பிறமொழி ஆக்கங்கள் என்ற பக்கம் தேவையா ??????

[Mathan]

யாழ்களத்தில் முடிந்தவரையில் தமிழை பயன்படுத்த வேண்டும் என்பதே நமது விருப்பம். அண்மையில் ஆங்கில ஆக்கங்களை களத்தில் இணைப்பது தொடர்பில் சில பிரச்சனைகளை உருவாகி அதனை தொடர்ந்து கள உறுப்பினரிடையே கசப்புணர்வுகள் உண்டாகின. அவற்றை தவிர்க்கவே கள விரிவாக்கத்தின் போது பிறமொழி ஆங்கங்களுக்கு என ஒரு தனிப்பிரிவு உருவாக்கப்பட்டது. முழுக்க முழுக்க பிற மொழிகளில் இணைக்கப்படும் ஆக்கங்கள் மட்டுறுத்தினர்களால் அடையாளம் காணப்படும் போது ஏனைய பிரிவுகளில் இருந்த இந்த பிரிவுக்கு முடிந்தவரையில் நகர்த்தப்படுகின்றது.

பிறமொழி ஆக்கங்களை இணைக்க விரும்புவோர் தல குறிப்பிட்டது போல அவற்றை தமிழில் மொழிபெயர்த்து இணைத்தால் சிறப்பாக இருக்கும். அவற்றை முழுமையாக மொழிபெயர்க்க முடியாதபோது குறைந்தபட்சம் அவற்றின் கருத்து சுருக்கத்தையாவது தமிழில் மொழிபெயர்த்து இணைக்க வேண்டும். கள உறுப்பினர் திருமகள் சண்டே டைம்ஸ் செய்திகளில் அவர் கவனத்தை ஈர்த்தவற்றை தமிழில் மொழிபெயர்த்து அதனுடன் தன்னுடைய கருத்தையும் சேர்த்து செய்திகள் பகுதியில் இணைத்திருந்தார். அது பலரையும் இலகுவாக சென்றடைந்தது என்பதை கவனிக்க வேண்டும். அது தவிர மருத்துவம் தொடர்பான இந்த கட்டுரையையும் உதாரணமாக கொள்ளாலாம்.

http://www.yarl.com/forum/viewtopic.php?t=7468

பிறமொழி ஆக்கங்களை மட்டுறுத்தினர்கள் தமிழில் மொழிபெயர்த்து இணைப்பது சாத்தியமற்ற ஒன்று, இனிமேல் புதிய ஆக்கங்களை தமிழ் தவிர்ந்து பிறமொழிகளில் இணைக்கும் போது குறைந்தபட்சம் சுருக்கத்தையாவது தமிழில் இணைப்போமா?