குறுக்கு வழிகள்

[E.Thevaguru]

<b>குறுக்குவழிகள் - 101</b>

Prefetch போல்டரை இடைக்கிடை சுத்தம் செய்ய வேண்டுமா?

Xp யில் Windows போல்டரினுள் உள்ள Prefetch போல்டரை Disk clean-up செய்கையில் சுத்தம் செய்யவேண்டும் என்றுதான் இதுவரை எண்ணியிருந்தேன். ஆனால் தகுந்த ஆதாரங்களுடன் ஒரு கட்டுரை படித்தபின் ஒருகாலும் சுத்தம் செய்யவே கூடாது என எண்ணத்தை மாற்றிக்கொண்டுள்ளேன். (அக்கட்டுரையை எழுதியவர் Microsoft க்காக வேலை செய்யும் ஒருவர்தான்.) அப்படி சுத்தம் செய்தாலும் Windows மீண்டும் அவைகளை உண்டாக்கிக்கொள்ளும். அத்தோடு ஒப்பீட்டளவிலும் தேவைக்கு அதிகமாக ஹாட்டிஸ்க்கில் அதிக இடத்தை பிடித்துக்கொள்ளாது. கம்பியூட்டரின் செயற்திறனை அதிகரிக்கவேண்டிய நோக்கோடு மெமறியில் ஏற்றம் பெற கோப்புக்களை அதிக பட்சம் 128 எண்ணிக்கையை மாத்திரம் Prefetch தன்னகத்தே அடக்கிகொள்ளும். இந்த 128 ல் புதியன வரவர பாவிக்கப்படாத பழையன கழிந்து போகிறது. இந்த பையில் களில் காணப்படுவது பக்கங்களின் (Index) பட்டியல் தவிர பக்கங்களின் பிரதிகளல்ல என கூறப்படுகிறது.புதிதாக வரவுள்ள அடுத்த Windows பதிப்பில் Super Prefetch என மாற்றம்பெறுவதுடன் திறனும் அதிகரித்து காணப்படுமாம்.

1. மீண்டும் உண்டாக்கப்படுகிறது.
2. ஹாட்டிஸ்க்கின் அதிக இடத்தை பிடிக்கவில்லை.
3. பழையனவற்றை கழிக்கிறது.
4. நாமாக Prefetch ஐ சுத்தம் செய்தவுடன் வேகம் தற்காலிகமாக குறைகிறது.

எனவே நாம் ஏன் அதை சுத்தம் செய்யவேண்டும்?. முக்கியமான போல்டர் இன்றேல் அதை ஏன் உண்டாக்கியிருக்கவேண்டும். முக்கியமான Windows போல்டரினுள் கொண்டுவந்து வைக்கவேண்டும். வெட்டவேட்ட தழைக்கும்படி ஏன் செய்தார் Bill Gates?

சுத்தம்செய்து சில தினங்கள் வரை வேகம் குறைந்து, பின் அந்த போல்டரினுள் மீண்டும் பைல்கள் உண்டாக்கப்பட்டவுடன் வேகம் இயல்பு நிலையை அடைகின்றன. எனவே சுத்தம் செய்வது எதிர் விளைவையே உண்டாக்குகிறது.

மேலதிக தகவல்களுக்கு இந்த லிங்ஐ கிளிக்பண்ணி அந்த ஆங்கில கட்டுரையை படிக்கவும்.

http://www.edbott.com/weblog/?p=743#comments