தாயகத்து அரசியல் கட்டுரைகள்

[sethu]

புரிந்துணர்வு உடன்படிக்கை கைச்சாத்தாகி
100 நாட்கள் கடந்த பின்னர் கிழக்கில் இயல்புநிலை தோன்றியுள்ளதா?



திருகோணமலை நகருக்கு வடக்கே கடற்கரைப் பகுதித் தமிழ்க்கிராமங்களின் பாதுகாப்பு சிறீலங்காக் கடற் படையினரின் பொறுப்பில் இருக்கின்றது. சாம்பல்தீவு, சல்லி, நிலாவெளி, இறக்கக்கண்டி, கும்புறுப்பிட்டி, குச் சவெளி, புடவைக்கட்டு, புல்மோட்டை போன்றவை தமிழ் பேசும் மக்கள் வாழுகின்ற கிராமங்கள். இக்கிராமங்கள் எல்லாவற்றையும் உள்ளடக்கியதாகக் குச்சவெளிப் பிரதேசச் செயலர் பிரிவு அமைந்துள்ளது. கட்டுக்குளம் பற்றுக் கிழக்கு என்று இப்பகுதி அழைக்கப்படுகின்றது.
அங்கு எங்கும் கடற்படையினரின் முகாம்கள் காணப்படுகின்றன. இம் முகாம்களைப் பலப்படுத்தும் வேலைகளைத் தற்போது கடற்படையினர் மேற்கொண்டு வருகின்றனர். காவலரண்கள் அமைக்கப்பட்டு வருகின்றன. மண் சாக்குகள் அடுக்கப்பட்டு வருகின்றன. காலை தொடக்கம் மாலை வரை கடற்படையினர் ஊர்மனைகளுக்குள் சென்று தமிழ் பொது மக்களை மறித்துச் சோதனை நடத்துகின்றனர். விசாரணை நடத்துகின்றனர். யாரைச் சந்திக்கச் சென்று கொண்டிருக்கின்றீர்கள் என்று மக்களைக் கேட்கின்றனர். துருவித் துருவி விசாரிக்கின்றனர்.
தமிழ் மக்கள் பயந்து மௌனத்தைக் கடைப்பிடிக்க வேண்டியுள்ளது. இரவு வேளைகளில் தமிழ் மக்கள் தங்களின் நடமாட்டத்தைக் குறைத்து வருகின்றனர். கடற்படையினரின் இந்த அச்சுறுத்தல் நடவடிக்கையின் நோக்கம் என்னவாக இருக்கும்? யுத்தநிறுத்த உடன்படிக்கை நடைமுறைக்கு வந்த பின்னர் முகாம்களைப் பலப்படுத்தும் வேலைகளைப் படையினர் மேற்கொள்வது இப்பகுதி வாழ் தமிழ் மக்கள் மத்தியில் அச்சத்தை ஏற்படுத்தியுள்ளது. விடுதலைப் புலிகளின் குச்சவெளிப் பிரதேச அரசியல் அலுவலகம் ஒன்று நிலாவெளிக் கிராமத்தில் கோபாலபுரம் பகுதியில் அண்மையில் திறந்து வைக்கப்பட்டது. யுத்தநிறுத்த உடன்படிக்கையின் கீழ் இராணுவக் கட்டுப்பாட்டுப் பகுதியில் அரசியல் நடவடிக்கைகளை மேற்கொள்ள விடுதலைப் புலிகள் அனுமதிக்கப்பட்டுள்ளனர்.
ஆனால் கடற்படையினர் குச்சவெளிப் பகுதியில் அரசியல் நடவடிக்கைகளை அவர்கள் சீராக மேற்கொள்ள விட்டுவைப்பதாக இல்லை. அவர்களையும் வீதியில் வாகனத்தில் செல்லும் போது வழிமறித்து விசாரிக்கின்றனர். இரவு நேரத்தில் திருகோணமலை-குச்சவெளி வீதியில் பொதுமக்கள் வாகனங் களில் அல்லது வேறு வழிகளில் செல்லும்போது உயிரைக் கையில் பிடித்துக்கொண்டுதான் செல்ல வேண்டியுள்ளதாக முறைப்படுகின்றனர். நிலா வெளிக்குச் செல்லும் வீதியில் ஆத்திமோட்டை என்ற குக்கிராமம் உள்ளது. அங்குள்ள மலையின் உச்சியில் முருகன் கோவில் ஒன்று இருக்கின றது. அந்தக் கோவிலில் கடற்படை யினர் முகாம் அமைத்துள்ளனர். பக்தர்கள் செல்ல முடியாதுள்ளது. இரவு வேளைகளில் மலை உச்சியில் இருக்கும் கடற்படையினர் வீதியால் செல்லும் வாகனங்கள் மீது டோர்ச்லைட் வெளிச்சம் அடித்துப் பார்ப்பார்கள்
திருகோணமலையின் வடக்கே கடற்படையினரின் கெடுபிடி அதிகரிக்கக் காரணம் என்னவாக இருக்கும்? அப்பகுதி தமிழ் மக்களின் வாழ்க்கையில் தற்போது அமுல் நடத்தப்பட்டு வரும் யுத்தநிறுத்தம் இயல்பு நிலையை ஏற படுத்தி விட்டதா? அன்றாடக்காய்ச்சிகளாக வாழும் அப்பகுதி மக்களின் வாழ்வில் தற்போதைய யுத்த நிறுத்தம் இன்னும் அமைதியை ஏற்படுத்தவில்லை என்றுதான் சொல்ல வேண்டும். திருகோணமலை நகரின் பல இடங்களில் இன்னும் பொலிசாரின் சோதனைச் சாவடிகள் இருக்கத்தான் செய்கின்றன. பொதுமக்களை மறித்துச் சோதனை நடத்தப்படுவது இச்சோதனைச் சாவடிகளில் மேற்கொள்ளப் படவில்லையாயினும் சாவடிகள் இருக்கின்றன. அவற்றில் பொலிசார் தங்கியுள்ளனர். தற்போது நடைமுறையில் இருக்கும் யுத்தநிறுத்த உடன்பாட்டின்படி, மக்கள் நெருக்கமாக வாழுகின்ற நகரங்கள் மற்றும் பட்டி னங்களில் இருக்கும் சோதனைச் சாவடிகளின் எண்ணிக்கையைக் குறைக்க வேண்டும். மக்களுக்குச் சிரமம் கொடுக்காத விதத்தில் இச்சோதனைச் சாவடிகளை அகற்ற வேண்டும் அல்லது குறைக்க வேண்டும் என்று தெரிவிக்கப்பட்டிருக்கின்றது. யுத்தநிறுத்தம் நடைமுறைக்கு வந்து நு}று தினங்கள் கடந்துவிட்டன. என்றாலும் அரச படையினரின் கெடுபிடிகள் குறைந்தபாடாக இல்லை.
புரிந்துணர்வு உடன்படிக்கையின் உண்மை அர்த்தத்தைச் சாதாரண சிங்கள மக்கள் புரிந்து கொண்டுவிட்டார்கள். ஆனால் வடக்கு கிழக்கு மாகாணத்தில் உள்ள அரச படையினர் மட்டும் இன்னும் புரிந்துகொள்ள முடியாது இருக்கின்றனர். அரசாங்கமும் அரச படையினரும் ஓர் உண்மையை இன்னும் புரிந்து கொள்ளவில்லை என்றுதான் எண்ணத் தோன்றுகின்றது. தற்போதைய சமாதான முயற்சி தோன்றுவதற்குக் காரணமாக இருந்தவர்கள் யார் என்பதை அரசும் அரச படையினரும் ஒருதரம் சிந்தித்துப் பார்த்தால் இப்போதைய ஐக்கிய தேசிய முன்னணி அரசாங்கம் பதவிக்கு வந்த ஒரு சில தினங்களில் விடுதலைப் புலிகள் ஒருதலைப்பட்சமாக யுத்தநிறுத்த அறிவிப்பை வெளியிட்டதுடன் அதனைக் கடைப்பிடிக்கவும் ஆரம்பித்தனர். அதன் பின்னர் அரசாங்கம் பதிலுக்கு யுத்தநிறுத்தத்தைக் கடைப்பிடிக்கப்போவதாக அறிவித்தனர்.
உண்மையில் தற்போதைய சமாதான முயற்சிக்கு வித்திட்டவர்கள் என்று விடுதலைப்புலிகளைத்தான் கூற வேண்டும். இந்தக் கருத்தை நாடாளுமன்றத்தில் புரிந்துணர்வு உடன்படிக்கை மீதான விசேட விவாதத்தைத் தொடக்கி வைத்துப் பேசிய தமிழ்க்கட்சிகள் கூட்டமைப்பின் தலைவர் இரா.சம்பந்தன் தெரிவித்தார். யுத்த நிறுத்த உடன்பாட்டின்படி வடக்கு கிழக்கு மாகாணத்தில் இயல்புநிலை இன்னும் தோன்றவில்லை. பாடசாலைகள், வணக்க ஸ்தலங்கள் மற்றும் பொதுக்கட்டடங்கள் ஆகியவற்றில் இன்னும் அரச படையினர் முகாமிட்டுள்ளனர் என்று திரு. சம்பந்தன் நாடாளுமன்றத தில் சுட்டிக்காட்டினார். இனியும் தாமதிக்காதீர்கள் விரைந்து யுத்தநிறுத்த உடன்பாட்டை அதில் கூறப்பட்டுள்ளவாறு அமுல் நடத்தி வடக்கு கிழக்கில் இயல்பு நிலையைத் தோற்றுவித்து சமாதானப் பேச்சுவார்த்தையை ஆரம்பிக்க வேண்டும் என்று அரசாங்கத்தை திரு.சம்பந்தன் கேட்டுக் கொண்டார். யுத்த நிறுத்த உடன்பாடு அமுலுக்கு வந்து நு}று தினங்கள் சென்ற பின்னரும் வடக்கு கிழக்கு மாகாணத்தில் காணப்படும் நிலை இதுதான் என்று நாடாளுமன்றத்தில் விவரமாகத் தெரிவிக்கப்பட்டது.

-நாதன்