விலாசம் குறும்படம்

[Mathan]

முதலில் குறும்படத்தை தந்த இளைஞர்களுக்கு அவர்களுடைய முயற்சிக்கும் உழைப்பிற்கும் வாழ்த்துக்கள்.

தனியாக புலம் பெயரும் இளைஞனின் வாழ்க்கையை கதை கருவாக எடுத்திருக்கின்றார்கள். அவ்ர்கள் நிறைய விடயங்கள் சொல்ல வருகின்றார்கள், ஆனால் படமாக்கப்பட்ட விதத்தில் உள்ள் சில குறைபடுகள் காரணமாக அவை முழுமையாக பார்வையாளரை போய் சேரவில்லை என்று எண்ணுகின்றேன்.

ஒளிப்பதிவு தெளிவில்லாமல் இருப்பது போன்ற ஒரு தோற்றத்தை தருகின்றது. இளைஞன் குறிப்பிட்டது போல் தேவையற்ற விஷவல் எபட்க்ஷை தவிர்க்கலாம். வசன உச்சரிப்புகள் உரையாடல்கள் இசையுடன் சேர்த்து அமுங்கி போகின்றது, அவற்றை முழுமையாக புரிந்து கொள்ள சிரமமாக இருக்கின்றது. ஒரு குறுப்படத்திற்கு சொல்லவந்த செய்திதான் முக்கியம் அதனை முன்னிலைப்படுத்தி தெளிந்த நீரோடை போன்ற ஒளிப்பதிவுடன் சீரான உரையாடலையும் இணைத்து தந்தார்கள் என்றால் இன்னும் சிறப்பாக இருக்கும்.

இந்த குறைகளை களைந்து அடுத்து குறும்படத்தை இன்னும் சிறப்பாக பலரை சென்றடையும் வகையில் தருவார்கள் என நம்புகின்றேன், மீண்டும் அவர்களுக்கு வாழ்த்துக்கள்.