கனடிய தேர்தல் - 2006

[அருவி]

ரமா நீங்கள் சொல்வதன் படி, பெரும்பலான தமிழர்கள் லிபரல் கட்சிக்கே வாக்களத்துள்ள அதேவேளை கணிசமானோர் புதிய ஜனநாயகக் கட்சிக்கும் வாக்களித்துள்ளனர்.

ஆனால் கொன்சர்வேட்டிவ் கட்சி விடுதலைப் புலிகளை தடை செய்யப்பேவதாக அறிவித்ததார்கள் என்பதற்காக அவர்கள் ரொறன்ரோவில் தோல்வியடையவில்லை.

கனடாவின் அனைத்து நகர்புற தேர்தல் தொகுதிகள் எவற்றிலும் கொன்சர்வேட்டிவ் கட்சி வெற்றி பெறவில்லை, மாறக லிபரலும், என்.டி.பியுமே வென்றுள்ளன.

கடந்த சில தேர்தல்களில் ரொறன்ரோ பெரும்பாகத்தின் எந்தவொரு தேர்தல் தொகுதியிலும் கொன்சர்வேட்டிவ் கட்சி வெற்றி பெறவில்லை.

பொதுவாகப் பார்த்தால் கனடாவின் கிழக்குப்பகுதியில் லிபரல் கட்சியும் மேற்குப்பகுதியில் கன்சேர்வேட்டிவ் கட்சியும் பெரும்பான்மை வாக்குகளைப் பெற்றிருக்கிறார்கள்.
கனடாவின் கிழக்குபகுதி குறிப்பாக ஒன்ராரியோ மாநிலம் அதிகளவு குடிவரவாளர்களைக் கொண்ட பகுதி. குறிப்பாக ரொறன்ரோ பெரும் பாகத்தில் எந்தவொரு பகுதியிலும் கனசர்வேட்டிவ் கட்சி வெற்றி பெற முடியாது போனதற்கு தமிழர்கள் மட்டும் காரணமல்ல, ஒட்டுமொத்த ரொறன்ரோ பெரும்பாக வாக்காளர்களுமே காரணம். இப்பிரதேசமே கனடாவில் அதிகளவு குடிவரவாளர்களைக் கொண்ட பிரதேசமாகும். இதில் லிபரல் கட்சியும் புதிய ஜனநாயகக் கட்சியும் வென்றிருந்தார்கள். ரொறன்ரோ, மொன்றியல், வன்குவர் ஆகிய குடிவரவாளரின் தெரிவாக உள்ளதும் கனடாவின் பொருளாதாரத்திலும் ஆதிக்கம் செலுத்தும் இம் மூன்று முக்கிய நகரங்களிலும் கன்சர்வேட்டிவ் கட்சியினால் ஒரு ஆசனத்தைத்தானும் பெற முடியவில்லை.