கடற்படைப்படகு மீது புலிகள் தாக்குதல்!

[Mathan]

கடற்படையினர் சுட்டதாக கூறுவது தவறு என்று போர் நிறுத்த கண்காணிப்பாளார்கள் கூறுகிறார்கள்

உப்பாற்றுப்பகுதியில் கடற்படைப் படகில் இருந்தே முதலில் துப்பாக்கிப்பிரயோகம் செய்யப்பட்டதாக புலிகள் தரப்பில் கூறப்படுவதை இலங்கை போர் நிறுத்த கண்காணிப்பு குழு மறுத்துள்ளது.

போர் நிறுத்தக் காண்காணிப்பாளர் ஒருவர் சென்ற இலங்கை கடற்படைப் படகின் மீது மூதூர் பகுதியில் விடுதலைப்புலிகளின் கட்டுப்பாட்டு பகுதியில் இருந்து துப்பாக்கி பிரயோகம் நடத்தப்பட்டதாக இலங்கை போர் நிறுத்த கண்காணிப்பு குழுவின் சார்பில் பேசவல்ல ஹெலன் ஒலவ்ஸ்கொப்திர் தெரிவித்துள்ளார்.

ஆனால் இந்த கடற்படைப்படகில் இருந்து எந்தவிதமான துப்பாக்கிப் பிரயோகமும் செய்யப்படவில்லை என்றும், முதலில் படகில் இருந்தே துப்பாக்கிப் பிரயோகம் செய்யப்பட்டதாக கூறப்படுவது தவறு என்றும் அவர் கூறுகிறார்.

கடற்பரப்பில் புலிகளுக்கு எந்தவித கட்டுப்பாடும் கிடையாது என்றும், தாம் வழமையாக ரோந்து நடவடிக்கையில் ஈடுபடும் இந்த பகுதி கரையில் இருந்து சுமார் 700 மீற்றர் தூரத்தில் உள்ளது என்றும், 200 மீற்றர் தூரம் வரை கரையை நோக்கி கடற்படைப் படகு வந்ததாக புலிகள் கூறுவது தவறு என்றும் அவர் கூறினார்.

BBC தமிழ் செய்தி