தமிழ்சினிமாவும் ஈழத் தமிழர்களும் (ஆக்கம் பரணி)

[kuruvikal]

எங்கள் சமூகத்தைப் பற்றி எமக்கு ஓரளவு தெரியும்...கல்லில் கொண்டு போய் காலை அடித்துவிட்டு கல்லடித்து விட்டது என்று கூச்சல் போடும் சமூகம் தான் எமது...! கணவன் இறந்துவிட்டதற்காய் பூவையும் பொட்டையும் கலைத்து பெண்ணை அமங்கலியாக்குவதாகச் சொல்லி அவளின் உணர்வுகளுக்கு மதிப்பளிக்காது வேதனைகளை கூட்டும் சமூகம் தான் எமது...! பெண் பூப்படைந்துவிட்டாள் என்பதை பரலோகம் எங்கும் அறிவித்து பரதேசி தேடும் சமூகம் தான் எமது...! தலைப்பிள்ளை ஆண் பிள்ளையாக வேண்டும் என்று கோயில்களில் சாமியாரிடத்தில் தவங்கிடக்கும் சமூகம் தான் எமது..! சொந்த மண்ணைவிட்டு தலைதெறிக்க ஓடி அங்கிருந்து பெருமை பேசும் சமூகம் தான் எமது...! உள்ள கழிவுகளை எல்லாம் உள்வாங்கிச் செய்துவிட்டு மற்றச் சமூகங்கள் மீது பழிபோடும் சமூகம் தான் எமது....! இப்படி எமது சமூகம் பற்றிய "சிறப்புகள்" பலவற்றை அடிக்கிக் கொண்டே போகலாம்..! எமது சமூகம் திருந்த நிறைய இருக்கிறது...சினிமா திருந்த முதல்...எனவே சினிமாவைப் பார்த்து திருந்து என்று கேட்கும் அருகதை எமக்கு உண்டா என்பதே இப்போ கேள்விக் குறிதான்...!

சினிமாவைத் தயாரிப்பவனுக்கும் தனது சிந்தனைகளை கருத்துக்களை பொதுவிதி ஒன்றுக்கூடாக வெளியிட சுதந்திரம் உண்டு...! மாறுபட்ட கலாசாரப் பின்னணிகளை வெளிவிட அவனுக்கு சுதந்திரம் உண்டு..! அதை நெறிப்படுத்தி வகைப்படுத்தத்தான் திரைப்படங்களைக் கண்காணிக்கும் தணிக்கைக் குழு இருக்கிறது..! அவர்கள் திரைப்படங்களுக்கு இன்ன படம் இன்ன மாதிரி என்று வகைப்படுத்தல் வழங்கி எச்சரிகைகளும் தரச் சான்றிதழ்களும் வழங்குகின்றனர்...!

வேண்டுமானால் ஈழத்தமிழர்கள் தென்னிந்திய திரைப்பட தணிக்கைக் குழுவுக்கு உங்கள் கருத்துக்களை முன்வையுங்கள்...அதில் நியாயம் இருந்தால் அதை நிச்சயம் அவர்கள் ஏற்றுக்கொள்வார்கள்...அல்லது ஏற்றுக்கொள்ள நிர்பந்தியுங்கள்...! இல்லை என்றால் சட்ட நடவடிக்கை எடுங்கள்...! அதுவும் திருப்தி தரவில்லை என்றால் ஈழத்தமிழர்களுக்காக படம் இறக்குபவர்கள் மூலம் ஒரு தணிக்கைக் குழுவை ஈழத்தமிழர்கள் கொண்டே நியமித்து படங்களை மீள் தணிக்கை செய்து வெளியிடுங்கள்..! இப்போ சிங்கப்பூர் செய்வது போல...! அதுவும் பிடிக்கவில்லை என்றால் சினிமா பார்ப்பதை அடியோடு தவிருங்கள்...உங்களை சினிமா பார்க்கச் சொல்லி யாரும் திணிப்பதில்லையே....! இவற்றை எல்லாம் விட்டுவிட்டு சினிமாவைப் புறக்கணிக்கச் சொல்லும் உங்களுக்கு எவ்வளவு சுதந்திரம் இருக்கோ அதே அளவு சுதந்திரம் சினிமாவை பொதுவிதிகளுக்கு உட்பட்டு வெளியிடுவதற்கு அவனுக்கும் இருக்கிறது என்பதை உணரத்தவறாதீர்கள்...!

எது அவசியமோ அதைச் செய்யாமல் சும்மா சினிமா மீது குறை சொல்லி உங்களை மேலானவர்கள் போலக் காட்டிக் கொள்ள முனையாதீர்கள்...! நீங்கள் மேலானவர்களாகக் கூட இருந்தாலும் அது உங்களோடு இருக்கட்டும் அதற்கு விளம்பரம் அவசியமில்லை...! உங்களுக்கு உங்கள் சமூகத்தின் மீது கலாசாரத்தின் மீது உண்மையான அக்கறையிருந்தால் சினிமா தொடர்பில் மேலே சொன்ன ஏதாவது ஒன்றை அல்லது பலதையும் செய்ய முயலுங்கள்...! இன்றேல் மெளனமாக உங்களுக்கு சரியென்றதை உங்களளவில் கடைப்பிடித்து சமூகத்துக்கு ஒரு வழிகாட்டியாக இருக்க முயலுங்கள்...அதுவே சமூகம் திருந்தப் பேருதவியாக இருக்கும்...!

வெறும் ஏட்டில் எழுதுவதையோ இல்ல இப்படி வெறும் கூச்சல்கள் இட்டுவிட்டு ரகசியமாய் திரைப்படம் பார்ப்பதையோ செய்யாமல் ஏதாவது சாத்தியமானதைச் சொல்லுங்கள் செய்யுங்கள்...!காரணம்...சினிமா முதல் பல இலக்கியங்கள் வரை தோன்றமுதலாய்
2000 ஆண்டுகளுக்கு முதலே வாழ்வியலுக்கு ஒரு நல்ல வழிகாட்டுதல் தந்த திருக்குறளைப் படித்து அதன் வழி ஒழுக முடியாத ஒரு சமூகம்... இப்போ சினிமா மீது குற்றம் சுமத்துவது....தாகதது என்றே எமக்குத் தெரிகிறது...! இது எமது சொந்தப் பார்வை...! <!--emo&--><img src='http://www.yarl.com/forum/style_emoticons/default/tongue.gif' border='0' valign='absmiddle' alt='tongue.gif'><!--endemo-->