தமிழகச் செய்திகள்

ஆனந்த விகடன் நம்பிக்கை விருதுகள் 2017

Mon, 12/02/2018 - 13:49
 

 

ஆனந்த விகடன் நம்பிக்கை விருதுகள் 2017 | பகுதி 01

‘டாப் 10 மனிதர்கள்’ நாளைய தமிழகத்தின் பல்வேறு துறை நம்பிக்கை மனிதர்களை ‘டாப் 10 நம்பிக்கைகள்’ ஆகிய பிரிவில் விருதுகள் விகடனின் சார்பில் வழங்கப்படுகிறது. அது போல ஒவ்வொரு ஆண்டும் வெளியான புத்தகங்களில் துறைவாரியான மிகச்சிறந்த படைப்புகளுக்கு விருது வழங்கப்படுகிறது.

 

ஆனந்த விகடன் நம்பிக்கை விருதுகள் 2017 | பகுதி 02
ஆனந்த விகடன் நம்பிக்கை விருதுகள் 2017 | பகுதி 03
Categories: Tamilnadu-news

பரிசு திருப்பப் பெறப்பட்டதால் மாணவர்கள் ஏமாற்றம்

Mon, 12/02/2018 - 05:56

 

பரிசு திருப்பப் பெறப்பட்டதால் மாணவர்கள் ஏமாற்றம்

 

Categories: Tamilnadu-news

சட்டசபையில் ஜெயலலிதா படம்: ஆதரவும், எதிர்ப்பும்

Sun, 11/02/2018 - 13:53
சட்டசபையில் ஜெயலலிதா படம்: ஆதரவும், எதிர்ப்பும்
 எதிர்ப்பும், ஆதரவும்படத்தின் காப்புரிமைAFP

தமிழக சட்டமன்றத்தில் முன்னாள் முதல்வர் ஜெயலலிதாவின் படம் நாளை (பிப்ரவரி 12) திறக்கப்படவுள்ள நிலையில், அந்த நிகழ்வுக்கு ஆதரவாகவும், எதிராகவும் கருத்துகள் வெளியாகியுள்ளன.

தமிழக சட்டமன்ற பேரவை செயலாளர் க.பூபதி அளித்துள்ள செய்திக்குறிப்பில், முதல்வர் எடப்பாடி பழனிச்சாமி மற்றும் துணை முதல்வர் ஓ.பன்னீர்செல்வம் ஆகியோரின் முன்னிலையில், மறைந்த முதல்வர் ஜெயலலிதாவின் புகைப்படத்தை சட்டப்பேரவை தலைவர் பி.தனபால் திறந்துவைப்பார் என்று தெரிவிக்கப்பட்டுள்ளது.

தமிழக சட்டமன்றத்தில் சுதந்திரபோரட்ட தலைவர்கள் காந்தி, காயிதேமில்லத் மற்றும் முன்னாள் முதல்வர்கள் ராஜாஜி, காமராஜ், எம்ஜிஆர் உள்ளிட்ட தலைவர்களின் பத்து படங்கள் வைக்கப்பட்டுள்ளன.

ஜெயலலிதாவின் படத்தை பிரதமர் மோதி திறந்துவைப்பார் என்று முன்னர் அறிவிக்கப்பட்டிருந்தது. ஆனால் தற்போது சட்டப்பேரவை தலைவர் திறந்துவைப்பார் என அழைப்பிதழில் கூறப்பட்டுள்ளது.

திமுகவின் செயல்தலைவர் ஸ்டாலின் வெளியிட்டுள்ள செய்திக்குறிப்பில், "அரசியல் சட்டத்துக்கும் - உச்சநீதிமன்ற தீர்ப்புக்கும் விரோதமாக ஊழல் குற்றவாளி என தீர்ப்பளிக்கப்பட்ட மறைந்த முன்னாள் முதல்வர் ஜெயலலிதாவின் படத்தை திறந்து சட்டப்பேரவையின் மாண்பை குலைக்கக் கூடாது,'' என குறிப்பிட்டுள்ளார்.

தமிழக சட்டமன்ற எதிர்க்கட்சி துணைத் தலைவர் துரைமுருகன், சட்டமன்ற உறுப்பினர்கள் யாரிடமும் தெரிவிக்காமல், ஜெயலலிதாவின் படம் திறந்துவைக்கப்படும் என்று அறிவிக்கப்பட்டுள்ளது மோசமான செயல் என்கிறார்.

 எதிர்ப்பும், ஆதரவும்படத்தின் காப்புரிமைM.K. STALIN

''ஜெயலலிதாவின் படத்தை திறக்கும் நிகழ்வை சட்டமன்ற உறுப்பினர்களிடம் முறையாக பேசாமல், அதிமுகவின் விழா போல நடத்துகிறார்கள். முதல்வர் எடப்பாடி பழனிச்சாமி தனது வீட்டில் ஒரு படத்தை மாட்டுவது போல சட்டமன்றத்தில் ஜெயலலிதாவின் படத்தை வைக்க முடிவுசெய்துள்ளார். தற்போது உயிரோடு இருந்திருந்தால், ஜெயலலிதா, சசிகலாவுடன் பெங்களூரு சிறையில் இருந்திருப்பார். அவரின் படத்தை வைப்பதில் நியாயம் இல்லை,'' என்று துரைமுருகன் பிபிசி தமிழிடம் தெரிவித்தார்.

இதனைத்தொடர்ந்து திமுகவை சேர்ந்த சட்டப்பேரவை உறுப்பினரான ஜெ.அன்பழகன் சட்டப்பேரவை செயலாளர் பூபதியிடம் மறைந்த முன்னாள் முதல்வர் ஜெயலலிதாவின் படத்தை திறப்பதற்கு எதிர்ப்பு தெரிவித்து மனு ஒன்றை அளித்துள்ளார்.

"மறைந்த முன்னாள் முதல்வர் ஜெயலலிதாவின் புகைப்படத்தை பொது இடங்களிலும், அரசு விழாக்களிலும் பயன்படுத்துவதை தவிர்க்க நாங்கள் சென்னை உயர்நீதிமன்றத்தில் தொடர்ந்த வழக்கு நிலுவையில் உள்ளது. இந்த படத்திறப்பிற்கான அழைப்பிதழைக் கூட எதிர்க்கட்சிக்கு வழங்காமல் ஒரு நிகழ்ச்சியை நடத்துவது ஏற்புடையது அல்ல" என தலைமை செயலகத்தில் செய்தியாளர்களிடம் பேசிய ஜெ.அன்பழகன் தெரிவித்தார்.

 

 

காங்கிரஸ் கட்சியைச் சேர்ந்த சட்டமன்ற உறுப்பினர் விஜயதாரணி ஜெயலலிதாவின் படம் திறப்பதை எதிர்க்க தேவையில்லை என்று கூறியுள்ளார்.

''ஒவ்வொரு கட்சியினரும், அவர்களின் ஆட்சிக்காலத்தில், தங்களது தலைவரின் படம் சட்டமன்றத்தில் வைக்கவேண்டும் என்று எண்ணுவதில் தவறில்லை. ஜெயலலிதா குற்றவாளி என்ற காரணத்தைக் கொண்டு எதிர்க்கிறார்கள். ஆனால் மூன்று முறை அவர் முதல்வராக ஆட்சி செய்த காலத்தில் பெண்களுக்காக தொட்டில் குழந்தை திட்டம், பேறுகால விடுப்பு அதிகரிப்பு உள்ளிட்ட பல திட்டங்களை செயல்படுத்தியுள்ளார். மேலும் சட்டமன்றத்தில் திறக்கப்படும் முதல் பெண்ணின் படமாக ஜெயலலிதா படம் இருக்கும் என்பதால் அதை நான் ஆதரிக்கின்றேன். இது என் சொந்த முடிவு,'' என்று விஜயதரணி பிபிசி தமிழிடம் தெரிவித்தார்.

தேமுதிக தலைவர் விஜயகாந்த், "சொத்துக்குவிப்பு வழக்கில் குற்றவாளி என்று உச்சநீதிமன்றத்தால் தீர்ப்பளிக்கப்பட்டுள்ளதால், ஜெயலலிதாவின் படத்தை சட்டமன்றத்தில் வைக்கக்கூடாது" என தெரிவித்துள்ளார்.

அதேபோல, ஜெயலலிதாவின் படம் சட்டமன்றத்தில் திறந்துவைப்பது ஒரு தவறான உதாரணம் என பாட்டாளி மக்கள் கட்சியின் இளைஞரணி தலைவர் அன்புமணி ராமதாஸ் கூறியுள்ளார்.

http://www.bbc.com/tamil/india-43022351

Categories: Tamilnadu-news

புதிய இணையதளம் துவங்கினார் கமல்ஹாசன்!

Sun, 11/02/2018 - 07:30
புதிய இணையதளம் துவங்கினார் கமல்ஹாசன்!
 
 

நடிகர் கமல்ஹாசன் இந்த மாதம் தீவிர அரசியலில் களமிறங்கவுள்ளார். அதற்கு முன்னதாக அவர் அமெரிக்காவில் பலவேறு துறை சார்ந்த நிபுணர்களிடம் பேசி வருகிறார். இன்று அமெரிக்காவின் ஹார்வார்டு பல்கலைக்கழகத்திலும் உரையாற்றினார்.

kamal website

 

இந்நிலையில் நடிகர் ரஜினிகாந்தை தொடர்ந்து, கமலும் புதிய இணையதளம் ஒன்றை துவங்கிவுள்ளார். 'நாளை நமதே'  எனப்பெயரிடப்பட்டுள்ள இந்த இணையதளத்தில் உறுப்பினராக பதிவு செய்துகொள்ளலாம். ரசிகர்கள், தன்னார்வலர்கள், பொதுமக்கள் மட்டுமின்றி பல்வேறு தரப்பினர் இணையும் வகையில் இணையதளத்தை தொடங்கியுள்ளார். இந்த மாதம் கமல் மக்களை சந்திக்கும் திட்டத்துக்கும் ’நாளை நமதே’ என்று தான் பெயரிட்டிருந்தார்.

 

இணையதளத்தின் முதல் பக்கத்தில், ”கிராமியமே நம் தேசியம் என்றால் நாளை நமதே” என கூறப்பட்டுள்ளது. மேலும் புதிய தமிழ்நாடு உங்களிடம் இருந்து துவங்குகிறது, அனைவரும் கூடிக் தேரை இழுத்தால் நாளை நமதே”  போன்ற வாசகங்களும் இடம் பெற்றுள்ளது. 

Categories: Tamilnadu-news

அரசை கேள்வி கேட்கும் உரிமை நமக்கு உண்டு என ஹார்வேர்டு பல்கலைக்கழகத்தில் நடிகர் கமல்ஹாசன் பேச்சு

Sun, 11/02/2018 - 07:26
அரசை கேள்வி கேட்கும் உரிமை நமக்கு உண்டு என ஹார்வேர்டு பல்கலைக்கழகத்தில் நடிகர் கமல்ஹாசன் பேச்சு  
அ-அ+

அமெரிக்காவின் ஹார்வேர்டு பல்கலைக்கழகத்தில் நடைபெற்ற நிகழ்ச்சியில் பங்கேற்ற நடிகர் கமல்ஹாசன், அரசை கேள்வி கேட்கும் உரிமை நமக்கு உண்டு என பேசினார். #KamalHaasan #HarwardUniversity

 
 
 
 
அரசை கேள்வி கேட்கும் உரிமை நமக்கு உண்டு என ஹார்வேர்டு பல்கலைக்கழகத்தில் நடிகர் கமல்ஹாசன் பேச்சு
 
நியூயார்க்:

அமெரிக்காவின் ஹார்வேர்டு பல்கலைக்கழகத்தில் நடைபெற்ற நிகழ்ச்சியில் பங்கேற்ற நடிகர் கமல்ஹாசன், அரசை கேள்வி கேட்கும் உரிமை நமக்கு உண்டு என பேசினார்.

அமெரிக்காவில் உள்ள ஹார்வேர்டு பல்கலைக்கழகத்தின் பிசினஸ் ஸ்கூல் ஆப் நிகழ்ச்சியில் நடிகர் கமல்ஹாசன் கலந்து கொண்டார். இந்தியா குறித்த கருத்தரங்கில் தமிழரின் பாரம்பரிய உடையான வேட்டி சட்டை அணிந்து பங்கேற்றார். தமிழில் வணக்கம் எனக்கூறி பேச்சை தொடங்கிய அவர், நாளை நமதே எனக்கூறி தனது உரையை நிறைவு செய்தார். இந்த நிகழ்ச்சியில் பங்கேற்றவர்களுடன் நடிகர் கமல்ஹாசன் கலந்துரையாடினார். அப்போது அவர் பேசியதாவது:

கடந்த 37 ஆண்டுகளாக நான் அரசியலில் இருந்து வருகிறேன். காந்தி, பெரியார் போல நேரடி அரசியலில் ஈடுபட வேண்டாம் என நினைத்திருந்தேன். ஆனால், தற்போது நேரடி அரசியலில் ஈடுபட வேண்டிய கட்டாயம் ஏற்பட்டுள்ளது என நினைக்கிறேன்.

தேர்தல் அரசியலை தாண்டி காந்தி, பெரியார் எனது ஹீரோக்கள். இவர்கள் தேர்தல் அரசியலுக்கு செல்லவில்லை. ஆனால் அவர்கள் மக்களுக்காக பாடுபட்டார்கள்.

நான் வித்தியாசமானவன் என கூறவில்லை. அரசியலில் வித்தியாசமானவனாக இருக்க விரும்புகிறேன். நான் உங்களிடம் கையேந்தி வந்திருக்கிறேன். பணத்திற்காக அல்ல -மிக சிறந்த கருத்துக்களை தாருங்கள்.   

2018-ல் அரசியல் பயணத்தை தொடங்கும் நான் கிராமங்களில் இருந்து மாற்றத்தை தொடங்குகிறேன். இந்த மாற்றத்துக்கு அனைவரின் பங்களிப்பையும் எதிர்பார்க்கிறேன். தமிழகத்தில் ஒவ்வொரு மாவட்டத்தில் இருந்தும் ஒரு கிராமத்தை தத்தெடுத்து பணியாற்ற போகிறேன்.

நானும் ரஜினியும் நண்பர்களாக இருக்கலாம். ஆனால் அரசியல் என்பது வேறு. எனது நோக்கமும் ரஜினியின் நோக்கமும் மக்களுக்கு நன்மை செய்ய வேண்டும் என்பது தான். ரஜினியின் அரசியல் கொள்கையின் நிறம் காவி இல்லை என நினைக்கிறேன். ஆனால், எனது அரசியல் கொள்கையின் நிறம் கருப்பு.

திராவிடம் என்பது கட்சிகளை சார்ந்ததல்ல. அது தேசிய அளவிலானது. நான் சைவம் அல்ல. மாட்டுக்கறி சாப்பிட மாட்டேன். அதற்காக மற்றவர்களை மாட்டுக்கறி சாப்ப்பிடக் கூடாது எனவும் சொல்ல மாட்டேன். மக்கள் இதைத்தான் சாப்பிட வேண்டும் என அரசு சொல்லக்கூடாது.

எனக்கு என்ன வேண்டும் என தேர்வு செய்வது எனது உரிமை. அதனை பிறர் தீர்மானிக்கக் கூடாது. ஒரு கல்லூரி விழாவில் கையெழுத்திட்டு என்னை அரசியல்வாதி என அறிவித்துக் கொண்டேன். இந்த விழாவில் இரண்டாவது முறையாக என்னை அரசியல்வாதி என அறிவித்துக் கொள்கிறேன். தேர்தலில் பெரும்பான்மை கிடைக்கவில்லை எனில் அடுத்த தேர்தலுக்காக காத்திருப்பேன்.

எனது கட்சி தனி மனித கட்சி அல்ல. 2, 3, 4-வது கட்ட தலைவர்களும் இருப்பார்கள். தமிழன் என்பது முகவரி தான், தகுதி அல்ல என பேசினார்.  #KamalHaasan #HarwardUniversity #tamilnews 

https://www.maalaimalar.com/News/TopNews/2018/02/11060658/1145284/actor-kamal-haasan-says-we-have-the-right-to-question.vpf

    ’ரஜினியும் நானும் நண்பர்கள் தான், ஆனால் அரசியல் களம் வேறு’ -ஹார்வர்டு பல்கலைக்கழகத்தில் கமல் பேச்சு
 

நடிகர் கமல்ஹாசன் தீவிர அரசியலில் ஈடுபடவுள்ளார். அதற்கான ஆயத்த பணிகளை அவர் மேற்கொண்டு வருகிறார். தற்போது அவர், அமெரிக்காவில் சுற்றுப்பயணம் மேற்கொண்டு பல துறை நிபுணர்களை சந்தித்து உரையாடி வருகிறார். 

kamal

 

இன்று அமெரிக்காவில் ஹார்வார்டு பல்கலைக்கழகம் ஏற்பாடு செய்திருந்த நிகழ்ச்சியில் கலந்துகொண்டு உரையாடினார். இந்த நிகழ்ச்சியில் கமல் வேஷ்டி, சட்டையில் வந்து அசத்தினார். ’வணக்கம்’ என தமிழில் தனது உரையை துவங்கிய கமல், “இந்தாண்டு அரசியல் பயணத்தை துவங்கும் நான், கிராமங்களில் இருந்து மாற்றத்தை துவங்குகிறேன். தமிழகத்தில் ஒவ்வொரு மாவட்டத்திலும் ஒரு கிராமத்தை தத்தெடுக்கப்போகிறோம். நாங்கள் தேர்ந்தெடுக்கும் கிராமத்தை முன்னோடி கிராமங்களாக மாற்றுவோம். இந்த மாற்றத்துக்கு அனைவரின் பங்களிப்பையும் எதிர்பார்க்கிறேன். உங்களிடம் கையேந்தி வந்திருக்கிறேன். ஆனால் பணத்திற்காக அல்ல. கருத்துக்காக. மிக சிறந்த கருத்துக்களை தாருங்கள். 

ஓட்டுக்கு நாம் பணம் வாங்கினால், நம்மிடம் இருந்து அரசியல்வாதிகள் பணம் எடுக்கும்போது கேள்வி கேட்க முடியாது. பெரியார், காந்தி ஆகியோர் தேர்தல் அரசியலுக்குள் வரவில்லை. ஆனால் மக்கள் பிரச்னைகளுக்காக குரல் கொடுத்தனர். தேர்தல் அரசியலை கடந்து, அவர்கள் இருவரும் எனது ஹீரோக்கள். 

தற்போது எந்த கட்சிகளுடனும் சேர்ந்து பணியாற்ற வாய்ப்பில்லை. அதனால்தான் கட்சியில் இணையாமல், புதுக்கட்சியைத் தொடங்குகிறேன். திராவிடம் என்றால் இரு கட்சி சார்ந்தது என நினைக்கிறார்கள். திராவிடம் என்பது தேசியம் சார்ந்தது. 

 

நான் வித்தியாசமானவன் என கூறவில்லை. அரசியல் களத்தில் வித்தியாசமானவனாக இருக்க விரும்புகிறேன். அரசியலில் எனது நிறம் நிச்சியம் காவியாக இருக்காது. எனக்கும் ரஜினிக்கும் நோக்கம் என்பது அரசியலில் மக்களுக்கு நல்லது செய்ய வேண்டும் என்பது தான். நானும் ரஜினியும் நல்ல நண்பர்கள். ஆனால் அரசியல் களம் என்பது வேறு. அரசியலில் வித்தியாசப்பட்டு இருக்கவே விரும்புகிறேன்” என பேசினார்.

https://www.vikatan.com/news/politics/116071-actor-kamalhaasan-delivered-a-speech-in-harvard-university.html

Categories: Tamilnadu-news

எடப்பாடிக்கு தடுப்பணை போடும் மோடி!

Sat, 10/02/2018 - 19:02
மிஸ்டர் கழுகு - எடப்பாடிக்கு தடுப்பணை போடும் மோடி!

 

திர்பார்த்த நேரத்துக்கு முன்னதாகவே நம்முன் ஆஜரானார் கழுகார். ‘‘எடப்பாடிக்கு அணை போட ஆரம்பித்துவிட்டது பி.ஜே.பி’’ என்ற படியே, நம் பதிலை எதிர்பார்க்காமல் பேச ஆரம்பித்தார்.

p42b_1518179556.jpg

‘‘எடப்பாடி ஆட்சியின் காவலன் என்று பட்டம் கொடுக்கும் அளவுக்கு இதுவரை பி.ஜே.பி இருந்தது. 2017 டிசம்பர் 24-ம் தேதி ஆர்.கே.நகர் இடைத்தேர்தல் முடிவு வந்தது. அன்றே, ‘எடப்பாடிக்கு செல்வாக்கு இல்லை’ என்ற முடிவுக்கு பி.ஜே.பி வந்தது. அதிலிருந்தே இறங்குமுகம்தான். குருமூர்த்தி சர்ச்சை, கவர்னர் காட்டும் அதிரடி என எல்லாமே இதை உணர்த்து கின்றன. பிரதமர் மோடியை அழைத்து விழா நடத்த முடியாமல் தவிக்கிறார் எடப்பாடி.’’

‘‘ஆமாம்! எம்.ஜி.ஆர் நூற்றாண்டு விழாவுக்கு மோடி வந்திருக்க வேண்டுமே?’’

p42a_1518179573.jpg

‘‘ஜனவரி 17-ம் தேதியே மோடி வந்திருக்க வேண்டும். எம்.ஜி.ஆர் நூற்றாண்டு விழாவை மாவட்டம் தோறும் கொண்டாடிவிட்டு, அவரு டைய பிறந்த நாளான ஜனவரி 17-ம் தேதி சென்னையில் நிறைவு விழாவை நடத்தத் திட்டமிட்டது அ.தி.மு.க. சென்னை பல்கலைக்கழக நூற்றாண்டு விழா மண்டபமும் அதற்காகப் பதிவு செய்யப்பட்டிருந்தது. எட்டு மாதங்க ளுக்கு முன்பே மோடியைச் சந்தித்த எடப்பாடி, இந்த விழாவுக்காகத் தேதியும் கேட்டார். அத்துடன் சட்டசபையில் ஜெயலலிதா உருவப்படத் திறப்பு விழாவையும் நடத்த முடிவு செய்திருந்தார்கள். இந்த இரண்டு நிகழ்ச்சிகளுக்கும் பிரதமர் மோடி வருவதாக இருந்தது. ஆர்.கே. நகர் தோல்விக்குப் பிறகு மோடி பயணம் ரத்தானது. இதை எடப்பாடி எதிர்பார்க்கவில்லை. எப்படியாவது மோடியை அழைத்து வருவதற்கான முயற்சியில் இறங்கியுள்ளார். புதுவை துறைமுக சரக்கு முனையத் திறப்பு விழா மற்றும் ஆரோவில் பொன் விழா ஆகியவை இந்த மாத இறுதியில் நடை பெறுகின்றன. இவற்றில் பிரதமர் நரேந்திர மோடி பங்கேற்கிறார். அந்தப் பயணத்தில் எம்.ஜி.ஆர் நூற்றாண்டு விழாவைச் சேர்க்க எடப்பாடி பெரும் பிரயத்தனம் செய்கிறார். ஆனால், ‘ஜனவரி 17-ம் தேதி எம்.ஜி.ஆர் பிறந்த நாளில் விழாவை நடத்தாமல் வேறு நாளில் நடத்தினால் நன்றாகவா இருக்கும்?’ என்று அமைச்சர்கள் சிலரே கொந்தளிப்புடன் கேட்கிறார்கள்.’’

‘‘அப்படியா?”

p42c_1518179595.jpg

கதிராமங்கலத்தில் தினகரன்

‘‘பி.ஜே.பி இப்படி முதுகுகாட்ட ஆரம்பித்த நிலையில், எடப்பாடியும் முறுக்கு காட்டத் தொடங்கிவிட்டார். சட்டசபையில் கவர்னர் உரையாற்றியபோது, ‘காவிரி மேலாண்மை வாரியம் அமைக்க வேண்டும். முல்லைப் பெரியாறு அணையின் உயரத்தை அதிகரிக்க வேண்டும்’ எனக் குறிப்பிட்டார். இதைத் தமிழக அரசுதான் உரையில் சேர்த்தது. இந்த நிலையில்தான், துக்ளக் ஆண்டு விழாவில் பேசிய குருமூர்த்தி, ‘ரஜினியும் பி.ஜே.பி-யும் இணைந்தால் தமிழகத்தின் தலையெழுத்து மாறும்’ என்றார். தமிழிசையும், ‘ரஜினிகாந்தின் கொள்கை பி.ஜே.பி-யுடன் ஒத்துப் போகிறது’ என்றார். இப்படி ரஜினிக்கு பி.ஜே.பி கொம்பு சீவ ஆரம்பித்த நிலையில், ‘தமிழகத்தில் ஆட்சி மாற்றம் எனப் பேச குருமூர்த்தி என்ன தேவதூதரா?’ எனப் பாய்ச்சல் காட்டினார் அமைச்சர் ஜெயக்குமார். அதன்பின், சேலத்தில் நடந்த அ.தி.மு.க நிர்வாகிகள் கூட்டத்தில் பேசிய எடப்பாடி பழனிசாமி, ‘அ.தி.மு.க ஆட்சியை யாராலும் கவிழ்க்க முடியாது’ என்றார். அவர் தினகரனை வைத்து இப்படிச் சொல்லியிருந்தாலும், அது மறைமுகமாக      பி.ஜே.பி-க்குச் சொல்லப்பட்ட தகவலாகவே கருதப்பட்டது.’’

‘‘ஓஹோ.’’

‘‘அதன்பின் கரூரில் நடைபெற்ற எம்.ஜி.ஆர் பிறந்த நாள் விழா பொதுக்கூட்டத்தில் பேசிய மக்களவைத் துணை சபாநாயகர் தம்பிதுரை, ‘காங்கிரஸ், பி.ஜே.பி ஆகிய தேசியக் கட்சிகள் நோட்டாவுடன்தான் போட்டியிட முடியும்’ என்றார். ஆர்.கே. நகரில் பி.ஜே.பி நோட்டாவைவிட குறைவான வாக்குகள் வாங்கியிருந்த நிலையில்,

பி.ஜே.பி-யை வெளிப்படையாகவே கலாய்த்தார் தம்பிதுரை. அதோடு நிற்கவில்லை, ‘தமிழகத்தின் உரிமைகள் பறிபோகக் கூடாது என்பதில் உறுதியாக இருக்கிறோம்’ என்று தம்பிதுரை பத்திரிகையாளர்களிடம் பேசவும் ஆரம்பித்தார். தம்பிதுரை சொன்னதை ஓ.பன்னீர்செல்வமும் வழிமொழிந்தார். ‘தமிழகத்தில் எந்தக் காலத்திலும் தேசியக் கட்சிகள் காலூன்ற முடியாது’ எனச் செய்தியாளர்களிடம் சொன்னார்.’’

‘‘இப்படியான எதிர்ப்பில் எடப்பாடி அரசு உறுதியாக இருக்கிறதா?’’

‘‘கர்நாடகா முதல்வர் சித்தராமையாவுக்கு ‘டெல்டா பாசனத்துக்கு உடனடியாகத் தண்ணீர் திறக்கவேண்டும்’ என்று கடந்த மாத இறுதியில் எடப்பாடி கடிதம் எழுதினார். அதன்பிறகு சித்தராமையாவை பெங்களூரு சென்று சந்திக்க எடப்பாடி முடிவு செய்தார். சந்திப்புக்காகத் தலைமைச் செயலாளர் மூலம் கர்நாடக அரசிடம் தேதி கேட்கப்பட்டது. இதற்காகத் தமிழக அரசு சார்பில் கடிதம் எழுதப்பட்டுள்ளது. கர்நாடக முதல்வரின் முதன்மைச் செயலருக்கு தொலைபேசியிலும் தெரிவிக்கப்பட்டது. ‘தமிழக முதல்வருக்கு நேரம் ஒதுக்குவது பற்றி பரிசீலனை செய்து வருகிறோம்’ என சித்தராமையாவும் செய்தியாளர்களிடம் தெரிவித்தார். இந்தநிலையில் தான், ‘அனைத்துக் கட்சியினர் மற்றும் விவசாயப் பிரதிநிதிகளையும் முதல்வர் தன்னுடன் அழைத்துச் செல்லவேண்டும்’ என்று சொன்னார், எதிர்க்கட்சித் தலைவர் ஸ்டாலின். இந்த நடவடிக்கைகள் அனைத்தையும் பி.ஜே.பி உற்றுக் கவனித்துக்கொண்டிருந்தது.’’

‘‘எதற்காக?’’

‘‘கர்நாடகாவில் விரைவில் சட்டசபைத் தேர்தல் நடைபெற உள்ளது. அங்கே ஆட்சியைப் பிடிக்க பி.ஜே.பி காய் நகர்த்திக் கொண்டிருக்கிறது. இப்படிப்பட்ட சூழ்நிலையில், சித்தராமையாவை எடப்பாடி சந்திப்பது நல்லதல்ல என்று பி.ஜே.பி நினைத்ததாகச் சொல்லப்படுகிறது. தமிழகம் காவிரி தண்ணீர் கேட்டால், விஷயத்தை சாமர்த்தியமாக சித்தராமையா திசைதிருப்பி, மத்திய அரசுக்கு நெருக்கடி கொடுக்கக்கூடும் என்று பி.ஜே.பி கவலைப்பட்டது. எனவே, ‘இத்தகைய சந்திப்பு நடந்தால் மத்திய அரசு இன்னும் கடுமையாக கோபம் கொள்ளும்’ என்று எடப்பாடி காதுக்குப் போகும் வகையில் செய்தி அனுப்பப்பட்டதாகவும் சொல்லப்படுகிறது. இதுவரை எடப்பாடி - சித்தராமையா சந்திப்பு நடக்கவில்லை. ‘சித்தராமையா நேரம் ஒதுக்கவில்லையா அல்லது எடப்பாடிக்கு இதில் ஆர்வம் இல்லையா’ என்று பட்டிமன்றம் நடக்கிறது. ‘மத்திய அரசுக்குப் பிடிக்காத இந்தச் சந்திப்பை நடத்த வேண்டுமா’ என்று எடப்பாடி தயங்குவதாகவும் சொல்லப் படுகிறது.’’

‘‘அ.தி.மு.க. - பி.ஜே.பி மோதல் இன்னும் எத்தனை நாள்களுக்கு நீடிக்கும் என்று தெரிய வில்லையே?’’

‘‘தினகரன் ஆதரவு 18 எம்.எல்.ஏ-க்கள் தகுதி நீக்கத்துக்கு எதிரான வழக்கில் விரைவில் தீர்ப்பு வரப்போகிறது. அதைப் பார்த்துவிட்டு முடி வெடுக்க பி.ஜே.பி திட்டமிட்டிருக்கிறது. நாடாளுமன்றத்துக்கு அடுத்த ஆண்டு மே மாதம்தான் தேர்தல் நடைபெற வேண்டும். ஆனால், அதற்கு முன்பே இந்த ஆண்டு அக்டோபரில் தேர்தல் நடத்த முடிவு செய்திருக்கி றதாம் பி.ஜே.பி. இப்படி முன்கூட்டி தேர்தல் நடந்தால், தமிழக சட்டசபைக்கும் கூடவே தேர்தல் நடைபெறலாம். அது எடப்பாடி அரசு நடந்துகொள்ளும் விதத்தில் இருக்கிறது என்பது தான் இப்போதைய நிலை.’’

‘‘தன்னுடன் இருக்கும் தகுதிநீக்கம் செய்யப் பட்ட 18 எம்.எல்.ஏ-க்களில் ஒருவரை முதல்வர் ஆக்கப்போவதாக தினகரன் பரபரப்பைக் கிளப்பியுள்ளாரே?’’

‘‘ஆமாம். ஓ.என்.ஜி.சி-க்கு எதிராகப் போராடிவரும் கதிராமங்கலம் மக்களைத் திடீரென தினகரன், பிப்ரவரி 6-ம் தேதி காலையில் பெரும்படையுடன் சென்று போராட்டத் திடலில் சந்தித்தார். அங்குதான் இந்த அஸ்திரத்தை வீசினார். ‘இப்போது நடப்பது கமிஷன் ஆட்சி. இந்த கமிஷன் கும்பலிடமிருந்து ஆறு பேரைத் தவிர எங்கள் பக்கம் யார் வந்தாலும் ஏற்றுக்கொள்வோம். அப்படி நடந்தால், தமிழகத்தில் தேர்தல் வராமலேயே ஆட்சி மாற்றம் ஏற்படும். என்னுடன் வந்த 18 எம்.எல்.ஏ-க்களும் தியாகம் செய்தவர்கள். அவர்களில் ஒருவருக்கு முதல்வர் பதவி தரப்படும். எனக்கு முதல்வர் பதவி ஆசையில்லை’ என்றார் தினகரன்.’’

‘‘ஏன் இப்படிச் சொன்னாராம்?’’

‘‘தினகரன் அணியில் தங்க தமிழ்ச்செல்வன், செந்தில்பாலாஜி, வெற்றிவேல், பழனியப்பன் ஆகியோர்தான் எல்லாமுமாக செயல்படுகிறார்கள். இதில் செந்தில்பாலாஜிமீது அடுத்தடுத்து வழக்குகள் பாய்கின்றன. ‘தனிக்கட்சி ஆரம்பிக்கலாம்’ என்று தினகரன் கூறியதில் தங்க தமிழ்ச்செல்வனுக்கு உடன்பாடில்லை. ஆர்.கே. நகர் தவிர வேறு எங்கு தினகரன் போனாலும், அவருடன் வெற்றிவேல் போவதில்லை. பழனியப்பன்மீதும் சில வழக்குகள் உள்ளன. இப்படி ஆளாளுக்கு ஒவ்வொரு பிரச்னை.’’

‘‘சரி, மற்றவர்கள்?’’

‘‘இந்த 18 பேரில் ஐந்து பேரைத் தவிர வேறு யார் போன் செய்தாலும் தினகரன் எடுப்பதில்லையாம். தினகரனின் உதவியாளரான ஜனார்த்தனன்தான் போனை எடுக்கிறாராம். இது அவர்கள் அணியில் பெரும் அதிருப்தியை ஏற்படுத்தியுள்ளது. தங்க தமிழ்ச்செல்வன்தான் அவர்களை உற்சாகப்படுத்தி வைத்திருக்கிறார். நிலைமை இப்படி இருக்க, இந்த 18 பேரிடமும் எடப்பாடி தரப்பினர் பேசி வருகிறார்களாம். ஏகப்பட்ட வாக்குறுதிகள் அவர்களுக்குத் தரப்படுகின்றன. இதனால், யாரும் சபலம் அடைந்துவிடக்கூடாது என்ப தற்காகவே தினகரன் இப்படிப் பேசியுள்ளார்.’’

p42d_1518179644.jpg

‘‘ஓஹோ!’’

‘‘தினகரன் தனது மக்கள் சந்திப்பு புரட்சிப் பயணத்தின் முதல் கட்டத்தை முடித்து விட்டார். அவர் எதிர்பார்த்ததை விட பெரிய கூட்டம் கூடுகிறது. குறிப்பாக, அ.தி.மு.க-வில் இருக்கும் இளைஞர்கள் பெரிய அளவில் தினகரனுக்கு ஆதரவாக வருவதுடன், அவர்களே செலவழித்து வரவேற்பு ஏற்பாடுகளைக் கவனிக்கிறார்கள். இதை உளவுப்பிரிவு போலீஸார் மேலிடத்துக்க ‘நோட்’ போட்டு அனுப்பியுள்ளனர்.’’

‘‘சட்டமன்ற பட்ஜெட் கூட்டத் தொடரைக் கூட்டுவது பற்றி சர்ச்சை எழுந்துள்ளதே?’’

‘‘அவசரக் கூட்டத்தைக் கூட்டி, ஒரு வாரம் மட்டுமே சபையை நடத்தி பட்ஜெட்டைத் தாக்கல் செய்யலாமா என ஆலோசனை நடக்கிறது. ஆனால், ‘பெரும்பான்மையை நிரூபிக்காமல் பட்ஜெட் தாக்கல் செய்யக்கூடாது’ என எதிர்க்கட்சிகள் எதிர்ப்பு தெரிவிக்கின்றன. சட்டமன்றச் செயலாளர் பதவி பற்றிய ஒரு சர்ச்சையும் ஓடுகிறது. தமிழக சட்டமன்றச் செயலாளராக கே.பூபதி இருக்கிறார். அவர் பிப்ரவரி 28-ம் தேதி ஓய்வுபெறுகிறார். ஏற்கெனவே, சட்டமன்றச் செயலாளராக பதவி நீட்டிப்பில் இருந்த ஜமாலுதீனுக்குத் திரும்பவும் பதவி நீட்டிப்பு தரக்கூடாது என்று எதிர்ப்பு தெரிவித்து, அந்த இடத்தைப் பிடித்தவர் பூபதி. எட்டு மாதங்கள் மட்டுமே அந்தப் பதவியில் இருந்துவிட்டு ஓய்வுபெறும் நிலையில், தன் பதவி நீட்டிப்புக்காக அவர் காய்களை நகர்த்தி வருகிறார் என்று கோட்டையில் பேசிக்கொள்கிறார்கள். இன்னொருபுறம், சபாநாயகரின் தனிச்செயலாளராக இருக்கும் கே.சீனிவாசன், சட்டமன்றச் செயலாளர் பதவியைப் பிடிக்க முயற்சி எடுக்கிறார். சட்டம் படித்தவர்கள் மட்டுமே சட்டமன்றச் செயலாளராகப் பணியாற்றியிருக்கிறார்கள். ‘சட்டம் படிக்காத சீனிவாசனுக்கு வாய்ப்பு தரக்கூடாது’ என்ற குரல் எழுந்துள்ளது.’’

‘‘ஜெயலலிதா மரணம் தொடர்பாக விசாரிக்கும் நீதிபதி ஆறுமுகசாமி விசாரணை ஆணையத்தின் செயலாளரை ஏன் மாற்றினார்கள்?’’

‘‘இந்த ஆணையத்தின் செயலாளராக பன்னீர்செல்வம் பணியாற்றி வந்தார். அவரை பிப்ரவரி 5-ம் தேதி மாற்றிவிட்டு, கோமளா என்பவரை நியமித்துள்ளார்கள். ஆணையத்தில் என்ன நடக்கிறது என்பதை ஆளும்கட்சிக்கு பன்னீர்செல்வம் சரியாகத் தெரிவிப்பதில்லை என்று புகார் வாசிக்கப் பட்டதாம். ‘ஆளும்கட்சியின் உளவு அதிகாரியாக என்னால் வேலை பார்க்க முடியாது’ என்று கண்டிப்புடன் பன்னீர்செல்வம் சொன்னதாகத் தெரிகிறது. அவரை மாற்றியதற்குப் பின்னால் ‘பணிவு’ அமைச்சர் இருக்கிறார் என்று கோட்டை வட்டாரத்தில் சொல்கிறார்கள்’’ என்றபடியே பறந்தார் கழுகார்.

படம்: கே.குணசீலன்,

ரா.ராம்குமார், பா.காளிமுத்து

p42e_1518179662.jpg

ஜெ. நினைவிடம்...  எதிர்த்த நடராஜன்!

பிப்ரவரி 24-ம் தேதி ஜெயலலிதா பிறந்த நாள். அன்று அவரின் நினைவிடத்துக்கு அடிக்கல் நாட்டலாம்; அதையே உள்ளாட்சித் தேர்தலுக்கான பிரசாரத் தொடக்கமாக பயன்படுத்தலாம் என்று முதல்வர் எடப்பாடி நினைத்தார். அதில் சிக்கல் ஏற்பட்டுள்ளது. பொதுப்பணித்துறை ஜனவரி 18-ம் தேதி இதற்காக ரூ.43.63 கோடிக்கு டெண்டர் விட்டது. பிப்ரவரி 7-ம் தேதி கடைசி நாளாக அறிவிக்கப்பட்டு, அன்று மாலையே டெண்டர் முடிவு செய்யப்படும் என அறிவிக்கப்பட்டது. ஆனால் தமிழ்நாடு டெண்டர் சட்ட விதி 20-ன் படி, ரூ.2 கோடிக்கு மேல் டெண்டர் விட்டால், ஒப்பந்தப் புள்ளிகளைத் தாக்கல் செய்ய, அறிவிப்பு வெளியிட்ட நாளிலிருந்து 30 நாள்கள் அவகாசம் வழங்கவேண்டும்.

இதைச் சுட்டிக்காட்டி, அம்பத்தூர் நடராஜன் என்ற கான்ட்ராக்டர் சென்னை உயர் நீதிமன்றத்தில் வழக்கு போட்டார். இதையடுத்து, டெண்டருக்கான இறுதித் தேதி பிப்ரவரி 21 வரை தள்ளி வைக்கப்பட்டுள்ளது. இதனால், அடிக்கல் நாட்டுவிழாவை நடத்த முடியாத சிக்கல் ஏற்பட்டுள்ளது. ஏற்கெனவே, ‘நீதிமன்றத்தால் குற்றவாளியாக அறிவிக்கப்பட்டவருக்கு நினைவிடம் கட்டக்கூடாது’ என ஒரு வழக்கு நிலுவையில் உள்ளது. இந்த நேரத்தில், ‘‘இப்படி ஒரு வழக்கு போடும் அளவுக்கு ஏன் அசட்டையாக இருந்தீர்கள்’’ எனப் பொதுப்பணித் துறை அதிகாரிகளைக் கடிந்துகொண்டாராம் எடப்பாடி.

p42f_1518179675.jpg

* பாரதியார் பல்கலைக்கழகத் துணைவேந்தர் கணபதி, லஞ்ச ஒழிப்புத்துறை போலீஸ் விசாரணையின்போது, தயங்காமல் சொன்ன பெயர்... பழனியை நினைவுபடுத்தும் பெயர். இப்போது தினகரனுடன் வலம் வருகிறார் அவர். உயர்கல்வித் துறையின் கோட்டைப் பிரதிநிதி பதவியில் அவர் இருந்தபோது, ‘8 சி’ கொடுத்ததாக கணபதி சொல்லியிருக்கிறாராம். இதை ‘நோட்’ போட்டு முதல்வரிடம் அனுப்பி, ‘அடுத்து என்ன செய்யலாம்?’ என்று உயர் அதிகாரிகள் கேட்டார்களாம். ‘முறைப்படி சம்மன் அனுப்பி விசாரணையைத் தொடரச் சொல்லுங்கள்’ என்று பதில் வந்ததாம். 

* பிப்ரவரி 4-ம் தேதியன்று முதல்வருக்குக் கண்புரை ஆபரேஷன் நடந்தது. அன்றைய தினமே வீடு திரும்பிவிட்டார். ‘ஒரு வாரம் சூரிய ஒளி கண்ணில் படக்கூடாது, டி.வி பார்க்கக்கூடாது, கேமரா ஃப்ளாஷ் படக்கூடாது’ என்பவை உட்பட 12 கண்டிஷன்களைப் போட்டிருக்கிறாராம் டாக்டர். இப்போது, பிரத்யேகக் கண்ணாடியை முதல்வர் அணிந்துள்ளார். ஏதாவது முக்கிய ஃபைல் என்றால், அதுபற்றிய விவரங்களை அதிகாரிகள் சொல்ல... வாய்வழி உத்தரவுகளை மட்டும் பிறப்பிக்கிறார். ஒரு வாரம் முதல்வர் கோட்டைக்கு வரமாட்டார் என்பதைத் தெரிந்துகொண்ட முக்கால்வாசி அமைச்சர்கள் சொந்த ஊருக்குப் போய்விட்டார்கள்.

முதல்வராக எடப்பாடி ஆட்சியின் இரண்டாம் ஆண்டு தொடங்குவதை வருகிற பிப்ரவரி 15-ம் தேதியன்று கலைவாணர் அரங்கில் விழாவாகக் கொண்டாட ஏற்பாடு நடக்கிறது. ஓராண்டு சாதனைகள் அடங்கிய புத்தகம் ஒன்று ரெடியாகி வருகிறது. துறைரீதியான புகைப்படங்கள், செய்திகளைப் பக்காவாக எடிட்செய்து, சம்பந்தப்பட்ட அதிகாரிகளிடம் கொடுத்துவிட்டுத்தான் கண் ஆபரேஷனுக்காக மருத்துவமனைக்குச் சென்றாராம் எடப்பாடி.

தஞ்சாவூர் விசிட்டின்போது டி.டி.வி.தினகரனுக்கு காய்ச்சல். 103 டிகிரி செல்சியஸ். தலைவலி, இருமல், ஜுரம் காரணமாகத்தான், அவர் சோர்வுடன் காணப்பட்டதாக டி.டி.வி. தரப்பினர் மீடியாவிடம் சொல்கிறார்கள். 

திருச்சி மாவட்ட ரஜினி ரசிகர் மன்றத் தலைவராக இருப்பவர் சாகுல் ஹமீது. நுரையீரல் பாதிப்புக் காரணமாக மருத்துவமனையில் சிகிச்சை பெற்றுவரும் இவரிடம், கடந்த வாரம் ரஜினிகாந்த் செல்போனில் தொடர்புகொண்டு 20 நிமிடங்கள் பேசி நலம் விசாரித்திருக்கிறார். கேள்விப்பட்டு நெகிழ்ந்து போயிருக்கிறார்கள் மன்ற நிர்வாகிகள் பலர்.

https://www.vikatan.com

Categories: Tamilnadu-news

‘‘அ.தி.மு.க., தி.மு.க-வுக்கு இணையா ஆகணும்!’’

Sat, 10/02/2018 - 17:54
‘‘அ.தி.மு.க., தி.மு.க-வுக்கு இணையா ஆகணும்!’’
 
 

பூத் கமிட்டிகள் அமைக்கும் விஜய்

 

ரசியல் கட்சி ஆரம்பிக்கப் போவதாக அறிவித்து நடிகர்கள் ரஜினிகாந்தும் கமல்ஹாசனும் தமிழக அரசியலில் பரபரப்பை ஏற்படுத்திவரும் நிலையில், ‘‘தான் அரசியலுக்கு வருவதற்கான அடிப்படை வேலைகளை நடிகர் விஜய் சத்தமின்றி செய்துவருகிறார்’’ என்கிறார்கள், அவருக்கு நெருக்கமானவர்கள்.

சமீபத்தில் நடிகர் விஜய் தனது மக்கள் இயக்கத்தின் மாவட்ட நிர்வாகிகளை அழைத்து சென்னையில் ஆலோசனைக் கூட்டத்தை நடத்தியுள்ளார். அதில் பங்கேற்ற நிர்வாகிகள் சிலரிடம் பேசினோம். “உறுப்பினர்களைச் சேர்க்க, தனது இணையதள முகவரியை ஜனவரி 2-ம் தேதிதான் ரஜினி வெளியிட்டார். ஆனால், உறுப்பினர்களையும் ஆதரவாளர்களையும் சேர்ப்பதற்கான மொபைல் ஆப் உள்ளிட்ட பணிகளை
2017-ம் ஆண்டு செப்டம்பர் மாதமே விஜய் ஆரம்பித்துவிட்டார். அதன் மூலமாக, உறுப்பினர் மற்றும் ஆதரவாளர்கள் சேர்க்கை நடந்துவருகிறது. நிர்வாகிகள் அனைவரும் எங்களுடைய கருத்து களை விஜய்யிடம் சொன்னோம். ‘ரஜினி, கமல், விஷால் என எல்லோரும் ஸ்பீடா போய்க்கிட்டு இருக்காங்க. நீண்ட காலத்துக்கு நாம மௌனமாக இருக்க வேண்டாம்’ என்று ஒட்டுமொத்தக் குரலில் விஜய்யிடம் வேண்டுகோள் வைத்தோம். ‘நாம் தனித்து நின்று பலத்தைக் காட்டணும்’ என்று மதுரை மாவட்ட நிர்வாகிகள் கூறினர். மேற்கு மண்டல நிர்வாகிகள், ‘விஜயகாந்த் தனித்து நின்றபோது, அவர் மட்டும்தான் ஜெயித்தார். அ.தி.மு.க-வோட கூட்டணி சேர்ந்தபிறகு தான், அவர் கணிசமான எம்.எல்.ஏ-க்களைப் பெற்றார். அதனால், நாம் கூட்டணி சேருவதுதான் நல்லது’ என்றனர். தூத்துக்குடி மாவட்ட நிர்வாகி ஒருவர், ‘தி.மு.க-வோட கூட்டணி வெச்சா நிறைய எம்.எல்.ஏ-க்களை நாம பெறலாம்’ என்றார். ‘டி.டி.வி.தினகரனுடன் கூட்டுச் சேரலாம்’ என்று திண்டுக்கல், தேனி மற்றும் டெல்டா மாவட்டங்களின் நிர்வாகிகள் கூறினர். நாங்கள் சொன்னதையெல்லாம் கூர்ந்து கேட்டார் விஜய்’’ என்றனர்.

p24a_1518168904.jpg

இப்போது விஜய் மக்கள் இயக்கத்தினர் விறுவிறுப்பாக பூத் கமிட்டி அமைத்து வருகிறார்கள். ‘‘தமிழ்நாட்டில் தி.மு.க-வுக்கும், அ.தி.மு.க-வுக்கும் மட்டும்தான் ஒவ்வொரு வாக்குச்சாவடியிலும் நிர்வாகிகளை உட்கார வைத்து, வாக்குப்பதிவைக் கண்காணிக்கும் அளவுக்கு வலுவான கட்டமைப்பு உள்ளது. அவர்களைப்போல வலுவாக ஆவதற்கு நமக்கு பூத் கமிட்டிகள் வேண்டும். தேர்தலில் வெற்றியை உறுதிசெய்வது பூத் கமிட்டிதான். எனவே, தமிழ்நாடு முழுக்கச் சுற்றுப்பயணம் போய் பூத் கமிட்டிகள் அமைக்கும் வேலைகளைச் செய்யுமாறு அகில இந்திய விஜய் மக்கள் இயக்கத் தலைவர் புஸ்ஸி ஆனந்துக்கு விஜய் உத்தரவிட்டுள்ளார். அதன்படி இப்போது பூத் கமிட்டிகளை நாங்கள் வலுவாக அமைத்து வருகிறோம். இதற்காக எல்லா மாவட்டங்களுக்கும் பூத் கமிட்டிக்கான படிவங்கள் அனுப்பி வைக்கப்பட்டுள்ளன. ஒரு மாவட்டத்திலும் எவ்வளவு பூத்கள் உள்ளனவோ, அத்தனை பூத் கமிட்டிகள் அமைக்கிறோம். ஒரு பூத் கமிட்டிக்குத் தலைவர், செயலாளர், பொருளாளர், துணைத் தலைவர், துணைச் செயலாளர் என ஐந்து பேர் இருப்பார்கள். அவர்கள் பயோடேட்டா, புகைப்படம், போன் நம்பர், இ-மெயில் முகவரி என எல்லாவற்றையும் பதிவுசெய்து தலைமைக்கு அனுப்பி வருகிறோம்’’ என்றார், தென்மாவட்ட நிர்வாகி ஒருவர். 

p24b_1518168917.jpg

இன்னொரு நிர்வாகி, ‘‘ஒவ்வொரு சட்டமன்றத் தொகுதியிலும் 50 ஆயிரம் உறுப்பினர்களைச் சேர்க்குமாறு தலைமை கூறியுள்ளது. அதில் இப்போது, பாதிக் கிணற்றைத் தாண்டிவிட்டோம். உறுப்பினர் களைச் சேர்க்கும் பணி தொடர்ந்து நடக்கிறது. 2016 தேர்தலிலேயே விஜய்யின் தந்தையுடன் ஒரு பெரிய கட்சி கூட்டணிப் பேச்சுவார்த்தை நடத்தியது. இறுதி நேரத்தில், விஜய் அந்த முயற்சியைத் தடுத்துவிட்டார். இந்த முறை கூட்டணி அமைந்தால், எந்தெந்த தொகுதி களைக் கேட்கலாம் என்ற பட்டியல் தயாரித்துள்ளோம். தஞ்சை, சேலம், மதுரை, சென்னை உள்ளிட்ட மாவட்டங்கள் எங்களுக்குச் செல்வாக்கானவை” என்றார்.
விஜய் மக்கள் இயக்கத்தின் தஞ்சை மாவட்டத் தலைவர் விஜய் சரவணனிடம் பேசினோம். “பூத் கமிட்டிகளை அமைக்குமாறு எங்களிடம் ஆறு மாதங்களுக்கு முன்பே இயக்கத் தலைமை சொன்னது. இது அரசியலுக்காகவா என்பதை இப்போது சொல்ல முடியாது. எங்களின் விருப்பமெல்லாம் விரைவில் அரசியல் களத்துக்கு விஜய் வரவேண்டும் என்பதுதான்” என்றார்.

p24c_1518168930.jpg

விஜய் மக்கள் இயக்கத்தின் அகில இந்திய தலைவர் புஸ்ஸி ஆனந்த், “பூத் கமிட்டி அமைப்பது ஒரு சாதாரண நிகழ்வுதான். அரசியலுக்கு வருவது பற்றி விஜய்தான் முடிவு செய்ய வேண்டும், அறிவிக்க வேண்டும். அவர் சொல்வதைச் செய்வதற்கு எங்கள் மக்கள் இயக்கம் தயாராக உள்ளது” என்றார்.

https://www.vikatan.com/

Categories: Tamilnadu-news

’ தீபா வீட்டுக்குள் நுழைந்த போலி ஐடி அதிகாரி!' - 3 மணி நேரத்துக்குப் பிறகு தப்பியோட்டம்

Sat, 10/02/2018 - 05:45
’ தீபா வீட்டுக்குள் நுழைந்த போலி ஐடி அதிகாரி!' - 3 மணி நேரத்துக்குப் பிறகு தப்பியோட்டம்
 
 


தீபா வீடு
தப்பியோடியவர்...

Chennai: 

சென்னை தி.நகரில் உள்ள ஜெ.தீபா வீட்டில் வருமான வரித்துறையினர் சோதனை நடத்தி வருவதாக இன்று காலை ஒரு தகவல் பரவியது. சிறிது நேரத்தில் அங்கு போலீஸார் சென்றனர். பத்திரிகையாளர்களும் சென்றனர். தீபா வீட்டுக்குள் போலீஸார் சென்றதும் வருமான வரித்துறை அதிகாரி என்று வீட்டில் நுழைந்த அந்த நபர் தலைத்தெறிக்க ஓடினார். போலீஸார் அந்த நபரைத் துரத்திக்கொண்டு ஓடினர். பத்திரிகையாளர்களும் அந்த நபரை பின் தொடர்ந்தனர். அந்த நபர் யார்? எதற்காக வந்தார் என்பது பற்றிய தகவல்கள் அவரைப் பிடித்து விசாரித்தால்தான் தெரியவரும். 

 

தீபா வீடு
 

இதுகுறித்து தீபாவின் வழக்கறிஞர் கூறுகையில் ‘இன்று காலை வருமான வரித்துறை அதிகாரி என்று தீபா வீட்டுக்குள் ஒரு நபர் நுழைந்தார். அவர் மீது சந்தேகம் ஏற்பட்டதால் போலீஸில் தகவல் கொடுத்தோம்’ என்றார். 

தீபா கணவர் மாதவன் பேசுகையில் ‘இன்று காலை 7 மணியளவில் வருமான வரித்துறை அதிகாரி என்று சொல்லி ஒருவர் உள்ளே நுழைந்தார். எங்களை வெளியேப் போகக் கூடாது என்று சொன்னார். சுமார் மூன்று மணிநேரம் சோதனை செய்தார். பின்புதான் எங்களுக்கு அவர்மீது சந்தேகம் ஏற்பட்டது’ என்றார். 

https://www.vikatan.com/news/tamilnadu/116006-fake-income-tax-officer-ran-away-from-deepa-house.html

Categories: Tamilnadu-news

மீன்குழம்பு சண்டைக்காகத் தீக்குளித்த மனைவி! - காப்பாற்றப்போன கணவரும் பலியான பரிதாபம்

Fri, 09/02/2018 - 16:14

Tiruchirappalli: 

குடிப்பழக்கம் ஒரு குடும்பத்தையே கண்ணீரில் மிதக்க வைத்துள்ளது.

போதை கணவர், மீன்குழம்பு வைக்கவில்லை என மனைவியிடம் சண்டையிட்டதால் ஏற்பட்ட தகறாரில், கணவன், மனைவி இருவரும் தீக்கிரையான சம்பவத்தால் திருச்சியே சோகத்தில் உறைந்துபோய் கிடக்கிறது.

 
 

மீன் குழம்பு சண்டை

திருச்சி கே.கே.நகர் உஸ்மான் அலி நகர் 2-வது குறுக்குத் தெருவைச் சேர்ந்தவர் சுரேஷ். இவருக்குச் சொந்தமாக லாரிகள் உள்ளன. சிறப்பாகத் தொழில் செய்துவரும் இவர், திருச்சி குட்ஷெட் லாரி உரிமையாளர் சங்கத் தலைவராகவும், திருச்சி மாவட்ட லாரி உரிமையாளர் சங்கத்தின் துணைத் தலைவராகவும் பொறுப்பு வகித்து வருகின்றார்.

இவருக்கு சத்யா என்கிற மனைவியும், பன்னிரண்டாம் வகுப்பு படிக்கும் ராகுல் என்கிற மகனும், 10-ம் வகுப்பு படிக்கும் உதயா என்கிற மகளும் உள்ளனர். அவருடன், சுரேஷின் தாய் கஸ்தூரியும் உள்ளார்.

இந்நிலையில் சுரேஷ், நேற்று முன்தினம் காலை, மீன் வாங்கிக் கொடுத்து விட்டு, மதியம் சமைத்து வைக்கும்படி கூறிவிட்டுத் தனது அலுவலகத்துக்குக் கிளம்பியுள்ளார். பிள்ளைகள் பள்ளிக்குச் சென்றுவிட வீட்டில் சுரேஷ் தாய் கஸ்தூரியும், மனைவி சத்யாவும் இருந்தனர்.

இந்நிலையில் அன்று மதியம் வீடுதிரும்பிய சுரேஷ், குடிபோதையில் இருந்துள்ளார். போதையில் இருந்த அவர், தனது மனைவி சத்யா, வீட்டில் சாப்பாட்டுக்கு மீன்குழம்பு சமைத்து வைத்திருப்பார் என்கிற ஆவலுடன், வீட்டுக்கு வந்துள்ளார். ஆனால் வீட்டில் வாஷிங் மெஷின் பழுதாகிப் போனதால், அழுக்குத் துணிகளைக் கையால் துவைத்ததால் குழம்பு வைக்கத் தாமதமாகிவிட்டது என சத்யா கூறியுள்ளார்.

இதைக் கேட்ட சுரேஷ், சத்யாவிடம் மீன்குழம்பு வைக்கவில்லை என சண்டை போட்டுள்ளார். அப்போது இருவருக்கும் இடையே ஏற்பட்ட வாக்குவாதத்தில் சுரேஷ், சத்யாவின் கன்னத்தில் அறைந்ததாகக் கூறப்படுகிறது. இதனால் மனமுடைந்த சத்யா வீட்டில் இருந்த மண்ணெண்ணையை எடுத்து உடலில் ஊற்றியுள்ளார். பதிலுக்கு சுரேஷும் தானும் தீக்குளிக்கப் போவதாக சத்யாவிடம் வம்பு பண்ணியுள்ளார். ஆனால், சத்யா வீட்டின் கழிவறைக்குச் சென்றதுடன், அங்கே தனது உடலுக்குத் தீ வைத்துக்கொண்டார். அவரின் உடல் முழுவதும் தீ பரவியதால் சத்யா அலறியடித்து வெளியே ஓடிவந்தார். இந்நிலையில் மனைவியின் அலறல் சத்தத்தைக் கேட்ட சுரேஷ், மனைவி சத்யாவை காப்பாற்ற நினைத்து, அப்படியே தூக்கியுள்ளார். இதில் சுரேஷ் உடலிலும் தீப்பிடித்தது.

தீ வேகமாக உடலெங்கும் பரவ, இருவரும் தங்களைக் காப்பாற்றும்படி அலறினர். இதனைப் பார்த்த சுரேஷின் தாயார் கஸ்தூரி அலறியடித்தபடி வீட்டுக்கு வெளியே ஓடிவந்து கதறியழவே, சத்தம் கேட்டு ஓடிவந்த அக்கம் பக்கத்தினர் சுரேஷ், சத்யாவின் உடலில் பற்றி எரிந்த தீயை அணைத்தனர். அதனைத்தொடர்ந்து தீக்காயமடைந்த இருவரும் 108 ஆம்புலன்ஸ் மூலம் திருச்சி அரசு மருத்துவமனைக்குக் கொண்டு செல்லப்பட்டனர்.

ஆனால் அங்கு சிகிச்சை பலனின்றி முதலில் சத்யாவும், அடுத்து சுரேஷும், அடுத்தடுத்து பலியானார்கள். இதுகுறித்து திருச்சி கே.கே.நகர் போலீஸார் விசாரணை நடத்தி வருகிறார்கள். நேற்று இருவரின் உடல் பிரேதப் பரிசோதனை முடிந்து, பலியான சுரேஷ், சத்யாவின் இறுதிச்சடங்கு முடிய இரவு ஆனதால் திருச்சி ஏர்போர்ட் பகுதியே சோகத்தில் உறைந்து கிடந்தது.

 

https://www.vikatan.com/news/tamilnadu/115899-women-killed-herself-husband-who-tried-to-save-her-also-died.html?artfrm=news_most_read

Categories: Tamilnadu-news

நடிகர்களின் அரசியல் பிரவேசமும் எதிர்வினைகளும்

Fri, 09/02/2018 - 05:36
நடிகர்களின் அரசியல் பிரவேசமும் எதிர்வினைகளும்
 
RAJINIKANTH
09CHVCM-EDIT1-KAMALHASSAN
09CHVCM-EDIT1-RAJINI
RAJINIKANTH
09CHVCM-EDIT1-KAMALHASSAN

‘நடிகர்கள் நாடாள வரலாமா?’ - புகழ்பெற்ற திரைப்பட நடிகர்கள் அரசியல் கட்சி தொடங்குவதாக அறிவிக் கிறபோதும், அதற்கொரு முன்னுரையாக அரசியல் கருத்துகளைக் கூறுகிறபோதும், உறுப்பினர் பதிவு, ரசிகர்களுடன் சந்திப்பு போன்ற சில நடவடிக்கைகளில் இறங்குகிறபோதும் இந்தக் கேள்வி எழுப்பப்படு கிறது. தொலைக்காட்சி விவாதங்களில் பங்கேற்கிற பல்வேறு கட்சிகளின் பேச்சாளர்கள், நேரடியாக எந்த நடிகரின் அரசியல் வருகையையும் எதிர்ப்பதில்லை. ஆனால், திரை நட்சத்திரங்களின் வருகையால் தங்கள் கட்சி களுக்கு ஏற்படக்கூடிய பின்னடைவு பற்றிய கவலையை வெளிப்படுத்துகிறார்கள். நடிகர்களாக இருந்து அரசியலுக்கு வந்த சிலரது நடவடிக்கைகளால் அதிருப்தியடையும் மக்களில் ஒரு பகுதியினரும் தங்கள் ஆட்சேபத்தை வெளிப்படுத்துகிறார்கள். ஆனால், அது அவர்களுடைய தனிப்பட்ட குறைபாடாக எடுத்துக்கொள்வதா, திரையுலகிலிருந்து வந்தாலே இப்படித்தான் இருப்பார்கள் என்று முடிவுசெய்வதா?

நடிகர் ரஜினிகாந்தின் அரசியல் பிரவேச அறிவிப்பு கள் பற்றி மத்திய ஆளுங்கட்சியினர் அடக்கி வாசிக்கிறார்கள். அதேசமயம், நடிகர் கமல்ஹாசனின் அரசியல் தொடர்பான அறிவிப்புகளைக் கடுமையாகச் சாடுகிறார்கள். அதற்குக் காரணம், ரஜினிகாந்தின் ஆன்மிக அரசியல் இவர்களும் தூக்கிப் பிடிக்கிற மதவாத அரசியலுடன் அனுசரித்துப்போகலாம். கமல்ஹாசன் முன்வைக்கும் விமர்சனங்கள் அதற்கு முட்டுக்கட்டை யாகலாம் என்ற கணிப்புதான்.

 

திரைப் புகழைத் தாண்டி...

ஒருகாலத்தில், சட்ட மன்றத்தில் பிரதான எதிர்க்கட்சி என்ற இடத்தைப் பெறும் அளவுக்கு வளர்ச்சிபெற்றது விஜயகாந்தின் தேமுதிக. அதன் பின்னணியில் அவரது செல்வாக்குக்கு மையமான இடம் உண்டு. அக்கட்சிக்கு ஏற்பட்ட சரிவின் பின்னணியிலும் அவரது செயல்பாடு களுக்கே மையமான இடம். சரத்குமார், கருணாஸ் உள்ளிட்டோர் தொடங்கிய கட்சிகள் அந்தந்த வட்டார அளவில், சமூகப் பின்னணியோடு அடையாளம் பெற்றவை. சட்ட மன்றத்துக்குள் நுழையவைத்த அந்த அடையாளத்தின் பின்னே மறைந்த முதலமைச்சர் ஜெயலலிதாவின் செல்வாக்கு, சாதி வாக்குகளைக் கைப்பற்றும் கணக்கு ஆகியன இருந்தன.

இவர்களுக்கெல்லாம் நம்பிக்கை தரும் விஷயமாக இருப்பது, எம்ஜிஆர் தனிக்கட்சி தொடங்கி அசைக்க முடியாத சக்தியாக உருவெடுத்த வரலாறுதான். உண்மையில், எம்ஜிஆரின் அரசியல் பிரவேசமும் வெற்றிகளும் திடீரென நிகழ்ந்த அற்புதங்கள் அல்ல. தொடக்கத்திலிருந்தே திமுகவில் அவருக்கு அளிக்கப்பட்டிருந்த இடம், தனது திரைப்படங்களில் அவர் திட்டமிட்டுப் புகுத்திய அரசியல் கருத்துகள் ஆகியவற்றின் தாக்கம் மிக முக்கியமானது. அவரது ஆதரவாளர்களாகத் திரண்டிருந்த இளம் ரசிகர்கள் கூட்டம், தேர்தல் வெற்றிக்குப் பெரிய அளவில் உதவும் என்று அண்ணா மதிப்பிட்டது 1967 தேர்தலில் நிதர்சனமானது. அதிமுக-வில் ஜெயலலிதா மிகப்பெரிய ஆளுமையாக உருவெடுத்ததும் வெறும் சினிமா புகழால் அல்ல. கட்சிக்குள் அவருக்கு எம்ஜிஆர் அளித்த முக்கியத்துவம், பல்வேறு ஏற்றத்தாழ்வுகளை எதிர்கொண்டு அவர் நடத்திய அரசியல் பயணம் ஆகியன இருந்தன. தற்போது அக்கட்சி சந்திக்கும் சீர்குலைவான நிலைக்கும் அவர் கையாண்ட வழிமுறைகள் ஒரு காரணம் என்பது வேறு விஷயம்.

 

தமிழக அரசியல் வரலாற்றில் எப்போதுமே கலைஞர் கள் களமாடி வந்திருக்கிறார்கள். நாட்டின் விடுதலைப் போராட்ட அத்தியாயங்களில் நாடகக் கலைஞர்கள் மகத்தான பங்களித்திருக்கிறார்கள். ‘வள்ளித் திருமணம்’ நாடகத்தில், தினைப்புனம் காவலுக்கு வரும் வள்ளி, “வெள்ளைக் கொக்குகளா போ போ” என்று பாடியது, அந்தக் காலத்தில் மிக முக்கியமான அரசியல் வெளிப்பாடு. முருகனாக நடித்த விஸ்வநாததாஸ் மேடையை விட்டு இறங்கியதும் கைதுசெய்யப்பட்டு சிறைக்குக் கொண்டுசெல்லப்படுவது வழக்கமாக இருந்தது. மக்களிடையே பரவும் அந்தச் செய்தி போராட்டத்துக்கு விசையூட்டியது. வில்லன் பாத்திரங்களில் நடித்த எம்.ஆர்.ராதா திரைப்படங்களில் பேசிய அரசியல், சமூக நையாண்டிகளுக்கு நல்ல வரவேற்பு கிடைத்தது. அதைப் பார்த்த பெரியார், “எனது பேச்சுகளால் ஏற்படும் தாக்கத்தைவிடவும் உங்கள் வசனங்களால் நல்ல விளைவு ஏற்படும்” என்று பாராட்டினார். எழுத்தாளர் கல்கி எழுதிய நாவலை அடிப்படையாகக் கொண்ட ‘தியாகபூமி’ என்ற திரைப்படம், ஆங்கிலேய ஆட்சிக்கு எதிராகப் பேசியது. சாதியத் தீண்டாமைக்கு எதிராகவும் பேசியது. அவ்வாறு பேசியதில் அரசியல் அக்கறை இருந்தது. பல ஆண்டுகளாக அந்தப் படம் முடக்கப் பட்டிருந்ததிலும் அரசியல் உள்நோக்கம் இருந்தது.

விடுதலைக்குப் பிறகும் தமிழகச் சூழலில் திராவிட இயக்க அரசியலைக் கொண்டுசென்றதில் திரைப்படங்களுக்குத் தலையாய இடம் உண்டு. திரைப்படங்களுக்கு உரையாடல் எழுதிய அண்ணா, கலைஞர் என ஒரு பட்டாளமே உருவானதும், இயக்கத்தில் அவர்கள் தலைமை இடங்களுக்கு வந்ததும் தற்செயலானவையல்ல. சமூநீதி நியாயங்கள் இங்கு வேரூன்றியிருப்பதிலும், மதவாத அரசியல் இங்கு கால் பதிக்க முடியாத சூழல் நிலவுவதிலும் அன்றைய திரைப்படங்களும் குறிப்பிடத்தக்க தாக்கம் செலுத்தியிருக்கின்றன.

 

நிலைப்பாடு முக்கியம்

மக்களிடையே பெயர் பெற்றுள்ள கலையுலகினர் அரசியல், சமூக அக்கறைகளை வெளிப்படுத்துவது நல்லதுதான். எந்தக் கருத்தையும் வெளிப்படுத்தாமல் இருப்பதுதான் கவலைக்குரியது. “அறிக்கை விடுவதற்கும் போராட்டம் நடத்துவதற்கும் வேறு சிலர் இருக்கிறார்கள். அதை நாம் செய்ய வேண்டாம்” என்று ரஜினி அறிவித்தது மிகப்பெரிய நழுவல் உத்தி. ‘நாளை நமதே’ பயணத்தைத் தொடங்கவுள்ள கமல்ஹாசனாவது கருத்து என ஒன்றைச் சொல்லி ஆதரவையும் எதிர்ப்பையும் எதிர்கொள்கிறார். மன்றத்துக்கு என்று ஒரு இணையதளம் தொடங்கியுள்ள நடிகர் விஜய், பொதுவெளியில் விவசாயிகள் பிரச்சினை உள்ளிட்ட தனது விமர்சனங்களை முன்வைக்கிறார். நடிகர் விஷால் தனது விமர்சனங்களை வெளிப்படுத்துகிறார். நடிகர்களின் ரசிகர் மன்ற அலுவலகங்களில் உறுப்பினர் பதிவு, வட்டார அமைப்பு ஏற்பாடுகள் முதலியவை பராமரிக்கப்படுவதைக் கவனித்திருக்கிறேன். “தலைவர் எப்போது வேண்டுமானாலும் அரசியலுக்கு வரலாம், அப்படி முடிவெடுப்பாரானால் நாங்கள் தயாராக இருக்க வேண்டும் என்பதற்காகத்தான் இந்த ஏற்பாடு” என மன்றங்களின் பொறுப்பாளர்கள் கூறினார்கள். அந்த வகையில் நடிகர்களின் வருகையில் ஒரு தொடர்ச்சி இருக்கத்தான் செய்கிறது.

 

அரசியல் அக்கறை

அதேசமயம், திரைப்படங்களின் கருத்துச் சுதந்திர ஒடுக்குமுறை என வருகிறபோதுகூட திரைக் கலைஞர்களில் பெரும்பாலானோர் எதிர்ப்புப் போராட்டங் களுக்கு வருவதில்லை - அரசியல் பிரவேசம் பற்றிப் பேசிவரும் நடிகர்கள் உட்பட. அது அந்தந்தப் படங்கள் சம்பந்தப்பட்டவர்களின் பிரச்சினை என்பதாக ஒதுங்கு கிற போக்குதான் இருக்கிறது. இதை ஆரோக்கியமற்ற அரசியலாகத்தான் பார்க்க வேண்டியிருக்கிறது. அரசியல் என்பது யாருக்கோ நேர்ந்துவிடப்பட்ட ஒன்றல்ல. முன்பொரு முறை கலை இலக்கிய இரவு நிகழ்ச்சியில் கலந்துகொண்ட நடிகர் நாசரிடம், குறிப்பிட்ட ஒரு பிரச்சினை தொடர்பாகப் பார்வையாளர்கள் கேள்வியெழுப்பினர். “ஏன் இதை ஒரு நடிகனைப் பார்த்து மட்டும் கேட்கிறீர்கள்? ஒரு விஞ்ஞானியையோ, ஒரு பேராசிரியரையோ, ஒரு பத்திரிகையாளரையோ கேட்க வேண்டாமா?” என்று கேட்டார் நாசர். “வெறும் உணர்ச்சி கரமான அறிவிப்புகளைப் பார்த்து அரசியல் முடிவு களுக்கு வராதீர்கள், ஆழமாகச் சிந்தித்து விவாதித்து முடிவெடுங்கள்” என்பதே அவரது நிலைப்பாடு.

எல்லோர் வாழ்க்கையிலும் தாக்கம் செலுத்துகிற அரசியல் பற்றிய அக்கறை எல்லாத் துறைகளையும் சேர்ந்தோருக்கு வேண்டும். கலைத் துறைச் செயல்பாட்டின் காரணமாக மக்களின் அன்பைப் பெற்றவர்கள் அந்த அன்பை ஆக்கபூர்வமான அரசியலுக்குப் பயன்படுத்தப்போகிறார்களா, ஏற்கெனவே சீர்குலைந்திருக்கிற ‘சிஸ்டம்’ மேலும் பின்னுக்குப் போக உதவப்போகிறார்களா என்பதுதான் பேசப்பட வேண்டும். இவர்களில் சிலர் பெரியதொரு சக்தியாக உருவெடுக்காவிட்டாலும், அரசியல் பிரவேசத்தின் மூலம் சில பேரங்களை நடத்தலாம் என்றுகூட கணக்கிட்டிருக்கக்கூடும்.

ஆக, நடிகர்கள் நாடாள வரலாமா என்ற கேள்விக்கு இப்படிப் பதிலளிக்கலாம்: நாடாள வருவோர்தான் நடிக்கக் கூடாது, நடிகர்கள் நாடாள வரலாம். எப்படி அரசியல் செய்கிறார்கள் என்பதைத் தீர்மானிக்க மக்கள் இருக்கிறார்கள்!

- அ.குமரேசன், மூத்த பத்திரிகையாளர்.

http://tamil.thehindu.com/opinion/columns/article22699924.ece?homepage=true

Categories: Tamilnadu-news

பூந்தமல்லியில் பிரபல தாதா பிறந்த நாள் கொண்டாட்டம்; 75 ரவுடிகள் சுற்றி வளைத்து கைது: சினிமா பாணியில் நடந்த வேட்டை

Thu, 08/02/2018 - 22:26

சென்னை: பிரபல ரவுடி பினு சினிமா பாணியில் ஆட்டுக்கறி, மது விருந்துகளுடன் சக ரவுடிகளை அழைத்து பிறந்த நாள் கொண்டாடிய போது போலீசார் துப்பாக்கி முனையில் சுற்றி வளைத்தனர். அதில் 75 ரவுடிகள் ஒரே நேரத்தில் கைது செய்யப்பட்டனர். இந்த சம்பவம் சென்னையில் பெரும் பரபரப்பை ஏற்படுத்தியுள்ளது. விழா கொண்டாடியவன் உட்பட 50 பேர் தப்பிச் சென்றனர். சென்னையில் குற்றப்பின்னணியில் உள்ள ரவுடிகள் குறித்து ரவுடிகள் ஒழிப்பு பிரிவு போலீசார் ரகசியமாக கண்காணித்து வருகின்றனர். அந்த வகையில் கடந்த 2012ம் ஆண்டு முதல் தற்போது வரை சென்னை மாநகர காவல் எல்லைக்குட்பட்ட பகுதியில் சிறு சிறு குற்ற சம்பவங்களில் ஈடுபட்டவர்கள் முதல் மொத்தம் 14,551 ரவுடிகள் உள்ளனர். அதில், சென்னையை சேர்ந்தவர்கள் மட்டும் 11,303 பேர் ஆகும், மற்ற 3,248 பேர் சென்னை புறநகர் மற்றும் வெளிமாவட்டங்கள், பிற மாநிலங்கள் மற்றும் வெளிநாடுகளில் உள்ளவர்கள். அதில் 1000 பேர் கொலை, கொலை முயற்சி, ஆள் கடத்தல் வழக்கில் தொடர்புடையவர்கள்.

இவர்களை சென்னை போலீஸ் கமிஷனர் ஏ.கே.விஸ்வநாதன் உத்தரவுப்படி மத்தியக் குற்றப்பிரிவு போலீஸ் கூடுதல் கமிஷனர் கணேசமூர்த்தி, துணை கமிஷனர் செந்தில்குமார், உதவி கமிஷனர் ஸ்டீபன், இன்ஸ்பெக்டர் காசியப்பன், எஸ்.ஐ.ராஜேஷ் ஆகியோர் கொண்ட தனிப்படை ரகசியமாக கண்காணித்து வருகிறது. மேலும், தொடர் குற்றங்களில் ஈடுபட்டு வரும் ரவுடிகளை குண்டர் சட்டத்தின் கீழ் கைது செய்யப்பட்டு வருவதால், சென்னையில் ரவுடிகளின் நடமாட்டம் வெகுவாக குறைந்துள்ளது. இதனால், ரவுடிகள் சென்னை புறநகர், காஞ்சிபுரம், திருவள்ளூர் மாவட்டங்களில் பதுங்கி தொடர்ந்து குற்றச்செயல்களில் ஈடுபட்டு வருகின்றனர்.

இந்நிலையில், நேற்று முன்தினம் பிற்பகல் 3 மணிக்கு பள்ளிக்கரணையில், கொலை வழக்கில் தலைமறைவாக இருக்கும் பல்லு மதன் என்பவன் பதுங்கியிருப்பதாக மத்தியக் குற்றப்பிரிவு போலீசுக்கு தகவல் கிடைத்தது. இதனால், போலீசார் அவனை கைது செய்தனர். அவனை ரகசிய இடத்தில் வைத்து விசாரணை நடத்தினர். வண்டலூர்- மீஞ்சூர் வெளிவட்ட சாலையில் உள்ள  மலையம்பாக்கத்தில் உள்ள ஒரு லாரி ஷெட்டில் பிறந்த நாள் விழாவுக்கு செல்வதாக தெரிவித்துள்ளான். அரிவாளுடன் பிறந்த நாள் விழாவுக்கு செல்ல என்ன காரணம் என்று விசாரணை நடத்திய போது சூளைமேடு பகுதியை சேர்ந்த பிரபல ரவுடி பின்னி (எ) பினு (45) பிறந்தநாள் விழா என்றும்,  இதில் என்னை போல் சென்னை, காஞ்சிபுரம், திருவள்ளூர் மாவட்டத்தை சேர்ந்த ரவுடிகள் அனைவரும் இந்த விழாவில் கலந்து கொள்கிறார்கள் என்று தெரிவித்தான். இதனால் சூளைமேட்டில் உள்ள பினு கூட்டாளி கனகு(எ) கனகராஜ் என்பவரை அழைத்து கொண்டு விழா நடைபெறும் இடத்திற்கு செல்ல இருந்ததாக தெரிவித்தார். இதைகேட்டு அதிர்ந்துபோன போலீசார், போலீஸ் கமிஷனர் ஏ.ேக.விஸ்வநாதனுக்கு தகவல் தெரிவித்தார்.

பின்னர் ரவுடிகளை கூண்டோடு சுற்றி வளைத்துப் பிடிக்க முடிவு செய்யப்பட்டது. இதற்காக கமிஷனர் ஏ.கே.விஸ்வநாதன், உயர் போலீஸ் அதிகாரிகளுடன் ஆலோசனை நடத்தினார். அதில் கூடுதல் கமிஷனர் சாரங்கன், இணை கமிஷனர் சந்தோஷ்குமார், துணை கமிஷனர் சர்வேஷ் ராஜ் ஆகியோருடன் ஆலோசனை நடத்தினார். அந்த ஆலோசனையைத் தொடர்ந்து, சுமார் 50க்கும் மேற்பட்ட போலீசார் கொண்ட படை அமைக்கப்பட்டது. அதன்பின்னர், பல்லு மதன் மூலம் ரவுடி கனகுக்கு போன் செய்ய வைத்து, ரவுடிகள் ஒன்று கூடுவதை போலீசார் உறுதிப்படுத்தினர்.  

அதைதொடர்ந்து தனிப்படை போலீசார் அனைவருக்கும் ரவுடிகளை பிடிக்கும் போது அவர்கள் கத்தி, அரிவாளால் தாக்க முயற்சிக்கலாம். இதனால் அனைவரும் கவணமாக தங்கள் துப்பாக்கிகளை காட்டி அவர்களை பிடிக்க வேண்டும். யாரும் உணர்ச்சி வசப்பட்டு யாரையும் சுட வேண்டாம். தேவைப்பட்டால் வானத்தை நோக்கி சுட வேண்டும் என்று உத்தரவிடப்பட்டிருந்தது. தேவையில்லாமல் போலீசாருக்குள் ஒருவரை ஒருவர் சுட்டு விடக் கூடாது என்று அறிவுறுத்தினர். இதையடுத்து, அனைவரும் துப்பாக்கிகளுடன் 15 தனியார் கால்டாக்சி வாகனங்களில் பிறந்த நாள் விழா நடைபெறும் மலையம்பாக்கம் கிராமத்திற்கு அருகே உள்ள லாரி ஷெட்டுக்கு இரவு 8 மணிக்கு புறப்பட்டனர். 

பிறந்த நாள் நிகழ்ச்சி நடைபெறும் வண்டலூர்-மீஞ்சூர் வெளிவட்ட சாலையை தனிப்படை ேபாலீசார் இரவு 8.50க்கு வந்தடைந்தனர். அப்போது, கல்யாண நிகழ்ச்சி நடப்பதுபோல், சாலையின் இருபுறங்களிலும் ரேடியோ செட், வண்ண சீரியல் லைட்கள், தோரணங்கள் என மிக பிரமாண்டமாக அலங்கரிக்கப்பட்டு இருந்தது. இந்த ஆர்பாட்டமான வரவேற்புகள் வண்டலூர் வெளிவட்ட சாலையில் தொடங்கி, நிகழ்ச்சி நடைபெறும் லாரி ஷெட் வரை செய்யப்பட்டிருந்தது. மேலும், 50க்கும் மேற்பட்ட ஆட்டு கிடா, நாட்டு கோழிகள் வெட்டி இரண்டு கிலோ மீட்டர் தொலைவுக்கு மனக்க மனக்க சமையல் நடந்து கொண்டிருந்தது.

இதைபார்த்து பிரமித்த போலீசார்,  10 குழுக்களாக பிரிந்து நிகழ்ச்சி நடைபெறும் இடத்தை சுற்றி செடிகள் மற்றும் புதர்களுக்குள் மறைந்து இருந்தனர். மேலும் சாலைகளில் தடுப்புகள் அமைத்தும் கண்காணிக்கப்பட்டது. அப்போது, ஏரியா வாரியாக வரும் ரவுடிகளுக்கு பட்டாசுகள் வெடித்து உற்சாக வரவேற்பு வழங்கப்பட்டது. இதனால் அந்த பகுதியே திருவிழா போல் காட்சியளித்தது.
சிறிது நேரத்தில் 150க்கும் மேற்பட்ட ரவுடிகள் புடைசூழ சூளைமேடு ரவுடி பின்னி(எ) பினு தனது பிறந்த நாள் கேக்கை அரிவாளால் வெட்டினார். அப்போது அனைவரும் கரகோஷம் எழுப்பி வாண வேடிக்கையுடன் கொண்டாடினர். இந்த சந்தர்ப்பத்திற்காக காத்திருந்த போலீசார் துப்பாக்கிகளுடன் இரவு 9 மணிக்கு அதிரடியாக லாரி ஷெட்டுக்குள் புகுந்தனர். 

அப்போது, 150க்கும் மேற்பட்ட ரவுடிகள் கறி விருந்துடன் மது அருந்தி கொண்டு  நடனம் ஆடிக்கொண்டிருந்தனர். போலீசார் சுற்றி வளைத்ததை அறிந்த ரவுடிகள் சிலர் அங்கிருந்து தலை தெறிக்க ஓடினர். உடனே, போலீசார் துப்பாக்கி முனையில் 53 பேரை சுற்றிவளைத்து கைது ெசய்தனர். தப்பி ஓடிய அனைவரும் அருகில் உள்ள மலையம்பாக்கம் கிராமத்திற்குள் புகுந்தனர். உடனே தனிப்படை போலீசார் கிராம மக்கள் உதவியுடன் வீடுவீடாக சென்று சோதனை நடத்தி 22 பேரை பிடித்தனர். ஆனால் பிறந்த நாள் கொண்டாடிய ரவுடி பின்னு(எ) பினு தனது கூட்டாளிகளுடன் தப்பி ஓடிவிட்டான். 

பின்னர் பிடிப்பட்ட 75 ரவுடிகளையும் போலீசார் பூந்தமல்லி, போரூர், நசரத்பேட்டை காவல் நிலையத்திற்கு அழைத்து வந்து தீவிர விசாரணை நடத்தினர். விசாரணையில், ரவுடி பின்னி(எ) பினு கேரளாவை சேர்ந்தவர். தனது தந்தையுடன் சிறு வயதியே சென்னை வந்த பினு கடந்த 10 ஆண்டுகளாக சூளைமேடு நமச்சிவாயபுரத்தில் தனது குடும்பத்துடன் வசித்து வந்தார். இவர் மீது சூளைமேடு, அரும்பாக்கம் காவல் நிலையத்தில் 2 ெகாலை வழக்குகள் உள்ளது. அதேபோல் 3 ஆள் கடத்தல் வழக்கு, 7 கொலை மிரட்டல் வழக்கு என 30க்கும் மேற்பட்ட வழக்குகள் உள்ளன. இரண்டு வழக்கில் தேடப்படும் குற்றவாளியாக அறிவிக்கப்பட்டதால் தற்போது கொளத்தூரில் வசித்து வருகிறார். பின்னி தனது பிறந்த நாளுக்கு சென்னை, காஞ்சிபுரம், திருவள்ளூர் மாவட்டத்தை சேர்ந்த 150க்கும் மேற்பட்ட ரவுடிகளுக்கு முறையாக அழைப்பு விடுத்து தனது பலத்தை வெளிப்படுத்த இந்த பிறந்த நாள் விழாவுக்கு ஏற்பாடு செய்யப்பட்டது தெரியவந்தது. போலீசார் ரவுடிகளுக்கு எதிராக எடுத்து வரும் பல்வேறு நடவடிக்கை குறித்து பிறந்த நாள் நிகழ்ச்சிக்கு பிறகு ஆலோசனை கூட்டம் நடத்த திட்டமிட்டிருந்ததும் விசாரணையில் தெரியவந்தது. இந்த ரவுடிகளுடன் வக்கீல்கள் மற்றும் 2 கல்லூரி மாணவர்களும் கைது செய்யப்பட்டனர்.

கைது ெசய்யப்பட்ட ரவுடிகளிடம் இருந்து 35க்கும் மேற்பட்ட அரிவாள்கள், பட்டாகத்திகள், 88க்கும் மேற்பட்ட செல்போன்கள், 50 பைக்குகள் மற்றும் ஆட்டோ,   7 சொகுசு கார்கள், 2 மூட்டைகள் நிறைய மது பாட்டில்கள், காலி மதுபாட்டில்களை போலீசார் பறிமுதல் செய்தனர். இதையடுத்து தப்பி ஓடிய மற்ற ரவுடிகளை பிடிக்க 4 தனிப்படை அமைக்கப்பட்டுள்ளது. பொதுவாக  சரோஜா, ஜிகர்தண்டா, பீமா, திருப்பாச்சி போன்ற திரைப்படங்களில் தான் பிரபல ரவுடிகளாக வலம் வருபவர்கள் ஒன்றாக கூடி பிறந்தநாள் விழா கொண்டாடி தங்களது பலத்தை நிரூபிப்பார்கள். ஆனால் தற்போது நிஜ வாழ்க்கையில் தங்களது பலத்தை நிரூபிக்கும் வகையில் இந்த சம்பவம் நடந்துள்ளது. பிரபல ரவுடிகள் 75 பேரை துப்பாக்கி முனையில் ஒரே இடத்தில் போலீசார் சுற்றிவளைத்து கைது செய்தது  சென்னையில் பரபரப்பை ஏற்படுத்தியுள்ளது.

http://www.dinakaran.com/News_detail.asp?Nid=373961

Categories: Tamilnadu-news

தாயின் உடலை அடக்கம் செய்வதற்காக பிச்சையெடுத்த திண்டுக்கல் சிறுவர்கள்:

Thu, 08/02/2018 - 15:28
தாயின் உடலை அடக்கம் செய்வதற்காக பிச்சையெடுத்த திண்டுக்கல் சிறுவர்கள்:

childern.png?resize=600%2C448

இறந்துபோன தாயின் உடலை அடக்கம் செய்ய பணம் இல்லாமல் சிறுவர்கள் பிச்சை எடுத்த சம்பவம் ஒன்று தமிழகத்தின் திண்டுக்கல் மாவட்டத்தில் இடம்பெற்றுள்ளது. திண்டுக்கல் மாவட்டம் வேடசந்தூர் அருகில் உள்ள மேட்டுப்பட்டி கிராமத்தில் இச் சம்பவம் நிகழ்ந்துள்ளது.
 
அப் பகுதியில் வசித்த கணவனை இழந்த விஜயா  என்பருக்கு மூன்று மகன்கள். மார்பக புற்றுநோயால் பாதிக்கப்பட்ட  இவர் திண்டுக்கல் அரசு மருத்துவமனையில் அனுமதிக்கப்பட்ட நிலையில்  சிகிச்சை பலனின்றி உயிரிழந்துள்ளார்.
 
விஜயாவை அவர்களது மூன்று மகன்கள் மட்டுமே கவனித்து வந்து நிலையில் தமது தாயின் உடலை அடக்கம் செய்ய பணம் இல்லாததால் அந்த மூன்று சிறுவர்களும் பிற நோயாளிகளிடம் பிச்சை எடுத்துள்ளனர்.
 
சிறுவர்கள் பிச்சை எடுக்கும் வீடியோ சமூக வலைதளத்தில் வெளியாகி பெரும் அதிர்வலைகளை ஏற்படுத்தியுள்ளது. இதைத்தொடர்ந்து சிலரது உதவியுடன்  தாயின் உடலை மூன்று சிறுவர்களும் அடக்கம் செய்தனர்.

http://globaltamilnews.net/2018/65922/

Categories: Tamilnadu-news

ரஜினியுடன் இணைந்து தேர்தலைச் சந்திப்பது தேவையா?: கமல் ஹாசன்

Thu, 08/02/2018 - 09:59
ரஜினியுடன் இணைந்து தேர்தலைச் சந்திப்பது தேவையா?: கமல் ஹாசன்

ரஜினியுடன் இணைந்து தேர்தலைச் சந்திப்பது தேவையா என இருவருமே யோசிக்க வேண்டியிருக்கிறது என கமல்ஹாசன் கூறியிருக்கிறார். தாங்கள் எங்கு சென்றாலும் இந்தக் கேள்வி தங்களைத் துரத்துவதாக அவர் தெரிவித்திருக்கிறார்.

ரஜினியுடன் இணைந்து தேர்தலைச் சந்திப்பது தேவையா?: கமல்ஹாசன்படத்தின் காப்புரிமைARUN SANKAR/GETTY IMAGES

வார இதழ் ஒன்றில் அவர் எழுதியுள்ள கட்டுரையில், தாங்கள் இணைந்து தேர்தலைச் சந்திப்பது குறித்த கேள்விக்கு ரஜினி கூறியதைப் போல, "காலம் பதில் சொல்லும்" என்றே தானும் கூறவிரும்புவதாகக் கூறியிருக்கிறார்.

முதலில் தான் கட்சி ஆரம்பிக்க வேண்டும்; பிறகு ரஜினி கட்சியை துவங்க வேண்டும். இருவரும் தங்கள் கொள்கைகள் குறித்து விளக்கங்களைச் சொல்ல வேண்டும்; அவை பொருந்துகின்றனவா என்று பார்க்க வேண்டும். ஆகவே ரஜினியும் தானும் இணைவது குறித்து இப்போது முடிவெடுக்க முடியாது என்று கமல் கூறியிருக்கிறார்.

மேலும் இருவரும் இணைந்து தேர்தலைச் சந்திப்பது தேவையா என்பதை இருவரும் யோசிக்க வேண்டுமென்றும் கமல் கூறியிருக்கிறார்.

ஒரு திரைப்படம் அறிவிக்கப்பட்டவுடன் ஒவ்வொருவரும் ஒவ்வொரு கதையை யூகிப்பதைப்போல, இந்த விவகாரத்திலும் அவரவர் மனதில் ஒரு கதை ஓடிக்கொண்டிருக்கிறது. மக்களுக்கு எது நல்லது என்பதை கொள்கைதான் முடிவுசெய்யும் என்றும் அதைவிட்டுவிட்டு பெயர்களை வைத்து விளையாடிக்கொண்டிருக்க முடியாது என்றும் அவர் கூறியிருக்கிறார்.

 

தங்களுக்குப் பிடித்த நடிகருக்காக ஒரு நாள் கூலியை அப்படியே அள்ளித்தரும் மக்களின் இதயத்தைத் தொட்டால், தங்களுக்குப் பிடித்த தமிழகத்திற்காக வள்ளல்களாகிவிடுவார்கள் என்று கூறியிருக்கும் கமல்ஹாசன், அவர்கள் தலையிலேயே கைவைத்த பிறகு, 'நீ திருடன் என்கிட்ட இருந்துதானே திருடுற, அப்படினா அதில் எனக்கும் கொஞ்சம் கொடு' என்று கை நீட்டத் தொடங்கிவிட்டனர் என்றும் கமல் குற்றம்சாட்டியுள்ளார்.

விரைவில் அரசியல் கட்சியைத் துவங்கவிருப்பதாக அறிவித்திருக்கும் கமல்ஹாசன், வரும் பிப்ரவரி 21ஆம் தேதி முதல் மக்களைச் சந்திக்கும் பயணத்தை தொடங்கப்போவதாகவும் தெரிவித்திருக்கிறார்.

http://www.bbc.com/tamil/india-42984623

Categories: Tamilnadu-news

முதலில் தமிழகத்தில் சிஸ்டத்தை சரிசெய்ய வேண்டும்: ரஜினிகாந்த்

Thu, 08/02/2018 - 09:58
முதலில் தமிழகத்தில் சிஸ்டத்தை சரிசெய்ய வேண்டும்: ரஜினிகாந்த்

முதலில் தமிழகத்தில் சிஸ்டத்தை சரிசெய்ய வேண்டுமென நடிகர் ரஜினிகாந்த் கூறியிருக்கிறார். இந்தியா முழுவதும் சிஸ்டம் சரியில்லையா என்ற கேள்விக்கு பதிலளித்த ரஜினி இதனைத் தெரிவித்திருக்கிறார்.

ரஜினிகாந்த்படத்தின் காப்புரிமைGETTY IMAGES

சென்னை போயஸ் கார்டன் இல்லத்திற்கு வெளியில் செய்தியாளர்களிடம் பேசிய ரஜிகாந்த்திடம் கமல்ஹாசனின் கட்சியுடன் கூட்டணி வைக்கப்படுமா என்று செய்தியாளர்கள் கேள்வியெழுப்பியபோது, "அதற்கு காலம்தான் பதில்சொல்லும்" என்று கூறினார்.

மேலும், தமிழகத்தில் சிஸ்டம் சரியில்லை என்று கூறியிருக்கிறீர்கள், தமிழகத்தில் மட்டும் சிஸ்டம் சரியில்லையா, இந்தியா முழுவதுமே அப்படித்தானா என்று கேட்டபோது, முதலில் தமிழகத்தில் சிஸ்டத்தை சரிசெய்ய வேண்டுமென ரஜினி கூறினார்.

நாடாளுமன்றத் தேர்தலில் போட்டியிடுவது குறித்து உரிய நேரத்தில் முடிவெடுக்கப்படும் என்றும் அவர் தெரிவித்தார்.

கமல்ஹாசன்படத்தின் காப்புரிமைGETTY IMAGES

ரஜினிகாந்த் துவங்கவிருக்கும் கட்சியுடன் கூட்டணி வைக்கப்படுமா என்பது குறித்து இப்போது முடிவெடுக்க முடியாது; இரு கட்சிகளும் கொள்கைகளை அறிவித்த பிறகுதான் அது குறித்து முடிவெடுக்கப்படும் என கமல்ஹாசன் தெரிவித்திருந்த நிலையில் ரஜினி இவ்வாறு கூறியிருக்கிறார்.

தான் நடித்த 2.0 படத்தை ஏப்ரல் 27ஆம் தேதி வெளியிட திட்டமிட்டிருந்ததாகவும் ஆனால், அந்தப் படத்தின் கிராஃபிக்ஸ் பணிகள் இன்னும் முடிவடையாததால் படம் வெளியாவது தள்ளிப்போகலாம் என்றும் அது குறித்து 2 அல்லது மூன்று நாட்களில் அறிவிக்கப்படும் என்றும் ரஜினி கூறினார்.

http://www.bbc.com/tamil/india-42986175

Categories: Tamilnadu-news

தமிழகத்தை அதிரவைக்கும் நித்தியானந்தா – மௌனித்திருக்கும் அதிகார வர்க்கம் – அச்சத்தில் மக்கள்…

Thu, 08/02/2018 - 06:06
தமிழகத்தை அதிரவைக்கும் நித்தியானந்தா – மௌனித்திருக்கும் அதிகார வர்க்கம் – அச்சத்தில் மக்கள்…

“கஞ்சா கொடுத்து என் மகளை நித்தியானந்தா மாற்றி விட்டார்” என தந்தை ஒருவர் முறையிட்டுள்ளார்.

nithys2.jpg?resize=600%2C450
“தை்தியருக்கு படித்த தம் மகனை கஞ்சா கொடுத்து மயக்கி நித்தியானந்தா சாமியார் அணி கடத்தி விட்டதே இதை கேட்பார் யாருமே இல்லையா?” என பெரியகுளம் நீதிமன்ற வளாகத்தில் பெற்றோர் கதறி அழுதனர். வைத்தியருக்கு படித்த மகன் மனோஜ்குமார் மற்றும் சிறுமி நிவேதா ஆகியோரை, சர்ச்சைக்குரிய சாமியார் நித்தியானந்தாவின் பெங்களூர் பிடதி ஆசிரமத்தில் இருந்து மீட்க வேண்டும் என பெரியகுளம் வடகரை சுப்பிரமணிய சாவடிதெரு பகுதியைச் சார்ந்த காந்தி என்பவர் காவற்துறையில் முறையிட்டனர். இதன் அடிப்படையில் தேனி மாவட்ட காவல் துறை கண்காணிப்பாளர் வீ .பாஸ்கரன் உத்தரவின் பேரில் பெரியகுளம் காவல் ஆய்வாளர் முத்து பிரேம்சந்த் தலைமையிலான காவற்துறைக் குழு பிடதி சென்றது.

nityananda-demands-parent1.jpg?resize=60

அங்கிருந்து மனோஜ்குமார் மற்றும் நிவேதா இருவரையும் மீட்டு அழைத்து சென்று பெரியகுளம் நீதிமன்றத்தில் முன்னிலைப்படுத்தினர். நீதிமன்ற விசாரணையில் நிவேதா, உறவினர்களுடன் செல்ல விருப்பம் தெரிவித்தார். இதனையடுத்து நிவேதா உறவினரிடம் ஒப்படைக்கப்பட்டார்.  ஆனால் வைத்தியர் மனோஜ்குமார் பிடதி ஆசிரமத்துக்கே செல்ல விரும்புவதாக நீதிமன்றத்தில் தெரிவித்தார். இதனால் அவர் பிடதி ஆசிரமம் செல்ல அனுமதிக்கப்பட்டார். பெற்றோரிடம் எதுவும் சொல்லாமல் வைத்தியர் மனோஜ்குமார் பிடதிக்கு சென்றார்.

nityananda-demands-parent.jpg?resize=600

தங்களது கண்முன்னாலேயே மகன் பிரிந்து நித்தியானந்தா ஆசிரமம் செல்வதை தாங்க முடியாமல் வயதான பெற்றோர் கதறி கூச்சலிட்டனர். அப்போது, “அய்யோ என் மகனை கஞ்சா கொடுத்து மயக்கி நித்தியானந்தா ஆட்கள் கடத்திட்டு போயிட்டாங்களே… 75 லட்சம் செலவு செஞ்சு டாக்டருக்கு படிக்க வெச்சேனே… இதைக் கேட்குறதுக்கு யாருமே இல்லையா?” என கதறினர். இந்த பெற்றோரின் கதறல் நீதிமன்ற வளாகத்தையே அதிர வைத்தது.

nityananda-demands-parent2.jpg?resize=60

நித்தியானந்தா மீது பல்வேறு முறைப்பாடுகள், சர்ச்சைகள் உள்ளன. தற்போது பெற்றோரிடம் இருந்து பிள்ளைகளைப் பிரித்து கடத்திச் செல்வது பெரும் அச்சத்தை ஏற்படுத்தி உள்ளதோடு, தமிழக, மற்றும் இந்திய அதிகார வர்க்கத்தினர் நித்தியானந்தாவின் அடாவடித்தனங்களை அனுமதிப்பதாக குற்றச்சாட்டுக்கள் எழுந்துள்ளன.

nithys3.jpg?resize=600%2C450

http://globaltamilnews.net/2018/65825/

    நித்யானந்தா ஆசிரமத்திலிருந்து பெண் சீடர் மீட்பு: வரமறுத்த மகனால் கதறிய பெற்றோர்

 

 
71d35afd-cf9a-4912-9600-a1574a541eaf%201

நித்யானந்தா ஆசிரமத்தில் ’அடைக்கப்பட்டுள்ள’ தங்கள் பிள்ளைகளை மீட்டுத்தர வேண்டும் என்று போடப்பட்ட வழக்கில் நீதிமன்றத்தில் ஆஜர்படுத்தப்பட்ட பெண் சீடர் பெற்றோருடன் சென்றார். ஆண் சீடர் மீண்டும் ஆசிரமத்திற்கே சென்றதால் பெற்றோர் கதறி அழுதனர்.

பெரியகுளம் வடகரை சுப்பிரமணிய சாவடிதெரு பகுதியைச் சேர்ந்தவர் காந்தி(58). இவரது மகன் மனோஜ் குமார்(24). இவர் மருத்துவம் படித்தவர். மற்றும் இதே பகுதியைச் சேர்ந்தவர் குமார் இவரது மகள் நிவேதா (19) இருவரும் நித்யானந்த போதனைகளை கேட்கச்சென்றவர்கள் நாளடைவில் நித்யானந்தாவின் பெங்களூர் ஆசிரமத்தில் சீடராக இணைந்துவிட்டனர்.

தங்கள் பிள்ளைகளை மீட்டுத்தர வேண்டும், அவர்கள் சட்டவிரோதமாக அடைத்து வைக்கப்பட்டுள்ளதாக பெற்றோர்கள் தேனி மாவட்ட குற்றவியல் நீதிமன்றத்தில் முறையிட அவர்களை நீதிமன்ற உத்தரவுப்படி தேனி மாவட்ட காவல் துறை கண்காணிப்பாளர் வீ .பாஸ்கரன் உத்தரவின் பேரில் பெரியகுளம் காவல் ஆய்வாளர் .முத்து பிரேம்சந்த் தலைமையில் போலீஸார் , கர்நாடகா மாநிலம் பெங்களுரில் உள்ள நித்யானந்தா சாமியாருக்குச் சொந்தமான பிடபி ஆசிரமத்திற்கு சென்றனர்.

அங்கிருந்து டாக்டர். மனோஜ் குமார், நிவேதா இருவரையும் மீட்டு வந்து குற்றவியல் நீதிமன்றத்தில் ஆஜர்படுத்தினர். பின்னர் அவர்களிடம் குற்றவியல் நடுவர் விசாரணை நடத்தினார். இதில் நிவேதா தனது உறவினர்களுடன் செல்ல விருப்பம் தெரிவித்ததால் அவர் மட்டும் உறவினரிடம் ஒப்படைக்கப்பட்டார். பின் மனோஜ்குமார் மீண்டும் பிடபி ஆசிரமம் செல்ல விருப்பம் தெரிவித்ததால் உரிய பாதுகாப்புடன் அவர் ஆசிரமத்திற்கு திருப்பி அனுப்பி வைக்கப்பட்டார்.

தனது பெற்றோருடன் செல்ல ஆண் சீடர் மனோஜ் விரும்பாமல் மீண்டும் ஆசிரம் சென்றதை கண்டு அவரது தந்தை மற்றும் உறவினர்கள் தேனி மாவட்ட நீதிமன்றம் முன் கதறி அழுதனர்.

http://tamil.thehindu.com/tamilnadu/article22681558.ece

Categories: Tamilnadu-news

நளினி, முருகன், பேரறிவாளனை விடுவிக்க அதிகாரிகள் பரிந்துரை

Wed, 07/02/2018 - 10:55
நளினி, முருகன், பேரறிவாளனை விடுவிக்க அதிகாரிகள் பரிந்துரை

Nalini-murugan-perarivalan.jpg?resize=49
வேலூர் சிறைச்சாலையில் சிறைவைக்கப்பட்டுள்ள நளினி-முருகன், பேரறிவாளன் உட்பட 200 ஆயுள் தண்டனை கைதிகளை விடுவிக்க அதிகாரிகள் பரிந்துரை செய்துள்ளனர்.    தமிழக சிறைச்சாலைகளில் கடந்த சில ஆண்டுகளாக அண்ணா பிறந்த தினம், காந்தி ஜெயந்தி போன்ற தலைவர்கள் பிறந்த நாட்களில் நன்னடத்தை கைதிகள் விடுவிக்கப்படவில்லை.

இதனால் தமிழக எதிர்க்கட்சி தலைவர்கள் சிறைகளில் 10 ஆண்டுகளுக்கு மேல் தண்டனை அனுபவித்து வரும் கைதிகளை விடுதலை செய்ய வேண்டும் என தமிழக அரசிடம் கோரிக்கை விடுத்து வந்தனர். இதனைத் தொடர்ந்து தமிழக உள்துறை செயலாளர் நிரஞ்சன் மார்ட்டி கடந்த சில தினங்களுக்கு முன்னர் தமிழகத்தின் 9 மத்திய சிறை அதிகாரிகளுக்கும் சுற்றறிக்கை அனுப்பி வைத்திருந்தார்.

அதில் 10 ஆண்டுகளுக்கு மேல் தண்டனை அனுபவித்து வரும் கைதிகளை நல்லொழுக்கம் மற்றும் மனிதாபிமான அடிப்படையில் விடுதலை செய்ய தமிழக அரசு முடிவு செய்துள்ளது எனவும் அதற்கான பட்டியலை தயாரித்து வழங்கும்படியும் தெரிவிக்கப்பட்டிருந்தது.

அதன்படி தமிழ்நாட்டில் உள்ள அனைத்து சிறைகளிலும் 10 ஆண்டுகளுக்கு மேல் தண்டனை அனுபவித்து வரும் கைதிகள் பற்றிய கணக்கெடுப்பு நடைபெற்று வருகிறது.  இந்தநிலையில் தமிழக சிறைச்சாலைகளில் ஆயுள்தண்டனை பெற்று 10 ஆண்டுகளுக்கு மேலாக சிறையில் தண்டனை அனுபவித்து வருபவர்கள் மற்றும் 60 வயதுக்கு மேற்பட்டவர்கள் பற்றிய கணக்கெடுப்பு நடத்தப்பட்டு பரிந்துரை செய்யப்பட்டுள்ளது.

அரசுக்கு பரிந்துரைக்கப்பட்டுள்ள இந்த பட்டியலில் இந்திய முன்னாள் ஜனாதிபதி ராஜீவ்காந்தி கொலை வழக்கில் வேலூர் சிறையில் ஆயுள் தண்டனை அனுபவித்து வரும் முருகன், பேரறிவாளன், சாந்தன், பெண்கள் சிறையில் உள்ள நளினி ஆகியோரும் இடம் பெற்றுள்ளனர் என தெரிவிப்பட்டுள்ளது

எனினும் அரசிடம் தாங்கள் அனுப்பி வைத்த பட்டியலில் உள்ளவர்கள் குறித்து நன்னடத்தை அதிகாரிகள் பரிசீலித்து யாரை விடுதலை செய்ய வேண்டும் என்று இறுதி செய்து உத்தரவிட்ட பிறகே முடிவு செய்யப்படும் என சிறை அதிகாரிகள் தெரிவித்துள்ளனர்.

http://globaltamilnews.net/2018/65720/

Categories: Tamilnadu-news

தினகரன் மீண்டும் கைது? - அமுக்கும் அமலாக்கத் துறை...

Wed, 07/02/2018 - 06:01
மிஸ்டர் கழுகு: தினகரன் மீண்டும் கைது? - அமுக்கும் அமலாக்கத் துறை...
 
 

 

p44c_1517926565.jpg‘‘இரட்டை இலை வழக்கில் புதிய திருப்பமாக அமலாக்கப்பிரிவு தீவிரம் காட்டுவதால் தினகரனுக்குப் புதிய சிக்கல்’’ என்ற தகவலை வீசியபடியே நம் முன் ஆஜரானார் கழுகார்.

‘‘தினகரன் இப்போதுதானே சுறுசுறுப்பாக டூர் கிளம்பியிருக்கிறார். அதற்குள் இப்படி ஒரு சறுக்கலா?’’ என்ற கேள்வியைப் போட்டோம்.

‘‘ஆர்.கே. நகர் இடைத்தேர்தலோடு தினகரனின் அரசியல் முடிந்துவிடும் என்று நினைத்தார்கள். அங்கு வெற்றி பெற்றது மட்டுமல்ல, அபரிமிதமான வாக்குகள் வித்தியாசத்தில் தினகரன் வெற்றி பெற்றுத் தமிழக அரசியலில் தவிர்க்க முடியாத சக்தியாகத் தன்னை நிலைநிறுத்திக் கொண்டார். இப்போது, ‘மக்கள் சந்திப்பு புரட்சிப் பயண’த்தையும் தொடங்கித் தமிழகம் முழுவதும் சூறாவளிச் சுற்றுப்பயணத்தை நடத்தவிருக்கிறார். போகும் இடமெல்லாம் கூட்டம் திரள்கிறது. இது அ.தி.மு.க தொண்டர்களிடம் மட்டுமல்ல, நிர்வாகி களிடமும் மனமாற்றத்தை ஏற்படுத்தி வருகிறது. ‘கட்சியின் செல்வாக்கு அவரிடம்தான் இருக்கிறது’ என்று அமைச்சர்கள் சிலரே சொல்லத் தொடங்கிவிட்டார்கள். முதல்வர் எடப்பாடி, துணை முதல்வர் பன்னீர் மற்றும் மூத்த அமைச்சர்களான ஜெயக்குமார், வேலுமணி, தங்கமணி தவிர மற்ற அமைச்சர்கள் பலருமே ஒருவித ஊசலாட்ட மனநிலையில்தான் இருக்கிறார்களாம்.’’

‘‘ஓஹோ! தினகரன் தலைமையை  ஏற்றுக் கொள்ளும் மனநிலையிலா?’’

‘‘ஆமாம்! இது எதையும் மத்திய அரசோ, பி.ஜே.பி-யின் அகில இந்தியத் தலைமையோ ரசிக்கவில்லை. அதனால், தினகரனுக்கு ‘செக்’ வைக்கத் திட்டங்கள் தயாராகி வருகின்றன. இதற்காக, அமலாக்கத் துறை சீரியஸாக களமிறங்கியுள்ளது.”

p44d_1517926651.jpg

‘‘பழைய இரட்டை இலை வழக்கா?’’

‘‘ஆமாம்! டி.டி.வி.தினகரனை டெல்லி க்ரைம் பிராஞ்ச் போலீஸார் கைது செய்து திகார் சிறையில் அடைத்தது. அது நடந்து 10 மாதங்கள் முடிந்துவிட்டன. ஆனாலும், அந்த வழக்கில் எந்த முன்னேற்றமும் இல்லை. கைது செய்யப்பட்ட 10 பேரில் முதல் குற்றவாளியான சுகேஷ் சந்திரசேகரைத் தவிர, அனைவரும் ஜாமீனில் வெளியே வந்துவிட்டனர். உச்ச நீதிமன்றம் வரை சென்ற பின்னரும் சுகேஷால் வெளியே வர முடியவில்லை. தன்மீது கோவையில் பல வழக்குகள் உள்ளதால், கோவை சிறைக்குத் தன்னை மாற்ற வேண்டும் என்று தற்போது கோரி வருகிறார். அதன்மீது இன்னும் முடிவு எடுக்கப்படவில்லை. கால தாமதமாகத் தாக்கல் செய்யப்பட்ட இரண்டாவது குற்றப்பத்திரிகையில் தினகரன் பெயரும் சேர்க்கப்பட்டது. அதன் பின்னரும் வழக்கில் எந்த முன்னேற்றமும் இல்லை. இதை நீதிபதியே விசாரணையின்போது பல முறை சுட்டிக்காட்டி, டெல்லி போலீஸாரைக் கண்டித்துள்ளார். அவகாசம் கேட்டுக்கொண்டே இருக்கி றார்கள் டெல்லி போலீஸார். ஜனவரி 12-ம் தேதி இந்த வழக்கு விசாரணைக்கு வந்தபோதும், இதே நிலைமை தொடர்ந்தது. ‘வழக்கில் புதிதாக நரேந்திர ஜெயின் என்கிற ஹவாலா ஏஜென்ட்டைக் கைது செய்திருப்பதால் மேலும் அவகாசம் வேண்டும்’ என்று டெல்லி போலீஸார் கேட்டனர். தற்போது, மார்ச் 14-ம் தேதிக்கு வழக்கு ஒத்தி வைக்கப்பட்டுள்ளது.’’

‘‘அப்படியானால் அதுவரை தினகரனை எதுவும் செய்ய முடியாதே?’’

‘‘இதுதான் மத்திய அரசுக்குத் தலைவலியை ஏற்படுத்தியுள்ளது. இத்தனை மாதங்களாகியும், தேர்தல் ஆணையத்தில் உள்ள எந்த அதிகாரிக்கு சுகேஷ் மூலமாக தினகரன் லஞ்சம் கொடுக்க முயற்சி செய்தார் என்பதைக் கண்டுபிடித்து நீதிமன்றத்தில் சொல்ல டெல்லி போலீஸால் முடியவில்லை. இந்தக் குளறுபடிகளால் தினகரன், வழக்கிலிருந்து விடுவிக்கப்படக்கூடும் என்ற அச்சம் அவர்களுக்கு வந்துள்ளது. அதனால் அமலாக்கத் துறை, இப்போது இந்த வழக்கு விசாரணையில் களமிறங்கியுள்ளது.’’

‘‘அமலாக்கத் துறையை இறக்குகிறார்கள் என்றால் சீரியஸாக நினைக்கிறார்கள் என்றுதான் அர்த்தம்!’’

‘‘தினகரனின் நண்பரான மல்லிகார்ஜுனாவை, ஜனவரி 30-ம் தேதி இரண்டாவது முறையாக அமலாக்கத் துறை விசாரித்துள்ளது. அதுமட்டுமல்ல... தினகரனுக்குச் சட்ட ஆலோசனை வழங்கி வந்த பி.குமார் என்ற மூத்த வழக்கறிஞரையும் ஆஜராக ச்சொல்லி அமலாக்கத் துறை அதிகாரிகள் தற்போது சம்மன் அனுப்பியுள்ளதாகச் சொல்லப்படுகிறது. இவர் ஜெயலலிதா, சசிகலாவுக்காக பல வழக்கு களில் ஆஜராகிவந்தவர்.’’

p44b_1517926669.jpg

‘‘சொத்துக் குவிப்பு வழக்கில் ஜெயலலிதாவுக்காக ஆஜரான அந்த குமார்தானே?’’

‘‘ஆமாம்! கடந்த ஆண்டு ஏப்ரல் மாதம் தினகரன் கைது செய்யப்பட்ட ஓரிரு நாள்களில் வழக்கறிஞர் குமாரையும் டெல்லி போலீஸார் இரண்டு நாள்கள் வெளியே விடாமல், க்ரைம் பிராஞ்ச் அலுவலகத்தில் வைத்து விசாரித்தனர். பின்னர் அவரைக் கைது செய்யத் தேவையில்லை என்று முடிவுசெய்து விட்டுவிட்டனர். மறுநாளே குமார் அமெரிக்காவுக்குப் பறந்துவிட்டார். அவரின் மகனைக் காணச் சென்றதாக அப்போது சொல்லப்பட்டது. அன்று கைது செய்யப்படவில்லை என்றாலும் கூட, மூன்று மாதங்களுக்குமுன்பு குற்றப்பத்திரிகை தாக்கல் செய்யப்பட்ட போது, வழக்கறிஞர் குமார் பெயரும் அதில் சேர்க்கப்பட்டது. தற்போது அமலாக்கத் துறையும் விசார ணைக்கு அழைத்துள்ளதால் அதிர்ந்து போயிருக்கிறார் அவர்.’’

‘‘ம்!”

‘‘சம்மன் மட்டுமல்லாமல், விமான நிலையங்க ளில் அவருடைய பெயர், பாஸ்போர்ட் எண் மற்றும் புகைப்படத்தைக் கொடுத்து ‘லுக் அவுட் நோட்டீஸ்’ என்று சொல்லப்படும் தேடப்படும் நபர்களுக்கான பட்டியலில் அவரது பெயரையும் சேர்த்துள்ளனர். அந்த நோட்டீஸை அமலாக்கத் துறைத் திரும்பப் பெறும்வரை வெளிநாடுகளுக்குச் செல்ல முடியாத நிலை அவருக்கு ஏற்பட்டுள்ளது. இரட்டை இலைச் சின்னத்தை மீண்டும் வாங்கு வதற்குப் பணம் கொடுத்த வழக்கின் விசாரணை யில் முன்னேற்றம் இல்லாததால், சென்னை - பெங்களூரு - கொச்சி ரூட்டில் இதற்காக டெல்லிக்கு வந்த இரண்டு கோடி ரூபாய் ஹவாலா பணம் தொடர்பான பணப்பரிமாற்ற விவகாரத்தைத் தீவிரமாக விசாரிக்கிறது அமலாக்கத் துறை. இந்த முறைகேடான பணப் பரிமாற்றக் குற்றச்சாட்டில் தண்டிக்கப்பட்டால், குறைந்தபட்சம் மூன்று ஆண்டுகள் சிறைத் தண்டனை உறுதி. அதனால், தினகரன் தரப்பு ஆடிப்போயிருக்கிறது. தினகரனைக் கைது செய்து விசாரிப்பதற்கான திட்டமும் இருப்பதாகத் தகவல் கசிகிறது. அவரின் பயணத்தை முடக்கு வதற்கான முயற்சியாக இதைச் சொல்கிறார்கள். ஆனால்...’’

p44_1517926616.jpg

‘‘என்ன ஆனால்..?”

‘‘தகுதிநீக்கம் செய்யப்பட்ட தினகரன் ஆதரவு எம்.எல்.ஏ-க்கள் 18 பேர் சம்பந்தமான வழக்கின் தீர்ப்பு பிப்ரவரி 12-க்குள் வந்துவிடும் என்று சொல்லப்படுகிறது. தங்கள் எம்.எல்.ஏ-க்களுக்கு மீண்டும் பதவி கிடைத்துவிடும் என்று தினகரன் தரப்பு நம்புகிறது. இதனால், ஆட்சி கவிழ்ந்து போய்விடும் என்றும் தினகரன் தரப்பு சொல்கிறது.’’

‘‘தகுதிநீக்கம் செய்யப்பட்டது செல்லும் என்று வந்தால்..?’’

‘‘அதற்கும் ஒரு செக் இருக்கிறது. ‘பன்னீர் செல்வம் ஆதரவு எம்.எல்.ஏ-க்களைத் தகுதி நீக்கம் செய்ய வேண்டும் ’என்று தி.மு.க. தரப்பு போட்ட வழக்கு இருக்கி றதே...இவர்களை நீக்கி னால் அவர்களையும் நீக்க வேண்டும் என்று கிளம்புவார்கள். மொத்தத் தில் 29 எம்.எல்.ஏ-க்களின் நிலைமை சிக்கலுக்கு உள்ளாகி இருக்கிறது. ‘இந்த ஆட்சியை நீதிமன்றம் தீர்மானிக்கட்டும், நாமாக எதுவும் செய்ய வேண்டாம்’ என்று மத்திய அரசு நினைப்பதாகவும் சொல்கிறார்கள்’’ என்றபடி கழுகார் பறந்தார்.

அட்டை ஓவியம்: கார்த்திகேயன் மேடி

பெயர் மாற்றம்... பின்னணியில் அதிகாரிகள்!

மிழக அரசின் சார்பில் டெல்லியில் செயல்பட்டு வரும் விருந்தினர் இல்லத்தின் பெயர், தமிழ்நாடு இல்லம். அந்தப் பெயரை, ‘வைகைத் தமிழ் இல்லம்’, ‘பொதிகைத் தமிழ் இல்லம்’ என மாற்றியது தமிழக அரசு. ‘தமிழ்நாடு’ என்ற பெருமையும், அருமையும் மிக்க சொல்லை மறைக்கத் துணிந்துள்ள அ.தி.மு.க அரசுக்கு, எதிர்க்கட்சிகள் கடும் எதிர்ப்பு தெரிவித்துள்ளன. இந்த முடிவைத் தமிழக அரசு எடுப்பதற்கு என்ன காரணம்? தமிழ்நாடு இல்லத்தில் ரெசிடென்ஷியல் கமிஷனராக ஜஸ்பீர் சிங் பஜாஜ் என்ற ஐ.ஏ.எஸ் அதிகாரி இருக்கிறார். சின்னதுரை என்பவர்தான் தமிழ்நாடு இல்லத்தின் வரவேற்பாளராகப் பணியாற்றினார். ஜஸ்பீர் சிங் பஜாஜுக்கு இவர் ‘ஆல் இன் ஆல்’ ஆகச் செயல்பட்டு வந்தார். அதனால் சின்னதுரை, துணை ரெசிடென்ஷியல் கமிஷனராக நியமிக்கப்பட்டார். ஐ.ஏ.எஸ் அதிகாரிகள் மட்டுமே வகிக்கவேண்டிய அந்தப் பொறுப்பில் சின்னதுரை நியமிக்கப்பட்டதற்கு விமர்சனங்கள் எழுந்தன. இந்த நிலையில், முருகானந்தம் என்ற இன்னொரு ஐ.ஏ.எஸ் அதிகாரியை நியமித்தார்கள். அதன்பின், பழைய தமிழ்நாடு இல்லத்தை முருகானந்தமும் புதிய தமிழ்நாடு இல்லத்தை ஜஸ்பீர் சிங் பஜாஜும் நிர்வாகம் செய்து வந்தனர்.

1960-களில் கட்டப்பட்ட பழைய தமிழ்நாடு இல்லத்தை இடித்துவிட்டு, புதிய கட்டடம் கட்ட வேண்டும் என்பது பலரின் விருப்பம். ஆனால், இதற்குத் தமிழ்நாடு இல்லத்தைச் சேர்ந்த அதிகாரிகள் முட்டுக்கட்டைப் போடுகிறார்கள். பழைய கட்டடத்தை அவ்வப்போது செப்பனிடும் வேலைகளில் அதிகாரிகள் காட்டில் அடை மழை. புதிய கட்டடம் கட்டினால், இப்படியான பணிகள் எதையும் இவர்களால் செய்ய முடியாது. புதிய கட்டடத்தைக் கட்டும் முடிவை அரசு எடுத்துவிடக் கூடாது என்பதற்காக, இரண்டு கட்டடங்களுக்கும் தனித்தனி பெயர்கள் வைக்கும் யோசனையை இவர்கள் தெரிவித்தனர். இப்படி தமிழ்ப் பெயர் வைக்கும் விஷயம், தமிழ் ஆட்சி மொழி, தமிழ் பண்பாட்டுத் துறை அமைச்சர் பாண்டியராஜன் கவனத்துக்குப் போகவில்லையாம்.

p44a_1517926520.jpg

முன்னாள் அமைச்சர் நேருவின் தம்பி ராமஜெயம் படுகொலையைத் துப்பறிய சி.பி.ஐ களமிறங்கிவிட்டது. ஏற்கெனவே இந்த வழக்கை விசாரித்த சி.பி.சி.ஐ.டி போலீஸாரிடம் சி.பி.ஐ அதிகாரிகள், ‘‘சரிவர விசாரிக்காமல் எதையாவது விட்டீர்களா?’’ என்று கேட்டார்கள். ‘‘ஆமாம். நேருவையும் அவரின் குடும்பத்தைச் சேர்ந்த சிலரையும் சரிவர விசாரிக்கவில்லை’’ என்றார்களாம் சி.பி.சிஐ.டி போலீஸார். இதையடுத்து, சி.பி.ஐ-யின் சம்மன் விரைவில் அவர்களுக்குப் போகப்போகிறதாம்.

‘‘வாரியப்பதவி, கட்சிப்பதவியெல்லாம் வாங்கித் தருகிறேன்’’ என்று ஓ.பன்னீர்செல்வம் சொன்ன வாக்குறுதியை நம்பி அவருடைய அணியில் முக்கியஸ்தர்கள் பலர் இதுநாள் வரை இருந்தனர். ஆனால், இதுபற்றி கேட்டாலே... மௌனத்தைப் பதிலாகத் தருகிறாராம் ஓ.பன்னீர்செல்வம். வேறு வழியில்லாமல் தினகரன் வீடு இருக்கும் பெசன்ட் நகர் பக்கம் படையடுக்கத் தயாராகி விட்டார்களாம்.

தமிழகத்தின் அனைத்து மாவட்டங்களிலும் எம்.ஜி.ஆர் நூற்றாண்டு விழாக்களைக் கொண்டாடி முடித்துவிட்டார் முதல்வர் எடப்பாடி. இறுதியாக, சென்னையில் நடத்தவேண்டியதுதான் பாக்கி. அதில் கலந்துகொள்ள பிரதமர் நேரம் ஒதுக்காமல் தவிர்த்து வருவது தனிக்கதை. விழாச் செலவு, விளம்பரங்கள் என்று ரூ.10 கோடி ஒதுக்கப்பட்டிருக்கிறதாம். ஒருவேளை விழா நடந்தால், இந்தப்பணிகளைச் சம்பந்தப்பட்டவர்களுக்கு ஒதுக்க இப்போதே கமிஷன் கேட்கிறாராம் அரசு அதிகாரி ஒருவர்.  

அண்ணா அறிவாலயத்தில் நடந்த மாவட்டவாரியான ஆலோசனைக் கூட்டத்தில், தீர்வு காணும் பெட்டியை மு.க.ஸ்டாலின் வைக்கச் சொன்னார். அதில், நிர்வாகிகளின் புகார்க் கடிதங்கள் குவிந்தன. அவற்றில் 10 கடிதங்களைப் படித்த மு.க.ஸ்டாலின், சம்பந்தப்பட்டவர்களை அழைத்து ‘‘மார்ச் மாதத்துக்குள் திருந்தவில்லையென்றால் கல்தா நிச்சயம்’’ என்று எச்சரித்து அனுப்பினாராம். 

ரஜினியை அவரது உள்வட்டத்தில் இருக்கும் யாரோ குழப்பி வருகிறார்களாம். உறுப்பினர் சேர்ப்புக்காக உருவாக்கப்பட்ட ‘ஆப்’ சொதப்பிவருகிறதாம். ஏகப்பட்ட டெக்னிக்கல் பிரச்னை. அதனால், விண்ணப்பங்களை லட்சக்கணக்கில் அச்சடித்து வெளியூர் மன்றங்களுக்கு அனுப்பி வருகிறார்களாம். நண்பர்கள் ஆலோசனையைமீறி திடீரென்று ‘ஆப்’ அறிமுகம் செய்ததுதான் தவறு என ஃபீல் பண்ணுகிறார் ரஜினி.

https://www.vikatan.com

Categories: Tamilnadu-news

மன்னிப்பு கோரிய நித்தியானந்தா

Tue, 06/02/2018 - 14:26
மன்னிப்பு கோரிய நித்தியானந்தா

nithyanantha.jpg?resize=790%2C250
மதுரை ஆதீனமாக அறிவித்ததை திரும்ப பெறுவதாக கூறி உயர்நீதிமன்றின் மதுரை கிளையில் மனு தாக்கல் செய்துள்ள நித்தியானந்தா, தனது செயலுக்கு மன்னிப்பு கோரியுள்ளார். மதுரை ஆதீனத்தின், 293-வது ஆதீனமாக நித்யானந்தா தன்னைத்தானே அறிவித்துக்கொண்டதை எதிர்த்து உயர்நீதிமன்ற மதுரை கிளையில், மதுரையைச் சேர்ந்த ஜெகதலபிரதாபன் என்பவர் வழக்கு தொடர்ந்தார்.

இந்த வழக்கை விசாரித்த உயர்நீதிமன்ற ம், மதுரை ஆதீனத்துக்குள் செல்ல நித்யானந்தாவுக்கு இடைக்கால தடை விதித்தது. இந்த வழக்கிற்கு நித்யானந்தா பதில் மனு தாக்கல் செய்த நித்தியானந்தா தான் மதுரை ஆதீனத்தின் 293-வது மடாதிபதி எனவும் ஒருமுறை இளைய ஆதீனமாக நியமிக்கப்பட்டால், அவர் வாழ்நாள் முழுவதும் இளைய ஆதீனமாகவே தொடர்வார். அந்த நியமனத்தை எவராலும் ரத்துசெய்ய முடியாது எனவும் தெரிவித்திருந்தார். .

இந்த பதில் மனுவில், 293-வது ஆதீனம் என்று குறிப்பிட்டதை திரும்பப் பெற்றுக் கொண்டு, புதிய பதில் மனுவை தாக்கல் செய்யவேண்டும எனவும் 292-வது ஆதீனம் இருக்கும்போது, 293-வது ஆதீனம் என்று எப்படி குறிப்பிட முடியும் எனவும் உயர்நீதிமன்றம் கேள்வி கேட்டு உத்தரவிட்டிருந்தது. குறித்த வழக்கு கடந்த 29ம் திகதி விசாரணைக்கு வந்த போது பதில் மனு தாக்கல் செய்ய நித்யானந்தா தரப்பு வக்கீல் கால அவகாசம் வேண்டும் என்று கேட்டார்.

இதற்கு கடும் கண்டனம் தெரிவித்த நீதிபதி பதில் மனுவை தாக்கல் செய்யாமல், இழுத்தடிக்கும் நித்யானந்தாவை கைது செய்து, நீதிமன்றில் முன்னிலைப்படுத்த உத்தரவிடுவேன் என எச்சரித்திருந்தார்.

இந்த நிலையில், குறித்த வழக்கு இன்று மீண்டும் விசாரணைக்கு வந்த போது பதில் மனு தாக்கல் செய்த நித்யானந்தா 293-வது குரு மகாசன்னிதானம் என்று அறிவித்துக் கொண்டதை திரும்பப் பெற்றுக் கொள்கிறேன் எனத் தெரிவித்ததுடன் அதற்காக நிபந்தனையற்ற மன்னிப்பு கோருகிறேன் எனவும் தெரிவித்தார்.

http://globaltamilnews.net/2018/65585/

Categories: Tamilnadu-news

ஹார்வர்டு தமிழ் இருக்கைக்கு தி.மு.க சார்பில் ஒரு கோடி ரூபாய் நிதி..!

Tue, 06/02/2018 - 14:10
ஹார்வர்டு தமிழ் இருக்கைக்கு தி.மு.க சார்பில் ஒரு கோடி ரூபாய் நிதி..!
 
 

ஹார்வர்டு பல்கலைக்கழகத்தில் தமிழ் இருக்கை அமைவதற்குத் தி.மு.க சார்பில் ஒரு கோடி ரூபாய் அளிக்கப்படும் என்று மு.க.ஸ்டாலின் தெரிவித்துள்ளார். 

stalin__N_06155_08416_19333.jpg

 

அமெரிக்காவிலுள்ள ஹார்வர்டு பல்கலைக்கழகத்தில் தமிழுக்கென்று தனி இருக்கை அமைப்பதற்கு 40 கோடி ரூபாய் நிதி தேவைப்பட்டது. அதற்கு, உலகம் முழுவதுமுள்ள தமிழர்கள் நிதி திரட்டி வந்தனர். தமிழக அரசு சார்பில், ஹார்வர்டு தமிழ் இருக்கைக்கு 10 கோடி ரூபாய் வழங்கப்பட்டது. மேலும் ஒரு கோடி ரூபாய் தேவைப்பட்ட நிலையில், தி.மு.க சார்பில் ஒரு கோடி ரூபாய் வழங்கப்படும் என்று தி.மு.க செயல்தலைவர் மு.க.ஸ்டாலின் அறிவித்துள்ளார்.

இதுதொடர்பாக அவர் வெளியிட்டுள்ள அறிக்கையில், `தமிழ் மொழியின் மேம்பாட்டுக்கும் முதன்மைக்காகவும் போராடும் கருணாநிதி சார்பில் நிதியுதவி அளிக்கப்படுகிறது. ஹார்வர்டு பல்கலைக்கழகத்தில் தமிழுக்கு கிடைக்கப்போகும் இருக்கை என்பது ஒவ்வொரு தமிழருக்கும் கிடைக்கும் பெருமிதம். ஹார்வர்டில் விரைவில் தமிழ் இருக்கை அமைந்து தேன் அமுதத் தமிழோசை உலகமெல்லாம் பரவுதற்கு உலகத் தமிழர்கள் சார்பில் வாழ்த்துகளைத் தெரிவித்துக்கொள்கிறேன். உயர் நீதிமன்றம், மத்திய அரசு அலுவலகங்களில் தமிழ் அரியணை ஏறியே தீரும். ஹார்வர்டு தமிழ் இருக்கைக்கு தி.மு.க சார்பில் ஒரு கோடி ரூபாய் நிதி உதவி வழங்கப்படும்' என்று குறிப்பிட்டுள்ளார். 

https://www.vikatan.com/news/tamilnadu/115663-mkstalin-announces-dmk-will-give-one-crore-rupees-for-harvard-university-tamil-bench.html

Categories: Tamilnadu-news

“எல்லாம் தருவோம். ஆனால்...” - எடப்பாடி தூது... நிராகரித்த சசிகலா!

Sat, 03/02/2018 - 11:27
மிஸ்டர் கழுகு: “எல்லாம் தருவோம். ஆனால்...” - எடப்பாடி தூது... நிராகரித்த சசிகலா!
 
 

 

p2a_1517578740.jpgழுகார் சொல்லியிருந்தபடி செய்தித்தாள் ஃபைலை டேபிளில் எடுத்து வைத்து விட்டுக் காத்திருந்தோம். வந்ததும் அதைப் புரட்டிய கழுகார், ‘‘ஈ.வி.கே.எஸ்.இளங்கோவன், ‘சிறையில் சசிகலாவுக்கு சலுகைகள் பெற்றுத் தரவே முதல்வர் எடப்பாடி பழனிசாமி பெங்களூரு செல்கிறார்’ என்று சொல்லியிருப்பதைக் கவனித்தீரா?’’ என்றார்.

‘‘காவிரி நீரைக் கேட்கத்தானே முதல்வர் பெங்களூரு போகிறார்?’’ என்றோம்.

‘‘ஆமாம். ஆனால், அதைத்தாண்டி ஏதோ விஷயங்கள் இளங்கோவனுக்குத் தெரிந்திருக்கிறது.’’

‘‘சுற்றிவளைத்து ஏதோ சொல்ல வருகிறீர். அதை நேரடியாகவே சொல்லும்!’’ என்றோம்.

‘‘2017 ஏப்ரலில்தான் தினகரனுக்கும், எடப்பாடி தலைமையிலான கோஷ்டிக்கும் முட்டிக்கொண்டது. அதற்குச் சில நாள்களுக்கு முன்பாக, பரப்பன அக்ரஹாரா சிறையில் இருக்கும் சசிகலாவுக்கு எடப்பாடி ஒரு கடிதம் கொடுத்தனுப்பினார். தினகரன் தங்களுக்குக் கொடுக்கும் நெருக்கடிகளை அதில் பட்டியலிட்ட அவர், ‘உங்கள் தலைமையை ஏற்கிறோம். ஆனால், தினகரனை ஒதுங்கியிருக்கச் சொல்லுங்கள்’ என்று கேட்டிருந்தார். மின்துறை அமைச்சர் தங்கமணியின் ஏற்பாட்டில், ஓய்வு பெற்ற சிறைத்துறை அதிகாரி ஒருவர் மூலமாக ரகசியமாக அந்தக் கடிதம் சசிகலா கையில் கொண்டு சேர்க்கப் பட்டது.’’

‘‘சரி, அதற்கு என்ன ரியாக்‌ஷன்?’’

‘‘இந்த விஷயம் தினகரன் வழியாக சசிகலாவுக்கு முன் கூட்டியே தெரிந்துவிட்டது. அவர் அந்தக் கடிதத்தைப் பிரித்துக்கூட பார்க்கவில்லை. கோபத்தோடு அதைத் திருப்பிக் கொடுத்தவர், ‘எனக்கு உத்தரவு போடுகிற இடத்துல இருக்கறதா அவங்களுக்கு நினைப்பு வந்துடுச்சா? இந்த அதிகாரத்தை அவர்களுக்கு யார் கொடுத்தது?’ என்று கேட்டார். அத்துடன் அந்த சமாதான முயற்சி முறிந்துவிட்டது. அதன்பிறகு, எடப்பாடி அணியினர் தினகரனை ஒதுக்கி வைத்துத் தீர்மானம் போட்டார்கள்.’’

p2_1517578759.jpg

‘‘இந்தப் பழைய கதை இப்போது எதற்கு?’’

‘‘காரணம் இருக்கிறது. இதேபோன்ற ஒரு சமாதானத் தூது இப்போது திரும்பவும் நடந்திருக்கிறது. ‘ஆட்சியைத் தினகரன் கவிழ்த்துவிடுவார்’ என எடப்பாடி பயப்படவில்லை. நாற்காலிக்கு டெல்லி காவல் இருப்பதால், அவர் தைரியமாக இருக்கிறார். ஆனால், தினம் தினம் தினகரன் தரப்பு கொடுக்கும் குடைச்சல்களை அவரால் தாங்க முடியவில்லை. இப்போது தமிழ்நாடு முழுக்கச் சுற்றுப்பயணம் கிளம்பியிருக்கும் தினகரன், ஒவ்வோர் ஊரிலும் ஆளும்தரப்புக்கு எதிராகவே பேசப் போகிறார். அவர் வாயை அடைத்து, குடும்பத்துக்குள்ளேயே அவருக்குப் பிரச்னைகளைக் கொடுக்க வேண்டும் என்பதுதான் எடப்பாடியின் திட்டம்.’’

‘‘அதற்கு என்ன செய்தார்?’’

‘‘உருக்கமான ஒரு தூதுப் படலத்தை நிகழ்த்தினார் எடப்பாடி. ‘இத்தனை காலமாக தினகரனை மட்டுமே விமர்சனம் செய்தேன். உங்களுக்கு எதிராக ஒரு வார்த்தைகூடப் பேசவில்லை. இன்னமும் நான் உங்களுக்கு விசுவாசமாகத்தான் இருக்கிறேன். தினகரன் பேசும் விஷயங்களால் ஆட்சிக்கு மட்டுமில்லை, கட்சிக்கும் கெட்ட பெயர் ஏற்படுகிறது. இதைத் தடுக்க வேண்டும். இப்போதும் எதுவும் குறைந்து போய்விடவில்லை. தினகரனை ஒதுக்கிவையுங்கள். ஜெயலலிதா காலத்தில்கூட அவர் ஒதுக்கிதான் வைக்கப்பட்டிருந்தார். ஜெயலலிதா காலத்தில், உங்கள் குடும்பத்தில் மற்றவர்களுக்கு என்ன செல்வாக்கு இருந்ததோ, அது அப்படியே தொடரும். அவர்கள் எல்லோருக்கும் என்னென்ன மரியாதைகள் செய்துகொடுக்கப்பட்டனவோ, அவை எல்லாவற்றையும் மாதா மாதம் செய்யத் தயாராக இருக்கிறோம்’ என்று எடப்பாடி சொல்லியிருக்கிறார்.’’

‘‘இதைக் கடிதமாக அனுப்பினாரா?’’

‘‘இல்லை. சிறையிலும், சிறைக்கு வெளியிலும் இருக்கும் தினகரனின் ஆட்களுக்குத் தெரியாமல் இந்தத் தகவலை சசிகலாவுக்குக் கொண்டுசேர்க்க ஏற்பாடு செய்தார். முதலில் சசிகலாவின் தம்பி திவாகரன் மூலமாக இந்தத் தூதுப் படலத்தைச் செய்ய ஏற்பாடு நடந்தது. ஆனால், ‘தினகரனின் கோபத்துக்கு ஆளாவோம்’ என்ற தயக்கத்தில் அவர் பின்வாங்கிவிட்டார். அதன்பின் எடப்பாடிக்கு எல்லாமுமாக இருக்கும் சேலம் பிரமுகர் ஒருவர், எப்படியோ ஆளைப் பிடித்து சசிகலாவுக்கு இந்தத் தகவலைக் கொண்டுபோய்  சேர்த்தார்.’’

‘‘அதற்கு என்ன பதில் கிடைத்தது?’’

‘‘முன்புபோலவே இப்போதும் சசிகலா அதை நிராகரித்துவிட்டார். அவர் தினகரனை விட்டுக் கொடுக்கத் தயாராக இல்லை. ‘எல்லா பக்கங்களி லிருந்தும் வரும் எதிர்ப்புகளைத் தாங்கிக்கொண்டு எனக்காக் கஷ்டப்படும் தினகரனை நான் எப்படி ஒதுக்கி வைக்க முடியும்? கட்சியையும் ஆட்சி யையும் எப்படி எங்கள் கைகளுக்குக் கொண்டு வருவது என்பதை நாங்கள் பார்த்துக்கொள்கிறோம்’ என்று சொல்லிவிட்டாராம்.’’

p2c_1517578853.jpg

‘‘இனி என்ன செய்வார் எடப்பாடி?’’

‘‘அவரின் கவனம் முழுக்க ‘பட்ஜெட் கூட்டத் தொடரின்போது ஆட்சியைக் காப்பாற்றுவது எப்படி’ என்பதில்தான் இருக்கிறது. தொலை நோக்குப் பார்வையோடு இப்போதே சிந்திக்கிறார். தினகரன் பக்கம் போன 18 எம்.எல்.ஏ-க்கள் தகுதி நீக்க வழக்கில் சென்னை உயர் நீதிமன்றம் விரை வில் தீர்ப்பு கொடுத்துவிடும் என நம்புகிறார் அவர். ‘அவர்களைத் தகுதிநீக்கம் செய்தது செல்லாது எனத் தீர்ப்பு வருவதற்கான வாய்ப்பு அதிகம்’ என வழக்கறிஞர்கள் தரப்பில் அவருக்குச் சொல்லப்பட்டது. அப்படி வந்தாலும் அதை எதிர்கொள்ளத் தயாராகவே இருக்கிறார்.’’

‘‘எப்படி?’’

‘‘தகுதிநீக்கம் செய்யப்பட்டவர்களில் ஐந்து பேர் தவிர மற்றவர்கள், தீர்ப்புக்குப் பிறகு தன் பக்கம் வந்துவிடுவார்கள் என நம்புகிறார் அவர். அவர்களுக்கு இப்போதே எடப்பாடி தரப்பிலிருந்து தூது போகிறது. ‘ஏற்கெனவே பல மாதங்களாக எல்லாவற்றையும் இழந்துவிட்டீர்கள். பழையபடி இந்தப் பக்கம் வந்தால் உரிய மரியாதை கிடைக்கும். இல்லாவிட்டால், இந்த வழக்கில் உச்ச நீதி மன்றத்தில் மேல்முறையீடு செய்வோம். மேலும் சில மாதங்கள், எதுவும் இல்லாமல் கஷ்டப்பட வேண்டியிருக்கும்’ எனச் சபலத்தை ஏற்படுத்து கிறார்களாம். இதற்கு நல்ல பலன் இருக்கும் என்கிறார்கள்’’ என்ற கழுகார், ‘‘உமக்குக் கோயில் விவகாரம் ஒன்றைச் சொல்கிறேன்’’ என்றார். 

‘‘காஞ்சிபுரம் ஏகாம்பரேஸ்வரர் கோயில் விவகாரமா?’’ என்றோம்.

‘‘ஷார்ப்பாக இருக்கிறீர்’’ எனப் பாராட்டிய கழுகார், ‘‘பொதுவாக ஐம்பொன் சிலைகளை வடிக்கும்போது, அதில் குறிப்பிட்ட அளவு தங்கத்தையும் சேர்ப்பார்கள். சிலையின் முகத்தில் தங்கம் சேர்ந்து ஒளியைக் கூட்டும் என்பதற்காகத் தான் இந்த நடைமுறை. இதற்கு நன்கொடை யாளர்களிடம் தங்கத்தை வசூலிப்பார்கள். அறநிலையத்துறைக்குச் சொந்தமான கோயில் களின் திருப்பணி, சிலைகள் செய்வது போன்ற வற்றுக்கெல்லாம் அந்தத் துறையிலிருந்து பணம் ஒதுக்கப்படுவதில்லை. இப்படி நன்கொடையாளர் களை வைத்துதான் காலத்தை ஓட்டுகிறார்கள்.’’

‘‘அறநிலையத்துறையில் கொட்டிக்கிடக்கும் பணத்தில் அதிகாரிகளுக்கு, அமைச்சர் களுக்கெல்லாம் கார் உள்ளிட்ட சொகுசு விஷயங்களைச் செய்துகொள்கிறார்கள். ஆனால், கோயில்களுக்குச் செலவு செய்ய மட்டும் பணம் இல்லையா?’’

‘‘பணம் இருந்தாலும் மனமில்லை. நன்கொடை என்கிற பெயரில் வாங்கினால்தானே அதிலும் ‘மஞ்சள் குளிக்க முடியும்’. அந்த வகையில்தான் காஞ்சிபுரத்தில் ஏகாம்பரேஸ்வரர் கோயிலில் சோமாஸ்கந்தர் சிலையைச் செய்வதற்கும் ‘நன்கொடை’ என்ற பெயரில், ஏகப்பட்ட பேரிடம் தங்கத்தை வசூலித்துள்ளனர். பொதுவாக, தங்கம் உள்பட ஐந்து உலோகங்களையும் ஒன்றாக உருக்கி, அச்சில் ஊற்றித்தான் சிலையை வார்ப்பார்கள். இதில் தங்கம் மட்டும் முகத்துக்கு சென்று சேரும் என்று ஒரு நம்பிக்கை. குறைந்தபட்சம் ஆறு கிலோ தங்கமாவது இந்தச் சிலையில் சேர்க்கப்பட்டிருக்க வேண்டும். ஆனால், துளிகூட சேர்க்கப்படவில்லை. புதிதாக சிலை செய்வதற்கு முன்னதாக, தமிழக அரசின் அறநிலையத் துறையில் தலைமை ஸ்தபதியாக இருக்கும் முத்தையா ஸ்தபதியை அழைத்துக் கருத்துக் கேட்டார்கள். ‘பழைய சிலையில் 75 சதவிகித தங்கம் உள்ளது. அதேபோல புதிதாக ஒரு சிலையை அதிக தங்கம் கலந்து செய்யலாம்’ என்று பரிந்துரைக் கடிதத்தைக் கொடுத்துவிட்டார். அதை வைத்துக்கொண்டுதான் 100 கிலோ வரை தங்கம் வசூல் செய்ததாகச் சொல்லப்படுகிறது. இந்த நிலையில்தான், ஆய்வாளர்களை அழைத்து வந்து சோதனை போட வைத்து, புதிய சிலையில் துளிக்கூட தங்கம் இல்லை என்பதைக் கண்டுபிடித்துவிட்டார் சிலைக் கடத்தல் தடுப்புப் பிரிவு ஐ.ஜி-யான பொன்.மாணிக்கவேல்.”

‘‘அட ஈஸ்வரா!’’

‘‘இதையும் கேளும். அரசர்கள் காலத்தில் செய்யப்பட்ட பழைய சோமாஸ்கந்தர் சிலை ‘பின்னமாகி’விட்டது என்று சொல்லி, அதற்கு மாற்றாகத்தான் புதிய சிலையைச் செய்தார்கள். பழைய சிலையில் அந்தக்காலத்தில் நிறைய தங்கம் சேர்த்துதான் செய்திருப்பார்கள். ஆனால், தற்போது ஓரங்கட்டி வைக்கப்பட்டிருக்கும் அந்தப் பழைய சிலையிலும், துளிகூட தங்கம்  இல்லை எனத் தெரியவந்துள்ளது. அதனால், பழைய  சிலையை விற்பனை செய்துவிட்டு, அதேபோல ஒரு சிலையைச் செய்துவைத்து விட்டனரோ என்கிற சந்தேகமும் எழுந்துள்ளது. எனவே, புதிதாக சோமாஸ்கந்தர் சிலையைச் செய்வதற்கு அனுமதி கொடுத்தது, அதற்கான ஆட்களைத் தேர்ந்தெடுத்துக் கொடுத்ததன் பின்னணியில் இருந்தது, தங்கம் இல்லை என்று தெரிந்தபிறகும் அதை மூடிமறைப்பதுபோல சான்றிதழ் கொடுத்தது, மரபுப்படி கோயிலிலேயே வைத்துச் சிலையைச் செய்யாமல் வெளியிடத்தில் வைத்துச் செய்தது என்று பல விஷயங்களும் சேர்ந்துகொள்ள, இந்த விஷயத்தில் முதல் குற்றவாளி என்று முத்தையா ஸ்தபதி மீதே வழக்குப் பதியப்பட்டுவிட்டது.’’

p2aa_1517578822.jpg

‘‘புகழ்பெற்ற ஸ்தபதியாயிற்றே... அவர் மீது அத்தனை எளிதாகவா வழக்குப் பதிந்தார்கள்?’’

‘‘சரியாகக் கேட்டீர். தமிழக அமைச்சரவையில் ‘பணிவு செல்வமாக’ இருக்கும் ஒருவருக்கும் இந்த ஸ்தபதி நெருக்கமோ நெருக்கம். அதை வைத்து, பொன்.மாணிக்கவேலை மடக்கப் பார்த்துள்ளனர். ஏற்கெனவே அவர் வேறு துறைக்கு மாற்றப்பட்டு, உயர் நீதிமன்ற உத்தரவுப்படிதான் பழையபடி சிலை கடத்தல் வழக்குகளையெல்லாம் பார்த்துவருகிறார். அதனால், அவரை இந்த வழக்கு விசாரணையிலிருந்து விலகி யிருக்கவும் செய்ய முடியாது. எனவே, கையைப் பிசைந்து கொண்டிருக்கிறார்களாம்.

அறநிலையத் துறையில் உள்ள ஓர் அதிகாரி, ஸ்தபதிக்கு மிகவும் நெருக்கம். அந்த அதிகாரி மன்னார்குடி குடும்பத்துக்கு நெருக்கம். அதனால் பழைய தொடர்புகளை வைத்து ஸ்தபதியைக் காப்பாற்ற முயற்சி செய்கிறாராம்.’’
‘‘ஸ்தபதியைக் காப்பாற்ற அந்த அதிகாரி எதற்காகத் துடிக்க வேண்டும்?’’

‘‘அதைப் பற்றித் தகவல் இல்லை. ஆனால், அந்த அதிகாரியின் மகன் செய்துவரும் பளபளா தொழிலில் ஏகப்பட்ட பணம் முதலீடு செய்யப் பட்டிருக்கிறது. அந்த அதிகாரிக்குப் புதிதாக ஓர் அப்பார்ட்மென்ட் வாங்கித் தரப்பட்டுள்ளது என்றெல்லாம் புகார்கள் குவிந்துள்ளனவாம். அவையனைத்தையும் தற்போது போலீஸார் தோண்டித் துருவ ஆரம்பித்துள்ளனர் என்று கேள்வி. ஸ்தபதி என்றாலே ஆன்மிகத் தொடர்புகளும் அதிகம் இருக்கும். அந்த வகையில், ஒரு மடத்தைச் சேர்ந்தவர்களும் ஸ்தபதியைக் காப்பாற்றும் வகையில், பி.ஜே.பி தொடர்புகளை வைத்து, மாநில அரசுக்கு ஏக பிரஷர் கொடுத்து வருகிறார்களாம்.’’

‘‘தலைமறைவாக இருந்த ஸ்தபதியைக் கைதுசெய்ய தற்போது நீதிமன்றம் தடை விதித்துவிட்டதே?’’
 
‘‘ஒரு மாதமாக தலைமறைவு என்கி றார்கள். ஆனால், ஜனவரி 23-ம் தேதி சென்னையில் உள்ள அறநிலையத் துறை தலைமை அலுவலகத்தில் நடந்த ஸ்கிரீனிங் கமிட்டி கூட்டத்தில் ஸ்தபதி பங்கேற்றிருக்கிறார். தமிழகம் முழுக்க உள்ள பழைய கோயில்களில் திருப்பணி செய்வது பற்றிய கூட்டம் அது. மூன்று நாள்களுக்குக் கூட்டம் திட்டமிடப்பட்டிருந்தது. ஆனால், முதல் நாளிலேயே ஏகப்பட்ட ஃபைல்களைப் பார்த்து ஒப்புதல் கொடுத்தாராம். என்ன நினைத்தார்களோ... அடுத்த இரண்டு நாள்களுக்கான கூட்டத்தை ரத்து செய்துவிட்டார்களாம் அதிகாரிகள்’’ என்ற கழுகார் பறந்தார்.

படங்கள்: ஆ.முத்துக்குமார், பா.ஜெயவேல்

p2aaa_1517578787.jpg

சென்னை தலைமைச் செயலகத்தில் ரஜினியின் ஆதரவாளராக சில ஐ.ஏ.எஸ் அதிகாரிகள் ஆகிவிட்டது தனிக்கதை. இவர்களுடன் தொடர்பில் உள்ள மன்றத்தைச் சேர்ந்த ‘பாஸ்’ ஒருவர் சில நாள்களுக்கு முன்பு, உறுப்பினர் சேர்க்கைக்காகத் தலைமைச் செயலகம் போனாராம். கத்தை கத்தையாக படிவங்களைப் பிரித்ததும், அங்கிருந்த கட்சி சார்புள்ள ஊழியர்கள் கடும் எதிர்ப்பு தெரிவித்தார்களாம். ‘‘அரசு ஊழியர்கள் எந்த மன்றத்திலும் உறுப்பினர் ஆகக்கூடாது’’ என்று எச்சரித்தார்களாம். கும்பலில் இருந்த பெண் அதிகாரி ஒருவர், ‘‘அரசு அலுவலர் குடியிருப்புப் பகுதிக்கு மாலையில் வாருங்கள். யார் தடுக்கிறார்கள் என்று பார்ப்போம்’’ என்று தீர்மானமாகச் சொல்ல... எதிர்ப்பு தெரிவித்த ஊழியர்கள், பேச முடியாமல் நின்றார்களாம்.

சென்னை எழும்பூரில் சிறைத்துறையின் தலைமை அலுவலகக் கட்டடம் செயல்படுகிறது. இங்கு பணிபுரியும் அதிகாரிகளுக்கு அடிக்கடி பிரச்னைகள் ஏற்பட்டிருக்கின்றன. ‘ஏன் இப்படி ஆகிறது?’ என்று சிலர் விசாரித்தார்களாம். ‘‘இந்தக் கட்டடம்தான் பிரச்னைக்குக் காரணம்’’ என அப்போது சொன்னார்களாம். மூன்று வருடங்களுக்கு முன்பு, இந்த இடத்தில் இடுகாடு இருந்ததாம். அலுவலகக் கட்டடம் கட்ட அஸ்திவாரம் தோண்டியபோது, மூன்று எலும்புக்கூடுகளைக் கண்டெடுத்தார்களாம். இடுகாட்டைத் தூர்த்துக் கட்டடம் கட்டியதால்தான் இந்தமாதிரி விளைவுகள் ஏற்படுவதாக சிறைத்துறையினர் மிரண்டு கிடக்கிறார்கள்.

கரூரில் அன்புநாதன் வீட்டில் வருமானவரித் துறை ரெய்டு நடந்தபோது, தமிழக முதல்வரிசை போலீஸ் அதிகாரி ஒருவர் குடும்பத்தோடு துபாய்க்குச் சுற்றுலா சென்று வந்தது பற்றிய ஆவணங்கள் சிக்கியுள்ளன. ‘அந்தச் சுற்றுலாவுக்கும் அன்புநாதனுக்கும் என்ன தொடர்பு?’ என்பதுதான் தமிழக போலீஸ் வட்டாரத்தில் லேட்டஸ்ட் பரபரப்பு. 

போலீஸ் துறையில் குட்கா விவகாரம் சீரியஸாகி வரும் இந்த நேரத்தில், இதில் இணைத்துப் பேசப்பட்ட முன்னாள் டி.ஜி.பி-யான ஜார்ஜ் அமெரிக்கா விசிட் போய்விட்டாராம். ‘‘அவர், மகன்களுடன் அங்கேயே ஓய்வுக்காலத்தைக் கழிக்க முடிவெடுத்திருக்கிறார்’’ என்கிறார்கள் அவருக்கு நெருக்கமானவர்கள். தமிழகத்தில் போலீஸ் பணியில் இருந்த காலத்தில் விடுமுறை எடுத்துக்கொண்டு அமெரிக்கா போய் எம்.பி.ஏ படித்தார் அவர். அதைவைத்து அங்குள்ள பிரபல பல்கலைக்கழகம் ஒன்றில் பேராசிரியர் ஆகவும் திட்டமிட்டிருக்கிறார்.

மத்திய அரசு கொண்டுவந்த புதிய சட்டப்படி, ஒவ்வொரு மாநிலத்திலும் ரியல் எஸ்டேட் ஒழுங்குமுறை ஆணையம் என்கிற புதிய அமைப்பு அமைக்கப்பட வேண்டும். இதன் தமிழகத் தலைவர் பதவிக்கு பலத்த போட்டி நிலவுகிறது. ரேஸில் உள்ளவர்களில் ஒருவர், தலைமைச் செயலாளர் கிரிஜா வைத்தியநாதன். இவர் ஓய்வுபெற, இன்னும் இரண்டரை ஆண்டுகள் இருக்கின்றன. அதற்கு முன்பே இந்தப் பதவியில் அமர்ந்தால் 65 வயது வரை இருக்கலாமாம். 

டி.வி நிகழ்ச்சிகளுக்கு ஸ்பான்ஸர் இருப்பது போல, போலீஸ் துறையிலும் ஸ்பான்ஸர்கள் புகுந்துவிட்டார்களாம். நம்பர் 2 பிசினஸில் ஈடுபட்டுள்ள பசையான பார்ட்டிகள் சிண்டிகேட் போட்டு, ‘‘இன்ன பதவிக்கு... இத்தனை ‘சி’ ரேட்’’ என்று ஏலம் விடுகிறார்களாம். அந்தவகையில், சென்னை மாநகரக் காவல் துறையில் முக்கியமான இரண்டு பதவிகளுக்கு 6 சி, 3 சி எனப் பசையான பார்ட்டிகள் ஸ்பான்ஸர் செய்துள்ளார்களாம். விரைவில் மாற்றம் நடக்கும் என்கிறார்கள்.

p2b_1517578722.jpg

அப்பாவுக்காக வழிபட்ட ஐஸ்வர்யா!

நெ
ல்லை மாவட்டம் கீழப்பாவூரில் ஸ்ரீநரசிங்க பெருமாள் கோயில் உள்ளது. அரசியல்வாதிகள் அதிகமாக வழிபடும் கோயில் இது. வழக்குச் சிக்கல்களிலிருந்து விடுதலை பெறவும், பதவிக்காகவும் இங்கு சிறப்பு வழிபாடு நடத்துவார்கள். ரஜினியின் மகள் ஐஸ்வர்யா இந்தக் கோயிலுக்கு வந்து வழிபட்டார். கோயிலில் சிறப்பு வழிபாடு செய்த அவர், தன் கணவர் தனுஷ் மற்றும் தந்தை ரஜினிகாந்த் பெயர்களில் அர்ச்சனை செய்தார். பின்னர் கோயில் வளாகத்திலேயே சிறிது நேரம் அமைதியாக அமர்ந்து தியானம் செய்த அவர், அங்கிருந்து புறப்பட்டார். ரஜினி அரசியலில் குதித்திருக்கும் நிலையில், இந்தக் கோயில் பற்றி நண்பர்கள்மூலம் தெரிந்துகொண்டு ஐஸ்வர்யா வந்ததாகச் சொல்கிறார்கள்.

https://www.vikatan.com

Categories: Tamilnadu-news