படித்ததில் பிடித்தவை.........

[sakthy]

அகத்தகத்தகத்தினிலே..........

காதலர் தினம்
அன்னையர் தினம்
என வரிசையாய்
எல்ல தினங்களின் போதும்
நீ கொடுத்த
முத்தங்கள் , கடிதங்கள் ,
வாழ்த்து அட்டைகள் , பரிசுகள்
என எல்லவற்றையும்
அடிக்கடி நினைத்துப் பார்த்து
உயிர்த்திருக்கிறேன் பலமுறை.
வழக்கமானதொரு
மாலைப்பொழுதில்
என் தலை கோதி , உச்சி முகர்ந்து
'.........ப் போல இருக்கிறாய்'
என்று அன்னிச்சையாய்
யாரோ ஒரு நடிகனின் பெயரை
நீ சொன்னபோது
செத்துப் போய்விட்டேன்
ஒரேயடியாக .


'சிட்டி'சன்

நாரை நடக்கும்
குளத்தில்
நண்டு பிடிச்சதில்லை

முங்கு நீச்சல்
போட்டியில்
மூச்சுத் திணறியதில்லை

கண் பறிச்சு
வெல்லமிட்டு
வெடி தேங்காய் தின்னதில்லை

அடுக்குப் பானை
அரிசி திருடி
ஆற்றுச் சோறு ஆக்கியதில்லை

ஆனாலும் சொல்கிறாய்
ஜயாம் லிவிங் என்று !