தமிழரின் அடையாளத்துவம்

[Eelavan]

நல்லது நண்பர்களே
மொழியாயினும் சரி மதமாயினும் சரி இனமாயினும் சரி காலத்துக்கேற்ற மாற்றம் நிகழ்தல் அவசியம் இல்லாவிட்டால் அவை அழிவது திண்ணம்
தமிழர் என்னும் இனத்தின் வராலாறு தோற்றம் என்பன பலநூறு வருடங்களெனக் கூறப்படுகின்றது.அப்படியெனில் தோன்றிய காலத்துத் தமிழர் கலாச்சார,பண்பாட்டு,வாழ்க்கை முறைக்கும் இன்று நாம் வாழ்ந்துவரும் வாழ்க்கை முறைக்கும் நிறைய வேறு பாடு உண்டு

உதாரணத்துக்கு எடுத்துப் பார்த்தால் இனத்தின் அடிப்படைக் கட்டமைப்பான குடும்ப அமைப்பு முறைகளிலே நிறைய மாற்றங்கள்,வழிபடும் சமய முறைகளில் நிறைய மாற்றங்கள் காலத்திற்கேற்ப ஒத்து வருபவற்றை ஏற்றும் ஒவ்வாதவற்றை விலக்கியும் தமிழினம் இன்று நூற்றாண்டுகளைக் கடந்து நிற்கிறது

பொதுவாகச்சொன்னால் இனத்திற்கென இது தான் வரையறை என வகுப்பது கடினம் ஒரு தமிழன் இப்படித்தான் இருக்க வேண்டும் என வரையறுப்பது கடினம் ஆனால் தமிழர் என்ற இனத்தின் பழக்க வழக்கங்கள்,கலாச்சார நடைமுறைகளை எடுத்துக் காட்டலாம்

தமிழினத்துக்கு தனித்துவமான இயல்பு என்று சொன்னால் அடிப்படைத் தகமை மொழி எனவே தமிழை எமது இனத்தின் தனித்துவப் பண்புகளில் ஒன்றாகக் கொள்ளலாம்

நாம் கூட மேற்கத்தைய கலாச்சார முறைப்படி உடை அணிகிறோம் சாப்பாட்டு முறைகளில் பல்வேறுபட்ட இனக்களின் முறைகளை கலக்கின்றோம் அப்படிப் பார்த்தால் சுத்தத் தமிழன் யாருமே இல்லை B.B.C