தமிழகச் செய்திகள்

தமிழகத்தை நோக்கி விரையும் 'சாகர் புயல்!'

Fri, 01/12/2017 - 14:25
தமிழகத்தை நோக்கி விரையும் 'சாகர் புயல்!' 
 
 

ஓகி புயல்

கி புயலின் ருத்ரதாண்டவம் தமிழகத்தின் தென் மாவட்டங்களைச் சூறையாடிக் கொண்டிருக்கிறது. குறிப்பாகக் கன்னியாகுமரி மாவட்டத்தில் 80 கிலோமீட்டர் வேகத்தில் வீசிய ஒகி புயல் ஒட்டுமொத்த மாவட்டத்தையுமே உருக்குலைத்துப் போட்டிருக்கிறது. 

 

தென்மேற்கு வங்கக்கடலில் உருவாகியிருந்த காற்றழுத்தத் தாழ்வுப்பகுதி ஆழ்ந்த காற்றழுத்தத் தாழ்வு மண்டலமாக உருமாறி நேற்று (30-11-2017) 'ஒகி' புயலாக வலுவடைந்தது. தமிழகத்தின் தென்மாவட்டங்களான கன்னியாகுமரி, தூத்துக்குடி, திருநெல்வேலி, விருதுநகர் மாவட்டங்களில் புயலுடன் கூடிய மழையால், மக்களின் இயல்பு வாழ்க்கை முற்றிலுமாக முடங்கிப்போனது. பள்ளி - கல்லூரிகளுக்கு விடுமுறை அளிக்கப்பட்டுள்ளது. 

புயலும் கனமழையும் கைகோத்து ஆடிய இந்த ருத்ரதாண்டவத்தில், கன்னியாகுமரி மாவட்டம் அதிக பாதிப்புக்குள்ளானது. இங்கு ஆயிரக்கணக்கான மரங்கள் முறிந்து விழுந்தன; ஏராளமான மின்கம்பங்களும் புயலுக்குத் தாக்குப்பிடிக்க முடியாமல் சாய்ந்துள்ள நிலையில், மாவட்டத்தின் பெரும்பாலான பகுதிகளில் மின்தடை ஏற்பட்டுள்ளது. கடல் கொந்தளித்துக் காணப்படுவதால், மீனவர்கள் மீன்பிடிக்கச் செல்லவில்லை. சுற்றுலாப் பயணிகளின் கூட்டத்தால், நிரம்பிவழியும் திருவள்ளுவர் சிலை மற்றும் விவேகானந்தர் மண்டபப் பகுதிகளில் போக்குவரத்து தடை செய்யப்பட்டுள்ளதால், வெறிச்சோடிக் காணப்படுகிறது. 

ஒகி புயல் தாக்கம்

நெல்லை மாவட்டத்தில், மேலப்பாளையம், மாஞ்சோலை, குற்றாலம் பகுதிகளில் வெள்ளப்பாதிப்பு அதிகரித்துள்ளது. சூறைக்காற்றினால், லட்சக்கணக்கான வாழை மரங்கள் வேரோடு சாய்ந்துள்ளன. தூத்துக்குடி மாவட்டத்தில், ஏராளமான உப்பளங்கள் மழை நீரால் மூழ்கடிக்கப்பட்டுள்ளன. 

இந்தக் கனமழையின் தாக்கம் தேனி, திண்டுக்கல், கோயம்புத்தூர், நீலகிரி, தஞ்சாவூர், திருவாரூர், நாகப்பட்டினம், புதுக்கோட்டை, கடலூர், காஞ்சிபுரம், திருவள்ளூர், சென்னை உள்ளிட்ட தமிழகத்தின் பெரும்பாலான மாவட்டங்களிலும் பாதிப்புகளை ஏற்படுத்தியுள்ளது. சென்னை மற்றும் புறநகர்ப் பகுதிகளில் நேற்று இரவு முதல் விடிய விடிய மழை பெய்ததால், சாலைகளில் வெள்ளப்பெருக்கு ஏற்பட்டுள்ளது. நேற்றைய நிலவரப்படி 30 மி.மீ மழை பெய்துள்ளதாகப் பதிவாகியுள்ளது. குடியிருப்புகளில் மழைத்தண்ணீர் புகுந்துள்ள இடங்களில் மாநகராட்சி மற்றும் மாவட்ட நிர்வாகங்கள் தீவிர மீட்புப் பணிகளில் ஈடுபட்டு வருகின்றன. 

சென்னை, காஞ்சிபுரம், திருவள்ளூர், விழுப்புரம், திண்டுக்கல், திருவண்ணாமலை, சேலம், தேனி, புதுக்கோட்டை ஆகிய மாவட்டங்களில் இன்றும் கனமழை தொடர்வதால், பள்ளிகளுக்கு மட்டும் விடுமுறை அறிவிக்கப்பட்டுள்ளது. மதுரை, தூத்துக்குடி, திருநெல்வேலி, கன்னியாகுமரி மாவட்டங்களில் பள்ளி - கல்லூரிகளுக்கும் விடுமுறை அளிக்கப்பட்டுள்ளது. 

நீலகிரி மாவட்டத்தில் குன்னூர், உதகை, கோத்தகிரி, குந்தா பகுதிகளில் பள்ளி - கல்லூரிகளுக்கு விடுமுறை அளிக்கப்பட்டுள்ளது. சிவகங்கை மாவட்டத்திலும் குறிப்பிட்ட 5 தாலுகாக்களில் பள்ளிகளுக்கு விடுமுறை அறிவிக்கப்பட்டுள்ளது. 

ஒகி புயல் பாதிப்பு

தமிழகம் முழுக்க இதுவரையில், மழைக்குப் பலியானவர்களின் எண்ணிக்கை 8 ஆக உயர்ந்துள்ளது. இன்றும் பரவலாக கனமழை பெய்துவரும் சூழ்நிலையில் இந்த எண்ணிக்கை அதிகரிக்கக்கூடுமோ என்ற அச்சம் நிலவிவருகிறது. 

2004-ஆம் வருடம் டிசம்பர் மாதம் சுனாமி தாக்குதலால் தமிழகத்தின் கடலோர மாவட்டங்களில் பலத்த பொருட்சேதமும் உயிர்ச்சேதமும் ஏற்பட்டது. 2011 ஆம் ஆண்டு டிசம்பர் மாதம் உருவான தானே புயல் கடலூர் மாவட்டத்தையே சுழற்றியெறிந்துவிட்டுப் போனது. 2015-ம் வருடம் டிசம்பர் மாதத்தில், சென்னை மற்றும் புறநகர்ப்பகுதிகளில் வரலாறு காணாத பெருமழையினால் உருவான வெள்ளப் பெருக்கு துவம்சம் செய்துவிட்டுப்போனது.

 

 

இப்படிக் கடந்த சில ஆண்டுகளாக 'டிசம்பர்' மாதத்தில், கோரத் தாண்டவம் ஆடிவரும் பேரிடர்களால், ஒட்டுமொத்தத் தமிழகமுமே பீதியில் உறைந்துள்ளது. தற்போது ஒகி புயலோடு கனமழை பொழிந்துவரும் இந்நேரத்தில், 'தமிழகத்தை சுனாமி தாக்கவிருப்பதாக' செய்திகள் கிளம்பின. ஆனால், இந்தச் செய்திகளை உடனடியாக மறுத்த வானிலை மையம் 'இதுபோன்ற வதந்திகளை மக்கள் நம்பவேண்டாம்' என்று ஆறுதல்தந்தது. 

இந்நிலையில், ஒகி புயலை அடுத்து 'சாகர் புயல்' தமிழகத்தைத் தாக்கவிருப்பதாகவும் செய்தி வெளியாகியுள்ளது தமிழக மக்களின் பயத்தை அதிகரிக்கச்செய்துள்ளது. இதற்கிடையில், டிசம்பர் 3 அல்லது 4 ஆம் தேதிகளில் மீண்டும் தமிழகத்தில் கனமழை பெய்ய வாய்ப்பிருப்பதாக வானிலை மையம் தெரிவித்துள்ளது. இதையடுத்து சென்னை உள்ளிட்ட வட கடலோரப் பகுதிகளில் பாதுகாப்பு எச்சரிக்கை விடப்பட்டுள்ளது! 

https://www.vikatan.com/news/tamilnadu/109492-the-storm-sagar-is-here-right-after-ochki.html

Categories: Tamilnadu-news

ராஜிவ் காந்தி கொலை வழக்கு:வெளிவராத மர்மங்களும், ரகசியமும் ! | Socio Talk

Fri, 01/12/2017 - 06:40
ராஜிவ் காந்தி கொலை வழக்கு:வெளிவராத மர்மங்களும், ரகசியமும் ! | Socio Talk

ராஜீவ் காந்தி, 21 மே 1991 அன்று தமிழ்நாட்டிலுள்ள ஸ்ரீபெரும்புதூரில் ஒரு குண்டு வெடிப்பில் படுகொலை செய்யப்பட்டார். அதில் 14 நபர்கள் கொல்லப்பட்டனர்.

இத்தாக்குதல் தேன்மொழி ராஜரத்தினத்தால் நடத்தப்பட்டது. இவர் விடுதலை புலிகளின் தற்கொலைப் படையைச் சேர்ந்தவர் எனக் கூறப்படுகிறது.

அந்த சமயத்தில் இந்தியா இலங்கை உள்நாட்டு போரில், இந்திய அமைதிப் படையைத் திரும்பப் பெற்றிருந்த காலம்.

இவரை ஏன் கொன்றார்கள் அப்பாவி மக்களான பேரறிவாளன், நளினி மற்றும் பலர் ஏன் கைது செய்தார்கள் ?

மேலும் பல கேள்விகளும் விடைகளும் இந்த வீடியோவில்.

Categories: Tamilnadu-news

ப.சிதம்பரம் உறவினர் வீடுகளில் அமலாக்கத்துறையினர் அதிரடி சோதனை!

Fri, 01/12/2017 - 06:38
ப.சிதம்பரம் உறவினர் வீடுகளில் அமலாக்கத்துறையினர் அதிரடி சோதனை!
 
 

chidamparam-_karthi_chidambaram_11156.jp

Chennai: 

ஏர்செல்- மேக்சிஸ் முறைகேடு வழக்கில் ப.சிதம்பரத்தின் உறவினர்களின் வீடுகளில் அமலாக்கத்துறையினர் இன்று காலை முதல் அதிரடி சோதனையில் ஈடுபட்டுள்ளனர்.

 
 

மேக்சிஸின் துணை நிறுவனமான குளோபல் கம்யூனிகேஷன் லிமிடெட், ஏர்செல் நிறுவனத்தில் ரூ.5 ஆயிரம் கோடியை முதலீடு செய்ய அனுமதி கோரியிருந்ததாகவும் அதற்கு அப்போதைய நிதியமைச்சர் ப.சிதம்பரம் சட்ட விரோதமாக அனுமதி அளித்ததாகவும் டெல்லியில் உள்ள சிறப்பு நீதிமன்றத்தில் சி.பி.ஐ குற்றப்பத்திரிகை தாக்கல்செய்துள்ளது.

மேலும், விதிமுறைகளின்படி சுமார் 600 கோடிக்கு மேற்பட்ட வெளிநாட்டு முதலீட்டுக்கு பிரதமர் தலைமையிலான பொருளாதார விவகாரங்களுக்கான மத்திய அமைச்சரவைக் குழுதான் அனுமதி அளிக்க வேண்டும். அப்படியிருக்கும்போது ரூ.5 ஆயிரம் கோடி வெளிநாட்டு முதலீட்டுக்கு முன்னாள் நிதியமைச்சர் ப.சிதம்பரம் சட்டவிரோதமாக அனுமதி வழங்கியிருப்பது குறித்தும் சி.பி.ஐ விசாரணை நடத்திவருகிறது.

இந்த நிலையில், ஏர்செல்-மேக்சிஸ் முறைகேடு வழக்கில் ப.சிதம்பரம் உறவினர் வீடுகளில் இன்று காலை முதலே அமலாக்கத்துறையினர் அதிரடி சோதனையில் ஈடுபட்டுள்ளனர். சென்னை திருவான்மியூர் ஸ்ரீராம்நகரில் உள்ள ஸ்ரீ சுஜே சாமமூர்த்தி என்பவரின் மீடியா மேக்னெட் பிஸ்னஸ் சர்வீஸ் என்ற அலுவலகத்திலும் ஆழ்வார்பேட்டையில் உள்ள ராம்ஜி நடராஜனின் டிராவல் மாஸ்டர்ஸ் இந்தியா பிரைவேட் லிமிடெட் நிறுவனத்திலும் தேனாம்பேட்டையில் உள்ள சடயாவேல் கைலாசம் என்பவரின் இல்லத்திலும் அவென்யூ செளந்தரா மருத்துவமனையிலும் கொல்கத்தாவில் உள்ள ஸ்ரீ மனோஜ் மோகன் ஹாவின் வீடு, அலுவலகத்திலும் அமலாக்கத்துறையினர் சோதனை நடத்திவருகின்றனர்.

கார்த்தி சிதம்பரம் வெளிநாடு சென்றுள்ள நிலையில், அவரது உறவினர்களின் வீடுகளில் அமலாக்கத்துறையினர் சோதனை நடத்திவருவது பரபரப்பை ஏற்படுத்தியுள்ளது.

https://www.vikatan.com/news/tamilnadu/109460-aircel-maxis-case-issue-ed-raids-at-pchidambaram-relative-houses.html

Categories: Tamilnadu-news

கம்ப ராமாயணத்தை எழுதியது சேக்கிழாரா? : சமூக வலைதளத்தில் கேலிக்குள்ளான எடப்பாடியின் பேச்சு

Fri, 01/12/2017 - 06:02
கம்ப ராமாயணத்தை எழுதியது சேக்கிழாரா? : சமூக வலைதளத்தில் கேலிக்குள்ளான எடப்பாடியின் பேச்சு
99011054gettyimages-635632302jpg

தமிழக முதலமைச்சர் எடப்பாடி கே. பழனிச்சாமி புதன்கிழமையன்று தஞ்சாவூரில் பேசும்போது கம்ப ராமாயணத்தை இயற்றியது சேக்கிழார் என்று குறிப்பிட்டது சமூக வலைதளங்களில் பெரும் கேலிக்கும், விமர்சனத்திற்கும் உள்ளாகிவருகிறது.

2012ஆம் ஆண்டில் நெடுஞ்சாலைத் துறை அமைச்சராக இருந்த எடப்பாடி கே. பழனிச்சாமி தமிழக சட்டப்பேரவையில் தன் பேச்சைத் துவக்கும்போது, "1989ல் சேவல் சின்னத்தில் எடப்பாடி தொகுதியில் நிற்கவைத்து என் அரசியல் வாழ்க்கையில் கோடு போட்டது நீங்கள்தான்; நெடுஞ்சாலைத் துறைக்கு அமைச்சராக்கி, என்னை ரோடு போடச் சொன்னதும் நீங்கள்தான்" என்று ஆரம்பித்தார்.

அப்போது அவையிலிருந்த முதலமைச்சர் ஜெயலலிதா பழனிச்சாமியின் இந்த துவக்கத்தை வெகுவாகப் பாராட்டினார்.

ஆனால், ஜெயலலிதா மறைவுக்குப் பிறகு எடப்பாடி கே. பழனிச்சாமி முதலமைச்சரான நிலையில், அவரது உரையில் பல தவறுதலான தகவல்கள் இடம்பெறுவது பெரும் கேலிக்கும் விமர்சனத்திற்கும் உள்ளாகியிருக்கிறது.

மறைந்த முதலமைச்சர் எம்.ஜி.ஆரின் நூற்றாண்டு விழா புதன்கிழமையன்று தஞ்சாவூரில் நடைபெற்றது. அங்கு பேசிய முதலமைச்சர் எடப்பாடி கே. பழனிச்சாமி, தஞ்சாவூரில் பெருமைகளைப் பற்றிப் பேசும்போது "கம்ப ராமாயணம் தந்த சேக்கிழார்" உள்ளிட்டவர்களைத் தந்த மாவட்டம் என்று குறிப்பிட்டார். மேலும் பொருளாதார மேதையும் காந்தியவாதியுமான ஜே.சி. குமரப்பாவை மகாத்மா காந்தியின் உதவியாளர் என்று குறிப்பிட்டார்.

அவரது இந்தப் பேச்சு உடனடியாக ஃபேஸ்புக், ட்விட்டர் போன்ற சமூக வலைதளங்களில் பெரும் கேலிக்குள்ளானது. அவரது உரை ஊடக நிறுவனங்களுக்கு அனுப்பப்படும்போதும், அதே தவறுடன் அனுப்பப்பட்டது.

ஆனால், முதலமைச்சரின் உரையில் தவறான தகவல்கள் இடம்பெறுவது இது முதல்முறையல்ல. இதற்கு முன்பாக ராமநாதபுரம் மாவட்டத்தில் எம்.ஜி.ஆர். நூற்றாண்டு விழாவில் பேசிய முதலமைச்சர், அந்த மாவட்டத்திற்குப் பல திட்டங்களை அறிவித்தார்.

அதில் ஒன்றாக சாயல்குடிக்கு அருகில் குண்டாற்றில் தடுப்பணை கட்டப்படும் என்பது. சாயல் குடியிலிருந்து 8 கி.மீ. தள்ளி ஓடும் நதியில் தடுப்பணை கட்டுவதாக அறிவித்தது ஊடகங்களில் விமர்சனத்திற்குள்ளானது.

அதே போல, தினத்தந்தியின் பவளவிழாவில் பிரதமர் மோதியுடன் கலந்துகொண்ட எடப்பாடி பழனிச்சாமி, North - East - South - West என்ற வார்த்தைகளின் முதல் எழுத்தைச் சேர்த்து NEWS என்ற வார்த்தை உருவானதாக குறிப்பிட்டார். பிரமதர் முன்னிலையிலான உரையே இப்படி அமைந்தது, அந்த தருணத்தில் கேலிக்குள்ளானது.

வழக்கமாக முதலமைச்சர்கள் சட்டப்பேரவையில் பேசும் உரைகள் ஐ.ஏ.எஸ். அதிகாரிகளாலும் அரசியல் பொதுக்கூட்டங்களில் பேசும் உரைகள், அரசியல் அனுபவமுள்ளவர்களாலும் தயாரித்து அளிக்கப்படும்.

http://tamil.thehindu.com/bbc-tamil/article21240748.ece

Categories: Tamilnadu-news

கோவிலைக் கொள்ளை அடிப்பவரை தாக்க நான் தயார்; நான் தொழுபவனா இல்லையா என்பதல்ல கேள்வி: கமல்

Wed, 29/11/2017 - 20:06
கோவிலைக் கொள்ளை அடிப்பவரை தாக்க நான் தயார்; நான் தொழுபவனா இல்லையா என்பதல்ல கேள்வி: கமல்

kamal1jpg

கமல் | படம்: ஜி.வெங்கட்ராம்

கோவிலைக் கொள்ளை அடிப்பவரை தாக்க நான் தயார். நான் தொழுபவனா இல்லையா என்பதல்ல கேள்வி என்று நடிகர் கமல் ட்வீட் செய்துள்ளார்.

சமீபகாலமாக அரசியக் கருத்துகளையும், ஆளும் அதிமுக அரசுக்கு எதிரான தன் விமர்சனங்களையும் துணிச்சலோடு கூறி வருகிறார் கமல். அரசியலுக்கு வருவதாகவும், விரைவில் கட்சிப் பெயர் அறிவிக்கப்படும் என்றும் சொல்லி வரும் நிலையில் கமலின் அரசியல் வருகை குறித்தும் அமைச்சர்களால், பாஜக தலைவர்களால் விமர்சிக்கப்பட்டு வருகிறது.

இந்நிலையில் இன்று கமல் தன் ட்விட்டர் பக்கத்தில் வெளியிட்ட பதிவில், ''கோவிலைக் கொள்ளை அடிப்பவரை தாக்க நான் தயார். நான் தொழுபவனா இல்லையா என்பதல்ல கேள்வி. நம்பினார் கைவிடப்பட்டது, உமை ஆள்பவர் செயல், நீர் நம்பும் ஆண்டவன் செயலல்ல. பக்தர்களில் பல்வகையுண்டு.அனைவரும் என் கேளிர். ஆனால் சாதி அதைச் சகியாது. நாமும் அதைச் சகிக்கலாகாது'' என்று ட்வீட் செய்துள்ளார்.

எந்தப் பிரச்சினையை முன்வைத்து கமல் ட்வீட் செய்திருக்கிறார் என்பது குறிப்பிடப்படவில்லை

http://tamil.thehindu.com/tamilnadu/article21108231.ece

Categories: Tamilnadu-news

`என் பிரதமரை கேள்வி கேட்க எனக்கு உரிமையில்லையா?': பிரகாஷ் ராஜ் பிரத்யேக பேட்டி

Wed, 29/11/2017 - 19:38
`என் பிரதமரை கேள்வி கேட்க எனக்கு உரிமையில்லையா?': பிரகாஷ் ராஜ் பிரத்யேக பேட்டி
 
'நான் ஏன் இந்தி கற்றுக்கொள்ள வேண்டும்?படத்தின் காப்புரிமைFACEBOOK

நடிகரும், தமிழ் திரைப்படத் தயாரிப்பாளர் சங்கத்தின் பொதுச் செயலாளருமான பிரகாஷ் ராஜ் கடந்த சில மாதங்களாக சமூகவலைதளங்களிலும் பேட்டிகளிலும் தெரிவித்துவரும் கருத்துகள் பெரும் சலசலப்பை ஏற்படுத்தியிருக்கின்றன.

மிகப் பரபரப்பான சூழலில் தற்போதைய மத்திய அரசு, மதவாதம், ஜி.எஸ்.டி., தமிழக அரசியல் சூழல், கமல்ஹாசனின் அரசியல் பிரவேசம், தமிழ்த் திரையுலகின் தற்போதைய சூழல் ஆகியவை குறித்து பிபிசி தமிழிடம் பிரத்யேகமாகப் பேசினார் பிரகாஷ் ராஜ். அந்தப் பேட்டியின் முதல் பாகம் இது.

கேள்வி - சில காலமாக மிகத் தீவிரமாக உங்கள் கருத்துகளை சமூகவலை தளங்களிலும், பேட்டிகளிலும் தெரிவிக்க ஆரம்பித்திருக்கிறீர்கள். என்ன காரணம்?

பதில் - நான் நீண்ட காலமாகவே என் எண்ணங்களைத் தெரிவித்து வந்திருக்கிறேன். அப்போது பெரிதாக யாரும் கவனிக்கவில்லை. நீங்கள் சொல்வதுபோல, இப்போது இவ்வளவு தீவிரமாக வெளிப்படுத்துவதற்குக் காரணம், ஒரு கொலை. ரொம்ப மோசமான ஒரு கொலை. கௌரி லங்கேஷின் கொலை.

எங்களைச் செதுக்கியவர் கௌரி லங்கேஷின் அப்பா. இப்போதும் நீ மௌனமாக இருந்தால் அது தவறாகிவிடும் என்று என் மனசாட்சி சொல்லியது. எங்காவது ஒரு இடத்தில் கேள்விகளைக் கேட்க வேண்டுமென்று தோன்றியது. கேட்க ஆரம்பித்தேன்.

`கொலையை கொண்டாடுகிறார்கள்'

கௌரி லங்கேஷின் கருத்துகள் சில பிடிக்கும், சில பிடிக்காது. எல்லோருடைய கருத்துக்களையும் முழுமையாக ஏற்க முடியாது. அவங்க கருத்தைத் தெரிவிக்கும் விதம் சில சமயம் பிடிக்காது. நானே அவங்ககிட்ட பேசியிருக்கேன். இந்த மொழிதான் அவர்களுக்குப் புரியுமென்று சொல்லுவார். ஆனால், அதற்காக அவரைக் கொன்றுவிடுவீர்களா? ஒரு குரலை அமுக்குவதற்கான தைரியம் எங்கிருந்து வருகிறது?

அப்பேற்பட்ட கொலையை கொண்டாடுபவர்களைப் பார்க்கும்போது பயமாக இருக்கிறது. சமூக வலைதளங்களில் சிலர் கொண்டாடுகிறார்கள்.

இம்மாதிரி கொலையைக் கொண்டாடும் மனப்பான்மை எங்கிருந்து வந்தது?

கேள்வி - இம்மாதிரியான மனப்பான்மை எங்கிருந்து வந்ததாக நினைக்கிறீர்கள்?

பதில் - யார் தூண்டுகிறார்கள்? எல்லோரும் ஒரு முகமூடிக்குப் பின்னாடி இருக்கிறார்கள். நான் அரசியலுக்கு வரமாட்டேன். எந்தக் கட்சியோடும் உடன்பாடு இல்லை. என்னுடைய குருநாதர்கள் கனவு கண்ட சமுதாயம் வேறு. அது இல்ல இப்போது இருப்பது. இது எல்லாம் ஒருங்கிணைந்து நடக்கிறது. பத்து பேர் சேர்ந்து குரல் எழுப்பும்போதுதான் இது புரிகிறது.

பிரகாஷ் ராஜ்படத்தின் காப்புரிமைFACEBOOK

கேள்வி - இந்த சம்பவத்தைத் தொடர்ந்து, ஜி.எஸ்.டி, பத்மாவதி பட விவகாரம் என பல விஷயங்கள் குறித்தும் கேள்வியெழுப்ப ஆரம்பித்திருக்கிறீர்கள்..

பதில் - அதற்கு வரும் பதில்களைப் பாருங்கள். இவர்கள் யாரும் என் கேள்விக்குப் பதில் கொடுக்கவில்லை. இப்படிக் கொண்டாடுபவர், என்னுடைய பிரதமர். அவர் மக்களால் தேர்ந்தெடுக்கப்பட்டவர். ஒரு கட்சியைச் சேர்ந்தவரில்லை. ஓட்டுபோடாதவர்களுக்கும் அவர்தான் பிரதமர். ஒரு குடிமகனாக நான் அவரிடம் கேட்டேன்,

உங்களைப் பின்பற்றுபவர்கள் ஏன் இப்படிக் கொண்டாடுகிறார்கள் என்று கேட்டேன். எனக்கு ஆதங்கமாக இருக்கிறது. பிரதமர் அவர்களைக் கண்டிக்க வேண்டும். இப்படிப் பேசாதீங்க. ஒரு பெரிய தவறு நடந்திருக்கிறது. நீங்க கொண்டாடுவது தவறில்லை என்று நீங்க ஏன் சொல்ல மாட்டேங்கிறீங்க? நீங்க யார் மோடியைக் கேட்பதற்கு என்கிறார்கள். என் பிரதமரைக் கேட்பதற்கு எனக்கு உரிமை இல்லையா?

அடுத்ததாக ஜி.எஸ்.டி. அறிமுகப்படுத்தப்படுகிறது. அது தவறென்று சொல்லவில்லை. என்னைப் போல லட்சக் கணக்கில் சம்பாதிப்பவர்கள் கட்ட முடியும். ஆனால், சாதாரண தொழிலாளர்கள், பானை செய்பவர்கள் போன்றவர்களுக்கு விதிக்கப்பட்டிருக்கும் வரியை வரும் நவம்பர் மாதம் ஜிஎஸ்டி கவுன்சிலில் பேசும்போது நீக்குவீர்களா என்றுதான் கேட்டேன். உடனே, நான் மோடிக்கு எதிரானவன் என்கிறார்கள். இந்துத்துவாவிற்கு எதிரானவன் என்கிறார்கள். இந்துத்துவாவுக்கும் ஜி.எஸ்.டிக்கும் என்ன சம்பந்தம்?

ஆளுங்கட்சி மீது சந்தேகம்

அடுத்ததாக பத்மாவதி பட விவகாரம். இந்த நாடு பல கலாச்சாரங்களைக் கொண்ட நாடு. ஒவ்வொரு மொழிக்கும், கலாசாரத்திற்கும் ஒரு தனித்துவம் இருக்கிறது. என்னுடைய தனித்துவத்தை புண்படுத்தியிருக்கிறீர்களா என்ற அச்சம் வருவதிலோ, கேள்வி கேட்பதிலோ தவறில்லை. ஆனால், அதை எப்படிச் செய்கிறீர்கள் என்பதில்தான் இருக்கிறது.

இன்றைக்கு உச்ச நீதிமன்றத்திற்குச் சென்று அந்தப் படத்திற்கு தடை கோருகிறார்கள். தணிக்கை வாரியத்திடம் சென்று உங்கள் அச்சங்களைச் சொல்லுங்கள். அவர்கள் பார்த்து முடிவெடுத்த பிறகு இங்கு வாருங்கள் என்று சொல்கிறது உச்ச நீதிமன்றம். அதெல்லாம் முடியாது, நான் தலையை வெட்டுறேன், கழுத்த வெட்டுறேன் அப்படிங்கிறீங்க.

இதெப்படி நீங்க சட்டத்தைக் கையில் எடுக்க முடியும். உங்க ஆதங்கம் எனக்குப் புரியுது. ஆனால், கேள்வி கேட்கும் முறை தவறு. அந்த முறை தவறாக இருக்கும்போது, ஓர் ஆளும் கட்சி எந்த நடவடிக்கையும் எடுக்காம, கலைஞனான எனக்குப் பாதுகாப்பு கொடுக்காமல் பேசாம இருந்தா எனக்கு சந்தேகம் வரத்தானே செய்யும்.

உங்களால் முடியாது என்றால் கொஞ்சம் விலகிக்கொள்ளுங்கள். இதைக் கேள்வி கேட்கக்கூடாது என்றால் எப்படி? நான் கேட்கும் கேள்விக்கும் பதில் கொடுப்பதில்லை. நான் இந்துக்களுக்கு எதிரி என்கிறீர்கள். என் அம்மா கிறிஸ்தவர் என்கிறீர்கள். இந்த விவகாரத்தில் மதம், ஜாதி எங்கிருந்து வந்தது. அதனால்தான் கேள்வி கேட்கிறாய் என்கிறார்கள்.

பிரகாஷ் ராஜ்படத்தின் காப்புரிமைFACEBOOK

கேள்வி - ஆக, உங்கள் விமர்சனங்கள் எல்லாமே விஷயங்கள் சம்பந்தப்பட்டவைதானே தவிர, பாரதீய ஜனதாக் கட்சிக்கு எதிரானது அல்ல என்கிறீர்களா?

பதில் - ஆமாம். என் விமர்சனங்களை ஏன் பாரதீய ஜனதாக் கட்சிக்கு எதிரானதாக எடுத்துக்கொள்கிறீர்கள்? நீங்க ஆட்சியில் இருக்கும்போது, நீங்கள் ஒரு கட்சியைச் சார்ந்தவர் இல்லை. எல்லோருக்குமான ஆட்சியைத்தான் நீங்க தரணும். ஒரு குடிமகனாக நான் உங்களைத்தான் கேள்வி கேட்பேன். இதுக்கு ஏன் கோபப்படுறீங்க?

நான் கேட்ட கேள்விகளில் உண்மை இல்லை என்று சொல்லுங்க, உனக்கு என்ன தெரியும் என்று கேளுங்க. பதில் சொல்றேன். இவங்க டெக்னிகலா பேசறாங்க. நான் தெளிவா பேசுறேன். உங்களிடம் பதில் இல்லை. அல்லது உங்கள் பதிலுக்குப் பின்னால் ஏதோ திட்டம் இருக்கிறது.

கேள்வி - உங்கள் கருத்துகள் மிகக் கடுமையாக எதிர்கொள்ளப்படுகின்றன. தற்போதைய சூழல்தான் அப்படியிருக்கிறதா?

பதில் - இல்லை. ஒரு சினிமாவைத் தடுப்பது, சிந்தனையை முடக்குவது போன்றவை காலகாலமாக நடந்துகொண்டிருக்கிறது. நெருக்கடி நிலையின் போது நாம் பார்க்காததா? இன்னைக்கு ஊடகங்கள் பெரிய அளவில் இருப்பதால் உடனே தெரிகிறது. நெருக்கடி நிலையின்போது எனக்கு 10 வயசு. நான் எப்படி கேட்பேன். நீ காங்கிரஸா என்கிறார்கள்.

`நான் ஏன் இந்தி கற்க வேண்டும்?'

இந்தியை ஏன் திணிக்கிறீர்கள் என்கிறேன். கேட்கக்கூடாதா? கர்நாடகாவில் கன்னடம் இருக்கனும். தமிழனுக்கு தமிழ் இருக்கனும். மலையாளிக்கு மலையாளம் இருக்கனும். இந்தியை நான் ஏன் கத்துக்கனும்? இதைக் கேட்டா இந்திய எதிரி, மோடியின் எதிரி என்கிறார்கள், என்று குறிப்பிட்டார் பிரகாஷ்ர ராஜ்.

மேலும், தமிழக அரசியல் களம், கமல்ஹாசனின் அரசியல் பிரவேசம் மற்றும் சினிமா உலகில் நிலவும் பிரச்சனைகள் போன்ற பல அம்சங்கள் குறித்து பிரகாஷ் ராஜ் கூறிய சுவாரஸ்யமான தகவல்கள் அடுத்த பாகங்களில் வெளிவரும்.

 

http://www.bbc.com/tamil/arts-and-culture-42163038

Categories: Tamilnadu-news

மதுசூதன மல்லுக்கட்டு! - தர்மயுத்தம் சீஸன்-3

Wed, 29/11/2017 - 06:05
மிஸ்டர் கழுகு: மதுசூதன மல்லுக்கட்டு! - தர்மயுத்தம் சீஸன்-3
 
 

 

‘‘அ.தி.மு.க-வில் உச்சகட்ட மோதல் தொடங்கிவிட்டது’’ என்றபடியே உள்ளே நுழைந்தார் கழுகார்.

‘‘நீர் தீர்க்கதரிசி. ‘இரட்டை இலையை வாங்கியபிறகு இவர்களுக்குள் மோதல் நடக்கும்’ என்று முதலிலேயே சொல்லியிருந்தீரே’’ என்றோம்.

‘‘ஆமாம்’’ என்றபடி கழுகார் ஆரம்பித்தார். ‘‘எடப்பாடி பழனிசாமி அணியும், ஓ.பன்னீர்செல்வம் அணியும் இணைந்து மூன்று மாதங்கள் ஆகிவிட்டன. ஆனாலும் இருவரும் ஒட்டவில்லை. இதைத்தான், ‘அணிகள் இணைந்தன, மனங்கள் இணையவில்லை’ என்று பன்னீரின் ஆதரவாளரான மைத்ரேயன் எம்.பி போட்டு உடைத்தார். பன்னீர் சொல்லித்தான் மைத்ரேயன் இப்படி எழுதினார் என்று எடப்பாடி சந்தேகப்பட்டார். மதுரை விழாவில் பன்னீர் புறக்கணிக்கப்பட்டதற்கும் இதுதான் அடிப்படைக் காரணமானது. இந்த விழாவை ஏற்பாடு செய்தவர், எடப்பாடி ஆதரவாளரான அமைச்சர் ஆர்.பி.உதயகுமார். மைத்ரேயன் மூலமாக பன்னீரும், உதயகுமாரை வைத்து எடப்பாடியும் சண்டையைத் தொடங்கிவிட்டார்கள் என்றே அ.தி.மு.க-வில் சொல்கிறார்கள்.’’

‘‘ஓஹோ!’’

‘‘ஜெயலலிதா பிறந்த நாள், எம்.ஜி.ஆர் நூற்றாண்டு விழா, நூறடி கம்பத்தில் கொடியேற்றும் விழா என்று மதுரையில் முப்பெரும் விழாவுக்கு ஏற்பாடு செய்தார் அமைச்சர் உதயகுமார். முதலில் அடித்த அழைப்பிதழிலும், நிகழ்ச்சி நடந்த இடத்தில் வைக்கப்பட்ட பேனர்களிலும், அடிக்கல்லிலும் ஓ.பி.எஸ் பெயரைத் திட்டமிட்டே புறக்கணித்ததாகச் சொல்லப்படுகிறது. இதைக் கண்டுகொள்ளவில்லையாம் எடப்பாடி. ‘முதல்வர் சொல்லித்தான் உங்கள் பெயரைப் போடவில்லை’ என்று சிலர் பன்னீர் காதில் ஓதினார்கள்.’’

p44d_1511878911.jpg

‘‘மைத்ரேயன் பற்ற வைத்த நெருப்பு இப்படித்தான் மதுரையிலிருந்து புகைந்ததா?’’

‘‘ஆமாம். ராமநாதபுரம் எம்.ஜி.ஆர் நூற்றாண்டு விழாவுக்குச் செல்ல முதல் நாள் இரவே மதுரை வந்து தனியார் ஹோட்டலில் தங்கியிருந்தார் பன்னீர். மதுரை விழா தகவல்களால் மிகவும் டென்ஷனோடு இருந்திருக்கிறார் அவர். தனது எதிர்ப்பை உடனடியாகக் காட்ட பன்னீர் நினைத்ததாக எடப்பாடிக்குத் தகவல் வந்தது. சென்னையில் கே.பி.முனுசாமி இதுதொடர்பாக பிரஸ்மீட் வைக்கப் போவதாகவும் தகவல் பரவியது. ‘ஆர்.கே. நகர் தேர்தல் நடக்கும் நேரத்தில் தேவையில்லாத சிக்கல் வேண்டாம்’ என்று முடிவெடுத்த எடப்பாடி, சென்னையிலிருந்தபடி அமைச்சர் உதயகுமாரிடம் பேசியிருக்கிறார். ‘பன்னீரை விழாவுக்கு அழையுங்கள்’ என்று சொல்லியிருக்கிறார். பன்னீர் தங்கியிருந்த ஹோட்டலுக்குச் சென்றார் உதயகுமார். ‘நான் இல்லாம நடத்தணும்னுதானே ஏற்பாடு செஞ்சீங்க... அப்படியே நடத்துங்க’ என்று பன்னீர் கடுமையாக சத்தம் போட்டிருக்கிறார். உதயகுமார் எவ்வளவோ மன்றாடியும், ‘வர முடியாது’ என்று கூறிவிட்டார். பதறிப்போன உதயகுமார், அவசர அவசரமாக பன்னீர் பெயர் போட்டு அடிக்கல் ஒன்றுக்கு ஆர்டர் கொடுத்தார். எடப்பாடி தோப்பூர் வருவதற்கு 15 நிமிடங்களுக்குமுன்பு அந்த அடிக்கல்லைக் கொடிக்கம்பத்தின் பக்கவாட்டில் ஒட்டி வைத்தனர்.’’

‘‘அப்புறம்?’’

‘‘முதல்வர் எடப்பாடி வந்து நூறடி கம்பத்தில் கொடியை ஏற்றிவைத்து, மகிழ்ச்சியாகப் பேசிவிட்டுக் கிளம்பினார். முதல்வர் இங்கு பேசிக்கொண்டிருந்த நேரத்தில், ஒத்தக்கடை நரசிங்கர் கோயிலில் பூஜை செய்து கொண்டிருந்தார் பன்னீர். அன்று மாலை இருவரும் இணைந்து  மேடையேறிய ராமநாதபுரத்தில், கட்சியின் ஒற்றுமையைப் பற்றிப் பேசினார் பன்னீர். அதேநேரத்தில் மைத்ரேயன், ‘அ.தி.மு.க முப்பெரும் விழா என்று விளம்பரப்படுத்திக் கொண்டாடும் போது, கட்சியின் ஒருங்கிணைப்பாளர் பன்னீருக்குத் தகவல் கொடுத்திருக்க வேண்டும். விழா ஏற்பாடு செய்தவர் அமைச்சராக இருக்கும் நிலையில் இது வன்மையாகக் கண்டிக்கத்தக்கது’ என்று கூறிவிட்டு ஆளுநரைச் சந்திக்கச் சென்று பலருக்கும் வயிற்றில் புளியைக் கரைத்தார்.’’

p44b_1511878933.jpg

‘‘இதன் தொடர்ச்சியாகத்தான் உயர்மட்டக்குழுக் கூட்டத்தில் மோதல் வெடித்ததா?’’

‘‘ஆமாம்! கூட்டத்தில் பேசிய பொள்ளாச்சி ஜெயராமன் ‘ஆளாளுக்குக் கருத்துகளை மீடியாவிடம் பேசி வருகிறார்கள். இதற்கு முடிவு கட்ட வேண்டும்’ என்றார். அதற்கு எடப்பாடி, ‘கருத்து வேறுபாடுகள் இருந்தால், அதைக்கட்சிக்குள் பேசித்தான் முடித்துக்கொள்ள வேண்டும். தேவையில்லாமல் சமூக வலைதளங்களில் பரப்பினால், கட்சியின் பெயருக்குக் களங்கம் ஏற்பட்டுவிடும்’ என்றதும், அருகில் அமர்ந்திருந்த மைத்ரேயன், ‘என்னைத்தான் நீங்கள் சொல்கிறீர்களா?’ என்று டென்ஷனாகக் கேட்டுள்ளார். அதற்கு முதல்வர் ஏதோ சொல்லிச் சமாளிக்கப் பார்த்துள்ளார். முதல் வரிசையில் அமர்ந்திருந்த அமைச்சர் சி.வி.சண்முகம் எழுந்து, ‘ஆமாம். உன்னைப் பற்றித்தான் சொன்னார். உன் இஷ்டத்துக்கு எதையாவது போட்டுக்கிட்டு இருந்தா என்ன அர்த்தம்? உனக்குப் பதவி வேண்டும்னு கலகத்தை ஏற்படுத்தறியா?’ என்று மைத்ரேயனைப் பார்த்து ஒருமையில் பேசினார். பதிலுக்கு மைத்ரேயனும், ‘நாங்க இல்லாம சின்னமும் கட்சியும் கிடைச்சிருக்குமா?’ என்று எகிற, கூட்டத்தில் சலசலப்பு ஆரம்பித்துள்ளது. இருவரையும் எடப்பாடியும் பன்னீரும் சமாதானம் செய்துள்ளார்கள். அதன்பிறகுதான் ஆட்சிமன்றக் குழு விவகாரம் வெடித்துள்ளது.’’

‘‘அது என்ன பிரச்னை?’’

‘‘ஜெயலலிதா இருந்தபோது அ.தி.மு.க-வின் ஆட்சிமன்றக் குழு உறுப்பினர்களாக ஏழு பேர் இருந்தார்கள். அவர்களில் ஜெயலலிதாவும் விசாலாட்சி நெடுஞ்செழியனும் இறந்து விட்டார்கள். இந்த இரண்டு இடங்கள் காலியாக இருந்தன. இந்த இடங்களுக்குப் புதிய நபர்களைத் தேர்வு செய்வது குறித்து, உயர்மட்டக் குழுக் கூட்டத்தில் ஆலோசனை நடைபெற்றுள்ளது. இணை ஒருங்கிணைப்பாளர் பதவியிலிருக்கும் எடப்பாடி பழனிசாமியை ஓர் இடத்துக்குத் தேர்வு செய்ய முடிவானது. இரண்டாவது நபராக வைத்திலிங்கத்தின் பெயரை எடப்பாடி பழனிசாமி சொன்னதும், பன்னீர் அணியைச் சேர்ந்த கே.பி.முனுசாமி அதை எதிர்த்தார். ‘எல்லாப் பதவியையும் உங்கள் ஆள்களுக்கே கொடுப்பது முறையல்ல. நானும் கட்சியின் துணை ஒருங்கிணைப்பாளர்தான். வைத்திலிங்கத்துக்குப் பதவி கொடுக்க முடிவு செய்தால், எனக்கும் ஆட்சிமன்றக் குழுவில் இடம் வேண்டும்’ என்று முனுசாமி கொதித்துள்ளார். ஒருகட்டத்தில் இது இரண்டு அணிகளின் நிர்வாகிகளுக்கு இடையேயான மோதலாக உருவாகும் சூழ்நிலை ஏற்பட்டதும், எடப்பாடி பழனிசாமி எழுந்து சமாதானம் செய்துள்ளார். இத்தனை களேபரங்களுக்கு மத்தியிலும் பன்னீர் வாய் திறக்கவில்லை. இந்தச் சூழலில்தான் ‘ஆட்சிமன்றக் குழுவின் எண்ணிக்கையை அதிகரிக்கலாம்’ என்று வேறொரு வழி சொன்னார் எடப்பாடி.’’

p44c_1511878968.jpg

‘‘இதனால்தான் ஆட்சிமன்றக் குழு உறுப்பினர்களின் எண்ணிக்கையை ஏழிலிருந்து ஒன்பதாக உயர்த்தினார்களா?’’

‘‘ஆமாம். புதியதாக எடப்பாடி பழனிசாமி, வைத்திலிங்கம், முனுசாமி, ஆகியோருடன் பெண்களுக்கு வாய்ப்பு என்ற அடிப்படையில் வளர்மதியையும் சேர்த்துள்ளார்கள். ஆனால், ‘இதிலும் எடப்பாடி தரப்புதான் வெற்றி கண்டுள்ளது’ என்று கண்சிமிட்டுகிறார்கள் அவரின் ஆதரவாளர்கள். இப்போது ஆட்சிமன்றக் குழுவிலுள்ள ஒன்பது பேரில் ஆறு பேர் எடப்பாடி ஆதரவாளர்கள். கொஞ்சம் கொஞ்சமாகக் கட்சியைத் தன்வசப்படுத்தி வருகிறார் எடப்பாடி. அதே நேரம் பன்னீர் தரப்புக்கு செக் வைக்கவும் ஆரம்பித்துவிட்டார். அது ஆர்.கே. நகரிலிருந்து தொடங்கும் என்கிறார்கள்.’’

‘‘அது என்ன?’’

‘‘ஆர்.கே. நகர் தொகுதி ‘மண்ணின் மைந்தன்’ என்ற இமேஜுடன் வலம் வந்த மாஜி அமைச்சரும் அ.தி.மு.க அவைத் தலைவருமான மதுசூதனனுக்கு இடைத்தேர்தலில் சீட் மறுக்கப்படும் வாய்ப்பே அதிகம் என்கிறார்கள் கட்சி வட்டாரத்தில். எடப்பாடி அணியினரின் மறைமுக யுத்தம், நேரடி யுத்தமாக இனிதான் மாறப் போகிறது. ‘மதுசூதனனை வேட்பாளராக அறிவித்தது பன்னீர் அணிதானே தவிர, ஒன்றுபட்ட அ.தி.மு.க அல்ல. அதனால் அவரையே மீண்டும் வேட்பாளராக அறிவிக்க வேண்டிய அவசியம் இல்லை’ என்று எடப்பாடி ஆதரவு அமைச்சர்கள் சொல்ல ஆரம்பித்துள்ளனர். இதற்காக கொம்பு சீவும் வேலைகளை அமைச்சர் ஜெயக்குமார் செய்து வருவதாகச் சொல்லப்படுகிறது.’’

‘‘ஆனால், மதுசூதனன் முதல் ஆளாக செவ்வாய்க்கிழமையே விருப்ப மனு தாக்கல் செய்துள்ளாரே?’’

‘‘விஷயம் தெரிந்து முந்திக்கொண்டார் அவர்.. ‘மதுசூதனனுக்கு வயதாகி விட்டது. அவருக்குத் தொகுதியில் நல்ல பெயர் இல்லை. அவரால் செலவும் செய்ய முடியாது. அதனால் வேறு யாரையாவது நிறுத்தலாம்’ எனப் பதினைந்து பெயர்களை ‘டிக்’ அடித்து ஜெயக்குமார் கொடுத்துள்ளார் என்கிறார்கள். பாலகங்கா, முன்னாள் மண்டலக் குழுத் தலைவர் கார்த்திகேயன், வட்டச் செயலாளரான கராத்தே ஏழுமலை ஆகியோர் இந்தப் பட்டியலில் உள்ளனர்.’’

p44a_1511878883.jpg

‘‘இது மதுசூதனன் ஆட்களுக்குத் தெரியாதா?’’

‘‘தெரியாமல் இருக்குமா?  ‘என் அரசியல் வாழ்க்கையை அழிக்கத் துடிக்கிறார் ஜெயக்குமார்’ என்று மதுசூதனன் பகிரங்கமாகவே கடந்த மாதம் பேட்டியில் சொன்னார். ‘மதுசூதனன்தான் இந்தக் கட்சியின் அவைத்தலைவர். அவர் இருப்பதால்தான் இரட்டை இலை கிடைத்தது. எனவே நாங்கள் விடமாட்டோம்’ என்கிறார்கள் அவரின் ஆதரவாளர்கள்.’’

‘‘மதுசூதன மல்லுக்கட்டுத் தொடங்கிவிட்டதா?’’

‘‘ஆமாம். இந்த நிலையில் சிலர் தந்திரமாக, ‘மதுசூதனன் நிற்கவேண்டாம், வேண்டுமானால் பன்னீர் அணியைச் சேர்ந்த கே.பி.முனுசாமி நிற்கட்டும்’ என்று பன்னீர் அணியிலேயே பிரித்தாளும் வேலையைத் தொடங்கியுள்ளார்கள். மதுசூதனன் ஆதரவாளர்களோ, ‘சீட் மறுக்கப்பட்டால் அவர் சுயேச்சையாகவே களம் காண்பார்’ என்கிறார்கள். ‘எதிர்ப்புகளை மீறி மதுசூதனன் வேட்பாளர் ஆக்கப்பட்டாலும், அவரைத் தோற்கடிப்பதற்குக் கட்சிக்குள்ளேயே சிலர் மறைமுகமாக வேலை பார்ப்பார்கள்’ என்றும் சொல்லப்படுகிறது. ஆர்.கே. நகர் தேர்தல் ‘தினகரன்-எடப்பாடி அணி’ மோதலாக இல்லாமல், ‘எடப்பாடி - பன்னீர்’ மோதலாக மாறப் போகிறது.”

‘‘தர்மயுத்தம் சீஸன்-3 ஆரம்பம் என்று சொல்லும்!’’

‘‘ஆமாம். சென்னையில் எடப்பாடியும் பன்னீரும் கூட்டம் நடத்திய அதே நாள் மாலையில், திருச்சி பெமினா மஹாலில் தனது அணி மாவட்டச் செயலாளர்கள் மற்றும் முக்கிய நிர்வாகிகளுடன் ஆலோசனை நடத்தினார் தினகரன். அவர் பேச்சு உணர்ச்சிகரமாக இருந்ததாகச் சொல்கிறார்கள். ‘துரோகிகளை அடையாளம் காண்பதற்கான தேர்தல் இது. டிசம்பர் 1-ம் தேதி காலை ஆட்சிமன்றக் கூட்டத்தில் வேட்பாளராக என்னை அறிவித்த கையோடு, அன்று மாலையே வேட்புமனு தாக்கல் செய்வேன். மோடிக்கு நெருக்கமானவர்கள்தான் தேர்தல் பணிக்கு நியமிக்கப்பட்டுள்ளனர். தேர்தலில் எதுவும் நடக்கலாம். அவற்றை எதிர்கொள்ளத் தயாராக இருக்கவேண்டும்’ என்றார். ‘எம்.ஜி.ஆர் முதன்முதலில் தேர்தலைச் சந்தித்தபோது இரட்டை இலை சுயேச்சை சின்னமாகத்தான் இருந்தது. இப்போது நானும் சுயேச்சை வேட்பாளர்தான். அதைப்பற்றிக் கவலைப்படாமல் வெற்றிக்காக உழைப்போம்’ என்று பன்ச் வைத்தார்.’’

‘‘அ.தி.மு.க கொடியையோ, பெயரையோ தினகரன் தரப்பு பயன்படுத்த எதிர்ப்பு எழுந்திருக்கிறதே?’’

‘‘திருச்சி கூட்டத்துக்கு அ.தி.மு.க கொடி கட்டிய காரில்தான் வந்தார் தினகரன். நிருபர்கள் இதுபற்றிக் கேட்டதற்கு, ‘தேர்தல் ஆணையம் சின்னம் தொடர்பாகத்தான் தீர்ப்பு சொன்னது. கொடியைப் பற்றி எதுவும் சொல்லவில்லை’ என்றார். ஆனால், தினகரனும் அவரின் ஆதரவாளர்களும் கொடியைப் பயன்படுத்துவதை எதிர்த்து, ஆளும் தரப்பினர் ஆங்காங்கே போலீஸில் புகார் கொடுக்க ஆரம்பித்துள்ளனர்.’’ என்றபடியே பறந்தார் கழுகார்.

படங்கள்: கே.ஜெரோம்,  என்.ஜி.மணிகண்டன், ஈ.ஜெ.நந்தகுமார்
அட்டை ஓவியம்: பாரதிராஜா

p44_1511878783.jpg

dot_1511878804.png1.  கடந்த வாரம் திருப்பதி ஏர்ப்பேடு வனப்பகுதியில் செம்மரக் கடத்தல் பேர்வழிகளை போலீஸார் கைது செய்தனர். சிக்கியவர்களில் ஒருவர், சீனாவைச் சேர்ந்த லீன் வின் பின். செம்மரங்கள் திருப்பதியிலிருந்து கடத்தப்பட்டு சீனாவுக்குத்தான் போகின்றன. இருந்தாலும், இதற்கு முன்பு சீனாக்காரர்கள் யாரும் திருப்பதி காடுகளுக்கு வந்ததில்லை. ‘இங்குள்ள இந்திய விண்வெளி ஆராய்ச்சி மையம், அணுமின் நிலையங்கள் ஆகியவற்றைப் பற்றித் தகவல் சேகரிக்க செம்மர வியாபாரி போர்வையில் வந்தாரா’ என்கிற கோணத்தில் விசாரணை நடக்கிறது.

dot_1511878804.png2. மத்திய அரசு ஆண்டுதோறும் சி.ஆர்.எஃப் நிதியை நெடுஞ்சாலைத்துறைக்கு வழங்கும். இதில் கணிசமான கவனிப்பு எம்.பி-க்களுக்கு உண்டு. பன்னீர் பக்கம் போன நால்வருக்கு இந்தத் தொகை சென்று சேரவில்லையாம். தென்மாவட்ட எம்.பி ஒருவர், முதல்வர் தரப்பிடம் நேரடியாக இதைக் கேட்டுள்ளார். அதற்கு, ‘‘தவறான முடிவு எடுத்தீங்க இல்ல... இருங்க, வரும்’’ என்று நக்கலாகப் பதில் வந்ததாம். இந்தத் தகவலைப் பன்னீரிடம் அந்த எம்.பி சொன்னதும், பன்னீர் முகமே மாறிவிட்டது. ‘‘நேரம் வரும். பார்த்துக்கொள்ளலாம்’’ என்று அமைதியாக்கினாராம்.

dot_1511878804.png3. அன்புச்செழியனைக் காவல்துறை வலைவீசித் தேடிவருவதாகச் சொன்னாலும், அவர் இப்போது சிக்கமாட்டார். இதில் ஆளுங்கட்சிப் புள்ளிகளே தெளிவாக இருக்கிறார்கள். இவர்கள் பணம், அவரிடம் இருப்பதுதான் காரணம். இதற்கிடையே அன்புச்செழியன் விவகாரத்தை வருமானவரித் துறை கையில் எடுத்துள்ளது. மத்திய உளவுத்துறை, வருவாய் புலனாய்வுத்துறை ஆகியோரிடம் அறிக்கை கேட்டுள்ளார்கள்.

https://www.vikatan.com

Categories: Tamilnadu-news

வெடிக்கக் காத்திருக்கிறதா அதிமுக?

Wed, 29/11/2017 - 05:04
வெடிக்கக் காத்திருக்கிறதா அதிமுக?

 

 
29CHVCM-EDIT2-MGR

திமுகவின் தேர்தல் சின்னமான ‘இரட்டை இலை’ பழனிசாமி – பன்னீர்செல்வம் அணிக்குக் கிடைத்ததைத் தொடர்ந்து, அதிமுக தரப்பில் பெரிய அளவில் கொண்டாட்டங்களைப் பார்க்க முடிந்தது. தேர்தல் ஆணையத்தின் இந்த அறிவிப்பைத் தொடர்ந்து, ஆர்.கே. நகர் தொகுதி இடைத்தேர்தலுக்கான தேதியும் அறிவிக்கப்பட்டது அதிமுக தரப்பினருக்கு மகிழ்ச்சி தந்தது. ஆனால், அதிமுகவின் மகிழ்ச்சி முகத்துக்குப் பின்னே கடும் குழப்பமும் அதிருப்தியும் நிலவுவதுதான் கவனிக்கத்தக்க விஷயம்.

ஆர்.கே. நகர் இடைத்தேர்தலில் யாரை வேட்பாளராக நிறுத்துவது என்பதிலும், ஆட்சிமன்றக் குழுவில் இடம்பிடிப்பதிலும் கட்சிக்குள் அதிருப்தி அலைகள் உருவாகியிருக்கின்றன. தேர்தல் தேதி அறிவிக்கப்பட்டதை அடுத்து, அதிமுக வேட்பாளர் யார் எனும் எதிர்பார்ப்பு எழுந்தது. ஏப்ரல் 12-ல் நடத்தத் திட்டமிடப்பட்டிருந்த இடைத்தேர்தலில் பன்னீர்செல்வம் தலைமையிலான அணியின் சார்பில் நிறுத்தப்பட்டிருந்த முன்னாள் அமைச்சர் மதுசூதனன் இந்த முறையும் வேட்பாளராக அறிவிக்கப்படுவார் என்றும் எதிர்பார்க்கப்பட்டது.

தொகுதியில் செல்வாக்கு உள்ளவர், ஏற்கெனவே தொகுதி எம்.எல்.ஏ.வாக இருந்தவர், அவைத் தலைவராக இருந்தவர் என்று பல்வேறு சாதகங்களைக் கொண்டவர் மதுசூதனன். வாய்ப்பு கொடுத்தால் மீண்டும் போட்டியிடத் தயார் என்று அவரே வாய் திறந்திருந்தாலும், கட்சியில் அது பற்றி ஒருமித்த முடிவு எடுக்கப்படவில்லை. மறுபுறம், ஏற்கெனவே போட்டியிட்ட மருது கணேஷ்தான் மீண்டும் வேட்பாளர் என்று திமுக அறிவித்துவிட்டது.

 

அதிகரிக்கும் குழப்பம்

கடந்த திங்கள் கிழமை அன்று நடந்த ஆட்சிமன்றக் குழு உறுப்பினர்கள் தேர்வுக் கூட்டத்தில் ஏற்பட்ட மோதலும் சலசலப்பும் அரசியல் பார்வையாளர்களால் கூர்ந்து கவனிக்கப்படுகின்றன. ராயப்பேட்டை கட்சித் தலைமை அலுவலகத்தில் கூடிய இந்தக் கூட்டத்தில், ஆட்சிமன்றக் குழுவுக்கு உறுப்பினரை நியமிக்கும் விவகாரத்தில் இரண்டு அணிகளும் வெளிப்படையாகத் தங்கள் ஆட்சேபத்தைத் தெரிவித்தன. குழப்பம் அதிகரித்ததைத் தொடர்ந்து, முதல்வர் பழனிசாமி தலையிட்டுச் சமாதானம் செய்ய வேண்டிவந்தது. ஒருவழியாக, அவரவர் தங்களுக்கு விருப்பமான உறுப்பினரைச் சேர்த்துக்கொள்ளலாம் என்று தற்காலிகத் தீர்வுக்கு வந்துள்ளனர்.

முன்னாள் அமைச்சர் வளர்மதியை இணைத்ததன் மூலம் பழனிசாமி அணியின் கை ஓங்கியிருப்பதாகவே கட்சிக்குள் குரல்கள் எழுந்திருக்கின்றன. ஒரு கட்டத்தில் இரு அணித் தலைவர்களும் கடுமையான வாக்குவாதத்தில் ஈடுபட்டதையும், ‘இது சரிப்பட்டு வராது’ என்று பன்னீர்செல்வம் அணியின் மூத்த தலைவர் கூற, முதல்வர் அனைவரையும் சமாதானப்படுத்தியதையும் அதிமுகவினர் கவலையுடன் பார்த்துக்கொண்டிருக்கிறார்கள்.

ஆர்.கே. நகர் இடைத்தேர்தலில் மதுசூதனன் போட்டியிடவே கூடாது என்று ஒரு தரப்பும், அவர்தான் வேட்பாளர் என்று மறு தரப்பும் முரண்டுபிடிக்கவே, விருப்ப மனுவைப் பெற்று ஆட்சிமன்றக் குழு முடிவெடுக்கும் என்று ஒருவழி யாக முடிவுசெய்யப்பட்டிருக்கிறது. இத்தனைக்கும் இரட்டை இலை சின்னத்தை மதுசூதனன் தலைமையிலான அதிமுக அணிக்குத்தான் தேர்தல் ஆணையம் ஒதுக்கியிருக்கிறது என்பது குறிப்பிடத்தக்கது. பன்னீர்செல்வம் அணியில் இருந்தவர் மதுசூதனன் என்பதால், இதில் பன்னீர்செல்வம் ஆதரவாளர்களுக்கு உள்ளூர மகிழ்ச்சிதான். இதையடுத்து, தனது தரப்பை உறுதிசெய்துகொள்ள பழனிசாமித் தரப்பு முனைப்புக் காட்டுவது கட்சிக்குள் சலசலப்பை ஏற்படுத்தி யிருக்கிறது.

இரட்டை இலை சின்னம் கிடைத்த பின்னர் கட்சியை யார் கைப்பற்றுவது என்பதில் இரண்டு தரப்பும் பதற்றப்படுவதை வெளிப்படையாகவே காண முடிகிறது. இதன் வெளிப்பாடு தான் மதுரை தோப்பூர் முப்பெரும் விழாவில் உருவான குழப்பம். விழாவில் வேண்டுமென்றே பன்னீர்செல்வத்தைப் புறக்கணித்ததாக அவரது ஆதரவாளர்கள் தரப்பினர் குற்றச்சாட்டை வைத்தனர். அதை மைத்ரேயன் பேட்டியாகவே கொடுத்தார்.

 

ஆரம்பித்துவைத்த ஆர்.கே. நகர்

ஒரு வகையில் பார்த்தால், அதிமுகவின் பயணத்தில் ஆர்.கே. நகர் தொகுதி இடைத்தேர்தல் ஒரு முக்கியக் கண்ணியாகவே தெரிகிறது. பன்னீர்செல்வம் அணிக்கும், அப்போது ஒரே அணியில் இருந்த பழனிசாமி - தினகரன் அணிக்கும் இடையில் நேரடிப் போட்டிக் களமாக உருவானது. வாக்காளர்களைத் தங்கள் பக்கம் ஈர்க்க அங்கு நடந்த பணப் பட்டுவாடா பெரிய அளவில் பேசப்பட்டது. அடுத் தடுத்த நிகழ்வுகளில் கட்சியையும் சின்னத்தையும் முடக்கியது தேர்தல் ஆணையம். அதுவரை பன்னீர்செல்வம் தரப்புதான் பாஜக தலைமையிலான மத்திய அரசுடன் நெருக்கம் காட்டிவந்தது.

இப்படியே போனால் தங்களது நிலை அவ்வளவுதான் என்று நினைத்த பழனிசாமி தரப்பு, மத்திய அரசுடன் நெருங்க ஆரம்பித்தது. கட்சியிலிருந்து தினகரனை ஓரங்கட்டியது, சசிகலா குடும்பம் இல்லாத அரசியல் என்று முக்கிய முடிவுகளை எடுத்தது. காலப்போக்கில் இரு அணிகளும் இணைந்தால்தான் எதிர்காலம் எனும் சூழல் உருவானதைத் தொடர்ந்தே பழனிசாமி அணியும் பன்னீர்செல்வம் அணியும் இணைந்தன.

அணிகள் இணைந்தாலும் இருவரும் தனித்தனியாகவே இயங்கிவருகிறார்கள். பேருக்குத்தான் துணை முதல்வராக இருக்கிறார் பன்னீர்செல்வம். அவரால் எந்த முடிவையும் சுயமாக எடுக்க முடியவில்லை. உடனிருக்கும் சக தலைவர்களான கே.பி.முனுசாமி, மைத்ரேயன், செம்மலை, மனோஜ் பாண்டியன் உள்ளிட்ட யாருக்கும் எதுவும் செய்ய முடியவில்லை என்ற ஆதங்கம் பன்னீர்செல்வம் அணியினர் மத்தியில் பரவலாக இருக்கிறது.

தாங்கள் எதிர்பார்த்த பதவிகளும் ஒதுக்கப்படவில்லை. 11 பேர் கொண்ட வழிகாட்டுக் குழு அமைக்கப்பட வேண்டும் என்ற பொதுக்குழு முடிவும் அமல்படுத்தப்படவில்லை என்பதை பன்னீர்செல்வம் அணியின் இரண்டாம் கட்டத் தலைவர்கள் வெளிப்படையாகவே பேசத்தொடங்கினார்கள். ‘சின்னம் வரும் வரை பொறுமை காப்போம்’ என்று பன்னீர்செல்வம் சமாதானப்படுத்தியதாகக் கூறப்பட்டது.

இந்நிலையில், இரட்டை இலை சின்னம் கிடைக்கும் சூழ்நிலை உருவான நேரத்தில், தனது ஆதங்கத்தை முதன்முதலாக வெளிப்படுத்தினார் மைத்ரேயன். “அணிகள் இணைந்தாலும் மனங்கள் இணையவில்லை, வழிகாட்டுக் குழு ஏன் அமைக்கப்படவில்லை?” என்ற அவரது ஃபேஸ்புக் பதிவை மற்றவர்கள் மறுத்தாலும் கட்சிக்குள் ஒற்றுமை இல்லை என்பதுதான் உண்மை என்பதை அனைவரும் அறிந்திருந்தனர். திண்டுக்கல் கூட்டத்தில் நத்தம் விஸ்வநாதனும் இதைச் சுட்டிக்காட்டிப் பேசினார்.

 

காணாமல்போன கட்டுப்பாடு

இதோ இன்றைக்கு, ஆர்.கே. நகர் தொகுதி வேட்பாளரை அறிவிக்கவிருக்கிறது அதிமுக. யாரை நிறுத்தினாலும் கட்சிக்குள் எதிர்ப்பு இருக்கும் என்றும் திமுக வேட்பாளரைத் தோற்கடிக்கும் தேர்தலாக இல்லாமல் சொந்த வேட்பாளர் மீது காழ்ப்புணர்ச்சி காட்டும் தேர்தலாக இது இருக்கும் என்றும் பேசத் தொடங்கியிருக்கிறார்கள். ஜெயலலிதா காலத்தின் ராணுவக் கட்டுப்பாடெல்லாம் மலையேறிவிட்டதைத்தான் அதிமுகவின் இன்றைய நிலை காட்டுகிறது.

உண்மையில், கட்சிக்குள் குழப்பம் என்பது அதிமுகவுக்குப் புதிதல்ல. 1980-களின் இறுதியில் அதிமுகவுக்குள் நிகழ்ந்த குழப்பங்கள், அந்த காலகட்டத்தில் வேறு கட்சிகள் சந்தித்திராதவை. 1987-ல் எம்ஜிஆர் மறைவுக்குப் பிறகு கட்சி சிதறுண்டது. ஆட்சியே மூன்றாண்டில் முடிவுக்கு வந்தது. இரட்டை இலை சின்னம் முடக்கப்பட்டது. ஆனால், அன்று சக்திவாய்ந்த தலைமையாக உருவெடுத்த ஜெயலலிதா வின் தலைமையில் காலப்போக்கில் மூத்த தலைவர்கள் உட்பட, அதிமுகவினர் ஒன்றிணைந்தது வரலாறு. 89 சட்ட மன்றத் தேர்தலுக்குப் பின்னர் ஜெயலலிதா தலைமைதான் அதிமுகவை இனி வழிநடத்த முடியும் என்ற முடிவுக்கு வந்த தலைவர்கள், அவர் தலைமையின் கீழ் மீண்டும் ஒன்றுபட்டனர்.

அதன் பின்னர், தனது மறைவு வரை தலைமைப் பொறுப்பில் கட்சியை வழிநடத்தினார் ஜெயலலிதா. அதேசமயம், ஜெயலலிதா தலைமைக்குப் பின்னால் நிழல் தலைமை ஒன்றும் அதிமுகவை வழிநடத்தியது. கட்சிக்குச் சம்பந்தமில்லாதவர்கள்; ஆனால் அனைத்தையும் தீர்மானிப்பவர்கள் என்று இருந்த நிழல் தலைமை காரணமாக அதிமுகவின் அடுத்தகட்ட தலைமை என்பதே இல்லாத நிலை உருவானது.

அனுசரித்துச் செல்பவர்களுக்கும், நம்பகமாக இருப்பார் கள் என்று அடையாளம் காணப்பட்டவர்களுக்கும் வாய்ப்பு கள் வழங்கப்பட்டன. ஜெயலலிதாவுக்கு அடுத்து உள்ள வலிமையான தலைவர்கள் ஓரங்கட்டப்பட்டனர், வெளியேற்றப்பட்டனர். இதன் விளைவாக விசுவாசம் என்ற பெயரில் இரண்டாம் கட்டத் தலைமை, அதிமுகவுக்குள் உருவானது. ஆனால், வலுவான தலைமை உருவாகவில்லை. தற்போதைய நிகழ்வுகள் காட்டுவது அதைத்தான்!

http://tamil.thehindu.com/opinion/columns/article21043309.ece

Categories: Tamilnadu-news

தமிழக முன்னாள் முதல்வர் ஜெயலலிதாவுக்கு பெண் குழந்தை பிறந்தது உண்மைதான்: பெங்களூரு உறவினர் திடுக் தகவல்

Wed, 29/11/2017 - 04:59
தமிழக முன்னாள் முதல்வர் ஜெயலலிதாவுக்கு பெண் குழந்தை பிறந்தது உண்மைதான்: பெங்களூரு உறவினர் திடுக் தகவல்

 

 
01CHDASJAYALALITHA-FINGERS

ஜெயலலிதா | கோப்புப்படம்   -  THE HINDU

தமிழக முன்னாள் முதல்வர் ஜெயலலிதாவுக்கு பெண் குழந்தை பிறந்தது உண்மைதான் என பெங்களூருவில் இருக்கும் அவரது உறவினர் லலிதா தெரிவித்திருப்பது சர்ச்சையை ஏற்படுத்தியுள்ளது.

பெங்களூருவைச் சேர்ந்த அம்ருதா (37), ‘நான்தான் ஜெயலலிதாவின் உண்மையான மகள். என்னை அவரது மகளாக அங்கீகரித்து, ரத்த வாரிசாக அறிவிக்க வேண்டும் என குடியரசுத் தலைவர், பிரதமர் உள்ளிட்டோருக்கு கடிதம் எழுதினார். இது தொடர்பாக உச்ச நீதிமன்றத்தில் வழக்கு தொடர்ந்த அம்ருதா, ‘‘கடந்த 1980-ம் ஆண்டு ஆகஸ்ட் 14-ம் தேதி ஜெயலலிதாவின் மகளாக நான் பெங்களூருவில் பிறந்தேன். ஜெயலலிதாவின் அத்தையான ஜெயலட்சுமி தான் பிரசவம் பார்த்தார். ஜெயலலிதா தனக்கு அவப்பெயர் ஏற்படும் என்பதால் சிறுவயதிலே என்னை பார்த்தசாரதி - ஷைலஜா தம்பதிக்கு தத்து கொடுத்துவிட்டார். எனது பாதுகாப்பை கருத்தில் கொண்டு கடைசி வரை என்னை மகளாக அறிவிக்கவில்லை''என நீதிமன்றத்தில் தெரிவித்தார்.

 

இந்நிலையில் பிரசவம் பார்த்ததாக சொல்லப்படும் ஜெயலட்சுமியின் உறவினர் மகள் லலிதா, ‘‘மறைந்த முதல்வர் ஜெயலலிதா எனது அம்மாவின் அண்ணன் மகள். ஜெயலலிதாவின் குடும்பத்தார் எங்களுக்கு குடும்பத்துக்கு நெருக்கமானவர்கள் என்பதால், சிறுவயதில் இருந்தே பல விஷயங்கள் எங்களுக்கு தெரியும். ஜெயலலிதா நடிகையாக இருந்தபோது, அவருக்கு ஒருவருடன் தொடர்பு இருந்தது. அவரை ரகசியமாக திருமணம் செய்து கொண்டார் எனவும் தெரிகிறது.

இதன்மூலம் ஜெயலலிதாவுக்கு பெண் குழந்தை பிறந்தது. ஜெயலலிதாவின் பேறுகாலத்துக்கு அருகில் இருந்து உதவியவர் என் பெரியம்மா ஜெயலட்சுமிதான். இந்த விஷயத்தை வெளியே சொல்லக்கூடாது என ஜெயலலிதா என் பெரியம்மா ஜெயலட்சுமியிடம் சத்தியம் வாங்கி கொண்டார். இதனால் என் பெரியம்மா இதனை வெளியே சொல்லவில்லை. நெருங்கிய உறவினர்களுக்கு மட்டுமே இந்த விஷயம் தெரியும்.

ஜெயலலிதா தனக்கு பிறந்த பெண் குழந்தையை அவரது நெருங்கிய உறவினரிடம் வளர்க்க கொடுத்தார். அந்த குழந்தை அம்ருதாவா எனக்கு தெரியாது. சந்தேகம் இருந்தால் டிஎன்ஏ சோதனை செய்து பார்க்கலாம். கடந்த 3 மாதங்களுக்கு முன்பு அம்ருதா என்னை வந்து சந்தித்தார். ஜெயலலிதாவின் மகள் என சொல்லும் அவர் என்னை அத்தை என்று அழைக்கிறார். அவருக்கு ஜெயலலிதாவின் சொத்துகள் மீது ஆசை இருப்பதாக தெரியவில்லை. ஜெயலலிதாவுக்கு மகள் பிறந்தது உண்மைதான். அவரது தாயார் சந்தியா இறந்ததால், மனிதாபிமான அடிப்படையில் ஜெயலட்சுமி அவரது பிரசவத்துக்கு உதவி இருக்கிறார்கள்'' என்றார்.

பெங்களூருவைச் சேர்ந்த ஜெயலலிதாவின் உறவினர் லலிதா தெரிவித்துள்ள தகவல், மேலும் சர்ச்சையை ஏற்படுத்தி யுள்ளது.

http://tamil.thehindu.com/india/article21043364.ece?homepage=true

Categories: Tamilnadu-news

காவல்நிலையத்தைக் கண்டு அஞ்சும் போலீஸ்காரர்கள்! |

Wed, 29/11/2017 - 01:41
காவல்நிலையத்தைக் கண்டு அஞ்சும் போலீஸ்காரர்கள்! | Police men does rituals to enter police station
M.Ganesh

தேனி மாவட்டம் பெரியகுளம் அருகே உள்ளது தென்கரை. இப்பகுதிக்கு எனப் புதிதாக காவல்நிலையம் ஒன்று சமீபத்தில் கட்டப்பட்டு அதில் குடியேறினார்கள் காவலர்கள். ஆனால், பெரும்பாலும் யாருமே ஸ்டேஷனுக்குச் செல்வதில்லை. என்ன காரணம் எனத் தகவலறிந்த வட்டாரத்தில் விசாரித்தோம்.

PhotoGrid_1511867811060_16072.jpg

"என்ன ஆச்சு... ஏது ஆச்சுனு தெரியல... அந்த போலீஸ் ஸ்டேஷன் எப்போ திறக்கப்பட்டதோ அது முதல் தொடர்ந்து எங்கள் தரப்பில் இழப்பைச் சந்தித்தோம். பல்வேறு காரணங்களில் எங்கள் உடன் பணியாற்றிய மூவரை நாங்கள் இழந்தோம். இது எல்லாமும் அந்த போலீஸ் ஸ்டேஷனுக்குச் சென்ற பிறகுதான் நடந்தது. இதனால் ஸ்டேஷனுக்குள் செல்லவே எங்களுக்கு பயமாக இருந்தது. பெரும்பாலும் வெளியிலேயே இருப்போம். சிலருக்கு இந்த விஷயத்தில் நம்பிக்கை இல்லை.

PhotoGrid_1511867876157_16479.jpg

இருந்தாலும் எங்கள் உயர் அதிகாரிகள் பலரிடம் இதுகுறித்து சொன்னபோது சிலர் எங்களைக் கிண்டல் செய்தார்கள். சிலர் பயந்து, ஏதாவது குறை இருக்கும், கருப்பனுக்கு நேத்திக்கடன் செலுத்தினால் சரியாகிவிடும் என்று சொன்னார்கள். அவர்கள் சொன்னதால், இன்று எங்கள் குடியிருப்பிற்குள் இருக்கும் ஶ்ரீவீச்சு கருப்பணசாமி கோவிலில் கிடா வெட்டி விருந்து வைத்தோம். இனி எங்களை எந்தக் காத்துக் கருப்பும் அண்டாது என்ற நம்பிக்கையில் தைரியமாக ஸ்டேஷனுக்குப் போவோம்" என்றனர். வேடிக்கையாக இருந்தாலும் இதுதான் இன்று நடந்தது. இதில் சுவாரஸ்யம் என்னவென்றால் இந்தக் கிடா விருந்திற்கு மாவட்டக் காவல் கண்காணிப்பாளர் பாஸ்கரன் வரப்போவதாக நமக்குத் தகவல் கிடைத்தது. ஆனால் அவர் வரவில்லை. 

https://www.vikatan.com/news/tamilnadu/109194-police-men-does-rituals-to-enter-police-station.html

Categories: Tamilnadu-news

யார் யாரெல்லாம் தமிழர்கள் ????

Tue, 28/11/2017 - 17:22

யார் யாரெல்லாம் தமிழர்கள் ????

 

 

 

Categories: Tamilnadu-news

ஆர்.கே.நகரில் இவர்கள்தான் வெற்றி பெறுவார்கள்! சிங்கப்பூர் புறப்படும் முன் விஜயகாந்த் பேட்டி

Tue, 28/11/2017 - 05:43
ஆர்.கே.நகரில் இவர்கள்தான் வெற்றி பெறுவார்கள்! சிங்கப்பூர் புறப்படும் முன் விஜயகாந்த் பேட்டி
 
 

singapore_visit_10397.jpg

Chennai: 

மருத்துவ சிகிச்சைக்காக தே.மு.தி.க பொதுச் செயலாளர் விஜயகாந்த் இன்று விமானம் மூலம் சிங்கப்பூர் புறப்பட்டுச் சென்றார்.

 

உடல்நிலை பாதிக்கப்பட்டிருந்த தே.மு.தி.க பொதுச் செயலாளர் விஜயகாந்த், ஏற்கெனவே சிங்கப்பூர் சென்று சிகிச்சை பெற்றுவந்தார். ஆனால், பேசுவதில் விஜயகாந்த்துக்கு சிரமம் ஏற்பட்டது. இந்த நிலையில், சிகிச்சைக்காக விஜயகாந்த் மீண்டும் இன்று சென்னை விமான நிலையத்தில் இருந்து சிங்கப்பூர் புறப்பட்டுச் சென்றார்.

முன்னதாக செய்தியாளர்களைச் சந்தித்த விஜயகாந்திடம் ஆர்.கே.நகர் இடைத்தேர்தலில் தே.மு.தி.க போட்டியிடுமா என்று செய்தியாளர்கள் கேட்டனர். இதற்குப் பதில் அளித்த விஜயகாந்த், ஆர்.கே.நகர் இடைத்தேர்தலைப் புறக்கணிக்கிறோம். நாங்கள் யாருக்கும் ஆதரவு கொடுக்க மாட்டோம் என்றார்.

இடைத்தேர்தலில் யாருக்கு வெற்றி வாய்ப்பு இருக்கிறது என்ற கேள்விக்கு, ஆர்.கே.நகரில் பணபலம் உள்ளவர்கள் தேர்தலில் வெற்றி பெறுவார்கள். முறைகேட்டை தடுக்ககவே மாலை 5 மணிக்கு மேல் பிரசாரம் செய்யத் தடை விதிக்க வேண்டும். ஆர்.கே.நகரில் விதிக்கப்பட்ட பிரசார கட்டுப்பாடுகளைப் பணப்பட்டுவாடா செய்பவர்களே விமர்சிப்பார்கள் என்று கூறினார்.

 

தமிழகத்தில் மாணவர்களின் தற்கொலை அதிகரித்துக்கொண்டே செல்கிறதே என்ற கேள்விக்கு, மாணவ- மாணவர்களின் தற்கொலை அதிகரித்திருப்பது ஆட்சியின் அவலநிலையைக் காட்டுகிறது என்று குற்றம்சாட்டினார் விஜயகாந்த்.

https://www.vikatan.com/news/tamilnadu/109125-vijayakanth-speaks-out-about-rk-nagar-election.html

Categories: Tamilnadu-news

எடப்பாடி பழனிசாமி இல்லத்தில் தினகரன் ஆதரவு எம்.பி-க்கள்!

Mon, 27/11/2017 - 12:41
எடப்பாடி பழனிசாமி இல்லத்தில் தினகரன் ஆதரவு எம்.பி-க்கள்!
 
 

தமிழக முதல்வர் எடப்பாடி பழனிசாமி இல்லத்துக்கு தினகரன் ஆதரவு மாநிலங்களவை எம்.பி-க்கள் மூன்று பேர் வருகை தந்துள்ளனர். அவர்கள் மூன்று பேரும் தினகரன் அணியில் இருந்து எடப்பாடி பழனிசாமியின் அணிக்குத் தாவலாம் என்று கூறப்படுகிறது. 

எடப்பாடி பழனிசாமி மற்றும் தினகரன்

 

அடுத்த மாதம், 5-ம் தேதி ஜெயலலிதாவின் முதல் நினைவு நாள் வருகிறது. இதையொட்டி, தமிழக அரசு சார்பில் அமைதி ஊர்வலம் ஏற்பாடு செய்யப்படலாம் என்று அ.தி.மு.க வட்டாரங்கள் தகவல் தெரிவிக்கின்றன. இது குறித்து சென்னை, பசுமைவழிச் சாலையில் இருக்கும் முதல்வர் எடப்பாடி பழனிசாமி இல்லத்தில் அ.தி.மு.க-வின் முக்கிய நிர்வாகிகள் ஆலோசித்து வருகின்றனர். இந்தக் கூட்டத்துக்கு தினகரன் அணியில் இருக்கும் மூன்று மாநிலங்களவை எம்.பி-க்களான விஜிலா சத்தியானந்த், நவநீதகிருஷ்ணன், கோகுல கிருஷ்ணன் ஆகியோர் வருகை தந்துள்ளனர். இதனால், அவர்கள் தினகரன் அணியில் இருந்து எடப்பாடி அணிக்குத் தாவலாம் என்று கூறப்படுகிறது. 

https://www.vikatan.com/news/tamilnadu/109066-dinakaran-faction-mps-at-palanisamys-residence.html

Categories: Tamilnadu-news

சசிகலாவிடம் விசாரணை எப்போது சிறை கண்காணிப்பாளர் தகவல்

Sun, 26/11/2017 - 20:34
 
 
சசிகலாவிடம் விசாரணை எப்போது
சிறை கண்காணிப்பாளர் தகவல்
 
 
 

பெங்களூரு:சிறையில் அடைக்கப்பட்டுள்ள சசிகலாவிடம் விசாரணை நடத்தும் வழிமுறைகளை, பெங்களூரு மத்திய சிறை தலைமை கண்காணிப்பாளர் அறிவித்துள்ளார்.

 

சசிகலாவிடம்,விசாரணை,எப்போது, சிறை,கண்காணிப்பாளர்,தகவல்


தமிழகத்தின், 187 இடங்களில், சசிகலாவின் குடும்பத்தினர், உறவினர்கள், நண்பர்கள், ஆதரவாளர்களின் வீடுகள், கல்வி நிறுவனங் கள், தொழிற்சாலைகளில், வருமான வரி

துறையினர் அதிரடிச் சோதனை நடத்தினர். இதில் சிக்கிய ஆவணங்கள் மூலம், 1,140 கோடி ரூபாய் மதிப்பில், வரி ஏய்ப்பு செய்துள்ளதாக தகவல்கள் வெளியாகியுள்ளது.

கர்நாடகா மாநிலம்,பெங்களூரு பரப்பன அக்ரஹாரா மத்திய சிறையில், அடைக்கப்பட்டுள்ள, சசிகலா மற்றும் இளவரசி யிடம், இது தொடர்பாக நேரில் விசாரணை நடத்த, வருமான வரித்துறையினர் முடிவு செய்தனர்.

இதுகுறித்து, சிறைத்துறை தலைமை கண்காணிப் பாளர், சோமசேகர் கூறியதாவது: சசிகலாவிடம் விசாரணை நடத்த வேண்டும் என்றால், சென்னை நீதிமன்றத்தில், அனுமதி வாங்கிய பின், அதை கர்நாடக சிறைத்துறை, டி.ஜி.பி.,யிடம் கொடுத்து, அனுமதி பெற வேண்டும்.

டி.ஜி.பி., அனுமதி கொடுக்கும் பட்சத்தில், சிறையில்

 

விசாரணை நடத்தலாம். இதுவரை வருமான வரித்துறையினர், எங்களிடம் எதுவும் அனுமதி கோரவில்லை.மறைந்த முதல்வர் ஜெயலலிதா வின் கைரேகை பதிவு இருந்தால், தாக்கல் செய்யும்படி, சென்னை உயர் நீதிமன்றம் உத்தர விட்டுள்ளது. இது தொடர்பான விசாரணைக்கு, டிச.8ல்,ஆஜராவேன்.இவ்வாறு அவர் கூறினார்.

http://www.dinamalar.com/news_detail.asp?id=1905777

Categories: Tamilnadu-news

”தேசிய அரசியலுக்கும் வருவேன்”: கமலஹாசன் சூட்சுமப் பேச்சு

Sun, 26/11/2017 - 06:56
”தேசிய அரசியலுக்கும் வருவேன்”: கமலஹாசன் சூட்சுமப் பேச்சு

 

 

திரைப்படம் தயாரிப்பதைப் போன்றதல்ல அரசியல் என்பதால், அரசியலில் தோல்வி ஏற்படும் என்பது குறித்து அஞ்சப் போவதில்லை என்று நடிகர் கமலஹாசன் தெரிவித்துள்ளார்.

14_Kamal_Hassan.jpg

டெல்லியில் ஊடக நிகழ்வு ஒன்றில் நேற்று (25) கலந்துகொண்டபோதே அவர் இவ்வாறு தெரிவித்தார்.

“தமிழகத்தின் நன்மை கருதியே நான் அரசியலில் இறங்குகிறேன். இது திரைப்படம் தயாரிப்பதைப் போன்றதன்று. அதுபோலவே, இது பணம் சம்பாதிக்கும் ஒரு வழிமுறையும் அல்ல. என்னைக் கருவியாகக் கொண்டு எம் மக்களின் நிலையை உயர்த்தும் ஒரு முயற்சியே. எனவே, எனது அரசியல் வாழ்க்கையில் தோல்வி ஏற்படும் என்ற அச்சம் எனக்கு இல்லை.

“எனது சமூகச் சிந்தனைகளே எனது நடிப்பின் வாயிலாக வெளிப்படுகிறது என்றே நான் உணர்கிறேன். ஒருவேளை இது தவறாகக் கூட இருக்கலாம். எனினும் மக்களின் நலன் கருதியே நான் இயங்குகிறேன். இது தவறாக முடிந்தாலும் அதைத் தோல்வி என்று எடுத்துக்கொள்ள மாட்டேன். 

“எமது தவறுகளுக்கு நாமே காரணம் என்பதையும் அதற்காகப் பிறரைக் குற்றம் சொல்ல முடியாது என்பதையும் மக்கள் புரிந்துகொண்டுள்ளனர். அரசியல்வாதிகள் கறைபடிந்தவர்கள். ஏனெனில் அவர்கள் மக்களிடம் இருந்து வந்தவர்களல்லர். இந்த நிலையை நான் மாற்ற விரும்புகிறேன். அதுவே எனது அரசியல் பிரவேசத்தின் நோக்கம்.”

இவ்வாறு கமலஹாசன் தெரிவித்தார்.

தலைநகருக்கு வந்தும் நாட்டைப் பற்றிப் பேசாமல் மானிலம் பற்றிப் பேசுவது ஏன் என்று கேட்டதற்கு, “அங்கிருந்துதான் நாடு துவங்குகிறது. அதுதான் என் வாசல். நான் என் வாசலைச் சுத்தம் செய்ய விரும்புகிறேன். அங்கிருந்துதான் எனது பணிகளை ஆரம்பிக்கிறேன்” என்று, தேசிய அரசியலுக்கு வரும் எண்ணத்தையும் சூட்சுமமாகச் சொல்லி முடித்தார் கமலஹாசன்!

http://www.virakesari.lk/article/27528

Categories: Tamilnadu-news

இரட்டை இலை தர இரண்டு நிபந்தனைகள்!

Sat, 25/11/2017 - 15:18
மிஸ்டர் கழுகு: இரட்டை இலை தர இரண்டு நிபந்தனைகள்!
 
 

 

‘‘முதல் நாள் இரட்டை இலை தீர்ப்பு... அடுத்த நாள் ஆர்.கே.நகர் தேர்தல் அறிவிப்பு’’ என ரைமிங்கோடு வந்தமர்ந்தார் கழுகார்.

‘‘இரட்டை இலைக்கு உயிர் கொடுக்கும் எண்ணமே இல்லாமல்தான் பி.ஜே.பி ஆரம்பத்தில் இருந்தது. ‘எடப்பாடி பழனிசாமியை முதல்வர் பதவியிலிருந்து நீக்க வேண்டும்’ என தினகரன் ஆதரவு எம்.எல்.ஏ-க்கள் 19 பேர் கவர்னரிடம் மனு கொடுத்த பிறகுதான் இரட்டை இலை யாருக்கு என்கிற வழக்கு தேர்தல் கமிஷனில் வேகம் பிடித்தது. ஆர்.கே.நகர் இடைத் தேர்தல் தொடர்பாக சென்னை உயர் நீதிமன்றம் கண்டிப்பு காட்டிய சூழலில், இரட்டை இலை இறுதித்தீர்ப்பு வெளியானது. ஆர்.கே.நகர் தேர்தலை ஒரு பரிசோதனைக் களமாகப் பார்க்கிறது பி.ஜே.பி. இங்கு ஓ.பி.எஸ்-இ.பி.எஸ் அணி பெறும் வாக்குகளைப் பொறுத்து 2019-ம் ஆண்டு நடைபெறும் நாடாளுமன்றத் தேர்தலில், பி.ஜே.பி-அ.தி.மு.க கூட்டணிக்கான பாதையைத் திட்டமிடலாம் என்பதுதான் பிளான். கணிசமான வாக்குகளை வாங்கி எடப்பாடி வேட்பாளர் வெற்றி பெற்றால், அடுத்து நடக்கும் உள்ளாட்சித் தேர்தலில் குறிப்பிட்ட இடங்களைத் தர வேண்டும் என ஒரு நிபந்தனையும், நாடாளுமன்றத் தேர்தல்களில் தாங்கள் கேட்கும் இடங்களைத் தர வேண்டும் என்ற இன்னொரு நிபந்தனையும் விதிக்கப்பட்டுள்ளதாம்.”

p2d.jpg

‘‘ஆர்.கே.நகர் தேர்தலில், பிஜே.பி-அ.தி.மு.க கூட்டணி அமையுமா?”

‘‘அமையாது என்கிறார்கள். அப்படிக் கூட்டணி அமைந்தால், ‘இரட்டை இலையை பி.ஜே.பி-தான் பெற்றுக் கொடுத்தது’ என்கிற விமர்சனம் வலுவாகுமே. மேலும், எம்.எல்.ஏ-க்கள் தகுதிநீக்கம் தொடர்பான வழக்குகள் நிலுவையில் இருக்கின்றன. ‘அந்த வழக்குகளில் என்ன தீர்ப்பு வரும் எனத் தெரியாத நிலையில் கூட்டணி ஏன்?’ என யோசிக்கிறது பி.ஜே.பி. எடப்பாடி ஆட்சியின்மீது கடுமையான எதிர்ப்புகள் இருக்கும் நிலையில் கூட்டணி போட்டு ஆர்.கே.நகர் தேர்தலை எதிர்கொள்ள பி.ஜே.பி விரும்பவில்லை.”

‘‘இரட்டை இலை பறிபோனது தினகரனுக்குப் பின்னடைவுதானே?”

‘‘தினகரன் அணி இதை முன்கூட்டியே எதிர்பார்த்தது. ‘நிர்வாகிகள் மட்டுமே எடப்பாடி அருகில் இருக்கிறார்கள். தொண்டர்கள் தங்கள் பக்கம்தான் இருக்கிறார்கள்’ என தினகரன் தரப்பு சொல்லிக்கொண்டிருக்கிறது. தேர்தல் ஆணையத்தின் தீர்ப்பில் சில குழப்பங்கள் இருப்பதாகவும் தினகரன் அணி நினைக்கிறது. கட்சியின் பெயர், சின்னம் எல்லாம் பறிபோனதால் இன்றைய சூழ்நிலையில் தினகரன் புதுக்கட்சிதான் ஆரம்பிக்க வேண்டும். ஆனால், அப்படியான திட்டம் எதுவும் தினகரனிடம் இல்லை. கட்சியையையும் சின்னத்தையும் கைப்பற்றுவதில் அவர் உறுதியாக இருக்கிறார். தேர்தல் கமிஷன் தீர்ப்பை எதிர்த்து நீதிமன்றத்தில் மேல்முறையீடு செய்யப்போவதாக அறிவித்துள்ளார்.’’

p2.jpg

‘‘முட்டை விவகாரத்தில் என்ன நடக்கிறது?”

‘‘முட்டை விலை ஏகத்துக்கும் உயர்ந்து விட்டது. உற்பத்தியில் எந்தப் பாதிப்பும் இல்லை. அதுபோல, ஜி.எஸ்.டி வரியும்கூட காரணமில்லை எனச் சொல்லப்படுகிறது. ஆந்திராவுக்கு அதிக முட்டைகள் ஏற்றுமதி செய்யப்படுவதால், விலை உயர்ந்ததாகச் சொல்கிறார்கள். ஆனால், அதைத் தாண்டியும் இன்னொரு காரணத்தைச் சொல்கிறார்கள். சத்துணவுத் திட்டத்தில் பள்ளி மாணவர்களுக்கு முட்டை வழங்கும் தமிழக அரசின் திட்டத்தில் கான்ட்ராக்டராக சொர்ணபூமி என்ற நிறுவனம்தான் பல வருடங்களாகச் செயல்பட்டு வருகிறது. இந்த ஆண்டு புதிதாக ஒப்பந்தம் செய்தபோது, முட்டை ஒன்றுக்கு 4.34 ரூபாய் என அரசு விலை நிர்ணயம் செய்திருந்தது. அந்த நேரத்தில் ‘இந்த விலையே அதிகம்’ என எதிர்க்கட்சிகள் கண்டனம் தெரிவித்தது உமக்கு நினைவிருக்கும்.’’

‘‘ஆமாம். ஆனால், இப்போது முட்டையின் விலையே வேறு ரேஞ்சில் இருக்கிறதே?’’

‘‘அதைத்தான் சொல்ல வருகிறேன். முட்டை விலை ஆறு ரூபாயைத் தாண்டி உயர ஆரம்பித்ததும், பல மாவட்டங்களில் முட்டை சப்ளை செய்வதை இந்த நிறுவனம் நிறுத்திவிட்டது.  ‘எல்லா பள்ளிகளிலும் வழக்கம்போல முட்டை வழங்கப்படுகிறது’ எனச் சமூகநலத்துறை அமைச்சர் சரோஜா சொல்கிறார். சொர்ணபூமி நிறுவனமும் அப்படித்தான் சொல்கிறது. ஆனால், ‘கூடுதல் விலை கொடுத்தால் மட்டுமே பள்ளிகளுக்கு முட்டை சப்ளை செய்ய முடியும்’ என அந்த நிறுவனம் சார்பில் இப்போது தமிழக அரசிடம் பேசப்பட்டுள்ளது. இதைத் தொடர்ந்து, முட்டை விலையை 6.75 ரூபாய் வரை உயர்த்தி, கொள்முதல் செய்து கொள்வதாக சொர்ணபூமி நிறுவனத்திடம் வாய்மொழியாக உறுதி அளித்துள்ளது அரசு தரப்பு.”

‘‘இது செயற்கை விலை ஏற்றம் போல இருக்கிறதே..?’’

‘‘அப்படித்தான் சொல்கிறார்கள். தமிழக அளவில் முட்டை விலை ஏற இந்த நிறுவனமும் மறைமுகக் காரணம் என்கிறார்கள். முட்டை விலையை என்.இ.சி.சி என்று சொல்லப்படும் தேசிய முட்டை ஒருங்கிணைப்பு கமிட்டிதான் நிர்ணயம் செய்யும். வாரத்துக்கு இரண்டு முறை இந்த விலை நிர்ணயம் நடைபெறும். இந்த நிறுவனத்தின் முக்கியப் பொறுப்புக்கு ராசிபுரத்தைச் சேர்ந்த ஒருவர்தான் வந்திருக்கிறார். இவர் இந்த நிறுவனத்துக்கு நெருக்கமானவராம். இவர் வந்த பிறகுதான் முட்டை விலை விறுவிறுவென ஏற்றம் கண்டது என்கிறார்கள்.’’

‘‘இப்படித்தான் மணல் குவாரிகளிலும் மர்மங்கள் புதைந்திருக்கிறதா?’’ என்று கேட்டு, நமது நிருபர் எழுதிய ஸ்பெஷல் ஸ்டோரியை அவருக்குக் காண்பித்தோம்.

p2b.jpg

படித்தவர், ‘‘எட்டு மாவட்டங்களில் 70 இடங்களில் புதிய மணல் குவாரிகள் திறக்கப்படுமாம். ஏற்கெனவே, மணல் குவாரிகளால் அரசாங்கத்துக்குக் கெட்ட பெயர் என்ற நிலையில், புதிதாக 70 இடங்களில் குவாரிகளைத் திறந்தால், மேலும் பிரச்னை வரும் என அதிகாரிகள் தரப்பில் சொல்லப்பட்டதாம். ஆனால், முதல்வர் அலுவலகம் கறாராக இடங்களைத் தேர்வு செய்ய உத்தரவிட்டுள்ளதாம். எடப்பாடியின் ரத்த உறவுகள்தான் இனி இதில் கொடிகட்டிப் பறக்கப்போகின்றனர்’’ என்றார்.

கிளம்புவதற்கு முன்பாக, ‘‘இரட்டை இலை தொடர்பாக இன்னொரு விஷயம்... 1989-ம் ஆண்டு  இதேபோல பிரச்னை வந்தபோது, சின்னத்தைப் பெற்றுத் தர வாதாடியவர், முன்னாள் அட்வகேட் ஜெனரல் கே.சுப்பிரமணியம். அவரிடம் ஆலோசனை கேட்க அமைச்சர்கள் தங்கமணியும் வேலுமணியும் போனார்கள். வழக்கில் ஆஜராக மறுத்த அவர், ‘ஜெயலலிதா மறைவுக்கு முன்பு அவரால் நியமிக்கப்பட்ட நிர்வாகிகளில் உங்கள் பக்கம் இருப்பவர்களை தேர்தல் கமிஷனில் காட்டினால் இரட்டை இலையைப் பெற்றுவிடலாம்’ என ஆலோசனை சொன்னார். அந்த வாதத்தைத்தான் தேர்தல் கமிஷன் ஏற்றுக்கொண்டு தீர்ப்பில் குறிப்பிட்டிருக்கிறது’’  என்றபடியே பறந்தார்.

ஓவியங்கள்: பிரேம் டாவின்ஸி

p2a.jpg

dot.pngவருமானவரித் துறை ரெய்டில் ஆடிப்போயிருக்கும் தினகரன் தரப்பு, பிரபல மடத்தின் தயவை நாடியது. இப்போது டெல்லியில் இருக்கும் அந்த மடாதிபதி, அதற்காக சிலரைச் சந்தித்தாராம்.

dot.png‘ஆர்.கே.நகர் இடைத்தேர்தல் முடியும்வரை வேறு எந்த அரசியல் அதிரடியிலும் ஈடுபட வேண்டாம்’ எனத் தமிழக கவர்னருக்கு டெல்லி தலைமை உத்தரவு போட்டுள்ளதாம்.

dot.pngஅழகிரிக்கு ஆதரவாக கருணாநிதியை வளைக்க உறவுகள் சில முயற்சி செய்கின்றனவாம். அதனால் கருணாநிதியைச் சந்திக்க வருபவர்களைக் கட்டுக்குள் வைக்க ஸ்டாலின் சொல்லியிருக்கிறாராம்.

dot.pngதமிழக அமைச்சர் ஒருவர் வெளிநாட்டில் முதலீடு செய்வதில் மும்முரமாக இருக்கிறார். அந்த அமைச்சரின் துறையில் சமீபத்தில் ஏராளமான ஒப்பந்தங்கள் கையெழுத்தாயின. 500 கோடி ரூபாயில் ஷார்ஜாவில் மிகப்பெரிய மருத்துவமனை ஒன்றை வாங்கும் வேலைகள் கடந்த வாரம் துவங்கின. இதற்காக அமைச்சருக்கு நெருக்கமான உறவினர் ஒருவர் ஷார்ஜாவில் முகாமிட்டுப் பணிகளைக் கவனித்து வருகிறார். அமைச்சரின் இந்த வெளிநாட்டு முதலீடு விவகாரம் அவரின் ஆதரவாளர்கள் காதுகளை எட்டிவிட்டது. ‘‘எங்களுக்கு இதுவரை அமைச்சர் ஒன்றும் செய்யவில்லை. சரியான வகையில் அமைச்சரை இந்த விவகாரத்தில் சிக்க வைப்போம்’’ என்கிறார்கள் ஆதரவாளர்கள்.

https://www.vikatan.com

Categories: Tamilnadu-news

முதல்வர் பேசிக்கொண்டிருந்தபோதே காலியான விழா அரங்கு! - நூற்றாண்டு விழா பரிதாபங்கள்

Sat, 25/11/2017 - 13:48
முதல்வர் பேசிக்கொண்டிருந்தபோதே காலியான விழா அரங்கு! - நூற்றாண்டு விழா பரிதாபங்கள்

எம்.ஜி.ஆர் நூற்றாண்டு விழாக் கொண்டாட்டங்கள் தமிழக அரசு சார்பில் ஒவ்வொரு மாவட்டத்திலும் கொண்டாடப்பட்டு வருகிறது. மதுரையில் தொடங்கிய கொண்டாட்டம் இதுவரை 25 மாவட்டங்களில் நடந்து முடிந்து 26 வது மாவட்டமாக ராமநாதபுரம் பட்டினம் காத்தான் ஊராட்சியில் அமைக்கப்பட்டுள்ள பிரமாண்டமான மேடையில் நடைபெற்று வருகிறது. 

 

 

10,000 பேர் அமரக்கூடிய பிரமாண்டமான பந்தலில் இரவைப் பகலாக்கும் மின்னொளியில் மாலை 3.30 மணிக்கு விழா ஆரம்பமானது. தமிழக சட்டப் பேரவைத் தலைவர் தனபால் தலைமையில் நடைபெற்று வரும் இந்த விழாவில் தமிழக முதல்வர் எடப்பாடி பழனிசாமி தனது அமைச்சரவை சகாக்களுடன் இணைந்து 161,20,13,000 மதிப்புக்கான நலத்திட்ட உதவிகளை 26,849 நபர்களுக்கு வழங்கினார். மேலும், 81 கோடியே 9 லட்சம் மதிப்புள்ள 135 கட்டங்களை பல்வேறு துறைகளின் பயன்பாட்டுக்காக ராமநாதபுரம் மாவட்டத்துக்கு திறந்து வைத்தார். அத்தோடு, ராமநாதாரம் மாவட்டம் கீழக்கரை வட்டாட்சியர் அலுவலக கட்டடம் மற்றும் வட்டாட்சியருக்கான குடியிருப்புக் கட்டடம் 2 கோடியே 61 லட்சம் மதிப்பிலான பணிக்கு அடிக்கல் நாட்டப்பட்டது.

மேடையில் முதல்வர் மற்றும் தமிழக அமைச்சர்கள்  எம்.ஜி.ஆர் மற்றும் ஜெயலலிதா திருவுருவப் படங்களுக்கு மலர்த் தூவி அஞ்சலி செலுத்தினர். இதைத் தொடர்ந்து எம்.ஜி.ஆர் நூற்றாண்டு விழா சிறப்பு அஞ்சல் அட்டை வெளியிடப்பட்டது.

எடப்பாடி பழனிசாமி

விழாவில் பேசிய துணை முதல்வர் பன்னீர்செல்வம், ``தேசியத்தையும் தெய்விகத்தையும் இரு கண்களாகக் கொண்டு இமயத்தைவிட உயர்ந்த மனதைக்கொண்ட பசும்பொன் திருமகனார் பிறந்த மாவட்டம் இது. ஏ.பி.ஜே.அப்துல் கலாமை இந்திய திருநாட்டுக்கு அர்ப்பணித்த மாவட்டம் ராமநாதபுரம் மாவட்டம். தொண்டர்களின் உயர்வே தனது உயர்வு என வாழ்ந்தவர் எம் ஜி ஆர். இன்று அம்மாவின் நல்லாட்சி தமிழகத்தில் நடைபெறுகிறது. அம்மாவின் சிந்தனைகளாக நல் திட்டங்களாக அண்ணன் எடப்பாடி பழனிசாமி தலைமையிலான அரசு செய்து வருகிறது. இரட்டை இலைச் சின்னம் அம்மாவால் ஒதுக்கப்பட்ட குடும்பத்தினர் கைகளில் கிடைக்காமல் பாதுகாக்கப்பட்டு இருக்கிறது.

அம்மாவின் உண்மைத் தொண்டர்களின் கைகளில் இரட்டை இலைச் சின்னம் கிடைத்திருக்கிறது. இரட்டை இலையை மீட்டுக் கொண்டு வரும் பணியில், கழகத் தொண்டர்கள் ஒற்றுமையுடன் செயல்பட்டதால்தான் இரட்டை இலை கிடைத்தது. இந்த மாவட்டத்தில் உள்ள நூற்றுக்கணக்கான கண்மாய்களுக்கு வைகை ஆற்றிலிருந்து நீர் பெற்று விவசாயம் நடக்கிறது. ராமேஸ்வரம் கோயில், ஏர்வாடி தர்ஹா , தேவிப்பட்டினம், தனுஷ்கோடி என ஆன்மிகத் தலங்கள் நிறைந்த மாவட்டம். கிறித்துவர்களும் முஸ்லீம்களும் இந்துக்களும் மத நல்லிணக்கத்தோடு வாழும் மாவட்டம்” என்று பேசினார்.

எடப்பாடி

அவரைத் தொடர்ந்து முதல்வர் எடப்பாடி பழனிசாமி பேசினார்... 

``வானம் பார்த்த பூமியான மேட்டு மண்ணை செப்பனிட்டு நெல் உள்ளிட்ட உணவுப் பயிர்களை விவசாயம் செய்யும் மாவட்டம் இது. இந்த மாவட்டத்தில் 3,500 கோடி ரூபாய் மீன் வெளிநாட்டுக்கு ஏற்றுமதி செய்யப்படுகிறது. தமிழகத்தில் 26 சதவிகித மீன்கள் இந்த மாவட்டத்தில் இருந்து கிடைக்கின்றன. ராமநாதபுரம் மாவட்டத்தைத் தனி மாவட்டமாக 1985-ல் எம்.ஜி.ஆர்-தான் அறிவித்தார். அப்துல் கலாம் பிறந்த சரித்திர மண் இந்த மாவட்டம். 1.30 ஏக்கர் நிலத்தை அவரது நினைவிடத்துக்காக அம்மா அவர்கள் பேய்க் கரும்பில் வழங்கினார்கள்”... இவ்வாறு முதல்வர் பேசிக்கொண்டிருக்கும்போதே மக்கள் வெளியேறியதால் விழா அரங்கு காலியாக காட்சி அளித்தது.

எம்.ஜி.ஆர்

 

https://www.vikatan.com/news/tamilnadu/108888-people-walks-out-during-edappadi-palanisamy-speech-in-mgr-centenary-function.html

Categories: Tamilnadu-news

தர்மயுத்தம் பார்ட் டூ-வுக்கு தயாராகும் ஓ.பி.எஸ் அணி! - பதற்றத்தின் உச்சத்தில் ஈ.பி.எஸ் அணி

Sat, 25/11/2017 - 13:22
தர்மயுத்தம் பார்ட் டூ-வுக்கு தயாராகும் ஓ.பி.எஸ் அணி! - பதற்றத்தின் உச்சத்தில் ஈ.பி.எஸ் அணி
 
 

ஓ.பன்னீர்செல்வம் அணி, எடப்பாடி பழனிசாமி அணி, தீபா, டி.டி.வி.தினகரன் ஆகியோர் இரட்டை இலைக்கு சொந்தம் கொண்டாடி நடத்திய தர்ம யுத்தத்தில் (!) ஓ.பி.எஸ் - ஈ.பி.எஸ் அணி வெற்றி பெற்று இரட்டை இலைச் சின்னத்தையும் கட்சியையும் கைப்பற்றிவிட்டது. 

எடப்பாடி அணி
 

 

எடப்பாடி பழனிசாமி அணியும் பன்னீர்செல்வம் அணியும் ஒன்றிணைந்திருந்தாலும், எடப்பாடி அணியால் பன்னீர்செல்வம் ஓரம்கட்டப்படுவதாகப் பேச்சு அடிபட்டது. இரு அணிகளுக்கும் இடையே கருத்து வேறுபாடுகள் இருப்பதாகச் செய்திகள் கசிந்தன. இதனிடையே கடந்த அக்டோபர் 12-ம் தேதி  துணை முதல்வர் பன்னீர்செல்வம் பிரதமரை சந்தித்துப் பேசினார். இந்தச் சந்திப்பின்போது எடப்பாடி பழனிசாமி குறித்து மோடியிடம் ஓ.பி.எஸ் கம்ப்ளைன்ட் செய்ததாக அரசியல் வட்டாரங்கள் யூகித்தன. இவை அனைத்தையும் ஓ.பி.எஸ் மறுத்து வந்தார். ``நாங்கள் ஒற்றுமையுடன் செயல்பட்டு கழகத்தைக் கட்டிக் காப்போம்” என்று ஓ.பி.எஸ் பேசி வந்தார்.

ஓ.பி.எஸ் பேச்சுகளைப் பொய்யாக்கும் விதமாக அவர் அணியினர் சமூக வலைதளங்களில் கருத்துகள் பதிவிட்டு வருகின்றனர். 
இரு அணிகளுக்கு இடையே உள்ள கருத்து வேறுபாடுகளை முதலில் போட்டு உடைத்தவர் எம்.பி மைத்ரேயன். இவர் தன் ஃபேஸ்புக் பக்கத்தில் கடந்த வாரம் “ஓ.பி.எஸ் - ஈ.பி.எஸ் அணிகள் இணைந்து மூன்று மாதங்கள் நிறைவுற்று இன்றோடு நான்காவது மாதம் தொடங்குகிறது. மாதங்கள் உருண்டோடிவிட்டன. மனங்கள்...” எனப் பதிவு செய்து இருஅணிகளுக்கிடையே உள்ள விரிசலை உறுதிப்படுத்தினார்.

maitreyan

 

மைத்ரேயனைத் தொடர்ந்து பன்னீர்செல்வம் ஆதரவாளர் ஹரி பிரபாகரன் இன்று காலை ட்விட்டர் பக்கத்தில் எடப்பாடி அணியைச் சாடி பதிவிட்டிருக்கிறார். அப்பதிவில் ஓ.பி.எஸ் பெயரை புறக்கணித்து, எம்.ஜி.ஆர் அவர்களுக்கு நினைவுக் கம்பம் வைக்கப்பட்டிருப்பதாகக் குற்றம்சாட்டினார். 

hari
 

இவர்களைத் தொடர்ந்து ‘மனங்கள் உழண்டுகொண்டுதான் இருக்கும்போல’ என பன்னீர்செல்வம் அணியின் ஐ.டி பிரிவை சேர்ந்த ஆஸ்பயர் சுவாமிநாதன் ஃபேஸ்புக்கில் பதிவிட்டுள்ளார். மெல்ல மெல்ல எடப்பாடி அணிக்கு எதிராக ஓ.பி.எஸ் அணியில் குரல் உயர்த்தி வருகின்றனர். இதற்கு முக்கிய காரணமாகக் கூறப்படுவது தேர்தல் ஆணையத்தின் தீர்ப்புதான். 

இரட்டை இலை
 

தேர்தல் ஆணையத் தீர்ப்பில் என்னதான் இருக்கிறது?

இரட்டை இலை குறித்த தேர்தல் ஆணையத்தின்  83 பக்க தீர்ப்பில் மதுசூதனன், பன்னீர்செல்வம் ஆகியோரின் பெயர்கள் முன்னிலைப்படுத்தப்பட்டுள்ளது.

சட்டமன்ற உறுப்பினர்களின் எண்ணிக்கை எடப்பாடி பழனிசாமிக்கு சாதகமாக இருந்தாலும் மத்தியில் ஆளும் பா.ஜ.க-வின் முழு ஆதரவு பன்னீர்செல்வத்துக்கு இருப்பதாக அ.தி.மு.க வட்டாரங்கள் கிசுகிசுத்து வருகின்றனர். ஓ.பி.எஸ் அணியின் இந்தத் திடீர் பல்டியும் தேர்தல் ஆணையத்தின் தீர்ப்பும் எடப்பாடி அணியை திக்குமுக்காட வைத்துள்ளது.

எம்.ஜி.ஆர் நூற்றாண்டு விழா
 

இன்று காலை எம்.ஜி.ஆர் நூற்றாண்டு விழா கல்வெட்டில் பன்னீர்செல்வத்தின் பெயர் இல்லை என்று அவர் அணியினர் பொங்கிய அடுத்த சில மணிநேரத்தில், ஓ.பன்னீர்செல்வம் என்று பெயர் பொறித்த கல்வெட்டைக் கொண்டு வந்து வைத்திருக்கிறார்கள் எடப்பாடி அணியினர். 

இந்நிலையில் மைத்ரேயன் இன்று மாலை ஆளுநர் பன்வாரிலால் புரோஹித்தை சந்தித்துப் பேசியுள்ளார். எடப்பாடி அணி மீதான அதிருப்தி குறித்து முறையிடவே இந்தச் சந்திப்பு என்று அவரின் நெருங்கிய சொந்தங்கள் கூறுகின்றனர். இதே நிலை நீடித்தால் தர்மயுத்தம் பார்ட்-2 விரைவில் தொடங்கும் என்று எதிர்பார்க்கலாம். 

https://www.vikatan.com/news/tamilnadu/108897-clash-between-edappadi-palanisamy-paneerselvam.html

Categories: Tamilnadu-news

ஆர்.கே.நகர் இடைத்தேர்தல் செய்திகள்

Sat, 25/11/2017 - 10:13
ஆர்.கே.நகர் இடைத்தேர்தல்! - களமிறங்கும் உள்ளூர்க்காரர் மருது கணேஷ்

சென்னை ஆர்.கே.நகர்  சட்டமன்றத் தொகுதிக்கு வரும் டிசம்பர் 21-ம் தேதி இடைத்தேர்தல் நடைபெறுகிறது. மறைந்த முன்னாள் முதல்வர் ஜெயலலிதாவின் தொகுதி என்பதால் இந்த இடைத்தேர்தல் பற்றிய எதிர்பார்ப்பு அதிகரித்துள்ளது. முன்னர் ஏப்ரல் 12-ம் தேதி நடைபெறும் என அறிவிக்கப்பட்டது. இதனிடையே, வாக்காளர்களுக்கு பணப் பட்டுவாடா செய்யப்பட்டதாக வந்த புகாரைத் தொடர்ந்து, இடைத்தேர்தலை ரத்துசெய்வதாகக் கடந்த ஏப்ரல் 10-ம் தேதி தேர்தல் ஆணையம் அறிவித்தது. ஏழு மாதங்கள் முடிந்த நிலையில், டிசம்பர் 21-ம் தேதி ஆர்.கே.நகர் தொகுதிக்கு இடைத்தேர்தல் நடத்தப்படும் என்று தேர்தல் ஆணையம் அறிவித்துள்ளது. 

rk nagar
 

 

இரட்டை இலையை மீட்ட உற்சாகத்தில் இருக்கின்றனர் பன்னீர்செல்வம் - எடப்பாடி பழனிசாமி அணி. ஆனால், மைத்ரேயனின் ஃபேஸ்புக் பதிவால் இரு தரப்புக்கும் இடையே கருத்து வேறுபாடுகள் நிலவி வருவதாகத் தெரிகிறது. இந்நிலையில் நேற்று ஆர்.கே.நகர் இடைர்தேர்தலில் மதுசூதனன் மீண்டும் போட்டியிடுவாரா என்று நிருபர்கள் எழுப்பியக் கேள்விக்கு நழுவலாகப் பதில் அளித்து சென்றுவிட்டார் அமைச்சர் உதயகுமார்

அ.தி.மு.க இடையே லேசாக விரிசல் தென்பட்டு வரும் நிலையில், தி.மு.க வேட்பாளராக மருது கணேஷை முன்நிறுத்தியுள்ளார் மு.க.ஸ்டாலின். இன்று காலை அண்ணா அறிவாலயத்தில் கட்சி நிர்வாகிகளுடன் மு.க.ஸ்டாலின் ஆலோசனை நடத்தினார். ஆலோசனை முடிவில் ஆர்.கே.நகர் கிழக்குப் பகுதி செயலாளர் என்.மருது கணேஷ் ஆர்.கே.நகர் தொகுதியில் தி.மு.க வேட்பாளராகக் களமிறங்க உள்ளதாக ஸ்டாலின் அறிவித்தார். ``நான் ஆர்.கே.நகரில் 20 ஆண்டுகளுக்கும் மேலாக வாழ்கிறேன். எனவே, மக்கள் ஆதரவு எனக்கு உள்ளது” என்று நம்பிக்கை தெரிவித்துள்ளார் மருதுகணேஷ். டி.டி.வி.தினகரன், பா.ஜ.க, தீபா பேரவை வேட்பாளர்கள் யார் என்ன என்பதை பொறுத்திருந்து பார்ப்போம்! 

https://www.vikatan.com/news/tamilnadu/108867-rk-nagar-bypoll-marudhu-ganesh-announced-as-dmk-candidate.html

Categories: Tamilnadu-news