வாழ்க்கை துணையை தேர்ந்தெடுப்பது எப்படி?

[AJeevan]

[size=14]உங்கள் கருத்துகளை வாசித்துக் கொண்டு போகும் போது
நான் பார்த்த சில நிகழ்வுகளை பகிர்ந்து கொள்ளலாம் என்று நினைக்கிறேன்.

ஐரோப்பாவுக்கு வந்தவர்களின் திருமணங்களுக்கு
போகும் போது நடக்கிற ஒரு நிகழ்வு
கூடுதலாக ஆண் இங்கே பல காலம் வாழ்ந்தவராக இருப்பார்,
பெண் ஊரிலிருந்து வந்து அவரோடு பல காலம்
<b>லிவிங் டு கெதர்</b> மாதிரி வாழ்கை நடத்தியிருப்பார்.
இங்கே முதலிரவு உட்பட எதற்குமே நேர காலங்கள் சம்பிரதாயங்கள் பார்த்திருக்க மாட்டார்கள்.

மொய் வாங்கவோ அல்லது
கொடுத்த மொய்யைத் திருப்பி வாங்கவோ
அல்லது
ஊருக்கு கல்யாணம் நடந்ததாக காட்ட
வீடியோவுக்காக ஒரு கல்யாணம் நடக்கும்............................
அதுக்கும் ஒரு ஐயர் நாள் நட்சத்திரமெல்லாம் பார்த்து கல்யாணம் நடத்தி வைப்பார்.

இப்படி கல்யாணம் நடக்கும் பெண்களில் 99 சதவீதமானவர்கள் வயிற்றில் குழந்தையொன்றை சுமந்து கொண்டு (2 முதல் 5-6 மாதங்களாக)இருப்பார்கள்.

இது கல்யாண வீடியோ எடுப்போருக்கு தெரியும்.
வயிற்றை மறைத்து எடுக்க பக்கத்து அக்கா அட்வைசெல்லாம் பண்ணுவார்.
இவை உண்மையிலே வீடியோ கல்யாணமாகவே இருக்கும்.
அதற்கு காரணம் வீடியோக்காரர் வரும் வரை எந்த ஒரு சடங்கும் தொடங்காது.
வீடியோக்காரர் இந்த இடத்தில் பட டைரக்டராகவே செயல்படுவார்.

இப்படி நேரம் கடந்து பிரச்சனைகள் ஏற்பட்டாலும்
12 மணிக்கு தாலி கட்ட ஓடித் திரிவார்கள்.
இதற்கு ஏற்றாற் போல ஐயர் மந்திரங்களை சென்சார் வேறு செய்து ஒப்பேத்திவிடுவார்.

இதையெல்லாம் பார்க்கும் போது சடங்குகள் என்றால் இப்படியா
என பல முறை சந்தேகங்கள் வந்ததுண்டு.
இதெல்லாம் சரியா?