நாவூற வாயூற

சூப்பரான ஸ்பைசி ரெட் மட்டன் கிரேவி

13 hours 50 min ago
சூப்பரான ஸ்பைசி ரெட் மட்டன் கிரேவி

 

 

தோசை, சாதம், நாண், சப்பாத்திக்கு தொட்டுக்கொள்ள அருமையாக இருக்கும் ரெட் மட்டன் கிரேவி. இன்று இந்த கிரேவியை செய்வது எப்படி என்று பார்க்கலாம்.

 
சூப்பரான ஸ்பைசி ரெட் மட்டன் கிரேவி
 
தேவையான பொருட்கள் :

ஆட்டுக்கறி - 1/2கிலோ
வெங்காயம் - 3
தக்காளி - 3
மிளகாய் தூள் - 1ஸ்பூன்
இஞ்சி பூண்டு விழுது - 2 ஸ்பூன்
ஏலக்காய், பட்டை - தலா 2
கறிவேப்பிலை - சிறிது
எண்ணெய் - 2 டேபிள் ஸ்பூன்
உப்பு - தேவையான அளவு

201802231506197951_1_SpicyRedmuttonGravy._L_styvpf.jpg

செய்முறை :

தக்காளி, வெங்காயத்தை பொடியாக நறுக்கி கொள்ளவும்.

மட்டனை நன்றாக சுத்தம் செய்து துண்டுகளாக வெட்டிக்கொள்ளவும்.

குக்கரை அடுப்பில் வைத்து எண்ணெய் ஊற்றி சூடானதும் ஏலக்காய், பட்டை சேர்த்து தாளித்த பின்னர் பொடியாக நறுக்கிய வெங்காயம் போட்டு நன்கு வதக்கவும்.

வெங்காயம் நன்றாக வதங்கியதும் அதில் இஞ்சி பூண்டு விழுது சேர்த்து நன்கு வதக்கி பின் மிளகாய் தூள் சேர்த்த வதக்கவும்.

அடுத்து நறுக்கிய தக்காளி, கறிவேப்பிலை சேர்த்து நன்கு எண்ணெய் பிரியும் வரை வதக்கவேண்டும்.

பின்னர் கழுவிய மட்டனை சேர்த்து உப்பு போட்டு நன்கு வதக்கவும்.

பின் குக்கரை மூடி முன்று விசில் வரும்வரை அடுப்பில் வைத்து இறக்கவும்.

குக்கர் விசில் போனவுடன் மூடியை திறந்து சூடாக பறிமாறவும்.

சூப்பரான ஸ்பைசி ரெட் மட்டன் கிரேவி ரெடி.

https://www.maalaimalar.com

Categories: merge-rss

ஆரோக்கியமான உடலுக்கு உத்தரவாதம் தரும் உணவுகள் எவை?

18 hours 20 min ago
ஆரோக்கியமான உடலுக்கு உத்தரவாதம் தரும் உணவுகள் எவை?

ஒருவரின் ஆரோக்கியத்தின் அடிப்படை உணவுதான். ஆரோக்கியமான உணவுகளை பற்றி தெரிந்துக் கொள்வோம். ஆரோக்கியமான உணவு எது என்பதற்கான வரையறை என்ன?

காய்கறிபடத்தின் காப்புரிமைGETTY IMAGES

அன்னம் ஒடுங்கினால் ஐந்தும் ஒடுங்கும் என்ற பழமொழியை கேட்டிருக்கலாம். ஐம்பொறிகளையும் இயக்குவது நாம் உண்ணும் உணவே. தலைமுடி, நகம் சருமத்தின் தன்மையை வைத்தே ஒருவரின் ஆரோக்கியத்தை மதிப்பிடலாம் என்றும் சொல்வதுண்டு. இவை வெறும் வாய்மொழிகள் அல்ல, ஆழமான அர்த்தங்களைக் கொண்டவை.

நமது ஆரோக்கியமும் ஒரு விதமான முதலீடு என்றே சொல்லலாம். எதை, எங்கே, எப்படி முதலீடு செய்கிறோம் என்பதை பொருத்துதான் அதற்கான பிரதிபலன் கிடைக்கும். அதாவது என்ன சாப்பிடுகிறோம், எப்படி சாப்பிடுகிறோம், எந்த அளவு சாப்பிடுகிறோம் என்பதை பொருத்தே உடல் ஆரோக்கியமாக இருக்கும்.

சமச்சீரான முதலீடே நல்ல வருவாயை ஈட்டித்தரும். அதேபோல், சமச்சீரான ஊட்டச்சத்து கொண்ட உணவே ஆரோக்கியத்திற்கு அடிப்படை. இது கூடுதலாக மன ஆரோக்கியத்தையும், மகிழ்ச்சியையும், வேலை திறனையும் கொடுக்கும்.

तला हुआ खानाபடத்தின் காப்புரிமைSCIENCE PHOTO LIBRARY

உண்ணக்கூட நேரம் இல்லாமல் வேலைக்காக ஓடுகிறோம். ஆனால், வேலைக்காக நேர்த்தியாக உடுப்பதில் நேரம் செலவழிக்காமல் இருக்கிறோமா? வயிற்று பசிக்கு மட்டுமே உண்பவர்களின் எண்ணிக்கையும் அதிகம். பொறித்த, வறுத்த உணவுகளை விரும்பி சாப்பிடுபவர்களின் எண்ணிக்கையோ அதைவிட அதிகம்.

இதுபோன்ற பல காரணங்களால் ஆரோக்கியம் சீர்கெடுகிறது. அதற்கு காரணம் அவசர யுகம் என்று சொன்னாலும், என்ன சாப்பிட்டால் ஆரோக்கியமாக இருக்கலாம் என்ற அறியாமையும் முக்கியமான காரணம்.

நமது ஆரோக்கியத்தை எப்படி பேணுவது? ஆரோக்கியம் தொடர்பாக பல ஆய்வுகள் தொடர்கின்றன. நமது ஆரோக்கியத்தை மேம்படுத்தவும், சீராக வைத்துக்கொள்ளவும் தேவையான உணவுகள் கொண்ட பட்டியலை ஆராய்ச்சியாளர்கள் வெளியிட்டுள்ளனர்.

மனித உடலுக்கு தேவையான ஊட்டச்சத்துக்கள் கொண்ட 100 உணவு பொருட்கள் பட்டியலிடப்பட்டுள்ளது. அவற்றில் சுலபமாக கிடைக்கும் உணவுப் பொருட்கள் சிலவற்றை பார்க்கலாம்.

காய்கறி

புரதச்சத்து அதிகம் உள்ளது பாதாம்பருப்பு. இதய நோய்கள் ஏற்படாமல் பாதுகாக்கக்கூடியது இது. தினசரி ஐந்து பாதாம் பருப்பு சாப்பிடுவது ஆரோக்கியத்தை பாதுகாக்கும். 100 கிராம் பாதாம் பருப்பில் 597 கலோரிகள் உள்ளது. விஞ்ஞானிகள் பாதாமுக்கு கொடுத்திருக்கும் ஊட்டச்சத்து மதிப்பெண் 97.

பாதாமைப் போலவே ஆரோக்கியத்திற்கு கட்டியம் கூறுவது உலர் திராட்சை. சிவப்பு, லேசான மஞ்சள், கருப்பு என மூன்று நிறங்களில் கிடைக்கும் இதற்கு கிடைத்திருக்கும் ஊட்டச்சத்து மதிப்பெண் 51.

மீன்படத்தின் காப்புரிமைEUROPEAN PHOTOPRESS AGENCY

அசைவ உணவு உண்பவரா நீங்கள்? உங்கள் ஆரோக்கியத்திற்கு உகந்தது கடலில் இருந்து கிடைக்கும் உணவு பொருட்கள். ரெட் ஸ்னைப்பர் என்ற மீனில் சிறப்பான சத்துகள் இருந்தாலும், அதில் அபாயகரமான நச்சுத்தன்மையும் உள்ளது. இதை சரியாக சுத்தம் செய்யாவிட்டால் சத்துக்கு பதிலாக நச்சை உட்கொள்ள நேரிடும். விஞ்ஞானிகள் இதற்கு கொடுத்திருக்கும் ஊட்டச்சத்து மதிப்பெண் 69.

பழங்கள்

சிட்ரஸ் பழங்கள் உடல் ஆரோக்கியத்தில் முக்கியமான அங்கம் வகிக்கின்றன. எலுமிச்சை, ஆரஞ்சு, நார்த்தங்காய், கீனூ மற்றும் சாத்துக்குடி என புளிப்பு சுவை கொண்ட பழங்களில் வைட்டமின் சி சத்து நிறைந்திருக்கிறது. சருமத்திற்குக் பொலிவூட்டும் இந்தப் பழங்கள் நமது செரிமாணத்தையும் சீராக்குகின்றன.

அசிடிடி (தேவைக்கு அதிகமான அமிலச் சுரப்பு) பிரச்சனை உள்ளவர்களுக்கு, சிட்ரஸ் பழங்கள் ஒரு சஞ்சீவினி என்றே சொல்லலாம். உலகின் எல்லா நாடுகளிலும் விளையும், ஆரஞ்சு பழத்திற்கு விஞ்ஞானிகள் கொடுத்திருக்கும் ஊட்டச்சத்து மதிப்பெண் 51.

பொலிவான, அழகான தோற்றம் வேண்டுமா? ஆரஞ்சு பழத்தை தினமும் சாப்பிடுங்கள். ஆரஞ்சுக்கு சளைத்ததா மாதுளை? மிகச்சிறந்த ஆக்ஸிஜனேற்ற எதிர்பொருள் (Antioxidant) கொண்ட மாதுளையில் இரும்புச் சத்தும் அதிகம் உள்ளனது. தினமும் மாதுளம்பழம் சாப்பிட்டால் ரத்த சிவப்பணுக்களில் ஒருபோதும் குறைபாடு வராது.

பழங்கள்படத்தின் காப்புரிமைSCIENCE PHOTO LIBRARY

பருவநிலை மாறும் இந்த நேரத்தில் உடலுக்கு தண்ணீர் அதிகம் தேவை. எனவே, நீர்ச்சத்து அதிகம் உள்ள பழங்கள் மற்றும் காய்கறிகளை சாப்பிடுவது அவசியம். வெள்ளரி, தர்பூசணி மற்றும் முலாம்பழம் போன்ற பழங்களை சாப்பிடலாம். இளநீரை மறந்துவிடாதீர்கள்.

இந்தியாவில் பூசணி வகைகள் அதிகமாக கிடைக்கிறது. நார்ச்சத்து மிகுந்த இவை உடலுக்கும், சீதோஷ்ண நிலைக்கும் ஏற்றவை பூசணி வகைகள். குடலுக்கு நன்மை பயக்கும், மலச்சிக்கலை தீர்க்கும் திறன் கொண்ட பூசணியை பலவிதமாக சமைத்து சாப்பிடலாம். 100 கிராம் முலாம்பழத்தில் 34 கிலோ கலோரி சத்து உள்ளது. இதன் ஊட்டச்சத்து மதிப்பெண் 50

பழங்கள்

வாழைத்தண்டு, நீர்பூசணி, சுரைக்காய், புடலை, பீர்க்கங்காய் என பல காய்கறிகளில் நீர்ச்சத்து அதிகம் உள்ளது. முட்டைகோஸ், காலிஃபிளவர், புரோக்கோளி போன்றவையும் உடலின் ஆரோக்கியத்திற்கு உறுதுணையாக இருப்பவை.

காலிஃபிளவர் மற்றும் புரொக்கோலியில் சிறு சிறு புழுக்கள் இருக்கும் என்பதால் அவற்றை நன்றாக சுத்தம் செய்த பிறகே சமைக்கவேண்டும். ஒரு ஆராய்ச்சியின்படி, கடந்த 50 ஆண்டுகளில் அமெரிக்காவில் புரோக்கோலியின் தேவை ஐந்து மடங்கு அதிகரித்துவிட்ட்து.

பழங்கள்படத்தின் காப்புரிமைSCIENCE PHOTO LIBRARY

கேரட் ஆரோக்கியத்தின் வரப்பிரசாதம். குளிர்காலத்தில் அதிக விளைச்சல் இருப்பதால் மலிவு விலையில் கிடைக்கிறது. எல்லா இடங்களிலும் சுலபமாக கிடைக்கும் கேரட்டை அப்படியே சாப்பிட்டலாம், சமைத்தும் சாப்பிடலாம்.

1100 ஆண்டுகளுக்கு முன்பு ஆஃப்கானிஸ்தானில் கேரட் தோன்றியது என்று நம்பப்படுகிறது. பிறகுதான் உலகின் வேறு பகுதிகளுக்கு கேரட் சாகுபடி பரவியது. கி.பி 1500 இல் ஐரோப்பாவில் ஆரஞ்சு நிற கேரட் விளைவிக்கப்பட்டன. இப்போது பல நாடுகளில் ஊதா நிற கேரட்டும் பயிரிடப்படுகின்றன.

நார்ச்சத்து, விட்டமின் ஏ மற்றும் இரும்புச்சத்து அதிகம் உள்ள கேரட், ரத்த சுத்திகரிப்புக்கும் உதவுகிறது.

காய்கறிபடத்தின் காப்புரிமைDANISH INSTITUTE OF AGRICULTURAL SCIENCES

கொழுப்புச் சத்து பிரச்சனையை தீர்ப்பதில் பயறு வகைகள் முக்கிய பங்காற்றுகின்றன. பச்சைப் பயறு, தட்டைப் பயறு, சோயா பயறு என பயறு வகைகள் அனைத்துமே சைவ உணவு உண்பவர்களின் வரப்பிரசாதம். புரதச்சத்து அதிகம் உள்ள பயறு வகைகள் 'ஏழைகளின் இறைச்சி' என்றும் கூறப்படுகிறது.

முதிராத பயறுகளில் புரதம் குறைவாகவும், வைட்டமின் மற்றும் மாவுச்சத்து அதிகமாகவும் காணப்படும். ஆனால் முதிர்ந்த பயறு வகைகளில் 20-28% புரதச்சத்தும் 60% கார்போஹைட்ரேட் என்ற மாவுச்சத்தும் உள்ளன.

நமது சமையலறைகளில் அதிகம் பயன்படுத்தும் இஞ்சி ஆரோக்கியத்திற்கான அருமருந்து என்றே சொல்லலாம். மசாலா வகை உணவுகளில் அதிகமாக பயன்படுத்தப்படும் இஞ்சியை ஊறுகாய் மற்றும் சட்னி செய்தும் சாப்பிடலாம். அதிக அளவு ஆண்டிஆக்சிடெண்ட் கொண்ட இஞ்சி உடல் ஆரோக்கியத்தை மேம்படுத்தும்.

இஞ்சிபடத்தின் காப்புரிமைREUTERS/JASON LEE

இஞ்சியின் பயன்பாடு பலகாலமாக தொடர்கிறது. பல ஆயுர்வேத மருந்துகளிலும் சேர்க்கப்படும் இஞ்சி, தொண்டைக்கு ஏற்றது. உடல் வலியை குறைப்பதில் உதவும் இஞ்சி, செரிமான திறனையும் மேம்படுத்துகிறது.

உடலுக்கு மிகவும் நன்மை பயக்கும் அத்திப் பழத்தை உலர வைத்தும் பயன்படுத்தலாம். மாங்கனீசு, புரதம், சர்க்கரை சத்து, கால்சியம், பாஸ்பரஸ், இரும்புச் சத்து ஆகியவை அத்திப் பழத்தில் அதிக அளவில் இருக்கிறது. மற்ற பழங்களில் இருப்பதைவிட அத்திப்பழத்தில் இந்த சத்துக்கள் நான்கு மடங்கு அதிகமாக உள்ளது குறிப்பிடத்தக்கது. இதைத் தவிர வைட்டமின் ஏ மற்றும் சி சத்துக்களும் அத்திப் பழத்தில் இருக்கிறது.

அத்திப்பழம்

குறைவான ஆனால் சமச்சீரான உணவை சாப்பிடுங்கள். இந்திய மக்களுக்கு ஊட்டச்சத்து குறைவு பரவலாக காணப்படுகிறது. குறிப்பாக இந்தியப் பெண்களுக்கு இரும்புச் சத்து குறைபாடு அதிகமாக உள்ளது. இதனால் ரத்த சோகை நோயால் பாதிக்கப்படுகிறார்கள்.

பழைய உணவுகளை சாப்பிடாதீர்கள். எவ்வளவு சத்தான உணவாக இருந்தாலும், சமைத்த சில பல மணி நேரங்களில் அதன் சத்து குறைந்துவிடும். பசிக்காகவும் சாப்பிடலாம், ருசிக்காகவும் சாப்பிடலாம், ஆனால் உண்ணும் உணவு ஊட்டச்சத்துள்ளதாக இருந்தால் ஆரோக்கியம் உங்கள் கையில்.

ஊண் வளர்ப்போம் ஊட்டச்சத்தான உணவுகளை உண்டு. ஏனெனில், உணவு உங்கள் உடலுக்கான முதலீடு. ஆனால், ஆரோக்கியம் என்பது உங்கள் உயிருக்கான முதலீடு.

http://www.bbc.com/tamil/science-43165077

Categories: merge-rss

மாங்காய் பச்சடி செய்வது எப்படி

Thu, 22/02/2018 - 16:27
மாங்காய் பச்சடி செய்வது எப்படி

 

சாதம், தோசையுடன் சாப்பிட மாங்காய் பச்சடி அருமையாக இருக்கும். இன்று இந்த மாங்காய் பச்சடி செய்வது எப்படி என்று பார்க்கலாம்.

 
மாங்காய் பச்சடி செய்வது எப்படி
 
தேவையான பொருட்கள்  :

மாங்காய் - 2
உப்பு - ஒரு துளி,
எண்ணெய் - ஒரு டீஸ்பூன்
வெல்லம் - ஒரு பாதி மாங்காய் அளவு
கடுகு - சிறிது
பச்சை மிளகாய் - 2
நல்லெண்ணெய் - 1 டீஸ்பூன்

201802221513425098_1_rawmangopachadi._L_styvpf.jpg

செய்முறை :

முதலில் மாங்காயை சுத்தம் செய்து, தோலைச் சீவி, சிறிய துண்டங்களாக நறுக்கிக் கொள்ளவும்.

வெல்லத்தை பொடித்து கொள்ளவும்.

பாத்திரத்தில் சிறிது தண்ணீருடன் மாங்காயை வேக வைக்கவும்.
 
கூடவே உப்பு, பச்சை மிளகாயையும் சேர்த்தே வேக வைக்கலாம்.

மாங்காய் நன்றாக வெந்தவுடன் சுத்தமான வெல்லத்தைச் சேர்த்து கொதிக்க வைக்கவும். அல்லது வெல்லத்தை துளி தண்ணீர் சேர்த்து கொதிக்கவிட்டு வடிக்கட்டி வெந்த மாங்காயுடன் சேர்த்துக் கொதிக்க வைக்கவும்.

கலவை சற்று திக்காக ஆரம்பித்தவுடன் தாளித்துக் கொட்டி இறக்கி பரிமாறவும்.

சூப்பரான மாங்காய் பச்சடி ரெடி.

https://www.maalaimalar.com

Categories: merge-rss

உடுப்பி பைனாப்பிள் கறி

Sun, 18/02/2018 - 19:41

உடுப்பி பைனாப்பிள் கறி

 

தேவையான பொருட்கள்:

பைனாப்பிள் – ஒரு கப்
புளி – ஒரு சின்ன எலுமிச்சை அளவு
வெல்லம் – 1 1/2 மேசைக்கரண்டி...
உப்பு – தேவையான அளவு
மஞ்சள் தூள் – கால் தேக்கரண்டி
எள் – ஒரு மேசைக்கரண்டி
தேங்காய்த் துருவல் – அரை கப்
மிளகாய் வற்றல் – 5
எண்ணெய் – ஒரு தேக்கரண்டி
கடுகு – கால் தேக்கரண்டி
சீரகம் – கால் தேக்கரண்டி
கறிவேப்பிலை – சிறிது
 

செய்முறை:
புளியை ஊற வைக்கவும். வெல்லம் தயாராக எடுத்து வைக்கவும். பைனாப்பிளை சிறு துண்டுகளாக நறுக்கி மூழ்கும் அளவு நீரில் வேக விடவும். எள் மற்றும் மிளகாய் வற்றலை தனித்தனியாக வெறும் கடாயில் வறுத்து எடுக்கவும்.
இத்துடன் தேங்காய்த் துருவல் சேர்த்து தேவையான நீர் விட்டு விழுதாக அரைக்கவும். பைனாப்பிள் பாதி வெந்ததும் இதில் புளிக்கரைசல், வெல்லம் மற்றும் உப்பு சேர்த்து மூடி வேக விடவும். பைனாப்பிள் முழுவதும் வெந்ததும் அரைத்த விழுது, மஞ்சள் தூள் சேர்த்து கொதிக்க விடவும்.
கடாயில் எண்ணெய் விட்டு காய்ந்ததும் தாளிக்கவும். கறி சற்று திக்கான பதம் வந்ததும் தாளிப்பைச் சேர்த்து எடுக்கவும். சுவையான பைனாப்பிள் கறி தயார். இனிப்பு, புளிப்பு இரண்டும் பழத்தின் இனிப்பு, புளிப்புக்கு ஏற்றபடி சேர்க்கவும்.
காரமும் அதற்கு ஏற்றபடி மாற்றவும். சில இடங்களில் கிடைக்கும் பழம் நல்ல இனிப்புச் சுவை உள்ளது. அதற்கு ஏற்றபடி அளவுகள் தந்திருக்கிறோம். இதில் கிரேவி திக்காக தேங்காய் மசாலா தவிர ஏதும் இல்லாத காரணத்தால் முடிந்தவரை நீரின் அளவு குறைவாகச் சேர்க்கவும்.

 food
FB
Categories: merge-rss

சுடச்சுட கடலை வடை

Sun, 18/02/2018 - 01:48

IMG-0852.jpg

IMG-0851.jpg

IMG-0855.jpg

சுடச்சுட கடலை வடை செய்ய வேண்டுமா?

இரண்டு சுண்டு கடலை பருப்பு (ஏறத்தாள் 50 வடை) இரண்டு மணி நேரம் ஊற வைத்து விறைன்டரில் அரைக்காமல் பூட் பிரசரில் அரைக்கவும்.அரைக்கும் போதே தேவையான உப்பு செத்தல் மிளகாள் போட்டு அரைக்கவும்.இன்னொரு பக்கத்தில் கொஞ்சம் வெண்காயம் இஞ்சி கறிவேப்பிலை நல்ல தூளாக வெட்டி சிறிது சின்ன சீரகமும் பொட்டு அரைத்த பரப்புடன் போட்டு நன்றாக பிசைந்கு ஒன்றாக்கவும்.தேவையான அளவு எண்ணெய் விட்டு கொதித்ததும் உங்களுக்கு தேவையான அளவுக்கு பிடித்து ஒரு கோப்பையில் வைத்து விட்டு சட்டிக்கு ஏற்ற மாதிரி போட்டு இடையில் ஒரு தரம் பிரட்டி பொன்நிறமானதும் எடுத்து ஆற வைத்து சாப்பிடவும்.

தேவையான பொருட்கள்;-
2 சுண்டு கடலைப்பருப்பு
தேவையான அளவு உப்பு
உங்களுக்கு ஏற்ற மாதிரி செத்தல் மிளகாள்(அரைக்கும் போதும் போடவும் தூள் தூளாக வெட்டியும் கொஞ்சம் போடவும்
கொஞ்சம் சின்ன சீரகம் கறிவேப்பிலை இஞ்சி வெண்காயம் தூள்தூளாக வெட்டி போடவும்.
பி குறிப்பு; வெறும் தேநீருடன் சாப்பிட நன்றாக இருக்கும்.

Categories: merge-rss

மட்டன் முருங்கைக் குழம்பு

Sat, 17/02/2018 - 17:30

மட்டன் முருங்கைக் குழம்பு

தேவையான பொருட்கள்:
மட்டன் – -கால் கிலோ
முருங்கைக்காய் – -ஒன்று
வெங்காயம் – -ஒன்று...
இஞ்சி, பூண்டு விழுது – -2 தேக்கரண்டி
தக்காளி – -ஒன்று
மிளகாய்த் தூள் – -2 தேக்கரண்டி
மஞ்சள் தூள் – -ஒரு தேக்கரண்டி
கரம் மசாலாத் தூள் – -ஒரு தேக்கரண்டி
உப்பு, எண்ணெய் – -தேவைக்கு
கறிவேப்பிலை, கொத்துமல்லித் தழை – -தேவைக்கு
ஏலம், பட்டை, கிராம்பு, சோம்பு — -தேவைக்கு
செய்முறை:
மட்டனை சுத்தப்படுத்தி, அதனுடன் நறுக்கிய வெங்காயம், இஞ்சி பூண்டு விழுது மற்றும் தூள் வகைகள் சேர்த்து வேகவைக்கவும்.
வெந்தவுடன் நறுக்கிய முருங்கைக்காய், கறிவேப்பிலை சேர்த்து கொதிக்க வைக்கவும்.
நன்கு வெந்ததும் நறுக்கிய தக்காளி மற்றும் உப்பு சேர்க்கவும்.
பொடிக்கக் கொடுத்தவற்றைப் பொடித்து, எண்ணெயில் தாளித்து குழம்பில் சேர்க்கவும். (விரும்பினால் 2 மேசைக்கரண்டி அளவு மைய விழுதாக அரைத்த தேங்காய் சேர்க்கலாம்).
கொத்துமல்லித் தழை தூவி இறக்கவும். சுவையான மட்டன் முருங்கைக் குழம்பு தயார்.

 food
FB
Categories: merge-rss

முருங்கைக்காய் குழம்பு யாழ்ப்பாண முறையில் (காணொளி)

Thu, 15/02/2018 - 10:34

முருங்கைக்காய் குழம்பு யாழ்ப்பாண முறையில்

Categories: merge-rss

காதலர் தின ஸ்பெஷல் கிஃப்ட் பிங்க் மஃபின் கேக் ரெசிப்பி!

Wed, 14/02/2018 - 06:19
காதலர் தின ஸ்பெஷல் கிஃப்ட் பிங்க் மஃபின் கேக் ரெசிப்பி!

 

 
valentines_special_muffin_cake

 

தேவையான பொருட்கள்:

  • உருக்கிய உப்பில்லாத வெண்ணெய் - 125 கிராம்
  • சர்க்கரை - 125 கிராம்
  • முட்டை - 2
  • மைதா மாவு - 125 கிராம்
  • ராஸ்பெர்ரி - 150 கிராம்
  • பேசன் ஃப்ரூட் - பழத்தை உடைத்து உள்ளிருக்கும் பல்ப் பகுதியை மட்டும் கூழாக்கிக்கொள்ள வேண்டும்.
  • பால் -  சிறிதளவு (கேக் தயாரிப்புக்கான கலவை இறுகி விடாமலிருக்க இது உதவும்.

கேக்கில் ஐஸிங் செய்யத் தேவையானவை:

  • ஐஸிங் சுகர் - 500 கிராம்
  • வெண்ணெய் - 160 கிராம்
  • வெனிலா பீன்ஸ்- 1 விதைகளை மட்டும் எடுத்துக் கொள்ளவும்
  • இளஞ்சிவப்பு நிற ஃபுட் கலர் ஏஜண்ட் - 2 அல்லது 3 துளுகள்.
  • பால் - 50 மில்லி

காதலர் தின ஸ்பெஷல் கேக் செய்முறை...

உலகில் கேக் செய்யக் கற்றுத்தர நூற்றுக்கணக்கான ரெஸிப்பிகள் இருக்கின்றன. ஆனால் இது சீஸன் ஸ்பெஷல். ஃபிப்ரவரி 14 காதலர் தினத்தை முன்னிட்டு உலகக் காதலர்கள் தங்களுக்குத் தாங்களே சொந்தமாக வீட்டில் தயாரித்து ஒருவருக்கொருவர் நேசத்துடனும், காதலுடனும் பரிமாறிக் கொள்ள அன்பளிப்புகளையும், ரோஜாப்பூக்களையும் தாண்டி எவர் ஃப்ரெஷ்ஷாக இன்று வரை நீடிப்பவை கேக்குகளும், சாக்லெட்டுகளும் தான். அவற்றில் ஸ்பெஷல் கேக் செய்வதைப் பற்றி இப்போது காண்போம்.

அவனில் கேக் செய்பவர்களாக இருந்தால் 180 டிகிரி செல்சியஸ் அளவில் அவனை முன்கூட்டியே ஹீட் செய்து கொள்ளவும். கேஸ் அடுப்பு தான் பயன்படுத்தப் போகிறீர்கள் என்றால் 350 ஃபாரன்ஹீட் அளவில் வெப்பம் இருக்குமாறு செட் செய்து கொள்ளவும். 

muffin_tray_cup.jpg

கேக் செய்வதற்குத் தோதாக ட்ரே ஒன்றை எடுத்துக்கொண்டு அதில் கப் கேக் செய்யத்தோதாக 12 பேப்பர் கப்களை வைக்கவும்.

வெண்ணெயையும், சர்க்கரையும் கலந்து கிரீம் நிறம் கிடைக்கும் வரை நன்கு அடித்துக் கலக்கவும். இதனோடு முட்டையை அடித்து ஊற்றி, மைதாமாவையும் சேர்த்து நன்கு பிசையவும்.

இத்துடன் ராஸ்பெர்ரி மற்றும் பேசன் ஃப்ரூட் கூழ் இரண்டையும் சேர்த்து மாவு மிருதுவான பதத்தை அடையுமாறு கைகளால் நன்கு அழுத்திப் பிசையவும். தேவையென்றால் மாவு கடினமாக இருப்பதாகத் தோன்றினால் மட்டும் சிறிதளவு பால் சேர்த்துப் பிசையலாம்.

இந்தக் கலவையை சிறிது நேரம் அப்படியே ஊற விட்டு பின் 12 கப்களுக்கும் சரிசமமாகப் பங்கிட்டு மாவை நிரப்பவும். பின் 20 நிமிடங்கள் டைம் செட் செய்து அவனில் வைத்து பேக் செய்யவும். பிறகு அவனிலிருந்து வெளியில் எடுத்து 10 நிமிடங்கள் ஆற விட்டு கேக்குகள் நன்கு ஆறிக் குளிர்ந்த பின் ஒவ்வொன்றாகத் தனித்தனியே ஐஸிங் செய்யலாம்.

ஐஸிங் செய்யும் முறை...

ஐஸிங் சுகர், வெண்ணெய் இரண்டையும் ஒரு கப்பில் எடுத்துக் கொண்டு முட்டை அடிக்கப் பயன்படுத்தப்படும் மின்சார கலக்கி ஒன்றின் மூலம் நன்கு அடித்துக் கலக்கவும். இதே விதமான வெனிலா பீன் விதைகளையும் செயற்கை நிறமூட்டியையும் கீட மின்கலக்கி உதவியால் அடித்துக் கலக்கவும். அப்படிக் கலக்கும் போது சிறிது, சிறிதாக பால் சேர்த்து கலவை ஒரு தேர்ந்த பேஸ்ட் பதத்துக்கு வருமாறு பார்த்துக் கொள்ள வேண்டும்.
கடைசியாக ஐஸிங் செய்யப் பயன்படும்  ஸ்டார் வடிவத் துளை கொண்ட பைப்பிங் பேக் ஒன்றில் மேற்கண்ட கலவையை நிரப்பி கப் கேக்குகளின் தலையில் தாராளமாக இளஞ்சிவப்பு நிறக் கிரீமால் ஐஸிங் செய்யவும்.

இப்போது காதலர்தின ஸ்பெஷல் கேக் தயார்.

கேக் செய்து முடித்ததும் கடைசியாக என்ன செய்ய வேண்டும் என்கிறீர்களா? வேறென்ன செய்வது? காதலர்கள் ஒருவர் மாற்றி ஒருவர் காதலர் தின ஸ்பெஷல் கேக்குகளை ஊட்டி மகிழ்ந்து கொள்ள் வேண்டியது தான். இல்லாவிட்டால் காதல் தேசம் திரைப்படத்தில் அப்பாஸும், வினீத்தும் முட்டை, தக்காளிகளை ஒருவர் மாற்றி ஒருவர் உடலெல்லாம் பூசிக் கொண்டு நண்பர்கள் தினம் கொண்டாடுவார்களே அதைப் போல காதலர்கள் அனைவரும் இந்த ஸ்பெஷல் கப் கேக்குகளை ஒருவர் மீது ஒருவர் பூசியும், ஈஷியும் விளையாடிக் கொள்ள வேண்டியது தான். 

http://www.dinamani.com/

Categories: merge-rss

பச்சைமிளகாய் சிக்கன் டிக்கா

Tue, 13/02/2018 - 23:20

தேவையான பொருட்கள்:

கோழிக்கறி — அரை கிலோ (எலும்பில்லாதது)
மிளகு — 15
பச்சை மிளகாய் — 3...
பெரிய வெங்காயம் — 4 (நடுத்தரமானது)
இஞ்சி — ஒரு அங்குலத் துண்டு
பூண்டு — 6 பல்
குடை மிளகாய் — ஒன்று (நடுத்தரமானது)
தயிர் — ஒரு கப்
ஃப்ரஷ் க்ரீம் — 3 மேசைக்கரண்டி
கார்ன் ஸ்டார்ச் — ஒரு மேசைக்கரண்டி
முட்டை — ஒன்று (வெள்ளைக் கரு மட்டும்)
கரம் மசாலாத்தூள் — அரை தேக்கரண்டி
ஏலப்பொடி — அரை தேக்கரண்டி
எண்ணெய் — 4 மேசைக்கரண்டி
வெண்ணெய் — சிறிது
உப்பு — தேவையான அளவு
 

செய்முறை:
 

கோழிக்கறியினை கழுவி சுத்தம் செய்து கொண்டு, ஒன்றரை அங்குலத் துண்டுகளாக வெட்டிக் கொண்டு, நீரில்லாமல் சற்று உலரவிடவும்.
மிளகினை வறுத்துப் பொடியாக்கிக் கொள்ளவும். வெங்காயம், இஞ்சி, பூண்டினை தோலுரித்துக் கொள்ளவும். வெங்காயத்தை நறுக்கிக் கொள்ளவும்.
இஞ்சி, பூண்டினை காம்பு நீக்கின பச்சை மிளகாயுடன் சேர்த்து விழுதாக அரைத்துக் கொள்ளவும்.
வெங்காயத்தை எண்ணெய்யில் பொன்னிறமாகப் பொரித்து எடுத்து, எண்ணெய்யை வடித்து பிறகு மையாக அரைத்துக் கொள்ளவும்.
குடைமிளகாயைக் கழுவி, விதைகளை நீக்கி, ஒரு அங்குலத் துண்டுகளாக நறுக்கிக் கொள்ளவும். தயிரினை ஒரு மெல்லிய துணியில் கட்டித் தொங்கவிட்டு, நீர் எல்லாவற்றையும் வடித்து எடுத்துக் கொள்ளவும்.
ஒரு பெரிய பாத்திரத்தில் அரைத்த வெங்காய விழுது, இஞ்சி பூண்டு விழுது, தயிர், ஃப்ரஷ் க்ரீம், கார்ன் ஸ்டார்ச், முட்டையின் வெள்ளைக்கரு, நறுக்கின குடைமிளகாய்த் துண்டுகள், மிளகுத் தூள், ஏலப்பொடி, தேவையான உப்பு அனைத்தையும் சேர்த்து, ஒன்றாய் கலக்கவும்.
பிறகு அதில் கோழித் துண்டங்களைப் போட்டு நன்கு பிரட்டி சுமார் ஒரு மணி நேரம் குளிர்சாதனப் பெட்டியில் வைத்து நன்கு ஊறவிடவும்.
ஒரு சொருகு கம்பியில் கோழித்துண்டங்கள், குடைமிளகாய்த் துண்டங்கள் என மாற்றி மாற்றி சொருகி, தந்தூரி அடுப்பில் வைத்து கருகாமல் வேகவிட்டு எடுக்கவும்.
இல்லையெனில், 250 டிகிரி
சி க்கு சூடேற்றப்பட்ட ஓவனில் சுமார் 15 நிமிடங்கள் வைத்து எடுக்கவும். அவ்வப்போது எடுத்து, வெண்ணெய் தடவி மீண்டும் வேகவிடவும்.

 food
FB
Categories: merge-rss

சப்பாத்திக்கு அருமையான பன்னீர் குருமா

Sun, 11/02/2018 - 07:39
சப்பாத்திக்கு அருமையான பன்னீர் குருமா

 

 

புலாவ், தோசை, நாண், சப்பாத்திக்கு தொட்டுகொள்ள அருமையாக இருக்கும் பன்னீர் குருமா. இன்று இந்த குருமாவை செய்வது எப்படி என்று பார்க்கலாம்.

 
சப்பாத்திக்கு அருமையான பன்னீர் குருமா
 
தேவையான பொருள்கள் :

பன்னீர் - 200 கிராம்
தக்காளி - 1
இஞ்சி பூண்டு விழுது - 1 தேக்கரண்டி
 மிளகாய் தூள் - 1 தேக்கரண்டி
 மல்லித் தூள் - 1 மேஜைக்கரண்டி
 சீரகத்தூள் - 1 தேக்கரண்டி
 மஞ்சள் தூள் - 1/2 தேக்கரண்டி
கரம் மசாலா தூள் - 1/2 தேக்கரண்டி
உப்பு - தேவையான அளவு
கொத்தமல்லித் தழை - சிறிது

அரைக்க :

தேங்காய் துருவல் - 4 மேஜைக்கரண்டி
முந்திரிப்பருப்பு - 10

தாளிக்க :

வெண்ணெய் - தேவையான அளவு
பட்டை - சிறிய துண்டு
கிராம்பு - 2
பெரிய வெங்காயம் - 1

201802101501116311_1_paneerkorma._L_styvpf.jpg

செய்முறை :

பன்னீரை துண்டுகளாக வெட்டி 10 நிமிடம் வெந்நீரில் போட்டு வைக்கவும். 10 நிமிடங்களில் பள்னீர் மிருதுவாகி விடும்.

வெங்காயம், தக்காளி, கொத்தமல்லித்தழையை பொடியாக நறுக்கி கொள்ளவும்.
 
தேங்காய் துருவல், முந்திரிப்பருப்பு இரண்டையும் மிக்சியில் போட்டு நைசாக அரைத்துக் கொள்ளவும்.

அடுப்பில் கடாயை வைத்து வெண்ணெய் போட்டு சூடானதும் பட்டை, கிராம்பு, பட்டை போட்டு தாளித்த பின்னர் வெங்காயம் சேர்த்து வதக்கவும்.

வெங்காயம் பொன்னிறமானதும் இஞ்சி பூண்டு விழுது சேர்த்து வதக்கவும்.

இஞ்சி பூண்டு பச்சை வாடை போனதும் தக்காளி சேர்த்து வதக்கவும்.

தக்காளி நன்கு வதங்கியதும் மிளகாய் தூள், மல்லித் தூள், சீரகத் தூள். மஞ்சள் தூள்,  கரம் மசாலா தூள் சேர்த்து அடுப்பை சிம்மில் வைத்து ஒரு நிமிடம் கிளறி அதனுடன் ஒரு கப் தண்ணீர் மற்றும் உப்பு சேர்த்து அடுப்பை மிதமான சூட்டில் வைத்து கொதிக்க விடவும்.

மசாலா வாடை அடங்கியதும் அரைத்து வைத்துள்ள தேங்காய் கலவையை சேர்த்து கொதிக்க விடவும்.

பிறகு பன்னீர் துண்டுகளை சேர்த்து 5 நிமிடம் வரை கொதிக்க விட்டு கொத்தமல்லித்தழை சேர்த்து அடுப்பை அணைக்கவும்.

சுவையான பன்னீர் குருமா ரெடி.

https://www.maalaimalar.com

Categories: merge-rss

சாப்பாட்டில் கறிவேப்பிலை கண்டால் அனிச்சையாகத் தூக்கி எறிபவர்கள் கவனத்துக்கு...

Tue, 06/02/2018 - 19:26
சாப்பாட்டில் கறிவேப்பிலை கண்டால் அனிச்சையாகத் தூக்கி எறிபவர்கள் கவனத்துக்கு...

 

 
kurry_leaves

 

வேப்பிலை... கறிவேப்பிலை; அதை ஏன் சாப்பிட வேண்டும் என்று நினைத்து தினமும் சாப்பாட்டில் சேர்க்கப்படும் கறிவேப்பிலையை உண்ணாமல் தூக்கி எறிபவரா நீங்கள்? அப்படியானால் இந்தக் கட்டுரை உங்களுக்கானது;

000_curry_leaves.jpg

கறிவேப்பிலையின் தாவரவியல் பெயர் முர்ராயா கொயிங்கீ (Murraya Koengii)

கறிவேப்பிலையில் வாசமில்லா மலைக் கறிவேப்பிலை, மணம் மிக்க செங்காம்பு ரகம், மகசூல் மிக்க வெள்ளைக்காம்பு ரகம் எனப் பல ரகங்கள் உள்ளன.

இந்தியச் சமயலறைகளில் குறிப்பிட்டுச் சொல்வதென்றால் தமிழகச் சமையலறைகளில் தவிர்க்கவே முடியாத ஒரு பண்டம் கறிவேப்பிலை. நம்மூரில் ஒவ்வொரு வீட்டிலும் காலையில் எழுந்து வேர்க்க, விறுவிறுக்க ஒவ்வொரு பண்டத்தையும் சமைத்து முடித்து கடைசியில் தாளிதம் செய்ய ஒரு கைப்பிடி கறிவேப்பிலை இல்லாமல் போய்விட்டதென்றால் இல்லத்தரசிகளுக்கு தங்களது சமையல் எத்தனை சுவையானதாக அமைந்த போதிலும் கறிவேப்பிலை இல்லாது முழுமை பெற்றதான உணர்வைத் தருவதே இல்லை. 

curry-leaf-curry-15-1455523242.jpg

சரி அத்தனை அத்யாவசியமானதாகக் கருதப்படும் கறிவேப்பிலையை நாம் எல்லோருமே வீணாக்காமல் சாப்பிடுகிறோமா என்றால்... அது தான் இல்லை. தங்களது தட்டி விழும் உணவிலிருக்கும் கறிவேப்பிலையை வீணாக்காமல் உண்ணும் பழக்கம் வெகு சிலருக்கு மட்டுமே உண்டு. நம்மில் பலரும் கறிவேப்பிலை என்றால் அது வெறுமே வாசத்துக்காக மட்டுமே உணவில் சேர்க்கப்படுகிறது என்று கருதி அப்படியே தட்டில் ஓரமாக ஒதுக்கி வைத்து விட்டு குப்பையில் கொட்டுகிறோம். இது தவறு!

கறிவேப்பிலையில் குவிந்திருக்கும் சத்துக்கள்...

கறிவேப்பிலை உணவில் சேர்க்கப்படுவது வாசனைக்காக மட்டுமல்ல, அதிலிருக்கும் சத்துக்களைப் பட்டியலிட்டால் அப்புறம் எவரொருவரும் அதைத் தூக்கி எறிய மாட்டார்கள். கறிவேப்பிலையில் வைட்டமின் ஏ, வைட்டமின் பி, வைட்டமின் பி2, வைட்டமின் சி, கால்சியம் மற்றும் இரும்புச்சத்து போன்றவை வளமாக நிறைந்துள்ளன.

அது மட்டுமல்ல  நீர்ச்சத்து, புரதம், கொழுப்பு, மாவுச்சத்து, நார்ப்பொருள், கால்சியம், பாஸ்பரஸ், இரும்புச்சத்து போன்ற தாது உப்புகள், நிக்கோடினிக் அமிலம் என உடல் ஆரோக்யத்துக்குத் தேவையான அனைத்துச் சத்துக்களையும் தாராளமாக அள்ளி வழங்கக் கூடியது கறிவேப்பிலை.

இப்படிப்பட்ட கறிவேப்பிலையை சாம்பார், ரசம், கூட்டு, பொரியல், காரக்குழம்பு, மோர்க்குழம்பு, அசைவ கிரேவிகள் போன்றவற்றில் தாளிதம் செய்ய மட்டுமல்லாமல், தனியாகக் கறிவேப்பிலையை மட்டுமே பயன்படுத்தி துவையல், தொக்கு, ஊறுகாய், இட்லி, தோசைப்பொடி, சாதத்தில் பிசைந்துண்ண கறிவேப்பிலைப்பொடி என்று தனியாகவும் ருசித்து மகிழலாம். வாசனை பசியைத் தூண்டும் என்பதோடு உடலுக்கும் ஆரோக்யமானது.

அதோடு கறிவேப்பிலையை சமையலில் சேர்த்து தான் உண்ண வேண்டும் என்பதில்லை. பச்சையாகவும் உண்ணலாம். 

கறிவேப்பிலையின் மருத்துவப் பயன்கள்...

  • நீரிழிவு நோயாளிகள் தினமும் காலையில் 10 கறிவேப்பிலை, மாலையில் 10 கறிவேப்பிலை என மென்று சாப்பிட்டால் ரத்த சர்க்கரை அளவு கட்டுப்படும்.
  • வெறும் வயிற்றில் தினமும் கறிவேப்பிலையை மென்று சாப்பிட வேண்டும். தொடர்ந்து மூன்று மாதம் சாப்பிட்டு வந்தால் நீரிழிவு நோயால் உடல் பருமனாவது தவிர்க்கப்படும். சிறுநீரில் சர்க்கரை வெளியேறும் அளவும் குறைந்துவிடும். 
  • இளம் வயதில் நரையை தடுக்க கறிவேப்பிலை உதவும். அதுமட்டுமல்ல நரை முடி வந்தவர்களும் உணவிலும் தனியாகவும் கறிவேப்பிலையை அதிகமாக சேர்த்துக் கொண்டால் நரை முடி நீங்கப் பெறுவர். இளம்பெண்களுக்கு முடி உதிராமல் ஒரே சீராக வளரவும் கறிவேப்பிலை உதவும்.
  • சுவையின்மை, பசியின்மை, செரியாமை, வயிற்றுப் பொருமல், தொண்டைக் கம்மல். ஆகியவை நீங்க கறிவேப்பிலையை உணவில் சேர்த்துக் கொள்ளலாம். 
  • இதனை தொடர்ந்து உட்கொண்டால் கண்பார்வையில் தெளிவேற்படும்.

இந்தியாவில் தென்னிந்தியர்கள் மட்டுமே கறிவேப்பிலை அதிகமாகப் பயன்படுத்துகின்றனர். வட இந்திய பதார்த்தங்களில் கறிவேப்பிலை ஒரு சில பண்டங்களில் மட்டுமே சேர்க்கப்படுகிறது. தென்னிந்தியாவில் கறிவேப்பிலை இல்லாத உணவுப் பண்டமே இல்லை எனலாம். தென்னிந்தியப் பகுதிகளுடன் உணவு விஷயத்தில் நெருங்கிய தொடர்புடைய இலங்கையிலும் கறிவேப்பிலையின் பயன்பாடு அதிகமே! இலங்கையைப் பொறுத்தவரை அங்குள்ள தமிழர்களுடன் ஏற்பட்ட நெருங்கிய தொடர்பின் காரணமாக சிங்களர்களும் தங்களது அனேக பதார்த்தங்களில் கறிவேப்பிலையை அதிகம் பயன்படுத்திகிறார்கள். 

curry-leaves.jpg

 

தமிழ்நாட்டில் அபார்ட்மெண்ட் கலாச்சாரம் பரவும் முன் ஒவ்வொரு தனி வீட்டிலும் புழக்கடையில் நிச்சயம் ஒரு கறிவேப்பிலை மரம் வளர்ப்பதென்பது பாரம்பரிய பழக்கமாக இருந்தது. தற்போது அபார்ட்மெண்டுகளில் வசிப்பவர்கள் கூட மாடித்தோட்டம், வீட்டுத்தோட்டம் என்ற பெயரில் கறிவேப்பிலை மரத்தை தொட்டிகளில் வைத்து வளர்க்க பெரும் ஆர்வத்துடனே இருக்கிறார்கள். வீட்டுக்கொரு கறிவேப்பிலை மரம் வளர்ப்பது உடல் ஆரோக்யத்துக்கு மட்டுமல்ல நமது சுவாசத்துக்கும் நல்லது. 

thotti_kari_leave.jpg

அதோடு சில ஆண்டுகளுக்கு முன்பு பிரபல வார இதழின் வாசகர் கடிதம் பகுதியில் வாசகர் ஒருவர் கறிவேப்பிலை தொடர்பாக தனது வருத்தமொன்றைப் பதிவு செய்திருந்தார்; அது என்னவென்றால், 

கடைக் கறிவேப்பிலை VS  வீட்டுக்கறிவேப்பிலை...

இன்று நகர்ப்புறங்களில் கறிவேப்பிலை மரம் வைத்து வளர்க்க முடியாதவர்கள் தங்களது கறிவேப்பிலைத் தேவைக்கு மளிகைக் கடைகள் மற்றும் டிபார்ட்மெண்டல் ஸ்டோர்களையே பெரும்பாலும் நம்பி இருக்கிறார்கள். ஆனால், அருகிலுள்ள கிராமத் தோட்டங்களில் இருந்து கறிவேப்பிலை பறித்து மொத்தமாக சாக்குகளில் அடைத்து அதை விற்பனைக்காக கொண்டு வரும் சில்லறை வர்த்தக வியாபாரிகள் அட கறிவேப்பிலை தானே என அதை மிக எளிதாகக் கருதி மின்சார ரயிலின் கழிப்பறையோரத் தரைகளில் அசுத்தமாக ஸ்டாக் செய்து எடுத்துக் கொண்டு வந்து கடைகளுக்கு சப்ளை செய்து விடுகின்றனர். இதை அறியாத இல்லத்தரசிகளோ கறிவேப்பிலை தானே என்று பல நேரங்களில் அதைச் சரியாகச் சுத்தம் செய்யாமலே கூட தாளிதத்துக்குப் பயன்படுத்தி விடுகிறார்கள். அவர்களெல்லாம் ஒரே ஒரு முறை வெவ்வேறு பகுதிகளில் இருந்து கறிவேப்பிலை எவ்விதமாகப் பெரு நகரங்களை வந்தடைகிறது எனும் முறைகளைக் கண்டால் கொதித்துப் போய் இனிமேல் சமையலில் கறிவேப்பிலையே பயன்படுத்துவதில்லை என்ற முடிவுக்கே கூட வந்து விடுவார்கள் எனத் தனது வருத்தத்தைப் பதிவு செய்திருந்தார்.

அது நிஜம் தான், உணவில் கறிவேப்பிலையைப் பலர் தூக்கி வீசுகிறார்கள் என்பதற்காக அதை நாம் அசுத்தப்படுத்தி கொண்டு வந்து தான் விற்கவேண்டுமென்பதில்லை. அப்படி நாம் வாங்கும் கறிவேப்பிலை குறித்த அச்சம் நமக்கு இருக்குமாயின் வீட்டுத்தோட்டம் எனும் திட்டத்தின் கீழ் மண் தொட்டிகளிலோ அல்லது துளையிடப்பட்ட பிளாஸ்டிக் பைகளிலோ கறிவேப்பிலைச் செடிகளை வாங்கி வந்து வீட்டுத் தேவைக்கு மட்டுமாக வளர்த்துப் பயன்பெறலாம். மொத்தமாக பயன்படுத்தாமலே புறக்கணிப்பதைக் காட்டிலும் இது சிறந்த முறை. இந்த முறை அபார்ட்மெண்ட் வாசிகளுக்கானது.

உங்களுக்கு செடிகொடிகள் வளர்க்கத் தோதாக கையகல நிலம் வீட்டைச் சுற்றி இருப்பதாக இருந்தால் அது வாடகை வீடாக இருந்த போதிலும் நீங்கள் தாராளமாக கறிவேப்பிலை மரம் வளர்க்கலாம். மிக எளிதாக எந்த விதமான ஸ்பெஷல் உரங்களும் இன்றி நீங்கள் அன்றாடம் சமையலுக்குப் பயன்படுத்தி மிஞ்சும் காய்கறிக் கழிவுகள், பழத்தோல்கள், தேங்காய் நார்க்கழிவுகள் மற்றும் சாண உரத்தில் போஷாக்காக வளரக்கூடியவை கறிவேப்பிலை மரங்கள். வீட்டிற்கு ஒரு மரம்... ஒரே ஒரு மரம் போதும். மொத்தக் குடும்பத்தின் ஆரோக்யத்துக்கும் உத்தரவாதம் அளிக்கக் கூடியவை இவை.

இந்தியாவில் கறிவேப்பிலை சாகுபடி...

இந்தியாவில் தமிழ்நாடு, கேரளா, கர்நாடகா, ஒரிசா, மத்தியப்பிரதேசம் போன்ற மாநிலங்களில் கறிவேப்பிலை அதிகமாக சாகுபடி செய்யப்படுகிறது. தமிழகத்தில் கோவை, ஈரோடு, மதுரை, திண்டுக்கல், சேலம், திருச்சி உள்ளிட்ட பல்வேறு மாவட்டங்களில் கறிவேப்பிலை சாகுபடி செய்யத் தோதான சீதோஷ்ண நிலை நிலவுகிறது. பொதுவாகத் தண்ணீர் வசதியுள்ள அனைத்து இடங்களுமே கறிவேப்பிலை சாகுபடி செய்யத் தோதானவை தான் என்றாலும் எல்லாவகை மண்ணிலும் நல்லபடியாக வளரும் கறிவேப்பிலை செம்மண் நிலத்தில் மட்டும் அபிரிமிதமான சாகுபடி பலன்களைத் தரக்கூடியது என தமிழகத் தோட்டக்கலைத்துறையினர் கூறுகின்றனர்

நன்கு பாதுகாத்து வளர்க்கப்பட்ட கறிவேப்பிலை மரம் 25 வருடங்கள் வரை நல்ல மகசூல் கொடுக்கக் கூடியது.

இத்தகைய அருமையான பலன்களைக் கொண்ட கறிவேப்பிலையை சாப்பிடாமல் தூக்கி எறிவது எத்தனை அபத்தமான செயல்?!

எனவே, இனி வீட்டிற்கொரு கறிவேப்பிலை மரம் வளர்ப்பதோடு... சாப்பாட்டில் கறிவேப்பிலை கிடந்தால் நிச்சயமாகத் தூக்கி எறியவே மாட்டோம் என்றும் நாமனைவரும் உறுதி எடுத்துக் கொள்வோம்.

 

http://www.dinamani.com

Categories: merge-rss

வேலூர் மட்டன் பிரியாணி

Mon, 05/02/2018 - 10:26
அருமையான வேலூர் மட்டன் பிரியாணி

 

 

தம் பிரியாணியில் நிறைய வகைகள் உள்ளன. இன்று வேலூர் மட்டன் பிரியாணியை எளிய முறையில் செய்வது எப்படி என்று பார்க்கலாம்.

 
 
 
 
அருமையான வேலூர் மட்டன் பிரியாணி
 
தேவையான பொருட்கள் :

மட்டன்  - 1 கிலோ
வெங்காயம் - 1/4 கிலோ
தக்காளி - 200 கிராம்
இஞ்சி பூண்டு விழுது - 50 கிராம்
பச்சை மிளகாய் - 10
மிளகாய்த் தூள் - 4 தேக்கரண்டி
தயிர் - 200 மிலி
பட்டை - 1 துண்டு
கிராம்பு - 4
ஏலக்காய் - 2
கொத்தமல்லித் தழை - சிறிதளவு
புதினா - சிறிதளவு
எலுமிச்சை பழம் - 1
ரிஃபைண்டு கடலை எண்ணெய் - 1/4 லிட்டர்
அரிசி (ஜீரகச் சம்பா அல்லது பாசுமதி) - 1 கிலோ
உப்பு - தேவையான அளவு

201802051521246425_1_muttonbiryani._L_styvpf.jpg

செய்முறை :

தக்காளி, வெங்காயம், கொத்தமல்லி, புதினாவை பொடியாக நறுக்கி கொள்ளவும்.

அரிசியை ஒரு முறை அலசி விட்டு, அரை மணி நேரம் ஊற வைக்க வேண்டும்.

மட்டனை நன்றாக சுத்தம் செய்து கொள்ளவும்.

குக்கரை அடுப்பில் வைத்து சூடாக்கி, எண்ணைய் சூடானவுடன், பட்டை, கிராம்பு, ஏலக்காய் இவற்றை சேர்த்து வெடித்தவுடன், நறுக்கிய வெங்காயத்தைப் போட்டு பொன்னிறமாக வதக்கிக் கொள்ள வேண்டும்.

வெங்காயம் பொன்னிறமாக வதங்கியதும் தக்காளியை உடன் சேர்த்து 2 நிமிடம் வதக்க வேண்டும்.

வெங்காயம், தக்காளி நன்றாக வதங்கியதும் மட்டனை அதில் சேர்த்து, 5 நிமிடத்திற்கு நிறம் மாறும்வரை கிளறிக் கொண்டிருக்க வேண்டும்.

இத்துடன் இஞ்சிப் பூண்டு விழுது சேர்த்து, 5 நிமிடம் மிதமான தீயில், நறுமணம் வரும்வரை தொடர்ந்து கிளற வேண்டும்.

அடுத்து அதில் மிளகாத்தூள் சேர்த்து சிம் தீயில், 5 நிமிடம் கலக்க வேண்டும்.

அடுத்து தயிர், பச்சைமிளகாய், கொத்தமல்லி, புதினா, தேவையான அளவு உப்பு, நீர் 1/2 டம்ளர் விட்டு, குக்கரை மூடி 5 விசில் போடவும்.

பெரிய பாத்திரத்தில் 5 லிட்டர் நீர் விட்டு, உப்பு போட்டு கொதிக்கவைக்க வேண்டும்.

அதில் ஊறவைத்த அரிசியை சேர்த்து, கூடவே 1/2 தேக்கரண்டி எலுமிச்சை சாறு விட்டு, 80 சதவிகிதம் வேக்காடு வரும் வரை வேகவிட வேண்டும். வெந்ததும் தட்டில் பரப்பி ஆறவிடவும். எலுமிச்சை சாறு விடுவதால் அரிசி உடையாது.

இப்போது குக்கரைத் திறந்து, ருசி சரிபார்த்து, எலுமிச்சை சாறு கலந்து, மிதமான தீயில், எண்ணெய் மேலே வரும்வரை சூடாக்கி, நன்கு வடித்த சாதத்தை சேர்த்து, அரிசி உடையாமல் மெதுவாக கிளற வேண்டும்.

அடுப்பில் தோசைக்கல் வைத்து, அதில் சிறிது நீர் ஊற்றி, குறைவான தீயில், மேலே கலந்த சாதம் உள்ள பாத்திரத்தின் விளிம்பில் ஈரத்துணியை தலைப்பாகை போல் சுற்றி, காற்றுப் புகாமல் மூடி, மூடி மேல் ஒரு நீர் நிறைந்த பாத்திரத்தை 'வெய்ட்' போல் வைத்து சுமார் 20 நிமிடம் 'தம்' போட வேண்டும்.

'தம்' முடிந்த பிறகு, திறந்து பார்த்தால் 'கம கம' வேலூர் பிரியாணி சுண்டி இழுக்கும்.

https://www.maalaimalar.com

Categories: merge-rss

ரவுசர் கடை மெட்ராஸ் மசாலா

Sun, 04/02/2018 - 17:18

ரவுசர் கடை மெட்ராஸ் மசாலா

 

 

Categories: merge-rss

பருத்தித்துறை வடை.

Sun, 04/02/2018 - 12:21

 Essen

பருத்தித்துறை வடை.

உழுந்து – 1/2 சுண்டு,
அவிக்காத வெள்ளை மா – 1 சுண்டு
செ.மிள. பொடி – 2 தே. க
பெருஞ்சீரகம் – 1 மே.க
உப்பு – தே.அளவு
கறிவேப்பிலை – சிறிது ( பொடியாக வெட்டி)
எண்ணெய் – தே.அளவு
செய்முறை :-
* உழுந்தை 2 மணி நேரம் ஊற வைக்கவும்.
* உழுந்து ஊறியதும் அத்துடன் மற்றைய பொருட்களை சேர்த்து 3 மே.கரண்டி எண்ணெய் விட்டு நன்றாகக் குழைக்கவும்.
* சிறிய பாக்களவு உருண்டைகளாக உருட்டி, பூரிக் கட்டையால் அழுத்தி வட்டமாக்கி ( மெல்லியதாக) கொள்ளவும்.
* அடுப்பில் சட்டியை வைத்து எண்ணெய் விட்டு ,கொதித்ததும் தட்டி வைத்துள்ள வடைகளை போட்டு பொன்னிறமானதும் எடுக்கவும்.
** (அடுப்பை மிதமான சூட்டில் இருக்குமாறு பார்க்கவும்)

Categories: merge-rss

யாழ்ப்பாணத்துக் கூழும், மரவள்ளிப் பாயாசமும் செய்முறை

Sun, 04/02/2018 - 10:03

மரவள்ளியா என்று நினைப்பவர்களுக்கு; சவ்வரிசியே மரவள்ளி தானே.

Categories: merge-rss

ஆந்திரா நண்டு மசாலா

Tue, 30/01/2018 - 18:53
சூப்பரான ஆந்திரா நண்டு மசாலா

 

புலாவ், சாதம், தோசைக்கு தொட்டுக்கொள்ள அருமையாக இருக்கும் இந்த ஆந்திரா நண்டு மசாலா. இன்று இந்த நண்டு மசாலா செய்வது எப்படி என்று பார்க்கலாம்.

 
சூப்பரான ஆந்திரா நண்டு மசாலா
 
தேவையான பொருட்கள் :
 
பெரிய நண்டு - அரை கிலோ
தக்காளி - 4
வெங்காயம் - 2
கிராம்பு - 4
தனியா தூள் - ஒரு தேக்கரண்டி
எண்ணெய் - 4 தேக்கரண்டி
இஞ்சி பூண்டு விழுது - 2 தேக்கரண்டி
உப்பு - தேவையான அளவு
தேங்காய் - ஒரு மூடி
பச்சை மிளகாய் - 4
மஞ்சள் தூள் - அரை தேக்கரண்டி
கசகசா - ஒரு தேக்கரண்டி
ஏலக்காய் - 4
பட்டை - 2
கொத்தமல்லி - சிறிதளவு,
மிளகாய் தூள் - ஒன்றரை தேக்கரண்டி
 
201801301501067863_1_andhracrabmasala._L_styvpf.jpg
 
செய்முறை : 
 
நண்டின் ஓட்டை நீக்கி விட்டு சுத்தமாக கழுவி தண்ணீரை வடித்துக் கொள்ளவும். 
 
இரண்டு தக்காளியை மிக்ஸியில் இட்டு அரைத்துக் கொள்ளவும்.
 
பச்சை மிளகாயை கீறிக் கொள்ளவும்.
 
தேங்காயைத் துருவி மிக்ஸியில் போட்டு அதனுடன் கசகசாவை சேர்த்து நைசாக அரைத்துக் கொள்ளவும். 
 
கொத்தமல்லி, வெங்காயத்தை பொடியாக நறுக்கி கொள்ளவும்.
 
நண்டில் அரைத்த தக்காளி, இஞ்சி பூண்டு விழுது,  மஞ்சள் தூள் சேர்த்து பிசறி 30 மணி நேரம் ஊறவிடவும். 
 
வாணலியில் எண்ணெய் விட்டு காய்ந்ததும் ஏலக்காய், பட்டை, கிராம்பு போட்டு தாளித்து அதில் பச்சை மிளகாய் வெங்காயம் சேர்த்து வதக்கவும்
 
வெங்காயம் சேர்த்து வதஙகியதும்  தனியா தூள், மிளகாய் தூள் சேர்த்து இலேசாக வதக்கி அரைத்த தேங்காயைச் சேர்க்கவும். 
 
அடுத்து அதில் ஒரு கப் தண்ணீர் ஊற்றி உப்பு போட்டு கொதிக்க விடவும். 
 
மசாலா நன்றாக கொதிக்க ஆரம்பித்தவுடன் ஊற வைத்த நண்டைச் சேர்த்து மூடி போட்டு சிவக்க வேக விடவும். 
 
நண்டு நன்றாக வெந்து திக்கான பதம் வந்தவுடன் கொத்தமல்லி தழை தூவி இறக்கி பரிமாறவும்.
 

http://www.maalaimalar.com/

Categories: merge-rss

மெக்ஸிக்கோ நகர தெருவோர உணவங்களில் சாப்பாட்டு அசுரன்

Mon, 29/01/2018 - 19:55

மெக்ஸிக்கோ நகர தெருவோர உணவங்களில் சாப்பாட்டு அசுரன்

Categories: merge-rss

வாத்துக் கறிக்குழம்பு

Sat, 27/01/2018 - 07:19
அருமையான வாத்துக் கறிக்குழம்பு

 

வாத்து மிகவும் கொழுப்புதன்மை நிறைந்தது. அதனை தோலுடன்தான் சமைக்கணும். அப்போதான் நல்லாயிருக்கும். சமைக்கும் போது எண்ணெய் குறைவாக பயன்படுத்தவும்.

 

தோசைக்கு அருமையான வாத்துக் கறிக்குழம்பு
 
தேவையான பொருட்கள் : 
 
வாத்துக்கறி - 1/2 கிலோ 
வெங்காயம் - 1
பூண்டு - 10 பற்கள் 
தக்காளி - 1
 மஞ்சள் தூள் - 1/4 டீஸ்பூன் 
 மிளகாய் தூள் - 1 டீஸ்பூன் 
மிளகுத் தூள் - 1 டீஸ்பூன் 
கொத்தமல்லி - சிறிது 
எண்ணெய் - தேவையான அளவு 
சீரகம் - 1/4 டீஸ்பூன் 
கறிவேப்பிலை - சிறிது 
உப்பு - தேவையான அளவு
 
201801271206205548_1_thai-red-curry-duck._L_styvpf.jpg
 
செய்முறை: 
 
வெங்காயம், கொத்தமல்லி, தக்காளியை பொடியாக நறுக்கி கொள்ளவும். 
 
வாத்துக்கறியை நன்கு சுத்தமாக நீரில் கழுவிக் கொள்ள வேண்டும். 
 
ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், சீரகம், கறிவேப்பிலை சேர்த்து தாளித்த, பின் வெங்காயம், பூண்டு சேர்த்து பொன்னிறமாக வதக்க வேண்டும். 
 
வெங்காயம் பொன்னிறடாக வதங்கியதும் அதில் தக்காளி, உப்பு சேர்த்து வதக்கவும்.
 
தக்காளி நன்றாக வதங்கியதும் மஞ்சள் தூள்,  மிளகாய் தூள்,  மிளகுத் தூள் சேர்த்து பிரட்டி, அத்துடன் வாத்துக்கறியை சேர்த்து 5 நிமிடங்கள் கிளறி மூடி வைத்து சிறிது நேரம் வேக வைக்க வேண்டும். 
 
பிறகு அதில் 4 கப் தண்ணீர் ஊற்றி, நன்கு கொதிக்க விட வேண்டும். 
 
கறியானது நன்கு வெந்து, கிரேவி போன்று சற்று கெட்டியானதும், அதில் கொத்தமல்லியைத் தூவி இறக்கினால், வாத்துக்கறி குழம்பு ரெடி!!!

http://www.maalaimalar.com

Categories: merge-rss

மாலை நேர ஸ்நாக்ஸ் வேர்க்கடலை வடை

Fri, 26/01/2018 - 09:25
மாலை நேர ஸ்நாக்ஸ் வேர்க்கடலை வடை    

வேர்க்கடலையில் அருமையான உணவுகளை தயாரிக்கலாம். இன்று வேர்க்கடலையை வைத்து அருமையான ஸ்நாக்ஸ், வடை செய்வது எப்படி என்று பார்க்கலாம்.

 
மாலை நேர ஸ்நாக்ஸ் வேர்க்கடலை வடை
 
தேவையான பொருட்கள் : 
 
பச்சை வேர்க்கடலை - ஒரு கப், 
பச்சை மிளகாய் - 3, 
பெருஞ்சீரகம் - அரை டீஸ்பூன்,
இஞ்சி - சிறிய துண்டு, 
புதினா, கொத்தமல்லி - சிறிதளவு, 
வெங்காயம் - ஒன்று, 
உப்பு, எண்ணெய் - தேவையான அளவு.
 
201801261430528627_1_peanutvadai._L_styvpf.jpg
 
செய்முறை:  
 
வேர்க்கடலையை ஒரு மணி நேரம் ஊறவிடவும். 
 
வெங்காயம், புதினா, கொத்தமல்லியை பொடியாக நறுக்கி கொள்ளவும்.
 
வேர்க்கடலை நன்றாக ஊறியதும் சிறிதளவு வேர்க்கடலையை தனியாக எடுத்து வைத்து மீதமுள்ள வேர்கடலையுடன் தோல் சீவிய இஞ்சி, பச்சை மிளகாய், பெருஞ்சீரகம், உப்பு சேர்த்து தண்ணீர் சேர்க்காமல் அரைத்துக் கொள்ளவும். 
 
அரைத்த மாவுடன் நறுக்கிய வேர்க்கடலை, வெங்காயம், புதினா, கொத்தமல்லி சேர்த்துக் நன்றாக கலந்து கொள்ளவும்.
 
கடாயை அடுப்பில் வைத்து எண்ணெய் ஊற்றி சூடானதும் அதில் மாவை வடைகளாகத் தட்டி, சூடான எண்ணெயில் போட்டு பொரித்தெடுக்கவும்.
 
அருமையான வேர்க்கடலை வடை ரெடி.

http://www.maalaimalar.com

Categories: merge-rss

டேஸ்டியான மில்க் கேக் பக்லவா !!

Thu, 25/01/2018 - 18:05
டேஸ்டியான மில்க் கேக் பக்லவா !! ஈஸியா ரெசிபி! நீங்களும் ட்ரை பண்ணுங்க!! மில்க் பக்லவா கேக் ஒரு எளிதான ரெசிபி ஆகும். மில்க் கேக்கை பயன்படுத்தி ஈஸியாக கேக் செய்யும் ரெசிபி தான் இது. இது பார்ப்பதற்கு மென்மையாக, இனிப்பா டேஸ்டியாக இருக்கும். பக்லவா என்பது சிரப் தன்மையில் கிரீக் டிசர்ட் மாதிரி இருக்கும்.

இங்கே மில்க் கேக்கை எப்படி பக்லவா மாதிரி சுவையுடன் செய்யலாம் என்பதை பார்க்க போறோம். ரெம்ப ருசியான இந்த கேக்கில் நீங்கள் ஏலக்காய் மற்றும் ஆரஞ்சு பழ நறுமணத்தையும் சுவையையும் கூட சேர்த்து கொள்ளலாம்.

How To Prepare Milk Cake Baklava

உங்கள் தேநீர் வேளைக்கு இது சரியான ஸ்நாக்ஸ் ஆக அமையும். இனிப்பாக இருந்தாலும் அதிக கலோரிகள் கிடையாது. இந்த மில்க் கேக் பக்லவா செஃப் விஷால் அட்ரியா மற்றும் செஃப் ஜேடபிள்யூ மாரிடேட் இருவரும் இணைந்து விழாக்கள் சமயத்தில் செய்யும் ரெசிபி ஆகும்.

இங்கே நாம் இந்த மில்க் கேக் பக்லவா எப்படி செய்வது என்பதை இக்கட்டுரையில் காணலாம்.

மில்க் கேக் பக்லவா
 
PREP TIME
25 Mins
COOK TIME
1H0M
TOTAL TIME
1 Hours25 Mins

Recipe By: செஃப் விஷால் அட்ரியா, செஃப் ஜேடபிள்யூ மாரிடேட்

Recipe Type: டிசர்ட்

Serves: 12 பேர்கள்

INGREDIENTS
  • ப்லோ சீட் - 10

    மில்க் கேக் - 7-8 துண்டுகள்

    நறுக்கிய பிஸ்தா பருப்புகள் - 1/2 கப்

    உருக்கிய தெளிவான வெண்ணெய் - 3/4 கப்

    சர்க்கரை - 2 கப்

    தண்ணீர் - 2 கப்

    ரோஸ் வாட்டர் - 5-6 டேபிள் ஸ்பூன்

Red Rice Kanda Poha
Merken 
HOW TO PREPARE
  • முதலில் பேக்கிங் ட்ரேயை எடுத்துக் கொள்ள வேண்டும்

    மடிக்காத ப்லோ சீட்டை எடுத்து கொள்ளவும்

    இப்பொழுது இந்த ப்லோ சீட்டை பேக்கிங் ட்ரேயில் விரிக்க வேண்டும்

    இப்பொழுது வெண்ணெய்யை கொண்டு ப்லோ சீட்டின் மீது தடவ வேண்டும்.

    ஒரு பெரிய பெளலை எடுத்து அதில் மில்க் கேக்கை உதிர்த்து வைத்துக் கொள்ள வேண்டும்.

    அதனுடன் பிஸ்தா பருப்பை சேர்க்கவும்

    உதிர்த்த மில்க் கேக் மற்றும் பிஸ்தா பருப்புகளை நன்றாக கலக்கவும்.

    இப்பொழுது பெளலில் உள்ள கலவையில் ஒரு சிறிய பகுதியை எடுத்து பேக்கிங் ட்ரேயில் பரப்ப வேண்டும்.

    மறுபடியும் ஒரு ப்லோ சீட்டை அதன் மேல் வைத்து வெண்ணெய்யை கொண்டு தடவ வேண்டும். அப்புறம் மில்க் கேக் மற்றும் பிஸ்தா கலவையை பெளலில் இருந்து எடுத்து இன்னொரு லேயர் பரப்ப வேண்டும். இப்பொழுது இன்னொரு ப்லோ சீட்டை எடுத்து அதன் மேல் வைத்து வெண்ணெய்யை அதில் தடவவும்.

    இப்படி லேயர் லேயராக 10 ப்லோ சீட்டுகள் வரை பயன்படுத்த வேண்டும்.

    பத்தாவது ப்லோ சீட் வைக்கும் போது பாஸ்ட்ரியை சற்று அழுத்தி சமமாக இருக்கும் படி செய்யவும்.

    இப்பொழுது வெண்ணெய்யை எடுத்து கடைசி ப்லோ சீட்டில் பரப்ப வேண்டும்.

    இதை ப்ரிட்ஜில் வைத்து குறைந்தது 1மணி நேரம் குளிர்விக்க வேண்டும். பிறகு அதை எடுத்து அறை வெப்பநிலை வரும் வரை வெளியில் வைக்க வேண்டும்.

    பிறகு ஒரு கனசதுர வடிவத்தில் சிறிய துண்டுகளாக வெட்டவும்.

    பிறகு பேக்கிங் ட்ரேயை 180 டிகிரி செல்சியஸ் என்ற அளவில் ஓவனில் வைத்து 20 நிமிடங்கள் சமைக்க வேண்டும்.

    இந்த இடைவேளை நேரத்தில் அடுப்பில் ஓரு கடாயை வைத்து மிதமான தீயில் சூடுபடுத்த வேண்டும்.

    இப்பொழுது சூடான கடாயில் சர்க்கரையை சேர்க்க வேண்டும்.

    பிறகு தண்ணீர் சேர்க்கவும்

    நன்றாக சிரப்பை கொதிக்க விடவும். ஒரு மிதமான பதத்திற்கு வரும் வரை கொதிக்க விடவும்.

    பிறகு ஓவனிலிருந்து ட்ரேயை எடுத்து விடவும்.

    இப்பொழுது பேக்கிங் செய்யப்பட்ட கலவை பக்லவா என்று பெயர்.

    இப்பொழுது காய்ச்சிய சர்க்கரை சிரப்பை பக்லவா மேல் ஊற்றி பரப்ப வேண்டும்.

    இப்பொழுது பக்லவா கேக் துண்டுகளை ட்ரேயில் இருந்து எடுக்கவும்.

    சுவையான பக்லவா கேக் துண்டுகளை ஒரு தட்டில் வைத்து பரிமாறவும்.

    டேஸ்டியான பக்லவா கேக் இப்போ வீட்டிலேயே ரெடியாச்சு.

     

INSTRUCTIONS
  • பக்லவா ஒரு சிரப் கிரீக் டிசர்ட்.
NUTRITIONAL INFORMATION
  • பரிமாறும் அளவு - 30 கிராம்
  • கலோரிகள் - 1188 கலோரிகள்
  • கொழுப்பு - 80 கிராம்
  • புரோட்டீன் - 18 கிராம்
  • கார்போஹைட்ரேட் - 104 கிராம்
  • நார்ச்சத்து - 6 கிராம்

https://tamil.boldsky.com/recipes/milk-cake-baklava/

Categories: merge-rss