அறுபடும் வேரும் அந்நியமாகும் உறவுகளும்...

[Nanban]

அங்கென்றும் இங்கென்றும்
எங்கும் நிறைந்திருக்கும்
இறைவனுக்கடுத்து
இன்று தமிழினமே...

ஒரு குட்டித்தீவை மட்டுமே
துளைத்துக் கொண்டிருந்த வேர்கள்
இன்று பூமிப்பந்தின்
சகல எல்லைகளையும் குடைகிறது.

எங்குமே சிக்காமல் போவதில்லை
வியர்த்து நிற்கும் வேர்களுக்கு - நீர்.
எந்த ந்திக்கரையிலும் இளைப்பாறிடாது
இந்த வேர்கள் பயணிக்கட்டும்
மகா சமுத்திரங்கள் வழியே
குட்டித்தீவின் கரைகள் தொட்டு
கிளர்ந்தெழும் புது கிளை இலை கொண்டு
புதுப்புது வாசனை கொண்ட
பூக்களை காற்றிலாட வைக்கும் வரையிலும்
வேர்கள் வேர்க்கட்டும் ஓய்வின்றி...