03-08-2005, 12:18 PM
இராணுவப் புலனாய்வுப் பிரிவைச் சேர்ந்த தமிழ் இளைஞன் ஆரையம்பதியில் சுட்டுக் கொலை
மட்டக்களப்பு ஆரையம்பதி மாவிலங்கத்துறையில் நேற்று முன்தினம் ஞாயிற்றுக்கிழமை இரவு இராணுவப் புலனாய்வுப் பிரிவைச் சேர்ந்த தமிழ் இளைஞர் ஒருவர் சுட்டுக் கொல்லப்பட்டுள்ளார்.
ஆரையம்பதி இராஜதுரைக் கிராமத்தைச் சேர்ந்த சடாட்சரலிங்கம் கமலதாசன் (வயது 26) என்பவரே இவ்வாறு சுட்டுக் கொல்லப்பட்டவராவார்.
இவர் இராணுவ புலனாய்வுப் பிரிவினருடன் செயற்பட்ட அதேவேளை ஈழமக்கள் ஜனநாயகக் கட்சி (ஈ.பி.டி.பி.) யின் உறுப்பினராகவும் தினமுரசு வாரப் பத்திரிகையின் செய்தியாளராகவும் இருந்துள்ளதாகவும் தெரிய வருகிறது.
மாவிலங்கத்துறையிலுள்ள சன நடமாட்டமில்லாத இடமொன்றில் இரத்த வெள்ளத்தில் கிடந்த சடலத்தை நேற்றுக் காலை மீட்டு பிரேத பரிசோதனைக்காக மட்டக்களப்பு போதனா வைத்தியசாலைக்கு அனுப்பி வைத்துள்ளதாக காத்தான்குடி பொலிஸ் நிலையப் பொறுப்பதிகாரி இன்ஸ்பெக்டர் ஹேரத் தெரிவித்தார்.
இவரின் தலையிலும் காதிலும் கைத்துப்பாக்கியினால் சுடப்பட்டுள்ளதாகவும் சம்பவ இடத்தில் மூன்று வெற்றுத் தோட்டாக்கள் மீட்கப்பட்டதாகவும் பொலிஸார் தெரிவித்தனர்.
சம்பவ தினம் இரவு 6.30 மணிக்கும் இரவு 10 மணிக்கும் இடைப்பட்ட நேரத்திலேயே இவர் கடத்திச் செல்லப்பட்டு சுட்டுக் கொல்லப்பட்டிருக்கலாமென்றும் பொலிஸார் மேலும் தெரிவித்தனர்.
இவரின் காற்சட்டையில் இராணுவப் புலனாய்வுப் பிரிவு உறுப்பினர்களுக்கு வழங்கும் அடையாள அட்டை காணப்பட்டதாகவும் தெரிவிக்கப்படுகின்றது.
கடந்த 6 மாதங்களுக்கு முன்னரும் இவர் துப்பாக்கி சூட்டுக்கிலக்காகி படுகாயமடைந்து உயிர் தப்பியவர் என்பது குறிப்பிடத்தக்கது.
தினக்குரல்
மட்டக்களப்பு ஆரையம்பதி மாவிலங்கத்துறையில் நேற்று முன்தினம் ஞாயிற்றுக்கிழமை இரவு இராணுவப் புலனாய்வுப் பிரிவைச் சேர்ந்த தமிழ் இளைஞர் ஒருவர் சுட்டுக் கொல்லப்பட்டுள்ளார்.
ஆரையம்பதி இராஜதுரைக் கிராமத்தைச் சேர்ந்த சடாட்சரலிங்கம் கமலதாசன் (வயது 26) என்பவரே இவ்வாறு சுட்டுக் கொல்லப்பட்டவராவார்.
இவர் இராணுவ புலனாய்வுப் பிரிவினருடன் செயற்பட்ட அதேவேளை ஈழமக்கள் ஜனநாயகக் கட்சி (ஈ.பி.டி.பி.) யின் உறுப்பினராகவும் தினமுரசு வாரப் பத்திரிகையின் செய்தியாளராகவும் இருந்துள்ளதாகவும் தெரிய வருகிறது.
மாவிலங்கத்துறையிலுள்ள சன நடமாட்டமில்லாத இடமொன்றில் இரத்த வெள்ளத்தில் கிடந்த சடலத்தை நேற்றுக் காலை மீட்டு பிரேத பரிசோதனைக்காக மட்டக்களப்பு போதனா வைத்தியசாலைக்கு அனுப்பி வைத்துள்ளதாக காத்தான்குடி பொலிஸ் நிலையப் பொறுப்பதிகாரி இன்ஸ்பெக்டர் ஹேரத் தெரிவித்தார்.
இவரின் தலையிலும் காதிலும் கைத்துப்பாக்கியினால் சுடப்பட்டுள்ளதாகவும் சம்பவ இடத்தில் மூன்று வெற்றுத் தோட்டாக்கள் மீட்கப்பட்டதாகவும் பொலிஸார் தெரிவித்தனர்.
சம்பவ தினம் இரவு 6.30 மணிக்கும் இரவு 10 மணிக்கும் இடைப்பட்ட நேரத்திலேயே இவர் கடத்திச் செல்லப்பட்டு சுட்டுக் கொல்லப்பட்டிருக்கலாமென்றும் பொலிஸார் மேலும் தெரிவித்தனர்.
இவரின் காற்சட்டையில் இராணுவப் புலனாய்வுப் பிரிவு உறுப்பினர்களுக்கு வழங்கும் அடையாள அட்டை காணப்பட்டதாகவும் தெரிவிக்கப்படுகின்றது.
கடந்த 6 மாதங்களுக்கு முன்னரும் இவர் துப்பாக்கி சூட்டுக்கிலக்காகி படுகாயமடைந்து உயிர் தப்பியவர் என்பது குறிப்பிடத்தக்கது.
தினக்குரல்
<span style='font-size:20pt;line-height:100%'>Success is not the key to happiness. Happiness is the key to success. If you love what you are doing, you will be successful.</span>