விண்ணியல் விநோதங்கள்...

[Mathan]

டிஸ்கவரி திருத்த வேலை வெற்றிகரமாக முடிந்தது

<img src='http://newsimg.bbc.co.uk/media/images/41372000/jpg/_41372891_nasa203indextile.jpg' border='0' alt='user posted image'>
<b>திருத்தம் செய்யப்பட்ட பகுதி</b>

அமெரிக்காவின் டிஸ்கவரி விண் ஓடத்தின் வீரரான ஸ்ரிபன் றொபின்சன், அதனது திருத்த வேலைகளை வெற்றிகரமாகச் செய்து முடித்துள்ளார்.

இயந்திரக் கை ஒன்றின் மூலம் வெளியே இறக்கப்பட்ட றொபின்சன், ஓடத்தின் அடிப்பாகத்தை அணுகி, வெப்பந் தாங்கும் ஓடுகளுக்கு இடையில் துருத்திக் கொண்டிருந்த துணித் துண்டுகளை அகற்றினார்.

ஓடம் மீண்டும் பூமிக்குத் திரும்பும் போது வெப்பம் அதிகரித்து, அது தீக்கிரையாவதை தடுக்க இந்த அவசரத் திருத்த வேலை அவசியம் என்று கருதப்பட்டது.

விண் வெளியில் ஓடிக்கொண்டிருக்கும் ஒரு ஓடத்துக்கு வெளியே போய் இப்படி ஒரு திருத்த வேலையைச் செய்வது இதுவே முதற்தடவை என்று கூறப்படுகிறது.

இரண்டரை வருடங்களுக்கு முன்னர் கொலம்பியா விண் ஓடம் பூமிக்கு திரும்பிக் கொண்டிருக்கும் போது, அது வெப்பமடைந்து (தீப்பிடித்து), அதிலிருந்த 7 வீரர்கள் கொல்லப்பட்ட சம்பவம் போன்று மீண்டும் ஏற்படாமலிருக்க இந்த திருத்த வேலை செய்யப்பட்டது

BBC தமிழ்