கில் தண்டனை உறுதி செய்யப்பட்டு பெங்களூரு பரப்பன அக்ரஹாரா சிறையில் இருக்கும் சசிகலா, எப்போது மறுசீராய்வு மனு போடுவார்?’ இந்தக் கேள்வியுடன் இருந்த அரசியல் வட்டாரங்களுக்கு, கர்நாடக அரசின் அதிரடி, அதிர்ச்சி தந்திருக்கக்கூடும். ஆம், சசிகலாவுக்குப் பதிலாக கர்நாடக அரசு முந்திக்கொண்டு, உச்ச நீதிமன்றத்தில் மறு சீராய்வு மனு போட்டிருக்கிறது. ஜெயலலிதாவுக்கு விதிக்கப்பட்ட நூறு கோடி ரூபாய் அபராதத்தை வசூலிப்பது குறித்து தெளிவு வேண்டி இந்த மனு தாக்கல் செய்யப்பட்டிருக்கிறது. இதன் மூலம், உச்ச நீதிமன்ற இறுதித் தீர்ப்பு அடுத்த கட்டத்துக்கு நகர்ந்திருக்கிறது.

p40b.jpg

சொத்துக் குவிப்பு வழக்கில் ஜெயலலிதா, சசிகலா, இளவரசி, சுதாகரன் ஆகிய நான்கு பேருக்கும் தலா நான்கு ஆண்டுகள் சிறை தண்டனையும், முதல் குற்றவாளியான ஜெயலலிதாவுக்கு 100 கோடி ரூபாய் அபராதமும், மற்றவர்களுக்கு தலா 10 கோடி ரூபாய் அபராதமும் விதித்து 2014 செப்டம்பரில் தீர்ப்பு எழுதினார் கர்நாடக சிறப்பு நீதிமன்ற நீதிபதி ஜான் மைக்கேல் டி.குன்ஹா. ‘அபராதத் தொகையை வங்கிக் கணக்கில் இருக்கும் பணத்தை வைத்தும், நகைகளை ஏலம் விட்டும் வசூலிக்க வேண்டும்’ என்றும் உத்தரவிட்டிருந்தார். இந்தத் தீர்ப்பை கடந்த மாதம் சுப்ரீம் கோர்ட் உறுதி செய்தது. இதைத் தொடர்ந்து சசிகலா, சுதாகரன், இளவரசி ஆகியோர் பெங்களூரு பரப்பன அக்ரஹாரா சிறையில் தண்டனை அனுபவித்து வருகிறார்கள்.

தீர்ப்பு வெளியான நாளிலிருந்தே, ஒரு விஷயம் குறித்து சட்ட வல்லுநர்கள் குழப்பமான கருத்துகளைத் தெரிவித்து வந்தார்கள். ‘ஜெயலலிதா இறந்துவிட்டதால், அவர் மீதான தண்டனை விலக்கப்படுகிறது’ என்று உச்ச நீதிமன்ற நீதிபதிகள் பினாகி சந்திர கோஷ் மற்றும் அமிதவ ராய் அடங்கிய பெஞ்ச், தனது தீர்ப்பில் குறிப்பிட்டிருந்தது. ‘சிறைத் தண்டனைக்கு மட்டும்தான் விலக்கா?’ என்ற விஷயத்தில் குழப்பம் இருந்தது. இதைத் தெளிவாக்கவே இப்போது கர்நாடக அரசு சீராய்வு மனு தாக்கல் செய்துள்ளது.

p40.jpg

கர்நாடக அரசு வழக்கறிஞர் ஜோசப் அரிஸ்டாட்டில், திடீரென கடந்த 21-ம் தேதி உச்ச நீதிமன்றத்தில் மறு சீராய்வு மனு ஒன்றைத் தாக்கல் செய்தார். ‘சொத்துக் குவிப்பு வழக்கில் ஜெயலலிதா மரணமடைந்ததையடுத்து அவரை வழக்கிலிருந்து முடித்து வைப்பதாகச் சொல்வது ஏற்புடையதல்ல. தவறானது. முதன்மைக் குற்றவாளியான ஜெயலலிதா மரணமடைந்து விட்டார் என்பதற்காக மேல்முறையீட்டு வழக்கு முடித்து வைக்கப்படும் என்ற பேச்சுக்கே இடமில்லை. ஜெயலலிதா உயிருடன் இருந்திருந்தால் எப்படி தீர்ப்பு வழங்கப்பட்டிருக்குமோ, அதே வலிமையுடன் வழங்கப்பட வேண்டும். கடந்த 2013-ம் ஆண்டு வகுக்கப்பட்ட உச்ச நீதிமன்ற விதிகளின்படியும், அரசியல் சட்டத்தின் 136-வது பிரிவின்படியும், இப்படிப்பட்ட குற்றவியல் மேல்முறையீட்டு வழக்குகளில், குற்றவாளிகளுக்குத் தண்டனையை விலக்கி வைக்க விதி இல்லை. ஜெயலலிதா மரணமடைந்ததால் அவருக்குச் சிறைத் தண்டனை சாத்தியமில்லை. ஆனால், ‘அபராதம் செலுத்த வேண்டும்’ என்பது நிலைத்து நிற்கத் தக்கது. அரசு ஊழியராக இருந்து சட்ட விரோதமாக வருமானத்துக்கு அதிகமாக சொத்துகளை ஜெயலலிதா குவித்துள்ளார். சிறப்பு நீதிமன்றம், 100 கோடி ரூபாய் அபராதத்தை எப்படி வசூலிக்க வேண்டும் எனவும் தீர்ப்பில் தெளிவாகக் குறிப்பிட்டிருக்கிறது. மற்ற வழக்குகளுக்கு இது முன்னுதாரணம் ஆகி விடக்கூடாது என்பதால், அபராதத் தொகை 100 கோடி ரூபாயை வசூலிக்க, தெளிவான வழிகாட்டல் வேண்டும்’ என அந்த மனுவில் குறிப்பிடப்பட்டுள்ளது.

இந்த வழக்கில் கர்நாடக அரசு தரப்பில் ஆஜரான மூத்த வழக்கறிஞர் பி.வி.ஆச்சார்யா, ‘‘இந்த வழக்கில் கடந்த ஜூலை மாதமே வாதங்கள் முடிந்துவிட்டன. நீதிபதிகளின் வசதிக்காகவே தீர்ப்பு தள்ளி வைக்கப்பட்டது. இடைப்பட்ட காலத்தில் அவர் இறந்துவிட்டார் என்பதற்காகவே, அவர் மீதான தண்டனை விலக்கப்படும் என்பது சரியல்ல. சிறப்பு நீதிமன்றத்தின் தீர்ப்பை உச்ச நீதிமன்றம் உறுதி செய்கிறது என்றால், ஜெயலலிதாவையும் குற்றவாளி என்றே அறிவிக்க வேண்டும். அவரிடமிருந்து அபராதத்தை வசூலிக்கவும் தெளிவான வழிகாட்டல் வேண்டும்’’ என்கிறார்.

p40a.jpg

இதுபற்றி சசிகலா தரப்பு வழக்கறிஞர்களிடம் பேசினோம். ‘‘இரட்டை இலை சின்னம் தொடர்பாக டெல்லி தலைமை தேர்தல் ஆணையத்தில் பிஸியாக இருக்கிறோம். சொத்துக் குவிப்பு வழக்கில் தீர்ப்பு வழங்கியதிலிருந்து, மூன்று மாதங்களுக்குள் எப்போது வேண்டும் என்றாலும் மறு சீராய்வு மனு தாக்கல் செய்யலாம். அதனால் அடுத்த மாதம் மறு சீராய்வு மனு போட முடிவெடுத்திருக்கிறோம். அப்போது சசிகலா, சுகாதரன், இளவரசி ஆகியோரின் தண்டனைக் காலத்தைக் குறைக்கவும், அவர்களுக்கு விதிக்கப் பட்ட அபராதத் தொகையைக் குறைக்கவும் வலியுறுத்துவோம். அதுவரை இதை பெரிதாக எடுத்துக்கொள்ளவில்லை. மரணம் அடைந்தவர்களைப் பற்றிய வழக்குகளை நீதிமன்றம் ஏற்காது’’ என்றார்கள்.

தமிழக அரசியல் பரபரப்புகள், தொடர்ந்து ஜெயலலிதாவைச் சுற்றியே நிகழ்ந்துகொண்டிருக்கின்றன.

http://www.vikatan.com/juniorvikatan

Categories: Tamilnadu-news

"விவசாயிகளையே பிச்சை எடுக்க விட்டுட்டாங்க; எங்களையா கண்டுக்கப் போறாங்க?" ஈழ அகதிகள்!

Sun, 26/03/2017 - 19:43
"விவசாயிகளையே பிச்சை எடுக்க விட்டுட்டாங்க; எங்களையா கண்டுக்கப் போறாங்க?" ஈழ அகதிகள்!

அகதிகள் முகாம்

"தமிழகத்திற்கு அகதிகளாக வந்த இந்த 26 வருடங்களில் மூன்று வேளை சாப்பாட்டுக்காக மட்டுமே எங்களுடைய போராட்டம் நடந்து கொண்டிருக்கிறது"- திருவள்ளூர் கும்மிடிப்பூண்டி அகதிகள் முகாமில் வசிக்கும் இலங்கை தமிழ் மக்கள் இவ்வாறு தெரிவிக்கின்றனர்.

தமிழக அரசு அண்மையில் தாக்கல்செய்த பட்ஜெட்டில், இலங்கை தமிழ் அகதிகளுக்காக 116 கோடி ரூபாய் நிதி ஒதுக்கியிருப்பதாக தெரிவிக்கப்பட்டுள்ளது. இந்தத் தொகை எத்தனை பேருக்கு ஒதுக்கப்பட்டுள்ளது என்ற எந்த விவரமும் தெரிவிக்கப்படவில்லை. ஆனால், அகதிகள் மறுவாழ்வு பதிவேடோ, சுமார் 60 ஆயிரத்திற்கும் மேற்பட்டோர் முகாம்களில் தங்கி இருப்பதாகவும், முகாம்களுக்கு வெளியே சுமார் 40 ஆயிரம் பேர் உள்ளதாகவும் தெரிவிக்கிறது.

ஒரு லட்சத்தை நெருங்கும் இலங்கை தமிழ் அகதிகளுக்காக தமிழக அரசு ஒதுக்கியுள்ள நிதி போதுமானதா? அவர்களின்  வாழ்வாதாரம் எப்படி உள்ளது? மத்திய - மாநில அரசுகளின் உதவிகள் குறித்து முகாம்களில் வசிக்கும் அந்த மக்கள் என்ன சொல்கிறார்கள்? என்று திருவள்ளூர் மாவட்டம் கும்மிடிப்பூண்டியில் உள்ள அகதிகள் முகாமுக்கு நேரில் சென்று விசாரித்தோம். முகாம்களில் இருந்தவர்களிடம் பேசியபோது ஒருவர்கூட வெளிப்படையாகப் பேசுவதற்கு முன்வரவில்லை. அதற்கு அவர்கள் சொன்ன பதில், "நாங்கள் க்யூ பிராஞ்ச் போலீஸார் கட்டுப்பாட்டில் இருப்பதால் எங்களால் எதையும் வெளிப்படையாகப் பேச இயலாது. எனவே, அவர்களுடைய அனுமதியைப் பெற்றுக்கொண்டு எங்களிடம்  வாருங்கள்" என்பதுதான்.

விவசாயிகளையே விட்டுவிட்டார்கள் !

"எங்களுடைய நலனுக்காகத்தான் நீங்கள் வந்திருக்கிறீர்கள் என்று எங்களுக்குத் தெரியும். இங்குள்ள குறைகளைச் சொன்னால் 'அகதிகளுக்கான பதிவை' பதிவேட்டில் இருந்து எடுத்து விடுவார்கள்" என்றனர். முகாமில் தங்கியிருக்கும் மக்களிடம் பேச க்யூ பிரிவு போலீசார் அனுமதிக்க மாட்டர்கள் என்று தெரிந்தும் அந்த அலுவலகத்திற்கு போய் அனுமதி கோரியபோது, சம்பந்தப்பட்ட போலீஸார் வெளியில் சென்றிருந்தது தெரிய வந்தது. பின்னர் அங்கிருந்த ரமேஷ் என்பவரிடம் முகாமின் நிலைக்குறித்து கேட்டோம். அவர் சொன்ன வார்த்தை, மத்திய-மாநில அரசுகளுக்கு தலைக்குனிவை ஏற்படுத்துவதாக இருந்தது. "நாட்டுக்கே சோறு போடும் விவசாயிகள், பட்டினியோடு தலைநகர் டெல்லியில் அரை நிர்வாணமாகப் போராடுகிறார்கள். அவர்களையே கண்டுகொள்ளாத மத்திய அரசு, அகதிகளான எங்களையா ஏறெடுத்துப் பார்க்கப் போகிறது?" என்றார் அவர்.

தொடர்ந்து நீண்ட மௌனத்திற்குப் பிறகு ரமேஷ் பேசினார். "என்னுடைய புகைப்படத்தை பிரசுரிக்க வேண்டாம். அப்படி, புகைப்படத்துடன் எழுதினால், அகதிகளுக்கான பதிவேட்டில் இருந்து என் பெயரை நீக்கி விடுவார்கள். தற்போது, கிடைத்து வரும் ஒருவேளை, அரை வேளை உணவும் கிடைக்காமல் போய்விடும். இந்த முகாமில் 936 குடும்பங்களைச் சேர்ந்த 3,800 பேர் உள்ளோம். நபர் ஒருவருக்கு அரசு தருகிற 700 ரூபாய் முதல் 1000 ரூபாய் வரையிலான பணத்தை வைத்துக் கொண்டு,அகதிகளால் என்ன செய்ய முடியும். கடந்த 26 ஆண்டுகாளாக 3 வேளை சாப்பாட்டுக்கான போராட்டமாகத்தான் எங்களுடைய வாழ்க்கை போய்க் கொண்டிருக்கிறது" என்று சோகத்துடன் தெரிவித்தார்.

கல்லூரியில் சேர்க்க அரசு நடவடிக்கை எடுக்குமா?

அகதிகள் முகாம்

அகதிகளுக்காக மத்திய-மாநில அரசுகளின் உதவித்தொகை போதவில்லை என்பதால், இங்குள்ள மக்கள் அருகாமையில் உள்ள நிறுவனங்களுக்கு தினக்கூலி வேலைக்குச் செல்கின்றனர். பெயிண்டிங், லோடு இறக்குதல், பெண்களாக இருந்தால் வீட்டுவேலை என மாறிமாறி கிடைக்கின்ற வேலைகளைச் செய்து வயிற்றைக் கழுவி வருகிறோம். இதில் எல்லா நாட்களும் வேலை கிடைப்பதில்லை. சாப்பாட்டுக்கும், உடைகளுக்குமே அல்லாடிக் கொண்டிருக்கிறோம். இதில் பிள்ளைகளை எப்படி படிக்க வைக்கமுடியும்? அப்படியே படிக்க  வைத்தாலும் இங்கே எட்டாம் வகுப்பு வரைதான் உள்ளது. 12-வது படிப்பதற்கு பஜார் பக்கம் உள்ள பள்ளிக்குப் போக வேண்டும். இவ்வளவு சிரமங்களைத் தாண்டி பிள்ளைகளை படிக்க வைக்க முடியல. அப்படியே பள்ளிப்படிப்பை முடித்தாலும், கல்லூரிப் படிப்பை தொடர முடியாத நிலை உள்ளது.அகதிகளுடைய பிள்ளைகள் அரசுக் கல்லூரியில் சேர முடியாது. என் மகன் இந்த வருடத்துடன் 12-ம் வகுப்பை முடிக்கப் போகிறான். அவனை கல்லூரியில் சேர்க்க வேண்டும். அரசு கல்லூரி எனில், கட்டணம் குறைவாக இருக்கும். எனவே, எப்படியாவது கடன் வாங்கியாவது சேர்த்து விடுவேன். அதிக கட்டணம் வசூலிக்கும் தனியார் கல்லூரிகளில் எப்படி எங்களால் சேர்த்து பிள்ளைகளைப் படிக்க வைக்க முடியும்? 12-ம் வகுப்பு வரை படிக்க வைப்பதற்கே மிகவும் கஷ்டப்பட்டேன். இந்தப் பிரச்னை எங்க குடும்பத்துக்கு மட்டுமில்ல. இங்குள்ள எல்லாருடைய குடும்பத்திற்கும் இதே நிலைதான். பிள்ளைகளை படிக்க வைக்க முடியாம அனைவருமே திண்டாடுறாங்க.அரசு நினைத்தால் எங்களுக்கும் குடியுரிமை வழங்கி, எங்கள் வாழ்வையும் முன்னேற்ற  வழிவகை செய்ய முடியும்" என்றார் அவர்.

இதைத் தெரிவிக்கும் போது கண்கலங்கியவர் மீண்டும் தொடர்ந்தார்.

"குடியுரிமை இல்லாத காரணத்தால்தானே பிள்ளையைப் படிக்க வைக்க முடியவில்லை என்ற யோசனை வரும். சொந்த நாட்டுக்கே திரும்பிடலாம்னு யோசிச்சா, கடந்த 26 வருடங்களாக கல்லு கட்டிடம் மாதிரி வாழ்க்கையை கொஞ்சம் கொஞ்சமாக கட்டி வருகிறோம். திரும்பவும் எங்கள் நாட்டுக்குப் போனா, அங்கே வாழறதுக்கு ஆரம்பத்தில் இருந்தே வழிதேடணுமே? என்ற பயம் எங்களைத் தொற்றிக் கொள்ளும். இந்த கேள்விகளோடு தான் ஒவ்வொரு நாளும் ஓடிகிட்டு இருக்கு" என்றார் ரமேஷ்.

மருத்துவமனை இல்லாத அவலம்!
 
இதனைத்தொடர்ந்து முகாமின் அடுத்த தெருவில் நடந்து சென்று  கொண்டிருந்தபோது, எதிரே சைக்கிளில் வந்தவரை மறித்துப்  பேசினோம். என்னுடைய பெயர் கிருபாகரன் என்று அறிமுகம் செய்து கொண்டு பேசத் தொடங்கினார். "அரசு கொடுக்கிற நிதியுதவியை வைத்துக் கொண்டு என்ன செய்ய முடியும்? நல்ல பள்ளிக்கூடம்இல்லை.மருத்துவமனை இல்லை.யாருக்காவது உடல்நிலை சரியில்லைன்னா கவரப்பேட்டைக்குத்தான் போகணும்.

இந்தப் பகுதியில் தேங்கி நிற்கும் கழிவுநீரால், இங்குள்ள மக்களுக்கு அடிக்கடி உடல்நிலை சரியில்லாமல் போய்விடுகிறது.பலமுறை இதுதொடர்பாக, தாலுகா அலுவலகத்தில் மனு கொடுத்து விட்டோம்.ஆனாலும் அரசு அதிகாரிகள் கண்டு கொள்வதில்லை.நிலம், வீடு உள்ளிட்ட வசதிகளோடு வாழ்ந்து விட்டு இங்கே பிச்சைக்காரர்களை விட மோசமான வாழ்கையைத்தான் நாங்கள் வாழ்ந்து கொண்டிருக்கிறோம்.சில நேரத்தில்,சொந்த நாட்டிற்கு போய் விடலாம்னு தோணும்.அங்கே போனாலும் தங்குவதற்கு வீடு வேண்டும். புதிய தொழில் தொடங்க பணம் வேண்டும்.அதனால் இங்கேயே அகதிகளாகவே காலத்தை ஓட்டி விடலாம் என்று மனசை தேற்றிக்குவேன்" என்றார்.

பல்வேறு இடங்களில் சுவர் இடிந்தும், கம்பிகள் தொங்கிக்கொண்டும் காணப்படும் முகாம் வீடுகள், அந்த மக்களின் வறுமையை மௌனமாக சொல்லிக் கொண்டிருந்தாலும் ஒவ்வொருவர் வீட்டிலும் வளர்க்கப்பட்டுள்ள செடிகளும், மரங்களும் சிரித்துக் கொண்டிருந்தன.

சீருடை வாங்க காசில்லை !

முகாமில் வளர்ந்துள்ள மரங்கள்தான் இங்குள்ள மக்களின் கவலையைப் போக்குகிறதோ என்று எண்ணிக் கொண்டு நடந்து சென்று கொண்டிருக்கையில், ஒரு சிறுமி எதிர்ப்பட்டாள். அவளிடம் பேசினோம். "என் பெயர் குட்டி. நான் எட்டாம் வகுப்பு வரை  படித்துள்ளேன். இவ்ளோ படித்ததே பெரிய விஷயம். என் அம்மா தெய்வானை. எங்கள் வீட்டில் மொத்தம் மூன்று பெண் பிள்ளைகள். இரண்டு ஆண் பிள்ளைகள். அப்பா சரியாக காசு கொடுக்க மாட்டார். வாரத்திற்கு 300 ரூபாய் தருவார். அரசின் உதவித்தொகை வருகிறது. ஒரு சிறிய குளிர்பானக் கடை நடத்தி வருகிறோம். அதில் கிடைக்கும் 50 ரூபாய், 100 ரூபாய் வருமானத்தைக் கொண்டுதான் எங்கள் குடும்பம் கழிகிறது" என்றாள். புத்தகத்தைச் சுமக்க வேண்டிய வயதில் குடும்ப பாரத்தைச் சுமந்து கொண்டிருக்கும் சிறுமியை நினைத்துப் பாராட்டுவதா, வேதனைப்படுவதா என்றே தெரியவில்லை. "சில நேரங்களில் சாப்பாட்டுக்கே கஷ்டம்தான். என் தம்பிகள், தங்கைகள் நன்றாகப் படிக்க வேண்டும். அவர்கள் படித்து வேலைக்குப் போனால் குடும்ப கஷ்டம் குறைந்து விடும். ஆனால், அவர்களைப் படிக்க வைக்க பணம் இல்லை. புத்தகம், சீருடை வாங்கக் கூட காசில்லை. பள்ளியில் இரண்டு சீருடைதான் கொடுக்கிறார்கள். அந்த சீருடையும் கிழிந்து விட்டது. தம்பி  கிழிந்த சட்டையோடுதான் பள்ளிக்குச் செல்கிறான். அவனுக்கு எப்படியாவது, புதிய சட்டை வாங்கி கொடுக்கணும்னு நினைப்பேன். ஆனா வர்ற காசு குடும்பச் செலவுக்கே போதாது" என்று அந்தச் சிறுமி சொன்னபோது, பிரதமர் நரேந்திரமோடி, தான் அணிந்திருந்த சால்வையை ஒரு பெண் கேட்டார் என்பதற்காக, அதனை அனுப்பிய செய்திதான் என் நினைவில் வந்து நின்றது.

அகதிகள் முகாம்

"என் வீட்டிற்கு வாருங்கள்" என அந்தச் சிறுமி அவள் வீட்டைக் காட்டியபோது, மிகுந்த அதிர்ச்சி ஏற்ப்பட்டது. மிகவும் குண்டும், குழியுமாக நான்கு சவுக்குக் கம்புகள் மட்டுமே நடப்பட்டு, அதன் மேல் இருந்த கூரையில் கிழிந்த பாய்களும், எப்போது வேண்டுமானாலும் கீழே விழுந்துவிடக்கூடிய நிலையில் சில காய்ந்த ஓலைகளும் போடபட்டிருந்தன. "இந்த வீட்டில்தான் ஏழு பேர் வசிக்கிறோம்" என்றாள். தொடர்ந்து, "எங்களை விடவும் அருகில் உள்ள கவுரி அக்காவின் வீடு மிகவும் மோசமான நிலையில் உள்ளது. மூன்று பெண் குழந்தைகளை வைத்துக் கொண்டு அவர் அல்லாடிக் கொண்டிருக்கிறார். அவர்களுக்கு அரசின் அகதிகள் உதவித் தொகைகூட கிடைப்பதில்லை. அரசாங்கம் அவர்களுக்கு உதவித்தொகை கொடுத்தால் ஓரளவுக்கு பிரச்னை குறையும்" என்று அவள் கூறியது நம்மை நெகிழ வைத்தது. அந்தச் சிறுமியின் நிலையையும், அங்கு வசிக்கும் அகதிகளின் வாழ்வாதாரத்தையும் ஒட்டுமொத்தமாகப் பார்த்த பின்னர், நம் மனம் மிகுந்த பாரத்துடன் பயணத்தைத் தொடர்ந்தது.

கும்மிடிப்பூண்டி மட்டுமல்ல தமிழகம் முழுவதும் அகதிகள் முகாமில் வசிப்பவர்கள் கேட்பதெல்லாம், பெரிய வசதியான வாழ்க்கையோ, ஆடம்பர மாளிகைகளோ அல்ல; தாங்கள் அன்றாடம் பசியின்றி வாழவும், கடும் மழை, வெயிலில் இருந்து பாதுகாப்புடன் வசிக்குவும் ஏற்ற வாழ்வாதாரத்தை மத்திய-மாநில அரசுகள் ஏற்படுத்திக் கொடுக்க வேண்டும் என்பதே. மத்திய அரசு தங்களுக்கு இந்தியாவில் குடியுரிமை வழங்கினால் மகிழ்வோம்; அல்லது தங்கள் சொந்த நாட்டிற்குச் சென்று வாழ்க்கையை புதிதாகத் தொடங்க ஏதுவாக குறிப்பிட்ட உதவித் தொகையையாவது வழங்க வேண்டும் என்பதுதான். அரசு அவ்வாறு செய்தால் மட்டுமே, இந்த சமூகத்தில் எங்களாலும் கல்வி அறிவு பெற்றவர்களாக உயர முடியும் என்பதே இவர்களின் கண்ணீர்க் குரல்களாக ஒலிக்கிறது! இந்தக் குரல்கள் மத்திய-மாநில அரசுகளின் காதுகளுக்கு கேட்குமா?

http://www.vikatan.com/news/coverstory/84611-plight-of-lankan-refugees-in-gummidipoondi-camp.html

Categories: Tamilnadu-news

’தொப்பி, மின் விளக்கு’ திணறும் ஆர்.கே.நகர்.. அனல் பறக்கும் தேர்தல் களம் !

Sun, 26/03/2017 - 09:08
’தொப்பி, மின் விளக்கு’ திணறும் ஆர்.கே.நகர்.. அனல் பறக்கும் தேர்தல் களம் !

            தினகரன்

டைத்தேர்தல் நடக்கும் சென்னை ஆர்.கே.நகர் தொகுதியில் அரசியல் கட்சிகள் மற்றும் சுயேட்சை வேட்பாளர்களின் பிரசாரம் தொடங்கிவிட்டதால்,தொகுதி முழுக்க பரபரப்பு பற்றிக்கொண்டுள்ளது.

முன்னாள் முதல்வர் ஜெயலலிதா மறைவுக்குப் பிறகு, முதன்முறையாக அ.தி.மு.க. சின்னமான இரட்டை இலை இல்லாமல்  நடக்கும் தேர்தல் இது என்பது குறிப்பிடத்தக்கது. பிரதான அரசியல் கட்சியான தி.மு.க. சார்பில் மருதுகணேஷ் வேட்பாளராக போட்டியிடுகிறார்.அதனால் தொகுதி முழுக்க உதயசூரியன் சின்னம் மட்டும்தான் எல்லோரின் கண்களுக்கும் பழகிய சின்னமாக காட்சியளிக்கிறது.மீதியுள்ள சின்னங்கள் எல்லாம் இன்னும் அவ்வளவாக வெளியே காணமுடியவில்லை.இதில் டி.டி.வி.தினகரனின் தொப்பி சின்னமும், மது சூதனின் இரட்டை மின்விளக்கு சின்னமும் பல்வேறு இடங்களில் போஸ்டர் வடிவிலும்,பேனர் வடிவிலும் காண கிடைக்கின்றன.தினகரனின் சார்பில் அவரின் ஆதரவாளர்கள் வைத்துள்ள விளம்பர பேனர்களில் சசிகலா மிஸ்ஸிங். ஆனால் ஜெயலலிதா புகைப்படங்கள் மட்டும் பளிச்சிடுகின்றன.

ஆர்.கே.நகரில் முகாமிட்டுள்ள ஊடகங்கள்!  

தேர்தல் நேரத்தில் வேட்பாளர்களுடன் பேட்டி எடுப்பதிலும் அதனை லைவ் செய்வதிலும் சுறுசுறுப்பாக இயங்கும் தொலைக்காட்சிகளின் குழுவினர் இப்போது இடைத்தேர்தல் நடக்கவுள்ள ஆர்.கே.நகரிலும் முகாமிட்டுள்ளனர்.அரசியல் அரங்கம்,வேட்பாளருடன் ஒருநாள் என்ற பல்வேறு தலைப்புகளில் ஒளிபரப்பு செய்யப்படும் அரசியல் நிகழ்ச்சிகளுக்கென பிரத்யேக பேட்டிகள், காட்சிகள் படம் பிடிக்க தொலைக்காட்சிகள் ஆர்.கே.நகரின் கொருக்குப்பேட்டை,தண்டையார்ப்பேட்டை,வ.உ.சி.நகர்,காமராஜ் நகர் என்று பல இடங்களில் குழுமியுள்ளனர்.

                   லோகநாதன்

வட்டமடிக்கும் வெளிமாவட்ட வாகனங்கள்!  

பிரசார நேரங்களில் வேட்பாளருக்கு ஆதரவு தெரிவித்து அவர்களின் ஆதரவாளர்கள் வாக்கு சேகரிப்பதில் தீவிரம் காட்டுவார்கள்.அதிலும் ஆர்.கே.நகர் இடைத்தேர்தல் அதிமுக பிளவுபட்ட நிலையில் நடக்கிறது. இதனால் பிளவு பட்ட அதிமுக பிரமுகர்களால் ஆர்.கே.நகர் நிரம்பியுள்ளது.அதிமுக அம்மா அணி சார்பில் களம் இறங்கியுள்ள டிடிவி தினகரனின் ஆதரவாளர்கள் மதுரை, தேனி, திண்டுக்கல், திருநெல்வேலி , ராமநாதபுரம், சேலம், கும்பகோணம்,திருச்சி என்று மாநிலத்தின் பல்வேறு மாவட்டங்களில் இருந்து நூற்றுக்கணக்கில் குவிந்துள்ளனர்.காலை முதல் மாலைவரை ஆர்.கே.நகரின் எல்லா சாலைகளிலும் வெளிமாவட்ட பதிவெண் கொண்ட கார்கள் நூற்றுக்கணக்கில் அணிவகுத்துச் செல்கின்றன.இதனால் திரும்புகிற பக்கம் எல்லாம் வெள்ளைச் சட்டைகள் தென்படுகின்றன.ஆனால் யாரும் 'சின்னம்மா' குறித்து ஒரு வார்த்தையும் பேசாமல் கவனமாக வாக்குச் சேகரிக்கிறார்கள் என்கிறார்கள் தொகுதி வாசிகள்.

                மதுசூதனன்

தினகரனை முந்திய மதுசூதனன்!

டி.டி.வி. தினகரன் நாளை மறுநாள்,ஆதி ஆந்திரர்கள் அதிகம் வசிக்கும் காமராஜ் நகர் உள்ளிட்ட பகுதிகளில் வாக்கு சேகரிக்க வருகிறார் என்பதை அறிந்துகொண்ட மதுசூதனன், இன்றே தனது பிரசாரத்தை அந்தப் பகுதிகளில் தொடங்கினார். அதுவும் ஆதி ஆந்திரர்களின் தாய் மொழியான தெலுங்கில் பேசி மதுசூதனன் வாக்குச் சேகரித்தார். இந்தப் பகுதியில் மட்டும் சுமார் 80 ஆயிரம் ஓட்டுகள் இருக்கின்றன என்பது குறிப்பிடத்தக்கது. 'ஒன்றாய் இருந்த கட்சியினர் இப்போது இரண்டு மூன்று அணியாய்ப் பிரிந்து ஓட்டு கேட்குறாங்களே'...என்ற குழப்பத்தில் வாக்காளர்கள் இருப்பதைப் பார்க்க முடிகிறது.

பிரசாரத்தில் இறங்கியது மார்க்சிஸ்ட் கம்யூனிஸ்ட்!

ஆர்.கே.நகர் வேட்பாளராக களம் இறங்கியுள்ள மார்க்சிஸ்ட் கம்யூனிஸ்ட் கட்சியின் வேட்பாளர் ஆர்.லோகநாதன் தனது பிரசாரத்தை இன்று தொடங்கினார்.அதில் மார்க்சிஸ்ட் கம்யூனிஸ்ட் கட்சியின் தமிழ் மாநில செயலாளர் ஜி.ராமகிருஷ்ணன், எம்.பி.ரங்கராஜன் ஆகியோர் கலந்துகொண்டு ஆர்.கே.நகர் முழுக்க தீவிர வாக்கு சேகரிப்பில் ஈடுபட்டுள்ளனர்.

ஆர்.கே. நகர் தேர்தல் களத்தில் பிரசார சூடு தகிக்க தொடங்கிவிட்டது.

http://www.vikatan.com/news/politics/84601-all-political-parties-gears-up-for-rk-nagar-bypoll.html

Categories: Tamilnadu-news

மேடையில் ‘சின்னம்மா’ கட்... பேப்பரில் ‘அம்மா’ கட்..!

Sun, 26/03/2017 - 07:30
மிஸ்டர் கழுகு: மேடையில் ‘சின்னம்மா’ கட்... பேப்பரில் ‘அம்மா’ கட்..!

 

p44d.jpg‘‘தினகரன் தனது அடுத்த நகர்வை ஆரம்பித்து விட்டார்” என்றபடி வந்து உட்கார்ந்தார் கழுகார்.

‘‘அடுத்த நகர்வா?” என்றோம்!

‘‘சசிகலாவையே ஒதுக்குவதுதான்” என்று அதிர்ச்சியைக் கொடுத்தார் கழுகார். ‘‘சசிகலாவை மொத்தமாகப் புறக்கணிக்கும் எண்ணத்துக்கு வந்துவிட்டார் தினகரன் என்பதையே அவரது நடவடிக்கைகள் காட்டுகின்றன. ஆர்.கே. நகர் தொகுதியில் போட்டியிடும் தினகரனுக்காக தண்டையார்பேட்டையில் ஆலோசனைக் கூட்டம் நடந்தது. மேடையில் ஜெயலலிதா, தினகரன் படங்கள் மட்டும்தான் இருந்தன. சசிகலா படம் இல்லை. சித்தியை இப்போதே ஒதுக்க ஆரம்பித்துவிட்டார் தினகரன்.”

‘‘தைரியம்தான்!”

‘‘இதில் என்ன தைரியம்? சித்தி சிறையில் இருக்கிறார். அவருக்காகப் பரிந்து பேசக் கட்சிக்குள்ளும் யாரும் இல்லை. பிறகென்ன... துள்ளிக் குதிக்க வேண்டியதுதானே? ‘அம்மா’ என்று பெரிதாகப் பெயர் அச்சடித்தார்களே தவிர, ‘சின்னம்மா’ என்று சின்னதாகக்கூட வைக்கவில்லை. சசிகலா படமும் இல்லை. மேடையில் பேசிய தினகரன், ஏதோ ஜெயலலிதாவால் அதிகாரபூர்வமாக அறிவிக்கப்பட்ட வாரிசு போலவே பேசினார். வரிக்கு வரி அம்மா புராணம். ஒரே ஓர் இடத்தில்தான் ‘சின்னம்மா’ என்று போகிற போக்கில் சொன்னார். ‘1989-ல் இரட்டை இலை சின்னம் தொடர்பாக பிரச்னை வந்தபோது, வழக்கறிஞர்களை சந்திக்கச் சென்ற அம்மா, என்னையும் அழைத்துச் சென்றார். அப்போதே எனக்குப் பயிற்சி கொடுத்துவிட்டார். புரட்சித் தலைவர் மறைந்தபிறகு மூன்று ஆண்டுகள் புரட்சித் தலைவி தனக்குப் பாதுகாவலராக என்னைத்தான் வைத்திருந்தார். 1999 நாடாளுமன்றத் தேர்தலில் முதன்முதலாக என்னை அம்மா நேரடியாக அரசியலுக்குக் கொண்டு வந்தார். இந்தத் தேர்தலில் அம்மா அவர்களின் ஆசியோடு என்னை வேட்பாளராக நிறுத்தி இருக்கிறீர்கள். எனக்குத் தெரிந்து இந்த 30 ஆண்டுகளில் பல்வேறு சரித்திரங்கள் திரும்பி இருக்கின்றன. எனது அரசியல் அனுபவத்தில் இதைக் கூறுகிறேன்’ என்று ஒரே அம்மா புராணம்தான்!”

p44c.jpg

‘‘சொல்லும்!”

‘‘இரட்டை இலை முடக்கப்பட்ட பிறகு அளித்த பேட்டியிலும் அதே அம்மா புராணம்தான். ‘நான் அம்மாவின் மாணவன். அம்மாவின் அதே துணிவு, விடாமுயற்சி, தன்னம்பிக்கையோடு கழகத்தை நிலைநிறுத்திக் காட்டுவேன். எந்த சின்னத்தில் போட்டியிட்டாலும் அம்மாவின் ஆசியோடு வெற்றி பெறுவேன். யார் தலையீடு இருந்தாலும் கவலை இல்லை என்று சொன்னார் தினகரன். சின்னம்மா பெயரைச் சொல்லவே இல்லை. பொதுவாக, அ.தி.மு.க-வின் அதிகாரபூர்வ நாளேடான ‘நமது எம்.ஜி.ஆர்’, எல்லா பக்கங்களிலும் ஜெயலலிதா படங்களைத் தாங்கி வரும். மந்திரிகள் அறிவிப்பாக இருந்தாலும், அதிலும் ஜெயலலிதா படம்தான் இருக்கும். சசிகலா பொதுச்செயலாளர் ஆக்கப்பட்ட பிறகு அவரது படங்கள் இடம்பிடிக்க ஆரம்பித்தன. ஆனால், அப்போதும் பல இடங்களில் ஜெயலலிதா படமே இருக்கும். ஆனால், தினகரன் வேட்புமனு தாக்கல் செய்வதற்கு முந்தைய நாள் ‘நமது எம்.ஜி.ஆர்’ நாளேட்டின் ஒவ்வொரு பக்கத்திலும் தினகரன்தான் இருந்தார். அவர் படங்கள்தான் பெரிது பெரிதாகப் பிரசுரிக்கப்பட்டு இருந்தன.’’

‘‘அப்படியானால் ‘நமது எம்.ஜி.ஆர்’... ‘நமது தினகரன்’ ஆகிவிட்டதா?”

‘‘அப்படித்தான் சொல்லத் தோன்றுகிறது. ‘நமது எம்.ஜி.ஆர்’ ஆசிரியரான மருது அழகுராஜ், ‘சித்ரகுப்தன்’ என்ற பெயரில் தினமும் கவிதை எழுதி வருகிறார். அரசியல் எதிரிகளைக் கவிதையால் கடுமையாகப் பதம் பார்ப்பார். ‘இடைவேளை முடியும்! இலைவேளை தொடங்கும்!’ என்று அவர் ஒரு கவிதை எழுதி இருக்கிறார். கவிதையின் உள்ளடக்கம், ‘மோடியின் சதிக்கு பன்னீர் ஆட்கள் பலியாகிவிட்டார்கள், இதில் வெல்வோம்’ என்பது. நான் சொல்ல வந்தது அதுவல்ல. அந்தக் கவிதைக்கு ஒரு படம் போடப்பட்டுள்ளது. அதில் இரண்டு பேர் மட்டும்தான் இருக்கிறார்கள்!”

‘‘ஜெயலலிதாவும் தினகரனுமா?”

‘‘அதுதான் இல்லை! எம்.ஜி.ஆரும் தினகரனும் மட்டும் இருக்கிறார்கள். மக்கள் கூட்டத்தைப் பார்த்து எம்.ஜி.ஆர் சிரிக்கிறார். தினகரன் வணங்குகிறார். இப்படி ஒரு படத்தை வைத்துள்ளார்கள்...”

‘‘இவை எல்லாம் தினகரனுக்குத் தெரியாமல் நடந்திருக்குமா?”

‘‘அப்படி ஒருவர் நம்பினால், அவர் ‘பச்சை மண்’ என்றுதான் சொல்ல வேண்டும். ‘திட்டமிட்டு ஜெயலலிதாவை மறைத்துள்ளார்கள். திட்டமிட்டு சசிகலாவை மறைக்கிறார்கள்’ என்றே அ.தி.மு.க-வினர் சந்தேகப்படுகிறார்கள். ஆர்.கே. நகர் தேர்தல் செயல்வீரர்கள் கூட்ட மேடையில் சசிகலா படம் வைக்கப்படாதது மன்னார்குடி பிரமுகர்கள் சிலரின் கண்களை உறுத்தியது. அவர்கள், தினகரனிடம் இதுபற்றி நேரடியாகக் கேட்டதாகச் சொல்லப்படுகிறது. ‘எனக்குத் தெரியாமல் நடந்துவிட்டது’ என்று தினகரன் சொன்னாராம். ‘ஐந்தாறு தடவை டிசைனை சரி பார்த்த தினகரன் இப்படிச் சொல்வதை நம்ப முடியவில்லை’ என்று மன்னார்குடி ஆட்கள் சொல்கிறார்கள்.”

‘‘மன்னார்குடி என்றால் அவர்கள் திவாகரன் ஆட்களாக இருக்கலாம் அல்லவா?”

p44e.jpg

‘‘திவாகரன் - தினகரன் மோதல், நாளுக்கு நாள் அதிகமாகி வருகிறது. ‘நமது குடும்பத்தைச் சேர்ந்த அனைவரையும் தினகரன் ஒதுக்குகிறார்’ என்று சசிகலா வரை புகார் போயுள்ளது. திவாகரனையும் தினகரனையும் நேரில் அழைத்துச் சமாதானம் செய்ய, அல்லது கண்டிக்க சசிகலா நினைக்கிறார். எப்போது வேண்டுமானாலும் இவர்கள் இருவரும் பெங்களூரு செல்லலாம். போய் திட்டு வாங்கிவிட்டு வந்து, ‘சின்னம்மாவிடம் ஆசி வாங்கப் போனேன்’ என்றும் சொல்லலாம். சாமர்த்தியமாக, ‘எல்லாமே நான்தான்.  சசிகலாவுக்குக்கூட எந்த அதிகாரமும் இல்லை’ என்று தினகரன் காட்ட ஆரம்பித்துவிட்டார்.”

‘‘முதலமைச்சர் எடப்பாடி பழனிசாமி ஆட்கள் அமைதியாக இருக்கிறார்களா?”

‘‘தினகரனின் ஒவ்வோர் அசைவையும் எடப்பாடி ஆட்களும் கொங்கு வட்டாரத்து அமைச்சர்களும், அந்த வட்டாரத்து அ.தி.மு.க பிரமுகர்களும் உன்னிப்பாகக் கவனித்து வருகிறார்கள். ஆர்.கே. நகர் இடைத் தேர்தலுக்காக 152 பேர் கொண்ட தேர்தல் பணிக்குழு அமைத்து இருக்கிறார்கள். எடப்பாடி பழனிசாமி, இந்தப் பட்டியலில் நான்காவது இடத்தில் இருக்கிறார். ‘முதல்வர் என்பதற்காக அவருக்கு எங்கும் முதலிடம் கொடுத்துவிடக் கூடாது’ என்பதில் தெளிவாக இருக்கிறார் தினகரன். தேர்தல் பணிமனைத் திறப்பு விழாவில் எடப்பாடி கலந்து கொண்டார். பொதுவாக, முதலமைச்சர் மேடையில் இருந்தால், அவரது பெயரைத்தான் முதலில் சொல்வார்கள். ஆனால் வட சென்னை மாவட்டச் செயலாளர் வெற்றிவேல், ஆர்.கே. நகர் பகுதிச் செயலாளர் சந்தானம், அமைச்சர் ஜெயக்குமார், வெங்கடேஷ்பாபு    எம்.பி ஆகியோரின் பெயர்களைச் சொல்லிவிட்டு, அதன் பிறகுதான் ‘மாண்புமிகு தமிழ்நாடு முதலமைச்சர் என் அருமைச் சகோதரர் எடப்பாடியார் அவர்களே’ என்று சொன்னார் தினகரன். ‘முதலமைச்சர் பெயரைச் சொல்லிவிட்டுத்தான் மற்றவர்களின் பெயர்களைச் சொல்லியிருக்க வேண்டும்’ என்று கட்சித் தொண்டர்கள் பேசிக்கொண்டார்கள். ‘ஜெயித்தால் தினகரன் முதலமைச்சர் ஆகிவிடுவார்’ என்று p44a.jpgபரவியிருப்பதால் அதற்கு பதில் சொல்லும் விதமாக, ‘நமது முதலமைச்சர் எடப்பாடியார் தலைமையிலே இயங்கும் அரசு, அம்மா அவர்கள் விட்டுச் சென்ற பணிகளை நிறைவேற்றத்தான் என்னை ஆட்சி மன்றக் குழுவினர், அம்மாவின் பிரதிநிதியாக வேட்பாளராக நிறுத்தி இருக்கிறார்கள்’ என்று சுற்றி வளைத்து எதையோ சொல்லப்போய், எடப்பாடிக்குப் பதிலும் சொன்னார் தினகரன். இந்தக் கூட்டத்தில் இன்னோர் அதிர்ச்சிகரமான நிகழ்வு என்னவென்றால், தமிழ்நாட்டின் முதலமைச்சர் எடப்பாடி பழனிசாமி பேசி முடித்தபிறகுதான் தினகரன் பேசி இருக்கிறார். முதலமைச்சரை விட துணைப்பொதுச்செயலாளர் என்ற அங்கீகாரம் இல்லாத பதவி பெரிதாகிவிட்டது!”

‘‘பதவி பெரிதோ, இல்லையோ, அந்தப் பதவியில் இருக்கும் தினகரன் பெரிய ஆள் அல்லவா? இது எங்கே போய் நிற்குமோ?”

‘‘தெரியவில்லை! பார்ப்போம்” என்ற கழுகார், தமிழக சட்டமன்றத்தில் சபாநாயகர் மீது நம்பிக்கை இல்லாத் தீர்மானம் ஓட்டெடுப்புக்கு வந்த விஷயத்தில் நுழைந்தார்.

‘‘எடப்பாடி பழனிசாமி அரசு மீதான நம்பிக்கை வாக்கெடுப்பு நடந்த பிப்ரவரி 18-ம் தேதி, தமிழக சட்டசபையில் கொந்தளிப்பு ஏற்பட்டது. அதைத் தொடர்ந்து சபாநாயகர் தனபால் மீது நம்பிக்கை இல்லாத் தீர்மானம் கொண்டு வருவதற்கான கடிதத்தை தி.மு.க சார்பில் சேகர்பாபு, தாயகம் கவி ஆகிய எம்.எல்.ஏ-க்கள் சட்டசபை செயலாளரிடம் கொடுத்தார்கள். அதன் நகல் சபாநாயருக்கும் தரப்பட்டது. உடனே அ.தி.மு.க உறுப்பினர் வெற்றிவேல் ஒரு புகார் கொடுத்தார். ‘சபை மாண்பைக் கெடுத்ததற்தாக தி.மு.க-வின் ஏழு எம்.எல்.ஏ-க்கள் மீது நடவடிக்கை எடுக்க வேண்டும்’ என்பது அந்தப் புகார். இதைத் தொடர்ந்து, இந்த ஏழு பேருக்கும் உரிமை மீறல் குழு நோட்டீஸ் அனுப்பியது. பட்ஜெட் தாக்கல் செய்வதற்குமுன் எதிர்க்கட்சித் தலைவர் ஸ்டாலின் எழுந்து, ‘சபாநாயகர் மீது நம்பிக்கை இல்லாத் தீர்மானம் கொடுத்துள்ளேன். அதனை உடனடியாக எடுத்துக்கொள்ள வேண்டும்’ என்றார். ‘இந்தக் கூட்டத்தொடரின்போதே அதனை நான் எடுத்துக்கொள்வேன். இன்று பட்ஜெட் தாக்கல் செய்ய ஒத்துழையுங்கள்’ என்றார் தனபால். சபாநாயகர் மீது நம்பிக்கை இல்லாத் தீர்மானம் கொடுத்தால் 15 நாட்களுக்குள் அதனை எடுக்க வேண்டும். அதனால் ஸ்டாலின் அவசரப்படுத்தினார்!”

p44.jpg

‘‘ஓஹோ!”

‘‘கடந்த 23-ம் தேதி, சபாநாயகர் மீதான நம்பிக்கை இல்லாத் தீர்மானம் எடுத்துக் கொள்ளப்பட்டது. ‘சட்டசபையில் நடந்த சம்பவம் மட்டும் இதற்குக் காரணம் அல்ல. ஜெயலலிதா என்று பெயரைச் சொல்லவே விடமாட்டேன் என்கிறார்கள். எதைப் பேசினாலும் சபைக்குறிப்பில் இருந்து நீக்குகிறார். அதற்காகத்தான் இப்படி ஒரு தீர்மானம் கொண்டு வரபோகிறோம். இது தோற்கும் என்று தெரியும். ஆனாலும் ஆளும்கட்சியை பயமுறுத்தவே இது’ என்று தி.மு.க-வினர் சொன்னார்கள். 23-ம் தேதி கேள்வி நேரம் முடிந்ததும் சபாநாயகர் தனபாலே, இந்த தீர்மானத்தைப் பற்றிப் பேச ஆரம்பித்தார். தன்னைப் பற்றி ஜெயலலிதா சொன்ன விஷயங்களை சுட்டிக் காட்டிய தனபால், ‘நான் துன்பத்தில் இருக்கும் நேரம் என்றால் இதுதான். எனது துரதிர்ஷ்டமான நேரம் இது’ என்று சொல்லி, தன் ஆசனத்தை விட்டு இறங்கினார். துணை சபாநாயகர் பொள்ளாச்சி ஜெயராமன், சபாநாயகர் இருக்கையில் அமர்ந்து சபையை நடத்தினார். தீர்மானத்தை முன்மொழிந்து பேசினார் ஸ்டாலின். ‘தனபால் மீது தனிப்பட்ட கோபம் இல்லை. சபாநாயகர் நடுநிலையாக இல்லை. அதனால்தான் தீர்மானத்தைக் கொண்டு வருகிறோம்’ என்றார். காங்கிரஸ் கட்சியும் இந்தத் தீர்மானத்தை ஆதரித்தது. முதலில், குரல் வாக்கெடுப்பு நடந்தது. அதில் தீர்மானம் தோல்வி அடைந்தது. இரண்டாவதாக, ‘எண்ணிக்கை அடிப்படையில் வாக்கெடுப்பு வேண்டும்’ என்று ஸ்டாலின் கேட்டார். தீர்மானத்துக்கு ஆதரவாக 97 பேரும், எதிர்ப்பாக 122 பேரும் இருந்தார்கள். ஓ.பன்னீர்செல்வம் ஆதரவு எம்.எல்.ஏ-க்கள் சபையைவிட்டு எப்போது போனார்கள் என்பதே தெரியாதது மாதிரி சத்தமில்லாமல் கிளம்பிவிட்டார்கள். ஆதரித்தார்களா, எதிர்த்தார்களா என்பதே பதிவாகவில்லை. ஆனால், ஓ.பன்னீர்செல்வத்தை ஆதரித்த மயிலாப்பூர் எம்.எல்.ஏ நடராஜ், தனபாலுக்கு ஆதரவாக வாக்களித்தார். தீர்மானத்தைப் பன்னீர் ஆட்கள் ஆதரிப்பார்கள் என்று ஸ்டாலின் நினைத்தார். தீர்மானத்தை ஆதரிக்க வேண்டாம் என்று பன்னீர் ஆட்களிடம் தனபால் பேசியதாகவும் சொல்கிறார்கள். ‘அம்மாவின் ஆட்சிக்கு எதிராகச் செயல்படுகிறோம் என்று இருக்க வேண்டாம். அதே நேரம், தி.மு.க-வுக்கு ஆதரவாக இருக்கிறோம் என்ற தோற்றமும் வந்துவிடக்கூடாது’ எனப் பன்னீர் கருதியதாகவும் சொல்கிறார்கள்” என்ற கழுகார், ‘விர்’ரெனப் பறந்தார்.

http://www.vikatan.com/juniorvikata

Categories: Tamilnadu-news

கலக்கம் ! தொடர் அஸ்திரத்தால் சசி அணியினர்... அ.தி.மு.க.,அலுவலகத்தை கைப்பற்ற பன்னீர் இலக்கு

Sat, 25/03/2017 - 19:55
கலக்கம் !
தொடர் அஸ்திரத்தால் சசி அணியினர்...
அ.தி.மு.க.,அலுவலகத்தை கைப்பற்ற பன்னீர் இலக்கு
 
 
 

இரட்டை இலை சின்னத்தை முடக்கியது போல, அ.தி.மு.க., அலுவலகத்தை கைப்பற்ற, பன்னீர்செல்வம் அணி முடிவு செய்துள்ளதால், சசி அணியினர் கலக்கம் அடைந்துள்ளனர்.

 

Tamil_News_large_173806320170325231815_318_219.jpg

ஜெயலலிதா மறைவுக்குப்பின், அ.தி.மு.க., சசிகலா, பன்னீர் என, இரண்டு அணிகளாகச் செயல்படுகிறது. சசி அணிக்கு, 122 எம்.எல்.ஏ.,க் கள், 37 எம்.பி.,க்கள், மாவட்ட செயலர்கள் ஆதரவு உள்ளது. பன்னீர் அணிக்கு, 11 எம்.எல்.ஏ.,க்கள், 12 எம்.பி.,க்கள் ஆதரவு உள்ளது.
 

சிறு குழு


சசிகலா குடும்பத்தினர் மீதுள்ள வெறுப்பு காரண மாக, தொண்டர்கள், பன்னீர் அணிக்கு ஆதரவாக உள்ளனர். 'பன்னீர் அணியினர் சிறு குழு; அவர்களால் எதுவும் செய்ய முடியாது'

என, சசி அணி நினைத்தது. ஆனால், பன்னீர் அணி, தாங்கள் தான் உண்மையான, அ.தி.மு.க., என்பதை நிரூபிக்க, ஆயத்தப் பணிகளை துவங்கியுள்ளது. முதல் கட்டமாக, 'அ.தி.மு.க., பொதுச்செயலராக, சசிகலா நியமிக்கப்பட்டது செல்லாது' என, அறிவிக்க கோரி, தேர்தல் கமிஷனில் மனு கொடுத்தனர்.

பின், ஆர்.கே.நகர் இடைத்தேர்தல் அறிவிக்கப்பட்ட தும், இரட்டை இலை சின்னத்தை, தங்களுக்கு ஒதுக் கும்படி, மனு அளித்தனர். தொடர்ந்து, சசி அணியின ரும், மனு அளித்தனர்.பன்னீர் அணியினர் ரகசிய மாக, 10 ஆயிரம் நிர்வாகிகள், 45 லட்சம் உறுப்பினர் களிடம், ஆவணங்களில் கையெழுத்து பெற்று, தேர்தல் கமிஷனில் சமர்ப்பித்தனர்.

அதை தாமதமாக அறிந்த சசிகலா அணி, பின் கையெழுத்து வேட்டையில் ஈடுபட்டது. பன்னீர் அணி, ஏராளமான ஆவணங்களை சமர்ப்பித்ததால், இரட்டை இலை சின்னத்தை, தேர்தல் கமிஷன் முடக்கியது. இதனால், ஆர்.கே. நகரில், இரண்டு அணியினரும், சுயேச்சை சின்னங்களில் போட்டி யிட வேண்டிய நிலை ஏற்பட்டுள்ளது. இது, சசி அணிக்கு, பெரும் பின்னடைவை ஏற்படுத்தி உள்ளது.

ஆலோசனை


அதேநேரம் பன்னீர் அணியினர் உற்சாகம்

 

அடைந்துள்ளனர்.தேர்தலில் வெற்றி பெற்றால், கட்சி தங்கள் கட்டுப்பாட்டில் வரும் என்ற நம்பிக்கையில், தீவிர தேர்தல் பணியில் ஈடுபட்டு உள்ளனர்.அதேநேரத்தில், இரட்டை இலை சின்னத்தை முடக்கியது போல, அ.தி. மு.க., தலைமை அலுவலகத்தை கைப்பற்ற, நீதிமன்றத்தில் வழக்கு தொடர்வது குறித்தும், ஆலோசித்து வருகின்றனர்.

தற்போது, கட்சி பெயரை, இரு அணியினரும் பயன்படுத்த,தேர்தல் கமிஷன் தடை விதித் துள்ளதால், கட்சி அலுவலகத்தை, சசி அணியி னர் பயன்படுத்த தடை வாங்கவும், முடிவு செய்துள்ளனர்.பன்னீர் அணியினர், அடுத் தடுத்து அஸ்திரங்களை ஏவி வருவது, சசி அணியினரிடம் கலக்கத்தை ஏற்படுத்தி உள்ளது.

http://www.dinamalar.com/news_detail.asp?id=1738063

Categories: Tamilnadu-news

மரத்தில் ஏறி தமிழக விவசாயிகள் தற்கொலை முயற்சி: டெல்லியில் பரபரப்பு

Sat, 25/03/2017 - 17:22
மரத்தில் ஏறி தமிழக விவசாயிகள் தற்கொலை முயற்சி: டெல்லியில் பரபரப்பு

 

பல்வேறு கோரிக்கைகளை முன்வைத்து டெல்லியில் தொடர்ந்து 12-வது நாளாக போராட்டத்தில் ஈடுபட்டு வரும் தமிழக விவசாயிகளில் மூன்றுபேர் இன்று பிற்பகல் மரத்தின்மீது ஏறி தற்கொலைக்கு முயன்றதால் பெரும் பரபரப்பு ஏற்பட்டது.

 
 
 
 
 டெல்லியில் பரபரப்பு
 
புதுடெல்லி:

வார்தா புயல், வறட்சியால் பாதிக்கப்பட்டுள்ள தமிழகத்துக்கு ரூ.40 ஆயிரம் கோடி நிவாரணம் வழங்க வேண்டும். நாடு முழுவதும் உள்ள நதிகளை இணைக்க வேண்டும். விவசாயிகளின் வங்கி கடனை தள்ளுபடி செய்ய வேண்டும். தமிழகத்தில் ‘ஹைட்ரோ கார்பன்’ எடுக்கும் திட்டத்தை கைவிட வேண்டும். 60 வயதுக்கு மேற்பட்ட விவசாயிகளுக்கு மாதந்தோறும் பென்‌ஷன் வழங்க வேண்டும் ஆகிய கோரிக்கைகளை முன்வைத்து தென்னிந்திய நதிகள் இணைப்புக் குழு தலைவர் அய்யாக்கண்ணு தலைமையில் சுமார் 100 விவசாயிகள் டெல்லியில் போராடி வருகிறார்கள்.

மத்திய அரசின் கவனத்தை ஈர்ப்பதற்காக தினமும் விதவிதமாக போராடுகிறார்கள். உத்தரப்பிரதேசம், பஞ்சாப், அரியானா உள்பட மாநிலங்களை சேர்ந்த விவசாயிகளும் ஆதரவு தெரிவித்து இந்தப் போராட்டத்தில் பங்கேற்கின்றனர். எனினும், மத்திய அரசு விவசாயிகள் போராட்டத்தை கண்டுகொள்ளாமல் உள்ளது.

இந்த நிலையில், இன்று விவசாயிகள் 12 வது நாளாக போராட்டத்தில் ஈடுபட்டனர். இன்று மூன்று விவசாயிகள் அங்கிருந்த மரத்தின் மீது ஏறி தற்கொலை மிரட்டல் விடுத்து போராட்டம் நடத்தி வருகின்றனர். போரட்டத்திற்கு ஆதரவு தெரிவிக்க சென்ற நடிகர்கள் விஷால் மற்றும் குழுவினர் கேட்டுக்கொண்டதற்கு இணங்க அவர்கள் இறங்கி வந்தனர்.
 
454CBFBD-4013-4433-9BC4-10FF7F3352A6_L_s

மேலும், ஒருவர்  இறந்தது போல் படுத்து கிடந்தார். அவருக்கு இறுதி சடங்கு நிகழ்த்துவது போல் போராட்டம் நடத்தினர். இதனால் தலைநகர் டெல்லியில் பெரும் பரபரப்பு ஏற்பட்டது.

http://www.maalaimalar.com/News/National/2017/03/25131437/1075941/TN-farmers-attempts-suicide-in-Delhi.vpf

Categories: Tamilnadu-news

உதிர்ந்தது இலை

Sat, 25/03/2017 - 16:42
உதிர்ந்தது இலை

 

''அ.தி.மு.க.வில் கூட்டணி வைத்துக்கொள்ள யார்  வந்­தாலும் தனது  கட்­சியின் இரட்டை இலை சின்­னத்தில் மட்­டுமே போட்டியிட வேண்டும் என்பது ஜெயலலிதாவினால் வகுக்கப்­பட்ட விதி.  அந்தளவு ஜெயலலிதாவுக்கு இரட்டை இலையில் பற்றும்  விருப்­பமும் இருந்தது. இரட்டை இலையில் ஒன்று எம்.ஜி.ஆர். மற்றொன்று ஜெயலலிதா இன்று இரண்டுமே உதிர்ந்துவிட்டன...''  

 

 

''நான் இறந்த பின்­னாலும் அ.தி.மு.க. என்ற இப்­பே­ரி­யக்கம் இன்னும் 1000 வரு­டங்கள் தாண்­டி­யி­ருக்கும். வெற்றி சின்­ன­மாம் மக்கள் திலகம் கண்ட இரட்டை இலை சின்­னத்­துக்கு வாக்­க­ளித்து வெற்­றி­பெறச் செய்­யுங்கள்'' என்று கடந்த வருடம் சென்னை தீவுத் திடலில் நடை­பெற்ற தனது கடைசி தேர்தல் பிர­சா­ரத்தில் ஜெய­ல­லிதா பேசி­யி­ருந்தார். அந்த தேர்­தலில் அ.தி.மு.க. வர­லாறு காணாத வெற்­றியை பெற்­றது. ஆனால் ஜெய­ல­லிதா இறந்து 3 மாதங்கள் முடியும் முன்­னரே கட்­சியும் சின்­னமும் அதன் கொடியும் முடக்­கப்­பட்­டு­விட்­டன.

அ.தி.மு.க. வில் கூட்­டணி வைத்துக்கொள்ள யார் வந்­தாலும் தனது கட்­சியின் இரட்டை இலை சின்­னத்தில் மட்­டுமே போட்­டி­யிட வேண்டும் என்­பது ஜெய­ல­லி­தா­வினால் வகுக்­கப்­பட்ட விதி. அந்த அளவு ஜெய­ல­லி­தா­வுக்கு இரட்டை இலையில் பற்றும் விருப்­பமும் இருந்­தது. ஜெய­ல­லி­தாவின் கடைசி கால­கட்­டங்­களில் அ.தி.மு.க.வில் கூட்­டணி வைத்த அனைத்து கட்­சி­க­ளுமே இரட்டை இலை­யி­லேயே போட்­டி­யிட்­டன. இதனால் அக்­கட்­சிகள் தேர்தல் காலங்­களில் தமது சுயத்தை இழக்க வேண்­டிய நிலை ஏற்­பட்­டது. ஆனால் , வர­லாறு காணாத வெற்­றி­களை அ.தி.மு.க. இரட்டை இலையில் குவித்­தது. ஆனால், எம்.ஜி.ஆரால் தோற்­று­விக்­கப்­பட்டு, தமி­ழ­கத்தின் அசைக்க முடி­யாத பேரி­யக்­க­மாக இன்­ற­ளவும் திகழ்ந்து வரும் அ.தி.மு.க. இரண்­டா­வது முறை­யாக தனது வெற்றிச் சின்­னத்தை தற்போது இழந்து நிற்­கி­றது.

எம்.ஜி.ஆர் என்ற மூன்­றெ­ழுத்து மந்­தி­ரத்தின் முக­வரி இரட்டை இலை. 'வி போ விக்டரி' என்று வெளி­நா­டு­களில் வாழும் தலை­வர்கள் இரு­வி­ரல்­களை காண்­பித்து தங்­களின் மகிழ்ச்­சியை தெரி­விப்­பார்கள். தமிழ்­நாட்­டினை பொறுத்­த­வரை இரட்டை விரல்கள் இரட்டை இலை­யைத்தான் குறிக்கும். எம்.ஜி.ஆருக்கு சாகும் வரை வெற்றி வெற்றி என வெற்­றியின் சின்­ன­மாக இருந்த இரட்டை இலை ஜெய­ல­லி­தாவின் வெற்­றி­ச் சின்­ன­மா­கவும் விருப்பச் சின்­ன­மா­கவும் மாறி­யது. இரட்டை இலையின் வெற்­றியால் தமி­ழ­கத்தின் மிக­பெரும் இயக்­க­மான தி.மு.க.வே தனது எதிர்க்­கட்சி அந்­தஸ்தை சில காலம் இழக்க நேரிட்­டது.

இவ் இரட்டை இலையின் உரு­வாக்­கத்தைப் பார்த்தால் தி.மு.க.விலி­ருந்து 1972- ஆம் ஆண்டு எம்.­ஜி.ஆர். வெளி­யேற்­றப்­பட்ட பின்னர், கட்சி தொடங்­கிய ஒரு­வ­ருட காலத்­திற்­குள்­ளா­கவே திண்­டுக்கல் தொகு­தியில் பாரா­ளு­மன்ற இடைத்­தேர்தல் வந்­தது. திரா­விட முன்­னேற்ற கழ­கத்­தி­லி­ருந்து பிரிந்­து­வந்த எம்.ஜி.ஆருக்கு தன்­னு­டைய வலி­மை­யையும், மக்கள் செல்­வாக்­கி­னையும் காட்­டி­யாக வேண்­டிய காலகட்டம் அது. அ.தி.­மு.க. என்ற குழந்தை முதலில் சந்­திக்கப்போகும் தேர்தல் என்­பதால் ஊட­கங்­களும், மக்­களும், அர­சியல் தலை­வர்­களும் மிகுந்த எதிர்­பார்ப்­போடு இருந்­தார்கள். இதன்­போது எம்.ஜி.ஆர். மாயாண்டித் தேவர் (மாயத்­தேவர்) என்ற வழக்­க­றி­ஞரை வேட்­பா­ள­ராக தேர்வு செய்தார்.

அ.தி.­மு.க.வின் முதல் வேட்­பா­ளரான மாயத்­தேவர் தேர்­த­லுக்கு சின்­னங்­களை தேர்ந்­தெ­டுக்க வேண்டி வந்­தது. டிஜிட்டல் பதாகைகளோ, தொலைக்­காட்­சி­களோ, சுவரொட்டிகளோ புழக்கம் இல்­லாத அக் காலத்தில் மக்­க­ளிடம் எளி­தாக அறி­மு­க­மாக வேண்டும் என்ற அடிப்­ப­டை­யிலும் சுவரில் எழு­தும்­போது மிக எளி­மை­யா­கவும் இருக்க வேண்டும் என்ற நோக்­கத்­திலும் உரு­வாக்­கப்­பட்ட சின்­னமே இரட்டை இலை சின்­ன­மாகும். முதன் முத­லாக 1973 -ஆம் ஆண்டு நடை­பெற்ற திண்­டுக்கல் இடைத்­தேர்­த­லில்தான் இரட்டை இலை சின்னம் தமி­ழக மக்­க­ளுக்கு அறி­மு­க­மா­னது.

அப்­போது அ.தி­.மு­.க.வின் வேட்­பா­ள­ராக அறி­யப்­பட்ட திண்­டுக்கல் மாயத்­தே­வர்தான் இந்த இரட்டை இலை சின்­னத்தை உரு­வாக்­கி­ய­தற்கு கார­ண­கர்த்தா என்று கூறப்­ப­டு­கி­ற­து­. த­னது கட்­சியின் வேட்­பா­ளரால் உரு­வாக்­கப்­பட்ட இந்த சின்­னத்தை எம்­.ஜி.ஆர். எந்­த­வித கருத்து வேறு­பா­டு­க­ளுக்கும் இட­மின்றி ஏற்றுக் கொண்டார் என்று தெரி­விக்­கப்­ப­டு­கின்­றது. அதே­வேளை எம்.ஜி.ஆரா­லேயே தனியாக இது உரு­வாக்­க­ப்­பட்­டது என்றும் கூறப்­ப­டு­கின்­றது

பிறகு அதுவே அ.தி.­மு.க.வின் வெற்றிச் சின்­ன­மாக... தி.மு­.க.-வின் வெற்­றியை தடுக்கும் சின்­ன­மாக மிகப் பெரும் பலத்­தோடு விளங்­கி­யது.

இரட்டை இலையை சின்­ன­மாக ஏற்றுக்கொள்­கின்ற எவரும் எளி­தாக வெற்­றி­பெற முடியும் என்­கின்ற அள­விற்கு மிகப் பெரும் தாக்­கத்தை ஏற்­ப­டுத்­திய சின்னம் இது.

1987-ஆம் ஆண்டு எம்­.ஜி­.ஆரின் மறை­வுக்குப் பிறகு, அ.தி.­மு.க., ஜானகி, ஜெய­ல­லிதா என்ற அணி­க­ளாகப் பிரிந்து பெரும் பிளவை சந்­தித்­தது.

பின்னர் 1989-ஆம் ஆண்டு நடை­பெற்ற தேர்­தலில் முதன்முத­லாக இரட்டை இலை சின்னம் முடக்­கப்­பட்­டது. இரட்டை இலை முடங்கி, அ.தி­.மு.க. பிள­வுற்ற அந்த சூழலை சரி­யாகப் பயன்­ப­டுத்திக் கொண்டு தி.மு.க. ஆட்­சியைக் கைப்­பற்­றி­யது.

பின்னர் ஜெய­ல­லி­தாவின் தலை­மையை ஏற்று ஒன்­று­பட்ட அ.தி.­மு.க.­வுக்கு மீண்டும் இரட்டை இலை சின்னம் கிடைத்­தது. எம்.ஜி.ஆரால் உரு­வாக்­க­ப் பட்ட அ.தி.மு.க. ஜெய­ல­லி­தா­வினால் காக்கப்பட்டு மிகப்பெரும் இயக்­க­மாக வளர்க்­க­ப்பட்­டது. அதன் சின்­ன­­மான இரட்டை இலை தொடர்ந்து வெற்றி சின்ன­மாக மாறி­யது. அவர் இரட்டை இலை­யி­லேயே வெற்­றி­பெற்று 6 வரு­டங்கள் முதல்­வ­ரா­னார். அவர் இறுதிக் ­கா­லத்தில் மருத்­து­வ­ம­னையில் அனு­ம­திக்­கப்­பட்­டி­ருந்­த­போது கூட நடை­பெற்ற 3 தொகு­தி­க­ளுக்­கான தேர்­தலில் 3 தொகு­தி­க­ளிலும் அ.தி.­மு.­க.வே வெற்­றி­பெற்­றது. இரட்டை இலை அ.தி.­மு.க. என்­பது ஜெய­ல­லி­தாவின் மறை­வுக்கு பின்னரும் பல்­லாண்டு காலம் வாழும் என்­பது ஜெய­ல­லி­தாவின் கடைசி கால உரை­களில் தெரி­விக்­கப்­பட்­டி­ருந்­தது. ஆனால் அவர் இறந்த சில மாதங்­க­ளி­லேயே அ.தி.­மு.க. என்ற கட்­சியே முடங்­கி­ப்போ­யுள்­ளது.

எம்.ஜி.ஆரினால் உரு­வாக்­க­ப­்பட்டாலும் அ.தி.­மு.க. வின் இரட்டை இலை சின்னம் முடக்­கப்­பட்­ட­போது அதனை போராடி மீட்­ட­பெ­ருமை ஜெய­ல­லி­தா­வையே சேரும். ஆனால் அவர் மறைந்த பின்னர் இப்­போது 28 ஆண்­டு­க­ளுக்குப் பின்னர், அ.தி.­மு.க. சசி­க­லா-­ – ஓ­.பி.எஸ். என்ற இரு­வேறு அணி­க­ளாக பிள­வு­பட்­ட­மையால் இரட்டை இலை சின்னம் மீண்டும் முடக்­கத்­துக்கு ஆளா­கி­யுள்­ளது.

ஜெய­ல­லி­தாவின் மரணம் எதிர்­பா­ராத ஒன்­றாக இருப்­பினும் தமி­ழக அர­சி­யலைப் பொறுத்தவரையில் அது மிகப் பெரிய வெற்­றி­டத்­தை உரு­வாக்­கிச்­ சென்­றுள்­ளது. ஜெய­ல­லி­தாவின் தலை­மைத்­துவம் மிகவும் ஆளுமை மிக்­கது. எந்த ஒரு பக்கபலமும் இன்றி பல்­வேறு அவ­மா­னங்­களை சந்­தித்த போதிலும் ஒரு பெண்­ணாக கரு­ணா­நிதி என்ற பெரும் அர­சியல் சாணக்­கி­யரை எதிர்த்து நின்று வெற்­றி­பெற்ற வர­லாற்று சிறப்பு மிக்­கவர். அவ­ரது வெற்­றிடம் என்றும் நிரப்­ப ­மு­டி­யாதது. ஆனால் அவ­ருக்கு பின்­ன­ரான ஒரு அர­சியல் வாரிசை அவர் இனம் காட்ட தவ­றி­விட்டார். அவர் உயி­ருடன் இருக்கும் போது நிமிர்ந்து கூட நிற்­காத அமைச்­சர்கள் தற்­போது கட்சி இரண்­டாக பிளவுபட்­ட­ பின்னர் அவ­ரையே வசை­பா­டு­கின்­றனர். அவர் கண் அசை­வுக்கு பயந்து பணி­வுடன் நின்­ற­வர்கள் ஜெய­ல­லிதா என்ன செய்தார் என்று கேள்வி கேட்­கின்­றனர். அவரால் அடை­யாளம் காணப்­பட்ட ஒருவர் பன்னீர்செல்வம் என்­பது உண்­மையே. ஆனால் இறுதி கால­கட்டத்தில் ஜெயலலிதாவின் மரணம் தொடர்பில் தனது முதல்வர் பதவி பறிபோகும் வரை அவரே சில காலம் மௌன­மா­கத்தான் இருந்தார்.

சசி­க­லா­வையும் அவ­ரது குடும்­பத்­தா­ரையும் ஜெய­ல­லிதா துரோ­கிகள் என கூறி கட்­சி­யி­லி­ருந்து விலக்­கி­யி­ருந்த நிலையில் தனது பணி­வி­டைக்­காக சசி­க­லாவை தன்­னுடன் இருக்க சம்­ம­தித்தார். ஆனால் சசிகலாவின் உற­வி­னர்கள் யாரையும் ஜெயலலிதா உயி­ருடன் இருக்கும் வரை கட்­சியில் இணைக்­க­வில்லை. ஆனால் ஜெய­ல­லிதா மறைந்த பின்னர் சசி­கலா குடும்­பத்­தினர் அனை­வரும் கட்­சிக்குள் இணைக்­கப்­பட்­டு­விட்­டனர். கடை­சி­வரை ஜெய­ல­லி­தா­வினால் துரோ­கி­யென கூறப்­பட்ட தின­க­ரனே அக்­கட்­சியின் துணைப் ­பொ­துச் ­செ­ய­லா­ள­ரா­கவும் மாறி­விட்டார். தற்­போது சசி­கலா சிறையில் தள்­ளப்­பட்­டுள்ள நிலையில் முதல்வர் கன­வோடு ஆர்.கே. நகரில் தின­கரன் கள­மி­றங்­கி­விட்டார்.

இதே­வேளை ஜெய­ல­லிதா இருந்த போது எங்­கி­ருந்தார் என்று தெரி­யாத அவ­ரது அண்ணன் மகள் தீபா நான் தான் அ.தி.­மு.க., நான் தான் ஜெய­ல­லி­தாவின் அர­சியல் வாரிசு என கூறி அவரும் அ.தி­.மு.­க.வில் ஒரு பிளவை ஏற்­ப­டுத்தி முதல்­வ­ராவேன் என்ற சப­தத்­தோடு ஆர்.கே. நகரில் போட்­டி­யி­டு­கிறார்.

ஜெய­ல­லி­தாவின் மர­ணத்தின் மர்மம் அனை­வ­ருக்குமே அதிர்ச்­சி­ய­ளிப்­ப­துதான். அவர் மருத்­து­ம­னையில் இருந்­த­போது சந்­திக்க யாருமே அனு­ம­திக்­கப்­ப­டாத நிலையில் அவ­ரது இரத்த உற­வான தீபாவை கூட அனு­ம­திக்­க­வில்லை என்­பது பொது மக்­க­ளுக்கு அவர் மீது ஒரு அனு­தா­பத்தை ஏற்­ப­டுத்­தி­யது என்­பது உண்­மையே. அதன்­போது சசி­க­லாவின் தலை­மையை விரும்­பா­­தவர்கள் ஜெய­­லலிதா போன்ற தோற்­ற­மு­டைய தீபாவை ஏற்­றுக்­கொள்ள முனைந்­தனர். இதனை சாத­க­மாக்கி தீபாவும் அ.தி.­மு.க.வில் ஒரு பிள­வு ஏற்படக் கார­ண­மா­கி­விட்டார். இதே­போல எம்.ஜி.ஆரின் உற­வினர் ஒரு­வரும் அ.தி.­மு­.க.வில் ஒரு பிரிவை தான்தான் அ.தி.­மு.க. என்று கூறு­கிறார். இப்­போது 4 துண்­டு­க­ளாக அ.தி.­மு.க. சிதறிக் கிடக்­கின்­றது. ஜெய­ல­லிதா அடுத்த கட்சிக்கார­ரையும் கூட்டணிக்காக வரும்போது தனது கட்­சி சின்னத்தில் போட்­டி­யிட வேண்டும் என நிபந்­தனை விதித்த போது வாசன் போன்றோர் கடை­சி­வரை கூட்­ட­ணிக்­காக காத்து அவ­மா­னப்­பட்­டனர் என்­பது வர­லாறு. ஆனால் இன்று ஜெய­ல­லி­தாவின் சொந்த தொகு­தி­யாக ஆர்.கே. நகரில் அ.தி.­மு.க. என்ற கட்­சியே இல்லை.

1973- ஆம் ஆண்டு நடை­பெற்ற திண்­டுக்கல் இடைத்­தேர்­தலில் அறி­மு­க­மாகி தனது வெற்றிப் பய­ணத்தை ஆரம்­பித்த இரட்டை இலை இருமுறை எம்.ஜி.ஆரையும் 6 முறை ஜெய­ல­லி­தா­வையும் தமிழக முதல்வராக்கியது. தற்போது 44 ஆண்டுகளுக்குப் பிறகு ஆர்.கே.நகர் இடைத்தேர்தலில் தனது சுயத்தை இழந்துள்ளது. இந்த இலை முடக்கத்துக்கு தமிழகத்தில் தனது காலை ஊன்ற வேண்டும் என்ற பா.ஜ.க.வின் சதியே காரணம் என்ற குற்றச்சாட்டு காங்கிரஸ் உள்ளிட்ட கட்சிகளினாலும் சமூக வலைத்தளங்களிலும் முன்வைக்கப்படுகின்றது. இதற்கு ஏற்றால்போல் ஏற்கனவே பா.ஜ.க.வின் தமிழக தலைவி தமிழிசை இரட்டை இலை முடக்கப்படும் என்று ஆருடம் கூறியிருந்தார். இப்போது முடக்கப்பட்டுள்ளமை மகிழ்ச்சி எனவும் தெரிவித்துள்ளார்.

 எது எவ்வாறாயினும் ஜெயலலிதாவின் இறுதிக் காலகட்டங்களில் அவர் மருத்துவமனையில் இருந்த போது நடைபெற்ற விடயங்கள் என்பன இன்னும் அவிழ்க்கப்படாத மர்ம முடிச்சுகளாகவே உள்ள நிலையில் அவரது இரட்டை இலை சின்னத்தை யார் மீட்பார்கள், எப்படி மீட்பார்கள் என்பது கேள்விக்குறியே ... இரட்டை இலையில் ஒன்று எம்.ஜி.ஆர். மற்றொன்று ஜெயலலிதா. இரண்டுமே உதிர்ந்துவிட்டன... இனி இலை துளிருமா..-?

குமார் சுகுணா

http://content.epaper.virakesari.lk/newspaper/Daily/arasiyal-theepori/2017-03-25#page-5

Categories: Tamilnadu-news

ஆர்.கே.நகர் இடைத்தேர்தல்: சாலமன் வேட்புமனு நிராகரிப்பின் பின்னணி என்ன? பரபர தகவல்கள்!

Sat, 25/03/2017 - 08:13
ஆர்.கே.நகர் இடைத்தேர்தல்: சாலமன் வேட்புமனு நிராகரிப்பின் பின்னணி என்ன? பரபர தகவல்கள்!

                     ஆர்.கே.நகர்

த்திய அமைச்சர் பொன்.ராதாகிருஷ்ணன் மீது செருப்பு வீசிய சாலமனின் வேட்பு மனு நிராகரிக்கப்பட்டுள்ளது. இதன் பின்னணியில் அரசியல்வாதிகள் மற்றும் தேர்தல் அதிகாரிகளின் கூட்டுச் சதி இருக்கிறது என்று கூறப்படுகிறது. திட்டமிட்டே மனுவை நிராகரித்துள்ளார்கள் தேர்தல் அதிகாரிகள் என்ற புகாரும் எழுந்துள்ளது.

டி.டி.வி.தினகரன், தீபா உள்ளிட்டவர்களுக்கு பலமணி நேரம் கால அவகாசம் கொடுத்து அவர்கள் பூர்த்தி செய்து மிகவும் பொறுமையாக வேட்பு மனுக்களை அளிக்க அனுமதித்த தேர்தல் அதிகாரிகள், சாலமனின் வேட்பு மனுவை அளிக்க போதிய நேரம் தராமலும்,வேண்டுமென்றே தாமதப்படுத்தியும் மனுவைப் பெற்றுக்கொண்டு நிராகரித்துள்ளார்கள், என்று கொந்தளிக்கிறார் சாலமனின் சகோதரர் சந்தோஷ்.

இது தொடர்பாக நம்மிடம் தொடர்புகொண்டு பேசிய சந்தோஷ், "காரணமே இல்லாத காரணத்தைக் காட்டி வேட்புமனுவை நிராகரித்தார்கள் தேர்தல் அதிகாரிகள். அதாவது பூத் சிலிப்ல இருக்கும் விவரங்களைத்தான் நாங்கள் மனுவில் எழுதினோம். அது அனைத்தும் அரசால் கொடுக்கப்பட்ட விவரங்கள். 34 ல் இருக்கும் பாகம் 38க்கு மாறிட்டதாகக் கூறுகிறார்கள் அதிகாரிகள். ஆர்.கே.நகரில் உள்ள மக்கள் எந்த நிலையில் இருக்கிறார்கள் என்பது அரசு அதிகாரிகளுக்கு நன்கு தெரியும். அவர்கள் அரசு கொடுத்த பூத் சிலிப்பை கொடுத்துதான் மனுவை பூர்த்தி செய்தோம். அதில் 8 பேர் முகவரி சரியாக இருக்கிறது. 2 பேரின் விவரங்கள் சரியாக இல்லை என்றார்கள் தேர்தல் அதிகாரிகள்.

'சார் நீங்க கொடுத்த பூத் சிலிப்பை வைத்துதான் நாங்கள் மனுவை பூர்த்தி செய்துள்ளோம். இப்போது அது சரி இல்லை என்றால் எப்படி 'என்று கேட்டோம். அதை சரிபார்ப்பது உங்கள் வேலைதானே என்றும் கூறினோம். அதெல்லாம் எங்கள் வேலை இல்லை என்கிறார்கள் அதிகாரிகள்.

அப்பவும் நாங்கள் சொன்னோம். தினகரனுக்கு 2 மணி நேரம் கொடுக்குறீங்க. தீபாவுக்கு 2 மணி நேரம் கொடுக்குறீங்க. ஜனநாயக நாட்டில் அரசியல் கட்சிகளைப் போலத்தான் சுயேட்சை வேட்பாளரையும் நடத்த வேண்டும் என்று கூறினோம். மேலும், நீங்க சொல்ற மனுக்கள் வைக்கல, உறுதிமொழி பத்திரம் வைக்கல என்று எதாவது விடுபட்டு இருக்கிறதா என்றும் கேட்டோம். அப்படி இருந்தால் நிராகரிப்பது சரி. ஆனால் உண்மைக்குப் புறம்பாக மனுவை நீங்க நிராகரிக்குறீங்க என்றும் முறையிட்டோம். அதையெல்லாம் தேர்தல் அதிகாரிகள் காதிலேயே போட்டுக்கொள்ளவில்லை.

                        ஆர்.கே.நகர்

திட்டமிட்டே சாலமன் மனு நிராகரிக்கப்பட்டுள்ளது. சேலம் சிறை தொடங்கி தாமதம் செய்தார்கள். திருவள்ளூர் தாலுக்கா ஆபீஸ்ல தாமதம் செய்தார்கள். இதையெல்லாம் தாண்டி மதியம் 2.53 மணிக்கு மனுதாக்கல் செய்தோம். எங்கள் மனு எண் 115. அதை அப்படியே தள்ளி தள்ளி வைத்தார்கள். எங்கள் மனுவைச் சரிபார்க்க ஆட்கள் யாருமே அங்கு இல்லை. சிறையில் இருக்கும் நபர் தேர்தலில் நிற்கலாமா என்று அங்கு இருந்த சில அதிகாரிகள் என்னைப் பார்த்துக் கேட்கிறார்கள். பொன்.ராதாகிருஷ்ணன் மேல செருப்பு வீசிய ஆள்தானே சாலமன். தேர்தலில் வேற நிக்குறீங்களா, என்று கேட்டார்கள். எங்களை நிராகரிப்பதில் மட்டுமே அவர்கள் கவனம் செலுத்தினார்கள். ஜனநாயக உரிமை மறுக்கப்பட்டுவிட்டது." என்று தெரிவித்தார்.

மேலும் அவர் கூறுகையில், "எங்களின் அமைப்பு இந்திய மக்கள் முன்னணி. நாங்கள் தீவிரவாத அமைப்பு இல்லை. ஏற்கெனவே பலமுறை தேர்தல்களை சந்தித்து இருக்கிறோம். போட்டியிட்டும் இருக்கிறோம். 2006முதல் 2016 வரை பல தேர்தலைச் சந்தித்து இருக்கிறோம். ஆனால் இந்த முறைதான் மனு நிராகரிப்பைச் சந்தித்து இருக்கிறோம். இதனை மக்களிடம் கொண்டுசெல்வோம்.ஆர்.கே.நகர் தேர்தலில் பிரசாரம் செய்வோம்." என்று கூறினார் கொதிப்பாக.

http://www.vikatan.com/news/politics/84549-this-is-why-solomon-nomination-papers-rejected.html

Categories: Tamilnadu-news