தயா ஜிப்ரான் கவிதைகள்

[Thaya Jibbrahn]

மருத்துவம் சொன்னது!
மாரடைப்புக்கு
கொலஸ்ரோல் தான் காரணமாம்.

அப்படியெனில்
நீ எந்தவகை
கொலஸ்ரோல்?
---------------------------



யாரேனும் நினைத்தால்
தும்மல் வருமாம்.
பாட்டி இதிகாசம் சொன்னாள்.

நீயென்ன
நாள் முழுதும்
தும்மிக் கொண்டேயிருக்கிறாயா?


-------------------------------
நேற்றேனும் புரிந்ததா உனக்கு
நம் காதல் பற்றி.

நாம்
ஒன்று சேர்வதில்லை
என்ற ஒரே முடிவையே
இருவரும்
தனித் தனியாக
எடுத்திருந்தோம்.


----------------------------

உன்னை மறக்கவென
எண்ணிக் கொண்டு நிகழ்த்துகின்ற
நீ
வெறுப்பதாக கூறிய
ஒவ்வோர்
தீக்குச்சிகளின் உரசல்களிலும்
தெரியுதடி
உந்தன் நிலவு முகம்.


---------------------------

உன்னோடு இருப்பதை விடவும்
உந்தன்
நினைவுகளோடிருக்கவே
சம்மதம்.
-----------------------------


-தயா ஜிப்ரான் -