உள்ளே உள்ளது பால்வெளியே....

[சுடரோன்]

எண்ணமோ
வைராக்கிய விதை,
மனமோ
பசுமை நேசவயல்....

எதைக் களைவது?
எதை வளரவிடுவது?

ஓடும் ஆசைகள் ஓடட்டும்
வளரும் அன்பு வளரட்டும்

அறிவே என்னறிவே
என்னை அறிவிப்பாயா?
என்னுள்ளே என்னை ஒளிர்விப்பாயா?


நானே இயக்கும்
நாடகத்தில் நானே நடிகன்
என்னை இயக்கும் அறிவே
அறிவி என்னை அறிவி


என்னுள்ளே என் குரு
என்னுள்ளே என் வைத்தியன்
என்னுள்ளே என் தேவன்

சுற்றிலும் காதல் தேவதைகள்
பற்றிடும் காதல் ஜோதி நான்

மனதில் எழும் விநோதம்
புத்தம் புது யுகமாய் மலரும்

என்னுள்ளே என் ஆவி எழட்டும்
எட்டட்டும் எட்டுத் திசையெங்கும்

என்னுள்ளே ஜோதி
என் வெளியோ வெளிச்சம்

மனமே அறி
அறிவே மனம்
உள்ளே உள்ளது பால்வெளியே....<img src='http://www.tsao5916.com/Milkway.jpg' border='0' alt='user posted image'>