தமிழகச் செய்திகள்

பேரறிவாளனுக்கு பரோல்... விரைவில் வருகிறது அறிவிப்பு?!

Tue, 18/07/2017 - 18:26
பேரறிவாளனுக்கு பரோல்... விரைவில் வருகிறது அறிவிப்பு?!
 
 

பேரறிவாளன்

கால் நுாற்றாண்டு காலமாகச் சிறைவாசம் அனுபவித்துவரும் ராஜீவ்காந்தி கொலைவழக்கு குற்றவாளி பேரரறிவாளனுக்கு விரைவில் பரோல் வழங்க முடிவு செய்துள்ளது தமிழக அரசு.

முன்னாள் பிரதமர் ராஜீவ்காந்தி கொலைவழக்கில் பேரறிவாளன் உட்பட நால்வருக்கு விதிக்கபட்ட துாக்குதண்டனை சில ஆண்டுகளுக்கு முன் ஆயுள் தண்டனையாகக் குறைக்கப்பட்டது. இருபத்தி ஐந்து ஆண்டுகளுக்கும் மேல் சிறையிலேயே தங்கள் வாழ்வைக் கழித்துவரும் அவர்கள் நான்குபேரையும் விடுவிக்க வேண்டும் என்று தமிழகம் முழுவதும் பல்வேறு அமைப்புகளின் சார்பில் கோரிக்கை வைக்கப்பட்டது.

அதன்தொடர்ச்சியாக, கடந்த அ.தி.மு.க. ஆட்சியில் ராஜீவ் கொலைவழக்கில் குற்றவாளிகளை விடுதலை செய்வதற்கான தீர்மானத்தை அப்போதைய முதல்வர் ஜெயலலிதா கொண்டுவந்தார். அந்த தீர்மானம் சட்டசபையிலும்  நிறைவேற்றபட்டு மத்திய அரசுக்கு அனுப்பட்டது. ஆனால், மத்திய அரசு தங்கள் ஆலோசனையில்லாமல் யாரையும் விடுதலை செய்ய முடியாது என்று தெரிவித்து, நீதிமன்றத்திற்கு சென்று அவர்களின் விடுதலைக்கு முட்டுக்கட்டை போட்டுவிட்டது. நால்வரின் விடுதலை குறித்த சீராய்வு மனு தற்போது உச்சநீதிமனற்த்தில் நிலுவையில் உள்ளது. பேரரறிவாளனை விடுதலை செய்ய வேண்டும் என்று அவருடைய தாயார் அற்புதம்மாள் பல ஆண்டுகளாக சட்டப்போராட்டம் நடத்தி வருகிறார். முன்னாள் முதல்வர் ஜெயலலிதாவை நேரடியாக சந்தித்தும் கண்ணீர்மல்க மனு அளித்து, கோரிக்கை விடுத்தார். இப்போது முதல்வராக உள்ள எடப்பாடி பழனிசாமியையும் அற்புதம்மாள் சந்தித்து தனது மகனின் விடுதலை குறித்து கோரிக்கை வைத்தார். 'நீதிமன்றத்தில் வழக்கு உள்ளதால், தங்களால் எதுவும் செய்ய முடியாது' என்று முதல்வர் அப்போது கூறியுள்ளார். 

இருபத்தி ஆறு ஆண்டுகளாக என் மகனுக்கு பரோல்கூட வழங்கவில்லை. தமிழக அரசு நினைத்தால் பரோலாவது வழங்க முடியும். முதலில் பரோலில் ஆவது என் மகனை விடுங்கள் என்று தமிழக அரசுக்கு அற்புதம்மாள் கோரிக்கை வைத்திருந்தார். தற்பொது நடைபெற்று வரும் சட்டமன்ற கூட்டத்தொடரில் அ.தி.மு.க கூட்டணியில் போட்டியிட்டு சட்டமன்ற உறுப்பினராக உள்ள மனிதநேர ஜனநாயக கட்சியின் தமிமுன் அன்சாரி, கொங்கு இளைஞர் பேரவையின் தனியரசு, முக்குலத்தோர் புலிப்படையின் கருணாஸ் ஆகிய மூவரும் இந்த விவகாரத்தை எழுப்பிப் பேசினர். அதன் தொடர்ச்சியாக இந்த விவகாரம் குறித்து சிறப்பு கவனஈர்ப்பு தீர்மானமும் கொண்டுவரப்பட்டது. இந்நிலையில் பேரறிவாளனின் தாயார் அற்புதம்மாள் தலைமைச்செயலகத்தில் சட்டத்துறை அமைச்சர் சி.வி.சண்முகம் மற்றும் முதல்வர் எடப்பாடி பழனிசாமி ஆகியோரைச் சந்தித்து தனது மகனுக்கு பரோல் வழங்கவேண்டும் என்று கோரிக்கை வைத்தார். 

பேரறிவாளனுக்கு பரோல் வழங்குவது குறித்து தமிழக அரசும், ஏற்கனவே சட்ட நிபுணர்களுடன் ஆலோசனை நடத்தியுள்ளது. அற்புதஅம்மாளிடம் அமைச்சர் சி.வி.சண்முகம், “உங்கள் மகனின் பரோல் குறித்து சட்ட நிபுணர்களுடன் ஆலோசனை நடத்தி வருகிறோம். விரைவில் நல்ல முடிவு வெளியாகும்" என்று நம்பிக்கையோடு தெரிவித்துள்ளார். இதுபற்றி அரசுத்துறை வட்டாரங்களில் விசாரித்தபோது “பேரரறிவாளனுக்கு பரோல் வழங்க தமிழக அரசு முடிவு செய்துவிட்டது. ஒருமாத காலம் பரோலில் அவர் விடுவிக்கப்படலாம். அதற்கான அறிக்கை நாளை சட்டமன்றக் கூட்டத்தில் தெரிவிக்கப்படும். அதன்பின் முறையான அறிவிப்பு இந்த வாரத்திலேயே வெளிவந்துவிடும்” என்கிறார்கள். சட்டமன்ற உறுப்பினர் தனியரசு கூறுகையில், “இந்த வாரத்தில் பேரறிவாளன் பரோலில் வருவது உறுதி” என்று நம்பிக்கையோடு சொல்கிறார்.

 

கால் நுாற்றாண்டுக்குப் பின்னர் பேரறிவாளன் சிறையில் இருந்து வெளியே வருவார் என எதிர்பார்க்கலாம்!

http://www.vikatan.com/news/tamilnadu/96008-parole-for-rajiv-case-convict-perarivalan.html

Categories: Tamilnadu-news

இந்த நாளை எப்படி மறந்தோம்... தமிழக அரசு கொண்டாட மறந்த ’பொன்விழா’

Tue, 18/07/2017 - 17:01
இந்த நாளை எப்படி மறந்தோம்... தமிழக அரசு கொண்டாட மறந்த ’பொன்விழா’
 

’தமிழ்நாடு’ என்னும் பெயருக்கு அங்கீகாரம் கிடைத்த நாள், இன்று. 1967-ம் ஆண்டு ஜூலை 18 அன்றுதான், தமிழக சட்டமன்றத்தில் “ ‘சென்னை மாகாணம்’ என்ற பெயரை ‘தமிழ்நாடு’ என்று மாற்றுவதற்கு அரசியல் சட்டத் திருத்தம் கொண்டு வரவேண்டும்” என்கிற தீர்மானம் கொண்டுவரப்பட்டது. அந்தத் தீர்மானம் கொண்டுவந்து இன்றுடன் 50 ஆண்டுகள் நிறைவுபெற்றுள்ளது. 

madras
 

தமிழக வரலாற்றில் மிக முக்கியமான நாள். தமிழக அரசும் அரசியல் கட்சிகளும் இந்த நாளை கொண்டாடத் தவறிவிட்டது. தற்போது,  தி.மு.க-வின் செய்தித்தொடர்பாளராக  இருக்கும் வழக்கறிஞர் கே.எஸ்.ராதாகிருஷ்ணன்,  தமிழ்நாடு உருவான  வரலாற்றை 2006-ம் ஆண்டு புத்தகமாக வெளியிட்டு, பிரமாண்ட விழாவாகக் கொண்டாடினார். அதன் பிறகு, இந்த தினத்தை விமரிசையாக யாரும் கொண்டாடவில்லை. இதுகுறித்து ராதாகிருஷ்ணனைத் தொடர்புகொண்டு பேசியபோது, அவர் மிகுந்த வருத்தத்தோடு பேசியது பின்வருமாறு...

radhakrishnan
 

”’சென்னை மாகாணம்’ என்ற பெயரை ‘தமிழ்நாடு’ என்று மாற்றுவதற்கான  தீர்மானம் கொண்டுவந்து இன்றுடன் 50 ஆண்டுகள் ஆகிறது. இதை யாரும் கொண்டாடாதது வருத்தம் அளிக்கிறது. இதுபோன்ற யதார்த்த நிகழ்வுகளையும் உண்மைகளையும் இப்போது இருக்கும் தமிழக அரசு நினைவுகூர்வது கிடையாது. போலி பிம்பங்களுக்குதான் முக்கியத்துவம் கொடுக்கப்படுகிறது. உண்மை நிகழ்வுகளுக்கு அல்ல. இது எவ்வளவு விமரிசையாகக் கொண்டாடப்படவேண்டிய நாள்.

மொழிவாரியாக இந்திய மாநிலங்கள் பிரிக்கப்பட்டன. கேரளம், கர்நாடகம், ஆந்திரம் உள்ளிட்ட மாநிலங்கள் தோன்றிய நாளை, அந்தந்த மாநிலங்கள் ஆண்டுதோறும் விசால ஆந்திரம், நவக் கேரளம், அகண்ட கர்நாடகம், சம்யுக்த மகாராஷ்டிரம், மகா குஜராத் என்று  விழாக்கள் நடத்திக் கொண்டாடிவருகின்றன. ஆனால், தமிழகத்தில் இதுபோன்ற நிகழ்ச்சிகள் நடைபெறுவதில்லை. 

tamilnadu

 

 

தமிழ்நாடு எல்லை உருவாகி 50 ஆண்டுகள் நிறைவுற்றதை  2006-ம் ஆண்டு ’தமிழ்நாடு 50’ என்ற பெயரில் பிரமாண்ட விழாவாக நான் கொண்டாடினேன். அதுவும் என் சொந்த முயற்சியில்தான். எந்த அரசியல் கட்சியும் இதைக் கொண்டாடவில்லை. நான் விழா நடத்தி, ’தமிழ்நாடு 50’ என்ற தலைப்பில் ஒரு புத்தகத்தை வெளியிட்டேன். இதுகுறித்து, அன்றைய ஆனந்தவிகடன் இதழில் கட்டுரை வெளியானது. அந்தக் கட்டுரை வெளியான பிறகுதான், இப்படியொரு வரலாற்று நாள் உள்ளது என்பதே அனைவருக்கும் தெரிய வந்தது. அதன்பிறகுதான் அரசியல் கட்சிகள் விழாவாகக் கொண்டாடினார்கள். 'தமிழ்நாடு 50’ என்னும் நம் அடையாளைத்தையே மறந்தவர்கள்,  மாநில உரிமைகளை எப்படி மீட்டெடுக்கப்போகிறார்கள் என்பது தெரியவில்லை’ என்று முடித்தார் விரக்தியுடன்.

http://www.vikatan.com/news/tamilnadu/96006-dmk-spokeperson-k-s-radhakrishnan-dissatisfied-about-tn-government.html

Categories: Tamilnadu-news

"ஜெயலலிதா மரணம் குறித்த எந்த விசாரணைக்கும் தயார்" அப்பல்லோ வைத்தியசாலையின் தலைவர்

Tue, 18/07/2017 - 12:37
"ஜெயலலிதா மரணம் குறித்த எந்த விசாரணைக்கும் தயார்" அப்பல்லோ வைத்தியசாலையின் தலைவர்
 

தமிழகத்தின் முன்னாள் முதல்வர் ஜெயலலிதா மரணம் குறித்த எந்த விசாரணைக்கும் தயார் என்று அப்பல்லோ வைத்தியசாலையின் தலைவர் பிரதாப் சி.ரெட்டி  தெரிவித்தார். 

news_image_political_18_7_17.jpg

உடல்நலக் குறைவு காரணமாக சென்னை அப்பல்லோ வைத்தியசாலையில் அனுமதிக்கப்பட்டு, 75 நாட்களாக சிகிச்சை பெற்று வந்த முதல்வர் ஜெயலலிதா கடந்த ஆண்டு டிசம்பர் 5 ஆம் திகதி மரணமடைந்தார். இதனையடுத்து, ஜெயலலிதாவின் மரணத்தில் சந்தேகங்கள் இருப்பதாக திமுக உள்ளிட்ட பல்வேறு கட்சி தெரிவித்து வந்தது. அதிமுகவில் இருந்து பிரிந்து வந்து அதிமுக புரட்சி தலைவி அம்மா என்ற பெயரில் செயல்படும் ஓ.பன்னீர் செல்வம் தலைமையிலான அணியும் பல்வேறு சந்தேகங்களை கிளப்பி வருகிறது.

இந்த விவகாரத்தில் ஜெயலலிதா மரணம் தொடர்பாக சிபிஐ விசாரணைக்கு உத்தரவிட வேண்டும் என்று பல்வேறு கட்சிகளும் வலியுறுத்தி வருகின்றனர். இருப்பினும் தங்களுக்கு எந்த சந்தேகமும் இல்லை என்று எடப்பாடி பழனிச்சாமி தலைமையிலான அரசும், அதிமுகவின் அம்மா அணியினரும் தெரிவித்து வருகிறார்கள்.

இந்நிலையில் சென்னையில் செய்தியாளர்களை சந்தித்த அப்பல்லோ வைத்தியசாலையின் தலைவர் பிரதாப் ரெட்டி தெரிவித்ததாவது,

‘ஜெயலலிதா சிகிச்சையில் யாருடைய தலையீடும் இல்லை. சிறப்பான சிகிச்சை அளித்தோம். ஜெயலலிதாவுக்கு வழங்கப்பட்ட சிகிச்சைக்கான ஆவணங்கள் அனைத்தும் உள்ளன. சிகிச்சை அளிக்கப்பட்டதில் எந்த தவறும் இல்லை. அவரது மரணம் குறித்த எந்த விசாரணைக்கும் தயார்’ என்று தெரிவித்தார்.

http://www.virakesari.lk/article/22030

Categories: Tamilnadu-news

சிறைக்குள் இப்படித்தான் இருக்கிறார் சசிகலா: வைரல் வீடியோ!

Tue, 18/07/2017 - 12:12
சிறைக்குள் இப்படித்தான் இருக்கிறார் சசிகலா: வைரல் வீடியோ!
 

சொத்துக்குவிப்பு வழக்கில் சிறைத் தண்டனை விதிக்கப்பட்டுள்ள சசிகலா, பெங்களூரு பரப்பன அக்ரஹாரா சிறையில் அடைக்கப்பட்டுள்ளார். சிறை விதிமுறைகளை மீறி, அவருக்கு தனி சமையலறை, சிறப்பு சொகுசு வசதிகள் போன்றவை செய்யப்பட்டிருப்பதாகவும், அதற்காக 2 கோடி ரூபாய் லஞ்சம் வழங்கப்பட்டுள்ளதாகவும் சிறைத்துறை போலீஸ் டிஐஜி ரூபா அதிரடி புகார் கூறியிந்தார். இது, கர்நாடகம் மட்டுமன்றி நாடு முழுவதும் அதிர்வலைகளை ஏற்படுத்தியுள்ளது. இதுகுறித்து, உயர்மட்ட விசாரணைக்கு கர்நாடக அரசு உத்தரவிட்டுள்ளது. இந்த விவகாரம் தொடர்பாக டிஜிபி சத்தியநாராயண ராவுக்கும் டிஐஜி ரூபாவுக்கும் இடையே மோதல் ஏற்பட்டது.

சசிகலா


இதையடுத்து, ரூபா மற்றும் சத்தியநாராயணா ஆகிய இருவரும் பணியிட மாற்றம் செய்யப்பட்டனர். இந்நிலையில், பெங்களூரு சிறையில் உள்ள சசிகலா, அங்கு சர்வ சாதாரணமாக உலா வரும் வீடியோ ஒன்று வைரலாகிவருகிறது. அந்த வீடியோவில், சசிகலா ஒரு ரூமில் இருந்து வெளியே வருகிறார். அவரது கையில் ஹேண்ட் பேக் (Hand Bag) உள்ளது. குறிப்பாக, அவருடன் இளவரசியும் உள்ளார். அருகில் சில காவலர்களும் உள்ளனர்.

 

 

சசிகலா ஷாப்பிங் சென்றதாகவும், சிறப்பு மருத்துவ சிகிச்சைக்கு அழைத்துச்செல்லப்பட்டபோது எடுத்த வீடியோ என்றும் கூறப்படுகிறது. 

http://www.vikatan.com/news/india/95957-bengaluru-prision-row-this-sasikalas-video-going-viral.html

Categories: Tamilnadu-news

சசிகலாவை வேறு சிறைக்கு மாற்ற முடிவு? - உள்துறை அதிகாரிகள் அறிக்கையால் பரபரப்பு

Tue, 18/07/2017 - 05:16
சசிகலாவை வேறு சிறைக்கு மாற்ற முடிவு? - உள்துறை அதிகாரிகள் அறிக்கையால் பரபரப்பு

 

 
 பிடிஐ.
அதிமுக (அம்மா) பொதுச்செயலாளர் சசிகலா | படம்: பிடிஐ.
 
 

பெங்களூரு சிறையில் அடைக்கப்பட்டுள்ள அதிமுக (அம்மா) பொதுச்செயலாளர் சசிகலாவை வேறு சிறைக்கு மாற்றுவது தொடர்பாக கர்நாடக அரசின் உள்துறை அதிகாரிகள் தீவிரமாக ஆலோசித்து வருகின்றனர். இது தொடர்பாக முதல்வர் சித்தராமையாவுக்கு அறிக்கை அளிக்கப்பட்டிருப்பதாக தகவல் வெளியாகியுள்ளது.

சொத்துக்குவிப்பு மேல்முறை யீட்டு வழக்கில் தண்டிக்கப்பட்ட சசிகலா, சுதாகரன், இளவரசி ஆகியோர் கடந்த பிப்ரவரி 15-ம் தேதி பெங்களூருவில் உள்ள‌ பரப்பன அக்ரஹாரா மத்திய சிறையில் அடைக்கப்பட்டனர். சிறையில் அடைக்கப்பட்டதில் இருந்து அதிகளவில் பார்வையாளர்களை சந்திப்பது, சிறப்பு வசதிகளை பெறுவது, எம்பி, எம்எல்ஏக்களை சந்திப்பது என ச‌சிகலா தொடர்ந்து சர்ச்சையில் சிக்கி வருகிறார்.

“சிறை அதிகாரிகளுக்கு சசிகலா ரூ. 2 கோடி லஞ்சம் கொடுத்து, சிறையில் சிறப்பு சலுகைகளை அனுபவித்து வருகிறார்” என்று டிஐஜி ரூபா டி.மவுட்கில் கூறினார். டிஜிபி சத்தியநாராயண ராவ் ரூபாவின் புகாரை மறுத்தபோதும், சிறை முறைக்கேடு தொடர்பாக அடுத்தடுத்து வெளியான தகவல்கள் அதிர்ச்சியை ஏற்படுத்தி யது.

இதனால் கர்நாடகாவில் உள்ள எதிர்க்கட்சிகள் அரசுக்கு எதிராகவும், உள்துறையை கண்காணிக்கும் முதல்வர் சித்தராமையாவுக்கு எதிராகவும் போர்க்கொடி தூக்கின. இதையடுத்து சித்தராமையா, ஓய்வு பெற்ற ஐஏஎஸ் அதிகாரி வினய்குமார் தலைமையில் உயர்நிலை விசாரணைக்குழுவை அமைத்தார்.

சித்தராமையா அதிர்ச்சி

சசிகலா லஞ்ச கொடுத்த விவகாரத்தில் சிறை அதிகாரிகளுக்கு இடையே ஏற்பட்ட மோதலால், கைதிகளுக்கு இடையே இரு குழுக்கள் உருவானது. டிஐஜி ரூபாவுக்கு எதிராக திரண்ட ரவுடி குழு, மற்றொரு குழுவை தாக்க திட்டமிட்டது. சிறையில் இரு குழுக்களிடையே மோதல் ஏற்படும் சூழ‌லில் 50-க்கும் மேற்பட்ட கைதிகள் பெல்லாரி, குல்பர்கா உள்ளிட்ட சிறைகளுக்கு அதிரடியாக மாற்றப்பட்டனர்.

சில கைதிகள் சிறையில் சொகுசு வாழ்க்கை வாழும் சசிகலா, அப்துல் கரீம் தெல்கி, பிரபல தாதாக்கள் உள்ளிட்ட பணக்கார கைதிகளுக்கு எதிராக முழக்கம் எழுப்பினர். எல்லோருக்கும் ஒரே மாதிரியான வசதிகளை வழங்க வேண்டும் எனவும் தர்ணாவில் ஈடுபட்டனர். இதேபோல சிறைக்கு வெளியே உள்ள கைதிகளின் குடும்பத்தார் சசிகலா உள்ளிட்டோருக்கு எதிராக போர்க்கொடி தூக்கினர்.

இதனால் கர்நாடக அரசுக்கு கடும் நெருக்கடி ஏற்பட்டதால் முதல்கட்டமாக, சிக்கலில் சிக்கிய சிறை அதிகாரிகள் டிஜிபி சத்தியநாராயண ராவ், டிஐஜி ரூபா, கண்காணிப்பாளர் கிருஷ்ணகுமார் உள்ளிட்டோர் ஒரே நாளில் இடமாற்றம் செய்யப்பட்டனர். ரூபா இடமாற்றம் செய்யப்பட்டதை எதிர்த்து பாஜக மாநில தலைவர் எடியூரப்பா, மத்திய உள்துறை அமைச்சர் ராஜ்நாத் சிங்கிடம் முறையிட்டுள்ளதால் சித்தராமையா அதிர்ச்சி அடைந்துள்ளார்.

அதிகாரிகள் ஆலோசனை

கர்நாடகாவில் அடுத்த ஆண்டு தேர்தல் நடைபெறவுள்ள நிலையில் சிறை முறைகேடுகள் வெளியானதால் அரசுக்கு கடும் அவப்பெயர் ஏற்பட்டுள்ளது. இதற்கு காரணமான அதிகாரிகளை முதல்கட்டமாக சித்தராமையா இடமாற்றம் செய்துள்ளார். அடுத்ததாக கர்நாடக அரசுக்கு அவப்பெயரை ஏற்படுத்திவரும் கைதிகளையும் வேறு சிறைகளுக்கு இடமாற்றம் செய்ய திட்டமிட்டுள்ளார்.

இது தொடர்பாக அறிக்கை அளிக்கும்படி சித்தராமையா கேட்டுக்கொண்டதன் பேரில், உள்துறை செயலர்கள் நேற்று சிறையில் ஆய்வு செய்தனர். சிறையில் குழுக்களை உருவாக்குவது, ரவுடிகளை பாது காவலர்களாக வைத்துக்கொள்வது, விதி முறையை மீறுவது உள்ளிட்ட குற்றச்சாட்டுகளில் சிக்கியவர்களின் பட்டியலை தயாரித்துள்ளனர்.

கடந்த ஒரு மாதத்தில் விதிமுறை மீறலில் ஈடுபட்ட கைதிகளை உடனடியாக வேறு சிறைக்கு மாற்றுவது தொடர்பாக முடிவெடுத்துள்ளனர். இதன்படி முதல்கட்டமாக 50-க்கும் மேற்பட்டோர் வேறு சிறைக்கு மாற்றப்பட்டுள்ளனர்.இதே போல சிறையில் செல்வாக்கோடு வாழும் சசிகலா, தெல்கி உள்ளிட்டோரையும் வேறு சிறைக்கு மாற்றுவது தொடர்பாக ஆலோசித்தனர்.

சசிகலா பாதுகாப்புக்கு சிக்கல்

இதன்படி உள்துறை அதிகாரிகள் சித்தராமையாவுக்கு அறிக்கை ஒன்றை அளித்துள்ளனர். அதில், '' சிறையில் நிலவும் அசாதாரண சூழல் சசிகலாவின் பாதுகாப்புக்கு அச்சுறுத்தலாக இருக்கிறது. ஏற்கெனவே கர்நாடகா தமிழகம் இடையே நல்ல சூழல் நிலவாத நிலையில், சசிகலாவுக்கு ஏதேனும் அசம்பாவிதம் நேர்ந்தால் நிலைமை மோசமாகும்.

இதேநிலையில் சசிகலா பெங்களூரு சிறையில் தொடர்ந்து விதிமுறை மீறலில் ஈடுபட்டு வருகிறார். இந்த இரு காரணங்களையும் பரிசீலித்து அவரை கர்நாடகாவில் உள்ள வேறு சிறைக்கு மாற்றுவது தொடர்பாக முடிவெடுக்கலாம். குறிப்பாக துமக்கூரு, மைசூரு ஆகிய இடங்களில் மகளிருக்காக தனியாக உள்ள சிறைகளை பரிசீலிக்கலாம். சசிகலாவை வேறு மாநில சிறைக்கு மாற்றுவதற்கு உச்ச நீதிமன்றத்தின் ஒப்புதல் தேவை என்பதால் வேறு மாநில சிறைக்கு மாற்ற முடியாது'' என குறிப்பிட்டுள்ளனர்.

உள்துறை அதிகாரிகளின் இந்த ரகசிய அறிக்கையை கொண்டு கர்நாடக முதல்வர் சித்தராமையா, சசிகலாவை வேறு சிறைக்கு மாற்றுவது தொடர்பாக விரைவில் முடிவெடுப்பார் என கூறப்படுகிறது.

http://tamil.thehindu.com/india/சசிகலாவை-வேறு-சிறைக்கு-மாற்ற-முடிவு-உள்துறை-அதிகாரிகள்-அறிக்கையால்-பரபரப்பு/article9773781.ece?homepage=true

Categories: Tamilnadu-news

பெங்களூரு சிறையில் சசிகலாவுக்கு 5 அறைகள் ஒதுக்கீடு - வீடியோ காட்சிகள் வெளியானதால் பரபரப்பு

Mon, 17/07/2017 - 20:57
பெங்களூரு சிறையில் சசிகலாவுக்கு 5 அறைகள் ஒதுக்கீடு - வீடியோ காட்சிகள் வெளியானதால் பரபரப்பு

பெங்களூரு பரப்பன அக்ரஹாரா சிறையில் சசிகலாவுக்கு 5 அறைகள் ஒதுக்கீடு செய்யப்பட்டு இருப்பதாக தகவல் வெளியாகி உள்ளது. அதுதொடர்பான வீடியோ காட்சிகள் வெளியாகி பரபரப்பை ஏற்படுத்தி உள்ளது.

 
பெங்களூரு சிறையில் சசிகலாவுக்கு 5 அறைகள் ஒதுக்கீடு - வீடியோ காட்சிகள் வெளியானதால் பரபரப்பு
 
பெங்களூரு:

பெங்களூரு பரப்பன அக்ரஹாரா சிறையில் சசிகலாவுக்கு 5 அறைகள் ஒதுக்கீடு செய்யப்பட்டு இருப்பதாக தகவல் வெளியாகி உள்ளது. அதுதொடர்பான வீடியோ காட்சிகள் வெளியாகி பரபரப்பை ஏற்படுத்தி உள்ளது.

சொத்து குவிப்பு வழக்கில் அ.தி.மு.க. (அம்மா) அணியின் பொதுச் செயலாளர் சசிகலா, இளவரசி, சுதாகரன் ஆகியோருக்கு தலா 4 ஆண்டுகள் சிறை தண்டனை விதிக்கப்பட்டு பெங்களூரு பரப்பன அக்ரஹாரா சிறையில் அடைக்கப்பட்டு உள்ளனர்.

சிறைவாசம் அனுபவித்து வரும் சசிகலாவுக்கு சிறப்பு வசதிகள் செய்து கொடுக்கப்பட்டுள்ளதாக அவ்வப்போது தகவல்கள் வெளியாகி வந்தது. ஆனால் அவருக்கு சிறையில் எந்தவொரு சிறப்பு சலுகையும் வழங்கப்படவில்லை என்றும், சாதாரண கைதி போலவே அவர் நடத்தப்படுகிறார் என்றும் சிறைத்துறை அதிகாரிகள் கூறி வந்தனர்.

201707180043308421_0fpnn31o._L_styvpf.gi

இந்த நிலையில், பரப்பன அக்ரஹாரா சிறையில் கடந்த 10-ந் தேதி, டி.ஐ.ஜி.யாக இருந்த ரூபா ஆய்வு செய்தபின்பு, அங்கு சசிகலாவுக்கு சிறப்பு வசதிகள் செய்து கொடுக்கப்பட்டு இருப்பதாக குற்றச்சாட்டு கூறினார்.

இதுதொடர்பாக கடந்த 12-ந் தேதி சிறைத்துறை டி.ஜி.பி.யாக இருந்த சத்தியநாராயணராவிடம் அவர் அறிக்கையும் தாக்கல் செய்தார். அந்த அறிக்கையில் சசிகலாவுக்கு தனி சமையல் அறை உள்பட சிறப்பு வசதிகள் செய்து கொடுக்கப்பட்டுள்ளதாகவும், இதற்காக ரூ.2 கோடி லஞ்சம் வாங்கப்பட்டுள்ளதாகவும் குற்றம் சாட்டி இருந்தார்.

இதனை சத்தியநாராயணராவ் மறுத்து வந்தார். இந்த நிலையில், சசிகலாவை சந்திக்க வருபவர்களுடன், அவர் பேசுவதற்காக தனி அறை ஒதுக்கப்பட்டு அங்கு நாற்காலிகள் உள்ளிட்ட வசதிகள் செய்து கொடுக்கப்பட்டு இருந்ததாக தகவல் வெளியானது.

இந்த நிலையில், பரப்பன அக்ரஹாரா சிறையில் சசிகலாவுக்கு 5 அறைகள் ஒதுக்கீடு செய்யப்பட்டு இருப்பதாக தகவல்கள் வெளியாகி இருக்கிறது.

அதாவது சசிகலா தூங்குவதற்கு வசதியாக ஒரு அறையும் (பெட்ரூம்), தனி சமையல் அறையும், அவர் பயன்படுத்தும் பொருட்கள் வைக்க ஒரு அறையும், அவரை சந்திக்க சிறைக்கு வருபவர்களுடன் பேசுவதற்காக பார்வையாளர் அறையும் மற்றும் யோகா உள்ளிட்ட உடற்பயிற்சி செய்ய மற்றொரு அறையும் என மொத்தம் 5 அறைகள் இருப்பதாக தகவல் வெளியாகி உள்ளது.

அந்த அறைகள் பற்றி வெளியே தெரியாதபடி முன்பக்க கதவுகளில் துணி போட்டு மூடப்பட்டு இருப்பதாகவும் கூறப்படுகிறது. சசிகலா தங்கி இருக்கும் சிறை அறைக்கு மற்ற பெண் கைதிகள் செல்ல முடியாத அளவுக்கு பாதுகாப்பாக இரும்பு கதவு உள்ளதாகவும் தகவல்கள் வெளியாகி இருக்கிறது.

ரூ.2 கோடி லஞ்சம் வாங்கி கொண்டு சசிகலாவுக்கு சிறப்பு வசதிகள் செய்து கொடுக்கப்பட்டுள்ளதாக அதிகாரி ரூபா கூறிய குற்றச்சாட்டுகள் நிரூபணமாகும் வகையில், சசிகலாவுக்கு 5 அறைகள் ஒதுக்கப்பட்டு இருப்பது தொடர்பான வீடியோ காட்சிகள் நேற்று ‘டைம்ஸ் நவ்’ மற்றும் சில கன்னட தொலைக்காட்சி சேனல்களிலும், சமூக வலைத்தளங்களிலும் வெளியானது.

சிறையில் ஆய்வு செய்தபோது தான் எடுத்திருந்த வீடியோ காட்சிகள் அழிக்கப்பட்டு இருப்பதாக ரூபா தனது 2-வது அறிக்கையில் குறிப்பிட்டு இருந்த நிலையில், தற்போது அந்த வீடியோ காட்சிகள் வெளியாகி பெரும் பரபரப்பை ஏற்படுத்தி உள்ளது.

ஆனால் வசதிகள் செய்து கொடுக்கப்பட்டு இருப்பதாக கூறி வெளியான வீடியோ காட்சிகள் சசிகலா அறைதானா? என்பதை கர்நாடக நிறை அதிகாரிகள் உறுதிப் படுத்தவில்லை. 

http://www.maalaimalar.com/News/TopNews/2017/07/18004328/1096891/Sasikala-luxurious-5-room-suite-in-jail.vpf

Categories: Tamilnadu-news

பழனிசாமி - தினகரன் மோதல் அதிகரிப்பு கட்சி நாளிதழில் முதல்வர் படம், செய்திக்கு தடை

Mon, 17/07/2017 - 20:56
பழனிசாமி - தினகரன் மோதல் அதிகரிப்பு
கட்சி நாளிதழில் முதல்வர் படம், செய்திக்கு தடை
 
 
 

முதல்வர் பழனிசாமிக்கும், தினகரனுக்கும் இடையேயான மோதல் அதிகரித்துள்ளது. அதனால், அ.தி.மு.க.,வின் அதிகாரப்பூர்வ நாளிதழில், முதல்வர் படம் மற்றும் செய்திக்கு தடை விதிக்கப்பட்டுள்ளது.

 

பழனிசாமி - தினகரன் மோதல் அதிகரிப்பு   கட்சி நாளிதழில் முதல்வர் படம், செய்திக்கு தடை


தமிழக ஆளும் கட்சியான, அ.தி.மு.க.,வின், அதிகாரப்பூர்வ நாளிதழ், 'நமது எம்.ஜி.ஆர்.,' இதன் நிறுவனரான ஜெயலலிதா மறைவுக்குப்பின், நாளிதழ் சசிகலா குடும்பத்தின் கட்டுப்பாட்டில் உள்ளது.

அ.தி.மு.க., இரண்டாக பிளவுபட்ட போது, பன்னீர் அணிக்கு எதிரான செய்திகள், அதிகம் வெளியாகின. துணை பொதுச் செயலராக, சசிகலாவின் அக்கா மகன் தினகரன் உள்ளதால், அவர் தொடர்பான செய்திகளும், முதல்வர் பழனிசாமியின் அறிவிப்புகள், அவர் தொடர்பான செய்திகளும் வெளியாகின.
 

ஒதுக்கி வைப்பதாக



ஆர்.கே.நகர் இடைத்தேர்தலில், தினகரன் போட்டியிட்டது, முதல்வர் மற்றும் அவரது ஆதரவாளர்களிடம், எரிச்சலை

ஏற்படுத்தியது. அதன் தொடர்ச்சியாக, தினகரனை கட்சியில் இருந்து, ஒதுக்கி வைப்பதாக அறிவித்தனர். பின், சசிகலா அணியானது, முதல்வர் பழனிசாமி அணி,தினகரன் அணி என, பிளவுபட்டது. தினகரனை, 35 எம்.எல்.ஏ.,க்கள் சந்தித்தனர்.
 

தினகரனுக்கு எரிச்சல்



அவர்களில் பெரும்பாலானவர்களை, பழனிசாமி அணியினர், தற்போது தங்கள் பக்கம் இழுத்து விட்டனர். ஆட்சி அதிகாரம் கையில் உள்ளதால், ஆட்சியையும், கட்சியையும் முழுமையாக, தன் கட்டுப்பாட்டில் கொண்டு வரும் நடவடிக்கைகளையும், பழனிசாமி மேற்கொண்டுள்ளார்.
'முன்னாள் முதல்வர் பன்னீர் அணியும், சசிகலா அணியும் ஆக., 5க்குள் இணைய வேண்டும். இல்லையேல், என் பணியை துவக்குவேன்' என, ஏற்கனவே தினகரன் கூறி உள்ளார். இந்நிலையில், தன் ஆதரவாளர்களை, பழனிசாமி அணியினர்இழுத்து வருவது, தினகரனுக்கு எரிச்சலை ஏற்படுத்தி உள்ளது. அதனால், அவரது ஆதரவாளர்கள் சிலர், சட்டசபையில் அரசுக்கு

 

எதிராக, சில கருத்துக்களை கூறினர்.
இது, பழனிசாமிக்கும், தினகரனுக்கும் இடையிலான விரிசலை அதிகரித்துள்ளது. அதன் எதிரொலியாக, அ.தி.மு.க.,வின் அதிகாரப்பூர்வ நாளிதழில், முதல்வர் படம் மற்றும் செய்திக்கு, தடை விதிக்கப்பட்டுள்ளது. நேற்றைய நாளிதழில், முதல்வர் மற்றும் அமைச்சர்கள் தொடர்பான செய்தி மற்றும் படம் எதுவும் இடம் பெறவில்லை.

முதல் பக்கத்தில், ஜனாதிபதி தேர்தல் மற்றும், 'சசிகலாவுக்கு அவப்பெயர் ஏற்படுத்தும், கர்நாடக, டி.ஐ.ஜி., ரூபா மீது, மான நஷ்ட ஈடு வழக்கு தொடர்வேன்' என, கர்நாடக மாநில செயலர், புகழேந்தி விடுத்துள்ள அறிக்கை வெளியானது.
இதன் மூலம், பழனிசாமி அணிக்கும், தினகரன் அணிக்கும் இடையிலான, மோதல் உச்சகட்டத்திற்கு சென்றுள்ளது, வெட்ட வெளிச்சமாகி உள்ளது.
- நமது நிருபர் -

http://www.dinamalar.com/news_detail.asp?id=1814168

Categories: Tamilnadu-news

சசிகலாவுக்கு சிறப்பு வசதி உதவிய தமிழக பிரமுகர்கள்?

Mon, 17/07/2017 - 08:38
சசிகலாவுக்கு சிறப்பு வசதி
உதவிய தமிழக பிரமுகர்கள்?
 
 
 

சசிகலாவுக்கு, பெங்களூரு சிறையில் சிறப்பு வசதிகள் கிடைக்க, தமிழக காங்., பிரமுகர்கள் சிலர், திரைமறைவில் உதவியதாக தகவல் வெளியாகி உள்ளது. இதனால், காங்., துணைத் தலைவர் ராகுல் அதிருப்தி அடைந்துள்ளார்.

 

சசிகலா, Sasikala,சிறப்பு வசதி,Special Facility, தமிழக பிரமுகர்கள், Tamil Nadu personalities,பெங்களூரு சிறை, Bangalore Jail,  தமிழக காங்கிரஸ் பிரமுகர்கள், Tamilnadu Congress , Personalities,காங்கிரஸ் துணைத் தலைவர் ராகுல், Congress Vice-President Rahul, சொத்து குவிப்பு வழக்கு,Property accumulation case,  பெங்களூரு பரப்பன அக்ரஹாரா சிறை,Bengaluru Parupana Agrahar Jail,டி.ஐ.ஜி ரூபா ,  DIG Rupa,முதல்வர் சித்தராமையா, Chief Minister Sitaramaya,

சொத்து குவிப்பு வழக்கில், நான்காண்டு சிறை தண்டனை பெற்ற சசிகலாவுக்கு, பெங்களூரு பரப்பன அக்ரஹாரா சிறையில் சிறப்பு வசதிகள் செய்து தரப்பட்டதாகவும், அதற்கு, சிறைத் துறை உயர் அதிகாரிகள், இரண்டு கோடி ரூபாய் லஞ்சம் பெற்றதாகவும், டி.ஐ.ஜி., ரூபா குற்றம் சாட்டினார்.
 

உத்தரவு


இது குறித்து விசாரணை நடத்த, கர்நாடக முதல்வர் சித்தராமையா உத்தரவிட்டுள்ளார். இதற்கிடையில், தமிழக காங்., கட்சியைச் சேர்ந்த முக்கிய பிரமுகர்கள் சிலர், சசிகலா வுக்கு சிறையில், சிறப்பு வசதிகள் கிடைக்க

காரணமாக இருந்ததாகவும், அதற்காக, சிறை அதிகாரிகள் மற்றும் கர்நாடக மாநில காங்., பிரமுகர்களை ரகசியமாக சந்தித்து பேசியதாகவும், அம்மாநில போலீசாருக்கு தகவல் கிடைத்துள்ளது.

இது குறித்து, காங்கிரஸ் வட்டாரம் கூறியதாவது: கர்நாடகாவில், விரைவில், சட்டசபை தேர்தல் நடைபெறவுள்ளது. இந்த நேரத்தில், சசிகலாவுக்கு சிறையில் சொகுசு வசதிகள் அளிக்கப்பட்ட விவகாரம், அம்மாநில முதல்வரான, சித்தராமையா தலைமையிலான, காங்கிரஸ் அரசுக்கு தலை வலியை ஏற்படுத்தியுள்ளது.
ஏற்கனவே, ஜெ., மரணத்தில் மர்மம் உள்ளது என, சிலர் தரப்பில் செய்யப்பட்ட பிரசாரம் உண்மையாக இருக்குமோ என, கர்நாடகாவில் வாழும், 4 சதவீத பிராமண சமுதாயத்தினரும், 3 சதவீத ஓட்டுகளை கொண்டுள்ள தமிழர்களும் நம்புகின்றனர்.
இந்த நேரத்தில், சசிகலா விவகாரம் எழுந்துள்ளது, காங்கிரஸ் மீதான அவர்களின் அதிருப்தியை அதிகரித்துள்ளது. அந்த அதிருப்தியை சாதகமாக்கி, 7 சதவீத ஓட்டுகளையும் தங்கள் பக்கம் திருப்ப, கர்நாடக மாநில பா.ஜ., மற்றும் மதச்சார்பற்ற ஜனதா தளம் கட்சிகள் முற்பட்டு உள்ளன.

திரைமறைவு:


இதற்கிடையில்,சசிகலாவுக்கு சொகுசு வசதிகள் கிடைக்க, கர்நாடக மாநில காங்., பிரமுகர்கள்

 

மற்றும் சிறை அதிகாரிகளின் உதவியை, தமிழக காங்., பிரமுகர்கள் நாடியதாகவும், இது தொடர்பான திரைமறைவு வேலைகளில் அவர்கள் ஈடுபட்டதாகவும், தகவல் வெளியாகி உள்ளது.
அதனால், சசிகலாவுக்கு ரகசியமாக உதவிய, தமிழக காங்., பிரமுகர்கள் குறித்து, விசாரணை நடத்த, கர்நாடக போலீசார் திட்டமிட்டுள்ளதாக தெரிகிறது. எனவே, கட்சிக்கு களங்கம் ஏற்படுத்தும் வகையில், சசிகலாவுக்கு உதவிய, தமிழக காங்., பிரமுகர்கள் மீது, ராகுல் கடும் அதிருப்தி அடைந்துள்ளார்.இவ்வாறு காங்., வட்டாரம் கூறியது.

- நமது நிருபர் -

http://www.dinamalar.com/news_detail.asp?id=1813500

Categories: Tamilnadu-news

சசிகலாவை வேறு சிறைக்கு மாற்ற அதிகாரிகள் ஆலோசித்து வருகின்றனர்.

Mon, 17/07/2017 - 05:24
சொகுசு,வசதிக்காக,ரூ.2 கோடி,லஞ்சம்,தந்த,சசிகலா,வேறு சிறைக்கு,மாற்றம்?

பெங்களூரு: பெங்களூரு பரப்பன அக்ரஹாரா மத்திய சிறையில் அடைக்கப்பட்டுள்ள அ.தி.மு.க.,வின் சசிகலாவை, கர்நாடகாவில் உள்ள வேறு சிறைக்கு மாற்றலாமா என்பது குறித்து உயர் அதிகாரிகள் ஆலோசனை நடத்தி வருவதாக தகவல் வெளியாகி உள்ளது.

 

சொகுசு,வசதிக்காக,ரூ.2 கோடி,லஞ்சம்,தந்த,சசிகலா,வேறு சிறைக்கு,மாற்றம்?


பிரச்னை விஸ்வரூபம் எடுத்துள்ளதால், பெங்களூரு சிறை விவகாரம் பற்றி பேச உயர் அதிகாரிகளுக்கு, முதல்வர் சித்தராமையா தடை விதித்துள்ளார். இதற்கிடையில், சிறையில் சொகுசு வசதிகள் வழங்கப்பட்டது குறித்து டி.ஐ.ஜி., ரூபாவிடம் தகவல் கொடுத்த கைதிகள் 32பேர் பலமாக தாக்கப்பட்டதுடன் வேறு சிறைகளுக்கும் மாற்றப்பட்டனர்.

சொத்து குவிப்பு வழக்கில் நான்காண்டு சிறைதண்டனை பெற்று பெங்களூரு பரப்பன அக்ரஹாரா மத்திய சிறையில் அடைக்கப் பட்டுள்ள அ.தி.மு.க.,வின் சசிகலா, சிறையில் சொகுசு வசதிகள் பெற வேண்டும் என்பதற்காக

இரண்டு கோடி ரூபாய் லஞ்சம் கொடுத்ததாக கர்நாடக சிறைத்துறை டி.ஐ.ஜி., ரூபா வெளியிட்ட தகவலால் கர்நாடக அரசே ஆடிப் போயுள்ளது.

கர்நாடகாவில், முதல்வர் சித்தராமையா தலைமையிலான காங்கிரஸ் அரசு விரைவில் சட்டசபை தேர்தலை எதிர்கொள்ள தயாராகி வரும் நேரத்தில், சிறை பிரச்னை விஸ்வரூபம் எடுத்துள்ளதால் சம்பந்தப்பட்ட அதிகாரிகளை, முதல்வர் கடுமையாக கண்டித்துள்ளார். பெங்களூரு சிறைவிவகாரம் குறித்து, எந்த அதிகாரியும் வெளிப்படையாக கருத்து தெரிவிக்கக் கூடாது என தடை விதித்துள்ளார்.

இதற்கிடையில் சிறையில் நடந்த முறைகேடு கள் குறித்து டி.ஐ.ஜி., ரூபாவுக்கு தகவல் தெரிவித்ததாக ஆயுள் தண்டனை கைதி கள் 32 பேர் சிறை அதிகாரிகளின் கண்காணிப்பு வளையத்திற்குள் நேற்று முன்தினம் கொண்டு வரப்பட்டனர். அவர்களை அழைத்து அதிகாரி கள் சரமாரியாக அடித்து உதைத்ததாக தெரிகிறது.

இதன்பின், அந்த கைதிகளை இடமாற்றுவது குறித்து உயர் அதிகாரிகள் தீவிர ஆலோசனை யில் ஈடுபட்டனர். பகல் நேரத்தில் வெளியில் அனுப்பினால் பிரச்னை எழும் என்பதால் இரவு நேரத்தில் அனுப்ப முடிவு செய்து நேற்று முன் தினம் நள்ளிரவே 'முறையான கவனிப்பு'க்கு பின், மாநிலத்திலுள்ள பல சிறைகளுக்கு 32 கைதிகளையும் பிரித்து அனுப்பினர்.

 


இந்நிலையில் சசிகலாவை வேறு சிறைக்கு மாற்ற அதிகாரிகள் ஆலோசித்து வருகின்றனர்.
ஏற்கனவே சென்னையை சேர்ந்த 'டிராபிக்' ராமசாமி 'சசிகலாவை தமிழக அமைச்சர்கள் அடிக்கடி சந்திக்கின்றனர். அதனால் அவரை துமகூரு மகளிர் சிறைக்கு இடமாற்றம் செய்ய வேண்டும்' என கர்நாடக ஐகோர்ட்டில் மனு தாக்கல் செய்தார்.
'விதிமுறைப்படி தான், சசிகலாவை சந்திக்க அனுமதி தரப்படுகிறது' என அரசு தரப்பில் கூறியதையடுத்து, அவரது மனு தள்ளுபடி செய்யப்பட்டது.
சிறைத்துறையில் பணியாற்றி ஓய்வு பெற்ற அதிகாரி ஒருவர் கூறுகையில் 'சசிகலாவை பெங்களூரு சிறையிலிருந்து கர்நாடகத்தின் எந்த சிறைக்கு வேண்டுமானா லும் மாற்றலாம். துமகூருவில் மகளிர் சிறை இருப்பதால் அங்கு மாற்றுவது சரியாக இருக்க வாய்ப்புள்ளது. இடமாற்றத்துக்கு எந்த காரண மும் சொல்ல வேண்டிய அவசியமில்லை' என்றார்.
சிறையில் நடந்த முறைகேடுகள் குறித்து மாநில அரசின் அதிகாரிகள் குழு இன்று விசார ணையை துவக்குகிறது. இந்நிலையில் டி.ஐ.ஜி., ரூபாவை வேறு இடத்துக்கு துாக்கியடிக்க லாமா என்பது குறித்து, முதல்வர் சித்தராமையா ஆலோசித்து வருவதாக கூறப்படுகிறது.

http://www.dinamalar.com/news_detail.asp?id=1813573

Categories: Tamilnadu-news

1,1,000 மில்லியன் ரூபாய்க்கு மேல் மோசடி;யாழ். இளைஞன் உள்ளிட்ட மூவர் இந்தியாவில் கைது

Mon, 17/07/2017 - 05:01
1,1,000 மில்லியன் ரூபாய்க்கு மேல் மோசடி;யாழ். இளைஞன் உள்ளிட்ட மூவர் இந்தியாவில் கைது
 

image_6a845322c3.jpgபோலி கடனட்டைகளைப் பயன்படுத்தி, இந்திய ரூபாய் பெறுமதியில் சுமார் 1,000 மில்லியன் ரூபாய்க்கு மேல் மோசடியில் ஈடுபட்டனர் என்ற குற்றச்சாட்டின் பேரில், இலங்கையர் உட்பட மூவரை, இந்தியாவின் மத்திய குற்றப்பிரிவு பொலிஸ் கைதுசெய்துள்ளது.   

யாழ்ப்பாணத்தைச் சேர்ந்த திவ்யன் (வயது 30), இந்தியா கனக நகரைச் சேர்ந்த நவாஸ் செரீப் (வயது 22) மற்றும் பெங்களூரு வடமேற்கைச் சேர்ந்த நதீம் செரீப் (வயது 30) ஆகியோரே இவ்வாறு கைதுசெய்யப்பட்டுள்ளனர்.  

பல்வேறு வங்கிகளின் கடனட்டைகள் போன்ற 144 போலிக் கடனட்டைகள், அவற்றைத் தயாரிப்பதற்காக வைத்திருந்த 36 இயந்திரங்கள், 270 போலி சுவீப் அட்டைகள், காட் ரீடர்ஸ், அச்சு இயந்திரங்கள் என்பவற்றையும் பொலிஸார் இவர்களிடமிருந்து கைப்பற்றியுள்ளனர்.   

இந்திய ரூபாய் பெறுமதியில் சுமார் 1,000 மில்லியன் ரூபாய்க்கு இவர்கள் மோசடியில் ஈடுபட்டுள்ளதாக, ஆரம்பகட்ட விசாரணைகளில் தெரியவந்துள்ளது.  

மேற்படி மூவரும், வெவ்வேறு நாடுகளிலுள்ள வங்கிக் கடனட்டை வாடிக்கையாளர்களை இலக்கு வைத்து, அவர்களின் கடனட்டைகளின் இரகசிய இலக்கத்தைப் பயன்படுத்தியே, போலிக் கடனட்டைகளைத் தயாரித்து, அவற்றின் ஊடாக, பொருட்களைக் கொள்வனவு செய்து, இம்மோசடியில் ஈடுபட்டு வந்துள்ளமை கண்டறியப்பட்டுள்ளது.   

இணையத்தில் பொருட்களைப் பதிவு செய்தே, இவ்வாறான மோசடியில் ஈடுபட்டுள்ளமை கண்டறியப்பட்டுள்ளது. இது பாரியளவிலான இணைய மோசடியாக இருக்கலாமெனச் சந்தேகிக்கப்படுகின்றது.   

இணையக் கொள்வனவுக்கூடாக, வெளிநாடுகளிலுள்ள வாடிக்கையாளர்களின் இரகசிய இலக்கங்களைத் தெரிந்துகொண்ட அவர்கள், இந்த மோசடியில் ஈடுபட்டுள்ளதாகத் தெரியவந்துள்ளது என்று, இந்தியாவின் மத்திய குற்றப்பிரிவுப் பொலிஸார் தெரிவித்துள்ளனர்.   

உள்நாட்டு வங்கிகளில் வெளிநாட்டவர்களை இலக்கு வைத்தால், உள்நாட்டுப் பொலிஸாருக்கு சந்தேகம் ஏற்படாது என்ற நோக்கத்தில், மேற்படி மூவரும் அமெரிக்கா, ஜப்பான், அவுஸ்திரேலியா, ஜேர்மனி, பிரித்தானியா மற்றும் ஐரோப்பாவில் உள்ள ஏனைய நாடுகளிலுள்ள வாடிக்கையாளர்களை இலக்குவைத்து, இவ்வாறான மோசடியில் ஈடுபட்டுள்ளனர்.   

இம்மோசடியின் பிரதான சூத்திரதாரியான யாழ்ப்பாணத்தைச் சேர்ந்த திவ்யன் என்பர், கடந்த 10 வருடங்களுக்கு முன்பு இந்தியாவின் சென்னைக்கு சட்டவிரோதமாக வந்தவரென்றும், சென்னை பொலிஸாரால் தேடப்பட்டு வருபவரென்றும் வெளிநாட்டு ஊடகமொன்று செய்தி வெளியிட்டுள்ளது.  

http://www.tamilmirror.lk/செய்திகள்/1-1-000-மில்லியன்-ரூபாய்க்கு-மேல்-மோசடி-யாழ்-இளைஞன்-உள்ளிட்ட-மூவர்-இந்தியாவில்-கைது/175-200716

Categories: Tamilnadu-news

ஜெயலலிதாவாக மாறிய எடப்பாடி!

Sun, 16/07/2017 - 07:00
மிஸ்டர் கழுகு: ஜெயலலிதாவாக மாறிய எடப்பாடி!
 

 

‘‘உண்மையில் முதல்வர் எடப்பாடி பழனிசாமி தைரியசாலிதான். அவர் தன்னை ஜெயலலிதாவாகவே நினைத்துக்கொள்கிறார். அவரைப் போலவே நடந்துகொள்ளவும் ஆரம்பித்துவிட்டார்’’ என்று எடப்பாடி புகழ் பாடி ஆரம்பித்தார் கழுகார்.

‘‘என்ன ஆச்சு உமக்கு?” என்றோம்.

p2.jpg‘‘நான் சொல்வதைக் கேட்டால் நீரே அதை வழிமொழிவீர். எடப்பாடியிடம் ஏற்பட்டுவரும் மாற்றங்களைப் பற்றித்தான் கோட்டை வட்டாரத்தில் அதிகம் பேசப்படுகிறது. ‘அமைதியாக வலம்வரும் இவர் ஆளையே விழுங்கிவிடுவார்’ என்று சொல்ல ஆரம்பித்து உள்ளார்கள். சசிகலா குடும்பம் பற்றிய எந்தப் பயமும் இல்லாமல் தூள் கிளப்புகிறார் எடப்பாடி என்பதுதான் இதில் ஹைலைட்.”

‘‘வரிசையாகச் சொல்லும்...”

‘‘முதல்வராகப் பதவி ஏற்று எடப்பாடி கோட்டைக்குச் சென்றதும், ஜெயலலிதா முதல்வராக இருந்தபோது அமர்ந்திருந்த அதே அறையில், ஜெயலலிதாவின் இருக்கையில் போய் ஜம்மென்று அமர்ந்து ஆச்சர்யத்தை ஏற்படுத்தினார். மூன்று முறை முதல்வராக இருந்த ஓ.பன்னீர்செல்வம் செய்யத் துணியாத காரியத்தை முதல் தடவையே அடித்து உடைத்து, ஜெயலலிதா உட்கார்ந்த நாற்காலியில் அமர்ந்து பேட்டியும் கொடுத்தார் எடப்பாடி. ஐந்து புதிய அறிவிப்புகளை வெளியிட்டுவிட்டு, ‘இனி அடிக்கடி பத்திரிகையாளர்களைச் சந்திப்பேன்’ என்று சொல்லிவிட்டுப் போனவர்தான். அதன்பிறகு பத்திரிகையாளர்களைச் சந்திப்பதைத் தவிர்த்து வருகிறார். டெல்லி தமிழ்நாடு இல்லத்தில் எடப்பாடியைச் சந்திக்கச் சென்ற டெல்லி பத்திரிகையாளர்கள் விரட்டி அடிக்கப்பட்டார்கள். இதில் இருந்தே ஆரம்பிக்கிறது ஜெயலலிதாவுக்கும் எடப்பாடிக்குமான ஒற்றுமை.’’

‘‘ம்!”

‘‘ஜெயலலிதா பங்கேற்கும் அரசு விழாக்களுக்கும் கட்சி விழாக்களுக்கும் பச்சை கலரில் இருக்கும் வகையில் மேடை அலங்காரத்தைப் பார்த்துக்கொள்வார்கள். அதுபோலவே எடப்பாடி நடத்தும் விழாக்களிலும் ‘பச்சை நிறமே... பச்சை நிறமே...’ முன்னே நிற்கிறது. மேடை அலங்காரம், பேனர், போடியம், தரை விரிப்புகள், விழா பேட்ஜ்கள் என்று அனைத்துமே பச்சை நிறத்தில்தான் ஜொலிக்கின்றன. ஜெயலலிதா கலந்துகொள்ளும் விழாக்களில், மேடையின் முன்பக்கம் 50 அடி தூரத்துக்கு இடத்தைக் காலியாக விட்டுவிட்டுத்தான் வி.ஐ.பி-க்களுக்கே இருக்கை போடுவார்கள். பாதுகாப்பு கெடுபிடியும் இருக்கும். எடப்பாடிக்கும் அப்படியே பின்பற்றுகிறார்கள். ஜெயலலிதா உடல்நிலையைக் காரணம் காட்டி, வெளியூர் பயணங்களைத் தவிர்த்து வந்தார். புதிய கட்டடங்கள், பாலங்கள் என்று பல்வேறு திட்டங்களைக் கோட்டையில் இருந்தவாறு வீடியோ கான்பரன்சிங் முறையில் தொடங்கிவைத்தார். அதேபாணியை எடப்பாடியும் பின்பற்றுகிறார்.’’

‘‘ஓஹோ!”

p2a.jpg

‘‘ஜெயலலிதா கோட்டைக்கு வரும்போதும் கோட்டையில் இருந்து போயஸ் கார்டனுக்குப் போகும்போதும் வழியில் நிற்பவர்களிடம் மனுக்களை வாங்குவார். போயஸ் கார்டனுக்கு வரும் கோரிக்கை மனுக்களைத் தனது உதவியாளர் பூங்குன்றன் மூலம் வாங்கி, உரிய நடவடிக்கைகளை எடுப்பார். அதைப்போலவே, தனது வீட்டுக்குவரும் பொதுமக்களை எடப்பாடி சந்தித்து மனுக்களை வாங்குகிறார். அவர் வெளியூர் சென்றிருந்தால், உதவியாளர் வாங்கி உரிய துறைகளுக்கு அனுப்பி வைக்கிறார். கோட்டைக்குச் செல்லும் பாதை நெடுகிலும் வெடிகுண்டு நிபுணர்கள் படை ஆய்வுசெய்து கிரீன் சிக்னல் கொடுத்தபிறகே தனது பயணத்தைத் தினமும் தொடங்குகிறார் எடப்பாடி. அதுபோல, அவர் செல்லும் ரூட்களில் எல்லாம் போலீஸ் பாதுகாப்பு போடப்படுகிறது. ஜெயலலிதா போகும் வழிகளில் அவர் கண்ணில் பட வேண்டும் என்று மாஜிக்கள் ஆங்காங்கே வழிநெடுக நிற்பார்கள். அதுபோல, இப்போது எடப்பாடி பழனிசாமி பார்வை தங்கள்மீது விழ வேண்டும் என்று மாஜிக்கள் ரோட்டு ஓரங்களில் நின்று கொண்டு, ‘வணக்கம்’ வைக்கும் கலாசாரம் உருவாகி இருக்கிறது.”

‘‘அந்த அளவுக்கு வந்துவிட்டதா?”

‘‘ஜெயலலிதா கோட்டைக்கு வந்தாலும், வராவிட்டாலும், தினசரி வி.ஐ.பி-க்களுடன் சந்திப்பு நடந்ததுபோலப் புகைப்படங்கள் வெளியிடப்படும். அதுபோலவே இப்போதும் நடக்கிறது.”

‘‘நீர் சொல்வதை நிச்சயம் வழிமொழிகிறோம். பூங்கொத்து, கெத்தும் தொடங்கிவிட்டதாகத் தெரிகிறதே?’’

‘‘ஜெயலலிதாவுக்குப் பூங்கொத்து ரொம்பப் பிடிக்கும். அவருக்குக் கொடுக்கக் கொண்டுவரும் பூங்கொத்து என்ன கலரில் இருக்க வேண்டும்; எப்படிக் கொடுக்க வேண்டும் என்பது குறித்து ஜெயலலிதாவின் பாதுகாப்பு அதிகாரிகள் கிளாஸ் எடுப்பார்கள். எந்தக் கடையில் ஜெயலலிதாவுக்கான பூங்கொத்து வாங்க வேண்டும் என்பதையும் சொல்லிவிடுவார்கள். அதுபோலவே, இப்போதும் நடக்கிறது. மத்திய மின்துறை அமைச்சர் பியுஷ் கோயல் கடந்த 10-ம் தேதி கோட்டையில் முதல்வர் எடப்பாடி பழனிசாமியைச் சந்தித்துப் பூங்கொத்து கொடுத்தபோது, ஜெயலலிதா ஸ்டைலில் கெத்தாக அதை வாங்கினார் எடப்பாடி.”

‘‘மத்திய அமைச்சர் பியுஷ் கோயல் திடீரென வந்து எடப்பாடியைப் பார்த்தாரே! விசிட்டில் என்ன விசேஷம்?’’

‘‘ஜனாதிபதி தேர்தலுக்காகத்தான் இந்தச் சந்திப்பு என்கிறார்கள். அ.தி.மு.க-வின் ஒட்டுமொத்த ஓட்டுக்களும் சிந்தாமல் சிதறாமல் பி.ஜே.பி வேட்பாளருக்கு வந்தாக வேண்டும் என்று சொல்லவே  வந்ததாகச் சொல்கிறார்கள். ‘கட்சி இப்போது மூன்று கோஷ்டியாக இருக்கிறது. உங்களது பிரச்னையில் வோட்டுகள் மாறிவிடக் கூடாது’ என்று டெல்லி பி.ஜே.பி தலைமை சொல்லி அனுப்பியதாம்.  இரட்டை இலை சின்னத்தில் போட்டியிட்டு வென்ற நாகப்பட்டினம் எம்.எல்.ஏ-வான தமிமுன் அன்சாரி காங்கிரஸுக்குத்தான் தனது வாக்கு என்று அறிவித்துவிட்டார். இவரின் தோழர்களான கருணாஸ், தனியரசு இருவரும் என்ன செய்வார்கள் என்பது சஸ்பென்ஸாக இருக்கிறது. இவர்கள் மூவரும் ஒரே மாதிரி முடிவுகள் எடுப்பார்கள் என்று டெல்லிக்குச் சொல்லப்பட்டதாம். தினகரன் தரப்பு எம்.எல்.ஏ-க்களின் ஓட்டுகள் அப்படியே கிடைக்குமா என்பதிலும் சந்தேகம் நீடிக்கிறது. ‘இதையெல்லாம் முடிவுக்குக் கொண்டுவர வேண்டும்’ என்று அவர் சொன்னதாகத் தெரிகிறது. முதல்வர் அறையில் இருவரும் தனியாக முதலில் பேசினார்களாம். ‘அது இறுக்கமான பேச்சாக இருந்தது’ என்கிறார்கள், முதல்வருக்கு நெருக்கமானவர்கள்.’’ 

‘‘பெங்களூரு சிறையில் சசிகலாவுக்கு விசேஷ வசதிகள் செய்யப்பட்டதாகவும் அதனால் பணம் கைமாறியதாகவும் பிரச்னை எழுந்துள்ளதே?”

p2b.jpg

‘‘கடந்த புதன்கிழமை அன்று திடீரென பெங்களூரு புறப்பட்டுப்போனார் தினகரன். ஆனால், அவர் சசிகலாவைச் சந்திக்கவில்லை. சொந்த வேலையாகப் போனதாகச் சொல்கிறார்கள். அதற்கு அடுத்த நாள்தான், ‘சசிகலாவுக்குச் சிறையில் வசதிகள் செய்துதர கர்நாடகச் சிறைத்துறை டி.ஜி.பி சத்யநாராயண ராவ் இரண்டு கோடி ரூபாய் வாங்கினார்’ என்று சிறைத்துறை டி.ஐ.ஜி ரூபா கடிதம் எழுதிய விவகாரம் மீடியாக்களில் பரவியது.’’

‘‘ம்!’

“பரப்பன அக்ரஹாரா சிறையில் சசிகலாவுக்கு விதிகளை மீறித் தனிச் சமையல் அறை கொடுக்கப்பட்டுள்ளது பற்றியும், அவர் விரும்பும் உணவுகளைச் சமைத்துக் கொடுப்பதற்காகச் சிறைவாசிகள் சிலர் நியமிக்கப்பட்டுள்ளது பற்றியும் குற்றம் சாட்டி உள்ளார் ரூபா. ‘நீங்கள் இரண்டு கோடி ரூபாய் லஞ்சம் பெற்றுள்ளதாகச் சொல்லப்படுகிறது. நீங்கள் லஞ்சம் பெறவில்லை என்றால், உங்கள்மீது சுமத்தப்பட்ட களங்கத்தைப் போக்க முன்வர வேண்டும். நான் ஆய்வுக்குச் சென்றுவந்த பிறகும், இந்தச் சலுகைகள் தொடர்ந்து கொண்டிருக்கின்றன’ என்று சிறைத் துறை டி.ஜி.பி. மீது குற்றம் சாட்டி உள்ளார் ரூபா. இந்தக் கடிதத்தின் நகலை ஊழல் தடுப்புப் பிரிவுக்கும், கர்நாடகக் காவல்துறை டி.ஜி.பி-க்கும் அனுப்பியிருக்கிறார் ரூபா. ஆனால், ‘சிறைத்துறை விதிகளுக்கு எதிராக எந்தச் சலுகையையும் சசிகலா பெறவில்லை’ என்று அ.தி.மு.க-வின் கர்நாடக மாநிலச் செயலாளர் புகழேந்தி சொல்கிறார்.

டி.ஜி.பி சத்யநாராயண ராவ், ‘என்மீது தவறு இருந்தால் விசாரணை செய்யட்டும். அதற்குத் தயாராக இருக்கிறேன்’ என்று கூறியிருக்கிறார். ஆனால், ரூபா எழுப்பியுள்ள குற்றச்சாட்டுகள் அனைத்தும் உண்மை என்று சிறைத்துறை வட்டாரங்கள் சொல்கின்றன. சசிகலாவின் சமையல் அறை குறித்த தகவலை ரூபா வெளியிட்டதற்கு வேறு சில காரணங்களும் உண்டு. பரப்பன அக்ரஹாரா சிறையில் 32 சிறை வாசிகளுக்கு ஹெச்.ஐ.வி இருப்பதாக இரு வாரங்களுக்கு முன்பு தன் ஃபேஸ்புக் பக்கத்தில் ரூபா பதிவிட்டிருந்தார். அதற்காக டி.ஜி.பி ஒரு மெமோவை அனுப்பினார். அந்தக் கடுப்பில்தான், இந்தத் தகவலை ரூபா கசியவிட்டார் என்றார்கள்.”

‘‘கோட்டை வட்டாரத்தில் ஏதாவது விசேஷம் உண்டா?’’

‘‘முதல்வர் அலுவலகத்தில் சிவ்தாஸ் மீனா, இன்னசென்ட் திவ்யா ஆகிய இருவரும் மாற்றலாகிப் போய்விட்டார்கள். புதியவர்கள் இருவர் வரப்போகிறார்கள். அதேநேரத்தில், தலைமைச் செயலாளரும் மாற்றப்படலாம் என்று பேச்சு அடிபடுகிறது. அவருக்கும் உள்துறை செயலாளருக்கும் சில விஷயங்களில் கருத்து வேறுபாடாம். எடப்பாடிக்கு மிகவும் பிடித்த ராஜீவ் ரஞ்சன் அந்த நாற்காலிக்கு வரக்கூடும் என்கிறார்கள். இப்போது இவர், முதல்வர்வசம் உள்ள நெடுஞ்சாலைத் துறையின் செயலாளராக இருக்கிறார். ஆனால், சேகர் ரெட்டி விவகாரத்தில் இவர் பெயர் அடிபடுவதால் கொஞ்சம் யோசிக்கிறாராம் எடப்பாடி. பத்திரப்பதிவுத் துறையில் வழிகாட்டு மதிப்பைக் குறைத்து நடவடிக்கை எடுத்த விஷயத்தில் முதல்வரின் குட்புக்ஸில் இருக்கிறார் ஹன்ஸ் ராஜ் வர்மா. எனவே, அவரும் பரிசீலனையில் இருக்கிறார்’’ என்று சொல்லிவிட்டுப் பறந்தார் கழுகார்.

படங்கள்: வி.ஸ்ரீனிவாசுலு

இரட்டை இலை... தினகரன் தப்பிப்பாரா?

இரட்டை இலை சின்னத்தைப் பெற லஞ்சம் கொடுத்ததாகத் தினகரன் மீது புகார்.  பரப்பன அக்ரஹாரா சிறையில் சில வசதிகளைப் பெறுவதற்காக லஞ்சம் கொடுத்ததாகச் சசிகலா மீது புகார். புதிய சிக்கலில் சசிகலா சிக்கிக்கொள்ள... இரட்டை இலை விவகாரத்திலிருந்து தினகரன் வெளியே வரப்போகிறார் எனச் செய்திகள் கிளம்பியிருக்கின்றன. எப்.ஐ.ஆரில் இரண்டாவது குற்றவாளியாகச் சேர்க்கப்பட்ட தினகரன், திகார் சிறையில் கம்பி எல்லாம் எண்ணி ஜாமீனில் வெளியே வந்தார்.  இப்போது அந்த வழக்கில் தாக்கல் செய்யப்பட உள்ள குற்றப்பத்திரிகையில் தினகரன் பெயர் இல்லை எனச் செய்திகள் கிளம்பின. ‘‘முதல் குற்றப்பத்திரிகையில் அவர் பெயர் இல்லாமல் போனாலும், இரண்டாவது குற்றப்பத்திரிகையில் சேர்க்கப்படலாம்’’ எனச் சொல்லிக் கொண்டிருக்கிறது டெல்லி போலீஸ்.

‘‘அமெரிக்க அதிபரைவிட காங்கிரஸ் தலைவர் பதவி கஷ்டம்!”

ம்பது ஆண்டு பொது வாழ்வு பொன் விழா கொண்டாடியிருக்கிறார் தமிழக காங்கிரஸ் தலைவர் திருநாவுக்கரசர். ஆனால், அவருக்கு 68 வயது தான். இதை காங்கிரஸ் கட்சியினர் மட்டுமல்ல, மற்ற கட்சியினரும் கிண்டலாகத் தங்களுக்குள் பேசிக் கொள்கிறார்கள். ‘‘ தனக்குக் குடைச்சல் கொடுத்துவரும் இளங்கோவன் உள்ளிட்ட சிலரை ஒதுக்கி வைக்க இந்த விழாவைப் பயன்படுத்திக்கொள்ள திருநாவுக்கரசர் திட்டமிட்டார்” என்று சொல்கிறார்கள்.

p2c.jpg

திருநாவுக்கரசர் விரும்பியது போலவே, காங்கிரஸ் முன்னணித் தலைவர்கள் தங்கபாலு, கிருஷ்ணசாமி, பீட்டர் அல்போன்ஸ், யசோதா, தமிழக காங்கிரஸ் கட்சியின் பொறுப்பாளரான சின்னா ரெட்டி ஆகியோர் மேடையில் அமர்ந்திருந்தனர். இந்திய கம்யூனிஸ்ட் தலைவர் நல்லகண்ணு தலைமை தாங்கினார். மு.க.ஸ்டாலின், தொல்.திருமாவளவன், கி.வீரமணி, ஜி.ராமகிருஷ்ணன், காதர் மொய்தீன் எனத் தமிழகத்தின் முக்கிய அரசியல் தலைவர்கள் அனைவரும் வரிசை கட்டி அமர்ந்திருந்தனர். விஜயகாந்த்துக்கு அழைப்பிதழ் கொடுக்கவில்லை என்று வெளிப்படையாகவே சொல்லிவிட்டார் திருநாவுக்கரசர். தனக்கு யாரெல்லாம் வாழ்த்து சொன்னார்கள் என்று மேடையிலே அவர்கள் பெயரையும் சொன்னவர், பி.ஜே.பி தலைவர் தமிழிசை வாழ்த்து தெரிவித்ததையும் மறக்காமல் சொல்லிவிட்டார். அவர் வெளிப்படையாகச் சொல்லாதது, ‘இளங்கோவனுக்கு அழைப்பிதழ் கொடுக்கவில்லை’ என்பதைத்தான். ப. சிதம்பரத்தை எப்படியும் விழாவுக்கு அழைத்து வந்துவிட வேண்டும் என்று திருநாவுக்கரசர் விரும்பினாராம். ஆனால், அழைப்பிதழ் கொடுக்கும்போதே, ‘அன்று வெளியூர் பயணம் போகிறேன்’ என்று சிதம்பரம் சொல்லிவிட்டாராம்.

திருநாவுக்கரசருக்கான பாராட்டு விழாவாக இருந்தாலும் தி.மு.க கூட்டணி கும்பமேளாவாகவே இது இருந்தது. விழாவில் பேசிய பலரும், ‘‘காங்கிரஸ் - தி.மு.க கூட்டணி இனிவரும் தேர்தலிலும் தொடர வேண்டும்’’ என்றார்கள். புதுவை முதல்வர் நாராயணசாமி, ‘‘அமெரிக்க அதிபர் பதவியைவிட, தமிழ்நாடு காங்கிரஸ் கமிட்டி தலைவர் பதவி கடினமானது’’ என்றார்.

http://www.vikatan.com/juniorvikatan

Categories: Tamilnadu-news

டெல்லி போராட்டத்தில் மீண்டும் தமிழக விவசாயிகள்

Sun, 16/07/2017 - 06:55
டெல்லி போராட்டத்தில் மீண்டும் தமிழக விவசாயிகள்

டெல்லியில் 41 நாட்கள் போராட்டம் நடத்திய தமிழக விவசாயிகள் தற்போது மீண்டும் தங்கள் போராட்டத்தை தொடங்க டெல்லி வந்தடைந்துள்ளனர்.

 தமிழக விவசாயிகள்

நதிநீர் இணைப்பு, விவசாயக் கடன் ரத்து, விவசாயிகளுக்கு ஓய்வூதியம் உள்ளிட்ட பல்வேறு கோரிக்கைகளை வலியுறுத்தி டெல்லி ஜந்தர்மந்தரில் 41 நாட்கள் தேசிய - தென்னிந்திய நதிகள் இணைப்பு விவசாயிகள் சங்கத்தின் மாநிலத் தலைவர் அய்யாக்கண்ணு தலைமையில் விவசாயிகள் போராட்டம் நடத்தினர்.

எலிக்கறி உண்ணுதல், சாலையில் உருளுதல், சாட்டையடி போராட்டம் என பல்வேறு விதமாக போராட்டம் நடத்திய விவசாயிகளுக்கு பஞ்சாப், ஹரியான போன்ற பிற மாநில விவசாயிகளும், பல்வேறு அரசியல் கட்சி தலைவர்களும் ஆதரவளித்தனர்.

பின்னர் ஏப்ரல் 23ம் தேதியன்று முதல்வர் எடப்பாடி பழனிச்சாமி விவசாயிகளை சந்தித்து அவர்கள் கோரிக்கைகள் நிறைவேற்றப்படும் என உறுதியளித்ததை தொடர்ந்து போராட்டம் தற்காலிகமாக கைவிடப்பட்டு விவசாயிகள் தமிழகம் திரும்பினர்.

 

அதன்பின் மீண்டும் விவசாயிகள் தங்கள் கோரிக்கைகளை வலியுறுத்தக் கோரி ஜுன் 9ம் தேதி சென்னை சேப்பாக்கம் விருந்தினர் மாளிகைக்கு அருகில் தங்களின் போராட்டத்தை தொடங்கினர்.

இருப்பினும், அத்திக்கடவு - அவிநாசி திட்டத்திற்கு நிதி ஒதுக்குவது, தேசியமயமாக்கப்பட்ட வங்கிகளில் விவசாயிகளின் நகைகளை ஏலம் விடாமல் தடுப்பது உள்ளிட்ட கோரிக்கைகளை நிறைவேற்றுவதாக முதல்வர் எடப்பாடி பழனிச்சாமி வாக்குறுதி அளித்தததை தொடர்ந்து, விவசாயிகள் சென்னை போராட்டத்தை தற்காலிகமாக வாபஸ் பெற்றனர்

இந்நிலையில்தான் இன்று மீண்டும் போராடுவதற்காக அய்யாக்கண்ணு தலைமையிலான விவசாயிகள் கூட்டம் டெல்லி வந்தடைந்துள்ளனர்.

http://www.bbc.com/tamil/india-40622583

Categories: Tamilnadu-news

'பிக் பாஸ்' விமர்சன சர்ச்சையால் தமிழக பா.ஜ.,வுக்கு நெருக்கடி

Sat, 15/07/2017 - 20:29
'பிக் பாஸ்' விமர்சன சர்ச்சையால்
தமிழக பா.ஜ.,வுக்கு நெருக்கடி
 
 
 

தனியார் தொலைக்காட்சி சேனலில் ஒளிபரப் பாகும், 'பிக் பாஸ்' நிகழ்ச்சியில், பா.ஜ., தேசிய செயற்குழு உறுப்பினர் காய்த்ரி ரகுராம் தெரி வித்த கருத்தால், தமிழக பா.ஜ., நெருக்கடிக்கு உள்ளாகி இருக்கிறது.

 

'பிக் பாஸ்',விமர்சன,சர்ச்சையால்,தமிழக,பா.ஜ.,வுக்கு,நெருக்கடி

ஐரோப்பிய நாடுகளில் துவங்கி, பாலிவுட்டில் கோலோச்சி, தமிழுக்கு வந்துள்ளது, 'பிக் பாஸ்' நிகழ்ச்சி. இதில், பிரபலங்களை, வீட்டுக்குள், 100 நாட்கள் பூட்டி வைத்து, உளவியல் ரீதியாக போட்டி நடத்தப்படுகிறது.

தமிழ் தொலைக்காட்சி நேயர்களுக்கு, மிகவும் புதிய நிகழ்ச்சியான இதில், பா.ஜ., பிரமுகரும், நடிகை மற்றும் நடன இயக்குனருமான காயத்ரி ரகுராம் பங்கேற்றுள்ளார்.நிகழ்ச்சியில் பங்கேற்றுள்ள மற்றொருவரை, 'சேரியில் வசிப்பவர் போல் நடந்து கொள்கிறார்' என, அவர் குறிப்பிட்டார்.இந்த கருத்து, பெரும் சர்ச்சையை

ஏற்படுத்தியுள்ளது; இது, அவருக்கு தெரியாது. அவர், பா.ஜ.,வில், முக்கிய பொறுப்பில் உள்ளதால், அக்கட்சியின் எதிர்ப்பாளர்கள் கங்கணம் கட்டிக் கொண்டு, பா.ஜ.,வை விமர்சிக்க களம் இறங்கி உள்ளனர். இது, தமிழக பா.ஜ.,வை நெருக்கடிக்கு உள்ளாக்கி இருக்கிறது.

கடந்த, 2007ல், லண்டனில், பிக் பாஸ் நிகழ்ச்சியில் பங்கேற்று வெற்றி பெற்ற, நடிகை ஷில்பா ஷெட்டியை, அந்நிகழ்ச்சியில் பங்கேற்ற ஒருவர், 'நீ வாழும் சேரிக்கு, திரும்பி போ' என்றார். அது, உலகம் முழுவதும் பெரும் பரபரப்பை ஏற்படுத்தி, ஷில்பாவை வெற்றி பெற வைத்தது.இங்கு அதுவே, தலைகீழாக நடந்துள்ளதால், பா.ஜ.,வை நோக்கி கோபக்கணைகள் திரும்பியுள்ளன.

அனைத்து சமுதாயங்களுக்கும் இணக்கமான கட்சி என பெயரெடுக்க, தலித் வீடுகளுக்கு தேடிச் சென்று, உணவு உண்ணும்படி, பா.ஜ., தலைவர்களுக்கு, மேலிடம் கட்டளையிட்டுள்ளது. அதன்படி, இங்கு, பொன்.ராதாகிருஷ்ணன்,தமிழிசை போன்றோர், பல இடங்களுக்கு செல்கின்றனர். சமீபத்தில், சென்னை யில் ஒரு தலித் குடியிருப்பை, தமிழிசை தேர்வு செய்தார். நகரத்து கட்சி என்ற பிம்பத்தை மாற்ற முயன்று வரும், தமிழக பா.ஜ.,விற்கு, காயத்ரி விமர்சனம், பின்னடைவை ஏற்படுத்தி உள்ளது.

இது குறித்து, மத்திய அமைச்சர் பொன்.ராதாகிருஷ்ணன் கூறியதாவது: நாம்

 

பேசும் போது, 'லோக்கல்' என்ற வார்த்தையை, சாதாரணமாக பயன்படுத்து வோம். அதுபோல, அவர் அந்த வார்த்தையை பயன் படுத்தி இருப்பார் என, கருதுகிறேன். அவசரத்தில், வாய் தவறி கூட அப்படி கூறியிருக்கலாம். வசிக்கும் இடத்தை வைத்து, ஒருவரை எடை போட முடியாது.

அவர், குறிப்பிட்ட சமுதாயத்தை குறிக்கும் வகையில் பேசியிருந்தால், அது ஏற்புடைய தல்ல; கண்டிக்கத்தக்கது. பா.ஜ., அப்படிப்பட்ட கட்சியும் அல்ல. அவர், இதுபோன்ற நிகழ்ச்சி யில் பங்கேற்க போகிறார் என்பது, எனக்கு தெரியாது.இவ்வாறு அவர் கூறினார்.

http://www.dinamalar.com/news_detail.asp?id=1812900

Categories: Tamilnadu-news

மலர்ந்தது புது உறவு: கழகங்கள் இடையே இனி கலகமில்லை

Sat, 15/07/2017 - 20:21
மலர்ந்தது புது உறவு: கழகங்கள் இடையே இனி கலகமில்லை

 

 

சட்டசபையில், தி.மு.க.,வினருடன் அமைச்சர்கள் நெருக்கம் காட்டுவதும், சிரித்து உறவாடுவதும், இரு கட்சி தொண்டர்களிடமும், கடும் அதிர்ச்சியை ஏற்படுத்தி உள்ளது.

ஜெ., இருந்த வரை, சட்டசபையில், அ.தி.மு.க.,வினரும், தி.மு.க.,வினரும், எலியும் பூனையுமாக இருப்பர். சட்டசபையில், ஜெ., இருக்கும் போது, தி.மு.க.,வினரை பார்த்து, ஆளும் கட்சியினர் புன்னகை புரிய மாட்டார்கள்.
 

 

கடுமையாக விமர்சிப்பர்


தி.மு.க., - எம்.எல்.ஏ.,க்கள் பேச துவங்கினாலே, அமைச்சர்கள் அனைவரும் உஷாராகி, ஒவ்வொரு குற்றச்சாட்டுக்கும், உடனுக்குடன் பதில் அளிப்பர். தி.மு.க., தலைவர் கருணாநிதி மற்றும் அவரது குடும்பத்தினரை, கடுமையாக விமர்சிப்பர்.அதை சபைக்குறிப்பில் இருந்து நீக்கும்படி, தி.மு.க.,வினர் கோரினால், ஏற்க மறுப்பர்; அதை ஆட்சேபித்து, அவர்கள் வெளிநடப்பு செய்வர். தி.மு.க.,வினர் பேச்சிலும் சூடு பறக்கும்; அரசின் செயல்பாடுகளை, கடுமையாக விமர்சிப்பர்.

'தி.மு.க.,வினரை பார்த்து சிரிக்கிறார்; அவர்கள், இவரை பாராட்டுகின்றனர்' எனக்கூறி, பன்னீர்செல்வத்தை, முதல்வர் பதவியில் இருந்து நீக்கினார் சசிகலா. புதிய முதல்வராக பழனிசாமியை கொண்டு வந்தார். தற்போது, நிலைமை, அவரது கையை விட்டு சென்று விட்டது.

ஜெ., இல்லாத சட்டசபையில், தி.மு.க.,வினர் எழுப்பும் குற்றச்சாட்டுகளுக்கு, அமைச்சர்கள் பதில் கூற தடுமாறுவர். விவாதம் சூடுபறக்கும் என, அனைத்து தரப்பினரும் எதிர்பார்த்தனர். ஆனால், சட்டசபை துவங்கிய ஓரிரு நாள் மட்டும், விவாதம் சூடுபறப்பது போல இருந்தது. அதன்பின், நிலைமை தலைகீழாகி விட்டது.
 

 

அனல் பறக்கும்


அமைச்சர்களுடன், தி.மு.க., - எம்.எல்.ஏ.,க்கள் ஒட்டி உறவாடத் துவங்கினர். இரு தரப்பினரும், சபையில் சிரித்து பேசுவதும், கிண்டல் செய்வதும் வழக்கமானது. தி.மு.க., - எம்.எல்.ஏ.,க்களிடம் இருந்து, கோரிக்கை கடிதம், அமைச்சர்களுக்கு செல்வதும், அவர்கள் உடனே செய்து தருவதாக, சைகையில் கூறுவதும் தொடர்ந்தது.

இதன் காரணமாக, தி.மு.க., - எம்.எல்.ஏ.,க்கள் விவாதத்தில் சூடு குறைந்தது. தி.மு.க., - எம்.எல்.ஏ., ஜெ.அன்பழகன் பேச்சில் மட்டுமே, அனல் பறந்தது.

காவல் துறை மானிய கோரிக்கையில், துரைமுருகன் பேச்சில் அனல் பறக்கும் என்ற எதிர்பார்ப்புடன், அனைவரும் ஆவலாக, அவரது பேச்சை கவனித்தனர். ஆனால், அவரது பேச்சு, சாதாரணமாக அமைந்தது.

அமைச்சர் ஓ.எஸ்.மணியன், 'கருணாநிதி பட்டுக் கூட்டுறவு சங்கம்' எனக் கூறியதற்கு, தி.மு.க., - எம்.எல்.ஏ., கே.பி.பி.சாமி, 'எப்படி கருணாநிதி பெயரை உச்சரிக்கலாம்' என, எதிர்ப்பு தெரிவித்தார். அப்போது, ஓ.எஸ்.மணியன், 'அவர் எங்கள் ஊர்க்காரர்' என, ஊர் பாசம் காட்ட, தி.மு.க.,வினர் திகைத்தனர்.

அமைச்சர்கள் பதிலுரை யின் போது, கருணாநிதியை விமர்சிப்பதையும், தி.மு.க., அரசு மீது, கடுமையான குற்றங்கள் சுமத்துவதையும் தவிர்த்தனர். சட்டசபையில் ஒரு நாள், துரைமுருகன் எழுந்து, அமைச்சர் உதயகுமாரை, 'லாபி'க்கு வரும்படி கூற, அமைச்சர் ஓடிச் சென்றதை காண முடிந்தது.

அமைச்சர்கள், இப்படி தி.மு.க.,வினருடன் நெருங்கி உறவாடுவதும், கோரிக்கைகளை ஏற்பதும், அ.தி.மு.க., - எம்.எல்.ஏ.,க்களிடம், கடும் அதிருப்தியை ஏற்படுத்தி உள்ளது.
 

 

அதிர்ச்சி


அதேபோல், அரசுக்கு எதிரான புகார்களை அடுக்கி, அமைச்சர்களை நிலைகுலையச் செய்வர் என, ஆவலுடன் எதிர்பார்த்த, தி.மு.க., தொண்டர்களும், அதிர்ச்சியில் உறைந்துள்ளனர்.
இரு தரப்பினரும் அதிக நட்பு பாராட்டுவது, சபாநாயகருக்கு வேலையை எளிதாக்கி உள்ளது.
அவரும் தன் பங்கிற்கு, இரு தரப்பினரையும் அரவணைத்து செல்வதால், சட்டசபை கூட்டம்
ஜாலியாக செல்கிறது.

http://www.dinamalar.com/news_detail.asp?id=1812831

Categories: Tamilnadu-news

பெங்களூரு சிறையில் நடப்பது என்ன வீடியோ வெளியானதால் பரபரப்பு

Sat, 15/07/2017 - 20:18
 
பெங்களூரு சிறையில் நடப்பது என்ன வீடியோ வெளியானதால் பரபரப்பு
 
 
 
 
 
 
 
 
 
 
 
 
 
 
 
 
பெங்களூரு சிறையில் நடப்பது என்ன  வீடியோ வெளியானதால் பரபரப்பு
 

பெங்களூரு:பெங்களூரு பரப்பன அக்ரஹாரா சிறையில் நடந்த முறைகேடுகள் தொடர்பான வீடியோ காட்சிகள், நேற்று, உள்ளூர், 'டிவி' சேனல்களில் வெளியானதால், பெரும் பரபரப்பு ஏற்பட்டது.

கர்நாடக மாநிலம், பெங்களூரு பரப்பன அக்ரஹாரா சிறையில், சிறைத்துறை டி.ஐ.ஜி., ரூபா, கடந்த, 10ம் தேதி ஆய்வு செய்தார்.அப்போது, அ.தி.மு.க., சசிகலாவுக்கு வழங்கப்பட்ட சிறப்பு சமையல் அறை, முத்திரை தாள் மோசடி குற்றவாளி, அப்துல் கரீம்லால் தெல்கிக்கு சிறப்பு வசதி, போதை பொருளான கஞ்சா கொண்டு வருவது போன்ற முறைகேடுகளை கண்டுபிடித்தார்.

இது தொடர்பாக, கைதிகளிடம் விசாரித்தார். கஞ்சா, சூதாட்ட அட்டைகள் எப்படி கிடைத்தன என்று கைதிகளிடம் கேள்வி எழுப்பினார்.இதுகுறித்து விசாரிக்க, விசாரணை கமிஷன் அமைக்கப்பட்டுள்ளது.இந்நிலையில், கைதிகளிடம் ரூபா விசாரிப்பது, சிறை கைதிகள் சூதாடுவது போன்ற வீடியோ காட்சிகள் நேற்று மீடியாக்களில் வெளியானது. இதனால், கர்நாடக போலீஸ் வட்டாரத்தில் பரபரப்பு ஏற்பட்டுள்ளது.

இதற்கிடையில், டி.ஐ.ஜி., ரூபா புகார் வெளியாகி மூன்று நாட்களுக்கு பின்னும், புகார் தொடர்பான பரபரப்பு குறையாமல் இருந்ததால், சிறைத்துறை டி.ஜி.பி., சத்யநாராயண ராவ் பீதி அடைந்துள்ளதாக போலீஸ் வட்டார தகவல்கள் தெரிவித்தன.விசாரணை கமிஷன் அதிகாரிகள், சிறைக்கு செல்வர் என்பதை அறிந்த, சத்யநாராயண ராவ், நேற்று காலையில் திடீரென, பரப்பன அக்ரஹாரா சிறைக்கு சென்றார்.

ஒரு மணி நேரத்துக்கும் அதிகமாக, சிறையில் இருந்தார். சில ஆவணங்களை சரி செய்ததாகவும், நேற்று முன்தினம் இடிக்கப்பட்ட, சசிகலாவின் சமையல் அறை பகுதியை ஆய்வு செய்ததாகவும் தெரிய வந்துள்ளது.இவ்வளவு நாட்களாக, சிறையில் அடைக்கப்பட்டுள்ள சசிகலா, சாதாரண உடை தான் அணிந்துள்ளார்.

பிரச்னை விஸ்வரூபம் எடுத்துள்ளதால், சீருடைக்கு மாறும்படி, ஊழியர்கள் மூலம், டி.ஜி.பி., கூறியதாகவும், அதன் பின், சிறை சீருடையான, வெள்ளை சேலை அவருக்கு வழங்கப்பட்டுள்ளதாகவும் தெரிய வந்துள்ளது. டி.ஜி.பி., ராவ், சிறைக்கு வந்து, சில ஆவணங்களை சரிப்படுத்திய தகவலை அறிந்த டி.ஐ.ஜி., ரூபா நேற்று மாலை 4:00 மணியளவில், பரப்பன அக்ரஹாரா சிறைக்கு வந்தார்.

அங்கிருந்த சப் - இன்ஸ்பெக்டர் பாபு சங்கரிடம் சில நிமிடங்கள் பேசினார். பின், சிறைக்குள் சென்றார். சிறையில் தான் ஏற்கனவே பார்த்த ஆவணங்கள் சரியாகவுள்ளதா அல்லது மாற்றப்பட்டுள்ளதா என்று ஆய்வு செய்தார்.

சிறைத்துறை டி.ஜி.பி., மற்றும் டி.ஐ.ஜி., ஒருவர் பின் ஒருவர் பரப்பன அக்ரஹாரா சிறைக்கு வந்தது சிறை வட்டாரத்தில் பெரும் பரபரப்பை ஏற்படுத்தியது.
 

 

சசியை சந்திக்க சென்றவர்களுக்கும் சிறையில் ராஜமரியாதை கிடைத்ததா


பரப்பன அக்ரஹாரா சிறையில் இம்மாதம், 10ம் தேதி ரூபா ஆய்வு செய்தபோது, அவர் எடுத்த வீடியோ காட்சிகளை சிறை அதிகாரிகளிடம் வழங்கியிருந்தார்; அந்த காட்சிகளை தனக்கு அனுப்பும்படியும் உத்தரவிட்டிருந்தார். அவர்கள் அனுப்பிய வீடியோ காட்சிகளை பார்த்தபோது, சசிகலா சம்பந்தமான சில முக்கியமான காட்சிகள் அழிக்கப்பட்டிருப்பது தெரிந்தது.

இது தொடர்பாக சத்யநாராயண ராவ், உள்துறை முதன்மை செயலர், மாநில போலீஸ் டி.ஜி.பி., ஊழல் ஒழிப்பு படை ஆகியோருக்கு, நேற்று காலை, இரண்டாவது அறிக்கையை, ரூபா சமர்ப்பித்துள்ளார்.அதில் கூறப்பட்டுள்ளதாவது:

சசிகலாவை சந்திக்க வருபவர்கள், நேரடியாக, அவர் அடைக்கப்பட்டுள்ள இடத்துக்கே அழைத்து செல்லப்படுகின்றனர். சசிகலாவை சந்திக்க வருபவர்கள் அமருவதற்கு, நான்கு நாற்காலிகள், ஒரு மேஜை போடப்பட்டிருந்தன. இந்த அறை முன் வைக்கப்பட்டிருந்த கண்காணிப்பு கேமரா காட்சிகள் அழிக்கப்பட்டுள்ளன.

சசிகலாவுக்கு சிறப்பு வசதி செய்து கொடுப்பது தொடர்பாக சிறை ஊழியர் ஒருவர், எனக்கு கடிதம் மூலம் புகார் அனுப்பியிருந்தார். எனக்கு எதிராக கைதிகள் போராட்டம் நடத்திய காட்சிகள், எப்படி வெளியானது; அதற்கு துணை புரிந்தவர்கள் யார்; அவர்கள் மீது ஏன் நடவடிக்கை எடுக்கக் கூடாது. சிறை ஊழியர்களுக்கு தெரிந்தே, கைதிகள், சூதாட்டம் ஆடுகின்றனர்.இதுபோன்ற பல முக்கிய தகவல்கள் அந்த அறிக்கையில் இடம் பெற்றுள்ளதாக, தகவல்கள் வெளியாகி உள்ளன.
 

 

சிறைக்கு வெளியே சசி


ரூபாவுக்கு சிறை ஊழியர் எழுதிய கடிதத்தில், 'சசிகலா சிறைத்துறை உயர் அதிகாரி காரில், சிறையில் இருந்து முக்கால் கிலோ மீட்டர் துாரத்தில் உள்ள பிரிட்டானியா அடுக்குமாடி குடியிருப்புக்கு மூன்று முறைக்கும் மேலாக சென்று வந்துள்ளார்' என தெரிவிக்கப்பட்டுள்ள தாகவும் தகவல் வெளியாகி உள்ளது.
 

 

சிறையில் ரகளை கைதிகள் மீது தடியடி


பெங்களூரு பரப்பன அக்ரஹாரா சிறையில் டி.ஐ.ஜி., ரூபா நேற்று மாலையில் ஆய்வை முடித்து திரும்பிய பின், இரவு 7:30 மணியளவில் அவருக்கு எதிராக போராட்டம் நடத்தும்படி கைதிகளை சிறை அதிகாரி கிருஷ்ணகுமார் துாண்டியதாகவும் தகவல் அறிந்து பரப்பன அக்ரஹாரா போலீஸ் ஸ்டேஷனில் இருந்து 20க்கும் மேற்பட்ட போலீசார் சிறைக்குள் சென்று கைதிகள் மீது தடியடி நடத்தி கலைத்ததாகவும் தகவல்கள் வெளியானது.

இதையடுத்து துணை போலீஸ் கமிஷனர் போரலிங்கையா அவசரமாக சிறைக்கு சென்று விசாரணை நடத்தினார். அப்போது ரூபாவுக்கு ஆதரவாக சில கைதிகளும் கிருஷ்ணகுமாருக்கு ஆதரவாக சில கைதிகளும் கோஷம் எழுப்பினர். அவர்களை சமாதானப்படுத்திய போரலிங்கையா நடந்த சம்பவம் குறித்து உயர் அதிகாரிகளுக்கு தகவல் கொடுத்தார். இந்த சம்பவத்தால் சிறை பகுதியில் கூடுதல் போலீசார் பாதுகாப்பு பணியில் ஈடுபட்டுள்ளனர்.
 

 

டி.ஜி.பி.,க்கும் நோட்டீஸ்


பரப்பன அக்ரஹாரா சிறையில் நடந்த முறைகேடு குறித்து டி.ஐ.ஜி., ரூபா, டி.ஜி.பி., சத்யநாராயண ராவுக்கு சமர்ப்பித்த அறிக்கை குறித்து மீடியாக்களில் பேசியதற்காக ரூபாவுக்கு நோட்டீஸ் வழங்கப்பட்டிருந்தது. தற்போது சத்யநாராயண ராவுக்கும் விளக்கம் கேட்டு கர்நாடக உள்துறை நோட்டீஸ் அனுப்பியுள்ளது. பாரபட்சமின்றி அரசு செயல்படுகிறது என காண்பித்து கொள்வதற்காக, இது போன்று நடப்பதாக அதிகாரி ஒருவர் தெரிவித்தார்.
 

 

கைதி மீது தாக்குதல்?


சசிகலாவுக்கு சிறையில், சிறப்பு வசதி செய்து கொடுத்திருந்ததை அம்பலப்படுத்திய, டி.ஐ.ஜி., ரூபா, நேற்று மாலை, பரப்பன அக்ரஹாரா சிறைக்கு வந்தபோது, சிறை வளாகத்தில் இருந்த ராமமூர்த்தி என்ற கைதியின் மனைவி அனிதா, ரூபாவிடம் ஓடி வந்து, ''சிறையிலுள்ள என் கணவர், சிறை முறைகேடுகள் குறித்து உங்களுக்கு தகவல் அளித்து வந்ததாக கூறி, சிறை அதிகாரி கிருஷ்ணகுமார், தகாத வார்த்தையால் திட்டி, அவரை தாக்கியுள்ளார்,'' என்றார்.

இதற்கு ரூபா, ''நான் பார்த்துக் கொள்கிறேன்,'' எனக் கூறி, சிறைக்குள் சென்றார். இது தொடர்பாக, சிறைக்குள், கிருஷ்ணகுமாருக்கும், ரூபாவுக்கும் இடையே கடும் வாக்குவாதம் நடந்துள்ளது.இதையடுத்து, எலக்ட்ரானிக் சிட்டி பகுதி போலீசாரை அழைத்து, தன் பாதுகாப்புக்கு வரும்படி, ரூபா அழைத்தார். இதன் பின், அங்கிருந்து, ஒரு இன்ஸ்பெக்டர், நான்கு போலீசார் வந்தனர். வெளியே வந்த ரூபா, நேராக, பரப்பன அக்ரஹாரா போலீஸ் ஸ்டேஷனுக்கு சென்றார். அங்கு, சிறை அதிகாரி கிருஷ்ணகுமார் மீது, அவர் புகார் அளித்திருக்கலாம் என தெரிகிறது.

பரப்பன அக்ரஹாரா மத்திய சிறையில் நடந்துள்ள முறைகேடு விவகாரம் தொடர்பாக, விசாரணைக்கு உத்தரவிடப்பட்டுள்ளது. அந்த விசாரணை அறிக்கை வந்தவுடன், உரிய நடவடிக்கை எடுக்கப்படும். தினமும் அது பற்றியே, கருத்தை தெரிவித்து கொண்டிருக்க எனக்கு விருப்பமில்லை.

http://www.dinamalar.com/news_detail.asp?id=1812884

Categories: Tamilnadu-news

சதிகலாவால் ஜெயாவுக்கு நேர்ந்த கதி ரா (கூ) ஜாவால் தீபாவுக்கும் நேரலாம்

Sat, 15/07/2017 - 16:51
சதிகலாவால் ஜெயாவுக்கு நேர்ந்த கதி ரா (கூ) ஜாவால் தீபாவுக்கும் நேரலாம்

 

ஜூன் 11 ஆம் திகதி போயஸ் தோட்டத்தில் தீபா ஆடிய கரகாட்டத்தை தமிழ்நாடே கண்டுகளித்த சமயத்தில், அனைவர் மனதிலும் எழுந்த கேள்வி? தீபாவோடு நெருங்கி நிற்கும் இந்த ராஜா யார் என்பதுதான்? இவருக்கும் தீபாவிற்கும் என்ன சம்பந்தம்? மனைவி முன்னிலையிலேயே கணவன் மாதவனை நாயே, பரதேசி என்று திட்டும் அளவிற்கு சக்தி படைத்தவரா இவர் என்பதுதான்!

எம்.ஜி.ஆர். அம்மா தீபா பேரவையின் பொதுச் செயலாளர் தீபாவின் தோழனாக அடையாளப்படுத்திக் கொள்ளும் இந்த ராஜா, அப்பேரவையின் பொருளாளராக உள்ளார். தீபாவை இயக்குவது மட்டுமின்றி பேரவையின் அனைத்துச் செயல்பாடுகளையும் தற்போது இவர்தான் தீர்மானிக்கிறார். கடந்த பெப்ரவரி தொடக்கத்தில் தீபா வீடு அமைந்திருக்கும் சிவஞானம் தெரு தீபாவின் ஆதரவாளர்களால் நிரம்பி வழியும். திருவிழா போன்று கடை விரித்து ஆயிரக்கணக்கில் வியாபாரம் பார்த்தவர்கள் ஏராளம். ஆனால் இன்று ஒரு குல்பி ஐஸ் வண்டி கூட வராத தெருவாகி விட்டது.

தீபா மீது இருந்த ஈர்ப்பும் ஆதரவும் குறைந்ததற்கு முக்கிய காரணம் இந்த ராஜாதான் என்று குமுறுகிறார்கள் தீபாவின் ஆதரவாளர்கள். தவறான ஆலோசனைகளை அளித்து யாரும் தீபாவை நெருங்க முடியாதபடி தன் குடும்ப உறுப்பினர்களால் அரண் அமைத்துத் தீபாவைத் தடுப்பதாகப் புலம்பித் தள்ளுகின்றனர். இப்படி புலம்புபவர்களுள் தீபாவின் கணவர் மாதவனும் அடக்கம்!

யார் இந்த ராஜா? தீபாவிற்கு நெருக்கமானவர்களிடம் பேச்சுக் கொடுத்தபோது ராஜாவிற்கு சொந்த ஊர் திருச்சி மாவட்டம் முசிறி. அனைத்துலக எம்.ஜி.ஆர். மன்றத் தலைவராகவும் அமைச்சராகவும் இருந்த முசிறிப்புத்தனின் அக்காள் மகன் என்று தன்னைக் கூறி கொள்பவர். இவரது குடும்பமே எண்ணெய் வியாபாரம் செய்கின்றனர். ஆயில் ராஜா என்றுதான் இவரை அழைப்பார்கள். கச்சா எண்ணெய் தொழிலோடு சில காம்ப்லெக்ஸ்களும் ராஜாவிற்குச் சொந்தமாக உள்ளனவாம்.

தீபக்கிற்கு மது அருந்தும் பழக்கம் உண்டு. அவ்வப்போது நண்பர்களோடு சேர்ந்து சிவஞானம் சாலை வீட்டிற்கு அருகிலிருக்கும் ஒரு பூங்காவில் இரவு நேரங்களில் மதுவருந்திக் குதூகலிப்பது வழக்கம். அப்போது அவருக்கு வேண்டிய உதவிகளைச் செய்து கொடுத்து நெருக்கமானவர்தான் ராஜா. ராஜாவும் தீபக்கும் ஒரே ஏரியா என்பதால் அடிக்கடி சந்தித்துச் சரக்கடிப்பார்கள். அப்படி வீட்டிற்கு வந்து போன போதுதான் தீபாவின் அறிமுகம் கிடைக்கிறது.

அத்தகைய (ஜெயா)ச் சந்திக்க முடியாமல் போயஸ் கார்டன் ரோட்டில் தீபா கலங்க நின்றபோது அவருக்கு ஆறுதல் அளிக்கச் சென்றார் ராஜா. பிறகுதான் இருவருக்கும் இடையே நட்பு நெருக்கமானது. பின் பொருளாதார ரீதியாக தீபாவுக்கு ராஜா உதவவே ராஜா இல்லாமல் எந்த முடிவையும் தீபா எடுப்பதில்லை என்ற நிலையும் ஏற்பட்டது. 2012 இல் மாதவனோடு தீபாவிற்கு திருமணமான பின்பும் ராஜாவிடம் ஆலோசனை கேட்டுத்தான் அவர் செயல்பட்டு வந்தார். பேரவையைத் தொடங்கிய சமயத்தில் தீபாவிற்கு ஆலோசனை அளிக்க எத்தனையோ சீனியர்கள் முன்வந்தார்கள். ஆனால் தன்னை மீறி தீபா செயல்பட்டுவிடக்கூடாது என்பதற்காகவே அவர்கள் யாரையும் தீபாவிடம் நெருங்கவிடாமல் தடுத்து இன்று தீபாவின் அரசியல் வீழ்ச்சிக்கு ராஜாவே காரணமாகியுள்ளார்.

கடந்த டிசம்பர் மாதவாக்கில் ராஜாவிற்கு சுமார் 20 இலட்சம் ரூபாய் கடன் இருந்தது. ஆனால் இன்று அவர் கோடீஸ்வரர். பேரவையின் ஒவ்வொரு பதவிக்கும் ஒரு ரேட் நிர்ணயித்து இதுவரையும் பத்துக் கோடி ரூபாய்க்கும் மேல் சுருட்டி விட்டார். காஞ்சிபுரம் மாவட்ட செயலாளர் பதவிக்காக முட்டை ராஜேந்திரன் என்பவரிடம் இருந்து கைப்பற்றிய காரைத்தான் ராஜா தற்போது பயன்படுத்துகிறார். தீபாவுக்கும் தீபக்கிற்கும் சில முதலீடுகள், கடை வாடகை என்ற வகையில் மாதந்தோறும் சில இலட்சங்கள் வருமானமாக வருகிறது. இதனையும் ராஜா குடும்பத்தினரே ஆட்டையைப் போடுகிறார்கள். தற்போது ராஜாவின் உறவினர்களான முருகன், சுரேஷ், பாலாஜி, விக்கி, ஷங்கர் ஆகியோர்தான் தீபாவைச் சுற்றிலும் இருக்கிறார்கள். இவர்களை மீறி தீபாவிடம் எந்தவொரு விஷயத்தையும் கொண்டு செல்ல முடியாது. ராஜாவின் முழுக் கட்டுப்பாட்டில்தான் தீபா இருக்கிறார். சசிகலா குடும்பத்தினரால் ஓரங்கட்டப்பட்ட இலட்சக்கணக்கான அ.தி.மு.க. தொண்டர்களோ தீபாவை நம்பி வந்தோம். வீடு நிலங்களை விற்று அவருக்காக உழைத்தோம். அந்த நம்பிக்கையை எல்லாம் தீபா தவிடுபொடியாக்கி எங்களை வீதியில் நிறுத்திவிட்டார் என்று கொட்டித் தீர்த்தார்கள்.

குற்றச்சாட்டிற்கு உள்ளான ராஜாவிடம் பேசியபோது; 1992 முதல் தீபாவை எனக்குத் தெரியும். 2001 இல் தனது பாட்டி சந்தியா பெயரில் ஒரு புத்தகத்தைத் தீபா எழுதியபோது அதனை எடுத்துக் கொண்டு நானும் அவரும் தான் போயஸ் தோட்டத்திற்குச் சென்றோம். தீபா, தீபக், நான் மூவரும் ஒன்றாகத்தான் பள்ளியில் படித்தோம். பின்னர் நான் பாதியிலேயே படிப்பை விட்டு விட்டாலும் எங்களுக்கு இடையேயான நட்பு நீடித்தது. அவர்களது குடும்ப உறுப்பினர்களுள் ஒருவராகவே நானும் மாறிவிட்டேன்.

எம்.ஜி.ஆர், அம்மா, தீபா பேரவையைத் தொடங்கச் சொன்னதும், அதில் என் மனைவி சரண்யாவின் பெயரைப் பொதுச் செயலாளராகப் போடச் சொன்னதும் தீபாதான். அப்போதிலிருந்தே மாதவனுக்கும் எனக்கும் மனக்கசப்பு துவங்கி விட்டது. தனிக்கட்சி தொடங்கப் போவதாக அவர் எங்களிடம் சொன்னபோது அவரோடு சண்டை போட்டேன். போயஸ் கார்டனில் அவரை நான் திட்டியதற்குக் காரணமும் அவர் நடந்து கொண்டவிதம்தான். பணத்துக்காக நான் என்றுமே அலைந்ததில்லை. நட்புக்காகத்தான் தீபாவோடு இருக்கிறேன். தீபாவின் உயிருக்கு அச்சுறுத்தல் அதிகமாக இருப்பதால் அவர் என்னைத்தான் முழுமையாக நம்புகிறார்.

நான்தான் அவர் கட்டுப்பாட்டில் இருக்கிறேனே தவிர எனது கட்டுப்பாட்டில் அவர் இல்லை. அவர் சொல்வதைத்தான் நான் கேட்கிறேன். தீபாவை ஒருமையில் பேசியதாகக் குற்றம் சாட்டுகிறார்கள். முதலில் அவர் எனக்குத் தோழி, பிறகுதான் கட்சித் தலைவர். அவரை நீ வா, போ என்று அழைக்க எனக்கு முழு உரிமையுள்ளது. தீபா எனக்கு அளிக்கும் முக்கியத்துவம் பிடிக்காமல் சிலர் வேண்டுமென்றே என் மீது களங்கம் கற்பிக்கிறார்கள் என்று விளக்கமளித்தார். பேரவையின் வீழ்ச்சிக்கு ராஜா மட்டுந்தான் காரணம் என்று கூறுவது அபத்தமானது. இதுவரையில் எந்த மக்கள் பிரச்சினைக்காக தீபா போராடி இருக்கிறார், தமிழகம் முழுவதும் சுற்றுப் பயணம் செல்லப் போவதாக உதார் விட்டவர், சென்னை எல்லையைக் கூட இன்னும் தாண்டவில்லை. ஆரம்பத்தில் அத்தையின் சொத்து எதுவும் வேண்டாம். அவர் பயன்படுத்திய பேனா மட்டும் போதும் என்று சொன்ன தீபா இன்று போயஸ் கார்டன் வீட்டை அரசுடமையாக்கச் சம்மதிக்க மாட்டேன் என்கிறார்.

எந்த ஒரு திடமான அரசியல் நிலைப்பாட்டையும் எடுக்கத் தெரியாமல் மக்களுக்காகத் தைரியமாகப் போராட முன்வராமல் இருக்கும் தீபா ஜெயலலிதாவின் அரசியல் வாரிசு என்று சொல்வதற்கு உண்மையிலேயே வெட்கப்பட வேண்டும். அரசியல் தனக்குச் சரிப்பட்டு வராது என உணர்ந்தால் பொது வாழ்வில் இருந்து விலகுவதாக அறிவித்துவிட்டு எங்களை ஏமாற்றாமலாவது இருக்க வேண்டும் என்பதுதான் அவரது ஆதரவாளர்கள் எழுப்பும் கோரிக்கையாகும்.

http://content.epaper.virakesari.lk/newspaper/Daily/arasiyal-theepori/2017-07-15#page-11

Categories: Tamilnadu-news

அன்று ஆடிய ஆட்டம் என்ன? இன்று ஓடிய ஓட்டம் என்ன?

Sat, 15/07/2017 - 16:50
அன்று ஆடிய ஆட்டம் என்ன? இன்று ஓடிய ஓட்டம் என்ன?

 

ஊழல் வழக்குகளில் சம்பந்தப்பட்டவர்கள் நீதிமன்றத்திற்கு வரும்போது அவர்களை மீடியாக்கள் படம் பிடிப்பது புதிய விஷயம் அல்ல. ஆனால் ஜூன் 6 ஆம் திகதி சென்னை உயர் நீதிமன்ற வளாகத்தில் கே.டி.பிரதர்ஸை படம் பிடிக்க முயன்ற மீடியாக்களைச் சிலர் பகிரங்கமாக மிரட்டியது பரபரப்பை ஏற்படுத்தியிருக்கிறது.

தயாநிதி மாறன் மத்திய அமைச்சராக இருந்த காலகட்டமான 2004 முதல் 2007 வரையில் நடைபெற்ற முறைகேடு தொடர்பான வழக்கு அது. சென்னை போட் கிளப்பில் உள்ள தயாநிதியின் வீட்டில் சட்டவிரோதமாக அதிவேக தொலைத்தொடர்பு இணைப்பகம் இருந்ததாகவும் அதனை சன் குழும தொலைக்காட்சிகளின் ஒளிபரப்புக்குப் பயன்படுத்தியதாகவும் உச்ச நீதிமன்றத்தின் கவனத்திற்கு எடுத்துச் செல்லப்பட்டது. அதன் அடிப்படையில் விசாரணை நடத்தி சி.பி.ஐ மத்திய அரசின் பொதுத்துறை நிறுவனமான பி.எஸ்.என்.எல் க்கு அதில் 1.78 கோடி வருவாய் இழப்பு ஏற்பட்டதாக வழக்குப் பதிவு செய்தது. சன் குழுமத் தலைவர் கலாநிதி மாறன், முன்னாள் மத்திய அமைச்சர் தயாநிதி மாறன், சன் டிவி முதன்மை தொழில்நுட்ப அதிகாரி கண்ணன், எலக்ட்ரீசியன் ரவி, சென்னை பி.எஸ்.என்.எல். பொது மேலாளராகப் பதவி வகித்த பிரம்மநாதன், தயாநிதியின் தனிச் செயலாளர் கெளதமன் ஆகியோர் இந்த வழக்கில் சேர்க்கப்பட்டனர்.

அவர்களில் கலாநிதி தயாநிதி தவிர வேறு சிலரை 2015 இல் சி.பி.ஐ கைது செய்தது. இவர்கள் மீதான குற்றப்பத்திரிகையை சென்னை உயர் நீதிமன்ற வளாகத்தில் உள்ள சி.பி.ஐ சிறப்பு நீதிமன்றத்தில் அதிகாரிகள் தாக்கல் செய்தனர். இந்த வழக்கு ஜூன் 6 ஆம் தேதி விசாரணைக்கு வந்தது. இதையொட்டி கலாநிதி, தயாநிதி உள்ளிட்டவர்கள் சி.பி.ஐ நீதிமன்றத்திற்கு வந்தனர். உயர் நீதிமன்ற வளாகத்தில் குடும்ப நல நீதிமன்றத்தின் பின்புறம் 2 ஆவது மாடியில் சி.பி.ஐ சிறப்பு நீதிமன்றம் உள்ளது. இங்கு ஆஜரான கலாநிதி, தயாநிதி உள்ளிட்டோருக்கு குற்றப்பத்திரிகை நகல்களை நீதிபதி ஜவஹர் வழங்கினார். பிறகு அங்கிருந்து அவர்கள் கிளம்பி கீழ் தளத்திற்கு வந்தபோதுதான் செய்தியாளர்களுடன் மல்லுக்கட்டு நடந்தது. இது குறித்துப் பேசிய உயர் நீதிமன்ற செய்தியாளர்கள் சிலர் உயர் நீதிமன்ற வளாகத்திற்குள் வீடியோ கேமரா கொண்டு செல்லத்தடை செய்யப்பட்டிருக்கிறது. ஆனாலும் மாநில பொலிஸ் எல்லைக்குட்பட்ட பகுதிவரை மொபைல் போன் மூலமாகப் படங்களை எடுத்துக்கொள்வதை மீடியாக்கள் வழக்கமாக்கி வைத்திருக்கின்றன.

அந்த வகையில் சி.பி.ஐ நீதிமன்றத்தில் ஆஜராகிவிட்டு படிக்கட்டு வழியாக இறங்கி வந்த கலாநிதியை கீழ்தளத்தில் செய்தியாளர்கள் படம் எடுத்தனர். அப்போது கலாநிதி தரப்பு வழக்கறிஞர் ஒருவர், தொலைக்காட்சி நிருபர் ஆனந்தின் மொபைல் போனை ஓடிவந்து பறித்தார். இதற்குச் செய்தியாளர்கள் கடும் எதிர்ப்புத் தெரிவித்து வாக்குவாதம் செய்தனர். படம் எடுத்தபோது கலாநிதி இன்று ஓடிய ஓட்டம் என்ன? கார் மறைவில் ஓடி ஒளிந்து கொள்வதில்தான் ஆர்வம் காட்டினார். படம் எடுத்தவர்களை எடுக்காதீர்கள் என்றும் கூறவில்லை. மொபைல் போனை பறித்த வழக்கறிஞரைத் தடுக்கவும் இல்லை. பிறகு செய்தியாளர்களே வாதாடியும் போராடியும் மொபைல் போனை மீட்டனர்.

அதே நீதிமன்றத்தின் இன்னொரு வாசல் வழியாக தயாநிதி வெளியே வந்தார். அவரையும் மொபைல் போனில் மீடியாக்கள் படம் எடுத்தன. அப்போது அவருடன் வந்த பெண் வழக்கறிஞர் கையை ஓங்கியபடி ஒரு நிருபரை அடிக்கவே பாய்ந்தார். மத்திய அமைச்சராக இருந்தபோது நாட்டுக்கு இழப்பு ஏற்படுத்திய வழக்கில் ஆஜராகும்போது மீடியா எப்படிப்படம் எடுக்காமல் இருக்க முடியும்?

ஒரு சன் மீடியாவையே நடத்துகிற இவர்களுக்கு இது தெரியாதா? எத்தனை பேரை விரட்டி விரட்டி இவர்கள் வீடியோ எடுத்து ஒளிபரப்பி அன்று ஆடிய ஆட்டம் என்ன? குடும்பப் பெண்கள் என்று கூடப்பாராமல் எத்தனை பேரைச் செய்திகளில் காண்பித்துப்பரவசம் அடைந்திருக்கிறார்கள். இவர்களுக்கு ஒரு நியாயம் மற்றவர்களுக்கு வேறு நியாயமா? என ஆவேசப்படுகிறார்கள் உயர் நீதிமன்றச் செய்தியாளர்கள்.

http://content.epaper.virakesari.lk/newspaper/Daily/arasiyal-theepori/2017-07-15#page-11

Categories: Tamilnadu-news

"இரட்டை இலை" சின்னத்தைப் பெற லஞ்சம் தர முயற்சி? நீதிமன்றத்தில் குற்றப்பத்திரிகை தாக்கல்

Fri, 14/07/2017 - 20:31
"இரட்டை இலை" சின்னத்தைப் பெற லஞ்சம் தர முயற்சி? நீதிமன்றத்தில் குற்றப்பத்திரிகை தாக்கல்
 

அதிமுகவின் இரட்டை இலை தேர்தல் சின்னத்தை, அதிமுக (அம்மா) அணி பொதுச்செயலாளர் சசிகலாவின் தலைமைக்கு சாதகமாக பெற தேர்தல் ஆணையத்துக்கு லஞ்சம் கொடுக்க முயன்றதாக தொடரப்பட்ட வழக்கில் டெல்லி தீஸ் ஹசாரி மாவட்ட நீதிமன்றத்தில் இன்று (வெள்ளிக்கிழமை) நகர காவல்துறை குற்றப்பத்திரிகை தாக்கல் செய்துள்ளது.

இரட்டை இலை சின்னம்படத்தின் காப்புரிமைBHASKER SOLANKI

தற்போது திஹார் சிறையில் நீதிமன்ற காவலில் உள்ள சுகேஷின் ஜாமீன் மனுவை விசாரணை நீதிமன்றம் (தீஸ் ஹசாரி மாவட்ட நீதிமன்றம்) இரண்டு முறையும் டெல்லி உயர் நீதிமன்றம் ஒரு முறையும் நிராகரித்துள்ளன.

இந்த வழக்கை டெல்லி தீஸ் ஹசாரி மாவட்ட நீதிமன்ற சிறப்பு நீதிபதி பூணம் செளத்ரி விசாரித்து வருகிறார்.

அவர் விடுமுறையில் உள்ளதால் 701 பக்கங்கள் அடங்கிய குற்றப்பத்திரிகையை, அதே நீதிமன்றத்தில் உள்ள மற்றொரு சிறப்பு நீதிபதி மனோஜ் ஜெயின் முன்னிலையில், நகர காவல்துறை அதிகாரிகள் இன்று தாக்கல் செய்தனர்.

அதை பதிவு செய்து கொண்ட சிறப்பு நீதிபதி மனோஜ் ஜெயின், வழக்கை விசாரித்து வரும் சிறப்பு நீதிபதி பூணம் செளத்ரி, இந்த குற்றப்பத்திரிகை தொடர்பாக வரும் 17-ஆம் தேதி விசாரிப்பார் என்று கூறி வழக்கை தள்ளிவைத்தார்.

சின்னம்படத்தின் காப்புரிமைGETTY IMAGES

சுகேஷை கைது செய்தபோது அவரது அறையில் மாநிலங்களவை உறுப்பினருக்கான போலி அடையாள அட்டை, இந்திய இளைஞர் காங்கிரஸ் உறுப்பினர் அட்டை போன்றவையும் இருந்ததாக காவல்துறையினர் தெரிவித்தனர்.

இந்த குற்றப்பத்திரிகையில் சுகேஷ் சந்திரசேகரின் பெயர் மட்டும் சேர்க்கப்பட்டுள்ளது. அவருக்கு எதிரான ஆதாரங்கள், சாட்சியங்கள் ஆகியவை வலுவாக இருப்பதால், அவரை வழக்கு விசாரணைக்கு உள்படுத்த அனுமதிக்க வேண்டும் என்று நீதிமன்றத்தில் காவல்துறை கேட்டுக்கொண்டுள்ளது.அதே சமயம், குற்றப்பத்திரிகையில் தினகரன், மல்லிகார்ஜுனா, நாது சிங், லலித் ஆகியோரின் பெயர்கள் சேர்க்கப்படவில்லை. இதற்கான விளக்கமும் காவல்துறை தாக்கல் செய்த குற்றப்பத்திரிகையில் உள்ளது.

காவல்துறை விளக்கம்

அதில், சாட்சிகள் அளித்துள்ள வாக்குமூலம், குற்றம் சாட்டப்பட்டோர் மற்றும் சாட்சிகளின் தொலைபேசி அழைப்பு விவரங்கள், அவை தொடர்பான தொழில்நுட்ப ஆய்வுகள் ஆகியவை அடிப்படையில் வழக்கு விசாரிக்கப்பட்டு வருகிறது.

சசிகலா மற்றும் பன்னீர்செல்வம்

சுகேஷ் சந்திரசேகரும் தினகரனும் தேர்தல் ஆணையத்தில் நிலுவையில் உள்ள இரட்டை இலை தேர்தல் சின்ன விவகாரம் பற்றி விவாதித்துள்ளதை உறுதிப்படுத்தும் தொழில்நுட்ப ஆதாரங்கள் உள்ளன. அவற்றைக் கொண்டு இந்த விவகாரத்தில் குற்றச்சதியில் இருவரும் ஈடுபட்டுள்ளது தெரிய வருகிறது.

ஆதாரங்கள் வலுவாக இருப்பதால், முதலாவதாக சுகேஷுக்கு எதிராக மட்டும் குற்றப்பத்திரிகை தாக்கல் செய்யப்பட்டுள்ளது. சுகேஷ், தினகரன் உள்ளிட்டோர் இடையிலான உரையாடல்கள், அவர்கள்வசம் இருந்து பறிமுதல் செய்யப்பட்டுள்ள செல்லிடப்பேசிகளின் குரல் பதிவுகள் ஆகியவை மீதான விசாரணை நிலுவையில் உள்ளது.

சுகேஷ் கைது செய்யப்பட்டபோது, அவர் தங்கியிருந்த ஹோட்டல் அறையில் ரூ.50 கோடி ரொக்கம் கண்டுபிடிக்கப்பட்டு பறிமுதல் செய்யட்டது. அந்த பணத்தை சட்டவிரோத வழிகளில் டெல்லிக்கு சுகேஷ் கொண்டு வந்துள்ளார்.

சுகேஷ் பயன்படுத்திய கார்களும் பறிமுதல் செய்யப்பட்டுள்ளன. அவை தொடர்பாக புல்கித் குந்த்ரா என்பவரிடம் விசாரணை நடத்தப்பட்டு வருகிறது என்று குற்றப்பத்திரிகையில் குறிப்பிடப்பட்டுள்ளது.

36 சாட்சிகள்

இது குறித்து டெல்லியில் மாநிலங்களவை செயலகத்தின் செயலாளர், சென்னையைச் சேர்ந்த மூத்த வழக்கறிஞர் பி.குமார், பெங்களூரைச் சேர்ந்த வெளிநாடுவாழ் இந்தியர் அமைப்பின் வி.சி.பிகராஷ், இந்திய இளைஞர் காங்கிரஸ் பிரமுகர் அம்ரீந்தர் ராஜா உள்ளிட்டோரிடம் விசாரணை நடத்தி அவர்கள் சாட்சிகளாக சேர்க்கப்பட்டுள்ளனர் என்று காவல்துறையினர் தெரிவித்தனர். மொத்தம் 36 பேர் வழக்கில் சாட்சிகளாக சேர்க்கப்பட்டுள்ளனர்.

டி.டி.வி தினகரன்

முன்னதாக, இந்த வழக்கில் சுகேஷ் சந்திரசேகரை டெல்லியில் உள்ள நட்சத்திர ஹோட்டல் அறையில் டெல்லி காவல்துறை கடந்த ஏப்ரல் 16-ஆம் தேதி கைது செய்தது.

அதைத்தொடர்ந்து, அதிமுக அம்மா கட்சி துணை பொதுச்செயலாளர் டி.டி.வி.தினகரன், அவரது நண்பர் மல்லிகார்ஜுனா, நரேஷ் என்கிற நாது சிங், லலித் குமார் என்கிற பாபு பாய் ஆகியோரை கடந்த ஏப்ரல் மற்றும் மே மாதங்களில் அடுத்தடுத்து காவல்துறை அடுத்தடுத்து கைது செய்தது.

போலீஸ் காவலில் விசாரிக்கப்பட்ட அவர்கள், பின்னர் ஒரு மாதத்துக்கும் மேலாக டெல்லி திஹார் சிறையில் நீதிமன்ற காவலில் வைக்கப்பட்டனர்.

இதையடுத்து சுகேஷ் நீங்கலாக மற்ற நால்வரையும் டெல்லி நீதிமன்றம் கடந்த மாதம் ஜாமீனில் விடுவித்தது.

சின்ன‘ விவகாரம்: பின்னணி என்ன?

தமிழக முதல்வரும் அதிமுக பொதுச் செயலாளருமான ஜெயலலிதா கடந்த ஆண்டு டிசம்பர் 5-ஆம் தேதி உயிரிழந்த பிறகு மாநில முதல்வராக ஓ.பன்னீர்செல்வம் தேர்ந்தெடுக்கப்பட்டார்.

அதன் பிறகு அக்கட்சியின் பொதுக்குழுவில் சசிகலா இடைக்கால பொதுச்செயலாளராக கடந்த ஆண்டு டிசம்பர் 22-ஆம் தேதி நியமிக்கப்பட்டார்.

அதைத்தொடர்ந்து, தமிழக முதல்வராக சசிகலா பதவி ஏற்க வேண்டும் என்று அதிமுக எம்.எல்.ஏ.க்களில் ஒரு பிரிவினர் குரல் கொடுத்தனர். இதையடுத்து முதல்வர் பதவியை பன்னீர்செல்வம் கடந்த பிப்ரவரி 5-ஆம் தேதி ராஜிநாமா செய்தார்.

ஜெயலலிதாபடத்தின் காப்புரிமைGETTY IMAGES

இதையடுத்து சசிகலா பதவி ஏற்புக்கான முன்மொழிவுகள் தீவிரமான நிலையில், சென்னையில் ஜெயலலிதாவின் சமாதியில் தியானம் செய்த பன்னீர்செல்வம், ஜெயலலிதா சாவில் மர்மம் உள்ளதாகவும் சசிகலாவுக்கு எதிராக பல்வேறு குற்றச்சாட்டுகளையும் சுமத்தினார்.

தமிழகத்தில் ஜெயலலிதாவின் ஆட்சி தொடர அதிமுக தொண்டர்கள் ஆதரவளிக்க வேண்டும் என அவர் அழைப்பு விடுத்தார். இதனால் தமிழக அரசியலில் திருப்பம் ஏற்பட்டது.

அதன் பின்னர் பன்னீர்செல்வத்தை அதிமுகவில் இருந்து நீக்குவதாக சசிகலா கடந்த பிப்ரவரி 17-ஆம் தேதி அறிவித்தார்.

இந்த நிலையில், ஜெயலலிதா, சசிகலா, இளவரசி, சுதாகரன் ஆகியோருக்கு எதிரான சொத்துகள் குவித்ததாக தொரப்பட்ட வழக்கில் ஜெயலலிதா நீங்கலாக மற்றவர்களுக்கு பெங்களூரு விசாரணை நீதிமன்றம் விதித்த சிறை தண்டனையை உச்ச நீதிமன்றம் உறுதிப்படுத்தி கடந்த பிப்ரவரி 14-ஆம் தேதி தீர்ப்பளித்தது.

இதையடுத்து பெங்களூரு சிறையில் அடைக்கப்படும் முன்பாக, அதிமுக துணை பொதுச்செயலாளராக முன்னாள் எம்.பி.யும் தமது உறவினருமான டி.டி.வி.தினகரனை அதிமுக துணை பொதுச் செயலாளராக சசிகலா நியமித்தார்.

இந்த நிலையில் சசிகலா தலைமைக்கு எதிராகவும் அவரால் கட்சியில் இருந்து நீக்கப்பட்ட நடவடிக்கை செல்லாது என அறிவிக்கக் கோரியும் தேர்தல் ஆணையத்தில் அதிமுகவில் அவைத் தலைவராக இருந்த மதுசூதனன் முறையிட்டார்.

தேர்தல் ஆணையம்

அதிமுக பொதுச் செயலாளராக சசிகலா நியமிக்கப்பட்ட நடவடிக்கை கட்சி விதிகளுக்கு எதிரானது என்று முன்னாள் முதல்வர் பன்னீர்செல்வம் தேர்தல் ஆணையத்தில் புகார் மனு அளித்தார்.

மேலும், அதிமுகவின் இரட்டை இலை சின்னத்தை சசிகலா தரப்பு பயன்படுத்தக் கூடாது என்றும் பன்னீர்செல்வம் முறையிட்டார்.

இதற்கிடையே ஜெயலலிதா போட்டியிட்ட ஆர்.கே.நகர் சட்டமன்ற தொகுதிக்கு தேர்தல் ஆணையம் இடைத்தேர்தல் அறிவித்தது. அதில் போட்டியிட சசிகலா ஆதரவாளரான டி.டி.வி.தினகரனும், பன்னீர்செல்வம் ஆதரவாளரான மதுசூதனனும் வேட்பாளராக அறிவிக்கப்பட்டனர்.

இந்த நிலையில் அதிமுகவில் இரு பிரிவுகள் இருப்பதை கடந்த மார்ச் 22-ஆம் தேதி உறுதிப்படுத்திய தேர்தல் ஆணையம், அக்கட்சியின் இரட்டை இலை தேர்தல் சின்னத்தை மறுஉத்தரவு பிறப்பிக்கப்படும்வரை யாரும் பயன்படுத்தக் கூடாது என்று கூறி முடக்கியது.

இதையடுத்து சசிகலா அணி அதிமுக அம்மா கட்சி என்றும் பன்னீர்செல்வம் அணி, அதிமுக புரட்சித் தலைவி அம்மா கட்சி என்றும் தங்களை அடையாளப்படுத்திக் கொள்ளலாம் என தேர்தல் ஆணையம் கூறியது.

இந்த நிலையில் தேர்தல் சின்ன விவகாரத்தில் சசிகலா தரப்புக்கு சாதகமாக தேர்தல் ஆணையம் உத்தரவிடுவதற்காக அதன் அதிகாரிகளுக்கு லஞ்சம் கொடுக்க சுகேஷ் மூலம் தினகரன் முயன்றதாக டெல்லி காவல்துறை வழக்கு பதிவு செய்துள்ளது.

http://www.bbc.com/tamil/india-40612279

Categories: Tamilnadu-news

இதுவே அ.தி.மு.கவின் கடைசி அத்தியாயம் !

Fri, 14/07/2017 - 19:19
இதுவே அ.தி.மு.கவின் கடைசி அத்தியாயம் !

மறைந்து போன முன்னாள் முதல்வர் என்ன பெரிய புண்ணியவாதியா? சசிகலா ஜெயிலில் யாரையும் சந்திக்க மறுத்தார்? பன்னீர் செல்வம் செல்வாக்கு குறைய காரணம்? அவர்கள் ஏன் மோடிக்கு ஆதரவுக்கு தெரிவிக்க காரணம்? இதுவே அ.தி.மு.கவின் கடைசி அத்தியாயம். இன்னும் பல கேள்விகளுக்கு பதில் அளிக்கிறார் பழ.கருப்பையா.

vikatan

Categories: Tamilnadu-news

ஓவியர் வீர சந்தானம், சென்னையில் காலமானார்!

Thu, 13/07/2017 - 19:17

Artist Veera Santhanam passed away    Kein automatischer Alternativtext verfügbar.

 

 Kein automatischer Alternativtext verfügbar.

வியர் வீர சந்தானம்,  சென்னையில் காலமானார்!

ஓவியர் வீரசந்தானம் சென்னையில் இன்று காலமானார். மூச்சுத்திணறல் ஏற்பட்டு அவதிப்பட்ட ஓவியர் வீரசந்தானம் தனியார் மருத்துவமனையில் சிகிச்சை பலனில்லாமல் மரணமடைந்தார்.

தமிழ் பற்றாளரும் சிறந்த ஓவியருமான வீரசந்தானம் உலக தமிழர்கள் நெஞ்சில் நீங்கா இடம்பிடித்தவர். தஞ்சை முள்ளிவாய்க்கால் முற்றம் என்ற ஈழத் தமிழர்களின் நினைவகத்தை தனது ஓவிய திறனால் நிஜமாக்கித் தந்தவர்.

தமிழ் மக்களுக்கான கலையையும் மண்ணுக்கான அரசியலையும் சுமந்து திரிந்த மக்கள் கலைஞன் 71 வது வயதில் மறைந்துள்ளார். கும்பகோணம் ஓவிய பள்ளியில் படித்து, மும்பையில நெசவாளர் பணி மையத்தில் டிசைனராக பணியில் சேர்ந்தார். பின்னர் அங்கிருந்து, தமிழ் இனத்துக்காகப் போராட வேண்டும் என்ற நோக்கோடு விருப்ப ஓய்வில் வெளியேறினார்.

கடந்த ஆண்டு அவருக்கு உடல்நலத்தில் குறைபாடு ஏற்பட்டது. அதனைத் தொடர்ந்து பல மாதங்கள் மருத்துவ சிகிச்சையில் இருந்து, நோயிலிருந்து மீண்டு, தமிழர் நலன் சார்ந்த பணிகளை மேற்கொண்டார். ஆனால் இன்று திடீரென்று உடல்நலக்குறைவு ஏற்பட்டு, மறைந்துவிட்டார்.

"டாஸ்மாக்கை, மக்கள் இழுத்து மூடுவதில் இருந்து அடித்து நொறுக்கும் எண்ணத்துக்கு வந்திருக்காங்க. அந்த எண்ணம் தீவிரம் அடையறதுக்குள்ள அரசாங்கமே டாஸ்மாக்கை மூடணும்; தமிழினத்தைக் காப்பாத்தணும்!" என்பதுதான் அவரின் கடைசிக்கால கோரிக்கையாக இருந்துள்ளது கவனிக்கத்தக்க விஷயம்.

தற்ஸ்  தமிழ்.

தமிழ் நாட்டில் முள்ளி வாய்க்கால் முற்றம் அமைக்கப் பட்ட  போது.... 
அது அமைய முன் நின்று உழைத்தவரும், அங்குள்ள பெரும்பாலான சிலைகளை வடிவமைத்தும் கொடுத்தவர்.
அன்னரின் ஆத்ம சாந்திக்காக பிரார்த்திக்கின்றோம்.

Categories: Tamilnadu-news