மோகன்லாலின் மொழி வெறி

[Nanban]

மோஹன்லால் ஒரு அருமையான கலைஞர். அவரின் முகபாவங்களும் யதார்த்தமான நடிப்பும் இந்தியா முழுமையும் எடுத்துக் கொண்டால் கூட ஒரு சிலருக்கு மட்டுமே வரும்.

கேரள திரையுலகம் - தமிழ் திரையுலகைப் போல் அல்லாது யதார்த்தமான கதையமைப்பு, காட்சி அமைப்பு ஆகியவற்றைக் கொண்டிருக்கும். மிகைப்படுத்தப்பட்ட நடிப்பினாலும் யாதார்த்தமற்ற கதைகளாலும் புனையப்பட்ட திரைப்படங்களைப் பார்த்துப் பார்த்து மூளை சலவை செய்யப்பட்ட நம்மால் நுணுக்கமான புலனுணர்வுகளைச் சித்தரிக்கும் மோஹன்லால், மம்முட்டி, நஸிருத்தீன் ஷா, ஷப்னா ஆஸ்மி, நந்திதா தாஸ் போன்ற கலைஞர்களின் நடிப்புணர்வை ரசிப்பது சற்று சிரமமாகத் தானிருக்கும்.

காட்டுக் கூச்சல் போடுவதும், டூயட் என்ற பெயரில் பெண்மையை சிறுமைப்படுத்தும் காட்சிகளும், ஒற்றைவிரல் உயர்த்தி சவால் விடும் நாயகன் என்றெல்லாம் தரம் தாழ்ந்து போய் கிடக்கும் தமிழ்ப்படங்களைக் கொண்டு மிகச் சிறந்த சீரிய கலைஞர்களை எடை போடுவது தவறாகும்.

மொழிவெறி - நிறைய மலையாளப்படங்களை பார்த்திருக்கிறேன். வெறியை வெளிப்படுத்தும் விதமாக எதுவுமில்லை. ஆனால் பிறமொழிகளைக் கிண்டல் செய்து நகைச்சுவை காட்சிகள் செய்வது அனைத்து மொழிகளிலும் உண்டு தானே!!!