சமூகச் சாளரம்

இது தெரிந்தால் நீங்களும் இனிமேல் வீட்டு வாசலில் எலுமிச்சை, மிளகாய் கோர்த்து கட்டுவீங்க!

Sun, 24/09/2017 - 10:46

Bildergebnis für வாசலில் சிவப்பு மிளகாய்

முன்பு நாம் கடைபிடித்து வந்த ஒவ்வொரு சிறிய விஷயங்களுக்கு முன்பும் ஏதோ ஒரு நல்ல விஷயம் புதைந்திருக்கிறது. காலப்போக்கில் அவற்றை மறந்து நாம் அதை மூட நம்பிக்கை என கூற துவங்கிவிட்டோம். அதில் ஒன்று தான் வீட்டு வாசலில் எலுமிச்சை, மிளகாய், கரி சேர்த்து கட்டுவது.

வாராவாரம் நமது வீடுகளில் வெள்ளிக்கிழமை அன்று வீட்டு வாசலில் தொங்கும் எலுமிச்சை, மிளகாய், கரி சேர்த்து கட்டுவது வழக்கமாக இருக்கும். புதியதை கட்டிய பிறகு, பழையதை யார் காலும் படாதபடி இடத்தில் வீசிவிட வீட்டில் உள்ள பெரியவர்கள் கூறுவார்கள்.

ஏன் இதை நமது முன்னோர்கள் செய்தனர்? இதன் பின்னணியில் மறைந்திருக்கும் அறிவியல் காரணம் என்ன?

எலுமிச்சை, சிவப்பு மிளகாய், கரி சேர்த்து வீடு, அலுவலகம் வாசலில் கட்டுவது ஏன் என்று கேட்டால். பெரும்பாலும் அனைவரும் அலக்ஷ்மி கதை தான் கூறுவார். அலக்ஷ்மி என்பது மூதேவி என அறியப்படும் லக்ஷிமியின் தங்கை ஆவார். இவர் வீட்டில் உள்ள செழிப்பை எடுத்து சென்று விடுவார். என்ற கதை ஒன்றை கூறுவார்.

அலக்ஷ்மி, புளிப்பு, காரம், சூடான பொருட்களை விரும்புவார். அதனால் வீட்டு வாசலில் எலுமிச்சை, மிளகாய், கரி சேர்த்து கட்டி வைப்பதால், அவருக்கு பிடித்தமான இவற்றை சாப்பிட்டு, வீட்டுக்குள் நுழையாமல் சென்றுவிடுவார். இதனால், செழிப்பு தங்கும் என நம்புகிறார்கள்.

எலுமிச்சை மற்றும் மிளகாயில் வைட்டமின் சி நிறைய இருக்கிறது. இதில் கயிறு கோர்த்து கட்டும் போது. காட்டன் கயிறு அந்த ஊட்டச்சத்துக்களை உறிஞ்சிக் கொள்ளும். மெல்ல, மெல்ல அது ஆவியாக வெளிப்படும்.

இவ்வாறு வெளிப்படும் காற்றை சுவாசிப்பதால் சில ஆரோக்கிய நன்மைகள் இருக்கின்றன. எலுமிச்சை, மிளகாயில் இருந்து வெளிப்படும் வாசத்தை தாண்டி, இது நச்சுக்கள் வீட்டுக்குள் நுழையாமல் பாதுகாக்கின்றன. இதனால் நோய் தொற்றுகள் அண்டாமல் பாதுகாப்பாக இருக்க முடியும்.

சிலர் இப்படி வாசலில் கட்டி வீசிய பழைய எலுமிச்சை, மிளகாயை காலால் மிதிக்க கூடாது. மிதித்துவிட்டால் கால்களை கழுவாமல் அப்படியே வீட்டுக்குள் வரக் கூடாது என கூறுவார். கழற்றி எறிந்த பழைய எலுமிச்சை மிளகாய் நிறைய நச்சுக்களை உள் தாங்கி இருக்கும். இதை மிதித்து அப்படியே வீட்டுக்குள் வந்தால் நச்சுக்கள் பரவும் என்பதால் தான். இதை மிதிக்க கூடாது என்கிறார்கள்.

இன்று வீட்டில் நச்சுக்கள் அண்டாமல் இருக்க பல பூச்சிக் கொல்லிகள் வந்துவிட்டன. ஆனால், இரசாயன கலப்பு கொண்ட அவற்றை நாம் சுவாசிப்பதால் நாள்பட சுவாசக் கோளாறுகள் உண்டாகலாம். ஆனால், இந்த இயற்கை முறையால் உடல்நலக் கோளாறுகள் ஏற்பட வாய்ப்புகள் இல்லை.

ஏதோ காரணத்திற்காக கடைப்பிடிக்கப்பட்டு வந்த ஒரு செயல்பாடு. பிற்காலத்தில். மூட நம்பிக்கை, ஒரு மதத்தை சார்ந்தவர்கள் மட்டுமே செய்ய வேண்டியது என மருவிவிட்டது என்பது தான் உண்மை! 

 

Manithan.com

Categories: merge-rss

இலங்கை: கருக்கலைப்பு சட்டம் பெண்களுக்கு வரமா? சாபமா?

Sat, 23/09/2017 - 19:01
இலங்கை: கருக்கலைப்பு சட்டம் பெண்களுக்கு வரமா? சாபமா?
கோப்புப்படம்படத்தின் காப்புரிமைGETTY IMAGES Image captionகோப்புப்படம்

"ஒன்பது மாதங்கள் கஷ்டப்பட்டு குழந்தையை பிரசவித்தேன். அது கருவில் இருக்கும்போதே உயிர் பிழைக்க வைப்பது கஷ்டம் என மருத்துவர்கள் தெரிவித்துவிட்டார்கள். பிரசவித்தபின் குழந்தைக்கு பொருத்தியிருந்த கருவியை அகற்றப் போவதாகவும் கூறினார்கள். குழந்தையை என் கையில் ஏந்தக்கூட அவர்கள் தரவில்லை. தாய்பாலும் ஒரு குழாய் வழியாகத்தான் ஊட்டப்பட்டது. கடைசியில் அக்குழந்தை இறந்து விட்டது" என்று மனவேதனையை தெரிவிக்கிறார் குழந்தையைப் பிரசவித்த தாயொருவர்.

வயிற்றில் கருவாக இருந்தவேளை 3ம் மாதத்திலேயே அது இறந்துவிடும் என்பதை உறுதி செய்திருந்தாலும் கருக்கலைப்பு சட்டத்தின் கீழ் கர்ப்பத்தை முடிவுக்கு கொண்டு வர அனுமதி கிடையாது என மருத்துவர்கள் தெரிவித்துவிட்டதாக தனது பெயரை குறிப்பிட விரும்பாத பெண் ஒருவர் கூறியுள்ளார்.

ஒரு வாரம் கூட உயிர் வாழப் போவதில்லை என்று கூறப்படும் குழந்தையை வைத்துக் கொண்டு படும் கஷ்டங்கள் அந்த தாய்க்கு மட்டுமேதான் புரியும், வேறு யாருக்கும் புரியப்போவதில்லை என்பதை அவர் வழங்கிய தகவல்கள் மூலம் அறியமுடிகின்றது.

கோப்புப்படம்படத்தின் காப்புரிமைGETTY IMAGES Image captionகோப்புப்படம்

வைத்திய விஞ்ஞானத்தின்படி கருவில் தீவிரக் குறைபாடு (serious foetal impairments) இருந்தால் 15 முதல் 20 வாரங்களில் இனம் காண முடியும். சிறப்பு மருத்துவர்களின் கூற்றுப்படி, அநேகமான குழந்தைகள் உயிருடன் பிறப்பது இல்லை. அதனை அறிந்தும் கர்ப்ப காலத்தைத் தொடர வேண்டிய நிலை அந்தப் பெண்களுக்கு ஏற்படுவதாக மருத்துவத் துறையினரால் சுட்டிக் காட்டப்படுகிறது.

இந்தியாவில் பாலியல் வன்முறை காரணமாக கருவுற்ற 10 வயது சிறுமிக்கு கருக்கலைப்பு செய்ய நீதிமன்றம் அனுமதி மறுத்த சம்பவத்தை சுட்டிக் காட்டுகின்ற இலங்கையிலுள்ள மருத்துவ துறையினர் இவ்வாறு வயது குறைந்த பெண் பிள்ளைகள் கருவுற்றல் இலங்கையிலும் பதிவாகியுள்ளதாகக் கூறுகின்றனர்.

"அவ்வாறு கருவில் தீவிர குறைபாடுடைய குழந்தையை சுமக்கிற தாய்க்கு குழந்தை பிரசவமாகி உயிர் வாழும் காலம் வரை சுகாதார சேவைகள் கிடைக்க வேண்டும்," என்று கூறுகிறார் சுகாதார அமைச்சகத்தின் குடும்ப சுகாதார பணியக சமூக மருத்துவ நிபுணரான டாக்டர் கபில ஜயரட்ன.

"பிறவிக் குறைபாடுடைய பிள்ளைகளின் பெற்றோர் சமூக ரீதியாக பொருளாதார ரீதியாக பிரச்சினைகளுக்கு முகம் கொடுக்கிறார்கள். அது போன்று பாலியல் துஷ்பிரயோகத்திற்குள்ளான இள வயது பெண் பிள்ளைகளும் உள ரீதியாக மன ரீதியாக அழுத்தங்கள் தொடர்பாக புதிதாகக் கூற எதுவும் இல்லை." என்றும் அவர் தெரிவிக்கின்றார்.

கோப்புப்படம்படத்தின் காப்புரிமைGETTY IMAGES Image captionகோப்புப்படம்

இலங்கையில் குற்றவியல் சட்டத்தின் கீழ் கருவினால் தாயின் உயிருக்கு ஆபத்து ஏற்படும் என கருதப்பட்டால் அந்த சந்தர்ப்பத்தில் மாத்திரம் தான் கருக்கலைப்புக்கு அனுமதி கிடைக்கின்றது.

தற்போது மருத்துவ நிபுணர்கள் குழுவொன்றினால் பாலியல் துஷ்பிரயோகம், இள வயது கர்ப்பம் (பாலியல் துஷ்பிரயோகம்), கருவில் தீவிர குறைபாடு போன்ற காரணங்களின் நிமித்தம் கருக்கலைப்புக்கு அனுமதியளிப்பது தொடர்பான பரிந்துரைகள் முன்வைக்கப்பட்டு ஏற்கனவே கொள்கையளவில் ஏற்றுக் கொள்ளப்பட்டுள்ளன.

பௌத்த, கத்தோலிக்க மற்றும் இஸ்லாமிய மதத் தலைவர்களிடமிருந்து அதற்கு கிளம்பியுள்ள எதிர்ப்புகள் காரணமாக அந்தப் பரிந்துரைகள் தற்போது கிடப்பில் போடப்பட்டுள்ளன.

"கருக்கலைப்பு தொடர்பாக சமூகத்தில் மத ரீதியாக பல்வேறு கருத்துக்கள் இருந்தாலும் குறித்த தரப்பு பெண்கள் முகம் கொடுக்கின்ற துன்பகரமான தலை விதியை கருதி அவர்களுடைய கர்ப்பததை முடிவுக்கு கொண்டு வர அவர்களுக்கு இடமளிக்கப்பட வேண்டும். " என்கின்றார் வைத்திய நிபுணர் டாக்டர் கபில ஜயரட்ன.

கோப்புப்படம்படத்தின் காப்புரிமைGETTY IMAGES Image captionகோப்புப்படம்

"இவ்வாறான தலைவிதிக்கு முகம் கொடுக்கும் பெண்களை மனிதாபிமானத்துடன் பார்க்க வேண்டும்," என்ற கருத்தையும் அவர் வெளியிட்டிருக்கிறார்.

"கருக்கலைப்பு தொடர்பான சட்ட விதிகளில் குறித்த காரணங்களுக்காக தளர்வு ஏற்படுத்தப்பட்டாலும் அதனை துஷ்பிரயோகம் செய்வதைத் தடுக்கும் வகையிலான நடவடிக்கைகளை எடுக்க முடியும் " என்றும் டாக்டர் கபில ஜயரட்ன குறிப்பிடுகின்றார்.

இலங்கையில் வருடாந்தம் சராசரி 6,000 பிறப்பு குறைபாடுடைய பிரசவங்கள் இடம் பெறுவதாக சுகாதார அமைச்சின் குடும்ப சுகாதார வாரியத் தகவல்களின்படி அறியமுடிகிறது.

இவற்றில் 68 சதவீதமான குழந்தைகள் ஒரு வாரத்திற்குள் இறக்கின்றன. 500 - 600 வரையிலான குழந்தைகள் ஒரு வருடத்திற்குள் இறக்கின்றன. 1,700 குழந்தைகள் தாயின் கருவிலே உயிரிழக்கின்றன என்றும் அந்த தகவல்கள் மூலம் அறிய முடிகின்றது.

 

http://www.bbc.com/tamil/global-41358825

Categories: merge-rss

ஆனா ஒன்னுடே! எந்த பிள்ளையையும் பெத்தவனுக ஆரோக்கியமா வளர்க்கலை

Sat, 23/09/2017 - 10:59

66 வயசுலயும் கண்ணாடி போடல. என்ன கொஞ்சம் ரொம்பவே பொடியான எழுத்துகள் மட்டும் சிறிது மங்கலாகத் தெரிகிறது. ஆனாலும் படித்துவிட முடிகிறது. ஆனால் 5ம் வகுப்பு படிக்கும் பேரன் கண்ணாடியை போட்டுக் கொண்டு குறுக்கும், நெடுக்குமாக நடக்கையில் ஏதோ ஒரு வகையில் பரிதாபமும் எட்டிப் பார்க்கிறது.

அவசர உலகுக்குள் பயணப்பட்டுக் கொண்டிருக்கிறோம். எல்லாவற்றிலும் விரைவு காட்டல் இங்கு வழக்கப்பட்டுவிட்டது. அதனால்தான் பலரது வாழ்க்கையும் இப்போது விரைவு காட்டி கிளப்பி விடுகிறது. என் கண்முன்பே நான் அன்று உண்டு மகிழ்ந்த பதார்த்தங்கள் பலவும் துரித உணவு கலாச்சாரத்தில் மூழ்கித் தொலைக்கப்பட்டுவிட்டது. நாஞ்சில் நாட்டில் முன்பெல்லாம் வீட்டுக்கு, வீடு காலையில் கருப்பட்டி காபி கிடைக்கும். இப்போது கருப்பட்டி வாங்கும் வீடுகளையே விரல் விட்டு எண்ணி விடலாம். முன்பெல்லாம் கேஸ் அடுப்புக் கலாச்சாரம் தலைதூக்காத அந்த பொழுதில் சமையல் அறையில் மண், கல் கொண்டு சிமெண்ட் கலவையால் அடுப்பு செய்யப்பட்டிருக்கும்.

jaggery-tea-701x701.jpg

படம் – blogspot.com

அதில் ஒரு அடுப்பில் பிரதானமாக சமையல் நடக்கும். இன்னொரு அடுப்பில் எப்போதுமே ஒரு பானையில் கொதிநிலையில் கருப்பட்டி காபி கிடக்கும். இதை அப்போது கொடி அடுப்பு என சொல்லுவது உண்டு.  வெளியிலே சென்று உற்சாகமாக விளையாடிவிட்டு, உள்ளூர் குளத்தில் நாள் எல்லாம் மூழ்கி குளித்து விட்டு, அவ்வப்போது வீட்டுக்கு வந்து கருப்பட்டி காபியையும், கருப்பட்டி போட்டு பிசைந்து வைத்த அவலையும் சாப்பிட்ட நாட்கள் எல்லாம் இப்போது கற்பனை போல் தெரிகிறது.

தெருவிலே முன்பைப் போல் அவல் கொண்டு வரும் ஆட்களையும் அதிகம் காணவில்லை. இன்னும் சொல்லப்போனால் கிராமப் பகுதிகளிலேயே அரிதாகி விட்டது. இப்போதெல்லாம் நாஞ்சில் நாட்டில் சித்திரையில் கட்டிக் கொடுத்த பெண் வீட்டாருக்கு சம்பிரதாயமாக அவல் கொடுப்பதோடு, அதனோடு உள்ள பந்தம் முடிந்து விட்டதாக தோன்றுகிறது.

kezhvaragu-sappiduvathal-undagum-nanmaig

படம் – isha.sadhguru.org

உள்ளூரில் பெட்டிக் கடை வைத்திருக்கும் பொன்னுச்சாமி என்னோடு ஆறாம் வகுப்பு வரை படித்தவன். அதன் பின்னர் அவனது அப்பாவோடு சேர்ந்து கடைக்குள் சங்கமித்து விட்டான். ஒரு காலைப் பொழுதில் அவன் கடையில் இருந்து பேசிக் கொண்டிருந்தேன். வரிசையாக வந்த பலரும் 3 நிமிடங்களில் தயாராகிவிடும் நூடூல்ஸ் வகையறாக்களை வாங்கி சென்று கொண்டிருந்தனர். இன்னும் சிலர் குழந்தைகளை கையோடு அழைத்து வந்தனர். குழந்தைகள் பேக் செய்யப்பட்ட சில பொருள்களை கை சுண்டி காண்பித்தன. அத்தனையும் உடலுக்கு தீங்கு தரக்கூடிய பேக் செய்யப்பட்ட பதார்த்தங்கள். கூடவே பாக்கெட்டை பிரித்தால் நான்கோ, ஐந்தோ வறுத்த, பொரித்த…ஏதோ ஒரு மண்ணு(!) அதனோடு, மீதியெல்லாம் காற்றை அடைத்து பெரிதாக்கியதை விருப்பத்தோடு வாங்கி சென்றனர்.

ஏ…பொன்னுச்சாமி, உனக்கு கடையில பாதி வியாபாரம் இதுதானோ? என்றேன். ஆமாடே என்றவன் என்ன நினைத்தானோ புலம்பித் தீர்த்து விட்டான். ‘’இதெல்லாம் போட்டாத் தான் கடை பக்கமே ஜனங்க வருது. இங்க பாரு கடலை மிட்டாய். வாங்கிப் போட்டது அப்படியே கிடக்கு. ஆனா பாரு இந்த கிண்டர் ஜாய் மிட்டாய் 40 ரூபாய். இது மட்டுமே இந்த சாதாரண கிராமத்துல காலையில் இருந்து 8 வித்துருக்கேன். மேகி, இப்பி நூடுல்ஸ் இதுல்லாம் நேரம் காலம் இல்லாம விக்கும். ஒரு நாளைக்கு இருபது, முப்பது சாதாரணமாகவே! எல்லா சாக்லேட்டும் ஒரு வாரத்துல தீர்ந்து, அடுத்தது வாங்கிப் போடுவேன். ஆனா ஒன்னுடே எந்த பிள்ளையையும் பெத்தவனுக ஆரோக்கியமா வளர்க்கலை..” அவன் பேச, பேச நினைவுகள் கடந்த காலங்களை அசைபோட்டுக் கொண்டே இருந்தது.

sweets-241016_1920-701x405.jpg

படம் – pixabay.com

முன்பெல்லாம் எங்கல் நாஞ்சில் நாட்டில் வீட்டுக்கு வீடு சம்பா அரிசி தான். எங்கள் வீட்டில் எல்லாம் அப்போது தோசைக்கு மாவு அரைப்பதே அதிசயமான ஒன்றாக இருந்தது. அமாவாசை, பொளர்ணமி, கோவில் திருவிழா, தீபாவளி என நல்ல நாள்களுக்குத் தான் மாவு அரைத்து தோசை, இட்லியே கண்ணில் காட்டப்படும். ஆனாலும் ஆரோக்கிய உணவுக்கு குறை கிடையாது. பெரும்பாலான நேரங்களில் கருப்பட்டி தோசை வீட்டில் இடம் பிடிக்கும். சினை இட்லி அம்மா அவிப்பது தெரு முழுக்கவே மணக்கும்.

சினை என்பதன் பொருள் கருவுற்று இருத்தல். இட்லி கருவுறுமா என்ன? அது போல தோற்றத்தில் இருக்கும் இந்த இட்லி. இந்த சினை இட்லிக்குள் சிறுபயிறு, தேங்காய், சர்க்கரை, ஏலம், சுக்கு என ஆரோக்கிய பொக்கிஷமே இருக்கும். இதன் முன்பு உங்கள் பீசாவும், பர்க்கரும் பிச்சை எடுக்கத்தான் வேண்டும். இன்றைக்கெல்லாம் கணவனும், மனைவியும் வேலைக்கு செல்லும் அவசரத்தில் இருக்கிறார்கள். அதனை கவனத்தில் கொண்டே பெரு நிறுவனங்கள் துரித உணவுகளை கடை விரிக்கின்றன. இன்று மருத்துவமனைகள் இத்தனை அதிக அளவில் பெருக்கெடுத்திருப்பதில் துரித உணவுகளுக்கே மிக முக்கிய பங்கு உண்டு.

sweet-paniyaram1.jpg

படம் – vegrecipesofindia.com

துரித உணவுகளின் எதிர்விளைவில் நம்மிடம் இருந்த பல பாரம்பர்ய நெல் ரகங்களையும் நாம் இழந்து விட்டோம். எங்கள் குமரி மாவட்டத்திலேயே அறுபதாம் குறுவை என ஒரு உள்ளூர் ரகம் இருந்தது. இது 60 நாளில் விளைந்துவிடக் கூடியது. என் அப்பா காலத்தில் எங்கள் வயலில் கூட அறுபதாம் குறுவை பயிர் செய்து பார்த்திருக்கிறேன். இன்று இந்த பாரம்பர்ய நெல் ரகம் தேடிய போதும் கிடைக்கவில்லை. குமரியில் பேச்சிப்பாறை மலைப் பகுதியில் வசிக்கும் காணி என்னும் பழங்குடி இன மக்களிடம் கரை நெல் என ஒரு பாரம்பர்ய நெல் ரகம் இருந்தது. என்னோடு படித்து, வேளாண் துறையில் பணியாற்றி ஓய்வு பெற்ற நண்பர் ஆறுமுகம் அடிக்கடி இதைப் பற்றி சொல்லிக் கொண்டிருப்பார். ஆனால் இப்போது அந்த நெல்லும் சாகுபடி செய்ய ஆள் இல்லை என அவர் சொல்லிக் கேட்ட போது பீசாக்களும், பர்க்கரும் நம் பாரம்பர்யத்தை எத்தனை வீரியத்துடன் காவு வாங்கி வருகிறது என்று தோன்றியது.

paddy-265820_1920-701x526.jpg

படம் – vegrecipesofindia.com

மனித வாழ்வின் மிகப்பெரிய சொத்தே ஆரோக்கிய சம்பாத்யமே. எத்தனை லட்சங்கள் சேர்த்து வைத்திருந்தாலும், உடலில் சர்க்கரை வியாதியை சேர்த்துக் கொண்டால் வாழ்க்கை இனிக்குமா என்ன? அன்று என் வீட்டில் எத்தனை, எத்தனை சிறுதானிய உணவுகள் இருந்தன? கேழ்வரகு, குதிரைவாலி, சாமை, தினை இன்னும், இன்னும் சொல்லிக் கொண்டே போகலாம். தினை பாயாசமும், சாமை பொங்கலும் உண்டு கழித்த நாள்களில் இருந்து இன்றைய நாள்களைப் பார்க்கிறேன். ‘’காலையில் கோதுமை தோசையையும், மாலையில் கோதுமையில் சப்பாத்தியையும் தட்டில் வைத்து விட்டு மனைவி சொல்கிறாள். 65 வயசு தாண்டிருச்சு. இனி இதைத் தான் சாப்பிட வேண்டும் என்று!” என் பாரம்பர்ய, ஆரோக்கிய உணவுகளுக்கு விடை கொடுத்து விட்டு, போகாத ஊருக்கு வழிகாட்டிக் கொண்டிருக்கிறாய் என்றேன். சிரித்துக் கொண்டாள்.

ஒரு முறை ஒரு இயற்கை அங்காடிக்கு சென்று நிரம்ப சிறுதானியங்களை வாங்கி வந்து வீட்டில் போட்டேன். கட்டிச் சம்பா அரிசியும் கொணர்ந்து வந்திருந்தேன். நானும் இன்று, சமைப்பாள்…நாளை சமைப்பாள் என காத்துக் கொண்டே இருந்தேன். தட்டில் ஒரு நாளும் சிறுதானியம் வந்த பாடில்லை. மெல்ல மனைவியிடம் இது குறித்து கேட்டேன். ‘’ஏங்க அவ்வளவும் காசு கொடுத்தா வாங்குனீங்க? நான் கூட யாரோ அவுங்களுக்கு கிடைச்சதை உங்க தலையில கட்டிட்டாங்கன்னு அடுத்த வீட்டு அக்காட்டல்லா கொடுத்துட்டேன்.”என்றாள்.

corn-2729195_1920-701x467.jpg

படம் – pixabay.com

இவ்வளவு தான் இன்று நம் ஆரோக்கிய புரிதல். கடந்த வாரம் சென்னையில் இருக்கும் மகள் வீட்டுக்கு சென்று திரும்பியவள் பேரக் குழந்தைகளுக்கு வாங்கி வைத்த நூடூல்ஸ் வகையறாக்களையும், பேக்கிங் செய்யப்பட்ட நொறுக்குத் தீனி வகையறாக்களையும் எடுத்துக் கொண்டு வந்திருக்கிறாள்.

இப்போது இரண்டு, மூன்று நாள்களாக வழக்கமான கோதுமை தோசை, சப்பாத்திகளும் கூட தட்டில் இல்லை. நூடூல்ஸ் ஐட்டங்களாக வருகிறது. இன்னும் எத்தனை பாக்கெட் தான் வைத்திருக்கிறாளோ? தெரியவில்லையே இறைவா!… எனத் துடிக்கிறேன். வேறு என்ன செய்ய முடியும். குடும்ப ஒற்றுமை ஓங்க நாம் இந்த வேசத்தையும் போடத்தானே வேண்டியுள்ளது. காலை, இரவு தான் என்றில்லை. இப்போதெல்லாம்  மாலையில் டீ குடிக்கும் போதும் நூடூல்ஸ் தருகிறாள். ‘’சென்னைக்கு போனமுல்லா… பேரப் பிள்ளைகளு ஸ்கூலு போயிட்டு வந்ததும் இதைத் தான் சாப்பிடுதுங்க…” என்பவளிடம் சிறுதானியத்தை பற்றி சொன்னால் ம்…ஹூம்….என்கிறாள்.

அடக்கவே முடியாமல் கேட்டே விட்டேன். ‘’சென்னையில் இருந்து அப்படி எத்தனை பாக்கெட் தான் எடுத்துட்டு வந்த? இன்னுமா தீரல”

இந்த கேள்வியை கேட்டதும்தான் தாமதம். மறு நொடியில் பதில் சொன்னாள். ‘’அதெல்லாம் அன்னிக்கே தீர்ந்துடுச்சு. இது நான் வாங்குனது. மொத்தம் 10 பாக்கெட் வாங்கிப் போட்டுட்டேன். இன்னும் ஒன்னு தான் கிடக்கு. நாளைக்கு திரும்ப வாங்கணும். இங்க நம்மூருல தான் வாங்குனேன். உங்க சினேகிதன் பொன்னுச்சாமி அண்ணன் கடை தான்!” என்றாள்.

இப்போதுதான் பொன்னுச்சாமி என்னிடம் சொன்ன விற்பனை கணக்குக்கும், என் வீட்டுக்கும் உள்ள தொடர்பும் தெரிகிறது.

https://roar.media/tamil/life/memories-of-healthy-food-culture/

 

Categories: merge-rss

போர்னோகிராஃபி : ஆபாசப் படங்களின் இருண்ட பக்கம்

Sat, 23/09/2017 - 07:54

ஸ்ரேல் தலைநகரம் டெல் அவிவ் நகரில் மனித இனங்களைப் பற்றி ஆராய்ச்சி செய்து வருகிறார் ரான் காவ்ரியேலி. அவர் போர்னோகிராஃபி (pornography) எனப்படும் ஆபாசப் படங்களை பார்க்கும் வழக்கம் உடையவர். ஒருநாள் அப்பழக்கத்தை நிறுத்திவிட்டார். ஆபாசப்படங்கள் பார்ப்பதால் ஏற்பட்ட பிரச்சினைகளை அனுபவமாகக் கூறுகிறார்.

 

ஆபாசப் படங்களைப் பார்ப்பது எனக்கு இரண்டு விதமான பிரச்சினைகளை ஏற்படுத்துகின்றது.

  1. என்னுடைய சொந்த உணர்ச்சிகளைச் சாகடித்து பாலியல் மீதான புரிதலை பெண்களுக்கெதிரான ஒரு வெறுப்புணர்வு மற்றும் வன்முறைக் குணமாக மாற்றுகிறது.
  2. நான் ஆபாசப் படத்தைப் பார்ப்பது அதற்கான சந்தைத் தேவையை அதிகரித்து விபச்சாரத்தைத் திரைப்படமாக்கிக் காசு பார்ப்பவர்களை மேலும் மேலும் ஊக்கப்படுத்துகிறது.

காதல், திருமணம், உடலுறவு குறித்த என் சொந்த உணர்ச்சியில் இது போன்ற எண்ணங்கள் வந்ததே இல்லை. ஆனால் “போர்னோ”-வைப் பார்த்த பிறகு என்னுடைய கண்ணோட்டத்தையே அது மாற்றிவிட்டது. விபச்சாரத்தைப் பொருத்தவரை அது யாருடைய கனவுலக வாழ்க்கையும் கிடையாது. துன்ப துயரங்களினாலோ அல்லது வறுமையினாலோ அல்லது பெற்றோரிடமிருந்து கடத்தப்படுவதாலோ விபச்சாரம் ஒரு பெண்ணின் மேல் திணிக்கப்படுகிறது.

Women.jpg

வறுமையினாலோ அல்லது பெற்றோரிடமிருந்து கடத்தப்படுவதாலோ விபச்சாரம் ஒரு பெண்ணின் மேல் திணிக்கப்படுகிறது.

ஆபாசப்படத்தில் பெண்ணுக்கெதிரான உச்சகட்ட ஆணாதிக்கம் வெளிப்படுவதைக் காணலாம். ஆபாசப் படத்தில் நீங்கள் பார்ப்பது பெண்ணுக்கெதிரான பாலியல் வன்முறையே. ஆபாசப் படம் எடுக்கப்படுவதைக் கவனித்தால் பெண் எப்படி ஒரு அருவறுக்கத்தக்க அடிமையாகப் பயன்படுத்தப்படுகிறாள் என்பதை நன்றாகப் புரிந்து கொள்ள முடியும்.

தோன்றிய சில நிமிடங்களிலேயே ஆணுறுப்பு பெண்ணின் மலத் துவாரத்திலோ, பிறப்புறுப்பிலோ அல்லது வாயிலோ திணிக்கப்படுகிறது. அப்படித் திணிக்கப்படும்போது பெண் தன்னுடைய சிகை அலங்காரத்திற்கு எந்தப் பாதிப்பும் ஏற்படாமல் பார்த்துக் கொள்ள வேண்டும். ஏனென்றால் பெண்ணிற்கு போடப்படும் அனைத்து சிகையலங்காரங்களும் ஒரு முதலீடு; அது பார்ப்பவரைக் கவரும் வகையில் காட்சிப்படுத்தவேண்டும். ஆபாசப் படத்தைப் பொருத்தவரையில் பெண் உட்பட எல்லாமே முதலீடு தான்.

நீங்கள் ஒன்றைக் கவனித்தீர்களா? 90 சதவீத ஆபாசப் படங்களில் ஆணும், பெண்ணும் தங்கள் கைகளைப் பயன்படுத்த அனுமதிக்கப்படுவதேயில்லை. அதாவது எல்லாமே செயற்கையான, இயற்கைக்கு முரணான வகையிலேயே காட்சிப்படுத்தப்படுகிறது. அதிக பட்சமாக ஆணுறுப்பும், பெண்ணுறுப்புமே காட்டப்படுகிறது.

இதில் அதிகம் கேலிக்குள்ளாக்கப்படுவது பெண் தான். சகித்துக் கொள்ள முடியாத கெட்ட வார்த்தைகளில் பெண்ணுறுப்பை வர்ணிப்பது, பெண்களை கட்டாயப்படுத்தி இயற்கைக்கு முரணான வழிகளில் அமரவோ, படுக்கவோ வைத்து உறவில் ஈடுபடுவது, புட்டத்தில் அடிப்பது, ஒன்றுக்கு மேற்பட்ட ஆண்கள் சேர்ந்து ஒரு பெண்ணைப் புணருவது, இப்படி எல்லா விதத்திலும் பெண் கேவலப்படுத்தப்படுகிறாள்.

Porn-Kills-love-379x300.jpg

 

ஆபாசப் படங்களைப் பார்ப்பதற்கு முன்னர் பெண்ணைப் பற்றிய அதாவது ஒரு பெண்ணைக் காதலிப்பது குறித்து என்னுடைய சிந்தனை எப்படியிருந்தது? “நான் காதலிக்கும் பெண்ணிடம் என் காதலை எப்படி சொல்லப்போகிறேன்; அதற்கு அவள் என்ன பதிலளிப்பாள்; அவளை எங்கே சந்திக்க வேண்டும், என்ன உடை உடுத்த வேண்டும்; இப்படித்தான் என்னுடைய எண்ண ஓட்டம் இருந்தது. ஒரு வேளை என் காதல் அவளால் அங்கீகரிக்கப்பட்டால் அது எப்படி படிப்படியாக முன்னேறி திருமண பந்தத்தில் போய் நிற்க வேண்டும்” என்பது குறித்துத் தான் அதிகம் சிந்தித்திருக்கிறேன்.

ஆனால் ஆபாசப்படங்களைப் பார்த்த பின்னர் அது என்னை வெகுவாக ஆட்கொண்டு விட்டது. அது என்னுடைய சிந்திக்கும் திறனையே அழித்து விட்டது. பெண்ணியம், காதல், காமம் குறித்த என்னுடைய கற்பனையே அழிந்து விட்டது. நான் ஒரு மனிதன் என்பதை ஏற்றுக்கொள்வதே அத்துணை சிரமமாக இருந்தது. இளைய தலைமுறையினர் மட்டுமல்ல ஒவ்வொரு ஆணும் ஆபாசப் படங்களைப் பார்ப்தன் மூலம் ஒரு பெண் துன்பப்படுத்தப்படுவதற்குக் காரணமாக அமைகின்றோம்.

ஆபாசம் நம்மை அடிமையாக்குகிறது; இல்லை அடிமைப்படுத்துகிறது;  அடிமைப்படுத்துவதென்பதை எப்படிப் பார்க்க வேண்டும்? ஆபாசப்படம் ஒரு இளைஞனுக்கோ இல்லை அல்லது பொதுவாக ஆண்களுக்கோ என்ன கற்றுத்தருகிறதென்று பார்த்தால் “நீ ஒரு ஆண்மகன்; காமத்தில் உன்னுடைய ஆண்குறியின் மதிப்பு அளவில்லாதது; ஏனென்றால் அது நீளமானது; நீ யாரிடம் உறவு கொள்கிறாய் என்பது பெரிதல்ல; மேலும் நீ புணரக்கூடிய பெண் அழகானவள், நிறைய படித்தவள், சூழ்நிலையை அழகாகக் கையாளத் தெரிந்தவள் என்பதெல்லாம் மதிப்பிற்குரியவையே அல்ல. மாறாக நீளமான உன்னுடைய ஆண்குறிக்குத் தான் அத்தனை புகழும் உரித்தாகும்”. இதைத் தான் ஆபாசம் நமக்குக் கற்றுத் தருகிறது.

இன்று சமூகத்தில் பாலியல் வன்கொடுமைகள் எண்ணி மாளாத வகையில் அதிகரித்த வண்ணம் உள்ளது. இதற்குக் காரணம் என்ன? இளைஞர்களைப் பொருத்தவரை காமம் என்பது பேசு பொருள் என்ற நிலையிலிருந்து மாறி காட்சிப் பொருளாகி விட்டது. இணையம், அலைபேசி, மடிக்கணினி இப்படி எதைத் தொட்டாலும் ஆபாசப்படங்கள் கிடைப்பது எளிதாகிவிட்டது. ஆனால் பெண்களைப் பொறுத்தவரை அவர்களுக்கும் ஆபாச வீடியோக்கள் பகிரப்படுகின்றன.

மேலும் தொலைக்காட்சி நிகழ்ச்சிகளிலோ, விளம்பரங்களிலோ அல்லது திரைப்படங்களிலோ கதாநாயகிக்குத் தரப்படும் சிகையலங்காரம், காதலனிடம் காதல் வயப்படும் தருணங்கள், உடை, நடை இதையெல்லாம் பார்க்கும்போது ஒரு இளம் பெண் தனக்குள் என்ன நினைப்பாள்; “நான் ஒரு ஆணால் காதலிக்கப்பட வேண்டுமென்றால், முதன் முதலில் அவனுடைய காம இச்சைகளை நிறைவேற்றத் தகுதியாக உள்ளேனா” என்பதுதான். அன்பு, பாசம், நேசம், ஒருவரையொருவர் புரிந்து கொள்ளுதல் என்பதெல்லாம் இரண்டாம் பட்சமாகத் தான் தெரிவிக்கப்படுகிறது.

இது ஒரு அநீதி என்று நாம் புரிந்துகொள்ளும் வரையில் இதைக் கைவிட முடியாது. மேற்குலக நாடுகளைப் பொருத்தவரை பெண்கள் பல்வேறு வகையில் நிராகரிக்கப்படுகின்றனர். பள்ளிப்பருவத்திலிருந்தே எண்ணற்ற சவால்களை எதிர்கொள்கின்றனர். பல்வேறு பிரச்சினைகளின் காரணமாகப் பள்ளிப்படிப்பை விட்டே விலகுகின்றனர் அல்லது வேறு பள்ளிகளுக்கு மாறிச் செல்கின்றனர். ஆபாச உலகிற்குள் திணிக்கப்படும்போது சமூக உறவுகளிலிருந்து தனிமைப்படுத்தப் படுகின்றனர். ஒரு கட்டத்தில் தற்கொலை கூட செய்து கொள்கின்றனர்.

Porn-viewvers-400x300.jpg

ஆபாசம் தான் பெண்களுக்கு எதிரான வன்முறைகளின் ஊற்றுக்கண் என்றே சொல்வேன்; குழந்தைக் கடத்தல்களின் பிரதான நோக்கமே இதுதான். அது மேற்குலகமாக இருந்தாலும் சரி, அமெரிக்காவாக இருந்தாலும் சரி இல்லை ஆசியாவாக இருந்தாலும் சரி. பெண்களைக் கடத்தி பாலியல் தொழிலில் தள்ளுவதற்கென்று ஒரு பெரிய கும்பலே செயல்பட்டு வருகிறது.

ஒரு நாட்டில் சராசரியாக குடிமக்களின் வயது 75 என்றால் ஆபாசப் பட உலகில் சிக்கித் தவிக்கும் பெண்களுக்கு 50 வயது வரை வாழ்வதே மிக மிக அரிது. இதற்கு நான்கு பிரதான காரணங்கள் முன்னிலை வகிக்கின்றன.

  1. மது/போதைப் பொருள் உபயோகம்
  2. பால்ய வினை நோய்கள் ( STD – Sexually Transmitted Disease )
  3. விபச்சாரத் தரகர்கள் மற்றும் ஆண் நண்பர்களால் கொல்லப்படுதல்
  4. தற்கொலை

மேற்சொன்ன நான்கு காரணிகள் ஆபாசப் படத்தொழிலில் ஈடுபடும் பெண்களின் உயிரைப் பறிக்கக் காரணமாகின்றன.

நீங்கள் ஒரு உணவகத்தில் உணவருந்தச் செல்லும் போது ஒரு இரண்டு நபர்களுக்கு எதிரில் அமர வேண்டிய கட்டாயம் இருக்கின்றது என்று வைத்துக்கொள்வோம்; அதில் ஒருவர் ஆண், அவர் ஆபாசப் படத்தில் நடிப்பவர், இன்னொருவர் பெண், அவரும் ஆபாசப் படத் தொழிலில் நடிப்பவர் என்றால் நீங்கள் அந்த ஆணுக்குப் பக்கத்தில் தான் அமர விரும்புவீர்கள்; ஏனென்றால் சமூகக் கண்ணோட்டத்தில் அந்தப் பெண் ஒரு விபச்சாரி; ஆனால் அதே தொழிலில் ஈடுபடும் அந்த ஆணுக்கு சமூகத்தில் எந்த கெட்ட பெயரும் இல்லை. இன்னொரு புறம் அவர்கள் நடிக்கும் அந்த ஆபாசப் படத்தை நாம் விரும்பிப் பார்த்தாலும், அந்தப் பெண்ணோடு அமர்ந்துண்ண நேரிட்டால் வெளி உலகத்தில் நம்முடைய சமூக மதிப்பு குறைந்து விடுமே என்பதே நம்முடைய பிரதான கவலையாக இருக்கும்.

உங்கள் நண்பர்கள் யாரும் ஆபாசப் படம் பார்ப்பவராக இருந்தால் அவர்களிடம் பேசுங்கள்; அமைதியாக இருக்க இது ஒன்றும் மனதை ஒரு நிலைப்படுத்தும் முயற்சியல்ல; மாறாக ஆபாசப் பட உலகம் சீரழிக்கப்படும் பெண்களின் வாழ்க்கையுடன் நேரடித் தொடர்புடையது.

***

லகிலேயே அதிக வருமானம் ஈட்டக்கூடிய தொழில் ஆபாசப்படங்கள் எடுக்கும் தொழில் என்றால் உங்களால் நம்ப முடிகின்றதா?

தகவல் தொழில் நுட்பம், மருத்துவம், விளையாட்டு ஹாலிவுட் என வருமானம் கொட்டும் எந்த ஒரு துறையையும் தன் சுண்டு விரலால் நெட்டித் தள்ளும் வலிமை படைத்த ஒரு தொழில் என்றால் அது ஆபாசப் படங்கள் தயாரிக்கும் தொழில் தான்.

Pornio-website-country-wise.jpg

இந்தத் தொழில் மூலம் வருடத்திற்கு ஏறக்குறைய 14 பில்லியன் அமெரிக்க டாலர்கள் அளவுக்குப் பணம் கொழிக்கிறது. ஆனால் ஹாலிவுட் திரைப்படங்கள் மூலம் ஒரு வருடத்திற்குக் கிடைக்கும் வருமானம் 8 பில்லியன் அமெரிக்க டாலர்கள் மட்டுமே.  ஆபாசப் படங்களைப் பொருத்தவரையில் ஒரு வருடத்திற்குக் குறைந்தபட்சம் 13,000 படங்கள் வரை தயாரிக்கப்படுகின்றன.

உலகத்திலேயே ஆபாசப் படங்கள் தயாரிப்பதில் அமெரிக்கா தான் முதலிடத்தில் உள்ளது; இரண்டாமிடத்தில் ஜெர்மனி உள்ளது. கனடா நாட்டில் தான் உலகிலேயே மிகப் பெரிய ஆபாசப் படங்கள் தயாரிக்கும் நிறுவனம் உள்ளது. ஒவ்வொரு நாளும் ஏறக்குறைய 3 கோடி புதிய பார்வையாளர்கள் ஆபாசத்தளங்களுக்குச் செல்கின்றனர்.

200 நிறுவனங்கள் அமெரிக்க அரசின் உரிமம் பெற்று இந்தத் தொழிலில் பிரதானமாக ஈடுபட்டுள்ளன. ஒவ்வொரு 39 நிமிடத்திற்கும் ஒரு ஆபாசப் படம் அமெரிக்காவில் தயாரிக்கப்படுகிறது. இணையதளம் வாயிலாக ஒவ்வொரு விநாடிக்கும் ஏறக்குறைய 53,000 பேர் ஆபாசப் படங்களைப் பார்க்கின்றனர். உலகளவிலும் இந்திய அளவிலும் ஆபாசப் படங்களைப் பார்ப்பவர்களின் எண்ணிக்கை தொடர்ந்து அதிகமாகிக் கொண்டே போகிறது.

ஆரம்பத்தில் துவக்க நிலையில் இருக்கும் ஆபாசப்பட ஆவல் நாட்பட நாட்பட புதிது என்ன என்று இறுதியில் குழந்தைகளை நோக்கி போகிறது. பல நாடுகளில் சட்டரீதியாக தடை இருந்தாலும் குழந்தைகளை வைத்து எடுக்கப்படும் ஆபாசப்படங்களும் அதிகரித்துக் கொண்டே போகிறது. இணையதளம் வாயிலாகப் பதிவேற்றம் செய்யப்படும் வீடியோக்கள் மட்டும் வருடத்திற்கு 3 பில்லியன் அமெரிக்க டாலர் வருமானத்தை ஈட்டுகின்றன.

ஃபோர்னாகிராஃபி என்பது பாலுறவு குறித்த ஒரு கலையோ இல்லை இலக்கியமோ அல்ல. அது இயல்பான காமத்தை மனித நிலையில் இருக்கும் செக்ஸ் உணர்ச்சியை வெறியாக மாற்றி பல்வேறு வக்கிரங்களோடு மனதை ரணப்படுத்தும் ஒரு போதை! மற்ற போதைகளை விட வலிமையான போதை!

ஷெல்லி லூபென்

18 வயதில் விபச்சாரத்திற்குள் மாட்டிக்கொண்டு, 24-ம் வயதில் ஆபாசப் பட உலகில் திணிக்கப்பட்டு இப்போது ஆபாசப் படங்களுக்கு எதிராகப் பிரச்சாரம் செய்து வரும் ஷெல்லி லூபென் கூறும் கதையை கேட்கும் போது உங்களுக்கு அதன் இருண்ட பக்கம் தெரியவரும்.

தொடரும்

http://www.vinavu.com/2017/08/18/dirty-and-dark-side-of-pornography-part-one/

 

 

Categories: merge-rss

வெற்றியடைய 10 சுலபமான வழிகள்

Thu, 21/09/2017 - 18:41
வெற்றியடைய 10 சுலபமான வழிகள்
 

வெற்றியடைய 10 சுலபமான வழிகள்  !!!

நேரத்தை நன்றாகத் திட்டமிட்டுச் செலவு செய்ய, அப்படிச் செய்தபின் அதற்கான தக்க பலனையும் அடைய உளவியலாளர்கள் பரிந்துரைக்கின்ற 10 முத்தான வழிகள் :

1.ஒரே நேரத்தில் பல வேலைகளைச் செய்வதை நிறுத்துங்கள்:

சமீப காலங்களில் பொதுவாகப் பயன்படுத்தப்படும் ஆங்கிலச் சொல்தான் இந்த மல்டிடாஸ்கிங் என்பது அடிப்படையில், அறிவியல்ரீதியாகப் பார்த்தால் மல்டிடாஸ்கிங் என்பது ஒரு வேலையில் இருந்து இன்னொரு வேலைக்குத் தாவுவது/ மாறுவது என்று பொருள்படும். நம் மூளையால், ஒரே நேரத்தில் இரண்டு/மூன்று கடினமான செயல்களில் கவனம் செலுத்த முடியாது. ஆக, மல்டிடாஸ்கிங் செய்வது பயனற்றது மற்றும் அயர்ச்சியைத் தரக்கூடியது.

2.முக்கியத்துவம் வாய்ந்த செயல்களைத் தேர்வு செய்து கொள்ளுங்கள்:

ஒவ்வொரு நாளுக்குமான தலையாய செயல்களை மனதில் பதிவு செய்து கொள்ளுங்கள். உங்கள் தேர்வுகளின் முக்கியத்துவங்கள் மாற்றியமைக்கப்பட்டால் பொறுத்துக்கொள்ளுங்கள். உதாரணமாக, தீப்பற்றிக்கொண்ட ஒரு கட்டடத்தைவிட்டு வெளியேறுவதை விட பணியிடத்தில் ஒரு விண்ணப்பத்தை எழுதி முடிக்க வேண்டுமென்பது முக்கியமானதல்ல !

3.உடற்பயிற்சி செய்யுங்கள்:

உங்கள் உழைப்புத்திறனையும், உற்பத்தித்திறனையும் மேம்படுத்த மனநலம் மிக அவசியம். அதனால், புதிய யுக்திகளைக் கண்டறியவும் மன நலனை மேம்படுத்தவும், பணிக்கிடையே நல்ல காற்றைச் சுவாசித்துக் காலார நடந்துவிட்டு வாருங்கள் !

4.முடியாது என்பதைக் கனிவாகச் சொல்லக் கற்றுக்கொள்ளுங்கள் :

நம் பணிகளுக்கிடையில் நண்பர்களுக்கு சிறிய உதவிகள் செய்வதென்பது அவசியம்தான் என்றாலும், அச்சிறு உதவிகள் சில சமயங்களில் மிகுந்த நேரம் பிடிப்பவையாக, களைப்பைத் தருபவையாக, முக்கியத்துவம் குறைந்தவையாக இருக்கும் பட்சத்தில், கனிவாக என்னால் இவ்வுதவி செய்ய இயலவில்லை எனச் சொல்லக் கற்றுக்கொள்ளுங்கள் ! இது உங்கள் நேரத்தைச் சேமிக்கவும், மன உளைச்சலைத் தவிர்க்கவும் உதவும்.

5.காலையில் ஒரு 15 நிமிடம் முன்பாக எழ முயற்சி செய்யுங்கள் :

ஒவ்வொரு நாளும் காலையில் சீக்கிரம் எழுந்து, பணிகளைத் தொடங்குமுன் திக்ரு செய்யவோ, உங்களின் டைரிக் குறிப்பு எழுதவோ பழகிக்கொள்ளுங்கள். உடல் நலனைப்போலவே மனநலனும் வெற்றிக்கு மிகவும் இன்றியமையாதது. உடற்பயிற்சியிலும், மனநலன் காக்கும் செயல்களிலும் ஈடுபடுங்கள்.

6. போதுமான அளவு ஓய்வெடுத்துக்கொள்ளுங்கள் :

ஒவ்வொரு நாளும் உறங்கச் செல்லுமுன், அதிகப்படியாக நீங்கள் செலவு செய்யும் ஒரு மணிநேரம். உங்களின் அடுத்த நாளின் ஒரு மணி நேர வேலையைக் குறைப்பதில்லை. ஓய்வின்றி வேலை செய்பவர்கள் குழப்பத்துக்குள்ளாவார்கள் என்று கூறுகிறது உளவியல்.

7. எதிர்பார்ப்புகளை மேலாண்மை செய்யக் கற்றுக் கொள்ளுங்கள் :

உங்கள் அறையைக் குப்பையாக்கிவிட்டு விழுந்து விழுந்து சுத்தம் செய்வதற்குப் பதிலாகக் குப்பைகள் சேர்வதை முன்பே தவிர்த்து விட்டால், குப்பையைச் சுத்தம் செய்வதில் வீணாகும் உங்களின் பொன்னான நேரம் சேமிக்கப்படும்.

8.மின்னஞ்சல் வாசிக்கும் நேரத்தைத் திட்டமிட்டு வைத்துக் கொள்ளுங்கள் :

மின்னஞ்சல்களைத் தினசரி சரியாகத் திட்டமிட்டுத் தக்க நேரத்தில் கவனித்துக்கொண்டால் நேர விரயம் ஏற்படாது. அதே மாதிரி, வேறு வேலை செய்யும்போது மின்னஞ்சல்களைப் பார்க்காதீர்  அது கவனச்சிதறலை ஏற்படுத்தும்.

9.தேவையில்லாதபோது இணையம்/ செல்பேசியை அணைத்து விடுங்கள்:

இணையத்தை உலாவுவதிலும், செல்பேசியில் குறுஞ்செய்தி அனுப்புவதிலுமே காலத்தைக் கழிக்க வேண்டாம்: இரண்டையும் தேவையில்லாத செயல்களில் அணைத்துவிடுவது நலம் பயக்கும்.

10.செயல்பட அதிக நேரம் இருப்பதாக எண்ணிக்கொள்ளுங்கள்:

ஒவ்வொரு செயலைச் செய்யவும் போதுமான நேரம் இருக்கும் பட்சத்தில், அதை உணர்ந்து மன உளைச்சலைத் தவிர்க்க வேண்டும். குறிப்பிட்ட அந்தச் செயலுடன் தொடர்பில்லாத செயல்களில் ஈடுபடுவதைத் தவிர்க்க வேண்டும்.

நாம் எப்போதும் இறந்த காலத்திலும், எதிர்காலத்திலும் வாழ்வதைத் தவிர்த்து நிகழ்காலத்தில் வாழப் பழகிக்கொண்டால் மன அழுத்தம் இருந்த இடம் தெரியாமல் தொலைந்துவிடும்.

வாழ்க்கையை வாழப் பழகிக்கொள்ளுங்கள்

http://jothidamorariviyal.blogspot.de/2016/06/10_13.html

Categories: merge-rss

புகலிடம் தேடி -நிறவெறியும், படுகொலைகளும்

Tue, 19/09/2017 - 20:57

சுதந்திரம் என்றுமே அதிகார வர்க்கத்தினரால் தானாக வழங்கப்படுவதில்லை, அது ஒடுக்கப்பட்டவர்களின் தேவைகள் ஒலிக்கப்படும்போது மட்டுமே பெறப்படுகிறது” 

                                                                                                        —மார்டின் லூதர்கிங்

பிறப்பை அறுதியிட்டு நிர்ணயிக்க இயலாத உயிரினங்கள் அனைத்தும் உணவு, நீர், வாழிடங்கள் போன்ற தன் தேவைகளுக்கும், வசதிகளுக்கும் ஏற்றவாறு தனக்கான புகலிடத்தை நிலை நிறுத்திக்கொள்ள விரும்புகிறது. அதனால்தான் ஆயிரக்கணக்கான மைல்கள் வலசைபோகும் தேசாந்திரித் தட்டான்கள் முதல் பறவைகளும், விலங்குகளும், மனிதர்களும் இன்று விரிந்து பரவி வாழ்கிறது. இவ்வாறு புலம்பெயர்தலில் உள்ள தேடல் மனநிறைவையும், புதிய வாழ்வையும் தரும். ஆனால் “திணை மயக்குறுதலும் கடிநிலை இலவே” என்பதுபோல ஆளும் அதிகார வர்க்கத்தின் பேராசைக்கும்,  பெருநிறுவன முதலாளிகளின் பெரும்பசிக்கும் இரையாகித் தன் சொந்த நிலத்தில் வாழ வழியற்றுக் காப்பாற்றவும் நாதியற்றுச் சொந்த, பந்தங்களை  இழந்து, உயிரைக் கையில் பிடித்துக்கொண்டு திக்கற்று, திசை புரியாது, ஆதரவில்லாது அலையும் அகதிகளாகவும்,  பதியெழா நினைவுகளோடு புலம்பெயர்ந்து செல்லும்போது உடல் பக்குவப்படுதலில் அடையும் துன்பங்களைக் காட்டிலும் உள்ளம் பக்குவப்படுதல் அடையும் துன்பம் கொடியது. இருட்டினுள் உணராப் பொருள்போல அதை என்றுமே பிறரால் உணர முடியாது.

kurdish-refugees-motionage-art-and-desig

பதியெழா நினைவுகளோடு புலம்பெயர்ந்து செல்லும்போது உடல் பக்குவப்படுதலில் அடையும் துன்பங்களைக் காட்டிலும் உள்ளம் பக்குவப்படுதல் அடையும் துன்பம் கொடியது. படம்: fineartamerica

அந்த வகையிலே டொமினிக்கக் குடியரசும், சர்வாதிகாரி ரஃபேல் த்ருஜில்லோவும் ,  தி பட்டர்ஃபிளைஸ் (The Butterflies) அமைப்பின் நிறுவனர்களான மிராபல் சகோதரிகளும் வராலாற்றின் அழியாச் சுவடுகள்.

டொமினிக்கன் குடியரசு’ என்பது பெரிய ஆன்டிலஸ் தீவுகளில் உள்ள இரண்டாவது பெரியதும், பியூர்டோரிக்காவிற்குக மேற்கேயும், கியூபா மற்றும் ஜமாய்க்காவிற்குக் கிழக்கேயும் அமைந்துள்ள கரிபியன் தீவான கிஸ்பானியோலாவில் (Hispaniola) அமைந்துள்ள ஒரு  இலத்தீன் அமெரிக்க நாடாகும். இது கைத்தி (HAITI)  உடன் அந்தத் தீவில் மூன்றில் இரண்டு பகுதி பரப்பளவு நிலத்தைப் பகிர்ந்து கொண்டுள்ளது. ‘தாய்னோ’(TAINO) இனப் பழங்குடியினர்தான் இத்தீவின் பூர்விக குடிமக்கள்.

08878.0001.det__0-701x500.jpg

டிசம்பர் 5, 1492 கொலம்பஸ் வருகைக்குப் பிறகு இந்நாடு ‘லா எஸ்பனோலா’ என்று பெயரிடப்பட்டதோடு கொலம்பஸின் மகனாகியா ‘டியாகோ’ முதலாவது ராஜ பிரதிநிதியாக நியமிக்கப்பட்டுக் காலனி ஆதிகத்தின் கீழ் வந்தது. படம்: gilderlehrman

டிசம்பர் 5, 1492 கொலம்பஸ் வருகைக்குப் பிறகு இந்நாடு ‘லா எஸ்பனோலா’ என்று பெயரிடப்பட்டதோடு கொலம்பஸின் மகனாகியா ‘டியாகோ’ முதலாவது ராஜ பிரதிநிதியாக நியமிக்கப்பட்டுக் காலனி ஆதிகத்தின் கீழ் வந்தது. 1496 ஆம் ஆண்டு இதன் தலைநகரம் ‘சான்டோ டொமிங்கோ’ என்று பெயரிடப்பட்டு ஐரோப்பியர்களின் நிரந்தரக் குடியேற்றமாகிப் போனது. இதுவே மேற்குலகில் ஐரோப்பியர்கள் குடியேறிய மிகப் பழமையான நகரம்.

caribbean_general_map-701x468.jpg

இதுவே மேற்குலகில் ஐரோப்பியர்கள் குடியேறிய மிகப் பழமையான நகரம். படம் :punta-cana

தொடர் குடியேற்றங்களின் மூலம் அமெரிக்க பழங்குடிகளின் கலாச்சாரம் நசுக்கப்பட்டு, ஐரோப்பியக்  கலாச்சாரம் பரப்பட்டது. உரோமன் கத்தோலிக்கம் அறிவிக்கப்படாத அரசு சமயமானது. கத்தோலிக்க சபைகள் ஆட்சி அதிகாரம் மற்றும் பொருளாதார ரீதியில் மிகவும் வலுவானதாக இருந்தன. இதன் மூலம் அமெரிக்கப்  பழங்குடிகளின் சமய உரிமை மறுக்கப்பட்டு, கிறித்துவத்துக்கு மதம் மாற நிர்பந்திக்கப்பட்டனர். மேலும் ஐரோப்பியர்களின் மூலம் பரவிய பெரியம்மை மற்றும் தட்டம்மை போன்ற கொள்ளை நோய்களின் மூலம் மிகப்பெரும் அளவிலான பழங்குடிகள் மாண்டனர். இவ்வாறு இறந்தவர்களின் எண்ணிக்கைப் பற்றிய விபரங்கள் பற்றி சரியான தகவல்கள் பற்றி  இன்றுவரை கிடைக்கவில்லை. மொத்த பழங்குடிகளின் மக்கள் தொகையில் 25% முதல் 85% வரை இறந்திருக்கலாம் என நம்பப்படுகின்றது. மீதம் இருந்த பழங்குடிகளும் காலனியவாதிகளின் சுரங்கங்களில் கட்டாய வேலை வாங்கப்பட்டனர். இந்த காலக்கட்டத்தில் ஏற்பட்ட இனக்கலப்பின் மூலம் மெசுடொசோ எனப்பட்ட புதிய ஐரோப்பிய-அமெரிக்கக்  கலப்பு இனம் தோன்றத் தொடங்கியது. காலனியாதிக்கம் முடிவுக்கு வந்த பத்தொன்பதாம் நூற்றாண்டில் இலத்தீன் அமெரிக்காவின் பெரும்பான்மையினராக மெசுடொசோக்களே இருந்தனர்.

vol2-g2_1_4-rudeen-701x522.jpg

படம் : historyfiles

தொடர்ந்து இஸ்பானியரின் குடியேற்ற நாடாகிய டொமினிக்கக் குடியரசு, 1795 இல் ஃபிரான்சு ஆதிக்கத்தின் கீழ் வந்தது. 1808 இல் தலைநகரான ‘சான்டோ டொமிங்கோ’ பொது மக்களின் கட்டுப்பாட்டுக்குள் கொண்டுவரப்பட்டு குடியரசுக்கான முதலடி எடுத்து வைக்கப்பட்டது. ஆனால், இடையில் 1814 முதல் 1821 வரை இஸ்பானியர்கள் மீண்டும் தமது காலனித்துவத்தை இங்கு நிலைநாட்டினர். 1822 முதல் 1844 வரை கைத்தியின் ஆதிக்கம் நிலைநாட்டப்பட்டு, 1844 ஆம் ஆண்டு ‘பீட்ரோ சந்தானா’ தலைமையில் டொமினிக்கன் குடியரசு உதயமானது. எனினும் கடுமையான உள்நாட்டுப் போர் நிகழ்ந்ததன் விளைவாக 1861 முதல் 1865 வரை மீண்டும் இஸ்பானியரின் காலனி ஆட்சிக்குள் சென்றது. உலகிலேயே காலனி ஆட்சியிலிருந்து வெளியேறி பின் மீண்டும் அதற்குள் சென்ற ஒரே நாடு இதுதான். 1865 ஆம் ஆண்டு இஸ்பெய்னிடமிருந்து முற்றாக விடுதலை பெற்ற ‘டொமினிக்கன் குடியரசு’ சுதந்திர அரசாகத் திகழ்ந்தது. எனினும் ஐக்கிய அமெரிக்காவின் தலையீடு அதிகமாகவே காணப்பட்டது. 1930 இல் இராணுவம் மேற்கொண்ட புரட்சியின் பலனாக இராணுவ ஆட்சி நிறுவப்பட்டு, பின்னர் தேர்தல் நடந்து ஜனநாயக ஆட்சி மலர்ந்தது.

trujillo-12.gif

முப்பது ஆண்டு காலம் ‘ரஃபேல் த்ருஜில்லோ’ என்ற சர்வாதிகாரியின் கீழ் ஆட்சி நடந்ததுபடம்: mtholyoke

அதிலிருந்து முப்பது ஆண்டு காலம் ‘ரஃபேல் த்ருஜில்லோ’ என்ற சர்வாதிகாரியின் கீழ் ஆட்சி நடந்தது. அக்டோபர் 24, 1891 ஆம் ஆண்டு ‘சான் கிறிஸ்டோபல்’ நகரில் பிறந்த ‘ரஃபேல் த்ருஜில்லோ’ இளம் வயதில் கொலை, கொள்ளைகளில் ஈடுபட்டு அதற்காகச் சிறை தண்டனை அனுபவித்து விட்டுப் பின்பு ‘42’ என்ற கொடூர குணம் படைத்த கொள்ளைக் கூட்டத்தின் தலைவனாக உருவெடுத்தார். இடையில் எட்டாண்டுகாலம் (1916-1924) அமெரிக்காவின் கீழ் ஆட்சி இருந்தபோது 1918 ஆம் ஆண்டு இராணுவத்தில் சேர்ந்து பணிபுரியத் தொடங்கித் தனது ஆளுமைத் திறன் மூலம் ஒன்பதே ஆண்டுகளில் இராணுவத்தின் தலைமைத் தளபதி பொறுப்பினை எட்டினார். இவரது முப்பது ஆண்டு கால ஆட்சியில் நாடு பொருளாதார வளர்ச்சியில் சீரான நிலைத் தன்மையை அடைந்தபோதும் தனிமனித சுதந்திரங்கள் பறிக்கப்பட்டுப் பெரியளவில் மனித உரிமை மீறல்கள் நடந்தேறின. மாற்றுக் கருத்தை முன்வைக்கும் எதிர்கட்சிகளே இல்லை என்பதற்காகத் தொடர்ந்து பல படுகொலைகளை அரங்கேற்றினார்.  அதில் குறிப்பிடத்தக்கது 1937,அக்டோபர் 2 முதல் 8 வரை   ‘பார்சிலே படுகொலை (parseley massacre) என்றழைக்கப்படும்  கைத்தியினருக்கு எதிராக டோமினிக்க இராணவத்தை வைத்து அவர் நிகழ்த்திய மாபெரும் இனப்படுகொலை. கொடுங்கோல் ஆட்சி முடிவுக்குக் கொண்டுவரப்பட்ட காலகட்டங்களில் அத்தகைய கொடிய வலியோடு அழிக்க முடியாத நினைவுகளையும், தன் தாய்நாட்டின் விடுதலைக் கனவையும் சுமந்துகொண்டு அமெரிக்காவிற்கு அகதிகளாகப் புலம்பெயர்ந்தவர்களின் எண்ணிக்கை ஏராளம்.

Disputing-the-myth-of-the-Parsley-Massac

படம்: alchetron

விளைவு அரசுக்கெதிரான இரகசிய நடவடிக்கைகளில் ஈடுபட்டுப் புரட்சியை ஏற்படுத்தும் விதமாக ‘தி பட்டர்ஃபிளைஸ்’ (வண்ணத்துப் பூச்சிகள்) என்ற இயக்கத்தைத் தொடங்கி ‘மிராபல் சகோதரிகள்’ என்றழைக்கப்படும் நான்கு டொமினிக்க சகோதரிகள் அந்த இயக்கத்தைச் சிறப்பாகத் தலைமையேற்று நடத்தினர். நூற்றுக்கணக்கானோர் அந்த இயக்கத்தில் இணைந்தனர். ஜனநாயகத்தின் முழு விடுதலையையும் மக்கள் அனுபவிக்க வேண்டும் என்பதே அவர்களது ஒரே இலக்காக இருந்தது.

maxresdefault-701x526.jpg

படம் :tumblr

மிராபல் சகோதரிகள் டொமினிக்கக் குடியரசின் ‘சிபாவோ’ பகுதியின் விவசாயக் குடும்பத்தில் பிறந்தவர்கள். த்ருஜில்லோ பெரும்பாலும் தன் உடற்பசிக்குப் பருவப் பெண்களை அடைய நினைக்கும் தவறான பழக்கம் உடையவர். இதில் மூன்றாவது பெண்ணான ‘மினர்வா’ ஒருமுறை த்ருஜில்லோவின் விருப்பத்தை மறுத்துவிட்டதால் பின்னாளில் அவர் சட்டம் படித்தும் அங்கு பயிற்சி பெற அனுமதிக்கப்படவில்லை. அதன் பிறகுதான் மக்களின் அடிப்படை உரிமைகளையும், விடுதலை உணர்வையும் மீட்டெடுக்க வேண்டி இப்படியொரு இயக்கத்தை அவர் ஏற்படுத்தினார். முதலில் நான்காவது சகோதரியான ‘மரியா தெரெசா’ அவரோடு இணைந்தார். தொடர்ந்து மூத்தவரான ‘பாத்ரியாவும்’, இரண்டாவது பெண்ணான ‘தீதியும்’ இந்த இயக்கத்தில் இணைந்தனர். முதலில் அவர்களுக்குள்ளாகவே “தி பட்டர்ஃப்ளைஸ்” என்று அழைக்கத் தொடங்கிப் பின்னாளில் அதுவே அவர்களது இயக்கத்தின் புனைப் பெயரானது. நவம்பர் 25, 1960 அன்று ‘பாத்ரியா’, ‘மினர்வா’, ‘மரியா தெரெசா’ மூவரும் அவர்களது ஓட்டுனரோடு மகிழுந்தில் சென்றுகொண்டிருந்தபோது த்ருஜில்லோவின் ஆட்களால் கொலை செய்யப்பட்டுப் பிறகு விபத்து ஏற்பட்டதுபோல் காட்டிக்கொள்ள அவர்களது வண்டி மலையிலிருந்து உருட்டி விடப்பட்டது. இவர்களது மரணத்திற்குப் பிறகு ‘தி பட்டர்ஃப்ளைஸ்’ இயக்கத்தில் இணைந்திருந்த மற்ற புரட்சியாளர்களால் போராட்டம் வலுத்தது. அதன் விளைவாக 1961 ஆம் வருடம் மே 30ஆம் தேதி ரஃபேல் த்ருஜில்லோ புரட்சியாளர்களால் படுகொலை செய்யப்பட்டார். மிராபல் சகோதரிகளைக் கௌரவிக்கும் வகையில் 1999 வருடம் கூடிய ஐ.நா பொதுக்குழு நவம்பர் 25 ஆம் தேதியை ‘அனைத்துலக மகளிருக்கெதிரான வன்முறை ஒழிப்பு தினமாக’ அறிவித்தது. அதன் பிறகு 1978 முதல் இன்றுவரை டொமினிக்கக் குடியரசு முழுமையான விடுதலை பெற்ற ஜனநாயக நாடாகத் திகழ்கிறது. ஆனாலும் ஆட்சியும், அரசியலமைப்பும், ஆட்சியாளர்களும் மட்டுமே மாறியிருக்கிறார்கள்,  கறுப்பினத்தவர்களுக்கு எதிரான இனவெறித் தாக்குதலும், மனித உரிமை மீறல்களும் டொமினிக்கக்  குடியரசு நாட்டில் இன்றும் தொடர்ந்துகொண்டேதான் இருக்கிறது.

pngbase645ee3dbe3c1640ece-701x368.png

ஆனால் கறுப்பினத்தவர்களுக்கு எதிரான இனவெறித் தாக்குதலும், மனித உரிமை மீறல்களும் டொமினிக்கக்  குடியரசு நாட்டில் இன்றும் தொடர்ந்துகொண்டேதான் இருக்கிறது. படம்: forharriet

காலங்கள் மாறலாம், சர்வதேசச் சட்டங்களும் மாறலாம், ஆனாலும்  உலக அமைதிக்கான முயற்சியை முன்னெடுப்பதுபோல்  நடித்துக் கொண்டிருக்கும் நாடுகளும், அதன் தலைவர்களுமே கூடப்  பல இனப் பேரழிவிற்குத் துணை போவதையும்,  தனது இனத்தின் அடையாளச் சுவட்டினைத் தொலைத்துவிட்டு அலைகின்ற அகதிகளின் புலம் பெயர்தலையும் இன்றுவரை பார்த்துக்கொண்டேதான் இருக்கிறோம், இருப்போம்!. இனப் படுகொலையும், மனித உரிமை மீறல்களும், அகதிகள் கடுந்துயரும் தொடர்  நிகழ்வே  விடுதலைப்  போராளிகளின் போராட்டமும், இறப்பும் சராசரி நிகழ்வாகக் கருதப்படும்வரை!, இனம் கடந்து, மொழி கடந்து, மதம் கடந்து, நிறம் கடந்து சக மனிதனை நேசிக்கத் தெரியாதவரை…………..

உசாத்துணைகள்:
  • pulitzercentre
  • Before we were free-  Julia Alvarez
  • In the Time of the Butterflies -Julia Alvarez
  • The feast of the Goat- Mario vargas llosa

https://roar.media/tamil/history/the-butterflies/

 

Categories: merge-rss

இளைய தலைமுறை எங்கே செல்கின்றது?

Tue, 19/09/2017 - 09:03

இளைய தலைமுறை எங்கே செல்கின்றது?

 

 

Categories: merge-rss

''100 பெண்கள்''

Tue, 19/09/2017 - 05:29
100 பெண்கள்: உலகத்தை ஒரே வாரத்தில் பெண்களால் மாற்ற முடியுமா?
பெண்படத்தின் காப்புரிமைGETTY IMAGES

உலகெங்கிலும் உள்ள செல்வாக்கான மற்றும் உத்வேகம் அளிக்கக்கூடிய ''100 பெண்கள்'' தொடரை ஆண்டுதோறும் பிபிசி வெளியிடுகிறது.

உலகம் முழுதும் பெண்களை பாதிக்கும் பிரச்சனைகளை பற்றி விவாதிக்கப்படும் ''100 பெண்கள்'' இந்த ஆண்டு தொடரில், மாற்றம் ஏற்படுத்துவதற்கான ஒரு வாய்ப்பு பெண்களுக்கு வழங்கப்படும்.

துன்புறுத்தல், ஏற்றத்தாழ்வு மற்றும் சமுதாயத்தின் பல துறைகளில் பெண்களின் குறைவான பங்களிப்பு என முடிவில்லாதவை போல தோன்றும் பல்வேறு கதைகள், மனச்சோர்வையும் துயரத்தையும் கொடுப்பவை.

எனவே இந்த ஆண்டின் பெண்களுக்கான இந்த சிறப்புத் தொடரில் இந்த ஏற்றத்தாழ்வுகளை, சமத்துவமின்மையை சமாளிக்க புதுமையான மாற்றங்களை, யோசனைகளை பெண்களிடம் கேட்கிறோம்.

''100 பெண்கள்'' சிறப்புத் தொடரின் ஐந்தாவது ஆண்டான இந்த ஆண்டு, பெண்கள் சந்திக்கும் பிரச்சனைகளை நான்கு பிரிவுகளில் வகைப்படுத்தி இருக்கிறோம். அவை: கண்ணுக்கு தெரியாத தடைகள் (glass ceiling), பெண்களுக்கு கல்வியின்மை (female illiteracy), பொது இடங்களில் துன்புறுத்தல் (street harassment), விளையாட்டுத் துறையில் பாலியல் துஷ்பிரயோகம் (sexism in sport).

பெண்

இதுபோன்ற பிரச்சனைகளால் பாதிக்கப்பட்டவர்களுக்கு உதவும் வகையில் சிறப்பு நிபுணத்துவம் அல்லது அனுபவம் கொண்ட பெண்கள் ஒன்றாக இணைந்து செயல்படுவார்கள். அவர்கள் அக்டோபர் மாதத்தில் நான்கு வாரங்களுக்கு, நான்கு வெவ்வேறு நகரங்களில் இந்தத் திட்டத்தில் இணைந்து ஈடுபடுவார்கள்.

100 பெண்கள்படத்தின் காப்புரிமைGETTY IMAGES

பெண்களுக்கு பிரச்சனைகள் ஏற்படுவதற்கான காரணம் என்ன, அவை எப்படி ஏற்படுகின்றன என்பதை புரிந்து கொள்ள உலகம் முழுவதும் உள்ள பெண்கள் உதவுவார்கள். அவர்களின் உதவியால் இந்த சவாலில் 100 பெண்கள் வெற்றிபெறுவார்கள்.

ஏனெனில், அவர்கள் எதிர்கொண்ட சிறப்பான அனுபவங்களை, யோசனைகளை பகிர்ந்துக் கொள்வார்கள் அல்லது அவர்கள் எதாவது ஒருவிதத்தில் இதில் பங்களிப்பார்கள்.

இவை வெறும் யோசனைகள், பரிந்துரைகள் மட்டுமல்ல. வானொலி, ஆன்லைன், சமூக ஊடகங்களில் 100 பெண்கள் உரையாடுவார்கள்.

'கண்ணுக்கு தெரியாத தடைகள்' சவால், சான் பிரான்சிஸ்கோவிலும், 'பெண்களுக்கு கல்வியின்மை' என்ற சவால், டெல்லியிலும், நைரோபியை சேர்ந்த ஒரு குழுவின் உதவியுடன் லண்டனில் 'பொது இடங்களில் துன்புறுத்தல்' என்ற சவாலும், 'விளையாட்டுத் துறையில் பாலியல் துஷ்பிரயோகம்' என்ற சவால், ரியோவிலும் மேற்கொள்ளப்படும்.

நான்கு நகரங்களில் இந்த சவால்கள் மேற்கொள்ளப்பட்டாலும் இது தொடர்பான உரையாடல்கள் உலகளாவியதாக இருக்க வேண்டும் மற்றும் உலகம் முழுவதும் உள்ள பெண்களிடம் இருந்து கருத்துகளை கேட்டறிய வேண்டும்.

100 பெண்கள்படத்தின் காப்புரிமைGETTY IMAGES

உலகை மாற்ற வித்தியாசமான முயற்சிகளை செய்திருக்கும் பெண்களின் பெயர் இல்லாமல் 100 பெண்கள் பட்டியல் முழுமையடையாது.

இந்த ஆண்டு இந்தத் தொடரை வெளியிடும் பருவத்தை புதுப்பித்துள்ளோம், அதேபோல 100 பெண்கள் கொண்ட பட்டியலையும் புதுப்பிக்கவேண்டும் என்று நினைத்தோம்.

எனவே, இந்த மாத பிற்பகுதியில் பட்டியல் அறிவிக்கப்படும்போது, அதில் 60 பெண்களின் பெயர் மட்டுமே இடம்பெறும். மீதமுள்ள 40 இடங்கள் காலியாகவே இருக்கும். சந்தர்ப்பங்களில் சவாலை எதிர்கொண்ட பெண்களின் பெயர்கள் இந்த தொடரின்போது பட்டியலில் சேர்க்கப்படும்.

100 பெண்கள்படத்தின் காப்புரிமைGETTY IMAGES

"2015 ஆம் ஆண்டில், 30 நாடுகளில், 10 மொழிகளில், 150 விவாதங்கள் நடத்தப்பட்டன. 2016 இல், தகுதியுடைய ஆனால் வெளியில் அறியப்படாத 450 பெண்கள் கண்டறியப்பட்டு விக்கிபீடியாவில் இடம்பெற்றனர். தற்போது 2017 ஆம் ஆண்டில் பெண்களில் பங்களிப்பை ஒரு முழுமையான புதிய நிலைக்கு எடுத்துச் செல்கிறோம்" என்கிறார் 100 பெண்கள் தொடரின் ஆசிரியர் ஃபியோனா கிராக்.

"அற்புதமான விஷயங்கள் நடக்கவிருக்கிறது. ஆனால், திறமையான 100 பெண்கள் வெளிவருவார்களா? அதுவும் ஒரு மாதத்திற்குள் இது நடைபெறுமா என்று கவலையாக இருக்கிறது."

100 பெண்கள்படத்தின் காப்புரிமைGETTY IMAGES

இதைத் தொடங்குவதற்கு எங்களுக்கு சில உத்வேகம் கிடைத்திருக்கிறது, பெண் கண்டுபிடிப்பாளர்களால் கண்டுபிடிக்கப்பட்ட ஒன்பது கண்டுபிடிப்புகள் கொண்ட கட்டுரையுடன் இந்தத் தொடரை தொடங்குகிறோம்.

பேஸ்புக், இன்ஸ்ட்ராகாம் மற்றும் டிவிட்டரில் எங்களை தொடரலாம். # 100 Women என்ற டேகை பயன்படுத்துங்கள்.

http://www.bbc.com/tamil/global-41313759

தொடரும்

Categories: merge-rss

பெற்றோரே!, ஐந்தில் வளைப்பது எளிது

Sun, 17/09/2017 - 05:05

பெற்றோரே!, ஐந்தில் வளைப்பது எளிது

 

Categories: merge-rss

முதுமை

Fri, 15/09/2017 - 19:26
முதுமை

ஜெயமோகன்

சுந்தர ராமசாமி அவரது அறுபது வயது வாக்கில் முதுமை பற்றி நிறைய கவிதைகள் எழுத ஆரம்பித்தார். காதலைத் தேடிச்செல்லும்போது முதுமை வந்து அணைத்துக்கொள்வது பற்றிய கவிதை பிரபலம். அந்த வயது வரை மாய்ந்து மாய்ந்து தேடிக்கொண்டிருந்தால் வராமல் என்ன செய்யும்?

முதுமையைப்பற்றிய பழமொழிகளை தொடர்ச்சியாக உருவாக்கிக்கொண்டே இருக்கிறார்கள். அதில் ஒன்று இளைஞர்களின் அருகாமை, வாய்ப்பிருந்தால் இளைஞிகள். முதுமையை அகற்றும் என்பது. அனேகமாக இப்படிச் சொல்பவர்கள் இளமையில் முதியவர்களின் அருகாமையை அதிகம் நாடியமையால் அப்படிச் சொல்லும் நிலைக்கு ஆளாகியிருப்பார்கள் என்று நினைக்கிறேன்.

இம்மாதிரி கவைக்குதவாத அருவமான விஷயங்களை நம்பாமல் கோத்ரெஜ் முடிமையைத் தேடிச்செல்பவர்களே நம்மில் அதிகம். மைமுடியர்கள் இளமையிலேயே முதுமைகொண்டவர்கள் என்ற மாற்று வாசிப்புக்கு வாய்ப்புள்ள முகம் கொண்டிருக்கிறார்கள். அதற்கு முதுமையிலும் இளமை என்ற யதார்த்தவாதம் எவ்வளவோ மேல்

இவர்கள் காலை எழுந்ததுமே இளமையாக இருப்பதற்கான எத்தனங்களை ஆரம்பிக்கிறார்கள். சந்திக்கும் ஒவ்வொருவரிலும் அதற்கான நிரூபணங்களை தேடுகிறார்கள். இதற்கு காலையிலேயே தனக்கு வயதாகிவிட்டது என்ற கவலையை அடையவேண்டியிருக்கிறது. அந்தக் கவலை மேலும் வயதாக ஆக்குவதென்பதனால் மேலும் கவலை கொள்ளவேண்டியிருக்கிறது.

எதற்காக முதுமையை ஒத்திபோடவேண்டும் என்றுதான் எனக்குப் புரியவில்லை. அது பாட்டுக்கு வந்து ஓரமாக அமர்ந்திருந்தால் என்ன தப்பு? நான் முதுமையை விரட்ட நினைக்கவில்லை. விரட்டுவதற்கு நேரமில்லை, இளமை புயல்வேகத்தில் ஓடிக்கொண்டிருக்கிறது. கரைந்துவிடப்போகிறது. அதற்கு அப்புறம் ஒட்டுமொத்தமாகச் சேர்த்து ஏதாவது செய்துகொள்ளலாம்.

அதைவிட முக்கியமான ஒரு கேள்வி, ஏன் அறுபது வயதில் முதுமை அடைந்துவிடுவதாக திடீரென்று தோன்ற ஆரம்பிக்கிறது? முடிமை நோக்கிச் செல்வதா வேண்டாமா என்ற ஆழமான தத்துவக்குழப்பம் வரும் வயதை இளமையின் முடிவு என்றும் இதன் பிறகு எதற்கு முடிமை என்று தோன்றும் வயது முதுமையின் ஆரம்பம் என்றும் சொல்லலாம். இந்த நடுக்காலகட்டம் சிலருக்கு முப்பது நாற்பது வருடங்கள்கூட நீண்டுவிடுகிறது. இந்தக் காலகட்டத்தில் முதுமையையும் இளமையையும் தேவையானபோது எடுத்துக்கொள்ளலாம் என்ற வசதி இருக்கிறது. நாம் எடுத்துக்கொள்வதை அதேபோல பிறர் எடுத்துக்கொள்வார்களா என்ற சிக்கலும்.

எனக்கெல்லாம் முதல்நரை வந்தது ஏழெட்டு வருடங்களுக்கு முன்பு. கன்னங்களின் ஓரமாக வெண்ணிறக் கீற்று. அதிகமாக வெட்டப்பட்ட அல்லது மழிக்கப்பட்ட முடிதான் முதலில் நரைக்கிறது. பிறந்தது முதல் முடிகளையாமல் இருந்தால் எழுபதில்தான் நரைக்கும் என்றார் ஒரு சித்த மருத்துவர். அறுபதில் இளமையோடிருக்க இருபதில் கிழக்கோலம் கொள்ள பலர் முன்வருவார்கள் என நான் நினைக்கவில்லை.

என் முகத்தை தினமும் கண்ணாடியில் பார்ப்பதை கைவிட்டு பத்து வருடமாகிறது. குளித்து தலைதுவட்டி கையாலேயே ஒரு இழுப்பு இழுத்து சீவிச் சாய்த்துவிட்டால் முடி படியும். எப்போதுமே முகச்சுண்ணம் வழக்கமில்லை. அது நாடகக் கலைக்கு இட்டுச்சென்று நல்ல நாயருக்குரிய போர்க்கலை — மனைவியுடன்தான் — யிலிருந்து விலக்கும் என்று அப்பா நினைத்திருந்தார். நான்குநாட்களுக்கு ஒருமுறைதான் மழித்தல். அதை வள்ளுவர் சொல்லியிருக்கிறார், மழித்தலும் நீட்டலும் வேண்டா நடுத்தாடியே நலம் என

எப்போதாவது துணிக்கடைக் கண்ணாடிகளில் பார்க்கும்போது ஒரு நடுவயதான ஆள் என்னுடன் வருவதைக் காண்பேன். அவர் என்னுடனேயே எப்போதும் இருந்துகொண்டிருக்கிறார். நான் உண்மையில் யாரோ அது எப்போதும் என்னுடன் வருவதென்பது பெரிய சங்கடம்தான். முகம் மழிக்க கண்ணாடியில் பார்க்கும்போது — அப்போது செல்பேசியில் பேச நேர்ந்தால் அதுவும் பார்ப்பதில்லை,பிரெயிலி முறைப்படி சவரித்தல்தான் — அந்த முகம் மாறிக்கொண்டே இருப்பது தெரியவருகிறது. யாரோ மும்முரமாக இருக்கிறார்கள்.

முதல் விஷயம் தலைமுடியின் மாற்றங்கள். வருடக்கணக்காக முடி கொட்டிக்கொண்டே இருக்கிறது. இத்தனை கொட்ட எத்தனை முளைத்திருப்பேன் என்பதே பீதியூட்டுகிறது. நெற்றி மேலேறி கன்னத்துக்கு மேல் முடியில்லாமலாகிறது. பின் இரு ஓடைகளாக தலைநோக்கி வெறுமை விரிந்து செல்கிறது. முடிவெட்ட கடைக்குச் சென்று என்பிம்பத்தைப் பிரதிபலிக்கும் கண்ணாடியில் – பிரதிபிம்பம்? – பின் நவீனத்துவ தலையை பார்க்கும்போது அங்கே வட்டமான சொட்டை அல்லது வாசகஇடைவெளி தெரிகிறது. தொட்டுப்பார்த்தால் பெரிதாக ஒன்றும் தெரிவதில்லை. கடைக்காரரின் கத்திரி அங்கே வரும்போது தயங்குவது ஓசையால் தெரியும்.

 

என் அண்ணாவுக்கெல்லாம் இருபதுவருடம் முன்னாடியே முடி கொட்டிவிட்டது. அவர் கங்கையையும் காவிரியையும் இணைக்கும் தொழில்நுட்பத்துடன் காதோரமிருந்து எடுத்து மறுபக்கம் கொண்டுவந்து அங்குள்ள பிசுறுகளுடன் பி¨ணைப்பார். ஆனால் சிறப்பாக வளர்த்த நீள்முடி காற்றில் சிலசமயம் தூக்கி வீசப்பட்டு இடக்காதருகே ஒரு சிறகு போல படபடக்கும். அந்தக்காலத்தில் இதனால்தான் முண்டாசு பிரபலமாக இருந்திருக்கிறது.

முடிக்கு இணையானது தொப்பை. எதைத்தின்றாலும் சதைபோடாத ஒரு காலம் இருந்தது. அப்போது உள்ளே இயங்கிய எந்திரமே எல்லா எரிபொருளையும் குடித்துக்கொண்டிருந்தது. இப்போது எதுவுமே சாப்பிடாவிட்டாலும் வயிறு கனத்துச் சரிகிறது. பாதி நடுவயது தொப்பையர் ‘நான் ஒண்ணுமே சாப்பிடறதில்லை சார்’ என்றுதான் சொல்கிறார்கள். ‘தொப்பை இலல சார், எல்லாமே கேஸ்…காலம்பற வீட்டுக்கு வாங்க..அப்டியே சப்பையா இருக்கும்’ என்று துணிபவர்களும் உண்டு. தொப்பை பெரிதானால் துணைக்கு மார்புகளும் சரிய ஆரம்பிக்கின்றன.

கன்னங்களில் தசைகள் கன்ன எலும்பில் இருந்து கொஞ்சம் கழன்று கீழிறங்கியிருந்தால் , தாடைக்குக் கீழே தவளைச்சதை தொங்கினால் ஐம்பது நெருங்குகிறது என்று பொருள். ஒன்றும் செய்யமுடியாது, வழக்கமாக எல்லாரும் சொல்வதுபோல ‘எங்கப்பாவுக்கு முப்பதிலேயே இப்டித்தான் இருந்திச்சு. குடும்பவாகு சார்’ என்று சொல்லிக்கொள்ளலாம். அதைவிட எளிய வழி பொதுவாக குனிந்தே பேசுவது.

மனம் உடலையா உடல் மனத்தையா முதுமை நோக்கிக் கொண்டு செல்கிறது என்று தெரியவில்லை. ஆனால் மனத்தில் வரும் முதுமையை பிறர் சொல்லித்தான் நாம் அறிகிறோம். பதின்பருவத்துப் பிள்ளைகள் நம்மை முதியவர்களாக்குவதற்காக கடுமையாக உழைக்கிறார்கள். அவர்கள் செய்வதெல்லாமே தவறாகத் தோன்ற ஆரம்பிக்கும்போது முதுமை வந்துவிட்டது என்று அர்த்தம்

கழிப்பறைக் கதவை காலால் உதைத்து திறப்பது, குளித்து துவட்டிய ஈரத்துண்டை உடைமாற்றிய இடத்திலேயே மிதிபட விட்டுவிடுவது, சட்டையை கழற்றி புத்தகப்பையுடன் சேர்த்தே வீசுவது, சாப்பிட்ட தட்டை அங்கேயே உலரவிட்டுச் செல்வது, படுக்கையை தட்டாமல் நாள்கணக்கில் அதிலேயே தூங்குவது, சாத்தியமான உச்ச ஒலியில் சங்கீதம் கேட்பது என்பதெல்லாம் நாமே செய்தவைதான் என்பதை நாம் மறந்து விடுகிறோம்.

ஓர் எளிய அறிகுறி, பாண்டை ஒருகால் உள்ளேயும் மறுகால் வெளியேயும் இருக்கும்படி கழற்றி கழற்றிய இடத்திலேயே விட்டுவிட்டு பாய்ந்தால் நீங்கள் பதின்பருவம். இருகால்களும் வெளியே இருக்க கழற்றி கட்டிலிலோ மேஜையிலோ போட்டால் இளமை. கழற்றி கச்சிதமாக மடித்து வைத்தால் முதுமை.

ஆண்களுக்கு எத்தனையோ சுயசோதனைகள் இருக்கின்றன. கல்யாணங்களில் காகிதக் கவரில் நூறு ரூபாய்த்தாளை செருகி மொய் வைப்பதில் , வளைந்த குடையை கையில் வைத்திருப்பதில் கூச்சமில்லாதிருத்தல் போன்றவை நடுவயதுக்கான அடையாளங்கள். வீட்டுக்குள் நுழையும்போது கனைத்துக்கொண்டோ செருப்பைத் தேய்த்துக்கொண்டோ உள்ளே செல்கிறீர்கள் என்றால் முதுமையின் அடையாளம். ‘இந்த சொம்ப இங்க வச்சது யாரு?’ என்பது முதல் கேள்வி என்றால் நீங்கள் குடுகுடு கிழவர்.

வழக்கமான ‘அந்தக்காலத்திலே சரோஜாதேவி இப்டித்தான்…’ என்ற மலரும் நினைவுகள், ‘இவ யாரு?’ என்று புது கதாநாயகியை கேட்டு தெரிந்துகொள்ளும் மசமசப்பு போன்றவை உருவாக இப்போதெல்லாம் கொஞ்சம் தாமதமாகிறது. அதைவிட முக்கியமான பல தடையங்கள் இருக்கின்றன. இன்று செய்தித்தாள்களின் முதல்பக்கத்தை வாசிக்க ஆரம்பிப்பதுதான் முதலில் வந்துசேர்கிறது. சினிமா விளையாட்டுப்பக்கங்களை அப்படியே கழற்றி கீழே போட்டுவிடுவதில் முடிகிறது.

இப்போதெல்லாம் நான் என் முதுமையை உணரும் தருணங்கள் அவ்வப்போது நிகழ்கின்றன. கல்லூரிகள் பள்ளிகளில் இருந்து பையன்கள் சிருடைக்குவியல்களாக வந்து பேருந்தில் ஏறி உற்சாகமாக சலம்பிக்கொண்டிருக்கும்போது இவர்களுக்கெல்லாம் வேலை வாய்ப்பு இருக்கிறதா என்று எண்ணிக்கொள்கிறேன். பேருந்தில் ஒரு பையன் ஒற்றைக்கை பிடியில் தொங்கிவந்தால் அவனை உள்ளே வந்து விடும்படி அதட்டும் இச்சையை ஐம்புலன்களாலும் அடக்கிக் கொள்கிறேன்.

அதைவிட எதிரே வரும் இளம்பெண்களில் எல்லாம் அழகிகளைத் தேடிப் பரபரத்த கண்களுக்கு என்ன ஆயிற்று என்றே தெரியவில்லை. இன்றும் அழகிகள் அழகிகள்தான். அழகிகள் அளிக்கும் பரவசம் மேலே போனாலும் தொடரும் என்று கடவுளுக்குத் தெரியும், இல்லையேல் ரம்பை ஊர்வசி மேனகைகள் எல்லாம் எதற்கு? ஆனால் இரவு ஒன்பது மணிக்கு பேருந்து நிலையத்தில் பெரிய புத்தகங்கள் மற்றும் வரைபடக்கருவியுடன் நின்றிருந்த அழகியைக் கண்டு இவள் எப்போது வீடு போய்ச் சேருவாள், கூட்டிப்போக வீட்டில் யாராவது வருவார்களோ என்று மூளை ஓடியபோது அதை அறிந்தேன், சரிதான்.

சமீபத்தில் ஒருகல்லூரியில் ஒரு கரியநிற அழகியைக் கண்டு பரவசம் கொண்டு ‘நீங்க ரொம்ப அழகா இருக்கீங்க’ என்றேன். ”தாங்க்ஸ்” என்று அவள் முகம் சிவந்து சிரித்தாள். அதன்பின் எண்ணிக்கொண்டேன், பத்துவருடம் முன்பு அதை பத்தாயிரம் தடவை மனசுக்குள் சொல்லிக்கொள்வேன் வாயால் சொல்ல முடியாது. இப்போது வாயால் சொல்லி அடுத்தக்கணம் தாண்டிச்செல்லும் விஷயம் அது. அப்படிச் சொல்லக்கூடியவன் சொன்னால் அவர்கள் ஒன்றும் தப்பாக எடுத்துக்கொள்ள மாட்டார்கள் போல.

: மறுபிரசுரம் முதற்பிரசுரம் Jan 24, 2010

http://www.jeyamohan.in/6338#.WbwaDrvTVR4
Categories: merge-rss

“பெண்கள் நினைத்தால் எதையும் சாதிக்கலாம்”

Thu, 14/09/2017 - 19:21
“பெண்கள் நினைத்தால் எதையும் சாதிக்கலாம்”  

 

பெண்­கள் இன்று சகல துறை­க­ளி­லும் சாதித்து வந்­தா­லும், அவர்­கள் இன்­னும் தங்­கள் அறிவை வளர்த்­துக்­கொள்ள வேண்­டும். அவர்­கள் நினைத்­தால், எதை­யும் சாதிக்­க­லாம்’ என்று கூறு­கி­றார் ஈழத்­தின் மூத்த எழுத்­தா­ள­ரும் பெண்­ணி­ய­வா­தி­யு­மான திரு­மதி பத்மா சோம­காந்­தன்.
உத­யன் பத்­தி­ரி­கைக்கு அளித்த செவ்­வி­யின் போதே அவர் மேற்­கண்­ட­வாறு தெரி­வித்­தார்.

பத்மா எனும் ஆளுமை

யாழ்ப்­பா­ணம்- வண்­ணார்­பண்ணை என்ற இடத்­தில் பிரம்­மஸ்ரீ ஏ.பஞ்­சா­தீஸ்­வ­ரக்­கு­ருக்­கள்- அமிர்­தம்­மாள் தம்­ப­தி­க­ளின் நான்­கா­வது மக­ளா­கப் பிறந்­த­வர் பத்மா. யாழ். இந்­துத் தமிழ் வித்­தி­யா­ல­யத்­தில் ஆரம்­பக் கல்­வி­யை­யும், இந்து மக­ளிர் கல்­லூ­ரி­யில் இடை­நிலை மற்­றும் உயர் கல்­வி­யை­யும் கற்ற இவர், பயிற்­றப்­பட்ட ஆசி­ரி­ய­ரா­கப் பணி­யாற்றி, அதி­ப­ரா­கப் பதவி உயர்வு பெற்று ஓய்வு பெற்­ற­வர்.

பாட­சா­லை­யில் கற்­கும் காலத்­தி­லேயே எழுத்­து­ல­கில் காலடி பதித்­த­வர். பல படைப்­புக்­களை உல­குக்கு அளித்­த­வர். ஓவி­யம், தையற் கலை­க­ளி­லும் பாண்­டித்­தி­யம் பெற்­ற­வர்.

எழு­து­வ­து­டன் மட்­டும் தன்னை நிறுத்­திக்­கொள்­ளா­மல் பல்­வே­று­பட்ட அமைப்­புக்­க­ளி­லும் இணைந்து இயங்­கு­வ­தி­லும் பேரார்­வம் கொண்­ட­வர். ஊட­கத்­து­றை­யி­லும் முன்­னின்று செயற்­பட்­ட­வர்.

தென்­கி­ழக்கு, கிழக்கு, பேரா­தனை மற்­றும் யாழ். பல்­க­லைக்­க­ழக மாண­வர்­கள் தமது பட்­டப்­ப­டிப்­புக்­காக இவ­ரைப் பற்றி ஆய்­வுக் கட்­டு­ரை­கள் எழு­தி­யுள்­ள­னர்.
கல்­வித் துறை­யி­லும் முற்போக்­குப் பெண்­ணி­யச் சிந்­த­னையி­லும் தன் காலத்தை அதி­க­ளவு செல­விட்­டி­ருக்­கும் பத்மா சோம­காந்­தன், தற்­போ­தும் எழுத்து, மேடைப்­பேச்சு, இலக்­கி­யத் தளங்­க­ளில் தொடர் செயற்­பாடு என இயங்­கிக்­கொண்­டி­ருக்­கும் அயர்ச்­சி­யற்ற பெண் ஆளுமை.

இவ­ரது எழுத்­துப் பணி­யைப் பாராட்டி- லில்லி தேவ­சி­கா­மணி பரிசு, சார்க் மக­ளிர் சங்­கப் பரிசு, வடக்கு- கிழக்கு மாகாண அமைச்­சின் சாகித்­திய பரிசு என்­ப­ன­வும், இவரது ஆளு­மை­யைக் கௌர­வித்து- இலக்­கி­யக் கலா­வித்­தகி, செஞ்­சொற்­செல்வி முத­லான பட்­டங்­க­ளும், தங்­கம்மா அப்­பாக்­குட்­டி­யின் சிவத்­த­மிழ் விருது என்­ப­ன­வும் வழங்­கப்­பட்­டுள்­ளன.
இனி அவ­ரது நேர்­கா­ண­லி­லி­ருந்து….

எழுத்­துப் பய­ண­மும்
அதன் ஆரம்­ப­மும்

கேள்வி: – தங்­கள் எழுத்­து­ல­கப் பிர­வே­சம் எப்­படி ஆரம்­ப­மா­னது?

ப:- நான் சிறு­மி­யாய் இருக்­கும் போதே கல்கி, பாலர் மலர் வாசிப்­ப­தி­லும் வீட்­டில் வாங்­கும் ஆனந்­த­வி­க­டன் போன்ற சஞ்­சி­கை­களை வாசிப்­ப­தி­லும் பேரார்­வம் கொண்­டி­ருந்­தேன். அத்­து­டன், துணுக்­கு­கள் மற்­றும் கேலிச்­சித்­தி­ரங்­க­ளில் கண்­ணோட்­டம் செலுத்­து­வ­தி­லும் ஆர்­வம் ஏற்­பட்­டது.

சில விட­யங்­களை வாசிக்­கும் போது எமது மன­தி­லும் சில எண்­ணங்­கள் தோன்­றும். அப்­ப­டியே நாமும் அவற்றை எழுத்­தாக்­கி­னால் எப்­ப­டி­யி­ருக்­கும் என்ற சிந்­தனை மன­தில் இழை­யோ­டும். அந்­தச் சிந்­த­னைக்­குச் செயல் வடி­வம் கொடுத்து, ஈழத்­தில் வெளி­வந்த பத்­தி­ரி­கை­க­ளின் சிறு­வர் பக்­கத்­துக்கு ஆக்­கங்­கள் எழு­தி­னேன்.

அவை பிர­சு­ர­மா­ன­தும், எனக்­குள் பேரா­னந்­தம் குடி­கொள்­ளும். இந்­நி­லை­யில், சுதந்­தி­ரன் பத்­தி­ரிகை நடத்­திய சிறு­க­தைப் போட்­டி­யில் பங்கு பற்றி- ‘இரத்­த­பா­சம்’ என்ற சிறு­கதை எழு­தி­னேன். அதற்கு எனக்கு முதற் பரி­சும் கிடைத்­தது. அந்­தப் பரிசு, என்னை எழு­தத் தூண்­டி­யது. எமது காலத்­தில் இருந்த சாதி­யப் பிரச்­சினை மற்­றும் பெண் முன்­னேற்­றம் குறித்து அதி­கம் எழு­தி­யுள்­ளேன். இன்­று­வரை என் எழுத்­துப் பய­ணம் தொடர்­கி­றது.

கே:- ஆசார இறுக்­கம் மிகுந்த காலத்­தில் தடை­களை மீறி, எழுத்­து­ல­கில் எப்­படி உங்­க­ளால் நிலைக்க முடிந்­தது?

ப:- நான் சிறு­மி­யாக இருந்த காலத்­தில் பெண்­கள் ஓர­ளவு படித்­தாலே போதும் என்ற நிலை­தான் இருந்­தது. மேற்­ப­டிப்­புக்­கெல்­லாம் பெண்­களை அனுப்­ப­மாட்­டார்­கள். வீட்­டுக்­குள்ளேயே அவர்­க­ளைப் பூட்டி வைத்­த­னர். நான் ஒரு பிரா­ம­ணப் பெண் என்­ப­த­னால், நிறை­யச் சவால்­க­ளுக்கு முகங்கொ­டுக்க வேண்­டி­யி­ருந்­தது.

ஆனால், என்­னை­யும் மீறிச் சாதிக்க வேண்­டும் என்ற ஒரு வீறு எனக்­குள் வந்­தது. அத­னைத் தன்­னம்­பிக்கை என்று கூடச் சொல்­ல­லாம். சிறு­வ­ய­தில் இருந்தே நான் யாருக்­கும் பயப்­ப­ட­மாட்­டேன். ஒரு அசாத்­தி­யத் துணிச்­ச­லைக் கொண்­டி­ருப்­பேன். அப்­போதே பெண்­ணி­யச் சிந்­த­னை­க­ளும் என்­னுள் முகிழ்க்­கத் தொடங்­கின. முற்­போக்­கா­கச் சிந்­திக்­கத் தொடங்­கி­னேன். வீட்­டுக்கு வெளியே பெண்­கள் போகத் தடை­வி­திக்­கப்­பட்ட அந்­தக் காலத்­திலே அர­சி­யல் மேடை­க­ளில் கூட துணிந்து முழங்­கி­னேன். இந்­தத் துணிச்­சல்­தான் என்னை எழுத்­து­ல­கில் நிலை­நி­றுத்­தி­யது.

பெண்­க­ளின் திற­மை­க­ளைக்
கட்­டிப்­போடக் கூடாது திரு­ம­ணங்­கள்

கே-: திரு­ம­ணத்­துக்­குப் பின்­னர் பெரும்­பா­லான பெண்­கள் எழுத்­து­ல­கி­லி­ருந்து காணா­மல் போய்­வி­டு­கின்­ற­னர் என்று ஒரு கருத்­து­நிலை உண்டு. இது­கு­றித்து நீங்­கள் என்ன கூறு­கி­றீர்­கள்?

ப: திரு­ம­ண­மான பின்­னர் எழுத்­துத்­து­றை­யில் மட்­டு­மல்ல நட­னம், இசை முத­லான துறை­க­ளி­லும் பெண்­கள் நிலைப்­பது குறைவு. இதற்­குப் புரிந்­து­ணர்­வுள்ள- தோழமை உணர்­வுள்ள- முற்­போக்­குச் சிந்­த­னை­யுள்ள கண­வன் வாய்க்­கா­மை­தான் கார­ணம். இத்­த­கைய பெண்­க­ளுக்கு ஒத்த சிந்­தனை, இர­சனை உணர்வு மிக்க ஆண்­கள் கண­வ­ராக வாய்ப்­பது குறைவு. உற­வி­னர் வீடு­க­ளுக்­குச் செல்­வது, சமை­யல், கொண்­டாட்­டம் என்ற மூன்­றுக்­குள்­ளும் பெண்­ணின் வாழ்க்­கையை முடக்­கப் பார்க்­கின்­ற­னர் ஆண்­கள்.

அந்­தக் காலத்­தில் பெண் வேலைக்­குச் செல்­வ­தையே ஆண்­கள் விரும்­பு­வ­தில்லை. பெண் உழைப்­பில் சாப்­பி­டு­வதா? என்ற தன்­மா­னப் பிரச்­சினை, அவள் எங்கே தன்னை மிஞ்சி விடு­வாளோ என்ற ஆணா­திக்க நிலை போன்­ற­ன­தான் அதற்­குக் கார­ணம். இன்று நிலைமை அவ்­வா­றில்லை. படித்த- வேலைக்­குச் செல்­லும் பெண்­க­ளையே மண­மு­டிக்க ஆண்­கள் விரும்­பு­கின்­ற­னர். எழுத்­து­ல­கில் தடம்­ப­திக்­கும் பெண்­கள் தம்மை விளங்­கிக்­கொள்­ளக்­கூ­டிய- புரிந்­து­கொள்­ளக்­கூ­டிய ஆண்­க­ளைத் திரு­ம­ணம் செய்­தால், அவர்­க­ளால் தொடர்ந்­தும் எழுத்­து­ல­கில் இயங்க முடி­யும்.

கே: தாங்­கள் பெண்­ணி­ய­வா­தி­யாக உரு­வாக என்ன கார­ணம்?

ப: -­ச­மு­தா­யத்­தில் நில­விய பெண் அடக்­கு­மு­றை­தான் கார­ணம். 14, 15 வய­து­க­ளி­லேயே பெண்­கள் குறித்த பார்வை- முற்­போக்­குச் சிந்­தனை என்­னுள் கருக்­கொண்­டது. வளர்ந்த பின்­னர்­தான் அத­னைப் பெண்­ணி­யம் என்று விளங்­கிக்­கொண்­டேன். பெண் கல்வி தேவையா? பெண் வீட்டை விட்டு வெளியே போய் வேலை பார்க்­க­லாமா? பெண்­ணைக் கொடு­மைக்­குள் ஆழ்த்­தும் சீத­னப் பேய், வறுமை, கண­வன் குடி­யால் சித­றும் குடும்­பங்­கள், ஒழுக்­க­யீ­னங்­கள் என்­ப­னவே சமு­தா­யத்­தைக் கௌவி கப­ளீ­க­ர­மி­டும் பிரதான பிரச்­சி­னை­க­ளாக என் மன­தில் உரு­வெ­டுத்­தன. அத­னால் இத்­த­கைய பின்­ன­ணி­யைக் கொண்டே எழுத்­துக்­க­ளும் கற்­ப­னை­க­ளும் முகிழ்த்­தன.

இவற்­றில் ஊறிய அனு­ப­வத்­தில் வளர வள­ரக் குடும்­பத்­தி­லும் சமூ­கத் தளத்­தி­லும் ஆண்-­பெண் என்ற வேற்­று­மை­கள் உண­ரப்­ப­டு­வதும் பெண்­கள் கட­வுள் நிலைக்கு உயர்த்­தப்­பட்­டா­லும் மானிட நிலை­யில் தாழ்­வாக, இரண்­டாம் பட்­ச­மாக மதிக்கப்படுவதும் மன­தில் சுரீர் எனத் தைத்­தது. இது­தான் என்­னைப் பெண்­ணி­ய­வா­தி­யாக உரு­வாக்­கி­யது.

பெண் விடு­தலை குறித்த தெளிவு
பெண்­க­ளி­டமே இருப்­ப­தில்லை

கே:- மேலை நாடு­க­ளு­டன் ஒப்­பி­டு­கை­யில், தமிழ்ப் பெண்­க­ளின் விடு­தலை வீச்சு எவ்­வா­றுள்­ளது?

ப: -­மேலை நாடு­க­ளில் பெண்­ணுக்­கான சுதந்­தி­ரத்தை ஆண்­கள் விளங்­கிக்­கொண்­டுள்­ள­னர். ஆனால், எமது சமு­தா­யத்­தில் அவ்­வாறு இல்லை. சங்­க­கா­லத்­தில் இருந்தே எதி­லும் ஆண்­கள்­தான் முதல்­நிலை வகித்­த­னர். எமது சம­ய­மும் அதற்­குத் துணை­போ­கி­றது. ஆல­யங்­க­ளில் பூசை செய்­வது, திரு­ம­ணம் முத­லான நிகழ்­வைத் தலைமை தாங்கி நடத்­து­வது போன்­ற­ன­வற்­றைப் பரம்­பரை பரம்­ப­ரை­யாக ஆண்­களே மேற்­கொண்டு வரு­கின்­ற­னர்.

இந்த நிலை­யில், எமது பெண்­கள் இல­கு­வா­கச் சுதந்­தி­ரத்தை எட்­டி­விட முடி­யாது. அதே­நே­ரம், மேலை­நாட்­டுப் பெண்­க­ளு­டன் ஒப்­பி­டு­கை­யில்- 15 வீத­மான பெண்­கள்­தான் பெண் விடு­தலை பற்­றிய புரி­த­லு­டன் வாழ்­கின்­ற­னர். ஏனைய பெண்­கள் தமக்­கான விடு­த­லையை,- சுதந்­தி­ரத்தை விளங்­கிக்­கொள்­கி­றார்­கள் இல்லை. படிப்­பது, வேலைக்­குப் போவது, நாளாந்த வாழ்க்­கை­யில் பிரச்­சினை இல்­லா­மல் இருப்­ப­து­தான் பெண் விடு­தலை என்று இவர்­கள் நினைக்­கின்­ற­னர்.
எமது நாட்­டில் கலா­சா­ரம், பண்­பாடு, வாழ்­வி­யல் முறைமை என்­பன பெண் சுதந்­தி­ரத்­துக்­குப் பெரும் முட்­டுக்­கட்­டை­க­ளாக உள்­ளன.

ஆணு­டன் ஒப்­பி­டு­கை­யில் பெண் செய்­யும் எந்த ஒரு வேலைக்­கும் வரை­யறை உண்டு. அனைத்­துத் தொழில்­க­ளி­லும் ஆண்­க­ளையே தூக்­கி­வைத்­துள்­ள­னர். ஊட­கத் து­றை­யில் கூட ஆண்­களே முக்­கிய பத­வி­க­ளில் உள்­ள­னர். ஆக, ஆசி­ரி­யத் தொழில் ஒன்­றில்­தான் பெண்­கள் 60 வீதம் உள்­ள­னர். இவர்­க­ளுள்­ளும் பெண்­ணி­யச் சிந்­த­னை­யு­டன் எத்­தனை பேர் உள்­ள­னர் என்­றால், அவர்­களை விரல் விட்டு எண்­ணி­வி­ட­லாம். ஆத­லால், எமது பெண்­கள் சுதந்­தி­ரத்தை வென்­றெ­டுப்­ப­தற்கு இன்­னும் அதி­கம் பய­ணிக்க வேண்­டி­யுள்­ளது;- உழைக்க வேண்­டி­யுள்­ளது.

கே:- இன்று சகல துறை­க­ளி­லும் பெண்­கள் முன்­னுக்கு வந்து, ஆணுக்­குச் சம­மா­கத் தங்­க­ளா­லும் இயங்க முடி­யும்- இருக்க முடி­யும் என்று சாதித்து வரு­கின்­ற­னர். அதே­நே­ரம், அர­சி­ய­லில் ஈடு­ப­டு­வ­தற்­குப் பின்­னிற்­கின்­ற­னர். இதற்கு என்ன கார­ணம் என்று நினைக்­கி­றீர்­கள்?

ப: பெண்­கள் விடு­தலை உணர்வு பெற்­றுப் பல ஆண்­டு­கள் சென்ற பின்­பும், தங்­க­ளது குடும்­பப் பின்­பு­லங்­க­ளால் வெளிச்­சத்­துக்கு வந்த ஒரு­சில பெண் அர­சி­யல்­வா­தி­கள் தவிர அர­சி­யல் களத்­தில் பெண்­ணின் பங்­கேற்­புக்கு உரிய இடம் அளிக்­கப்­ப­ட­வில்லை என்றே கூற­வேண்­டி­யி­ருக்­கி­றது.

இதற்கு அவ­ளு­டைய வளர்ப்பு முறை, பொரு­ளா­தார வச­திக் குறைவு என்­ப­ன­வும் கார­ணம். ஒழுக்­கம் சார்ந்து அவ­ளைக் கேள்வி கேட்­பது இன்­னொரு கார­ணம். ஆட்­சி­யி­லுள்ள ஆண்­கள் ஊழல் செய்­கை­யில் தனி மனி­தர்­க­ளாக மட்­டுமே அவர்­களை அடை­யா­ளப்­ப­டுத்­தும் சமூ­கம், பெண் அர­சி­யல்­வா­தி­கள் ஊழல் செய்­யும்­போது மட்­டும் பாலின அடை­யா­ளத்­தோடு கூடிய விமர்­ச­னங்­க­ளைக் கூசா­மல் முன்­வைக்­கத் தவ­று­வ­தில்லை. அத்­து­டன், அர­சி­யல் என்­பது வீட்­டுக்­குள் இருந்து கதைக்­கும் கதை­யல்ல. வெளி­யிற் சென்று பல­தை­யும் பேச­வேண்­டும்.

கூட்­டங்­க­ளில் பங்­கேற்க வேண்­டும். எண்­ணற்ற பிரச்­சி­னை­களை எதிர்­கொள்ள வேண்­டும். வெளி­யி­டங்­க­ளுக்­குச் சென்­று­வர வேண்­டும். அதற்­குப் போக்­கு­வ­ரத்து வசதி வேண்­டும். இதி­லும், இரவு நேரங்­க­ளில் பெண் தனியே சார­தி­யு­டன் சென்று வரும் நிலை ஏற்­ப­டு­கை­யில், அவ­ளு­டைய ஒழுக்­கம் சார்ந்து சமூ­கம் கேள்வி கேட்­கும். இத்­த­கைய கார­ணங்­க­ளால், பெண்­கள் அர­சி­ய­லில் பங்­கேற்­ப­தற்­குப் பின்­ன­டிக்­கின்­ற­னர்.

பாலி­யல் கொடு­மை­க­ளுக்கு
எதி­ராகப் போராட வேண்­டும்

கே: பெண்­கள் மீது மேற்­கொள்­ளப்­ப­டும் பாலி­யல் தாக்­கு­தல்­கள் குறித்து என்ன கூறு­கி­றீர்­கள்?

ப:- பெண் முன்­னேற்­றத்­தைக் கண்டு பொறுக்க முடி­யாத ஆண்­கள், அவ­ளுக்கு எதில் அடித்­தால் வலிக்­கும் என்­ப­தனை இனங்­கண்டு அவ­ளைப் பாலி­யல் ரீதி­யில் தாக்­கு­கின்­ற­னர். அதற்­குப் பெண்­தான் கார­ணம்- அவள் அணி­யும் உடை­தான் கார­ணம் என்று வேறு அவள் மீது பழி­யைப் போடு­கின்­ற­னர். தம்­மைத் திருத்­திக்­கொள்­ளா­மல், தவ­றான கருத்தை முன்­வைக்­கின்­ற­னர்.

இது ஆணு­டைய ஒரு பல­வீ­னம் என்­று­தான் சொல்­ல­வேண்­டும். இதற்கு எதி­ரா­கப் பெண் அமைப்­புக்­கள் குரல் கொடுக்க வேண்­டும். ஆனால், பெண் தொகைக்­கேற்ப பெண் அமைப்­புக்­க­ளின் எண்­ணிக்கை குறைவு. இதற்கு எதி­ராக அதி­கம் போராட வேண்­டி­யுள்­ளது.

கே:- பெண்­களை மேம்­ப­டுத்­து­வ­தில் பத்­தி­ரி­கை­க­ளின் பங்­க­ளிப்பு எவ்­வா­றுள்­ளது?

ப: -­பத்­தி­ரி­கை­க­ளில் பெண்­ணுக்கு ஒதுக்­கப்­ப­டும் வெளி­யில், அழ­குக் குறிப்­புக்­க­ளை­யும் சமை­யல் குறிப்­புக்­க­ளை­யும்­தான் போடு­கின்­ற­னர். இவை இரண்­டுமே ஒரு பெண்­ணுக்­குச் சொல்­லிக் கொடுக்­கா­ம­லேயே தெரி­யக்­கூ­டிய விட­யங்­கள். இப்­ப­டி­யான விட­யங்­க­ளைப் போட்­டுப் பக்­கம் நிரப்­பும் வேலை­யைச் செய்­கின்­றன பத்­தி­ரி­கை­கள். இதை­வி­டுத்து, பெண்­ணிய அடை­யா­ளங்­க­ளைப் பெண்­கள் தேடும் ஆர்­வத்­தைத் தட்­டி­யெ­ழுப்­பும் கைங்­க­ரி­யத்­தைப் பத்­தி­ரி­கை­கள் செய்ய வேண்­டும்.

அவர்­கள் எதிர்­கொள்­ளும் பிரச்­சி­னை­களை வெளிக்­கொண்டு வர­வேண்­டும். பெண் விடு­தலை, ஆண்- பெண் சமத்­து­வம் பற்­றிய விழிப்­பு­ணர்­வினை அவர்­க­ளுக்கு அளிக்க வேண்­டும். சாத­னைப் பெண்­களை அறி­மு­கப்­ப­டுத்தி, ஏனைய பெண்­களை ஊக்­கு­விக்க வேண்­டும். அப்­பொ­ழு­து­தான் பெண் விடு­தலை கூர்­மை­ய­டை­யும்.

கே:- இந்த நேர்­கா­ண­லூ­டா­கப் பெண்­க­ளுக்­குத் தாங்­கள் கூற­நி­னைக்­கும் செய்தி என்ன?

ப:- பெண்­கள் இன்று சகல துறை­க­ளி­லும் சாதித்து வந்­தா­லும், அவர்­கள் இன்­னும் தங்­கள் அறிவை வளர்த்­துக்­கொள்ள வேண்­டும். அவர்­கள் நினைத்­தால், எதை­யும் சாதிக்­க­லாம். வன்­மு­றை­யற்று அமை­தி­யான- ஒற்­று­மை­மிக்க சமு­தா­யத்­தைக் கட்­டி­யெ­ழுப்­பப் பாடு­பட வேண்­டும். கிராம மட்­டங்­க­ளில் குழுக்­கள் குழுக்­க­ளாக இணைந்து பெண் விடு­தலை பற்­றிய விழிப்­பு­ணர்வை மேற்­கொள்ள வேண்டும்.

http://newuthayan.com/story/28358.html

Categories: merge-rss

டிங், டிங், டிங்... உருகவைக்கும் குல்ஃபி விற்பவர்களின் சோகக்கதை!

Thu, 14/09/2017 - 05:48
டிங், டிங், டிங்... உருகவைக்கும் குல்ஃபி விற்பவர்களின் சோகக்கதை!
 

குல்ஃபி என்ற பெயரைக் கேட்ட உடனே, உங்கள் நாக்கில் எச்சில் ஊறுகிறதா? மொபைல் ரிங் சத்தத்தைவிட, காலிங்பெல் சத்தத்தை விட, டிங், டிங், டிங் என்று அடிக்கும் குல்ஃபி விற்பவர் எழுப்பும் சத்தத்துக்குக் காத்திருந்து சந்தோஷப்படுபவரா நீங்கள்? அப்ப, சியர்ஸ் போடுங்க... குல்ஃபி ஆர்மியில் இருக்கும் கோடானு கோடிப் பேரில் அடியேனும் ஒருவன். இளையராஜாவுக்கு அடுத்ததாக, என் இரவுகளை இனிமைப்படுத்தியது இந்த குல்ஃபி-க்கள்தான்.

குல்ஃபி

ஒவ்வொரு முறை குல்ஃபி சாப்பிடும்போதும், சொர்க்கத்தின் வாசலை எட்டிப்பார்த்துவிட்டுதான் வருகிறோம். அப்படிப்பட்ட சந்தோஷத்தைக் கொடுக்கும் அந்த குல்ஃபி விற்பவர்களின் வாழ்க்கை எப்படி இருக்கும்? என்ற கேள்வி, என் மெடுலா ஆப்லகெட்டாவில் நீண்ட நாள்களாக தட்டிக்கொண்டே இருந்தது. சரி, இந்தக் கேள்விக்கு விடை தேட, பைக்கை எடுத்து மெரினாவை நோக்கிக் கிளம்பினோம்.

குல்ஃபி விற்பவர்கள்

அகன்று விரிந்த வாலாஜா சாலையின் ஓரமாக குல்ஃபி விற்பவர்கள் சிலர் நின்றுகொண்டிருந்தனர். அவர்களை அலேக்காகப் பிடித்து பேசத்தொடங்கினோம். நாம் முதலில் பேசியவர், இம்ரான். இவர், இரண்டாவது தலைமுறையாக குல்ஃபி விற்பனை செய்கிறார். இவரது தந்தை, கிட்டத்தட்ட 35 ஆண்டுகளுக்கு மேல் குல்ஃபி விற்றவர். இரண்டாவது தலைமுறையாக குல்ஃபி வியாபாரத்தில் இறங்கியுள்ள இம்ரான், நான்கு குல்ஃபி வண்டிகளுக்குச் சொந்தக்காரர். 

இம்ரானிடம் பேசினோம், "புளியந்தோப்புல இருந்து வரேன் சார். 15 வருஷமா இதுதான் பொழப்பு. அப்பாகிட்ட இருந்துதான் கத்துக்கிட்டேன். கொஞ்சநாள்ல அப்பா இறந்துட்டாரு. அப்பறம் நானே முழுசா இறங்கிட்டேன். குல்ஃபி விக்கிறது நைட் டைமா இருந்தாலும், காலைல 8 மணில இருந்தே எங்களுக்கு வேலை ஆரம்பிச்சுரும். பாலை சுண்ட வெச்சு, தண்ணீரைக் கலக்கி, அதை ஐஸ் ஆக்கறதுக்கு எப்படியும் மதியம் 1 மணி ஆய்டும். 

இம்ரான்

அதுக்கப்பறம், சாய்ங்காலம் 7 மணிக்கு சைக்கிள் எடுத்துட்டு வியாபாரத்துகுப் போவோம். எங்களுக்குள்ளயே ஏரியா பிரிச்சுப்போம். நைட்டு 1.30 மணிக்கு ஏரியா முடிச்சுட்டு, இங்க வந்து கணக்குப் பார்ப்போம். வீட்டுக்குப் போய் தூங்க 3 மணி ஆய்டும். ஒரு நாள் நல்லா வியாபாரம் ஆவும். ஒரு நாள் சுத்தமா வியாபாரம் ஆவாது. மழை வந்தா ரொம்ப கஷ்டம். சில பேரு மழை டைம்ல வாங்கண்ணு சொல்வாங்க. ஆனா, அப்ப வியாபாரம் பண்றதுல சிக்கல் இருக்குது. வெள்ளம் வந்தப்ப எல்லாம் சுத்தமா வியாபாரமே இல்ல. சராசரியா ஒரு நாளைக்கு 300 ரூபா லாபம் கிடைக்கும். வேலைக்கு வரவங்களுக்கு கமிஷன் அடிப்படைல காசு கிடைக்கும்.

குல்ஃபி

பாதாம், பிஸ்தா, சாக்லேட்னு 5, 6 ஃப்ளேவர் விற்போம். ரெகுலர் கஸ்டமர்ஸ் நிறைய இருக்காங்க. அவங்க டீசன்ட்டா காசு கொடுத்து வாங்கி சாப்பிடுவாங்க. ஆனா, எல்லா ஏரியாலயுமே ரவுடிங்க தொல்லையும் இருக்கு. கத்தியக் காட்டி, மிரட்டி குல்ஃபி வாங்குவாங்க. சிலர் அடிச்சும் குல்ஃபி வாங்குவாங்க. சிலர், டேய் நாளைக்கு வந்து காசு வாங்கிக்கோன்னு சொல்லி மிரட்டுவாங்க. ஒருசிலர், பைக்ல இருந்து இறங்காமயே குல்ஃபி கேட்பாங்க. குல்ஃபி கொடுத்தா, திரும்பி காசு கொடுக்காம அப்டியே பைக்ல சல்லுனு பறந்துருவாங்க. எப்டியும் ஒரு நாளைக்கு 50 ரூபாக்கு மேல இப்படி நட்டம் ஆகும். அதுவும் இந்த சனி, ஞாயிறு வந்தா எங்க பாடு ரொம்பவே திண்டாட்டம்தான். சனி, ஞாயிறுல குறைஞ்சது 300 ரூபா நட்டம் ஆகும்

குல்ஃபி

ஜனவரி மாசம் நல்ல சீசன். அப்போ, நல்லா வியாபாரம் ஆகும். ஆனா, இந்த ஆகஸ்ட் செப்டம்பர்ல வியாபாரம் கொஞ்சம் டல்லாதான் இருக்கும். சீசன் டைம்ல வட நாட்டுக்காரங்க தொல்லை வேற. அவங்க கரெக்டா இந்த சீசன் டைம்லதான் குல்ஃபி விற்க வருவாங்க. நம்ம செய்யற அளவுக்கு குவாலிட்டியும், டேஸ்ட்டும் அவங்கக்கிட்ட வராது. நம்மளவிட குறைஞ்ச காசுக்கு வித்துட்டு காசு பார்த்துடுவாங்க. அதனாலயும் நம்ம பொழப்பு அடிவாங்கும்" என்று முடித்தார்.

இம்ரானிடம் வேலை செய்யும் இக்பால், "இந்த போலீஸ்காரங்கதான் சார் எங்களுக்குப் பாதுகாப்பே. ஆனா, ரவுடிங்க பிரச்னை பண்ற இடத்துல அவங்க அதிகமா இருக்க மாட்டாங்க. போன மாசம் கூட நாலு ரவுடிங்க வந்து காசு கொடுக்காம குல்ஃபி கேட்டாங்க. நா இன்னும் போனி ஆகலைணு சொன்னேன். அதுக்கு என்னை அடுச்சுட்டாங்க. நிறைய போலீஸ்காரங்க காசு கொடுத்து குல்ஃபி வாங்குவாங்க. ஆனா, சில போலீஸ்காரங்க காசு கொடுக்க மாட்டாங்க.  

இக்பால்

மெரினால வியாபாரம் பண்றப்ப சில நேரம் பிரச்னை வரும். அங்க இருக்கிற வியாபாரிங்க சிலர், இங்க வியாபாரம் பார்க்ணும்ணா, சங்கத்துல ரிஜிஸ்டர் பண்ணணும்னு சொல்லி, குல்ஃபி டப்பால மண் அள்ளிப் போட்டுருவாங்க. இத்தனையும் அட்ஜஸ்ட் பண்ணிட்டுதான் வியாபாரம் நடத்தறோம்" என்று விரக்தியாகச் சொன்னார்.

குல்ஃபி

 

ஆண்களை விட பெண்களே, அதுவும் திருமணம் ஆன பெண்கள் குல்ஃபிக்கு முரட்டு ரசிகர்கள் என்ற ரகசியத்தையும் அவர்கள் நம்மிடம் உடைத்தனர். இவர்களிடம் பேசியதில் ஒரு விஷயம் மட்டும் தெளிவாகப் புரிந்தது. இவர்களது வாழ்க்கை குல்ஃபியைப் போல இனிமையான ஒன்று இல்லை. அதில், கசப்புகளே அதிகம் உள்ளன.

http://www.vikatan.com/news/tamilnadu/102179-story-about-kulfie-sellers.html

Categories: merge-rss

சாதி உருவாகியது எப்படி ?

Sat, 09/09/2017 - 23:13
சாதி உருவாகியது எப்படி ? - சீமான்.

 

டாக்டர் எஞ்சினியர் பரம்பரையெல்லாம் ஏன் தங்கடை வட்டத்துக்கையே நிக்கினம் எண்டது இப்பத்தான் விளங்கிச்சு.... :grin:

Categories: merge-rss

“வாட் கேன் ஐ டு ஃபார் யூ?” - அசத்தும் தள்ளுவண்டி வேம்புலியம்மாள்

Thu, 07/09/2017 - 10:39
“வாட் கேன் ஐ டு ஃபார் யூ?” - அசத்தும் தள்ளுவண்டி வேம்புலியம்மாள்
 

வேம்புலியம்மாள்

“வாட் கேன் ஐ டூ ஃபார் யூ அண்ணே?'' என்று ஒரு பெண் ஃபைவ் ஸ்டார் ஹோட்டலில் கேட்டால் ஆச்சர்யப்பட மாட்டோம். அதுவே, ஒரு ரோட்டோரக் கடையில் கேட்டால், ஆச்சர்யப்படத்தானே செய்வோம். அப்படித்தான் அந்தப் பெண்ணைப் பார்த்து ஆச்சர்யப்பட்டேன். சென்னை, மாதவரம் பால்பண்ணை சாலை, ஆர்.சி அபார்ட்மென்ட் அருகில், தன்னுடைய தள்ளுவண்டி கடையில் பேன்ட் மற்றும் டாப்ஸ் உடையில் புன்னகைக்கிறார் வேம்புலியம்மாள். 

''சாம்பார், ரசம், ஃபிஷ் கறி, முட்டை எல்லாம் இருக்கு? வாட் டு யூ வான்ட்?'' என்று அசத்தலாக ஆங்கிலம் கலந்து கேட்டார். பசி நேரம் என்பதால் சாப்பிட்டுக்கொண்டே அவரிடம் பேச்சுக் கொடுத்தேன். அவர் சொன்ன விஷயம் கிட்டத்தட்ட, 'அவள் ஒரு தொடர்கதை’ சுஜாதா, 'மனதில் உறுதி வேண்டும்’ சுகாசினி கதாபாத்திரங்களின் வார்ப்புகளாக எனக்குத் தோன்றியது. தனது 21-வது வயதில் சிங்கப்பூருக்கு வீட்டு வேலைக்குச் சென்றவர் வேம்புலியம்மாள். 22 ஆண்டுகள் அங்கே பணியாற்றிவிட்டு திரும்பினார். இப்போது 48 வயது. இப்போது, தன் அம்மா, தங்கை, தங்கையின் பிள்ளைகள் மற்றும் பேரப் பிள்ளைகளுக்காகவே வாழ்க்கையை அர்ப்பணித்து வாழ்க்கை பந்தயத்தில் உழைப்பை முதலீடாக்கி ஓடிக்கொண்டிருக்கிறார். 

“ஆமாம் கண்ணு. நான் பிறந்து, வளர்ந்தது எல்லாமே சென்னைதான். எட்டு வயசு இருக்கும். அப்பா எதிர்பாராதவிதமாக இறந்துட்டார். உடம்பு சரியில்லாமல் படுத்திருந்தால்கூட எங்களுக்குக் கொஞ்சம் திருப்தி இருந்திருக்கும். திடீர்ன்னு ஒருநாள் குடும்பத்தை அம்போனு விட்டுட்டுப் போயிட்டார். என்னையும் சேர்த்து மூணு குழந்தைங்க, தத்தெடுத்திருந்த ஒரு தம்பி என நாலு பேரையும் வளர்க்க என் அம்மா ரொம்ப கஷ்டப்பட்டாங்க. கொஞ்சம் வசதியான வீட்டில் பிறந்த அம்மாவுக்கு, கூலி வேலையெல்லாம் தெரியாது. என்ன செய்யறது? விதி அவங்களை விடலை. 

வாழ்க்கைன்னா எப்படியாவது வாழ்ந்துடலாம்னு இல்லீங்க. சுயகெளரவத்தோடு வாழணும்னு என் அம்மா உறுதியா இருந்தாங்க. காலையில் மூணு மணிக்கெல்லாம் கூலிக்குப் புளியம்பழம் பறிச்சுவந்து, கொத்தவால்சாவடியில் விற்பாங்க. கிடைக்கிற காசுல ஏதாச்சும் சாப்பிட வாங்கிட்டு வருவாங்க. அதுவும் நிரந்தரமில்லே. பல ராத்திரிகள் மரவள்ளிக்கிழங்கைச் சாப்பிட்டு, தண்ணி குடிச்சே வாழ்ந்தோம். 

கடன்காரங்க பிரச்னை வேற. பிள்ளைங்க வாழ்க்கையாச்சும் நல்லாயிருக்கணும்னு, எங்களையெல்லாம் தாம்பரத்தில் இருக்கிற பள்ளிக்கூட ஹாஸ்டல்ல சேர்த்தாங்க அம்மா. அங்கே தங்கச்சிக்கும் தம்பிக்கும் அம்மை போட்டிருச்சி. அதனால், எல்லாரையும் வீட்டுக்கு கூட்டிட்டு வந்தாங்க, அத்தோட படிப்பு நின்னுபோச்சு'' என்று சொல்லி சற்றே அமைதியாகிறார் வேம்புலியம்மாள். 

வேம்புலியம்மாள்

“வீட்டுக்கு வந்த பிறகு அம்மாவுக்கும் உடம்புக்கு முடியலை. எங்க பசிக்குச் சாப்பாடு வாங்கிக் கொடுத்துட்டு, செங்கல்லைத் தேய்ச்சு, சலிச்சு, அதைச் சாப்பிட்டு தண்ணி குடிச்சிட்டு அம்மா தூங்கினதை பலமுறை பார்த்திருக்கேன். அதெல்லாம் அவங்க உடம்பை ரொம்பவே பாதிச்சிருச்சு. எங்களுக்கு யாரும் உதவிக்கு வராத நிலையில், ஆஸ்பத்திரியில் அம்மா பக்கத்தில் கண்ணீரோடு நின்னோம். அழறதைத் தவிர வேற வழி எங்களுக்குத் தெரியலை. நான் தினமும் சர்ச்சுக்குப் போய் ஜெபம் பண்ணி அழுவேன். என் பிரார்த்தனையோ என்னவோ, மூணு மாசத்துல அம்மா கொஞ்சம் உடம்பு தேறினாங்க. அம்மா குணமாகிட்டாங்களேங்கிற சந்தோஷத்தோடு வீட்டுக்கு கூட்டிட்டு வந்தப்போ, மழையால் வீடே சேறும் சகதியுமா கிடந்தது. உட்காரவே இடம் இல்லே. செங்கற்களைப் பொறுக்கிட்டு வந்து போட்டு, அதுக்கு மேலே அட்டையை விரிச்சு, அம்மாவைப் படுக்கவெச்சோம். அடுத்து சாப்பாடு வேணுமே? அக்கம்பக்கம் வீடுகளில் இருக்கிறவங்களுக்காக கடைக்குப் போய் சாமானெல்லாம் வாங்கிக் கொடுப்போம். இதுக்காக அவங்க கொடுக்கிற சில்லறையில்தான் பன், டீ வாங்கிச் சாப்பிடுவோம். அது வயித்தை நிரப்புமா? பக்கத்து வீடுகளுக்கு போய், 'அம்மா ஏதாச்சும் சாப்பாடு மிச்சம் இருந்தா வாங்கிட்டு வரச் சொன்னாங்க’னு நிப்போம். பகல்ல போக அசிங்கப்பட்டுக்கிட்டு, ராத்திரியில்தான் போவோம். ஐ கெநாட் ஃபர்கெட் ஆல் திஸ்'' என்கிற வேம்புலியம்மாளின் கண்களில் சரசரவென வழிந்தோடுகிறது நீர். 

“நாளாக நாளாக அம்மாவுக்கு உடம்பு கொஞ்சம் தேறிச்சு. நாங்களும் வளர்ந்திருந்தோம். எல்லாருமா கூலி வேலைகளுக்குப் போனோம். அப்புறம். நான் ஒரு ஆஸ்பத்திரியில் வேலைப் பார்த்ததேன். அங்கேதான் ஆல்ட்ராய் சார் அறிமுகமானார். சிங்கப்பூரில் இருக்கிற இலங்கை தம்பதியின் குழந்தையைப் பார்த்துக்க, வீட்டு வேலைகள் செய்யப் போறியா?'னு கேட்டார். இருக்கிற சூழ்நிலையில் எந்த வேலையும் பார்க்கத் தயாராக இருந்தேன். 'ஓ.கே'னு கிளம்பிட்டேன். 22 வருஷமா அங்கேதான் இருந்தேன். என் சுத்தமான வேலை, சுவையான சமையல், குழந்தையைப் பார்த்துக்கிட்ட அக்கறை இதெல்லாம் பிடிச்சுப்போக, என்னை விடவே அவங்களுக்கு மனசில்லே. ஆனாலும், அம்மாவின் உடம்பு மோசமானதால், ஐந்து வருஷத்துக்கு முன்னாடி திரும்பிட்டேன். வந்த கையோடு இந்தத் தள்ளுவண்டி கடையை ஆரம்பிச்சுட்டேன். ஏன்னா, பொறுப்புகள் இன்னும் மிச்சம் இருக்கே'' எனப் புன்னகைக்கிறார். 

"இப்படி உணவுக் கடை வைக்கும் ஐடியா எப்படி வந்ததாம்?" 

''நான் வேலைப் பார்த்த வீட்டில் வாங்கின பாராட்டின் நம்பிக்கையில்தான் இந்தக் கடையை ஆரம்பிச்சேன். இந்த 22 வருஷ சம்பாத்தியத்தில் கடன்களைக் கட்டி முடிச்சேன். அம்மாவுக்கு வைத்தியம் பார்த்தேன். வீட்டுக்குத் தேவையான பொருள்களை வாங்கிப் போட்டேன். தங்கச்சிக்கு கல்யாணம் பண்ணிவெச்சேன். என் வயசு கரைஞ்சுட்டே இருந்தது எனக்குத் தெரியவே இல்லீங்க. பூ வைக்கணும், பொட்டு வைக்கணும் என்கிற சராசரி ஆசைகூட வந்ததில்லே. குடும்பம் நல்லா இருந்தா போதும்னு இருந்துட்டேன். குடிசை வீட்டிலிருந்த நாங்க, இப்போ கல்வெச்சுக் கட்டின வீட்டுக்கு வந்திருக்கோம். அம்மா, தங்கச்சி, அவளோட பொண்ணுங்க, பேத்திகளோடு இருக்கிறதே சந்தோஷமா இருக்கு. அதுக்காகவே இந்தச் சாப்பாட்டுக் கடை. இதுவரைக்கும் எனக்குனு ஒரு பைசாகூட சேமிப்பா வெச்சுக்க தோணலை'' என்கிற வேம்புலியம்மாள் வார்த்தையில் அத்தனை நிறைவு. 

"எல்லாம் சரி, இந்த மாடர்ன் டிரெஸ்க்கு என்ன காரணம்... "

மெல்ல புன்னகைப்பவர், ''இந்த டிரெஸ் பத்தியும், நான் பேசுற இங்கிலீஷ் பத்தியும் நிறைய பேர் விசாரிச்சிருக்காங்க. ஆச்சர்யமா பார்க்கறாங்க. ரெண்டுமே சிங்கப்பூரில் பழகினதுதான். அங்கே ரெகுலரா ஷார்ட்ஸ், பஞ்சாபி சூட்ஸ், ஜீன்ஸ்தான் போடுவேன். இங்கே வந்து சேலை கட்டினா, நாம பார்க்கிற வேலைக்கு வசதியாவே இல்லே. அதனால், அந்த டிரெஸையே போட்டுட்டேன்'' என்கிறார். இவரது தள்ளுவண்டிக் கடை, மதிய சாப்பாட்டுக் கடை. 

''ஒரு சாப்பாடு 35 ரூபாய்க்குக் கொடுக்கிறேன். ஒரு நாளைக்கு 800 முதல் 1000 ரூபாய் நிக்கும். கஞ்சிக்காக நாங்க வீடு வீடா நின்ன காலம் போய், இன்னிக்கு இல்லைனு வந்து நிக்கிற ரெண்டு பேருக்காச்சும் என்னால் சாப்பாடு போட முடியுது. பசிக்குதுனு யாராவது சொல்லக் கேட்டா எனக்குப் பதறிடும். ஏன்னா, பசிங்கறது எப்படி இருக்கும்னு நல்லாத் தெரிஞ்சு வெச்சிருக்கறவ நான்'' 

 

பிறருக்காக உழைக்க மட்டுமே படைக்கப்பட்டவராக உயர்ந்து நிற்கிறார் வேம்புலியம்மாள்! இவரைப் போன்ற பெண்களின் உழைப்புக்கான பலன் கிடைக்கட்டும்.

http://www.vikatan.com/news/tamilnadu/101547-the-inspiring-story-of-vembuliyammal-who-serves-for-others.html

Categories: merge-rss

பத்திக்(Batik) ஆடைகள் தயாரிக்கும் குடும்பம்

Sat, 02/09/2017 - 16:28
பத்திக் ஆடைகள் தயாரிக்கும் குடும்பம்

(நேர்காணல்: ஜெயா தயா)

 

'வேலை­யில்­லாத இளைஞர் யுவ­திகள் வேலை தேடி அலை­வதை விட்டு விட்டு ஒரு சுய தொ­ழிலைச் செய்­வதன் மூலம் வேலை­யில்லாப் பிரச்­சி­னை­யி­லி­ருந்து விடு­ப­டலாம். தனியார் நிறு­வ­னமோ அல்­லது அர­ச­து­றையோ, எத்­துறை என்­றாலும் நிம்­ம­தி­யாக வேலை செய்து மாதச் சம்பளத்தை பெற வேண்டும் என்­ப­து தான் இன்­றைய இளை­ஞர்­களின் மனோ­நி­லை­யாக இருக்­கி­றது.

15

இருப்­பினும், எப்­ப­டி­யா­வது சொந்­த­மாகத் தொழில் தொடங்கி நாம் நான்கு பேருக்கு வேலை கொடுக்கும் முத­லா­ளி­யாக உயர வேண்டும் என்று நினைக்கும் இளை­ஞர்­களும் இருக்­கத்தான் செய்­கி­றார்கள்.

Untitled-1

பொது­வாக நன்கு தெரிந்த தொழிலை தேர்ந்­தெ­டுப்­பது நல்­லது. அல்­லது எந்தத் தொழிலில் ஆர்வம் இருக்­கி­றதோ அந்தத் தொழிலில் சிறப்­புத்தேர்ச்சி பெற்று அதன்­பி­றகு தொழில் தொடங்­கலாம் என்­கிறார் பத்திக் ஆடை தயாரிக்கும் மு.துரைராஜ்.

11

1971 ஆம் ஆண்டு நாச்­சி­யப்பன் என்­பவர் இந்­தி­யா­வி­லி­ருந்து இலங்­கைக்கு பத்­திக்கை கொண்டு வந்தார். இவரால் தான் பத்­திக்­முறை இலங்­கையில் அறி­மு­க­மா­னது.  

12

1977 ஆம் ஆண்டு இத்­தொழிலை  நான் பழக ஆரம்­பித்ததுடன் இத்­தொழிலை தனியாக செய்ய ஆரம்­பித்தேன். சிறிது சிறி­தாக ஆரம்­பித்த இந்த தொழிலை செய்து எங்கள்  வாழ்க்கையை நடத்தி வரு­கிறோம். வாட­கைக்கு இடம் எடுத்து ஆறு­மாதம், ஒரு­வ­ருடம் என இடத்தை மாற்­றிக்­கொண்­டி­ருக்­கிறோம்.

8

பத்­திக்கை பெரி­ய­ளவில் செய்தால் அதி­க­வ­ரு­மா­னத்தை பெற்­றுக்­கொள்­ளலாம். சிறிய அளவில் இரண்டு, மூன்று பேரைக் கொண்டு செய்தால் வரு­மானம் ஈட்­டு­வது குறை­வாகத் தான் இருக்கும். அர­சாங்கத் தொழிலை எதிர்­பார்த்து தொழில் இல்­லாமல் இருப்­ப­வர்­க­ளுக்கு இந்தத் தொழில் பெரும் உத­வி­யாக அமையும். 

34

'பத்திக்' என்ற தரமான கொட்டன் துணியையும், ஜப்பான் டை, பல­வ­கை­யான டை வகைகள், இதற்­கென வரும் மெழுகு போன்றவற்றை பயன்­ப­டுத்தி 20 தொடக்கம் 25 நிமி­டங்கள் காய­வைத்த பிறகு கொதி நீரில் அவிக்க வேண்டும்.  பின்னர் காய­வைத்து எம்­ரோய்டர் தையல் மெஷினில் தைத்து அதன் பின்னர் இரண்டு பக்­கமும்  மூட்டி தைக்க­வேண்டும். பொத்தான் தைத்­தபின் பூர்த்­தி­யான ஆடையைப் பெற்­றுக்­கொள்­ளலாம். 

36

இந்த ஆடை­களை மன்னார், வவு­னியா, யாழ்ப்­பாணம் ஆகிய பகு­தி­க­ளில் அதி­ளவில் விற்­பனை செய்­கி­ன்றோம்'' எனவும் அவர் தெரிவித்தார்.

38

பத்திக் ஆடை தயாரிப்பு குறித்து அவர் மேலும் விளக்குகையில், ஆடைக்­கேற்ற நீளத்­துக்கு சரி­யான அமைப்­புக்­கேற்ற உப­க­ர­ணத்தை பயன்­ப­டுத்தி, அதன் மீது பொலித்தீன் விரிப்பை விரித்து அதன் மேல் தைத்த சட்­டையை விரித்து நான்கு பக்­கமும் பின்னினால் கொளுவவேண்டும், மண்­ணெண்ணெய் அடுப்பில் மெழுகை சரி­யான பதத்­துக்கு வரும்­வரை கொதிக்கவைத்து அதை ஒரு பாத்­தி­ரத்தில் எடுத்து தூரி­கையை பயன்­ப­டுத்தி ஏற்­ற­வி­தத்தில் சித்­தி­ரத்தை வரை­ய வேண்டும். பின்னர் கூம்பு வடி­வ­மான புனலை பயன்­படுத்தியும் வரை­­யலாம். 

33

இடத்­திற்கு ஏற்ற வடி­வத்தை தத்­துவ ரீதி­யா­கவும் ஆக்­க­பூர்­வ­மா­கவும் மிக விரை­வா­கவும் சுறு­சு­றுப்­பாகவும் நானும் எனது மகனும் இணைந்து வரைவோம். 

35

மெழுகு கொதிக்கும் போது டைமெ­ழுகை இட்டு சரி­யான பதத்தில் வரைவதன் மூலம் ஓர் ஆக்­கப்­பூர்­வ­மான தன்­மையை வெளிப்­ப­டுத்­தலாம்.


துணிகள் காய்ந்த பிறகு பெரிய பெரலில் மரத் தூசி, விறகு பயன்­ப­டுத்தி தீயிட்டு அதன் மேல் பெரிய பெரலை அந்த தீ அடுப்பில் வைத்து தண்ணீரை நிரப்பி கொதிக்கவைத்து  இதற்குரிய கெமிக்கல் இட்டு கொதி நீரில் பூர்த்­தி­யான ஆடை­களை வேக­வைக்க வேண்டும். காய்ந்த பின்னர் உரிய இடங்­க­ளுக்கு ஜுக்கி மெஷினால் சேடர் நூல்­களைக் கொண்டு தைத்து தேவையான இடங்­க­ளுக்கு பொத்­தான்­களை கைகளால் தைக்­க­வேண்டும்'' என்கிறார்.


'கூடி வாழ்ந்தால் கோடி நன்மை' என்­பதற்கிணங்க ஒரு கூட்டுக் குடும்­பமாக இத்தொழிலை இவர்கள் செய்கிறார்கள். தந்தையும் மகனும் இணைந்து சட்­டைக்கு சித்­திரம் வரை­வ­துடன் கொதி­நீரில் அவித்து காய­வைக்க, பின்னர்  மனைவி மகேஸ்வரி, மகள் யாழினி, மரு­மகள் யோகஸ்வரி, சம்­பந்தி வேலம்மா என அனை­வரும் ஒத்­தா­சை­யாக செயற்­ப­டு­கி­றார்கள். மனைவி சட்­டைக்கு பொத்தான் பிடிக்க, மகளும் மரு­ம­களும் சட்­டைக்கு  மெஷினால் எம்ரோய்டர் போட, மனைவியும் சம்பந்தியும்  சட்டைகளை அயன்செய்து மடித்து அடுக்க அதன் பின் பொதி செய்து. விநியோகம் செய்கிறார்கள்.

http://metronews.lk/?p=12659

Categories: merge-rss

விளையாட்டே வினையானால் விளைவுகள் விபரீதமாகலாம்

Sat, 02/09/2017 - 16:07
விளையாட்டே வினையானால் விளைவுகள் விபரீதமாகலாம்

 

இணைய வசதியுடன் கூடிய ஐபோன் போன்றவை மூலம் பிள்ளைகள் அவற்றில் எதையெல்லாம் பார்க்கிறார்கள் என்று பெற்றோர்கள் அவதானித்துப் பார்த்ததுண்டா?

 

உலகின் மொத்த மக்கள் தொகையான 750 கோடியில் 180 கோடி இளைஞர்கள் இருக்கிறார்கள் என்கிறது புள்ளி விபரம். பத்து வருடங்களுக்கு முன்பெல்லாம் ஒவ்வொரு இளைஞனுக்கும் ஒரு பொழுதுபோக்கு இருக்கும். பாடல் கேட்பது, புத்தகம் வாசிப்பது, கவிதை கிறுக்குவது, டி.வி. பார்ப்பது இப்படிப் பல பொழுதுபோக்குகள். ஆனால் இன்று இணைய வளர்ச்சியில் இந்த 180 கோடி பேருமே விரும்புவது செல்போனைத்தான். அதிலும் குறிப்பாக சீஓசி என்று சொல்லப்படும் கிளாஷ் ஆஃப் கிளான்ஸ் கேம்தான் பெரும்பான்மை இளைஞர்களின் பொழுதுபோக்காக மாறி வருகிறது. இந்த விளையாட்டுக்கு அடிமையானவர்கள் ஒருநாள் 24 மணி நேரத்தில் குறைந்தபட்சம் 25 தடவை இதைத் தொட்டு செல்கிறார்கள் என்கிறது சமீப ஆய்வு ஒன்று.

உலகம் முழுக்க மொபைல் கேம்களில் கடந்த ஆண்டும் இந்த ஆண்டும் அதிகமுறை டவுன்லோட் செய்யப்பட்ட கேம், கிளாஸ் ஆஃப் கிளான்ஸ்தான். ஸ்மார்ட் போன் பயன்படுத்தும் பத்து நபர்களில் குறைந்தபட்சம் ஐந்து பேர் கிளாஷ் ஆஃப் கிளான்ஸ் விளையாடுவதை வழக்கமாக கொண்டுள்ளனர். பள்ளி செல்லும் குழந்தைகள், இளைஞர்கள், பெரியவர்கள் என அனைவரும் இந்த கேமிற்கு ரசிகர்களாக உள்ளனர் என்கிறது அந்த ஆய்வு முடிவுகள்.

அப்படி இந்த கேமில் என்னதான் உள்ளது?

பின்லாந்து நாட்டில் செயல்பட்டு வரும் கேம் வடிவமைப்பு நிறுவனமான சூப்பர் செல் நிறுவனம் கடந்த 2012 வாக்கில் கிளாஸ் ஆஃப் கிளான்ஸ் கேமை அறிமுகம் செய்தது. துவக்கத்தில் ஆப்பிள் ஐ போனில் மட்டுமே பயன்படுத்தும் வகையில் வடிவமைக்கப்பட்டிருந்த இந்த கேம் செல்போன் பயனாளர்களுக்கு மத்தியில் பிரபலமானதும், சூப்பர் செல் தலைமை செயல் அதிகாரி இல்லூக்கா பாணனன் இதை மேலும் பிரபலப்படுத்த 2013 இல் ஆண்ட்ராய்ட் இயங்கு தளம் கொண்ட போன்களிலும் பயன்படுத்தும் விதமாக மாற்றியமைத்தார். ஆன்லைனில் மட்டுமே இந்த கேமை விளையாட முடியும். ஆனாலும் இதைப் பயன்படுத்துபவர்களின் எண்ணிக்கை நாளுக்கு நாள் அதிகரித்துக் கொண்டேதான் வருகிறது.

கிளாஷ் ஆஃப் கிளான்ஸ் விளையாட்டை நமது செல்போனில் இன்ஸ்டால் செய்தவுடன் அந்தகேமுக்குள் கிராமம் கிராமமாக பயணம் செய்து எதிரிகளை அடையாளம் கண்டு மோத வேண்டும். நம்மை சுற்றியுள்ள கிராமங்களில் வெவ்வேறு வகையான எதிரிகள் இருப்பர். அவர்கள் நம்மை தாக்க வரும்போது நம்மைத் தற்காத்துக் கொண்டு திருப்பித் தாக்க வேண்டும். இந்த விளையாட்டை தனியாகவும் குழுவாகவும் விளையாடலாம். ஒவ்வொரு கட்டமாக விளையாடி வெற்றி பெற்று அனைத்து ஸ்டேஜ்களைக் கடக்க வேண்டும்.

குழுவைக் கட்டமைப்பது, வழி நடத்திச் செல்வது என பல்வேறு திறன்களை மனோ ரீதியாக விளையாடுபவருக்குக் கொடுத்து நம்பிக்கையை உருவாக்கும் விளையாட்டாக இது உள்ளது என்கிறார்கள் இதன் ஆதரவாளர்கள். இந்த விளையாட்டை பல ஆண்டுகளாக விளையாடி வந்த கோவையைச் சேர்ந்த இளைஞர் ஒருவர் இந்த விளையாட்டின் மூலம் அவர் கற்ற பாடங்களை பின்பற்றி வெற்றிகரமாகத் தனது நிறுவனத்தை நடத்த முடிவதாக தெரிவித்துள்ளார். கடினமாக உழைக்கவும் சரியாக திட்டமிட்டு செயல்படவும் கிளாஷ் ஆஃப் கிளான்ஸ் விளையாட்டு தனக்கு உதவியது என்கிறார் அவர்.

அதே நேரம் விளையாட்டு வினையாகும் என்பதும் ஒரு வழக்கமான சொல்லாகும். ஆனால் இந்த சீ.ஓ.சி., விளையாட்டே வினையை உருவாக்கத்தான் என்கிறார்கள் எதிர்ப்பவர்கள். பொதுவாக மொபைல் போன்களில் அதிக நேரம் விளையாடிக் கொண்டே இருப்பதால் கண்ணின் பார்வை திறன் பாதிக்கப்பட்டுப் பார்வை குறைய வாய்ப்புள்ளது. அதிக நேரம் தொடர்ந்து செல்போன் ஸ்கிரீனை பார்த்துக் கொண்டே இருப்பதால் கண் சிவத்தல், கண்ணில் நீர் வடிதல், கண் எரிச்சல் போன்ற இன்னல்கள் வரும் என்று மருத்துவர்கள் எச்சரிக்கின்றனர்.

தொடர்ந்து விளையாடுபவர்களுக்கு விளையாடும்போது கழுத்து கீழ் நோக்கியே இருப்பதால் கழுத்து, தோள்பட்டை, கை விரல்கள் மற்றும் முழங்கைகளில் வலி வர வாய்ப்புகளும் அதிகம் உள்ளது. இரண்டு கைகளையும் ஒரே சமமாக மடக்கி வைத்திருப்பதால் முழங்கை வலி வர வாய்ப்புகளும் அதிகம் உள்ளது. மேலும் மனதளவிலும் பாதிப்புகளை உருவாக்குகிறது இந்த கேம். குறிப்பாக எதிர் குரூப்பில் யாராவது நம்மை அட்டாக் செய்த பிறகு, அதிக மன அழுத்தத்தையும் அதிக கோபத்தையும் உண்டு பண்ணுகிறது என்கிறார்கள் ஆராய்ச்சியாளர்கள்.

இளைஞர்கள் மட்டுமல்ல 6 முதல் 10 வயதுவரை உள்ள சிறுவர்களும் கிளாஷ் ஆஃப் கிளான்ஸ் விளையாட்டை அதிகளவில் விளையாடி வருகின்றனர் என்பது குறிப்பிடத்தக்கது. காலையில் எழுந்து விளையாடத் தொடங்கி, இதில் ஒரு அட்டாக் பண்ணினால் மட்டுமே பள்ளிகளுக்கு செல்வேன் என்று அடம் செய்யும் குழந்தைகளும் இருக்கிறார்கள்.

முழுவதும் ஒன்லைனில் இந்த கேம் செயல்படுவதால் அவுட்டாகிய பின்னரும் லைஃப் என்ற பெயரில் அலர்ட் மூலம் அலாரத்தைக் கொடுத்து விளையாடத் தூண்டுகிறது. இதனால் பெரும்பாலும் காலையில் கைப்பேசியுடன் இந்த கேமில் கைதியாகும் இளைஞர்கள் இரவில்தான் வேதனையுடன் விடுதலை ஆகிறார்கள். அதுவும் தூக்கம் துன்புறுத்துவதால் மட்டுமே. எனவே அளவுக்கு மிஞ்சினால் அமுதமும் நஞ்சுதான் என்பதை ஞாபகம் வைத்து குறைவாக விளையாடி மகிழ்வாக இருப்பவர்களுக்கு பிரச்சினை இல்லை.

இப்போதெல்லாம் குழந்தைகளுக்கு இணைய வசதியுடன் கூடிய டேப்லட், ஐபோன் போன்றவற்றைச் சாதாரணமாகக் பெற்றோர்கள் கொடுக்கிறார்கள். ஆனால் பிள்ளைகள் அவற்றில் எதையெல்லாம் பார்க்கிறார்கள் என்று என்றைக்காவது பார்த்ததுண்டா? குழந்தைகளுக்கு நிறையவே சுதந்திரம் இருக்கிறது. ஆனால் அந்த சுதந்திரத்தால் அவர்கள் கிளாஷ் ஆஃப் கிளான்ஸ் ஆட்டத்திற்கு அடிமையாகாமல் இருப்பது பெற்றோர்கள் கையில்தான் இருக்கிறது.

 தகவல்கள்: ஷண்

http://content.epaper.virakesari.lk/newspaper/Daily/arasiyal-theepori/2017-09-02#page-6

Categories: merge-rss

உறவில் திருமணம்: எதிர்க்கும் தைரியம் பெண்களுக்கு இருக்கிறதா?

Thu, 24/08/2017 - 20:10
உறவில் திருமணம்: எதிர்க்கும் தைரியம் பெண்களுக்கு இருக்கிறதா?
உறவினர் திருமணம்படத்தின் காப்புரிமைBBC THREE/GETTY IMAGES

எனது தந்தையின் தலைமுறை மற்றும் அதற்கு முந்தைய தலைமுறையில் உறவினரை திருமணம் செய்து கொள்ளும் முறை எனது குடும்பத்திலும் நிலவியது.

தற்போது காலம் மாறிவிட்டாலும், பெரும்பாலான மக்கள் இதனால் உண்டாகும் சிக்கல்களில் இருந்து பாடம் கற்றுக் கொண்டார்கள் என்று எனக்கு தோன்றவில்லை.

இப்போது எனக்கு 18 வயது ஆகிறது.

தற்போது, `நான் எனது உறவினரை திருமணம் செய்ய வெண்டுமா?` என்ற ஆவணப் படத்தை இயக்கி வருகிறேன்.

பாகிஸ்தானில் மிகவும் இளம் வயதில் திருமணம் செய்து கொள்வது விசித்திரமானதல்ல. பிரிட்டன் வாழ் பாகிஸ்தானியர்களில் இந்த வழக்கம் குறைவான ஒன்றுதான். இங்கு பெரும்பாலானோர் முதலில் வேலைவாய்ப்புகள் மற்றும் பட்டப்படிப்புகளுக்குத்தான் முக்கியத்துவம் அளிக்கின்றனர்.

இப்படிப்பட்ட ஒரு கலாசாரத்தில் இருந்து நீங்கள் வரவில்லை என்றால், உறவினரை ஏன் திருமணம் செய்கிறார்கள் என்பதை உங்களால் புரிந்து கொள்ள முடியாது.

உறவினரை திருமணம் செய்வது கண்டிப்பாக மதம் சார்ந்த ஒன்றல்ல. இஸ்லாமிய மதத்தில் இருப்பதன் மூலம்தான் இதை தெரிந்துகொள்ள வேண்டிய அவசியம் இல்லை.

இந்த திருமண முறை மிகவும் வெளிப்படையாக மற்றும் தெளிவற்ற முறையில் நடக்கிறது. பாகிஸ்தான் கலாசாரத்தை பின்பற்றுபவர்களாக இருந்தாலும் கூட, அவர்களின் குடும்பம் மற்றும் வளரும் முறையை அடிப்படையாகக் கொண்டது.

உறவினர் திருமணம்படத்தின் காப்புரிமைBBC THREE

என்னுடைய தாத்தா அவர் வாழ்ந்த காலத்தில் கார் மற்றும் தொலைபேசிகளை கொண்டிருக்கவில்லை. ஃபேஸ்புக்கோ அல்லது இன்ஸ்டாகிராம் போன்ற புதிய நபர்களை சந்திக்கும் சமூக வலைதளங்களோ அப்போது இல்லை. நகரத்திற்கு சென்று இரவு நேரத்தில் ஊர் சுற்றவும் இல்லை.

பாகிஸ்தானின் ஒரு சிறிய கிராமத்தில் நீங்கள் இருந்தால், கண்டிப்பாக உங்கள் உறவினரை மட்டுமே திருமணம் செய்துகொள்ள முடியும், வேறு வாய்ப்புகள் இருக்காது.

அன்பை முன்னிறுத்தி திருமணம் செய்து கொள்ளும் உறவினர்களின் எண்ணிக்கை மிகவும் குறைவு. பெரும்பாலும் பெற்றோர்களின் முடிவுகளுக்காக இதுபோன்ற திருமணங்கள் நடக்கும்.

நான் இங்கிலாந்தில் முற்றிலும் வேறுபட்ட குடும்ப பின்னணியில் வளர்ந்தவள். நான் யாரை திருமணம் செய்துகொள்ள வேண்டும் என்பதை எனது பெற்றோர்கள் முடிவு செய்ய மாட்டார்கள்.

உறவினர் திருமணம்படத்தின் காப்புரிமைBBC THREE

எனது பெற்றோர்களின் ஆலோசனைகள் எனக்கு தேவைப்படும். மேலும் எனது தேர்வு அவர்களை மகிழ்விக்க வேண்டும் என்றும் விரும்புகிறேன். ஆனால், எனது வாழ்க்கை குறித்து நான்தான் முடிவெடுக்க வேண்டும். எனது கணவருடன் நான்தான் வாழப்போகிறேன், எனது பெற்றோர் அல்ல.

இந்தியாவில் இருந்து பாகிஸ்தான் பிரிந்த போது, உருவான சாதிய அமைப்பை நாங்கள் ஏற்றுக் கொண்டோம். சமூக பின்புலம் மற்றும் பண மதிப்பை அடிப்படையாக வைத்து மக்கள் பிரிக்கப்பட்டனர்.

எனது ஆவணப்படத்தில் பேசிய ஒரு பெண், `எனது தாய் நான் சாதிய அமைப்பில் இருந்து வெளியேறக்கூடாது என்பதற்காக எனது உறவினரை திருமணம் செய்து வைத்தார்` என்று குறிப்பிட்டார்.

சில குடும்பங்கள், தங்களது மகள் ஆதிக்க சாதியினரால் குறைத்து மதிப்பிடப்படக்கூடாது என்ற காரணத்திற்காக சொந்த சாதியில் உள்ள உறவினருடன் திருமணம் செய்து வைக்கின்றனர்.

இதே போன்று, தங்களிடம் உள்ள செல்வம் வேறு குடும்பத்தினருக்கு சென்று விடக்கூடாது என்பதற்காக ஆதிக்க சாதியினரும் தங்களது மகளை சொந்த சாதியில் உள்ள உறவினருக்கே திருமணம் செய்து வைக்கின்றனர்.

சிலரோ குடும்பத்தின் பெயருக்கு களங்கம் ஏற்படக்ககூடாது என்றும் விரும்புகின்றனர். தங்கள் சாதி மற்ற சாதிகளை விட உயர்ந்தது என்று கருதுவதன் காரணமாகவும் உறவினரை திருமணம் செய்துகொள்ளும் முறையும் நிலவுகிறது.

உறவினர் திருமணம்படத்தின் காப்புரிமைBBC THREE

ஆனால், இதை என்னால் ஏற்க முடியவில்லை. நாம் விரும்பும் நபரை திருமணம் செய்து கொள்ளும் அனுமதி நமக்கு இருக்க வேண்டும்.

வெவ்வேறு சாதியை சேர்ந்த எனது பெற்றோர்கள் திருமணம் செய்த கொண்ட போது சர்ச்சை உண்டானது. ஆனால், சில நாட்களுக்கு பின் அனைத்து பிரச்சனைகளும் தீர்ந்துவிட்டன.

பாகிஸ்தானை சேர்ந்த மற்றும் குறிப்பிட்ட சாதியை சேர்ந்த ஒரு நபரைத்தான் நான் திருமணம் செய்ய வேண்டும் என்பதை என்னால் நினைத்துக் கூட பார்க்க முடியவில்லை.

உறவின் முறை திருமணம் குறித்து பேசும் போது, இதனால் ஏற்படும் மரபணு சார்ந்த சிக்கல்களையும் நாம் கவனத்தில் கொள்ள வேண்டும்.

உறவினர் திருமணம்படத்தின் காப்புரிமைBBC THREE

ஒரே மரபணு கொண்ட உறவினர்களை திருமணம் செய்வது நல்ல முடிவு அல்ல என்பதையும் நான் அறிந்து வைத்துள்ளேன். இது சிக்கலை உண்டாக்கும் என்பதும் எனக்கு தெரியும்.

தற்போது, நான் ஆவணப் படத்தை இயக்கியுள்ளதால், இதை மிகவும் கவனத்தில் கொள்ள வேண்டிய விடயமாக நான் கருதுகிறேன்.

நீங்கள் உங்களது நெருங்கிய உறவினரை திருமணம் செய்வதன் மூலம் பிறக்கும் குழந்தை 2% முதல் 5% வரை குறைபாட்டுடன் பிறக்க வாய்ப்புள்ளது. குழந்தைகளை இவ்வாறு எண்களை வைத்து பேச நான் விரும்பவில்லை.

உறவினர் திருமணம்படத்தின் காப்புரிமைBBC THREE

எனது ஆவணப்படத்திற்காக ஒருவரை நான் சந்தித்த போது சிறிது அதிர்ச்சியடைந்தேன்.

கடுமையாக மனநிலை குறைபாடு கொண்ட இரண்டு குழந்தைகள் அவருக்கு உள்ளார்கள். அவரது மகள் என்னைவிட ஒரே ஒரு வயதுதான் மூத்தவர். நான் எனது கல்லூரி படிப்பு குறித்தும், வேலை குறித்தும் சிந்தனை செய்து கொண்டிருக்கும் அதே நேரத்தில் இதுகுறித்து சிந்திக்கக் கூட வாய்ப்பில்லாமல் அவருடைய மகள் இருக்கிறார்.

நேரடியாக இதுபோன்று பாதிக்கப்படும் வரை உறவினர்களை திருமணம் செய்து கொள்வதன் மூலம் உண்டாகும் சிக்கலை நாம் உணரப்போவதில்லை.

(பிரிட்டனில் வாழும் ஒரு பாகிஸ்தான் பெண், நிக் அர்னால்டிடம் தெரிவித்த தகவல்களின் அடிப்படையில் இந்த தகவல் வழங்கப்பட்டுள்ளது).

http://www.bbc.com/tamil/global-41026953

Categories: merge-rss

''குழந்தையின் கோபமும், வலியும் இங்கு புறக்கணிக்கப்படுகிறது'': இன்ஸ்டாகிராமில் வருந்திய கோலி

Sun, 20/08/2017 - 12:58
''குழந்தையின் கோபமும், வலியும் இங்கு புறக்கணிக்கப்படுகிறது'': இன்ஸ்டாகிராமில் வருந்திய கோலி
 இன்ஸ்டாகிராமில் வருந்திய கோலிபடத்தின் காப்புரிமைVIRAT.KOHLI

இந்தியாவில் உள்ள சமூக ஊடகங்களில், பெண் குழந்தை ஒன்று அழுதுகொண்டே சிரமப்பட்டு வீட்டுப்பாடத்தை படிக்கும் காணொளி மிகவும் வைரலாக பரவிவரும் நிலையில், இந்த காணொளி குறித்து தன்னுடைய அதிர்ச்சியை, இந்திய கிரிக்கெட் அணித்தலைவர் விராட் கோலி சமூகவலைதளமான இன்ஸ்டாகிராமில் பதிவு செய்துள்ளார்.

கடந்த சில தினங்களாக சமூக ஊடகங்களான வாட்ஸ் ஆப், ஃபேஸ்புக் மற்றும் டிவிட்டர் போன்றவற்றில் ஒரு குழந்தை அழுது கொண்டே சிரமப்பட்டு வீட்டுப்பாடத்தை படிக்கும் காணொளி பரவி வந்தது.

 இன்ஸ்டாகிராமில் வருந்திய கோலிபடத்தின் காப்புரிமைGETTY IMAGES

அதில், குழந்தைக்கு பாடம் சொல்லித் தருபவர் குழந்தையை மிரட்ட, குழந்தை அழுது கொண்டே நோட்டில் எழுதப்பட்டிருக்கும் எண்களை மீண்டும் மீண்டும் படிக்கிறது.

ஒருகட்டத்தில், அழுகையும், கோபமுமாக கலந்து மறந்து போகும் எண்களை சத்தமாக படிக்கிறது குழந்தை. இந்த காணொளியின் ஒரு பகுதியை இந்திய கிரிக்கெட் அணித்தலைவரான விராட் ஜாீகோலி, தன்னுடைய இன்ஸ்டாகிராம் கணக்கில் பதிவு செய்து தனது அதிர்ச்சியை வெளிப்படுத்தியுள்ளார்.

The fact that the pain and anger of the child is ignored and ones own ego to make the child learn is so massive that compassion has totally gone out of the window. This is shocking and saddening to another dimension. A child can never learn if intimidated. This is hurtful.

கோலி பதிந்த காணொளியை இதுவரை 2.4 மில்லியன் பேர் பார்த்துள்ளனர்.

தன்னுடைய இன்ஸ்டாகிராம் பதிவில், குழந்தையின் கோபமும், வலியும் இங்கு புறக்கணிக்கப்பட்டு, குழந்தையை படிக்க வைக்க வேண்டும் என்ற ஒருவரின் சுயநலமே மேலோங்கி இருக்கிறது என்றும், இரக்கம் என்பதே தற்போது ஜன்னலுக்கு வெளியே மொத்தமாக போய்விட்டது என்றும் கோலிகுறிப்பிட்டுள்ளார்.

மேலும், மற்றொரு பரிமாணத்தில் இந்த காணொளி தனக்கு அதிர்ச்சியையும், வருத்தத்தையும் ஏற்படுத்துவதாகவும், ஒரு குழந்தை மிரட்டப்பட்டால், ஒருபோதும் அதனால் கற்றுக்கொள்ள முடியாது என்றும் தெரிவித்துள்ளார்.

http://www.bbc.com/tamil/india-40991414

Categories: merge-rss

கனடாவின் ஆதிவாசிகள்

Sun, 20/08/2017 - 06:54

கனடாவின் ஆதி மனிதர்கள் தோன்றி ஏறத்தாழ 12,௦௦௦ ஆண்டுகள் இருந்திருக்கலாம் என்கிறது ஒரு ஆய்வு. அவர்கள் வாழ்வின் பெரும்பகுதி, கடுமையான சூழலில் கழிந்தாலும் கூட நீர், காற்று போன்ற வளங்களை மாசுபடுத்தாமல், நிலப்பரப்பை சேதப்படுத்தாமல், வீணாக வேட்டையாடி அழிக்காமல் வாழ்ந்தனர். அவர்கள் கூட்டம் கூட்டமாக சுய ஆளுமையுடன், மற்ற கூட்டத்தின் இறையாண்மைக்கு மதிப்பளித்தும் அங்கீகாரம் வழங்கியும் வாழ்ந்துள்ளனர். பிற்காலத்தில், அவர்களுக்குள் வாழ்க்கை முறை மற்றும் கலாச்சாரத்தில் ஒரு பொதுவான ஒற்றுமை மற்றும் ஆளுமை இருந்துள்ளது. அவர்கள் பயன்படுத்திய கருவிகள், உடைகள், குடியிருப்பு, மற்றும் உடைகள் போன்றவற்றில் இதனைக் காண முடியும்.

wGJQAZ55FwmTtlAwmywMld5cya8.jpg

படம் – kladata.com

பெரும்பாலான கனடாவின் ஆதிவாசிகள் வேட்டையாடுவதையும், மீன் பிடிப்பதையும் தங்கள் வாழ்வாதாரமாக கொண்டிருந்தனர். அவர்கள் பருவநிலை மாறும்பொழுது உணவுத் தேவைக்காக இடமாற்றிக் கொண்டனர். காரணமின்றி ஒருபோதும் அவர்கள் சுற்றித்திரியவில்லை.

அவர்களுக்கு எங்கு உணவு கிடைக்கும் என்று முன் கூட்டியே அனுமானித்து அங்கு பருவகாலத்திற்கு ஏற்ப முகாம்களை மாற்றி அமைத்தனர். ஒரு பருவத்தில் பெரிய விலங்குகளை வேட்டையாடியும், மற்றொரு பருவத்தில் மீன் பிடித்தும், பெர்ரி பழங்களை சேகரித்தும் உணவுத் தேவைகளை பூர்த்தி செய்தனர்.

தெற்கு ஒண்டாரியோ பகுதிகளில், ஐரோக்வோயிஸ் மற்றும் ஹூரான்ஸ் பழங்குடியினர் விவசாயம் செய்து வாழ்ந்துள்ளனர். ஒரு காலத்தில், வட அமெரிக்காவில் இருந்து பெரிய அளவில் மக்கள் இங்கு புலம் பெயர்ந்தனர். இது உணவுத் தேவைக்கான பருவகால இடமாற்றம் அல்ல. தட்பவெப்ப நிலையில் உருவான மாற்றம், பரவும் நோய்கள், விலங்குகளின் தடவழி மாற்றம், ஒரு கூட்டம் மற்றொரு கூட்டத்தின் பகுதிக்கு நடத்திய ஆக்கிரமிப்பு, அவர்களுக்குள் நடத்த சண்டைகளின் வெற்றி, தோல்விகள் இன்னும் பல காரனங்கள் இந்த புலப்பெயர்வுக்கு உண்டு எனலாம். தாவர வகைகள் மற்றும் மூலிகைகளைப் பயன்படுத்தி நோய்களை குணப்படுத்திக் கொண்டனர். இன்றளவும் மருந்துகள் தயாரிப்பில் அவர்கள் வழிகாட்டுதல் நமக்கு உதவி வருகிறது.

Huronie-701x525.jpg

தெற்கு ஒண்டாரியோ பகுதிகளில், ஐரோக்வோயிஸ் மற்றும் ஹூரான்ஸ் பழங்குடியினர் விவசாயம் செய்து வாழ்ந்துள்ளனர். ஒரு காலத்தில், வட அமெரிக்காவில் இருந்து பெரிய அளவில் மக்கள் இங்கு புலம் பெயர்ந்தனர் படம் – wikimedia.org

குடும்பம், நாடு, குளம், இனம் என பலதரப்பட்ட அரசியல், மற்றும் ஆளுமை வரையறைகள் அவர்களுக்குள் இருந்தன. கூட்டத்தின் வயது முதியவர்கள் ஒரு குழுவாக அவர்களுக்கான தலைவனை முடிவு செய்தனர். சிறப்பான தலைமை பண்புள்ள ஒருவரையே தலைவராக அமர்த்தி அவருக்கான மரியாதை வழங்கப்பட்டது. ஒவ்வொரு விடயம் மற்றும் விவகாரங்களில் குழுவின் பெரும்பாலான மக்கள் ஒப்புக்கொள்ளும் முடிவே தலைமை குழுவின் முடிவாக எடுக்கப்பட்டுள்ளது.

கூட்டங்களுக்குள் நட்புறவு, இராணுவ கூட்டமைப்பு அனைத்தும் இருந்ததாம். சிறுவயதுமுதல் அவர்களுக்கு மத நம்பிக்கைகள், விலங்குகள், பறவைகள், தாவரங்கள், மற்றும் நிலம், நீர் முதலிய வாழ்வாதாரங்களுக்கு நன்றி செலுத்துதல் ஆகிய பண்புசார் விடயங்கள் பயிற்ருவிக்கப்பட்டன.

1eff80ecd65a32fd886f41bbb759e34d.jpg

அவர்களுக்கு எங்கு உணவு கிடைக்கும் என்று முன் கூட்டியே அனுமானித்து அங்கு பருவகாலத்திற்கு ஏற்ப முகாம்களை மாற்றி அமைத்தனர். படம் – i.pinimg.com

அவர்களுக்கென்று தனி எழுத்துக்களை அவர்கள் உருவாக்கவில்லை. மாறாக வாய்மொழி தகவல் பரிமாற்றத்தை காலம் காலமாக செய்து வந்தனர். அவர்கள் குழுமத்தின் மொத்த வரலாறும் தெரிந்த ஒரு சிலர் இரவு நேரங்களில் சிறப்பு கூட்டத்தை அழைத்து அவர்களின் வரலாறு மற்றும் வரலாற்றின் மிக முக்கியமான நிகழ்வுகளை கதைகளாகவும், செவி வழிச்செய்தியாகவும் பரிமாறினர். கச்சைகளிலும், பட்டைகளிலும் நிகழ்வுகளை படங்களாக வரைந்தும், செதுக்கியும் பதிவு செய்து பாதுகாத்து கதை சொல்லும்பொழுது பயன்படுத்தியுள்ளனர்.

எஸ்கிமோ இனம்
%C4%B0nyupikler-Halk%C4%B1.jpg

வடதுருவ குளிருக்கு தகுந்தாற்போல் தங்கள் வாழ்க்கைமுறை, உறைவிடம், உணவு, போக்குவரத்து முதலியவைகளை அமைத்துக்கொண்டனர் படம் – plus.google.com

கனடாவின் ஆர்டிக் பகுதி பூமியின் மிக குளிர்ச்சியான தப்பிக்கமுடியாத சூழ்நிலைகளை கொண்ட ஒரு பகுதி. குளிர்காலங்கள் மிக நீண்டதும், அதிகமான குளிருடையதும், சூரிய வெளிச்சம் குறைவாகவும் இருக்கும் பகுதி. இங்கு வாழ்த்த மக்கள் இங்குள்ள சூழ்நிலைக்கு ஏற்ப வாழ தங்களை பழக்கப்படுத்திக் கொண்டனர். வடதுருவ குளிருக்கு தகுந்தாற்போல் தங்கள் வாழ்க்கைமுறை, உறைவிடம், உணவு, போக்குவரத்து முதலியவைகளை அமைத்துக்கொண்டனர்.

எஸ்கிமோ என்றழைக்கப்படும் இனூயிட் இன மக்கள் பனிபடர்ந்த மற்றும் பனிப்பொழிவு மிக்க பகுதிகளில் ஒரு வருடத்தின் பெரும்பாலான நாட்கள் வாழ்ந்துள்ளனர். எஸ்கிமோ என்ற வார்த்தையின் பொருள் “பச்சை மாமிசம் உண்பவர்” என்பதாகும். மிக மோசமான பனிப்புயல் மற்றும் பனிச்சரிவும் இங்கு அடிக்கடி நிகழும். அவர்களின் கோடைகாலம் வருடத்தில் இரண்டு மாதங்கள் தான். அப்பொழுது வளரும் சிறிய தாவரங்கள், பாசிகள், மரப்பாசிகள், மற்றும் புதர்கள் அவர்கள் உணவாக இருந்துள்ளது.

30933ff3cd93dcce085f1b37666f0db6-701x474

எஸ்கிமோ என்ற வார்த்தையின் பொருள் “பச்சை மாமிசம் உண்பவர்” என்பதாகும். படம் – pinimg.com

இனூயிட் இன மக்கள் பெரும்பாலும் நாடோடிகளாக வாழ்ந்தனர். மிக வேகமாக, எளிமையாக தங்கள் தற்காலிக வீடுகளை அமைத்தனர். அவர்களின் கோடைகால வீடுகள் மூங்கில்கள், மரத்துண்டுகள், மற்றும் மான் மற்றும் பனிப்பிரதேச நாய்களின் தோல்கள் போன்றவற்றால் கட்டப்பட்டது. வெவ்வேறு பகுதி மக்கள் கோடை காலங்களில் ஒன்றாக கூடி ஒரு கிராமத்தை உருவாக்கிவிடுவர். குளிர் காலங்களில் வேட்டைக்காக பனிப்பிரதேசதங்களுக்கு சென்று அங்கேயே தற்காலிக, மற்றும் நிரந்தர உறைவிடத்தையும் அமைத்து கொண்டனர். குவிமாடம் போல் முழுக்க முழுக்க பணிக்கட்டிகளால் உருவான வீடு “இக்ளூ.” இவை இன்றளவும் உலகப்புகழ் பெற்றவை. நான்கு மீட்டர் சுற்றளவும், மூன்று மீட்டர் உயரமும் கொண்டவைகளாம் சிலரது நிரந்தர பனி வீடுகள்.

இம்மக்கள் ஆகச்சிறந்த வேட்டைக்காரர்களாகவும் இருந்துள்ளனர். பருவகாலங்களுக்கு ஏற்றவாறு வருடம் முழுவதும் வெவ்வேறு விலங்குகள் அவர்களின் உணவுத் தேவையை பூர்த்தி செய்தன. கடல் நாய்கள், கடல் குதிரைகள், பெலுகா திமிங்கலங்கள், கலைமான், பனிக்கரடி, பறவைகள், முதலியவைகளின் மாமிசங்கள் இவர்களுக்கும் மற்றும் இவர்களின் வேட்டை நாய்களுக்கும் உணவானது. தந்தங்கள், தோல்கள், மற்றும் எலும்புகள் இதர பயன்பாடுகளுக்கானது. இவர்கள் “கயாக்ஸ்” எனப்படும் படகுகளை கோடை கால மீன்பிடிப்புகளுக்கு பயன்படுத்தினர். குளிர் காலத்தில் நிலத்தை துளையிட்டு மீன்கள் பிடிக்கப்பட்டன.

eskimo-mask.jpg

படம் – aspcwf.files.wordpress.com

எஸ்கிமோக்கள் ஆன்மா மற்றும் ஆவிகள் மேல் அதிக்கப்படியான நம்பிக்கை கொண்டிருந்தனர். உயிருள்ள மற்றும் உயிரற்ற அனைத்து சடங்களுக்கும்  ஆவியுள்ளதாக நம்பப்பட்டது. ஒரு உயிர் இறந்தவுடன் ஆவியாக வேறு உலகத்தில் வாழ்வதாகவும் நம்பிக்கை. அவர்களுடைய சக்தி வாய்ந்த மத குருவால் மட்டுமே அனைத்து ஆவிகளையும் கட்டுபடுத்த முடியும் என்று கருதினர். மதகுரு வித விதமான மிருகத்தின் உருவங்கள் பதித்த முகமூடிகளை அணிந்து நடனமாடி ஆவியிடம் பேசுவாராம்.

கற்கள், எலும்புகள், மற்றும் தந்தங்கள் கொண்டு மனிதர்கள், மிருகங்கள், மற்றும் ஆவிகளின் சிற்பங்களை செதுக்கினர். முகமூடிகளுக்காக திமிங்கிலத்தின் எலும்புகள் பயன்படுத்தப்பட்டிருக்கிறன. பனிப்புல்லை கொண்டு கூடைகளையும், விலங்குகளின் தோல் மற்றும் ரோமங்களை கொண்டு பல அடுக்குகளாக குளிருக்கேற்ற ஆடைகளையும் வடிவமைத்தனர். காலணிகள், கையுறைகள், முக்காடு, பர்க்கா, என அனைத்தும் தேவைக்கேற்ப வித விதமாகவும், கலை நயத்துடனும் உருவாக்கி பயன்படுத்தப்பட்டன.

இழுவை வண்டிகளில் நாய்களை கட்டி, சுமை தூக்குவதற்கும், பயணிப்பதற்கும், பயன்படுத்தினர். ஈட்டிகள் போன்ற ஆயுதங்கள் பனியில் இலகுவாகச் சறுக்குவதற்குப் பயன்படுத்தப்பட்டன. சம தளத்தில் இருந்த மக்கள் குதிரைகளை பயன்படுத்தி வந்ததாகவும் கூறப்படுகிறது.

hombres-inuits-cazando-701x464.jpg

இவர்கள் “கயாக்ஸ்” எனப்படும் படகுகளை கோடை கால மீன்பிடிப்புகளுக்கு பயன்படுத்தினர். குளிர் காலத்தில் நிலத்தை துளையிட்டு மீன்கள் பிடிக்கப்பட்டன. படம் – labrujulaverde.com

எஸ்கிமோக்களின் குழுக்களிடம் சண்டை சச்சரவுகள் மிகக்குறைவு. அவர்கள் சுயகட்டுப்பாடு மற்றும் பண்புகளுடனும் கடுமையான சூழலிலும் உணவு, கருவிகள், உடைகள், மற்றும் பணம் முதலியவற்றை அவர்கள் குடும்பம், நண்பர்கள், குழுக்கள் அனைவரிடமும் இயன்றவரை பகிர்ந்து வாழ்ந்துள்ளனர். நிலப்பரப்பு, மனிதர்கள், மிருகங்கள், தாவரங்கள் அனைத்திற்கும் மரியாதை அளித்து இணக்கமான உறவு வைத்திருந்த எஸ்கிமோக்கள் வாழ்க்கை தேனினும் இனிமையாதே!

https://roar.media/tamil/life/tribes-canada/

மேலும் தகவலுக்கு

Canada`s First Peoples

first peoples before european contact

http://firstpeoplesofcanada.com/fp_groups/fp_groups_overview.html

Categories: merge-rss