த்ரிஷா

[Mathan]

<img src='http://cinesouth.com/images/new/28022005-TGS0image1.jpg' border='0' alt='user posted image'>

ஹீரோக்களை முந்தும் த்ரிஷா சம்பளம்

வேலியில் போகிற ஓணானை வேட்டியில் பிடித்து விடுவதில் கெட்டிக்காரர்கள் நம் தயாரிப்பாளர்கள். முற்பகலில் நடிகர்களின் சம்பளத்தை ஏற்றிவிட்டு பிற்பகல் சத்யாகிரகமிருக்கும் சந்தர்ப்பவாதிகள். இவர்கள் ஏற்றிவிட்டு இறக்க முடியாமல் தவிக்கும் சம்பள பட்டியலில் முதலிடத்தில் இருக்கிறார் த்ரிஷா.

'திருப்பாச்சி' வரை தமிழில் த்ரிஷா வாங்கிக்கொண்டிருந்த சம்பளம் 25 முதல் 30 லட்சங்கள். தெலுங்கில் இவர் நடித்த 'வர்ஷம்' ஹிட். 'நு ஒஸ்தானன்டே நேனு ஒத்தன்டானா' சூப்பர் ஹிட். தயாரிப்பாளர்கள் பரபரவென சம்பளத்தை உயர்த்தி எழுபது லட்சத்திற்கு கொண்டு வந்தனர்.

தமிழில் அதிகபட்சம் முப்பது லட்சம் என்பதால், தமிழ் புரொடியூசர்களை கண்டால் கசப்பு மிட்டாய் தின்ற குழந்தையாக முகத்தை திருப்பிக் கொள்கிறார் த்ரிஷா. இவர் மகேஷ்பாபுவுடன் நடிக்கும் 'அத்துடு' படத்திற்கு சம்பளம் 70 லட்சங்கள். இதற்கு கீழ் பத்துகாசு குறைந்தாலும் இந்த சோளக்கொல்லை பொம்மை ஆக்ட் கொடுப்பதில்லை.

இவரை புகழின் உச்சியில் கொண்டு சென்ற 'நு ஒஸ்தானன்டே நேனு ஒத்தன்டானா' பட தயாரிப்பாளர் எம்.எஸ். ராஜூ த்ரிஷாவை அணுகியிருக்கிறார். தான் அடுத்து தயாரிக்கும் 'பவுர்ணமி' படத்திலும் நடித்துத்தர வேண்டும் என்று கேட்க, த்ரிஷா காட்டியது ஏழு விரல்களை. திடீர் அட்டாக்கிற்கு ஆளான ராஜூவுக்கு வேறு வழியில்லை. எழுபது லட்சத்திற்கு 'புக்' செய்துவிட்டு திரும்பியிருக்கிறார்.

மூன்று பாடல்கள், நான்கு சீன்களில் தலைகாட்ட எழுபது லட்சமா? தமிழ் ஹீரோக்கள் ஸ்ரீகாந்த், பிரசாந்த், அர்ஜூன், சரத்குமார் உள்ளிட்ட நடிகர்களின் கேள்வி இது. படம் முழுக்க வில்லனை துரத்தி அடிக்கும் இவர்களுக்கே இந்த சம்பளமில்லை.

காலம் செய்த கோலம்?

Cine South