மூளைக்கு வேலை

[kirubans]

[b][size=14]எனது நாய்க்குட்டி Rocky இன் புதிர் விளையாட்டு.
--------------------------------------------

ஒரு நாள் நானும் எனது செல்ல நாய்க்குட்டி Rocky உம் உலாவுக்குப் புறப்பட்டோம். நானும் Rocky உம் வீட்டு வாசலை அடைந்தவுடன் Rocky ஒரே தாவலாக ஒழுங்கையில் சீரான கதியில் தெருமுனையை நோக்கி ஓடியது. அதே கணத்தில் நானும் தெருமுனையை நோக்கி சீரான கதியில் நடக்க ஆரம்பித்தேன்.

தெருமுனையை அடந்த Rocky திரும்பவும் அதே கதியில் என்னை நோக்கி ஓடி வந்தடைந்து மீண்டும் தெரு முனைக்கு ஓடியது. இவ்வாறு மொத்தமாக நான்கு தடவை Rocky அதே கதியில் தெருமுனைக்கு ஓடுவதும் என்னை வந்தடைவதுமாக விளையாட்டுக் காட்டியது.

Rocky நான்காவது தடவை என்னிடம் வந்த இடத்திலிருந்து தெருமுனை 27 யார் தூரத்தில் இருந்தது. இந்த 27 யார் தூரத்தையும் Rocky எனது கதியிலேயே எனக்கு சமாந்தரமாக ஓடி என்னுடனேயே தெருமுனைக்கு வந்தடைந்தது.

எனது வீட்டு வாசலுக்கும் தெரு முனைக்கும் உள்ள தூரம் 625 அடியாகவும், நான் மணிக்கு 4 மைல் என்ற கதியிலும் நடந்திருந்தால், Rocky என்ன கதியில் தெரு முனைக்கும் எனக்குமாக ஓடி விளையாட்டுக் காட்டியிருந்திருக்கும்?

விளக்கமான விடையுடன் வாருங்கள்.