காதல்

[kuruvikal]

<img src='http://img276.echo.cx/img276/2658/296530092992300929973007296529.gif' border='0' alt='user posted image'>

<b>உணர்வோடு உருவாகி
உள்ளத்தை ஆளும் - நோய்
உள்ளவர்கள் சித்தம்
உறங்காமல் சிந்திக்கும் - அறிகுறி
உலகில் காண்பதெல்லாம்
உள்ளத்தில் உள்ளவர்க்காய் ஏங்கும் - ஏக்க நிலை
உறங்கா விழிகள்
உறங்க தொடரும் கனவு - பரவல் நிலை
உளறல் என்பது
உண்மையாகும் - தன்னை உணரா நிலை
உண்பது கூட உணர மறுக்கும்
உண்மை தளரும் - முத்திய நிலை
உண்மைக் காதல் உனையாள
உன்னை நீயே
உன் வாழ்வில் ஓர் உறவுக்காய் இழப்பாய்
உன்னத நிலை....!

உண்மை இதுவும் ஆகலாம்...
உலகில் கலப்படம் என்பது
உண்மை மனிதருக்குள் - ஒரு நிலை
உண்மைக் காதல் என்று உலகை ஏய்த்து
உடல் தேடும் காமம் - அசுர நிலை
உண்மைக்குள் அசுரம் அரசாள
உன்னை மதியால் நீ இழந்து
உடலைக் கலங்கடிக்கும் - ஆபத்து நிலை
உண்மை அறியா உன்னை இழந்து
உயிர் உள்ளவரை
உள்ளம் வருத்தித் துடிக்கும்
உலகில் கொடிய நிலை...!

உண்மைகள் இப்படியும் அமையலாம்....
உலகில் எத்தனை மனிதர் எத்தனை கோலம்
உண்மை எது - யாரும் அறியா நிலை
உள்ளத்தாலன்றி
உணர்வுக்கு வடிகால் தேடும் - ஒரு நிலை
உன்னைக் கண்டதும் கவரும்
உண்மை அறிந்து உன்னை அளந்து - கழரும் நிலை
உண்மையாய் இது
உணர்வுக்கு அடிமையான - இழி நிலை
உன்னை கவர்ந்தழிக்கும்
உலகின் அசிங்க நிலை
உண்மையில் இதுதான்
உலகில் சாதாரணம்
உண்மைக் காதலின் பெயரால்....!

உள்ளத்தே உணரும்
உணர்வுக்கு முன்
உன் அறிவுக்கும் சுயத்துக்கும்
உண்மைக்கும் மதிப்பளி
உண்மையில் காதல்
உண்மையாகி உன்னதமாகும்...!
உன் கண்களால் பேசி
உள்ள கணணியை நம்பி
உள்ளம் இழந்து காதல் என்று உளறாதே
உண்மையில் காதல்தன் புனிதம் அன்றி
உன் உள்ளத்தின் புனிதமிழந்து
உன்னத வாழ்வையே இழப்பாய்...!
உணர்ந்து தெளிந்து
உணர்வுகள் ஆளப்பழகிக் கொள் - அன்றி
உண்மை உணர்ந்து
உள்ளத்தால் காதல் செய்
உண்மைக் காதலுக்கு
உறுதியான ஆயுள் கொடு...!</b>