மீண்டும் கொத்திப் பேய்

[வியாசன்]

புலிகள் பேச்சுக்குப் போனதை
இழிவாகக் கருதியா இந்தஎடுத்தெறிவு?
பலவீனப்பட்டதாலே தான் பணிவு
என்று நினைத்தா இந்த உதாசீனம்?
பிரபாகரனின் கவச குண்டலத்தை
எந்த 'குந்தி' யும் வந்து எடுத்து போகவில்லை
ஆயுதப்போரில் அலுப்புத்தட்டி
தந்ததை வாங்கித் தலைகுனிந்து கொள்ள
பிரபாகரன் 'அரபாத' இல்லையென்பதை
அலரிமாளிகைக்கு அறிவித்துகொள்கிறோம்
கரும்புலி அணியைக் கலைத்து விட்டோம் என்று
அவர்களுக்கு
கனவிற் சொன்ன கடவுள் யார்?
ஏறிமிதிக்கும் இளம்புலி வீரரை
வேறு வேலைக்கா விட்டுள்ளோம்?
மூச்சுகாற்றே நெருப்பு மூட்டும்
பெண்கள் படையணி
கண்ணுக்கு மைபூசியா காலத்தைக் கழிக்கிறது?
கடற் புலிகள் அரிசி ஏற்றிக் கொண்டு
அமெரிக்காவுக்கா போய்விட்டார்கள்?
இல்லையே?
போருக்குத் தயாராக
சீருடையிற்தானே திரிகின்றனர்.
தங்கச்சி தப்புகண்க்குப்போட்டுவிட்டாள்

அனைத்து வரிகளுமே கனல் கக்கும் எரிமலைகள்
மேற்சொன்னவை தெற்கு போட்ட தப்புக்கணக்கை
பிட்டுக்காட்டுகின்றது. தவறான கணக்கு போட்டு அழியப்போகும்
ஒரு இனத்தை என்ன சொல்லி காப்பாற்ற முடியும்