Breaking News

[Mathan]

கருணா தம்முடன் தொடர்புகளை ஏற்படுத்துவதற்கு முயற்சி செய்வதாக சந்திரிகா தெரிவிப்பு

தமிழீழ விடுதலைப் புலிகள் இயக்கத்திலிருந்து நீக்கப்பட்டுள்ள முன்னாள் மட்டக்களப்பு மாவட்ட தளபதி கருணா தம்முடன் தொடர்புகளை ஏற்படுத்துவதற்கு முயற்சி செய்ததாக சிறிலங்கா ஐனாதிபதி தெரிவித்துள்ளார்.

பலதடவைகள் தம்முடன் தொடர்புகளை ஏற்படுத்துவதற்கு கருணா முயற்சி செய்ததாகத் தெரிவித்துள்ள ஐனாதிபதி, இத்தகைய இரகசியத் தொடர்புகள் எதனையும் மேற்கொள்ளும் திட்டம் எதுவும் தமக்குக் கிடையாது என்றும் குறிப்பிட்டுள்ளார்.

இரகசியமான முறையில் யாருடனும் தொடர்புகளையோ, பேச்சுவார்த்தைகளையோ நடாத்தும் எண்ணம் தமக்குக் கிடையாது எனத் தெரிவித்துள்ள ஐனாதிபதி, கருணாவுடன் எத்தகைய தொடர்புகளை ஏற்படுத்துவது என்பது தொடர்பாகவும், என்ன அடிப்படையில் அவருடன் பேச்சுவார்த்தைகள் நடாத்துவது என்பது தொடர்பாகவும் பின்னரே தீர்மானிக்கப்படும் என்றும் கூறியுள்ளார்.

இதேவேளை, விடுதலைப் புலிகள் இயக்கத்தின் தலைமையுடன் பல்வேறு விதமான தொடர்புகள் தமக்குக் காணப்படுவதாகவும் தெரிவித்துள்ள இவர், இந்தத் தொடர்புகள் பற்றிய விபரங்கள் எதனையும் இப்போது வெளியிட முடியாது எனவும் குறிப்பிட்டுள்ளார்.

நன்றி - புதினம்