குட்டிக்கதை

[வர்ணன்]

<b>பாகம் - 7

மாதங்கிக்கு இன்றைக்கு வீட்டு வேலைகள் எல்லாம் செய்து முடிந்து விட்டது. குழந்தை அரவிந்தும் நித்திரையாக இருக்கிறான். ஏதாவது படம் போட்டுப் பார்க்கலாம் என்றால், எல்லாம் பார்த்த படமாயிருக்கிறது. சரி, இந்த சோஃபாவில கொஞ்சம் ஓய்வாக கண்ணை மூடிக் கொண்டு இருக்கலாம் என்று எண்ணி அப்படியே சாய்ந்து உட்கார்ந்த மாதங்கி கண்களை மூடிக் கொண்டாள். சாருவுக்கு ஒருவரை திருமணம் பேசி முடித்திருப்பதாக அப்பா நேற்று போனில் கதைக்கும்போது சொன்னார். அவர் தங்களுக்கு நன்கு தெரிந்தவர்தான் என்று அப்பா கூறியது அவளுக்கு நிம்மதியாக இருந்தது. அவளுக்கு தனது வாழ்வில் நடந்த விஷயங்கள் எல்லாம் ஒரு படமாக எண்ணத்தில் ஓடத் தொடங்கியது..................

அப்போது மாதங்கிக்கு பன்னிரண்டு வயது. பாடசாலைக்குப் போகும்போதும் வரும்போதும் பயமறியாத இளங்கன்றுபோல் துள்ளிக்குதித்தபடியே செல்வாள். கண்ணில் படுவோர் எல்லோருடனும் ஏதாவது பேசிக்கொண்டே செல்வாள். எதுவும் பேசாது நிற்பவர்களைக்கூட அண்ணா, அக்கா, மாமா, தம்பி என்று வாய்க்குவந்த முறைகளைக்கூறி அழைத்து ஏதாவது கதைத்துக்கொண்டே செல்வாள்.
\"சரியான வாயாடி\" என்று மாதங்கியைக் காண்பவர்கள் கூறுவார்கள்.
ஆனால் அவள் யாரையும் பொருட்படுத்தமாட்டாள். அப்படியானதொரு வேளையில்தான் அந்தச் சம்பவம் நிகழ்ந்தது. மாதங்கி ஓவெனக் கதறி அழுதபடி தலையணைக்குள் தன் முகத்தைப் புதைத்துக் கொண்டு விம்மி, விம்மி அழுதாள்.
அவளால் தான் ஒரு பையனிடம் தோற்றதை ஏற்றுக்கொள்ளமுடியவில்லை.............

தொடருங்கள்</b>

யாருக்கும் தெரியாமல் - அவள் அழுதாலும்
அவளையே உலகம் என்று நினைச்சு வாழும் அப்பா காதில்-நான்கு சுவர்களையும் தாண்டிகேட்டது-! ஓடிவந்தார்-

"பிள்ளை - பிள்ளை- என்னம்மா ஆச்சு -? ஏதோ சத்தம் கேட்டுது" ?

"ஒண்டும் இல்லையப்பா" - முகத்தை எதிர் திசையில் திருப்பியவாறே மாதங்கி பதில் சொன்னாள்!

அப்பா போய்விட்டார் என்று நினைத்துக்கொண்டு -
மறு பக்கம் திரும்பியவள்- அப்பா அங்கேயே இடி விழுந்தது போன்றதொரு உணர்வில் நின்று கொண்டிருப்பதை பார்த்ததும் - ஓடிவந்து கட்டிக்கொண்டாள்-

"அப்பா நான் நல்லவ இல்லயாபா"?

"ஐயோ என்ன நடந்தது- சொல்லி தொலையேன்மா"

"இல்லபா - சின்னதா ஒரு சண்டை போட்டேன் இன்னிக்கு ஸ்கூல்ல - அதுக்கு என்னை நல்லவ இல்ல- இருந்து பார் நீ கஸ்டபடுவேனு என்னோட படிக்கிறவன் சொல்லிட்டான் பா"

யன்னலினூடே வீசிய குளிர்காற்று முகத்தில் அறைய - மாதங்கி நிகழ்காலத்துக்கு மீண்டும் திரும்பி வந்தாள்--

தொடருங்கள்