பதில் சொல்லுங்கள் அப்பா எங்கே?

[வியாசன்]

அப்பா எங்கே அம்மா?

மூன்று மாதம் காத்திராமல்
சென்றுவிட்டாயே என் கணவா?
உன் குஞ்சின் முகங்காணாமல்
தூரச் சென்றுவிட்டாயே என்னவா?

உன் பிள்ளை நாளை..
அப்பா எங்கே அம்மாயெனக் கேட்டால்..?
போர் களத்தில் வீரனாயோ?
துரோகியின் சூழ்ச்சிக்கு பழியானாயோ?

அரசியல்துறையில் பணியாற்றி..
அப்பாவியாக போனாயென்று சொல்லவா?
சொல்லடா என்னவா? என்னடா சொல்வேன்?
ஒருநிமிடம் சிந்திக்க வைக்கவில்லை..?
வாழ் நாள் முழுவதும்
சிந்திக்க வைத்துவிட்டாய்.. நான்
மட்டுமில்லையடா.. தென்கிழக்கே
உனைத் தேடி நிற்கிறது..!

இதேவேளை..
எமது குஞ்சு வெளியே வந்து
உனைக் கேட்டால்.. ஐய்யையோ..
என்ன சொல்வேன் என்னவனே?
..ஸ்காபுரோ ஷஷி.


நிதர்சனத்திலிருந்து சுடப்பட்டது

பதில் சொல்லுங்கள் அப்பா எங்கே?