திட்டுவாங்கும் நியூ...!

[kuruvikal]

பெண்களை கேவலப்படுத்துகிறார் சூர்யா!

"நியூ" படத்தில் பெண்களை எஸ்.ஜே.சூர்யா கேவலப்படுத்துவதாக உள்ளது என்று இ.கம்யூனிஸ்டு எல்.எல்.ஏ.வும் அனைத்திந்திய மாதர் சங்க துணைத் தலைவருமான பாலபாரதி கண்டனம் தெரிவித்தார்.

இதுபற்றி அவர் கூறியபோது, "நியூ படத்தில் இரட்டை அர்த்த வசனங்களும், காட்சி அமைப்புகளும் ஆபாசமாக உள்ளன.

எட்டு வயது பையனிடம் "நீ அப்பாவாகி விட்டாய்" என்று நர்சு சொல்வது போல் காட்சி உள்ளது. இது மிகைப்படுத்தப்பட்ட வசனம் ஆகும். அது மட்டுமல்ல எட்டு வயது பையன் பேசுவது போல் இரட்டை அர்த்தம் தொணிக்கும் ஆபாச வசனமும் படத்தில் உள்ளது.

பெண்ணுக்கு பொறுமை வேண்டும். புடவை கட்டுவது தான் மக்கள் தொகை பெருக்கத்துக்கு காரணம் என்றெல்லாம் படத்தில் காட்சிகள் உள்ளன.

அப்படியானால் வயலில் வேலை செய்யும் பெண் கவர்ச்சி காட்டத்தான் சேலை கட்டுகிறாளா? இந்தக் காட்சிகளெல்லாம் தவறான கண்ணோட்டத்தில் வைக்கப்பட்டு உள்ளன. இது கண்டிக்கத்தக்கது" என்று அவர் கூறினார்.

இதற்கு பதிலளித்த டைரக்டர் எஸ்.ஜே.சூர்யா, "ஆபாசம் என்பது அவரவர் பார்வையை பொறுத்தது. நல்ல படமாக "நியூ"வை தந்துள்ளேன். அதற்கு மக்கள் ஆதரவு தந்து உள்ளனர்" என்றார்.

webulagam.com