த்ரிஷா

[Mathan]

சூர்யா த்ரிஷா இணையும் படம்

<img src='http://cinesouth.com/images/new/03032005-THN11image1.jpg' border='0' alt='user posted image'>

"என்ன, இந்தப் பக்கம் ஆளையே காணோம்?"

த்ரிஷாவை பார்த்தால் சென்னைவாசிகள் கேட்கும் கேள்வி இது. மாதத்தில் இருபத்தைந்து நாள்கள் ஹைதராபாத்தில்தான் இருக்கிறார் த்ரிஷா. இப்போது நடித்துக்கொண்டிருப்பது மகேஷ்பாபுவுடன் தெலுங்குப்படம் 'அத்தடு'.

ஆளைக்காணோம் என்று கேள்பவர்களின் வாயை அடைக்க, புதுப்படம் ஒன்றில் கையெழுத்திட்டிருக்கிறார் த்ரிஷா. ஹரி இயக்கத்தில் சூர்யா நடிக்கும் படம் இது.

த்ரிஷா அறிமுகமான படம் 'லேசா லேசா' என்றாலும், முந்திக்கொண்டு ரிலீஸானது 'மௌனம் பேசியதே'. அமீர் இயக்கிய இந்தப்படத்தில் சூர்யாதான் ஹீரோ. மிஸ். சென்னை, முன்னணி மாடல் என்று திரைக்கு வரும் முன்பே பிரபலமாகியிருந்த த்ரிஷாவுக்கு அதிகமான எதிர்பார்ப்பு இருந்தது. ஆனால் 'மௌனம் பேசியதே' பேசாமலே அனைத்தையும் கவிழ்த்துவிட்டது. படம், அதன் இயக்குனர், இசை, ஹீரோ சூர்யா என அனைத்துத் தரப்பினரும் பாராட்டப்பட்டனர், த்ரிஷாவை தவிர! பிரபல பத்திரிகைகளும் அவரை கண்டுகொள்ளவில்லை.

இப்போது காலம் திரும்பியுள்ளது. தமிழிலும் தெலுங்கிலும் அதிக சம்பளம் வாங்கும் நடிகை த்ரிஷா. 'மௌனம் பேசியதே'யில் கிடைக்காத பாராட்டைப் பெற தயாராகி வருகிறார் த்ரிஷா.

இந்தப்படத்தை தயாரிப்பவர் ஹரியின் குரு சரண்.

சினி சவுத்