ஒருவகையான உத்தியோகப்பற்றற்ற அரசு

[Mathan]

உலக வங்கிப் பிரதிநிதியின் பத்திரிகைப் பேட்டி குறித்து சர்ச்சை


உலக வங்கியின் இலங்கைக்கான வதிவிட பிரதிநிதி பீட்டர் ஹெரால்ட் கடந்த ஞாயிற்றுக்கிழமை கொழும்பிலுள்ள ஆங்கில வாரப் பத்திரிகை ஒன்றிற்கு வழங்கிய பேட்டியில் கூறியதாக தெரிவிக்கப்படும் கருத்துகள் இலங்கை அரசியல் களத்தில் பரபரப்பையும் சர்ச்சையையும் ஏற்படுத்தியுள்ளது.

'இலங்கையில் புலிகளின் கட்டுப்பாட்டில் என அங்கீகரிக்கப்பட்ட பிரதேசங்கள் இருக்கின்றன; அவை உத்தியோகபற்றற்ற தனிநாடு போன்றவை' என்று பீட்டர் ஹெரால்ட் கருத்து தெரிவித்ததாக அப்பத்திரிகை பேட்டியில் தெரிவிக்கப்பட்டிருந்தது. ஆனால் இலங்கையின் இறையாண்மைக்கு பங்கம் விளைவிக்கும் கண்டிக்கத்தக்க கருத்துகள் இவையென்று கூறி, ஜே.வி.பி. நாட்டுப்பற்றுக்கான தேசிய இயக்கம் போன்றவை போர்க்கொடி தூக்கியிருந்தன.

பீட்டர் ஹெரால்ட் தமது கருத்தினை திரும்பப் பெற வேண்டும்; அல்லது அவர் இலங்கையில் இருந்து திரும்ப அழைத்துக்கொள்ளப்பட வேண்டும் என்று அவை குரலெழுப்பியிருந்தன.

ஆனால் இன்று பத்திரிகையாளர்களிடம் இவ்விவகாரம் குறித்து விளக்கமளித்த பீட்டர் ஹெரால்ட், உத்தியோகப்பற்றற்ற தனிநாடு என்ற பதத்தை தான் பயன்படுத்தியிருக்கவில்லை; பேட்டியெடுத்த பத்திரிகைக்காரர்கள் திரித்து எழுதிவிட்டார்கள் என்று கூறியுள்ளார்.

BBC தமிழ் செய்தி