வடகிழக்கு மனித உரிமைகள் செயலகம் (NESOHR)

[Kanani]

<b>வடகிழக்கு மனித உரிமைகள் செயலகம்
NorthEast Secretariat on Human Rights (NESOHR) </b>


வடகிழக்கு மனித உரிமைகளுக்கான செயலகம் அனைத்துலக மனித உரிமைகள் பிரகடனம், குடியியல் அரசியல் உரிமைகளுக்கான சர்வதேச கூட்டு உடன்படிக்கை, இன ரீதியான பாரபட்சத்தின் அனைத்து வடிவங்களையும் இல்லாதொழிப்பதற்கான அமைப்பு, மனித உரிமைகள் தொடர்பான ஏனைய கருவிகள் ஆகியவை எமது மக்களுக்கு எதிரான வன்;;முறையைக் குறைப்பதற்கு பயன்விளைவுள்ள வகையில் பங்களிப்புச் செய்யவில்லை என்பதை உணர்ந்து, தேசிய சர்வதேச ரீதியில் மனித உரிமைகள்;, அடிப்படைச் சுதந்திரங்கள் என்பவை தொடர்பான அறிவை மேம்படுத்தவும் அவற்றுக்கு மதிப்பளிக்கவும் தனிநபர், குழுக்கள், நிறுவனங்களுக்கு இருக்கும் உரிமையையும் பொறுப்பையும் மனதில் ஏற்று வடக்குக் கிழக்கிலுள்ள மனித உரிமைகள் செயற்பாட்டாளர்கள் குழுவொன்றினால் உருவாக்கப்பட்டது.

வடகிழக்கு மனித உரிமைகள் செயலகம் NESOHR வடகிழக்கிலுள்ள அனைவரதும் மனித உரிமைகளைப் பாதுகாக்கவும் மேம்படுத்தலை நோக்கமாகக் கொண்டது.

<i>அதன் செயற்பாடுகள்:</i>

மனித உரிமை மீறல்கள் தொடர்பான சான்றுகளைச் சேகரிப்பதுடன் அவை தொடர்பான தகவல்களை உறுதிப்படுத்துவதற்கும், ஆவணப்படுத்துவதற்குமென இடம் பெயர்ந்தோர் வாழும் முகாம்கள், தடுப்புக் காவல் நிலையங்கள், சிறைச்சாலைகள் போன்றவற்றுக்கு செயலாய்வுக் குழுக்களை அனுப்பும்.

வடகிழக்கில் இடம்பெறும் மனித உரிமை மீறல்கள் தொடர்பான அவசர மேல் முறையீடுகள், பத்திரிகைத் தகவல்கள், அறிக்கைகள், வெளியீடுகள் போன்றவற்றை விநியோகிக்கும்.

தேசிய சர்வதேசிய ரீதியிலான வெளியீடுகள், மாநாடுகள், கருத்தரங்குகள், கல்விச் சுற்றுலாக்கள், போன்றவற்றினு}டாக தனிநபர்கள், குழுக்களுக்கு மனித உரிமைகள் தொடர்பான விழிப்புணர்வை உருவாக்கி அவற்றை வளர்த்தெடுக்கும்.

தகவல்களைப் பெறும்பொருட்டு பரஸ்பர ரீதியில் நன்மையளிக்கும் கூட்டுறவை விருத்தி செய்வதற்கும், வடகிழக்கில் மனித உரிமைக் கலாச்சாரத்தை மதிக்கவும் வளர்த்தெடுப்பதற்குமான செயற்பாட்டை ஆரம்பித்து வைப்பதற்கும் தேசிய சர்வதேசிய அரச அமைப்புகள், அரச சார்பற்ற நிறுவனங்களுடன் தொடர்பை உருவாக்கும்.

செயலகம் உங்களுக்கு எப்படி உதவும்?

எல்லா மனித உரிமைகள் சம்பந்தமான விடயங்களையும் ஆய்வு செய்தல்

இலவச சட்ட ஆலோசனைகளைப் பெற்றுக்கொடுத்தல்

உங்களுக்குத் தேவையான மனித உரிமைகளின் பாதுகாப்பை விசாரித்தறியும் மனிதத்துவத்தை மதித்தல்

மனித உரிமைகள் பற்றிய கல்வியை வழங்கல்

NESOHR பட்டாயத்தின் மூல ஏற்பாடுகள்

இலங்கைத் தீவின் வடகிழக்கு பகுதியில் வாழுகின்ற எல்லா மக்களது உரிமைகளுக்கும் பாதுகாப்புக்கும் நிசோர் அமைப்பு கடப்பாட்டைக் கொண்டுள்ளது. சர்வதேச மனித உரிமை பிரகடனம், சர்வதேச மனித உரிமைகள் கூட்டமைப்பாளர்கள், ஆபிரிக்க நாட்டின் மனித உரிமைகள் பிரகடனம், பெண்களுக்கெதிரான எல்லாவகையான பாகுபாடுகளையும் ஒழிக்கும் மாநாடு, சிறுவர்களின் உரிமைகளுக்கான மாநாட்டு கருத்துக்களையும், ஐ.நா.வின் குறைந்த அளவிலான கைதிகளின் பராமரிப்பு விதிகளையும் தனது பட்டயத்தில் கொண்டுள்ளது. எதிர்பார்க்கப்படும் நல்ல நோக்கத்திற்கான சூழ்நிலையிலும் அடிப்படை உரிமைகள் வரையறுக்கப்படவோ, செயலிழக்கப்படவோ மாட்டாது. மேலும் மனித உரிமைகள் செயலகம் வடக்குக் கிழக்கில் வாழும் சுதந்திர வேட்கைகொண்ட ஒவ்வொருவரினதும் குடியியல் உரிமைகளை நம்பிக்கையுடனும் எந்த மரியாதையுடனும் பற்றிநிற்கிறது.

குடிசார் அரசியல் சமூக பொருளாதார மற்றும் பண்பாட்டு உரிமைகள் போன்ற அடிப்படை உரிமைகள் உள்ளடக்கிய ஐக்கிய நாடுகளால் பிரகடனப்படுத்தப்பட்ட மனித உரிமைகளை பாதுகாக்கும் அம்சங்களை மனித உரிமைகள் பட்டயம் உள்ளடக்கியுள்ளது. சிறுவர், பெண்கள் போன்ற குறிப்பிட்ட வகையினர் உரிமைகளைப் பாதுகாக்கும் பணியையும் தம் வேலைத்திட்டத்தில் அடக்கியுள்ளது. அரசியல் உரிமைகள் மட்டுமல்லாது பெண்கள், சிறுவர்களின் உரிமைகளைப் பாதுகாப்பதையும் தனது அவசர வேலைத்திட்டத்தில் கொண்டுள்ளது.

[Kanani]

<b>வடக்குக்கிழக்கு மனித உரிமைகள் செயலகத்தினால் உறுதிப்படுத்தப்பட்ட உரிமைகள்</b>

<b>அரசியல் உரிமைகள் </b>

1.1 எல்லா மனிதர்களுக்கும் சுதந்திரமாக கருத்துக்களை வெளியிடவும் தங்களது அரசியல் அபிலாசைகள், சமய நம்பிக்கைகள் உட்பட மனச்சாட்சியில் சரியெனப்பட்டவற்றைத் தெரிவிப்பதற்கும்,

1.2 எல்லா மனிதர்க்கும் சுதந்திரமாக தங்கள் கருத்தையும் நம்பிக்கையையும் தடையின்றி வெளிப்படுத்துவதற்கும்

1.3 எல்லா மனிதர்க்கும் சமாதானமாகக் கூடுவதற்கும் அந்நியோன்னியமாக மற்றவர்களுடன் பழகுவதற்கும்

1.4 எல்லா மக்களும் சுதந்திரமாகத் தேர்தல்களில் வாக்களிப்பதற்கும்

1.5 எல்லா மனிதர்களும் அரசியலில் பங்குகொள்வதற்கும் அரசியல் கட்சிகளில் இணைவதற்கும் தடையற்ற வகையில் பிரசாரம் செய்வதற்கும்

1.6 காலத்துக்குக் காலம் நடைபெறும் தேர்தல்களில் தாம் விரும்பிய அரசைத் தெரிவு செய்வதற்கும் ஒவ்வொரு மனிதர்களும் தடையற்ற தகுதி பெற்றவர்கள்.

1.7 எல்லா மனிதர்களும் அரச சேவையில் இணைவதற்கும் பதவிகளில் தெரிவுசெய்யப்படுவதற்கும்

1.8 எல்லோரும் அரச அலுவலர்களுடன் தங்கள் குறைகள் தொடர்பில் பரிகாரம் தேடுவதற்கும் மனுவை சமர்ப்பிப்பதற்குமான உரிமை பெற்றவர்கள்.



<b>உறுதிப்படத்தப்பட்ட பெண்கள் உரிமைகள் </b>

2.1 ஆண்களுக்குச் சமமாக கணிக்கப்பட பெண்களுக்கு உரிமையுண்டு

2.2 ஆண்களைப் போன்ற தரத்துடன் ஒத்த அல்லது சமனான நிலைப்பாட்டில் தொழிலில் அமர்த்தப்பட்டுள்ள பெண்களுக்கும் ஆண்களைப்போன்றே ஊதியம் பெற உரிமையுண்டு.

2.3 திருமணத்திலும் பெண்கள் சமமான உரிமையுடையவர்களே.

2.4 சகல வடிவங்களிலும் காணப்படும் சுரண்டுதல்களிலிருந்து தங்களைப் பாதுகாப்பதற்கு பெண்கள் உரித்துடையவர்கள்

2.5 பெண்கள் தொழில் புரியும் காலத்தில் பிள்ளையைப் பிரசவிப்பதற்கு முன்பும் பின்பும் நியாயமான காலத்திற்கு சம்பளத்துடன்கூடிய விடுப்பைப்பெற உரித்துடையவர்கள்



3. <b>உறுதிப்படுத்தப்பட்ட சிறுவர்களின் உரிமைகள்</b>

3.1 எல்லா சிறுவர்களும் பெயரை வைத்துக்கொள்வதற்கு உரித்துடையவர்கள்.

3.2 திருமணப் பிணைப்பில் பிறந்த பிள்ளைகள் அனுபவிக்கும் உரிமைகள் அவ்வாறற்ற பிள்ளைகளுக்கும் உண்டு.

3.3 தொடக்கக் கல்வியை பெறுவதற்கான வழிகளையும் இலவச, கட்டாய ஆரம்பக் கல்வியை உள்ளடக்கிய கல்வியை பெறுவதற்கும் உரித்துடையவர்கள்.

3.4 தொழில் முறைப் பயிற்சிகளையோ ஏனைய தொழில் பயிற்சிகளையோ இலவசமாகப் பெறுவதற்கு உரித்துடையவர்கள்.

3.5 கைது செய்யப்படும் சிறார்களுக்கு புனர்வாழ்வு கோருவதற்கு உரிமையுண்டு.

3.6 புறக்கணிப்பில் இருந்தும் கொடுமைகளில் இருந்தும் சுரண்டல் நிலைகளிலிருந்தும் தங்களைப் பாதுகாப்பதற்கான உரிமையுடையவர்கள்.

3.7 சிறுவயதில் வேலைக்கமர்த்தப்படுவதிலிருந்து விடுபடும் உரிமையுடையவர்கள்.

3.8 விளையாட்டுக்களிலும் பொழுதுபோக்கு நிகழ்வுகளிலும் வாய்ப்புப் பெறுவதற்கு உரிமையுடையவர்கள்.

3.9 எல்லா சமூக சேவைகளை ஆற்றுவதற்கும் உரிமையுடையவர்கள்.

3.10 சிறுவர்களுக்குத் தங்கள் எண்ணங்களை அவர்கள் விருப்பத்திற்கேற்ப வெளிப்படுத்துவதற்கு உரிமையுண்டு. இவை சுதந்திரமான தேடுதல் செய்யவும் அறிவுறுத்தல்களைப் பெறுவதற்கும் பலவிதமான எண்ணக் கருக்களைப் பெறுவதற்கும் எந்த நிலையிலும் விஞ்ஞான அறிவைப் பெறுவதற்கும் அவற்றை வாய்மூலமாகவோ, எழுத்துவடிவத்திலோ, வர்ணம் தீட்டல் மூலமோ படம் வரைதல் வாயிலாகவோ அல்லது வேறு சிறுவர்களுக்கான ஊடகங்கள் மூலமோ வெளிப்படுத்த முடியும்.

3.11 இராணுவ சேவையிலோ அல்லது இராணுவப் பிரிவிலோ அல்லது போரிடும் குழுவிலோ இணைக்கப்படாமல் இருப்பதற்கு சிறுவர்களுக்கு உரிமையுண்டு.

நன்றி தமிழ்நாதம்