பின்லேடன் பலி

[வினித்]

பூகம்பம் தாக்கியதில் பின்லேடன் பலி? அமெரிக்கா தகவல்
சர்வதேச பயங்கரவாதி ஒசாமா பின்லேடன். அமெரிக்காவின் இரட்டை கோபுர கட்டிடத்தை இவனது அல்கொய்தா இயக்கத்தைச் சேர்ந்த பயங்கரவாதிகள் விமானத்தை மோத விட்டு தகர்த்தனர்.

பின்லேடனை அமெரிக்கா பல வருடங்களாக தேடி வருகிறது. ஆப்கானிஸ்தானில் பின்லேடன் தலைமறைவாக இருப்பதாக கருதி அந்த நாட்டின் மீது அமெரிக்கா தாக்குதல் நடத்தியது. ஆனால் பின்லேடன் கதி என்ன என்பது பற்றி இதுவரை எந்த தகவலும் கிடைக்கவில்லை.

பாகிஸ்தானில் ஆப்Öகிஸ்தான் எல்லையையொட்டியுள்ள ஒரு இடத்தில் பின்லேடன் தலைமறைவாக இருப்பதாக தகவல் வெளியானது. என்றாலும் அமெரிக்கா படையிடம் அவன் பிடிபடவில்லை.

இதற்கிடையே கடந்த சனிக்கிழமை பாகிஸ்தானை பூகம்பம் தாக்கியது. இதில் பின்லேடன் மறைந்து இருப்பதாக கருதப்படும் எல்லைப் பகுதியிலும் பலத்த சேதம் ஏற்பட்டு உள்ளது.

பூகம்பம் தாக்குதலில ஒசாமா பின்லேடன் இறந்திருக்கலாம் அல்லது காயம் அடைந்து இருக்கலாம் என்று அமெரிக்க அதிகாரி ஒருவர் தெரிவித்தார். ஆனால் இது தொடர்பான உறுதியான தகவல் எதுவும் கிடைக்கவில்லை என்று அவர் கூறினார்.

மீட்புப் பணி நடைபெறும் பகுதிகளில் பின்லேடன் பற்றி தகவல் சிக்குமா? என அமெரிக்க அதிகாரிகள் ரகசியமாக கண்காணிக்கிறார்கள்

www.maalaimalar.com