தாயகத்து அரசியல் கட்டுரைகள்

[sethu]

'எமது இரு தோழிகளை தண்ணீருக்காக அனுப்பிவிட்டுக் காத்திருந்தோம். எமது உணவுப் பொதிகளை அவிழ்ப்பதானாலும் தண்ணீர்வாளியுடன் தள்ளாடியபடி தொலைவில் வந்துகொண்டிருந்தார்கள். திடீரென அந்த வேட்டொலி அமைதியை குலைத்தது. எதிரியின் பதுங்கிச் சுடுபவன் எம் தோழிகளில் ஒருத்தி மீது ரவையை ஏற்றினான். மற்றைய தோழி அவளை நிமிர்த்த முயன்ற வேளை அவளது கழுத்திலும் ரவை பாய்ந்து சரிந்தாள். நாங்கள் குடித்திருந்த தண்ணீர் கண்ணீராய் பெருக்கெடுத்தது'
'அன்று அதிகாலையிலேயே
எதிரி யுத்தத்தை தொடங்கினான். பிறந்தநாள் கொண்டாட இருந்த
என் தோழியின் நிலையின்
நேராகவே எதிரி தன் நகர்வுப்பாதையை ஏற்படுத்தினான். அவளது தொடர்பு அற்றுப்போக நான் தவித்தேன். சண்டை முடிந்து எதிரியை விரட்டிவிட்டு என் தோழியிடம் நான் ஓடிப்போக அவள் உயிரிழந்து கிடந்தாள். அவளது புது உடைகள் குருதியில் தோய்ந்து அவளது தலை மாட்டிலேயே கிடந்தன'

- அகிலன்


கரும்புலிகள் படைப்பிரிவில் இணைவதற்கு முன் மேஜர் மீனா, சோதியா படையணியில் ஒரு அணியின் தலைவியாக இருந்தாள். அந்த நாட்களில் தன் அணியில் இருந்த தோழிகளின் சாவுகளை சகிக்கமுடியாது அவள் தவியாய் தவித்தாள். ஒவ வொரு யுத்த களத்திலும் சாவுகள் அவள் இதயத்தைத் துளைத்தன. ஆனாலும், அந்த வீராங்கனை சாவுகளைக்கண்டு தன் போராட்ட வாழ்வில் இருந்து ஒதுங்க எண்ணியதில்லை. அந்தப் பெண்ணின் இதயம் மேலும் மேலும் பாறையாய் இறுகியது. அவள் பங்கெடுத்த யுத்த களத்தின் காட்சிகளை எழுதுகிறாள்.
'அன்று ஒலுமடுவில் யுத்தகளம் கடுமையான யுத்தம். எதிரி டாங்கிகளுடன் வந்து எமது காவலரண்கள் பலவற்றை கைப்பற்றிவிட்டான். சிறிது நேரத்திலேயே எதிரியிடம் விடுபட்ட பிரதேசங்களை மீட்டபடி போராளிகள் முன்னேறத் தொடங்கினர். எமது அணியும் அதில் போரிட்டது.
'எதிரியின் டாங்கிகள்' எரிவதை மகிழ்வுடன் அறிவித்தபடி முன்னேறிக்கொண்டிருந்த என் தோழி திடீரென பின்புறத்தால் வந்த எதிரியின் குண்டுபட்டு நிலத்தில் சாய்ந்தாள். அவள் கரங்கள் தொலைத்தொடர்பின் பி.ரி.ரி.ஐ. அழுத்தியபடியே இருக்க அலைவரிசையில் அவளது முனகல் ஒலி எனது காதை அடைந்தது. மூச்சுத்திணறியபடியிருந்த அவளை மீட்டெடுத்துவர நான் புறப்பட்டேன். அவளை நோக்கி 'குறோள்' இல்போய் தலையைத் தடவினேன். மார்பு துளைக்கப்பட்ட என்தோழி அப்போதுதான் உயிர்விட்டாள். என் மனம் துவண்டுபோனது. தன் தோழியைச் சாய்த்த எதிரியை நோக்கி ஆவேசமாய் பாய்ந்த இன்னொரு தோழி தன் காலிலே குண்டை அணைத்து காயமடைந்து வீழ்ந்தாள்.
'சமரின் தீவிரம் அதிகரித்துக் கொண்டே போனது. எதிரியின் 'டாங்கிகள்' அங்குமிங்குமாய் ஓடித்திரிந்து எமது வீரர்களைத் தாக்கியது. அவை களத்தில் எமக்குச் சலிப்பை ஏற்படுத்தத் தொடங்கின. அப்போது எமது பெண் போராளி ஒருத்தி துணிந்து முன்னேறி தனது எறிகணைச் செலுத்தியால் (ஆர்.பி.ஜி) எதிரியின் 'டாங்கி' ஒன்றைத் தகர்த்தாள். வீரத்துடன் மேலும் முன்னேறியவள் மற்றைய 'டாங்கி' யையும் விரைந்து இலக்கு வைத்தாள். அப்போது என் கண்முன்னால்தான் அது நடந்ததுலு}.
அந்த 'டாங்கி' யில் இருந்து எதிரி ஏவிய 'ஸெல்' அவளைத் தூக்கி வீசிச் சிதறடித்தது. என்னால் நம்பவேமுடியவில்லை. அந்தக் கணத்திலேயே அந்த எதிரி 'டாங்கி' யின் சக்கரம் தாக்கப்பட்டு அதன் செயின் அறுந்துபோனது. தன் வாழ்வின் இறுதி மணித்துளியிலும் அந்த வீராங்கனை தன்விசைவில்லை அழுத்தி விட்டுத்தான் மடிந்தாள் போலும். எமக்கான எதிர்ப்புகள் குறைந்து போனது. ஆனால், ஐந்து நாட்களுக்கு முன்னர்தான் தன் மகளின் புூமுகத்தைப் பார்த்து மகிழ்ந்துபோன அந்தத் தோழியின் அன்னை எப்படித்தான் மகளின் சிதறுண்ட உடலைப் பார்ப்பாளோ? என்று நினைத்து நினைத்து ஏங்கிக்கொண்டிருந்தேன்.
அன்றைய யுத்தம் வெற்றியுடன் ஓய்ந்ததும் சத்தமின்றியிருந்த யுத்த களத்தில் இன்னொரு நாள்.
'எமது இரு தோழிகளை தண்ணீருக்காக அனுப்பிவிட்டுக் காத்திருந்தோம். எமது உணவுப் பொதிகளை அவிழ்ப்பதானாலும் தண்ணீர்வாளியுடன் தள்ளாடியபடி தொலைவில் வந்துகொண்டிருந்தார்கள். திடீரென அந்த வேட்டொலி அமைதியை குலைத்தது. எதிரியின் பதுங்கிச் சுடுபவன் எம் தோழிகளில் ஒருத்தி மீது ரவையை ஏற்றினான். மற்றைய தோழி அவளை நிமிர்த்த முயன்ற வேளை அவளது கழுத்திலும் ரவை பாய்ந்து சரிந்தாள். நாங்கள் குடித்திருந்த தண்ணீர் கண்ணீராய் பெருக்கெடுத்தது'
கொடுமையான இன்னொரு காலை 'அன்று என் நெருங்கிய தோழியின் 26 ஆவது பிறந்தநாள், அவள் முதல் நாள் தான் என்னிடம் சொல்லியிருந்தாள். இரவு 12.00மணிக்கு தன்னை எழுப்பித் தேத்தண்ணி போட்டுத்தரும்படி. அதற்காக என்னை மண்டாடி குறும்புகள் செய்தாள். அவளது தாய் கொடுத்த புத்தாடையும், கேக்கும் அவளிடம் இருந்தது. சிறிதான கொண்டாட்டம் ஒன்றின் நினைவுகளுடன் நாங்கள் இருந்திருந்தோம்.
'அன்று அதிகாலையிலேயே எதிரி யுத்தத்தை தொடங்கினான். பிறந்தநாள் கொண்டாட இருந்த என் தோழியின் நிலையின் நேராகவே எதிரி தன் நகர்வுப்பாதையை ஏற்படுத்தினான். அவளது தொடர்பு அற்றுப்போக நான் தவித்தேன். சண்டை முடிந்து எதிரியை விரட்டிவிட்டு என் தோழியிடம் நான் ஓடிப்போக அவள் உயிரிழந்து கிடந்தாள். அவளது புது உடைகள் குருதியில் தோய்ந்து அவளது தலைமாட்டிலேயே கிடந்தன'
இவற்றையெல்லாம் எழுதிவிட்டுப்போன மீனா கரும்புலியாகி இத்தேசத்திற்காய் தன்னையும் விதையாக்கிக்கொண்டாள்.
(இன்னும் வரும்)