பட்டிமன்றம் - புலம் பெயர் வாழ் இளையோரும் இணைய ஊடகமும்

[poonai_kuddy]

<b>ஊ) நன்றி</b>

இந்த பட்டிமன்றத்தில் நானும் பங்குகொள்ள அனுமதித்த இரசிகை அக்காவுக்கு நன்றி.
இந்த பட்டிமன்றத்துக்கு களம் அமைத்துத்தந்த யாழ் களத்துக்கும் மோகன் அண்ணாவுக்கும் நன்றி.
நான் எழுதிய இந்தக் கருத்துக்களை வாசித்து அவற்றிலிருந்த எழுத்துப்பிழைகளையும் வசனப்பிழைகளையும் திருத்தி சரியான தமிழ்ச் சொற்களை மாற்றியும் தந்த துஷ்யந்தனுக்கும் நன்றி.
தங்கள் அனுபவங்களைப் பகிர்ந்துகொண்ட நண்பர்களுக்கும் நன்றி.

[Selvamuthu]

புூனைக்குட்டி! புூனைக்குட்டி!! புூனைக்குட்டி!!!

வணக்கம்

இதுவரை நடைபெற்ற வாதங்களும், தொகுப்புரைகளும் 179 பக்கங்களை எட்டிவிட்டன. அதிலே புூனைக்குட்டி வைத்த வாதம் மட்டும் 52 பக்கங்கள்! ஆரம்பம் - தொடக்கம் தொடங்கி, முடிவு வரை அனைவரது வாதங்களையும் அலசி ஆராய்ந்து தனது வாதத்தை மிகவும் விபரமாக எழுதிவைத்துள்ளார்.

தலையங்கமே தமக்கு வலுச்சேர்க்கின்றது என்று ஆரம்பித்தார். சீரழிவுகள் உடலியல், உளவியல், ஒழுக்கவியல், சமூகவியல், பொருளாதாரவியல் என்பனபோல் பிரித்து அலசுகின்றார். எதிரணியினரின் வாதங்களுக்கு நல்ல சாட்டையடியும் கொடுத்துள்ளார்.

உளவியல் மாணவியான இவரால் இணையத்தால் ஏற்படும் உளவியல், உடலியல் தாக்கங்களை நன்றாக அறிய முடியும் என்பது உண்மை. மலிவாகப்பெறப்படும் கணனிகளால் பார்வை பழுதாகின்றது, உடல் வெப்பநிலை பாதிக்கப்படுகின்றது, உடல்நிலை பாதிப்புக்கள் என்பன ஏற்படுகின்றன என்றார். இணையத்தால் போதைப் பொருளுக்கு அடிமையானவர்களைப்போல் ஆக்கப்படுகின்றார்கள், மனநிலை பாதிக்கப்பட்டவர்களாக இருக்கிறார்கள் என்கிறார். அப்படியா? இவர் கூறுவதை நம்பலாமா? எதிரணியின் என்ன கூறப்போகின்றீர்கள்?

முகமூடி நபர்களால் களத்தில் மனக்கசப்புக்கள், ஏமாற்றங்கள், பகையுணர்வுகள் ஏற்படுகின்றன. ஆபாச வார்த்தைகள் பகிரங்கமாகவே பலருடனும் பகிர்ந்துகொள்ளப்படுகின்றன. கட்டுப்பாடற்ற அநாமதேயர்களின் ஆதிக்கம் அதிகரிப்பதால் இளைஞர்களின் மனதை பாலியல் வக்கிரம் நிறைந்ததாக மாற்றுகின்றது. இவர்களுடன் பரிமாறும் நிழற்படங்கள் துர்ப்பிரயோகத்திற்கு உட்படுத்தப்படுகின்றன. இவர்களுக்கிடையே ஏற்படும் இணையக்காதலுக்கும், பின்னர் பாலியல் உறவுக்கும் இது இலகுவாக வழிவகுக்கின்றது. இதனால் ஏற்படும் விபரீதங்கள் பலவாகி இறுதியில் தற்கொலைக்கும் வழிவகுக்கின்றது என்கிறார். அவற்றிற்கு உண்மையில் நடந்த உதாரணங்களும் சில தந்தார். அருகிருக்கும் சமூகத்திலிருந்து விலகுவதற்கும், பணவிரயம் செய்வதற்கும், தாய்மொழிப்பயிற்சியைக் கறைப்பதற்கும் இணையம் துணை போகின்றது என்று அடுக்கிக்கொண்டே போகிறார்.

பெண்கள் கருத்தியல் வன்முறைகள் எல்லா இடங்களிலும் நடக்கின்றன என்றார். எதிரணித்தலைவர் இளைஞனின் கருத்திற்கு, முகமூடி உறவுகள் ஆணா பெண்ணா? இளைஞரா முதியவரா? யார் யார் என்று அறியமுடியாமல் இருக்கிறதென்றார். சரி, எனக்கொரு சந்தேகம். இளைஞனை "அண்ணா" என்று அப்படி அவ்வளவு நம்பிக்கையோடு அழைக்கிறார்? அவர் ஓர் "அண்ணி" யாக இருந்தால்? (சும்மா பேச்சக்குத்தான் கேட்டேன்)

சாதி, சமைய பாகுபாட்டை வெளிப்படையாகக் காட்டுகின்றவைகளையும், யாழ் களத்திலேயே மதவெறியைக் காட்டி நிற்கும் கருத்துக்களையும் நான் காட்டத்தயார் நீங்கள் தயாரா? என்கிறார். புத்தகங்களில் இருப்பவைபோல் இணையத்தில் இருப்பவை உண்மையில்லை, தேடியெடுப்பதும் கடினம் என்கிறார் உண்மையா?

முன்னர் சினிமா நடிக, நடிகைகளின் படங்களை புத்தகங்களுள்ளும், அறைச்சுவர்களிலும் ஒட்டி வைத்திருந்தார்கள். விஞ்ஞானத்தின் முன்னேற்றத்தினால் இப்போது கணனித்திரையிலே போட்டு வைக்கிறார்கள். அம்மா அப்பாவினுடைய படங்களை எத்தனைபேர் போட்டு வைத்திருக்கின்றார்கள் என்றும் கேட்கிறார். பதில் சொல்லுங்கள்.

எதிரணியினர் குறிப்பிட்ட TYO அமைப்புக்களில் இணையத்தளங்களைப் பார்க்குமாறு கூறியதற்கு அங்கே ஆக்கபுூர்வமான எதுவுமில்லை என்றார். அப்படித்தானா?

விரிவுரைக்குப் போகாத மாணவர்களை பிறகு பிறகு என்று சொல்லிச்சொல்லி சோம்பேறி ஆக்கும் என்கிறார். தமக்காகவும், சொந்தங்களுக்காகவும், நாட்டுக்காகவும் ஓடியோடி உழைக்கும் புலம்பெயர் பெற்றோருக்கு மேலும் ஒரு வேலையை அதாவது அவர்களின் பிள்ளைகளைக் கட்டுப்படுத்தும் கஸ்டத்தையும் கொடுக்கலாமா? என்;பதுபோல் கேட்கிறார்.

இணையத்தருட்டு, இணைய எழுத்துச்சுதந்திரம் பற்றிச் சாவல் விடுகிறார். எதிரணியினரே அவர் கேட்பதுபோல் எழுதமுடியுமா? சினிமாச் சீரழிவுகள் வேறு, இணைய சீரழிவுகள் வேறு என்றும் சுட்டிக்காட்டுகின்றார்.

மரணப்படுப்கையில் இருந்த தமிழ் இன்று சுடுகாட்டை நோக்கிப் போகின்றதா? அவசரத்தில் எழுதினாலும் தமிழைக்கொலை செய்யக்கூடாது என்று எண்ணினால் அதனை யாராலும் செய்யமுடியும் என்றே நான் எண்ணுகிறேன்.

கவனிப்பாரில்லையா? இப்படியே போனால் தமிழ் புதைகுழிக்குள்ளே போகும் அல்லது சாம்பலாகிப்போய்விடும் என்கிறார். சுடுகாட்டிற்குப் போனால் இப்படியான ஒன்றில்தானே முடியும் பிறகென்ன சந்தேகம்?

தமிழை தவறாக எழுதக்கூடாது என்கின்ற புூனைக்குட்டியின் இந்தக் கருத்தையும் நான் முழுதாக வரவேற்கின்றேன். எழுத்துப்பிழை ஏற்பட்டால் பொருட்பிழையும் கூடவே வரும்தானே! இதற்கு உதாரணமாக உங்கள் வசனத்தையே எடுத்துக்காட்டுகிறேன்.

2. உளவியல் தாக்கங்கள்
இதிலே இரண்டாவது பந்தியில்:- நேரடியாக இணையத்தை போதைப்பொருளோடு உப்பிட முடியாத போதும்... என்று வருகின்றது. இங்கே ஒப்பிட முடியாத போதும் என்று வந்திருக்க வேண்டும். ஒ வை, உ என்று எழுதியதால் பொருளே வேறுபட்டு நிற்கின்றது. (இதனை நான் முன்னர் கவனித்தபோதும் குறிப்பிட விரும்பவில்லை ஆனால் இதுபற்றி என்னையே கேள்வி கேட்டதால்தான் எடுத்துக் காட்டினேன்)

நல்ல நண்பர்கள் கிடைக்காத நச்சுப் பாலமான இணையத்தில் இளைஞர்கள் தேடுவது முதலாவது காதல்தான் என்று கூறி, எதிரணி அஜீவனின் வயதையே சந்தேகக்கண்ணோடு பார்ப்பதுபோல் தெரிகின்றது. அதுமட்டுமில்லாமல் களத்தில் முகமூடி உறுப்பினர்கள் பலர் மனித உணர்வுகளையே மதிப்பதில்லை என்கிறார் உண்மையா? அடுத்த அறையிலேயே இருந்துகொண்டு அண்ணனும் தங்கையும் இணையத்திலே கடலைபோட்டுக் காதலித்த கொடுமையை கேள்விப்படவில்லையா? எதுக்கும் எல்லோரும் எச்சரிக்கையாக இருங்கள் என்கிறார் குட்டிப்புூனை.

பகட்டானவைகளைப் பார்த்து மயங்குபவர்கள் தாங்களல்ல என்கிறார். நிகழ்காலத்தை விடுத்து எதிர்காலத்தைப் பற்றிக் கனவு காணபவர்களும் தாங்களல்ல என்கிறார். தமிழ் நெட்டும், புதினமும்தான் நம்பிக்கையான தளங்களா? நடுவீட்டு நாட்டாமையாக வந்து உட்கார்ந்துவிட்ட இணையத்தளங்களின் தீமைகளால் சீரழிந்துபோனவர்களின் எண்ணிக்கை நன்மையடைந்தவர்களைவிட பன்மடங்காகும் என்று கூறி "வெளுத்ததெல்லாம் பால்" என்று நம்பவேண்டாம் என்றும் எச்சரிக்கிறார். பழமை - புதுமை, தலிபான் - தமிழீழம் இரண்டிற்குமுள்ள வேறுபாடுகளையும் குறிப்பிட்டார்.

நன்மை அணியினர் நன்மையடைகின்றார்கள் என்று சொல்வதற்கு எதுவுமேயில்லை, சும்மா வார்த்தைகளால் கோலம் போடாது வாதங்களை முன்வையுங்கள் என்று நினைவுூட்டவும் சொல்கிறார்.
இணையத்தைப் பாவிக்கும் புலம்பெயர்ந்த தமிழ் இளையோரின் எண்ணிக்கையை இரண்டு இடங்களில் இரண்டுவிதமாகக் குறிப்பிட்டிந்தாலும் அதனால் சீரழிந்தவர்கள் ஆயிரக்கணக்கானவர்கள் என்கிறார்.

நாரதருக்கு நன்றியும் சொல்கிறார். இல்லாத கடவுளில் பாவத்தைக்கொட்டுவது முட்டாள்தனம். இருக்கும் இணையத்தை ஆதாரமாகக் காட்டுவது அப்படியல்ல என்கிறார். எதற்குமே உதவாத ஆலய ஆதிமுலத்தில் இருக்கும் கல்லை (கடவுளை) இணையத்திற்கு ஒப்பிடுவது மொக்குத்தனம் என்கிறார். (இதனால் எத்தனைபேர் வரிந்து கட்டிக்கொண்டு வரப்போகிறார்களோ தெரியாது).

ஆடினால் மனுசர், ஆட்டப்பட்டால் பொம்மை, கண்ணுக்கு முன்னால் விரியும் திரையில் கெட்டவைகள் எல்லாம் கூட்டாளிகளோடு வந்து பாய் விரித்துப்படுத்திருக்கின்றன தெரியவில்லையா? என்கிறார். இணையத்தைக் கட்டுப்படுத்துவது சுூரியனை தங்கள் போர்வையால் மூடுவதுபோல்தான் என்கிறார். வீட்டிலே பெற்றோர் காவல் என்றால் பிள்ளைகள் அதனை வீதியில் இருக்கும் internet cafe இல் தமது ஆவலைத் தீர்த்துக்கொள்கிறார்கள் என்றும் கூறுகின்றர்.

பாதையிலே உள்ள கல்லில் கால் மோதினாலும், கல் வந்து காலில் மோதினாலும் காயம் எங்களுக்குத்தான். போதையிலே இருக்கும் எதிரணியினர் எது சொன்னாலும் கேட்கமாட்டார்கள். ஒரு தத்துவத்தைச் சொன்னாலும் அதை நகைச்சுவை என்கிறார்கள். இணையம் இருக்கிறதென்ன துணிவில் மாணவர்கள் எல்லாம் வீட்டுவேலைகளை ஏனோதானோ என்றுதான் செய்கிறார்கள் முன்னர்போல் எதுவுமில்லை என்கிறார்.

இணையம் பல நாடுகளிலிருக்கும் உறவுகளோடு புரிந்துணர்வை வளர்க்கவில்லை. மாறாக தனிநபர் தாக்குதல்களுக்கும், து}ய்மையற்ற காதல் களியாட்டங்களுக்கும், கண்ட கண்ட தேவைகளுக்குமே இந்த புறச்சுூழலில் இருக்கும் கவர்ச்சி காட்டும் இணையம் பயன்படுகின்றது என்கிறார்.

மேடைப் பட்டிமன்றங்களிலே அடிதடி சண்டைகளா நடக்கின்றன? கற்பனையில் கண்டுகொண்டிருக்கும் கள உறவுகளைக் கண்டால் கற்பனைகள் உடைந்து சிதறியும்விடும். வாய் வீரரெல்லாம் மௌனவிரதம் இருப்பார்கள் என்று தீர்க்கதரிசனமாகக் கூறுகின்றாரா?

தமிழ் வலைப்பதிவினை வாசிப்பவர்கள் எத்தனைபேர்? இவர் கூறுவதை எதிரணியினர் ஏற்றுக்கொள்வார்களா? பெரியாரின் வரிகளை சீரழிவுகளுடன் ஒப்பிடுகிறார். இதனை ஏற்றுக்கொள்ளலாமா? மனக்கட்டுப்பாட்டை உடைக்கின்றது, தன்னை நம்பி மட்டும் வாழவைக்கின்ற ஒரு சீரழிவுச்செயலை இணையம் செய்கின்றது என்கிறார்.
புூனைக்குட்டி ஒவ்வொருவருடைய வாதத்திற்கும் எதிராக தன் வாதத்தை வைத்திருக்கிறார். ஒவ்வொன்றையும் வரிக்குவரி நன்றாகப் படித்து நன்மைகளைவிட தீமைகளே அதிகம் அதிகம் என்கிறார். இனி எதிரணியினர்தான் வந்து பதில் கூறவேண்டும்.

மேடையில் நடக்கும் பட்டிமன்றங்களிலே என்றால் ஒவ்வொருவருக்கும் சமமான நேரம் கொடுக்கப்படும். நேரமாகிவிட்டால் நடுவர் மணி அடிப்பார், அல்லது எழுந்து சென்று மெதுவாக நேரமாகிவிட்டது என்று கூறுவார் அல்லது சிறு காகிதத்தில் எழுதிக்கொடுப்பார் அல்லது வேறு ஏதோ எல்லாம் செய்வார். ஆனால் இங்கே என்ன செய்வது என்று தெரியாமல் இருக்கிறோம். அனுபவம் தானே வரவேண்டும் என்று கூறுவார்கள். இனிமேல் வரும் கள பட்டிமன்றங்களில் விதிமுறைகள் எப்படி இருக்கவேண்டும் என்பதற்கு இதனையும் ஓர் எடுத்துக்காட்டாக எடுத்துக்கொள்ளலாம் என்று எண்ணுகிறேன். நேரம் பொன்னானது என்பது எல்லோர்க்கும் பொருந்தும் அல்லவா?
நன்றி

[Vasampu]

நல்லதொரு பட்டிமன்றத்தை ஒருங்கமைத்து மகிழ்ச்சியில் திளைத்திருக்கும் இரசிகைக்கும் எவர் என்ன சொன்னாலும் சாலமன் போல் நீதியில் தவற மாட்டோம் என நடுவர் பணியை ஏற்றிருக்கும் செல்வமுத்து அண்ணா மற்றும் தமிழினிக்கும் என்னைவிட வயதால் இளையவரென்றாலும் தன் திறைமைகளால் என்னையே பிரமிக்க வைத்த எமதணித்தலைவர் இளைஞனுக்கும் என் சக அணித் தோழர்களுக்கும் எதிரணியிலிருந்தாலும் என்றும் தன் கருத்துக்களால் எனைக் கவரும் சோழியானுக்கும் ஏதோ முடிந்த வரை முனகிப் பார்ப்போம் என வந்திருக்கும் ஏனைய எதிரணித் தோழர்களுக்கும் இப்படி நாமெல்லாம் கூத்தடிக்க இடமளித்த களப்பொறுப்பாளர் மோகனுக்கும் ஏனைய நிர்வாகத்தினர் மற்றும் எம்மை எல்லாம் உற்சாகப்படுத்தி வழி நடத்தும் ஏனைய கள உறவுகளுக்கும் முதலில் எனது நெஞ்சார்ந்த நன்றிகள்.


என்னதான் இருந்தாலும் புூனைக்குட்டி நடுவர்களை இப்படி குளுக்கோஸ் எடுக்கும் நிலைக்கு கொண்டு சென்றிருக்கக் கூடாது. தொடர்ந்து அவர் போல் நானும் நீட்டி முடக்கி பக்கம் பக்கமாக கருத்தெழுதினால் நடுவர்களுக்கு குளுக்கோஸ் ஏற்ற வேண்டிய நிலையே ஏற்படும். எனவே முடிந்த வரை சுருக்கமாகவும் எதிரணியினருக்கு புரியும் வண்ணமும் எனது கருத்துக்களை வைக்க முயல்கின்றேன்.

பட்டிமன்றத்தின் தலைப்பான புலம் பெயர்ந்து வாழும் தமிழ் இளையோர்கள் இணைய ஊடகத்தால் நன்மையடைகின்றார்களா? அல்லது சீரழிந்து போகின்றார்களா? என்பதைப் பற்றிக் கருத்துக்கள் தந்த எதிரணியினர் தலைப்பை விட்டு விலகி எமதணியினர் நொண்டி நொண்டி நடப்பதாக குற்றம் சாட்டிக் கொண்டு தாமும் தமது பங்கிற்கு தாண்டித் தாண்டி நடந்துள்ளனர்.

நடுவர்களே சிறிது விளக்கத்திற்காக நான் தலையங்கத்தை விட்டு வெளியில் சென்று சில நடைமுறைகளை சொல்ல விரும்புகின்றேன். எமது சமுதாயத்தை எடுத்துப் பார்த்தால் அதில் முன்னேறி நல்ல நிலையிலிருக்கும் எவரும் சமுதாயமும் தன் முன்னேற்றத்திற்குக் காரணம் என்று சொல்ல முன் வருவதில்லை. ஆனால் தன் தவறுகளால் சீரழிந்து பாதிக்கப்பட்டால் சமுதாயம் தான் தன்னைச் சீரழிதத்தாக சொல்லத் தொடங்கி விடுவார்கள். தம் தவறுகளை உணர்வதற்கோ ஒத்துக் கொள்வதற்கோ முன்வர மாட்டார்கள்.

அதே போல் காதல் என்றதும் எமது ஞாபகத்திற்கு வரும் காவியங்கள் எவை
<b>1) அம்பிகாவதி - அமராவதி
2) லைலா - மஜ்ணு
3) சலீம் - அனார்கலி
4) ரோமியோ - யுூலியற் </b>போன்றன தானே !!
இவையெல்லாம் வாழ்க்கையில் தோல்வியில் முடிந்த காதல் கதைகள் தானே? <b>ஏன் ஷாஜகானின் தாஜ்மகால் கூட அவனின் காதல் வெற்றிக்காக கட்டப்பட்ட மாளிகையல்ல காதல் மனைவியின் பிரிவினால் கட்டப்பட்ட கல்லறை தானே??</b>எங்காவது காதலில் ஜெயித்து அதன் காவியங்களை படித்துள்ளீர்களா?? அதனால் காதலில் ஜெயித்தவர்களே இல்லையென்று சொல்லிவிட முடியுமா?? ஜெயித்தவர்கள் திருமணமாகி தம் வாழ்க்கையை சந்தோசமாக அனுபவித்து மேலும் மேலும் தம் வாழ்க்கையில் ஜெயித்துக் கொண்டிருக்கின்றார்கள். தோற்றவர்கள் எதிரணியினர் போல் புலம்பியதாலேயே வந்தது தான் மேலேயுள்ள காவியங்கள்.

ஏதிரணியினர் சிலர் சொன்னார்கள் எமதணித்தலைவர் இளைஞன் இணையத்தால் ஜெயிக்கவில்லை தன் திறைமையினால்தான் ஜெயித்தவர் என்று. உண்மைதான் திறைமை இல்லாத எவருக்கும் என்னதான் உதவி கிடைத்தாலும் அவர்களால் சாதிக்க முடியாது. ஆனால் திறைமையான ஒருவருக்கு இணையம் போல் ஊக்குவிப்பான ஒரு ஊடகம் கிடைக்கும் போது தன் திறைமைகளை மேன்மேலும் வளர்த்துக் கொள்ள முடிகின்றது. ஒரு வகுப்பில் 40 மாணவர்கள் இருக்கின்றார்கள். அவர்கள் அனைவருமே திறைமைசாலிகளாக வெளிவந்திருக்கின்றார்களா?? குறிப்பிட்ட சிலர் தானே சாதிக்கின்றார்கள். அதனால் அந்த வகுப்பாசிரியர் சரியில்லை என்று ஆகிவிடுமா?? அது போல் இளைஞனுக்கும் தன் திறைமைகளை வளர்க்கவும் திறைமைகளை வெளிக்காட்டவும் களமமைத்துக் கொடுத்ததே இணையம் தானே. இணையத்தில் பலர் அவரின் படைப்புகளைப் பார்த்து வாழ்த்தியதால் தானே அவரால் பல திறைமையானவர்களின் முன்பாகவே ஒரு கவிதைத் தொகுப்பை வெளியிட முடிந்தது. முன்பு ஒரு பட்டிமன்றமென்றால் 50 அல்லது 60 வயதைக் கடந்தவர்கள் நடுவர்களாக இருக்க அதே வயதையொத்தவர்களே பேச்சாளர்களாகவும் இருப்பார்கள். இன்று அந்நிலை மாறி இளையவர்களே நடாத்தக் கூடிய துணிவைக் கொடுத்தது இணையம் என்றால் அது மிகையாகாது. சிறுபிள்ளை வேளான்மை வீடு வந்து சேராது என்று முன்பு பெரியவர்கள் சொல்லிச் சொல்லியே பல இளைஞர்கள் தம் திறைமைகளை வெளிக் கொண்டு வர முடியாமலிருந்தது. ஆனால் இணையம் வந்த பின் தமக்கென ஒரு களமமைத்து அதில் தமது திறைமைகளை எவரின் தடையுமின்றி பதிய முடிந்தது. அவற்றைப் பார்த்த பின் தான் பல பெரியவர்கள் தாம் ஆலம்விதையை மூடப் பார்த்த முட்டாள்த் தனத்தை புரிந்து கொண்டார்கள். அதனால் பலர் அவர்களை ஊக்கப்படுத்த முன் வந்துமுள்ளார்கள்.

இன்று புலத்தில் இளைஞர்களால் படைக்கப் பட்ட கதையோ அல்லது கவிதையோ அச்சேற்றி புத்தகமாக வெளியிடுவதில் சிரமங்கள் எல்லோரும் அறிந்ததே. அப்படி அச்சேற்றி புத்தகமாக்குவதற்கு தேவையான பணம் புத்தகமாக்கினால் எப்படி விற்பனையாகுமோ என்ற பல பிரைச்சினைகளின் மத்தியில் இணையமொன்றே அவற்றை மின்னு}ல்களாக வெளிவர உதவியது. அது பெற்ற வரவேற்புகளால் புத்தகங்களாகவும் பின் வெளிவந்தன. சிலர் இணையத்தில் நிறைய எழுத்துப் பிழைகள் வருவதாக சொன்னார்கள். இருக்கலாம் ஏன் புத்தகங்களில் அப்படிப் பிழைகள் ஏற்படவில்லையா?? இணையத்திலாவது பிழைகளை உடன் திருத்தி விட முடிகின்றது. ஆனால் புத்தகங்களில் அடுத்த பதிப்பில் தான் திருத்தலாமென்ற உண்மை கூட இவர்களுக்கு புரியாமல் போயுள்ளது. பழமொழி ஒன்று சொல்வார்கள் ஒரு வேடம் போட்டால் அது போலவே செய்து காட்ட வேண்டுமென்று. அது போலவே இன்று எதிரணித் தலைவர் சோழியானின் நிலைமையும். பல இளையோரின் படைப்புக்களை மின்னு}ல்களாக்கி இணையத்தில் தரவேற்றி அவர்களை ஊக்குவித்தவரே இன்று வேடம் போட்டு வித்தை காட்ட வேண்டியுள்ளது. அது போல் தமது அணி சார்பாக இறுதியாக கருத்தை திறைமையாக கருத்து வைக்கும் குருவிகளை வைக்கும் படி கூறினார். குருவிகளின் திறைமையை சோழியான் உணர்ந்து கொண்டதே இந்த இணையத்தின் பயன் பாட்டால்த் தானே. அது போல் புூனைக்குட்டி கருத்து வைத்ததும் தான் அசந்து விட்டதாக ஓடோடி வந்து கூறினார். முன்பின் தெரியாத முகமறியாப் பலரை சோழியான் வாழ்த்த வழிசமைத்துக் கொடுத்தது எது?

இணையமும் ஒரு ஊடகம் என்ற ரீதியில் பார்க்கும் போது கூட அது மற்றைய ஊடகங்களிலிருந்து மிகவும் மாறுபட்டே காணப்படுகின்றது. தொலைக்காட்சியோ அல்லது வானொலியோ அல்லது பத்திரிகையோ அவை தருவதைத்தான் நாம் பார்க்க முடியும். இல்லாவிட்டால் மூட வேண்டியது தான் ஆனால் இணையமோ எமக்கு என்ன தேவையோ அதை பெற்றுக் கொள்ள வழியமைக்கின்றது. ஒரு இளைஞன் படித்துக் கொண்டிருக்கும் போது தனக்கேற்படும் சந்தேகத்தைப் புத்தகங்களில் தேடி நேரத்தை வீணடிக்காமல் கூகுளில் சென்று குறிப்பிட்ட அந்த விடயத்தை சில நொடிகளில் பெற்று விட முடிகின்றது. பிழையான தகவல்களும் வருகின்றன என்று குறை சொல்பவர்களே தொடர்ந்து பிழையான தகவல்கள் தரும் இணையப் பக்கங்கள் நிலைத்து நிற்காமல் போய்விடும் அதனால் அவர்கள் தவறுகள் ஏற்பட்டால் அவற்றை திருத்தியே வருகின்றனர் தவறுகள் என்பது எல்லா இடங்களிலும் எல்லா விடயங்களிலும் ஏற்படக் கூடிய ஒன்றே.

மேலும் சிறார்களின் தாய்மொழிக் கல்வியிலும் இணையம் பல வகையிலும் உதவி புரிகின்றது. பொதுவாக ஐரோப்பாவில் மொழிக்கல்வியை விளையாட்டுடன் சேர்த்தே கற்பிப்பார்கள். அதுபோல் தமிழ்மொழிக் கல்வியையும் விளையாட்டுடன் கற்பிப்பதற்காக நிறையவே இணையத்தில் வந்து அவை சிறார்களையும் கவர்ந்துள்ளன. ஆதனால் சிறார்களும் தமிழ் நெடுங்கணக்கின் பயமின்றி அதனை ஆவலாக கற்கவும் ஆரம்பித்துள்ளனர். இப்படி எவ்வளவோ நன்மைகளை பட்டியலிட்டுக் கொன்டே செல்லலாம்.


அதேபோல் இணையத்தில் ஆபாசங்கள் பற்றி பலர் எழுதிச் சென்றனர். அவற்றை மனக்கட்டுப்பாடு இருந்தால் தவிர்த்துக் கொள்ளலாமென எமது அணி சொல்லியபோது எம்மவர்களுக்கு மனக்கட்டுப்பாடு இல்லை எனச் சிலர் சொன்னார்கள். உண்மைதான் மனக்கட்டுப்பாடு இல்லாதவன் சீரழிந்து போவதற்கு இணையம் ஏன் அவன் சிந்தனைகளே போதுமே. ஆக ஏற்கனவே மனக்கட்டுப்பாடு இல்லாமல் சீரழிந்தவர்கள் தான் இணையத்தை சீரழிக்கப் பார்க்கின்றார்களே தவிர இணையத்தால் அவர்கள் சீரழியவில்லை.

அதுபோல் நாம் எமது கணனியிலேயே தெவையில்லாத ஆபாச விளம்பரங்கள் வருவதை நிறுத்த முடியும். எமது வளர்ச்சிக்கு எது தேவையோ அதனை மட்டும் உள்வாங்கி எம் வாழ்வையும் சீராக்க முடியும். இணையத்தில் எவ்வளவோ நல்ல விடயங்கள் இருக்கும் போது கெட்டவை மட்டுமே சிலர் கண்களுக்குத் தெரிகின்றன என்றால் அது இணையத்தின் கோளாறு அல்ல பார்ப்பவரின் பார்வையில் கோளாறு. இப்போ எதிரணியினர் செய்வதுதான் கனியிருப்பக் காய் கவர்வதோ?

இணையத்தால் நிறையச் செலவுகள் ஏற்படுகின்றது என்றார்கள் சிலர். ஆபாசங்களை தரிசிப்பதற்கு ஏற்படும் செலவுகளை விட அறிவுகளை பெருக்கிக் கொள்வதற்கு ஏற்படும் செலவு சொற்பமானதே. அது போல் எந்த விடயத்தையும் ஏதாவது ஒன்றை இழந்துதான் பெற்றுக் கொள்ள முடியும். எந்தவித இழப்புமில்லாமல் ஏதாவதொன்றை பெற்றுக் கொள்ள முடியுமா?? மீன் பிடிப்பவன் கூட து}ண்டிலில் சிறு மீனையோ அல்லது புழுவையோ செருகித்தான் பெரிய மீனைப் பிடிக்கின்றான்.

<b>எனவே தெளிவான சிந்தனை உள்ள எவரையும் இணையம் என்ன எவையுமே ஒன்றும் செய்து விட முடியாது. தம் பலவீனங்களால் சீரழிந்து போவோரே மற்றைவை மேல் பழி போட்டு தமது சீரழிவுகளுக்கு வலுச் சேர்க்கப் பார்க்கின்றார்கள் என்ற உண்மையை வலியுறுத்திக் கூறி சந்தர்ப்பத்திற்கு நன்றியும் கூறி எனது கருத்தினை முடிக்கின்றேன்.</b>

[Selvamuthu]

அண்மையில் வந்தோர் அனைவருக்கும் வணக்கம், எல்லோருக்கும் வணக்கம் என்பதோடு தமது வாதங்களை ஆரம்பித்தனர். ஆனால் வசம்பு அப்படியில்லாமல் முன்னர் வந்தவர்கள்போல் வணக்கமும், நன்றியும் சொல்லி ஆரம்பித்தார். எல்லாம் நன்றாகவே இருக்கின்றன.

எதிரணியினர் தலைப்பை விடுத்து தாண்டித்தண்டி நடந்தார்கள் என்றார். பொதுவாக தமது நிலை உயரும்போது சமுதாயத்தைப் போற்றுவதில்லை ஆனால் தமது நிலை தாழும்போது அவர்கள் து}ற்றத் தவறுவதுமில்லை என்று அழகாகக் கூறினார். இந்தக் காதலர் தினத்திலே, தோல்வியைத் தழுவிய உலகக் காதலர்களை உள்ளடக்கிய காவியங்களை எதிரணியினருக்கு உதராணம் காட்டினார். அப்படியென்றால் எதிரணியினரும் இங்கே காவியம் படைக்கப்போகிறார்களா?

தனது அணித்தலைவர் இளைஞனின் திறமையை வளர்க்க களம் அமைத்துக்கொடுத்தது இணையம்தானே என்றும், இணையத்திலே சாதனை புரிந்தது அவரது திறமையினாலேதான் என்று எதிரணியினர் கூறுவதை ஒரு வகுப்பிற்கு ஒப்பட்டு விளக்குகிறார். "சிறுபிள்ளை வேளாண்மை வீடுவந்து சோராது" என்று கூறிய காலம் எல்லாம் மலையேறிவிட்டது என்று அறுபதைக் கடந்தவர்களுக்கு ஓர் அறையும் விடுகிறார். (களத்தில் அறுபதைக் கடந்த பெரியவர்கள் இருந்தால் அவரை மன்னிக்கவும்).

முகம் காணாத கள உறவுகளின் திறமைகளை அறியவும், இணையவழி மின்னு}ல்கள் சமைக்கவும் இணையம்தானே உதவுகின்றது. இதனை எதிரணித்தலைவரே முன்னின்று செய்தபோதும் இப்போது வேடமிட்டு வித்தை காட்டுகிறார். கள உறவுகளுக்கு அறிவுரை சொல்லவும், அவர்களிடம் அறிவுரை கேட்கவும் இணையமில்லாவிட்டால் என்ன செய்ய முடியும்? என்று கேட்கிறார். இது நியாயமான கேள்விதானா?

"கூகுளில்" புகுந்தால் எதுவும் இலகுவாகும். நேரமும் மிச்சமாகும் என்கிறார். மனக்கட்டுப்பாடு இல்லாதவர்கள்தான் சீரழிகிறார். இதனை விடுத்து இணையம்தான் சீரழிக்கிறது என்பதை எந்தவிதத்திலும் ஏற்றுக்கொள்ள முடியாது. எமது வாழ்வை வளமாக்க வேண்டியவைகளை மட்டும் உள்வாங்கவேணடும். இணையத்திலேயுள்ள நல்லனவற்றை நீக்கி, தீயனவற்றை நோக்குபவர்களுடைய பார்வைகளில்தான் கோளாறு என்று ஒரு பிடி பிடிக்கிறார்.

இந்த உலகில் எதையும் செலவின்றிப் பெறமுடியாது. ஒன்றை இழந்தால்தான் இன்னொன்றை அடையலாம். அதாவது "இறால் போட்டுத்தான் சுறா பிடிக்க வேண்டும்" என்று கூறி, தெளிவான சிந்தனையுடன் இருங்கள். உங்கள் பலவீனங்களால் நீங்கள் சீரழிவதற்கு மற்றவர்மேல் பழிபோடாதீர்கள் என்று எதிரணியினருக்கு கூறுகிறார்.

இவற்றையெல்லாம் எதிர்த்து வாதிட குருவிகளே பறந்து வாருங்கள். விரைந்து வாருங்கள். இறுதியாக உங்கள் அணித்தலைவர் வரமுன் உங்கள் வந்து வாதத்தை வையுங்கள்.
நன்றி

குறிப்பு: நேற்று எழுதிவைத்த எமது தொகுப்புரையை யாழ் களத்திற்குள் நுழைய முடியாமல் போனதினால் முன்வைக்க முடியவில்லை.

[kuruvikal]

பட்டிமன்ற நடுவர்களான தமிழினி அவர்களுக்கும் செல்வமுத்து ஐயா அவர்களுக்கும் எதிரணி அங்கத்தவர்களுக்கும் மற்றும் எமதணி அங்கத்தவர்களுக்கும் தமிழ் தாயின் இனிய நற்றமிழ் வணக்கங்கள்.

எமதணியினர் சிறப்பான வாதங்களை ஏலவே தந்துவிட்ட நிலையிலும் பூனைக்குட்டி ஒரு கட்டுரையையே சமர்ப்பித்து விட்ட நிலையிலும் எமது வாதத்தை எதிரணி நண்பர் வசம்புவின் வாதத்தோடுடொட்டி சுருக்கிக்கொண்டு பட்டிமன்றம் விரைந்து முடிவுறுத்தப்பட எம்மால் இயன்ற பங்களிப்பை நல்கிக்கொள்கின்றோம்..!

இங்கு பேசப்படும் தலைப்பு... <b>புலம்பெயர் வாழ்</b> <i>இளையோரும்</i> இணைய ஊடகமும்... என்பதே..! அந்தப் புலம்பெயர் வாழ் இளையோரில் தமிழ் மற்றும் தமிழர் சார்ந்த இளையோரை மையப்படுத்தியே வாதம் நகர்த்திச் செல்லப்படுகிறது என்பதில் ஐயமில்லை..!

வாதத்துக்குள் செல்ல முன்னர் சில பதங்கள் தொடர்பில் வரையறைகளை செய்து கொண்டு வாததை நகர்த்துவது சாலச் சிறப்பாக இருக்கும் என்று எண்ணுகின்றோம்..! அந்த வகையில்...

இளையோர் - என்பதை மானுடவியல், உடற்கூற்றியல் மற்றும் உளவியல்படி பகுத்துக் கொண்டால் 11 தொடக்கம் 18 வரை ரீன் ஏஜ் ( (Teenagers) இளையோர் என்றும் அதன் பின்னர் எல்லோரும் அடல் (Adult) - முதிர் மனிதர்கள் என்றும் வரையறுக்கப்படுகின்றனர். இந்த அடல்ற் பகுதிக்குள் சில பிரிவுகள் இருக்கின்றன அதில் இளம் அடல்ற் (Young Adult) வருவது 18 - 39 வயதிற்குள்..! இந்த வகைகளின் கீழ் முதலில் இளையோரை வகைப்படுத்திக் கொள்வோம். ( முளையத்தில் இருந்து இறப்பு நிலைவரை மனித நிலை மாற்றங்களை கற்றறிந்த வகையில் பல நூல்களில் குறிப்பிட்டதன் படி இத்தரவுகள் தரப்படுகிறது. தேவையென்றால் நடுவர் Human development and Psychology எனும் நூலைப் புரட்டினாலும் இந்தத் தரவுகளை ஆதாரத்தோடு நோக்கலாம்.)

அடுத்து..புலம்பெயர் இளையோர் - இதில் புலம்பெயர் இளையோர் எனப்படுபவர்கள்..யார்..??! தாயகத்தில் பிறந்து இங்கு புலம்பெயர்ந்த ரீன் ஏஜ் ஆட்களா அல்லது இள முதிர் பருவ மனிதர்களா..??! அல்லது தாயகத்தில் இருந்து புகலிடம் நோக்கி குடிபெயர்ந்தவர்களுக்கு புகலிடத்தில் பிறந்தவர்களா..??! இந்தத் தலைப்புக்குள் வாதாட இந்தக் கேள்விகளுக்கு தெளிவான விடை அவசியம். காரணம் இது தமிழர்கள், தமிழ் சார்ந்த இணைய ஊடகம் தொடர்பான விவாதம் என்ற வகையிலும் கருத்துப் பரிமாறப்பட்டுள்ளது. நாங்கள் "புலம்பெயர்ந்த இளையோர்" என்ற பதப்பிரயோகப்படி தாயகத்தின் அடையாளங்களுக்கான அல்லது அவற்றுடனான தொடர்புகளை (அது மொழியாக இருக்கட்டும்..பண்பாடு பழக்க வழக்கமாக இருக்கட்டும்..வாழ்வியல் முறையாக இருக்கட்டும்...எந்த வகையிலும்) தங்களோடு சிறிதள வேணும் வைத்திருக்கும் இளையோரை (ரீன் மற்றும் இளம் முதிர் மனிதர்களை ) இதற்குள் அடக்கிக் கொள்கின்றோம்..!

இணைய ஊடகம் - இதில் இன்ர நெட் மற்றும் இன்றா நெட் இவை இரண்டையும் அடக்கிக் கொள்வோம்..! இன்ரநெட் (Internet) உலக வலைப்பின்னலூடும்.. இன்றாநெட் (Intranet) உள்ளக வலைப்பின்னலாகவும் கணணிகளூடு தரவுத் தகவல் பரிவர்த்தனைகளூடு தொடர்புகளை மேற்கொள்கின்றனர்..! இதில் இன்ரநெட் அநேகராலும் இன்று விரும்பி உபயோகிக்கப்படுகிறது.
இணைய ஊகத்தில் உள்ள தகவல்களின் தரவுகளின் நம்பகத்தன்மை - இது தமிழ் மொழி மூலம் இணையத் தரவுகளுக்கு தகவல்களுக்கு என்று மட்டுமல்ல அனைத்து மொழிகளிலும் உள்ள அநேக இணையத் தரவுகள் தகவல்களுக்கு 100% நம்பகத்தன்மை இல்லை இதை பலரும் அனுபவங்களினூடு கண்டறிந்திருப்பர். உதாரணத்துக்கு பல்கலைக்கழகங்களில் படிப்பவர்கள் இது தொடர்பில் விளக்கங்கள் கொடுக்கப்பட்டிருக்கும். இன்று Plagiarism என்பது மிகப் பெரிய அளவில் பல்கலைக்கழகங்களில் கல்விசார் நிர்வாகத்தை அதிர வைத்துக் கொண்டிருக்கிற ஒரு விடயம். காரணம் மாணவர்கள் கூகிளில் தேடி அதில் தரப்படும் தரவுகளை அப்படியே வெட்டி ஒட்டி விளக்கமின்றி தவறான நேர்மைக்கு மாறான ஆக்கங்களை சமர்ப்பித்து வருவதாலாகும்..!

இணைய ஊடகத்தின் பெறுநிலை - புலம்பெயர்ந்த மேற்கு நாடுகளில் இணைய ஊடகத்துக்கு பஞ்சமில்லை. ஆனால் பாவனையாளர்கள் எங்கிருந்து இணையத்தை உபயோகிக்கிறார்..அவர்கள் பாவிக்கும் இணைய இணைப்பு உள்ள சூழல் எத்தனையன என்பவை அவர்களின் இணையச் செயற்பாட்டில் செல்வாக்குச் செலுத்துகின்றன..!

உதாரணத்துக்கு ஆசிரியர்களின் கண்காணிப்பின் கீழ் ஒரு மாணவன் இணையத்தில் உலா வரும் போதும் நண்பர்களோடு இணைந்து உலா வரும் போதும் அவனின் செயற்பாடுகள், நோக்கங்களில் தெளிவான வேறுபாடுகளை அவதானிக்கலாம். இங்குதான் தவறுக்கான சந்தர்ப்பங்கள் உருவாகப்படுகின்றன..! எல்லா மனிதரும் புதிய "காட் டிஸ்க்" போல மூளையோடு - மனதோடுதான் பிறக்கின்றனர்..ஆனால் பிறந்த பின் மூளையில் - மனத்தில் பதியப்படும் சமூகத்தின் செயற்பாடுதான் அவனின் சிந்தனைப் போக்கைத் தீர்மானிக்கிறது. சமூகத்தில் ஒரு சிலர் எங்கோ ஒரு மூலைக்குள் உயர் மனித விழுமியங்களைக் காப்பாற்றிக் கொண்டு வாழ்ந்துவிடுவதால் அது வாழும் சந்ததிகளை மற்றும் புதிய சந்ததிகளை வினைத்திறனுடன் அதிக அளவில் போய்ச் சேராது. சமூகத்தில் அநேகர் எதைச் செய்கின்றனரோ அதுதான் வாழும் சந்ததியிலும்,புதிய சந்ததியிலும் பிரதிபலிக்கும்..!

அதேபோல் மனிதனும் ஒழுக்கத்தோடு வாழ்வதிலும் ஒழுக்கமின்றி வாழ்வதிலேயே அதிகம் நாட்டம் காட்டுகிறான். காரணம் மனிதனும் ஒரு விலங்குதானே..! என்னதான் பகுத்தறிவால் அறிவியல் பூர்வமாக ஒழுக்க சீலத்துடன் சிந்தித்தாலும் எல்லா மனிதர்களாலும் அவரவர்க்குள் வாழும் விலங்கை கட்டுப்படுத்தும் ஆற்றல் கிடைத்திடுமா என்ன...அது தனி மனிதர்களின் மனப்பலம், பலவீனம் சார்ந்ததும் இருக்கிறது...! எனவே ஒருவன் நல்லவன் ஆவதும் கெட்டவன் ஆவதும் அவன் வாழும், செயற்படும் சூழலின் தன்மைக்கு ஏற்ப அதிகம் மாறுபடும்..! ஆகவே அமைய வேண்டிய சூழல் சிந்தனைகளைச் சீராக்க வல்லனவனாக பெறப்படும் சிந்தனைகளை சீராக்கவல்லனவாக அமைக்கப்பட வேண்டும்...!

அந்த வகையில் இணைய வசதிகள் வழங்கப்படும் இடங்களும் அமைய வேண்டும்...ஆனால் அப்படியா அமைந்திருக்கின்றதன. இன்ரநெற் கபேக்களில் சென்று தமிழ் பேசும் இளையோர் செய்யும் கூத்துக்களைப் பாருங்கள்...புரியும்..!

எனி எமது விவாதக் கருப்பொருளுக்கு வருவோம்.. இங்கு எதிரணியில் கருத்தாடியவர்களின் மொத்தக் கருத்தையும் 3 பிரதான பிரிவுகளுக்குள் அடக்கலாம்..

<b>1.</b> இணையம் புலம்பெயர் இளையோரின் தற்சிந்தனைகளுடான தன்னார்வப் படைப்புக்கள் எந்த வடிவிலும் வெளிப்படவும் வெளிச்செல்லவும் உள்வாங்கப்படவும் வகை செய்கிறது.

<b>2.</b> கல்விசார் நடவடிக்கைகளுக்கான விடயங்களை தேடல் செய்யவும் குறுகிய காலத்துள் அவற்றைப் பெற்றுக் கொள்ளவும், இலக்குகளை விரைந்து சிரமமின்றி எட்டவும் உதவுகிறது.

<b>3.</b> வாழ்வியல் நிலையில், இணையத்தில் சற்றிங் மற்றும் ஏனைய வழிகளிலான கருத்துப் பரிமாற்றங்கள் மூலம் இளையோர் தமக்கிடையே சகல மட்டங்களிலும் சகல விதமான கருத்துக்களையும் பரிமாறி எல்லைகளற்ற சமூக நிலைகளை ( டேற்றிங் இணைகள்..காதல் இணைகள்..காம இணைகள்..இதை விட நல்ல நட்புள்ள நிலைகள்..பின்னர் அவையே நடபற்ற நிலைகளாக...என்று நேரத்துக்கு ஏற்ப மனநிலைக்கு ஏற்ப கட்டுப்பாடின்றி மாற்றப்பட) மனம் போன போக்கில் அவற்றை தேவைக்கு ஏற்ப தக்க வைத்து வாழ வழிசெய்கிறது.

முதலில் இணையத்தில் இளையோரால் வைக்கப்படும் கருத்துக்களின், ஆக்கங்களின் தன்மைகள் பற்றிப் பார்ப்போம்... புலம்பெயர்ந்த இளையோரில் தமிழ் தெரிந்த தமிழர்கள் மட்டுமே தமிழ் இணைய ஊடகத்திற்கு தங்கள் பங்களிப்பை அதிகம் நல்கி வருகின்றனர். மற்றவர்கள் தாங்கள் அறிந்த அல்லது பயன்படுத்தும் மொழிமூல இணைய ஊடகங்களில் மட்டுமே தங்கள் பங்களிப்பைச் செய்கின்றனர். எனவே அவர்களை இங்கு கொண்டு வருதல் நமக்கு பொருத்தமில்லாத விடயம். காரணம் நமக்கு டொச்சில என்ன எழுதி இருக்கென்று படிச்சு புரியத் தெரியாது. இல்லை தெரிஞ்சவரைக் கேட்டாலும் அவரும் படிச்சிட்டு உண்மைதான் சொல்லுறாரா என்பதற்கு உத்தரவாதமில்லை..! எனவே அவர்களை இங்கு விவாதத்துக்குள் உள்ளெடுப்பதைத் தவிர்ப்போம்..!

உலகெங்கும் ஈழத்தில் இருந்து கிட்டத்தட்ட 10- 15 இலட்சம் தமிழர்கள் புலம்பெயர்ந்திருக்கிறார்கள். இதில் அநேகர் இளையோர் ( மேலே வகுத்ததன் படி). இவர்களில் எத்தனை பேர் தமிழ் மொழிமூல இணையப் பக்கங்களில் தங்கள் சுய திறனை வெளிக்காட்டக் கூடிய ஆக்கங்களை நல்குகின்றனர்..! ஒரு சில நூறு..???! அப்படி நல்கப்படும் ஆக்களுக்குள் எவை தரமான ஆக்கங்கள் என்பது எவரால் நிர்ணயிக்கப்படுகின்றன..??! இணையம் வரும் இளம் தமிழ் வாசகர்களால் என்றால் அதை அப்படியே ஏற்றுக் கொள்ள முடியாது. காரணம் வாசகர்களின் மனநிலை அறிவுநிலை சார்ந்தே ஆக்கம் ஒன்று உள்வாங்கப்படும். எனவே இளையோரின் அந்த நேரத்துக்கான எண்ண ஓட்டம் எப்படி இருக்கிறதோ அதன்படியே அவையும் உள்வாங்கப்படும். அதனால் அவை தரமானவை என்று எப்போதும் எடுத்த எடுப்பில் சொல்லமுடியாது..!

அதுமட்டுமன்றி..இணையத்தில் உலா வருபவர்களில் இளையோர்தான் அதிகம்...பல பண்பட்ட தமிழ் பேசும் மொழி சார் மற்றும் துறை சார் வல்லுனர்கள் இணையத்தில் அதிகம் இன்னும் நாட்டம் கொள்ளவில்லை..! அல்லது அவர்களுக்கு இணையத்தைப் பாவிப்பதில் தொழில்நுட்ப அறிவுச் சிக்கல் இருக்கலாம். இது இளையோரின் ஆக்கங்கள் தொடர்பில் வளமான விமர்சனமற்ற போக்கை அதிகரிக்கச் செய்து தவறான சிந்தனைகள் சரியென ஒரு பகுப்பாய்வுக்கு உட்பமமல்.. மட்டமான அறிவுநிலையில் காட்டப்பட அதையே இன்னும் பல இளையவர்களும் உள்வாங்க... சிந்தனைகளின் போக்குகள் இன..சமூக..விரோத நிலைகளை நோக்கி விரைவாக நகர்ந்து சென்றுகொண்டிருக்கின்றன..!

உதாரணத்துக்கு சமீபத்தில் கொண்டாடிய காதலர் தினம். இதன் உலகலாவிய தாக்கம் இணைய வளர்ச்சியுடன் தொடர்புடையது என்பதை எவரும் மறுக்க முடியாது. ஆனால் அது கொண்டாடப்படும் தார்ப்பரியம் என்பது ஆளாளுக்கு வேறுபடுகிறது. அங்கு ஒரு பொதுவான குறிக்கோள் அல்லது மானுடவியல் நோக்கம் அல்லது ஒழுங்குமுறை இருப்பதாக தெரியவில்லை..! இது காதல் என்ற ஒரு அற்புதமான உணர்வுநிலை இணையத்தின் வழி இளையவர்களின் தவறான கண்ணோட்டங்களின் மூலம் எழும் தவறான கருத்துக்கள் மூலம் விளம்பரப்படுத்தப்பட்டு, தவறான நடத்தைகளை ஊக்கிவிக்கப்பட அவை மனிதர்களையும் தவறுகள் செய்யத் தூண்டி விடுவிடுகின்றன. வெகு சிலரே உண்மையில் குறித்த தினத்தின் தார்ப்பரியம் விளங்கிக் கொண்டாடுகின்றனர். அவர்கள் அதை இணையத்தால் இளையோர் வைத்த கருத்தின் அடிப்படையிலன்றி சுய தேடலின் மூலம் தமக்குள் சரியான நோக்கில் விளங்கிக் கொண்டதன்படி செய்திருப்பர். இதன் மூலம் நண்பர் வசம்பு அவர்கள் வைத்த இணையத்தில் இளையவர்கள் வைக்கும் கருத்துக்கள் தரமானவை என்ற கணிப்பிலான பதில் தவறென்பது காட்டப்படுகிறது. அவருக்கு முன்னரும் இதே கருத்து எதிரணியினரால் வலியுறத்தப்பட்டிருந்தது.

இதன் சாரம்...தமிழ் பேசும் புலம்பெயர் இளையோரால் இணையத்தில் கருத்து வைக்கப்படுகிறது என்பது உண்மை ஆனால் அவை எந்த வகையிலான சமூகத்தாக்கத்தைத் தருகின்றன..என்பதற்கான எந்த ஆய்வுநிலையும் இல்லை வழிகாட்டலும் இல்லை. அந்த வகையில் இணையம் ஒருவருள் எழும் தவறான கருத்தின் பரும்பலுக்கு சமூகத்தில் உதவியளிக்கிறது. அரசியல் ரீதியாகவும் இது மாற்றுக் கருத்துக்கள் என்ற தொனியில் கட்டுப்பாடுகள் இன்றி நடக்கின்றன..! தனிமனித ஒழுக்கவியல் சார்ந்தும் இவை விதைக்கப்படுகின்றன..! ஆனால் இவற்றின் தாக்கங்கள் குறித்து யார் அறிவியல் ரீதியில் சமூகவியல் ரீதியில் ஆராய்ந்து வழிநடத்துகின்றனர். அதற்கு இணையத்தில் வசதி ஏதேனும் இருக்கிறதா....???! இல்லை இல்லை இல்லை....!

எனி கல்வி சார் வகையில் இளையோர் செய்யும் நடவடிக்கைகளை நோக்குவோம்..
இன்று பல இணையத்தளங்களில் இளையவர்களைக் கவரும் நோக்கில் சில சட்டச்சிக்கலுக்குரிய விடயங்கள் நடத்தப்படுகின்றன. பல கணணி மென்பொருட்கள் சுடப்பட்டு பாவனைக்கு விடப்படுகின்றன. அதனால் நன்மைதானே என்று நீங்கள் எண்ணலாம். உண்மையில் அவை சட்ட விரோத செயல்கள். ஆனால் இணையத்தில் அவற்றின் பரம்பலை கண்டறிவதில் உள்ள சிக்கலால் பலர் தப்பிப் பிழைத்துள்ளதுடன் பலர் அது தவறல்ல என்ற போக்கில் சிந்திக்கவும் ஆரம்பித்து விட்டனர். இன்னும் சில இடங்களில் இப்படியான இலவச மென்பொருட்களை வழங்கி அங்கு தகாத விளம்பரங்களையும் கணணி வைரஸுக்களையும் விட்டு வைக்கின்றனர். இதை அறிந்தும் அறியாமலும் அங்கு செல்பவர்கள் தங்களையும் தங்கள் கணணிகளையும் சேதப்படுத்திக் கொள்கின்றனர்.

அதுமட்டுமன்றி மேலே சொன்னது போல இணையத்தளங்களில் உள்ள தரவுகளை ஆராயாமல் அப்படியே பாவித்து இளையவர்கள் ஒப்படைகள் செய்கின்றனர். இன்னும் சிலர் சற்றிங் மூலம் தொடர்பு கொண்டு காசு கொடுத்தும் செய்விக்கின்றனர். இப்படி அவர்கள் தங்கள் சுயமுயற்சிகளை விட்டு அடுத்தவரின் முயற்சியில் பட்டம் பெறக் கூடிய நிலையை இந்த இணைய ஊடகம் ஏற்படுத்திக் கொடுத்திருப்பதுடன் இப்படியான தவறுகளைக் கண்டறிந்து முற்றாக தவிர்க்கவும் இணையத் தொழில்நுட்பத்தில் இன்னும் போதிய வசதிகள் செய்யப்படவில்லை.

அண்மையில் கூட ஒரு இணையத்தளத்தில் பிஎச்டி திசிஸ் காசுக்கு எழுதக் கூடிய வகையில் ஒழுங்கு செய்திருந்ததை செய்தி ஊடகங்கள் சுட்டிக்காட்டி இருந்தன. அந்த வகையில் இணையம் கல்வி சார்ந்து மாணவர்களின் சுயதேடலை வெகுவாகக் குறைத்து மற்றவரின் தேடலினால் பெறப்படும் தகவல்களை தமக்கிடையே பரிமாறிக் கொள்ளவே அதிகம் வகை செய்கிறது. இது ஒவ்வொரு மாணவன் அல்லது மாணவியுள்ளும் வினைத்திறனான ஆய்வுகளுக்கும் கண்டுபிடிப்புக்களும் துறைசார் நவீனத்துவ படைப்புக்களுமான சுய திறன் வளர வழி செய்யாது தடை போடுகிறது..! குறிப்பாக எம்மவர்கள் மற்றவர்களினதை பாவிப்பதில் காட்டும் அக்கறை போல் தாங்களாக உருவாக்குவதில் அக்கறை செலுத்துவது அல்லது அதற்கான திறனைப் பெற்றிருப்பது மிகக் குறைவு. எமது புலமபெயர் இளையவர்கள் பல வசதி வாய்ப்புக்களைக் கொண்டிருந்தும் அடுத்தவர்களின் இணையத்தில் சுட்டுப் பாவிக்கும் அளவுக்கு தாங்களா உருவாக்கிப் பாவிக்கும் அளவில் மென்பொருட்களை உருவாக்கும் முயற்சி செய்பவர்களாக இல்லை.

இருப்பினும் சுரதா அண்ணா போன்ற ஒரு சில அனுபவசாலிகளே தங்களது திறமைகளை யுக்திகளை பாவித்து தமிழ் மொழிக்கு உதவக் கூடிய மென்பொருட்களை உருவாக்கி உள்ளனர். சிலர் அவரினுடைய அடிப்படைகளை பாவித்து வேறு சில கணணி மென்பொருட்களை உருவாக்கி இருப்பினும் அடிப்படையில் சுரதா அண்ணா போட்ட வித்தே விருட்சமாகி இருக்கிறது. எனவே இளையவர்கள் சாதிக்க வேண்டும் என்றால் பெறப்படும் அறிவோடு அனுபவசாலிகளுடனான தொடர்புகளையும் பேண வேண்டும். ஆனால் எத்தனை இளையவர்கள் இப்படியான துறைசார் அனுபவசாலிகளை வலையில் தேடுகின்றனர். வெறும் பொழுது போக்கிற்கு சற்றிங் செய்பவர்களும்.. ஏதோ சினிமா பற்றி கதைப்பவர்களும்... காய்சலா..சுகமா என்று நலம் விசாரிப்பதிலும்..எதிரணியில் மதன் சொன்னது போல சற்றிங் மூலம் வாழ்க்கைத் துணை தேடுவதிலுமே அதிகம் ஈடுபடுகின்றனர். அல்லது இன்ன இன்ன இடத்திற்கு சுற்றுலா போவோம்.. கூத்தடிப்போம் என்று எப்பவும் "என்ரரெயின்மெண்ட்" பற்றியே அதிகம் சிந்திப்பவர்களாக பொறுப்பற்றவர்களாக கல்வித் துறையில் உள்ள இளையவர்களைக் கூட இணையம் மாற்றி வருகிறது.
இப்போ 10 வருடங்களுக்கு முன்னர் ஒரு பிஎச்டி திசிஸ் எழுத வீடு நிறைய புத்தகங்களை அடுக்கி வைத்து அதிகளவு ஆராய்ந்து ஒப்பிட்டு தரவுகளைப் பெற்றவர்களோடு இன்று இணையத்தில் உள்ள இளையவர்கள் சில பக்கங்களுக்குள் சுருங்கிவிட்ட தரவுகளை வைத்து ஆய்வுக்கட்டுரை எழுதுவதற்கும் எவ்வளவு வேறுபாடு உண்டு. முன்னொரு காலத்தில் பிஎச்டி திசிஸ் என்றால் அது எங்காவது செயற்திட்டமாகும் என்றிருக்குமாம்..ஆனால் இன்று திசிஸ் குப்பைக்குள் போகும் நிலையிலையே இருக்கிறது..! காரணம் என்ன தேடல் குறைந்து ஒப்பீட்டளவில் வினைத்திறனற்று இவை சமர்ப்பிக்கடுவதுதான்...! இதை ஒரு காட்டூன் மூலம் நியு சயன்ரிஸ்ற் எனும் சஞ்சிகையில் பிரசுரித்து இருந்தார்கள்..! இணையம் அந்தளவுக்கு இளையவர்களை பலவழிகளிலும் கல்வித்துறையில் சோம்பேறிகளாக்கிக் கொண்டிருக்கிறது. அது மட்டுமன்றி இணையத்தின் வழி கல்வியும் வியாபாரமாகிக் கொண்டிருக்கிறதே தவிர அதன் மூலம் வினைத்திறனான கல்விக்கு வழிகாட்டப்படுவது மிகக் குறைவு. அறியாத பல்கலைக்கழகங்கள். கல்லூரிகள், நிறுவனங்கள் எல்லாம் இன்று இணையத்தில் முளைத்து மாணவர்களின் சிந்தனைக்கு எது இலகுவோ அதைக் கொடுக்க முனைந்து வியாபாரத்தைப் பெருக்க நிற்கின்றனவே தவிர சமூகத்துக்கு எதிர்கால வளர்ச்சிக்கு எவை அவசியமோ அதைக் கொடுப்பதில் அக்கறை செலுத்துவது குறைந்து வருகிறது..!

அடுத்து வாழ்வியலில் நடத்தையியலில் இணைய ஊடகம் புலம்பெயர்ந்த எம் இளையவர்களில் எத்தனைய தாக்கங்களை உண்டு பண்ணிக் கொண்டிருக்கிறது என்பதை எதிரணியினரே நன்மைகள் என்று குறிப்பிட்டுச் சொல்லிவிட்டார்கள். அவர்கள் நன்மைகள் என்று கருதுவது எல்லாம் இளையவர்களின் மனதில் அல்லது வாழ்வில் தரவல்ல உடனடி விளைவுகளின் அடிப்படையிலேயே..! ஆனால் நன்மை என்பது என்ன..தனி மனிதனுக்கு மட்டுமன்றி மொத்த சமூகத்துக்கும் நீடித்த நற்பயனைத் தர வல்லதாக உள்ள அம்சத்தை நல்லது என்று வரையறுக்கலாம். இன்றைய நன்மை என்பது நாளை தீமை என்று நிரூபிக்கப்பட அதன் தாக்கத்தின் வெளிப்பாட்டை உணரும் வரை காத்திருக்க வேண்டும்.

ஒரு காலத்தில் லெனின் சிந்தனை புரட்சியாக இருந்தது...இன்று அதுவே பழமையாகிவிட்டது..உதவாது என்று கழிக்கப்பட்டும் வருகிறது ஆனால் அதுவே ஒரு காலத்தில் மனித இனத்தின் வேதமாக இருந்தது...! அன்று ஜனநாயகத்தைப் புரட்சியாகக் காட்டி உலகை மயக்கியவர்கள் இன்று அதையே பாவித்து அரச பயங்கரவாதம் கொண்டு ஆட்சியும் செய்கின்றனர். இப்போதுதான் அதன் தீமையை மக்கள் உணரத் தொடங்கியுள்ளனர். அதே போல்தான் சோவியத் வீழ்ச்சிக்குப் பின்னர் உலகப் பொலீஸ்காரனாக தன்னை இனங்காட்டிக் கொள்ளும் அமெரிக்கா இந்த இணைய ஊடத்தை வெளி உலகுக்கு திறந்து விட்டு பெறும் நன்மைக்கு அளவே இல்லை.

இளையவர்களின் வாழ்வை சுதந்திர புரட்சிகர அரசியலுக்குரிய சிந்தனைகளுக்கு அப்பால் இட்டுச் செல்லவும் வியாபார எண்ணங்களையும் போட்டிகளையும் அவர்கள் மத்தியில் அதிகரிக்கச் செய்து, அவர்களை வாழ்வில் சுகபோகத்துக்குள் அடிமையாக்கி செயழிலக்கச் செய்து கொண்டிருக்கிறது இந்த இணையம். இதன் மூலம் தனது அரசியல் பொருளாதார இலக்குகளை அமெரிக்க உலகம் சிரமமின்றி எதிர்ப்பின்றி புரட்சிகள் இன்றி அடைந்து கொண்டிருக்கிறது. அதற்கு மேற்குநாடுகளும் உதவி செய்கின்றன. எனவே மேற்குலகில் புலம்பெயர்ந்திருக்கும் எமது இளையோருக்கும் அமெரிக்க ஏகாதபத்தியத்தின் இந்த தந்திர வலைக்குள் சிக்காமல் இல்லை..! ஏதோ ஒரு வகையில் சிக்கித்தான் உள்ளனர். அந்த வகையில் எமது இளையவர்களை ஒரு மந்தை கூட்டமாக்கின் கொண்டிருக்கிறது இணையம். நாங்கள் என்னதான் புரட்சிகரம் எமக்குள் பேசிக்கொண்டாலும் எம்மை கட்டுப்படுத்தக் கூடிய சக்திக்குள்தான் நாம் இயங்கிக் கொண்டிருக்கின்றோம். என்பதை இளையவர்கள் சிந்திக்கிறார்களா...??????!

"சுதந்திரம்" என்பதன் சிந்தனைக்கு தவறான அர்த்தம் கற்பிக்கப்பட்டு மனித இனத்தை அழிவுக்கு இட்டுச் செல்லத்தக்க பல வாழ்வியல் நடைமுறைகள் இணையத்தின் வழி விதைக்கப்படுகின்றன. அவை பலமான சமூகங்களை போர் இராணுவ ஆக்கிரமிப்பு இன்றி பலவீனப்படுத்துவனவாகவும் இருக்கின்றன. உதாரணமக ஒரு பால் திருமணம் என்பது நிச்சயம் இயற்கைக்கு மாறான உடற்தொழில் ரீதியில் மனிதனுக்கு எந்தவகையிலும அவசியமில்லாத ஒன்று. அதை ஏன் ஆராய்ச்சி என்ற பெயரில் இவர்கள் தங்கள் கற்பனைகளை கட்டவிழ்த்து விதைகின்றனர். அந்த நடைமுறைகளை இணையம் வழி செய்தியாக்கி எங்கோ மூலைக்குள் ஒரு சிலருக்குள் இருந்தவற்றை பல திக்குகளுக்கும் அனுப்பி மனங்களை குழப்பி விடுகின்றனர். நிச்சயம் இப்படியான விடயங்கள் திட்டமிட்டு மக்களைக் குழப்ப பயன்படுத்தப்படுகின்றன என்றால் மிகையல்ல. உதாரணத்துக்கு அமெரிக்க துருப்பினர் மத்தியில் நிலவிய நீண்ட கால குடும்பப் பிரிவுக்கான சந்தர்ப்பத்தால் படைவீரர்கள் மனச்சோர்வடைய முற்பட்டத்தை அடுத்தே இப்படியான பழக்கங்கள் தூண்டி விடப்பட்டன. அதற்கு நல்ல பயனும் கிட்ட அதையே உலகெங்கும் விதைத்து மனித இனத்தை சீரழித்து அரசியல் இலாபம் தேட நிற்கிறது அமெரிக்க அநாகரிக உலகம். அதை எம்மவர் மத்தியிலும் காவி வருகிறது இணையம். இப்படி இன்னோரென்ன உதாரணங்கள் கட்டாலம். நாம் ஒன்றின் உருவாக்கம் அதன் தாக்கம் விளைவு என்பதை ஆராயமலே பலதை கண்ட இடத்தில் பெற்ற சில உடனடி விளைவுகளை வைத்துக்கொண்டு நன்மை என்று உணர்ந்து கருத்து விடுகின்றோம்.

மேற்குலகில் இருந்து வரும் எது என்றாலும் புதியது என்று.. நஞ்சென்றாலும் கூட ஆராயாமல் பருகவல்ல எமது இளைய சமூகம்..இவற்றை கண்டுகொள்ளாமல் விட்டதிலும் ஆச்சரியமில்லை..! இப்படித்தான் சற்றிங் என்றும் குறூப்பிக் கிளப்பிங் என்று எல்லாமே இணையத்தில் வியாபார நோக்கோடும் மற்றும் இளையவர்களின் மனவோட்டத்தை சுகபோகத்துக்குள் சிக்க வைத்து திசை திருப்பவும் பயன்படுத்தப்படுகின்றன. இணைய வசதிகளை....சற்றிங் மென்பொருட்களை உருவாக்கிய இணையத்தில் தந்தது யார்...??! அமெரிக்க நிறுவனங்கள். அவர்கள் சமூகவியல் பொருளியல் அரசியல் என்று எல்லா வகையிலும் இதன் தாக்கத்தை அறிந்துதான் திறந்து விட்டுள்ளனர். நமது இளசுகளோ புதுமை என்று அவற்றை கண்டபடிக்கும் பாவித்து சீரழிகின்றன. இதற்குள் இணைய ஊடகம் நங்கு உதவியளிக்கிறது என்று பரப்புரை வேறு செய்கின்றோம். உண்மையில் உலகியல் போக்கோடு செல்ல அதைப் பாவிக்கின்றோமே தவிர அது புலம்பெயர் இளையவரால் எமது சமூக நலனுக்கு நீடித்த நன்மை தரவல்ல வகையில் உருவாக்கப்பட்டு பாவிக்கப்படுகிறது என்பது ஒருபோதும் உண்மையாகாது.

இப்படியான கணணி மென்பொருட்களை செய்து விடும் நிறுவனங்களே திடீர் என்று சற்றிங்கால் தீமை என்றும் அறிவிப்பார்கள்.. அதை நிறுத்தப் போகிறோம் என்பார்கள்..இது மக்கள் தங்கள் மீது சந்தேகம் கொள்ளாதிருக்க செய்யப்படும் விசமத்தனமான ஏமாற்று நாடகம். அமெரிக்க ஆதிக்கத்தின் இருப்புக்காகவே இணையம் பயன்படுத்தப்படுகிறது. எனவே அவர்கள் இப்படி பல நாடகம் போடுவார்கள் மற்றைய சமூகங்கள் விழிப்படைந்து விடாதிருக்க. எமது இளையோரும் அதை அறியாது அதற்குள் சிக்கி விரைந்து சீரழிந்து கொண்டிருக்கின்றனர்.

கேட்கலாம் அமெரிக்கா இணையப் பாவனையை எல்லாருக்கும் தானே அளிக்கிறது. அவரவர் தங்கள் தேவைக்கு ஏற்ப பாவிக்கலாம் தானே என்று. அது அவரவரைப் பொறுத்தது ஏன் பொறுப்புக்களை, தவறுகளை இளையவர் மீது மட்டும் சுமத்தி விடுகிறீர்கள் என்று. நியாயமாத்தான் தோன்றும் அவை...ஆனால்.. சோவியத் வீழ்ச்சி வரைக்கும் மூடிமறைக்கப்பட வேண்டிய ஒன்று அதன் பின் வெளிவர என்ன தேவை அமெரிக்க ஏகாதபத்தியத்துக்கு வந்தது..???! ரஷ்சியா இன்றும் கூட தனது ரகசிய கணணி வலைப்பின்னல் பற்றி வெளியில் சொல்லவில்லை..! அப்படி இருக்க அமெரிக்கா ஏன் இவற்றை வெளியில் விட்டது..???! சோவியத் வீழ்ச்சியின் பின்னான அமெரிக்க ஏகாதபத்தியத்தின் அரசியல் பொருளியல் நோக்குகள் இலக்குகள் என்ன...??! இவற்றை ஆராய்ந்தால் அமெரிக்க உலகினால் உருவாக்கப்பட்ட கணணியுகத்தின் பிறப்பின் நோக்கம் புரியும்..! நீண்ட காலப் போக்கில் இணையம் வழி மெதுமெதுவாக தனது அரசியல் சமூக பொருளியல் சித்தாந்தங்களை உலகில் விதைத்து தன்னுடைய ஆதிக்கத்தின் கீழ் மனித மனங்களை பாதிப்பு தெரியாத வகையில் கட்டுப்படுத்துவதுதான் அமெரிக்காவின் இலக்கு..! அதில் அமெரிக்கா குறிப்பிடத்தக்க பலனை இதுவரை பெற்றுள்ளது. குறிப்பாக சீனாவில் பல மேற்குல இணையத்தளங்கள் கட்டுப்படுத்தப்பட்டுள்ளன. அவர்கள் இவற்றின் தாக்கம் மக்களை எந்தளவுக்கு பாதிக்கும் என்று அறிந்து சில திட்டங்களை செயற்படுத்துகின்றனர் இது தெளிவாக அமெரிக்காவின், மேற்குலகின் இந்த திட்டம் பற்றி வலுவான காரணங்களுடன் கூடிய சந்தேகத்தை ஏற்படுத்தத்தான் செய்கிறது. நாம் கற்பதும் மேற்குலகக் கல்விதான். அதில் தான் பெருமை பேசுகின்றோம். எமக்கான தனித்துவ தேவைகளைப் பூர்த்தி செய்யத்தக்க கல்வியையும் நாம் பெறுகின்றோமா..??! இல்லை...! எனவே நாம் எந்த வகையிலும் இணையத்தாக்கத்தில் இருந்து எம்மைப் பாதுகாக்க தயார் செய்யவில்லை..! அந்த வகையில் இணையத்தின் வழி அமெரிக்க ஏகாதிபத்தியக் கொள்கைகளுக்கு எம்மை அறியாமலே அடிமைகளாக்கப்படுகின்றோம் என்பதை வலியுறுத்திக் கொண்டு இணையம் எந்த வகையிலும் புலம்பெயர்ந்து வாழ் எமது இளையவர்களின் பாவனையால் நீடித்து நிலைக்கக் கூடியதும் எமது சமூகத்து அவசியமானதுமான நன்மைகளை அளிக்கமாட்டாது என்று கூறி எமது வாதத்தோடு எமதணியின் ஏனையவர்கள் வைத்த கருத்துக்களை எமது இளையவர்கள் இணையத்தின் வழி தான் பெறும் உடனடி நன்மைகளாக சிந்திப்பனவற்றுக்கு எதிரான உதாரணமாக்கி விடை பெறுகின்றோம்...!

பொறுமையோடு இதை வாசிச்சு உள்வாங்க முனையும் அனைவருக்கும் நன்றி வணக்கம். (எழுத்துப் பிழைகள் இருப்பின் மன்னிக்கவும் - உடன எழுதி உடன அனுப்பிறம்.)

[Selvamuthu]

வணக்கம்

குருவிகள் முதலில் புலம்பெயர் இளையோர் என்பவர் யார்? முதியோர் என்பவர் யார்? என்பதற்கு மானுடவியல், உடற்கூற்றியல், உளவியல் எனப் பகுத்து ஆதாரங்களேடு விரிவாக விளக்குகிறார். அடுத்து "இன்ர நெட், இன்றா நெட்" என்றால் என்னவென்றும் தெளிவாக விளக்குகிறார். ஆரம்பமே நன்றாக இருக்கின்றது.

"Hard Disc" போல மூளையை உடைய மனித சமுதாயத்தில் ஒருசிலர் மட்டும் உயரிய மனித விழுமியங்களைக் காப்பாற்றுவது போதாது என்கிறார். சகல வசதிகளும் பெற்றுள்ள இந்த மனிதன் என்னும் விலங்கு தனது மனக்கட்டுப்பாடின்மையால் ஒழுக்கமின்றி வாழத் தலைப்படுகிறான், இதற்கு இணையம் துணைபோகின்றது, புலம்பெயர் இளையேரின் சகலவிதமான படைப்புக்கள் வெளிவரவும், பகுப்பாய்வுக்கு உட்படாத தவறான சிந்தனைகள் உள்வாங்கப்படுவதற்கும், இன, சமூக விரேத நிலைகளைத் தோற்றுவிப்பதற்கும், கட்டுப்பாடற்ற கருத்துப்பரிமாறல்கள் நடைபெறவும் இணையம் காரணியாகின்றது என்கிறார்.

ஒருவருள் எழும் கருத்துக்களை அறிவியல், சமூகவியல் ரீதியாக இணையத்தில் ஆராய யாருமே இல்லாததால் காதலர் தினத்தன்றுகூட காதல் என்ற ஓர் அற்புதமான உணர்வுநிலையை இணையத்தில் வழியே தவறான கண்ணோட்டத்தில் பார்க்கும் பல இஞைர்களை, தவறான வழியில் நடக்க ஊக்கிவிக்கின்றது என்று ஆதங்கப்படுகிறார். ஏற்றுக்கொள்ளலாமா?

இணையத்தின் ஊடாக சுடப்பட்ட கணனி மென்பொருள் விற்பனை, கணனி நோயைப் பரப்பும் கிருமிகளின் ஊடுருவல் என்பன பல தீங்குகளை விளவிக்கின்றது. மாணவர்களின் சுயதேடலை முடக்கி, மற்றவரின் முயற்சியில் பட்டம்பெற முயலும் மனப்பாங்கை ஊக்குவிக்கின்றது என்று தன் கருத்துக்களை வெளிப்படுத்துகிறார். "நேற்றுப் பெய்த மழைக்கு முளைத்த காளான்கள்" போல இப்போது இணையத்தில் முளைத்துள்ள பல பல்கலைக்கழங்கள் சமூக விருத்திக்கு உதவாமால் தமது பொருள் விருத்தியிலேதான் ஊக்கமெடுக்கின்றார்கள் என்கிறார். உண்மையா?

இன்று நன்மை என்று கருதுவதெல்லாம் நாளை தீமையாகவும் மாறலாம் அல்லவா? அதற்கு உதாரணமாக ரஸ்யாவிலே நிகழ்ந்த லெனின் புரட்சியை உதாரணம் காட்டுகிறார். அமெரிக்க அரசாங்கம் இன்று இணையம் என்ற ஊடகத்தை அறிமுகப்படுத்தி, இளையோர்களை சுகபோகத்திற்கு அடிமையாக்கி, தனது அரசியல் பொருளாதார இலக்குகளை இலகுவாக எதுவித புரட்சிகளுமின்றி அடைந்துகொண்டிருக்கின்றது. அதுமட்டுமல்லாமல் ஓரினச் சேர்க்கை போன்ற தேவையற்றவைகளை வாழ்வில் நலிந்தவர்களிடையே பரப்பி அவர்களைக் குழப்பியும் விடுகிறார்கள். மேற்குலகுகளில் இருந்து வருபவைகளெல்லாம் அமிர்தமென்று எமது இளையோர்கள் நம்புகிறார்கள், அதனால் சீரழிகிறார்கள். தெரிந்துகொண்டே இவற்றை வெளிவிடும் நிறுவனங்கள் இடையிடையே தீமை வருகின்றது என்று கூறி அவற்றை நிறுத்தப்போவதாக ஏமாற்று நாடகமும் ஆடுகிறார்கள் என்கிறார்.

உலகத்தையே தனது கைக்குள் வைத்திருப்பதற்காக அமெரிக்க அரசு செய்த, செய்கின்ற இணையவழிச் சீரழிவுகளை அழகாக விளக்கமாகத் தந்திருக்கிறார் குருவிகள். இணையம் ஒருபோதும் புலம்பெயர்ந்து வாழும் எமது இளையோர்களுக்கு நன்மை அளிக்காது என்றும், அமெரிக்க ஏகாதிபத்தியக் கொள்கைகளுக்கு நாம் அடிமையாகக்கூடாது என்பதுபோல் தனது வாதத்தை மிகவும் ஆணித்தரமாக வைத்துள்ளார்.

இவரின் தமிழ் ஆற்றல் நன்றாகவே இருக்கின்றது. அலசி ஆராயும் திறனும் பாராட்டப்படவேண்டிய ஒன்றாகவே இருக்கின்றது. வாழ்த்துக்கள்!

இரு அணியினரதும் வாதங்கள் முன்வைக்கப்பட்டுவிட்டன. இனி ஒருங்கிணைப்பாளர் இரசிகை அறிவித்ததன்படி தீமை அணித்தலைவர் முதலிலும், நன்மை அணித்தலைவர் இறுதியாகவும் உங்கள் முடிவுரைகளை வைக்கவும்.

நன்றி

[sOliyAn]

மதிப்புக்குரிய பட்டிமன்ற நடுவர்களுக்கும், இதிலே கலந்து கொண்டு ஆணித்துரமாக தமது பக்க நியாயங்களை எடுத்துக் கூறிய யாழ் கள உறவுகளுக்கும், வாசகர்களுக்கும் எனது பணிவான வணக்கங்கள்!

புலம்பெயர் வாழ் தமிழ் இளையோகளையும் இணைய ஊடகத்தால் எழும் விளைவுகளையும் பற்றி பேச வந்து, இணைய ஊடகம் ஏற்படுத்தும் பொதுவான தீமைகளையும் எமது அணியிலுள்ளவர்கள் மிகவும் தெளிவாகவும், உண்மைத்தன்மையுடனும் இங்கே விளக்கியதோடு அல்லாமல், அந்த இளையோரில் ஒரு பகுதியினராகிய தமிழர்கள் எவ்வாறு எப்படி பாதிப்புறுகிறார்கள் என்பதையும் தெள்ளத்தெளிவாக இங்கே எடுத்துக் காட்டியுள்ளார்கள்.

ஒரு குடம் பாலில்ஒரு துளி விசம் சேர்ந்தால் அந்த பால் முழுவதுமே விசமாகிவிடும். ஆனால் தமிழ் இளைஞர் சமூகத்திலே இணைய ஊடகமானது ஒரு துளி விசத்தையா தந்திருக்கிறது. எத்தனையோ ஆயிரமாயிரம் இளைஞர்கள் சிந்தை மழுங்கி, கந்தையாகிச் சீரழிய பல்லாயிரம் வழிகளைக் காட்டி நிற்கிறது இந்த இணைய ஊடகம் என்பதை எமது அணியினர் திறமையுடனும் பொறுப்புணர்வுடனும் இங்கே பகிர்ந்துகொண்டுள்ளார்கள்.

<b>"எதிரணித் தலைவர் அவர்களே... நீங்கள் குறிப்பிட்ட சிறுவயதில் அல்லது அண்மைக்காலத்தில் புலம்பெயர்ந்தவர்களில் ஒரு பகுதியினர் தான் தமிங்கிலத்தில் தகவல் பரிமாறும் இணையத்தளங்களில் தம் நேரத்தை போக்குகின்றனர்... அதற்கு காரணம் ஏற்கனவே அவர்கள் சினிமா மோகத்தில் இருக்கிறார்கள் என்பது தான். நீங்கள் சொல்கிற அப்படியான தமிங்கிலத் தளங்களில் இந்தியா, சிங்கப்பூர், மலேசியா போன்ற நாடுகளிலிருந்தும் பெரும்பான்மையானவர்கள் வருகிறார்கள் என்பதை மறந்துவிடவேண்டாம். இங்கே பிறந்து வளர்ந்தவர்களில் பெரும்பாலானவர்கள் அவர்கள் வாழும் நாட்டின் மொழியிலுள்ள தளங்களில் தான் தம்மை அதிகம் ஈடுபடுத்திக்கொள்வார்கள் என்பது யதார்த்தம்... "</b> என்று ஒரு கருத்தை வைத்தார் அனீதா அவர்கள். ஆனால் பல் மொழித் தளங்களில் பயனுள்ள விடயங்களை அறிந்து கொண்டாலும்.. தாய்மொழி அறிவோ, ஆர்வமோ இன்றேல் அதனால் என்ன பயன்? ஒருவனால் அவனது உறவுகளுக்கோ, சமூகத்துக்கோ, இனத்துக்கோ எவ்வித பயன்பாடுமின்றேல் அவன் வாழ்வதால்தான் என்ன பயன்? இணைய ஊடகத்தால் அவன் பெற்ற அறிவானது, அவனுக்கு எந்தளவு பயனை அளிக்கப்போகிறது.. இவர்கள் பெற்ற அறிவானது இவர்களுக்கு ஒரு பதவியையோ அல்லது உத்தியோகத்தையோ பெற்றுத் தந்து, சீதனச் சந்தையிலே அவர்களின் விலையை அதிகரிக்க வாய்ப்பேற்படுத்தப் போகிறது. அவ்வளவுதான். ஆக, இதுவும் ஒரு தீமைக்குத்தானே வழிகோலுகிறது?!

<b>"கனம் நடுவர் அவர்களே திரு.சோழியன் அவர்களின் வாதத்தின் மீதான என்னிடம் உள்ள கேள்விகள் இவை:

* இணயதளங்கள் என்பது இளையோரை சென்றடையும் முன் காதல் என்ற ஒன்று இருந்ததில்லையா?

*இணையதளங்கள் என்ற ஒன்று வரும்முன் மனசில் உள்ள வக்கிரங்களை இறக்கி வைக்க வேறு எந்த மார்க்கங்களும் இருந்ததில்லையா?

*கண்காணிப்பாளர்களற்ற ???????? சாட்ரூம் என்ற ஒன்று வந்தபின்தான் இளையோர் வாழ்வு குப்பையாய் போச்சா?

*இந்த சாட்ரூம்கள் வருமுன் எத்தனையோ கண்காணிப்பர்கள் .. பெற்றோர் ..உறவுகள்..தெரிந்தமுகம்கள் இருந்தத காலகட்டத்திலும் இவை எல்லாம் தாண்டி அந்த குப்பைகள் நாற்றம் வீசியதில்லையா?

நீங்கள் இணையதளங்களில் உள்ள பாதிப்பு என்று சொல்லவந்தது ...

அதன் மொத்த பகுதியின் சிறு அம்சம்! ஆகவே ஒன்றை வைத்து பலதை தீர்மானிப்பது எப்படி இருக்கிறதென்றால்...

காகங்கள் கறுப்பானவை-ஆகவே

கறுப்பானவை எல்லாம் காகங்கள்!!

என்பது போல் உள்ளது! "</b> இது வர்ணன் அவர்களது பதிவு.

தாங்கள் கேட்ட எல்லாமே இருந்தன. ஆனால் மற்றவர்களது பார்வையின் முன்னால் இருந்தன. மற்றவர்களால் அவற்றைத் தடுப்பதற்கான முயற்சிகள் முற்கொள்ளப்படும் அளவிற்கு இருந்தன. தடுக்க முடியாமல்போகும்போது, 'காவாலி... சண்டியன்.. ' என்ற சொற்பதங்களால் விமர்சிக்கப்பட்டு, தீமைக்குள்ளிருந்து வெளியே வரமுடியாதவனை மற்றவர்களுக்கு இனங்காட்டுவதற்குரிய வழிகள் நிறையவே இருந்தன. அதனால் சமூகமானது வேண்டாதனவற்றை விலத்தி நடக்க வழியிருந்தது. ஆனால் இணையத்தளங்களால் பாதிப்புறுபவர்களைப்பற்றிய விபரங்களும் தகவல்களும் நாலுசுவர்களுக்குள்ளேயே இரகசியமாக்கப்படுவதால்.. ககைளைக் காண்பதென்பது இலகுவான விடயமல்லவே. இப்படியான களைகளால் விளையும் விபரீதம்.. நிகழ்ந்து முடிந்த பின்னால், அதிலிருந்து மீள்வதென்பதும் சுலபமானதல்லவே!!

* இணையத்தளங்களால் இளைஞர்கள் ஒருவித போதை நிலையை அடைகிறார்கள். அதாவது அடிமை நிலையை அடைகிறார்கள். குறிப்பிட்ட சில தளங்கள் இயங்காவிடில் அவர்கள் தவிப்பதை பலரும் அவதானிக்க முடியும்.

* இணையம் இளைஞர்களை ஒரே இடத்தில் நிலைநிறுத்தி சோம்பேறியாக்குகிறது.

* தணிக்கையற்று வக்கிரமான செய்திகளையும் வீடியோ படங்களையும் தருகிறது.

* இணைய ஊடகமானது தேடலற்ற தன்மையை உண்டாக்குகிறது.

* புதியதொரு கலாச்சார சூழலை உருவாக்குகிறது.

* நேரத்தை வீணாக்குகிறது.

* உடலியல் உளவில் சமூகத் தாக்கங்கள் ( பூனைக்குட்டி அவர்களது விரிவான விளக்கங்கள்)

* சுதந்திரம் என்ற பதத்திற்கே பல தவறான அர்த்தங்கள் திட்டமிட்டவாறு இணைய ஊடகங்கள் மூலமாக விதைக்கப்படுதல்

இவ்வாறு பல்வேறு தீமைகளை எமது அணியினர் மிகவும் விளக்கமாக முன்வைத்திருக்கிறார்கள்.
அவர்கள் யாபேருக்கும் எனது பாராட்டுதல்களைத் தெரிவித்து, உற்சாகமாக எதிர் கருத்துகளை வைத்து எமது அணியினர் பல உண்மைகளை வெளிக்கொணர வகைசெய்த மாற்று அணியினருக்கும் வாழ்த்து கூறி விடைபெறுகிறேன். நன்றி.

(தாமதத்திற்கு மன்னிக்கவும். இணைய ஊடகம்தான் சீரழிக்கிறதென்றால்.. வருத்தமும் சீரழிக்கப் போகிறேன்னு என்னுடன் சண்டை பிடிக்கிறது. அதனால் தாமதமாகிவிட்டது. மன்னிக்கவும்.)

[இளைஞன்]

மதிப்புக்குரிய நடுவர்களுக்கும், உற்சாகமாகவும் - உறுதியாகவும் எமதணியின் நிலைப்பாட்டை இடித்துரைத்த எனதணித் தோழர்களுக்கும், எதிரணியின் குரலாய் ஒலித்த சோழியான் அண்ணாவுக்கும், இணையம் இளையோரை சீரழிக்கிறது என்று ஒப்பாரி வைத்து ஓய்ந்த எதிரணியினருக்கும், நமது கருத்துமோதல்களை களையாமல் படித்துக்கொண்டிருக்கும் யாழ்களப் பாவனையாளர்களுக்கும் மறுபடியும் எனதணி சார்பில் அன்பும் பண்பும் கலந்த வணக்கங்கள்.

எனதணி சார்பில் எமது கருத்துக்களை எல்லாம் தொகுத்து எதிரணியினருக்கு கடைசி வாய்ப்பாக மறுபடியும் இங்கே தொகுத்தளிக்க முனைகிறேன்.


<b>மொழி</b>
இணையத்தால் மொழி சீரழிகிறது என்கிற வாதத்தை முன்வைத்திருந்த எதிரணியினருக்கு - மொழியின் வளர்ச்சிக்கு இணையத்தின் ஊடாக இளையோரின் பங்கு எப்படியானது என்று எமது அணி ஆணித்தரமாகக் கூறியது:

உலகளாவிய வலைப்பின்னலால் உருவானது இணையம் என்கிற ஊடகம். அந்த வகையில் உலக மொழிகளின் உறவாடல்களும், வளங்களைப் பகிர்தலும் அதனூடே நிகழ்கின்றன. இணையம் ஊடாக சாத்தியப்பட்டுள்ள உலகளாவிய தொடர்பாடல்களும், கருத்துப் பகிர்வுகளும், எண்ண வெளிப்பாடுகளும் ஒரு மொழியின் வளத்தை மெருகேற்றுகின்றன. அந்த வகையில் பாவனையாளர்களின் - குறிப்பாக இளைஞர்களின் எழுத்தாளுமை அல்லது மொழியாளுமை விரிவடைகிறது. இதனடிப்படையில் பார்ப்போமாயின் - இளையோரால் மொழியும், மொழியால் இளையோரும் - ஒரு சுற்று வட்டத்தில் பயனடைந்துகொண்டு இருக்கிறார்கள் என்பதை எமது அணியினர் உறுதிபடத் தெரிவித்திருந்தார்கள்.

இன்னும் சிலபத்து ஆண்டுகளில் அழிந்து போய்விடக்கூடும் என்று கருதப்பட்டுக்கொண்டிருக்கிற ஒரு மொழி - தமிழ் மொழி - புத்துணர்ச்சி பெற்று இணையத்தில் ஒளிர்கிறது. புதிய காற்றினை சுவாசிக்கிறது. காரணம் - "தேமதுரத் தமிழோசை உலகமெலாம் பரவும் வகை செய்த" அதன் பாவனையாளர்கள். அந்தப் பாவனையாளர் வட்டம் என்பது இணைய ஊடகத்தைப் பொறுத்தவரை பெரும்பாலும் இளைஞர்களை உள்ளடக்கியது. அது ஒருபுறமிருக்க, "உலகக் கலைகளெல்லாம் தமிழுக்குக் கொணர்ந்து சேர்க்கும்" பணியையும் இதே பாவனையாளர்கள் செய்கிறார்கள். அவர்கள் "வாங்கல், வழங்கல்" என்கிற இந்த இரு செயற்பாடுகளின் மூலமும் நன்மைபெறுகிறார்கள் - நன்மையளிக்கிறார்கள் என்பது குறிப்பிடத்தக்க ஒரு விடயமாகும்.

புதிதாக எழுதத் தொடங்குகிற தமிழ் இளையோருக்கு களமமைத்துக் கொடுக்கப்பட்டிருக்கிறது. மொழி சார்ந்த அவர்களின் தேடல்களுக்கும், முயற்சிகளுக்கும் சிவப்புக் கம்பளம் விரித்து வரவேற்புக் கொடுக்கப்படுகிறது. வாசிப்பு என்பது ஒரு மனிதன் முழுமையடைவதில் பங்கு வகிக்கிறது. வாசிப்பு தேடல்களை, கேள்விகளை, சந்தேகங்களை உற்பத்தி செய்கிறது. அந்த வாசிப்பு தனக்குப் பழக்கப்பட்ட ஒரு மொழியூடாக - தாய்மொழியூடாக நிகழ்கிற போது பெறப்படுகிற வினைத்திறன் அளப்பெரியதாக இருக்கிறது. இந்த வாசிப்பனுபவம் என்பதை வேறு ஊடகங்களைக் காட்டிலும் இலகுவாகவும் - வேகமாகவும் - மலிவாகவும் பெறக்கூடிய இடமாக இணையம் உள்ளது என்பதே எமது அணி சார்பாக நாம் சுட்டிக்காட்டிய விடயமாகும். அதேபோல் எழுத்து. இலக்கியம் என்பது எட்டாப்பழம் அல்ல. அது எல்லோருக்கும் - இளையோருக்கும் எட்டும். எப்படி? இணையம் என்கிற "கொக்கத்தடியால்" அது முடியும். எழுத எழுதத் தானே தேர்ச்சி பெறுகிறோம் - பயிற்சி பெறுகிறோம். இலக்கியம் சார் படைப்புக்களை சுதந்திரமாக எழுதிப் பழக முடிகிறதே இணையத்தில். வீட்டில் ஒரு பேப்பரில் எழுதி மடித்து வைக்கலாம். ஒரு குறிப்பிட்ட சிறு காலத்துக்கு அது தொடரலாம். எமக்கே அது அலுத்துவிடும். ஆனால் இணையம் என்பது அப்படியில்லை. நாம் எழுதுகிறோம் - எதிர்வினைகள் வருகிறது - மதிக்கிறோம் - கருத்துப் பகிர்கிறோம் - மாற்றங்கள் செய்கிறோம் - மெருகேற்றுகிறோம் - உற்சாகம் அடைகிறோம் - புதிதாய் எழுதுகிறோம் - மறுபடி மறுபடி மறுபடி தொடர்கிறோம் - பயிற்சி பெறுகிறோம் - நன்மை அடைகிறோம்.

தமிழ்ப் பண்பாட்டை, கலைகளை, இலக்கியங்களை அறிவிக்கவும் - அரங்கேற்றவும் - அடைகாக்கவும் - தாலாட்டவும் தளம் தருகிறது இணையம். குறிப்பாக தமிழ் இணையப் பல்கலைக்கழகம் என்கிற தொழில்நுட்பப் படைப்பை எமது அணி சுட்டிக்காட்டி நின்றது. இவற்றின் அடிப்படையில் தமிழ் மொழியின் வளர்ச்சியும், அதன் பாவனையாளர் பெறும் பயன்பாடுகளும் - தேவைகளையும், தொழில்நுட்ப மாற்றங்களையும் கருத்தில்கொண்டே நிகழ்கின்றன என்பதை தெளிவுபடுத்தியிருக்கிறோம்.

இதனோடு பன்மொழித் தளங்களினால் தமிழ் இளையோர் பெறுகிற நன்மைகளையும் - அந்த நன்மைகளால் தமிழ் மொழிக்கு கிடைக்கிற வளங்களையும் நாம் பலமுறை எதிரணியினருக்கு உதாரணங்களுடன் தெரிவித்திருக்கிறோம். அதுமட்டுமல்லாது மொழிக்கல்வியை இலகுவாக நடைமுறைப்படுத்தக்கூடியதாக உள்ளமை இணையத்தால் இளையோர் அடைகிற நன்மைக்கு ஒரு எடுத்துக்காட்டாகும்.


<b>கல்வி</b>
இணையம் என்பது ஒரு பொழுதுபோக்கு சாதனமாகவே உள்ளது என்ற குறுகிய பார்வையை வெளிப்படுத்திய எதிரணி நண்பர்களுக்கு - இல்லை, இணையம் கல்வித்துறையில் ஆற்றும் நன்மை அளப்பெரியது என்றும் - அதனைத் தமிழ் இளையோர் பயனுள்ளதாகவே பயன்படுத்துகிறார்கள் என்றும் எமது அணி எடுத்துக் கூறியது:

அநேகமாக பாடசாலைகளுக்கென்று - பல்கலைக்கழகங்களுக்கென்று அதிகாரபூர்வமான இணையப்பக்கங்கள் உள்ளன. அவற்றில பாடசாலை பற்றிய விபரங்களும், துறைகள் பற்றிய விளக்கங்களும், தொடர்பு விபரங்களும் இணைக்கப்பட்டுள்ளன. இவற்றின் மூலம் பாடசாலைகளின் விபரங்களை அறிந்துகொள்வதோடு, தொடர்புகளை ஏற்படுத்தி விண்ணப்பங்களையும் மேற்கொள்ள முடியும்.

வீட்டுப்பாடங்கள் செய்வதற்கு உதவி செய்வதற்கும் நிறைய இணையப்பக்கங்கள், கருத்துக்களங்கள் போன்றன உள்ளன. குறிப்பிட்ட சிறுதொகை பணம்செலுத்தியோ, இலவசமாகவோ இந்த சேவைகளை இளையோர் பயன்படுத்துகிறார்கள். மூத்த மாணவர்கள், ஆசிரியர்கள், நிபுணர்கள் என பலரும் இணையமூடாக விளக்கங்களைக் கொடுப்பதற்கும், உதவிகளை செய்வதற்கும் தயாராக உள்ளார்கள்.

அதேபோல் பார்த்தோமென்றால் பாடசாலை தவிர்ந்த நேரங்களிலும் ஆசிரியர்கள் - மாணவர்களுக்கிடையிலான தொடர்பைப் பேணுவதற்கும் இணையம் வழிசெய்கிறது. இணையம் வழி அவர்கள் பாடசாலை விடயங்கள் பற்றிக் கலந்துரையாட முடிகிறது. இது இவர்களுக்கிடையே புரிந்துணர்வை வளர்க்கவும் உதவுகிறது.

இணையம் ஊடாக வீட்டிலிருந்தபடியே விரிவுரைகளை வாசிக்கவும், விரிவுரையை ஒலிவடிவில் பரிமாறிக்கொள்ளவும், ஒப்படைகளை சமர்ப்பிக்கவும் முடிகிறது. இது சுகவீனமாக வீட்டிலிருக்கும் சமயங்களிலும், வேறு ஒரு முக்கிய நிகழ்வு காரணமாக தவறவிடும் சமயங்களிலும் பேருதவியாக இருக்கிறது.

புதிய வகுப்புத் தொடங்கும்போது பாட அட்டவணைகளை நேரத்துக்கே பெற்றுக்கொள்ளவும், பாடத்திட்டங்களை அறிந்துகொண்டு விடுமுறைக்காலங்களில் அதற்குத் தயாராகவும் முடிகிறது. புதிய வகுப்புக்கான பாடங்களும் இணையத்தில் இணைக்கப்பட்டிருப்பதால் சுயமாகவே நாம் படித்து எங்கள் திறனை வளர்த்துக்கொள்ள முடிகிறது. இவை தவிர நூலகக் கணக்கை நீடிக்கவும், புதுப்பிக்கவும் உதவியாக இருக்கிறது. புத்தகங்களை இணையம் ஊடாக வாசிக்கவும் வழிகள் உள்ளன.

இப்படியாக பாடங்கள், பயிற்சிகள், உதவிகள், கலந்துரையாடல்கள் என கல்வித்துறையில் மிகுந்த பயனை தமிழ் இளையோரும் அடைகிறார்கள் என்று கூறி எதிரணியினரின் விதண்டாவாதங்களுக்கு எமது அணி பொறுமையாக பதிலளித்தது.

<b>அனுபவங்கள் சில:</b>

***எனது பல்கலைக்கழகக் கல்வியைத் தேடித் தேர்ந்தெடுத்தது இணையம் ஊடாகத்தான். அதற்கான விண்ணப்பத்தை செய்திருந்ததும் இணையம் ஊடாகத்தான். காரணம்: பள்ளி இருக்கும் இடம் வீட்டிலிருந்து தூரமாக இருந்தது.

***முன்னர் எனது பள்ளிக் காலத்தில் ஒரு நிறுவனத்தில் பயிற்சி செய்யவேண்டிய அவசியம் ஏற்பட்ட போது அதற்கான நிறுவனத்தைத் தேடிப் பெற்றதும், அவர்களோடான தொடர்பை மேற்கொண்டதும் இணையம் ஊடாகத்தான்.

***எமது துறைக்கான ஒரு தனித்தளம் உள்ளது. இங்கு எமதும், எமக்கு முன்னர் படித்த மாணவர்களது Project களும் அவைபற்றிய விபரங்களும் சேமிக்கப்பட்டுள்ளன. அதேபோல் ஒவ்வொரு மாணவர்களும் தமக்கான ஒரு இணையப்பக்கத்தை வைத்திருக்கவேண்டியது அவசியமாக்கப்பட்டுள்ளது. இது தவிர தனியான ஒரு கருத்துக்களம் உள்ளது - இங்கு பேராசிரியர்களும் நாங்களும் கலந்துரையாட முடிகிறது. மற்றும் விரிவுரைகள், பரீட்சைகள், முக்கிய நிகழ்வுகள் பற்றிய விபரங்கள் ஒவ்வொருநாளும் புதுப்பிக்கப்படுகின்றன. சில பாடங்களுக்கு பல்கலைக்கழகத்துக்கு போகாமலே எமது தளத்தில் உள்ள "பாட மின்னூல்களை" படித்துவிட்டு பரீட்சைக்குத் தோன்றினாலே போதுமானது.


<b>அரட்டை அறை & துரித தூதர்</b>
அரட்டை அறைகளால் தமிழ் இளையோர் சீரழிந்து போகிறார்கள், சமூகச் சீர்கேடுகள் அரங்கேறுகின்றன, பாலியல் தவறுகள் நிகழ்கின்றன போன்ற வாதங்களை வைத்து இணையம் தமிழ் இளையோரை சீரழிக்கின்றது என்று ஒப்பாரி வைத்த எதிரணியினருக்கு - எமது அணி அரட்டை அறைகளால் நிகழ்கிற பல நன்மைகளை எடுத்துக்காட்டி அவற்றின் பயன்பாட்டுத்தளத்தை தெளிவாகக் கோடுபோட்டுக் காட்டியது.

ஆசிரியர்கள் - மாணவர்களிடையேயான உரையாடல்களை மேற்கொள்வதற்கு அரட்டை அறைகள் (chat rooms) பெரிதும் உதவுகின்றன. எழுத்துவடிவில், ஒலிவடிவில், ஒளிவடிவில் என பலவடிவங்களிலும் இந்த கலந்துரையாடல்கள் நிகழ்கின்றன. வீட்டுப்பாடங்களை செய்வதற்கும், அதுசம்பந்தமான உதவிகளைப் பெற்றுக்கொள்வதற்கும் இவை பயன்படுகின்றன. அத்தோடு மட்டுமல்லாது பொழுதுபோக்குத்துறைகளிலும், சமூகசேவைத் துறைகளிலும் தோழர்களுடன் வினைத்திறன்மிக்க தொடர்பாடல்களை மேற்கொள்வதற்கும் இவை உறுதுணையாக இருக்கின்றன. ஒரே துறை சார்ந்தவர்கள் ஒருங்கிணைந்து செயற்படுவதற்கும், ஆலோசனைகளைப் பெற்றுக்கொள்வதற்கும், கருத்துக்களைப் பகிர்ந்து திருத்தங்களை செய்வதற்கும் உதவுகின்றன.

அதுமட்டுமல்லாது ஈழத்திலிருந்து புலம்பெயர்ந்து கனடாவில் அண்ணன் - பிரித்தானியாவில் தம்பி - பிரான்சில் அக்கா - சுவிசில் மாமா - ஒஸ்ரேலியாவில் அப்பா என்று உறவுகளைப் பிரிந்து வாழுகிற இளம் சமூகம் தமது சொந்தங்களுடன் பிணைப்பைப் பேணுவதற்கும், தொடர்பாடல்களைப் புரிவதற்கும் துணையான ஊடகமாக "அரட்டை அறை" திகழ்கின்றது. ஏன், நீண்டகாலம் பார்க்காத தனது சொந்தங்களையெல்லாம் துரித தூதர் (Messenger) மூலமாக - ஒளிவடிவில் (Webcam) காண்பதற்கும் முடிகிறதே.

ஐயா நடுவர் அவர்களே, சில எனது அனுபவங்களையும் இங்கு பகிர்ந்து கொள்ள விரும்புகிறேன். அவை எமது அணியினரின் வாதத்துக்கு மேலும் வலுச்சேர்க்கும் எனவும் நம்புகிறேன்:

***அப்பால் தமிழ், தமிழமுதம், வன்னித்தென்றல், tyo-germany உட்பட சில இணையத்தளங்களை நான் வடிவமைத்திருக்கிறேன். இதில் அப்பால் தமிழை நிர்வகிக்கும் கி.பி.அரவிந்தன் அண்ணா பிரான்சில் இருக்கிறார். தமிழமுதத்தை நிர்வகிக்கும் எதிரணித் தலைவர் சோழியான் அவர்கள் எனது நகரிலிருந்து 600கிமீ தள்ளி வசிக்கிறார். வன்னித்தென்றலை நிர்வகிக்கும் எதிரணியில் வாதாடும் நிதர்சன் கனடாவில் வசிக்கிறார். இணையத்தள வடிவமைப்பு, வலைத்தள நிர்வாகம், ஒழுங்கமைப்பு, ஒருங்கமைப்பு, ஆக்கங்கள் பரிமாறல், கருத்துக்கள் பகிர்தல், திருத்தங்கள் மேற்கொள்ளல், சரிபார்த்தல் போன்ற அத்தனை வேலைகளையும் எதனூடாக நிகழ்த்துகிறோம் என்று நினைக்கிறீர்கள்? இந்த துரித தூதர் (Messenger) ஊடாகத்தான்.

***எனது கவிதைப் புத்தகம் உருவாக்கும் போது அதற்கு பெரிதும் பயன்பட்டது இந்த துரித தூதுவர். கவிதைகளை தொகுத்தல், கவிதைகளில் உள்ள எழுத்துப்பிழைகளைத் திருத்தல், நூல் வடிவமைப்பை மேற்கொள்ளல், ஓவியருடனான தொடர்பு, அச்சுப் பதிப்பதற்கான ஆயத்தம், வெளியீட்டு நிகழ்வை ஒழுங்குபடுத்துவதற்கான தொடர்பாடல் போன்ற பலவிடயங்களுக்கும் இந்த துரித தூதர் பயன்பட்டிருக்கிறது என்பது குறிப்பிடத்தக்கது.

***எனது பள்ளியில் கடந்த 5 மாதங்களில் மொத்தம் 7 Projectகள் செய்திருந்தோம். இவற்றில் 5 Projectகள் குழுவேலையாகும். எனவே பள்ளி தவிர்ந்த வேளைகளில் அநேகமாக "துரித தூதர்" தான் எமக்கு பலமாக இருந்தது. வேலைத்திட்டங்களை வகுத்தல், பகிர்தல், கோப்புக்களை அனுப்புதல் - பெறுதல், சரிபார்த்தல், பிழைதிருத்தல் போன்ற வேலைகளை இதனூடாகத் தான் பெரும்பாலும் செய்தோம். காரணம் ஒவ்வொரு Project க்கும் வெவ்வேறு குழுக்களில் இருப்போம். ஒரேநேரத்தில் எல்லாக் குழுவையும் சந்தித்து வேலை செய்யமுடியாது. இரவு நேரங்களில் பல்கலைக்கழகத்தில் சந்திக்க முடியாது. ஒவ்வொருவரும் ஒவ்வொரு இடங்களில் இருப்பார்கள். எனவே இரவு நேரங்களில் "துரித தூதர்" ஊடாக சந்தித்துத்தான் செயற்பட்டோம்.

***ஐயா நடுவர் அவர்களே, யாழில் நான் இணைத்த digital images சிலவற்றை நீங்கள் பார்த்தீர்களோ தெரியாது. அது எனது project ஒன்று. அந்தப் படங்களை கணினியில் உருவாக்குவதற்கு ஈழம் சம்பந்தப்பட்ட நல்ல தரமான நிழற்படங்கள் எனக்குத் தேவையாக இருந்தது. இதற்காக நான் ஈழம் சென்று படங்கள் எடுத்துவரவா முடியும்? எனவே அருச்சுனா இணையத்தளம் நடாத்துகிற மகிழன் அண்ணாவுடன் messenger மூலமாக தொடர்பை ஏற்படுத்தி எனது Concept ஐ அனுப்பி, அண்ணா! இதற்கேற்ற படங்கள் தேவை எடுத்து அனுப்புவீர்களா என்றேன். அவரும் எனக்கு நல்ல தரமான நிழற்படங்கள் சிலவற்றை அனுப்பி வைத்தார். அவற்றை வைத்தே நான் அந்தப் படங்களை உருவாக்க முடிந்தது.


<b>கருத்துச்சுதந்திரம்</b>
இணைய ஊடகத்தில் ஆபாச வார்த்தைகளை கூச்சமற்றுப் பயன்படுத்துகிறார்கள் என்று முகம்சுழித்த எதிரணியினர்க்கு - பெரியோரே, இணையத்தின் கருத்துச் சுதந்திரத்தால் எம் இளைய சமூகம் எப்படியெல்லாம் நன்மையடைகிறார்கள் பாருங்கள் என்று வெளிச்சம் போட்டு காட்டியது எமது அணி:

ஒரு குறுகிய வட்டத்துக்குள் இருந்த இளைய சமுதாயத்தின் சிந்தனையை புதிய பரிமானத்திற்கு அழைத்து வந்திருக்கிறது இந்த இணைய ஊடகம். இளைய சமூகம் தமது எண்ணங்களை, ஆளுமைகளை, கருத்துக்களை சுயமாகவும் சுதந்திரமாகவும் தங்குதடையின்றி வெளிப்படுத்துவதற்கு களம் அமைத்துக் கொடுக்கப்பட்டுள்ளது. அத்தோடு நில்லாமல் சிந்தனையை விரிவாக்கம் செய்வதற்கும், அதனை செயற்திறன் மிக்கதாக மாற்றுவதற்கும் பக்கபலமாக இருக்கிறது.

ஆங்காங்கே புலம்பெயர்ந்து பிரிந்து வாழ்கிற நமது ஈழத்தின் இளைய சமூகம் - தான் வாழ்கிற சூழலில் தான் பெற்ற வாழ்வியல் அனுபவங்களையும் - அவற்றினின்று தோன்றுகின்ற தனது எண்ணங்களையும், கருத்துக்களையும், உணர்வலைகளையும் - தமக்குள்ளே பகிர்ந்துகொண்டு - தமக்குள்ளே விவாதங்களை மேற்கொண்டு - விடைகாணக்கூடிய சாத்தியத்தை தந்தது எது எனக் கேட்கின் இணையமன்றி வேறிலை என்றே சொல்லமுடியும்.

நமது சமூகத்தில் - அதன் குறைபாடுகளை, அதன் முரண்நிலைகளைப் பற்றி நாம் நமது எண்ண ஓட்டங்களை வெளிப்படுத்த முனையும்போது அதற்கெதிராய் வருகிற குரல்கள் அதிகம் - நம்மை முடக்கவும், அழுத்தங்கள் தந்து அடக்கவும் விளைகிற கைகள் அதிகம். நாம் புறக்கணிக்கப்படவேண்டியவர்களாகக் கருதப்படுவோம். இப்படியான சமூக சூழல் நிலவும் போது அதற்கு மாற்றாக ஒரு "இணைய சமூகத்தை" உருவாக்கி எமது எண்ணங்களுக்கான அரங்கொன்றை நிறுவித் தந்திருப்பது இணைய ஊடகம் தானே?

குறிப்பாக, இளம் தமிழ்ப் பெண்களுக்கான கருத்துச்சுதந்திரம் என்பது இணையத்தில் தான் ஓரளவு முழுமையாக சாத்தியப்பட்டிருக்கிறது என்று சொல்லவேண்டும். கருத்துக்களை சுதந்திரமாக தன்னுடைய பெயரில், தன்னுடைய சுயஅடையாளத்தோடு ஒருவரால் இணையத்தில் வெளிப்படுத்த முடியுமா என்று எதிரணியினர் கேள்வி எழுப்பினர். சுதந்திரமாக தனது எண்ணங்களை வெளிப்படுத்துவது இணையத்தில் சாத்தியம் - ஆனால் அதனால் எதிர்கொள்ளும் பிரச்சனைகள் வெளியுலகில் தான் நிகழ்கின்றன என்பதை அவர்களால் மறுக்கமுடியாது. முகமூடி அணிந்தால் என்ன? தான் யார் என்பதை மறைத்தால் என்ன? கருத்துக்களை அவர்களால் சுதந்திரமாக வைக்க முடிகிறதே - இதுதானே முக்கியம். மூளைக்குள் பூட்டிவைத்த எண்ணங்களையெல்லாம் சுதந்திரமாக சிறகடிக்க வைக்கிறார்களே - இது தொடக்கம். எண்ணங்கள் தெளிவுபட - எண்ணங்கள் விரிவுபட - மாற்றங்கள் நிகழும். அப்போது சுய அடையாளங்களோடு கருத்துக்களை அவர்கள் வைப்பார்கள் - வெளியுலகில் எதிர்கொள்ள நேரும் பிரச்சனைகளுக்கு முகம் கொடுப்பார்கள். இதைத் தான் எமது அணி தெளிவுபட சொல்லிற்று.


<b>நண்பர்கள் & உறவுகள்</b>
இணையம் ஊடான நட்பு போலித்தனமானது என்றும் - நிலையற்றது என்றும் - அதனால் சீரழிவுகளையே இளைஞர்கள் எதிர்நோக்குகிறார்கள் என்றும் எதிரணியினர் முனகியபோது, இல்லை இணையம் ஊடான உறவுகளாலும், நட்பாலும் நன்மைகள் தான் பெருமளவு நிகழ்கின்றன என்று மிகச் சத்தமாக எமது அணி கூறியது:

இணைய ஊடகத்தின் பல்வேறு பாவனைத்தளங்களூடாகவும் - குறிப்பாக கருத்துக்களங்கள், வலைப்பதிவுகள், அரட்டை அறைகள், துரித தூதுவர், மடலாடற் குழுக்கள் - போன்றவற்றினூடாக அறியப்பெறுகிற புதிய மனிதர்கள் - அதனுமூலம் உருவாகிற நட்பு என்பது வெறும் போலித்தனமானது அல்ல. நீங்கள் சேர்கிற கூட்டம் சரியாக இருந்தால் நட்பு ஏன் போலித்தனமாகிறது? புலம் பெயர்ந்து வாழ்கிற தமிழ் இளையோரைப் பொறுத்தவரையில் இணையம் ஊடான சந்திப்புக்கள் தான் அவர்களுக்கு பெரும் ஆறுதல்.

இந்த நட்பு சாதி பார்த்து, மதம் பார்த்து, ஊர்ப்பாகுபாடு பார்த்து உருவாவதில்லை. இந்த இணைய ஊடகத்தில் நமது போலித்தனமான அடையாளங்களையெல்லாம் அவிழ்த்துப் போட்டு நிர்வாணமாகவே நிற்கிறோம். நன்றாகப் பழகுகிறாரா - வெளிப்படையாகப் பழகுகிறாரா - அப்போது நட்பு உருவாகிறது. ஒருவரை ஒருவர் அறிந்துகொள்கிறோம் - புரிந்துகொள்கிறோம் - நலம் விசாரிக்கிறோம் - வாழ்த்துக்கள் அனுப்புகிறோம் - சுகவீனம் உற்றால் கவலைப்படுகிறோம் - சோகமாய் இருந்தால் ஆறுதல் கூறுகிறோம் - சந்திக்க சந்தர்ப்பம் கிடைக்கும் போது சந்திக்கிறோம் - இது போலித்தனமானது அல்ல.

இப்படி உருவாகிற நட்பு வெறும் பொழுதுபோக்கோடு நின்று விடுவதில்லை. வினைத்திறன்மிக்க செயலாற்றவும் துணைபுரிகிறது. துறைசார் நண்பர்கள் தங்களுக்குள் புதிய படைப்பு முயற்சிகளை மேற்கொள்கிறார்கள். இணைந்து ஒரு பணியைச் செய்கிறார்கள். ஒருவருக்கொருவர் தகவல்களையும், செய்திகளையும் பகிர்ந்துகொள்கிறார்கள். ஆலோசனைகளையும், எதிர்வினைகளையும் செய்கிறார்கள். புதிய நண்பர்களை தங்களுக்குள் அறிமுகப்படுத்தி வைக்கிறார்கள். புதிய தொடர்புகளை ஏற்படுத்திக் கொடுக்கிறார்கள்.

இந்த நட்பு ஏற்கனவே குறிப்பிட்டதுபோல் பேதங்கள் பார்ப்பதில்லை. அந்த வகையில் வயது வித்தியாசம், பால் வேறுபாடு என்பனவற்றையும் அது கணக்கிலெடுப்பதில்லை. இதனால் பெண்களும் சுதந்திரமாக ஆண் நண்பர்களுடன் பழகுகிறார்கள். இளையவர்கள் மூத்தவர்களுடன் இயல்பாகப் பழகுகிறார்கள். அந்தவகையில் துறைசார் வல்லுனர்களையும், கலைஞர்களையும், எழுத்தாளர்களையும், நிபுணர்களையும் நாம் அறிந்து நட்பு வளர்த்துக்கொள்ளவும், தொடர்புகளைப் பேணவும் முடிகிறது. இவர்கள் மூலமாக புதிய புதிய மனிதர்களை எம்மால் அறிந்து பழக வாய்ப்புக் கிடைக்கிறது. இணையம் இல்லாவிட்டால் இவற்றின் சாத்தியப்பாடு பற்றி யோசித்துப் பாருங்கள்.

<b>அனுபவங்கள் சில:</b>

*** ஒருமுறை The Lord Of The Rings படத்தில் visual effects செய்த குழுவில் முக்கிய பங்காற்றிய யேர்மனியரோடு கலந்துரையாடவும் கேள்விகள் கேட்கவும் சந்தர்ப்பம் கிடைத்தது. அப்போது அவரிடம் ஒரு கேள்விய நாம் கேட்டிருந்தோம். இப்படி படங்களில் பணியாற்றுகின்ற வாய்ப்பைப் பெறுவதற்கு என்ன தகுதி வேண்டுமென்று. அவர் சொன்ன பதில் இதுதான்: "கல்வித் தகமை கலைத்திறன் போன்றவை முக்கியமாக இருந்தாலும், இந்தத் துறைசார்ந்தவர்களின் - நண்பர்களின் தொடர்புகளும் அவசியமாக இருக்கிறது. சாதாரணமாக யேர்மனிய சினிமாத் துறையில் தொழில்நுட்பவியலாளனாக பணியாற்றிய நான் எனது நண்பரின் தொடர்பின் மூலம் தான் இந்த visual effects துறைக்குள் நுழைந்தேன்" என்று குறிப்பிட்டார்.

இதனை நான் எதற்கு குறிப்பிடுகிறேன் என்றால், இணையம் ஊடான நட்பு இப்படியான நன்மைகளையும் எமக்கு அளிக்கிறது என்பதைத் தெளிவுபடுத்தவேயாகும். ஒரு குறும்படம் செய்கிற ஆவலிருந்தால் அதற்கு தொழில்நுட்பவியலாளர்களை, கலைஞ்களை இந்த இணையநட்பின் மூலம் பெற்றுக்கொள்ளமுடியும் என்பதையும் குறிப்பிட விரும்புகிறோம்.


<b>செய்திகள் & தகவல்கள்</b>
இணையம் தரும் செய்திகளிலும் தகவல்களிலும் திரிபுகள், பொய்கள், உறுதிப்படுத்தப்படாதவைகள் உள்ளன என்கிற கருத்தை முன்வைத்த எதிரணியினர்க்கு - தாயக செய்திகளையும் உலக செய்திகளையும் உடனுக்குடன், உறுதிபடுத்தக்கூடியாதாக பெற்றுக்கொள்ளமுடிகிறது என்கிற கருத்தை ஆதாரபூர்வமாக எமது அணி முன்வைத்தது:

உத்தியோகபூர்வ செய்தித் தளங்களில் உண்மைச் செய்திகளையும், உறுதிபடுத்தப்பட்ட தகவல்களையும் பெற்றுக்கொள்ளமுடியும். (திரிபுகள் எங்குதான் இல்லை?). இவற்றுடன் காலநிலை அறிதல், போக்குவரத்து விபரங்கள் அறிதல், பாதை விபரங்களை பெறுதல் போன்ற சேவைகளையும் இணையத்தில் பெற்றுக்கொண்டு நன்மையடைய முடிகிறதே.

உலகத் தரவுகளை அறியவும் அவற்றை பிறருடன் பகிர்ந்துகொள்ளவும் முடிகிறது. உத்தியோகபூர்வமற்ற தளங்களில் செய்திகளையும், தகவல்களையும் பெறுவதை விடுத்து நம்பத்தகுந்த, உத்தியோகபூர்வத் தளங்களில் செய்திகளைப் படித்தால் நன்மைகளைப் பெரியளவில் பெற்றுக்கொள்ள முடியும்.

இன்று தாயக செய்திகளை உடனுக்குடன் வேகமாக அறிந்து கொள்ளவும் - தாயக நிகழ்வுகள் சம்பந்தப்பட்ட நிழற்படத் தொகுப்புக்களை பார்வையிடவும் எம்மால் முடிகிறதென்றால் இணையத்தின் நன்மைதானே அது. உலகம் முழுதும் பந்துவாழ்கிற தமிழர்கள் என்ன செய்கிறார்கள் என்பதை அந்தந்த நாடுகளிலிருந்து வெளிவருகிற இணையசஞ்சிகைகள், இணையப்பக்கங்கள், கருத்துத்தளங்கள், வலைப்பதிவுகள் ஊடாக அறிந்துகொள்ள முடிகிறது என்பதையும் நினைவுபடுத்த விரும்புகிறோம்.


<b>நாளிதழ்கள் + வானொலி + தொலைக்காட்சி = இணையம்</b>
தனித் தனியாக இருந்த எழுத்து, ஒலி, ஒளி ஊடகங்களை ஒன்றிணைத்து இணையம் என்கிற ஊடகம் வழி நாம் பெறுகிறபோது - தனித்தனியாக நாம் பெற்ற நன்மைகளை - சேர்த்துப் பெறுவதாக அமைகிறது அல்லவா?

<b>வேகம் - மலிவு - தெரிவுசெய்தல் - பன்முக விளக்கம் - பல்தரப்பு நியாயம்</b> - இவையெல்லாம் இணையத்தின் வழி சாத்தியமாகிறது அல்லவா? தனித்தனியாக ஊடகங்கள் இருந்த போது பெறமுடியாத நன்மைகளையும் ஒருசேர இணையத்தில அவை காட்சியளிக்கிறபோது நம்மால் பெறமுடிகிறதே. இது நன்மைதானே?


<b>தாயகம்</b>
ஏற்கனவே குறிப்பிட்டாற் போல், தாயக செய்திகளை தகவல்களை உடனுக்குடன் பெற்றுக்கொள்ள முடிகிறது. அத்தோடு தமிழர் தரப்பு நியாயங்களை, தமிழர் தரப்பு செய்திகளை உலகளவில் எந்தத் தடைகளும் இன்றிக் கொண்டு செல்ல முடிகிறது அல்லவா. இந்த வகையில் தாயகம் - தேசியம் - சுயநிர்ணயம் சார் அறிவையும் உணர்வையும் பெற்றுக்கொள்ளவும், வளர்த்துக்கொள்ளவும் இணையம் துணைபுரிகிறது என்பதை எந்தளவு தூரம் எதிரணியினரால் மறுக்கமுடியும்?


<b>சேவைகள் & மென்பொருட்கள்</b>
இணையத்தின் மூலம் வழங்கப்படுகிற இலவச சேவைகள் முதற்கொண்டு குறிப்பிட்ட அளவு பணம் செலுத்திப் பெறுகிற சேவைகள் வரை பல நன்மைகளைப் பெறக்கூடியதாக உள்ளது. இலவச மின்னஞ்சல் சேவை (email), தொலைபேசிச் சேவை (voip), செய்திச்சேவை, வங்கிச்சேவை போன்ற சிலவற்றை நாம் இங்கே குறிப்பிடலாம். இவை தவிர அனைத்துத் துறைகள் சார்ந்த சேவைகளையும் இன்று இணையம் வழி பெறக்கூடியதாக இருக்கிறது. ஏன் மனநல ஆரோக்கியத்துக்கான சேவைகளைக் கூட இணையம் ஊடாக செய்கிறார்கள். ஒவ்வொன்றாக பட்டியலிட்டால் நிச்சயமாக ஒரு நீளமான பட்டியல் ஒன்று உருவாகும்.

மற்றும் கணினி சார் மென்பொருட்களை இலவசமாகவும் பணம் செலுத்தியும் இணையம் வழி பெற்றுக்கொள்ள முடிகிறது. எதிரணியினர் குறிப்பிட்டார்கள் மென்பொருள் திருட்டு பற்றி. ஆனால் அவற்றினால் கூட இந்த மென்பொருள் துறையில் நன்மைகளே நிகழ்கின்றன. கிடைக்கிற மென்பொருளை வைத்து தவறாகவா இளம் சமூகம் பயன்படுத்துகிறது? தமது பள்ளித் தேவைகளுக்காகவே பெரும்பாலான இளைஞர்கள் மென்பொருட்களைப் பெற்றுக்கொள்கிறார்கள். இதன்காரணமாக, இன்று Learning Edition போன்ற இலவச மென்பொருட்களை உரிய நிறுவனங்கள் மாணவர்களுக்காக வழங்குகிறது. இவற்றை வியாபாரரீதியாக அல்லாமல் தனது தேவைகளுக்காக மட்டும் பயன்படுத்திக்கொள்ள முடியும். லினுக்ஸ் போன்ற இயங்குதளம் இலவசமானது - அந்த இயங்குதளத்தில் பயன்படுத்தக்கூடிய மென்பொருட்களும் இலவசமானது.


<b>தொழில் & வியாபாரம்</b>
தொழிற் துறை சார்ந்தும் பல நன்மைகளை இளைஞர்களுக்கு இணையம் வழங்கியிருக்கிறது. வேலைகளைத் தேடுவதற்கும், வேலைத்தளங்கள் பற்றி அறிந்துகொள்வதற்கும், விண்ணப்பிப்பதற்கும் இது துணைபுரிகிறது. உங்களைப் பற்றிய தரவுகளோடு ஒரு தனியான இணையப்பக்கத்தை மாணவர்கள், வேலை தேடுபவர்கள் உருவாக்கி வைத்திருப்பார்கள். நிறுவனங்கள், அமைப்புகள் போன்றவை இதன்மூலம் பணியாளர்களை தெரிந்தெடுத்துக்கொள்வார்கள். உதாரணமாக: பள்ளிக்காக உருவாக்கி வைத்திருந்த எனது அறிமுகப்பக்கத்தைப் பார்த்துவிட்டு ஒரு நிறுவனம் தங்கள் நிறுவனத்தில் பணியாற்றக் கேட்டிருந்தார்கள்.

வியாபாரத்தை விரிவுபடுத்தவும், அது சம்பந்தமான விளம்பரங்களை மேற்கொள்ளவும், வியாபாரத் தொடர்புகளை ஏற்படுத்திக்கொள்ளவும், நிறுவனத்தை வேறொரு இடத்திலிருந்து நிர்வகிக்கவும் இணையம் பெரிதும் பயன்படுகிறது.

<b>சீரழிவுக்கான சில காரணங்கள்</b>
எதிரணியினர் இணையத்தால் இளையோர் சீரழிகிறார்கள் என்பதற்கு இணையத்தைக் காரணம் காட்டியிருந்தார்கள். ஆனால் உண்மை அதுவல்ல. உண்மை இதோ வெளி உலகில், சமூகத்தில், தனிமனிதனில் உள்ளது என்று ஆதாரபூர்வமாக எமதணி கருத்துக்களை முன்வைத்தது. காரணங்களைப் பட்டியலிட்டது:

:: ஏற்கனவே சமூகத்திலும், தனிமனிதனிலும் இருந்த வக்கிரங்கள்தான் இணையத்திலும் வெளிப்படுகிறது.

:: தென்னிந்திய சினிமா மீதான மோகம் என்பது தமிழச் சமூகத்தின் வழிதான் இளைஞர்களிடம் சேர்ந்திருக்கிறது.

:: இணையத்தின் பாற் போதை என்பதும் அடிமைத்தனம் என்பதும் தனிமனித மனக்கட்டுப்பாடின்மை காரணமாக நிகழ்வது.

:: சரியான வழிநடத்தல் இல்லாமையும் இளையோர் சீரழிவதற்கு காரணமாக அமைகிறது. எனவே எந்த ஒரு ஊடகம் கிடைத்தாலும் அதை தவறாகவே பயன்படுத்துவார்கள்.

:: காலத்திற்கேற்ப அறிவை வளர்த்துக்கொள்ளவேண்டியது சமூகத்தின் கடமை. அந்தவகையில் கணினி - இணையம் பற்றிய அறியாமையும் இளையோர் சீர்கெடுவதற்கு காரணமாக இருக்கிறது. எனவே அதுபற்றிய விழிப்புணர்வை இளையோர் மத்தியிலும், முழுச் சமூக மட்டத்திலும் ஏற்படுத்தவேண்டும்.

:: தனிமனித பலவீனங்கள் என்பன சீரழிவுகளில் பெரும்பங்கை வகிக்கின்றன.

:: வன்முறைகள் என்பவை வெளியுலகிலிருந்தே இணையத்துக்கு வருகிறது. சட்டியில் இருப்பதுதானே அகப்பையில் வரும்?

:: நல்லவற்றை நுகரத் தெரியாதவர்கள் தவறான வழி சென்று மூக்குடைபடுவர். அவர்களுக்கு தரமான ஒரு சஞ்சிகை கிடைத்தாலும் அதன் ஏதோ ஒரு மூலையில இருக்கிற தவறான விடயம் தான் கண்ணில் படும்.

:: தீமைகள் புரிவதற்கும், தவறுகள் செய்வதற்கும் புறச்சூழல்கள் கதவு திறந்துவைத்திருக்கிற போது இணையத்தை மட்டும் குறைகூறி தப்பித்துக்கொள்வது சிறந்ததல்ல.

:: சோம்பேறித்தனம் என்பது தனிமனித பலவீனம் - அது அவர்களின் குறைபாடு.


<b>சீரழிவுகள் தொடர்பான சில கேள்விகள்</b>
எதிரணியினர் முன்வைத்த சில நகைச்சுவையான வாதங்களுக்கு எமதணி முன்வைக்கிற கேள்விகள்:

:: இணையம் உருவாவதற்கு முதல் காதல் என்பது இல்லையா? காமம் என்பது இல்லையா? இணையம் உருவான பின்பு தான் இவையெல்லாம் கண்பிடிக்கப்பட்டனவா? விட்டால், இணையம் ஊடாகத்தான் எய்ட்ஸ் பரவுகிறது என்கிற மிகப்பெரிய உண்மையை போட்டுடைப்பீர்கள் போலுள்ளதே. <!--emo&--><img src='http://www.yarl.com/forum/style_emoticons/default/smile.gif' border='0' valign='absmiddle' alt='smile.gif'><!--endemo-->

:: அரட்டை அறைகள் வருவதற்கு முன் இளையோர் வாழ்வில் குப்பைகள் இல்லையா? ஆக அந்தக் குப்பைகள் தான் இணையத்திலும் கொட்டப்படுகின்றன அல்லவா?

:: வக்கிரங்களை இறக்கி வைக்க வேறு மார்க்கங்கள் இவ்வுலகில் இருக்கவே இல்லையா? ஆக வக்கிரங்களை வைத்திருக்கும் மனிதர்கள் அதை எந்த ஒரு ஊடகம் கிடைத்தாலும் இறக்கி வைப்பார்கள் அல்லவா?

:: துறைசார் வளர்ச்சி என்பது இணையத் தீமையினாலா சாத்தியமாயிற்று?

:: இணையத்தளங்களால் யாராவது மதம் மாறினார்களா? வீட்டுக் கதவை நேரடியாகவே அவர்கள் தட்டுகிறார்களே? இன்னொருவரின் கலாசாரம் பற்றி அறிவது நன்மைதானே? புரிந்துணர்வுகளை வளர்த்துக்கொள்ள அது உதவுகிறதுதானே?

:: இணையம் சீரழிக்கிறது என்கிறார்களே - அதற்கான மாற்றுத்தீர்வை முன்மொழிவார்களா?


<b>சில யோசனைகள்</b>
எதிரணியினர்களின் இணையம் பற்றிய சில முனகல்களுக்கு எமது அணி சில யோசனைகளை முன்மொழிகிறது:

இணைய ஊடகத்தில் பாதுகாப்பு வழிமுறைகள் நிறைய உள்ளன. அவற்றைப் பயன்படுத்துங்கள். பயன்படுத்தக் கற்றுக்கொள்ளுங்கள்.

தொழில்நுட்ப அறிவை விருத்தி செய்யுங்கள். நாள்தோறும் உங்கள் அறிவை புதுப்பித்துக்கொள்ளுங்கள். இயக்கநிலையில் வைத்துக்கொள்ளுங்கள்.

[இளைஞன்]

<b>இறுதியாக - உறுதியாக - எமது கருத்து</b>
:: இணையமானது இளையோர்க்கு பல நன்மைகளை அளிக்கிற ஒரு ஊடகம். அதன் "ஊடாக" நிகழ்த்தப்படக்கூடிய சில தீமைகளைக் காரணம் காட்டி நன்மையடைவதை தடுத்தல் மாபெரும் தவறாகும்.

:: தீயவற்றை தவிர்த்துவிட்டு நல்லவற்றை எடுங்கள் - அன்னப் பறவை போன்று. உங்கள் வாழ்வு சிறக்கவேண்டுமென்றால் உங்களுக்கு எது தேவையானது என்பதை நீங்கள் தானே தீர்மானிக்க வேண்டும்.

:: இணையத்தை விட சக்தி வாய்ந்த இன்னொரு தொழில்நுட்பம் வரும்வரையில்.
இணைய ஊடகம் உலகத்தை ஆளும்.

:: பொருளாதாரம் -மருத்துவம் - இலக்கியம் - பன்னாட்டுத்தொடர்பு - கலை - தொழில்நுட்பம் - பத்திரிகைத்துறை - அரசியல் - ஆன்மீகம் - புவியியல் - உயிரியல் - தாவரவியல் - விண்ணியல் விநோதங்கள் - இசை - கற்கைநெறி - கற்றுக்கொள்ளக்கூடிய இடங்கள் - திரைத்துறை - வரலாறு - இயற்கை பற்றிய ஆய்வு போன்ற பல்வேறு துறைகளிலும் இளைஞர்களுக்கு இணையம் நன்மையளிக்கிற ஊடகமாக திகழ்வதை எவ்வளவுதான் நீங்கள் மறைத்தாலும், மறுத்தாலும் அதுதான் உண்மை.

:: முள்ளு குத்துமென பயந்தால் அழகு ரோஜாவை பறித்து காதலிக்கு கொடுக்க முடியுமா?
பாம்பு கொத்துமென பயந்தால் வயலில் இறங்க முடியுமா? முள்ளுக் குத்துமென்று பயந்தால் முத்தெடுக்க முடியுமா? நன்மைகளை அடையும் போது சில தீமைகளையும், தடைகளையும் எதிர்நோக்கவேண்டியிருக்கும். அதற்காக நன்மைகளை அடையாமல் ஒதுக்கி வைக்க முனையலாமா? பாதுகாப்பை ஏற்படுத்திக்கொண்டு நன்மைகளைப் பெறவேண்டும்.

:: ஊடகம் என்பது ஒரு சடப்பொருள். அது ஒரு முனையிலிருந்து இன்னோர் முனைக்கு செய்திகளை, தகவல்களை கடத்துவதற்கு பயன்படுகிறது. எனவே இந்த முனையிலும், அந்த முனையிலும் இருப்பவர்களே நன்மைகளையும் தீமைகளையும் தீர்மானிக்கிறார்கள் - இணையம் அல்ல. எனவே எய்பவர்கள் இருக்க அம்பை நோவதேன் தோழர்களே?

:: இணையத்தின் கட்டுப்பாடானது பெறுனர் கையில் தான் உள்ளது - எனவே தானடைகிற நன்மைகளைத் தீர்மானிக்கும் சக்தியும் பெறுனர் கையில் தான் உள்ளது.

:: மொத்தத்தில் திறமையுள்ளவர்க்கும், நன்மையடைய விரும்புவோர்க்கும் இணையம் ஏணிப்படியாகவே உள்ளது.

தோழர்களே! எந்த ஒரு புது விடயத்துக்குள் நுழையும்போதும், அல்லது புதுவிடயத்தைச் செய்யத் தொடங்கும் போதும் சில தவறுகள் - பிழைகள் - தடைகள் நேர்வது இயல்பு. எதிரணி நண்பர்கள் சுட்டிக்காட்டியதும் இப்படி தொடக்ககாலத்தில் நிகழ்ந்த தவறுகளைத்தான். உதாரணமாக உலக விடுதலைப் போராட்டங்களையே எடுத்துக்கொள்ளுங்கள் - விடுதலை அமைப்புக்களை எடுத்துக்கொள்ளுங்கள் - உயர் கண்டுபிடிப்புக்களை எடுத்துக்கொள்ளுங்கள். தொடக்காலத்தில் நிகழ்ந்த தவறுகளையும் பிழைகளையும் சுட்டிக்காட்டி அவர்களை - அவர்களின் மூலம் நிகழ்கிற நன்மைகளை மறைத்தல் தகுமா? அதேபோல் தான் இணையமும். தவறுகளிலிருந்து கற்றுத்தெளிந்து - வாழ்வியல் அனுபவங்களூடாக நாம் நம்மை வளப்படுத்திக்கொள்கிறோம். அதேபோல் தான் இணையத்திலும்.

இங்கே இன்னொரு விடயத்தையும் குறிப்பிட நாம் விரும்புகிறோம். எதிரணியினர் தலைப்புக்கு பொருத்தமில்லாமல், தலைப்பை சிக்கலாக்குவதற்காக சில வாதங்களை வைத்தார்கள். அவற்றுக்கெல்லாம் - அவசியமற்றபோதும் - எமதணியினர் பொறுமையாக பதிலளித்தார்கள். உதாரணமாக தேவையில்லாமல் தொழில்நுட்பத்துக்கு தெளிவில்லாத சிக்கலான விளக்கங்களை கொடுக்க முனைந்தார்கள் எதிரணியினர். அண்மையில் புலம்பெயர்ந்த இளைஞர்கள், இங்கு பிறந்து வளர்ந்த தமிழ் இளைஞர்கள் என்று பிரிவுபடுத்தி வீணான - சிக்கலான - ஆதாரமற்ற - அவசியமற்ற வாதங்களையெல்லாம் எதிரணியினர் முன்வைத்தார்கள். அதேபோல் இளைஞர்கள் அடைகிற நன்மைகள் பற்றி விவாதிக்க வந்த இடத்தில், புலம்பெயர்ந்த இளைஞர்களால் தமிழ்ச் சமூகம் நன்மையடைகிறதா இல்லையா என்கிற வாதத்தை எதிரணித் தலைவர் தொடக்கி வைத்தார். அடுத்து அமெரிக்காவையும், இரஸ்யாவையும், இந்தியாவையும் இழுத்துவந்து அவரடித்தாரா இவரடித்தாரோ என்று ஆராரோ பாடினார்கள். மொட்டைத்தலைக்கும் முழங்காலுக்கும் முடிச்சுப்போட ஒற்றைக்காலில் நின்றார்கள். ஆகமொத்தத்தில் தலைப்பைத் திசைதிருப்பி தங்களை அவர்கள் குழப்பிக்கொண்ட போதும், எமதணி தெளிவாக தனது வாதங்களை முன்வைத்தது.

<b>இறுதியாக:</b> இதோ அப்பால் தமிழ் இணையத்தளத்தில் இணையப்பாவனை தொடர்பாக நடத்தப்பட்ட கருத்துக்கணிப்பு உங்கள் பார்வைக்கு:

<img src='http://www.yarl.com/forum/files/vote_net_194.jpg' border='0' alt='user posted image'>

அதனடிப்படையில் புலம்பெயர்ந்து வாழ்கிற தமிழ் இளையோர் தம்மளவிலும் சரி, சமூக மட்டத்திலும் சரி இணையம் வழி பெருமளவு நன்மைகளையே அடைகிறார்கள். அவர்கள் தெளிவாகவும் - சமூகம் பாதுகாப்பாகவும் இருக்கும் வரையில் இணையம் நன்மையளிக்கும் ஊடகமாகத் தொடரும் என்பதை எமது அணி சார்பில் மறுபடியும் உறுதிபடக் கூறி விடைபெறுகிறேன்.

<b>நன்றி</b>

<span style='font-size:16pt;line-height:100%'>பி.கு.: தாமதத்துக்கு வருந்துகிறேன்.</span>

[Selvamuthu]

<span style='font-size:25pt;line-height:100%'>வணக்கம்.</span>
பட்டிமன்றம்.. ஆமை வேகத்தில் முடிவைத்தொட்டிருக்கிறது. ஈடுசெய்ய முடியாத இழப்பின் மத்தியிலும் தன் கடமையை சரிவரவே செய்து முடித்த நடுவர் ஆசிரியருக்கும், பல இடையூறுகளுக்கு மத்தியிலும்.. இரு அணிகளுக்கும் ஒரு பாலமாய் நின்று பட்டி மன்றத்தை வழிநடத்தி முடித்திருக்கும் இரசிகைக்கும், இரு அணிகளையும் வழி நடத்திய அணித்தலைவர்களிற்கும், அசராது கருத்துக்களை வைத்த இரு அணி உறுப்பினர்களுக்கும்... பாராட்டுக்களும் நன்றிகளும்.

ரசிகை அந்தரப்படுகிறாரே என்ன வரப்போகிறது என நினைத்து ஆசிரியருக்கு உதவியாக இருக்கிறேன் என்று சாதாரணமாய் கூறிவிட்டேன். ஆசிரியர் பிரிவுத்துயரில் தற்காலிகமாக பிரிந்திருந்த போது. நான் தனித்து விடப்பட்டேன். வருவதை எதிர்கொள்வதற்கு நான் தயாராகி இருந்த போதும். சிறிது பதட்டம். வாதாட வந்திருக்கிறவர்கள் எல்லாரும் பெரியவர்கள். நானோ சிறியவள் இருந்தாலும் நான் வைத்த கருத்துக்களையும்
பொறுத்துக்கொண்டீர்கள் நன்றி.

இந்தப் பட்டிமன்றமானது ஓர் ஆரோக்கியமான கருத்துப்பரிமாற்றம் என்ற எண்ணமே அன்றி போட்டியாக யாரும் கருதியிருக்க மாட்டீர்கள் என்ற நம்பிக்கை நமக்கு இருக்கிறது. சிறப்பான கருத்துக்களை சிறப்பாக வைத்துச்சென்றீர்கள். இனி கருத்திற்குள் செல்வோம்;

எங்கள் பட்டிமன்ற தலைப்பு.. "புலம் பெயர்ந்து வாழும் தமிழ் இளையோர்கள் இணைய ஊடகத்தால் நன்மையடைகிறார்களா? அல்லது சீரழிந்துபோகிறார்களா?" என்பதுவே... ஒவ்வொரு அணியின் கருத்துக்களையும் பார்க்கும் போது.. தங்கள் தரப்பு விவாதத்தை ஆணித்தரமாக அடித்துக்கூறியிருக்கிறார்கள். நன்மை அடைகிறார்கள் என்ற அணியினர் பேசுகையில்.. நன்மை தான் அடைகிறார்கள் என்ற எண்ணமும்.. இல்லை இல்லை சீரழிந்து போகிறார்கள் என்ற அணி பேசுகையில் ... சீரழிந்து தான் போகிறார்கள் என்ற எண்ணப்பாட்டையும் தோற்றுவித்தார்கள்.

இணையம் என்கின்ற ஒரு தனி ஊடகம்.. உலகத்தில் உள்ள அனைத்து ஊடகங்களையும் தன்னகத்தே இணைத்து.. பரந்து விரிந்து உலகெங்கும் வியாபித்துள்ளது என்று கூறினால் அது மிகையாகாது. ஊடகம் என்னும் போதும். பத்திரிகை முதற்கொண்டு வானொலி வரை ஏன் பல தொலைக்காட்சிகளைக்கூட இணையத்தில் பார்வையிடக்கூடிய வாறு சகல வசதிகளையும் தன்னகத்தே அடக்கிக்கொண்டு.. மனிதனின் அன்றாட வாழ்வியல் தேவைகளை சிறப்பாக பூர்த்திசெய்ய உதவுகிறது. இந்த இணைய பாவனையால் நம் புலம்பெயர் வாழ் தமிழ் இளையோர் நன்மை அடைகிறார்களா சீரழிகிறார்களா.. என்பதுவே கேள்வி....

எண்ணிக்கையற்ற சலுகைகளையும்.. நன்மைகளையும் வாரி வழங்கும்.. இணையம் சில விசமர்களால் ஆங்காங்கே சில சீரழிவுகளை தன்னகத்தே கொண்டுள்ளது என்பது மறுக்க முடியாத உண்மையே. தேவைகளை நிறைவேற்ற வேண்டிய அவசியம் வரும்போது நம் இளையோர் இணையத்தை பயன்பாடு உடையதாக மாற்றி அதில் இருந்து நன்மையை அடைந்து கொள்கிறார். இந்த பட்டி மன்றத்தில் உள்ள எல்லா இளையோரும் அப்படித்தானே..??

நாங்கள் ஒவ்வொருவரும்.. எமது தேவைகளை பூர்த்தி செய்வதற்காகவே இணைய இணைப்பை ஏற்படுத்தியிருப்போம் .. கண்டிப்பாக யாரும்
சீரழிவதற்காக இணைப்பை எடுத்திருக்க மாட்டோம் என்பது எனது ஆணித்தரமான நம்பிக்கை.. கூடுதலாக எல்லாச்சாதனங்களிலும் எண்ணிக்கை அற்ற பல நன்மைகள் பொதிந்திருக்கும் அதேவேளை.. சில பாதகங்களும் சேந்திருப்பதை பல சாதனங்களில் நாங்கள் பார்த்திருக்கக்கூடும்.... அது போலவே இணையத்திலும் சில சீரழிவுகளை ஏற்படுத்தக்கூடிய விடையங்கள் மறைந்திருக்கின்றன.. இந்த சீரழிவுகளை ஏற்படுத்தக்கூடிய விடயங்களால் நம் இளையோர் அனைவரும் சீரழிந்து போகிறார்களா..?? இனி ஆசிரியர் என்ன சொல்கிறார் என்று கேட்போமே..

அன்புடன்
தமிழினி


<span style='color:red'>வணக்கம்:
சிறப்பு வணக்கம் என்று தமிழிலும் வடமொழியிலும் சொல்லி வந்தார்கள். தங்கத்தாமரையில், வெள்ளித்தாமரையில், இதயத்தாமரையில் ஏற்றி வைத்தார்கள். நீதி தவறாத பாண்டிய மன்னனுக்கு ஒப்பிட்டார்கள். தமிழோடு தமிழ்ப் பண்பாட்டுக்கும் ஒப்பிட்டார்கள். பின்னர் பெருங்குடிமகன், நடு நிலமையின் உறைவிடம் என்றார். பீனிக்ஸ் பறவைக்கு ஒப்பிட்டார். நாணயத்துடன் நேர்மையையும் கொண்டுள்ளவர்கள் என்றார். நோர்வே நாடே! நக்கீரர் பரம்பரையே! அன்பிற்கும் பண்பிற்கும் உறைவிடமே! சலமனே! என்றெல்லாம் வாயாரப் புகழ்ந்து வணக்கம் கூறி தம் வாதங்களை முன்வைத்தனர்.
நன்றிகள் பல.
அதேவேளை நீதி தவறினால் என்ன நடக்கும், நடக்கவேண்டும் என்றும் எச்சரித்தார்கள்.

பட்டிமன்ற நடுவராக வரும்படி கேட்டவுடனேயே பட்டிமன்ற முடிவில் தீர்ப்புச்சொன்னதும் 50 வீதமானோரின் வாக்குகள் மட்டும்தான் எமக்குக் கிடைக்கும் என்பது தெரியும். இருந்தாலும் கள உறவுகள் ஒன்றும் சிறு பிள்ளைகள் அல்லர் எல்லோரும் வளர்ந்தவர்கள். வெற்றி தோல்விகளை பாரபட்சமின்றி சந்தோசத்துடனே ஏற்றுக்கொள்வார்கள் என்ற நம்பிக்கையும் வலுத்தது. அதேவேளையில் எமது இளையோரின் முன்னேற்றத்திற்காக எம்மாலான ஒரு சிறு பணி இதுவெனவும் உள்மனம் உரக்கக்கூறியது. அதனால் ஆனந்தத்துடனேயே இப்பணியை ஏற்றுக்கொண்டேன். சகோதரி தமிழினியும் தயங்காது உதவிக்கு வந்தார்.

[size=18]தலைப்பு:
தலைப்பைப்பற்றி பலர் விவாதித்தார்கள். ஆனால் சிலவேளைகளில் அப்படி வேண்டுமென்றே விவாதிப்பதைப்போல் இருந்தது. அதற்கு திரும்பத்திரும்ப விளக்கம் கொடுத்திருந்தாலும் அதனை இல்லை இல்லை என்றே எதிரணியினர் வாதித்தனர். இந்த வேளைகளில் ஆக்கபபுூர்வமாக வேறு ஏதாவது கூறியிருக்கலாம் என்றும் எண்ணத்தோன்றியது.

[size=18]தமிழ்மொழி:
தமிழ்மொழி வளர்ச்சியிலே இணையத்தின் பங்கு ஏராளம். பல்கலைக் கழகங்களிலே இணைய மின் நு}லகங்கள் அமைக்கப்பட்டு அங்கே இலக்கிய நு}ல் வைப்பகங்கள், கலை பண்பாட்டு ஒலி ஒளி வடிவங்கள், பாடத்திட்ட நு}ல்கள், பத்திரிகைகள், சஞ்சிகைகள் என சகல துறைகளிலும் ஆக்கங்கள் வைக்கப்பட்டுள்ளன. நு}லகங்களை எரித்தாலும் இந்த நு}ல்களை அழிக்கமுடியாது. இதனால் பயனடைவது அனேகமாக இளைஞர்கள்தான். இதனை விரிவாகத் தந்தனர் நன்மை அணியினர். இணைய ஊடகம் வந்ததின் பின்னர் தமிழின் வளர்ச்சி உரம்பெற்றிருக்கிறது. முகமறியா உறவுகளின் திறமைகளை வெளிக்கொணரவும், இணையவழி நு}லாக்கம் போன்றன அமைக்கவும் ஏதுவாகின்றது.

[size=18]சினிமா:
சினிமா சீரழிக்கின்றது, சினிமாவால் சீரழிகின்றார்கள் என்று பலர் கூறினார்கள். சினிமா ஒரு பொழுதுபோக்குச் சாதனம்தான். ஆனால் அங்கே எவ்வளவோ நல்ல விடயங்களும் இருக்கின்றன. நல்ல நல்ல அறிவுரைகளும் செல்லப்பட்டன, சொல்லப்படுகின்றன. பெரும்பான்மையானோர் நல்ல படம் என்று தெரிந்தால் எப்படியும் அதனைப் பார்ப்பதற்கே விரும்பவார்கள். அதேவேளையில் கூடாத படம் என்றால் அதனைப் பற்றி அக்கறை செலுத்தவே மாட்டார்கள். அதிலே இருக்கின்ற பாடல்கள் யாருடைய வீட்டிற்குள், விழாக்களில் பாடவில்லை? யாருடைய மோட்டார்வண்டிக்குள் இல்லை? இவர்களை விரல்விட்டு எண்ணிவிடலாம். புதிய பதிய முறைகளில் முகம் பார்க்காமலே இலகுவாக பாடல்களை பதிவாக்கம் செய்வதற்கும், உரியவர்களிடம் கொண்டு சேர்ப்பதற்கும் இப்போது இணையம் உதவுகிறது. பாடல்கள் மனித வாழ்வோடு பின்னிப்பிணைந்தவைதானே!

பிறந்ததிலிருந்து இறக்கும்வரை ஒரு மனிதனுடைய ஆசைகள், தேவைகள் அவனுடைய வயதோடு ஒட்டியவையாகவே அமைகின்றன. ஆனால் இதற்கு விதிவிலக்குகளும் இருக்கத்தான் செய்கின்றன. ஆனால் அவை மிகக்குறைவானவையே. இளைஞர்களுக்கும் இவை நன்றாகவே பொருந்தும். இப்போதெல்லாம் சினிமாவிலே யார் நன்றாக நடிக்கின்றார்கள் என்பதைவிட யார் நன்றாக அடிக்கின்றார்கள் என்பதிலேயே கூடிய கவனம் எடுக்கிறார்கள். ஆனால் இவற்றைப் பார்த்து மனம் மாறுபவர்கள் ஒரு சிலரேதான்.

அழகை யாரும் ரசிக்கலாம். அங்கே ஆபாசத்தை எதிர்பார்த்தால் சீரழிவுதான் உண்டாகும். சினிமா நடிகன் நடிகைகளின் படங்களை, விளையாட்டு வீரர்களின் படங்களை, "பொப்" இசைப்பாடகர்களின் படங்களை, இன்னும் எத்தனையோபேர்களுடைய படங்களை இன, மொழி வேறுபாடின்றி இன்றும் புத்தகங்களுள்ளும், அறைச்சுவர்களிலும் ஒட்டி வைத்திருக்கிறார்கள். விஞ்ஞானத்தின் முன்னேற்றத்தினால் இப்போது கணனித்திரையிலும் போட்டு வைக்கிறார்கள். இதனால் ஏற்படும் சீரழிவுகள் மிகமிகக் குறைவானவையே.

[size=18]காதல்:
காதல் புனிதமானது. இது யாரைத்தான் விட்டுவைத்தது? தமிழிலே அம்பிகாபதி அமராவதியை உதாரணம் காட்டலாம். இளைஞர்கள் காதல் செய்வதற்கு ஏதோ ஒன்று வேண்டும். அது இணையமாகவும் இருக்கலாம் இல்லாமலும் இருக்கலாம்.
இளைஞர்களின் காதல் களியாட்டங்களுக்கு இணையம் துணைபோகின்றது என்பது குற்றச்சாட்டு! இணையவசதி இல்லாதவர்கள் காதலிக்கவில்லையா? அவர்களில் கெட்டுப்போனவர்கள் இல்லையா?
இளையோர் காதல்செய்ய இணையம் ஓர் ஊடகமாக இருக்கலாம். ஆனால் இதைவிட மற்றையவைகளால் ஏற்படுகின்ற விளைவுகளே மிகமிக அதிகம்.

[size=18]கல்வி:
இளையோர்களுக்கு கல்வி கற்பதற்கு எல்லாவிதமான வசதிகளையும் இணையம் இன்று செய்துகொடுக்கின்றது. கணனியும், இணையமும் இல்லையென்றால் மாணவர்களால் பரீட்சைகளில் நல்ல புள்ளிகள் பெறமுடியாது. இன்றைய நவீன உலகத்திலே இவை மிகவும் அவசியமாகின்றன. நேரம் மிச்சமாகின்றது. மிச்சமாகும் இந்த நேரத்தை இளையோர் நல்ல வழிகளில் பயன்படுத்தவேண்டும். விஞ்ஞானத்தின் வளர்ச்சி இப்போது மிக வேகமானது. இளைஞர்களின் ஒரு பகுதியினர் இதனால் சீரழிகின்றார்கள் என்று இதனை வேண்டாம் என்று ஒதுக்க முடியாத நிலையில் எல்லோரும் இருக்கிறோம். இதனால் ஏற்படும் தீமைகளைவிட நன்மைகளே அதிகம். இதனை இல்லை என்று வாதாடிய எதிரணியினரும் உண்டு என்று தமது உள்மனதுள் சொல்வார்கள் என்பது திண்ணம். எல்லோர் கண்களின் முன்னே அதற்குப் பல ஆதாரங்களும் இருக்கின்றன.

[size=18]சற்று}ம்: (chatrooms)
இங்கே நல்லதும் கெட்டதும் நடக்கின்றன. உறவுமுறை தெரியாமல் உறவாட எத்தனித்தல் போன்ற எத்தனையோ நிகழ்வுகள் நடைபெற்றன. அவற்றையெல்லாம் அவ்வப்போது கேள்விப்பட்டுக்கொண்டே இருக்கிறோம். கவரும் தன்மையைக் கொண்ட ஒன்று தனக்குள்ளே மறைமுகமான பொறியையும் கொண்டிருக்கும் என்றார் ஒருவர். இணையத்தில் புனைபெயரிலே வந்து தொல்லை கொடுப்பவர்கள் இருக்கின்றார்கள். ஆனால் கள உறவுகள் பலர் முன்னர் நடந்த சம்பவங்களை அறிந்ததனால் இப்போது மிகவும் கவனமாக இருப்பதை அறியமுடிகின்றது. இது ஆரோக்கியமானதொன்று.
இங்கே கருத்துப் பரிமாறல்கள் துரிதமாக நடைபெறுகின்றன. ஒரு அழகிய பெண்ணை அல்லது ஆணைக் கண்டால் உடனே காதலும், காமமும்தான் தோன்றவேண்டுமா? ஒர் உடன்பிறவா சகோதரராக, அன்பு கொண்ட ஓர் உள்ளமான ஏன் எண்ணக்கூடாது, உரையாடக்கூடாது? மனம் சுத்தமாக இருந்தால் அங்கே எதுவித துர்ப்பிரயோகங்களும் நிகழாது. மனம் அழுக்காக இருந்தால்தான் அப்படி ஏதும் நிகழும். பெரும்பான்மையான புலம்பெயர்ந்த இளையோர் அப்படிப்பட்டவர்கள் அல்லர். இதனை நாம் கண்கூடாகவே காண்கிறோம்.

[size=18]தேசப்பற்று:
இங்கு பிறந்த வளர்பவர்களுக்கு தாயக உணர்வுகள் இல்லை அல்லது குறைவு என்பதையும் ஏற்கமுடியாது. அண்மையில் நடந்த ஆழிப்பேரலை அனர்த்தம், வெள்ளப்பெருக்கு போன்றவைகளை உதாரணம் காட்டலாம். அதேவேளை தாயகத்திலிருந்து புலம்பெயர்ந்து வந்த சில இளைஞர் கூட்டங்கள் எதுவித பற்றுதல்களுமில்லாமல் ஆங்காங்கே நடக்கின்ற எல்லாவிதமான நிகழ்வுகளுக்குள் (நாட்டுக்காக நடக்கம் நிகழ்வுகள் உட்பட) புகுந்துகொண்டு நிகழ்ச்சிகள் நடக்கும்போது அடிதடி சண்டைகளோடு தேவையில்லாத சப்தங்களை எழுப்பிக்கொண்டும், அருவெருப்பான வார்த்தைகளைப் பேசிக்கொண்டும் அங்கிருக்கும் ஆயிரக்கணக்கான மக்களை மன விரக்திக்கு உள்ளாக்குகின்றார்கள். இது அதிகமான நாடுகளிலும் நடப்பதாகவே அறிகிறோம். இங்கே இணையத்தின் பங்கு இருக்கின்றதா? இங்கும் கட்டுப்பாடு அவசியமாகின்றது.

[size=18]பெற்றேரின் பங்கு:
இன்று பல இலட்சம் மக்கள் தாயகத்தைவிட்டுப் புலம்பெயர்ந்து வாழ்ந்துகொண்டிருக்கிறார்கள். எமது மக்கள் புலம்பெயர்ந்த நாடுகளில் தமது பிள்ளைகளுக்கு சிறந்த கல்வியைக் கொடுக்கவேண்டும் என்பதற்காக என்ன செய்யவும் தயாராக இருக்கின்றார்கள், எவ்வளவு பணம் வேண்டுமாயினும் செலவு செய்ய தயாராகவும் இருக்கின்றார்கள். நாடுவிட்டு நாடு இடம்பெயரவோ, இருக்கும் வீட்டை இரண்டாம்முறை அடகு வைக்கவோ தயங்காத பெற்றோர்களையும் கண்டிருக்கிறோம். பிள்ளைகளுக்கொன பிரத்தியேகப் படிப்பு வசதிகள் செய்துகொடுக்கிறார்கள். புதிய புதிய கணனிகள் வாங்கிக்கொடுத்து இணைய வசதிகளும் செய்துகொடுக்கிறார்கள். இன்று யார் வீட்டில் கணனிகள் இல்லை? அநேகமாக ஒவ்வொரு வீட்டிலும் மடிக்கணனிகள் (laptops) உட்பட ஒன்றுக்கு மேற்பட்ட கணனிகள் இருக்கின்றன. ஒவ்வொரு பிள்ளைகளிடமும் கணனிகள் இருக்கின்றன. சிலர் கூறியதுபோல் பெற்றோர்களின் கணனி அறிவு குறைவாக இருந்தபோதிலும் அநேகமான பெற்றோர்கள் தமது பிள்ளைகள் கணனியிலே, இணையத்திலே என்ன செய்கிறார்கள் என்பதை அவதானித்துக்கொண்டே இருக்கிறார்கள். பிள்ளைகள் ஏதாவது அசாதாரண முறையில் நடப்பதாகச் சந்தேகித்தால் உடனே கணனி விற்பனர்களைக்கொண்டு அவற்றைத் தடுத்துவிடுகிறார்கள். கணனியை ஓர் ஆடம்பரப் பொருளாக சிலர் ஆரம்பத்திலே கையாண்டிருக்கலாம், மற்றவர்களுக்கக் காட்டிப் பெருமைப்பட்டிருக்கலாம் ஆனால் இப்போது இல்லை என்றே கூறவேண்டும். இன்று ஒரு மாணவனிடம் கணனியோ இணையமோ இல்லையென்றால் எப்படி இருக்கும் என்று சிந்தித்துப் பாருங்கள். அவனுக்கோ, அவளுக்கோ கல்வியில் வெறுப்பே ஏற்படும். மற்றைய மாணவர்களைப்போல் தன்னால் செய்ய முடியாதபோது அதனால் ஏற்படும் விளைவுகளை மிகவும் பாரது}ரமானவையாகவே இருக்கும்.

[size=18]பொது:
சில வேளைகளில் மாற்று அணியினரின் கருத்துக்களை அறிந்தோ அறியாமலோ ஒத்துக்கொள்கிறார்கள். அன்புக்குத்தான் அடிமையாகவேண்டும் போதை போன்ற இணையத்திற்கு அல்ல என்றும் புதிய புதிய விடயங்களிலே ஆர்வம் காட்டும் இளையோர் வேறுபட்ட, ஒவ்வாத கலாச்சாரத்தைப் பழகி இணையத்தில் உள்ள நன்மைகளை விட்டுவிட்டு தீமைகளையே நாடுவார்கள். இது இளமைக்கே உரிய குணாதிசயம் என்று கூறினர். "இணையமும் நன்மைகள் தரும் பெருங்கடல்" என்றும் குறிப்பிட்டனர். அதனால் ஆக்கவும் முடியும் அழிக்கவும் முடியும் என்றனர். ஒரு சடப்பொருள் எப்படிச் சீரழிக்கும்?

எதிரணியினரில் ஓரிடத்தில் 1900 புலம்பெயர் தமிழ் இளைஞர்கள்தான் பாவிக்கிறார்கள் என்றார் பின்னர் அதனை விடுத்து இன்னொரு பக்கத்தில் எத்தனையே இலட்சம் பாவிக்கிறார்கள் என்கிறார் இங்கே அவருடைய கருத்தே மாறுபடுகின்றது.

கணனி ஊடகத்தை பாவிப்பவர்களைப் பொறுத்தே அது நன்மை செய்கிறதா? தீமை செய்கிறதா என்று தீர்மானிக்க முடியும். தாம் செய்கிறது தவறு என்று தெரிந்தால் பல இளைஞர்கள் அந்தப்பக்கமே போகமாட்டார்கள். அதே வேளையில் எதற்கும் ஒருமுறை சென்று பார்ப்போம் என்று எண்ணுகின்ற இளைஞர்களும் இல்லாமலில்லை.

பொலிசாரும், குற்றத்தடுப்புப் பிரிவினரும் சில ஆபாசப்படத் தளங்களுக்குள் யாராவது நுழைந்தால் பார்ப்பவர்களின் வீட்டைத்தேடிவந்து கதவைத்தட்டுவார்கள். அப்போதுதான் தாம் செய்தது தவறு என்று புரிந்துகொள்வார்கள். இது காலங்கடந்த ஞானம். இதனை எத்தனைபேர் அறிந்துவைத்திருக்கிறார்கள்?

மனக்கட்டுப்பாடு அவசியம் என்ற வாதம் ஒன்றுக்கு மேற்பட்டவர்களால் முன்வைக்கப்பட்டது. ஆமாம் இது எல்லோருக்கும் மிகவும் அவசியமானதொன்று. நுண்கலைகளைக் கற்பது தொடக்கம் நீதி வழுவாது நேர்வழியில் நின்று தர்மத்தை நிலைநாட்டுவதற்கும் மனக்கட்டுப்பாடு அவசியம். இதற்கு உதாரணமாக தமிழீழ களத்திலே நிற்கும் போராளிகளைக் காட்டினர். "மனம்போன போக்கெல்லாம் போவேண்டாம்" என்றும் "சேராத இடம்தனிலே சேரவேண்டாம்" என்றும் உலக நீதியிலே கூறப்பட்டுள்ளதை யாவரும் அறிந்திருப்பீர்கள்தானே! ஆபாசம், வன்முறை எல்லாம் எங்குதான் இல்லை. ஆனால் அதனை எடுப்பதும் விடுவதும் எம் கைகளில்தான் இருக்கின்றது.

"உடல் உழைப்புக்கு மதிப்பில்லாமல் செய்த இணையத்தை அளவோடு பாவிப்போம். இணையம் எங்களைக் கட்டப்படுத்தக் கூடாது. அது சீரழிவை நோக்கிய பாதை!!!!!" என்றனர் எதிரணியினர். இங்கே மனக்கட்டுப்பாட்டின் அவசியம் அனைவருக்கும் புரிந்திருக்கும்.

"ஆக்க நினைப்பவர்க்கு இணையம் என்றும் ஊக்க சக்தி " சீரழிய நினைப்பவரை சிறு துரும்பும் சீரழிக்கும்" என்றும் "இணையத்தை விட இன்னொரு சக்தி வாய்ந்த இன்னொரு தொழில்நுட்பம் வரும்வரையில் இணைய ஊடகமே உலகத்தை ஆளும்" இதுதான் உண்மை.
பொதுவாகப் பார்க்கப்போனால் இணையத்தினால் புலம்பெயர் இளையோர் புலத்திலே சீரழிந்துபோகின்றார்களா? அப்படிச் சீரழிபவர்கள் எத்தனை வீதமானோர்? இது ஒரு சிறிய அளவேதான். உண்மையில் சீரழிந்து போகிறார்கள் என்றால் எப்படி எம்மவர்களில் பலர் சிறந்த கல்விமான்களாகவும், நல்ல பிரஜைகளாகவும், நல்ல பிள்ளைகளாகவும் வாழ்கிறார்கள்? இங்கே இணையத்தின் பங்கு பெருமளவில் இருப்பதனால்தான் இந்த முன்னேற்றங்கள் எல்லாம் நிகழ்கின்றன.

[size=18]நன்றி:
புலம் பெயர்ந்துவிட்டால் பிறந்த நாட்டையும், படித்த மொழியையும் மறந்துவிடுபவர்கள் ஏராளம். புகுந்த நாட்டின் நாகரீகமோகத்தில் சிக்கி பண்பான எமது பழக்கவழக்கங்களை மறந்து வாழ்பவர்களும் ஏராளம். ஆனால் உலகத்தின் எந்த மூலையில் வாழ்ந்தாலும் தமது நாடு, மொழி, மதம், கலை, கலாச்சாரம், பண்பாடு என்பனவற்றை மறவாது வாழும் உறவுகளால்தான் இவைகள் எல்லாம் பாதுகாக்கப்படுகின்றன. நான் ஒரு தமிழ்மகன் அல்லது தமிழ்மகள் என்று சொல்லோடு மட்டும் நின்றுவிடாது வாழ்ந்துகாட்டுகின்ற உள்ளங்களை எண்ணும்போது, முக்கியமாக இளம் உள்ளங்களை எண்ணும்போது நான் பெருமிதமடைகின்றேன். அதேவேளையில் எமது இளம் சமுதாயத்தினருக்கு நல்லதொரு வழியினை வகுத்து வழிகாட்டிவிடவேண்டும் என்கின்ற துடிப்போடு செயற்படுகின்ற இனிய உள்ளங்களை என் இதயத்தாமரையில் இருத்துகின்றேன். இந்தவகையில் உருவான ஒன்றுதான் இந்தப்பட்டிமன்றம்.

கண்காணாத உறவுளோடு இணையத்தின் ஊடாக களத்தில் கணனியில் மட்டும் கதைத்து, கருத்தெழுதி, கண்டித்து, நகைத்து, வாதித்து, அறிவுரைகூறி, தாம் அறிந்தவற்றை ஏனையோர்களுடனும் பகிர்ந்துகொள்ளும் பண்பை பார்க்கும்போது இதயம் புூரிக்கின்றது. இளைஞர்களின் தமிழ்ப் புலமை என்னைத் தடுமாற வைத்தது. அவர்களின் அலசி ஆராய்ந்து செயற்படும் ஆற்றல் என்னைப் பிரமிக்க வைத்தது. நான் சில வருடங்களுக்கு முன்னர் எழுதிய பாடலின் ஒரு பகுதியை இங்கே தருகிறேன்.

இளவயதில் மேதைகளாய் எம்மிளைஞர் இவ்வுலகில்
எழுச்சிபெற தமிழனென இம்மண்ணில் தலைநிமிர்ந்தேன்
இளையவர்கள் களம்புகுந்து பிறந்தமண்ணின் வளம்காக்கும்
தளராதநிலை கண்டு நிலமகளின் தாள்பணிந்தேன்
மழலையினம் மனமுவந்து அழகுதமிழ் எழுதிவர
அழியாது எம்மொழியின் ஆயுளென அகமகிழ்ந்தேன்

இந்தப்பட்டிமன்றத்திற்கு நடுவரில் ஒருவராக இருக்கும்படி கேட்டபோது என்மேல் இவர்களுக்கு இருக்கும் நம்பிக்கையை நான் மாசுபடுத்திவிடக்கூடாது என்கின்ற மன ஓட்டம் மேலும் வலுவாகியது. இயன்றவரை எல்லோரது வாதங்களையும் அலசி ஆராய்ந்து நல்லதொரு தீர்ப்பைச் சொல்லவேண்டும் என்கின்ற அவாவும் மேலிட்டது. பட்டிமன்றம் ஆரம்பித்த அன்றே எனது அம்மாவும் இறைவனடி சேர்ந்தார். கள உறவுகளின் ஆறுதல் வார்த்தைகளும், அடுத்தடுத்து வந்த அனுதாபச் செய்திகளும் உள்ளத்தை வருடிக்கொடுத்தன. ஏராளமான மன உளைச்சல்கள் ஏற்பட்டபோதிலும் கொடுத்த பணியினை சிறப்புடன் ஆற்ற இரவு பகலாக கணனியோடு காலத்தைக்கழித்தும், வாதங்களைப் பிரதி எடுத்துப் படித்தும் என்னாலானதைச் செய்தேன். எத்தனையோ இன்னல்களுக்கு மத்தியிலும் இவற்றிற்கு எந்நாளும் தோள்கொடுத்த சகோதரி தமிழினிக்கும், இணைப்பாளர் இரசிகைக்கும், அணித்தலைவர்கள் இளைஞன், சோழியன் இருவருக்கும், பங்குபற்றிய அனைத்து உறவுகளுக்கும், களத்திலே இப்படியாக இந்தப் பட்டிமன்றத்தை நடாத்த அனுமதித்த திரு மேகன் அவர்களுக்கும் எனது பாராட்டுதல்களையும், மனமார்ந்த நன்றிகளையும் கூறிக்கொள்கிறேன்.

[size=18]தீர்ப்பு:
மேற்கூறியவைகளிலிருந்து நம் இளையோர்கள் சீரழிவுக்கு உள்ளாகிறார்களா..?? சீரழிவுகளை சந்திக்கிறார்களா..?? என்று கேட்டால்....இருக்கலாம் !! ஆனால் அனைவருமா?? எங்காவது ஒரு சிலர் சீரழிவுகளிற்கு முகம் கொடுக்கலாம்.. அதற்காக ஒட்டுமொத்த இளையோரும் சீரழிகிறார்கள் என்ற உறுதியான ஒரு முடிவிற்கு வந்துவிட முடியாது..! அந்த வகையில்.. இணைய ஊடகத்தால் புலம்பெயர் வாழ் தமிழ் இளையோர் நன்மை அடைகிறார்கள் என்பது இந்த விவாதங்களில் இருந்து அறியமுடிகிறது.

கொலைகாரனைக்கூட தமது வாதத்திறமைகளால் நிரபராதி என்று நிரூபித்தவர்கள் எம்நாட்டிலும் உலகில் பல நாடுகளிலும் இருக்கிறார்கள். ஆனால் உண்மைகளை ஒருபோதும் ஒழித்துவைக்க முடியாது. எல்லோருடைய வாதங்களையும் மேற்கோள் காட்டி இங்கே எழுதவும் முடியாது. அது ஏற்கெனவே எழுதியவற்றை திரும்பத்திரும்ப எழுதுவதாய் முடியும், வாசிப்பவர்களையும் சோம்பலாக்கும், அது தேவையற்றதுமாகும். சிலருடைய வாதங்கள் அவ்வளவும் அற்புதமானவையாக இருந்தன. ஒரு சிலர் மட்டும் வாதம் செய்யவேண்டும் என்பதற்காக வந்து வாதத்தை முன்வைத்தது போலவும் இருந்தது. ஆனால் அனைவரும் தமக்குக் கொடுத்த பணிகளை தம்மால் இயன்றளவு சிறப்பாகவே செய்திருக்கின்றார்கள். பாராட்டுக்கள் பல!

எமது இந்தத்தீர்ப்பு இரு அணியினரும் முன் வைத்த வாதங்களின் அடிப்படையில் நடுவர்களாகிய நாம் இருவரும் சேர்ந்து எடுத்த தீர்ப்புத்தான். இதிலே யாருடைய செல்வாக்கோ, அறிவுரைகளோ இருக்கவில்லை. நாம் யாரையும் அறிவுரை கேட்கவுமில்லை, யாரும் எதுவிதத்திலும் குறுக்கிடவுமில்லை.

பட்டிமன்றம் முயல் வேகத்தில் ஓடி முடிவில் தோல்வியை எம் இளையோருக்குக் கொடுக்காமல் ஆமை வேகத்தில் ஓடினாலும் ஓரு வெற்றியை, ஒரு நல்ல காரியத்தை எல்லோரும் செய்திருக்கிறோம் என்கின்ற மனத்திருப்தியோடு எமது முடிவைக் கூறுகின்றோம்.

[size=18]\"புலம் பெயர் வாழ் தமிழ் இளையோர்கள் இணைய ஊடகத்தால் நன்மை அடைகிறார்கள்\" என்பதே எமது தீர்ப்பு.

நன்றி
வணக்கம்.

[size=18]செல்வமுத்து

வண்ணத்தமிழ் வணக்கங்களுடன்
[size=18]தமிழினி.......! </span>
_________________
வீழ்வது நாமாயினும் வாழ்வது நம் தமிழாகட்டும்.