பிரித்தானிய தகவல்கள்

[AJeevan]

<b>'பயங்கரவாத தடுப்புக்கு சில நாட்களில் நடவடிக்கை'- பிரிட்டிஷ் அமைச்சர்</b>

<img src='http://www.bbc.co.uk/worldservice/images/2005/07/20050714114540clarke_afp203main.jpg' border='0' alt='user posted image'>
அமைச்சர் சார்ள்ஸ் கிளார்க்
பயங்கரவாதத்துடன் தொடர்புடையவர்கள் என்று சந்தேகிக்கப்படும் வெளிநாட்டவர்களை நாடு கடத்த அல்லது அவர்களை நிரந்தரமாக நாட்டினுள் ஒதுக்கி வைக்க தனது புதிய அதிகாரங்களின் கீழ் தான் அடுத்த சில தினங்களில் நடவடிக்கை எடுக்கப் போவதாக பிரிட்டிஷ் உள்துறை அமைச்சர் சார்ள்ஸ் கிளார்க் கூறியிருக்கிறார்.

எவ்வகையான நடவடிக்கைகள் சட்டத்துக்கு ஒவ்வாத நடவடிக்கைகள் என்று கொள்ளப்படும் என்பது பற்றி பிரிட்டிஷ் அரசு பட்டியல் ஒன்றை லண்டன் குண்டு வெடிப்பை அடுத்து வெளியிட்டிருக்கிறது.

இவற்றுள் பயங்கரவாத வன்முறைகளை ஆதரித்து எழுதுதல், பிரசுரித்தல், போதித்தல், பிரசுரங்கள் விநியோகித்தல் ஆகியன அடங்கும்.

பயங்கரவாதத்தில் ஈடுபட மற்றவர்களைத் தூண்டுதலும் இதில் அடங்கும்.

தமது நடத்தைகளின் மூலம் இந்தச் சட்டங்களை மீறியவர்கள் பற்றிய உலகளாவிய கணனி விபரப்பட்டியல் ஒன்று தயாரிக்கப்பட்டுள்ளது என்றும் அமைச்சர் சார்ள்ஸ் கிளார்க் கூறியுள்ளார்.

தமது புதிய அதிகாரங்களை அமைச்சர் பயன்படுத்த முனையும் போது, சட்ட ரீதியான ஏராளமான சவால்களை அவர் எதிர் நோக்கலாம் என்று எமது பிபிசி உட்துறை விவகார ஆய்வாளர் குறிப்பிட்டுள்ளார்.