தாயகத்து அரசியல் கட்டுரைகள்

[sethu]

பலப்படுத்தப்படும் படைநிலைகள்
பலவீனமான நகர்வுகள்
மக்கள் சந்தேகிப்பது போல்
மீண்டும் ஒரு பாரிய யுத்தத்தை
ஆரம்பிப்பதற்கான
தயார்படுத்தல் காலமாக
இவ இடைவெளியைப்
பயன்படுத்தி சர்வதேச
உதவிகளுடன்
மீண்டும் ஓர் யுத்தத்தை
இவர் தமிழ் மக்கள் மீது
தொடுப்பாரேயானால்
அதன் விளைவுகளை நாடு
சந்தித்தேயாக வேண்டும்.
ஏனெனில் தமிழ் மக்களை
எவரும் எளிதில்
ஏமாற்றிவிட முடியாது.
இதை கடந்தகால
அனுபவங்கள்
அனைவருக்கும்
நன்கு உணர்த்தியேயுள்ளது.


சமாதானம் என்ற போர்வையால் அனைவரது கண்களையும் கட்டிவிட்டு சிறீலங்கா அரசு யுத்தத்திற்கான தயாரிப்புகளில் ஈடுபட்டு வருகின்றதா என்ற சந்தேகம் தற்போது மக்கள் மத்தியில் எழவே செய்கின்றது. இச் சந்தேகம் மக்கள் மத்தியில் எழுவதை தவறு என்றும் சொல்லிவிட முடியாது. ஏனெனில் ஆட்சியைக் கைப்பற்றியது முதல் ரணில் விக்கிரமசிங்க தலைமையிலான ஐக்கிய தேசிய முன்னணியின் செயற்பாடுகள் அதிர்ச்சியளிப்பவையாகவே காணப்படுகின்றன.
பல வருடங்களாக மிக இறுக்கமாகக் கடைப்பிடிக்கப்பட்டு வந்த பொருளாதாரத் தடையை நீக்கியது முதல் நாடு முழுவதும் இரு தரப்பினரும் எதுவித அனுமதியும் இன்றி சுதந்திரமாக நடமாட அனுமதித்தமை வரை அவர் எடுத்த துணிவான முடிவுகள் எவரும் எதிர்பார்த்திராத அதிர்ச்சியுூட்டும் நடவடிக்கைகளே.
இதேபோல் நோர்வே அனுசரணையுடன் பேச்சுவார்த்தைக்கான நகர்வுகளையும் இவர்கள் மேற்கொண்டு வருகின்றனர். நாட்டில் இரு கட்சி ஆட்சி நடைபெறும் அதேவேளை, சர்வ அதிகாரமும் கொண்ட சனாதிபதியாக எதிர்க்கட்சியைச் சார்ந்தவர் இருக்க அதிகாரங்கள் எதுவுமற்ற பிரதமர் தன் போக்கில் நகர்வுகளை மேற்கொண்டு வருகின்றார்.
இவரது நகர்வுகள் சமாதானம் நோக்கியதாகவே பார்வைக்குத் தென்படுகின்றபோதிலும் மறுபுறத்தில் யுத்தத்திற்கு தயாராகும் முயற்சிகளும் நடைபெறுவதாகவே தெரிகிறது. புரிந்துணர்வு உடன்படிக்கை இவற்றுக்கு தடையாக அமையவில்லை என இவர்கள் இதற்குக் காரணம் கூறுகின்றனர். அப்படியானால் இப் புரிந்துணர்வு ஒப்பந்தமும் மறுபுறத்தில் யுத்தத் தயாரிப்பிற்கு சாதகமான வகையிலேயே தயாரிக் கப்பட்டுள்ளது என்றே எண்ணத்தோன்றுகின்றது.

ஆட்திரட்டல்:
படைகளுக்கு ஆட்களைத் திரட்டும் முயற்சிகள் தீவிரமாக அதேவேளை பகிரங்கமாகவே நடைபெற்று வருகின்றது. இராணுவத்திற்கு முதற்கட்டமாகப் பத்தாயிரம் பேரை திரட்ட தேர்வுகள் நடைபெறுகின்றன. படைகளில் ஏற்பட்ட வெற்றிடங்களை நிரப்ப மட்டுமே இவ ஆட்திரட்டல் மேற்கொள்ளப்படுவதாக பாதுகாப்பு அமைச்சு கூறுகின்றது. உண்மையில் சமாதானம் மீது, தமிழ் மக்கள் ஏற்றுக்கொள்ளக்கூடிய ஓர் நியாயமான தீர்வை வழங்கப் போவதாக அரசு சொல்லி வருகின்றது. அப்படித் தமிழ் மக்கள் தட்டிக்கழிக்காத ஓர் தீர்வை வழங்குவோம் என்ற நம்பிக்கை இவர்கள் மனங்களில் இருக்குமேயானால் இவ வாறான பெரும் ஆட்திரட்டல்களில் இவர்கள் தீவிரம் காட்டுவதற்குப் பதிலாக படைக்குறைப்பையும், பாதுகாப்புச் செலவினக் குறைப்பையும் அல்லவா மேற்கொண்டிருக்க வேண்டும். கடந்த ஆட்சிக்காலங்களில் படைகளுக்கான ஆட்திரட்டல்கள் தோல்வியில் முடிவடைந்தமைக்கு யுத்தமே காரணமாயிருந்தது. படைகளில் இருந்தவர்கள் தப்பி ஓடுவதற்கும் இதுவே காரணமாயிற்று. இதனால் ஆட்திரட்டலுக்கு உகந்த சூழலை ஏற்படுத்தி சமாதானம் என்ற நிலையை தோற்றுவித்து ஆட்திரட்டலுக்கு இக்காலப் பகுதியை சாதகமாகப் பயன படுத்த ஆட்சியாளர்கள் திட்டமிட்டுள்ளனரா?
இராணுவத்திற்கு ஆட்திரட்டலை மேற்கொள்ளும் அதேவேளை முல்லைத்தீவு முதல் பொத்துவில் வரையான கரையோரப் பகுதிகளில் உள்ள படை நிலைகள் படையினரால் பலப்படுத்தப்பட்டு வருவதாக செய்திகள் தெரிவிக்கின்றன. யாழ். குடாநாட்டிலும் புதிய புதிய காவலரண்கள் அமைக கப்படுகின்றன. பனை, தென்னை மரங்கள் படையினரால் தறிக்கப்பட்டு நிலமட்டத்துடனான அதிபாதுகாப்புக்கூடிய காவலரண்கள் படையினரால் அமைக்கப்பட்டு வருகிறது.
மேலும் கடற்படை மற்றும் விமானப்படைகளையும் பலப்படுத்தும் முயற்சிகளும் மேற்கொள்ளப்படுகின்றன. சர்வதேச அச்சுறுத்தல்களைக் காரணம் காட்டி இதற்கான முயற்சிகள் செய்யப்பட்டு வருகிறது. யுத்தக் கப்பல்களை கொள்வனவு செய்வதிலும் கடற்படைக்கென தனியாக ஆட்களைத் திரட்டுவதற்கும் முயற்சிகள் நடைபெற்று வருகின்றன. இதுபோலவே விமானப்படையையும் விரிவுபடுத்தவும், விமானப்படைத்தள விஸ்தரிப்பிற்கான காணிகளை சுவீகரிக்கும் நடவடிக்கைகளும் மேற்கொள்ளப்படுகின்றன. மொத்தத்தில் கடந்த ஆட்சிக் காலத்தின்போது நடைபெற்ற மூன்றாம்கட்ட ஈழப்போர் சிறீலங்காவின் முப்படைகளுக்கும் பெரும் ஆள், ஆயுத இழப்புக்களை ஏற்படுத்தியதுடன் பலவருடகாலமாக ஆக்கிரமிக்கப்பட்டு முகாம்களாக்கப்பட்டிருந்த பிரதேசங்களையுமே புலிகளிடம் இழக்கும் நிலையை ஏற்படுத்தியது. இது சர்வதேச மட்டத்திலேயே, புலிகளின் அதிவேக வளர்ச்சியை புடம் போட்டுக்காட்டியது. இவை ரணில் விக்கிரமசிங்கவிற்கு நன்கே தெரியும் என்பதுடன் புலிகளை இராணுவ hPதியில் என்றுமே வெற்றி கொள்ள முடியாது என்ற யதார்த்தத்தையும் புரிய வைத்திருக்கும்.
இதனால் இவர் தான் ஆட்சிக்கு வந்தால் புலிகளுடன் உடனடியாக மோதல்களில் இறங்காது படையணிகளை பலப்படுத்தும் அதேவேளை புலிகளை பலவீனப்படுத்தும் திட்டங களையும் தயாரித்து அதற்கு அமைவாகவே செயற்படத் தொடங்கியுள்ளார்.
புலிகளை எதிர்த்தால் அது தமிழ் மக்களை எதிர்ப்பதாகவே அமையும் என்பதால் அதனை மனதில் கொண்டு தமிழ் மக்களுக்கு இருந்து வரும் அழுத்தங்களை விலக்கி அவர்களுக்குத் தேவையானவற்றைத் தடையின்றி வழங்குவதன் மூலம் அவர்களைத் தம்வசப்படுத்தலாம். அதேவேளை மக்கள் புலிகளிடம் இருந்து விலகுவர். இதனால் புலிகள் தனிமைப்படுத்தப்படுவர். பின்னர் புலிகளை இலகுவாக வெற்றிகொள்ளலாம் என தப்புக்கணக்குப் போட்டுள்ளார் என்பது போலவே இவரது போக்குகள் அமைகின்றன. படைப்பலத்தை அதிகரிக்கும் அதேவேளை நாட்டின் கேந்திர முக்கியத்துவம் வாய்ந்த இடங்களை பாதுகாக்க சர்வதேச உதவிகளையும் இவர் மறைமுகமாகப் பெறும் முயற்சிகளிலும் ஈடுபட்டு வருகின்றார்.
இதன் நோக்கிலானதே திருமலை எண்ணைக் குதங்களை இந்தியாவிற்கும் வான் பரப்பையும், துறைமுகங்களையும் அமெரிக்காவிற்கும் குத்தகைக்கு வழங்கும் திட்டங்களாகும். அமெரிக்க யுத்தக் கப்பல்களின் இதன் வருகையும் இதனை வெளிப்படுத்துவதாகவே அமைந்துள்ளது. உலகிற்கு இவற்றின் நோக்கம் வேறு என இவர்கள் கற்பிக்க முனைந்தாலும் தமிழ் மக்களுக்கு இவற்றின் உண்மை நோக்கம் தெளிவாகவே தெரிந்துவிடும். அதனால் தான் ஆரம்பம் முதலே ரணில் விக்கிரமசிங்கவின் ஒவ வொரு அசைவுகளையும் மக்கள் சந்தேகக் கண்கொண்டே நோக்கி வருகின்றனர்.
மக்கள் சந்தேகிப்பது போல் மீண்டும் ஒரு பாரிய யுத்தத்தை ஆரம்பிப்பதற்கான தயார்படுத்தல் காலமாக இவ இடைவெளியைப் பயன்படுத்தி சர்வதேச உதவிகளுடன் மீண்டும் ஓர் யுத்தத்தை இவர் தமிழ் மக்கள் மீது தொடுப்பாரேயானால் அதன் விளைவுகளை நாடு சந்தித்தேயாக வேண்டும். ஏனெனில் தமிழ் மக்களை எவரும் எளிதில் ஏமாற்றிவிட முடியாது. இதை கடந்தகால அனுபவங்கள் அனைவருக்கும் நன்கு உணர்த்தியேயுள்ளது.


- சசிகரன் -