தொடர் கவிதை

[வர்ணன்]

<b>புத்தகப்பையை அனைத்தபடி
சென்றுவிடுவோம் ரீயுசனுக்கு. </b>


பாடம் தொடங்கிவிடும்
விரல்களிடை இருந்த பேனா
விழுந்து விழுந்து
தாளம் போடும்!

களமாடும் வீரர் மண்ணில்
கல்வி கொண்டும்
போர் செய்தோம் -

ம்ம்ம்...
காலம் ஓடியது
காலில் சில்லு பூட்டி !

சிதறிப்போனோம்
கண்டங்கள் பலவாய்!
காட்சியும் மாறியது! -இன்று

புகை படிந்த யன்னலூடே
பார்வை வீசுகிறோம்!


கால நிலை பற்றி
கவலை கொள்ளும் -
விடிய எழுந்தவுடன்
முதல் செய்யும்
வேலையாய் போச்சு!

என்றாலும் என்ன
அந்த வீரமண்ணது வாசம்
விலகாது இன்னும்
நாசின் சுவர்களில்
ஒரு ஓரமாய்!