பூமிக்கொரு எதிர்காலம் தேடி - விஞ்ஞானச் சிறுகதை.

[kuruvikal]

<img src='http://img119.imageshack.us/img119/8172/tossedsubwaybins018xw.jpg' border='0' alt='user posted image'>

இதோ இந்தக் குறுக்குவழியூடாக புரொவ் சங்கர் மற்றும் சுதர்சனை அழைத்துச் சென்று கொண்டிருந்த ரோபோ திலீபன் திடீர் என்று செயலிழந்து வீழ்கிறது. இதைக் கண்டு..

<b>சங்கர்</b> : சுதர்சன் என்னாச்சு திலீபனுக்கு..என்னதான் நடக்கிறது இங்கு ஒன்றுமே புரியுதில்லையே..

<b>சுதர்சன்</b> : எனக்கும் தான் சங்கர். பொறுங்கள் மீண்டும் ஒரு தடவை வோங்கி மூலம் தொடர்பு கொண்டு பார்ப்போம்...

பொத்தானை அழுத்தி வோக்கியை இயக்கிய சுதர்சன் நிலத்தில் சுருண்டு விழுகிறார்...

இதைக் கண்டு செய்வதறியாது திகைப்புடன்..

<b>சங்கர்</b> : என்னாச்சு சுதர்சன் என்னாச்சு..என்ன செய்தது..என்ன செய்கிறது.. எனக்கு ஒன்றுமா விளங்குதில்லையே.. மை கோட்..

<b>சுதர்சன்</b> : பதில் சொல்ல முடியாது...அனுங்கிய படி..ஒரு மின்னல் தாக்கம் போன்ற அதிர்ச்சியை உணர்ந்தேன் சங்கர்... தலை சுற்றுது கொஞ்சம் பொறுங்கோ..

<b>சங்கர்</b> : ம்.. நீங்கள் அப்படியே ஓய்வெடுங்கள். பெறப்படும் சிக்னலின் வழிதான் உங்களுக்கும் ரோபோ திலீபனுக்கும் பிரச்சனை வந்திருக்கிறது என்று நான் நினைக்கிறேன். எங்கள் ஆய்வகத்தின் சிக்னல் கட்டுப்பாட்டறையை யாரோ அல்லது எதுவோ தனது கட்டுப்பாட்டுக்குள் கொண்டு வந்திருக்க வேண்டும்.

<b>சுதர்சன்</b> : ஆ..அம்மா.. (என்று தலையைப் பிடித்த படி.. நிமிர்ந்திருந்து கொண்டு)... அப்படித்தான் சங்கர் நானும் நினைக்கிறேன்...

<b>சங்கர்</b> : இப்போ எங்களால் எதுவும் செய்ய முடியாது.. மேலதிக உதவியையும் உடன் பெற முடியாது.. அது வரும் வரை இங்கையே இருப்போம்.. அதுதான் பாதுகாப்பும் கூட.

<b>சுதர்சன்</b> : அதோ சங்கர் அங்கே பாருங்கள்..

<img src='http://img69.imageshack.us/img69/4913/insectrobot8av.jpg' border='0' alt='user posted image'>

<b>சங்கர்</b> : ஆமாம்..அவையென்ன.. புதிசா இருக்கு இந்தச் சூழலுக்கு.. ஆ.. அதில் ஒன்று எம்மை நோக்கி வருகிறது போல

<b>சுதர்சன்</b> : ஆமாம்... நீங்கள் அப்பால் ஓடுங்கள் சங்கர்.

திடீர் என்று.. "சங்கர் ஓடாதே நில்லு"...என்று உத்தரவு வருகிறது. சத்தம் வந்த திசை நோக்கி திரும்பி பார்த்த சங்கர் கண்ட காட்சி..அவரை அதிர வைத்தது...

(தொடரும்..)

(படங்கள் - இதர தளங்களில் பெறப்பட்டன.)

(விமர்சனங்களை..மற்றும் இக்கதைக்கு தங்கள் பங்களிப்பை நல்க விரும்புவோரும்.. யாழ் களத்தில் உள்ள குருவிகளின் "வலைப்பூவேட்டுக்கு"ச் சென்று உங்கள் எண்ணங்களைத் தாருங்கள்..! கதைக்குரிய பங்காளிகள்..எமது அனுமதியின்றியே தங்கள் பதிவுகளை இங்கு செய்யலாம்..!)