மலரிடம் ஒரு மடிப்பிச்சை...!

[kuruvikal]

<img src='http://kuruvikal.yarl.net/archives/roserose.jpg' border='0' alt='user posted image'>

மனது மயக்கிய
மாய மலரின் நினைவுகள்
மனதோடு தொடரலையாய்
மனக்குகை எங்கும்
மாலைநேரப் பூகம்பமாய்
மரண அதிர்வுகள்
மலைபோல் உறுதிகள் கொள்கைகள்
மறுகணமே மடிகின்றன...!
மலரது வந்து போன
மாயத் தடமெல்லாம்
மனதோடு பொறிக்கப்பட
மறுநாள் கடமை கூட மறந்து போகுது...!
மனதோடு நோயோ
மலரது கொண்டு வந்த வைரஸோ
மலரைத் தவிர
மனதோடு நினைவுகள் "டிலீட்" ஆகின்றன...!
மலரும் நினைவுகள் தந்து
மனதோடு கட்டிவிட்டு
தான் மட்டும் சுதந்திரமாய் சுத்துது
மனது கலங்கி குருவி இயங்குது
மரணம் கூட வருத்துமோ இந்தளவு
மரணித்தும் பார்க்க முடியவில்லை
மலருக்காய் கட்டிய மாளிகை - கூடவே
மாண்டிடுமோ வருத்தம் தான்...!
மாந்தோப்பு அழகு கூட அருவருப்பாய்
மதிய உணவு கூட
மறதிக்குள் மணக்குது
மாயமாய் சுற்றும் மலரே
மயக்கமாய் வருகுது
மடிதாராயோ மயக்கத்திலாவது
மனது சொல்லிட....!

நன்றி... http://kuruvikal.yarl.net/